|
غضو النظر عني تراني حلاله
الــسلام علــيكم ورحــمة الــلــه هــذي اول روايــه لــي واتــمنــى تــعجــبكم واتــمــنى انــكم مــا تــبــخــلون عــلي بــالردود ولــو سمــحــتو ممــنووووع نــقل الــروايــه لانــها مــلك شـخــصــي البارت الاول البارت الثاني البارت الثالث البارت الرابع البارت الخامس البارت السادس البارت السابع البارت الثامن البارت التاسع http://www.liilas.com/vb3/t152932-30.html البارت العاشر http://www.liilas.com/vb3/t152932-32.html البارت الحادي عشر http://www.liilas.com/vb3/t152932-35.html#post2687066 البارت الثاني عشر http://www.liilas.com/vb3/t152932-39.html#post2696123 البارت الرابع عشر http://www.liilas.com/vb3/t152932-44.html#post2703972 البارت الثالث عشر http://www.liilas.com/vb3/t152932-41.html#post2701985 البارت الخامس عشر http://www.liilas.com/vb3/t152932-47.html#post2710562 البارت السادس عشر http://www.liilas.com/vb3/t152932-49.html البارت السابع عشر http://www.liilas.com/vb3/t152932-52.html#post2718929 البارت الثامن عشر http://www.liilas.com/vb3/t152932-54.html البارت التاسع عشر http://www.liilas.com/vb3/t152932-57.html البارت العشرون http://www.liilas.com/vb3/t152932-59.html البارت الواحد و العشرون http://www.liilas.com/vb3/t152932-62.html البارت الثاني و العشرون http://www.liilas.com/vb3/t152932-64.html البارت الثالث و العشرون http://www.liilas.com/vb3/t152932-67.html البارت الرابع و العشرون http://www.liilas.com/vb3/t152932-70.html البارت الخامس و العشرون http://www.liilas.com/vb3/t152932-73.html البارت السادس و العشرون http://www.liilas.com/vb3/t152932-76.html#post2774123 البارت السابع و العشرون http://www.liilas.com/vb3/t152932-79.html البارت الثامن و التاسع و العشرون http://www.liilas.com/vb3/t152932-82.html البارت الثلاثون http://www.liilas.com/vb3/t152932-84.html البارت الواحد و الثلاثون http://www.liilas.com/vb3/t152932-85.html البارت الثاني و الثلاثون http://www.liilas.com/vb3/t152932-89.html البارت الثالث و الثلاثون http://www.liilas.com/vb3/t152932-97.html البارت الرابع و الثلاثون http://www.liilas.com/vb3/t152932-102.html البارت الخامس والثلاثون http://www.liilas.com/vb3/t152932-105.html البارت السادس و الثلاثون http://www.liilas.com/vb3/t152932-107.html#post2799635 البارت السابع و الثلاثون http://www.liilas.com/vb3/t152932-116.html#post2805492 البارت الثامن و الثلاثون http://www.liilas.com/vb3/t152932-120.html البارت التاسع و الثلاثون http://www.liilas.com/vb3/t152932-123.html البارت الأربعون http://www.liilas.com/vb3/t152932-126.html البارت الواحد و الاربعون http://www.liilas.com/vb3/t152932-127.html البارت الثاني و الأربعون http://www.liilas.com/vb3/t152932-130.html البارت الثالث و الاربعون http://www.liilas.com/vb3/t152932-133.html#post2818993 البارت الرابع و الأربعون http://www.liilas.com/vb3/t152932-136.html البارت الخامس و الأربعون http://www.liilas.com/vb3/t152932-139.html البارت السادس و الأربعون http://www.liilas.com/vb3/t152932-141.html البارت السابع و الأربعون http://www.liilas.com/vb3/t152932-143.html البارت الثامن و الأربعون http://www.liilas.com/vb3/t152932-144.html البارت التاسع و الأربعون http://www.liilas.com/vb3/t152932-148.html البارت الخمسون http://www.liilas.com/vb3/t152932-153.html البارت الواحد و الخمسون http://www.liilas.com/vb3/t152932-155.html البارت الثاني و الخمسون http://www.liilas.com/vb3/t152932-159.html البارت الثالث و الخمسون http://www.liilas.com/vb3/t152932-162.html البارت الرابع و الخمسون http://www.liilas.com/vb3/t152932-164.html البارت الخامس و الخمسون http://www.liilas.com/vb3/t152932-166.html البارت السادس و الخمسون http://www.liilas.com/vb3/t152932-167.html البارت السابع و الخمسون http://www.liilas.com/vb3/t152932-169.html البارت الثامن و الخمسون http://www.liilas.com/vb3/t152932-170.html البارت التاسع و الخمسون http://www.liilas.com/vb3/t152932-173.html البارت الستون http://www.liilas.com/vb3/t152932-175.html البارت الواحد و الستون http://www.liilas.com/vb3/t152932-178.html البارت الثاني والستون http://www.liilas.com/vb3/t152932-181.html تــوكلــت عــلى الــلــه الـــــــــبــــــــارت الاول ......بصراخ مؤلم:ليه ياوضحه ليه (ورجع يكمل مابدى من ضرب على جلدها الذي من شدة نعومته وبياضه وترافته الذي تميزت به عن غيرها من النساء) وضحه وهي تبكي قذف عرضها باطلا:تكفى ياناصر لا تظلمني والله يامن قال ذا الحكي انه يكذب عليك ناصر بغضب هادر مستهزء:ليه يابنت عمي ليه ياللي خذيتي القلب والروح وضحه بصوتها الباكي:والله مادخلته ولاأدري من ادخله ناصر وهو يوقف من ضربه ويرفع ظهره المنحني ليفجر قنبلته: وضحه انتي طالق وتراش علي مثل امي علي ............................................................ .................................................... هاهو العمر يجري وأصبحا كبيرا سن ولازالا يتقاسمان الهم والقلق والتوتر وهما يجلسان في بيت الشعر وهو اكبر خيمه في مخيمهم لأنه مجلس الرياجيل .........:شفيش ياشاهه شاهه(ام سعد) بقلق:مدري وش اقولك يالطام لطام (ابوسعد)وهو يرشف من فنجاله:عساه خير ام سعد:تكفى يالطام كاسرات ظهري بنات ناصر ابوسعد بحزم:كم مره قلت لش لاعاد تقولين تكفى بعدين ماعلى بنات ناصر خلاف ام سعد وصوتها ينحدرللبكاء خوفا على حفيداتها:ياخوفي لاتردى حظوظهن (وبدت تبكي بصوت مكتوم) ابوسعد بهدوء:بحيل الله مايبورن وهن صالحات وابيهن ناصر ام سعد وهي تبكي: ماحد(ن) بقايل صالحات الا بيقولون غدن لأمهن ابوسعد بغضب وصدمه:يكرمن بنات ناصر ام سعد برجاء:لاتخلي العرب ينهشونهم عقب عيني بالذات شاهه اللي ذاقت اللقعات والحرات من عادها بزر ابوسعدبحزم:والله مايتعرض لهن احد الا وأقطعه وانا ابن سعد ثم اردف بعصبيه خفيفه:ماتعلميني وش طرا عليش تجيبين ذا الطاري الامحق ام سعد بعد ماهدت :قومي الشين ناصر مشينن فالهن ولطام دايس(ن) عليهن وهو ماله عليهن كلمه ابوسعد بضيق وعصبيه :وليه يوم انشدش تقولين ماعليهن الا العافيه ومرتاحات ام سعد:مابي مشاكل وشاهه جعلها تحيا تحلف اني ماكدر خاطرك بذا الطواري ابوسعد بغضب:هاوالله ان قد ازين مطحونهم ذا الساعه (ازين مطحونهم=اعنفهم بشده) ام سعد:لاتوجعهم بالحكي جدا ............................................................ ............................................................ .... اما في خيمة قعدة الحريم وهي ترقص حواجبها: اي وانا بنت ابي والله ان قد تنزلين ورقش فتردعليها مبرره:والله من الغش فترد هي الاخرى بتكبر مازح:لاوالله غار قومه شكالة راسي(شكالة =طيب) وهي تخبص ورق الجنجفه:ايه اللي قاعد قدامي علي مهب عليا عليا تدلع بزياده:نويره حرام عليش ماعينتي الا انا ام الانوثه نوره توزع الورق:جعلني العما ان كان ذا الدلع فيش عليا :هههههههههه كل ذا حرت(ن) مني عشاني غلبتش نوره وهي توعدها:هذا الميدان ياحميدان رويني وش بتسوين اما في الطرف الثاني من الخيمه ام لطام بتساؤل:يابنات انا ماشفت شاهه اليوم ثمينه وهي تلاعب ضيدان:يعني وينها اكيد في خيمة المطبخ ام نهاربحب:ياجعلني قبلها عز الله انها ظفره بنت ناصر ام لطام بموده:ياجعل ربي يكبر حظها ام نهار :آمين وحظ اخياتها ام لطام:هاقومي ياثمينه انتي وخواتش وعاوننها حصه:جعلني فداها حلفت ماحد منا يدخل المطبخ ولا يلمس شي في ذا الكشته نوره وهي تقعد جمب امها وتضم عضدها :يمه ام نهار:لبيه نوره:يمه قولي لنهار يخلينا نجربع اليوم ثمينه بترجي:اي والله تكفين يمه وانتي كلمي بداح عليا وهي تلم ام نهار:تكفين يابنت لطام ماتقولين لا ام نهاربابتسامه تخفيها تحت برقعها:ماتعلميني يومش كل ماهنا قمتي تنخيني هو به علم(ن) يستاهل الموضوع كله جربعه عليا وهي تضحك:ههههههههههه عشان تاخذش الحميا وتوافقين دخلت بعودها الريان الذي لطالما يسحر الالباب وهي تنزع برقعها الذي لبسته منذ ان كانت فتاة الثانيه عشر لتكشف عن ماكان مطمع كل امرأه تبحث لأبنها عن زوجه وكل فتاة تريد التميز عن غيرها بالجمال:ياعليا لاتوجعين امي صيته ام نهار بفرحه لقدومها:يابعد امش صيته انتي ريحي عمرش ولا عليش مني انا وذا المصدوعه نوره بمزح:كم مره اقولش لاعاد تفصخين برقعش كذا عشان مايوقف قلبي من ذا الزين ام لطام وهي ترش وجه نوره بماي خفيف من قلاصها اللي شربت منه: اهبي هبيتي اذكري ربش لاتطيرينها نوره وهي تضحك:هههههه وانا صادقه يمه تفصخ برقعها وهي ماتحاسب على قلوب اللي حولها شاهه وهي تبتسم:ابشري ياشيخه نوره قبل افصخ برقعي اعلمش حصه وهي تلم اختها من خصرها:وحشتيني ماشبعت منش اليوم ثمينه:انتي هيه يالبزر وخري عنها خليه ترتاح شوي شاهه وهي تلم حصه اكثر وتمسح على ظهرها بحنان:خليها جعلني قبله مهيب تتعبني اللي يتعبني غيرها(تقصد عليا) ام نهار :لادبلت كبدش طرشيها علي والله ان اسنعهالش عليا وهي تمثل الزعل:افا ياصيوت انا تقولين عني كذا زعلت عليش ام نهار:داريه انش غاليه يالسلقه عليا:لوانش حذفتي كلمة السلقه كان ازين حصه:لأن هذا الواقع يأختي ياحبيبتي ثمينه:ذا الايام كلمة الحق تزعل عليا :ردي عليهن ياصيته ام نهار: وش ارد وانتي تصوتين لي باسمي عليا وهي تلمه بقوه:ميانه يابعدي ام نهار وهي يالله تكلم:فكيني ياامش فككتي عظامي الكل:ههههههههههههههههههههههههههههههههههههههه قطع ضحكهم صوت الرياجيل العالي ام نهار بقلق وهي قايمه تروح لهم:الله يستر ام لطام بقلق مماثل:لاتخلينا ياصيته طمنينا ام نهار وهي طالعه من الخيمه وتعدل برقعها :ابشري ابشري انــتــهى الــبارت وش تـــتوقــعون بــيــصيــر بــعد كــذا ؟؟ بـــ ق ــلم $.. ش ــــادن..$ |
مسااااااااااء النوار
من الحين ابيج تحفظين اسمي اول مشاركه في قصه اول قارئه للروايه |
دهن العوووود شدونه بدايه رائعه تبشر بروايه قويه
البدايه شكل وضحى هي ام البنات وزوجها ظلمها انا اقول ان دورها ما انتهى وانها بترجع لبناتها بناات ناصر من الكلام شكلهن محرومات من امهن وابوهن بعد وموجودات عند جدانهن الجده تجنن شاهه شكلها هي البطله بس من يكووون لطاام اسجل اعجابي باللهجه والحوار واتمنى ان تواصلين وتكملينها يا شدونه |
وانا بعد
بنتظارك واي يوم بتنزلين بارت |
♪♪♪ شكل بنـــآإت نآصر هم محور القصة .. ايووه صح .. يمكن اللي خلآ صوت الرجاال يعلى ان ابو سعد يكلم نااصر ولطاااام عن البنااات .. بدااية حلوة يالغـــلآ .. واللهجة انا من عشششاقها .. لكن مآ وضحتي هل آنتي الكآإتبـــة آو نآقلة الرواااية ..؟ ♪♪♪ |
حيااك الله خيتوو
وبدااايه رااائعه و بااارت مشووووووق وشكل امهم وضحى بريئه واحد مدبرلها هالمصيبه بس شكل فضيحتها ملازمه لبناتهاا ا بطلت القصه شاهه منتظرين البارت القاادم بشوووق مودتي |
مممممممممممممممممممممممممم شكل الروا يه جنان
ليت اعرف مواعيد البرتات لكي مني اجمل تحيه بنتظار ا بداعك يلغلا |
دهن العود
بداية مشوقة ورائعة وكذلك اللهجة جميلة يبدو أن شاهة هي بطلة الرواية متابعة لك بإذن الله *هل هناك أيام وأوقات محددة تلتزمين بها عند تنزيل الاجزاء أم لا أرجو التوضيح ودي |
ياهلا بك اختي دهن العود انرتي ليلاس
بدايه رائعه استمري اللهجه محببه لقلبي ويبدو ان بنات ناصر هم بطلاتك لطام الابن شكله ولد عمهم سؤال هل القصه بقلمك او منقوله |
بداية حلوه رائعة اتمنى ماطولين علينا
|
بداية ممتازه ابداع في الهجةواتمنى التوفيق لك وياليت البارت يكون طويل ومتي ينزل ولك جزيل الشكر
|
السلام عليكم ورحمة الله وبركاته حيا الله دهن العود عزيزتي بدايه موفقة قضيه شرف ام قضية انثى مظلومة دبرت لها ولحق عارها بابناتها اسئلة دارت في مخيلتي هل شاهة هي ابنة وضحى ؟؟ ام انا بنات ناصر جميعهم هم بنات وضحى ؟؟ عزيزتي اللهجة عجبتني انتظر الجزء القادم مع ودي |
بداية موفقة وتفاصيل مجهولة
بانتظارك على نار يا حلوة وربي يعطيك الف عافية |
مشكوره على البارت بانتظر البارت الجديد يليت اتطولينه وتحطين تعريف بشخصيات
|
بارت جميل بس يليت اطولين البارتات الجيه ومتى موعد البارت
والى الامام اختي دهن العود وانا من النوعيه الي اتحب الهجه العاميه والله يعطيك الف عافيه على الرويه وننتظرك على احر من الجمر |
السلام عليكم ..
دهن العود ..حيااك الله بين كوكبه كتّااب ليلااااااس .. ونتمنى لك اقاامه ممتعه ..ولقصتك بالنجااح .. اهنيك على اللهجه ..يمكن هذي ثاني قصه تحمل اللهجه البدويه بين كم القصص التي نقرأها .. استمري ونحن معك .. دمت بود .. |
بدايه رائعه وقويه ،،،
شدتني من اول جزء فيها ،،، تمنياتي لك بالتوفيق ،، |
واااااي شكلها رواااايه زاااحفه مره ..
.. اللهجه قطريه والا جنووب السعوديه ؟؟ .. اتوقع صووت الرجال ان مصير شاهه تحدد .. وان أبوها زوجها لاحد بدووون شور الجد اللي معترض عليه .. بانتظارتس .. بس متى موعد البارتاات ؟؟ |
بدايه حلوه ولهجه أحلى
من بدايتها فيها حماس وتشويق يعطيك العافيه وبإنتظار البارت الجاي بس ياليت تقولين لنا موعد تنزيل البارتات |
بدايه رائعه ...يعطيك العافيه
بانتظااااركـ....... |
السلام عليكم شلونكم بنات ............حبايبي القصه انا كاتبتها وشكر خااااااااااااص لكل من اثنى على قصتي اما البارتات راح تنزل كل يوم سبت ونهاية كل بارت راح اقولكم متى الوقت اللي راح ينزل فيه البارت بالضبط ولو صار اي تغيير راح اقولكم وبطول البارتات لعيونكم والبارت الاول كان قصير لأنه البدايه ولو ماعرفتو معنى اي كلمه قولولي لأن اللهجه شوي ثقيله والشخصيات راح توضح في البارتات الجايه اما باقي الاسئله راح توضح في البارتات (وجعلني ماخلا منكن)قولن آمين يالله نبدا توكلت على الواحد الاحد البارت الثاني .............................................. ابوسعد بصوت تمكن منه الغضب:ماتعلمني يومك ناشب(ن)في حلوق بناتك ليه ابوضيدان(ناصر) محاولا تهدئة والده الذي نادرا(ن) ماوصل لهذه الدرجه من الغضب:يايبه الله يرضالي عليك انا ابي مصلحتهن ابوسعد وغضبه يتزايد:انت ماانت بتبي مصلحتهن انت تبي تمغثهن انت حتى اللي ماله عليهن حكي خليتهن يدوس على رقابهن(يقصد لطام)(تمغثهن=يجلب لهن التعاسه) ثم اردف وهو يلتفت لمن كان يجلس متحليا(ن)بقمة البرود:وانت جنب بناتي ابرك لك لطام وهو يحب راس جده:ابشر ولالك الاطيبة الخاطر ابو لطام (سعد)الذي كان صامت هو وغيره احتراما(ن) لغضب الجد:يايبه اذكرالله وصل على النبي جعلني قبلك قاطعهم دخول ام نهار ويبدو على وجهها القلق:شقومكم؟ ابو لطام:مابه العافيه ابوسعد:قومنا ذا الخبلان اللي حطو دوبهم دوب النسوان ام نهار وقلقها يتزايد:ليه شصاير ابوضيدان:ابي جعله يحيا ضايق(ن) علي انا ولطام شوي ابوسعد يوقف وغضبه وصل ذروته وينوي الخروج من المجلس:نذر(ن) على خيط رقبتي يامن تعرظ شاهه وخواتها ان امحق عليه ............وطلع من المجلس عشان يقدر يهدي نفسه وقف لطام رايح لجده لكن اوقفه صوت اخيه(ابداح):خله شوي يالطام ذاالحين تعينه ظايق من دون ان يلتفت:انا وياه ننجاز..........ذهب متوجها(ن) لجده ابو نهار بعد صمت:خلوه مايريح ابي لطام الا ذا الصبي في طرف الجلس فلاح وهو يساسر فهاد:اخخخخ شفت وجه ابداح يوم فشله لطام فهاد وهو يكتم ضحكته ويهمس له:جعلك الوهم البخ قبل واله ان يصلخك ابيك فلاح بصوت هامس:ابي يشبح فينا ياوالله اللي دنا زوالنا (يشبح=ينظر) وفي طرف آخرعساف:ياابداح انت وش لك في ذا السالفه ابداح بقهر:ماتشوف دبرتهم في ذا الضعيفات عساف بحزم:مافي نسوانا ضعيفه نهار وهو يميل عليهم:خلو حكيكم ذا عقب مايهدون العرب ام نهار وهي تهدي امها التي ذرفت الكثير من الدموع بسبب تمزق قلبها مع كل من حولها:بس يمه جعلني الاوله شوي وتشوفينهم داخلين عليش كنه ماصار شي يعني جعلني قبلش ماتعودتي على ذا الحال بين ابي ولطام يتخانقون ويحمس ابي عليه ولا يرضيه الا لطام(يحمس=يزعل) ام سعدوهي تبكي:لاكان ذاالمره كبيره ابونهار :مابه العافيه يايمه ابو ضيدان ارضاءا(ن) لها:وش تبيني اسوي اروح واتعذر من بناتي عشان يرضى والله ان اسويها بس يرضى وانتي ترتاحين ام سعد:يامك والله ان ابيك صادق نشبت في حلوقهن انت وولد اخيك ابو ضيدان:خلاص ابشري باللي يبرد كبدش ............................................................ ................................ عند النسوان ام لطام بقلق:الله يهديش ياصيته استوت كبدي وانتي سجيتي مني ثمينه وهي تهدي امها:انشاء الله ان الامر هين ولاضحك ولاما كان قعدت امي صيته هناك وخلتنا من غير ماطمنا شاهه:اقعدي ياخاله مابه الا الخير نوره:ريحي نفسش يمه لايرتفع سكريش وعم الصمت (ابو نهار وام لطام اخوان بس مات ابيهم وهم صغار ورباهم ابوسعد) ............................................................ ........................... في بيت يفتقد الرجل تنزل من الدرج وهي شاردة الفكر فنبهها صوت امها اللي قاعده تقهوى:امي ..وضحه تعالي تقهوي وضحه وهي تغتصب البسمه عشان ماتكدر خاطر امها:وانا ماحولت الاعشان اتقهوى معش جعلني فداش ام وضحه بهدوء:يامش لاتذبحين نفسش كانش تبينه عودي عليه والله ماقولش لا بس انش تسوين كذا بعمرش لا وضحه وهي تبلع غصتها بسبب ذكرى مؤلمه:اعود عليه وهو طلق عقبي ثنتين وقده يدور الثالثه ام وضحه بزعل خفيف:انتي داريه هو ليه خذا الثنتين سواتش ماتسويها لاخبل ولا صاحيه وضحه وهي تحاول مقاومة عبراتها:انا غلطانه صح واعترفت بغلطي بس ماغفرلي وش عاد اسوي ام وضحه بيأس:سوات ربش ابرك ............................................................ ..................... تقدم منه وجلس جمبه:تزعل علي يبه ابوسعد بضيق:لطام فارقني مانيب في حالك لطام وهو يحب يده:بفارقك عقب ماترضى علي التفت عليه ابوسعد بعصبيه:وش ارضى عليه على شين فعلك في بنات عمك وقل حشمتك لي لطام بجزع:تكرم يبه من قل الحشمه ابوسعد بتأكيد:ماعاد خليت فيها حشمه بناتي ودست عليهن وانت ماتطلبهن شي ثم اردف:لاتحسب اني ساج(ن) من شي ما يخفاني ماسويته فيهن لاتحسب انك درقتني(درقتني=استغفلتني) انت وعمك لطام وهو يعود الى هدوءه الذي تميز به:ماحدني على الشين الا اللي اشين منه اللي شفته مايغيب من بالي دقيقه ابوسعد وهو يتلبس الهدوء لكي يستطسع التفاهم مع هذا العنيد الصارم المتكبر: يكرمن بناتي من ذا الدرب واصابع ايدك ماهيب سوى لطام:المؤمن لايلدغ من الجحر مرتين ابوسعد:ياولدي لاتزر وازرتن وزر اخرى لطام:اقلب الجره على فمها تطلع البنت لأمها ابوسعد:انت جايني عشان تدبل كبدي بذا الحكي اللي مامنه فود لطام :انا جيت ارضيك ابوسعد:عز الله ياولدي ماحد(ن) بقادر(ن) عليك لطام بشبح ابتسامه:هذا الي حنا نبيه يابوسعد ابوسعد:هاتعال قومني خلني اعود للمجلس لطام:دامك قلت قومني اجل رضيت علي عطني ايدك ............................................................ ..................... في خيمة النسوان شاهه وهي تضم جدتها اللي تبكي من جات من المجلس:بس جعلني الاوله عشاني ماتبكين والله ان قد يرتفع ظغطش وسكريش عقب ذا الضيقه ام سعد:والله يامش مهب بكيفي قلبي يحاتيهم شاهه:يايمه مابه علم عشان كذا مابه شي يتزاعلون عليه ام نهار: ماخليت فيها كده غار هي جعلها تحيا ماتسمع الحكي ام لطام:مهب زين(ن) لش الزعل كذا يمه عليا بمرح بعد موجة صمت حلت عليها بعد ان عرفت سبب الخلاف:وخرو وخرو مايعرف للغزاله الا انا وقعدت جمبها:هاياغزاله شفيش ام سعد بعد ماهدت شوي:يامش خليني ذا الحين واله ان الدنيا ضايقة بي عليا:بيعيني في السوق ام سعد بحنان:اشتريش بروحي عليا:جعل ربي يخليلي روحش وزولش قولي آمين ام سعد وهي تضمها:ويخليش لي انتي وخواتش عليا:طيب اجل امشي نتمشى انا وياش في ذا الجو الزين ام سعد:هايالله حطن لكن بساط وزينن قهوكن وشاهيكن وانا جايتكن شاهه وهي تقوم متوجهه للمطبخ:انا بزين كل شي انتو بس اظهرو وقام الكل متوجهين للقعده اللي سبقوهم نوره وثمينه وحصه وزينوها ............................................................ ................................ كانت تدور في غرفتها تدور ساعتها الي عقب ماجات من الجامعه حذفتها:يالله مدري وين حطيتها دخلت عليها امها يتقومها من نومها بس لقتها قايمه:زين انش قمتي اخنزتي في ذا الفراش وهي مزالت تدور:قايمه من مبطي بس ادور ساعتي امها:وش ساعته هي بيأس وهي تلتفت لأمها:ساعتي البنيه اللي كل يوم البسها امها باستغراب:أدلول مهيب ذا اللي في ايدش دلالوهي تناظر في ساعتها:ههههههه يا والله اللي خبطت مكينتي ام وضحه بعتب:مانيب لايمتش مقيلة(ن) ست ساعات ماعاد ذا بمقيال قد ذا ممسى دلال وهي تبوس امها:يايمه جعلني قبلش انتي تدرين اني اجي من ذا الجامعه تعبانه وهلكانه دالعة(ن) العافيه وادور الفراش ام وضحه بحنان:ياليت التعب فيني يامش دلال وهي تضمها:اسم لله عليش من التعب ام وضحه: هايالله تعالي حولي عندي انا واختش دلال بضيق:ياجعل ربي يفك ضيقها ويفرج عليها همها ام وضحه بصدق ورجاء:آمين ونزلو تحت يقعدون مع وضحه ............................................................ .......................................... عند الرياجيل فلاح اللي كان ينظف فرده (بعياره):يبه لطام ابوسعد وهو يدفي ايديه على الضو وهو داري بفلاح وعيارته:هها وش عندك يافليح فلاح وهو يكتم ضحكته:حياك معنا للصيد ابوسعد يخفي ضحكته التي نتجت عن الخباثة المازحه لهذا الصغير:يابن الحلال خل منك اللعانه فلاح:هههههههههه ليه يبه والله اني خابرك بواردي في القنص(البواردي=الصياد الذي لايخطأ في الهدف) ابو سعد مازال على وضعه:اقول البخ الكل :ههههههههههههههههههههههههههههههههههههه عساف:ماتعلمني وش فيك متضايق كذا ان كانه عشان بنات ابي ناصر فهن ماعليهن الا العافيه ابداح:ياعساف البنات حسبة ايتام وذا الفعل مايرضي لا الله ولاخلقه عساف:ياخيك ابييهن عندهن ولاعليهن خلاف ولالنا كلمه عليهن ابدح بعد تفكير:عساف لو اخطب عند ابي ناصر تهقى يجوزني لأني نويت لاعودنا للدوحه ابي اشور ابي في ذا الموضوع عساف بحميه:ابداح لاتاخذ وحده منهن عشان تفكها من ذا الحياة الزهده تشين فالها ترا والله مايوقف في وجهك الا انا ابداح:والله يا ان جوزني وحده منهن اني لا ارويها زين الدنيا عساف براحه:والله مدري اخطب وشف وان ردك منت بميت ابداح:ادري ماهوب ضارني بس انا حانهن من ذا الشقا عساف بقليل من الغضب:ابداح انت من اليوم وانت تتحسسني انه ظايمهن تراه ابيهن كانك ساج(ساج=ناسي) ابداح :مانيب ساج غار انت شايف مرته فيهن مايسوسها رجل الام(مرته=طريقته) عساف محاولا(ن) تغيير الموضوع:اقول وش رايك نروح مع فليح المرجوج ابتسم ابداح :مافهاد وراه بطواله عساف :من يصدق ان فلاح ابو 28سنه والخبل الآخر ابو 29 سنه ابداح:احد مثلنا حنا الشيبان كل منا ابو31 عساف:من اللي يقوله انا عن نفسي عمري 21 ابداح:ههههههههههههههههه قم قم خلنا نروح عندهم ............................................................ .................................. انتهى البارت اتمنى انه يعجبكم البارت وراح اتقبل اي نقد بناء منكم |
تسلمين يــــــــــــــــاقلبي على الروايه الأكثر من رائعه وأنا موتي الروايات القطريه ماشاء الله دائما تكون روعه وأتمنى منك تعرفينه بالشخصيات كامله وكم أعمارهم وصلة القرابه إذا مابه كلافه فديت أهل قطر |
السلام عليكم ورحمة الله وبركاته مسائك سكر عزيزتي شخضيات عدة طرحت رسمت جزء بسيط من شخصياتهم لطام شخصية متشربة لرجل الشرقي فهو رجل شهم يخشى اعادة الماضي اتوقع هو بطلنا مع شاهة وضحى الأم المخطئة صاحبة العار الثائبة فماهو خطاها ؟؟ عزيزتي واصلي مع تمنياتي لك بالتوفيق مع ودي |
مساء الخير شدوووونه
بارت اليوم يجنن وفيه توضيح لصفات بعض الشخصيات لطام أتوقع يكون هو اللي شاف اللي صار مع وضحى عشان كذا متعقد من بناتها ومو قادر ينسى.. وضحى أتوقع إنها مسويه شي بس فهموها غلط وصارت الطقه براسها ...ماأتوقع إن ظنهم فيها صح... بإنتظار باقي التفاصيل...... بس ياليت يكون أكثر من بارت بالإسبوع يعني على الأقل بارتين...<<<أدري طماعه بس بصراحه أحداث القصه مررررره مشوقه... ويعطيك ألف عافيه... |
♪♪♪ صح مثل ما قالت قمورة .. آظن لطاااام مآن شااهد على اللي صاار مع وضحى وتعقد .. علشاان كذا ظنه ان البنااات لآزم بـ يطلعون على امهم .. آعجبتني شاة كـ شخصية للحين .. عوااافي شدوون .. ♪♪♪ |
فيه قصه خيااانه
لطام ولد العم وضحى طليقته ولا فيه احد منهن من البنات امهن لها ماضي ولا مسويه شين مب زين بنات ناصر ؟ بنتظارك |
بعطيش العافيه
توقع انه لطام كان شاهد على قصة الام علشان كذى ماخذ البنات بذنب الام شاهه هي البطله حلو روح الفكاهه عند فلاح وعليا اعجبتني الحميه ياعساف وموقفك يابداح جنتل وعلى العموم تمنياتي لك بتوفيق من محبت الروايات القطريه |
يعطيك الف عافية على البار الجميل والله ياريت يكون اطول
لطام شخصية التضاد الحامي البارد هكذا اتوقع لكن هو شخصية حادة اتوق لمعرفة قصة ناصر و وضحة بانتظارك على نار يا الغلا |
يعطيك العافيه والى الامام اختي دهن العود
وننتظر الابارت على احر من الاجمر وليت اطولين البارت اشوي اذا ماعليس كلفى ياقلبي |
السلام عليكم
اقول شدوووووونه ..الحين اللهجه هذي لهجه قطر ؟؟؟ >>فيس ضيع من كثر اللهجااات ههههه والله اللهجه غريبه ويبي لنا مترجم ..استلمي .. البخ كده غار الزهده حانهن ساج غار وبصرااحه حلو ان الواحد يتعلم كم لهجه >>فيس داخل دوره لهجاات ههه نجي للبارت اتوقع ان الجد يلزم على لطاام انه يتزوج شاهه او يصير لهم موقف ينجبر فيه انه ياخذهاا >>غصب تبي تزوجهم هههه وعسااف هذا يبي من يحط عنده منهن قاهرني كأنهن مسوياات شي الحين ..ياشين اللي يشيل النااس ذنب غيرهم .. رحمتهن الا تعالي شدووونه ..الحين شاهه وعليا اخواات ومن بعد ؟؟؟ فيس نسى الباقين .. شادن .. لك من اسمك نصيييب .. الله يعطيك العافيه ..وبانتظااارك يالغلا .. |
[مساء الكادي والخزامى لكل من شاركني في اولى تجاربي
اتمنى ماتزعلون علي لأني ماأرد عليكم الا وقت تنزيل البارت بالنسبه لعدد مرات تنزيل البارتات راح يكون يومين الثلاثاء والسبت ...........بناء على طلب الاغلبيه واسمحولي لأني عندي جامعه فماأقدر ارد اي وقت (تمسون على خير |
اللهجه روعه ومبين ان البسه حلوه
بس الي الان مافهمت نوع القرين بينهم وفيها غموض والبارت قصير يعطيك العافيه وننتظرك |
]يا مرحبا بالحامل والمحمول
:flowers2::flowers2::flowers2: أغلى العطور .... ,أنفس الروائح......... يارب يكون لروايتك حظا كبيرا من اسمك ..... لغه عذبه بدويه نسجت من خلالها بعض المفردات الجديدة( رجاء ضعي معناها بين قوسين,,, ) شخصيات لم تتوضح أبعادها بشكل كبير لكن جزئيات القصة تشدك نحوها شدا مميتا .. يارب تكون البارتات قريبه ودسمة حتى التخمه ... ترانا قومن ما نشبع:Tgn04610::Tgn04610: الشين ناصر مشينن فالهن ولطام دايس(ن) عليهن وهو ماله عليهن كلمه هنيه مربط الفرس .. وبانتظار انهمال المطر .. الله يعين البنات الأب وولد العم ؟؟؟؟؟ (غض النظر عني تراني حلاله .. خاص بالماضي ؟ أم سيتكرر بالحاضر ؟) :rdd12tf: بانتظار الإبداع , ودمتي يا أخيه ,,,,,, |
روووعه القصه ...واللهجه اروووع وارروع
وانا مع البنااات ان لطاام هو البطل ...وهواللي شاااف اللي صاااار مع وضحى بس اكيييييد فااااااهم غلط وشااااهه هي البطله .....فدييييت البناات السنعااات منتظريين الباارت الجااي على خييير .... |
مسا النور والهنا والسرور
حبايبي البارت راح ينزل بكره الساعه 7 العشاء بس تبون الصراحه انا متردده انزله لأني ماأشوف تشجيع كافي لأني فضلت منتدى ليلاس على 3منتديات غيره ومنهم منتداي المفضل وسامحوني على صراحتي تقبلو مروري شـــــــــادن |
أفا والله يا دهن العود ما لقيتي تشجيع وانا اليوم مسوية لش دعاية ما حصلتش المجموعة كلها والحبايب كلهم بكرة الساعة سبع ينتظرون البارت وبعدين التشجيع يا الحلوة بعد كذا بارت عشان تتضح معلم القصة ِ |
يعطيج العافيه أختي دهن عود أنا قريت البارت وماشا الله عليج سلوبج وأيد حلو. ونا أحب هاذي الهجه لنها لهجت خوالي بس عندي مولاحظات علا أروايه الخط وأيد صغير ونص الكلام مش طالع. وننتظرج لاتتخرين علينا وشكرن أختي
|
السلام على كل من قرا وكتب من بني ادم وحوا اخبارك وعساك بخير يارب اولا اشكرك على جهودك لكتابة قصة بمثل هذة القصة الرائعه باللهجة الجميلة المحببه الى قلبي شكرا لك ثانيا اشكرك على انضمامك لنا في عالم الليلاسي الرائع واختيارك له لوضع القصة شكرا لك ثالثا عندي بعض الملاحظات اتمنى تصحيحها اذا اخطات فيها وهي الاعمار فلاح ابو31 عساف 28 فهاد 31 بداح 28 هم هكذا ام اخطات الاخوات شاهة وثمينة وضحى هن هكذا ام اخطات انتي ذكرتي انه ابو شاهة لقبه او كنيته ابوضيدان صح ليش ما ذكرتيه ام ابو شاهة ما عنده غير البنات وهذا مجرد كنية بين الرجال وفقك الله لما يحب ويرضاه شكرا لك قووووووووووووهيييييييييييييييييد |
غضو النظر عني تراني حلاله
صراااحه عنواان شدني ومضمون يحمس بدااااية حلوووه تبين انك قلم مبدع واتوقع كل بارت راح يفوق الثاني بنات وضحى هن اساس القصه وشاهه ولطام احس بيكون ثنائي عجيييب تقبلي مروري وحياك فليلاس |
