صباح الخير انا متابعة للرواية من جد الرواية جدا رائعة . اما وضحه وبنتها شاهه العبن بحسبة ناصر ولطام ومالهم ةاكثر من
كذا اجل يظامون ومايبون احد يحاسبهم مادروا ان كيد النسا غلب كيد الرجال واظهرت براءة وضحه من الظلم الي انظلمته
وتقبلي مروري ويسلمووووووو على الروابة الرائعه وننتظر التكمله

الروايه روووووووووووووووعه والله اني احس اني منيب قادره اعلق احس اعضم مدح ممكن اقوله راح ينقص من حق ذا القصه واهنيش كاتبتنا على ذا القنبله بس انا ودي اعلق يعني واتمنى انش تاخذين تعليقى بعين الاعتبار من عاشقة القصص وتقدرين تقولين عندي نضره
1_وضحي مشاعر كل شخص بتعمق اكثر عشان نحس بمشاعر الابطال
2_مهب كل واحد يتزوج من الشباب يكون قبلها متولع في البنت
3_الشباب فهاد وفلاح ونايف حياتهم بارده يعني دورهم خف في القصه حركيهم
4-قد ما تقدرين حركي ابطال القصه كلهم لا تخلين اي حياه لاي بطل راكده يعني لكل شخص قصه
وانا ادري انش منتي مقصره يا قلبي بس يعني حبيت ابدي رايي<<<<<<<<<<تتفلسف خخخخخخ
اما بنسبه لشخصيات احب لطام ليه مدري وشاهه احسها بطلع اعيونه بس حن لين ذالحين ما ندري لطام وشهو مسوي بهم يومهم صغار ؟؟؟؟؟؟؟؟؟؟؟؟؟؟؟؟
الشيبه ناصر عزتي له الا ضاعت اعلومه بس وضحى والله انها مقديه فيه جعل ربي الزين فيه وخليش يا وضحى انتي وياه
نهار ياااااااااااااااااااااااااااااااااااااااااااااالبا والله الي ما يرضى على بنات عمه يالبا الزقرت والله
هههههههههههههابو محمد مسكين ربي بحص اعياله كلهم بدورالله يقويه ويصبره
عليا ودي ان يصير لها موقف وتضهر فيه قوت شخصيتها عشا عساااف يدري انها جيده وقدها مهب كل شي ضحك


واتمنى انش ياختش ما تزعلين من نقدي



اختش :بنت الشامخ

السلام عليكم..
شدوونه .. تدرين اني هالايام كلها اللي مادخلتها وانا اقوووول الله يسعدها دهنالعود يوم انها من بدري قايله انها راح تأخر البارت لحد 10/6 والله اني تعلقت بالقصه واجذبتني مره والجزء الاخير قااريتهمن اولمانزل بس والله مافيه فرصه ارد الا الحين عسى الله ينهي هالاختبارات على خير ونرتااح من هالنكد كله..
المهم ياا شدوونه مالتس بالطويله..
بعلق بشكل سريع على احداث هالجزء واهم شي اني اتووقع ظهوور شخصية جديده قاادمه للاحداث بقووووووه وهالشخصيه هي صـــقــــر,, اتوقع بيكون له دور كبير بالاحداث شكله رجال وعاااااقل وشكلي كذاااا صااادرته بس بتروى شووويه.. شوويه بس لين اشووف علوومه وشوو هو من رجال>>فيس دقيق باختياراته..هع
ابو محمد ماقصر يووم انه جاي وهو عارف بسواد وجه ولده وعلومه الخايسه وانه يبي يكشف الحقيقيه لآل لطام..بس اللي صدق شفته مو واقعي ابدااا هو طلبه وحده من البنات لصقر.. افهم هالطلب لو موضوعهم وقف على سالفه وضحى ومحمد لكن السالفه تعدتها لمحاولة اعتداء من مجموعه شاااذه يعني هالشي صرااحه اشووف انه يخليه المفروض يستحي على وجهه ومايطلب أي وحده من بناتهم.. لكن لان العريس هو صقر الصقوربنغفر له هالزله..هخهخهحخه
وعلى فكره صقر ما ادري ليش احس ان ماله خاطر ولا يبغى هالعلاقه ولا هالنسب لكن عشان جده فهو بيوافق غصب عنه والبنت للي بياخذها منهم واللي اتوقع انها..البنت السمراء. نسيت اسمها.. باول حياته معها بيكون مقهور منها بس بعدين بتقدر تاخذ قلبه ورووحه>>فيس سوى قصة بوسط القصه..هخهخهخه
ما اتوقع ابو ضيدان يدري عن هالسالفه الحين ولا ااتوقع توصله عن طريق التلفون بيقولون لايدري ابو ضيدان لين يوصل الديره يعني لا هو ولا لطام حسب توقعاتي بيدري الا لما يرجعون الديره..وهناك بينصدمون بالاخبار والعلوووم والاحداث اللي صارت بغياابهم.. بس صرااحه اللي خاطري اشووف وجهه عقب هالمعلومات هو ابونايف اخووووو وضحى احس انه اكثر واحد بيموت من القهر والحره على شباب اخته اللي راح هدر..

