السلام عليك

شدونه بشريي يالغلا وش سويتي باختبارااات عسى بس جاوبتي على كل الاسئله

شدووووووونه بارت اليووم احسه هااادي وراايق وكله ترقب لردة فعل

علياااا
والله العااااااالم الي كلمهم هو صقر وهو الي هددهم انه يعلم عليهم اهلهم
ياااويلي اجل عليااااا قمتي تركضييييين قدااام صقوررلا بالله اخذك

دلال ونايف
الصراحه ماعجبني تصرف دلال مع ناايف ولا لهااااا حق انهااااا تقول الي قالته
دام انك وافقتي عليه وما حد غصبك اجل انثبري ونايف يخب عليك بعد
نايف كفو والله انا اشهد انك رجااااااال وكلامك مع دليل كبرك بعيني حييييييل

شاهه ولطاااااام
وش فيهم صايرين سوق عكااظ على غفله
شكل شاهه تبي تعتذر من لطااام قداام ابوانهاااااا زي مااااا اهانته وطلبت
الطلاق منه قداامهم بس والله قوووويه حركتهااااا
لطاااااام وش علييك انبسط يااعم هذا الي تبيه صااااار شاهتك اعترفت بحبهاااا
لك قدااام اهلها من غير حيا ولا مستحى

شدوووووون خذي رااااحتك يالغلا جعل ربي يوفقك ويسعدك

يا مرحبا ترحيبه البدو للعيد تباشرو به يوم شافو هلاله << جدي الله يرحمه ( ابو امي ) كل ما شافني قالها < و خواتي يغارون خخخ *_^ < انا دلوعه جداني و عماني و خوالي


البااارت روووووعه

هاه بشري انتصرتي ع امتحانش

يمه يمه يمه يا قلبي ع حصوص و فلاح يهبلووووون
بس الجد خرب عليهم << الشيبان مدري شفيهم علينا

اما دلال و نواف و الله كسر خاطري نواف
اتوقع ان دلال بتحبه لاعرسوا

و شاهه و لطام
وش ذا القصيد يا شاهه اللي يفطر الكبد
ايه احسن احسن خلي لطام يحيا <( يحيا يعني يحس ، تطلع مشاعره )
نبي احداث لهم

و ام شاهه و ابو ضيدان
ما في شيء جديد < نبي لهم احداث

و نهار و ثمينه
ما جبتي طاريهم

ووضحه بنت محمد و ناصر
ما جبتي طاريهم

عليا وه فديتها بس الله يخليها لفهاد

نوره و بداح
لا شيء


الباارت يهبل و حلو بس هاااااااادي

يالله فديتش
نبي بارت يهبببل

هل فيه بارت بكره و لا لا ؟؟؟

و ادعيلي علي امتحان اليوم بمركز القران و ما درست *_^
< بس قريت بس يااارب ان ابلتنا تقول ما في امتحان < ادعولي

السلام عليكم...

شدوونه مرحباا مليارات علوم الاختبااار عساهـ اوكيييييه وقووود وبيضتي وجه ماما زارا>>فيس لاايرضى

يااااااااااااااااويلي على قصيد دااااايم السيف.. وااااااااااااي يجنن .. اووووووووول مره ارضى على شاااااااااااهه صرااحه عرفت لي ..هخهخهخه
بس تدرين شاهه مدري وش صار لتس قمتي تقصدين عند الشياب احس انتس ماتستحين وانتي تتغزلين بلطومي عيني عينك.. يااا والله اللي انهبلتي من حب لطومي وميته من الخوووف لااا يرقعتس وينطلتس بكبد ابوتس وعشان كذاا قمتي تلعبين على الرجال بالقصيد؟هع
المهم انتس ترجعين له وشكلتس بديتي تتقنين كيد الحريم لاني اتوووووووقع انه عقب كل هالقصيد مستحيل يرجعتس لبيت ابوتس وبتروحين معه لبيته.

