كاتب الموضوع :
ديمـــا
المنتدى :
القصص المكتمله
(4)
>><< إحساسها يتأجج ناراً ....و مشاعرها جفت ينابيعها .. وكل شيء فيها مضطرب !!
تحت رايات الإستغراب ...>><<
صحت الساعة 4 لصلاة الفجر ...
بكت لها ربع ساعه وهي بالسرير
قبل تتنشط وتقوم من السرير تحس بضيقة عنيفة تسري في أعماقها ....
توضت و صلت ..رفعت يديها تدعي بخشوع و طمأنينة ......قرت اذكارها ..
وقفت امام الشباك الكبير شافت الأجواء كيف...؟ حست انها صارت صافيه ...
حبت تنزل تحت بالحديقة تبي تشم الهواء الطلق وتنتعش في نسيم الصباح الباكر ...
اتجهت للباب آملة بحياة سعيدة ووليدة ..!
فتحت الباب
..مشت خــــــــــــــــــــــطوة...
.خطــــــــــــــــــــــــــــوتين ...
.... . لحد مــــا ..
شدها شيء من الفضول لانها حست انه في نقاش حاد بين امها و زوج امها فواز ...لدرجة انهم ماحسوا فيها
اول مافتحت غرفتها
ضوضاء عارمة تملأ ضجيج سمعها !
توترت بقوة من تعالي صوت أمها ..!
بدأت تضعف شيئا فشيئاً ..
رفعت يديها و وضعتها على اذنيها في محاولة جادة منها لسد مجاهل سمعها !
و ها هي صرخات أمها في تزايد و تصاعد مستمر ....
توترت بقوة ... فأسرعت الخطى في محاولة منها لمساعدة أمها ...
" اكيد فواز الحقير ذا مزعلها بشيء ..."
اسرعت الخطى لتصل لأمها
لحد ما تجمدت
انصعقت بقوة من ما تسمع ...!!
<<>> في غرفة المكتب الفاخر .... >><<
مضاوي تصدرت المكتب و جلست بعصبية : فواز خلاص لا تطينها الموضوع اندفن من سنين
فواز و هو يمشي صوبها بسخرية تكأ يدينه على المكتب و برزت لمعة جمال عيونه الكحيلة اللئيمة : اندفن
بالنسبة لك يا هانم بس حطي في بالك المحروس ولدك بدر اللي ماترضين عليه شيء بيجي الديرة وذا
معناته انه بيبحث الموضوع انتِ ما سمعتيه كذى مره يسألك عن ليلى وبنتها اللي ماتت ( ناظر زقارته وهو
يسحب نفس منها ورجع ناظر مضاوي ) او عفواً اللي .....
مضاوي عصبت متقرفه من ريحة الزقاير قاطعته : مالك شغل في بدر انا اصرفه.... اقوله أي شيء وبيصدق
بس انت اطلع منها .. وبعدين تعال لا يكون على بالك اني مانيب ملاحظة نظراتك الزايغة للهبلة زينة ذي
())(( صــــــــاعقة كــــــــــادت تــــــــــــلقي زيــــــــــــنة مغــــــــــــــشيا عليها
استجمعت قواها الواهنة و قربت لتسمع عن كثب ))(()
فواز بعدما سحب نفس من الزقارة و ناظرها بخبث : انت تفكيرك من ايش ابس افهم ...؟ انا متعاطف
معها ليس إلا وبعدين البنت قطعه اه بس ( حالته طبعا هايم وحالم في زينة وهو يحكي عنها )
مضاوي صرخت بعصبية : ماحد طلب منك تتعاطف معها وبعدين استح على وجهك عيب تسوي معها كذا
فواز بسخرية يطفئ الزقارة : خخخخ لا يكون مصدقة بس انها بنتك
( زينـــــــــة ما تقدر تستوعب شيء عيونها اتسعــــــــت بقوه و اغرورقت بالدمع قربت أكثر و أكثر عشان
تسمع و تتأكد من اللي سمعت )
مضاوي بعصبية وقفت : لا ياشيخ مشكور مايحتاج تذكرني مشكور ....
فواز يمغط يدينه بعد ما جلس على الكرسي المقابل لها : وش اللي مضايقك طاااايب ذا انت دمرتِ حياة
المسكينة و حطمتِ كل شيء حلو بالنسبة لها يكفي اني احرمتيها من امها
مضاوي عصبت و ارتفع صوتها : انا ماسويت كذا ..سعود هو اللي اجبرني اتعامل معه كذا
فواز ( ملعون ابو الحال اللي حدني عليك ) : هههههه محد طلب منك تبرير يالغالية كلنا في الهوا سوا ..... إلا
معاك خبر ان ليلى سكنت الرياض ههه
مضاوي تنرفزت : اووووه خلاص عاد المعفنه ذي زينوووه اخذت اكثر من حقها هي وامها
<<>> أي عالم هذا الذي يستكنفه الألم و تستوطن اضلعه ثنايا الظلمـ ..؟ >><<
" زينة لا شعوريـــــــــــــــــــــــا فقدت اعصابــــها ودخــــــــــــلت ودموعها همـــــــــاليل "
تجمدت في مكانها بعد ما فتحت الباب اللي كان نصه مفتوح فقط
وقفت أمامهم بهيئة
حزينة ..
.كسيرة ....
غير مستوعبة
انخرســــــت
تتمنى كل شيء بالدنيا إلا إن هاللي سمعت يكون صـــــــدق ..!
مازالت تردد بينها وبين نفسها " يمكن صادقين أنا مريضة نفسياً وقاعدة اتوهم و اسمع شيء غلط يارب كذا
يارب يارب "
مضاوي ناظرتها بدهشه وعيونها كلها حقد وكره و الخوف تسرب نوعاً ما في دواخلها ...
فواز عيونه تصوبت على زينة ولا زالت افكارهـ السوداء تراودهـ .. ( يالبيه بس حرام ذالزين تنكسر و تبكي )
زينة تبكي بتتكلم ميب قادرة .. بتحكي عجزت ..تحس انها انطرمت
زينة " وش فيني احس اني انخرست ابي احكي ابي اناقش قلبها يضرب وبقوة "
مضاوي لا زالت تتأملها غير مستوعبة إن زينة عرفت المستور والذي رافقها لمده 24 سنة
زينة صخرت بهستريا في محاولة جادة منها للبوح : ليش ..؟ ليش ...؟
قربت زينة و هي تناظر مضاوي بنظرات تنتظر التبرير او تكذيب ماقيل : ليش سويتِ كذا ...؟ ليش ..؟
مضاوي مسكت يد زينة بقوة وعفطتها : من متى وانت واقفه هناااا ( صرخت بقوة) ما تستحي تتصنتين
. ردي ... ياقليلة التربية ...
زينة تتألم و تصرخ : ليش سويتِ كذا يمه ليش سويتِ كذى حرام عليك كنت حاسة انك مانتب ام طبيعيه بس
مافكرتك واطية ونذله لدرجة تأخذيني من حضن امي ... قولي أنه كذب تكفين يمه قولي ان فواز كذاب
<<<>>> صفقتها مضاوي كف قوي على خدها <<<>>
فواز ابتسم بسخرية لاذعة و رفع حاجب واحد فقط
مضاوي بجهد فظيع : ايييييييييه انا اخذتك من المستشفى و حرمت ليلى المجنونه اللي اهي امك منك عارفة
ليش ..؟ لان ابوك حبها و عشقها بجنون مدري وش مسويه له بنت الفقر ...جرحني وهمش حياتي بسببها
بس عاد انا همشتها كليا و جرحتها فيك بنتها وللمعلومية اهي تدري انك عايشه ....( شاتتها بعنف)
زينة تبكي : وين امي الحين ...؟ و ابـ
مضاوي صفقتها : امك انا وبس مالك غيري ام فاهمه انا اللي ربيتك وتعبت عليك مستحيل اخليك بسهولة
زينة تبكي بحسرة : اكرهك اكرهك
مضاوي : وش دعوه انا اللي احبك او حبيتك بيوم انا خذيتك لغرضين الاول يا ماما عشان امسك ابوك لانه
يحب البنات اكثر من العيال ثانيا عشان اخليك عندي واعذبكـ ... وانتقم من امك وابوك..ناظري كيف حطمت
حياتك وهم تفرقوا ههههههه من يوم ما متِ و ناظري كيف دمرت حياتك مع بندر .. وكيف دخلتك المستشفى
النفسي بس للمعلومية امك تراها ميب صويحه يعني فيك عرق منها وذاللي
خذيتيه منها ( مسكتها و ضربت راسها بقوه )
مضاوي تصك على اسنانها : عرفتِ او تبين شيء تعرفينه بعد ..؟
زينة تبكي وشعرها صار مصدر ألم لإن مضاوي شدته بعنف : يمة طلبتك قولي انه كذب قولي تكفين مابي
غيرك أم انا ....( مسكت رجولها ) تكفين قولي انو كذب << تسعى جاهدة لتكذيب ما سمعته
..ابيك انتِ باللي فيك بس لاتقولين لي انك اخذتيني من حضن ام ثانية و فطرتِ قلبها تكفين
مضاوي : شرف لك إني امك يا المريضة بس معليش ذي الحقيقة المرهـ
زينة دموعها هماليل ارتمت على الأرض : يا ويلك من ربي ياويلك من ربي
فواز و الذي خرج من قوقعة صمته : مضاوي لازم تتصرفين ترى إذا جا بدر وشافها كذا بنروح في خرايطها
مانيب مستعد ترى شغلي اللي من سنين اسوي فيه ينتهي بمجرد غلطة منكـ لا ومع مين ..( ناظر زينة ) مع
وحدة مجنونة
مضاوي تبتسم لفواز : هههههه وش دعوه بيشوفها بدر او بتشوفه
زينة والتي قد استعادت وقفتها الواهنة بترجي تبكي : بدر تكفين إلا بدر
فواز يسحب خطاه بيطلع برى المكتب .. ومضاوي تمسك بيديه
زينة تبكي : إلا بدر تكفون الله يوفقكم ....<< لازالت غير مستوعبة
مضاوي تقفل باب المكتب على زينة : انسي انك تشوفينه
زينة تطق الباب بهستريا وهي تبكي بحرقة : يمه تكفين يمه يمه يمه افتحي تكفين والله مااقول شيء ولا افتح
فمي بس افتحي يمه
مضاوي رفعت حاجب بأنتصار : قلت لك لا يعني لاااااا
زينة مازالت تطرق الباب بحركات مبعثرة حزينة إلا أن استهلكت قواها
زينة طاحت على رجولها وضمت راسها لركبها تبكي بحسره ولازالت تطق الباب : افتحي لي تكفين يمه
مضاوي انت امي وبس خلاص اوعدك انسى الموضوع والله مافتح فمي بحرف يمه تكفين
" تطق زينة ..... تطق الباب .... ولا زالت "
فواز : حرام عليك عذبتيها ههههههه
مضاوي : ههههه خلها تخيس لا ترحمها ولا تعطف عليها ذي بنت ليلوه وسعود
فواز : بس حرام عيونها الحلوة تبكي كثير
مضاوي ناظرت فيه ..
فواز : خخخخخخخ امزح خلاص سحبت الكلمة
زينة ماتزال تطق الباب و تبكي بحسرة ...و تطق الباب لين تعبت وطاحت للمرة الثانية وهي تندب حظها و
حياتها ..
مباشرة انرسمت صورته في بالها .... تمنت لو أنه قريب ..بتطيح بحضنه و تخليه ينتشلها من قوقعة حزنها و
الحقيقة المرة ... تنام و تصحى .. وفي كل نوم تدعو الله جاهدة أن يكون اللي سمعت كابوس عنيف ...!!
صحت و هي تتحسس مواطن الألم في ظهرها و شعرها لإنها ارتمت على الأرض تبكي ...
آه تلك كانت الحقيقة المرة ....!!
ذاك هو حظي العاثــــرـرـر ..؟
( ويـــــــــــنك يا بنــــــــــــدر ...محتاجتــــــــــــــك بقوة ....مـــــــدري وش اللي صار ...؟ امي طلعت ميب امي
..... الله يستر من ابـــــــــــوي بعد لا اصــــــــير مانيب بنته ....؟ بندر مــــــــــحتاجتك... مضاوي طلعت
مجرمه وحاقده تفرغ حقدها على امي وابوي فيني ...انا لا يمكن اسامح امي الحقيقية على تفريطها فيني...... )
زينة تهذي باسم بندر ..مافيه غيره طرى عليها وهي في عتمة جروحها رغم إنه مصدر الجروح كلها !!
كم أنا بحاجة لحبك والحنان ..أفتقدته في غيابك من زمان
كل ليله أشتكي همي لشجوني .. كل ما قلت إنتهى هم بدى
فتحت عيني في الدنيا عليك .. إش أسوي أعشقك وأموت فيك
لو ظروف الوقت عنك إبعدوني .. مستحيل أنساك ياقطر الندى
عجيب حال العشاقـ حقاً ...هذيانهم مصدر لرصد حالاتهم الشاعرية !!
تذكرت البؤس ورجعت تطق الباب
زينة : يمه افتحي لي تكفيييييييييييييين ( تبكي بحسرة)
ولا من مجيب
-
-
-
-
-
من بكرة العصرية
مضاوي فتحت الباب و شافت زينة نايمة طايحه بوضع بائس .. ( تذكرتها وهي صغيره ...هي اقرب العائلة لها
...تسهر على راحتها إذا مرضت ... تسأل عنها في كل المناسبات صحيح انها تضربها وتطقها كثير بس البنت
قلبها طيب و تحبها وش ذنبها طيب إذا صارت امها اجمل مني بكثير و ابوها فــــــــــضل امها علي ملعون
ابو الرحمة يا مضاوي لا ترحمينها ناظريها بس نسخه من امها ......)
مضاوي تذكرت كل شيء صار في الماضي و سحبت زينة مع شعرها
زينة شهقت بقوة وصرخت : يممممممممه وينك ..؟ ( تمسكت بيدين مضاوي )
مضاوي ضعفت يوم سمعت كلمة يمه خفت يدها شوي ...
زينة تمسح دموعها و تناظر عيون مضاوي بألمـ بحب مدري ايش بالضبط ..؟ بخوف يمكن
مضاوي : انا يمكن اطلعك بشرط
زينة تتمسك فيها : موافقة
مضاوي بحزم : اسمعي اول
زينة بحزن تشبثت فيها اكثر : سمي
مضاوي : تاكلين هوا ولا تنطقين بحرف من اللي سمعتِ لابن امه
زينة بعدم إستيعاب : طيب بس ابي اعرف السالفه منك واوعدك مافتح الموضوع لابن امه بس يهمني اعرف
مضاوي تبتسم بسخرية لاذعة : لا لا ما اتفقنا على كذا
زينة بخوف من الإجابة بترقب مؤلم حقاً : طيب انا بنت ابوووووي او لا ؟
مضاوي : هههههههه لا لا تخافين انتِ بنت سعود
زينة تبكي بخوف وذعر : وبدر اخوي ؟؟؟
مضاوي : هههه غبية انتِ المهم بدر جاي بالطريق تبين تشوفينه عندي شروط
زينة بحزن : موافقة قبل اسمع يكفيني بالدنيا ان بدر اخوي بس
مضاوي : ما تنطقين له بحرف واحد فاهمه ...؟ و تكونين قدام الناس كلهم زينة بنت امها مضاوي الدلوعه
زينة بأسى وحزن : طيب بتقولين لي عن السالفة
مضاوي : شوفي كلمة زيادة ميب احسن لك .... واحذرك كلمة لبدر او حتى بندر اللي باعك بتراب و اشترى
الافضل منك او ابن امه وربي الكريم غير تندمين يا بنت ليلى على اليوم اللي عرفتِ فيه مضاوي
زينة تبكي نزلت راسها تحت : امرك
مضاوي : شوفي لو ادري او اشم خبر انك قايلة اوف بس موب احسن لك بحركة بسيطة اقدر اكركب حياتك
زود ماهيب مكركبة .... اقلها اوكل اقرب احد لي في القصيم يذبح امك الهبله ليلوه واحرمك شوفتها كل العمر
او وش قصيمه صح نسيت انها هنا
زينة بأمل معاق بشوائب الحزن و الجرح الخالد : امي عايشه
مضاوي : ههههههه امك متخلفة عقلياً و خرساء يعني عايشه وميب عايشه
>>>> زينة صاعــــــــــــــــــــقه وقعت علـــــــــــيها دمعت عيونها <<<
" لا إله إلا الله محمد رسول الله "
-
-
-
-
( استخلصت حتمية المصير اللي ينتظرها في المستقبل ..الدكتورة جورجيا في ايطاليا وضحت لها أن المرض
وراثي بس زينة ماكانت مستوعبه وكذبـــــــــــــــــــتها ولا تصورت بيوم من الايام انها يمكن تصير مريضة
عقليا او خرساء خصوصا بعد الولادة لكذا الحمل خطر عليها )
" زينة شردت في كلام الدكتورة ...."
و ها هي ملامح الحزن العتيق قد تجددت مجدداً ...ولاحت بالأفق بوادر بأحزان جديدة ...
مضاوي : ذا غير و غير...... اقدر الفق لك شيء بشرفك و اسود وجهك قدام الناس كلهم وبعدين اكشف انك
مانتب بنتي سهلة جدا ً بس ذي ماعتقد بسويها لانك محسوبة اخت ولدي بدر
" زينــــــــــــــــــــــة خـــــــــــــــــــــــــــلاص ماعـــــــــــــــادت بـــــــــــــقادرة تســــــــــمع زود ..."
زينة بجرح بصدمة بقلة حيلة تناظرها : حرام عليك يمه ليش تسوين معي كذا انا احبك واخلصت لك لاخر
لحظة دمرت بيتي وحياتي عشانك ...بعت البعيد والقريب عشانك بعت بندر وهو احب الناس لقلبي عشانك ....
تعرضت لاانواع التعذيب عشانك ..كل الناس كرهوني بسببك وآخر شيء كذى قهر قهر.
..ضربت يدنها على الجدار بقوة فظيعة ...
وسندت جسمها على الجدار بوضع يوحي لنا بمقدار كميات الضعف التي تسربت لدواخلها !!
مضاوي شدتها بقوة : هاااااااااه كان العرض مو جايز لك عادي تبين تنحرمين من بدر اقدر
زينة تبكي وتحكي بهستريا : لاااااااا خلاص موافقة مستعده احلف لك ماافتح فمي بحرف واحد
مضاوي : عفية على الشاطرة اللي تسمع الكلاااااااام
زينة تكفكف دموعهااااااااااا : الله يكون بالعووووووون بس ابي اعرف السالفة ..؟
مضاوي : هههههههه السالفه بإختصار اني حرقت قلب ابوك وامك عليك ابوك كان يموت في امك اللي الطب
اثبت انه في حملها خطر عليها خصوصا من الناحية العقلية ..ههههه الحمدلله والشكر ومن يوم ماعاندت امك
وحملت فيك عشان تثبت لعمي انها مثلي يوم شافتني جبت بدر ..... المهم امك نص عقلها طار من بعد ماولدتك
لان عندها قصور عقلي يصير بعد الولادة و النص الباقي طار يوم قالوا لها بنتك ماتت ...هههههه وانا وصيت
ناس اخذوك من الحضانه وامك تشوف و انكتبت باسمي وباسم ابوك ولعبتي كانت تاريخ الميلاد هههه بما إني
كنت حامل و سقطت بالشهر السابع بس ما خبرت احد وكملت على اساس اني حامل و يوم انولدتِ يا قمر لقيتك
صرتِ بنتي هههه .... على فكرة أمكـ كرهت ابوك والدنيا كلها راحت وطلبت الطلاق عجزت تعيش مع ابوك
اللي انجن عليها وكره السعودية كلها من بعدها استغفر الله بس من حالتها مجنونة من جد طينت عيشتنا الله
لا يذكرها بالخير بوقتها بس تصرخ ماننام لا ليل ولا نهار من حالتها النفسية ههههههه
زينة تبكي بقوة ( ياقلبي يا امي كل ذا فيها بسببي ولا حسيت ....؟ آآخ امي فيها قصور عقلي نفس التشخيص
اللي صار لي في ايطاليااا وذا المرض وراثي ...عشان كذا قالوا لي الحمل خطر عليك بصير نسخة مكررة من
امي..أخر شيء اتوقعه اني اتسبب بحياة احد ثاني غير بندر بس بندر كمل حياته و لقى غيري ولا همه بس
هالمسكينة اللي يقولون انها امي وش حالتها يا ترى الحين ...؟)
مضاوي تقرب لزينة : هاه زيون ماتشوفين معي حق باللي سويت ,,,. خصوصا وان ابوك تزوج علي وحده
ماتسوى من مستوى اقل مني ماديا وثقافياً و أجتماعياً جرحني بقوة همشني يوم حب ليلى اللي مدري من وين
طلعت لنا بالقصيم ......؟ وطار معها و نسى ان عنده زوجه وولد والمشكلة انها كانت ارملة ومعها ولد وبنت
زينة تبكي بصوت مسموع ( يالجرح اللي يرعد في سماء قلبي كل ذا ينتظرني وانا مادري ليتني مادريت عن شيء )
مضاوي قبل تطلع : كلمة لبدر تأكدي بتنحرمين من شوفة امك طول عمرك ويمكن ابوك بعد ..اعتقد اخوانك
اللي من المجنونة امك ليلى يكفونك عن ولدي بدر ههههههههههههه
<<>> زينة تجمدت ....اخوان ... انا عندي اخوان غير بدر ...مينـ ...؟ وينهم ..؟ أنا بحاجة اخوان و خوات والله بس ماابيهم اللي باعوني و اتركوا مضاوي تتلاعب فيني ملعون ابو الحال اللي يخليني افكر بأم باعتني لأم حقيرة ثانية و إلا أخوان تركوا الدنيا تصفع فيني ولا فزعوا لي ...!! >><<<
.
زينة تنهدت و ناظرت بتحدي : اوعدك مافتح فمي بحرف
زينة راحت لغرفتها بسرعه
حطت راسها على السرير تبكي تبكي بحسرااااات و هاهي شهقات الألم و زفرات الصدمة تعلن عن وجودها
السافر في سماء جرح زينة
زينة بدت تعذر ابوها على بعدهـ و عدم تدخله في شؤونهم ...!!
العشق يسوي ألعن من كذى يابوي ...! ماتنلام الديار من عقب الغالين ماعادت بمرغوبة ...
اشوف بنفسي ..!
أخ يا زينة وش تهوجسين فيه ...؟ بأي جرح بس ..؟ ياكثر جروحكـ ...!!
^^^^^
(5)
(5)
<< عندما يترنمـ الجــــــرح على بقــــايا الذكريــــــات ...
عندما تتصدر الشجاعة لائحة أفعالنــــــــــا .....>>><<
من بين زحمة الوجوه ...و تخالط الأنفــــــاس ...!
في مطــــــــــــــار الملك خــــــــــــــــــالد
وصلت رحلة بدر
وكان بإستقباله بندر وسعود ووحجرف ونواف
وكان خالد مسوي عزيمة كبيرة لرجوع بدر بالسلامه والجميع كان يتوقع قرب موعد زواج بدر وإبتهال لذا
لابـــــــــــــــــــد من هالعزيمة
وصل بدر وخطت رجله على ارض السعودية اشتاق لهــــــــا كثير ..
بدر صاير شكله مره جنان روعه جنتل مان ..... لابس برمودا بيج في تي شيرت فستقي ونظاره شمسية من"
امبريو ارماني "
مشى بدر ومعه شناطه ....
شافه سعود من بعيد واشر له ابتسم بدر بثـــــــــــقل وقرب للشباب
استغربوا الشباب
بدر يقرب لهم وكان بالقرب منه او بالاحرى ماسكه يده بنت شقراء عليها عباية بس ومعهاا طفلة صغيرة ..
علامات استفهااااااااااااااااااااااام على روس الجميع
نواف مندهش : اقول ياشباب متأكدين انو ذا بدر
بندر جته حالة دلاخه : يشبهه سبحان الله يخلق من الشبه اربعين الخالق الناطق تقول بدر
حجرف : لا والله انت واياه اقول اسكتوا ذا اهو بس قولوا مين ذاللي معه
سعود بحزن يناظر في بندر ويقول : تتوقع يسويها بدر
نواف يناظر فيهم وكأنه يترجي ان ظنهم يخيب فعلاا
وصل بدر والجميع سكتواااااااااا
بندر : ياحياااااااااااااااا الله بدر الحمدلله على سلامتك
ضمه وسلم عليه
والجميع سلم عليه
نواف الانسان الفضولي صاحب الحس الرائع ذبحه الفضول بس يناظر البنت
نواف يهمس لحجرف : اقول حجرف البنت لاصقه فيه للحين وش قصتهاااا لا تكون زوجته بس ياويلي على
اختي,,,
حجرف بهمس لنواف : انطم طيب عشان نعرف
بدر : صح شباب نسيت اعرفكم ................ زوجتي ايلياناااا وبنتي روز
صـــــ ـصدمة ـــــ صدمة ــــــدمة
على الجميع والاكثر تاثر سعود
سعود بعيون حزينة غير مصدقة : زوجتك !!
بدر يناظر في اللي يمرون لانو منحرج مره : أي زوجتي متزوج من 3 سنوات
صـــــــــــــدمة قويه عنيفه ......
وضحت على وجوه الشباب ككل
بندر يبي يغير الموضوع : طيب طيب يلاااا تأخرنا ياشباب يلا بدر حياااك الله و الحمدلله على السلامة
كانت ايليانا تبتسم للجميع ( ماتعرف وش سببت لهم اصلا ) ...
"
"
إبتهال في المستشفى اغمى عليهـــا اول ماعرفت بالسالفه << - - تنرحم حتى التجهيز مخلصه ( مااحب
اتطرق للوصف الدقيق و تجسيد حالة إبتهال لإن الرواية ماابيها تنطبع بطابع الحزن زيادة ) ... وعندها
امهاا تقرا على راسهاا
وريم تبكي عندهم ....
بدر ( اخوها الشقيق الكبير) : هاه يمه بشريني عساها صحت ...!!
ام بدر بحسرة : لا والله ياوليدي للحين غاطسه!!
بدر يناظرها : ان شاءالله تصحى كلها وقت وتصحى
ريم : الله ينتقم منه حسبي الله عليه
بدر زعق على ريم : انطمي لا تسمعك اختك وتزيد اسكتي وإلا بوديك البيت
فتحت الهنوف الباب ومعها ضي .....
الهنوف ضمت إبتهال ومسكت يدها وبكت : وشلونها الحين ...
ريم : شوفة عينك
ضي : ماتشوف شر إن شاءالله انهاا بخير الله يشفيهاا
ام بدر : الله كريم يمه
ضي : الدعاء ادعو لهااا بس الدعاء مستجاب إن شاءالله
وقربت ضي تقرا عليهاااا....
الهنوف : والله ياعمري يإبتهال ماتستاهلين اللي صار
وبكت
بدر : لحووول لله والله اذا ماسكتِ انتِ بعد لا اوديك البيت سايق انا صرت رايح جاي خلاص توني موصل
وردهـ ترى البنت اعصابها تعبانه مو ناقصة تزيدون عليها اسكت ذي تجي الثانيه تسوي مناحه
ضي : يابنات تعوذو من الشيطان إن شاءالله انها بخير
دخل سعود ونواف ،،،،
سعود + نواف : احم احم
ام بدر : حياكم يمه ادخلوا
نواف + سعود : السلام عليكم
الجميع : وعليكم السلام
سعود مسك يد إبتهال و يناظرها : ماتشوفين شر يالغالية
نواف : خاله كيف إبتهال اكلت شيء او لااااااا ؟
ام بدر : والله ماذاقته ابد من ساعة اللي صار اغمى عليها للحين
سعود : مين الدكتور المسؤؤل عنها بروح له
بدر : توي جاي منه
نواف : وش قال لك طيب..
بدر تنهد وقال : انهيار عصبي
ريم والهنوف بكوا بصوت عالي .....
مسكهم بدر بقوه << عصب خخ
بدر : نواف ودهم البيت لااشوفهم هنا يالله أنتِ واياها بسرعة اشوف
نواف << تكرن الثاني بعد خخ : يلااااااا قدامي يلاااااا الشرهه على اللي مدخلينكم هنا بزران حشى مو حريم
طلع نواف ومعه البنااااااات ....
واهم طالعين شافواا خالد تايه ياحرام من الخبه مايدري وين الطريق ،،
نواف زعق لخالد بصوت عالي لين شافه ودله على الغرفة
ركب نواف والبنات معه الاسانسير واهن يبكون للحين
نواف < متكرن وبقوة ما ينلام على اخته : والله لو ماتسكتن اقسم بالله لاتوسد فيكن ضرب قدام الناس
فضحتني خلاص كل العالم يناظرون
انفتح باب الاساسنير وركبت معهم وحده ..ريحة عطرها قويــــــه
نواف تنحنح وبعد عنها وصار عند خواته
بصوت مايع وفاسخ الحياء
(( وش دعوه نواف ماعرفتني ))
نواف بينه وبين نفسه ( ولعنه ولعنتين بعد ذا اللي ناقصني ذاللحظة والله )
ريم والهنوف شدهن الموقف وسكتن ....خخخخخ
ريم بصوت منخفض للهنوف : الصوت مو غريب والله
نواف طنشها
(( مين اللي معاك ريم والهنوف اوووه او يمكن ام لسانين تغريد )))
نواف ناظر في خواته مستغرب مين ذي الحرمه
كشفت وجهها وشافوها
(هـــــــــــــــــــــــــبه)
صدمه على ملامحهم
نواف بإحتقار يناظرها : بصراحه يعني تعرفين في ناس على طول ينسوون
هبه : قالوا لي انك كبرت قلت بطلت حركاتك الصبيانيه واثاريك زايد فيها
نواف << ماله خلقها : عن اذنك مشوارنا قريب
وطلع خواته ونزلوااا مع العلم انهم بالدور الثاني
نزلوا وقطعوا مسافة بالمشي خخخ
اخيراً ركبوا السياره..
ونواف طول الوقت يتهدد فيهن اذا ماسكتن
ركبت الهنوف قدام وريم وراء ....
نواف << ينقاله بيرحمهم : وش رايكم اعشيكم على حسابي ..؟
ريم : مانبي عشاء << كم مات يهودي خخ غريبة
الهنوف : ودنا البيت ومشكووور << غريبة اقتنعت انه عندها إحساس خخ
نواف يربط حزام الامان ( لانه لمح نقطة تفتيش ) : الشرهه ميب عليكم على اللي مسوي حاتمي معكم وإلا
انتم حدكم البيت اصلا... بس عاد كرما مني ورأفه مني بحالكم المنهار والمتدهور ابعزمكم إن شاءالله يلاااا
لعيونكم الممغطة في مطعم البلورة
الهنوف تراوي خخخ : وش رايك ريم ......؟
نواف : خلاص مافي امل ترفضن رايح رايح إن شاءالله ...بس عاد مو تتشرطن بالاكل وتجيني فاتورة تقص ظهري ههههههههه
الهنوف : دامك عزمت تحمل النتائج هههههه وبعدين تعال كاني سمعتك تقول عيوننا ممغطات احوليت او
وش السالفه ..؟
نواف :خخخخخخ ومن تو ساعه على بال ما تطلعين ذالعبارة على اساس ان عندك إحساس تدرين وربي
ذكرتيني بواحد الله يشفيه كان أطرم " اخرس" و بالحصة الثالثة انسرقت فسحته وقوم الدنيا كلها
الهنوف : ههههههههه احمد ربك على العافية زانت علومك سارق فسحة التغ مدري اطرم وبتعزمنا مسوية حاتمي
نواف : ههههه الحمدلله يارب على العافية و بعدين مو بأنا يالهبله شهادة حق إني و حجرف فزعنا له
الهنوف : هههههههههه لابد يفزع العرق الحاتمي يعني ^_^
ريم : ههههههههه بنشوف هالحاتمي الليلة
نواف : والله شكل هالبزارين قلبوها جد ههههههههه
"
"
"
(6)
في بيت ام بــــــدر
دخل بدر ومعه ايليانا زوجته وبنته روز ...
>> بدر أعلمـ مدى عمق الجرح الذي بزغ في سماء الرياض هذه الليلة ...؟ >><
ياقلب طالـت قسوتـك وأنـت ليّـن
في قسوتك ياقلب ويش انت لاقي !؟
اللي تعـدّى عمـر ماهـوب هيّـن
والعالم الله كم مـن العمـر باقـي !
يمكن يطول .. ويمكن اليـوم أعيّـن
موتي .. ويبكون الحبايـب فراقـي
وش عاد أسوي وسط قبري وأزيّن ؟!
لاجفت عروق .. وعيون .. وسواقي
لا عاد بـه فرصـة عشـان آتحيّـن
ولا عاد به زفـرة وأفـك اختناقـي
باكـر وكـل اللـي سترتـه يبيّـن
وانا علـى هالحـال ميّـس وهاقـي
مـدري متـى يهدينـي الله وأديّـن
وأكف عن بعض المشاوير ساقـي !
فهد المساعد
تخيلوا شكل امه طايره من الفرحه بحركة بدر ماتعرف ليش انبسطت مره بشوفته هالمره بالذات .... ؟
جلست معه ورحبت فيه وعزّمت تسوي له حفله راقية اهو وايليانا جلست بنته في حضنها ....
وخذي دلع وخذي غنج
بدر كان جالس وقلبــــــه قلـــــــــــق مايعرف وش ينتظره للحين ... ؟
هل توفق في ذالقرار ...؟ وإلا تسرع و ظلم قلب إبتهال معه ...؟
" طيب أنا احب ابتهال و شاريها بس ..؟ مدري منيب قادر ابرر حركتي والله "
اهو قرر يريح حاله من العذاب اللي كان عايش فيه ويعلم الناس بالامر الواقع .... واللي شجعه وجود طفله له
دخل فــــــــــــواز راز عمره ......
فواز : احم احم
استغرب بدر من وجوده وناظر في امه وقال بإمتعاض : ذا رجلك؟
امه بحرج : أي هذا زوجي فواز .......
بدر يقزه فوق تحت ( لامحه أنا بس وين وين ..؟ يلعن شكله ورع صغير وش عاجبك فيه يمه )
بدر وقف وبين طوله ولا يزال يتأمل فواز : حياك الله بس عاد لعلمك البيت فيه محارم يعني الله لا يهينك
تنحنح او حتى لا تدخل في البيت الداخلي مفهوم
فواز ( يتأمل بدر بنفس النظراتـ و هو يتعهد نظرات الكراهية له .. من أولها بتسوي كذا بس أنا لك )
ارتفع ضغط فواز بس جامل عشان مايخرب خطته اللي بناها بشهور ابتسم و قال : ولو تأمر امر يابدر وش
دعوى انت ولد الغاليه << يدقه ^_* اني اخذت امك يعني
بدر ماجازت له هالكلمه ( ملعون ابو اليوم اللي جمعني فيك تذكرتك أنت أكبر داشر بالرياض وشفتك كذى مره
بإستراحة من سنين بس وش جابكـ وش طلعك من جديد بحياتي ) وقال وهو يتأمله : بدون مجاملات يلاااا
نروح مجلس الرجال..
"
"
(()) لامن صفعني الوقت اهديته ورود ...و لا هاج موجه اطعنه بإبتسامة (())
نزلت زينة تحاول تكون طبيعيه قد ما تقــــــــــدر كل ما تتذكر تهديد مضاوي لهــــــا
شكلها مره كيوت ماتدري ان بدر وصل ...
نزلت وشافت ايليانا جالسه عند امهاا قالت اكيد ذي من صاحبات امي بنحاش قبل تشوفني بعد ..
تعدت زينة بسرعه قالت ايليانا بصوت عالي : واااااااااااااااو ذز از بدرز سيستر...
مضاوي : يس .....
نادت مضاوي زينة بصوت عالي
مضاوي : زينة زينة
"زينة تخدرت لانها سمعت ايليانا تقول ان ذي اخت بدر ... وش معنى بدر بالذات ليش تعرف بدر "
قلبها صار يضرب بقووووه ....
ناظرت زينة بإنكسار بمضاوي وقالت : نعم
مضاوي : سلمي على زوجة بدر
صـــــــــــــــــ ـصدمــــــــه ـــــــــــــــــدمه
زينة قلبها عورها وقالت بلا مبالاه و إمتعاض : ايش بدر متزوج .... ؟
وناظرت ايليانا بصدمة
مضاوي قالت لإيليانا : شي از لاف هير فاذر بدر سو ماتس سو شي كانت بيليف يور ميراج
ايليانا : اووووووه شي از رومانتيك قيرل
زينة انصدمت بقوة و
لا قدرت تستوعب الصدمة ....
صدمتها بعمرهاا كفايه ... ليش يا بدر سويت كذى ليش انت واعي ومثقف ليش هدمت حياتك بيدينك مو كفايه
اختك تبعثر حظها انت بعد .... ؟؟؟
زينة بحسره لزمت صمت حزين جداً لا تزال تفكك رموز حياتها التي تتشابك يوما تلو الآخر
مضاوي قربت لها : شغلك بعدين اوريك ليش تتصرفين كذى مع الحرمة الظاهر اني استعجلت وطلعتك من
المصحه لو انك متنقعه فيها للحين احسن او يمكن مادري انك ماتبين تشوفين بدر ؟
زينة ألمتـــــــــــها كلمات مضــــــــــــــاوي وزادتـــــــــــــــــها حـــــــــــــــــــــزن
بدر بلهفة و شوق فظيع يسحب خطاهـ : اووووووه هلااااااا والله زينة وحشتنيني موووووت
زينة نطت لبدر بقوه وضمته وبكت بحسره : وانا بعد اشتقت لك مووووت
( بكت بقوة)
( تذكرت كل البلاوي اللي صارت لها )
" وينكـ وينكـ ياخوي ياعزوتي وينكـ ...؟ ماتدري وش اللي صار لي ..؟ أنا اموت كل لحظة مليون مرة ..؟ "
بدر يضمها : بجد لك وحشه يالدبه هاه اشوف وراك ناحفه ،،،اخاف مجوعك بندر بس هههههه << مايعرف انه طلقها
زينة واهي تبكي مسحت دموعها : بدر ليش سويت كذى ليش ..؟
بدر حزن وتكدر ومسك يد اخته واهي تبكي ...
مضاوي قاطعتهم : زينة خلاص عيب اتركي اخوك مالك شغل فيه اهتمي بنفسك وبس فاهمه
بدر بحنان على زينة : يمه اتركيها خليها شكلها تعبانه مره بوديها المستشفى
امه : أي مستشفى خسرتنااا تونا مطلعينها من المستشفى ولا نفع فيها
بدر : اعوذ بالله ليش ماقلتوا لي طيب انها تعبانه لازم لازم اوديها
امه : ياشيخ اجلس مع زوجتك بس اختك لسى مطلعتها من مستشفى الصحة النفسيه
بدر انصدم و عصب بقوة : ايش صحة نفسية زينة وصحة نفسية ليش ؟
امه بشماته : وجلست فيه 6 شهور
زينة برد جسمهااا وتفطر قلبها تركت بدر " كلمات امها جرحتها بزيادة "
وطلعت لغرفتها فوق واهي تبكي بقوه
بدر بعصبية : وبعدين جرحيتها بكلامك هذا يمه الله يهديك بس
امه : ولو يابدر ذا وانت دارس وافهم عادي الطب النفسي مو عيب
بدر بعصبية : ولو كان المفروض ماتحسسينها انهااا مريضة حرام يمه بعدين وش فيها ميب عاجبتني وش
صاير لها
امه : الظاهر انك استخفيت من جلستك برى نسيت من تحاكي انا امك ياافندي
بدر : على عيني وراسي بس حرام يمه زينة شكلها مره رايح فيها و ش فيها بالضبط ابي اعرف
امه: من يوم ماتركها الخبل ذا واهي فاقده عقلها لا وازيدك من الشعر بيت من يوم انها عنده واهو كارشها
وموريها نجوم القايله
بدر منصدم بقوه كأن احد صفقه بلوح خشب على وجهه : ايييييييييييييييييش بندر يسوي كذى مستحيل يمه
يمه تكفين قولي غير كذى
امه : اطلع لاختك واسالهاا انا محد يصدقني لاانت ولا اختك هالمجنونه الحمدلله والشكر
بدر : يمه رجاء لا تخلطين بين شيء وشيء
طلع وراح لزينـــــــــــة فوق و تجاهل ايليانا تماماً ...
ايليانا : واتز رونق ..؟ واتز هبن ..؟ آاي ونت تو نوووووى ذا متر اوف ذز تايم ؟
مضاوي : بليز دونت ووري ، اول ان اول ذير آر سوم تروبليز بيتوين ماي ميمبرز اوف فاملي
ايليانا ارتاحت شووووي وراحت تلعب بنتهااا واهي تنتظر بدر اللي تجاهلها مره لانو يحب زينة كثير...
بدر عند زينة في غرفتها..
يحاول قد ما يقدر يضبط مشاعره عشان مايتهور وينقهر لو سمع انها متكدره او تعيسة إلا زينة بالدنيا
ماعندي غير أخت وحده ...!
تشجع و اخذ نفس عميق و دخلـ
بدر فتح الباب وسحب خطاه لحد ماوصل عند زينة اللي بدت تناظره وتحس بالأمان حواليها
بدر وهو يأخذ صورة ابوه من دسك زينة و يتأمله : زينة وش السالفه بالضبط ..؟
زينة بصمت تناظر وجه بدر و استدركت : ولا شيء يالغالي بس ولهت وحشتني مره اول مره تطول 3
سينن يالقاطع
بدر رجع الصورة : ايه بس كنت بعد معودتنا تجين تطلين بين فتره والثانيه
زينة تبتسم : ان طليت سنه سنتين ماراح اطل الباقي
بدر تنهد و رفع راسه ناظرها جلس مقابلها : زينة وش مشكلتك مع بندر بالضبط ...؟ أنا اخوك ابي اسمع
منك قبل اضطر واسمع منه اهو
لاحظ بدر من اول ماجاء انو زينة مو طبيعيه ولها حركات ناس عندهم اضطرابات نفسيه خصوصاا وانا ذا
تخصصه في الدراسات .........ماعندها ثقة ابد عكس زينة الاولية
بدر : ساكته ليش لا تقولين مافي شي فيه بس قولي ..؟ وأنا منيب بستجوبك ابدا بس حريص اعرف صحيح
توني دريت ومتأخر بس للحين كاني مابعد استوعبت ( منفعل بقوة)
زينة : وش اقول خلاص بدر مافي نصيب وتطلقنا
بدر مسك راسه و انفجع : تطلقتوا طلاق مره وحده متى ليش محد قالي طيب ليش يوم احاكيك تصرفين ليش
كل ما اسأل امي عنك تقول انك طيبة و مبسوطة ليش خبيتوا علي ليش ...؟
" زينة يا بدر اجل لو تدري عن الخافي وش بتكون ردة فعلكـ بعد ... بس أنا عشانك لايمكن اخل بوعدي مع
امكـ اللي رمتني بين المجانين و سببت لي جروح ماتنعد "
بدر : ساكته يعني ... من متى طيب ياسفاه بك يا بندر بس ( منقهر بقوة ) من متى ؟
زينة بحزن : من زمان يمكن من سنه وشوي او سنتين تقريبا
بدر : لحووول استغفر الله العلي العظيم طيب ليش تطلقتوا ...؟
زينة عجزت تسيطر على نفسها وسكتت
بدر فهم موقفها وقال : اوكي مو مشكلة اذا حبيت تقولين أي شيء قولي لي انا موجود
زينة بحيرة مختلطة بالأملـ : انت هنا على طوووول
بدر : إن شاءالله ....هاه بعد تبوني اروح عشان لو يموت احد بعد ما تقولون لي من جد مالكم سنع حسستوني
اني زلابه من جد كنت حاس إن فيكم شيء خصوصا إنتِ بالذات ... وأول ماوصلني الخبر انو امي تزوجت قلت
ضروري انزل خصوصا اني خلصت دراستي مع انو هناك وصلني عرض راقي جدا بس ما هنتِ علي ابد قلت الوالدة تزوجت ( تنهد بحسرة ) واكيد راح تنشغل عنك ذا وأنا حاسب حساب إنك للحين مع بندر
زينة جروحها زادت ..تحس طاري جروح بندر الحين ولاشيء بالنسبة لجرحها الكبير وهو جرح مضاوي
زينة بحيرة و تساؤل : بدر ليش تزوجت ..؟
بدر سكت شوي وقال: نصيب يازينة ومكتوب علينا
زينة : بس انت مرتبط قبل ومتملك على إبتهال واهي تحبك مره
بدر حزن : ماتستاهلني ابد والله تستاهل واحد احسن مني
زينة : بس تحبها كنت تبيها وش غيرك ؟
بدر : شوفي زيون احيانا الواحد منا يسوي اشياء غصب عليه مايدري بحاله واهو سواها ولا ينتبه إلا اذا
طاح الفاس بالراس ...... ماعليش هذا حظي وانا رضيت فيه
زينة : يعني مجبور على زوجتك ذي
بدر :: لا بإخيتاري وذي صديقتي بالكلية وصاحبتي من زمان ساعدتني بكثير حسيت انهااا عوضتني عن ايام
الغربة اللي هناك والأهم أم بنتي
زينة فتحت عيونها : وإبتهال
بدر تحركت مشاعره وقلبه تفطر : إبتهال حب عمري ومستحيل انساهاااا
زينة بدهشه : يعني تحبها
بدر: اكيد زينة واموت فيها بعد
زينة : ليش تجرحها طيب وتسبب لهاا ازمة ...؟
بدر : قلت لك غصب غصب احيانا نتصرف بدون ماندري بعدين إبتهال انا شاريها واذا رفضتني فلها الحق
وتستاهل اللي يقدرها اللي اطيب مني
زينة : ماعندك استعداد تدافع وتأخذها لك يعني
بدر : بالعكس بس خايف اني ارهقها نفسيا
زينة ارتاحت لانو بدر جلس معها وصا ر يسووولف لهاااا ...
"
"
(7)
بنــــــــــــــــدر
محتاجك محتاج اشوف عيونك
محتاجك . محتاج اشم هدومك
محتاج اشوفك يا ضوى عيوني
قلبي و روحي عنك يسألوني
مثلي تبكي لو نسيت
مثلي تسهر لو غفيت
وشلون انام الليل من دونك
وشلون اغفى وانا من دونك
محتاج حبك يجي يدفيني و ارتاح
ادفع حياتي ثمن بس يرجع الـ راح
مثلي تبكي لو نسيت
مثلي تسهر لو غفيت
وشلون انام الليل من دونك
وشلون اغفى وانا من دونك
" جلس بندر في المكتب في الدوامـ يتذكر زينة واهي بحالتها الهستيرية اللي شافها فيها يحزن قلبه وتتقطع
احاسيسه !!! "
" كيف بس جرحتها وسببت لها الالم ليش ضيعتها من يديني .. ملعون ابو الكرامة اللي تعمي القلب ..وش
استفدت الحين كرامتي معي فوق بس قلبي تحت تحت "
" آخ ياقلبي بس والله اني محروم وبقوووه "..( يتمنى لو انه قريب لزينة يجلي همومها )
بندر راح للمستشفى كذا مره وعرف انو زينة غادرت واخذها زوج امها فواز طليق هبه سابقا ..
" بندر يفكر كيف بس ذالخسيس يطلع زينة بأي حق و أي شرع ...مبسوطة يا مضاوي عشانك قربتِ هالحثالة
منك ومن زينة ...؟ زينة حرام تطلع على مسوؤلية ناس بهالأخلاقـ ... أنا السبب .. أنا المسؤولـ ؟ "
ذبحته الهواجس مايعرف وش تسوي....؟
وش اخبارها طابت او لا....؟
عقلت او بالفعل اهي مجنونه ,,,؟؟
" آخ وش موقف بدر اذا عرف بتصرفاتي مع اخته اللي حلفت له اني اصونها واحطها بعيونهااا اكيد بيحتقرني
واطيح من عينيه " ....
بندر حاشته نوبة الصداع العنيــــــــــفة اللي كل مره
الرؤية بدأت تتلاشى شيئاً فشيئاً
كل ماحوله يوحي بعتمة لا يميز منها سوى وجه زينة المرهق الذي يرافقه في جميع حالاته
سحب اول درج يبحث عن أي مسكن ....او مضاد .... لم يجد !!
سلطان دخل للتو
سلطان : عسى ماشر ..؟ ( نزل الأوراقـ )
بندر مصدع بقوة يضغط براسه بكلتي يديه
سلطان مسكه : لا أنا قايل لك ذالوضع ماينسكت عليه ابد
بندر بإرهاق : لا تكبرها صداع و يمر كالعادهـ
سلطان : يعني تتوقع اني بخليك يالله قم بس
بندر بتضجر : سلطان ترى والله مالي خلق اخذ واعطي أنا بطلع طيب
سلطان : والله مانتب طالع إلا ورجلي على رجلكـ يالله فز
بندر اشتدت نوبة الصداعـ على راسه و بدأ يضعف
أكثر من الإستغفار
سلطان يأخذ بيديه لاقرب مستشفى
-
-
-
-
عند الدكتور
الدكتور : وش قصتك يا بندر هههههه صاير شاعري او ايش بالضبط ..؟
سلطان يبتسم : انا قايلن لوه انو موب خالي الرجال << قصيمي ^_^
بندر ( تذكرها ....من كثر ما يفكر فيها هالصداع صار يخمه بشكل متواصلـ ...وزادت نوبات الصداع المزمن )
الدكتور : إن شاءالله انك طيب بس لابد فوصات عشان نتطمن اكثر
بندر بقلق : انت شاك بشيء
الدكتور يناظره : لابس من باب التأكد وش بيضرنا نسوي فحوصات اضمن
بندر ( الله يستر ياخوفي بس ) : الله يقدم اللي فيه الخير للجميع
الدكتور : تفضل معنا نسوي الفحوصات والنتايج في وقت لاحق بإذن الله
بندر بحذر : لا تتعب عمرك يادكتور ما يحتاج أنا بإذن الله بطلع احلل و اشوف برا اضمن
الدكتور : لا ابد ترى السالفه ماتستاهل يا بندر بس مجرد فحوصات ..؟
بندر : خير إن شاءالله
طلع سلطان و بندر ...
سلطان : شف مايمديك تقول أي شيء معزوم على الغداء عندي
بندر : وربي انك رايق يا سلطان مصدع و تافل العافية بجد وتقولي عزيمة وغداء
سلطان : والله موب شغلي عاد تجي تجي تذوق طبخ امي
بندر : ههههه قصدك عمتي تدري انها كانت زوجة عمي سعود
سلطان بتريقة : بالله عليك جد توني ادري خخخخخ
بندر : هههه مالي خلقك والله
سلطان : تدري لو ان اختي ما ماتت كان والله ما ازوجها غيركـ بس يالله قدر الله وماشاءفعل
بندر : احلف بس تبيني اخذ اخت زوجتي ( تنهد) او طليقتي
سلطان طق جبهته : اوووف نسيت خخخخ بس عاد طليقتك كان مابه شيء لو تأخذ اختها
بندر : ياشين اللي يتفلسف وترا اختك ميته ازعجتنا فيها وهي ميته كيف لو هي عايشه
سلطان يهيم : اووووف بس لو هي عايشه كان وربي لا اعيشها برنسيسة ارفع لها راسها فوق في كل مكان
أنا عندي اخت وحدة بس و اشوفها دنيتي كله كيف لو عندي ثنتين كان اصير ملك خخخخ
بندر يبتسم : الله يخليك لكل عين ترجيك
سلطان : اقلط اقلط حياك وصلنا ترى ماحولك احد مافيه غير الوالدة هههههه
دخل بندر و جلس في مجلس الرجال
و ها هو سلطان معه القهوة ....
يسولفون ,,
سلطان : إلا ما قلت لي وش صار على رهام ..؟
بندر عقد النونة : أي رهام ..؟
سلطان : خخخخخخخ اللي حققت معها بالصحة
بندر : ايه خلاص تقفلت القضية البنت تدافع عن شرفها و حكم القاضي بالعفو عنها
سلطان يتذكر ( البنت اللي شافها وذكرته بموقف سبق و ان مر عليه ) : طيب و صديقتها اللي كانوا بيرتكبون
فيها ابشع جريمة الله لا يوفقهم
بندر سكت واكتفى بالصمت ( تذكرها)
سلطان : ياولد فنجالك خخخ وش فيك ترا الدكتور عبدالعزيز موصيني عليك مانيب مستعد ابتلش معك كل شوي لا تمسك خط و تهوجس
بندر : يابن الحلال والله يعين بس متقفلة والله
سلطان : بندر ياخوكـ حنا اخوان دنيا وقبل ذا وذاكـ بيننا معرفة يعني وش بلاك متكرن .. قلي وش فيك انا ملاحظ بس احترمت رغبتك بالصمت ..؟
بندر رفع راسه و مازال صامتاً
سلطان : عندكـ مشاكل ..او ظروف صعبة ..؟
بندر ناظره يتأمله ( ليش ر سمة خشمه تذكرني فيها ) ابتسم له : تصدق انك تذكرني بشخص غالي علي
سلطان : هههههههههه بالله عليك واشوفك ميت علي و متغدي عندي اليوم لا تتعودها بس
بندر مازال يتأمله
سلطان : ههههه شف اجل مايمديك ابد على هالتأملات بتقولي وش بلاكـ ..؟
بندر تذكر همه : يابن الحلال وش اقول ووش اترك لاتدخل عصك بشيء مايخصك اريح لكـ !
سلطان : والله غير تقولي حلفت منيب صايم 3 ايام
بندر بألم : وش اقولك ياخي والله لساني مدري وش فيه اذا تذكرت السالفه اصلا ينعقد لساني
سلطان قرب له : وش السالفه ياخوكـ ابشر بالفزعة
بندر يناظره : ماتقصر ياخوي بس
سلطان قاطعه : وش السالفه ؟
بندر ظل صامتا لفترة
سلطان : قلقتني والله
بندر : تتذكر البنت اللي قلت عنها تو
سلطان بإهتمام : صديقة رهام ( هامته مره بعد)
بندر : ايه ماغيرها
سلطان بإنفعال : لا تقول لحقوا هواهم وراحت فيها البنت ترا بقطع شعر راسي وقسم
بندر يناظره : وش فيك تفاعلت كذا اصبر
سلطان : لا بس ياخي قهر كل ماتذكرتها انقهر ذكرتني بموقف لا يمكن انساه طول حياتي
بندر بحيرة و غيرة : انت شفتها ...؟
سلطان اللي وقف : ايه شفتها و تحرك قلبي بقوة يوم شفتها احس هالبنت تهمني مدري ليش يمكن لانها ذكرتني بأمي بموقف من المواقف
بندر بكتمة فظيعة : كيف ..؟
سلطان بإهتمام : وش فيها هالبنت ..؟
بندر يناظرها بحزن فظيع ( مستحيل اقوله السالفه صرفه يابندر بس ) : مافيها شيء بس قالقتني شوي افكر وش صار عليها
سلطان : بندر من جدك هذا همك اللي قالب حالتك فوق تحتـ
بندر عيونه تنطق بحكي غير : هذا كل همي
سلطان : وش صار عليها طلعت او لا طيب ماتدري ...؟
بندر لاحظ إهتمام سلطان : اعتقد طلعت
سلطان : تبي الصدق أنا رحت بعد و سألت قالوا لي إنها طلعت على كفالة فواز بن ... الـ .. غريبة ياخي انها
من عائلة كبيرة مثل عائلة فواز الـ... و ذابينها بمصحة وين الرجال والله ضاعت المرجلة
بندر ( تكفى يا سلطان لا تزيد جروحي لاهنت ولا تذر الملح على الجروحـ ) عاوده الصداع المزمن بقوة
سلطان : بندر رجع لك الألم صح ..؟
بندر اللي بدأ صوته يخفت : لا بس وين المسكنات ...
سلطان يدور مالقى شيء
سلطان : اعتقد دخلتهم معي بروح لأمي انشدها
سلطان دخل لامه واخذ المسكنات
امه تسأل بالإشارات فيك شيء
رد عليها سلطان بالإشارات مافيني شيء صديقي تعب و ذالمسكنات له !!
امه رفعت يدينها تدعي له إن الله سبحانه يشفيه
طلع سلطان بسرعه ولقى بندر مغمى عليه
أول مره يشوفه كذا ... خاف مايعرف كيف يتصرف !!
حاول يرفعه بيوصله المستشفى
إلا بدخة امه
أمه بعلامات الضيق و الدهشة تحاول جاهدة مساعدة سلطان في إنقاذ بندر
سلطان : يمه ابد ما يحس بوصله اقرب مستشفى ....
سلطان وامه ارتبشوا بس ماقصروا بسرعه تصرفوا
فتح بندر عيونه
استعاد الرؤية الضبابية
" نبضات قلبه انتظمت بلحن جميل استباح من الجمال أروع مثال "
دفعته خلجات جامحه لإستعادة شيء من صحته
بندر يناظر برؤيه ضبابية " ألمح وجهها ..يارب تعيني حتى هنا اتخيلها ليش مابعد نسيتها ..يارب إنها بخير يارب ...بس هذا وجهها والله "
تحرك بندر و صحصح استعاد الرؤية ..
عيونه لا تتحمل الموقف
زينة
زينة
قدامي هي اللي اسعفتني بعد الله سبحانه ...
" لا يزال يتوهم "
لا هي زينة والله
صحصح
ليلى غطت وجهها بشرشف الصلاة
ليلى بالإشارات تسوي حركات اجلس خلك مرتاح لا تتعب عمرك
سلطان اللي وصل السيارة لعند الباب عشان يأخذ بندر
سلطان ابتسم : صحيت الحمدلله هاه كيفك
بندر " لا يزال اسيراً لزنزانة الرؤية التي راها أول مافتحت عيناه "
بندر بلم بصمت ولا يزال يتأمل أم سلطان
سلطان : هييييييييه يا ولد وشلونك انا هنا ناظرني اترك امي عنك ..؟
بندر يناظر سلطان بدهشه فظيعة : وشو
سلطان : خخخخ وش بلاك انت كيفك الحين ( حط يده على جبين بندر ) منتب محموم ماعليك حمى يعني
بندر بدأ يستوعب اللي صار له الموقف اللي يوجهه كذا مره حالات الإغماء والله يعين
بندر وقف : قلت لك بروح البيت و اصريت
سلطان : الله يجزاك خير رجيت قلبي انا وامي
بندر تلقائيا تذكر وجه ام سلطان ( الخالق الناطق زينة والله وقسم ) ناظر أم سلطان : الله يجزاك خير يا خاله
ما قصرتِ والله
سلطان : امي ما تسمع بس انا اوصلها بالإشاارت .....
بندر لا يزال مذهـــــــول
سلطان : يالله امي تقول مانبي غير الدعوات
بندر مازال مبلم : الله يجزاكم خير .....
بندر : يالله انا بطلع الحين
سلطان : احلف بس و مصدق اني بتركك تسوق وانت توك منعنش امش بس
بندر ابتسم : الله يجزاك خير
رجع ناظر ام سلطان و رفع يديه بمعنى بالأذن
طول الطريق و بندر مذهول ... صامت ..... يحاول يربط بس مافيه أي رابط للأسف !!
أأه يالحنان أأه يا زينة تخيلي في كل الحالات اتخيل وجهكـ حتى أم صديقي شفت وجهك بوجهها !!
وصلوا بيت بندر
نزل بندر : يالله الله يعطيك العافية ومشكور وسلامي للوالدة
سلطان يناظر جواله جاه إتصال من حجرف ^_^ : بندر وش قصتك مليون مرة قلت لي الوالدة والوالده تدري امي لو تدري انك من الـ .... كان سحبت عليك ويمكن منعتني اماشيك خخخخخخخخ
بندر ابتسم : للحين منيب فاهم تخوف امك مننا
سلطان يناظر جواله يقرأ مسج حجرف خخ : والله ما تنلام حملت وماتت بنتها و امي عاد تعرف ظروفها النفسية يعني
تتوهم ان البنت انخطفت على كلامها تقول شافت الممرضة تأخذها و احيانا تقول انها مابعد ماتت عايشه للحين
و الشيخ يقول لنا شيء طبيعي تقول كذا هذا ردة فعل للمرض النفسي اللي فيها
بندر شرد و مسك خط : الله يخليها لك
دخل بندر بيته ... ولا يزال غارقاً في دوامة الفكر ومحاولة الربط ولكن لا رابط ابد .. وش قاعد تخربط بس !!
عاوده الصداع المزمن وبقوة هذه المرة
بعد مرور ربع ساعه
مرت صوفيا اللي وصلت للتو بالصدفة وشافته طايح راحت له واهي تدعي انو يكون ميت عشان تفتك منه
وترتاح ..... لانو عيشهااا بسجن مثل مانعرف كانت عايشه حياتها فري اوفر
كبت عليه مويا وصحى بشويش اشر للحبوب اللي على التسريحة جابتهن له واكل وحده وصحصح شوي
شوي ......بعد ما ارتاح و استعاد نشاطه شيئا فشيئاً
صوفيا : من كثر التفكيررر ارهقت عمرك
بندر ساكت ولا يرد بشيء ...
صوفيا : يااقلبي مرهق عمرك بوحده خبله نايمه 6 شهور في مستشفى صحة نفسية
بندر ماسك راسه من الصداع : هاتي لي مويا بس ولا يكثر
صوفيا : صدق السعاوده اغبياء الواحد يعذب نفسووه وعمررروه,,,وو
بندر : اولا سعوديين مو سعاودة لاالفعك بهالكوب ثانيا لمي شنطتي لاني بسافر الشرقية مع سعود..........
صوفيا: ابشرررر ( ماصدقت خبر )
رتبت اغراضه صوفيا بشكل مبعثر ......
بندر : حتى ذوق ماعندك رتبي بذوووق بدلع ابي احس انك انثى يعني
صوفيا : كركركر ضحكتني احمد ربك اني انا صوفيا ارتب اغراضك
بندر يساعدها في الاغراض : ههههه أي والله اني احمد ربي تصدقين
صوفيا : بتتأخر
..بندر : 4 ايام 5 ايام بذالمحاري
صوفيا : اهاااااااااا...
بندر : بتروحين بيت امك
صوفيا : لاحبي بجلس هنااااااا امي في كازابلانكا صار لهاااا اسبوعين
بندر يناظرها : بالله كيف تجلسين لوحدك ؟
صوفيا : لا بروح عند خالتي ام تركي في بيتهاا
بندر : حلو...
-
-
بندر قلبه يفتك ألــــــــــم زينة كل دقـــــــــيقة والثـــــــــــانية بعيونه واهي في حالتها البائسة ـ
بندر جهز اغراضه وطلع ودع صوفيا ...
ومر على البيت وبوس رأس امه وعضعض ولد اميرة وطلع سأل عن ابوه كالعاده بالمزرعه
راح المزرعة و سلم عليه .....
سوري على التأخير
أتمنى يعجبكم البارت و الخميس بإذن الله لي عودهـ
انتظر الملاحظات و التوقعات ^_^
يعطيكم العافية
|
30-10-08, 12:23 PM
جديد مواضيع قسم القصص المكتمله
العرض العادي
