السلااااااااام ليكم..
ياامرحبااا ياامرحبااا ياامرحبااا ... يااامرحبااا بالطش والرش.. حياااااااااااااااااااااا الله من جااااااااااااناااااااا.. يااهلاااااااااااا باللي لفاااااااااااانااااااااااااااااااااا.. ارحبووووووووووووووووووووو بآل دبيس.. وخصوووصاااا فارسهم وصقرهم الصقر..هع

واخيرااااااااااااا رجعتواا وطلعتوا على السااحه.. اللهم لك الحمد والشكر ان ماااافشلتواا توقعاتي..>>فيس توقعاته ومن بعدها الطوفان..هخهخهخه

اول شي وقبل كل شي شدوووووووونه دهووووووووونه نوورتيناا يااعسل.. الله لاايحرمنا هالطله..
وثاني شي عندي استفسار ..الحين يعني ماااينفع يتزوجون يال آل دبيس الا من بنات ابو سعد واللي يقرب له؟؟ يعني ماتنفع مثلااا جواهر لهم؟؟ مو هي بعد من بناتهم؟؟؟؟؟؟؟؟؟؟؟
والا لااااااازم تكون من بنات ابو سعد واللذي منه..

واحب اقووووووول للطاااااااااااام ..هههههههههههههههههه والله انك نحيس ياا شيخ وراح على البنيه؟ ..البنت قطت الحياااا ولاعاد التفتت له وهي طااااايحه فيك مغازل وقصيد عند جدانها واخرتها تقوول لها ماا ابيش .. والله انك طلعت حقوودي وهالشي مااهقيته منك.. بس الحين عقب سالفه الطيحه الله يستر عليك لاا تندق رقبتك وتموت ويتزوج صقر شاهه.هههههههههههههههههه.. والله لو صار كذا بام صقر عينها قووووووويه .ما امداها تخز البنيه الا وصرعت رجلها..ههههههه
ان شاااء الله ان مافيك ياا لطومي الا العافيه بس هاللي صار عشان تعرف ان الحياة ماتسووى هالزعل كله..
ويمكن يمكن من الخرعه ترجع شاهه للمستشفى يااا يجيها نزيف والا شي.. بس اتوقع ان هالموقف بيكون بأذن الله فاتحه خير عشان يرجعون لبعض..ويمكن يمكن من الخرعه يجيهاا خرس وطرم.. مو هي ماترد على ضيدان ؟
جمعة بنات العايلتين :: شكل بنات آل دبيس احسن من عيالهم.. الا طبعا صقووري مافيه احسن منه>>يااخووفي انصدم في هالصقر صدمه قوويه وثم وين اوودي وجهي منكم..بس آملي بالله كبير ان هالرجااال كبيير وافعاله مشرفه..
لو كانوا آل دبيس يبون عليااا فمستحيل يرخصهاا فهاد او عساف . بس جواهر ما ادري صراحه تصلح لهم والا لأ..؟
وبعدين اتاري صقووري طلع ولد محمد.. ياااااااااااااا كبر صدمتي يووم انه طلع ولد محمد اللي متسبب بهالبلوى والمشااكل كلهااا صراحه ابد مااتنفع له عليااااااا مهماا كان هو ولد اللي تسبب لامها ابوها بالفراق والطلاق والبعد عنهم.. تاخذه جوجو اصرف واحسن وفهاد ياخذ وحده من بنات آل دبيس>>فيس يقسم الغناائم..هع

عندي توقع وهو ان الجد مااا قال لعياله انهم مايعلمون الشباب الا لانه فعلا بيعطي صقر وحده من بناتهم ولااايبي احد من العيال يعترض والصدمه لو يكونون آل دبيس عاد جايين والمملك معهم..وينتهي الموضوع بيومه ووقته وارضه..ويمكن يدري عساف بالصدفه من البنات يعني يعرف من اخته وعلى طووووووول يروح ويحجر عليها وهناا عاد ابو نايف يمكن درئا للمشاكل يقول خلاص بنتي جواهر لهم..>>فيس الاكشن

المهم شدونه مهوب عاد اذاا جووو يخطبون لصقري يقوم وينط واحد من عيال هالم ويووقف بوجهه ..يعني جااايبته عشان عيال هالعم ينطقون ويتحركون كأنه مكينه تضخ فيهم وقود .. نبي اذاا خطب الرجال يتممون له ويعطونه اللي يبي من البنات بس جواهر اشووفها منااسبه مره وخصووصاا ان هالحريم المشاافيح مااايبن الا الزين وجوجوو يمدحونها بالزيم والنعومه والله انها تنفع لصقر بالله عليتس ياا شدون ان تزوجينها صقر ولو اني كنت ما اببهااا بس هه لجل الورد ينسقي العُلّق .هههههه

