كاتب الموضوع :
ديمـــا
المنتدى :
القصص المكتمله
(22)
()(()( قبـــل أن نتـــأمل فـي السمـاء هنــاكـ فـرصـة للتأمــل فــي الأرض )()(()
_
_
_
مدخــــل :
اطلق العنـــان يا قلبـــــي
فاليـــومـ مــوعــد الألـــم ...
ترى سيـــــــلاً من الـــدمــوع .. و بركاناً من الدمـــــاء
فنمتنع حتـــى عن البكــــــــاء ...
قلوبنـــــا باتت قاسيــــة ... دموعنــا اصبحــت نــادرة !
مشــاعرنا ..أحاسيسنـــا .....
لا مكـــــــــان لهــا في أجســــــــــــادنـــا
نــرى دنيــــا مظلمــــــــــة !!
والشمـــــس فوق رؤوسنا ...
ننهــــــار من أدنــى عـاصفــــة ...
و نخــاف من ظلالنـــــــا ....رضينـــــا لأنفسنــــا المــوت
لإننــــــا فــي زمــــــن الصـــمـــــت و القهــــر ....
-
-
فتحت عيناها بتباطؤ فظيع ...فالألم ارق هدبها .. والدمع أحرق وجنتيها ..
اطلقت تنهيــــده عميقة وهي تتذكر حالتها البائسة البارحة وقبلها وقبل وقبل !!
تذكرت تلك الليلة الحزينة ....تنهدت بعمق ...كل الليالي باتت متشابهة لديَ !!
اعتلتها زفـــرات قاسية ألهبت جروحهــا النازفة ... فاجتاحتها موجة عارمة من الدموع وهي تتذكره ..اسيرة لذكرياته العذبة وحتى القاسية ...!!
تسيــر بخطى متفقة فيما بينها على الإضطراب ...إلى أن وصلت لذاك المكــان !
مدت يدها بإرتجاف ...سحبت ألبوم الصـــور ..... سقطت عيناها على ذاك الناكر الذي تنكر لها
ورماها في زنـــزانة الأحــزان ...( أنت سبب حزني يابندر كل الحزن ماعرفته إلا منك ومن بعدكـ)
من غير شعور ماحست بحالها إلا وهي تمزق الصـــور بحركات تنم عن قهــرها و اضطراب مشاعرها الجريحــة ...!
ناظرت آخر صورة كانت تحبها كثير ....
( ليش الناس تبكي لجروحها وأنا جروحي بكت لي يا بندر ليش ..؟ ليش الناس تسامح و تنسى وأنت ما تسامح ولا تنسى ...؟ ليش الناس كل الناس تتجاوز عن اخطاء بعض إلا خطئي أنا محد تجاوز عنه ليش وبظل طول عمري ادفع ثمن غلطتي اللي امي هي السبب فيها ..؟)
و مازالت تخاطب صورة ذاك الشـــامخ بنظراته الجذابة في الصـــورة ..!!
تقوقعت في غرفتها دائماً ولا تخرج منها ....حتى مكالمات ابوها اصبحت ميب فارقة معها .... الدنيا صارت عادي ماعاد يهمها أي شيء بإستثناء رجعة ابوها و اخوها فقطـ ....
<؛> حتـــــــى إشعــــــار آخـــــــر <؛>
هكـــذا هي حيـــــاتها ....كل ما تتأمل تستدركـ حتى عوـودة من ينتشلني من قوقعة بندر ...
من يا ترى ....؟؟؟
-
-
()( من الجـــــــــانب الآخــــــــر )()
بنـــدر و صوفيـــأ
" حياة روتينية طلعات و سهرات ولكن المشاعر خرساء ونظرات بندر القاتلة تسبب لها توتر نوعا ما ..."
في الأوتيل
بندر مستلقي على الأريكة يفكر < الواحد مايعرف وين الخيرة فيه بس عاد صوفيا النذلة الخسيسة وربي لو هي غيرها كان بحاول اتقبلها واسعدها لو اني ماعاد بحب من بعد الجمال زينة ..! بس مدري شفيني مانيب قادر انساها ! في بالي وربي كل وقت ...اناظر صوفيا اتخيل لو كانت زينة يالله وش كبر حجم فرحتي بتكون ..؟ بس مدري عن فرحتها ...!! معقولة زينة تركتني خلاص كرهتني ..هي قالت لي ما ابيك الله يصبرني عليها دلوعة امها زينة للحين بس القلب تعلق فيها وبقوة الشكوى لله و صوفيا ينقالها تتحدى بس أنا لكـ >
قاطعته صوفيا اللي تانقت جداً : وش تفكر فيه حبيبي ...؟
بندر من دون ما يناظرها ( حبيبي ماهضمتها منها خير شر من كثر ما تغرد فيها له صارت عادية على لسانها الظاهر ) : ولا شيء انتظرك تخلصين
صوفيا جلست قباله بدلع : وش فيكـ متملل طيب ..؟ فيه معرس يتملل وهو بشهر العسل ..؟
بندر ابتسم بسخرية من لبسها : اول شيء ما يشرفني وحدة تمشي معي من محارمي لابسة كذا روحي بدلي وتعالي احكي .....؟؟
صوفيا ( والله وبدأ اللعب يا بندر) : أنا حره ومحد يقدر يقول لي شيء...