وضحى وناصر اهل لبنان: لاااا تعليــــــــــــــــــــــــق شخصيا اشوف هالموقف اسخف موقف قريته بالقصه للحين ..

شاهه ولطام: اني والله قاايله ان فيتس انفصام بالشخصيه..مدري عاد وين بتوصلين بهالخطه..يعني تبينه يصير يموت فيتس.. اذا انتي متوقعه انه مايحبيتس فانتي عبيطه وغبيه لو سويتي هالخطه لان المعادله الحقيقيه والتوقعه انه بيمل وبيتركتس لاهلتس هم اللي يعالجونتس..يمكن يصبر شهر شهرين لكن عقب عاد بتكون مصاخه فانتي فكري عدل واتركي هالخبال وغيري الخطه لوحده بتخليه ماعاد يقدر يبعد عنتس.بدل هالتلصق فيه والصياح والانهيارات شووفي امتس وش مسويه بابوتس الشيبه وخلي المثل اللي يقول ابن الفرخ عوام يصير واقع ..هع هع هع

يله دهوونه الشدوونه بانتظار البارت القادم اذاا الله احيانا بكل شوووق. ولاا اوصيتس بالضيف الجديد صقوووري هالله الله فيه ولاتقربعين فيه وبدرووه لاني خلاااص بصااادره وخصووصااا من شفت اسمه سبى عقلي وقلبي>فيس ماعنده وقت..هخهخه
تسلم الاياادي شدوونه الدهونه وربي يووفقتس وتبشرينا بنجاحتس..>>فيس يقول ولكِ بالمثل..

السلام ليكم
مساء الخير والسعاده والفرح على الجميعصراحه انا اشتقت لكم كلكم فديتكم
حبايبي بالنسبه للردود صراحه صعقني الهجوم المفاجئ على اهل لبنان حبايبي لاحظو اني قلت لكم ان الشارع فاضي يعني مااحد يشوفهم
بعدين ناصر لما قال هذا اللي تبونه يابنات الحمايل ماقصدت انه اللي يسوي كذا بنات الحمايل انا قصدت ان ناصر يقول كذا عشان يذكرهن انهن بنات حمايل ولايجوز يسون هالشي وانا ماخصيت اي دولة ولا اي قبيله بهالشي وهو قال كذا على اساس انهن خليجيات واغلب بنات الخليج بنات بدو وبنات عوايل وانا خصيت هالطبقه بالتصرف الدوني لأن هذا للي يمشي معهم لكن انا انصدمت حتى ببعض الردود نعتو هالموقف بكلمات انا مارضى انها تنقال في جمعتنا
اما بالنسبه للاخت(بنت الشامخ) اقولها انتظري شوي وراح تشوفين في البارتات الجايه اللي يبرد كبدش ترا انا مانيب بذا السخافه عشان اكرر نفس الكاريكتر الدارج في بعض القصص اما للمشاعر بس بغيت افهم وش تقصدين فيها لأن هذا الطلب تكرر اكثر من مره ولافيها شي لاعلمتيني فديتش الاخت تعلم اختها
واحب اقول للاخت(احبك ياخوي)انا مريه بس امي عجميه عشان كذا اختلطت المترادفات عندي فديتهم كلهم العجمان والمره
اختي(rs-ss501) تراني ماشفت التصميما اللي قلتي عليه ماعرفت اطلعه (ابقولش سر مابي احد يعرفه تراني عليميه في الكمبيوتر والنت)....يعني ماحد درى
وابشركم ربي لك الحمد كل موادي Aماعدا وحده جبت فيهاB
حبايب ترا فيه بارت بكره فالليل
اتمنى لكم قراءه ممتعه