حبايبي اللي طالبو بتعريف الشخصيات اقولهم الشخصيات راح توضح في البارتاا وبارت اليوم وضح الكثير من الشخصيات اما اختي شبيهة القمر اقولها اللهجه هذي مو لهجة الشعب القطري عامه ولكن لهجة من عدة لهجات لأن قطر تجمع قبائل كثيره منهم اللي يتكلمون بالشين او السين وغيرها من لهجات وهذي معاني الكلمات اللي ماعرفتي معناهم البخ=اصمت(انطم) الزهده=الكسيفه حانهن=يرحمهن ساج=نسى غار=بس قده=اصبح(بمعنى قد اصبح كذا وكذا) ............................................................ ................................... اتمنى ان بارت اليوم ينول اعجابكم توكلت على الحي القيوم البارت الثالث ...................................................... هاهي تجلس في الصاله الخاصه بجناحها المخصص لها في منزل والدها وهي في عالمها الذي لايوجد به الا المواجع وتخاطب نفسها:ياترى عادني بشوفهن ولا لأ......وان شفتهن وش بســــ......قاطعها صوت ابنة اخيها التي تربت على يديها جواهر وهي تبوس عمتها:شلونش يمه العمه وهي تحتضنها بحنان :طيبه دامني اشوف زولش في ذا البيت جواهر وهي تخش وجهها في نحر لم تغير الليالي والاوجاع بريقه وجماله الاخاذ:وينش اليوم مانزلتي على الغدا ماعرفت آكل من غير مااشوف ذا الوجه اللي يفظ الفقر العمه وصوتها لايخلو من الحزن:والله مافيني شي غار جيت من الدوام ماشوف قدامي ونمت ولاقمت الا قبل شوي جواهر بعتب:يمه وضحه الى متى وانتي على ذا الحزن والله اني امرض يوم اشوفش كذا حتى ناصر ونايف يموتون من الغبن لاشافوش كذا وضحه بجزع وخوف:اسم لله عليهم من الموت لاعاد تجيبين طاري الموت لواحد(ن) منكم جواهر:وانا صادقه تذبحنا اللواهيد لاشفناش تخشين دمعتش وحزنش وضحه وصوتها يتهدج:يامش اللي فيني ماتمحيه الليالي ولا الايام اللي جاني مهب شوي جعله مايمر على عدو ولا صديق جواهر بألم وهي تضمها:تكفين يمه لاتبكين لاتضيقين خاطري اكثر من كذا وضحه وهي تكفكف دموعها:هاه هذا انا مسحت دموعي ولايضيق خاطر بنت فيصل جواهر:ياجعل ربي مايخلي بنت فيصل من عمتها ثم اردفت بحماس:اسكتي يايمه ابي تحت ضايق ويرعد من العصبيه وضحه(ام شاهه) بخوف:ليه اسم لله عليه وش فيه؟؟ جواهر وهي تكمل بابتسامتها الجميله:تعرفين محمد آل هزاع الملياردير وضحه بقلق:وش فيه جواهر:خطبش من ابي وابي غسل شراعه وضحه وهي تسند ظهرها على الاريكه براحه:مقدي .....جعله السلال اربه يبيني آخذه عقب ذا العمر جواهر:ليه شفيش والله انش ازين من كل نسوان الجماعه لا البنت منهن ولا العجوز وضحه:يامش قدني عجوز جواهر:يمه انتي على قولت ناصر الفراعنه (كل ماتقدم تجدد)والله ان خوياتي انهبلن يوم شافنش حتى دلول الخبل يوم شافتهن صدعن قالت اللي تبي تشوف عمتي تدفع اول وضحه:هههههههههه ياجعلني قبلها ماازين سوالفها جواهر بغيره خفيفه:يممممه ترا ماارضى وضحه: والله انش داريه انه مابه من هو اغلى منش عندي جواهر بابسامة رضا:هايالله امشي نحول عند ابي امي وضحه وهي تلتقط جلالها وتلفه على وجهها الذي لايكل ولايمل من ينظر له من التأمل:يالله جواهر وهي تتوجه للباب:اموت واعرف ليه تلبسين جلالش في بيتش وضحه وهي تدزها على خفيف لتكمل طريقها:بصري ماعليش مني(بصري=كيفي) ............................................................ ......................................................... في نفس البيت الطابق الاول ابوناصر بغضب: والله انه الخبل اقوله هي معيه من العرس وهو بهيمه مايفهم ام ناصر وهي تحاول تهدئته:ماعليك منه انت لاتحر عمرك عشانه ابو ناصر:الله لايعقله نايف اللي كان يقهويهم:يايبه جعلني قبلك لاتتعب عمرك عشان رخمه ماكرم عمره من الحكي الشين ابوناصر:اشهد انه رخمه وسمردحه اول ماهنا اقوله هي معيه عشان سنها عقبه قلت له الوالد مريض وذا مهب وقت حكيـ(ن) في ذا الامور وعاده ملزم عقبه عطيته اللي فيه العافيه نايف:ههههههههه اقديت فيه ابوناصر:ولدش الخبل وينه ام ناصر بضيق لنعت زوجها ابنها ب(الخبل):راح لجده ابوناصروهو ينزل فنجاله:اشوا عاده يعرف السنع عقب الخبال اللي سواه في بنيت عمه اليتيمه ثم اردف:وانت اخلص خلنا نروح فتحو الزياره قد لهم ربع ساعه(ووقف يعدل غترته) نايف وهو يوقف مع ابيه:يالله انا جاهز وضحه من وراهم:بتروح وانا ماشفتك اليوم التفت لهل الاثنين وقد بدا عليهما الفرحه وانجلاء الغضب من رؤيتها فتقدم نايف ليقبل راسها:وانا اقدر ان ماشفتش ذا الحين بمر عليش قبل ارقد وضحه وهي تقبل راس اخيها:شلونك يالغالي ابوناصر براحه:طيب(ن)جعلش طيبه شفيش ماحولتي للغدا وضحه:مافيني شي جعلني الاوله بس تعبانه من الدوام ابوناصر بعتب:انش جعلش تحيين ماتسمعين الحكي اقولش خلي ذا الشغل وانا اعطيش مابغيتيمن فلوس وضحه بحرج:والله اني مهب قصدي الفلوس بس انا احب الشغل والحركه ابوناصر بيأس:بصرش والتفت لنايف وانت يالله الحقني نايف:ابشر............... وبعد ماطلع ابوناصر التفت لعمته ..........لاتنامين قبل لاجيش وضحه بابتسامه:ابشر وسلم لي على ابي .....ورجعت للصاله اللي فيها ام ناصر وبنتها ............................................................ ............................................................ . في بيت ملاصق لبيت ابوناصر دلال وهي ترشف من فنجالها:يمه لاتسجين بكره موعد زيارتنا حنا النسوان لجدي ام وضحه وهي تمد الفنجال لها:لامانيب ساجه بس والله لاتأخرينا يادليل مهب اشوالش وضحه :يمه ناخذ معنا قهوه وشاهي للرياجيل ولا آل فيصل بيجيبون ام وضحه:اخذو معنا قهوه وشاهي زيادة الخير خيرين ولاتنسن الفناجيل والبيالات دلال بمرح:انا عن نفسي مانيب لامسه شي ام وضحه:عزالله صادقه يابنتي ماشفت ارفل منش دلال بدلع:يممممه انا رفله هاوالله مايسوي القهوه والشاهي الا انا وضحه بقليل من الراحه ونسيان الهم الذي لا يمكنه ان يسكن فتاة العشرون ربيعاً:جعلش قويه روينا وش بتسوين ام وضحه مثيرةً روح العزيمه في روح طفلتها:تشوف عينش ياوضحه لاجا وقت الشغل ماتعينينها دلال بأراده:تشوفون وش بسوي بكره ثم اردفت:بروح اكلم وضوح تعلمني شلون اسوي مثل قهوتها ام وضحه بغضب:احترمي عمتش ياقليلة الحياكم مره اقولش لاعاد تدعينها باسمها ثم اردفت بتساؤل:مدري ليه ام شاهه ساكته لش دلال وتضغط رقم تلفون بيت عمها الملاصق لهم:يايمه انا اضحك معها هذا انا لاجا قدام النسوان اقوله يمه وضحه بعديـــ............ قاطعها صوت تميز بهدوءه ورقته جواهر:الو دلال:لعنبو ذا المصخره عدلي صوتش (وهي تقلد صوت وضحه الناعم ولكن بطريقه ساخره)الوووو مالومش عمتش وضحه عجوز وصوتها ازين من اصوات البنات جواهر:هههههههههه ياويلي منش يادلول بالعه راديو بعدين اذكري الله على عمتش لاتبندقينها(تبندقينها=تحسدينها) دلال:ههههههههه لاعيني بارده شلونكم جواهر:طيبين انتو شلونكم وشلون صحة خالتي دلال والله الحمدلله ماعلينا ........ وضوح عندش؟؟ جواهر:ايه عندي تبينها ؟؟ دلال: ايه عطيني اياها جواهر وهي تعطي عمتها التلفون:يمه دلول تبيش وضحه:الو دلال:اذوب انا عند ذا الصوت اللي يقطع القلب وضحه:ههههههههه اللي يسمعش يقول رجال مو مره دلال:وش اسوي كل مااكلمش يوجعني راسي من زين صوتش وبحته وضحه:عن العياره وقوليلي وش عندش داقه دلال:طول عمرش فاهمتني حبي ابي منش طريقة قهوتش وضحه:ابشري اكتبي عندش....وبدت تملي عليها ............................................................ ........................... في المستشفى حيث كان اب الجميع طريح الفراش بعد ان اصيب بجلطه .........:هايبه وشلونك اليوم الجد(ابو فيصل):اليوم احسن جعله يسقى لاظهرت من ذا المحكر اللي كنه محكر حمام ........:يايبه هم مخلينك عندهم عشان يظبطون الضغط والسكري ابو فيصل بغضب:نويصر البخ .....انت معهم ولامعي ناصر:يايبه حنا في حرب اصلاً كلها يوم يومين وتظهروتعود لبيتك ولمجلسك ابو فيصل وهو يعود لهدوءه:انت وش صار على موضوعك انت وبنت عمك اللي قد لها سنه وهي في بيت اهلها ناصر بألم لمرور ذكراها:ماصار شي انا قايل(ن) لها اني مانيب مطلقها وعمتي راضيه بس هي اللي معنده ماتبيني الجد بغضب:ناصر ولعنه وانا استغفر الله من اللعنه ليه ماطلقتها كل من نشدته منكم ماعطاني علم واحسبك طلقتها مادريت انك رخمه موقف(ن) نصيب بنت عمك اللي كنها اختك قاطعه ناصر:يايبه لاتضيق جعلني فداك الضيقه مهيب زينة(ن) لك الجد وغضبه يتزايد:امع ياناصر نذر(ن) على ياان ظهرت من المستشفى وانت ماطلقتها والله انه مايواجهك في المحاكم الا انا انتفض ناصر غضباً وجزعاً لتخبله هذه الفكره ((ألا يعلم اني اعشقها ألا يعلم اني لم استطع اكمال حياتي مع انثى اخرى غيرها ألا يعلم اني لم ادخل اي انثى في مملكتها رجاءاً لعودتها)):والله ماأطلقها وعاد فيني عرق(ن) ينبظ انا لها وهي لي الجد باستنكار:انت لها وانت قد خذيت عليها ثنتين وطلقتهن وقدك تدور الثالثه....والله يا لواني داري ان ذا النسوان جاراتٍ لها بنت محمد والله ان قد محقت عليك وعلى ابيك اللي ساكتٍ على خبالك ناصر بهدوء:يايبه انا اغليها وانت الوحيد اللي داري باللي في قلبي لها من عادها بزر الجد وغضبه يتهاوى:يومك تغليها ليه ماغفرت زلتها ناصر: زلتها ماتغفر ماتغفر يبه الجد:يابيك ماوضحه مثل النسوان واكيد ماحدها على ذا الشي الا شي(ن) كايد ناصر وهي تتشكل امامه كل ذكريات تلك الليلة المشؤمه:مابه مره تقول لرجالها ماانت برجال الجد بألم:الله يهديها والله ماهقيتها تقول ذا الكلمه لو أنك تعلمني وش صار تيك الليله عشان تقول اللي قالته ناصر وهو يغير محور الحديث:انت علمني وين تبي عشاك في بيتي ولابيت ابي الجد بحزم:بيتك وبيت ابيك واحد ناصر بابتسامه:ولايهمك بيتي وبيت ابي واحدبس علمني تبي العشا في اي مجلس عشان نرتب للعشا انت باقيلك 3ايام وتظهر وحنا ماسوينا شي الجد:اللي يريحكم ثم اكمل بنبره اقرب للنصيحه والرجاء:طلقها خلها تشوف نصيبه ناصر منهياً الموضوع:والله ماتعرف من الرياجيل الا انا ............................................................ ......................................... عند الحريم وقت المغرب في قعدتهن شاهه وهي تضم اخيها البالغ من العمر4سنوات لصدرها الذي احتضنه منذ ولادته بعد وفاة خزنه(امه):ضيدان اقعد خلني ابرد لك الحليب ضيدان باصرار الاطفال:ساهه ابي الوح العب شاهه وهي تبرد الحليب الساخن ليصبح دافئاً ليدفي عظام صغيرها الملل لديها:قلت لك لأ بعدين تمرض ام سعد:خليه يروح يامش هوا البر مايضر شاهه:ذالةٍ عليه من المرض يمه مابه مستشفى قريب منا عشان نوديه عليا التي تلاعب اخيها وتلهيه عن مبتغاه:اخلصي ياشاهه قده بيفطن لنا شاهه:ضيدان ابوي تعال اشرب حليبك عشان تصير دافي وتصير احسن من عليا الخبله عليا :الله ينصف عليا وانتو كل ماجيتو تسوون شي دخلتو عليا ثمينه: وهي ترشف من بيالتها:لأن عليا بزر عليا:اقول تعوذي من الشيطان قدام اقوم عليش حصه تبي تحر عليا:ياربي انا مدري شلون هذي اختي نوره تكمل:لا وانتي الصادقه شلون اختش انتي وشاهه وضيدان عليا:قدني ابرك منكن ام سعد بحب لشبه ابنها الذي تجلى في هذه الصغيره المستنسخه منه:ماعليش منهن محترات منش عشانش تشبهين ابيش جعلني قبله ام نهار بمزح:افا يمه وحنا شينات ام سعد:كلكن مزايين بس شبه ناصر احلى ام نهار:هذا من والله من الغلا لولدش نوره وهي تشهق:يوه ياشاهه ذاك اليوم شفت ملكة جمال باكستان نسختش ثمينه تبتسم للذكرى التي تتذكرها:على طاري الزين خويتي اسما بنت آل زيد تقولي لعنبو غيرش بنت عمش ذي صوره مهيب آدميه شاهه وهي تبتسم:عاد والله انه مافيني ذاك الزين عشان كل من واجهني يقولي ذا الكلمه ام سعد وهي ترمي سهامها دون قصد لتنحر شاهه وعليا وحصه:والله يامش ان زينش من زين بطن(ن) نكتش(نكتش=انجبش) ام نهار بحنين:والله ماانسى عيون وحكي النسوان يوم حولت عليهن وضحه صباحة عرسها ام لطام وهي تبتسم:قصيرتنا تقول ذا الزين جا من حظ ذا اللي اسمه ناصر والله لو اني منه ماعاد اتعداها.......قاطع استرسال حكيهم وقوف عليا ودخولها الخيمه بضيق وعصبيه وبكاء حصه المكتوم ...........اما شاهه فكانت تشرب ضيدان دون اي ردة فعل ولكن هناك براكين بين اضلاعها(لييييه؟؟؟ليه تجيبون طاريها ولا هو شوف وحر جوف........ليه تذكروني باللي ابي ادله عنه سنين ليه؟؟؟؟؟ وش عاد يلايم جروحي ؟؟؟؟)(ادله=انسى)(يلايم=يغلق) ام نهار وهي تضم حصه:بس يامش والله ان حنا سجينا ولا والله مانجيب طاريها حصه ببكاء مؤلم:تكفين يمه صيته ابي امي ام سعد وهي تقاوم عبراتها:يابنتي لاتقطعين قلبي ببكاش شاهه وهي مستمره في اسقاء صغيرها وبهدوء موجع تخفي خلفه ساحه فاض بها الدم المنبعث من جروحها التي انبجست لذكرى من كان لحبها السلطه على قلب فتاة التاسعه عشر عاماً:بس ياحصه لاتضايقين جدتي نوره وهي تهب واقفه:انا بروح اشوف عليا ام سعد بحزن لمعركة الالم التي يخضنها حفيداتها عند سماع ذكرى والدتهن:اي والله روحي شوفيها يامش(اومأت نوره برأسها وخرجت باحثه عن تلك الحزينه التي لطالما كانت اكثر اخواتها تأثراً لفراق امها) ضيدان الصغير وهو يبكي ويختبئ في حضن من كانت له اماً واختاً وصديقه:ليه حته اكي(ليه حصه تبكي) شاهه وتشده لصدرها بشكل مبالغ فيه لتهدئته:بس حبيبي حصه راسها اح (تكفى ياضيدان لاتبعد خلك كذا مايخفف من الوجع اللي في صدري الا قربك) ضيدان بألم واختناق وخوف بسبب قلة التنفس:آآآي ساهه انتي عونيني ام سعد بوجع:يابنتي لاتذبحين اخيش تراش آجعتيه شاهه وهي تفلته وتلبس برقعها وتقف لتخرج:ثمينه خلي ضيدان عندش بروح اسوي العشا(وخرجت لتتجه لمخبأها (المطبخ) لتفرغ حزنها حسب رغبتها) ............................................................ ......................... في موقع ابعد قليلاً نوره:يابنت الحلال لابد يطيح اللي في راس ابي ناصر وتروحون تشوفونها عليا بضحكه قصيره ساخره:نشوفها هه....الظاهر اني بموت ماشفتها يانوره نوره بجزع:اعوذ بالله من ذا الفال الامحق عليا وعبراتها تتسابق:نوره انا كل يوم اشم ريحتها اللي بقت لي منها نوره:تعوذي من الشيطان هذا سوات الشيطان يبيش تجزعين من ارادته عليا بصوتها الباكي:آآآآآه ياليتني بس اذكر ملامحها عشان احلم فيها ريحتها تزيدني وجع وشوق وانا مااشوفها نوره وهي تضمها:ياعليا مالش الا انش تدعين ان الله يهدي ابيش ويسمح لكم تشوفونها عليا:دايم وانا ادعي وبدعي الين اشوفها نوره مظيفه روح المرح:ياشينش لاصرتي سخيفه وفاتحه ثمش ودموعش كنها المطر في عز المربعانيه(ثمش=فمش) عليا وهي تمسح دموعها:هههههه ماتجاملين تحذفينها في الوجه نوره:انا وحده مااحب المجامله والنفاق عليا:اقول امشي امشي تلقين جدتي ذا الحين ذابحه نفسها من البكا نوره:لا وانتي الصادقه حصه اللي ماتت من البكي عليا وهي تعدل نقابها على وجهها:عز الله عاده حصه مالها قلب(مالها قلب=حساسه) وذهبتا متجهتان للقعده ............................................................ ......................... في سيارة فهاد فهاد:والله اني داري انه ماوراك خير فلاح:اصبر ذا الحين بنشوف الخير كله فهاد:والله ان عودنا من غير صيد بيمصخرونا عساف وبداح فلاح وهو ينظر بتمعن فيخرج(الفرد):مايقدرون دام طير شلوى معك(فيرمي اول الفرائس) فهاد بفرح:كفو ابو فهاد فلاح وهو ينزل:ماعليك زود ابوفلاح وعادا للصيد هوايتهما المفضله منذ الطفوله ............................................................ ................ في خيمة المطبخ حيث تجلس اسيرة الحزن ضيدان وهو يلعب ويغني بطفوليه معبره عن محبته:ساهه حبيبي ساهه حتاتي اما هي كانت تجلس على كرسي صغير وتضيف باقي مقادير وجبة العشاء فنهرت ضيدان بضيق:ضيـــــدان بس ثم اكملت:يالله روح عند بابا ضيدان وكأنه رأى حزنها فأقبل على البكاء الذي كانت تنهره حين يتمكن من صوته مهما كان السبب:مابي (فاقترب منها ليضمها بتملك)ابي ساهه شاهه وهي تضمه مبعدته عن غازها الارضي:ياروح شاهه(فأردفت بحزم)ان بكيت ضربتك ضيدان يدفن وجهه اكثر في صدرها:انا لجال ماأكي(انا رجال ماابكي) شاهه وهي تبعده لتنظر لوجهه الغالي:طيب الرجال يروح يقعد في المجلس مو في المطبخ صح ضيدان بابتسامه جميله:ثح شاهه تقف وتلبس برقعها وتمسك يده لتذهب به لطريق المجلس فتقف في منتصفه لتراقبه حتى يدخل المجلس ثم عادت للمطبخ لتكمل عملها وحزنها بمفردها دون ان يشاركها احد ظنناً منهم لتعودها وعدم تأثرها لغياب امها مؤكدين ذلك بقولهم(شاهه عاقله وقويه مايهمها) لماذا لايهمني انا بشر احتاج امي في كل وقت لكن كثرة جفاء وقسوة امي اعتدت على تناسيها ............................................................ ............ في المجلس ضيدان بفرحه:فحااااااد(وراح يركض لفهاد) فهاد يضمه:زين في تقدم اذكر اسمي فادي الحين صار فحاد وعقبال ماتنطقه عدل ابو ضيدان بمزح:تعيب على ولدي هذا الشيخ ضيدان شلون تعيب عليه فهاد وهو يحب خدود ضيدان اللي متعلق فيه حيل:هههههههه اجل يرضيك انه يقلبني لبناني ابوسعد:نهار نهار الذي كان يجلس بجانب لطام ليتجاذبا الحديث:لبيه يبه ابوسعد:ماودك تسمعني من نشيدك الوين نهار:والله يايبه مايحظرني شي ذا الحين بس ابسمعك قصيدة قد سمعتها(لنهار صوت اثناء جر الالحان فصوته محبب لدى جده بقوه) ابوسعد:خلني بس اسمع جر صوتك(جر=نشيد) نهار:ابشر(فبدأ بجر الصوت وهو يتخيلها وهي تمثل ابيات القصيده) اوي فنجال(ن) شربته لحالي فنجال(ن)ماله ثاني(ن) بالفناجيل فنجال من غالي ويمده لغالي وتهديه غير ايديه سود(ن)مضاليل(ابتسم لتذكره عيناها السود) مده علي وقال خذ ياحلالي لا يابعد من ينقل القال والقيل اخذت فنجالي وريحت بالي وثنيت رجلي عندهم للتعاليل دار الحديث وكل شي(ن)صفالي وارهيت منهم بالوفا والمحاصيل قمنا على ماقيل لاله ولا لي الا وعود في الليالي المقابيل وسلامتكم الكل:صح لسانك نهار:صحت ابدانكم الجد وهو يخطط في الارض بعصاه:وش ذا القصيده ياولد سلطان(فالكل يعلم ان الجد حين يغضب ينادي بابن فلان) نهار وهو يقبل رأس جده:اسمحلي يبه انا قلتلك انها مهيب لي ابوسعد بحزم:احرص من النار نهار:تربيتك وتربية ابي ماتظهر مني العيبه انشا الله لطام مسانداً له:يكرم ابو سلطان من الردا ابو سعد:الشيطان ملعون يابيكم احرصو منه فأخذ الكل يتعوذ من الشيطان ........................................................... في صالة بيت فيصل جواهر برجاء:يالله يمه تكفين عيديهم وضحه:كم مره وانا اقولش مازهقتي جواهر:ابي احفظ اساميهم وضحه:اسمعي وآخر مره اعيد سعد ماخذ نوره وعندهم لطام وبداح وفهاد وثمينه اما صيته(فابتسمت لذكراها)ماخذه سلطان اخ نوره وعندهم نهار وعساف وفلاح ونوره وووو....... ثم اردفت بألم وحزن:ناصر اللي كنت عنده وعنده ثلاث قطع من روحي (فخانتها دمعتها لتسقط على خدها الغض)شاهه فديتها وعليا (ثم ابتسمت واكملت) ياشطنها يومها صغيره وعقبها حصه و عقب ماطلقني(قاتها وهي تمسح دمعها وتكمل بألم اكبر والذكرى تتصور امامها)خذا وسميه آل مصلح وجاب عليها ضيدان جواهر بعد ماقل حماسها منذ ان رأت دموع عمتها:آسفه يمه ام ناصر بتعنيف:طول عمرش ماتثمنين كلمتش وضحه وهي تضم مدللتها الصغيره:الله يهديش ياام ناصر تراها ماقالت شي تنشد عن اهلها ام ناصر بخجل وموده:بس ذا الاسئله ظايقتش ياام شاهه وضحه:يابنت الحلال هذي سوالف وانقضت وحكين في الفايت نقصان في العقل وتقليبنا وزعلنا من الماضي نقصان عقل ............................................................ ......... بعد ان تناول الرجال والنساء العشاء جلسن النساء لأحتساء الزعتر(نوع من انواع الشاي لتهضيم الوجبه) ام سعد:شاهه يامش سويتي فراشي شاهه بهدوءها المعتاد:ايه يمه ثمينه:بسألكم كل وحده فيكم تقول لي وش احلى قصيده عندها يالله نبدا بجدتي الجده:يابنتي طلعيني انا من ذا السؤال والله اني تعبانه ولالي خلق لشي ثمينه:اجل يالله انتي يمه صيته ام نهاربتفكير:احلى قصيده سمعتها لراكان بن حثلين يومه يقول حمزه مشينا من ديار المحبين .......... وانتو عارفين الباقي ثمينه:وانتي يمه ام لطام:انا مالي في القصيد يامش شوفي غيري ثمينه:وانتي نوره نوره:قصيدة ابن فطيس ياعيون اللي من امسه ماتعشا عليا:عاد انا هذي القصيده الوحيده اللي مااخبها لابن فطيس نوره بمزح:لا ذوقش الحلو يالله قولي وش ازين القصايد عندش عليا بغرور كاذب:قصيدة ياسر التويجري الاشياء نوره:سبحان الله عاد انا بعد مااحب ذاالقصيده حصه بدلعها الطبيعي:يع وش ذا الذوق البدوي عليا:اقول لايطق لش عرق ياام الذوق حصه:اصلاً احلى القصيد عند حمدان المري عليا باستهزاء مازح:بالله وش القصيده الحلوه اللي عاجبتش حصه بحزن مفاجئ:مغترب من ديرتي عليا:آآآآآآآآه ثمينه وهي تضيع الحزن:وانتي شاهه شاهه وهي مخفيةً ملالمحها التي اكفهرت حزناً:ماسمعتي خالد الفيصل يوم يقول وبدأت تلقيها بصوتها الذي كان فتنه لكل من حولها ببحته الجميله من بادي الوقت وهذا طبع الايام عذبات الايام ماتمدي لياليها حلو الليالي توارى مثل الاحلام اسري مع الهاجس اللي مابعد نام وأصور الماضي لنفسي واسليها اخالف العمر واراجع سالف اعوامي وانوخ ركاب فكري عند داعيها ............................................................ ....... نزلت من الدرج حتى وصلت الى امها فجلست بجانبها:وين دلول يمه ام وضحه وهي تتقهوى:من يوم طلعتي لحجرتش العصر الى ذا الحين وهي في المطبخ كنها تسوي ذبيحه مهب قهوه وضحهوهي تبتسم:دقت علي وانا فوق تقولي تعالي ذوقي القهوه ام وضحه داعيه:الله يكبر حظوظكن ويستر عليكن دنيا وآخره.................ماان انتهت من دعوتها حتى رن الهاتف ام وضحه:وضحه يامش قومي شوفي التلفون والله مافيني حيل اقوم وضحه وهي تتجه للتلفون:ابشري وضحه:الو الطرف الآخر:الو السلام عليكم وضحه بفرح:وعليكم السلام يامرحبا شلونك ياخالي الخال (ابو مساعد):زين انش ذكرتي اني خالش عرفت وضحه انه كشف السر ردت بحرج:انت في العين وعلى الراس ياخال ابومساعد:عطيني امش وضحه بحرج وألم (فلكل يؤنبها):ابشر ..........وعطت امها التلفون ام وضحه بحنين وفرحه غامره:يامرحبا بنظر عيني ابومساعد:المرحب باقي شلونش ياأم وضحه وشلون البنات ام وضحه:طيبين جعلك طيب انت شلونك وشلون اهلك ابومساعد بعتب:كلن طيب ولو اني عتبان عليش ام وضحه بجزع:ليه جعلني الاوله وش انا مضايقتك فيه ابو مساعد بانفعال:ليه ترخصين وضحه ياسنوا ام وضحه بيأس وحرج:ياختك انا ابيها عند ولد عمها واهلها بس هي الله يهديها معنده ابومساعد بغضب: لاتغصبينها على شي وضحه شيخة البنات ماهيب بايره ..... وليه تكذبون علي وعلى العرب وتقولون طلقها ام وضحه بخجل: ابي العرب يحسبونها في العده عشان مايخطبونها لأني على رجا انه يردها ابو مساعد وقد زاد الغضب:ليه ليه تعود عليه مايبيها يطلقها مهوب يعرس عليها وهي مخليها معلقه ام وضحه تلقي بالقنبله:عيا يطلقها(عيا=رفض) ابومساعد وهو يتعزوا لشدته غضبه:اخو سنوا ......والله ان يغضب خاطره مني ام وضحه برجاء:تكفى يامحمد لاتزيد المشاكل ابومساعد منهياً الحوار:يالله مع السلامه (وأغلق الهاتف لغضبه من تصرف اخته غير المبرر) ام وضحه وهي تمسح دمعات الالم:يالله سترك وضحه بخوف:عسى ماشر ام وضحه:خالش ضايق على ناصر ويتوعده وضحه صمتت لثواني لترد قائله:يمه قومي بروح لجدي الحين ام وضحه:ذا الحين عنده رياجيل وضحه وهي تقف:ادري بس لازم اشوفه ام وضحه:ليه وش حادش وضحه وتصعد الدرج:بعدين اقولش انا بروح البس تكفين يمه بسرعه ام وضحه:الله يستر......ياكوماري جيبي اغراضي ............................................................ ............................ في جناح الجد الذي لايوجد فيه سوى ابو ناصر وابنائه واحد اصدقاء الجد رن هاتف ابو ناصر ابو ناصر وهو يناظر الشاشه باستغراب فيرد:الو وضحه بارتباك:الو السلام عليكم ابو ناصر:لحظه شوي(طلع من الغرفه للممر المقابل) ابو ناصر:هلا يابيش ارب مافيكم شي وضحه:لا يبه بس انا وامي جايين في الطريق ابي اشوف جدي ضروري ابو ناصر بقلق:وضحه صاير شي وضحه:صدقني يبه مابه الا العافيه بس ابي اشوف جدي ابوناصر بعدم تصديق:بكره زيارتكم انتو النسوان ليه جايه اليوم وانتي داريه انه عنده رياجيل وضحه برجاء:تكفى يبه انا جايه ذا الحين عشان اشوفه ضروري ابوناصر مايبي يضغط عليها:الله يستر منش ومن جدش على العموم ماعندنا الا رجال واحد وهذا هو طلع يالله يابيش مع السلامه (ودعها ليذهب لتوديع الضيف) وضحه بقليل من الصبر:مع السلامه بعد دقائق كانت تقف امام غرفة جدها ابو ناصر:ماتبين تعلميني شعندش وضحه انزلت رأسها:............ ام وضحه:والله يابوناصر حتى انا ماعلمتني ابو ناصر:اصبري خليني اطلع العيال اصابتها رعشه قويه فهمست:يارب مايكون داخل ماأن انتهت من همسها حتى رأته امامها بشموخه وطوله الفارع ووجهه المعشوق لديها مقابل وجهها ناصر وهو يناظرها ببرود وقليل من الغضب:شعندش جايه ذا الحزه انتهى البارت ............................................................ .................. بــــقــــــــــ شادن لـــــــــم |
اسفه جد اسفه لأني تأخرت عليكم بس صدقوني عندي اختبارات جامعيه ووعد ان البارت الجاي راح يكون اطول واكثر تشويق بس ادعولي عندي اختبار يوم الاحد ........وراح انزل البارت يو السبت متأخر شوي بسبب المذاكره
|
روووعه ،،، شاااااادن
بدت تتضح معالم القصه ،، يعني أبطاااال القصه ناصر ووضحه ،، مع اني ماستبعد ظهور وبروز شخصيااات ثانيه مثل شاهه واكيد بيكووون لها دور رئيسي ،،، بس ياترى ايش اللي صاير بين ناصر ووضحه اللي يخليه يبتعد عنها ويهجرها كل هالمده على الرغم مة المحبه اللي بينهم ؟؟؟ متابعيةك شادن لمعرف. المزيييد ... |
مساء الورد اختي شادن
اشكر من قلبي الي لفتت انتباهي لروايه اتمنى انك ما تحبطين من الردود لأن المشاهدات خير دليل على قوة الروايه وهي في بدايتها والوقت القياسي الي قدرة الروايه توصل لعدد المشاهدات الكبير بدايه رائعة وغريبه ام متهمه بتهمه اكيد تمس الشرف والا رجح انها مظلومه ودبرت لها مكيده اتوقع ان بنات ناصر هن محور القصه وخصوص الكبيره ابدعتي في اختيار اسماء الابطال انقذتينا من الاسامي الحديثه اتمنى انك توصلين با الروايه لنهايه ولا تخلين متابعاتك معلقات بين احداث الروايه بدايه مميزه شادن |
مساءالخير
إنتظرناك بشوووق طول الأيام اللي فاتت بصراحه أبدعتي بالطرح وبالأسلوب وخاصة إنه بدت تتضح معالم الشخصيات الحين فهمت إنه فيه 2 وضحى و2 ناصر وأتوقع هم الأبطال مع شاهه ولطام<<<مصره أجمعهم وتحمست أعرف مين اللي يبيها نهار أحياناً أتوقع إنها شاهه وبعدين أقول لأ شاهه للطام... متحمسه أعرف وش بتقول وضحى لجدها يمكن تبيه يغصب ناصر يطلقها ويمكن تبيه يتدخل بين خالها وناصر ...ودي أدري وش بينهم<<< بإنتظارك بشووووق ...وبالتوفيق يارب... |
ماشاء الله تبارك الرحمن
اهنيك على هالقلم الاكثر من رائع رغم انها اول بدايه لك لكن ماشاء الله حسيته قلم متمكن اول شي اللهجه وانا عاد من عشاق للهجة الوشوشه هه كمى اسميها الى الاسماء اختيارات موفقه الى رسم الشخصيات راااااااااائع جدا ومبهره ياشادن نااااااااصر وعشقه للوضحى وجبروته الا ماخلا يغفر الززله لها وضح اي النساء انتي 000 البنات وهن محملات بالاسيه واي مشاعر حزن تغزوهن ولهفة اللقاءالى والدتهن ريحة الجنه ننتظرك بكل الشوق ومايخطه ابداع هذا القلم الله يسر لك الاختبارات |
بارت أكثر من رائع
والاسماء مثل ماقالوا البنات موفقة في اختيارها السر في ذهاب وضحى للجد أتمنى أن ينكشف في البارت الجاي وأيضا لطام هل رأى شئ وفهمه خطأوعلى هالاساس حكم أن شاهه وأخواتها مثل أمهن نهار أتوقع إنه يحب شاهه بس أتوقع تكون من نصيب لطام دهن العود مبدعة جدا في الاسلوب والفكرة واللهجة والاسماء واذا على التشجيع بتلاقين تشجيع بإذن الله وأنا متابعة لك إن شاء الله ربي يسعدك ودي |
الله يوفقك ويسهل اختبارك
صراحه بارت روعه تو وضح الغموض شاهه فديتها ياناس احسها مغلوبه وضحه اكيد ترجع لناصر نفسي شاهه تتزوج لطام تسلم يدك جزيتي خيرآ |
والله البارت جدا رائع مشكورة يا شادن
كلي شوق لمعرفة قصة ناصر ووضحة واسرار الصد والهجران بعد الساعات لنزول البارت موفقة حبيبتي وانشاء الله من الاوائل |
تسلم يمناك على هذا العطاء
:besm8dg4:
اولا : مرحبا شادن او دهن العود كيف حالك ؟؟؟ ثانيا : اهنئك على روعة الروايه بصراحه باين عليها حلوه و اللهجه فضيعه حبيت اوضح الشخصيات اذا صح او لا وضحه :هي ام شاهه و عليا و حصه وهي طليقت ابو ضيدان(ناصر) واهي بعد عمت جواهر و ناصر و نايف و دلول وبعد وضحه و اخت ابو ناصر و الجد المريض اهو ابوها و اهي عايشه عند ابو ناصر اخوها ناصر (ابو ضيدان ): طليق وضحه و تزوج بعدها و جاله ولد اللي هو ضيدان بس لحد هلحين وهو يحب وضحه عشان كذا ضايم بناتها و حارمهم منها و على ما اظن انه طلقها قبل اكثر من عشر لانها ما اذكرت شخصيت حصه بنتها لانها ما شافتها و هي صغيره .....^^^^يا كثر هذرتش وضحه : عمرها 20 اخت دلول معلقها ولد عمها ناصر بعد ما تخانق معاها و اهي لها سنه عند اهلها ناصر : تزوج بعد وضحه مرتين وطلقهن و اهو يحب وضحه بس اهي معنده ما ترجع لطام : ما ادري كم عمره بس اتوقع الثلاثينات و انه قريب من عمه ناصر و حاس فيه و حبه لوضحه و عذابه او يمكن شاف احد يدخل البيت و قال حق عمه و ما اتوقع انه وضحه اهي اللي مدخلته يمكن حرامي او الخادمه سؤال مصختها ادري بس استحمليني شوي^^^مو انتي تبين تشجيع و انا ما انعطى وجه بالمره ومعطتنا القرين لاين فتحملي قلتي ان شاهه ربت اخوها ضيدان بعد وفات امه خزنه بس وضحه لما كانت تقول حق جواهر اسماء بناتها قالت تزوج بعدي وسميه آل مصلح فكم تزوج ناصر بعدها و منو ام ضيدان اخيييييرا : ابدعتي غاليتي و الى الامام دائماً....... :rdd17ns5: :rdd12tf: |
السلام عليكم
يعطيك العافيه شادن القصه مميزه واعجبتني جداااااااااا ماضي هو ما يحرك حاضر ابطالك يعني وضحه وناصر انفصلو من سنين وش السبب هل شي له علاقه بالشرف والا بسبب كلمه منت رجال ووضحى المعروف عنها العقل والثقل ليه قالتها اكيد سببها قوي هل هي رغبه ناصير انه يعرس عليها ويجيه الولد خلتها تطلب الطلاق ويوم رفض قالت هالشي والا السالفه اكبر وضحى الحين عايشه مع اهلها اخوها ابو ناصر ناصر هذا يصير زوج وضحه الصغيره اخت دلال وطلقها صح والا لا ******* وهو مو ناصر زوج وضحه الكبيره ام شاهه والله العظيم دخت بشكل ********** اهنيك على ذكائك بالوصف وصفتي لنا وضحه ام شاهه باسلوب سلس مميز من خلال حوار بنات اخوها بدون زج وصف غير معبر من زوايا النص لي عوده بقراءه للاجزاء سويا علي ارتب افكاري وافهم بصوره افضل |
السلام عليكم مساء الخير للكل
