كاتب الموضوع :
دهــن الــعــود
المنتدى :
الارشيف
السلام عليكم
البارت الخامس والخمسين
...................................................
في صباح اليوم التالي
كان الحزن يسيطر على جلستهم
شاهه حزينه لوداع والدها وشقيقتها
وعليا حزينه بسبب ماحدث في الليله الماضيه
وام لطام حزينه لفراق زوجها وابنها في اليوم التالي
ام لطام بهدوء:عليا يامش متى بتمشون
عليا التي تحمل سعد الصغير:عقب ساعه بنمشي
شاهه بحزن عميق:والله اني ماشبعت منكم
عليا بابتسامه حزينه مصطنعه:يابنت الحلال مابقا شي على عرس نايف ودلول
شاهه:آآآه جعله يسقا
عليا بقليل من المرح:اقول اللي حزين يغدي وجها كذا محلو
شاهه بابتسامه:يووه والله اني حزين على مراحكم
عليا:الصبغه عليش روعه
شاهه:اربش صادقه والله اني توترت اول ماشفتها خفت يطلع شكلي مو حلو فيها
ابوضيدان الذي يقف عند الباب الرئيسي للشقه:يااللي دلخ يالله مشينا
وقفت عليا لتودع ام لطام وشاهه
شاهه التي تضمها:امانه اول ماتوصلون دقي علي وطمنيني
عليا:ابشري
ثم اتجهت لام لطام لتقبل جبينها:يالله يمه مع السلامه
ام لطام بحب:ماتشوفين شر فديتش
انحنت لتقبل الصغار الذين يغطان في النوم
لكنها تحدرت دمعتها حين قبلت سعد لانه ذكرها بأحداث حاولت تناسيها
............................................................ .......
في شقة حصه
حصه وهي تجلس امام التلفاز وبجانبها ضيدان تأكله
حصه بتهديد:ضيدان اذا ماكليت بسكر التلفزيون
ضيدان وهو يأكل من يدها:خلاث باكل
دخل فلاح بشعره المنفوش وعينيه المنتفختان اثر نومه العميق:صباح الخير
حصه وهي تقف وتقبل جبينه:هلا صباح النور
فلاح وهو ينحني ويقبل ضيدان:صباح الخير يالمزيون
ضيدان:ثباح النور يالمذيون
فلاح وحصه:ههههههههه
حصه بابتسامه مشرقه:احط ريوقنا
فلاح بفرح لهذا التطور:ايه بالله حطي الريوق تراني جويع
حصه وهي تقف:يخسا الجوع ذالحين اجهز احلى ريوق
وبعد ربع ساعه كانت تجلس هي وهو امام الطعام
فلاح:وش ذا الريوق المبارك اللي بتقعدين على جاله
حصه بخجل:بتحدني اقوم
فلاح بجزع مازح:لا لا وش تقومين خليني اشبع منش قبل اروح المجلس
حصه بحزن وهي تسكب له قليل من العصير:تدري امس من الفرحه بفيصل ماقدرت ارقد
فلاح بحزن اكبر على حالها لكنه اخفاه:الفرحان مايرقد؟
حصه وهي تجلس بجانبه وتنظر لعينيه:تخيلت نفسي امه يافلاح
ثم بدأت دموعها بالانهمار فصمت احتراما لحزنها
............................................................ .