البارت الخامس والعشرون
....................................
شرع يطرق الباب بعنف
ابوضيدان بقمة غضبه:وضحه افتحي احسن لش
وضحه وهي تتكلم بكره شديد له:والله لو تنكع ياناصر مافتحلك الين يصبح الصبح(تنكع=تموت فجأه ودون سبب)
صرخ بثوران عنيف فهذه غريزة الرجال حين يثورون يودون تدمير ماحولهم ولو كان غالياً:وضضضضضححححححه
وضحه وهي قد علمت بمدى غضبه في هذه اللحظات فهمست:ناصر اقصر صوتك لاتفضحنا ورح امس العرب ليل
ركل الباب بقوه حين سمع بكاء الصغير المرعوب:هين هين ياوضحه
ذهب لغرفته وهو يشتعل غضباً فهي هيجت مشاعره ثم تركته فقد جعلت منه دميه ولعبت به وفعلت به ماكان يريد ان يفعله بها
اما هي كانت تضم الصغير لأحضانها وهي تبتسم برضا عما فعلته
ام شاهه وهي تترك ناصر الساكن في مخيلتها لتنظر لعيني الصغير التي تشبه عيني شقيقته الشقيه فهو يحمل عيني عليا وفيهما لمحة شاهه همست له بحب:ضيدان حبيبي ليه خايف خلاص بابا راح
ضيدان وهو يشهق بسبب كثرة خوفه وبكاءه:انا ابي ساهه
ام شاهه وهي تشد من احتضانه وتجلسه في حضنها:اذا نمت الحين وقمت بكره وانت تضحك راح اخذك عند شاهه ين
اغمض الصغير عينيه فهو لازال يفقد شعور الامان بسبب بعد عن احضان امه التي لم تتركه منذ ان ولد:حلاص ها سوفي غمضت عنوني
ام شاهه وهي تقبله:بعدي ولدي الشيخ اللي بينام وبكره بشتري له العاب واوديه الالعاب
ثم بدأت بطقوس مهاداة الصغير الى ان نام وثم نامت هي بعده مباشره
..................................
في المستشفى
منذ قليل ذهب والدها ليتركهما وحدهما
فوالدها حين خرج بدأت تنفيذ خطتها
شاهه وهي تنظر له بخجل:لطام
التفت لها بعد ان كان مندمج مع التلفاز:هلا
شاهه في نفسها وهي تنظر لعينيه:ياوش قد سوت بي ذا العيون ياخوفي منها وياليتها ماتفارقني والله اني سويت مثل اللي يقول ياويلي منه وياويلي عليه لكن والله ان قد اذوقك ماذوقتني يانسخة ابي
افاقها صوته حين قال:شاهه شفيش
شاهه وهي تخفض نظراتها ليديها التي موصله بالاسلاك:انا آسفه على اللي سويته فيك
لطام وهو ينظر لها باستغراب وحيره لم تبان لعينيها العسليتان كبيرتا البؤبؤ:ماسويتي شي عشان تأسفين عليه
شاهه وهي تنظر له بعينين قد وضح بهما الحب التي قد اصبحت بارعه بتمثيله في عينيها منذ اليوم الماضي:الله لايخليني منك
نظر لها بصدمه قد رأتها واشاحت بوجهها لكي لايرى ضحكتها فهو لم يظن انها ستستسلم له بهذه البساطه
شاهه وهي خجله بصدق:لطام لاتشبح فيني كذا
ابعد ناظريه بأجبار فاستمتاعه لايكتمل سوى بالنظر لوجهها الفاتن
لطام وهو ينظر للتلفاز ويهتف بقمة الهدوء:وش عندش على ذا المحبه
ثم ابتسم بسخريه:الله يستر تاليها الذيب مايهرول عبث
صمتت لفتره فقد صدمها بتحليله الفوري الصحيح لكنها لم تجعل له مجال لكشف مخططها
هتفت وهي تمثل الهيام:وش اسوي بقلبي
التفت لها بقوه لينظر لها باحثاً عن الصدق في وجهها
هل تعني انها تحبني ؟
هل قالت ان قلبها مال لي؟
رباه لست احتمل تلك المنن فبين ليله وضحاها اعلم بحبها البالغ لي وهي تعترف بذلك
رباه ان كنت حالم لاتجعلني اقوم الا في قبري
رباه ارفق بي ويقلبي الهش امامها
لطام وهو ينظر لها بعمق ليهتف بخبث:وش فيه قلبش