شكراً لتشجيعكم ورايكم اللي زادني حماس وآسفه على التأخير للمره الثانيه بس جد ماقدرت انزل البارت بسبب اختباري ومره ثانيه آســـــــــــــــــــ ــــــــــــــــــفــــــــ ـــــه توكلت على المنان الوهاب البارت الرابع ........................................................... في مخيم آل لطام الجده بألم:ليه ذا الحزن يابنتي شاهه وهي تخفي ملامحها الموجوعه:لا يمه جعلني الاوله مافيني حزن بس ذا القصيده من عادني صغيره الجده بصوت خافت:هذا بلا ابوك ياعقاب يعني من بدا العنا والعذاب الجده بصوت عالي:يابنتي الانسان يحب من القصيد مايهيض مواجعه ولاقده فرحان يحب اللي يزيده فرح شاهه تحاول اقناع جدتها بعدم احتواء قلبها علر اي حزن رغم ان قلبها مسكناً للحزن:صدقيني يمه ذا القصيده احبها لأني احب قصايد خالد الفيصل الجده بحزن:يابنت الحلال والله يا الحزن انه في قلبش بس ليتني احتال امحيه من قلبش(احتال= استطيع)...............قاطعهم صوت محبب لدى الجميع ووقف الجميع احتراماً له الجد:وش حط الحزن في قلب شاهتي وانا حي شاهه وهي تقبل رأس جدها:ياجعلك تحيا لشاهه جلس الجميع ثم اكمل الجد:ليه حزينه ياشاهه شاهه باحراج:مانيب حزينه جعلني فدا راسك بس جدتي جعلها تحيا هي اللي تقول اني حزينه الجد بحزم:الا حزينه (ثم انحدر صوتها للحزن)قالتلها قصيده كسرت ضلوعي من حزنها الجد وهو يتناول الفنجال من نوره:وش ذا القصيده شاهه وهي تسب نفسها:خلك منها يبه الجد بحزم (لأنه يريد اكمال ماخطط له):انا اقولش قوليها حصه بلقافه:انا بقولها يبه الجد بابتسامه:اول تعالي في حضني لأني ماشفتش اليوم(اقتربت حصه لتخفي نفسها في حضن جدها باحثةً عن الحنان المفقود كعادتها) الجد:يالله قولي(اشارت لهل شاهه بنظرتها المعروفه لدى اخواتها) حصه وكأنها ارادت اشعال عزم جدها اكثر:تقول من بادي الوقت وهذا طبع الايامي عذبات الايام ماتمدي لياليها حلو الليالي توارى مثل الاحلام (فصمتت لتتذكر باقي القصيده) اكملت من كانت تخفي دمعاتها منذ ان سمعت ماتلته شاهه بصوتها الحزين عليا مخفيه وجهها ومحورةً صوتها:اسري مع الهاجس اللي مابعد نامي واصور الماضي لنفسي واسليها اخالف العمر واراجع سالف اعوامي وانوخ ركاب فكري عند راعيها الجد وهو يعتدل في جلسته مبعداً حصه عن حضنه ويضع فنجاله امامهوالله ان يروح ذا الحزن وانا اخو ناصر صقع الجميع ايعقل ان يصبح المحظور حلال ففاجأهم الجد بقوله:وش رايكن يابنات آخذكن معي للابل انا بغبش لها منصبح(اغبش=اذهب لها مبكراً جداً) نوره بخوف:بس تكفى يبه ماتغصبنا على مدخال الشبك عليا برعب:انا مانيب رايحه الجد:ههههههههه كلكن بتروحن يالله قومن اجهزن(نهضن ليجهزن اغراضهن) ثم التفت للجده:شاهه تغبشين معي الجده وهي تعدل برقعها:ايه بروح معك ام نهار بمزح:وحنا يبه ماتبينا نروح معك الجد:اني خابرش انتي واختش من عادكن صغار تذلن من الابل ام لطام:صيته تمزح معك جعلني قبلك الجد:ليه ماتروحن معنا البنات وشاهه بيروحن معي ولاهوب قاعدن الاانتن ام لطام وهي تقف مستعده للذهاب لتجهيزاغراضها:انا بخاويكم ام نهار:اجل انا مانيب التاليه وانا بروح وذهب الجميع للاستعداد للرحله ........................................................... في المستشفى كانت تراقب وجهه(أحقاً ان ازداد عشقاً وهو يزداد جفاءاً ايعقل اني احبه بعد مافعله بي رباه ارحمني من لهيب حبه ولكن لاتزيله من قلبي اشعر وكأني مت ثم عدت للحياه عند رؤية وجهه) اما هو(اعشقك ايتها المجنونه المتمرده ............لحظه؟؟لماذا ارى حزناً تخفينه في عينيك.........اتعلمين كم اشتقت لكي ايتها العاشقة المعشوقه) قاطعت سرحانه بكلمتها المؤلمه:ملك شغل انتفض غضباً واراد الامساك بها لولا انها دخلت لجدها ووالده امسكه:ماعاد الا تمد ايدك عليها في غرفة من اثقلته هموم الحياه وضحه وهي تنزع نقابها:السلام عليكم(اقتربت لتقبل رأس وأنف جدها) الجد بفزع:وعليكم السلام ارب مافيكم شي وضحه:لاانشاالله مافينا الا العافيه بس انا ابيك في مويضيع ضروري الجد وهو يعود الى هدوءه:امري يابنت الغالي وضحه وقد بدت عليها علامات الحرج:مايامر عليك عدو بس انا ابي............ الجد:شعندش ياوضوح وضحه وهي تكاد تموت حرجاً:يبه ابيك تكلم ناصر يردني الجد بهدوء:لــــأــ وضحه بصدمه:ليه يبه الجد بغضب:لأنش على ذمته وضحه وهي تذوب خجلاً:يبه خلني اعلمك....................... الجد :وش تقولين عقب ماكذبتي علي وقلتي انه طلقش ليه رضيتي لنفسش بالمهونه وضحه برجاء:يبه تكفى خلنا من اللي راح وريح نفسك ..............(ثم اردفت بهدوء)يبه ناصر لازم يردني الجد بقلق:وش العلم وضحه وهي تمسك دموعها خوفاً على ذلك المجنون الذي لايحسب للعواقب اي حساب:خالي محمد درى ان ناصر ماطلقني ودق يخانق ويتوعد الجد بقليل من الراحه:يومش تبينه يردش وذاله من المشاكل ليه ماعودتي من اول مره وضحه وهي تخفض رأسها:......................... الجد:خلاص قومي روحي جهزي اغراضش عشان تعودين مع رجلش الليله ومحمد انا بتدبر موضوعه وضحه بصدمه:الليله؟؟ الجد: ايه الليله ولا بعد تبون تجيبون مصايب اكثر وضحه وهي ترتدي نقابها:ابشر يبه مع السلامه الجده مع السلامه ...........آآآآآآآآه جعلك عظامك الجنه ياحمد خرجت فنهض لها بسرعه:ان عاد ظهرتي من البيت من غير شوري مهوب اشوا لش نظرت له وذهبت لتعين امها على الوقوف:يالله يمه ام وضحه:يالله .........وذهبتا متوجهتان للسياره تاركتان خلفهما من افرغ غضبه بضرب كفه في عرض حائط ............................................................ ............................. جواهر التي كانت في حضن عمتها على فراش وضحه تستعدان للنوم:يمه وضحه وهي مغمضةً عيناها:لبيه جواهر بألم:اذا شفتي بناتش بتنسيني وضحه وهي تبعدها بغضب:وش جاب ذا الطاري جواهر وهي تقاوم عبراتها:يمه تكفين جاوبيني وضحه بانفعال:ليه فيه احد ينسى روحه ...........يالخبله انتي بنتي اللي ربيتها وكبرت تحت عيني انتي اللي عطيتش كل اللي فيني من حنان دلع جواهر وهي تضم خصر عمتها وتبكي بشده:يمه تكفين لاتخليني وضحه وهي تشد من احتضانها وكأنها تود ادخالها بين ضلوعها:والله ان غلاش وغلا شاهه وعليا وحصه واحد مافيه ام تفرق بين عيالها جواهر بصوتها الباكي:بس انا ......... وضحه تبعدها بغضب:انت وش مانتيب بنتي ردي جواهر وهي تبكي:.................. وضحه بغضب:الام اللي ربت ماهيب اللي جابت انا ربيتش يوم امش تعبانه ربيتش يوم ناصر حرمني بناتي ويوم طابت امش قالت لي جواهر بنتش ماهيب بنتي انتي اللي خذيتيها لحمه حمرا وربيتيها تدرين ليه عطتني اياش مهب لأنها ارخصتش لا لأنها داريه ان اللي تربي هي الام جواهر:آسفه يمه بس انا............ وضحه بهدوء:قومي الحين روحي غرفتش مابي اشوفش جواهر تقف وهي تبكي بشده:جد انا آسفه بمه(وخرجت تركض متوجهه لغرفتها) وضحه بألم:آآآآآآه حتى انتي ياجواهر ماتثقين فيني........فديتها آجعتها بالحكي بس خلها ابيها تثق انها اغلى من روحي واني لايمكن اخليها ........................................... ................ في المستشفى الجد بأمر:قم ذا الحين وأرض مرتك وردها لبيتها ناصر باحترام:اسمح لي يبه ماقدر الجد بحزم:وانا اقول قم ردها ابو ناصر:خلاص قم رد مرتك يكفي هجرك لها سنه كامله ناصر:ماتستاهل من يرضيها الجد: نذرن علي ان تقوم ذا الحين وتروح تسمح خاطرها وماتمسي الليله الا في حضنك ناصر بغضب مخفي:لبشر يبه عز الله انك حديتني على اقصاي الجد:يابن الحلال ادمحلها زلتها بنت عمك ويتيمه وصغيره وتحبك وانت داري(ادمحلها=اغفر)(زله=ذنب او خطأ) ناصر يقف ذاهباً لها:يالله مع السلامه الكل:مع السلامه ابو فيصل التفت وهوينظر لوالده:ليه اصريت عليه يرضيها والليله بعد الجد:لأن الشي لاكثر سمج(سمج=تَفُهَ) ابو فيصل بابتسامه:وغير ذا الحكي الجد:ماعندي غيره بعدين انت داري انه يموت على الارض اللي تسير عليها وضحه ابوفيصل:اشهد انك صادق وهي بعد تحبه الجد:خبلان مدري ليه مشقين عمارهم بذا الفراق ابو فيصل:الله يصلح مابينهم ............................................................ ...... ..... كانت تضع اغراضها في شنطتها دلا بفضول:علميني وين بتروحين وضحه بابتسامه:برجع لبيتي دلال تضمها بقوه لشدة فرحها:صدق مابغيتي تفكين عنا وضحه:ههههههههه يعني انا مثقله عليكم يا السلقه دلال:من جهة مثقله علينا فأنتي غاثتنا مو مثقله علينا وضحه وهي تغلق حقيبتها:شوفي من بيقعد معش لارحت دلال بهدوء وجديه:وضحه شلون بترجعين وهو ماتلحلح ولاجا يرضيش وضحه بقليل من القلق:آآآه يادلال انا بقولش بس لايدري احد دلال بقلق:وضحه لاتوتريني قولي وضحه بخجل:انا رحت لجدي وقلتله يخلي ناصر يردني بدون مايقوله اني انا اللي قلتله دلال بغضب:ليه يالغبيه ليه ترخصين نفسش وش حادش على كذا قاطعتها وضحه:يادلال خالي محمد درى وعصب علي وعلى امي وقام يتوعد ناصر وانا مابي الافرقا المشاكل دلال بغضب اكثر:انتي ماهمش المشاكل انتي همش لا احد يضر حبيب القلب بس كرامتش ماتهمش وضحه:دامه مهوب داري اجل ماحد مس كرامتي دلال بعصبيه:يعني عادي عندش ترجعين له وانتي داريه انه رادش غصب(ن) عنه وضحه وبدا صوتها ييتهدج:دلال تكفين خليني بروحي دلال وقد آلمها منظر اختها فاقتربت منها وضمتها:والله ياوضحه اني مابي آجعش بس ماابي احد يكسرش وضحه وهي تبكي:انا ماسويت كذا الا عشان ابعد المشاكل انتي داره ان خالي محمد حار وممكن يسوي اي شي دلال بمزح:خايفه على الطنطل وضحه وهي تضربها على خفيف:هههه لاتقولين عنه طنطل دلال:ايا قليلة الخاتمه تضربيني عشان رجالش وضحه وهي ترجع تسكر باقي شناطها:اسكتي والله اني ميته خوف من ردة فعله دلال:ماراح يسوي شي وان سوى شي استخدمي سلاحش الفتاك (وهي تنظر لأختها بخبث) وضحه بحرج:انا بفهم من المعرسه فينا انا ولاانتي دلال:ابيش تأدبينه على عرساته عليش وعلى كل اللي سواه وضحه:والله لاخليه يقول ليتنا من حجنا سالمينا(ليتنا من حجنا سالمينا =مثل يقال تعبيراً عن الندم) دلال:بعدي اختي خليش وياه ............................................................ ........... كان في سيارته متوجهاً لمنزلها كان يحادث نفسه قائلاً:وش السواة انا ان شفتها ضاعت علومي وانا ابي ادبها على اللي سوته ابيها تعرف تثمن كلمتها قبل تقولها لي ابي لسانها الطويل عند الكل والجميع ابي يروح لاشافتني .......بس شلون وانا لاشفت عيونها ودي احط روحي فدوة نظرتها الله يهديك ياجدي ماعطيتني وقت اهيء نفسي انا ليه اكذب على نفسي وانا ميت من الفرحه لمعوادها لي (فابتسم متخيلاً عيناها وجسمها وشعرها) فقال بصوت عالي :يامرحبا ترحيبة ريس قبيله وربعه من الغربه يقولون ماجور(ريس=رئيس) ............................................................ ....... دخلت الخادمه لتقول:ماما ودهه بابا ناصر يبي انتي في مجلس اصابتها رعشه:طيب انا اللحين يجي التفتت وضحه لأختها:دلول والله اني ميته من الخوف دلال:اقول قومي روحي لرجلش مهوب ماكلش (ثم اردفت بخبث)خبزٍٍ خبزتيه يارفلا اكليه وضحه وهي ترتب شكلها وتزيد من عطرها:الله يخس ابليسش الشرهه على اللي معلمش(وخرجت ذاهبه لمن ملاك قلبها في طفولتها ومراهقتها وشبابها ) ............................................................ .. في المجلس ام وضحه:حيا الله من جانا ياولدي ناصر:الله يحيش يمه ام وضحه:ياولدي ادري ان وضحه غلطانه وحقك انك تأدبها بس تكفى يمك لاتثقل العيار ناصر:بحيل الله مايصير الا اللي يرضيش قاطعهم دخول وضحه ام وضحه:انا بخليك انت ومرتك تفاهمو على راحتكم(وخرجت تاركه الاثنان في حالة صمت) ناصر ببرود:شفيش واقفه اقعدي لاتخافين مانيب غاصبش على شي وضحه وقد اشتعل وجهها حرجاً لأنه يذكرها بمقولتها في تلك الليله التعيسه قل عام(جلست على نفس الكنبه ولكن في آخرها) ناصر:ها يابنت حمد وش في خاطرش وضحه بصوت منخفض:مافي خاطري شي ناصر ببرود:وش تبين رضاوتش يابنت عمي وضحه وقد وصلت لمبتغاها فارتفع صوتها:رضاوتي تعاهدني انك ماتعرس علي مره ثانيه وان صار الشيخ اللي بيملك لكم هو نفسه اللي يطلقنا ناصر(ياسعد عيني يعني زعلت يوم اعرست عليها تغار علي الخبل مادرت اني ماطلقت بنات الناس الا عشانها):وغيره وضحه:وتسامحني على اللي سويته وبس ناصر:اجل اسمعي تحرم علي علوم الرجال ومجاس الرجال لو اعرست عليش اما المسامحه لأ وضحه اخفضت رأسها تخفي دموعها ولكن لم تستطع اخفائها على العاشق ناصر بغضب:كم مره قلت لش لاتبكين ارفعي راسش وامسحي دموعش يالله اشوف(ياليتني اقدر اقرب منها واضمها واطيب خاطرها بس وش اسوي في ذا القلب اللي مايقدر على قربها) وضحه وهي تمسح دموعها:انا آسفه ناصر ناصر:انا بسامحش بس عقب مااحطش تحت الاختبار وضحه باستغراب:اي اختبار ناصر:اختبار مني لو اجتزتيه وتعلمتي منه راح افتح لش قلبي مره ثانيه وضحه وقد تجهم وجهها(هل اغلق قلبه من دوني ؟؟سأموت ان لم اعش تحت ظل حبه لما.......) قاطع سرحانها صوته القلق:وضحه شفيش وضحه بهدوء:مافيني شي (وقامت) ناصر:وين وضحه:بقوم اجيب اغراضي ناصر وهو يرجع ظهره على الكنبه:يالله اعجلي وضحه وهي تتجه للباب بهدوء مؤلم:انشالله ناصر:ليه اكفهر وجهها............ لبى عينها والله انها وحشتني بس ذبحتني يوم بكت ماتدري اني اموت لاشفت دموعها ........بينور البيت الليله ............................................................ ...... وضحه وهي تلبس نقابها وتبكي دلال بخوف:شفيش ....قالش شي يكدر خاطرش ردي علي وضحه وهي تنهار على السرير:مايحبني يادلال مايحبني دلال بصدمه:من اللي يقول ذا الحكي وضحه: هو هو اللي قاله دلال:وش قال وضحه:يقول انه سكر قلبه من دوني واذا اجتزت الاختبار بيفتحه لي مره ثانيه صمتت دلال ثم قالت:اسمعي اظنش تعرفين شلون تخلينه يندم على كلمته وضحه:انا مابي اعيش من غير حبه دلال:ابيش تعلقينه فيش ابيش تنجحين في اختباره الغبي هذا وعقبها تلعبين لعبتش وتخلينه يندم عدة شعر راسه على اللي قاله وضحه بعد ان هدئت:وهذا اللي بيصير دلال:اجل يالله ابدي خطتش من تركبين معه في السياره وضحه وهي تتجه للباب ولكن توقفها دلال:افا الظاهر اللي قلته كله راح في الهوا تعالي زيدي الكحل والعطر وضحه:بيعصب ان شاف عيوني مكحله وبيمحق علي دلال بمزح:ياام الذكاء غطي عيونش اكثر(وفعلت كما قالت اختها) نزلت ودعت امها اللي دعت لها بكل دعوه تنفعها ومنها (روحي يابنتي جعلش شمسٍ في عينه ماتغيب) وودعت اختها وهاهي تركب السياره التي لم يغيرها من بعدها رغم انه مهووس في تغيير السيارات:السلام عليكم ناصر:وعليكم السلام (وحرك السياره متجهاً لمنزلهم المجاور) ............................................................ ....... في مخيم آل لطام بعد ان نام الجميع لكنهم لم ينامو في بيت الشعر فلاح بحماس:اسكتو ياشباب ذاك اليوم وانا في السوق وتنشب لي عجوز فهاد:وش تبي فلاح:تخيلو طول اليوم تتبعني ويوم اندبلت كبدي التفت عليها قلت انتي تبين شي يومش من اليوم تتبعيني تدرون شقالت فهاد بابتسامه:وش قالت فلاح وهو يقلدها ويضع يده على فمه وبدلع مفرط مضحك:يااااااي يازين اللي يوش وانا اقوم قدام الله وخلقه وانا افصخ عقالي وانا السبها والكل يناظرنا والله مااحد فزع لها الين هي طقت انفجر الجميع ضاحكاً ماعدا هو الذي كان غارقاً في همومه:ههههههههههههههههههههههههههه عساف:وانت ماذليت من شرطه ولا عرب فلاح بقهر:ذيك الساعه ماهمني الاادبها اقولكم والله انها في محاري 60 بداح:هذا جزاها اللي معجبه فيك فلاح:اخخخخيه منها ومن اعجابها اصلاًاللي مثلها في بيته ويطلب الرحمه والمغفره وحسن الخاتمه نهار بهدوء:الله يستر على بناتنا الكل:آمين نهار:ابو سعد وش في خاطرك متعومس لطام:مابه الا الزين ياابو سلطان ثم اردف قائلاً:نهار سمعنا من قصايدك نهار وهو يعتدل في جلسته:ابشر (وابتسم وهو يتخيلها) هذي والله لعبدالله العدواني مهيب لي وبدأ يجربصوته الذي يبري الجراح:تسلم لي الضحكه ويسلم لي الطول يوم اقبلت وارخت سدول اللثامي تقول وضحاً زرفلت بأول الشوط مع ذود عبدالعزيز اللي عليها الكلامي عيون خرس ورمش ولسان معسول والوجه ماخذ نور بدر التمامي عنق ونحر والشعر مهوب مجدول ليلٍ اليا تحت الروك مترامي(ثم صمت بألم نهار:الله يلعن الشيطان اللهم اغفرلي وبدا يستغفر فلاح بهدوء:تكفى نهار كملها من غير ماتجيب الوصف نهار:ابشر ورجع يكمل يادانة الطواش ياالماس يالولو ياخوخ يارمان ياتين شامي مقتول في وصلك في البعد مقتول ياضيعتي في قمة الانسجامي لاصار غيري في مكاني وش اقول قربه حلال وقرب مثلي حرام وسلامتكم الكل:صح لسانك فلاح بصراخ:اوووووووووووووه فهاد يضربه على فخذه:وجع اقصر صوتك بداح وهو يضحك:خله مااحد بسامعه فلا وهو يغني بطريقه طفوليه لأنه بدا يفصل:بابا نهار انت الحب ونبض القلب بداح وعساف وفهاد:ههههههههههههههههههههههه نهار:الله يقرفك كرهتني في البزران فلاح:انا اذا اعرست بقول لمرتي ذا القصيده عقبها تشوفونها تموت علي تحسب اني شاعر بس اربها ماتطيح على القصيده مع انها مهيب من ذا النوع عساف باستغراب:وانت شدراك فلاح ببرود:لأنها حصيصه على قولت جدي صمت .....صدمه......ترقب.............عدم تصديق انتهى البارت ..................................................... . بـــقـــــــــــ شادن لــــــــــــم |
السلام عليكم
يعطيك العافيه شدون ماقصرتي الحين بديت افهم شوي وارتب افكاري ناصر بسميه رجال وضوح الصغيره رد مرته اللي كان متزاعل معها بسبب ما ندري عنه بس لمح له بكلمته ماني بغاصبك والحين ردها بعد ما اعرس عليها مرتي يادبها ******* ناصر ابو ضيدان وشاهه وحصه و....... هذا كان رجال وضوح الكبيره عمه جواهر وطلقها لسبب مانعرفه شكله تهمه كبيره وهي مالها فيها ذنب ****** الشايب لطام ابو ناصر وام ناصر شاهه هم اهل ناصر الكبير وهم اللي يدارون بناته ***** منهي اللي يوصفها نهارر شكلها شاهه بس بياخذها لطام وحصه بياخذها فلاح ******* انتظر القادم لتووضح الصوره اكثر لان الاحداث للان مابينت مجريات حياتهم مجرد وضحت ماضيهم اللي اتوقع على اساسه بتبنى حاضرهم |
شدووووونه يعطيك العافيه
الروايه كل مالها وتحلو أكثر وبدينا ندخل جو مع الأبطال خاصة قصة ناصر ووضحى الصغار.... وياترى وش اللي ناوي عليه الجد لطام لما سأل شاهه عن القصيده ؟؟ وإيش سالفة اللي يفكر فيها نهار يمكن تكون شاهه؟؟ وفلاح وحصه ...تخيلت حصه صغيره بس لما قال فلاح إنها هي اللي بيتزوجها تلخبطت... ياليت لو توضحين لنا أعمارهم عشان نتخيلهم؟؟؟؟ ومشكووووووووووووووووووووره... |
بصراحه عجزت افهم
صح ان اللهجه حلووووه والقصه حلوه بس مافهمت الحين فيه وضحتين وناصرين بلوز شادن فهميني مع الشكر الجزيل |
تسلم ايدك يا شادن على البارت الروعة
ناصر ووضحة بيرجعون لبعض بس شو السبب الي خلاه يهجرها سنة كاملة وناصر ووضحة الكبار باموت واعرف شو الي صار بينهم من سنين فلاح بيأخذ حصة بس ليش مبين عليه انه ما يبيها نهار من حبيبة القلب يا ترى |
أعجبتني وضحى وشرطها إنه مايتزوج عليها ناصر
ناصر وكبرياءه بس هالكبرياء ماراح يستمر لما وضحى تطيح اللي برأسه نهار واللي يحبها الى الآن أتوقع إنها شاهه فلاح وحصة ليه انصدموا ان فلاح بياخذها هل لانه مجبور عليها ويرضي جده رغم نظرتهم لماضي أمها أو لان هناك أخرى في قلبه الجد والجدة وحنانهم بلا حدود على شاهه واخواتها بلسم على قلوبهن تداوي جروح فراق والدتهن دهن العود الله يعطيك العافية بارت أكثر من رائع لروحك الود |
رووووووووعه وربي بس نفسي اعرف وش وراء هالشيبان السر اللي مو راضي ينفكشف لي ...!! وبعدين وش فيهم ضاعت علومهم يوم دروا ان فلاح بياخذ حصه حرام وش اللي وراهم ...!! وضحى حركتات وربي شريط رووعه وصدقيني بينفذه ..بس ياخوفي بعد العرس تقولين ياليته يعرس << من اللي راح يوريك اياه ..<< متشائمه *__^ بس اتوقع بعدها بيموت فيها .. حلوتـــــــــــ"دهن العود"ــــــــــــــــــي .. أنتظر جديدك يالغلا وقلم رائع .. .. . |
ههههه ياحليلها ذا العجووز اللي تغازل خخخخخ يمكن جتها مراهقه متأخره وبتطلع مواهبها فوفو عط سداح فرصه مهووب تلشطها بعقالك هههه بس تستاهل الختياره هههه .. ياحليلها وضووح الا هي كم عمرها تقريبا ؟؟ بس للحين عقلي مابعد جمع وش يقربون لبعض ابو لطام وابو نهار وشاهه وابو ناصر ومدري من ؟؟ .. يعطيتس العافيه الشااادن .. .. شكلها روايه طر وبتغطي على الموجود بالساحه ذلحين .. |
♪♪♪ ايووووووووووووة .. الحين فهمت ان فيه ناصر و وضحة من كل واحد اثنين ههههههه .. على بالي في البارت الماضي ان الكبار يسترجعون ماضيهم .. الجد اممم شكله ناوي على شي .. منه ان فلاح وحصة لـ بعض ..! عواافي شدوونة .. كلي حمـــآإس للتكمللللللللللة .. ♪♪♪ |
بارت اكثر من رائع وماقصرتي
بس فيه استفسار بسيط كام عمر حصه اذا فلاح ابيخذه ومتى وقت البارت الجاي ويعطيس العافيه ياشادن |
السلام عليكم ورحمة الله وبركاتة صباحك / مسائك جوري شاذن الجزء جدا رائع اشكرك عزيزتي على هالجزء اسلوبك جذاب واختيارك للمردافات رائع ام شاهة <<< هي اكبر لغز في القصة ووجعة لجواهر بالحكي لسبب نفسي اتوقع لعدم الوتوق فيها بنات ناصر اتوقع في طبخ في راس الجد تدور حول البنات عندي احساس شبة اكيد ان لطام وشاهة بداية مخطط الجد يجمعهم سوى وفلاح اتوقع هي رغبة منه ان ياخذ حصة ناصر ووضحة << الصغار اتوقع تكرر الأسم في القصة له هدف والقصتين فية شبة والأختلاف بينهم بسيط عزيزتي مرة ثانية اشكرك على البارت لك ودي |
السلام عليكم صباح الورد بما ان الكثير طالب بالتعريف فأبشرو وهذا التعريف الجد لطام زوجته شاهه عياله سعد ومتزوج بنت عمه نوره وعيالهم لطام 34 سنه ..بداح31سنه..فهاد29سنه ..ثمينه21سنه ناصر ومتزوج وضحه بنت عمه وعنده شاهه19سنه..عليا18سنه..حصه17سنه::::::::وبعدماطلق وضحه تزوج وسميه آل مصلح جابت ضيدان 4سنين وماتت وهي تولده صيته ومتزوجه ولدعمها واخو نوره سلطان وعندهم نهار33سنه..عساف 31سنه..فلاح 28سنه..نوره 20 ................................ الجد نهار وزوجته ثمينه متوفين عيالهم سلطان ونوره ................................ الجد ناصر وزوجته جواهر متوفيه عياله فيصل ومتزوج هيا وعندهم ناصر33سنه..نايف29..جواهر 19سنه وضحه متزوجه ناصر ولد عمها لطام محمد متوفي متزوج ساره وعندهم وضحه 21سنه..دلال 19سنه ......................................................... توكلت على البارئ القدوس البارت الخامس *********** في بيت ابو ناصر الهادي فتحت باب غرفة النوم بعد ماتفقدت باقي قصرها الصغير (يالله وحشتني شقتي هذا هو المكان نفس اللي خليته قبل سنه افففف المكان مليان غبــــا.......... قاطعها صوته) ناصر وهو يحذف غترته على السرير:نظفي المكان على الماشي الين يجي بكره وخلي الخدم ينظفونه كله وضحه وهي تحط عبايتها ولفتها ونقابها على السرير:لا ماأقدر اخلي المكان كذا بروح اجيب الاغراض عشان انظف الجناح كله ناصر بصدمه:من صدقش الناس رقود وين تنظفين ذا الحزه وضحه وهي تبعد القعده الصغيره اللي في غرفتهم:قلتلك ماأقدر انا بنفظ السرير وابدل الديباج وانت ارقد وانا بشوف شغلي(الديباج=غطاء السرير) ناصر ببرود مصطنع:كيفش(نزلت تجيب اغراض التنظيف) ناصر وهو يحط لفتها ونقابها على وجهه ويحذف نفسه على السرير بابتسامه:لبى الريحه وراعيتها (وتاه في عالم وضحه ) ايقظه من حلمه اليقظ:ناصر قوم خلني ابدل الديباج ناصر بارتباك وهو يبعد اغراضها عنه:ها..اي انشا الله بدأت تعمل بجد وبعد عشر دقائق:يالله خلصت امسكها ليقربها منه فيضمها مبتغياً ان يدفنها بين عظامه العوج.........ثم ابعدها بسرعه كالملسوع وخرج مسرعاً للصاله الصغيره التي في شقتهم ليتركها تنهار خلفه ناصر وكفاه تحتضن رأسه:ذليت من شي ماسلمت منه ربع ساعه ماتحملت شلون الايام الجايه يالله رحمتك اما في الداخل كانت جالسه على سريرها وهي منهاره:لهالدرجه كارهني بس انا استاهل انا اللي جبته لنفسي....آآآآآه ه ه ................................ في بيت الشعر لطام بغضب نادراً مايظهر عليه:فلااااح احشم نفسك فلاح بهدوء:انا من صدقي وبخطبها بس ابيكم تعاونني على الشيبان نهار بنرفزه:فلاح الموضوع ذا مهوب مزح مثل عادتك هذي بنت عمك وترا حنا كلنا اخوانها لاتحسب ماوراها الا ابي ناصر لطام وقد هدا قليلاً:لحظه يانهار خلنا نفهم وش ذا العلم الجديد فلاح:انتو شفيكم علي عساف:فينا انك تكلم في موضوع مافيه مزح وانت ماخذ الموضوع ضحك بداح:فلاح انت صادق في اللي تقوله فلاح بتوتر:والله اني صادق بس الشيبان بعيييون عشانكم(بعييون=يرفضون) فهاد باستغراب:عشانا؟؟ فلاح:ايه لأنكم الكبار ماأعرستو وانا اصغركم مايصير اخطب قبلكم لطام:حنا ماحنا ببنات عشان نعرس بالدور فلاح:عاد انتو ادرى بشيبانكم لطام بهدوء:انت صامل؟؟ فلاح بحماس:اي والله صامل لطام:خلاص انت اقدم وحنا معك (اقدم=اقبل) فهاد بمزح:الحين انت البزر تعرس قبلي فلاح:ترا مابينا الا سنه يالخبل بداح:والله وكبرت يافليح فلاح:جعل امحق حكي اولٍ بزر وعقبه كبرت ..ليه انتو خابريني احبي الكل:ههههههههههههه ******** بعد مرور الوقت دخل عليها كانت ترتدي قميص قطني يصل الى تحت الركبه مباشره وتشتغل بهمه ناصر:يعطيش العافيه انتفضت قليلاً:الله يعافيك.....ثم اردفت:تبي عشا اسمح لي لهيت ومانشدتك ناصر وهي ينسدح على السرير:لا مشكوره بس اخلصي عشان تريحين قبل الصلاه شوي وضحه وهي منهمكه في عملها:انشا الله وبعد مرور اربع ساعات لم تغفى عينه وهو يتبعها بعينه وهي تعمل باجتهاد ناصر:يابنت الحلال خلاص وضحه بتوتر وهي تعيد السجاد مكانه:خلاص هذا آخر شي(انتهت من عملها الشاق وذهبت اكرمكم الله الى الحمام لتستحم...........وبعد مرور ساعه الاربع خرجت وهي تلف نفسها بروبها ) كان يتابع التلفاز ولكن حين خرجت محت كل تركيزه وبعثرته بشكلها الأسر وضحه وهي تجلس امام المرآه وتضع كريمات الترطيب على جسمها:ناصر ترا انا بنام في الصاله وانت اخذ راحتك في السرير ناصر بحزم:لأ نومه في مكان غير جنبي لأ(ثم انتبه لما قال)ثم اردف..اقصد لازم ترتاحين عقب ذا التعب اخفت ابتسامتها التي تعبر عن فرحتها لما قال حتى وأن حاول تحوير المعنى ثم ذهبت لغرفة التبديل لترتدي بجامتها البيجيه الحرير ثم اقبلت عليه بغصنها الريان لتختبئ في فراشها ناصر وهو يغلق التلفاز ويتمدد بجانبها:ترا ماحد يدري انش عودتي الا ابي ومااتوقع انه امداه يعلمهم وضحه بخجل:خلاص اجل انت انزل قبلي بكره وعلمهم لأني مستحيه منهم والله ابتسم لخجلها المفرط الذي لازال كما هو حتى وان غابت اعوام ليس عام واحد.................صمت الاثنان رغم اشتحان الجو بينهما لحظات حتى احست به يجذبها ناحيته ويضمها بقوه ليستكين وجهه في شعرها البني وضحه بتوتر:ناصر ناصر وهو يهيم بها هي فقط:ماراح اسوي لش شي(لكن قلقها وخجلها لم يهدأ) بعد مرور نصف ساعه ناصر:يابنت استكيني اقلقتيني بحركتش قلت لش مانيب مسوي لش شي استكانت خجلاً.....لاتعلم لماذا اصابها التوتر حين دخول بوابة احضانه رغم انها كانت لاتنام سوى على احضانه ......................................... الله اكبر الله اكبر.............الله اكبر الله اكبر اشهد ان لااله الا الله .......اشهد ان لا اله الا الله ام شاهه وتنهض بعد نوم متعب اكثر ممايكون مريح:يالله اصبحنا واصبح الملك لله وش ذا النومه المحقا .........مان انتهت من كلمتها حتى راتها تدخل بخجل مخفضةً رأسها جواهر:صباح الخير يمه وضحه وهي تظهر غضبها الكاذب:هلا صباح النور ثم تركتها لتذهب للوضوء اعزكم الله جواهر وهي تجلس في الصاله حزينه لما وصل غضب عمتها وضحه:يالله قومي روحي غرفتش صلي جواهر بصوت يتحدر للبكاء:بصلي عندش وضحه بقسوه:لا يالله روحي غرفتش خلصيني جواهر وقد بدات تبكي وتقبل رأس وضحه وتضمها رغم برود وضحه:يمه تكفين خلاص سامحيني والله ماعاد اقول مثل ذا الحكي مره ثانيه وضحه وهي تبعدها:ماأقدر نفسي ماتقدر تسامحش خرجت جواهر هاربه من هذا الوضع وضحه بحزن:ياجعلني قبلش وقبل زولش سامحيني يامش بس ابي لش الزين انا بعد ماقدرت اهدي اللعب شوي كاني مادري انها ماتحمل شي....الله يلعنك يابليس الهيتني من الصلاه وقامت تصلي .............................. .. في نفس المكان بس تحت ابوناصر يالله مشينا نايف:لحظه يبه ناصر مابعد جا ابوناصر يخفي ابتسامته:اخيك اليوم مهوب في حالك يمكنه يصلي في شقته نايف بابتسامه:اجل يالله قبل نتأخر على الصلاه قده بيقوم واتجها للباب اكن اوقفهما صوته:لحظه خلوني ازين ثوبي تبادل نايف ووالده النظرات ناصر: شفيكم ابو ناصر وهو يفتح الباب ليخرج:ابد سلامتك يالله مشينا(وخرج) نايف وهو يهمس لناصر:صباح الخير ياعريس ناصر وهو يخفي ابتسامته: اصبح اصبح وتبعا والدهما الذي سبقهم للمسجد ..................................................... . الجد وهو يلكز فلاح وفهاد وعساف وبداح بطرف عصاه:قومو الصلاه الصلاه دخل لطام الذي يغطي وجهه بغترته بعد انتهاءه من الوضوء:استغفر الله استغفر الله....(قبل رأس جده) صباح الخير يبه بو سعد بحب:صباح النور يبوي ها نصلي لطام:لحظه ابواني عادهم يتوضون ابوسعد بعصبيه وهويلتفت على العيال اللي ماصحو:وذا الجعاريه مابعد قامو(الجعاريه=الكلاب) ثم اردف:عطي جركل الماء لطام وهو يبتسم لعلمه بما سيقوم به جده:ابشر(اعطاه الجركل) ابو سعد ويصب الماي على العيال:قومو خلصوني استيقظ الجميع وهو يجري باحثاً عن الماء للوضوء لطام:خلك وياهم ابوسعد:اندبهم من يوم قمت ولامنهم اللي تحرك دخل ابولطام وابو نهار وابوضيدان ونهار:السلام عليكم الجد ولطام:وعليكم السلام الجد:يالله نصلي الجميع يالله استوى الجميع للصلاه...اتى فلاح مسرعاً ليصطدم بنهار الذي كان على طرف الصف ثم اتى فهاد وعساف وبداح يجرون لينظمو للصف ............................................................ كانت تقف امام الغاز الارضي وهي تضم شالها على كتفيه وتنفخ بين كفيها باحثةً عن الدفء شاهه وهي تنتفض:يالله متى يدفا الماي جمدت دخل عليها وهو خائف:ساهه شاهه بفجعه:شمقومك من فراشك من غير هدوم(انحنت عليه وحملته وهي تغطيه بشالها متجهه لخيمتها هي واخواتها وجدتها) وضعته على فراشه وغطته:يالله ارقد انا بروح اجيب حق ماما جده ماي واجي ضيدان:بسلعه شاهه وهي تضمه:ابشر بس انت لاتقوم م فراشك الين اجي ضيدان وهو يعود للنوم:انذين دخلت عليا ترتعد برداً وتهمس:صباح الخير شاهه وهي تضمها لتدفيها وبهمس مماثل:هلا صباح النور...وين اختش عليا:برا توضا شاهه وهي تبتعد عنها:احرصي على اخيش توه جايني في المطبخ لحاله عليا وهي تفرش سجادتها للصلاه:اني قبل اظهر توعى ونشدني منش وقلت شوي وتاتي الظاهر ماصدقني وجاش يدورش بس ماعليش خلاص انا عنده شاهه وتتجه للجد لتوقظها:يمه ...يمه الجده وهي تفتح عينيها:لبيه شاهه وهي تمد كفها لتعين الجده على النهوض:يالله يمه الصلاه الجده:اصبحنا واصبح الملك لله شاهه وهي تعدل جلالها وبرقعها:لحظه يمه بروح اجيب الما الدافي عشان توضين في الذرا(الذرا=حاجز) الجده:الله يجزاش خير يابنتي ويكبر حظش ذهبت شاهه وماهي دقائق حتى دخلت ومعها الماء:يالله يمه الجده:تعالي قوميني يامش ............................................... .. وبعد شروق الشمس استيقظ الجميع في بيت الشعر والكل جالس بانتظار اكتمال الفطور ضيدان الذي يجلس بجانب فهاد كالعاده:فحاد فهاد:لبيه ضيدان بحماس:اليوم تلوح ويانا عند الوحوس(الوحوش) فهاد:ههههههه اسمها الابل فلاح وهو يغمض عين ويفتح الاخرى:هذا حضيري ماتنفعه حياتنا ابوضيدان وهو يضم ابنه:اقول احترم نفسك لاتغلط على الرياجيل بداح:ههههههههه من الرياجيل لاتقول بابا سنفور ضيدان بصدمه لأنه يعرف ان فلاح وبداح وعساف ونهار لايسمونه سوى بابا سنفور:بابا انا سنفور فهاد:الاهم السنافر ماعليك منهم ابو ضيدان:سمعت فهاد شقال هم السنافر الجد وكأنه يخاطب الكبار:لاتشره عليهم وانا ابيك حطو دوبهم دوب البزر فلاح:حلوه يبه النغزه الجد:اقول تلايط يارجال ضحك الباقي عليه اكتمل الفطور وبدأ الجميع بتناوله ................................. ... شاهه وهي تضع آخر طبق على السفره:يالله سمو الكل:بسم الله (وشرعوا بالاكل) وبعد مرور نصف ساعه الجده:الحمالله جعله يكثر خيركم الكل:فيه العافيه(وبدو البنات يشيلون الصحون) عليا:تسلم ايدش ياشوشو على ذا الريوق اللي كانه ريوق ملوك الجده:جعلني قبلها بنت ناصر راعية بيت جيده عليا:يمه مايصير كذا كل ماجبنا طاري شاهه قمتي تمدحينها وحنا مالنا رب الجده:كلاً غالي بس شاهه غير عليا:هذا بلا ابوك ياعقاب الكل:هههههههههههه ............................................... دخلت عليها للمره الثانيه جواهر بحزن:السلام عليكم ام شاهه وهي تشاهد التلفاز دون ان تنظر لها:وعليكم السلام........ها طاح مافي راسش جواهر وهي تقترب منها لتلقي نفسها في احضانها:والله اني ندمت على حكيي ام شاهه وهي تضمها بشده:انا ماسويت ذا الشي الا عشان تدرين انش اغلى من سار على الارض عندي جواهر وهي دافنه وجهها في احضان عمتها:رضيتي علي يمه وضحه:وانا زعلت اصلاً جواهر:والله يمه اني مانمت من امس وضحه:انا شكلي بزعل مره ثاننيه جواهر وهي تمسح دموعها:من اللي بيخليش تزعلين ام شاهه:هههههالرضوه غصيبه يعني جواهر:ههههههوالله عاد كيفش بس زعل مره ثانيه مافيه ام شاهه:طيب امشي نروح نسوي ريوق لاني لذا الحين ماتريقت جواهر:لا قومي البسي عشان بنتريق انا وانت وامي برا على حسابي ام شاهه:تراش قلتي على حسابش جواهر وهي تخرج لتستعد للذهاب مع عمتها .................................. ابو سعد بعصبيه:يالله اخلصن علي ابطيت على ذودي حصه ومن داخل الخيمه:ياناس من يرضي ان حنا نركب في البدي كن حنا غنم عليا:هههههههههههه اخلصي جدي ضايق واتجهن ليركبن في (البدي) كانت سيارة الجد شاص وماكان يشوف عدل بس هو مايرضى ان احد يسوق فيه كان راكب قدام وجنبه الجده وشاهه وفي حضنها ضيدان وفي البدي نوره وثمينه وحصه اللي تحلطم وعليا وام نهار وام لطام اللي ركبن باختيارهن رغم اصرار شاهه على انهم يركبون قدام بس هم مارضو يقولون (نبي هوا ربي) حصه:يافشلتي ان شافوني رفيقاتي وانا في ذا الحال المزري نوره:وابشرش ترا العيال يضحكون علينا عليا وهي تتطنز:يافشلتش ياحصيصه العيال واقفين ويتمصخرون عليش ام نهار:الله يقطع بليسش ياعلوي لاتزيدينها عليها ثمينه:خلها وياها حصيصه بنت ناصر وذابحتها الحضاره ........................................... .. فلاح وهو واقف برا بيت الشعر ويضحك على اللي في البدي فلاح:هههههههههههههه ياعيال تعالو شوفو جدكم وش سوا في النشوان طلعو وفقعوها ضحك عساف:اما اشكالهم تحفه فهاد:فليح الظاهر المدام معهم فلاح وهو يمثل انه بيغمى عليه:يالبييييه ظربه نهار على راسه:احترم نفسك فلاح وهو يدخل:لالالا انا لازم اتمم الموضوع راح عند عمه ناصر وقام يحب راسه وخشمه:طالبك يبه ماتردني ابوضيدان:والله انه تم فلاح:انا ابي اعرس ولاني معين احسن من بنات عمي وخصوصي حصه ابوضيدان نزل راسه وهو يبتسم وبعد فترة صمت رفع راسه:يابيك لوانها ذبيحه ماعشتك ابو لطام بفرحه:اجل شوفو لاتجيبون طاري عند ابي الين اقوله ونخطب رسمي لانه بيزعل ان درى ان ذا الخبل المرعوش خطب وماعلمه بداح اللي واقف جنب عساف عند باب المجلس وبصدمه:سواها المدموغ فهاد وهو يضحك بصوت واطي:هههههه اشهد انه اجيدنا الحين حنا اللي اكبر منه ماسويناها وهو في دقيقه خلص الموضوع عساف:ياويله من جدي لوانه يدري والله ان يمحق ذا العرس على راسه .............................................. وصل الجد واللي معه الجد وهو ينزل من السياره:يالله انزلن ونزلن الاغراض نزل الكل حصه الغاضبه:آآآي ياكبي آآي ياراسي رايحه ملاهي مهوب رايح للبل نوره:ههههههههه اقول اخلصي بس جيبي الاغراض الجد ينادي شاهه اللي كانت تنزل الاغراض الثقيله لان البنات مايقدرونها:شااااهه شاهه وهي منهمكه:لبيييه يبه الجد:يابيش ادخلي الشبك واحلبي لنا من الابل شاهه اللي معروفه بعدم خوفها من اي شي على عكس الباقي الا الجده:ابشر يبه عليا وهي تمسك ايد شاهه:احرصي على عمرش شاهه بابتسامه:ماعلي شر انشاالله(وخذت الطاسه ودخلت ) اول مادخلت استنكرت الفحل اللي يراقبها مع انه مهجور(مهجور=مربوط) راحت عند وحده من النوق وبدت تحلبها وبدت تسمع هدير الفحل اللي قام يتحرك بقوه يبي يقطع الخيط........... فجأه ماشافته الا وهو يشلع المركابه من الارض وجاها يجري حذفت الطاسه وقامت تركض تبي توصل باب الشبك بس................................. ................................. ................. بــــــقـــــــ شادن لـــــــــــــــــم |