شدووووونه انعم واكرم والله فيتس من كاااتبه ايه كذاا خليتس نشيطه وسنعه وكل شووي وانتي مغرقتنا بهالكرم فديت والله الكاااتبه اللي عرفت لجمهورها..الله لاايحرمنا منتس ولاا من كرمتس..
بانتظار الاجزاء الجايه بكل شووق اذا الله احيانا فلااا تتتركين انتظارنا يطوووووووووووول .

السلام عليكم
بارت اليوم هادي ولا يحمل سوى القليل من الحماس لكن في البارت القادم سيكون هناك نقله كبيره في الروايه
فكونو بالقرب
اتمنى لكم قراءة ممتعه

البارت الثاني والاربعون
.................................
شاهه بصوت هامس وبلا وعي:الله ياقاك الله ياقاك
ثم وقفت بسرعه لتسرع بخطواتها للخارج لتلحق بهم
ام سعد وهي تقترب منه وتبعد يده لترى انفه الذي ينزف وجبينه وذقنه:وش فيك يابوي وش جرا لك
لطام وهو يضمها بيده السليمه:يمه شوفيني مافيني شي بس شوي مشوخ
ام سعد وهي تنظر لنهار الذي يجلس بجانبه:نهار في ربك تعلمني وش فيه
نهار الذي يحاول ان يوقف نزيف انفه:يمه نفداش ادخلي داخل ارياجيل يشبحون فيش
الجده بغضب:وش علي من الرياجيل اهم شي اشوف جنيني
لطام وهو يمسك بها:يمه طالبش تدخلين
الجده وهي تقف غاضبه:ابدخل وشكواي على الله
ثم اتجهت للداخل وهي تحمل قلق الدنيا في صدرها
الجد ومن معه تقربوا منه
الجد وهو يجلس بجانب لطام الذجالس بعد ان سقط من الحصان:وش فيك
نهار:مابه الا العافيه بس طاح من الفرس
ابوسعد:ارب مابه شي
ابولطام وهو يمسك بيد لطام التي صرخ حين لمسه والده:آآآآآآآآآآه ه ه ه ه
ابوسعد بقلق:قم وده الطبيب
نهار وهو ينظر لهم:الظاهر انه مكسور
ابوضيدان الذي تقرب مهم وهو يركض:ها شفيه
نهار:يبه عاوني عليه ابي اوديه للمستشفى
ابوضيدان بفهم لما يقوله:ان كانه مكسور لااحد يلمسه ندق على الاسعاف
نهار:اجل بدق على الاسعاف
اكتملوا حولهم
بداح:عسى ماشر
لطام بغضب حين رأى ابومحمد وابنائه:نهار لاتدق على الاسعاف انا بروح
ابو لطام بغضب:وين تروح وانت مكسر
لطام وهو يمد يده لعمه وشقيقه:ابي ناصر وبداح بيودوني للطبيب
اوقفاه بصعوبه لضخامته وطوله
ابومحمد وهويتكأ على عصاه:بشرو اربه سالم
لطام بصوت حاقد وهامس:انا طيب لو تفارقونا
صعق الجميع من رده
ابوضيدان وهو يكمل مابدأه لطام:ماياتي من الشر الا الشر
ابوسعد بصرخه اخرست الجميع:ناصر لطام ولا كلمه زياده
ابو محمد الذي يتراجع بعصبيه:افا وانا ابوصقر ماجيناكم تهينونا ياعوال عمنا
ابوسعد وهو يمسك بييد ابو محمد:امسحها في وجهي يابو محمد رخوم ماتثمن كلمتها
ابومحمد:ياابوسعد انا معي عوال حارين والله لايسمعون ذا الحكي ان يقلبونها مذبحه وانا اتقي شرهم وشر عوالك
ابوسعد وهو ينظر للاثنان بغضب:في وجهي ماعاد يتكرر اللي صار
ابولطام وهو يسحب ابومحمد معه للمجلس:تعال ياعم تعال ماعيك منهم
ذهب به ابولطام للمجلس حيث ابنائه الغاضبين من استقبال ابوضيدان ولطام لهم
ابوسعد بغضب:اقلعوه مني في اي مزهده
ثم ذهب لمجلسه حيث ضيوفه وتبعه الجميع ماعدا ابوضيدان وبداح الذي ذهب ليأتي بالسياره
............................................
في جهه اخرى كانت تقف وهي تنظر لدمائه الكثيره
كانت قد خرجت من الباب الخلفي لكي لايراها احد
وفي الجهه الاخرى كانن النساء يستقبلن ام سعد
ام لطام وهي تمسك بام سعد برعب:تكفين يمه علميني شفيه
الجده بضيق وقلق:فيه مشوخ في وجهه والظاهر ان ايده انكسرت