شاهه وهي تنظر له بعينيها التي قد علمت انه يعشقها لجمالها فقط:سن سكاكينه وجهز قصاصي
لطام وهي يخفي ابتسامته التي خرجت من شفتيه التي تميل للسواد بسبب التدخين المستمر:وش ذنبش عشان يجهز القصاص
شاهه بتهور قد جهلت نتائجه واثاره:عشاني ساويتك بروحي
ارتعش بقوه ليقف وهو ينظر لها
لطام وهو ينظر لها نظرة اللاوعي
لطام بغضب:شاهه وش ذا الحكي ان عاد سمعتش تقولين ذا الحكي بامحق عليش
وخرج ليأخذ انفاسه
اما هي صعقت :الهذه الدرجه ينبذني ويكرهني الا يود ان يحصل على حبي حتى
ثم تبدلت نظرتها للحقد اكثر مماكنت تكنه بين اضلاعها
لتهمس بصوت خفيف:والله ان قد تحسف يالطام الا ان كاني امي ماحفظتني على ابي
هو تائه
طار فرحاً
اختنق من الانتعاش الذي غمر روحه
لطام وهو يضع رأسه بين يديه ليهمس:معقوله معقوله تحبني بذا السرعه مااصدق مااصدق هذا معناه ان الله يحبني وراضي علي اللي حققلي اللي اتمناه طول عمري في ليله وحده
ثم عقد حاجبيه:بس شاهه ينخاف منها طول عمرها قويه شلون تستسلم بسرعه ذي آآآآآآهه منش ياروحي
........................................
في لبنان
وضحه وهي تحاول ان تثنيه عن مااراد:تكفى ناصر ماابي اعود بسرعه خلنا نقعد اكثر
ناصر وهو يلبس قميص بجامته:انا قلت لش من عاد حنا في الدوحه اني لازم اعود قبل تخرج العيال
وضحه بيأس:خلاص اللي ودك
نظر لها وهي تشاهد التلفاز بغضب وزعل:وضوح
وضحه وهي لم تنظر له:نعم
ناصر وهو يجلس بجانبها:اي والله ذاالحين نعم وقبل شوي لبيه
ثم اردف وهو يمثل الزعل:وضوح
وضحه بجمود:نعم
امسك بشعرها بخفه وهو يمازحها:كل ذا زعل ياالقزمه
وضحه وهي تنظر له بزعل:كم مره اقول لك لاتقول لي قزمه انا طويله بس انت اللي طويل حيل
ناصر وهو يضحك:هههههههههه ايه صادقه والدليل الفرق بينش وبين جويهر اختي وامي وضحه
ضحكت على اغلاق جميع ابواب كذبها:ماتبيني ردني لأهلي
ناصر وهو يقف بجديه وهو ينظر لها بغضب:يالله اجل قومي
وضحه وهي تنظر له بخوف:ليه
ناصر بعصبيه:عشان اردش لأهلش على اول طياره
وضحه وهي تمسك بكفه برجاء:ناصر شفيك اضحك عليك
ناصر وهو يسحب يده:لالا انتي ودش بها من قبل
وضحه وقد تجمعت الموع في عينها:ناصر
ناصر بجمود:نعم
وضحه:ماابي اهلي
ثم اردفت ببكاء عنيف
ناصر وهو يحتضنها ليهمس بهدوء:وضوح ترا انا بعد ماابي الا انتي
ثم اردف وهو يقبل جبينها:اضحك معش بس قلت خل اشوفها وش بتسوي
لكمته على صدره عدة مرات:سخيف سخيف
امسك بيديها وهو يمثل الجديه:اني داري تضربيني ياوضيح اجل الصبح لاجا فصول بتطرديني من البيت
وضحه وقد تغير مودها:ههههههههههههههههههههه ومعك ولدك بعد
...............................................
في منزل ابوسعد
ابوسعد وهو يمسك بعضد نهار:نهار انزح وراك ترفع سلاحك في وجه ضيفاني يالرخمه
نهار بهدوء وهو لازال موجهاً المسدس للاثنين الذين يقفان امامه:رخمه ان خليتهم ياخذون بنت عمي وانا ماجود
اخفى الجد فرحه عن الواقفين فهذا هو مااراد وهاهو نها يعطيه مااراده مثل الغضب:اخو ناصر والله لاما تبعد من دربهم ان اثور فيك انا
نهار وهو على نفس الهدوء:تثور فيني ولاياخذون بنت عمي وهم قد سوو اللي سووه
ابو سعد بفرح وهو ينظر لابنه ابولطام:سعد اسمحلي يابيك