في منزل ام وضحه
كانت تجلس دلال امام والدتها ووضحه اللتان تاكلان من الفطور الخاص بالنفاس
دلال وهي تأكل قطعة شوكولاته:انا مدري شلون تاكلون اكل ريحة الحلبه فيه تفوح
ام وضحه تنهرها لان وضحه لم تأكل سوى بعد محايلات من والدتها التي تأكل معها لكي تشجعها على ذلك:انطمي انتي الصبح لا أنفستي سويت بش اعبر من كذا
دلال بصدمه:هئئئ والله ماآكل شي فيه حلبه
ام وضحه وهي تتذكر مامضى:تعلميني فيش يومش صغيره لاشميتي ريحة الحلبه قمتي تهاوعين ولانتيب طيبه
وضحه التي تقف بحذر:الحمدلله
ام وضحه:وين وين ماكليتي شي
دلال بضحكه:كافي يمه ماتشمين ريحتها تجيب السلال
وضحه بصدمه:صدق طلعت ريحتي يوووه شلون تروح الحين اخاف لا جا ناصر يشم الريحه عقبه يطق
ام وضحه:ماعليش منها ذي صديع مافي ريحه ولا شي
وضحه وهي تحمل محمد الصغير:اشوا والله اني احاتي الريحه
ثم اردفت وهي تنظر لوجه صغيرها:يمه تدرين ناصر شيقول
ام وضحه:وش يقول
وضحه بخبث وهي تنظر لدلال:يقول ان حمود نسخة نايف
دلال وعينيها قد برزتا من صدمتها الخجله:كح كح كح
ام وضحه بضحكه:يوووه جاطاريه وشرقت بكره لارحتي له وش بتسوين
وضحه بخبث:جعلها ماتقوم تمطخه قدامنا بس
دلال بخبث مماثل:ليه ناصر ووضحه
وضحه:ههههههههه اللي مايطول العنب حامض عنه يقول
كان عقلها قد غاب في عالمه فهي في توتر عظيم منذ بدأ العد التنازلي لقرب موعد زواجها يمتلكها رعب من علاقتها بنايف الغير طبيعيه منذ البدايه
هل سيوفي بوعده ام ينقضه هل ستستمر حياتهم بسلام
لكنها قد عاهدت نفسها ان تزوجه من افضل بنات (جماعتهم) رغم انها تشعر بالالم من تلك الفكره
....................................................
في المغرب
كانت سيارة نهار تقف امام المنزل والتي تحمل نهار وابو ضيدان وعليا
نهار وهو يفتح اقفال السياره:يالله حيهم والحمدلله على السلامه
ابوضيدان وهو يفتح بابه:الله يحيك ويسلمك
ثم اردف وهو ينظر لمن تجلس في الخلف:حولي
ثم اتجه هو ونهار الى المجلس
واتجهت هي للبيت
حين دخلت وجدت والدتها وجدتها وشقيقتها وعمتها ونوره وثمينه
عليا بابتسامه حاولت فيها ان تتناسى ماحدث:السلام عليكم
وقف الجميع للسلام عليها
الجده وهي تضمها:هذا انتي ياعليا ماخفت شحومش ولحومش
عليا وهي تضمها بقوه:جعلني قبلش يمه اشتقت لش
الجده وهي تهمس لها:عندش علم يابنت وضحه
ابتعدت قليلا وهي تبتسم وتهمس لجدتها:مابه علوم ياللي تدورين العلوم
ثم اتجهت لوالدتها للسلام عليها وبعدها على البقيه
وبعد السلامات
الجده:عليا شلون اختش يوم جيتي منها
عليا:طيبه وتسلم عليكم كلكم
هتف الجميع:الله يسلمش وياها من الشر
ثمينه:علوي الصغار حلوين
عليا بحب:الا يجننون بدوح شبهه امي وشاهه وسعد نسخة ابيه
ام سعد بحنين:لبى ذا الطاري اجل الزين والملح يكتكت
ضخك الجميع
عليا:الا شين بدوح ازين منه
الجده وهي تلكزها بعصاتها:جعلها تشين حياة العدو
عليا بقليل من الحزن:ترا بدوح تعبان شوي
ام شاهه برعب:لييييه شفيه
عليا:طلع معه سعال ديكي وفيه مرض شاهه التهاب الدم
الجده بالم:ارب مهوب خطير
عليا:والله يايمه السعال الديكي بدا يخف بس مرض امه صعب شوي
ام نهار بحزن:ياجنينتي ذالحين تشل وتنكت في عمرها
عليا:كنش تشوفينها يمه كل ماتحاكت انا السبب انا السبب
الجده:ان لله وان اليه راجعون
عليا:حصوص شلونش ذالحين
حصه:طيبه ابشرش
عليا:ترا شاهه وامي نوره يسلمون عليش
حصه:الله يسلمهم
ثم استمر مجلسهم الذي لم ينفض الا بعد العشاء
................................................