اعذروني اذا كان البارت قصير ووعد مني البارتات الجايه تكون اطول
موعد تنزيل البارت راح يكون يوم الاثنين والخميس اتمنى لكم قراءه ممتعه اختكم شادن |
لااااااااااااا حرام شاهه وش بيصير عليها
ياربي موقف يخووووووووووووووف اتوقع احد سنافي من الشله يجي ويطامر وينقذها يمكن انه لطام عوافي شادن بارت قصير بس حلووووووووووو ننتظرك بشوق |
تسلم يدك يا الغلا على البارت الجميل والرائع
فلاح وحصة شو موقف حصة من هالزواج اتوقع ما يعجبها ما ادري وشو بيصير على شاهه المسكينة متى بنعرف قصة وضحة وناصر يا ترى بانتظارك يا احلى شادن مشكووووووووووووووورة |
هلا وغلا تونى بديتها وما تركتها الا مخلصه الاجزاء كلها
الله يعطيك العافيه على الابداع وعلى الاسلوب الشيق وعلى الهجه الحلوه الى تكتبين فيها اتوقع لطام ياخذ شاهه واتوقع انه انسب واحد لها واتمنى ما يكون نهار حاط عينه عليها هو فيه اختيارين اما ان نهار يحب شاهه او عليا واتمنى عليا فلاح وحصه بيكون فيه اكشنات بينهم اكيد الجوهره واخرت تعلقها بوضحى يمكن تاخذ من عيال عم البنات اتوقع الجد يخليهم يشوفون امهم الله يستر ما يصيب شاهه شى او الجد يحاول يساعدها وتجى فيه ناصر ووضحى وسبب انقطاع علاقتهم سنه كامله عشان كلمه قالتها وش سبب هالكلمه الى انقالت بنتظارك بكل شوق لمعرفت مصير شاهه وش بيصير عليها |
السلام عليكم ورحمة الله وبركاته
ياصباح الفل والياسمين ياصبح معطر بدهن العووووود<<يالبيييييييييييييييييييه ذالريحة اعشقهااااااااا حياالله سميتي شخبارش ان شاءالله بخير الرواية رووووووووووووووعة بس لخبطتينا في تكرار الاسماء ياليت تذكرين اسم اب وحدة منهم والا تقولين الصغيرة يعني اي شي عشان نميز ولانتلخبط وتسلميييييييين فديتش على الرواية بس ياليت اتطولينه شوي وتقبلي مروري #دهن العود# |
مرحباااا يا الغالية دهن العود فديت اللهجة انا من محبين اللهجة ولي الفخر في حبها وحب اهلها
كتابعة من خلف الكواليس لكن هالمهجور على قولتس خوفني يا رب ما يصير لها شيء مبدعة ما شاء الله عليتس وشلون فكرتي بالفحل يا الله والله انه كسر رجل اخوي بس على شانه ضربه قبلها بسنة وظلت في باله لاحد ما اجلسه في سريره لمدة ثلاثة شهور وهذا واحنا مالنا ناقة ولا جمل الا لاهل زوجته بس ههه هذا ما جنه على نفسه المهم يا الغالية اضن ان لطام هو من بيوقف في وجه هالفحل الهايج ويكون البطل اللي انقذ الاميرة وبيلمح الجمال المدفون عنهم وبيستوي به نفس ما استوى في فلاح ( خيالي واسع السموحة) ودمتي بود |
[FONT="Arial"]فديت اللهجة :flowers2:ياناس اعشقها احبها موت: ]تحس بالفخامة فيها >> مع ان مو كل الكلمات تكون واضحة " بس تنفهم من الكلام " واسلوبك ممتع >> اعتبريني من المتابعين للرواية حتى لو ماوقعت برد >> تحسبآ للايام الجاية ظروف امتحانات...... >> متى البارت الجاي " نبي نعرف مين البطل المنقذ؟؟ هذا إذا >> بعيد الشر "كان في منقذ"؟؟؟ [/FONT |
مساء الخير
القصة رائعة ومشوقة وقصة وضحة وناصر اعتقد ان فيه شك من طرف ناصر الشيء الثاني اعتذر عن هذه المداخلة بس حبيت انبهك على كتابة كلمة ان شاء وهي ان تكتب هكذا وليست متشابكة الفرق بين كتابة ان شاء الله وانشاء فقد جاء في كتاب شذور الذهب لابن هشــام أن معنى الفعل إنشاء أي إيجاد ومنه قوله تعالى " إِنَّـآ أَنشَأنَهُنَّ إِنشَـآءً " سورة الواقعة 35 أي أوجدناها إيجادا . فمن هذا لو كبتنا " إنشاء الله " يعني كأننا نقول أننا أوجدنا الله تعالى شأنه عز وجل وهذا غير صحيح كما عرفنا .. أما الصحيح هو أن نكتب " إن شاء الله " فإننا بهذا اللفظ نحقق هنا إرادة الله عز وجل فقد جاء في معجم لسانا العرب معنى الفعل شــاء ، أي أراد ..فالمشيئة هي الإرادة فعندما نكتب إن شاء الله كأننا نقول بإرادة الله نفعل كذا.. ومنه قول تعالى " وَمَا تَـشَـآءُونَ إِلا أَنْ يَـشَـآءَ اللهُ " سورة الإنسان 30 أي ما نريد شيئا إلا إن أراد الله عز وجل فهنـاك فرق بين الفعلين أنشئ أي أوجد والفعل شــاء أي أراد فيجب علينــا كتابة إن شاء الله وتجنب كتابة إنشاء الله |
الله يعطيك العافيه اختي شــــــــــــــــــادن على هذي الرويه الرائعه
واتوقع الي ابينقذ شاهةهو لطام وبينبهر في جمال شاهة وننتظرك يوم الاثنين على نار اختك الريم العوب |
السلام عليكم شخبارك شادن
روايتك من اروع ماتكون بصراحة حيل اعجبتني ولفت نظري الاسماء واللهجة المحببة على قلبي للحين الشخصيات متلابسة عندي بس انشاء الله بفهم مع الوقت وعجبتني شخصية شاهة واهتمتمها في اهلها شيئ رائع انتظر البارت الجاي ابي اعرف وش بيصير لشاهة من الجمل سلمت يداك شدونة كوني بخير وساكون بالقرب |
هلا والله بنت ديرتى <<فديتها
وش هالقصه الحلوه وربى ابدعتى 00ولاعااد اسمعش اتقولين بهون مانى بكمله القصه 00بدورش الين احصلش وبثور فيش بالبازوكه الى تحت سريرى<<خلاص تعلقت بقصتش بجدوالله روووعه 00وحبيتها من صمصومه قلبى بس عندى سوووعال 00الحين ناصر مطلق ووضحه من سنه ولا اكثر؟؟؟؟؟؟؟ نرجع للبارت وضحى<<<ياااااااااااااااااااالبى الزين انا 00 ايه يالوضيحى أدبيه وطلعى عيونه على الى سووواه عجل يروح يعرس عليش لا وثنتين بعد00 بس مو تخقين عند اول همسه منه اعرفش ماتصدقين يقولش كلمه الا وطيييح الحطب يالدوووبه<<<فيس معجب خخخخخخخخخخخخخخخخخخخخ ناصر<< خاطرى اعرف وش مسووويه هالبنت عشان هالعقاب كله 00 اذا هى قالت كلمه غلط كان هجرتها مو طلقها وتحرمها من بناتها 00ومسوي فيها شديد وقوى وانت بغى يغمى عليك من الشوق يوم شفت زولها <<<فيس وده يعطى نويصر بوكس هع شااااااهه<<فديتج انا 000 ولا طالعه حلوه على المزيونه امج 00 معليه ياشاهه تصبرى انتى الكبيره ادرى انش بتموتين وتشمين ريحه امش بس وش تسووووين 0بس ابشرش هذه بترجع لكم <<فيس متحمس اشووف رده فعل البنات لطاام<<شاااااااااااااااااااااااااادن ترا هالمزيون محجوز لى لاتقووولين ماعلمتش خلاص صااادرته هع شااااااااااااااااااادن انطرش اليوم 00بس بغيت اطلب طلب صغيرون ادرى انش مضغوطه وعندش جامعه ولوووويه 00 بس ياليت اتخلين تنزيل البارتات يومين فى الاسبوع 00من حبى لقصتش ابغيها كل يوم بارت بس راااضيييين بالبارتين فديت عيووووووووووووووووووونش الحلوه نفذى هالطلب لان قصتش قوووووويه ققققووووووووووووويه جداً ويوم واحد فى الاسبوع مااايكفى بنننسى البارت |
أنا فعلا ملخبطه في القصه طيب ناصر رجع لوضحى ليش بناته مارجعوا لأمهم هم ساكنين مع معين شاهه وأخواتها
مع أهل ابوهم .... مشكوره ياشادن على الأسلوب الأكثر من راقي ... وعلى الوصف الرائع للقصه . الله يستر على شاهه ... وينجيها يارب |
دهن العود
رووووعة البارت حصة تعرف ان فلاح يبيها ولا راح تنصدم بخطبيته لها ناصر ومكابرته الفاشلة امام وضحة وسبب خلافهم وضحة وبرود تعاملها مع جواهر أكيد لسبب مو بس من أجل موقفهم السابق شاهة وش بيصير لها من هالموقف الله يعطيك العافية ودي ووردي |
القصه روعه واللهجه اروع
مازال الغموض مسيطر حتى الان ننتظر وش بيصيرلشاهه لاتتاخرين علينا يعطيك الف عافيه |
الحييين في 2 وظحة و2 ناصر شسالفه؟؟ ؟؟؟؟؟ يسلمووووووووووووووووووووووووووووووووو رووووعه بس انا تلخبطت
|
:8_4_134: السلام عليكم :8_4_134:
ماشاء الله أختي دهن العود ""شادن "" روايه روعه و لهجة أروع مع إنوو في كلمات شوية صعبه لكن جد رائعه صياغتك للأحداث الروايه وإختيار أسماء أبطال الرواية موفق ... يسلمووووو الله يعطيك العافيه و بالتوفيق ...في إنتظار إبداعك القادم بشوق بس في عندي سؤال متى موعد تنزيل البارت؟؟؟؟؟ و شكرا :flowers2: **أختكم لبنى**:flowers2: |
من طوال الغيبات جاب الغنيم وان شالله انك
تجيبين بارت ايبرد القلب صرحه الرويه روعه ونستنا من الي ابينقذ شاهة ونشوف جديد وضحى وناصر واذا مشغوله عطيناء خبر يالغلاعلشان مانط كل اشوي على الرويه وننتظرك على جـــــــــــــمــــــــــــر |
السلام عليكم ورحمة الله وبركاته آسفه على التأخير واسمحولي صارت عندي حالة وفاه مفاجئه فما قدرت ادخل واوضح لكم شي ولاحتى اعتذر بس صدقوني نفسيتي كانت تعبانه اما سميتي(#دهن العود#)اقولها عتبها على راسي وادري اني لودخلت واعتذرت او بينت لكم سبب انقطاعي ماراح ياخذ وقت بس لما يكون حالة الوفاه مفاجئه ومفجعه (جعلكم ماتجربونها) يغيب منش عقلش وماتدرين وش تسوين وارجع واقول عتبها على الراس وتمون السميه بس تكفون ياخواتي ادعو لسعود بالرحمه ولأمه بالصبر والسلوان ............ انا شفت ردودكم لاحظت البعض ملخبط فأنا راح اوضح لهم في الروايه موجود ناصرين ووضحتين فيه ناصر بن لطام وناصر بن فيصل ووضحه بنت ناصر ووضحه بنت محمد (ارجعو للتعريف وراح تعرفونهم وتفهمون اكثر) اما اللي رجعو لبعض هم ناصر بن فيصل ووضحه بنت محمد ............................................................ ................. توكلت على الغفار المجيب البارت السادس ........................................................ كانت تصفف ملابسه الخاصه بالعمل فخرج بعد الاستحمام وهو يخفي جزءه السفلي من جسمه ناصر بن فيصل:وضحه عطيني هدومي وضحه بنت محمدوهي تعطيه ملبسه الداخليه و بغضب وعينان تهربان من منظره المخجل:انا بفهم انت ليه ماتلبس في غرفة التبديل ناصر(من احدى زوايا الغرفه ) وقد علم بخجلها الذي يلازمها دائماً والذي يعشقه:ليه شفيها لوابدل هنيا ماعندي الا مرتي وش استحي منه وضحه ولازالت هاربه بنظرها وتمثل تصفيف الملابس بعصبيه:حتى لو.....عيب تطلع كذا وانت متمصلخ ثم اردفت بيأس غاضب:اصلاً انت مايهناك الا تفصخ عندي ناصر وهو يخفي ابتسامته:ليه انا قد جيتش سلط ملط وضحه بصدمه:هههئ عشان اقطع وجهك من وجهي ناصر:ههههههههههههههه الله واكبر تقطعين وجهش من وجهي عشاني متفصخ وضحه وقد بدأ الغضب يسيطر عليها وبدأت تتحدث بعصبيه وتحرك يديها يميناً وشمالاً تعبيراً عن غضبها:ثاني مره لاعاد تشوفك عيني ظاهر(ن) الا وانت لابس ملابسك كلها مايصير كذا حنا ليه حاطين غرفة تبديل الاعشا................... قاطع سردها لحديثها كفه الذي احاط وجهها وعيناه التي غرقت في بحر عينيها ناصر بصوت هامس:تدرين انه وحشني حياش الا طواني الشوق عليش كلش وضحه بهمس مماثل:ناصر انا تحت الاختبار حيــــــــنـــــــــــــها ابعدها عنه بقوه لأنه عرف انها لم تقل الذي قالته الا لتهدم عرش تواصلهما الروحي:حسبتش انسانه سويه قبل اليوم وضحه بصدمه:انا مانيب سويه ياناصر انا ناصر وهو يرتدي (ثوبه):وغبيه وغبي اللي يقعد معش بعد(وخرج تاركاً وضحه خلفه التي جلست على السرير بانهيار وصدمه لأنها لم تتوقع هذه الكلمه منه هو بالاخص) وضحه وقد عادت لخطتها:معليه ياناصر هذا اول الخير مابعد شفت شي اجل انا ماعاد لي مكان في قلبك وانا اللي تعرس علي مرتين وانا معطيتك القلب والروح وماحوا جالها (ماحوا جالها=تعني بها كل شيئ) ......................................................... اما في بقعة كانت هي تصارع الموت شاهه زقد وصلت آخر( الشبك ) و تنظر له وهو يقترب منها:دنا موتي دنا موتي ....لحظه انا قد شفت ذا الشيفه وشفتهم وش سوو به(كل ذلك لم يستغرق منها سوى جزء من ثانيه) بدأت تتلفت باحثةً عن اي شيئ يمكنه ان يساعدها في خلاصها من هذا الفحل الحاقد.....رأتها فركضت نحوها وتأخذها وتقف امامه ظانةً انها تستطيع ان تواجه ذلك المتوحش.................... رفعت يدها التي تحوي العصا لتضربه على (قاذعته) لكن ........(قاذعته=مفصل الرأس والرقبه) سقط الاثنين باركين ...................... ......................................لكن الجمل اكمل رحلة السقوط ليعود لما خلق منه فيتناثر دمه ويلطخ حتى وجهها الذي يحمل من الجمال مايسلب الالباب................ شاهه بصوت خافت وكانها تحادثه:كسرت عظمك مثل ماكسر ولدك عظمه اذهبت روحك مثل ماذهبت روحي بين الحياه والموت وهو ملازم فراشه ذبحتني اول وذبحتك تالي ..........بصوته الخشن:وليه ذبحتيه شاهه وهي مخفيةً وجهها الذي انكشف بعد صراعها مع ذاك البغيض:ومن قالك اني ذبحته هو وهو يستدير ليركب سيارته لكي لايراه احد بالقرب منها:مانيب خابرش تكذبين صمتت لحين سمعت صوت محرك سيارته فأجابت لنفسها:ذبحته عشانك .................................................. قبل ذلك بثواني في قعدة الجد واللي معه ام سعد:ياابو سعد ذا البعير آذانا برغيه هو في شي ابو سعد وهو يمد فنجاله لثمينه لتسكب له من القهوه:انه وقت هياجه جعله القوم(فقد اصاب الجميع صمت الخجل)(الهياج=وقت التزاوج لدى الجمال) ثمينه وهي تمد الفنجال:سم يبه ابو سعد وهو يأخذ الفنجال منها:سم الله عدوش عليا:ها يبه من اغلى الفحول عندك لذا الحين ابو سعد مبتسماً:كلهم غالين بس( نوماس) له الزويده حصه:يبه والله ان كل الابل وحده ابوسعد:يابيش من هواها عرفها نوره:ماشاءالله عليك يبه انا مااعرف الا(نوماس) عشان وسمه وعشانك مجلله(مجلل=مزينه بقطعة قماش تغطي جنبها مع سنامها) ام نهار:من عرفت ابي وهو مايحب الا بيرق اب نوماس وعقبه نوماس والظاهر ان كحيلان بيلحقهم ابو سعد:يابيش انهم اطيب فحولي وكل ناقةٍ طيبه وفحلٍ طيب هم عوال بيرق ونوماس وكحيلان اقبلت عليهم وقد بدا عليها التعب والهلاك ام نهار بقلق:يابنات انطحن اختكن شوفن شفيها لم تكمل كلامها حتى ذهبن كلهن لها ثمينه وهي تسند شاهه:شاهه شفيش حصه برعب:هههئئئئ ثمينه ملابسها كلها دم نوره بخوف:شاهه شفيش شاهه بصوت سيطر عليه التعب:مافيني شي الله يهديكن عليا بصوت حازم:بالعون مالش حاجه في المراح وصلن لمكان تجمعهم فابعدتهم عنها وذهبت حتى وصلت عند جدها فجلست امامه وركبتها على ركبته ......فانحنت وقبلت يديه:بيح مني يبه ابو سعد وقد رأى الدم :بايح منش لو تاخذين الروح شاهه وهي مخفضةً راسها:انا ذبحت نوماس يبه صعق الجميع ووقف الجد على قدميه:اخو ناصر الجده بصدمه:ليه يامش شاهه بصوت منخفض:مادون الحلق الا الايدين يمه ابوسعد بألم:اجل فاديٍ عمرش وانا ابيش ام لطام بقلق:وانتي يامش ارب مافيش شي شاهه وهي تكشف عن بديع صنع الرحمن لتغسل وجهها من الدم المتناثر:مافيني الا العافيه ياخاله ام نهار وهي تقترب منها بهلع :وين العافيه ووجهش كله دم شاهه وهي تغسل وجهها:هذا دمه اللي تناثر علي الجد:شلون ذبحتيه شاهه وهي حزينه لحزن جدها الذي كانت هي سبب ولادته:ضربته على قاذعته بعصا الجد بألم:لاحول ولاقوة الابالله ليه ضربتيه شاهه وهي تسترجع كل مامرت به:ممن يوم دخلت الشبك وهو يرغي وعينه علي يوم هنا جيت عند(الفاخره)ابحلبها وهو يقوم يشل بعمره ويخبط لين شلع المركابه من القاع وجاني يجري ولاعينت حولي الا عصا وضربته بها والظاهر اني اثقلت ايدي شوي الجد بتشفي:اجل يستاهل ماجاه والحمدلله على سلامة راسش الجده:اي واله الحمد لله على سلامة راسش الجد:يالله اجهزو عشان نعود للخيام شاهه وهو تلبس برقعها:والله ماتعودون انا ماعاد فيني الا العافيه تكدرون راحتكم ووناستكم ليه عليا وهي تحتضن شاهه:قولي والله مافيش شي شاهه وهي تشدها لصدرها اكثر:والله مافيني شي غير الخلعه(الخلعه=الخوف) الجد:هابصركم اقترب منها بعد ان اتى من رحلةً على(الرحول) مع الراعي:ســـاهه ســــاهه احتضنته بحب:لبيه ضيدان بفرحه طفوليه:لكبت على الوحس ومسى مسى مسى فيني وااااادد ثمينه:بدا حكي المجانين الكل:هههههههههههه الجد:كم قد عمره ياشاهه شاهه وهي تضم ضيدان لصدرها:اربع سنين الجد:قده رجال وذا حكيه شاهه مبرره:لاوالله يبه صغير توه على كلمة رجال ضيدان بعصبيه وهو يمسك بوجه شاهه:بلى انا ردال الكل:هههههههههههههههههه شاهه:ايه انت رجال وشيخ الرياجيل .............................................. في بيت الشعر ابولطام:ياجماعه ترا عمي ناصر منوم اكفهرت وجوههم لحساسية هذا الموضوع ابونهار:افا ارب مهب شي(ن)كايد ابولطام:الله يشفيه جايته جلطه ابونهار:يسين عليه ابو فيصل ابولطام:جعله يحيا رجال(ن)حار وصلف وجسمه ماعاد يتحمل ابونهار لم يعجبه هذا الصمت:شفيكم ساكتين ابوضيدان وهو يتلهى بفنجاله:انتو بتزورونه ابونهار وقد وصل مربط الفرس:ايه انشاء الله بنزوره ابوضيدان:مالك لوا مانيب خويكم ابولطام بنرفزه:ابوضيدان اللي راح راح ابوضيدان:انا مشغول ابونهار بعصبيه بدت واضحه:ناصر هذي ماهيب علوم رياجيل ابولطام بغضب:حنا ماحنا بنسوان نتحمس على بعض(نتحمس=نزعل) ابوضيدان بغضب يحاول اخفائه احتراماً لأخوته الكبار:اللي بيننا كسر ماينتجبر لطام بقمة الهدوء:مالنا حاجه فيهم ابولطام بغضب:عاد انت جاتك على ماتشتهي ابوضيدان:يابن الحلال لطام ماله شغل انا مابي الافرقى ذولاك العرب ابولطام وقد اشتد غضبه:اخو صيته قدهم عرب ابونهار:حنا وياهم دم ولحم هذا عمك وذولا عواله لطام ببرود:ابعدو الحطب من النار ويكفي ماجرا قبل ابولطام بعصبيه اكثر:انت البخ والله انك راس الحيه ياموسى لطام اقبل على والده وقبل رأسه:اعذرني يبه نهار الصامت احتراماً لحديث من يكبرونه سنناً:ياجماعه اذكرو الله وصلو على النبي الكل:لاأله الاالله الف صلي وسلم على محمد نهار:خلاص اتركو ذا السالفه اللي ماوراها الكدر ولاعودنا الدوحه يحلها الف حلال فلاح ملطفاً لجو:لاعودنا الدوحه تممون خطبتي واتملك ابولطام وقد هدأت اعصابه بعد ذكر الله:هاجاكم المطيور ابوضيدان مبتسماً:ابشر اول مانعود نتمم كل شي ............................................................ .. هاهو يجلس مع امه ليتناول معها قهوة الصباح:يمه ترا وضحه فوق ام ناصر وهي تضع فنجالها امامها وتهتف بفرح غامر:انت صادق ناصر بفرح لفرح امه:اي بلله صادق ام ناصر بفرحه:هذا والله الصباح المبارك دخلت وضحه وجواهر:السلام عليكم ناصر وامه:وعليكم السلام ناصر وهو يقبل رأس عمته:صباحها ورد وضحه بحب:صباح السعاده جواهر بمرح:وانا مالي شي ناصر وهو يقبلها:صباح الكاكاو الابيض يالبهيصه جواهر:هههههههه وش ذنبي اذا انت واخيك سودان ناصر:تشمتين ياجويهر قاطع حديثهم دخولها الخجل وهي تحمل نقابها وجلالها بيدها:السلامعليكم الكل بمفاجأه باستثناء ام ناصر:وعليكم السلام فألحقتها ام ناصر وام شاهه:كللللللللللللللللللللللللللللللللللللللللوش انحنت وضحه لتقبل رأس ام ناصر:صباح الخير يمه ام ناصر بحب وفرحه:صباح النور يامي وضحه وهي تقبل رأس ام شاهه:صباح الخير يمه (ثم اتجهت لتسلم على جواهر الفرحه) ام شاهه بفرحه:صباح النور وش ذا الصباح المبارك وليه ماعلمتونا ناصر:بغيناها مفاجأه ولاحبينا نكدر نومكم جواهر:دلول الخبله امس انا مكلمتها ماقالت لي شي وضحه:انها ماتدري اني بعود الا الساعه 12 ام ناصر:هذا المره اللي تبرد الكبد وهذا المحوال اللي يشرح الصدر ناصر وقد فهم قصدها:مافهمت يامك ام ناصر:يعني جعل والله وضحه بعد نسوانك اللي خذيتهن نظرت له وضحه بتشفي ناصر:ليه وش فرقها عليهن ام شاهه:فرقها عليهن واجد بنت محمد ناصر بمزح:انا ماشوف به فرق كلهن سوا بنات آدم نظرت له بغضب مماجعله يضحك بصوت عالي:هههههههههههههههههه وقف ليذهب لعمله:هونا هونا ثم اردف:يالله تامرون على شي الكل:سلامتك ................................................... في البيت الملاصق ام وضحه:كوماري كوماري:نأم ماما ام وضحه:قومتي دلول كوماري:ماما انا قوم دلول بس دلول سوي جنجال ام وضحه:عطيني التلفون الله يعيني على ذا البنت(اخذت التلفون من الخادمه واتصلت برقم دلول) دلول بصوتها المبحوح بأثر النوم:الــو ام وضحه:الو هايادلول وينش ماحولتي دلال:شوي ونازله يمه ام وضحه:يالله اعجلي دلال:ابشري بعد دقائق يطل وجهها المرح دلال وهي تقبل امها: ياصباح النور والنوير على احلى السوري ام وضحه:صباح الرضا يامي دلال وهي تسكب لأمها فنجال ولنفسها كذلك:كيف اصبحتي ام وضحه:بكل خير بفضل ربي دلال:شعندش مقومتني مبكر اكيد عندش شي يالسوري ام وضحه:ابيش تكلمين جواهر تنشدينها من وضحه لأني والله مستحيةٍ ادق ذا الحزه على العرب دلال:وبس ابشري الحين ادق عليها ام وضحه:الله يرضا عليش يابنتي اتصلت بجواهر التي كانت جالسه تتحدث مع عمتها ووضحه وامها:الو دلال:الو صباح الخير جواهر:هلا صباح النور دلال:اقول جويهر ماشفتي لنا غزيل عندكم جواهر:هههههه والله هذا حنا متحاوطينه دلال:ياحظكم كلكلم مجتمعين الا انا ثم اردفت بعجل:عطيني..عطيني عمتي جواهر:هههه ان شاءالله .......يمه وضحه هاش دلول تبيش ام شاهه:عطيني اياها.....الو دلول:يابووووي على ذا الصوت ام شاهه:هههههه شلونش يامي دلال:طيبه انتي شلونش وشلون اللي عندش كلهم ام شاهه:كلنا طيبين يقولون طالبتني دلال:اجل يرضيش ياوضوح كلكلم مجتمعين الا انا ام شاهه:لا مايرضيني عشان كذا عطيني امش دلال بفضول:ليه شعندش انتي وياها ام شاهه:مالش شغل عطيني اياها وبس دلال:انزين هاش اياها ام وضحه:الو ام شاهه:الو صبحش بالخير ام وضحه:صباح النور هلا ام شاهه: شلونش عساش طيبه ام وضحه:طيبةٍ جعلش طيبه ام شاهه:ام وضحه ام وضحه:لبيه ام شاهه:لبيتي حاجه ترا عشاكم الليله عندنا لمعواد وضحه على ناصر ام وضحه:جعلكم على القوه وجعلكم مدهال دايم ام شاهه:بس انا طالبتش تخلين دلول تاتينا عقب شوي وتروح معش لاعودتي ام وضحه بخجل:ياختش عندكم رياجيل ولايجوز تقعد عندكم ام شاهه:ماعليش بقعد ان وياها والبنات في شقتي الين تاتين ام وضحه باقتناع:خلاص عقب صلاة الظهر تاتيكم ان شاء الله ام شاهه:خلاص صار هايالله فمان الله ام وضحه:حافظش ربي وانهتا المكالمه والتفتت ام وضحه لدلال ام وضحه:خلاص لاجا عقب الصلاه اوصلش عندهم دلال بفرحه:ههههههههيه وذهبت تجري لغرفتها ام وضحه:بنتي شلونها دلال وهي على الدرج:قاعده تسولف معهم ام وضحه:الله يخلف علي في خبالش ............................................................ ........ بــقـــــ شــــادن لــــــم |
البارت الجاي ان شاء الله يوم الجمعه
اختكم شادن |
اتوقع لتس مستقبل زآحف في الكتآبه .. والله انتس اطلق كاتبه قطريه .. ... اعجبتني صراحه حكيتس عن عاداتكم ولهجتكم .. وحياتكم البدويه كلها .. .. من هو اللي جا لشاهه في الشبك ! اتوقع لطام كآن متزوج وجاله ولد .. من بنت الرجال اللي جاله جلطه .. وشاهه كانت تحبه وجرحها بعرسه صح والا لا .. شدوووووون طوووووولي البارت لاهنتي .. |
اقتباس:
أنا معرف ليه الكل الا الحين ملخبط الرجال الي جاه الجلطه هو ابو وضحى ام البنات الي هي طليقة ابو ضيدان ناصر عم لطام ويصير اخو الجد وعم ابوانهم ابو ناصر وابو لطام والبقيه وضحى ام البنات هي عمة وضحى الصغيره وزوجها ناصر يعطيك العافيه شادن وبنتظر البقيه |
السلام عليكم ورحمة الله وبركاته عطم لله اجرك شادن وجعلها اخر الأحزان الجزاء رائع عزيزتي البنات ملخبطين شوي لكن اذا وصلنا الجزء التاسع بتوضح الصورة اكثر ممم بالنسبة للجزاء وضحة الي كان معها بعد ما قتل الابل هو لطام واتوقع هو الي قتل ابو الأبل <<< موجه صعوبة في اسماءها وهذا التوقع استنجتوا من البارت الاول يوم الجد زعل على ابو ضيدان ولطام لانهم شادين على البنات همسة تدرين اكثر شي شادني بالرواية هو عبق البداوة والفخر الي تحملينه بكتابتك لك ودي |
السلام عليكم
اتوقع اللي كان مع وضحى هو نهار اللي يقول فيها الشعر ويمكن فيه سالفه قديمه وواحد من الابل اذاى نهار وهيشايله بقلبها عشانه انتظر القادم بشوق |
السلام عليكم ورحمة الله وبركاته ..... عظم الله اجرك يالغلا بفقيدكم جعل مثواه الجنة واللهم ذويه الصبر والسلوان وبالخصوص امه الله يصبرها ويمسح على قلبها
الرواية جدا رائعة انا من محبين الروايات القطرية بشغف وخصوصا الي تعتمد على العادات والتقاليد جدا رائعة ناصر ابو ضيدان وام شاهة مع اني في البداية تلخبط شوي لكن بعدين فهمت انو في ناصرين ووضحتين المهم احس انو ام شاهة مظلومة وبصراحة ابد ماحبيت ناصر واتمنى يجي اليوم الي يندم على ظلمه لوضحه اكيد في شي غلط وراح تظهر هالحقيقة لكن اتمنى وضحه ماتسامحه لانو ظلمها وحرمها من بناتها بعد مارماها في شرفها غير معاملته لبناته الي سمعنا عنها ومن ابتدت الرواية ماشفنا موقف جمعه مع وحدة منهم ....... وطلع انسان حقود حتى عمه المريض مافيه خير يروح يزوره لكنه هو الي بيجيه يوم يتمنى يستقبلوه مالت عليه عن جد كارهته وضحه وناصر الي فهمته انها غلطت غلطة مو هينة على ناصر وهي الغلطانة يعني المفروض الي صار لها يكون درس وماطاوع دلال في تفكيرها المراهق والمتهور واكيد ماتزوج عليها الا علشان يحرق قلبها مثل ماحرقت قلبه بكلمتها واتمنى ماتزودها معاه اذا تقرب منها وماتقصر في حقوقه دامها هي الي طلبت الرجوع ولانه هذا الشي من حقه والعناد بيدمر العلاقة بينهم والمفروض تفكر بعقلها ولاتفسر كلشي بكيفها ......... انا مع ناصر دامها هي الغلطانة ومعترفة لطام هذا ايش قصته بصراحة احسه شيطان بجسد انسان وهو الي يزيد مشاكل ناصر ويزيده على تصرفاته لازم الجد يمسكه زين ويوقفه عند حده لانه تمادى بصراحة ماحبيته ومااتمنى ولاوحدة من بنات ناصر تاخذه لانه فوق انوكبير عليهم مايصلح يكون لاي وحدة منهم نهار اتمنى الي يحبها تكون من نصيبه وماينكسر خاطره ودامه كبير ليه مايخطبها لاتروح من ايده اممممممم هل هي وحدة من بنات عمامه او من برة متشوقة اعرف جواهر لما شفت تعلقها بعمتها افتكرتها بزر بس تفاجأت انها قد شاهه بصراحة فرق في العقل حتى حصة اركد منها هي في سن زواج ومو من حقها تطلب هالطلب من عمتها لانو في ناس احق منها لهذا الحضن واولى وياليت تترك دلعها وانانيتها اذا ربي كتب اليوم الي وضحه تجتمع ببناتها اغلب الاولاد كبار المفروض متزوجين وعندهم عيال غريبة الامهات ساكتين عنهم ......... اتوقع بخطبة فلاح لاصغر البنات احتمال تصير مشاكل لانهم ماشاوروها ويمكن الجد يصر ياخذ رايها دامها اصغر خواتها ويمكن يرفض يزوجها والي اكبر منها ماانخطبو ........ مااتمنى ولاوحدة من البنات تتزوج وامها مو معها لانو الفرحة بتكون ناقصة الغريبة انو اب سعد وابو فيصل خوان ولا حلو هالمشكلة ولا اظهرو برائة وضحه وكيف ابو سعد يصدق الشينة على بنت اخوه وهو مازوجها لولده الا اكيد عارف تربيتها وحتى ابوها واخوها كيف سكتو على الي صار شي محير بصراحة مين الي كان مع شاهه لما ذبحت الجمل وايش القصد من كلامها بصراحة مافهمت شي ابد بغض النظر عن بعض الكلمات الصعبة الا انو مافهمت الموقف الي صار ابد اتمنى انو البارت يكون اطول شوي لانها قصيرة ...... في انتظار البارت القادم |
يعطيش العافيه على البارت ولو انه قصير بس حلو
وضحه تغلى وعلميه شمعنى تحت الاختبار المدرس صار تلميذ لطام اكرهك عن جد بس اتوقع انه اللي راح يتزوج شاهه وهو اللي ساعدها حصوص الله يعينش على المفاجئه بس بليز لاترفضين فلاح مايستاهل بو دم خفيف |
يعطيك الف عافية دهن عود
بارت رائع وجدا جميل من هو الذي كان عند شاهه ومن الذي قتلته شاهه من اجله وما هي اسباب طام لكل هذا الكره لا شاهه بانتظار البقية بكل شوق |
الحين عندي سؤال واحد ,,,,, ناصر وضحه اللي رجعوا لبعض هم أبو ضيدان وأم شاهه ولا لا ؟؟
|
الله يعطيك العافيه
حبيت استفسر علشان افهم القصه يعني الوضحتين اللي في القصه حردانين ؟ وهل وضحى اللي رجعت وزوجها يختبرها عليهم عيال ؟ وهل فيه وصل بين اللي في البر وبين دلال واللي معها لانك الله يحفظك مكرره الاسماء بشكل غريب,,بلاه عقلي اللي ماعاد يجمع وتراني من المتابعين من خلف الكواليس لهالقصه الرااااااااااائعه |
اقتباس:
اللي رجعو هم وضحه وناصر الصغار وماعليهم عيال |
اقتباس:
♪♪♪ ههههههههههههههههههههههههههههههههههههههههههههه .. آعجبتني كلمتك ان الوضحتين حردانين .. وضحى الكبيرة الواضح انها مو حردانه بـ كيفها .. آظـن ان ابو ضيدان اللي هو ابو البنات هو اللي ما يبيها .. نتيجة لـ سوء فهم حصل بالماضي .. هذا توقعي انا .. اما وضحى الصغيرة .. حردانة بـ كيفها و مو كيفها .. يعني اللي قهمته انها عنيدة و زوجها آعند .. ولا عندهم عياال حسب ما شفنــا .. وبس .. سوري عالتطفل بس حبيت ارد عليك .. ♪♪♪ |
الله يعطيك العافيه يامعزوفه حنين فكيتي الشفره
المشكله اللي زودت على تناحت العقل ان الوضحتين وضعهم متوتر فما قدرت اجمع حاسه ان اختي دهن العود بتطردني برااا |
يازينكم يا البدو ويازين حياتكم..والله انكم تاج على روسنا...