ابولطام بفرح مماثل فهو لايتمنى لابنته غير ابناء عمها وخاصه نهار العاقل الهادئ الذي يحمل المراجل التي تحببه فيه:مسموح نفداك هي بنتك
ابوسعد وهو ينظر لابومحمد:يابومحمد البنت لكم لكن ولي امرها ذا اللي واقف قدامكم
ابومحمد وهو ينظر لنهار:يابيك انا قلت ابي بنت عمك وانا مادريت ان ودك بها وذالحين انت سامح لنا بها ولالأ
صقر بغضب:طابت النفس يبه خلنا نمشي
ابوفيصل بحميه وهو فرح لفرح شقيقه:مرتكم عندي وان اخو لطام
تصوبت نظراتهم له بمفاجأه
نهار وهو يبتسم لذلك الجد المحبوب:اللي ودكم به سووه اما بنت سعد لي
فأجاب احد الذين ماان سمعو الصراخ حتى هرعوا للمجلس مخافين انذارات الجدان:والله مايتوسد بنت محمد غيري
ابوسعد وقد وصل قمة الفرح بأبنائه فصرخ:كفو كفو ياابوفيصل
ابوفيصل الذي نظر لحفيده بغضب:نايف تعصاني
نايف وهو يقبل رأس جده:مانيب اعصاك لكن حقي مارضا احد يمد ايده عليه
صقر الغاضب:يبه خلنا نمشي
خرج هو وحفيد دوين ان ينطقا بأي كلمه
ابوسعد وهو ينظر للأثنان ليقول بأمر:اجل يااللي فضحتونا في الرجال ترا مابه عرس الا بموافقة البنات ولا حنا والله بغاصبين احدهن
ابوفيصل وهو ينظر لحفيده الذي دائماً كان يقول انه لايريد ان يتزوج من بنات اقاربهم لكن حظه قذفه على تلك التي تشبه جدتها:الله الله انا والله مانيب غاصب نبت محمد يتيمه ولا لها والي الا انا
ابوناصر وهو فرح:وانا ابيها عليك يانويف
نايف وهو يبتسم:بس ترا ان عيت تراني حجار
ابونهار وهو ينظر لابنه:ها جبت مافي راسك
نهار وهو يقبل رأس والده:كل شي عقب شورك ورايك
ابونها وهو يضحك:ماعاد خليت فيها شور سويت اللي تبي ماحتى قلت لي
ابوسعد وهو ينظر لابنه الذي رباه:ها اجل تبيه يتنى الياجيل ياخذون شوفته وهو يشبح(شوفته=امرأته)
ابونهار:ماقلت كذا بس مهوب يهدد الرجال بالفرد
ابوسعد وهو ينظر لذلك الهادئ على الدوم:بعدي والله ولدي ماخلته النعاره يسكت من حقه
فلاح وهو يقف امام جده::حتى انا يبه ماسكت من حقي وطلته بأدب ولاهددت احد ولا سويت شي
ابوسعد بنرفزه وهو ينظر لذلك الملح:والله يافليح ياان مافارقتني ماتشوف الخبل كون عقب سنتين
ضحك الجميع
اما فلاح ابتعد بسرعه:لالا سنتين قد رجلي والقبر
اتجه الجميع ليجلسوا
ماان جلسوا حتى قال ابوفيصل:اسمع يافلاح ترا ان كان ودك بالعرس انا اللي بجوزك الشيخه عقب ماياتي ابيه على طول
ابوسعد وهو ينظر لشقيقه بغضب:الحمد لله انت من صدقك والله ان قد يصدعونا هي خبل وهو مطيور
فلاح وهو يقبل انف ابوفيصل:جعل ربي مايخليني منك يبه ايه كذا برد كبدي والبنت موافقه وابيها بالمثل
ابوسعد:وانت شدراك ان ابيها موافق
فلاح بارتباك:ها اتصلت عليه وخذيت شوره
ابوسعد بهدوء لأنه يعلم بالعاصفه التي ستحل عليه بعد ان ينطق بالخبر:اجل ترا عرسك عقب شهر
قفز فلاح ليقبل جده بقوه على انفه ورأسه وكتفه
الجد بانزعاج:جعلك الوهم غدى خشمي افنس من حبك
...............................................
كانت تجلس بجانب جدتها وهي تحني كفيها
حصه بهدوء وهو يرجع الخصله النافره خلف اذنها:يمه
ام سعد:لبيه
حصه بارتباك وهي تضع الحنه على اصبع جدتها:يمه انتي علمتي ابي باللي صار
الجده وهي تنظر لحناها:وش اللي صار
حصه بخجل:يممممه اللي صار
الجده وقد عرفت ماتقصده الصغيره الخجله:ويش هو
حصه وهي قد تصبغت باللون الاحمر:خلاص خلاص
الجده بضحكه:ابيش درا ولاعنده مانع
تبسمت خجلاً مما قالته جدتها وذهبت بذاكرتها حين اتى جدها يخبرها
ابوسعد وهو يضع يده على رأسها بحب:هايابيش وش تقولين في فلاح
حصه وهو قد اصبحت تتصبب عرقاً:مالي عقب قولك قول
ابوسعد وهو ينظر لعينيها بعد ان رفع رأسها لتنظر له:انا ابيش تقولين لي انتي موافقه ولا لأ ترا ان كانش ماتبينه والله ماحد يغصبش عليه وان ابيش
حصه بخجل:لايبه انا موافقه
الجد وهو يقف بفرح:اجل جعله مبارك وان ابيش
ثم ذهب لمجلسه كعادته في مثل هذا الوقت من كل يوم
اما هي فقد كانت تشعر بالفرح فهي تكابر حبها واعجابها به امام الجميع لكن قلبها قد تمرد واعلن وقوع حصونه امامه
عادت للواقع حين قالت جدتها:الحصي يامش حني رجيلي
حصه بحب:ابشري فديتش
وبدأت تحني قدمي جدتها
.............................................
نعود للمجلس
عادو للانحايازات
فلاح وهو ينظر لنايف بتحدي:لاتحداني ياعريس الغفله
نايف الذي يريد ان يخرج ليرفه عن نفسه هو وفها وفلاح:الا بتحداك واتحداك
فلاح وهو ينظر له بوعيد:ماشي انا ارويك يانويف
قام ليجلس بجانب فهاد المشغول بهاتفه
فلاح وهو يمثل القلق:فهاد
فهاد وهو ينظر له بقلق:هلا وش فيك
فلاح الذي يعلم بحب فهاد لمدربه المحترم الذي يكره نايف:المدرب سعيد سوى حادث وهو يحتضر ذالحين
فهاد بجزع:متى صار
فلاح وهو يتنهد وينظر لنايف الذي يتكلم بالهاتف:توهم داقين على نايف ومعلمينه
فهاد وهو يقف:يالله يالله خلنا نروح لهم
فلاح وهو يقف بجانبه:يالله
اشار فهاد لنايف الذي صعق من قدرة ذلك المجنون الذي يضحك خلف فهاد
اقترب نايف منهم بعد ان اغلق هاتفه:هلا
فهاد بقلق:يالله خلنا نمشي
ثم التفت للبقيه:ياجماعه عن اذنكم واحد من الربع جاري عليه حادث وحنا بنروح له
تباينت الردود:اذنكم معكم.......طمنونا.............مايشوف شر.........توكلو على الله
نظر نايف لفلاح بصدمه
ثم التفت عليهم فهاد:يالله مشينا
ثم اتجهوا لسيارة نايف
اثناء ماكانوا في الطريق
فهاد باستغراب:نايف وينك رايح
نايف بضحكه:انشد اللي وراك
فهاد وهو ينظر لفلاح الذي يجلس بالخلف:وين حنا رايحين
فلاح ببرود:رايحين لأحلى مقهى في الدوحه
فهاد بغضب:الرجال يقاطع وانتو بتروحون لمقهى
فلاح باستنكار:اي رجال
فهاد:المدرب سعيد
ثم اردف:رح رح للمستشفى
ضحك الاثنان بقوه
فهاد بغضب:اللي يضحكم ويش هو
فلاح:عشان ثاني مره ماعاد تحلف علينا
فهاد بصدمه:ياكلاب فجرتوني محق الله عليكم
عاد الاثنان للضحك وهو يشتمهم ويقول لهم:حسبي عليكم اصوم وانا عندي دوام
......................................
في الصباح
كانت لتوها تستيقظ بعد سهر الليلة الماضيه
شاهه بصوتها المبحوح اثر النوم:صباح الخير
لطام وهو يزيح نظره عنها:صباح النور شلونش اليوم
شاهه:ربي لك الحمد احسن
ثم وقفت لتتجه للحمام(اكرمكم الله)
وبعد ربع ساعه خرجت بهدوء وهي تدفع عمود المغذي
لطام وهو ينظر لها:تدرين الدكتور بيرخصش اليوم
نظرت له بعينين ملأها الفرح:صدق
لطام وهو يبتسم:ايه صدق
اكتملت فرحتها وهي ترى والديها وصغيرها يدخلون
والديها:السلام عليكم
لطام وشاهه:وعليكم السلام
وقفت شاهه لتقبل جبينا والديها:يامرحبا هلا
اقتربت والدتها لتضمها بقوه:شلونش يامي
شاهه بفرح زاد من جمالها الذي لم يفسده المرض:دامني اشوفش انا بخير
لطام وهو يقبل رأس ام شاهه:صبحش بالخير
ام شاهه بكره:هلا صباح النور
شاهه وهي تنظر لوالدتها بعينين مشعتين فرح:تدرين اني اليوم بظهر من المستشفى
ام شاهه بفرح:اي والله
لطام وهو يبتسم:ايه الدكتور قال تظهر اليوم وتجيهم كل يوم ساعتين يعطونها مغذي
ابوضيدان باستغراب:والعمليه
لطام:هههههههه اجل انا ماعلمتكم
ابوضيدان بحيره:ويش هو به
لطام:الدكتور قال التحاليل طلعت سليمه والمرض في بدايته ولايحتاج الا شوية ادويه
ام شاهه وهي تقبل صغيرتها التي تضع ضيدان في حضنها:يايوم يامباركاه هذا والله اليوم المبارك اللي ادري انش طيبه
ابوضيدان وهو يبتسم بفرح:يالسلوقي وتوك تعلمنا
لطام:وش اسوي ماخليتو لي مجال
ضيدان وهو ينظر لشاهه:ساهه يالله نروح بيتنا
شاهه وهي تقبله:بنروح بيتنا ب مو الحين
ضيدان وكأنه يتذكر:ساهه بابا امس يطق الباب حييييل ويثييييح حييل وماما مثكره الباب
تصنم الجميع احدهم خجل واحدهم احراج واحدهم غضب
لطام وهو يغير الموضوع:شوفو ترا انا ومرتي في حجرتنا اللي على اليسار وانت يايبه وعجوزك في الحجره اليمنى
ابوضيدان:لا وانا ابيك انا وعمتك بنظهر في شقه لحالنا الين تخلص شاهه
لطام بنرفزه:والله ماتظهرون بعدين شاهه ماتبي الا اسبوع بالكثير وتخلص
شاهه وهو تنظر لوالدها بنظرة رجاء:اي يبه تكفى خلوكم معنا وانا مابقى على خلاص الكورس الا شوي
ابوضيدان:خلاص بنقعد معكم بس ترانا بنعود قبلكم
لطام باستغراب:ليه يبه
ابوضيدان:فلاح مستعجل يبي يملك على حصيصه
شاهه بفرح:والله يبه
ابوضيدان:ايه والعرس حددوه بعد عقب شهر
لطام:جعله مبارك
ابوضيدان وام شاهه:الله يبارك فيك
شاهه بحماس:اجل امي لازم ترجع بسرعه
ام شاهه وهي تبتسم من خلف برقعها:يالسلقه ماعاد تبيني
شاهه وهي تقبل كف والدتها:لا والله مهوب كذا فديتش بس ابيش تجهزين حصوص يدوبك يمديكم
ام شاهه:بيبارك لنا ربي ان شاء الله في الوقت ونخلص قبل العرس
شاهه بفرح:ياجعلها تهنى ياربي
الجميع:آمين
....................................
دخلت غرفة شقيقتها
هزتها بقوه فهي لاتقوم بسهوله:حصيص ياحصيص قومي
حصه بنعاس:وش تبين خليني ارقد الباربحه كله وانا سهرانه
عليا وهو تبتسم بخبث:سهرانه تفكرين بفليح
حصه وهي تبتسم بهدوء فهي لازالت في نعاسها ولا تعي ماتقوله:اييه
عليا وهو تضحك بصوت خفيف كعادة حصه في هذا الوقت حيث تكون بين الصحوة والنوم تقول مافي نفسه:حصوص تحبين فلا
حصه وهي لازالن تبتسم:فديته
زاد ضحك عليا:جعل فلاح السلال والجدري والمرض
حصه:هب ياوجهش جعله فيني ولا فيه
انفجرت عليا لتستيقظ حصه باستغراب وشك مماقالته فهي حسبت انها تحلم:انتي من متى هنيا بعدين وش يضحكش
عليا وهي تقلد حصه:فديت فلاح جعلني قبله جعله فيني ولافيه جعله يسقى لااعرسنا ياربي بموت واحبه
صرخت حصه وهي تجري خلف عليا التي هربت للأسفل وهي ماتت بخجلها
................................
بــــــــــــــقـــــ شــــــادن لــــــــــــم

