اهلين اخت شادن

الف مبرووك النجاح

وان شاء الله من نجاح لنجاح



بالنسبه لروايتج فوق الروعه وننطر البارت بفارغ الصبر

فلاح اتوقع مو متزوج ولا شئ يمكن يبي يصدمها عشان ترجع نفس اول

فهاد صح ان عاليه زودتها بكلامها بس احس بيصير موقف يخلي كرهم يتحول حب والموقف بالمزرعه

لطام دايم يتكلم عن الفراق يمكن يكونو قايلين الدكاتره له شي وهو مو قايل لشاهه

دلال و نايف بعد امها بيخليه يتقرب منها و يمكن يوديها لها

جواهر يمكن يصير لها موقف بالمزرعه مع عساف ويخلي امها ترضى عليها

ثمينه بتزعل على نهار زعله طويله ويمكن يتهاوش مع صقر بسبتها

السلام عليكم



البارت التاسع والخمسين
.......................................................
ركب الجميع
لطام وشاهه وابنيهما والجد والجده والخادمتين في سياره
وابو ضيدان وام شاهه وعليا وحصه وضيدان وفيصل الصغير والخادمه في سياره
ابو لطام وام لطام وفهاد وثمينه في سياره
ابو نهار وام نهار وعساف ونوره في سايره
لكن ثمينه لم تركب بعد وحين خرجت كان الجميع قد ذهب ولم يتبقى احد لم ترى السايره التي تقف في طرف المنازل حاولت النزول من العتبه العاليه لكنها لم تستطع لكن هناك يد امتدت لها عرفتها فهي لا تخطئ في هذه اليد
لم ترفع عيناها حتى امتلأت بالدموع نظرت له بحب فهي قلقت عليه بسبب غيابه الليلة الماضيه رغم ان خالها قد طمأنها لكنها لم ترتاح حتى راته
همس لها وهو يرى دموعها التي يكره رؤيتها منسابه على وجنتيها:هاتي ايدش
لم تجبه
همس لها مره اخرى:تعانزي علي خليني انزلش
همست له:انقلع من وجهي يانهار
احتدت نظرته بغضب يخالطه الاستغراب:شقلتي؟
ثمينه بقوه موقف:اللي سمعته انقلع من وجهي
نهار وهو قد عصف به الغضب:انا ياثمينه تقولين لي انقلع
ثمينه ببكاء:مثل ماانت قلت لي انقلعي
حملها رغما عنها وانزلها حتى تساوت على الارضيه
فقال لها:حسابي معش بعدين لان تأخرنا على العرب امشي خلصيني
ابعدته عنها غاضبه وعيناها تمتلآن دموع:وخر عني
ثم ركبا السياره متجهان للمزرعه
.......................................................
في المزرعه
وصل الجميع للمزرعه بحماس وفرحه
في سيارة ابو ضيدان نزل ضيدان مع والده يركض باتجاه سيارة فهاد التي تقف امام سيارتهم
ضيدان بصراخ:فهاااااااااااد يافهااااااااااااااااد
فهاد وهي يركض باتجاهه ملاعبا اياه:يالبييييييييييييييييييييه
ثم التقفه وقذفه في السماء وهو يصرخ:اااااووووووههههوووو منووووووووووو بطططل
ضيدان وهو يرفع يديه بحماس وضحكات متعاليه:اننننننااااااااا
الجد وهو يمر بجانب فهاد:خل منك اللعب مع البزر ونزل الاغراض
وتركه ينظر لضيدان المبتسم:شفت جدك شغلني صبي عنده
ضيدان وهو يضحك:انت خدامه
فهاد وهو يرفعه ويمثل قذفه:انا خدامه انا
ضيدان الذي متمسك بيد فهاد التي ترفعه:لا لا مو خدامه انت حلو
انزل فهاد وهو يقبله:يالله روح لامك الين اخلص واجي اخذك
ضيدان الغير راضي:اووفف الحين علويه تلبسني ملابس واجد وانا ماابي ليه هي كذا
همس فهاد وهو يوليه ظهره وينزل الاغراض:عشان هي بقره
لم يكن يريد ضيدان ان يسمعه لكن الصغير كان منصت لحديثه
صرخ الصغير حين كان الكل ينزل من السيارات ولم يدخلو البيت بعد:علووووي بقره
نظر له الجميع فأرعبوه خاصه نظرة عليا الغاضبه فقال خائفا:مو انا اقول فهاد يقول
تحولت نظراتهم لفهاد الذي تجمد حين سمع كلام الصغير الناقل لكلامه
ضحكت ام شاهه بخفه لكنها مسموعه ودخلت بأبنها وخادمتها وحصه للبيت
ثم بعدها تعالت ضحكات الجميع
وبعدها دخل الجميع وهو يعلقون على الموقف المحرج
الا هي كانت تقف خلفه وتنظر له من خلف فتحات نقابها بعينيها الدامعتين
كانت غاضبه بل تفجرت براكين غضبها الباكي
فاقتربت منه حين رأت الجميع قد دخل لتقول له:البقره ماياخذها الا الثور ياثور
ثم هربت للداخل ليلتفت هو بغضب ليمسك بها لكنها قد اختفت عن ناظريه
............................................................ ......
في منزل ابو فيصل
كانوا يجلسون ملتفين حول العريسين
الجد بفرحه:والله يابيك لو انك تخلي منك ذا السفره وتاتي معنا للمزرعه كان ابرك لك
نايف باعتذار:والله قد حجزت وخلصت بعدين حنا معاريس يعني مانبي عواذل
الجد وهو يلكزه بعصاه:حنا عواذل يالاعصل
نايف بضحكه:هههههههههههههه عادك تذكرها يبه
الجد وهو ينظر لمن اكتساها اللون الاحمر:جعلها تحيا من سمتك بذا الاسم
اتاهم صوت ناصر من الخارج:احم احم
تغطت دلال ودخل ناصر
تقدم لها ومد يده:سلام عليش يابنت محمد شلونش
دلال بصوت خافت جدا:طيبه طاب حالك ياابو محمد
ثم سلم على شقيقه بقليل من الفرح فحال وضحه لم يبقي له فرحا:مبروووووك ياعريس
نايف:الله يبارك فيك
ابتعد عنه وغمز له:تعال تعال واحد من ربعك في المجلس يبيك
نايف بريبه:اجل بروح اشوفه
ثم خرجا مع بعض فالكل يعرف مابهما الا هي
.
.
.
.
.
في المجلس
نايف بغضب:وانت ليه تخليها تروح
ناصر وهو يتنهد:آآآه ياخي انت تسمع اقولك ماخليت فيها دبره بس هي مصمله على رايها
نايف بهم:وش اقول ذالحين لبنتها
ناصر:الله يهديها عمتي مدري وش فيها على العناد ماهيب من طبايعها
نايف وهو يقف :خلاص اجل انا بروح بها لبيتهم ذالحين واعلمها
ناصر وهو يقف:بصرك بس لازم تعلمها بسرعه قبل تسمع من احد ثاني
نايف:ماشي خلاص
ثم تفرقا كلا منهم
فنايف ذهب بدلال لمنزل والدها وناصر ذهب مع جواهر لشراء بعض الحاجيات الخاصه بها قبل ان تذهب مع جدها
في منزل والد دلال كانت تدخل مسرعه باحثه عن والدتها فقد اشتاقت لها بالرغم من قلة الوقت الذي غبتا فيه عن بعضهما
دلال بلهفه:يمه يمه يمه وينش
وضحه من داخل الغرفه:دلول تعالي
دخلت دلال الغرفه المظلمه:هلا وضــــ.......
اقبلت مهروله قلقه شاحبة الوجه:وضوح شفيش
وضحه وهي تمسح دموعها مافيني شي
دلال بنرفزه:وضحه تكلمي قولي وش فيش
وضحه وهي تدخل موجة بكاء عنيفه:امي امي يادلال راحت مع خالي اامس
تجمدت بل ماتت الروح بداخلها فهذا يعني لارؤيه لامها مره اخرى
رددت بدون وعي:راحت ؟
سقطت على الكنبه جامده ومتصلبه
وضحه وهي تجلس بجانب شقيقتها قلقه من صمتها:دلول اسم الله عليش
ثم ضمتها لتسمع نواح شقيقتها التي لتوها تستوعب ماحدث
وضحه ببكاء ودلال في احضانها:دلول اذكري الله وانا اختش لابغيتي تشوفينها بيوديش لها نايف ولا هوب من بعد السعوديه من قطر
وقفت بسرعه واتجهت للمجلس الذي يجلس فيه نايف
دلال وقد ابشعتها الدموع الغزيره:نايف امي راحت
نايف وهو يقف لها ويقترب منها:دلال اهدي واذا راحت ماعليها خلاف ان شاء الله عند اخيها واهلها
فتحت عينيها الحادتين ونظرت له بنظرة صدمه:عادي البيت يفضى من زول امي عادي يفضى من صوتها عادي يفضى من ريحة بخورها عادي يفضى من قهوتها الصبح والعصر عادي ادخل ولا انخش في حضنها
وضع يده على كتفها مواسيا اياها:دلال هذي سلوم واعراف لازم نمشي عليها
لكمته على صدره بقهر:وش ذا السلوم اللي خذت امي مني وش هي
ثم بدأت تصرخ غاضبه معترضه على ماحدث
لكنه لم يترك لها فرصه وهو يدفنها بين اضلاعه ويكتم صوتها بضغطه عليها اكثر فأكثر
............................................................ ..
في المزرعه
كانت النساء تجتمع في الخارج على بساط رقيق
ام شاهه وهي تقبل سعد الصغير وهو يبكي متذمرا:يافديت ولدي ياعرب يازينه
عليا بعصبيه ونرفزه:يمه تكفين عطيه امه خليها تسكته آجعني في راسي
صمت الجميع فهي منذ ان حدث ماحدث وهي غاضبه عصبيه ضاغطه على اعصابها بشده مفرطه
شاهه وهي تأخذ سعد وتمدده لترضعه:طيب قومي ريحي داخل
عليا بنرفزه خفيفه:مالي خلق طقت كبدي من القعده في البيت
وقف اما شاهه وهو يضع كفيه الصغيرتان على خصره ويصرخ:انتي من جيتي وانتي تشيلين هذولا خلاص عاد شيليني انا
ضحكت وسحبته لأحضانها بعد ان مدت سعد لحصه لترضعه:لانك رجال ماشيلك خلاص اشيلهم هم عشانهم صغار مايعرفون يمشون حراااام
ضيدان وهو ينظر لسعد برحمه:صح مسكيييين خلاص شيليه عشان الله يوديش الجنه
نوره بضحكه:ههههههه ليه متصدقه عليه هي
صرخ سعد باكيا فأسرع ضيدان جاريا ليجلس في حضن شاهه وينظر لها:خلاص انا جيت قبله
ضمته وهي تضحك:هههههههههههههههه لبى عينك
اتاهم صوت الجد بجهوريه:ياعرب
ام سعد:اقلط يابو سعد
دخل ليجلس بجانب ام سعد:هابشروني اربكم مرتاحين
ام شاهه:اول الراحه شوفتك يبه
ابو سعد بابتسامه:لاجا ابوفيصل ماعاد لي لازم
ام شاهه بصدق:والله ان غلاكم واحد جعلني ماذوق حزنكم
ابوسعد:مافيها شكه وانا ابيش بس انا امازحش
شاهه بحب:يازين حتى مزحك يبه
الجد بحب مميز لتلك الام الصغيره:ياشاهه يابيش لاتعلقين قلبي وانتي بتروحين وتخليني
الجده مازحه:ليه وانا مالي عازه
ابوسعد بضحكه:الا انتي راس المال ياام سعد
نوره:هههههههههه يبه هذا ويش هو خوف ولا احترام
ابو سعد:ههههههه ياخبثش يابنت سلطان غادية لامش هذا يسمونه غلا
ام نهار:هههه ليه يبه وش شفت من خبثي
ابوسعد:ليه وسواتش فينا يوم قلنا سلطان اعرس وهو مابعد حتى خذاش
اعتلاها الخجل من ذكر تلك الذكرى الموجعه
نوره بحماس:ويش هي يبه تكفى علمنا بها
ام نهار برجاء لوالدها:لايبه لاتقولها
حصه:الا يبه قولها
الجده:انا اللي بقولها
ثم اكمات:مره من المرات خطب سلطان ثمينه وفرحنا انا وابيها بس قلنا بناخذ رايها ويوم خذينا رايها قالت انها ماتبيه احتر لطام (ابو سعد) وهو مايبي يغصبها واتفقنا عليها ويم جا عقب يومين جانا ابو سعد وانا وهي ومن حظنا ان نوره ذاك الحين تعيبينه من حمالتها بلطام وفي حجرتها قعد معنا قالي ها ياام سعد بشريني وش قالو العرب يوم حاكيتيهم
قلت له:والله يابوسعد المره شكلها موافقه بس بتشور رجالها
ابو سعد:الله يقدم اللي فيه خير
ثمينه باستغراب:اي مره يمه
ام سعد بعدم مبالاه كاذبه:مره حاكيتها اخطب بنتها لسلطان
وقفت ثمينه مفجوعه:ويش
ابوسعد:اسم الله عليش وانا ابيش شفيش نطيتي كذا
ثمينه بخجل وخوف من ان يكشفها والدها:ها لا يبه مافني شي جعلني فداك
ام سعد:يالله ياربي توفق وليدي وترزقه ببنت الحلال اللي تسعده
خرت دمعتيها وهي تخبيها عن والديها فهي لم ترفض سوى الا انها تود ان ترى مدى حبه لها فأن خطبها مره اخرى فذلك يدل على انه يحبها ويريدها وان لم يخطبها فذلك الموت لا محال وهذ ماتبين لها
ومرت يومين وهي في حزن وكآبه ودموع لاوقوف لها
وفي وقت العشاء كانت ام سعد قد اتت من الخارج تمثل السرور
ابو سعد:ها بشري
ام سعد:ابشرك وافقو وافقو
هبت واقفه باكيه:اشهد ان مافيه خير ولا يستحي ولا ثمر فيه المعروف
ثم هربت لغرفتها
ابو سعد بهمس:الظاهر انها بتزين ياام سعد
ام سعد وهي تتجه لغرفة ابنتها بعد ان خلعت عباءتها:الله يسمع منك
دخلت غرفة ابنتها لتجدها منكبه على فراشها وتبكي
ام سعد وهي تمسح على رأس صغيرتها المدلله:ثمينه يابنتي وش فيش
ثمينه وهي تضع رأسها على صدر والدتها:يمه انا ابيه بس هو مايبيني انا عيت منه ابيه يخطبني مره ومرتين عشان اشوف هو شاريني مثل ماانا شاريته ولا لا بس هو مايبيني مايبيني
ام سعد وهي تضم صغيرتها بفرح:لو انه مايبيش كان خطب بنت من بنات خواله ولا خطب من بنات جماعتنا وانتي تدرين ان كلا يبي سلطان صح ولا لا
اومات برأسها بالموافقه
ام سعد وهي تقبل جبين ابنتها:اسمعي وانا امش حنا لاخطبنا له ولا عطيناه خبر انش عييتي منهبس ذالحين بنعطيه خبر انش موافقه ولا تقولين لا
اسدلت ستار الحياء على محياها وصمتت
لتعرف والدتها الجواب
الجميع:ههههههههههههههه
حصه وهي تغمز لعمتها:ياعيني ياعيني ياام نهار
نوره بضحكه:انا بروح اعلم ابي عشان يغتر عليش
ام نهار بخجل غاضب:اقعدي قبل اقوم عليش
رن هاتف حصه ليلتفت الجميع لها
حصه وهي تقف:عن اذنكم
ابتعدت لترد على هاتفها فهو نبض قلبها الميت
حصه ببرود:الو
فلاح:مرحبا
حصه:خير
فلاح بأسى:حاب اعرف رايش عقب ماهديتي
حصه بألم:رايي سمعته قبل تسافر لها
فلاح:حصه صدقيني كل شي غصب عني صدقيني
حصه وهي تنتقم لكرامتها:تدري احس الله ماكتب لي البزر اللي راح كنه يحميني منك ومن اني ارتبط بك عقب سواتك ذي
فلاح بانتقام ايضا:وليه ماتقولين ان ذا ضعف منش وعيب فيش
غضبت بل ثار جنونها:نعم .... انا ضعيفه
اكملت وهي تزفر غضبا:تدري فلاح انا مابي اتطلق عشان اثبت لك من الضعيف فينا بس تحمل مابيجيك
فلاح بفرح يكبته فقد وصل لمقصوده:ماتقدرين ياحصه انتي اضعف من كذا واضعف من انش تكونين ام
ازداد غضبها فهو قد استدل على جرحها:الايام بينا يافلاح
ثم اغلقت الهاتف لتعود لجلستهم متناسيه ماحدث اتعلمون لماذا لانها لم تستطع تخيل حياتها من دونه او من دون العيش معه
............................................................ ................
في طرف اخر
كان يرفعها قليلا عن صدره ليهمس لها:ها شلونش الحين
ابتعدت بخجل وحزن قاتل:زينه بس تكفى نايف خلنا نغير سفرتنا ونروح للسعوديه
نايف:ابشري بسوي اللي يريحش
عادت تبكي فقدانه الذي هي السبب الاول فيه
نايف بيأس:يابنت وش يبكيش ذالحين قلت لش بنروح
دلال ببكاء:آسفه آسفه نايف جد آىسفه
نايف وهو يمسح دموعها بابتسامه مرحه:شوفي انا مسامحش بس مدري على ويش
دلال وهي تضحك من وسط بكاءها:ههههه
نايف بجديه:يالله قومي السي خلينا نركب سيارتنا ونتوجه للسعوديه
وقفت بهمه:ابشر
واتجهت لشقيقتها
وضحه وهي تنزل الصغير بجانبها:وين بتروحين
دلال بابتسامه:بنروح لديرة خوالي نجيب امي
وضحه بفرح:صدق ؟
دلال وهي تلبس عباءتها:قولي ان شاء الله
وضحه:ان شاء الله
قبلت وضحه والضغير ثم قالت:يالله مع السلامه ادعي ان حنا نروح اثنين ونعود ثلاث
وضحه بصدق:آمييييين يارب
ثم خرجت لنايف ليركبا السياره
حين ركبت بجانبه قال بمرح:ارحبي ياللي خربتي شهر العسل
نظرت له بنظره غريبه لم يفهمها
لمنها كانت تقصد ان جرئته تلك تسبب لها الجراح والالم لانه يقصد بذلك انهم اخوه لا زوجان
شغل السياره وقرأ دعاء السفر وتحركا متجهان للمملكه قاصدين مكان منزل اخ ام وضحه
............................................................ ...............................
في المزرعه
كانت سيارة الجد ابو فيصل تقف امام البيت
في حين كان عساف يقف امام المنزل معلقا احدى (الذبايح ويصلخها)
اتجه عساف للجد بعد ان غسل يديه للسلام عليه
ماان اقترب اخفض نظره حين تراءت له الفتاه التي معه
لكن رفعها بسرعه حين سمع الجد يقول بصوت هامس:جواهر روحي عند عمتش
نظر لها وهي تبتعد فومضت اما عينيه ذكرى قديييييييمه جدا لكنه تعوذ من الشيطان:اعوذ بالله من الشيطان وش جرا لي
اما هي فقد اشتعل قلبها حبا اكثر واكثر له وازداد شموخا في عينيها
سلم على الجد ثم اخذ يعاونه وهو يمسك بيده متجهين لخيمة الرجال
.
.
.
.
.
.
دخلت وهي تبعد غطاءها الذي يكشف عن ملامحها المعاكسه لملامح دلال فهي في رقة النعومه وتروفه ودلعها يزيد من ذلك
قالت بصوتها الدلوع الهادي:السلام عليكم
الجميع:وعليكم السلام
ثم وقفوا للسلام عليها
وبعد السلام وبعد ان خلعت عباءتها قالت الجده:شلونش ياجويهر وشلون امش
جواهر:بخير يمه انتي شلونش وشلون ابي لطام
الجده:طيبين جعله يطيب حالش
ام نهار:جوهار يامي وشلون وضحه ووليدها ودلول ونايف شلونهم
جواهر بخجل خاص:طلهم طيبين يمه
ام شاهه وهي تنحني على جواهر وتهمس لها:تبينا نروح في البيت داخل
جواهر يهمس: لايمه عادي عطيني فاصوليا
ام شاهه وهي تمد فيصل على جواهر:ههههه دلعش ذا مدري وشلون هو قايل ان سمعتش ام سعد بتزعل
حصه وهي تهمس لهن بحيث هي تجلس بجانب جواهر من الطرف الاخر:مالومها اجل تقول عن الذيب فاصوليا
جواهر وهي تبعد خصلات شعرها المتمرده:هههههههه اما عاد الذيب
دخلت عليهم ثمينه وهي تبعد غطاءها:سلام عليكم
الجميع:وعليكم السلام
وبعد السلام قالت الجده بشك:وين نهار
ثمينه وهي تخبئ وجهها عنهم حيث كانت تخفض رأسها:في المجلس
الجده بحزم:دقي لي عليه
ثمينه بارتباك:ان شاء الله
ثم اتصلت به ومدت الهاتف لجدتها تحت توتر الجميع:هاش يمه
نهار يحزم:خير داقه شتبين
اتاه صوت جدته غاضبه:ماقلبي بخبل تعال
نهار بتوتر:يمه خليـــــ..............
اغلقت الهاتف في وجهه رغم صعوبه الرؤيه عليها
ضرب رجله في الارض بغضب والم فهو لايريد احد يعرف بما بينه وبينها فلماذا تبوح باسرارهم
اتجه لمكان النساء حيث سيتم استجواب جدته له
ماان اقبل عليهم حتى ارتفع صوته:احم احم ياعرب
ام سعد:تعال تعال مابه احد
اقترب وقبل جبين وانف جدته ثم جلس بجانب ثمينه حيث يجلسان امامها
الجده بغضب:ها علمني ياولد ثمينه وش عندك من علم
نهار وهو ينظر لثمينه وهي تخفض رأسها وتمسح دمعه تمردت عن سيطرتها فوضعه في محل ضعف يؤلمها وان كان من اجلها
اما هو فقد آلمته حركتها لكن غاضب مما قامت به
نهار بقوه تنهد:آآآه مابه الا علوم الزين
الجده بغضب:وش بينك وبينها ماازعلك منها الا شي كايد
نهار:مابه شي الله يرضا لي عليش ولانيب زعلان ماتخطي بنت سعد عشان يزعل عليها
الجده بغضب اكبر:نهاااار لاتكذب علي
نطقت هي بصوت يملأه بكاء مؤلم:يمه جعلني قبلش خلاااص
الجده بألم من حالتها:جعلش السلال علميني خليني ارويش فيه
ثمينه وهي تقف:يمه مابيني وبينه شي
الجده بعصبيه من سلبيتها:ثمينه انتي ذاله منه وانا موجوده
نهار وهي يقف ايضا:يمه الله يهديش مافينا شي
الجده في ذات العصبيه:انت لاتحكي مهوب جاي منك الا كل وجعه
ثمينه وهي تمسك بيده ثم تقترب لتقبل خده بتهور صعقه هو وجدته:ها شفتينا مافينا شي خلاص يمه ثم هربت للداخل مخبئه دموعها التي ازدادت وحزنها الذي حطمها
الجده بيأس:ياولدي ترا ثمينه تحبك والله انك تسوى عندها الدنيا ومافيها وهذا شي الكل يدري به لاتضيعها لاتضيعها وانا امك
اما هو فلم يكن معها بل مع من انتزعت قلبه ودخلت به للداخل فانسحب من جدته بهدوء ودون اي كلمه
........................................................
في المجلس
كان ابو سعد وابو فيصل يجلسان بجانب بعضهما ويتحدثان بصوت منخفض
ابو فيصل بعصبيه مكتومه:مانيب لايمه انغبن وانتو زدتو غبنه
ابو سعد بتفهم وهدوء:ياخيك حنا نتتقا اشر وهم مثلنا لكن عوالهم مارضو مثل ماعوالنا مارضو
ابو فيصل بعصبيه اكبر:ليه نتتقا شرهم وحنا اللي معنا الحق
ضحك ابو سعد بخفه:تدري ياناصر عوالي كلهم غدو لك وكلكم مانتو بفاهمين الدنيا تبون تاخذون حقكم لو ان فيه كسر لمارثتنا في السنين الجايه
ابو فيصل بابتسامه محت كل عصبيه:جعل ربي يخليك لنا ياعودنا
ابو سعد بتنهد:شف وانا اخيك انا ابي الكل ينسى اللي صار تدري ليه عشان عوال ناصر مايعيرون باللي صار لامهم وانت تدري ان العرب ماعليهم الا من اللي شافوه السالفه ذي لازم تروح وتنمحي ياناصر
ابوفيصل بتفهم:وهم ليه مايدارون مثل ما حنا نداري
ابو سعد:هم يدارونن بس مهوب اللي حنا نداري لا هم يدارون سوات ولدهم اللي ذبحناه
ابوفيصل:بس سواتهم مع نهار مهوب سوات اللي يتتقون الذبح
ابوسعد بغموض:كلمة صقر موجعه ونهار مهوب ساكت اعرفه والله ان ياخذها من عينه ولو انه نسيبه
ابوفيصل:وش هو قايل له
ابو سعد بهدوووء:رياجيلكم ونسوانكم واحد هذي كلمته اللي ماتغفر عند العوال
...........................................................
بـــــــــــــــــقــــــــــــ شـــــــــادن لــــــــــــــــــــــــــــــــــــم