والقصة روعه بعنى الكلمة خاصة الاسماء اسماء بدوية رنانة واااااصلي بأبداعاتك |
هلاااا والله انا اول مرة ارد و اصلا انا مشتركه جديد بس عشان خاطر الكاتبه الحلوه دهن العود
مرره حبيت روايتك و انا من عشاااق قطر و كلامهم ووزاد هالشيء بعد ما قريت روايتك و داااخله على الله ثم عليك انك تكملينهااا لنهاية و ما تقطهينا ابد الابداات<<<< معليش تأثرت بالبدو :YkE04454::ekS05142: و احلى باقت ورد لاحلا دهن عود:flowers2: اختك: الجوهررة |
لحظه ياجماعه 00ليش فريتوا مخى
الحين مهب وضحى وناصر الى توهم متراضين هم اهل البنات الثلاث الى فى البر؟؟ لان وضحى نعلقه عاطفين ببنت اخوها وتذكرها دايم ببناتها<<هذا الى فهمته منين طلعت وضحى الثانيه<<<لا شكلى بقرا القصه مره ثانيه |
روض فعلا اللي متراضين مهم ام شاهه وابو ضيدان
اللي متراضين هم وضحى وناصر الصغار عيديها يالغلا وشكلي بعيدها معك |
هههههههههههههههههههههههههههههههههههههههههههههههههههههههههههه هههههههه والله مو بس إنتو بتعيدون قرايت القصة وأنا معاكم دار راسي شكلي بجيب أورقه وقلم وبكتب اسم كل شخصية ومن ابوها ومن أمها ومن جدها. يعني التوضيح التي تفضلت به الأخت الغالية دهن العود بخليه قدام عيني وأنا أقرأ القصة الين أميز الأبطال . والله قصة صعبة :V5N05075: بس جد جد روعة الله يوفق الكاتبة ويسر لها يارب |
السلام عليكم ورحمة الله وبركاته
آسفه على التأخير واسمحولي صارت عندي حالة وفاه مفاجئه فما قدرت ادخل واوضح لكم شي ولاحتى اعتذر بس صدقوني نفسيتي كانت تعبانه اما سميتي(#دهن العود#)اقولها عتبها على راسي وادري اني لودخلت واعتذرت او بينت لكم سبب انقطاعي ماراح ياخذ وقت بس لما يكون حالة الوفاه مفاجئه ومفجعه (جعلكم ماتجربونها) يغيب منش عقلش وماتدرين وش تسوين وارجع واقول عتبها على الراس وتمون السميه بس تكفون ياخواتي ادعو لسعود بالرحمه ولأمه بالصبر والسلوان وعليكم السلام ورحمة الله وبركاته عظم الله اجرش واحسن عزاش والله يصبركم ويلهمكم الصبر والسلوان لكم ولاهله ويواجركم ربي ان شاءاللله على الصبر عند المصايب والله يرحمه ويسكنه ربي في فسيح جناته...اللهم آمييييييييييين... واسمحيلي فديتش والله انش غاليه وقدرش كبيييييييييير وابغيش تعذرين لي لاني ماخذة مواقف من الكااتبات اللي تنقعنا وفي اخر شي تعتذر عذر اقبح من الذنب واعتذر لش عن جد وابغيش تسامحيني لاني مراح اسامح نفسي لين تسامحيني فالعذر كل العذر لش يا اغلى سمييييييييييية في الكون نجي للبارت اولا ماألوم البنات ان يلخبطوا بشخصيات الروايه لاني انا يالله اني فهمت ولان حنا في عائلتنا الاسماء المتكررة بشكل يرفع الضغط يعني تلقوووووون في العائله الوحدة الاسم مكرر بالقليل مرتين هاذي ياحليلهم اساميهم مو مكررة واجد مثلأ انا ابسط مثال اسمي ..نـــــورة... تلقون عمتي وخالتي وكل خالة لها بنت اسمهم نورة وجدتي اسمها نورة وبنات عماتي كل عمة لها ينت اسمها نورة يعني انا فهمت شوي لاني عايشة ذا التجربة والمعاناة يعني اللي يبي يناديني يقول يانورة بنت فلان بن علان عشان تدري انها بالذات هي اللي ينادونها مو يجي اللي ينادي جيش <<هههههههههههههههههههههه شاهة اتوقع اللي جاها انه لطام لانه كان جفس شوي معها ولا ساعدها لو انه نهار كان استغل الفرصة وساعدها لانه يحبها ومستحييييييييييل يخليها كذا تهاجم بروحها على الفحل حصة وفلاح الله يوفقهم ان شاءالله وترضى حصة تاخذه لانه احن والين قلب من بين الشباب وهي حساسة وخكرية <خخخخخخخ يعني ماأحد يصلح لها الا فلاح وشاهة ولطام شخصيتين متشابهه جدآ ما احد يدري وش اللي وراهم ولا اللي دونهم يعني شخصياتهم غامضة جدآ جدآ جدآ وضحة بنت محمد &ناصر بن فيصل اتمنى بس وش اللي صار من بينهم بس وااااااااضح ان وضحة هي اللي غلطت وناصر بالغ في ضجرة وردة فعلة ولا مسوي فيها قووي ويبي يحطها تحت الاختبار والله انك خرطي ومضييييييييع عقلك وهي اللي حطتك تحت الاختبار يازييييييييين كيد النساء لا نوو الكيد لرياجيلهم ووووووووووووبسس وننتظرررررررررش يالغلا تقبلي مروري #دهـــــــــ الــ ع ـــــــود ــــــــــــن# |
السلام عليكم ورحمة الله وبركاته
روايه جميله واسلوب اجمال وشاهة الي انقذه هولطام لي ان اسلوبه شديد وهذاهو الي انقذ شاهة لي انه كان امعصب ولاعنده اسلوب لبق ياخوي قال للبنيه الحمد الله على اسلامه بس الله ايعين شاهة مهيب مرتحه وهي بنت ولا بعد الزواج بيجننه لطام ابشكه وننتظرك الليله على الوعد ان شالله ياشادن لالالالالالالالالالالا تخلفين الوعد |
السلام عليكم حبيت افاتحكم في موضوع كنت معارضته في البدايه بس رجعت وغيرت رايي .......انا فكرت انزل الروايه في منتدى ثاني وابي اعرف انتو موافقين ولا لأ؟؟؟؟ واحب اقولكم بعد ان عندنا(انا واهلي) ان الواحد اذا وعد وقال (في وجهي ووجهه ابي ) يعني لازم ينفذ الوعد الا اذا رده الموت طبعاً سواء كان رجال ولامره فأنا ابي اقولكم في وجهي ووجه ابي اني مااقطع الروايه او اهملها الا ان خذاني الموت ان شاء الله وانا موعدتكم ذا الوعد الا لأني مجربه القهر من حركات بعض الكاتبات اللي يقطعون الروايه منا والطريق واتمنى ذا الوعد انه يطمنكم ويامرحبا ومقربا ومسهلا فيش ياالجوهره لأنه اول مره تشاركين وشرف لي انش شاركتي عشاني واعتبري انه لش عندي مكانه مثل خواتش المشاركات في روايتي (على فكره هذا ترحيب خاص عندنا ولاهوب اي شخص ينقال له ذا الترحيب) يالله نبدا توكلت على السلام الجبار البارت السابع ............................................................ نوره وهي تنظر الى من اتى نوره:يبه الابل جات من المعشى ابو سعد وهو يقف:هايالله انا بروح للبل وانتو لاجا عقب شوي ركبن اغراضكن عشان نمشي ....(ثم التفت لشاهه)هاتدخلين معي مثلش دايم ولاكرهش نوماس فالابل شاهه وهي تعدل برقعها وجلالها:الا بروح معك عليا قفزت برعب:انتي ماتبتي شاهه وتبتعد مع جدها:ماحدٍ ميت الا بيومه ثمينه بغضب:ذا البنت مافيها عقل ام لطام محاولةًطمأنتها:يابنتي دام جدها معها ماعليها خلاف ثمينه:الله يستر بس ...................................... كانت تقف بجانب جدها ابوسعد وهو ينظر لمكان دم (نوماس)فقال مازحاً:يا والله اللي خذيتي حقش منه يابيش شاهه وهي مخفضه رأسها خجلاً:الروح حلوه يبه ابو سعد وهو يضم كتفيها:اضحك عليش يابيش ولا الصدق روحي من دون روحش فدوه شاهه بحب لهذا الشخص الذي يحمل الكثير من الحب للجميع:جعل ربي يخليك لي يبه ابوسعد:شاهه يابيش روحي ابعدي ردي علي المقهور(المقهور=هي صغار الجمل والتي يبعدونها من امهاتها كنوع من الفرز) شاهه وهي متجهه ل(المقهور):ابشر يبه كانت تبعد الصغار عن امهاتها لكن ظهرت قامته الطويله من بين الجمال فانتبه لها فاقترب لها ولكنها قد اتجهت لجدها لخجلها منه لطام وهو ينزل ثوبه بعد ان كان عاقده حول خصره:السلام عليكم الجد:وعليكم السلام هلا لطام:شلونش يابنت ناصر شاهه بصوت هامس وواثق بنفس الوقت:طيبه جعلك طيب لطام بصوته المتمرد:هايبه وينك اليوم ابطيت ماجيت دايم تدخل الشبك قبل تاتي البل ابوسعد:انت ساج اني جايب جدتك وبناتها اليوم لطام:سجيت والله ....ثم عاد ليربط ثوبه.........انا بروح اقيد الركاب(وذهب ليربط الجمال)(الركاب=فحول الابل) تبعثر نظر الجد في(الشبك) باحثاً عنها فوجدها تدخل(المقهور) في حضيره صغيره خاصه بهم اقتربت منه وهي تثبت (جلالها وبرقعها):هايبه تبي شي انا ادخلت المقهور تبـــ....قاطع حديثهم صوته الطفولي وهو يقفز ممسكاً بالسياج ضيدان وهو يصرخ:ســـاهه ســـاهه ابي ادحل ابوسعد مبتسماً لجمال روح ذلك الطفل الذي يبعث الفرح في نفوسهم:روحي ياشاهه دخليه شاهه بخوف:تكفى يبه اخاف يجيه شي ابوسعد:روحي جيبيه ماهوب جايه شي الا اللي الله كاتبه ذهبت متجهه لأخيها المدلل لتفتح الباب له وتمنعه عن المشي على قدميه بحملها له رغم انه ذو الاربعة اعوام ضيدان وهو يمسك برقبتها بخوف:ساهه انا حايف شاهه وهي تبتسم رغم خوفها عليه:الرجال مايخاف ضيدان وهو يحرر عنقها الممتد المعبر عن شموخ لامثيل له:حلاص حلاص انا موحايف شاهه بتشجيع:بعدي ابوي اللي مايخاف(وصلا لجدهما ) ابوسعد بأمر:نزليه لايوجعش(انزلته رغماً عنها ورغم وضوح الخوف في عينيه تارةً تنظر يميناً وتارةً شمالاً ترقباً لتلك العمالقه التي تحيط به) اكمل ابوسعد:ضيدان ضيدان:ابيه ابوسعد:لبى روحك تبيني اركبك على الرحول ضيدان وقد بدا عليه الرعب:بعدين اتيح ابوسعد:ههههه لا ماتطيح الراعي قومان معك(قومان هو راعيهم اللي يقود الرحول) شاهه:لايبه خله عندي ابوسعد:هو مره عشان اخليه عندش ترا كذا تاخذين قلبه(تاخذين قلبه=ترعبينه) شاهه:اجل خلك معه يبه ابوسعد وهو يبحث عن ضيدان:ان شاء الله بس هو وينه شاهه بهلع:وين بيــ....انبترت جملتها وهي ترى (كحيلان) يقترب من صغيرها الذي كان ينظر لصغار الابل ركضت لعصاها التي كانت اداتها في قتل ابيه فتوجهت له رغم صراخ جدها الذي كان يلحق بها فرفعت يدها لتضربه ضربتها القاتله ولكنه سبقها ليضرب (كحيلان) ضربه خاصه تفقده وعيه دون ان تقتله فوقع الجمل على ركبتيه فاقداً الوعي وقفت وهي تنظر لما جرى امامها ما ان صقط الجمل حتى ذهبت تركض لتحمل ذلك الصغير الذي قد تسابقت دموعه خوفاً مما جرى اما هو اقترب منها ليهمس لها قبل ان يقترب جدها ويسمعه:لاتهقين اني بخليش تذبحينه مثل ماذبحتي ابيه شاهه وهي تدفن صغيرها في صدرها:يستاهل الموت دامه بغى يذبح ضيدان تركها خلفه بعد ان اقترب جدها ليطمأن على ضيدان ويهدأ من روعها ................................................ دخلت منزل عمها بهدوء على غير عادتها فتهمس لنفسها:وين العرب جواهر من خلفها:العرب وراش استدارت برعب لتقول:جعل القوم ياخذونش جواهر:ههههههههههه ياحليلش يادلول اول مره اشوفش ذاله دلال وهي تقرأ على نفسها:صدق الله العظيم....قطعتي صيبي(صيبي=اطفالي) جواهر وهي تضمها:اسم الله عليش وعلى صيبش اتى صوتها الساحر:استحي على وجهش انتي وياها توجهت لها دلال لتضمها بعنف:يافديت ميس آل ناصر بادلتها الاحضان:يامرحبا والله اني صادقه اتت وضحه بنت محمد:هين ياوضوح حتى انا يوم شفتيني ما سويتي بي كذا دلال وهي تبتعد عن عمتها:متى بتفهمون ان انا غير عنكن وضحه بنت محمد وهي تسلم على اختها:من زينش انتي ووجهش يا العبده دلال وهي تزيح نقابها عن وجهها:ياحبيتي قالها عنتر ان كنت اسمراً فالمسك لوني بعدين انا احسن منش يالمصريه وضحه بنت محمد:ياويلش على البياض كلنا بيضان الاانتي عبده جواهر وهي تريد ان تثير اعصابها:ايه صدق دلول ليه حنا كلنا بيضان الاانتي سودا دلال بدلع مصطنع:لأني دايماً غير جواهر:الله يعينش على السواد دلال بقهر:يممممه شوفيهم ام شاهه مبتسمه:اسم عليش كليتيتهن دلال وهي تتدلع على عمتها:يمه انا عبده ام شاهه:............. دلال بحيره:انا بفهم من هو الاسمر عندنا حتى ابي ناصر الشايب ابيض كانه انجليزي ........:ابيش لطام اسمر وانتي غديتي له صمت ...فرح.....صدمه ام شاهه وهي تضم والدها:الحمد لله على السلامه يالغالي ابوفيصل:الله يسلمش يابيش اقبلت وضحه بنت محمد وقبلت رأسه وانفه:الحمد لله على السلامه يبه ابوفيصل: الله يسلمش تو مانور البيت يابنت محمد وضحه بخجل:منور بأهله اقبلت جواهر وهي تمسح دمعتها كالعاده:يامرحبا والله الحمد لله على السلامه وحشتني ابوفيصل وهو يشدها لصدره فهي صغيرته التي لم تغب عن ناظره ابداً:يالبى ام دميعه اشهد اني ولهت عليش ردت عليه وهي تقبل خده كعادتها:ليه ماعلمتونا انك بتطلع اليوم ابوناصر من خلف والده:نبيها مفاجأه على قولتكم ابعد جواهر ليحتضن تلك الخجله:ظاهر(ن )من الشر ان شاء الله ابوفيصل:الشر مايجيش ...يالله حي امي(يناديها بأمه لأنها تشبه امه كثيراً الا ان امه ذات بشره بيضاء وهذه الصغيره تحمل السمار في بشرتها وقد اخذت هذه الصفه من اخيه لطام) دلال بخجل لأن جدها سمع حديثها مع عمتها وأخواتها:الله يحيك يبه احتضن كتفيها وهو يتجه للصاله ويتبعه الجميع:ها يادلول يعيرونش بالسودا اخفضت رأسها خجلاً منه:........ ابوفيصل وهو يجلس على الاريكه:لاقال(ن) لش يالسودا قولي انا ابرك منكن عندي ربي وجدي جواهر بدلع وهي تحتضن عضده:ابرك مني عندك ابوفيصل:كلكن غاليات بس دلول غير هذي امي جواهر وهي تقبل عضده:تراني بزعل ابوفيصل:ازعلي وانا ارضيش وضحه بنت محمد:وانا وين رحت ابوفيصل:انتي عطيتش من الغلا اللي ماعطيته لأحد الين خذاش ناصر صمتت وضحه بخجل:...... ابوفيصل:وانتي ياوضوح ماتبين تعرفين غلاش ام شاهه:غلاي اعرفه من غير ماتعلمني يابعدي دلال وقد عادت لمرحها المعتاد الذي لايختبئ حتى امام جدها:يبه قدها مره وام عوال وانت تصوت لها وضوح ابوفيصل:والين اموت وهي عندي وضوح هتف الجميع بأصوات خافته:عقب عمر(ن) طويل ابوفيصل وهو يتلفت:وين ام ناصر .....:يامرحبا تقوله ام ناصر ابوفيصل:المرحب باقي يابنت نايف ام ناصر وهي تقبل رأسه:غدى الشر ان شاءالله ابوفيصل:ان شاء الله انتي شلونش يابيش ام ناصر:طيبه جعلك طيب جواهر:عاد اليوم كنا بنجيك حنا النسوان بس انت سبقتنا ونورت البيت ام شاهه:جواهر قومي جيبي القهوه جواهر وهي تقف:ابشري(وذهبت لتحضر القهوه) ........................................................ عاد الجميع بعد رحلةً كانت مرعبه شاهه وهي تنزل من السياره وصغيرها بين يديها:حصوص نزلي الاغراض والله ماعاد فيني حيل عقب ذاالروعه حصه بصوتها الذي لازال مبتلاً اثر بكائها منذ معرفة ماحدث لضيدان:ابشري انتي بس روحي ارتاحي ام نهار بصوت منخفض كي لاتسمعها شاهه:ياجنينتي بردت عظامها من الخلعه ام لطام:نحمد اللي احياه وهو ماله حياه نوره:اي والله الحمد الله ثمينه:والله اني قلتلها غار جعلها تحيا ماعليها من احد ماشيةٍ على دربها عليا التي كانت تنزل الاغراض مع الآخرين وهي صامته طوال فترة الرحله أثر غضبها من اختها الذي لاتود ان تكشفه امام الجميع:انا اللي برويش فيها الجده وهي تنزل بصعوبه بمساعدة ام نهار:يابناتي اللي صار مقدر ومكتوب حتى لو تقعدنها بيصير اللي الله كاتبه نوره:بس يايمه توقا ياعبدي وانا آقاك مهب تحذف عمرها في التهلكه(توقا=اتخذ الحذر)(آقاك=احميك) الجده:يابنتي والله ان شاهه تدخل مع جدها الشبك من كبر ضيدان ثمينه:هو اللي خلصنا ماعاد به مدخال في الشبك وبس حنا ماحنا بعايفينها الجده وهب تتجه للخيمه:جعل ربي مايفجعني في حداكم التفتت نوره لأم لطام:يمه والله ماعاد تلمسين شي لاانتي ولاامي بروحكن تعبانات زوحن ارتاحن في الخيمه ام لطام:يابنتي مابه تعب خليــ ثمينه وهي تنزل مافي يدي امها من اغراض:وبعدين معكن يالله روحن ارتاحن اصلاً مابه شغل ذالك حاله كلها خمس دقايق ونخلص حصه وهي تدفع عمتها بلطف:ياللله روحي ارتاحي وذهبن ام نهار وام لطام للخيمه ليرتاحن بعد رحلة الرعب ....................................................... بعد ان اوصلهن للمخيم ذهب مباشرةً لبيت الشعر بصمت ابوسعد:السلام عليكم الكل:وعليكم السلام(واتجه الجميع لتقبيل رأسه) بعد ان عاد الجميع لمكانه ابولطام:عسى ماشر عودتو بسرعه ابوسعد بتعب:قونا اليوم الامحق اتضحت نظرة الرعب في عيون الجميع ابونهار:ارب مهب في احد منكم ابوسعد:الاوالله ابوضيدان:وش الجاري ابوسعد:بغى يروح ضيدان اليوم(ماأن اكمل جملته حتى قفز اباضيدان دون تفكير فيجري رغم مرور العديد من السنين على جسده الذي في ثواني اكتسب كم هائل من الطاقه التي اعانته على الجري) ابولطام:اربه ماجاه شي ابوسعد:لاان شاء الله بس انه مات من الذل ابونهار:ليه وش صار ابوسعد:بغى يهبده كحيلان نهار:وهو وش مدخله الشبك ابوسعد:والله ان اخته قالت لاتدخله يبه غار انا اللي لزمت انه يدخل عساف:الحمد لله اللي عدت على خير الكل:الحمد لله ابوسعد ببرود:ترا نوماس مات قبيلا الكل:؟؟؟؟؟؟؟ ابو لطام:افا ليه ابوسعد:يوم الله كاتب(ن) له موت ابونهار بحميه:ابشر بالعوض يبه ابوسعد:العوض في راسك ابونهار:والله اني صادق ابشر والله بالفحل اللي يبرد كبدك ابولطام:ومني واحد ياابوسعد ابوسعد:ياعوالي لاتخسرون هذا ولده عندي وبيكفيني في الحاجه ابونهار:انا حلفت يبه عطني بس شهر عقب مانرجع وتبشر به باركٍ عند بابك ابولطام:وانا بالمثل ابوسعد:الله لايخليني من الكل والجميع .................................................. اما هو فقد وصل عند باب الخيمه ابوضيدان:احم احم ياولد وبعد ثواني سمع صوت والدته:ادخل يابوي انت ابوضيدان وهو يتلفت:السلام عليكم الكل:وعليكم السلام(نهضن الفتيات وام نهار لتقبيل رأسه وأنفه) وبعد ان قبل رأس والدته:الا وين ضيدان وشاهه ام سعد: في خيمتهم عقب اللي جرى ماعاد شاهه بطيبه والصبي راقد ابوضيدان:ارب مافيه شي ام نهار:لا ان شاء الله لاهو ولااخته مافيهم الا العافيه ابوضيدان وقد بانت على وجهه الصدمه رغم بروده الظاهري:وش فيها اخته ام سعد:اجل انت مادريت ابوضيدان:اللي ادري به ان ضيدان مستاجع بس اني ماادري ليه بس ام سعد:ضيدان بغى يهبده كحيلان وشاهــ قاطعها قائلاً:ابن لطام .....وهو وش قربه من الركاب الجده بغضب وعتب:ابيك الله يهديه لزم انه يدخل حتى وشاهه معيه ابوضيدان:وأرب مافيه شي ام سعد:لا الحمد لله كلهم طيبين هو واخته ابوضيدان:واخته شفيها ومن هي منهن ام سعد:شاهه اليوم ذبحت نوماس يوم اقبل بها على الموت ابوضيدان وهو يقف:هم وينهم عليا:في خيمتنا ابوضيدان وهو يتجه لقطعتان من قلبه ولكن اوقفه صوتها عند الباب:يبه ترا شاهه ماسوت شي ابوضيدان وهو يخفي المه لأنه يعلم ان شاهه لم تبكي يعني انها في اقصى درجات الهلع والحزن كعادتها:ماعليش ياحصه انا رايح(ن) لها وذهب متجهاً لهما ......................................... كانت مستلقيه على فراشها الارضي وصغيرها في أحضانها وكانت تسترجع ماحدث ففي كل مقطع مخيف تراه تزيد من احتضان الصغير النائم الذي يعتبر ابنها .....:شاهه فزت بسرعه احتراماً لوالدها:هلا يبه(وضعت الصغير وذهبت لتقبل والدها) ماأن اقتربت منه حتى احتضنها بكل مايملك من قوه وهي كذلك كي تأخذ منه القوه كعادتها حين تشعر بخوف او الم:ارب مافيش شي شاهه وهي تبتعد عنه بعد ان اخذت مايكفيها من طاقه لتسترجع قوتها:والله مافينا الا العافيه ابوضيدان ينظر لعينيها بكل حنان ويتلمس وجهها الذي يذكره بوالدتها:جعل ربي يخليكم لي ياأربعه شاهه:وجعل ربي يخليك لنا ستر على روسنا انا وخواتي وظهر(ن) لأخي ابو ضيدان وهو يبحث عن ابنه:هو وينه السلوقي شاهه وهي تبتسم وتشير له على الفراش:هذا هو راقد اقترب منه وقبل كل جسده ووجهه وحتى يديه الصغيره جداً على سنه بسبب ضآلته المتوارثه من آبائه الذين كانوا يحملونها في صغرهم شاهه:يبه ابوضيدان وقد عاد لخشونة تعامله:نعم لم تستغرب شاهه ذلك لأنها عاده فيهالاوهي التناقض بين الحنان والقسوه:تراني ذبحت نوماس ابوضيدان:سرش ومقرش ان امش ذباحة الرياجيل اخفضت رأسها الماً لم يعانيه احد سواه لم لا وهو ينعت امها بقاتله:يبه تكفى والله امي مستحيه من ابي لطام ابوضيدان وهو يتركها ويتجه للباب:او انش صادقه كان ماذبحتيه من اول عادت لتجلس على فراشها بعد ان اختفى عن انظارها لتهمس لنفسها:ماعقب الضيق الا الفرج ......................................... كان يجلس امام النار في وقت مغيب الشمس وينظر ل(كحيلان) فيهمس بينه وبين نفسه:ليه ذبحت ابيه ليه انا سامعها تقول بذبحك مثل ماذبحتني ........جعله يسقى يوم مابيني وبينها الا لسانها حسبي الله على امها .............استغفر الله انا وش قومي تهيضت على شي يكسرني كل ماذكرته.....لا انا مايكسرني الا اللي خلقني ثم نهض ليذهب للأشراف على عملية تقديم الطعام للأبل ليتناسى جرح لم تدمله الايام ............................................ بعيد قليلاً عن المخيم جلس هو وعساف .....:تهقى ليه ابي ناصر طلقها عساف بحيره:الا قول ليه هي خلت بناتها بداح:انا حاس انه وراهم بلى عساف:وش بيكون ذا الشي الله يخلي ابي ناصر يطلق خالتي وضحه وياخذ بناتها منها بداح مغيراً محور الحديث:الاتعال علمني متى بتعرس انا قدني ابي العرس وعلى قولتهم ابي الاستقرار عساف:هههههههه حلوه الاستقرار ذي بعدين انا مارديتك من العرس اعرس بداح:ايا الخاين ماحنا متفقين نعرس سوا عساف:هههه انا هونت بداح:ان ماعرست معي ترا.... عساف:هههههههه ها وش بتسوي بتجوزني غصب بداح:ههههههه الله يدبل كبدك من الحره ماعاد عرفت وش اقول عساف:والله مايردني من عرسٍ معك الا الموت ان شاء الله بداح:ايه ياابن الحلال ريحتني عساف وبداح:ههههههه ........................................ في بيت ابو ناصر كانت تقف بكامل اناقتها المبالغه لما لا وهذه الحفله على شرفها وضحه بنت محمد:خلااااص كذا كل شي اوكي ........:واحسن من الاوكي التفتت له بصدمه وخوف:انت من متى وانت هنيا وهو يقترب منها:من ساعة قلتي اوكي وضحه وهي بارتباك:ناصر تبي شي انا نازله ناصربن فيصل:وضحه انتي عادش حمسانه(حمسانه=زعلانه) وضحه وهي تتهرب:انا جهزت هدومك واغراضك واذا بغيت شي دق علي انا تحت ناصر وهو يمسك بعضديها:لاتهربين مني (قبل رأسها بكل خفه وكانه يخاف ان تصاب بخدش من اثر قبلته) ثم اردف:الكلام اللي ظهر مني كان في لحظة غضب ولاكنت قاصده وانتي ادرى فيني وضحه وهي تقاوم عبراتها المتتاليه:ناصر تكفى ابعد عنب تراها ضايقةٍ بي الوسيعه ناصر وهو يحتضنها بشده رغبه في ادخالها بين ضلوعه العوج:لاتضيق بش الوسيعه وانا عندش صدق ان بينا اتفاق بس لاتنسين اني سندش ولو اني زعلان عليش وضحه وهي تخاطب نفسها وهي بين يديه:والله ان اخليك تعرف معنى الاتفاق عدل اني لأخليك تبيع الاتفاق وشروطه ياناصر ابتعدت عنه:الحكي اللي يظهر في ضيق هو الحكي الصحيح(وتركته خلفها بصدمه لجهله من تلك الانثى التي تدعى وضحه) ................................... في المجلس ابونهار:يبه ابوسعد:نعم ابونهار بترقب وتوجس:يبه ترا ابي ناصر تعبان ومرقد في الطبيب ابوسعد وهو ينتهض:افا ياذا العلم وليه ماعلمتوني ابولطام:حنا مادرينا الا تو ابوسعد بأمر:ابو سعد......جهزوا اغراضكم ترا معوادنا للدوحه بكره ان شاء الله ابولطام:ابشر ابوسعد:ياسين يابوفيصل يااسم الله عليك من الوجع ليته في عظمي ياولد امي وابي ولاهوب في عظمك ثم التفت على ابنائه:ترانا بنوصل العرب بكره لبيوتهم وعقبه تجهزون عشان نزوره واردف بتحذير:من اكبركم انا الى اصغركم ضيدان كلنا بنروح له فلاح باستعجال:يبه انا كلمت نايف وقالي انه طيــــ لكزه فهاد وهمس له:الله يعطيك الطرم ولكنه قد فات الاةان فقد حلت الصدمه على وجوه الحاضرين فكيف له ان يتواصل مع ابناءهم رغم انقطاع العلاقات بينهم ............................................................ ...... بـــقـــــ شادن لــــم |
يعطيك العافية علي هذا البارت
ونننتظر القادم |
[السلام عليكم ورحمة الله وبركاته مبدعة ورائعة كعادتك ياشادن ماشاء الله شوفي المشاهدات بلغت أكثر من ثلاث وثلاثين ألف في شهر تقريبا واصلي أخية ونحن بإنتظارك:55::55: الحين صار لطام يبي شاهة بعد بس موقف امها واتهامها بعرضها يقف حائلا بينهما طيب نهار هل الي يتغزل فيها هي بعد شاهة |
الله ايعافيك ياشادووووووووون ومتقصرين ولا يجي في خاطرك من كثر مانقوال وين البارت يالقلبي
ومعروفين في الوعد ماتخلفون ان شاءالله بس نبي انتظام في الوقت وبارت اليوم فوق الخيال وننتظرك في البارت الجاي على نار وياليت اطولين البارتات اذا معليس كلفى وجعال عمرس طويل وشكال ام شاهة قاتله احد من كلام ابوه ويمكن واتوقع الجد ابيخذ البنات معه اسلامون على جدهم |
انشاء الله انش عند وعدش واتمنى يكون حصري لليلاس وانتي طبعا صاحبت القرار بس هذى امنيه
بدري ياناصر خل تعلمك وضحى معنى الاتفاق ياحلو لطام وماادراك مالطام سر عندك انت وناصر بس ليش شاهه تشيل الوزر وماهو السر ذباحت الرجال فلاح الله يعينك على المواجه الغضب المنتظر |
يسلمو يالغلا على البارت ........ ايش يقصد ابو ضيدان بكلامه انو ام شاهة قاتلة يقصد نفسه وانو الي صار كأنها قتلته
ولطام ايش يعرف عن ام شاهة والله لحد الحين السالفة غامضة بس انا متأكدة انو ام شاهة مظلومة وشاهة ايش تقصد بكلامها لما ذبحت الابل ......... هل هو لطام سبب الطلاق الي صار بداح مبسوط بسالفة الزواج وهو مايدري اذا البنت تبغاه او لا وبعدين شكله بتصير عقبات قبل مايتم هذا الزواج لحد الحين ماعرفنا الي يحبها نهار اممممممممم يمكن تكون عليا في انتظارك ياعسل بس ماقلتي متى البارت |
بارت أكثر من رائع
لطام شكل شاهه تهمه كثير والا ماجلس يفكر بكلمتها بس شكل سالفة أمها هي اللي حاجز بينهم أبو ضيدان مهما أظهر قسوته هناك جانب حنون فيه نحو بناته فلاح لوين بتوديه زلة لسانه بانتظار البارت القادم من ناحية نشر الرواية في منتدى آخر فهذا راجع لك بس شوفي عدد المشاهدات للرواية هنا وراح تلاقين التشجيع عندنا الله يعطيك العافية ودي |
اتوقع ان نهار اللي سمع شاهه ماهو لطام وهي اللي يشعر فيها
ضيدان الحمدلله على ثلامتك فلاح ياوالله انك افلحت وعرست شكل كلمتك بتنشب في حلقك ياويلك ويلاااه وضحى وناصر عليك به ياوضوح اجل بينكم اتفاق بتشوف بنت محمد وش بتسوي فيك:party0033: قصة ام شاهه وابو ضيدان محيره بس يمكن هي قاتلة احد من اهل ابو ضيدان وعلشان كذا متزاعلين العربان دهن العود الله يعطيك العافيه ياليت تنزلين اكثر من بارت في الاسبوع وكفو يابنت الشيبه ان شاء الله انك قول وفعل ولافيك شك انك تخلصينها على خير ان شاء الله |
{واحب اقولكم بعد ان عندنا(انا واهلي) ان الواحد اذا وعد وقال (في وجهي ووجهه ابي ) يعني لازم ينفذ الوعد الا اذا رده الموت طبعاً سواء كان رجال ولامره
فأنا ابي اقولكم في وجهي ووجه ابي اني مااقطع الروايه او اهملها الا ان خذاني الموت ان شاء الله وانا موعدتكم ذا الوعد الا لأني مجربه القهر من حركات بعض الكاتبات اللي يقطعون الروايه منا والطريق واتمنى ذا الوعد انه يطمنكم} قول و فعل بيض الله و جهج وشكوره على الروايه الروعه ميب غريبه عليكم يا بنات قطر :55: |
الله يعطيج العافيه ،، شدووون ..
بارت رائع لكن الغموض لازال مسيطر ع القصه .. ننتظر البارت القادم بكل شووووق .. |
بارت رائع بكل ما تحمله الكلمة من معنى
احداث جميلة ومميزة وقلم ساحر بكل حروفه فدمت لنا ايتها الغالية ودام لنا عطائك بانتظارك بكل الشوق فلا تطيلي الغياب |
السلام عليكم
غزيزتي دهن العود (شاااادن) احنا عندنا ان من وعد صدق و انتي صدقتييي قول و فعل انشاء الله توقعاااتي احس لطام يخفي مشاعر لشاهه و الزياره لبيت ابو فيصل راح تكشيف اشياء كثير ما ادري ايش صار بين ام شااهه و ابو ضيدان بس الى اعرفه انه مزال يكن لها مشاعر جميله و شكرا شكرا على البارت الحلو و احلا ورد لاحلا دهن عود:flowers2: الجوهررة |
بداية جميلة غاليتي
ننتظر التكملة .. واتمنى انك تحددي يوم نزول البارت ويكون اكثر من بارت في الاسبوع =") بـِ إنتظارك خيتوو دهن العود .." |
مساء الخيرات على خواتي
حبايبي البارت الثامن راح ينزل يوم الخميس الساعه 7 |
في انتظارك انشاء الله على نار
متشوقه حق البارت في انتظار ردت الفعل لتواصل فلاح ونايف لطام وناصر في حب وعطف لشاهه واخواتها بس مع مرور ذكرى وضحى تتحول لكراهيه |
السلام عليكم
مساء الخير على الجميع اسمحولي على التأخير بس اعذروني والله يوم السبت عندي امتحان فاينل ادعولي تكفون ترا دعاكم يفيدني ويرفع من معنوياتي لأن امتحاني صعب حييييييييييل توكلت على الكبير الحق البارت الثامن ......................................... ابو ضيدان:وانت شلون تحكي مع عوالهم ابوسعد بحزم:ناصر.......عوالهم هم عوالنا ثم اردف بابتسامه نادر مابانت على وجه هذا الشيخ:بعدي والله ولدي اللي مايقطع في اهله قدك ابركنا كلنا ابوضيدان بعصبيه يحاول تخفيفها:هذا بدال ماتنزره فاتح بضيق:انا مانيب بزر عشان ينزرني وهقوتي اني ماسويت حرام ولاعيب عشان ذا الخناق كله يبه ابوضيدان بعصبيه موجهه لفلاح:وترادنني بعد ابولطام بحزم:فلاح احشم عمك ابوضيدان بحيره وعصبيه:انتو ليه متهاونين في الموضوع ابوسعد وقد وصل ذروة غضبه:وش تبينا نسوي نذبحه عشانه يحكي مع ولد عمه ابوضيدان بغضب موجه لفلاح:قسم بالله لو دريت انك تحكي مع واحد من عوالهم انـــ.............قاطع فلاح حديثه فلاح بهدوء:يبه لاتحلف علي والله مااخلي نايف الين ياخذني الموت ابتسم الجد برضا واخفض رأسه .........:من نايف ذا ابوضيدان وقد بان له من يناصره:نايف بن فيصل بن ناصر لطام وهو يجلس في مكانه المعتاد بعيداً عن جلستهم وأجاب بهدوء:من متى وانت تعرفه فلاح بعدم رضا على هذا الاستجواب:من زمان لطام وهو يتمدد على فراشه البعيد عنهم:الله يهنيك بهم صدمه للجميع ردة فعل هذا الغامض ابوضيدان وهو يقف ليتجه للخارج:عز الله ماعاد حشمه وقدر لي بينكم(وذهب للخارج) ابوسعد براحه:خلاص مثل ماقلت لكم عند الصبح ممشانا ان شاء الله فلاح وهويكلم فهاد بصوت هامس:تهقى ابي ناصر زعل فهاد بتأنيب:تستاهل مامسكت العلم كانك مره تبثبث العلوم فلاح:ياحيوان انا مره فهاد:ايه مره والدليل اللي صار فلاح:تدري وش انا ذال منه فهاد:وش؟ فلاح:خوفي ان ابي ناصر مايجوزني بنته فهاد بقليل من الغضب:فلاح انت تحب البنت؟ فلاح برتباك:لاوش احبها الله يهديك هذي بنت عمي مثل اختي بس اني ودي اني آخذ من بنات عمي فهاد براحه:اشوا والله اني بغيت اذبحك فلاح:انا والله هاقي ان ابي ناصر يعيي فهاد:لا ماعليك ابي ناصر مايخلط الامور فلاح بتوتر:بس انت تدري ان ذا الموضوع غير عن كل المواضيع فهاد:يابن الحلال مالك الا الصبر فلاح:الله يستر ............................................................ .. وصلت الى آخر السلم اخذت نفس عميق ورسمت على فمها اجمل ابتسامه ماأن انتبهت لها ام ناصر فرحبت بصوت مرتفع ليعلم كل المعازيم بأن نجمة الحفل قد بانت:يامرحبا كلللللللللللللللللللللللللللللللللللللللللللللللللللوش(وكررن بقية النساء مافعلته ام ناصر وبعد الصمت بدأت تسلم عليهن بالترتيب) وبعد النتهاء من السلام فتقدمت لها ام ناصروسحبتها لتجلسها بجانبها حتى تكون واضحه لكل من اراد رؤيتها جلست جواهر بجانبها بعد ان عدن النساء لحديثهن:وش ذا الزين يابنت وضحه بنت محمد:والله ان قلبي يرجف من الربكه جواهر باستغراب:ربكه من ويش وضحه:ماتشوفين النسوان شلون يشبحن فين(يشبحن=ينظرن) جواهر:ماعليش منهن يغني ماتعرفينهن هذي سواتهن دايم تقولين مابعد شافن مره من قبل دلال وهي تجلس بجانب جواهر:شفيكن تساسرن جواهر:اختش ذابحها الذل من النسوان دلال بطنازه:ليه بياكلنها.....(ثم اقتربت من شقيقتها رغم وجود جواهر بينهن) ها وضيحه اول مره تشوفين نسوان وضحه لجواهر:انتي ليه علمتيها(تقصد دلال)والله ان تشهر فيني جواهر وهي تحاول كتم ضحكتها:ايه عاد دلول فضيحه دلول بصدمه مصطنعه:انا فضيحه يابخور السوق انتي وهي جواهر وهي تضربها على خفيف على يدها:طالعه على بنت عمي دلول وهي تتجه (للدلال):اصلاً انا الغلطانه اللي جايه اقعد معكن اروح اكمل شغلي ابرك وضحه:جويهر قومي صبي ماعليش مني جواهر وهي تعدل فستانها:كيفش اجل بروح اعاون دلول(وذهبت لتكمل عملها في تقديم القهوه والحلويات للحضور) ............................................................ عليا بحزن:ياقطعا بالبيت والله ان ذا القعده ازين من مقعادٍ في البيت ثمينه وهي ترتب اغراضها في حقيبتها:والله انها ذابحتني الضيقه من يوم علمونا حصه وهي تحتضن ضيدان الذي وضعته شاهه عندها لتلاحظه:حتى ضيدان طخ ثمينه:مدري وش عندهم على ذا المسرا عليا:اكيد ابي لطام هو اللي قايله دخلت نوره التي تحمل ملابسهم المغسوله الجافه:يالله كل وحده تاخذ هدومها(وبدأن بالفرز) دخلت ام نهار:ها ماخلصتن نوره:شوي لايمه شوي بس شاهه خلصت شنطتها هي وضيدان وشنطة جدتي ام نهار بحب:ياجعل ربي يرزقها حظٍيبرد كبدها عليا:وحنا ليه لأ ام نهار بمزح:لأنكن رفل زلاهي اسم لله عليها زينت شناطها وقدها ذا الحين تظهر اغراض المطبخ ثمينه:يمه صيته ام نهار:لبيه ثمينه:يمه ليه بنسري الليله ام نهار بحيره وقلق:والله مدري يقولون ابي ملزم ان حنا نعود الليله دخلت الجده:انتن ماخلصتن عليا:دقايق ونخلص الجده بقليل من العصبيه:اعجلن العوال قدهم يحملون الاغراض .......................................................... كانت تخرج كل مافي المطبخ بعد ان وضعت كل شي في حقيبه خاصه له دخلت عليها جدتها عائدةً من البنات:ها يامي خلصتي شاهه وهي تعمل بجهد:ايه ان شاء الله اني خلصت بس اهد الخيمه الجده بصدمه:لاوالله ماتهدين الخيمه شاهه:استغفري يمه الجده بغضب لأستهتار هذه الصغيره:انتي خبل والله ان يجيش مشع ولا شي قوي شاهه:يايمه هد الخيمه ماهوب ذابحني الجده بيأس:بصرش(وذهبت لتشرف على البقيه) انتهت شاهه من عملها وبدأت بهدم الخيمه ......................................................... انتهى الرجال من تحميل الشناط عادوا لجمع الخيام التي صدموا من لمها وترتيبها عساف باستغراب:من منكم هد الخيام وجمعها فهاد:ماحد فينا هد الخيام كلنا كنا نحمل الشناط بداح:اجل من اللي سوى ذا كله الجده من خلفهم:وحده من البنات اخلصو بس وحطو الخيام في السيارات الشباب:؟؟؟؟؟؟؟؟؟؟؟؟؟؟؟؟ نهار:من هي منهن الجده:ماعليكم منها اخلصو بس ثم اردفت:وين لطام ماشوفه فلاح:يزين بيت الشعر الجده:ها ياالله كملو شغلكم جعلكم على القوه الكل:الله يقويش وبدأ الجميع بالعمل .................................................. اما في قطر جواهر وهي تجلس على الغنفه بتعب:آآآه احس رجيلي تكسرت من ذا الكعب ام شاهه وهي تنزع برقعها:انش لابسةٍ لش عمود مهوب كعب وضحه بنت محمد:اني والله قلت لها انه عالي حيل بس هي الله يهديها ام شاهه لجواهر:انتي تدرين انه الكعب الطويل يجيب دسك في الظهر جواهر:ياربي شسوي اذا ماالبس كعب مااحس اني محتفله ام ناصر وهي تتجه لهم بعد ارعطاء الخدم التعليمات الخاصه بالتنظيف والمتبقي من الاكل:جعله ينقطع صيب ابي الخبلان الزم ماعليش عمرش جواهر:خلاص والله بحاول مع اني مااعرف امشي من غير كعب احس اني امشي على القاع دخل بحضوره الطاغي:السلام عليكم الكل:وعليكم السلام تقدم ليقبل رأس والدته:ها شلون عشاكم الليله ام ناصر بفرحه صادقه:دام بنت محمد شمعته اكيد انه الزين كله ناصر بمزح:وش فرقت هو هو نفس العشا تكررونه كل ماخذيت مره كانت تجلس بهدوء ولكن بعد ان قال جملته بان احمرار وجهها رغم وجود العديد من كميات المكياج ام ناصر:ياولدي مره عن مره تفرق ووضحه مهي مثل اللي خذيتهن ناصر وهو يتعمد اغاظتها:يايمه النسوان كلهن واحد يعني بتقنعيني انه وضحه غير عن لطيفه وموضي ام ناصر بصدمه:وضحه مثل لطوف ومويضي؟ تعقب انت وهن وضحه غير عن النسوان كلهن ام شاهه:يامك اللي مثلك يحب ايده وجه وقفا اللي الله حط وضوح في حظنك زاد احمرار وجهها خجلاً وغيظاً جواهر وهي تقف:يالله انا بروح غرفتي تبون شي الكل:سلامتش جواهر:يالله تصبحون على خير الكل:وانتي من اهله(ذهبت لغرفتها بتعب شديد) اما ناصر فااستئذن منهم:يالله تمسون على خير انا بعد هلكان ادور الفراش ثم اردف وهو ينظر لوضحه:يالله وضحه سرينا فأجابته لتصدمه:لاروح انا بعاون خالتي بعدين بجي نظر لها بنظره لايعرفها احداً غيرها هي نظرة العتب المختلطه بعزة نفس ولامبالاه وتكبر:بصرش(ثم اتجه للسلم ذاهبا لغرفته باحثاً عن الراحه التي يفقدها بقربها) ام ناصر بنصح:كان رحتي معه يامش وضحه وهي تخلع احذيتها استعداداً للعمل:شوي وبروح فوق ........................................................ بعد ثلاث ساعات متواصله كان يتقلب فيها على نار هادئه ويتوعدها دخلت وهي تحمل حذائها في يدها:السلام غليكم ناصر وهي يعدل وضعيته ليجلس:وعليكم السلام ثم اردف:ممكن اعرف وش اللي صار تحت وضحه ببرود قاتل:وش صار ناصر بغيض:انا اسألش لاتردين علي بسؤال وضحه:اللي صار اني كنت قاعده اعاون خالتي مااشوف انه صار شي غير مألوف يعني ناصر:وضحه انا لما اقولش شي ماتقولين الاابشر وحاضر وضحه بعناد:لا ناصر بغضب عاصف:وضحه وضحه:ناصر انا ماراح اوافق الا على اللي انا ابيه مهوب انت الـــ اسكتها صفعه حاره قد استلمها ذات الخد قبل عام ناصر:انا عطيتش شي ماانتي بكفو له خرج وترك تنعى حباًتظن انه مات في قلب ناصر وزاد في قلبها اما هو بعد ان ركب سيارته ناصر في نفسه:وش سويت ليه ضربتها بس هي تستاهل لأنها تدري اني مااحب كلمة لا وهي قالتها في وجهي غمٍ لي عاد لغرفته ليراضي صغيرته الطائشه التي لاتحسب لمشاعره اي حساب ..................................................... اما في اطلال المخيم الجد:ها الكل جاهز الجده:ايه يبه جاهزين الجد يالله ياعيال كلاً يركب سيارته اتجه الجميع للسيارات الاهي كانت قد ذهبت لتحضر احد اغراضها التي نستها نهار:فلوح فلاح:نعم نهار:سوق سيارتي انا بروح الخلا وبعدين بركب مع لطام في سيارته فلاح:ماشي بس احرص ترا لطام فيه فقدان ذاكره يعني ممكن يروح ويخليك عقبه تموت من البرد والجوع وبعدين انا اقعد ابكي عليك ويخف مصروف البيت....... قاطعه نهار بضحكه:انت في كل حزه تمزح والله انك فاضي (فتركه وذهب) التفتت لمكان السيارات وهي تحمل اغراضها فتصعق بتحرك كل السيارات ركضت لتلحق بهم لكن لاجدوى ................ فنهارت على الارض صامته .......:معقوله نسوني وش السواة ....لا لا ماراح ابكي ان بكيت ضعت فوق ماالله مضيعني كان متجهاً لسيارة لطام الذي ينتظره لكن لفت انتباهه كومة قماش اسود فااقترب منها كانت جالسه مصعوقه وتردد بصوت عالي :يارب يارب نهار:من هناك هي وقد انكمشت خوفاً:من انت نهار وقد بدات حالة الهلوسه منذ سمع صوتها فهمس بصوت منخفض وهو يغمض عينيه:يالبى صوتش ثم اردف بصوت عالي مطمئن ومهدي لروعها:انتي ثمينه ثمينه بصدمه لمعرفة هذا الغريب صوتها:من انت نهار:انا نهار انتي ليه قاعده مارحتي معهم ثمينه بقوه ظاهريه وراحه عميقه:نهار ياختك العرب سجو مني ولاعليك امر دق عليهم خلهم يعودون نهار:امشي امشي لطام هنا مابعد راح شهقت صدمه لتكمل بخوف:والله ان درى اني قاعده هنا والعرب قد راحو ان يذبحني نهار وقد بدا صوته مرهقاً لها:يابنت الحلال انتي في وجهي امشوبس ثمينه وهي تحمل اغراضها:ان شاء الله وذهبت معه وهي تسير خلفه وهو يردد في نفسه :يابعد من سار على القاع والله مايمسش شر وانا معش لكنه لعشقه المجنون قد غاب عنه عواقب رؤية اخيها لها معه لوحدهما على عكسها هي التي كانت تسير خلفه وتهمس في نفسها:ياترى وش بيسوي لاشافنا لطام .....يوووه انا اتكلت على الله ثم عليه ............................................................ ...................... بـــقـــــــــــــــ شــــادن لـــــــم |
مرحباا انا حيل عاجبتني الرواية لهجتهم وطبيعة الحياه مافيها مبالغه وواقعيه :55: وعلشان جذي حبيت اشارك واقولج هالشغله بس البارتات الي تنزلينهم حيييل قصار يعني مايمدي نندمج بالروايه الا البارت خلص والله قهر:EWx04511: ياليت ياقلبي تطولين البارت اكثر ومشكوره على هالابداع:flowers2: |
تسلم يداك على البارت الرئع
والله ايوفقك في الاختبارات ونجحك ابمعدال عالي والله ايعين وضحى مامدها جات الى على طوال كف يبن الحلال خف يدك اشوي على البنت تبي كلم حلو وانت حامي على طوال مفيه رمنسيه الله ايعين وثمينه الله ايعنس من لطام وافكاره وننتظرك على نار |
يسلمو يالغلا على البارت بس احداثه قليلة بس معذورة والله يسهل لك الامتحان ويوفقك
ناصر ووضحه الاثنين غلطانين يعني هو يبغي رضاها يذكرها بزوجاته الي اخذهم .... ووضحة بعد مهما كان هذا زوجها وعيب عليها معاندته اجل ليه ردت له دامها بتظل على عاداتها السابقة الي خربت بينها وبين ناصر ووصلت للطلاق نهار الحين عرفنا الي يحبها وكنت متوقعة انها مو شاهة يعني طلعت ثمينة والله يستر من لطام اذا شافها مع نهار وهو الله يهديه كان كلم احد لانو هذا لطام الاقشر والشكاك والي يمكن الي صار لعمه ناصر ترك شي داخله واتوقع بتصير مشكلة كبيرة بسبب سوء الظن في انتظارك ياعسل |
يعطيش العافيه على البارت والله يوفقش في امتحانش يالغاليه
فلاح الله رجال في موقفك ناصر ليش الهمجيه يعني تحرها وتواسيها بنسوانك وتبيها تمشي برضاك (صدق قوات عين) ثمينه الله يعينش على اخوش المعقد (ولاالحبيب نهار منت هين عارف حتى صوتها) صدق قويه شاهه هدمة الخيام ذكرتني نسوان اول الله عليها |
هلا وغلا يعطيك العافيه مع ان البارتات دائما قصيره ولا تبرد القلب
نهار اخيرا عرفنا انه يحب ثمينه توقعته يحب شاهه او عليا اتوقع لطام بينجن لاشافهم وبيحسبهم متواعدين ويمكن يجبر نهار انه ياخذها خاصه انه متعقد من سالفت ام شاهه نااصر ماامداها المره ترجع الا ضربتها وبعدين هو يحق له يتكلم عن حريمه قدامها وهى ما يبيها تقول شى ابد تسلمين بس ياليت البارت الجاى يكون اطول |
دهن العوووود ياحلو حكيتس و سوالفتس ..... .. آحب صراحه الروايات اللي من هالنوع .. ... بسااااطه ومافيه اي مبالغه ولابذخ زياده عن اللزوم .. اعجبني تمسك بدو قطر في هالروايه بعاداتهم وتقاليدهم وخاصه ابلهم ... واحسن شي .... لطاااام و شااااهه ... وراهم سااالفه ولاموه بياخذها غصيبه الله اعلم ! .. ثمينه ...... ياويلتس ياسوااااد ليلتس ... بس رب ضارة نافعه .. بيجبر لطام نهار ياخذتس ولو كان وده .... .. ناصر ياثقل الطيييييييينه والمزح ..... .. وضيح بنت رجال اللي خلته يطلع بلحااااله .... .. تسلم دياتس ......... .. بس والله اللي مخرب علينا الانسجااام قصر البارت .... مايمدي الواحد يتحمس الا وقضى ! |
احلى صباح على احلى منتدى ومشجعينه
ياصباح الهنا والسرور حبايبي البارت الجاي ان شاء الله يوم الاثنين الساعه 9 الليل |
والله الرويه حلو واكثر من رائعه وياليت اتخلين البارتات في الاسبوع مرتين علشان ماننساء الحداث
ولو ان الرويه ماعجبت الاكثير ماطلبوس بتطويل يالغلا ونتتظرك الاثنين على نار ومعذوره بالوقت |
هلا والله
الروايه حلوه بس اكون معك صريحه قصر البارتات مآثر على حلاتها مانعيش الانسجام والترابط وفك الغموض ابد لان القصر في البارت ابتر جمال الروايه ولك فاق تحياتي |
السلام عليكم ورحمة الله وبركاتة(بصراحه اول مره اكتب لاجل اقول لدهن العود تسلم هاليدين المبدعة بصراحة الرواية رائعةجدا جدا اعجبني فيها طريقة سرد الاحداث واعجبتني الحمية والتعزوي اللي مو غريب على اهل ذي الديرة الطيبة هي واهلها والله يسعدس انشاءالله وسلمتي)
|
بجد حلوه الله يوفقش حبيبتي أتوقع لطام مملك ع شاهه من زمان (*_^) في مواعيد محدده قلبو؟
|
[COLOR="Green"][/COLOR]السلام عليكم ورحمة الله وبركاته
روايه حلوه لو ان فيها بعض المبالغه في تصرفات شاهه مثل ذبح الجمل ولف الخيام لحالها وياليت تطولين البارت او تنزلين في الاسبوع ثلاث ايام انا مجنــــــــــــــــــــــــــونة روايات قطريـــــــــــــــــــــــه |
الروايه روعه صراحه
بس كلها غموض مثل زعل وضحه وناصر ووضحه وناصر الصغار بس تجنن متى ينززل البارت ..؟ |
اقتباس:
يعطيك العافيه على روايتك لا تسعني الكلمات لحبي للرويات القطريه وعلى رأسهم الكاتبه انفاس قطر لكن بعد اذنك لو تنزلن من باراتين الى 3 بالاسبوع افضل بكثير وتترابط القصه لانه من بارت الى بارت ننسى متى البارت الجاي؟ |
رواية روعة دمتي بود .
|
سلاااام حبيت اسأل متى البارت ينزل و يااارب ينزيل قريب
اليوم كان تسليم النتايج و الحمدلله جبت نتيجه حلوه (99.70%) :biggrin:* :dancingmonkeyff8: و انا ابي نجاحتي منك شااادن ابيي بارت طويييييييييييييييييييييييييييييل :) و بثث:cgE05050::y4605198::flowers2: الجوهررة |
السلام عليكم انا آسفه على تأخيري بس صدقوني ماقدرت انزله لأن الوالده عندي الله يكافيكم الشر توها منكسره رجلها فلازم اكون عندها دايم ........هذي الغاليه فديتها وجعلني قبلها ...........واول ماتشافى الوالده انزل لكم البارت
وأخيراً اقول للجوهره كلللللللللللللللللللوش وجعله مباركومنها للأعلى |
الحمد لله على سلامة الوالده ماتشوف شر يارب
وحناننتظرك |
يــــــــــــــــــــــــــاحياتي الله يشافيها ويخليها لكم وماتشوف شر إن شاء الله وننتظرك ياقلبي |
سلامتها حبوووبه <<<
|
اخيرا وصلت
رواية في قمة الابداع تسلم يدينك شدونة (لطام&شاهه)احس بينهم سر كبير واحسهم لايقين لبعض وان شاء الله لطام يكون من نصيب شاهه صحيح انه بيعذبها بس بعدين بيحبها اكيد فلاح احسه مرجوج واكيد ناصر بعد ماعرف انه يتواصل مع نايف ماراح يزوجه نهار وثمينة احس حظهم اقشر لان لطام ماراح يفهم الموضوع وبيظن فيهم ظن شين ناصر الكبير ووضحة في لغز كبير بينهم وامنيتي اعرفه رواية روعة بروعة صاحبتها والف شكر وماتشوف شر الوالدة طهور ان شاء الله |
مرحبــا شــادن الله يشافي الوالده ما تشووف شر الله يخليها لك و يطول عمرهــا ننتضرك غلاتــي بس لا تطولين كثير خخخخخخخ:lol: |
الحمد الله على سلامة الولدة وماتشوف شر ان شاءالله
والزام معليس امس وننتظرك على خير بس الله الله في البارتات الي اتبرد القلب |
الله يشافي الوالدة وعطيها حلبة ترا تجبر الكسور
|
الله يشافيها حبيبتي و لا تطولين علينا
|
الله يشافيها ياااارب ويقومها بالسلااامه...