شهقن الجميع
تقدمت ام محمد:يابنات الحلال اذكرن الله مابه الا العافيه
اما هي فقد ضغطت على بطنها واسرعت بخطواتها له
ام شاهه وهي ترى شاهه تقترب من لطام ووالدها:يويلي هذي مهيب شاهه
عليا برعب:يمه الخبل تجري
الجده بغضب:صوتن لها ذا الخبيله لايطيح بزرها
.
.
.
.
.
.
.
اما عندها فقد كانت واقفه امامه
شاهه بتعب:يبه وشــــــــ........
قاطعها بقوه وغضب:مجنونه انتي ليه تجرين كذا
ام تعيره اي اهميه:يبه وش فيه
ابوضيدان:مافيه الا العافيه بس شوي جروح
شاهه بتصميم:يبه وش فيه
ابوضيدان وهو يرى الجو المتوتر:كل ذا خوف على ذا الشايب
شاهه وهي ترمي قنبلتها:مهوب ذل عليه ذل على ولد لاياتي على الدنيا يتيم
اخفض رأسه بألم
لكنه رفعه فجأه ليصرخ بها:انقللللللععععععيييييي
ابوضيدان بنرفزه:لطام وش قومك عليها
شاهه بابتسامة استهزاء:خله يبه عقله ضارب
جن من كلماتها التي اثارته:شاهه اتقي شري وفارقي من وجهي
شاهه وهي تجلس وتلمس جريح عميق قليلاً ليصرخ بخفه ويبعد وجهه عن مدى يديها:أأخخ
همست في اذنه لكي لايسمعها والدها:ترا وجع قلبي منك اكثر من الوجع اللي تحس به
نظر لها بحسره لكنها اردفت بنفس نبرة صوتها:لطام انا وولدي في رقبتك
ثم تركته وتجهت لوالدتها حين رأت سيارة بداح تقترب
...........................................
بعد مرور ساعتين تقريباً
في الصالة وبعد ان عاد الجميع للجلوس
سعاد وهي تهمس لنمشه:يمه شفتيها وشلون راحت تجري له صدق الزين مايكمل
نمشه بصدمه:سعاد شفيش على البنت
سعاد بقهر:صدمتني يوم راحت له ولا استحت من احد
نمشه وهي تضربها بخفه على كتفها:انزين انطمي العرب مهوب في حالش
في جهه اخرى
ام سعد بقلق:ياثمينه قومي دقي شوفي اخيش وش صار عليه
ثمينه :ابشري يمه
ثم اتجهت للخارج
عليا التي تجلس بجانب شاهه الهادئه بشكل مخيف:شاهه تكفين ريحي عمرش والله اني ادري انش محترقه ذالحين
شاهه بهدوء:عليا انا مافيني شي
ام شاهه التي تقف امام شاهه:قومي روحي ريحي ظهرش
شاهه وهي تقف لانها تشعر بألم العالم في ظهرها واسفل بطنها:ان شاء الله
ثمينه بصوت عالي:يمه بداح يقول قدهم في الطريق
الجده بلهفه:واربه طيب
ثمينه:ايه انشاء الله
ام محمد:حمدلله على سلامته ياام لطام
ام لطام الفرحه:الله يسلمش ويخلي لش ماعاطاش
عليا وهي تقف وتتجه لغرفة جدتها حيث تجلس شاهه
عليا بابتسامه:شاهه عطيني البشاره
شاهه التعبه وهي تتمدد على السرير المشترك بينها وبين الجده:عليا تكفين ترى مانيب في حال شي تعبانه
عليا وهي تجلس بجانبها:شوش حتى وان قلت لش رشدي اباظه طيب
شاهه وهي تنظر لها بقليل من الفرح الذي يخالطه التعب:صدق
عليا:الله الله ماجاش الا الصدق وذالحين هم في الطريق
دخلت حصه القلقه:شاهه ترى لطام وابي وصلو
عليا وهي تنظر لحصه:يووووه ياشاهه اختش ذي فيها برود
حصه بنفس الاسلوب:لييه وش فيني
عليا وهي تمثل القهر:ياربي اذبحها وافك ولد عمي المسيكين اللي ابتلش فيها
شاهه التي تبتسم من شقاوة عليا:علوي خلاص كليتيها
حصه وهي تجلس بجانب شاهه
شاهه وهي تنظر لحصه الحزينه:حصوص شفيش جعلني قبلش
عليا بضحكه:ههههههههه تبي جدي يخانقها
حصه بعصبيه:عليا جب
عليا:هههههههههههههههههه
شاهه:ليه وش فيكم
حصه:الله يهداه جدي ماخذ تلفون فلاح وقال ان دقيتي ياويلش
شاهه بابتسامه:ياختش وش انتو دابلين كبده فيه
حصه:ابد بس نكلم بعض
عليا:لا قولي لها الصدق
شاهه:وش الصدق
عليا:جدي شافهم وهم يمسكون بعض ويتغزلون بعض من وراه وهم في السياره
شاهه:ههههههههههههه من صدقش
حصه بزعل:اي والله بغيت اموت يوم سمعت صوت جدي وهو يقول لاعاد تدقين عليه
دخلت ام شاهه:ياشاهه
شاهه:لبيه يمه
ام شاهه:تعالي رجالش جا
شاهه وهي تحاول ان تقف:ابشري جايه
عليا بنغزه:ايوا ياعم مين أدك
شاهه بحرج:عليا انا مانيب مثلهم
ثم خرجت وخلفها ضحكات والدتها وشقيقاتها
اتجهت للصالة وهي ترتدي برقعها وجلالها
شاهه لنوره:وين جدتي
نوره التي تحمل الاطباق لغسلها:جدتي عند لطام
شاهه:وينهم فيه
نوره :في ملحق العوال ورا
اتجهت للملحق
طرقت الباب ودخلت لتجد جدتها وثمينه وام لطام بجانب
الجده:حياش حياش وانا امش
دخلت بخجل وهي ترى بداح الجالس في طرف الغرفة:سلام عليكم
الجميع:وعليكم السلام
نظرت له لتجد عيناه كالفنجالين من شدة غضبه
بداح وهو يقف:كيف الحال يابنت ناصر
شاهه بصوت خافت لكنه واضح:بخير الله يجمل حالك وشلونك ياابوسعد
بداح وهو لايرفع نظره:طيب جعلش طيبه
ثم اردف:يالله تامرون على شي
الجميع:سلامتك
ثم خرج ليتركهم على راحتهم
اقتربت منهم لتجلس بجانب جدتها
ام سعد وهي تلكزها:قومي روحي جنبه وش تبين بي
ام لطام وهي تبتعد قليلاً عنه:تعالي يامي تعالي هنيا
اقتربت منه لتجلس قريبه منه جداً بخجل شديد
شاهه بهمس:الحمدلله على السلامه
لطام بصوت فحيح غاضب:وش جايبش ماتدرين ان اخي هنيا
شاهه وهي تنظر له بصدمه:لطام بداح اخي مثل ماهو اخيك
لطام:قومي انقلعي داخل
شاهه بغضب:الشرهه علي اللي جايه اشوفك
ثم وقفت بشده لتمسك ببطنها وهي تتأوه:آآه ه
ام لطام بقلق:اسم الله عليش اقعدي اقعدي
شاهه بتعب والم:لا يمه فديتش بروح داخل
لطام بغضب:اقعدي لاتذبحين البزر
شاهه وهي لاتعي لنفسها:مالك شغل في ولدي
الجده بغضب:ماودكم تقاضبون قدامي بعد
لطام بعصبيه:شاهه قومي داخل
اتجهت للباب لكن اوقفتها الجده وهي تقول:شاهه عودي اقعدي
وقفت ثمينه ووالدتها
ام لطام:يالله يابوي حنا بنروح داخل تبي شي
لطام بحنان شديد:لاجعلني فداش ابي سلامتش
ثم خرجتا متجهتان للمنزل
الجده بغضب:ماتستحون تخانقون قدام العرب
شاهه بعبره اصبحت مرافقه لها منذ ان اصبحت زوجة له:يمه والله اني جاية اشوفه طار في حلقي يقولي انقلعي داخل
نظر لها بغضب:شاهه كلمه ثانيه ويصير مالا يرضيش
الجده بصدمه:اني بنت ابي ماعاد الا تضربها قدامي
لطام:يمه الله يرضا لي عليش اللي بيني وبينها حنا نصفيه
الجده بعصبيه:دامك انت وهي بهايم انا اللي بصفي اللي بينكم والا اقولكم مابه الا جدكم
لطام:يمه الله يخليش لي خليني ارتاح واخذيها معش
الجده وهي تقف غاضبه:ايه جا اليوم اللي قدك تطردني يالطام
اتجهت للباب وهي تسحب شاهه معها
لطام وهو يحاول ان يقف رغم انه مصاب بكسر باليد والرجل:يمممه يايمممه تعالي
خرجت بها لكنها توقفت امام الملحق لتقول لها:عودي عليه صديع ومستوجع لطام واعرفه مايضيق كذا الا من وجع
شاهه:ان شاء الله
عادت له لكنها مجبره وغاضبه منه
حين دخلت كان يريح رأسه على حافة السرير
لطام وهو ينظر لها:وش جايبش
شاهه:............
لطام باستغراب:شفيش
شاهه وهي تمسح دمعاتها الحارقه:لطام وش تبي مني
لطام بحيره:شاهه وش قومش
شاهه وهي لاتزال بجانب الباب:لطام والله تعبت منك
لطام:وش جرا لش يامره
شاهه:لطام خلاص انا وياك مانجتمع انا يالله اشل عمري واشل اللي في بطني اللي مدري يعيش ولا لأ
لطام بغضب:لو تموتين مااهدش ياشاهه ولا انتي عنز بدو طاحت في مريس المره الاولى سويتها عشان ابواني لكن ذالحين حريمتش فرقاي
شاهه بقلبها:جعله دايم
لطام وهو يتألم لكنه يقاوم لكي لاترى ضعفه:عطيني المسكن من الكيس
شاهه بتهور:لأ
لطام بصدمه:وش اللي لأ
ثم اردف:اخلصي عطيني الدوا
شاهه:لأ
لطام بغضب:عطيني الدوا اخلصي
شاهه بتشفي:اذا تبي دواك قم اخذه
لطام وهو يصرخ بها:شاااااههههه
شاهه وهي تبعد برقعها عن وجهها وتجلس في طرف الغرفه:مانيب جايبته وان كانك تبيه الله لا يهينك قم واخذه
لطام وهو يحاول ان يقف:جعل ربي يقضبني اياش والله ان امحق عليش
شاهه وهي تسرع لتمسك به فهو قد اوشك على الوقوع:عطني ايدك
لطام وهو يبعد يدها بقوه:فارقيني
شاهه وهي تحاول ان ترفعه:ايه معليه بس ارخ عمرك
لطام وهو يحاول ان يشد على نفسه لكي لايؤلمها:احرصي على بطنش وخري وانا اللي برفع عمري
بعد ان عاد واخى نفسه على الفراش بتعب شديد مدت له الدواء وكأس ماء
شاهه بهدوء:اخذ الدوا
لطام وهو مغمض عينيه بتعب:ذالحين ماعاد ابيه
شاهه وهي تقبل يده المكسوره برقه:وكذا
لطام على نفس الوضعيه:مابيه
انحنت لتقبل جراحه في جميع اجزاء وجهه:وكذا
لطام وقد داعبت البسمه فمه لكنه يحاول اخفاؤها:مابيه
شاهه وهي تلاحظ اخفاء بسمته:طيب وكذا
ووضعت يده على بطنها
لطام وقد فتح عينيه ليقول:عشانه هاتي الدوا
شاهه بعتب مازح:وعشاني
لطام وهو يبتسم بشكل طفيف:عشانش مااخذ الدوا
شاهه بنظره لايعرفها غيره لانه يحمل في عينيه مثيلتها لها:الله يسامحك
غريبان الاثنان في شدة الغضب يتصافيان وفي شدة الرومنسيه يتنافران
........................................
الساعه الرابعه فجراً
سعاد وهي تحذف آخر ورقه لها في اللعبه:علوي ان غشيتي ذا المره ياويلش
عليا:يووه حتى انتي دريتي اني اغش
دلال:يمه منش انتي من اللي مايشوف غشش
ثمينه وهي تلف شالها وتقف:يالله بنات باي بروح ارقد
نمشه بحرج:لاتقولين رجلش ينتظرش وحنا عطلناش
ثمينه وهي تضحك:هههههههههههه لا يويلي وش ينتظرني هو والعوال مرقدهم في المجلس
ثم اردفت:بعدين تبين عليا تشهر فيني
حصه وهي تنظر لهاتفها:يووه مافيه سيرفس
عليا باستغراب:ليه
حصه بارتباك:بس اسأل
دلال بنظرة خبث::ايييييه قلتيلي
غزيل التي لتوها تنزل ومعها صغيرتها
غزيل:سلام بنات
عليا وهي تشير للصغيره:ارحبي بنت حسن
اختبئت الصغيره خلف والدتها
غزيل بفرح:الله يجزاش خير اللي خليتيني اشوفها مستحيه
عليا وهي تقف وتحمل الصغيره الخجله:يازين المستحيات
الصغيره:انا مومثتحيه
غزيل بابتسامة يأس:ايه هذي بنتي
الصغيره وقد قذفت الحياء في ابعد الوديان:انتي ليث تحطين احمر في ثمث واثود في عنونث
نمشه بعصبيه:فررح عيب
عليا بأعجاب لتلك الصغيره:يووه اسم الله عليها
الصغيره وهي تخلص نفسها وتنزل لتقفز بشده على اوراق اللعبه
غزيل وهي تبعدها:عيب يابنت ترا بعلم بابا
الصغيره باستمتاع:عاتي عاتي
ضحك البقيه لشقاوة الصغيره
الصغيره وهي تتجه لعليا:عاتي توديني الديارف
عليا وهي تمسك بيده:ايه عادي امشي
غزيل:عليا ماعليش منها خليها تنطق
عليا:انتي اللي مالش شغل بيني وبينها
ثم ذهبت بها للالعاب التي في طرف المزرعه
...............................................
بـــــــــــــقـــــــــــــ شـــــــــــادن لـــــــــــــــم