تسلم الايادي شدونه

صقر يملا السلال اللي يسل بطنك هذا وانت مناسبهم
جعلهم الزين فيك ان ضرب براس القاع علشان تعرف النسوان من الرجال


نايف ليش معقد الدنيا البنت تقول انت مو اخي وانت تقول اختي

عليا الله يعين اللي يذبح المره لصار التجريح مجاهر

فهاد مفروض تراعي انها مره ياثور


جواهر وعساف الموقف اللي صار هو انقذها من موقف هي تنظر له انه بطل
وهو من مفهومه انه ستر على بنت

حصوص اللله يكون بعونك
فلاح ياخسيس مافي شي يغفر لك

نهار ليش نحاول نجرح اللي نحبهم بدال مانحتويهم

ثمينه جرح الحبيب دايما قوي

في انتظار البارت القادم

السلام عليكم ورحم اله وبركاته

يااااااااهلاااااااا وغلااااااا بالحلااااااا كلللللله شدونه هنا
نورتي ياعسل والف الف مبروووك على النجاح عقبال التخرج


تسلمين شدونتي على البارت الرائع اشتقنا لك ولابطال رواياتك

ضيداااااان يالبى يالبى والله هالولد يجنن يجنن اولاا خربهااااا مع عليا وفهاااااااد يوم يقول بقره

وثانيا يوم انه يغار على شاهه من عيالهاااااا اجل حرام مسكين لبى الرهيف والله

دلال ونايف
ياقلبي عليك يادلال ماتنلامين هذي امك وبعدها عنك مووووت بس سبحان الله يمكن سفرها
يخليكم تتقربون من بعض وتبدون تتعاملون على اساس انكم معاريس مو اخوان

ام نهار
اجل طلعتي مانتي هينه وميته على سلطان اجل التغلي والتمنع لييييه
كان وافقتي وفكيتي اهلك من هالتمثليه ياحليلك ضحكتيني والله

حصه وفلاح
يالله حرااااام هالاثنين يعورون قلبي اذا ظلت حياتهم معتفسه كذااا بس انا اتوقع
ان فلاح ما هو بمعرس يمكن يسوي كذا عشان يصحصح حصه ويخليها تنسى الي صااار

ثمينه ونهار
كنتوا اروع ثنائي وش الي جرا لكم شكلها عين وصابتكم من يتوقع يصير لكم كل هذاااا
بس حرام عليك يانهار وش ذنب ثمينه تفرغ زعلك وغضبك عليها المفروض انك تلااعي انها حامل بعد
ولا تضغط عليها زياده
بس حركت ثمينه فيك اثبتت انها شاريتك ومو راضيه عليك بشينه

صقرك
كرهتك الله ياخذك هذا الي يقول فوق شينه قواة عينه المفروض على سواة ابوك وعمك عينك
ماترفعها فيهم مو تهينهم وتقول حريمكم ورياجيلكم سوا
والله العيب فيكم ومو فيهم

شدونتي تسلم يمينك يالغلاااااااا

صباح الخيرات .........مبروك النجاح شدونة ......وحشتينا ووحشونا ابطالك .......... تسلم ايدك على البارت الحلو


حصة وفلاح

والله مافهمت من المكالمة شي هل فليحان جاد بسالفة الزواج والله مقلب له غرض معين منه ....اذا كان كذا الله يوفقه

واذا كان بيتزوج صدق الله لايهنيه ولا يتمم له بخير ......اعتقد مافي اي سبب يجبره يتزوج على حصة الي تموت فيه وزواجه بيدمر نفسيتها وبيكسرها ..... شدونة بردي قلبي ووضحي لنا الحقيقة ومابنخبر حصوص هههههه


ثمينة ونهار

نهار زودها حرام عليه صدق ال دبيس كلهم زبالة بس مايسوى يخرب حياته علشان واحد زفت مثل صقيران ........ثمينة والله خوفتني عليها وحاسة الي صار بيأثر على ولادتها .....مايستاهلون خراب علاقتهم



جواهر وعساف

زاد فضولي اعرف سالفة هالثنائي وايش الي صار بس حاسة انو حب جواهر وتعلقها في عساف بيقابله صد وسوء ظن من عساف حاسة هالموقف عساف فسره غلط والله يستر من بداية زواجهم


فهاد وعليا


والله عليا تستاهل وهي صدق بقرة ........ ومااعتقد الوضع بينهم بيصطلح قبل زواجهم .. عليا اذا قبل زواجها هذي تصرفاتها مع فهاد بعد الزواج الله يستر منها



دلال ونايف

يمكن سفرتهم للسعودية تقربهم لبعض او تخلي دلال تعترف لنايف بحبها له كزوج وان شاء الله مايطول وضعهم على ماهو واتمنى ام وضحة تقدر جية بنتها وهي عروس وترضى ترجع بيتها قريب من بناتها



صقيران

الله لاينولك الي ببالك هذا وانت مااخذت بنتهم وتغلط عليهم اذا صارت نورة عندك ماراح ترحمها لاانت ولا امك وشكل الزواجة للانتقام وبترجع نورة مطلقة وهالشي بيكون ذنب برقبة ابوها وجدها اذا هالكلمة ماهزتهم اجل ان شاء الله يصير شي كبير وماتتم هالزواجة موقاهرني الا الشيبة الكبير ماادري كيف ضامن انو نورة ماتنضام عند ال دبيس والله خفت عليها منهم



ضيدان وحركاته هههههههههههه والله فضيحة ... اشوف نسى فصول وصار همه عيال شاهة هههه




في انتظار البارت الجاي