في غرفة ابوضيدان
كانت تتابع احد البرامج وهي تنتظر ابوضيدان
حين دخل متلهفا للنظر لعينيها التي تغرقاه في بئر لا آخر له
ابوضيدان وهوو يبحث عنها:وضحه ياوضيحه
وضحه وهي تخرج له من الغرفه متجهه للصاله بابتسامه خجله فهي لم تره حين دخل للسلام على والدته:هلا ناصر
ابوضيدان وهو يتقدم منها بفرح:يالله انك تمسيها بالخير
ام شاهه:يامسا النور والسعاده
قربها لصدره متلهفا لعبيرها الآسر:اشتحنت لش
ام شاهه بصوت مكتوم وهو تطوق خصره:وانا اكثر
ابعدها ليقول:اجل الشيخ وينه
ام شاهه وهي ترتب فستانها البحري:انا مااكفي
ابوضيدان الذي التفت لها بابتسامه خبيثه:نبي نأدي الواجب معه ونفضا لش
ام شاهه بخجل:حصه ماخذته معها لبيتها
ابوضيدان وهو يعود لها:احسن بعد
امسك بها وهو يتجه بها للجلسه التي في الصاله:عطيني علومش
ام شاهه وهي تمسك بكفه:علومي اني اشتقت لك وحزنت يوم رحت وخليتني ولو انك قعدت اكثر كان جيتك انا وعوالي وبس
ابوضيدان بألم:تدرين اني في كل يوم اموت لا تذكرت اللي صار
ام شاهه بصدمه من حضور الحزن في جلستهم:ناصر وش جاب ذا الطاري
ابوضيدان بحزن:والله ان اتوسد يميني ماسجيت من اللي سويته فيش
وضحه وقد امتلأت عينيها بالدموع:اسم الله عليم جعل يومي قبل يومك
ناصروهو يضمها بابتسامه حزينه:اش اش لاتبكين تخربين ذا الزين
وضحه ويه تقبل صدره حيث تضع راسها:تكفى ناصر لاعاد تقول كذا
ناصر وهو يترأى له مامضى:كل يوم اقول انا اكرهها بس لا جا الليل تعاونت علي الهواجس وذكرتش وحن قلبي ...... كل ماشفت بناتش شفت عيونش في شاهه وضحكتش في عليا و زولش في حصه
ماغيرت البيت عشان كل يوم اشوف المكان اللي صارت فيه السالفه ويتجدد كرهي الكاذب
ثم شدها اكثر له:آآآآآآآه ه ياوضحه وش جرا لي من عقبش
اجابه صوت نشيجها المتعالي
ابعدها ليمسح دموعها المؤلمه لقلبه:افا افا بكينا قايد الغزلان
وضحه ببكاء:ان كانك تشوفني في بناتي فأنا اشوفك فيني انا ماغبت من عقلي ولا قلبي دقيقه ياناصر ولا دقيقه ثم انحنت للأمام وهي تغطي وجهها لتنخرط في البكاء
ناصر بضيق وهو يبعد يديها وبنظر لها:آسف اللي بكيتش
وضحه وهي ترتمي على صدره:وانا آسفه اللي احزنتك
ناصر بابتسامه خبيثه:في ايدش ترضيني
............................................................ ..........
في صباح اليوم النتالي
في منزل ابوفيصل
جواهر التي تجلس امام جدها وتقهويه:سم يبه
الجد وهو ياخذ فنجاله:جويهر شقومش وانا ابيش
جواهر بتوتر:مافيني شي فديتك بس مصخنه شوي
الجد بغموض:من يوم جيتي من بيت عمتش وانتي ماش
جواهر وهي تخفي وجهها عن جدها:يتراوا لك يبه
الجد وهو يرتشف فنجاله وهو غير مصدق:جايز وانا ابيش جايز
نزل نايف من الاعلى:صبحهم بالخير
الجد وجواهر:صباح النور
نايف وهو يجلس بجانب جده:ماعينتو ناصر
الجد بابتسامه:من يوم جا حميّد وهو محاربنا
نايف وهو ياخذ كأس الحليب من جواهر:آآآآه م يامن يقضبني حميّد ذا وآكله اكل
ناصر الذي يدخل الصاله وهو يحمل لفة بيضاء:ابشر به هذا هو جاك
نايف وهو يقف ويقبل جبين ناصر ويأخذ الصغير:هلا هلا جيت وجابك الله
ناصر الذي يجلس:لاتوجعه ترا دونه ارواح
نايف الذي فك رباطه وبدأ بتصويره بكل وضعيه:ياخي انساه شوي
الجد:هاته هاته خلني احبه
جواهر التي تحمل الصغير وتهرب به ونايف يلحق بها ويصرخ:هاتيه هاتيه ترا والله ان احذفه منش
ام ناصر التي تقف امام جواهر التي عاد لها القليل من المرح:مابعد عفت جنيني هاتيه انتي وهو
جواهر برجاء:تكفين يمه خليه معي خليني احر نايف شوي
نايف وهو يقف امام والدته على السلم:يمه خلـــــــ....
لصمتهم عطسة الصغير التي الجمتهم
جواهر وهي تنظر له بحب:يمه يعطس
ام ناصر:ابشرش وياكل ويشرب ويرقد
نايف وقد تعالت ضحكاته:هههههههههههههههههههههه والله ان عطسته مصخره
ناصر منداخل الصاله:من اللي مصخره يانايف
نايف وهو يدخل عليهم وخلفه امه وجواهر:طافك ولدك يوم عطس
ناصر بأدمان:الزين والله لا فتح عيونه
ام ناصر وهي تجلس توقظ الصغير:والله انه زين في كل حال جعلني قبله
تجمع الجميع حوله ماعدا الجد حين سمعو صوت بكاءه الحاد
نايف:شوفو شوفو دموعه
ناصر وهو يقبل الصغير:هذي مهيب دموع هو معرق انا ولدي مايبكي
جواهر وهي تنظر له وهو يحاول ان يصطاد يد ام ناصر باحثا عن الطعام:يمه تكفين جويع
ام ناصر:ناصر ليه جبته مابعد رضع
ناصر:جبته عشان نايف يشوفه قبل يروح دوامه حتى امه تقول تراه مابعد ذاق شي
ام ناصر وهي تلفه:قم وده لامه خلها ترضعه البزر ميت من الجوع وانتو تلعبون عليه
نايف الذي وقف وارتدى قبعته:هاتوه انا بوديه
فهو ينوي ان ان يتحدث مع ام وضحه عن موضوع خاص
ناصر بحزم:لا انا بوديه ان كان دلال مالها اخوان فانا اخيها اللي ماجابته امها
نايف وهو يحمل الصغير:اقول اصبح مهوب صيدي اللي في بالك انا بروح احاكي عمتي في موضوع
ثم ذهب بالصغير لمنزل عمه
.
.
.
.
.
.
.
كان يقف امام المنزل وهو حائر كيف يطرق الباب فهو يخاف ان يسقط الصغير من يديه
لكن هناك اعصار افزعه
فتح الباب وصراخ تلك الانثى ارعبه
دلال بعصبيه:انا امس منبهه عليهن يقومني الساعه سبع والحين الســــــــ........
صمتت لان من يقف امامها نايف الذي يجب ان تتجنب مواجهته هذه الفتره خاصه
نايف وهو ينظر لعينيها من خلف النقاب:اخذ البزر لايطيح
لم تجبه فهي مصعوقه
مد يده بالصغير ليقول لها بحزم:الببززر
مدت يديها لتاخذه بصمت
لكن حين وضع ذراعه فوق ذراعها ابعدت ذراعها بسرعه وانخرطت في طوفان بكاء وهي تهرب للداخل
نايف وهو تنفس براحه بعد ان التقط الصغير قبل وقوعه:امحق صباح بغا يوقف قلبي
ام وضحه برعب:نايف شفيك
نايف وهو يمد الصغير لها:هاش يمه
ام وضحه وهي تحمله:حياك حياك وانا امك
دخلا للمنزل وتوجه نايف للصاله الداخليه
وهي ذهبت لترجع الصغير لوالدته
ثم عادت له
حين عادت له نايف الذي يقبل جبينها:صباح الخير يمه
ام وضحه:صباح النور يابوي
ام وضحه:نريقت ولا اجيب لك ريوق
نايف وهو يمسك بيدها:خلش مني انا جايش ابيش في موضوع مهم
ام وضحه بقلق:خير يابوي
نايف بهدوء:يمه انا ودلال بنظهر من البيت وبنسكن في شقه لحالنا
ام وضحه بصدمه:لحااالكم؟؟
............................................................ ..........
بــــــــــــــــــــقــــــــــــــ شـــــــــــــــادن لــــــــــــــــــــــــــــم
|
01-12-11, 06:16 PM
جديد مواضيع قسم الارشيف
العرض العادي