معذوووووره حبيبتي...وماتشوفون شر إن شاءالله |
ما تشوف شر انشاء الله ..... والله يخليها لك
وخلاص ما ابي نجاحه اهم شيء ترجعين لنا وتطيب الوالده الجوهررة |
هلا وغلا. الحمد الله على سلامت الوالده وماتشوف شر
الله يخليها لك يارب ويديم عليها الصحه والعافيه والبارت متى ما نزل حنا بنتطارك اهم شى الوالده وبرها وماجوره باذن الله |
سلامات يا قلبي ما عليها شر الوالدة الله يشافيها وعافيها شفاء ليس بعده سقما الله ينولك يارب برها ورضاها ويجعلك يارب من اللذين يدخلون الجنة بغير حساب ببرك بوالديك الله يرفع قدرك ويجمعك مع من تحبين في الدارين والقصة تكمل يا أختي سهالات إن ما صار اليوم الي بعده أهم شي نور العين الوالدة وسلامتها يارب |
الحمدلله ع سلامة الوالد حبيبتي ..
وماتشوف شر .. والله يخليلك اياها .. |
صباح الخير والورد والنوير
هذا بارت على سلامة اغلى الخلق (والدتي) وهدية الجوهره على نجاحها ولو انها جات متأخره بس اعذريني والبارت الجاي ان شاء الله يوم السبت ...................................................... توكلت على البصير العليم البارت التاسع .............................................. اثناء اتجاههم للطام ................وقف مفجوع وقد صحى من غيبوبة عشقها المذيب لأحشائه وكذلك عقله نهار بعصبيه لعظم خطأه الذي كان سسيدمر الكثير منهم شرفها الغالي :لحظه وقفت بذهول بعد ان كانت تتبعه بهدوء وأمان:هلا نهار وقد فقد السيطره على نفسه بسبب صوتها المعشوق:ان رحنا لأخيش ذبحش اصبري شوي اخرج تلفونه وبدا بالضغط على عدة ارقم ثم وضعه على اذنه مترقباً ومتأملاً بعد ثواني:الو الطرف الاخر:هلا نهار نهار:النوري لاتبينين للي عندش حاولي تخلينهم يعودون بتقولين ليه بقولش بعدين اعلمش بس بسرعه نوره بخوف:ابشر واغلقت هاتفها لتتساءل والدتها باستغراب من اتصال نهار:النوري اخيش وش يبي نوره بتدارك للأمر:يووووه يمه يقول عودو سجيتو من اغراض هناك فلاح وهو يغير وجهته وقد بدت على ملامحه العصبيه:وش انا قايل ؟ماقلت لاتخلون شي ام نهار تحاول تهدئته:يامك اغراضنا واجد ولازم ان حنا بنسج من بعضها بعدين يامك حنا مابعد ابعدنا فلاح وهو يحاول ان يخفي غضبه عن والدته:اعوذ بالله من الشيطان الرجيم اما الطرف الثالث كانت صامته بترقب وخوف .................................................... كانت قد انهارت بعد استيعابها الكارثه وفقدها الامان بعد المكالمه التي اجراها على مسامعها نهار بوجع مكتوم هدوء ظاهري:يابنت الحلال اذكري ربش مابه الا العافيه ثمينه وهي تحاول معاندة عبراتها التي تمنعها من الحديث:والله ان درو اهلي ان يذبحوني انا وش قردني وخلاني انزل آخذ الاغراض نهار في نفسه:اسم الله عليش من القراده.........والله لاما تسكت ان اروح واحطها بين ضلوعي ثم هتف بصوت ظاهر:استغفر الله استغفر الله لم تكن تسمعه ولاتسمع سوى صوت والدها واخوتها الغاضبين حين معرفتهم بالامر انتبهت للضوء القوي القادم فقال هو لها:قومي بسرعه تعالي وراي(نهضت بسرعه لتفعل ماقال لها) من حسن الحظ ان فلاح وقف بجانب سيارة لطام المتملل من انتظار نهار لاحظ نوره التي نزلت من السيارة لتأتيه تركض نوره بقلق وهي تقف اماه:نهار وش فيك لم يجيبها ولكن صعقها خروج ثمينه من خلفه نوره بصدمه:ثمينه وش تسوين هنيا اجابها بكاء ثمينه الموجع نهار باستعجال:اخذيها ذاالحين وبعدين هي بتعلمش بس لاتخلين احد يشوفها نوره وهي تمسك بيد ثمينه وتحمل الاغراض:ان شاء الله(وذهبتا وهو ينظر لأحدهما بعشق) نوره:بس ياثمينه اسطتي عشان مااحد يدري صمتت ثمينه وصلا ألى مؤخرة(الجيب) دون ان يراهما احد بسبب اغلاق اضواء السيارات منعاً للتكشف على نوره.......وضعت الاغراض واشارت لثمينه ان تركب وتختبئ اثناء ماهي تجيب والدتها التي تتساءل عن الاغراض المنسيه اغلقت الباب ثم توجهت للباب المؤدي لمقعدها ام نهار بعد ان ركبت ابنتها فتحت النافذه:فلاح يالله يامك فلاح الذي كان يتحاور مع لطام التفت لوالدته:خلصتو ام نهار:ايه يابوي اتجه فلاح لسيارته ليركب بجانب والدته بعد ان وادع لطام..............اما نوره فكانت صامته اثر الصدمه ومن كانت تقطن في آخر السياره فكانت منهاره وتبكي بهستيريه ولكن في عالم الصمت .......................................................... اقبل نهار على لطام الذي شك بأن نهاراً قد اصابه مكروه لطام:وينك فيه نهار بحزن:في الخلا الله يكرمك وشفت اغراض اهلي ودقيت عليهم يعودون ياخذونها لطام وهو يتوجه لبابه:يالله يالله ترانا تأخرنا على العرب نهار بحزن:يالله ......................وركب الاثنين متجهين للشارع الرئيسي .................................................. اما في الدوحه فتح باب غرفته الخاصه بالنوم فاستغرب هدوءها لأنها بالعاده ماأن يتشاجرا حتى تبدأ بالصراخ والشتم اما الان هي هادئه هدوءاً مخيف التفتت له وهي تنزع طقمها الذهب الذي اهداه لها هذا الصباح بمناسبة عودتها:زين انك عودت دايم لاتخانقنا تطق مني (تطق=تهرب) اغلق فكيه على بعضهما بغضب:الواحد يثمن حكيه اللي يظهر من ثمه فبدأت بعاصفتها التي طمأنته بطبيعية صغيرته المجنونه:ذاالحين انت هاجدني تالي ذا الليل عشان تهادني اخفى ابتسامته وهو يتجه للحمام:انتي اللي فيش بلا الليله استخرجت ملابسه بعصبيه ووضعتها على السرير واتجهت الى صالة جناحها حاملةً وساده و غطاء بعد مرور نصف خرج من الحمام ليجد الغرفة خاليه ارتدى ملابسه بعجله وخرج للصاله ليجدها ممسكه بجهاز التحكم الخاص بالتلفاز وتتمدد بشكل مائل فاقترب منها ليقف بينها وبين التلفاز نظرت له بعصبيه:خير تبي شي ناصر ببرود:لما اكلمش وقفي وانتي تحاكيني وقفت لتواجهه:نعم ناصر:ممكن تفسرين لي تهربش مني وضحه بتوتر نافي:انا اتهرب منك! يتراوالك ناصر وهو يمسك بيدها ويهمس لها بحنان رجولي:وضحه شفيش صعقته بانهيارها الباكي ضمها لصدره برعب:وضحه شفيش زاد بكاءها وهي تهمس في نفسها:وضحه ...وضحه ياناصر عقب ماكنت حبيتك ابعدته عنها بعنف وهي تقول بصوتها الباكي:وخر عني(وذهبت لغرفتها لتكمل ماتبقى من حزنها) اما هو فكان يجلس في الصاله مبهوت ويتساءل في نفسه:اهذه طفلتي وابنتي وصديقتي التي كانت تنير حياتي في جميع مراحلها عندما وُلدت كنت والدها وصديقها وعندما اصبحت امرأه كنت زوجها وعشيقها ......فمابها الآن هل اصبحت تكرهني ....نفض رأسه مبعداً هذه الافكار التي لايمكنه ان يتخيلها ............................................. توقفت السيارات في احدى الاستراحات لأداء صلاة الفجر اثناء نزول الجميع من السيارات اتجهت نوره لمؤخرة السياره لتنزل ثمينه المختبئه بين اكوام الاغراض نوره وهي تفتح الدبه بخوف:ثمينه ....ثمينه اجابت بصوتها الابح اثر البكاء لساعتين متتاليتين:نعم نوره وهي تلفت:يالله انزلي بسرعه نزلت ثمينه وتبعت نوره المتوجهه للأستراحه حين دخلتا كانت ام لطام امامهم خارجه من المام بعد ان توضئت فسألتهما باستغراب:وين كنتن نوره بتوتر:سجيت من شنطة ايدي في السياره واستوحشت اروح لحالي خذيت ثمينه معي ام لطام وهي تتجه للصاله لتصلي:معليه بس ثمينه ترا ابيش يقول اركبي معنا لاقد حنا رايحين عشان حنا ماحنا موقفين الا عند بيوتنا نوره وهي تمسك بثمينه المنهاره الصامته لتقول لها بغضب:ذاالحين تعلميني بالسالفه كامله ثمينه وهي تبكي بانهيار:................. نوره تسحبها لغرفه جانبيه لتخفيها عن العيون نوره بصوت هامس غاضب:اقصري صوتش لايسمعش احد ويدري والله ان ياتي علم(ن) مهوب ذا ثمينه وهي تحاول ان تصمت وتهدى:والله يانوره مابه بيني وبين نهار ردى نوره بعصبيه وقهر لما سيلوث سمعة ابنة عمها لو علم الناس بما حدث:اجل فهميني وش اللي انا شفته ثمينه بصوتها الباكي:يوم قد حنا بنمشي حولت من السياره اجيب اغراض................ .......................................... اما لدى تلك الباكيه كانت تسترجع كل ماكان سبباً في هذا الضياع كانت تدخل لجناحها بعد حفلة عرس صاخبه كانت هي محط الانظار فيها وذلك لأنها كانت عروساً لم يتم على حبسها في القفص الذهبي سوى شهرين وضحه بنت محمد بتوتر:السلام عليكم ناصر وهو يقف امامها بغضب شديد:وش اللي سويتيه وضحه ويداها تحتك في بعضهما لتوترها وخوفها من عواقب فعلتها:وش سويت ناصر وهو يمسك بذراعها بشده:انا ماقلت لش اني بوصل الليله ولاتروحين العرس وضحه:...................... ناصر وهو يصرخ:ردي علي ثم اردف قائلاً:تدرين ليه انتي سويتي كذا لأنش عرفتي غلاش وقمتي تبطرين لكن هذي سواة ناكر الجميل وضحه بصدمه:انا ناكرة الجميل؟ ناصر بتهديد:قسماً بالله ياوضحه لاتعودينها انش طالق بالثلاث وضحه بطاعة منها للشيطان:لا ياناصر بروح العروس وبوجب العرب ناصر بصرخه:وضحححححححححه استدارت لتعطيه ظهرها:ماعندي غير ذا الحكي لاتغصبني على شي(ن) اكرهه لم يجبها سوى بصفعه حاره قاهره لحظه من الزمن كان ينظر كل منهم للآخر بحسره وحزن تركها وذهب متجهاً للباب وضحه بغضب هادر:لو انك رجال كان مامديت ايدك على مره وقف وهو يجاهد نفسه على عدم النظر لوجهها المحبوب لكي لايقتلها على تلك القنبله علي بالحرام اني لاأعود وأعينش في بيتي اني لاأذكيش(اذكيش=اقتلك) وخرج ليتركها وهي تستوعب ماقالته وضحه بصوت مخاطب لنفسها:انا وش قلت وش قلت..........ثم تذكرت تهديده ..........فاتجهت لملابسها لتجمعها بسرعه لتذهب لبيت اهلها بعد ان انتظرت نوم الجميع دخلت منزل اهلها بهدوء لكي لاتوقظ والدتها واختها ولكنها انصدمت وهي ترى جالسه امام التلفاز وهي تتابع احد الافلام نهضت دلال بخوف وهي ترى اختها المنهاره:شفيش وضحه وهي تجلس على الكرسي منهاره:تخانقت انا وناصر دلال وهي تضم اختها:يابنت الحلال اذكري ربش كل مشكله ولها حل وضحه وهي تضم اختها تعبيراً منها عن حزنها:ماظنتي ماظنتي يادلال دلال مهدئةً اختها:كل شي بينحل بس اذكري ربش نزلت والدتهن بفجيعه ورعب:شفيكن دلال وهي تترك اختها وتتجه لوالدتها المرعوبه:مافينا شي يمه ام وضحه وهي تخرج من غرفتها وتتجه لوضحه لتمسك بكتفيها:وضحه شفيش دلال:يمه اذكري ربش ترا مابه شي(ن) يستاهل اللي تسوينه في عمرش ام وضحه وهي تنظر لدلال:مابه شي واختش ميته من البكي ولاترد علي وضحه بصوت باكي:يمه والله مابه شي كايد جعلني قبلش بس اني متخانقه انا وناصر ام وضحه بصدمه:ماطاح الا انبطح العن والعنين وش جاي(ن) بينكم وضحه بخجل:عشاني رحت العرس غصب عنه ام وضحه وهي تعود لغرفتها وتقول ببرود صادم لوضحه:ان كانه ماضربش ماهوب رجّال انهارت وضحه بعد ان عرفت رد فعل امها من الموضوع دلال بهدوء وهي تجلس بجانب وضحه:تستاهلين اجل اللي صارلش وضحه وهي تنظر لشقيقتها بعيناها التي تحتضن حبات الدموع:حتى انتي يادلال دلال بغضب:وضحه اللي انتي سويتيه عيب في حقش وحق ناصر وضحه بخجل:ياليته على ذا السالفه وبس دلال برعب:وش هببتي بعد ثم اردفت بعصبيه:عاد انتي ماتثمنين حكيش لاقدش ضايقه وضحه وهي مستمره في بكائها:................... ............................................................ في استراحة العائدين كان الجميع يركب سيارته وهو يقف في الجانب المظلم من الاستراحه لكي يراها بوضوح اما هي كانت تركب السيارة وهي ترتعش خوفاً مما حدث اقبل لطام ليحطم قصر الشرود المحيط بنهار:نهار وش قومك نهار بارتباك غير واضح:ماقومي شي لطام وهو يتجه لسيارته:هايالله مشينا نهار بيأس:يالله واتجها لسيارتهما ..................................................... اما في ذاكرة وضحه العائده للعام الماضي بعد مرور يومين وبعد معرفة الجميع بخلاف وضحه وناصر هاهو ابو ناصر يجلس امامها ابوناصر بحنان كعادته:هايابيش ماودش تعودين وضحه:يبه تكفى لاتحدني على اقصاي ابوناصر بحميه وحب لتلك الصغيرة اليتيمه في نظره :الا غار فيها تكفى اجل والله ماعاد اقولش شي وضحه وهي تقبل رأس عمها:ووعد مني يبه اني افكر في الموضوع ابوناصر:يابيش لابغيتي الصدق تراش غلطانه وترا مانيب اقول ذا الحكي عشانه ولدي انتي داريه انه انتي ودلول اغلى عندي من روحي وضحه:مافيها شك جعلني قبلك ابوناصر وهو يقف متهيأً للذهاب:هايالله عقبتني عليكم العافيه وضحه وهي تقف معه:تروح معك وافيه جعلني فداك وبعد ان ودعت عمها عادت للصاله الداخليه التي يتواجد فيها والدتها وشقيقتها وضحه بارهاق بالغ:السلام عليكم ام وضحه ودلال:وعليكم السلام دلال:ابي فيصل راح وضحه وهي تجلس بجانب والدتها:ايه جعل ربي يحفظه ثم اردفت وهي تنظر لوالدتها:يمه عادش زعلانه ام وضحه وهي تشرب من فنجالها:وضحه ترا الكبد عليش محمضه(محمضه=كنايه عن الزعل الشديد) وضحه وهي تقبل كتف والدتها:يمه والله اني تندمت على فعلتي ام وضحه:........................ وضحه بيأس:يمه ردي علي ام وضحه:....................... نظرت لأختها تستجديها المعاونه دلال:يمه خلاص جعلني قبلش ام وضحه:مالش شغل انتي هزت دلال كتفيها بيأس واستمر الحال لمدة شهرين وبعد شهرين كانت تجلس مع والدتها التي خضعت لألحاح وضحه ورضت رن هاتف المنزل لتقوم ام وضحه وترد عليه ام وضحه:الو ام ناصر:السلام عليكم ام وضحه التي لم تتغير علاقتها مع ام ناصر التي تعتبرها اختاً لها:وعليكم السلام يامرحبا ام ناصر:المرحب باقي يابعد عيني شلونش ام وضحه:طيبه جعلش طيبه انتي شلونش وشلون اللي عندش كلهم ام ناصر:طيبين كلنا ماعلينا خلاف ثم اردفت بخجل بلغ الذروه:ساره ياختش انا بعلمش بس والله اني مستحية منش ام وضحه بقلق:مابينا حيا يام ناصر قد حنا خوات ام ناصر وهي ترمي قنبلتها:ناصر اعرس ام وضحه:................. ام ناصر:ام وضحه ام وضحه:لبيه ام ناصر:اسمحيلي ياختش والله اني مادريت بشي الا امس يوم ادخلها علينا ام وضحه بألم خافي:يابنت الحلال لاتحسبيني شاكه لأني ادري انش ماتعدين وضحه الا بنتش ام ناصر:انش والله صادقه والله مااعدها الا مثل جواهر ام وضحه:وعشان تدرين اني ماحمست تراني اليوم بجيكم ابارك لها ولناصر جعلني قبله ام ناصر:والله ماتحدين عمرش على اقصاها وتاتين ام وضحه:استغفري والله ان آتي وابارك لها ام ناصر بصراحه:لابغيتي الصدق والله ان شوفها يفطر عيوني عقب وضوح ام وضحه:يابنت الحلال هذي قسمة ربي وكلهم سعو فيها ام ناصر:اي والله صادقه ثم اردفت:هايالله مع السلامه ياختش ام وضحه:الله يسلمش فديتش ثم اغلقت الهاتف لتنظر لأبنتها التي كانت تراقبها بترقب وضحه:وش عندها امي هيا داقه ام وضحه بضيق:تقول ان ناصر............لم تستطع الاكمال وضحه بقلق شديد:وش فيه ناصر يمه ام وضحه وهي تنظر لأبنتها بحسره لحالها عندما تعلم بالخبر فهي تعرف كم هذه المجنونه مغرمه بناصر:وضحه يامش ترا ناصر اعرس وضحه بهدوء مخيف:اعرس؟ ام وضحه:يامش لاتضايقين والله انه ماسوا كذا الا محتد وضحه بهدوء مثقل بحزن العالم:وش حاده يايمه وش حاده؟؟ ثم وقفت لتذهب لغرفتها لتتمتع بالخلوه كانت تسير وكانها آله وهي تخاطب نفسها:كذا ياناصر كذا تسوي فيني عندما وصلت غرفتها دخلتها واغلقت الباب ووقفت امام المرآه لتنظر لوجهها وضحه بصوء في قمة الهدوء المحزن:انا انا اللي جنيت على نفسي وعلى قلبي ثم صمتت لمده ليست قصيره وفجاه بدات بحالة الجنون فقد شرعت تكسر ماتلامسه يداها وتصرخ قائله:ليييييه لييييييه ياناصر والله اني احبك لييييه تسوي كذا ليه تروح لغيري آآآآآآآآآآآآآآآآآآآآآآآآآآآآه دخلت دلال وام وضحه دلال وهي تمسك بوضحه:اذكري ربش قولي لااله الا الله ام وضحه وهي تبكي:يابنتي لاتسوين في عمرش كذا وضحه وهي تضم اختها ببقوه:تكفين يمه نار في جوفي بموت من حرها ام وضحه تبعد دلال وتضم وضحه في صدرها الذي كان ملجأ لها في صغرها:يابنتي اللي صار صار وذا البكا ماعاد هو براد شي استكانت في صدر والدتها وهي تأن انين أمٌ ثكلا فقدت اصغر ابنائها قطع حبل افكارها ذلك الضخم الذي كان ولازال ملكاً على عرش قلبها ناصر بهدوء:اظهري هدومي وضحه وهي تتجه للدولاب:حاضر استخرجت ملابسه التي سيذهب بها للصلاه وعطرتها خرجت للحمام الآخر(اكرمكم الله)لتتوضأ اما هو فقد خرج منتهياً من وضوءه في رجاء مواجهتها لكنه اصيب بالاحباط حين رأى وحشة الغرفه ارتدى ملابسه وخرج ليلتحق بوالده وجده وشقيقه ماأن خرج حتى رآها تصلي في الصاله فأصابه الحزن من هروبها منه فخاطب نفسه قائلاً:قد ذي تاليتنا قد كل واحد(ن) منا يبي فرقا الآخر الله يلعن الدنيا نظر لها بشوق ثم خرج للطابق السفلي .......................................................... بـــــــــــــــقــ شــــــادن لـــــــــــــــم |
اقتباس:
أرجو تعديل الجملة حيث أنه مكروه لعن الدنيا ,,,,,, اللعن الطرد من رحمة الله أكن لقلمك وقصتك الإعجاب الشديد .............. واقرأ الجزء أكثر من 4 مرات .... وفي كل مرة يخالجني مشاعر الشخصيات بطريقة مختلفة بارك الله فيك وبارك في جميع أعمالك أختك بنت جدة |
يسلمو يالغلا على البارت الرائع ,.......... الحمد لله انو نهار انتبه للمصيبة الي كانت بتصير وقدر يتصرف قبل ماتكبر المشكلة والله كان اهلهم كيف بيفهمو الصدق وخصوصا لطام
اما ناصر ووضحة زودوها هو بالبداية وضحة غلطانة جدا وتستاهل الي جاها من ناصر المفروض بعد مارجعت له تكفر عن غلطها مو تحرم زوجها من حقوقه علشان ترضي نفسها شكلها ماتربت من الي صار ولازمها قرصة اذن من اهلها شكل الدلع خربها مو علشان يتيمة مايعلموها الاصول وكيف تتعامل مع زوجها في انتظار البارت القادم |
السلاااام
اولا: شكرا على الهديه يا قلبي :c8T05285: ثانيا:بنسبه لاحداث الروايه كان البارت رائع بمعنى الكلمه امم ما حبيت شخصيات النواصر كلهم الاثنين لانهم فيهم شوية غموض ومعهم لطام الصغير و الحمد لله نهار لحق على ثمينه و على عمره قبل لا يروح للطام لان احس لطام عصبي و راح يفهم غلط و يمكن يذبحهم افتقت شاهه و اخواتها بهذا البارت و بالذات عليا (حبيتها هالبينت ) الجوهرره |
سلامات ياقلبي شدون وحمدلله على سلامت الوالده
بارت روعه يعطيش العافيه تسائل نهار دامك تحب ثمينه ليش ماتقدم لخطبتها وضحه ليش كل هتعقيد بس اقول تبي تخذ حقها من ناصر لزواجاته ولتاكد ان كان لايزال يحبها شاهه وامها خواتها واحشيني حبايبي اتمنى يكون البارت اطول في المره القادمه |
هلا وغلا الحمد الله على سلامت الوالده والله يديم عليها الصحه والعافيه
تصرف نهار كان تصرف حكيم منه لانه الموقف كان صعب عليهم بس والله رحمتها وهى جالسه وراء وكاتمه صيحتها وهو يتقطع عليها بس الى مستغربه منه ليش مايخطبها اذا كان يحبها كل هالحب وضحه اتوقع صعب انها تنسى زواجه عليها ويبيلها وقت حتى ترجع وضحى الاولى بنتظارك على خير |
السلام عليكم ورحمة الله وبركاته ..
رواية رائعة تستحق القراءة والمتابعة شاهه // فتاة بها من المواجع الشيء الكثير وتحمل هموم اخواتها استمدت من ذلك قوة وترتدي قناع الفرح " جميل ان تبتسم وفي عينك ألف دمعة " اتعبها بعد والدتها وقسوة والدها .. لطام //هناك حكاية لم تتضح بعد ..>> المتضح أنه مغرم بـ شاهه وهناك عائق يعيقه نهار //اعقلها وتوكــل !! ناصر " ابو ضيدان " //لما تلك القسوه ؟؟ نريد سرد حكايتك وهل لـ لطام يد في طلاقك من ام الاميرات الثلاث ؟!!! وضحه " أم شاهه " // حنان وامومه فائقة رزقك الله كل خير ولقاء قريب مع فلذات الكبد .. وضحة وناصر //العيش مع الحب وعلى بساطه أفضل بكثير !! دهــن الــعــود .. أتمنى لك التوفيق وعسى المانع خــيــر .. أخوكم // تسآهيل الخفجي |
رووووعه فديتش .. والله اسمها كان يشدني من زمان بس ماقدرت اقراها الا اليوم الساعه 7 واستخفيت عليها وبديت الاعلانات عن القصه في البيت وقامت اختي تقراها مع انها ماتحب تقرا قصص ..