هــــــــــــــــــــــلااااا بــــــــــــش ,, حي مـــــن عاكـــــــس اتجااااه الريح وجـــــابش..


الف الف مبرووووك النجاااح ومنها للاعلى,, عقبال التخرج ياقلبي


كــــــــــــــبيره يا توووحه ,, هذا شغل النسوووواااااان السنعه هههههههههه تعجبيني..


شاااهه لا تلعبين بالناار تحرق اصابعش خخخخخخخخخ وبلاه التمثيل واضح انش تعشقيناااااه ...


نــــــــــــــــهااااار ,, ياعيني عالحمشيين اللي ماعندهم تفاااهم بس الحمدلله حصل على ثمينه ,,,


نــــــــــــــــــــااااايف !!!!!!!!!!! مثل ماتوقعت ماله الا دليل فديتها استانس عليهااااا الكويحه ,,


فــــــــــــــــــــلاااااح ماعندك وقت وحصيص ما في وجهها حيااا على طووول موافقه وقدهااا تنشد عن اخباااره


عســــــــــاااف وينك ما قرعت عليااااااا >> مع الخيييل يا شقررراااا


علووووويه تهببببل تذكرني بأختي هههه اذا قدها تبي تعرف علووومنااا هههههههههه


ابوووسعد وابوفيصل هذوووولااا الجدااان المووودرن

ابووووضيدااان (( يا فضحي فضحاااه ههههههه )) احرجه ولده وتستاااهل ماجاااك ..من حفر حفره لاخيه وقع فيهااا تبي تلعب عليهااا لعبت علييك,,


فهااد ماله الا جواااهر او نووووري ..

ممتع بارتش اليووووم وااجد ,, تسلميين على البااارت اللي بكره


اشتقنااا لش والحمدلله الحين مالش عذر نبي توااجدش بأستمرااار ..

لاااا عدمناااش شدوونه