ونآسسه أنآ أول من يررد ^~

بآرت هآدي مثل مآ قللتي و ننطر آلقنببله هع

لطآم و شآهه :

كلن ميت على آلثآني بس يكآبرووون

،
،

حصه و فلآح :

آلجد نآشب لهم نشببه مو طبيعيه يآخي رجآل و مررته أنت شعلييك هع هع
يـ آلله متى يروحون للبيت و يفتكوون من آلحصآر آلبري و آلبحري و آلجوي

،
،

عليآ : أتووقع إن يصير لهآ موقف و هي تلعب آلصغيره و موقف مو سههل

،
،

نآطرين آلبآرت خيتي ع أحر من آلجمر و ي لييت بعد إذنج لو تنزلينه بآجر بـ آلليلْ لأني آلجمعه مسآففره
بليز لآ تردييني يـ آلغلآ مستحمسه أعرف شيبي يصير . .

يسلمو شدونة على البارت الحلو .................شكل البارت الجاي فيه شي كبير وحدث غير متوقع والله يستر


لطام وشاهة


شكل هالاثنين بيستمر حالهم على ماهو الين يطلع ولدهم كل وحد يرمي كلام كبير على الثاني المفروض اذا عصب واحد الثاني يرخي وشاهة مو هي الغلطانة وتبغي السماح من لطام خلاص لاتستفزه والله تقهر وتعل القلب الحين هي مودوبها طالعة من المستشفى بسبب النزيف شفيها ناوية على عمرها وهي بأول شهر لها والله مطيورة هالبنت الله يعيننا على هالاثنين


حصة وفلاح

والله يعورون القلب المفروض المعاريس مايجون المزرعة بدل شهر العسل يفترقون وحتى التلفون ممنوع والجد يقهر في كل شي حاشر نفسه وهو عقل حكيم ماعنده والدليل طلاق شاهة الي ماقدر يمنعه مالت عليه من شيبة منتهي





اما العلل الباقي سعاد ونمشة خير قاعدين عند العرب وياكلون ويشربون من خيرهم وبعد ينقدون عليهم حرمة راحت لزوجها شحا قلبهم المتخلفات خير رجلها وابوها مااعترض عليها يعني هم الي واقفين يناظرون الرياجيل ماعليهم عتب اصلا ليه قايمين مع العرب لاهم من اهلهم ولا لهم دخل صدق قلة حيا



عليا شكل قومتها مع هالبزر في نص الليل وطلعتها برى بتسبب لهم مصيبة كبيرة الله العالم ايش هي ياخوفي يكونو عيال ال دبيس قريب من المكان وعليا الي تروح فيها حاسة بشي كبير جايها بعد هالضحك بتنقلب حياتها لبكا ودموع



في انتظارك يالغلا