بندر : هههههههههههههههه من ناحية حرة أنت فعلاً حرة ( عطاها نظرة اخرستها و ذكرتها بسبب حقدها عليه )
صوفيا : انا اشوف لو ناجل لعبة توم وجيري لحد مانرجع الرياض وبلاش التملل عارف ليش ... لإن ودي استمتع بالجو العليل هنا .....
بندر : ميب اول مره تجين هنا حتى المواقع تدلين اكثر مني ماشاءالله وبعدين انتِ تعرفين ان ذالسفر جا من تحت تخطيط الوالد صح ..؟ يعني والله عندي تحقيقات حرام سلطان لوحده يتحملها ...
صوفيا قربت له و ابتسمت بتقهره : بندوري حتى وانا هنا بتحاكيني عن شغلكـ !!
بندر ( مازال يناظرها ويتخيل لو كانت زينة عشان كذا تأملها وبعدين استدركـ إلا إنتِ تهبين تقربين والله) : يالله نطلع عشان نرجع بدري
صوفيا : ليش وش ورانا حياتي ؟
بندر من دون ما يناظرها ( تذكر هي اللي جرحت قلب زينة يوم كانت واقفه تحاكيه بزواج اميرة و هشام وود وسعود وهي اللي جته فـي .......) : بكرة بنرجع
صوفيا بإمتعاض : عفوا ماسمعت
بندر بحزم يناظرها : نظفي اذنك اجل
صوفيا : انا صوفيا بنت عبدالله شهر العسل تبعي 8 ايام بس والتاسع برجع
بندر بنظرات جدية : مشكلتك والله كانك رازة عمرك عشان اسمك مبسوطة فيه لهالدرجة ( ناظرها بإحتقار) انتِ احمدي ربك اللي رحتِ شهر عسل
صوفيا كتفت يدينها : و بأمر مين هذا ... بابا وعمو قالوا لي راح نجلس شهر عارف كم شهر 10 ايام و 10 ايام و 10 ايام ..
بندر ابتسم ( هالبنت من جد ماتستحي يعني على سوء فعايلها جايتني انا بعد تتحداني ياليتها ميب بنت عمي بس ) : شوفي أحكام قراقووش هذي ماعاد تهمني خلاص ههههه
صوفيا : ياسلام اللي اعرفه انك تحب السفر
بندر بلؤم ناظرها : كنت لاحظي اني كنت
صوفيا عصبت : احلف بس وليش كنت وإلا لين اول مع المغرورة المعقدة زينة
( هالأسم ذكرني فيها بعد ما نسيتها لدقايق )
بندر ناظرها يحس دمه بيفور بس تدارك : اولا صوتك لا يرتفع انا منب بحب البنت اللي ما تستحي ( عطاها نظرة شافتها منه هي بس وين .......؟؟؟ ومن بعد ذاك اللقاء وهي تحبه وتعشقه ) ثانيا اسمها لا يجي على لسانكـ فاهمه !
صوفيا رفعت صوتها تعاند : نعم نعم ...عفوا ماسمعت بندوري ممكن تعيد !!
بندر لفها لفه وقربها وناظرها بنظرات تهديد : اعتقد كلامي واضح منب بحب اعيد الحكي فاهمة ! واحب احطك بالصورة اذا ماتعرفين بندر انشدي عنه
صوفيا بمسخره : انشد ( تقولها بمسخرة لانها ماتطيق ذالكلمة ) زينة بعد او ...
( بندر تدارك نفسه وإلا كان شوي ويطقها بس اخذ درس بعد اللي صار له قبل ) عصب بقوة : والله عاد مالك شغل تاكلين هواء و تسكتين بس أنتِ تذكري بس اني اخذتك مجبور ليس إلا فاهمه !!!
صوفيا تبتسم : كسرت خاطري يحوول تحبها وهي سوت فيكم كل اللي سوته نزلت راس أمك بالأرض ......
بندر بعصبية فظيعة صفقها كـــــــــف قوي ( اخذته من بندر قبل بس ويــــن ..؟ )
و صرخت
-
-
بندر بنظرة إزدراء : تهبين والله بس ذا اللي متوقع من وحدة مثلكـ يعني ماخاب ظني فيكـ وانتِ عارفة وش اقصد ..!
صوفيا ماسكه يدها و تزعق : لا يكون على بالك اني النفسية زينة تطقني متى مابغيت ادري إن حياتكم كلها طق وطقاق !
بندر (والله ما ناقصني غير صوفيا تحكي كذا عن حياتي أنا وملاكي ) شدها مع شعرها : لا ابوك ولا ابو من رضى يستر عليك ...تدرين وش المفروض يوم شفتك معه انطلك بالسجن وتصير فضيحتك بجلاجل بس ما سترت إلا من باب فأذا بليتم فاستتروا .....
صوفيا تضحك قامت عنده : وأنا ما حطيتك براسي إلا عشان اثبت لك أن هاللي تلفظت عليها وقلت عنها مو متربية وامها داجة عنها صارت زوجتك لا وبالغصب عنك بعد....
بندر جته نوبة صداع ( حسبي الله عليك حسبي الله عليك يا صوفيا ) ناظرها بنظرة جارحة هزت لها كيانها كله و توترت نوعاَ ما لإنها تحبه مثل ما تقول لصحباتها !!
بنــــدر قرب لها رفع راسها بقوة فظيعة : انا منيب من اصحابكـ اللي يدورون رضاكـ فاهمه ويركضون وراء ظلكـ أنا يشرفني ( ضغط على وجهها بقوة ) يشرفني اني اكون مجبور عليك لإنك دون مستواي اصلاً ..
تركها بقوة و سحب نفسه طلع برى الأوتيل و القهر يغلي وريده .......
صوفيا تجمدت في مكانها و خافت من نظرا ته وقررت تتحداه ( وأنا ما اخذتك يا بندر إلا عشان اذلكـ و اصير زوجتكـ من ورا خشمك أنا صوفيا اللي تلفظت عليها و شتمتها وطقيتها و قلت مين بيضفك و يتزوجك وانت مسويه كذا !! هههه انت براسك اخذتني ومو برضاكـ بعد وذا اهم شيء بس يلعن شكله شكلي حبيته ادوخ من نظراته )
-
-
-
-
(( لــم يعــد هنــاكـ علامـــات فــارقـة ..كل الأقنعــــة متشابهــــــة ))
طبعــــــــاً ظهــرت لكم حقيقة تعمدت أن اخفيها إلى أن تصل إلى هذا الموقف
< في يوم العيد تتذكرون يوم الهنوف وداليا طرطعوا في الإستراحة من داخل ^_^ ..... ذكرنا ان صوفيا
غادرت للمنزل في المساء للقاء صديقاتها ومعايدتهم ....
كان بنـــدر مستلم يوم العيد
يجلس خلف مكتبه الفخم في مقر العمـــل ....
سلطان دخل يصفر << اقرب صديق لبندر : يالله أنا طالع بدأ دوامكـ استلم..؟
بندر بألم : وش ورانا انا لو بيسلموني كل الأيام عادي ميب فارقه معي
سلطان : قوية يارجال تراك متزوج خخخخخخخ احمد ربك غيرك يتمنى
بندر : ياشيخ وش لك بالزواج غرابيل و قرف هم وغم والله
سلطان : ههههههههه وش قصتك يارجال من يصدق بندر يقول كذا كنت مصدع براسي قبل اعرس و اعرس
بندر : ياشيخ طفة هي سنه سنتين ( تنهد وهي يتذكر زينة اللي بالبيت جالسة ) وبعدين
سلطان : منتب صاحي من يوم ماشفتك ذاك الليلة فالها بالإستراحه هههه ونمت هناك عرفت انك بديت ترجع للدشرة قبل العرس
بندر يبتسم وهو ماسك القلم : ههههه تعرف مايهون علي ان سلطان و سعود افرند فرندز لي ولا اشاركهم
سلطان : اقول يا فرند هههههه استلم فيه عندك شغل
بندر : أي والله التحقيقات شغاله اليوم مع انا بعيد الله يحمينا بس
سلطان : البلاوي ما تكثر إلا بالعيد اليوم بس تخيل اللي جابوا لنا الهيئة قبضوا على 6 عيال مع خوياتهم
بندر : الله ينهض عنهم ولا يبلانا ياخي وين اهالي هالبنات عنهم .....
سلطان : الله المستعان يالله مااعطلك نشوفك مر علينا بالإستراحة
بندر : اذا خلصت بإذن الله << مكنسل جد ابو زينة لانه مايطيق يشوفها كسيرة ..
شويات ودخلوا رجال الحسبة ومعهم بنت ملسونة تتلفظ عليهم ومعها شاب يهاوش بس قمط اول ما شاف بندر
بندر رفع راسه وشاف : بس أنت واياها قلة حياء ومسخرة احترموا اللي اكبر منكم ...
..........شهقت : بندر
بندر استنكر انها عرفته ( ياليل لا تصير اللي جتني بالمستشفى وسببت لي زحمة مع زينة وشذالدشير بس حياتي ميب ناقصه وش دعوة زينة بتسألك حتى كيفك ماعاد تنسمع منها وحشني همسها )
رجل الحسبة : شف ياحضرة المحقق هالبنت لقيناها فاله السبحة مع هالولد في إستراحة ولاهوب اخوها ولا من محارمها حتى ...؟
بندر : سم طال عمرك تفضل حياك وانا اتابع الشغل الله يجزاك خير ...
طلع رجل الحسبة و بندر يقرأ الأوراق ....
بندر بوقاره : وش اسمك ...؟؟
.....قامطة وخايفة بقوة ...
بندر تنهد : اعتقد اني احكي وش اسمك ...؟
..........قامطة العافية وبكت ....
بندر : يالله شوفي اختي ياما تحكين ياما ناخذ رقم ابوك او اخوانك يجون يستلمونكـ وانت ساعة لاطعتنا ترى الخدمة ميب بس لك فيه 5 بنات عليهم الدور الله يرحمنا برحمته بس ....
الشاب اللي معها : ياخوي حنا شباب وفاهمين عدها لنا عشان هالقمر بس والله اهلها اشهر من نار على علم عيب ..
قاطعه بندر : تعلمني شغلي يعني وبعدين دام ان اهلها اشهر من نار على علم على قولتك ليش ما احترمت ثقتهم ولا سووت المسخره ذي وللمعلومية ترى هذي 5 او 6 مره نشوفك مع بنت مابعد طلع لك عقل ...
بعد التحقيقات ..
انكشفت الأسماء
بندر يوم عرفها ....مجرد اسم الفاملي نيم اخرسه انصعق ويوم اعاد وتأكد يحلق عيونه فيها بقوة .......
الشاب تبرأ من كل شيء طبعا وهو من أهل جده واسمه ايمن بس يشتغل بالرياض << خسيس و نذل بس تستاهل هي بعد
طلع الشاب وله عودة لإكمال التحقيق..وبقي بندر متجمد دمه يفور بقوة
قرب لها ووقفها بقوه : لا ابوك ولا ابو ام جابتك يالحيوانة ...
صوفيا بخوف : لا ترفع صوتك خلاااااص
بندر عطاها نظرة اللي شافتها منه وتذكرتها : لك عين يالداشرة بعد لك عين
مسك راسه : الله يسود وجهك الله يسود وجهك الله يلعن عدوك يالحيوانة ...
شدها مع شعرها : تشوهين سمعتنا ليش اخذ الله ذالوجه ....
صوفيا بتضجر : تعالج الغلط بغلط مايصير ...
بندر فقد اعصابه و صفقها كف قوووووي
بندر : مع اني منب بطق حريم بس انت من عرضي وعرض عمي وعياله لكذا غصب عليك تبلعين العافية و لا تردين فاهمه
صوفيا ساكته
بندر : مين بيتزوجكـ وانت طالعة مع واحد داشر سكير الله يسود وجهك معه ماتعرفين مين ذا ...هذا ليليا يجي ومعه بنت يعني ينطلها ويروح
صوفيا تناظره : بمخباتي ذا
بندر مسكها وشدها وارتبكت بقوة : ماسك عليك شيء ...
صوفيا ساكته
صرخ بندر : تكلمي
صوفيا لفت عليه وانصدمت فيه ( حست بمشاعر غريبة من نظراته القاسية الشرسة ) :
لا منيب سخيفة لهالدرجة
بندر : بسكت واطبطب الموضوع لشي واحد انك بنت عمي
صوفيا بقلق : بليز لا تقول لاحد الله يوفقكـ
بندر ناظرها : الله يستر علينا وعليك ( منغبن وبقوة ماتوقع هالشيء يصير له ابد )
بندر : يالله بسرعه بقلعك البيت والله يسود وجهك قولي امين
صوفيا حست إنها ذليله مهانه صفقها كف و هزاءها بقوه تحس ماعاد تصبر نزلت دموعها
بندر : أي تبكين الحين ليش مافكرتِ بابوك لو يدري بس الشرهه على امك
ناظرته صوفيا بقهر فظيع
بندر حط يده عند خشمه : اوووص ولا كلمة لا الفعك كف ثاني بعدين استحي على دمك وغطي وجهكـ ترى حرام وعيب .....الله يسود وجهك بإستراحته بعد ذالفه معه ....
استجوبها بندر بس ستر عليها لانها بنت عمه من عرضه عشان كذا طبطب الموضوع وهو يطلب الستر لكل بنات المسلمين .......
بندر : الشرهه ميب إلا على الدلخ اللي بيرضى يتزوجك مين ذالمغفل بس ...!!
وهذا هو الموقف اللي استثار غضب صوفيا و خلاها تحقد على بندر مع انه تحبه موت بس تسوي قويه قدامه وبندر من إحترامه للوعد اللي عطاها لانها باست رجله عشان مايقول لاحد ولا يوضح أي إمتعاض رحمها بندر ونفذ هالطلب .......>
-
-
بنــــدر جلس في اللوبي وهو يحس روحه بتطلع من القهر و الغبينه ( الله يسامحك يبه بس ذا اللي اقول )
تذكر زينة و نزلت دمعة رقيقة مسحها بأنامله ( أه يا قلبي لا استطيع العيش بكـ .. فكم عذبتني .. وعذب قلوب احبتي ..؟ )
-
-
مدخل :
حضـــــور ...
<<>><< من الصعب أن تتبع قلبكـ على الدوام ...
و الاصعب من ذلكـ أن تعيـــش حيـاتكـ في الظلام .... و أن تحقق ذاتكـ في الأحـــــــلامـ <<<>>
حجرف في غرفتـــــه يستلقي على الأريكة واللاب توب بحضنه ...كان مشغل اغنية فيروز
قديش كان في ناس عالمفرق تنطر ناس و تشتي الدنيي
و يحملو شمسية
و أنا بأيام الصحو ما حدا نطرني
صار لي شي مية سنة مشلوحه بهالدكان ضجرت
مني الحيطان و مستحيه تقول
و أنا عيني عالحلى و الحلى عالطرقات غنيلو غنيات
و هو بحالو مشغول
نطرت مواعيد الأرض و ما حدا نطرني
صار لي شي مية سنة عم ألف عناوين مش
معروفة لمين و وديلن أخبار
بكرا لا بد السما ما تشتيلي عالباب شمسيات
و أحباب يخدوني بشي نهار
و اللي ذكر كل الناس بالأخر ذكرني
قطع عليه الجو امه اللي تهاوشه لأنه يحط اللاب على رجوله ^_^ تقول مضر مايصير ..
حجرف سولف مع امه و ابعد عنها الأفكار العجازية هههه على قولته
طلعت امه ....
حجرف بما انه غاص في عالم النت ....اصبح تحت إدارته عدة مواقع بكاملها ...
من الفضاوة احياناً يخش الشاتنق ...
دخل بنكـ " ضب مشخص بكرفته " << -- الله من الهبال براسه خخ
حجرف من النوع اللي يخش الشات يتمسخر و يتريق فقط ليس إلا ...
صارت له شعبية جارفة في ذالشات .... الكل يعرفه ويعيدون على مسخرته و رجته وهباله ...
نواف يخش احيانا إذا فضى وصار مروق مع إنه مايحب الشات خير شر ...
حجرف طبعا مغازلجي درجة أولى ^_^ يعني من بعد خويته اللي خانته دلال صار الكل متساوي معه ولا عاد فيه وفاء لأي بنت ...هو مرفع عمره عن هيك حركات بس البنات اللي يتلزقون فيه يعطيهم فيس وبقوه .. والحب مشروع مؤجل لما بعد الزواج والإستقرار !! هكذا نظريته ....
بما أن الجميع في التشات صار يقدره و يكن له معزة خاصه ..فصار يعطيهم وقت ويدخل هالشات من فترة للثانية وكوَن قروب فله من شباب وصبايا بس كل اللي بينهم أخوة و إحترام ليس إلا ..!!
المهم
ذاكـ اليـــوم خش اخوكم " ضب مشخص بكرفته " بذالشات ... وراح روم اسمها روم الشعر ...
ويلاقي مجموعة مكونة من شباب و صبايا في هالروم .....
(ريــــانة )
( حنيــــــــن )
( سعـــــــــود )
( دعــــــاني الشــــــوق )
و مجموعة كثيرة
بدأ يتريق و يمزح والكل استهضم وجوده خصوصا دعاني الشوق
اللي تعرف عليه وصار من اصحابه بالنت ....
و تطورت علاقتهم حتى كلموا بعض ... وطلب دعاني الشوق من ضب مشخص بكرفته أنه يزورهم بالشرقية و وعده حجرف عن قريب بيزوره بس ليت يفضى ..!!
وبالفعل هاهو حجرف قد بدأ بالإستعداد التام للذهاب للخبر ......عشان يشوف اصحابه اللي ألحوا عليه إلا ويشوفونه ...؟ ياترى وش ممكن يصير له هنـاكـ ...؟ وكيف .... ؟؟؟
-
-
يتـــــــــــبع
وها هو حجرف لا يزال ييغص في عالم النت ....
)(()( شخبار قلبكـ عسى ما فارق افـــراحه...
ادري جرحتكـ و شلت بخاطركـ مني
خســران بعدكـ و قلبي ضاعت ارباحه...
غلطان أدري وأبي منك تســـامحنــي )()()
عــلى الاريكة تقيــــم بحــــزنهـــا و كبت المشـــاعر
بكاء طفلهــــــــا يثير مشاعرها الهوجـــاء ....
تمد يدهــا بكل حنان الأمـــومــة و تضم " حمودي" لقلبهـــا !!
في وسط وحدتهـــا و تغيــــــر حال زوجهـــا الذي كان يعشقها بجنون
ترى ..هل من ذنب جنيته ...؟ كل ما في الأمر انني انجبت طفل ...!
إذن لمَ التغير في المشاعر ... الغياب المتكرر عن المنزل ...السفر برفقة الأصحاب للخارج ولمرات عــدة ..
والطامة الكبرى .....
أن مشاعر الغيرة والشكـ قد بدأت تفترس قلبها ......
لإنها سمعته أكثر من مره يهمس في الجـــوال ....
بإختصــــــار هذه حياة وردة و بـــدر
ربما قد يتفاجأ الجميــــــع بهذا الشيء .... ولكن هكذا اصبحت حياتهم ...
من المسؤول ياترى ...!!
خجل وردة المبالغ فيه ام جراءة بدر لا ادري حقاً ....( مشكلة تحتاج للنقاش )
وردة تضم حمودي وهي لا تزال حريصة على أن لا تجعل احدا يشاركها همومها حتى أختها ود التي باتت في الآوانة الأخيرة تنظر نظرات شفقة لأختها لغياب زوجها المتكرر بحجة الشغل ...!!
وردة تنوم حمودي بحنانها و مشاعرها الحميمة بالأمومة والعطف ....
جلست على التلفزيون ...تمللت ..... ( وش اسوي ....؟؟ )
وقفت بقامتها المصقولة تتأمل شكلها بالمراية ( كل الناس تسأل وش فيك ناحفة ..؟ اللي تطلع الأربعين بالعادة يزيد وزنها و بشكل ملحوظ ...أنا ماصار لي 3 شهور من ولدت ماحسيت بلحظة سعادة ....ليش يا بــدر ..؟ معقولة صدق مقولة أن الزوج يتغير مع ولادة اول طفل ...)
تنهدت بحسرة اعتادت عليها ... وناظرت صورته اللي على طرف السرير ....يبتسم بنظرته المغرورة ..
خجلت حتى وهي تناظر صورته وحست بكيانها انصعق من شوفته .....
( بدر اعتاد على السهر خارج المنزل كثير خصوصا بعد ما رجعت وردة بيتها بعد فترة الأربعين ....بس صار له يوم وليلة ما بعد شفته وكل من سألني عنه قلت بالداوم الله يا وردة تكذبين على نفسك نسيتِ إن خالد معه بالشركة يارب ارحمني يارب ....)
كانت تتأمل مع الشباك بصمت حزين .....
و لمحت سيارته دخلت ...
نبضاتها زادت و ابتسمت بلطف و خجلت بشكل لا مثيل له.....
( وردة وش اسوي ياربي أخاف اسأله وينه فيه و يزعل ويرجع يطلع احسن حل اسوي نفسي نايمة ..؟ لا لا مايصير بيقول ما انتظرتني ....بجلس اشتقت له ......) << - - - قد يستغرب البعض إنها حتى في طريقة اللبس تستحي و تخجل من زوجها و تكتفي باللبس العادي ...
صدمتها الكبيرة كانت و هي تتأمل حبيبها و زوجهـــا وهو يجـول حديقة المنزل الفارهة
( بماذا يفكـــر ...؟ وش هالجو الشـــاعري اللي هو فيه ...تمنيت أني معه بس استحي لا مستحيل اسوي كذا .... انخرست دقاتها وهي تشوفه بدأ يكلم بالجوالـ و هاهي ترى معالمه السابقه الحنونة العاطفية قد ارتسمت على محياه بكل شوق و حب ...)
شالت كيانها وجلست على اقرب كرسي بحيرتها اللي اعتادت عليها ....
( معقول يسويها بدر و يحاكي بنت ياربي يكون ظني خطأ حرام ما ابي اظلمه هذا دنيتي حبي من الطفولة ابو ولدي حرام اسيء الظن فيه ..... رجعت تطل تتأمل وهي تكذب إحساسها اللي تجزم 90% انه صحيح بس تقنع و تطمن عمرها )
-
-
جلست تضرب أخماس بأسداس ... إلى أن سمعت صوت الباب انفتح ....
تلقائياً وقفت و راحت تسير بخطى مرتجفة : اهلين
بـــدر ( الحين غايب عن البيت يومين ومسوي ثقل وجايتني تبتسم وتقولي اهلين ) : اهلين
وردهـ حتى ما ناظرته ابد من خجلها : تعشيت
بدر ( ملعون ابو الرومانتيك اللي تسمعين فيها يا أم ولدي ) : والله مدري ناظري ساعتك يعني اعتقد الوقت ماعاد إلا على صلاة الفجر !
وردهـ انجرحت بصمت وابتسمت : ههههه مدري قلت يمكن
بـــدر يناظرها بصمت ( حرام عليك لا تذبحين حبي لك بذالخجل انتِ اللي جبرتني اناظر غيرك ) : اجل حمودي نايم ....؟
وردهـ : أي نايم ( مشاعرها تبكي على تهميشه لها )
بدر : وش مسهركـ كان نمتِ معه ..؟
وردهـ سكتت على طرف لسانها بتقول " انتظركـ" بس استحت و لا ردت ...
بــدر ( هين يا وردهـ إن ما طلعتك من قوقعة الخجل البدائية ذي ماكون ولد ابوي ) : اوكي هاتي لي غطاء ووسادة بنوم هنا انا
وردهـ بكل رحابة صدر و من باب الطاعة للزوج ابتسمت : ابشر ( وراحت تجيب طلباته )
بـــــدر شات شماغه بإهمال فظيع وغرس يدينه بشعره ( وش أخرتها معها ذي اقولها بنوم هنا تقولي ابشر امنيتي مره بحياتي تعارضني ابي اكشن بيننا ابي نقاشات حتى اتفنن في كيف ارضيها ...؟ يارب ارحمني وش السواة .......... لا احد يلومني لو عرفت غيرهــا )
وردهـ : سم جبت لك الـلي طلبت
بـــــدر بعصبية : خلاص يالله لا اشوف وجهكـ لا إنتِ ولا ولدك ذا مو يزعجني بصوته ترى لي يومين مانمت فاهمه
وردهـ بحسرة : نوم العافية ابشر .....
طلعت و هي تجر اذيال الخيبة ....
تلقائياً مسكت حمودي وضمته بحنانها و دموعها رفيقتها .......
><>< تدري عيوني بغيابك ماهيب مرتاحه ...تبكي على فراق طيفك وأنت ذابحني
ياللي ذبحني غلاه شكرا على رماحه ...اللي طعني بها ما بيوم ريحــــــــنــــــي ><><
-
-
-
-
-
ود : سعودي حياتي وضع وردهـ ابد مو عاجبني من بعد ما ولدت حموودي وهي
قاطعها سعود : قلبي عن الوسوسة ذي ترى ماراح تجيب لك غير الهم
ود بدلع : حبيبي اختي لابد اداريها
سعود قرب لها : بالله عليك وولدي طيب وش ذنبه اذا امه قلقانه على اختها لا ياقلبه ( مسك بطنها) ألزم ماعلي ولدي فهمتِ !!
ود : سعوود والله احكي جد أنا وربي اختي متغيره ...
سعود ( أي والله حتى بدر ملاحظ سفرياته كثرت و يطيح بالإستراحة اغلب وقته ) : يابنت الحلال شيء طبيعي تتغير الحين صارت أم
ود بحيرة تناظره : بكرة بتصير مثل بدر اذا ولدت ؟
سعود يبتسم على دلعها و خوفها : وأنا اقدر يالغالية إلا بيزيد غلاكـ غلا حتى حجرف بننطله عند امي مانبيه معنا
ود بإمتعاض : أي حجرف
سعود : هذا ولدي اقصد
ود بتقرف : احلف بس ولدي انا اسميه حجرف
سعود : هههههههههه اسم جدك يابنت استحي
ود : يؤ مو كافي حجرف اخوي انظلم ...بس يمكن لو سميته حجرف تطلع اطخم مثل حجرف اخوي
سعود مسوي معصب : لا ياشيخه وليش ما يطلع علي اجل بسميه سعود بن سعود
ود : هههههههههههههه الله يرحم حالك بس
سعود : أمين يارب والله يقوم أم حجرف بالسلامة يارب
ود : احلف بسسس قلت لك انسى انسى
سعود يغمز : يهديك الله إن شاءالله
( ومازالت الأحاديث بينهم على هذا المحــــــــور )
-
-
-
-
هشام يشتغل على اللاب توب بحماس ....
أميرة كاشخه على آخر أناقة الحمل ..... ومعها كاس عصير
اميرة : هاه حياتي بشر عساك خلصت
هشام : ياقلب حبيبك والله انتِ خلاص يالغلا شويات و بنجز كل شيء ياعمري
اميرة تبتسم وهي تعطيه العصير ......
هشام : لا ابيه من يدينكـ
اميرة عدلت جلستها : وأنا كم من حبيب عندي تستاهل يا ابو عبدالعزيز << عكس وردهـ تماما ، اميرة فاهمة كثير ...
دق جوالها عقدت النونة اميرة : مين بيدق ذالوقت يؤ لا يصير تركي الله يستر بروح اشوف
هشام مسك كاس العصير : انا قايل منذ مبطي ان العواذل كثير خربوا علينا
اميرة بقلق : بشوف مين ...
اميرة ناظرت جوالها : داليا
هشام : ههههه والله اني قايل انه واحد يسمع بالذوق اختك ذي وجه ابه فهره مايهمها شيء دقي شوفي وش عندها ..؟
اميرة : هلا دلو
داليا : اهلين و سهلين
اميرة : وش عندك ليشم ابعد نمتِ فيك شيء
داليا : اعصابك ههههه ولا شيء بس مسكت معي اسهر
اميرة عصبت : احلفي بس و دراستك تدرين كم الساعة
داليا : بالله لا تقولين ان الساعه 2 ونص ههههههه
اميرة : سخيفة للحين
داليا : وش فيها السخافة احسن شيء بالدنيا اصلا خخخخ
اميرة : تدرين انك رجيتِ قلبي قلت اكيد فيك شيء
داليا : ههههههه لا تخافين نايف ياعمري مرابط عندي 24 ساعه لا عاد كله بكوم ويوم نروح لابوي بالمزرعة المس كوم
اميرة : ههههههه الله يعينك ضربتِ مشوار
داليا : أي والله ياني اكره طريق الخرج ذا حقدت عليه عشان المزرعة مدري وش معجب ابوي مسنتر فيها ...إلا تعالي وين قيس ؟
اميرة تناظره وهو يقفل اللاب : يسلم عليك ههههه
داليا : انا والله فاضيه وقلت بخش النت فحبيتا وريك آخر ديزاين سويته حطيت عليه صور اخواني كلهم ابيك تشوفينه وبعد حبيب خاله يانا مجهزة له حركات ....
اميرة : اسكتي لا تذكريني بليز .....ترى والله ابكي اذا تذكرت ...اصلا حتى لميس يوم ولدت غمضت عيوني مابي اشوف خفت
داليا : خخخخخ تخيلي تولدين مثل ولادتها ههههه إلا تعالي ود يوم شافت المشهد دقتها ام الركب ويقولون بالقوة واختها طمنها سعود انه بيوديها المستشفى قبل ولادتها بايام كثيرة تفادياً لهيك شغلات
اميرة : ود عاد خوافه من يومها ههههههههههههه
داليا : اجل يالله انا بفحط في المنتديات شوي و بنوم انتبهي لعمرك
اميرة : وانت بعد حبيبتي ...إلا تعالي وين نسرين ..؟
داليا : عندها راما والظاهر بكرة فيه حفل بمدرستهم وتعرفين نس نس تضرب ابو الأناقة فشكلها ناوية بتهزئية محترمة للمدرسة اللي طردت راما من الكلاس
اميرة : ههههههههههههه الله يعين يالله حبيبتي باي
داليا : بايات ....
رجعـــت تغــوص في المنتديات و تفحط في عالم الروايات لإنها مدمنة قراءة الروايات ....
-
-
حجـــــــــــــرف في الخــــــــــــــــبر هو و نــــــــواف
طبعــــــــــا حجرف تقابل مع اصحابه في مقهى راقي جدا في الخبــــــر
حجرف و نواف سلموا على القروب اللي تعرفوا عليهم ....
اثناء الجلسة ( طبعا كلهم قاعدين يتصفحون النت )
نواف : والله مدري وش جايز لكم بذالشات انا منب بحب هالحركات ههههه
دعاني الشوق ( ناصر ) : بالعكس فله والله تصيد على كيف ام راحتك
ناصر : بالعكس تدرون اني انا مشبك يمكن 20 او 26 بنت بالشات
نواف : هههههههههههههه تنرحم بالله مبسوط على هالإنجاز
حجرف : خله يوسع صدره البنت اللي ترخص نفسها تستاهل
ناصر : تدرون يا شباب البنات وربي صدعوا براسي من كثر ما يحبوني و يطيحون على النك نيم تبعي ناظروا بالله كم برايفت كونفرسيشن معي ...!
حجرف ناظر نواف وابتسم ...... نواف : كفو والله هههههههههه
( طبعا وصل 3 اشخاص من طرف ناصر وكلهم شباب كـــول و رايقين بس مشكلتهم تفكيرهم سطحي جدا كل واحد همه كم برايفت كونفرسيشن معي ... وكم صديقة معه ... واللي اكثر محادثات خاصة و اكثر رصيد بالبنات هذا هو الرجال بنظرهم < - - - تفكير سطحي و عقيم جداً
استمرت الجلسة و اسمتعوا الشباب مع بعض .....
ناصر : حجرف لا تقول انك بتروحون الرياض الليلة
نواف : إلا والله بنرجع ترى كلها قطة عصا يعني نمغطها بإذن الله قبل الفجر واحنا بالرياض
حجرف : متعود انا ترى على مشاوير الخبر والرياض بالذات هههههههه
ناصر : مااسرع جلسنا مع بعض ياخي
حجرف : يالله عاد انت لازم نشوفك بالرياض ونفل ابو السبحه هناكـ يجوز لك الوضع
ناصر : ياخي والله مع اني منب بحب الرياض كتمه مافيه شيء كل شيء عوائل او ممنوع هنا فله و غمز عينه
حجرف : ههههههههههه انت تعال ومالك إلا اللي يسركـ يا رجال ...
توادعوا وكل راح بطريقه
في السيارة
نواف : ياخي انا رفيقك ناصر ذا ما هضمته خير شر مهايطي بقوة
حجرف : ايه ملاحظ عليه ههههههههه وإلا رحمته يوم يستعرض بخوياته لو بسوي مثله كان غطيت على ابو جد خاله بهالحركات
نواف : ههههه ياخي والله سطحي من يوم جلسنا لين قمنا وهم كلامهم بنات وبنات وخير وآخرتها طيب ههه
حجرف وهو يفسخ شماغه : وسع صدرك يارجال
نواف : ايه بس يعني اول مره يشوفنا يعني المفروض يثقل مو يكب عشاه كله و يستعرض بالبنات ونعم ماستعرض به والله ههههههههه
حجرف يبتسم : هو حبيب بس انه مهايطي واضح .....انتبه للطريق بس ....
شويات دق نايف على حجرف و رد عليه ....
-
-
-
(( البارت القادم كله عن الجريحة العاشقة زيـــــــــــنة ))
" بنــــــــــــــدر لا يـــــــزال يتغصص بحزنه و قهـــره و همش صوفيا تهميش تـــــــام وكأنه كائن يعيش على بقايا الذكريات او بالأحرى رمـــــــــــاد إنــــــسان كان ذات يوم ...!!
" بندر و صوفيا كلي شخص بصوب وبندر نادرا يواجهها اصلا اعطى شغله كل إهتمامه و هي فتك بها من خلال معرفته بتاريخها الأسود ..... مع إنها حلفت له على انها تغيرت و راح تشتري ثقته بأي ثمن ,,, بالكاد لن ينسى فعلتها ولكن ربما يريد ان يمنحها شيئا من الصلاحية ...ربما ولعل وعسى ان تهتدي على يدي ... لو طلقتها راح تنحرف ....لابد اعالجها و اصبر معها لين يفرجها ربي .....؟؟؟
بعد مرور شهـــــــر
زينة ازدادت حالتها سوء واللي زود حالها سوء ان ابوها وامها تطلقوا وان بندر استمرت حياته مع العقرب صوفيا في سكون وهدوء
هنا كانت الطامه ....
انيهــــــــــار مشــــــــاعــــــر ..
كســــــــــــــــــر قلـــــــــــوووووب ...
" حتى ابوي وامــــــــــــي تطلقوا ليش بس ليش ....؟ "
امها استقرت بنفس البيت لانه بإسمهااااااااااااااا،،و ابوها طبعا في ايطاليا و اخوها يدرس في كندا ..
وش ممكن يصير لزينة وهي تحت كنف رحمة امها ....؟؟؟؟ او بالاحرى مضاوي ؟
وش ممكن يصير مع حجرف و نواف ...؟؟
وش ممكن يصير مع وردهـ و بدر ... و وصوفيا و بندر هل من الممكن ان تتغير صوفيا و تهتدي على يدر بندر ...ربما نعم و ربما لا ...؟؟
زينة وين بتروح ....؟
تحياتي و تقديري للجميع
|
20-10-08, 01:14 AM
جديد مواضيع قسم القصص المكتمله
العرض العادي