نايف ودلال : جعل والله لسانتس للقص يادلووووول وش هالخبال اللي قلتيه لنايف ؟ترى يا اختي ما حد ضربتس على يدتس وقال وافقي..قهرتيني مره اوول مره يشوف هالخشه الودره واخرتها تهاوشينه وبعلم عليك ومدري وشوووو.. والله لو انه اقشر ان ماااتطلعين من المزرعه الا على بيته صدق ساامجه موقفتس قهرني مرررره مرررررره.. لكن حل نايف بعد يجيب الضغط وش اللي بعدين بنحلها ..يعني متى اذا تزوجتوا بحفله وطاح الفاس بالراس؟؟ والله قهرتني انت وهي ..هذاا اللي قدركم الله عليه؟ اخواااااااااااااااااااااااااااااان؟؟ تقهرون صدق ..خلنا نمشي معكم لين نشوف حلووولكم اللي واثقه انها تبط الكبد.بس عندي بصيص امل وحطوووا تحت بصييييص ست طعش خط احمر ان اصلاا من يكونون ببيت واحد بتروح هالاخووه خرطي..

فلاح وحصوص: انتم ماتقولون لي وش جايبكم للمزرعه مع هالمهذري.؟. خرب عليكم وعلينااااااا.اوووف منه .. يله اشوف طسواا لبيتكم >>فيس مايهتم الا بمصالحه الشخصيه..هخهخهخهخه

الا ايتها الشدووونه اين الصقر؟؟الرجال اخفيتيه بسم الله علينا بشكل لاااااااااااايحتمل.. وين علوومه واخبااره ؟؟متى سيظهر على الساحه الشدونيه.. تدرين اد الحين تقريباااا تقريبااا حاااجزه جواهر لصقوووووووووور..

مشكووره شدونه على هالبارت اللي يهبل يكفي قصااايد دايم السيف عشان يكون روووعه..
بانتظار البارت الموعود اذا الله احيانا فلا تتأخرين علينا..

السلام عليكم

هذا البارت وصل وفيه بارت بكره و يوم الجمعه غير بارت يوم الجمعه


البارت الواحدوالاربعون
..................................
في مجلس الرجال
ابولطام بحزم:ابو محمد آل دبيس جاي عقب شوي
ابوضيدان الذي سقط فنجاله غضباً:وش هو ؟من اللي جاي
ابولطام:ناصر اذكر الله ولاتفضحنا في الرجال ابيك
ابوضيدان بغضب عاتي:مانيب مخليه يدخل المجلس ذا الخبيله هو وعواله
ابونهار بصرامه:ناصر تعدى علينا وحنا اخوانك الكبار
ابوضيدان:اخواني الكبار على العين والراس بس ذا الملاعين مايدخلون لي مجلس
ابوناصر وهو يدخل:استغفر ربك ولاتلعن بعدين من ذا اللي شال(ن)عليه الدنيا
ابوضيدان بوجه متجهم:ابومحمد آل دبيس
ابوناصر وقد بدت عليه علامات العاصفه:ابومحمد؟
ابونهار وهو يقف:ايه ابومحمد وش فيكم عليه الرجال جا واعتذر وش عاد تبونه يسوي
ابوناصر بغضب اكثر:ان تعدى سور المزرعه ثورت فيه وفي من معه
اصمتهم صوته الغاضب:اقطع واخس انت وهو
التفتوا لهما
ابوسعد بصرامه:ولاكلمه الرجال عزمته انا واخي وانتو ماعليكم الا انكم تقلطونهم وترحبون بهم وبس
ابوناصر بعتب:يبه تعزمهم وهم سوو اللي سووه
ابوفيصل بغضب:البخ انت وهو لايسمعكم حدا العوال ثم والله ان امحيكم من الدنيا
ابوضيدان:دامكم ماتبون احد من العوال يدري ليه تعزمونهم عندنا
ابوسعد وهو يجلس في صدر المجلس:مااحد من عوالهم يدري غير الشيبان وانتو ان ظهر منكم كلمه مهوب اشوا لكم
ابوفيصل بتحذير:ان ظهر شي فهو منكم لانهم يبون الستيره سمعتوني
سكتو احدهم راضي واحدهم غاضب ويتوعد
.............................................
في احد نواحي المزرعه
كان جالس يتذكر ماحصل
مان انهت قصيدتها حتى قال جدها بجديه:وش ترد عليها
لطام وهو ينظر لها بجمود قاتل:ارد عليها بكلمه مثل كلمتها..... ماابيش
تنهدت واخفضت رأسها بحزن:نبيع من باعنا ياابوسعد
ثم نهضت بكبرياء مقتول ودخلت في المنزل غاضبه حزينه
الجده بغضب:ان كانك بايعها فطلقها خلها تشوف نصيبها
لطام بهدوء:شفتي جدانها قاعدين والله ووالله ماطلقها طول ماروحي فيني ولاتعرف من الرياجيل غيري
ثم وقف بغضب ليقول:مشيت على كلمتكم قبل بس ذالحين مامنكم اللي له كلمه علي ولا على مرتي
ثم تركهم عاجزين عن فعل اي شيئ
ايقظه صوت بعيد صغير:لطططاام لططططااااام
التفت ليرى جسد ضيدان الصغير يهتز لجريه باتجاهه
التقفه وهو يبتسم:هاه وش عندك تصيح من هنالك
ضيدان وهو يأخذ نفسه:في .... فيه...ناث...واج....واجد
لطام باستغراب:ماتعرفهم
ضيدان:لا مااعلافهم بس ماما قالت روح قول لبابا انه جدي يبيك
انزله ثم امسك يده منجهين للمجلس:يالله خلنا نروح نشوف منو الناس اللي جاونا
...........................................
في صالة النساء وقبل وصول الضيوف بقليل
ام شاهه صامته منذ ان اخبروهم بأن آل دبيس سييأتون
ام نهار بغضب:بعد لهم وجه جايينا
ام سعد بهدوء:يابنتي اللي صار صار والرياجيل تصافو بنعوقهم حنا ياالنسوان
ثم اردفت:بعدين هذي وضحه ماقالت شي انتي وش هو له ضايقه
ام شاهه وهي تمسك بيد ام نهار:شوفي وانا اختش اللي صار جانا من رجال واحد وش هو له نقوم على الباقين بعدين انا مااقولش حبيهم ولا ارضي عليهم هم ضيوف ولهم حق الضيف وبس
ام سعد بحب:الله يرضى عليش يابنتي ويبرد كبدش مثل ماابردتي كبدي في ذا العوبه
اصمتهم دخول ثمينه وهي منزله عباءتها على اكتافها لانها لتوها تدخل من الباب بعد رحلة استكشاف لها مع نهار:ياجمعه فيه سبع مواتر دخلت علينا ونزل منهم رياجيل ونسوان وبزران
الجده وهي تحاول ان تقوم:ايه هذولا ضيوف جاونا روحي صوتي لخواتش
ثمينه وهي تسرع على الدرج:ان شاء الله
ام نهار وهي تلبس برقعها بغضب:الله لايحييهم
ام لطام:ثمينه وش فيش اذكري الله
ثم وقفن جميعهن متجهات للباب
ام سعد وهي تستقبل ام محمد التي تسندها احدى حفيداتها:يالله حيهم يالله حيهم من يوم ساروا الين وصلوا
ام محمد باحراج:الله يحيش ويبقيش ياام سعد
ثم تقدمن للسلام على بعضهن
.
.
.
.
.
.
.
.
في الدور العلوي
ثمينه وهي تفتح باب غرفتهم المشتركه:سلام عليكم
ثم اردفت وهي تراهن متزينات:ياسلق ليه ماعلمتوني
عليا بخبث:مانتيب في حالنا في حال ابوالشباب
ثمينه وهي تلكزها في كتفها:ماراح ارد عليش
ثم التفتت على البقيه لتقول لهن:جدتي تقول انزلن لان العرب قدهم تحت
نوره وهي تحاول كتم ضحكتها:الظاهر حصوص مهيب محوله
ثمينه باستغراب وهي ترى البقيه يضحكن:ليه عسى ماشر
حصه وقد نفرت دموعها:الشرهه علي اللي علمتكم
ثم خرجت متجهه لشاهه التي تشارك الجده غرفتها
ثمينه بحيره:شفيها
دلال التي عاد قليلاً من مرحها:ابد جدي لكشها هي ورجلها يتغزلون في بعضهم وبعدها مسكهم وهو يكلمها وعصب وقالها ان عاد دقيتي عليه مهوب اشوا لش
ثمينه برعب وهي تضرب صدرها:يويلي اخاف يخانقنا انا ونهار
نوره بضحكه:لا انتوا ماعليكم حظر
ثمينه وهي تنزل عباءتها وترتب نفسها للنزول
مع خروج البقيه للاسفل
...........................................
في الدور السفلي
ام محمد وهي تشير للنساء الكبيرات قليلاً في السن وهي تقول :هذي ام صقر مرت محمد الله يرحمه
الجميع:الله يرحمه
ثم اكملت:وهذي ام حسن مرت حمد وهذي ام سعود مرت هادي
ام سعد بوقارها المعتاد:يامرحبا بالجميع
ام لطام:يابنات احذفن غطاكن ماهنا احد العوال كلهم في المجلس ولا احد بداخل علينا
ام محمد:احذفن يابنات
بدأن الفتيات بحذف اغطيتهن بحرج شديد
ام محمد وهي تنظر للفتيات وبدأت بالتعريف:ذولي غزيل بنت محمد ونوف بنت خالد بنت سنوه بنتي
ثم اشارت لثلاث صغيرات في سن حصه تقريباً:وذولي سعاد بنت هادي ونوير بنت خالد نمشه بنت محمد
واشارت لتوأمين نسخة كربونيه من بعض الا ان احداهن بها شامه بخدها والاخرى لا:وذولي شيخه وساره بنات خالد
ام سعد:ونعم بالجميع
الجميع:الله ينعم بحالش
قاطعهم دخول سبع فتيات
ام سعد:ياام محمد ذولي غزلاني ثم بدأت بالتعريف حسب ترتيب الفتيات بالسلام:هذي وضحه بنت محمد بن بن ناصر وهذي عليا بنت ناصر وهذي جواهر بنت فيصل بن ناصر وهذي عروسنا ثمينه بنت سعد وهذي نوره بنت سلطان وهذي عروسنا الاخرى حصه بنت ناصر وهذي دلال بنت محمد بن ناصر
ام محمد:ونعم فيهن
الفتيات باصوات متفاوته:بنعم بحالش
الجده بحزم:حصه صبي القهوه
حصه التي اساساً متوجهه للطاوله لاخذ الدلال:ابشري وبدأت بسكب القهوه
في طرف الصالة الكبيره حيث يجلسن الفتيات
عليا وهي تجلس بجانب احداهن:شلونكم بنات
البنات بأصوات مختلفه:طيبين
وضحه بقليل من الكسل تحاول اخفاءه:نورتونا
تكلمت احداهن لها ملامح ناضجه قليلاً:منوره فيكم
وضحه بابتسامه:انتي الظاهر انش اكبرهن
الفتاة بابتسامه بوجهها الجميل الاسمر:ايه انا غزيل
ثم التفتت للبقيه:وهذولي خواتي وبنات عمتي وعماني
ثمينه:عرفونا على انفسكم
ابتسمت اولهن:انا نوف وثم بدأن الاخريات بالتعريف عن انفسهن
وضحه لغزيل:ماشاء الله الظاهر انش واصله
غزيل بارهاق:ايه قدني في الثامن
البقيه:الله يهون عليش
جواهر وهي تحمل الصغيره التي في احضان نوف وتحمل ملامح والدتها الرقيقه للغا ولها من العمر سنه:يووه يازين البنات
نوف بابتسامه:هذي كادي
دلال وهي تقبلها وهي في احضان جواهر:ياقلبي تدنن ماشاء الله
سعاد وهي تهمس لنوير ونمشه:بنات الظاهر هذي اللي ناوين عليها الجماعه
نمشه بهمس:سعاد ووجع انطمي لايسمعونش
عليا وهي تجلس بجانبهن:بنات امشوا اصعدكم فوق تشوفون غرفكم وتبدلون وتريحون شوي قبل العشا
نمشه باحراج:لا فديتش شوي العجايز ان شافتنا جدتي كذا محقت علينا
عليا:هههههه عندنا وعندكم خير
سعاد بتساؤل:انتي شاسمش
عليا:نا عليا الا على طاري الاسم اسمش كانه غريب
ضحكت نمشه ونوير
سعاد بحده:وجع انتي وهي
نمشه:هذي ياطويلة العمر اسمها على اسم جارة جدتي مصريه اسمها سعاد عاد جدتي من حبها لقصيرتها سمت ذا الخبل باسمها
عليا:ههههههه
سعاد:ارتحتي ذالحين يوم شهرتي فيني
دلال وهي تجلس بجانب عليا:وش يضحك كريكره
عليا:مالش شغل
دلال:ماراح ارد عليش قالتها ثمينه قبل شوي
ثم التفتت لسعاد:انتي كم عمرش عشان يصير فيه تواصل روحي بين الاقران
سعاد:هههههه حلوه تواصل روحي انا عمري تسع تعش ونمشه كبري ونوير عمرها سبع تعش
نمشه:ليه تقولين عمري
سعاد:كيفي
نوير:عليا دلال قولو ماشاء الله وانتو تشوفون خواتي يتخانقون
عليا ودلال:هههههههههههههههههههههههه
.
.
.
.
.
.
.
في طرف آخر
وضحه:ههههههه ماشاء الله الظاهر انها حركه
غزيل:ييييوووووه الحمدلله انها عند ابيها ولا كان طقينا
نوف:يولي ماشفتيها وش سوت في ولدي قامت عليه ذاك اليوم وخذته في غرفه لحالهم وحلقته ذيك التحلوقه اللي لعبت في راسه
وضحه وثمينه ونوره:هههههههههههه
غزيل:ياختي ولدش خيخه ويموت فيها
نوف بحسره:لا وتخيلو يقولون هادي ياخذ فرح
ثمينه:ههههه لا انتي معاناه
نوف:الله يعيني عليها على امها
نوره:انا لو منش اكره ولدي فيها
نوف:لا تحاولين اكرهه يكرهني يقولي ليه ماخليني العب مع فروحه
غزيل:ياربي شنو ذنب بنتي اذا هي حلوه
نوف:اي حلوه دايم شوشتها طايره
غزيل وهي تمثل التعب والعجز:وش اسوي فيها ماتحب تمشط شعرها
شيخه التي تجلس بجانب غزيل:واللي يقهر ان اسمها فرح قولي تعاسه دمار اي شي غير فرح
فجأه سمع صراخ شديد خاف الجميع لتقف غزيل ببرود وتقول:لاتخافون هذي بنتي الرقيقه
ام محمد بغضب:الله ينحق على ابليس وتباعه انا ماقلت لاعاد تخلين بنتش تصيح كذا
غزيل وهي تتجه للباب الذي تقف خلفه فرح الصغيره:اسمحيلي يمه الاهر انها ضيعت
ام سعد:يابنت الحلال بزر وضايع بيشل الدنيا بالصياح
ام صقر:يويلي ذي بزايد الله يصلحها
فرح الصغير وهي تصرخ بشده:آآآآآآآآآههه مابي كابي
غزيل بتعب:نوف تكفين اخذي ولدش تبي تضربه
نوف وهي تسرع بخطواتها للخارج لتحمي صغيرها الذي يبلغ من العمر اربع سنوات:اسم الله على ولدي مرجته
عليا وهي تقف وتمسك بالصغيره لتقول لها بصوت حازم:فرررحح ولا كلمه
فجأه صمتت الصغيره تحت صدمه والدتها
غزيل بصدمه:يويلي فديتش علوي ليتش قايله لي اسوي كذا من زمان
عليا وهي تحاول ان تكتم ضحكتها:غزيل لاتضحكيني عقبه اطيح من عينها شوفي وجهها شلون انقلب
غزيل:يمه يمه ياويلنا من عليا بتضربنا تعالي تعالي نروح نقعد فروحه
وذهبت بالصغيره المنفجعه من تلك الغريبه التي صرخت بها
وبعد مرور ربع ساعه دخلت شاهه ليتفت لها الجميع
الجده بحب:هذي شاهه بنت ناصر ياام محمد
ام محمد:يامرحبا هلا ماشاء الله
سعاد التي تهمس لنمشه بصدمه:يمه نمشه وش ذا الزين ماشاء الله
نمشه بصدمه مماثله:سعاد الظاهر هذي اللي يصيحون منها العرب
نوير وهي تلكز سعاد:بنات شنو هذا
سعاد:مدري والله علمي علمش
نمشه:بس بس البنت جايه تسلم
.
.
.
.
.
.
.
غزيل بانبهار:ماشاء الله هذي من هي اخته فيكم
عليا بضحكه من انبهارهم الواضح:هذي اختي انا واللي تصب القهوه
نوف:ماشاء الله
شاهه التي تجلس بجانب وضحه بتعب:شلونكم بنات
الجميع:طيبين
وضحه:شاهه هذي غزيل وهذي نوف وهذي...... ثم اكملت التعريف
ام محمد وهي تنظر لشاهه:شاهه معرسه
ام سعد وهي فاهمه لنقصد ام محمد لتقول لها وهي تبتسم:شاهه حامل ياام محمد
ام محمد:ماشاء الله ارب ماهيب ماخذه اجنبي
ام سعد:لا وانا اختش ماخذه الشيخ لطام ابن سعد
ام محمد:الله يبارك لهم ويبارك فيهم
ثم اردفت:هي بنت وضحه صح
ام سعد:ايه بنت وضحه
ام محمد:ماشاء الله الزين منا ومنا
.
.
.
.
.
.
.
.
وضحه لشاهه:شاهه تعبانه
شاهه وهي تمسك ببطنها:لا فديتش شوي وبرتاح
غزيل:ليه انتي حامل؟
شاهه بابتسامة تعب:ايه
غزيل:يووه الله يعينش على الوحام
شاهه:لا انا الحمدلله الوحام ذابح ذا اللي جنبي
وضحه:يمه يمه لو يحطوني في اي مكان ارقد
ثم اكملن حديثهن
الى ان دخل ضيدان مسرعاً لشاهه ليقع في حضنها وهي تضع يدها واقيةً لجنينها:شفيك يابوي
ضيدان بصدمه:ماما لطام ينزل منه دم حييييل عشان هو طاح من الحصان
وقف الجميع صدمه بين صرخات متفاوته
الا هي فقد فقدت السيطره على رجليها فهي لاتستطيع الوقوف والجميع توجه للخارج تاركينها مع الصغير الذي يقول:ماما ماما ليه ماتكلميني
..........................................
بـــــــــــــــــــقـــــــ شــــــــــــادن لــــــــــم