والحمدالله انش طلبتي فتح القصه والا كان صدعت لاني ما اقرا لاي كاتبه اذا ما كانت القصه مكتمله الا في ليلاس 4 قصص وهي القص الوحيده اللي اول مره اقراها قبل لا تكتمل وصارت 5 قصص اليوم ..لبى جوفش على هالقصه .. لطام واضح انه كان يعشق شاهه وهي بعد بس في شي صار اللي هو مشكلة امها وخربت كل شي.. وضحى وناصر .. اعجبتني الفكره اللي بتطرحينها من خلالهم (((( يالبى عيالنا الحمشين)))) وللبقيه حديث .... ممكن هديه منش بما اني متشفقه على البارت انش تنزلين بارت اليوم بما ان بارت الاثنين طاف من كم ساعه ونبي اليوم تكفين.. وترى تكفى تهز الرجال.. ((((((( لبى البدو وحكيهم و حمية عيالهم)))))))) |
حمدالله على السلامه شاااااادن
وربى انج طووولت علينا000 وكل يوم ادحل واقول البنت وينها ليكون ماراح اتكملها<<فيس يتدااامع شاادن ترا قلوبنا صارت طبووول لاطووولين علينا ننطرج:flowers2: نبغى بااااااااااااااااااااارت طويل طويل طويل تعوضينا فيه:dancingmonkeyff8 |
السلام عليكم هاانا عدت بعد غياب لأسباب صحيه لكن يعلم الله اني اشتقت لأبطالي بشدة و لكم اكثر فقد اتيت لكم ببارت اتمنى ان يعجبكم ويحوز على رضاكم واحب اقول لمرافقاتي في رحلتي (اهلين وسهلين واحد كاش وواحد دين واحد من القلب والثاني من العين) وسلام خاص ل(اثرني احبه) واقول لها هذا انا لبيت طلبش وابيش تجاوبيني (انتي بدويه ولالأ؟؟؟) اهلاً بكم من جديد وكلمة اخيرة احب ان اهديها لليلاس اللللللللللفففففففففففففففففف مببببببببببببببببررررررررررررررووووووووووك ياللللللللللللللللللللللللييييييييييييييييييييييييييييييييلل لللللللللللللللللللللللللللللاااااااااااااااااااااس وعقبال آلاف السنين البارت العاشر .............................. الساعة الواحدة ظهراً هاهي عائلة آل لطام يقفون امام ثلاث فلل محاطة بسور واحد خاصة امام منزل ابو سعد الذي يسكن فيه ابوضيدان وابناءه نزلت من السيارة وهي تحمل ذلك الصغير بين يديها التفتت على عليا لتقول لها:علوي اخذي ضيدان خليني انزل الاغراض عليا وهي تاخذ ضيدان من احضان شاهه:ابشري بس تراني بوديه وبجي اعاونش شاهه وهي تتجه لمؤخرة السيارة التي فتحها واتجه للداخل تاركاً خلفه جسمها الغض بالغ النعومة يحمل الاثقال لعدم وجود خادمة في منزلهم: لاروحي سبحي ضيدان وتسبحي وارتاحي عليا برجاء:تكفين شاهه خليني اساعدش والله بينكسر ظهرش من شل الاغراض شاهه وهي تنزل اكياس صغيرة لتبدأ بحمل الحقائب الثقيلة:علوي روحي سوي اللي قلت لش وانتي ساكتة ثم اردفت:وجهزي اغراض جدتي عشان اجي واعاونها على السبوح عليا وهي متجهه للمنزل:ابشري في ديوان المنزل كان يجلس ابوضيدان وابوسعد ابوسعد بعصبية:بتعصاني ياناصر ابو ضيدان وهو يحاول كتم غضبه:يايبه جعلني قبلك حكمت علي اروح اسلم على ابي ناصر قلت معليه وانا قد لي ستعش سنه ماوقفت على بابهم اما بناتي ماهن برايحات ابو سعد بهدوء مفاجئ يحمل في طياته الكثير من الالم والوجع بسبب موضوع الانقطاع بعد التواصل مع عائلة اخاه:ناصر انت حرمتهن من امهن ماقلت شي لكن ذا الحين البنات قدهن نسوان لازم انهن بيحتاجن امهن ثم اردف بنبره يحاول فيها ان يطمئن ذلك المذعور من تكرار الماضي الذي لم يستوعبه ويصدقه رغم مرور ستة عشر عاماً:ياولدي البنات ربيتهن واحسنت تربيتهن وش انت ذال منه ابو ضيدان بألم:يايبه عرقها دساس ابوسعد مغيراً اتجاه الحديث لكي لايزداد المه من الواقع الذي لطالما كان يتمناه سراب:اسمعني ترا البنات بيروحن معي ومع جدتهن وحنا ماحنا بمبطين ساعة ونعود ابو ضيدان بعدم رضاء:اللي تشوفه ابو سعد بفرحة:تبلغهن ولا ابلغهن انا ابو ضيدان وهو يقف استعداداً للذهاب لغرفته:لا بلغهن انت ثم ذهب تاركاً والده تلفه السعادة من كل جهه .............................. في منزل ابو لطام ابولطام بفرحة:ابشر ابشر على الساعة خمس ان شاء الله انكون عندك انا وعوالي ابو سعد بتأكيد وحزم:اهم شي لزم على لطام ابو لطام:ابشر اتت ام لطام من بعد ترتيب اغراض منزلها مع خادماتها وجلست بجانب رفيق دربها ابو سعد:يالله مع السلامة ابو لطام:الله يسلمك ماتشوف شر.......واغلق الهاتف ام لطام:هذا ابي لطام ابو لطام بفرحة:ايه هو .......والله ياعندي لش بشارة ام لطام بفرحة لفرح زوجها:خير ان شاء الله ابو لطام:اليوم كلنا بنروح لبيت ابي ناصر وبنات ناصر بيروحن معنا ام لطام وهي تقف لفرحتها:انت صادق ياسعد ابو لطام:ماجاش الا الصدق ام لطام بفرحة:يالله لك الحمد ابو لطام وهو يعود لجديته:ام لطام مابي احد من عوالش يدري الين انا ابلغهم اما انتي وبنتش تجهزن عشان الساعة خمس بنروح كلنا بيت ابي عشان نمشي من هناك وابي يقول يبي يقول لنا شي ام لطام:خلاص ابشر . . . . . . . . . . ابو لطام وهو يجلس امام ثلاثة جبال شامخة لطام بهدوءه:وهذا طلب ولا امر ابو لطام بحزم:امر يا لطام لطام بغضبه المكتوم رغم بلوغه للذروه:تراني ماني بخويكم في ذا المراح ابولطام بنرفزه:لطااام جدك موصي ان الكل يروح حتى بنات ابيك ناصر بيروحن لطام بغضب وصدمة واضحين:ويش هو؟ ابو لطام:اللي سمعت ثم اردف وهو يلتفت على الاثنين الصامتين احتراماً للاكبر سناً:وانتو بعد تراكم بتروحون فهاد وبداح:ابشر وقف ذلك الغاضب المخيف الذي تجهم وجهه وتضخم صدغاه:تبون شي ابو لطام وهو يقف متسائلاً:وينك رايح؟ لطام وهو يحمل تلفونه من جانبه ليدخله في مخباه:قريب قريب.........وخرج متجهاً لذلك السجن . . . . . . . .هاهو يدخل مجلس منزل جده لطام بضيق يحاول اخفاءه:السلام عليكم الجد وابو ضيدان:وعليكم السلام الجد:يامرحبا اقلط يابيك لطام بغموض ولاشعورياً:ادخل مجلسكم لاعطيتوني حقي وقف الجد وابوضيدان باستغراب لتلك الطلاسم التي تخرج من فم ذلك الواقف الجد:مابغيته وهو في ايدي لك وانا ابيك لطام بكبر شموخ وثقة:شاهه بنت ناصر ثم اردف بوثوق:حقي اللي حفظتوه ياابواني الجد وابو ضيدان:؟؟؟؟؟؟؟؟؟؟؟ ابوضيدان بتفاجئ من هذا الطلب الغير متوقع ومن لطام خاصة:يابيك العرس مهوب اطلب واعطيك لازم ان حنا نشور البنت اول لطام بأصرار:انشدوها ذاالحين رد ذلك الفرح بهدوء:يبه البنات مايشارن في العرس الجد بحزم:والله ماتعرس شاهه الا برضاها ابوضيدان:ولد عمها وش يعيفها اياه الجد وهو يتوجه للباب:هذا شي هي اللي تقوله مهوب غيرها ماان غاب الجد داخل المنزل حتى التفت ابوضيدان للطام:وش اللي خلاك تسوي اللي سويته لطام بهدوء:مابيها تروح مراح الليلة ابوضيدان بهدوء مماثل:يابيك والله ان كل يوم يمر اني اغليك اكثر لطام وهو لازال واقفاً امام المجلس:انت يبه عندي مثل ابي سعد عندي (فعجيباً لتلك الصراحة بين الاثنين رغم تحجر وصلافة كل منهما............فالاثنين ليسوا سوى تمثال واحد مقسوم لكن كل من القسمين ظهر في عصر مختلف) . . . . . . . . . كانت تزيح اثاث الصالة بمفردها وذلك لغياب الجميع في الطابق العلوي اما للأستحمام او للترتيب او للراحة اما الجد فقد كان يقف على الباب وهو ينظر لتلك الصغيرة التي كتب لها الشقاء مدى الحياة الجد بنبرة حنان:شاهه اعتدلت واقفة وتبعد خصلات شعرها النافرة:لبيه الجد وهو يتقدم ليجلس على الكراسي المعتدلة:خلي اللي في ايدش وتعالي ابيش في موضوع تقدمت لتجلس بجانبه:آمرني يبه الجد وهو ينظر لعينيها الفاتنتين يهمس في نفسه:ياترى ذا العيون اللي ماخلق مثل زينها بتنوخك يالطام شاهه:يبه وش فيك الجد:شاهه يابيش انا بقولش شيين اللي ماتبينه منهم ماوالله اغصبش عليه ثم اردف حديثه وهو ينظر لعينيها ليستشف ردة فعلها:جدش ناصر تعبان وبنروح كلنا نزوره ولا اظن ذا الشي مايرضيش شاهه بهدوء:اللي ودكم سووه اما انا مانيب رايحة الجد بغضب:ليييه شاهه:من باعني ابيعه لو هو امي الجد وهو يقف من شدة غضبه:ابن سعد ماتبين امش هاوالله ان اول من يركب السيارة انه انتي شاهه ولازالت تتحلى ببرودها:غصبتوني عمري كله مايهم لوتغصبوني ذاالحين الجد بدهشة لتصريحها لأول مرة بألمها:انا ياشاهه شاهه وهي تقبل كفه:اعذرني يبه بس من حر مافيني الجد وهو يعود لحنانه:يابيش هذي امش جنتش ونارش شاهه:بس يبه امي ماتخليني للدنيا تصفق فيني الجد بحزم:وضحه ماخلتكم ابيكم اللي قطع بينكن شاهه بقهر والماضي يتمثل امامها:وسواد الوجه الجد وهو يحاول ان يبعد تلك الصورة التي يكرها:يابيش هذي امش مهما كان مالش الا هي شاهه وهي تعود لهدوءها وادعاء عدم المبالاة:والعلم الآخر وش هو الجد بحزم:قبل اقولش وش هو تراش بتروحين معنا شاهه:مانيب مفجرتك عشان رغبتي بس تكفى يبه مانبطي عندهم الجد براحة:ابشري ثم اردف :شاهه يابيش لطام ولد عمش يبيش مرة (ن) له لقد كان متأكد من الجواب ولكنه اخبرها كشكليات ولكي يرضي ذلك الارعن المتعجرف الغير قابل للرفض وايضاً المعشوق والمقرب له لكنها صعقته بقولها بقوة وكبرياء:اللي ودكم سووه فكلمتها تلك كانت دليل على الموافقة الجد بعد ان صمت بفترة ليست قصيرة فهو ليس راضي على هذا الزواج رغم ان الاثنان اغلى الخلق في قلبه:اجل يابيش ترا حنا ماحنا برادينه ثم وقف واتجه للمجلس اما هي كانت جالسة بصمت يحمل كل آلام السنين:يارب قدرني على مانويته . . . . . . . كان الاثنين يتحدثان في مواضيع عدة لكن مشاعر الاثنين مختلفة تماما دخل الجد لينهض الاثنان احتراما له الجد وهو يجلس بجانب لطام:شف يالطام علي بالحرام لاتاتي شاهه طامح انك ماعاد تشوفها لطام بهدوءه المعتاد:مالها الا الرضا بنت ناصر ابو ضيدان بحزم يظهر لأول مره بخصوص تلك المتهمه في محكمة والدها:ترا الذبح حلال فيك يالطام ان ازعلتها لطام:ماتزعل ان شاء الله لقد كان يظن الجد وابنه انه يقول كلامه للمجاملة اما هو فقد كان يخاطب نفسه قائل:انا اشهد اني مانيب مزعلها ماحصلتها بالساهل عشان اخليها تزعل مني ..........مايدرون ان قلبي مثل الطير المذبوح لاحل طاريها ........... هو به احد يزعل روحه لطام بطمع:وان قلت خلو ملكتنا اليوم الجد:هات المملك وابشر بسعدك لطام وهو يقف:انا بروح ذاالحين ابلغ ابي وامي وعقب شوي ناتيكم انا وابي وخالي والمملك الجد بعدم رضا يحاول اخفائه:وحنا نتناكم انفض المجلس مع اختلاف المشاعر فقج كان هناك من هو متردد وهناك من كان رافض وهناك من كان يحمل الفرحة في جنباته ................................................. اما في الجهه الاخرى من نهر آل لطام ام ناصر وهي تقف في منتصف الصالة:ياسوارنا جهزي القهوة والشاي اخلصي ام شاهه القادمة من المطبخ:ياام ناصر ريحي عمرش انا اسنع كل شي ام ناصر:مااقدر ياختش لازم اشوفهن ام شاهه وهي تجلس بجانب ام ناصر المتوترة بسبب العشاء الكبير المقام على سلامة الجد:والله ان كل شي جاهز ومرتب بس انتي ارتاحي ام ناصر بحب صادق:جعل عيني ماتبكيش ياوضحه ام شاهه بحب مشابه:الخوات يتعاونن وانا اختش وحنا خوات وخويات لا في الرخا ولافي الشدة وانتي خابرة ام ناصر:واجب ياخيتش وانتي لو انش مانتيب مظلومة والله مااسوي اللي سويته ام شاهه بضيق من تلك السيرة:جعلها ماتعود تيك الايام ام ناصر وقد شعرت بضيقها:الا انتي اليوم وش قومش كنش تعبانة ام شاهه وهي تقبض على الناحية اليسرى من صدرها:والله مدري ياختش من يوم قمت وانا قلبي يوجعني ام ناصر بقلق:اسم الله عليش ......شلون يوجعش ام شاهه بخوف:احس بناتي فيهم شي ام ناصر باستغراب لذكر تلك المفقودات:لا ان شاء الله ماعليهن الا العافية جعل ربي يستر عليهن بستره ام شاهه برجاء:آآآآمين ياربي ام ناصر:البنات وينهن ام شاهه:راحن كلهن للصالون جعل ربي يحفظهن ام ناصر:دلول راحت معهن ابتسمت ام شاهه لذكر اسم تلك المشاكسة المحبوبة لدى الجميع:ايه جعلني قبلها هي اللي قومتهن من رقادهن ام ناصر بحب لتلك الفتاة:يالبى عينها حية(ن) ماهيب ميتة ام شاهه:كن عندش علم ياهيا ام ناصر بتوتر:وضحه وش رايش لو نخطب دلول لنايف ام شاهه بفرحة:وش رايي بعد ازين ماتسوين ام ناصر براحة من رد ام شاهه:خلاص انا بكلم ابو ناصر واشوف وش يقول ام شاهه وهي تقف:تبين شي انا بروح اسبح والبس قد حنا قريب المغرب ام ناصر:سلامتش انا بعد بروح اتلبس قد العرب بياتون ثم انصرفتا الاثنتين لحجرتيهما ..................................................... الشيخ:بطايقكم يااخوان مد لطام وابو ضيدان هويتهما الشيخ:وين الشهود نهار:سم ياشيخ انا الشاهد الاول وهذا الشاهد الثاني(كان يشير لبداح) الشيخ:البطايق مد كل منهما هويته اتم الشيخ كل الاجراءات فمد الهويات لاصحابها:تفضلو يااخوان ومبروكين ان شاء الله استلم الجميع هويته وبدأو بالمباركة لذلك الغير بادي عليه الفرح رغم رقص الفرحه بين اضلاعه اقبل لطام لينكب على رأس جده الجالس الصامت فهمس له:تبي فرقاي يبه الجد وهو يهمس له بنفس النبرة:ابعد اللحم من اللحم لايخنز يبيك (ابعد اللحم من اللحم=مثل يقال بمعنى ابعد زواج الاقارب لتجنب المشاكل والتفرقة) لطام بصدق:والله انها في حبة العين وانت داري بذا الشي الجد بقليل من الراحة بعد تذكر تلك الكلمة من نفس ذلك الفم:مبروك يابيك جعلها ملكة نصارى(جعلها ملكة نصارى=يعني انه لايطلقها ولايتزوج عليها كما في عرف النصارى وليس يقصد فيها كفراً او تشبهاً بهم) ثم اردف الجد بعد خروج المملك بصوت عالي:يالله ياعوالي سرينا ثم خرج الجميع ليركب السيارة متجهين لمنزل الجد الآخر في داخل المنزل الجد بفرحه عارمة:والله ان ذاالليل انه ابرك الليالي علي ثمينه بنفس الفرحة:تكفين يمه شاهه غني وانا برقص الجدة بفرح:ابشري والله مااردها في خاطرش وبدأت تغني والبقيه يصفقن ويرددن خلفها حتى رن هاتف ام لطام:هذا لطام ثم ردت قائلة:ابي انت ملكتوا لطام بهدوء:ايه ثم هتفت بفرح غير طبيعي للجالسات:ابشركم ملكوا تعالت الزغاريد من قبل الجميع اما تلك الفتنة فقد كانت تختبئ في الاعلى حزناً على شباب لم يرتح يوماً ومقهوراً دائماً فحين سمعت زغاريدهن تجمعت الكريستالات في عينيها تنذر بالنزول وتحاول مقاومتها لكي لاتدمر تأنقها الغير المناسب لبساطته على عكس البقية المتبهرجين شاهه بصوتها الخافت :يالله ياللي خذيت الفرح اول رده علي تالي اما في الاسفل لطام على الهاتف:يمه يالله اطلعوا عشان نمشي ام لطام:ابشر ثم اغلقت الهاتف واتجه الجميع للباب الا عليا التي اتجهت للطابق العلوي بفرحة فهي الليلة لاتغبط مالك مال قارون لفرحتها دخلت على تلك الجالسه السارحه:شوشو يالله بنمشي شاهه التي صحت على صوت شقيقتها:ها....يالله يالله ثم قامت لتلبس عباءتها ونقابها بعد خروج اختها قبلها ركب الجميع اما هي خرجت بهدوء لكي لا تسقط بسبب (الكعب)الطويل الذي تلبسه رغم عدم حاجتها له فهي تتمتع بطول رائع في سيارة لطام المتواجد فيها لطام وامه وشقيقته وضيدان الذي ركب معهم لأن لطام قد وعده بجعله سائقهم ماأن خرجت حتى هتف ذلك الصغير:ساهه ساهه ساهه كان يحاول ابعاد نظراته عنها حتى لايحرجها ولايهتز منظره المرموق لدى الجميع ركبت في سيارة والها وانطلقت السيارات لمنزل ابو فيصل ............................ ............... في سيارة فلاح والمرافق معه فهاد كالعادة يترافقان لوحدهما دون شريك ثالث فلاح وهو يكلم نايف الشريك الثالث الغير مرئي:ههههههههههههههه والله انك خالص نايف بعد ان هدأ من نوبة الضحك الهستيري الجامع بينه وبين فهاد الذي يقود وفلاح:انتو ذاالحين وينكم فلاح:قد حنا في شارعكم نايف اجل يالله انقلع خلني ابلغ جدي وابي فلاح بقلق:تهقا يصير شي اليوم نايف بقلق مماثل:الله يستر فهاد الذي كان يسمع حديثهم لأن فلاح كان قد وضع السبيكر:جعلكم تماحقون بالفال نايف:والله ياخيك ان ايدي على قلبي فلاح:نويف يالله حنا قدام بابكم نايف وهو يقف ويتجه لجده ووالده في منتصف المجلس الذي يحاوطه المعازيم:يالله مع السلامه......ثم اغلق الهاتف اقبل على والده فنزل الى مستواه حيث كان جالس:يبه فيه جماعة برا يبونك ابو ناصر باستغراب وهو ينظر لوجه ابنه:منهم نايف:تعال معي وبتعرفهم قام ابو ناصر وذهب مع ابنه للخارج حيث كان ابو سعد واهله ينزلون من سياراتهم ماان رفع الجد وجهه حتى رأى ابنه الذي لطالما كان اغلى ابناء ذلك الجيل لديه ابوناصر ماان رآهم حتى ذهب يهرول لأبو سعد فقبل رأسه وضمه بصمت ثم قال بصوت اثقله الحزن لفراق ذلك الغائب الغالي:يامرحبا يبه شلونك جعلني قبلك ابوسعد وهو يضع يده على عضد الواقف امامه ليوهم الواقفين يأنها حركة تلقائية ولكنه كان يتفقده ليروي عطش فراق السنوات الفائته ابوسعد:طيب انت اللي شلونك يابيك ابو ناصر وهو ينظر في عمق عيني ذلك العائد من بعد غيبة طويلة:انا طيب عقب ماشفتك قطع اتصالهما الروحي صوت ابو لطام:مسيك بالخير يابو ناصر التفت لخلف عمه ليرى رفيق دربه اقبل عليه ليضمه:يامرحبا يامرحبا بالجميع ثم بدأت السلامات المعتادة حتى وصل لأبو ضيدان فنظر له مطولاً ثم سلم عليه بغاية البرود وابا ضيدان بالمثل وبعدها قال ابو ناصر بصوت جهوري:شلونش يمه ام سعد:طيبه جعلك طيب انت وشلونك وشلون من يعز عليك ابوناصر بفرحة:كلنا طيبين ....حياكم حياكم تفضلو هذاك باب النسوان لم يخطر بباله انهن قد يأتن دخل الجميع في المجلس ابوسعد بصوت عالي:السلام عليكم الكل بصدمه:وعليكم السلام .......واقبل الجميع للسلام عليه وعلى ابنائه اما ابوفيصل فقد كان يقف بصدمه وحنين لذلك القاطع كان الجميع يسلمون على ابو سعد عند الباب حين اقبل ناصر بن فيصل على ابو سعد قال ابوناصر وهو يشير له:يبه هذا ناصر ولدي ابوسعد وهو يضمه:يامرحبا بسمي الغالي ناصر وهو يقبل رأس ابوسعد:المرحب باقي فديتك انتهى الجميع من السلام فأقبل ابو فيصل بهدوء حتى وقف امام ابوسعد كانا ينظران لبعضهما بصمت وسلما بهدوء لكي لايتزحزحا في نظرا ابنائهم ثم اقبل ابناء ابو سعد وابنائهم للسلام حتى وصل دور ابوضيدان نظر له ابوفيصل طويلاً ثم ضمه طويلاً لحبه له الشديد رغم مافعله وكذلك ابوضيدان كان يضمه ليتذكر معشوقته المنفية وحب عمه له والذي زاد بعد ان تزوج بتلك المسلوبه من ناظريه باختياره ابوفيصل:حياكم حياكم ........امسك بيد ابوسعد ليجلسا في صدر المجلس . . . . . . . . . . في الداخل دخلت ام سعد في المقدمه:السلام عليكم صمت الجميع احد مفجوع واحد فرح واحد مستنكر اقبلت ام ناصر مسرعة وخلفها ام وضحه وكلاهما تهتف:يامرحبا يامرحبا اما هي فقد امتلئت عيناها النجلاء بالدموع فرحة وصدمة وشكر لله فأسرعت مقبلة علة ام سعد:يامرحبا والله اني صادقة وتبادلن السلام كلهن وهي تتفقد الحاظرين فهي على امل ان ترى تلك الاميرات الثلاث ام ناصر وهي تنظر لجواهر ووضحه ودلال:تعالن سلمن على امكن شاهه.............تقدمن البنات للسلام . . . اما امام مرآة موضوعة في مدخل المنزل كانت تقف هي واخواتها وكلهن يحملن نفس المشاعر كلها توتر وقلق وحب وشوق ولهفة وتردد شاهه وهي ترجع شعرها الواصل الى الارض:يالله انا بدخل حصه بصوت يغرق بالعبرات:شاهه خايفة شاهه وهي تضمها:وش انتي خايفة منه الشي اللي تبينه وتمنينه عمرش كله هذا هو في الصاله اللي قدامش اما تلك الصامته:احس قلبي يلويه اللاوي شاهه وتنظر لها بنظرة تعرفها عليا وتستمد القوة منها:اذكرن الله ويالله خلنا ندخل حصة:شكلي حلو شاهه :يجنن عليا:وانا شاهه:يهبل بس يالله عليا وهي تمسك بيدها:شاهه لمي شعرش والله مايعطونش خير بعدين جدتي بتضيق لاشافته مفتوح كذا شاهه وهي تريد ان تثبت لتلك التي تركتها تواجه المصاعب لوحدها:ماعليش امشي بس انا محصنه نفسي قبل ناتي وجدتي انا بكلمها حصه بابتسامة:جايبين دي جي عليا بضحكة:شادين حيلهم شاهه وهي تحمل طرف فستانها:يالله يابنات فدخلن شاهه وهي تمسك بيد صغيره الذي لتوه ايقظته من نومه ثم حصه ثم تلك المرتبكة عليا . . . . . قبل دخولهن بدقائق كانن البنات يضيفن القادمين وام ناصر وام وضحه وام شاهه يحاوطن ام سعد وبناتها ويتجاذبن الحديث بلهفة وسط ازعاج الموسيقى والاصوات العالية ام شاهه وهي تتحدث بلهفة لأم نهار:صيته ياختش عينتي قليباتي اللي عندكم ام ناهر وهي تحتضن كف ام شاهه بحنان:ماعليهن الا العافية قدهن نسوان حتى حصيصة قدها مريه(مريه=تصغير كلمة مره اي امرأه) ثم اردفت:تراهن برا ماان اكملت كلمتها حتى سمعت صوت النساء المتعالية بدكر الله التفت الجميع للداخلات دلال وهي تهمس لجواهر المتضايقة:جوجو وش ذا الصاروخ اللي دخلت جواهر وقد تناست الضيق:ماشاء الله والله مدري من هي شاهه بصوت عالي:السلام عليكم الجميع:وعليكم السلام كانت تسلب الالباب حتى جدتها ونسائها انبهرن بها ام نهار بفرحة وهدوء:هذولي بناتش ياوضحه وقفت وتقدمت بهدوء حتى وصلت امام تلك الفتنة شاهه في نفسها:هي والله هي قلبي عرفها تكفين يمه لاتقربين اكثر والله لاأسوي مااحد سواه قطع حديثها نشيج حصة التي كانت تختبئ خلفها وصوت الموسيقى العالي التي الهت النساء بها تقدمت ام ناصر:يامرحبا تعالن تعالن .................واخذتهن لغرفة جانبيه ليأخذن راحتهن ثمينه وهي تهمس لنوره:حصيصه قطعت قلبي نوره بحزن:اجل ماشفتي علوي شلون تطالع امها . . . . . . في الغرفة الجانبيه ماان دخلن حتى التفتت حصه لأمها واختبئت في صدرها وتعالى بكاءهن ام شاهه وهي تخبئ صغيرتها:ياريحة امي وابي جعلني قبلش حصة وهي تشد من احتضان والدتها:ليه يمه تخليني ليه ليه يمه ام شاهه وهي تبكي بألم:تكفين يمش لاتقولين كذا خليش في قلبي بس ثم اردفت بآه تحمل الم سنوات عدة:آآآآآآآآآآه ه ه ه ه اقتربت من كانت تنظر بصمت عليا ببكاء شديد:يمه التفتت لها والدتها بشدة واحتضنتها:امي انتي عليا وهي تحتضنها بقوه:تكفين يمه كنت بموت لو اني ماشفتش ام شاهه وهي تحتضنها اكثر:اسم الله عليش جعل يومي قبل يومش .........ثم مدت ذراعها لتحتضن تلك الصغيرة التي يكاد قلبها لشدة نشيجها وبعد فترة ليست بقصيرة كانت تقبل امشاهه ماوقعت عليه يدها من تلك الصغيرتان حتى دخلت ام سعد فربتت على كتفها:بس ياوضحه يامش ذبحتي عمرش وقطعتي كبود بناتش وضحه وهي تشدهن في حضنها اكثر:تكفين يمه ماشفتهن وعاد لي عيون صمتت الجده وهي تمسح دمعات تساقطت من عينيها التي اعتادت الالم الجده وهي ترى الواقفه المتسمره:شاهه اقربي لأمش وانا امش وضحه وهي ترخي يديها من على اكتاف بناتها لتنظر لتلك التي امتلكت اول الحب واكثره واول فرحه ودروة الاشتياق ام شاهه وهي تفتح يديها لها:شاهه تعالي يابعد روحي وعمري وطوايفي كلهم تعالي تكفين يامش ماعاد تشلني رجيلي تقدمت ببطء حتى وصلت لأمها شاهه:يمه وضحه:لبيه تقوله امش شاهه:يمه انا مت عقبش وضحه:جعله يدق عظامي ولايجيش شاهه وصوتها يتحدر للبكاء:كلتني الوحشة عقبش يمه وضحه:وانا روحي عندش من يوم رحتي شاهه وهي تقترب اكثر لأمها:لاعاد تخليني لاعاد تخليني والله ماعاد اسامحش ان عاد هملتيني اصمتها احتضان امها لها بشدة وضحه وهي تقبلها بشدة وكذلك شاهه كانت تقبل يدي والدتها وكل ماحوى جسدها من معالم لم يتكلما ............فلامجال للكلام الصمت يعبر اكثر عن مدى الاشتياق فلقاء وضحه وبناتها كمشهد درامي على مسرح الدنيا فالصمت والانين والآهات هي ختام تلك المسرحية ........................................................ بـــــــــــقـــــــــ شـــــادن ــــــــــلـــــــــــم |
اقوووووووووول يا قلبي حنـــــــــــــــــــــــــا بــــــــــــــــــــدوو عمــــــــــــــــــــــــــــــت عـــــــــــــــين العـــــــــدوو ((ترى ما اقصد اساءه لحد))تسلمين ياقلبي حبيت ارد قبل لا اقرا البارت لان هذرتي بعد ما اقراه مب خالصه .. اختي اليوم وبصراحه معجزه من امس تقرا الي اليوم وصلت الجزء السابع اهنيش على ابداعش اللي خلاها تقرا وتشبه شاهه بوحده صديقتها من قطر .. عندي احساس انش قريبه واجــــــــــــــــــــــــــــــــــــد .. او بينا معارف مشتــــــــــــــركه ياقلبي .. لبى اللي لبت الطلب في ذمتي.. |
آآه من وضحه وبناتها
بارت موجع ويبكي حرام عليش والله اني من بداية الموقف اتعبر وماخلصت الا ودموع اربع عليا وحصه عوروا قلبي اما شاهه كلمتها لامها فجرت الدموع كلها بارت روعه ومحزن حتى نساني فرحتي بملكة لطام وشاهه الف مبروووك واحساسي ماخاب طلع يموت فيها وبتجيب راسه قريب ولاعاد هو بشايف غيرها ماعلقت عدل بس لاني اكتب من الجوال ومصعب علي الرد بينا رد ثاني تسلم اناملش اللي ابدعت |
دهن العود عودا حميدا يا الغلا .. نورتي المنتدى .. حرام عليك والله قطعتي قلبي على ام شاهه وبناتها .. ما اصعب الفراق وما اصعب اللقاء بعد الفراق .. بارت جدا مؤلم والف مبروك ملكة لطام وشاهه . مثل ما توقعت ان لطام في بقلبه شي لشاهه بس هو من النوع اللي ما يحب يبين عوااااااااااافي يا الغلا وبانتظارك بكل شووووووق لا تطولين علينا .. لو سمحتي المرة الجاية كبري الخط شوي .. |
يااااي لووانتس مطووله البااارت قفلتين تساااان ياسلاااام
بس شدوون شيري على شااهه تقص من شعورها شووي كبدي تلوووع لاشفت الشعر اللي يطب في رلارض ماطاال من شين سمج .. احبالشعر اللي على قولة اميمتي جعلها بالجنه .. لين ردوفهااا طررر لطااام هااو وراه مايبيهاا ترووح لاميمتهاا ياحياااتي ياوضيحا مظلوووومه والله ان راااسي الي ذلحين ملحوووس من ذا الابووان والجدان عجزت ازبطهم في مخي ماقدرت يطلع كل واااحد ابو ابووه والا جد جد جده .. خخخ حد فاهم حاقه ياقماااعه تسلم دياااتس وحمدلله ع السلااامه عطيني مكررررمه كاتبه باررت هديه خخ متى البااارت الجاااي شدندن * |
دهن العود الحمد لله على السلامة ماتشوفين شر وان شاء الله تكون اخر الغيبات يارب .......... بارت اليوم يحمل الكثير من المفاجأت والالام .................
اول شي خطبة لطام لشاهة وملكته عليها كانت مفاجأة ماتوقعناها بهذا البارت على الرغم انو كنت متوقعة زواجهم من بعض بس ماتوقعت انو لطام يحبها توقعت بينجبرون على بعض بس طلع يحبها حتى لو مابين لاحد وبما انها فاتنة اكيد بتسلب باقي عقله لما يشوفها ويكحل عينه فيها بس ماعرفنا هل شاهة تبادله نفس المشاعر او لا ناصر ابو ضيدان احسه بيندم ندم عمره اذا طلع انو ظالم وضحة احساسي يقول هالشي حراااااااااااااام عليه بعده بناتها عنها وحرمهم من بعض وبالنهايه بيطلع في غلط والكل ظن بها السؤ للاسف الكل ماوثق بتربية اهلها لها بس لازم بيجي اليوم الي بتظهر الحقيقة وضحة ولقائها ببناتها جدا مؤلم ليت ناصر شاف وسمع علشان يعرف جرمه الي اجرمه بس يستاهل الصدمة الي بتجيه اذا عرف انو طول السنين الي راحت حرم ام من بناتها والبنات من امهم على شي مو صحيح شوه سمعتها وسود اسمها وهي بريئة مظلومة وتسبب بالقطاعة بين الاهل طول هالسنين واللوم بعد على الكبار الي مادور على الحقيقة واكتفو بالقطاعة في انتظارك البارت القادم مع مايحمله من احداث ومفاجأت شيقة لاتطولين علينا |
السلام عليكم ورحمة الله وبركاته
الحمد الله على السلامه وجعله اخر الغيبات والف الف مبروووووووووووووووووووووك ليلاس لعامه السادس وبارت اليوم محزان ومالم لي ابعد حد والله ان شاهه اتقطع القلب الله ايعين الي يكبت يتعب وشاهه من النوعيه الي تكبت والله يستر من لطام وملكته الي على السريع وش عنده بعدين ياهل قطر مافيه تحليل وننتظرك يالغلا على خير |
الحمدلله على سلآمتك
أخر الغيبات ان شاء الله ماشاء الله تبارك الله اسلوب روعه اهنيك عليه الجزا محزن بشكل اهنيك على السرد الراقي كل الشكر لآهنتِ |
مرحبا دهن العود حمدالله عسلامتك
يعطيك الف عافيه على هالبارت (الموجع) لشاهه واخواتها ولقاءهم بامهم وزواج شاهه من لطام احسه صار بسرعه نتمنى ان يكون هالزواج خير عليها مو يقلب حياتها حرام هالبنت قلبها من الهموم شايل تقبلي مروري |
شدون بارت اكثر من رائع مؤثر
صدق من قال مطول الغيبات جاب الغنايم وانتي جبتي الغنيمه شوشو مبروك الملكه (قصيدة خشف ريم لابقه عليها ) صدق توصفها ياخوفي من استعجالك يالطام اتوقع يكون خايف تضيع من يده وضحه لقاء موجع حزين بكل معنى الكلمه مع بناتها جواهر راح تغار من بنات وضحه |
الحمدالله على السلامه نفسى اعرف ماسبب القطيعه والطلاق
:liilas: |
تسلم يدينش يالغلا..
انا توني قريت القصة اليوم من بعد مدح اختي ( أثرني أحبه ) واختي الثاني اللي صارت من المتابعين مع العلم انها ماتحب تقرا واجد بس من كثر مدح ( أثرني احبه ) للقصة صارت تقرا وهذا انجاز ههههههه . المهم ان قصتش روعة واسلوبش اروع واروع .. وانا بصراحة دقيقة واهتم بالتفاصيل وذوقي صعب شوي فماتعجبني اي قصة لكن قصتك اعجبتني وبجداره وعجبني تفاعلش مع الردود يالبى منطوقش .. واللي عجبني اكثر واكثر لهجتش البدوية وانا اموت على الوشوشة.. فديت اللي يوشوشون كلهم .. البارت حزين ومؤلم الله يعين وضحى وبناتها قطعوا قلبي .. بغيت اعرف البارت ينزل كل سبت له ساعة محددة او لا ؟؟؟؟؟؟؟؟ الله يعطيش العافية يالغلا |
دهن العود ابداع في ابداع و الله يخليك لنا ولا يحرمنا منك ومن ابداعك
البارت كان مره رئع و ومحزن مره رحمت شاهه حسيتها مليانه هموم والم اللي صار لامها و ابوها اثر فيها مره مدري ليش احسها مو فرحانه للطام بس هو بيموت من الوناسه و اتوقع ان ام شاهه مظومه و ناصر فهم الموضوع خطا و لطام يا انه رافع ضغطي الحين هو وش دخله بأم شاهه الجوهررة |
روووعه ياااااشاادن رووووووعه وفعلن مثل مااوعدتى باااارت طوووووويل
شاهه<<مدرى والله وش الى ناطرج مع لطااام هو بصوونج ولا نفس قصه امج بتكرر لان شكله قلبه اسوود ام شااااهه<<وش قصتج مع ناااصر وش الشى الى سويتيه خلاه ينفيج من حياه بناته 16 سنه شااااااااااااااادن ياليت بس يكون فى تنزيل للبارتات يوم ورا يوم يكون احسن فديتج |
الحمد الله على سلامتك ..
آخر الشر ان شاء الله :) بااارت رااااائع .. ننتظر البارت بكرا على أحر من الجمر .. |
السلام عليكم تسمحيلي اشارك معكم بجد رواااااااايه رووووووووووووووووووووووعه والبارت الخير بصراحه كتير كتير كتير اثر فيني اصعب شيء بعد الام عن اولادها وبعد الاولاد عن امهم وبجد حمستينا نعرف شو السبب انا عارفه انك بتاجلي للتشويق بس الصراحه تشوقنا عالاخر خصوصا انه هي مظلومه وننتظرك عنار بالبارتا الجاي يا عسل
|
السلام عليكم
مساء الخير على الجميع وارحب بالجميع المشاركين وغير المشاركين بالنسبه لأختي (اثرني احبه)ادري اني عله بس استحمليني انتي بدويه ومن البحرين؟؟؟ لأن اللي اعرفه ان البحرين مافيهم بدو من غير قصور في اهل البحرين بس انا استغربت انش توشين ومن البحرين لأن القبائل اللي توش متمركزه في قطر والكويت والسعوديه وترحيب خاص في خواتش وصراحة شرف لي ان روايتي اعجبتهم توكلت على الغني الباسط ............................................. في مكان التجمع النسائي كانت الموسيقى تصدح في المكان والنساء يتمايلن مشاركات آل لطام في فرحتهم بسلامة الجد وفي الغرفة الجانبية كانت تجلس وضحه وتحاوطنها اميراتها الثلاث عليا ممسكة بيد والدتها وتقبلها بين تارة واخرى فتهتف بمرح:هايمه من ازين بناتش طبعاً انا مافيها قولت اظنه ام شاهه وهي تبتسم بفرحه:علوي كن فيش عرق نجاسه حصه وهي جالسة عند اقدام والدتها الجالسة على الكنبة:كن فيها عرق الا هي ام النجاسه عليا:جعل لسانش القطع قولي آمين ياحصيصة ضربتها امها بخفه على رأسها وهتفت بجزع:يويلي اسم الله على بنتي حصه و تحرك حواجبها لتغيض عليا:يعني يمه انا بنتش وهي لا وضحه وهي تكلم شاهه الصامتة التي كانت تمسك بكف والدتها ولم تزحزح عينيها عن وجهها:اقول خواتش مجاورات؟(مجاورات=صارن طباين) شاهه وهي تخرج صوتها الذي زادت بحته نتيجة مامرت به قبل قليل:ماشفتي شي وضحه وهي تضم شاهه يقوة:يامش والله اني امرض كل مالتفت وشفت عيونش كذا وانتي تشبحيني لو اني دارية ان شوفتي بتسوي بش كذا كان ماواجهتش شاهه بذات الصوت المرهق:ليه كنتي تبين تحرقين كبدي حيه وميته وضحه وهي تضمها بشدة لما رأت بها من حزن وتأثر عميق:كبدي ولاكبدش يابعدي عليا وهي تضم والدتها بمرح:يمه وانا ماقلتيلي كلام حلو وضحه وهي تلتفت لعليا:ياعوبش يامش كل ذا الحكي ولاقلت لش شي قاطع حديثهم دخول جواهر التي بدا عليها الضيق:يمه يالله العشا وضحه وهي تبتسم لتلك المنزعجه:جويهر تعالي سلمي على خواتش اقتربت جواهر بضيق.........فوقفن لها الثلاث اقتربت لها شاهه التي كانت اساساً الاقرب لها سلمت عليها:هلا والله شلونش جواهر بهدوء:طيبه انتي شلونش شاهه بباتسامه آسره:يسرش الحال ثم تقدمت عليا:كيف الحال جواهر تنظر لها بازدراء وعليا بالمثل:تمام وانتي عليا بعدم ارتياح واضح:بأحسن حال حصه وهي تقبل خد جواهر:شلونش جواهر جواهر وقد بدا عليها القليل من الراحة:طيبه .....شلونش حصه:طيبه جعلش طيبه ام شاهه وهي تحاول ان تغير مزاج جواهر:امي جواهر بنظرة عتب وتحاول اخفائها:لبيه ام شاهه:النسوان اقلطو جواهر:ايه يمه ام شاهه وهي تمسك بكف جواهر:اجل يالله يابنات مشينا للعشا تقدم الجميع متجهاً للعشاء امسكت عليا بيد شاهه وهي تهمس لها:مانزلت لي من زور ذا الجواهر حتى امي هملتنا يوم شافتها شاهه وهي تضربها بخفة على يدها:كم مره اقولش خلي منش الحكي في العرب امشي خلصيني لاتفضحينا في العرب مالنا عندهم الا امي ثم ذهبت تاركة خلفها عليا المغتاضة ...................................................... في مجلس الرجال ابو فيصل:يالله يارياجيل اقلطو على العشا انتهض الجميع متجهاً للمقلط ماأن مر به ابو سعد بعد خلو الديوان من الرجال حتى امسك ابوفيصل بيده هتف ابوفيصل بود وقد تحاوط الاثنان ابناءهم الاثني عشر رجلاً:يامرحبا والله اني صادق احتضنه ابوسعد بشده فهذا شقيقه وابنه الذي رباه:الله لايخليني منك ياخيك ياكبر غلاك في قلبي فرق الاثنان صوت ابونلصر:يبه يالله الرياجيل قلطو اتجه الجدان والبقيه نحو المقلط .............................................. ام ناصر وام شاهه وهن يوادعن آخر الحاضرات الجده من داخل الصالة ام لطام سرينا ام وضحه:لاوالله يمه مانتوب ماشين تو ماراحو العرب بنسمر ونتحدث ام سعد:يامش شايبي مايتحمل السهر ام شاهه وهي تدخل الصالة:لاتقولين عن ابي لطام شايب الا ازين الشباب ام سعد وهي تشير لمكان بجانبها:تعالي ابي اعلمش بعلم ثم التفتت لحفيداتها:وانتن قومن البسن عشان نمشي عليا بمزح:شاهه ترا مفهومة تبينا نطلع عشان تقولين لامي شي ماتبينا نسمعه ولو اني عارفه وش هو ذا الموضوع ام سعد وهي تحرك عصاها مهددةً بضربها:ياشيب عيني منش انتي ان جودتش قطعت شوشتش ذااللي مامشطتيها عليا تمثل عدم المبالاه رغم ضحك الجميع:ياشوشو كم مره اقولش هذا اسمه كيرلي ام سعد:هو اللي ماعادني بمخليتش تسوينه ثم اردفت وهي تقول:جلش الصلاح الهيتيني يالله روحن البسن خرجن البنات ثم تبعهن دلال وجواهر ووضحه من باب اللياقه ام شاهه ووجهها يشع فرحة وراحة:سمي يمه ام سعد بفرح: ترا اليوم ملكة شاهه اشرق وجهها بفرحة تكاد تقفز من عينيها:انتي صادقه يمه ام سعد وهي تعذرها:اي والله ان شاء الله صادقه ام شاهه وهي تكاد ان تقهقه فرحاً:اعذريني يمه بس من الفرحه ام سعد:يابنت الحلال عاذرتش من غير ماتقولين ام ناصر وام وضحه:مبروك ياام شاهه ام شاهه:الله يبارك فيكن والفال للي عندكن ثم اردفت قاصدةً ام سعد:من البخيت اللي خذاها ام سعد بهدوء:لطام ابن سعد حل الصمت لفترة قطعها رد ام شاهه:ماعليها لاقدها عند ولد عمها اخيها وولد ابيها طولها وطوله واحد(ولد ابيها=تقصد ان عمها بمثابة والدها) عادت القليل من الفرحه فهتفت ام لطام:ياام شاهه تراها ظهرت من بيت ابيها ودخلت بيت ابيها الاخر ام شاهه محاولة تناسي مااحزنها:مافيها شك ياام لطام لاقدها عندش كنها في حضني .................................................. في ممر استقبال المنزل حيث كانت تقف شاهه واخواتها وبنات عمها عليا وهي تتصنع البراءة:ياترى امي شاهه وش تبي تقول لامي ثمينه وهي تماشيها:الله اعلم ياختش بس الوكاد انه علم كبير والعلم عند الله شاهه وهي تضع عباءتها على كتفها وتمسك ببرقعها في يدها:ماودكن تمسن قبل احوس مريركن(احوس مريركن=اعكر مزاجكن) حصه:ثمينه عليا بس عاد لاتضايقن شاهه نوره:بنات كن بنت خالكم جواهر تبي فرقانا عليا بغيض:تكفين لاتجيبين سيرتها كل مااسمع طاريها يركبني مية جني حصه وهي تريد اغضة عليا اكثر:ههههههه محتره منها عشان امي تموت عليها اكثر منش عليا بقهر:تخسين انتي وهي انا عند امي اغلى منها واغلى من اللي اغلى منها بعد نوره:ههههههههههه جات من جدها ثمينه:ههههه اقول اسكتن تراها انتفخت من الضيقه عليا بقهر اكثر:يابنات ماشفتوها شلون تشبح فينا كن حنا ماكلين حلال ابيها شاهه تحاول ان تهديها:لا علوي لاتبالغين نوره وقد فهمت لمقصد شاهه فهي تريد ان ترخي من حدة عليا:اي صح علوي انا اشوف نظرتها عادية عليا وهي تشير بيديها:ودي ازنطها كذا ثمينه وهي تنظر لشاهه ونوره بقلق فهي تعلم كمم عليا حاره ولن تصمت ان اثقلت جواهر العيار قليلاً:يابنت الحلال يتراوا لش(يتراوا لش=يتهيأ لك) .......................................... في المجلس وبعد مغادرة الجميع ابوسعد وهو يضع يده على فخذ شقيقه:ياابوفيصل ناصر ولدك جاي اليوم يبي رضاك ابوضيدان وهو ينظر لوالده بصدمه قد اخفاها عن الجميع الا عن واحد:؟؟؟؟؟؟؟؟؟؟؟؟ ابوفيصل:ياخيك ناصر ولدي اول وتالي بس اللي صار مايرضاه الله وخلقه ابوسعد وهو يشير لأبوضيدان:ياخيك نباش العلوم مالنا فيه حاجه انتهض ابوضيدان وقبل رأس عمه مجبر ابوفيصل وهو يقف ويربت على كتف ابوضيدان:ياولدي اللي صار صار وحكي في الفايت نقصان في العقل ابوضيدان بعدم اقتناع:الله الله يايبه عز الله انك صادق ابوسعد بفرحه:اجل اسمعو ترا عشاكم عندنا قفي الصبح(قفي الصبح=بعد غد) ابوفيصل بحب:جعله يكثر خيرك ياخيك ماكان كلفت على عمرك ابوسعد:الخير واحد وكرامة عشان ذا الرضا ماهيب خسارة في طرف المجلس وبعيد قليلاً نايف:ياكرهي للهياط فلاح وهو يضربه بكوعه:والله ياان سمعوك ان يمردغونك هنيا قدامنا فهاد:هياط عند جدك ولا جدي اسمه ذرابه نايف:ياعمي يتخسر ويذبح له خروف عشان اخيه رضا فلاح:عاد ودك جدك كل يومين زعلان فهاد:فلسنا فلاح:اجل خلاص انا بطلع من ذا العايله البطرانه نايف:لاتخليني ياخيك فهاد:وانا معكم فلاح:ولا واحد يباريني منكم ثم اصطنع الكبر:ماعاد الا الحبربش افزعهم صوت الجد ابوسعد:يالله ياعوال خلونا نمشي ابوفيصل :تو الناس ياخيك ابو لطام:يايبه قد الساعه اثنعش ابوفيصل:اجل ياابوسعد حياك تسلم على اهلك(يقصد حفيداته وابنته وزوجات ابنائه) ابوسعد:يالله نهض الاثنان متجهان للداخل وكان ابوفيصل يجهل وجود تلك الغائبات وابوسعد يظن انه انتبه لهن .......................................... قبل ذلك بدقائق اقتربت ام شاهه من البنات انسحبت نوره وثمينه من الممر ليدخلن في الصالة ام شاهه وهي تخفي ابتسامتها وتظهر الغضب والضيق في صوتها:الحين انا وياكن قاعدات لحالنا ماعلمتني بالملكة ليه صمتن الثلاث ضيق من غضب والدتهن عليا مبررة وهي تقبل كف والدتها:يمه وش تبينا نقولش نقولش يمه اختنا اعرست حصه وهي تخفي حزنها لغضب والتها:يمه والله ماخبرنا العرب يتباشرون بملكة البنت ام شاهه:وانتي ماودش تقولين شي(كانت تقصد شاهه) شاهه وهي تخفض رأسها خجلاً وحزناً:جعل ربي يخليلي خواتي ام شاهه وهي تضم تلك الخجلة:وانتي تهقين اني بزعل عقب ذا الخبر الزين بس كنت ابشوف وش انتن بتقولن عليا بمرح:حرام عليش يمه وجيهنا راغت ام شاهه بمزح:ماعليكن ذل عقب اللي شفته حصه:يمه لايغرش ترا كلنا عاقلات بس عليا هي اللي تاكل العرب ام شاهه وهي تبعد شاهه عن حضنها:والله ان اللي في حضني ماهيب وراها بطواله(ماهيب وراها بطواله=بنفس مستواها) قاطعهن صوت ابوفيصل الجهوري:احم احم درب درب اسرعن الفتيات بلبس اغطية وجيههن لتهتف ام شاهه:لاتغطن هذا جدكن ناصر ثم اردفت:حياك يبه حياك دخل ابوفيصل وبعده ابوسعد ابوفيصل:السلام علــــ ثم التفت لجهة ابوسعد:ابن لطام مانيب قايل خلو لنا درب اقتربت منه ام شاهه وهي في قمة فرحها وهي ترى من كان خلفه:يامرحبا يامرحبا بالغالي تقدم ابوسعد وهو ليحتضن من غابت عن ناظريه ستة عشر عاماً من صفعته الدنيا بها من اجفلته الايام منها لكن ماان رآها حتى تجدد ماكان يخفيه بين اضلاعه من حب ابوسعد وهو يضمها بشدة:المرحب باقي يابنتي كانت ولازالت تحب ذلك اللقب(بنتي) ابوفيصل بغضب :وضحه النسوان راحن ابوسعد وهو يبعد وضحه قليلاً:وش نسوانه ذولي بناتي التفت ابوفيصل براحه:ماشاء الله من هن بناته سعد ولا سلطان ابوسعد وهو يبتسم فهو عرف انه لم ينتبه لهن من البداية:لا وانت الصادق هذولي بنات ناصر اصابته رعشه دبت فيما كان يحمله الخافي من جسده ولكتها خفيت عن من كان ينظر له:بنات ناصر؟؟؟ ام شاهه وهي تقف بجانب والدها وتنظر لتلك العيون الثلاث الخجله امامها:بناتي يبه اقترب منهن ووقف امام عليا:من انتي منهن عليا بخجل:انا عليا ضمها لصدره بقوه:شلونش يبيش عليا وهي خجله للغاية:طيبه يبه ابتعد عنها لينظر لعينيها بعمق:قبل لاشبحت في عويناتش حسيت انش حية ماانتي بميته وذاالحين كني اشوفش ضو شابه ام شاهه بابتسامه:وهي ضو شابه عليا بخجل:يمممه تقدمت شاهه لتقبل رأسه:مسيك بالخير يبه ابوفيصل وهو ينظر لها بحب لما فيها من شبه والدتها:مسا النور يامرحبا من انتي منهن ابوسعد بحب:هذي الشيخة شاهه ابوفيصل وقد تمكن منه الشوق لتلك الفاتنه ضمها ليقول:يامرحبا بأول الخير شاهه بصوتها المبحوح:المرحب باقي شلونك يبه ابوفيصل وهو يبعدها:طيب يابيش دامني شفتكن ام شاهه وهي تقرب حصه منه:يبه هذي حصه ابوفيصل وهو ينحني لتقبل حصه رأسه:يامرحبا ببنتي اللي ماشفتها بالمره حصه:شلونك يبه ابوفيصل:طيب طاب حالش ابوسعد:ناصر اخلص خلني اسلم على بناتي ابوفيصل وهو يبتسم:هو به احد يشوف ذا الغزيلات ومايسج من الدنيا ام شاهه وهي تتجه للصاله:انا باعطيهن خبر وبعد دقيقتان دخل الجدان وبدأت السلامات ................................................ في المجلس نهار وهو يميل على لطام الصامت منذ دخلو:شفيك لطام بهدوء:مافيني الا العافيه نهار وهو يغمز له:تفكر فيها من ذاالحين لطام بجمود:ماجات على بالي نهار بغموض:ادري والله اسكتهم صوت ابوناصر:وانت يالطام ماتحب القنص لطام:ان كان في خاطرك تشوف اللي يسرك من الصيد علمني واخاويك ابوناصر باعجاب لذلك الحازم الصامت الصغير في السن بالنسبه له:كفو وانا ابيك ناصر:اجل تخاوينا الاسبوع الجاي انا وابي لطام:خلاص صار ان شاء الله ابوناصر:خاوونا كلكم ابونهار وقد اعجبته الفكرة:انا والله بظبط شغلي واخاويكم ابولطام:خلاص كلنا خوياكم ابوناصر بفرحه:الساعة المباركة ابولطام:ياابوناصر ترا العشا عندنا الخميس الجاي لملكة ولدك لطام ابوناصر:مبروكين ان شاء الله...........من انتو مناسبين ابولطام:ابوضيدان ابوناصر بفرحه اخفاها:مبروك وانا ابيك لطام:الله يبارك فيك يبه ناصر:مبروك يالطام لطام:الله يبارك فيك نايف:مبروك يابوسعد لطام:الله يبارك فيك الفال لك ان شاء الله ............................................ في الصالة ابوسعد:يالله ياام سعد مشينا ابوفيصل:وين ياخيك تو الناس ابوسعد:ياخيك العرب قدهم يبون الراحة تونا جايين اليوم من مكشاتنا ابوفيصل:لادام كذا اجل ماتشوفون شر ام شاهه وهي تقترب الى ان قبلت رأس وانف عمها:تكفى يبه ابي بناتي يمسون عندي الليلة ومن صبح اردهن ابوسعد صمت لثواني ثم نظر لتلك العيون الراجيه خلف والدتهن ابوسعد:ابشري بسعدش ممساهن الليله عندش بدت الفرحه على محياهن وقف ابوسعد:يالله تمسون على خير وقف الجميع :الساري في خير وبعد دقائق كان يقف الجميع عند السيارات موادعين لطام:يبه ابوفيصل:لبيه لطام: لبيت حاج ابي اسلم على عمتي ابوفيصل:تعال وان ابيك ثم دخل به لداخل المنزل ابوفيصل وهو يقف عند الباب الفاصل:ام شاهه ام شاهه:لبيه يبه ابوفيصل:تعالي جاءته وهي تعلق برقعها في يدها ماان رأت ذلك المخيف الفائق الطول حتى انحرفت لتلبس برقعها ابوفيصل:تعالي يبيش هذا ولدش لطام يبي يسلم عليش اصابتها الرجفه فأسمه يجدد جروح قد مضت اقتربت وهي تمد يدها:هلا يامرحبا شلونك وانا امك لطام وهو يقبل رأسها:طيب جعلش طيبه انتي شلونش وشلون من يعز عليش ام شاهه وهي تغطي كفيها بطرف الجلابيه:ابشرك كل(ن) طيب ......................................... في المواقف ابوسعد بغضب يحاول ان يكتمه:بتعصاني ياناصر انا قلت يمسن يعني يمسن ابوضيدان بغضب مماثل:يبه انا قايل نقعد شوي ونمشي وذاالحين تقول لي يمسن ابوسعد:لاقدهن عند امهن ماعليهن خلاف ابوضيدان وقد انتفخ صدغاه من الغضب:هذا الموت انهن عند امهن ابوسعد وهو يركب السيارة اشارة منه لانهاء الموضوع:اقول والله مايظهرن من ذا البيت الليلة صمت ابوضيدان قهر وغيض لعدم قدرته عن اثناء والده عن مااراد اقبل لطام لطام وهو ينظر لعمه:يبه شفيك واقف ابوضيدان بغيض:مرتك وخواتها بيمسن هنيا صاعقة بل تيار كهربائي قيمته 3000 فولت ضربه في المخيخ ابوضيدان:لطام يبيك ماابيهن يمسن وش السواه لطام بهدوء مريب:خلهن الليله يمسن وعقبها انا اللي بسنع الامور ابوضيدان وهو يركب السيارة:نشوف وشلون بتبرد كبدي .................................................... كانت تقف عند الباب لازالت تحت اثر صدمته لما قال ذلك الارعن بعد ان تركها والدها معه ام شاهه:الله الله في اختك وانا امك لطام:المدارى يخرب النسا ياعمتي ام شاهه بحده:ماياتي من بطن الصالحه الا صالحه لطام بصوت واثق:هذا البلا ام شاهه بحزم:الضربه اللي ماتذبح تقوي ........... واللي يرش بماء يرَش بدم لطام زهز يثقل الععيار:العرق دساس ياعمه ام شاهه وهي تود تمزيقه:عز الله انك صادق عرقك وعرقه واحد(تقصد ابوضيدان) لطام:ماالرياجيل بسوا هو سوا مثل اللي يقول يوم ماعاد للبيض والي ركبن على الاوراك ثم الغوارب(يوم ماعاد للبيض والي ركبن على الاوراك ثم الغوارب=اي ان التهاون مع النساء يؤدي الى التحكم بالرجل مما يؤدي للفساد) ام شاهه بغضب:لطام ياولدي اهلك راحو علم انها تعطيه اشارة لطرده: فرد عليها قائل:اثرهم صادقين يوم يقولون ان كلمة الصدق تزعل ثم خرج تاركها خلفه تشتعل غيضاً فهو قليل ادب ولايجاريه في الحديث الا الخطباء رباه احمي طفلتي الهشه من ذلك الوحش الكاسر انتبهت من سرحانها على صوت عليا وحصه اللتان يهزانها :يمه يمه ام شاهه:لبيه عليا:شعندش واقفه هنيا امشي داخل ام شاهه:يالله يالله امشو ثم دخلن للصاله ............................................... في سيارة ابوضيدان ولطام ابوضيدان بعصبية:بس ماابي اسمع ولاصوت ضيدان وهو يشهق من بكاء دام نصف ساعه منذ ان علم ان امه لم تأتي معهم:ابي ساهه ابوضيدان:بكره بتجي بس اسكت لطام:يبه خلنا نحذفه عليها ماعندك احد يبزاه ابوضيدان بصدمه:من جدك والله مااخلي ولدي عندهم لطام:بصرك ابوضيدان:وش قلت لها لطام وهو يعلم كم عمه مولع بتلك الفاتنه:قلت الصدق ابوضيدان:........... لطام بمفاجأه:يبه انا ابي آخذ شاهه عقب اسبوعين عندي دورة لمدة ثلاث شهور ابوضيدان وهو يصدمه برده:يكون احسن لطام بفرحة خافية:خلاص انا بكلم العرب واحجز كل شي من بكره ابوضيدان بهدوء:اللي ودك ............................................ بـــــــــقــــــــــــــ شــــــــــادن ــــــــــــــــــــلـــــــــــــــــم |
مبدعه فديتش دخلت من الجوال وتوني اقرا
لطام نرفزني بس شاهه بتسنعه جواهر غيرانه بس بعدين بتصير اختهم الرابعه فيه حبيبتي بدووو بس اصولنا سعوديه ومن ولدنا هنا في البحرين ياقلبي |
ياجعل شاااهه توطى غااارب لطاامووه
قليل ادب ولسااانه طووويل ورى ام شااهه تقول له انتبه لاختك ؟؟؟ |
يجنننننننننننننننن ابدااااااااااااااااااااااااااع
ماقصرتي .. لطاام يقهر يااخي وش دخلك المشكلة بين عمك وزوجته انت ماالك دخل تتدخل فيه :8Pp04714: |
يسلمو يالغلا على البارت ............. لطام شكله هو اول من ظلم ام شاهة وربي مابهنيه بالي ناوي عليه وشاهة ماراح تبرد قلبه ولاتفرحه وهالشي بيكسر قلبه ...............زمو كاسرة خاطري الا شاهة لاعبين فيها كأنها لعبة حسبي الله عليهم
ابو ضيدان بتعض اصابعك ندم على الظلم الي ظلمته وضحة ورب العباد يمهل ولايهمل ولطام مثل ماخرب حياة انسانة مظلومة وحكم عليها بتنخرب حياته ولابيتهنى بزواجه وشاهة مابتعطيه وجه وخصوصا انو بيمنعها عن امها بعد ماياخذها بس لو انا منها هي وامها ماتسامحه لاهو ولاعمه جواهر سخيفة امها موجودة مستكثرة على البنات الي انحرمو من امهم طول هالسنين هالكم ساعة وربي ماحبيتها هي مو بزر لو يخطبها احد زوجوها يعني مالها داعي الحركات العبيطة في انتظارك يالغلا |
تسلم يدينش يالغلا على البارت
قهرني لطام بكلامه لام شاهه صدق وقح بس اتمنى شاهه تبرد كبدي فيه اذا خذاها عن جد يقهر الله يعينها عليه.. مشكورة والله يعطيش العافية بس عندي طلب صغيرون استحمليني.. ياليت تنزلين بارتين في الأسبوع ادري عندش التزامات بس تكفين احس السبت بعيد .. اتمنى تنظرين لرجاءي بعين الاعتبار |
راااااااااااااااااااااااااااااااااائعة جدا
شاهة هل ستضعف أمام لطام أم ستكسر جموده ناحيتها هل التقارب بين الأسرتين سيظهر الحقيقة التي تبرئ أم شاهة عليا وجواهر والغيرة إلى أين ؟ بانتظار الجزء القادم بشوق ومتى مواعيد الأجزاء الله يعطيك العافية ودي |
يعطيك العافيه شدوون
بانتظار القادم ههه العرس والي راح يصير منتظرينك |
السلام عليكم شخبارش انا بنت خالة اثرني احبه والصراحه اهي مسافره وانا باتابع وباكمل القصه والصراحه القصه ف قمه الروعه وانا من طبعي ما اقرا القصص بس شدتني قصتش واعجبتني واجد و تقبلي مروري
|
يسلمو ايديكي عالتكمله وبجد لطام قليل ادب وصحيح باطنيا هو يحب شاهه بس احسه رح يوريها نجوم الضهر عشان امها يا رب شا هه تطلع ادها وتعرف تتعامل معه واطلع حرت امها وانا الي غاضني اكتر ابو ضيدان كانه البنات هم بس بده يخلص منهم ننتظرك عنار وشوقتينا اكتر نعرف القصه الي صارت ويسلمو يا عسل
|
حنا بدوو لكن من السعوديه ولكن مولدنا في البحرين وعايشين ف البحرين واهلنا كل ابيهم في السعوديه وتقبلي مروري وتراني بنت خالة اثرني احبه وباتابع القصه للنهايه وماني بداريه متى رجوعها يمكن تبطي بس انا انشالله اكمل بقايا القصه لها واتمنى تنزلين البارت الجاي بسرعه قبل لا انضغط خبرش المدارس على الابواااب
|
الروايه رووعه
متحمسسسسه لزواج شاهه من لطام ابيها تجيب راسه >> رافع ضغطي :) وضحى & ناصر بن فيصل >> مالهم طاري بلييييييييز حاولي تنزلين بارتين يالغلا في الاسبوووع |
السلام عليكم ورحمة الله و بركاته
الروايه ابداع بلا شك بس الغريب هي خروف عطيتها وعطيتك وعادي وتم يعني صدق الشور شور الابو بس عاد موب لهدرجه المسيكينه بتروح فيها وميته ابي اعرف هالغلطه ولطام على شخصيته حلوه من الناحيه الهدوء و الغموض لكن سلبيه لما يتكلم ولا الحيه الله يعين شاهه عليه تلخبطت اكيد بالبدايه من وضحى وناصر استانست حسبت عشان سبب بسيط اثره شخصيات ثانيه بس وش هالسبب الي رجلها ما رضى حتى ان بناتها يشفونها وابوها عاده مخليها حيه يعني حكرتي كل الافكار ومنعتي الاحتمالات ونتتظرتس بالجزء الجاي بالتوفيق |
يااااااااااااااااااااااااااااااااااالبييه على شاااااااااااااااااااااهة فديتهاااااااااااااااااااااااااااااااااااااااااااااااا
امااااااااااااااااا لطام السلووووووووووقي يودني ابرك في حلقه نعنبااااااااااااااه ياناااااااااااااااااااااااااااه جعل علوووووي تراااب السيييل مااالووومهاااا في الجوووهرة على فكرة في فالبحرين وشوشه حتى عجمااااااااااااااااااان وبعدن نساااابت الملك عجمان |
أإأإأإأإأإأإأإأإأإأإأشكـــــــــــــــــــــــــــــــــــــ ــــــــــرش أإأإأإأإأإأإأإأإأإأإأإخــــــــــــــــــــــــــــــــــــت
شـــــــــــــــــــــــــــــــــــــــــــــــــــــــــــ ـــــــــــــــــأإأإأإأإأإأإأإأإأإأإأإأإأإأإأإأإأن على الرواية وربي انها ابداع واتمنى لش المزيد من التقدم و النجاح تقــــــــــــــــــــــــــــــــــــــــــــــــــــــــــ ــــبلي مـــــــــــــــــــــــــــــــــــــــــــــــــــــــــرو ري |
ابداع
روعه قليلة بحقها اتوقع لطام هو سبب المشكله من الاساس يمكن شاف موقف يوم كان صغير و فسره بكيفه ونقله لعمه خطأ المهم هو اساس المشكله لكذا حاقد عليها ويذكر وضحه بالماضي متحمسه للقاء وضحة وناصر <<ام شاهه و ابو ضيدان ولقاء وضحة وناصر الصغار و زواج لطام وشاهه يسلمو |
الروايه حييييييييل حلوه
والحلا فيها زاد لما صارت باللهجه البدويه وعايشه معاهم بالادوار لان فعلا فيها من عاداتنا بس حبيت يالغلا تعقيبا عل هذه الفقره ،،،، السلام عليكم مساء الخير على الجميع وارحب بالجميع المشاركين وغير المشاركين بالنسبه لأختي (اثرني احبه)ادري اني عله بس استحمليني انتي بدويه ومن البحرين؟؟؟ لأن اللي اعرفه ان البحرين مافيهم بدو من غير قصور في اهل البحرين بس انا استغربت انش توشين ومن البحرين لأن القبائل اللي توش متمركزه في قطر والكويت والسعوديه وترحيب خاص في خواتش وصراحة شرف لي ان روايتي اعجبتهم انا سمعت من زميلتي معي بالعمل عندها اهل بقطر تقول ان معظم القبائل توجد بالكويت والسعوديه ولكن بقطر مو معظمها ولكن البعض من القبائل منها المره والسبعان وياليت تعطينا نبذه عن القبائل المتوجده بقطر اما بالكويت وايد منها العنزى الشمرى المطران العتيبي الحربي العدواني السبيعي المري العازمي العجمي الظفيرى الرشيدي ابدعي وانا اقول اول من يقرأ ابداعتك |
السلام عليكم ورحمة الله وبركاته ..
دهن العود .. واصلي واصلي رواية رائعه !! لطام // جرأة ولكن توقعي انها على غير حق .. فهل وضحة مقذوفه ؟؟ شاهه // مكابرة لمشاعرها فهي تخفي ذاك الحزن العميق .. وضحه // توقعي انها مظلومة من قبل ابو ضيدان .. بالنسبة للحوار عن قبائل البحرين .: انا عندي علاقات اجتماعية مع ناس في البحرين يوشوشون وهم من اعرق القبائل .. >>> لا يحذفون الرد لأن هذا مو مكان نقاش عن التاريخ القبلي لكم السعادة تسآهيل الخفجي |
بصراحة الروابة في قمة الروعة والابداع
والحمدالله على السلامتش وما تشوفين شر ان شاء الله يالغلا الله يحفظش " |
يعطش.العافيه.على.البارت.الرائع
لطام.يامن.يمسكني.رقبته.حلال.فيه.الذبح.قليل.الادب اتوقع.انه.سبب.المشكله.بشي.شافه.وفسره.غلط اابوضيدان.صدق.قوي.قلب.ياخي.حتى.لوغلطت.الام.هذنيي بناتك.بس.مااقول.الا(الضرب.في.الميت.حرام) شاهه.الله.يعينش.على.العله.مع.العلم.انه.يحبش.بس.يكابر ووش.راح.تصير.ردت.فعلها.لدرت.انه.سبب.مشكلت.امها جواهر.ياملا.ماني.قايله.الحين.حاسده.هل.مسيكنات.على كم.ساعه.في.حضن.امهن.وانتي.سنين.متنعمه.فيه فلاح.نايف.فهاد.ياملحكم. |
السلام عليكم صباح النور على الجميع اليوم جيت ببارت راح تتغير بعده موازين الروايه راح تتغير مسارات حياة جميع الابطال اما شكري وتقديري هالمره لكل من فادني بخصوص بدو البحرين واقولهم ماقصرتو لاهنتو انا قدمت البارت البوم عشان عندي اختبار يوم الاحد بس فيه بارت يوم الثلاثاء والسبت مثل موعدنا اتمنى لكم الاستمتاع بالبارت توكلت على القادر البصير البارت الثاني عشر ......................................... دخلت غرفتها وهي تحمل حذاءها في يدها ماان فتحت الباب ودخلت حتى دخل هو خلفها مباشرة ناصر بن فيصل بصدمه:كنتي لابسة كذا عند العرب وضحه وهي تظهر القوة بينما كانت ترتعش خوفاً منه فهو لايحب هذا النوع من اللبس:ايه ....عادي كلهم نسوان ناصر بغضب:وجهش مافيه حيا مظهره سيقانش وعضودش وصدرش وضحه بندم لم تبينه:ناصر الله يهداك هذا لبس النسوان في العشيات عادي ناصر وهو يقترب منها ويصرخ:لاتقولين عادي مهوب عادي انتي ارتكبتي الحرام والعيب وضحه بخوف تتقي بيديها ضرباته القادمه:طيب خلاص ماراح البسه مره ثانية ماان رأى حركة يديها التي آلمته اقترب منها حتى اصبح بينهما سنتيمترات قليلة هتف لها برقة وحنان والم:وضحه شفيش مانيب ضاربش نظرت له بخوف ثم انزلت يديها ببطء ثم انزاحت لسريرها لتجلس عليه بهدوء اما هو فقد وقف ينظر لعينيها التي يعشقها بألم لما وصلت درجة التعقيد بينهما اقترب منها :وضحه انتي عاجبش اللي حنا وصلنا له وضحه وقد اصبحت في منتصف دوامة البكاء:انت اللي وصلتنا لذا الدرجه ناصر بهدوء:طيب انا ابيش ذاالحين تظهرين اللي في خاطرش كله وضحه وهي تبكي حسرة لهذا النفور بينهما فهي لاتستطيع ان تستغني عنه لثانية واحد فكيف بعد مرور عام كامل على فراقهما لتفجع بعد ذلك انه قد اغلق حصون قلبه عنها وضحه وهي تشههق اثر بكاءها:وش تبيني اقول تبيني اقولك اني تحسفت عدة شعر راسي على اللي سويته وعقبه فجعتيني بعرسك علي مرتين متاليات ولا اقول اني اموت كل ماشفت خالي وجدي اللي كذبت عليهم وقلت لهم انك طلقتني عشان ماخليهم يحسون خاطرك ثم صمتتت ماعادت قادرة على اكمال كلامها اقترب ليضمها لكنها ابعدته عنها بعنف وضحه بقوة منبعثه من مصدر الاوجاع:اللي صك قلبه عني مالي حاجه فيه ثم تركته وخرجت للغرفة الاخرى في شقتها التي لاتحوي سوى سرير ............................................... في ذات المنزل لكن في الاسفل ابوناصر بعد سلامه على بنات شقيقته:اربكن بتمسن عندنا شاهه:ايه فديتك ابوناصر بصدق:يامرحبا وانا صادق عليا:المرحب باقي جعلني قبلك عليا وهي تميل على حصة التي تستكين بجانبها:حصوص شكلش منتهيه من التعب حصه وهي تدعك عينيها بخفة:اسكتي عيوني طبقت عليا:قومي روحي نامي حصه والنعاس قد تمكن منها:تبيني اروح وانا ماأدل المكان عليا :خلي شينة الحلايا بنت خالش تدلش المكان حصه:عليا جنبي بنت العرب اصمت الجميع وقوف الجد وابنه ام شاهه:هايبه قدك بتسري الجد:اي والله يابيش قدني تعبان برقد لي شوي عشان اقوم اتهجد ام شاهه بحب:جعل ربي يسخيلك بالعافية.........وانت ياختك بتسري بعد ابو ناصر:ايه يخيش وراي مغباش الصبح عندي مراجعات ام شاهه:الله يقويك جواهر وهي تقف وتقبل والدها جدها بدلع:تصبحون على خير والدها وهو يقبل خدها:وانت من اهله يامي الجد:وانتي من اهله يابيش ثم ذهب الاثنان باحثان عن الراحة ام ناصر وهي تقف:يالله تصبحون على خير الجميع:وانتي من اهله ام شاهه:اقعدي شوي ام ناصر:لايابنت الحلال اقعدي مع بناتش وانا بروح لشايبي ام شاهه وهي تبتسم:دامش بتروحين لشايبش اجل ماتشوفين شر ام ناصر وهي تبتسم:طيب تبون شي ام شاهه:سلامتش ذهبت ام ناصر لتختلي ام شاهه ببناتها الاربع عليا:يمه ام شاهه:لبيه عليا:حصوص تبي ترقد ام شاهه وهي تمد يديها لحصة:تعالي ارقدي في قلبي عليا:يمممممممممه لاتدلعينها كذا وانا قاعدة ام شاهه وهي تضم حصة التي جلست بجانبها:انتي على الاقل خذيتي الدلع شوي ولا واجد اما هي ماذاقته جواهر وهي تقف بغضب بسيط:يمه انا بروح ارقد تبين شي ام شاهه وقد رأت في طفلتها ماأحزنها:والله ماتروحين الين نسري كلنا مع بعض جواهر بحزن:يمه تكفين استغفري وانتي في مكانش قدني تعبانة وبروح ارتاح عليا بنغزة:جواهر الله يهداش تفجرين امممي(اكدت على نطق كلمة امي لكي تريها انها ليست والدتها) جواهر بنغزة لاتخلو من الغضب:انا وامممي ننجاز عليا وهي قد اتتها الفرصة لكي تقول ماخبأته في صدرها:اللي حطها امش ويش هو جواهر بغضب:امي غصب عنش علي بغضب مماثل:اقول لاتصدقـــ قاطعتها امها بصوتها الحازم:جواهر عليا الظاهر انه مالي حشمة ولاقدر عندكن جواهر:الحشيمة لش يمه عليا وهي تقف بعصبية:لاتقولين يمه ماهيب امش ام شاهه وهي تقف بجانب عليا:عليياااا ولاكلمة زيادة ثم اردفت وهي تنظر لابنتها بغضب:انتي بنتي اللي جيتي من بطني لكن جواهر بنتي وبنت اخي اللي انا في خيره وفوق ذا كله هي بنتي اللي ربيتها يوم بيوم وسنة بسنة ومن مس بنتي كنه مفقع عيوني كانت تنظر لوالدتها بصدمة وقد تناثرت دموعها مع اول كلمة نطقت بها والدتها عليا بصوت هزه البكاء:صادقة يمه صادقة هي اللي ربت في حضنش ولا انا جعل ربي يخليلي شاهه اللي ضمتني انا وحصة ثم تركت الكل لتلبس عباءتها ونقابها اقتربت منها شاهه التي تعلم ماالذي يريحها في هذه الحالة ضمتها لصدرها بقوة ليتعالى بكاء عليا المختلط بنشيج عالي الصوت:لاتبكين وانا اختش مايكفيش اني انا ابيش عليا وهي تخبأ وجهها في صدر من اعتنت بها منذ الصغر:شاهه ابي اجع البيت شاهه بهدوء:ابشري ابشري عليا باصرار:الحين شاهه كانت تخبأ دموع نادر ماظهرت للملأ فكانت تخاطب نفسها قائلة:ياويلي من كسرش ياعليا هذا ماكنت ابتعد منه ليه يايمه كذا ليه ام شاهه وهي تبعد شاهه لتضم عليا:بتخليني ياعليا عقب ماحييت اعود مثل قبل عليا وهي تبتعد عن والدتها:ماحييتي الا من يوم شفتي بنتش ام شاهه بحزن:وانتي ماانتي ببنتي؟ عليا وقد عقد لسانها عن الاجابة ذهبت للهاتف بصمت لتتصل على والدها وضعت السماعة على اذنها اقتربت والدتها لتضع يدها على مغلقة الخط ام شاهه بغضب:نذرن على خيط رقبتي لاتظهرين من ذا البيت الليله انه حرام عليش السلام علي حصة وهي تبكي:يمه لاتغبنينها ام شاهه بحزم:اص ولا كلمة ماحد منكن يفتح ثمه بكلمة وانا احكي ثم امسكت بيد عليا وسحبتها لتلك الغرفة التي شهدت اللقاء بينهم حصة وهي تبكي:شاهه خلينا نمشي شاهه بحزم:بتغضبين امش حصة:امنا خاشرونا فيها العرب جواهر بخجل وهي تقترب منهم:بنات والله العظيم اني ماقصدت انه يصير ذا كله شاهه وهي تغتصب الابتسامة:يابنت الحلال ماصار شي امي ذاالحين تحاكيها ويطيح اللي في راسها نظرت لها حصه بنظرة غضب ثم جلست بجانب شاهه . . . . . . . . ام شاهه:تعالي اقعدي جنبي بدال ماانتي واقفة كذا جلست بجانب والدتها ام شاهه:مااقولش لاتبكين بالعكس ابكي لأن البكا ذا ياما خذا من الهموم اللي في قلبي ثم بدأت بسرد اوجاعها:جيت من ابيش عمري تسع تعش سنه خليتكن وراي اكبركن شاهه ام ثلاث سنين وانتي ام سنه وحصة عمرها شهر ثم ابتسمت بألم ودموعها قد بللت برقعها:حتى صدري ماجف من الحليب المهم جيت عند ابي مطلقة وسبب طلاقي يهد الرياجيل تفرقو ابي وعمي والسبه انا وانا ماكلا قلبي الا انتي وخواتش خبر قلبي لاجا تالي الليل وقمت اسقي من عين في عين غرقت هدومي من الحليب يتراوى لي زول شاهه وضحكتش اللي كلت قلبي ووجه حصه اللي ماشبعت مني ولاشبعت منها قمت كل يومين اطيح عليهم والسبب فراقي عنكن قام ابي ودق على ابي لطام وقاله البنت تبي بناتها قاله ابشر بس ابيش حالي بيني وبينكن زاد تعبي قامت ام ناصر جعل ربي يرزقها العافية ويخليلها عوالها حلفت ان جواهر بنتي الين تقوم الساعة وجابت اغراضها وحطتها في حجرتي كنت افرح في كل يوم اشوفها تكبر قدامي كل مافي قلبي من حب وحنان حطيته لجواهر اول مانطقت كلمة ماما قالتها وهي في حضني ولي ماترقد الا في حظني ولاتفت شبر الا انا معها وحولها كل ماشفتها طريتن علي وخاصه انتي لأنش كبر جواهر ثم اردفت بضحة سخريه من القدر:يوم جا مره كنت طالعه من دوامي وجواهر معي في نفس المدرسة قالت تكفين يمه ابي اشتري اغراض من السوق ضروري رحت انا وياها السوق وقمت افتر انا وياها في لمحة بصر قلبي آجعني وشفتكن قدامي بنفس الصوره اللي خليتكن فيها قلت ياجواهر يامش خلينا نعود انا تعبت قالت ان شاء الله وساعة التفت الاجدتش قدامي يوم هنا قربت غصب عني ولاشفت احد غيرها سمعتها تقول لبنية معها حصه اخلصي خلينا نمشي بغا يوقف قلبي يوم دريت انها حصه بنتي اللي خليتها لحمة حمرا اليوم قدها مره بس وعاني من اللي انا فيه شيين جواهر اللي قالت يمه شفيش وابيش الله شفته معكن عودت البيت وانا ضايقة بي الوسيعه شفتها ماقدرت اقرب منها ولاالمسها ولــــــــــ اصمتها يد عليا التي ربتت على فخذها:بس يمه جعلني قبلش لاتتعبين عمرش انخرطت في بكاء اشد لمدة ليست بقصيره ثم قالت بصوتها المبلول:يابنتي جواهر قطعه من كبدي لكن فيه مرة نشدوها وقالو من اغلى عوالش قالت المريض الين يشفى والبعيد الين ياتي والصغير الين يكبر عرفتي وجواهر يامش ذبحتها النغرة مثل ماهي ذابحتش واللي خلقش في بطني انش اغلى من روحي انتي بالذات انتي اللي بغيت اموت من فرقاها ذاك الحين كنتي ماكله قلبي وعقلي بحركاتش وضحكش وسوالفش اما شاهه جعلني قبلها كانت هي وابيها في عالم ثاني ياخذها ويقعد هو وياها لحالهم ويسولف عليها ويتعجب عليها علمها سوالف غريبه عجيبه ينطقها ويلاعبها لحالهم كنت اغار لاشفتها تعومس لاغاب ابيها وهي عمرها سنه ونص ولاشافته ماعاد تصك ثمها من الضحك بس لاجا النوم لازم حضني لاجا الوجع لازم حضني هذا اللي خلاني اتعلق فيها بذا الشكل عليا وهي تحتضن والدتها:يعني انا اللي كنت بنتش ام شاهه وهي تحتضنها:ههههههه انتي بتقطعيني من بناتي عليا وهي تشد من احتضان والدتها:ابيش لي لحالي ام شاهه وهي تبعدها قليلاً:اوعديني انش تعذرين جواهر عليا بابتسامة:تعالي معي ثم ذهبتا للصالة حيث التوتر ذهبت عليا لتقف امام جواهر لتشدها واقفة:مع انش سخيفة وحريتيني قبل شوي بس انا آسفه ضمتها جواهر وهي تبتسم:ومع انش اسخف ورفعتي ظغطي بس انا بعد آسفه كانت تقف وترى لهن بحب .................................................... ناصر بن فيصل وهويدخل الغرفة التي حوت جسدها ودموعها منذ اكثر من ساعتين ناصر وهويقف عند الباب:وضحه وضحه وهي تبكي:................... ناصر برجاء فخم:طيب ردي علي وضحه :نعم ناصر وهو يبتسم محاولاً تغيير الجو:جهزي نفسش سفرتنا عقب اسبوع وضحه بغضب:مابي اروح ناصر باستفزاز:بتروحين وضحه:ناصر قلتلك مانيب رايحه ناصر وهو يقترب منها:يازين اسمي في ثمش وضحه بعصبية:ناصر خلك من الضحك وكلمني جد ناصر وهو يقبل خدها بلطف:آسف وضحه وهي تحت تأثير الصدمه فذلك المجنون يعرف كيف يسحرني:مانيب قابله اسفك مانفعني ذا الاسف يوم اعرست علي مرتين ناصر وهو يقبلها مره اخرى بنفس الطريقه:احبش وضحه بعتب:واللي يحب يوجع اللي يحبه ناصر وهو يقترب منها اكثر:وليه توجعيني من اول وضحه وهي تنظر في عيني:غبيه ولا افهم لكن البلا من العاقل اللي قلت انه بيدمح زلتي ناصر وهو يشير على قلبه:هذا استاجع حييل منش ومن سواتش فيه وضحه وقد عادت لهمر الدموع:يالبى القلب وراعيه ليتني مت ولاآجعتك ناصر وهويضمها بعنف ليطفأ نار ثائرة لها عام تستعر:لاتقولين كذا ان متي مت معش وضحه وهي تحتضن خصره:اسم الله عليك من الموت ثم اردفت:ليه اعرست علي ناصر وهو يبعدها قليلاً لينظر في عينيها فيمازحها قائلاً:الظاهر عادش منتغره منهن وضحه بابتسامه وقد نشت كلام دلال:واقطعك ان جبت طاريهن مرة ثانية ناصر:ههههههههههههه فيها ذبح بعد وضحه:اجل ويش ........................................................ في منزل ابوضيدان كان جالساً في الصالة يفكر ماذا حل بتلك الاميرات الثلاث لم ينمن خارج المنزل يوماً فكيف ان ينام الليله وهولم يدخل غرفة كل منهن وينظر لها طويلاً وهي نائمه ابوضيدان بصوت هامس:يالله ياربي ان كاني حفظتهن وهن تحت عيني احفظهن وهن بعاد مني ثم تحول تفكيره في تلك الصغيرة المعذبه رباه لما ان افعل بها هكذا الايحق لها ان تزف في ليلة يملاها الفرح فهيي قد تعذبت منه ومن غيره ولم تنطق كلمة ولكن لطام سيعوضها عن كل ظلم مني اللهم اسعدها ووفقها فتحول تفكيره الى طفلته التي سيتقدم لخطبتها فلاح اليست صغيره بل طفله لااستطيع ان ازوجها فهي لاتزال جاهله بأمور الدنيا فيتحول تفكيره للثالثه لقد اشتقت لضحكتها اليوم كان وجهها يشع اثر فرحتها مااجمل تلك الضحكه التي ماان اراها تغيب دنيا الهموم عن ناظري وعلى هذا الحال استمر في تفكيره حتى نام جالساً .......................................................... اما في جهة اخرى كان جالس في الصالة العلوية يشاهد الاخبار اتته اخته وجلست بجانبه بعد ان مسحت زينتها:مسا الخير التفت لها ثم همس بهدوء كالعادة:مسا النور قالت له برجاءها الذي لايرد عنده:لطام ابي وجبه لطام بهدوء:عطيني التلفون اطلب لش ثمينه بمرح:بس ترا الحساب علي لطام بنفس النبره:اقول انتي ماتوبين لازم كل مره احلف يعني ثمينه:شسوي ابيك تحلف علي عشان احس انك تسمعني ومنته لي لطام بغموض:ليه انا بارد لذا الدرجه ثمينه وهي تقبله بشدة:لذا الدرجه واكثر بس اموت فيك ضمها له:وانا احبش ثمينه بفرحه:هههئ وش اسوي في عمري لطام يقول لي احبش يابخت عيني لطام:انش داريه اني احبش ياالسلقه لاتصيري مهوله ثم اردف:قوليلي اربش استانستي في العشا ثمينه وقد بدت في عينيها لمعة التشويق:وناسه وناسه وناسه عندهم بس فيه وحده من النسوان ناشبت بنات ابي ناصر لطام بغضب:من هي؟ ثمينه:جواهر بنت فيصل لطام باستغراب:وش فيها عليهن ثمينه:والله مدري حتى شاهه اللي ماتضبق بين فيها الضيق اليوم لطام وقد حل عليه الهام الهدوء:ليه وش سوت لين دريتي انها ضاقت ثمينه بنغزه:انت مهوب قصدك انت تبي تسمع طالريها لطام يريد احراجها:شي طبيعي بين الرجال ومرته ثمينه وقد بدى عليها احمرار الخجل:ياشينك لاصرت كذا لطام:وش كذا ثمينه وهي تغير محور الحديث:انت بتطلب لي ولا لأ؟ لطام بابتسامه لم تظهر حتى لثمينه الجالسه بجانبه:يالله عطيني التلفون ناولته التلفون وطلب له ولها وجلسا يتسامرون ........................................................ في شقة ام شاهه جواهر وعليا وحصه وام شاهه كانوا يلعبون ب(ورقه)(الجنجفه) اما شاهه كانت جالسه على الغنفه ةتنظر لهن وتشجع فريق عليا وجوار تاره وفريق امها وحصه تاره عليا بحماس:جوجويابعد حيي ابيها لنا ذا المره حصه بدلع:اصلاص انتو خسرانين خسرانين اطلعو بكرامتكم احسن جواهر بانفعال:العبره في النهايه ياحبيبتي عليا وهي تقلد حصه:خسرانين خسرانين ثم اعادت صوتها:انتي اصلاً دابله كبدي مجري امي شختارتش عليه حصه وهي تضم والدتها:على الاقل احسن منش عليا باستغراب مصطنع :انا مدري امي راحت تستلحقش المفروض انها تخليني انا آخر العنقود(تستلحقش=تأتي بك بعد فترة طويله) حصه وحاجباها يتراقصان:لأنش عاهه جواهر وشاهه وام شاهه:هههههههههههههههههه عليا:يازينكم وانتو تضحكون علي المفروض انكم تضحكون على ذا الطير اللي يلحقونه البزران(تعبيراً عن شدة النحف) وعادن الثلاث للضحك:ههههههههههههههههههه حصه ببرود استفزازي:حيل حيل عيبي قومش الغبن ان حنا فايزين عليكم وقفت شاهه ام شاهه:وين شاهه:الحمام الله يكرمكم احس بدوخه الظاهر من النعاس بروح اغسل وجهي ام شاهه بحنان:روحي ارقدي جعلني قبلش شاهه:لافديتش ابي اقعد معكم ام شاهه:اللي ودش ذهبت شاهه للحمام اكرمكم الله واكمل البقيه اللعب والضحك ام شاهه وهي تضحك:حصوص نطلعهم حصه بحماس:يالله ثم وضعن اوراقهن في الارض لتصدم عليا وجواهر جواهر وهي تنظر للاوراق بخيبه:يوووه ثالث مره نخسر عليا بعصبيه:كله منش ماتعرفين تلعبين جواهر بعصبيه مماثله:من اللي خسرنا في المرتين الاولى عليا مبرره:كنت توني ماحسيت بالحماس ام شاهه وحصه:هههههههههههههههههه حصه:جعل حيلكن بينكن ام شاهه:ذاالحين بيتلاقطن مثل الدياكه جواهر:اسم الله علينا عليابلهجه مصريه :دحنا سمنه على عسل انا والبت قواهر جواهر:يالله انا اللي بخبص الورق وبدأت تلخبط الورق عليا باستغراب:يمه ليه تلبسين جلال افصخيه مابه الا بناتش ام شاهه:يامش والله اني اموت من السحا لافصخته ولا ارتاح الابه جواهر:تخيلي ماتفصخه الا لاقدني انا وياها في سريرنا حصه:ياحظش نمتي عمرش كله في حضنها ام شاهه وهي تضمها:وانتي بعد بتنامين في حضني عليا وهي تضع يديها على خصرها:اي والله وانــــــــــ اصمتهن تلك الصرخه التي صدرت من الحمام شاهه:يمممممممممممممه عليا بهمسه:شاهه حصه:يمه اختي جواهر:الله يستر اما من كانت اول من نهض رغم تقدم السن فيها:اسم الله على جنينتي وتوجهن للحمام بركضن . . . ............................................ بــــــــــــــــــــقـــــــــــــــــ شـــــــــــــــادن لـــــــــــــــــــــــم |
هلا دهن العود
روايه رائعه ولهجه اروع رغم صعوبتها شاهه ياترى ماسيحدث متشوقه لارى لطام ومايجول في خاطرؤه كيف ستكون الحياه بينه وبين شاهه اتوقع انها ستكون بين شد وجذب فكلاهما ذو شخصيه قويه عنيده دمت بود |
يعطيك عافيه على البارت الرائع
ناصر بن فيصل ووضحة بداية صلح والقلب يغفر لكن قلب وضحة محترق من الضراير ومعذورة عليا و جواهر الحمد لله الامور زانت بينهم شاهه اتوقع طاحت بالحمام تكرمون ابو ضيدان يفكر بالبنات وهن عند امهن يا ترا القلب متى يغفر و يحن لو سمحتي وش معنى اسم ضيدان ؟ |
دوودو. لهجتس مررره قريبه من لهجة اهل نجد خاصه بدو نجد
وووش فيهاا شاااهه شكلهاا زلقت بالحمااام والل شاافت شين روعهااا والله انتس خياااااااااال تووووحفه ذا الرواااايه بس طوليهااااااا وطولي بارتاااتها الحلوووه |
مشكورره شادن عالبارت :flowers2:
وعساك عالقوه ياعسل ربي يوفقك بامتحاناتك البارت حلو بس نبغى بارت اطول بعد ماتخلص امتحاناتك ان شاالله موقف عليا لما شدت هي وجواهر بالحكي علشان امها مره يحزن :Taj52::Taj52: بانتظارك:342: |
هلا دهن العود
انا متابعه جديدة لروايتك ارجو ان تتقبليني كنت ادور عللاروايه حلوه ودلوني على روايتك وظليت طوال الصباح وانا اقرى فيها لين خلصت الى اخر بارت والصراحه روايتك روعه ما شاء الله عليك يعطيك العافيه ضاق صدري كثير على وضحى وبناتها ما يستاهلون الي يصير فيهم وابو ضيدان حسبي الله عليه دام انه مو تاركهم لمهم اجل يعوضهم بحنانه وعطفه بس راح تبان براءة وضحى وراح يحاول يراضيها وهي تعي ولطام الله يستر منه اخاف انه يعذب شاهه مثل ابوها ولا يقدرها عدل احلى مافي الروايه ضيدان وفلاح وعليا ودلال استانس على سوالفهم |
رجعت لكم بقوووووه هههههههه
وانا اثرني احبه الاصليه مب بنت الخاله اللي بذبحها كل مادخلت الا هنا رد ومااقدر ارد هههههههههه اقول ياحلوه خلاص لاتردين مصختيها ههههههه رجعت البحرين من شوي فديت ترابها وابي اعلق لاعاد تعلقين حبيبتي وش رايش تسجلين ونسوي قروووب ونصدع الكاتبات بهذرتنا وترى انا بعد انفاس صار عندي وقت وااااجد بقضيه بردووووود تحمليني دهن العود وموقفه بالاختبارات وربي يخلي اجاباتش مبهره مثل بارتاتش ربي يسلم هالانامل المبدعه نجي للبارت ههههههههه توني قايله لكم هذرتي واجده عليا نبي حد يذوب بعوابتها هههه عجبتني وااااجد وتدرين كل ماقلت لحد القصه ونجي لحبيبة نهار يقولون عليا وانا اول ماقريت توقعتها عليا واختي نفس الشي ناصر وضحى تطوراتهم حلوه بس بعد نبي اكشنات لطام متشوقه لزواجه من شاهه عشان تكسر راسه بسبب اللي قاله لامها وابغى اعرف وش قصة بعير جدها وبالتوفيق غلاااي واشكر كل من وضح القبايل اللي في البحرين |
تسلم يدينش يالغلا على البارت
آجعني قلبي على وضحى وبناتها الله يفرج عليهم ويلم شملهم قريب .. كلي شوق ولهفة لزواج لطام وشاهه مع انه رافع ضغطي يوم غلط على وضحى بالكلام وخاطري ان شاهه تدفعه ثمن كلامه وشكوكه .. الله يوفقش في امتحاناتش ويوفيق الجميع .. |
alsalaaaam 3laikm
tawni ilyoum bdait agraha mn shwayah o mab'3ait a3lq 3shany knt mndmjah o mab'3ait ag6a3 3la 3mry awl ma bdait agra bdat li il q9a '3air mafhooma kilish lakn 3gb 7saitha 9ij 7ilwa lahja wayed 93ba o '3reebh bss 7baitha o kan 3ndy iltbas fe il na9rain wl wa'67tain fa mashkoora liltaw'6ee7 walaw ina lain aal7een atla5ba6 fl ash5a9 lzyadat tashabh il asami y36eeeech alf 3afia o ntrqb iljz2 ilyaay .. |
| الساعة الآن 12:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية