كاتب الموضوع :
cascada angel
المنتدى :
القصص المكتمله
ـــــــــــــ
(( في الـقاع ــه ))..*
(( كانت ليان مقهورة من جود لآنها ماخلتها تشوفها .. وكل ماتتصل عليها ماترد .. آخر شي رد جـواد عليها ))..*
ليان : ارجعي ولآ مارح يحصل طيب ..
جـواد : ما اقدر عندي حاله طارئه ..
ليان : مالي شغل .. تجين الحين الحين
جـواد : ليان وربي عندي ظروف ما اقدر .. ليان باي اكلمك بعدين ..
"ليان قبل ما تقول آي شي سكرالجوال في وجهها .. وجات لها حلآ ودلال "
(( حلآ ودلال كانوا لابسين فستان اسود منقوش نقشه خفيفه وفيها حركات باللون الفضي وكان شعرهم كيرلي وفيه كرستاله
صغيره ))..*
حلآ : يلا الحين راح تدخل غلا ..
ليان : طيب
دلال : ايش فيكي ليه مبوزه !
ليان : جود جات وراحت بسرعه من غير ما اشوفها
حلآ : ولآ على بالك خليها تولي ..
دلال : يلآ عاد ابتسمي ..
حلآ : يلا ليوونه قومي معنا
ليان : اوك ..
"ويروحون لغلا "
((وقت الزفه .. تنطفي الأنوار ويسلط نور ابيض على الباب وينفتح الباب ويشتغل شعر يلقيه حمد عن غلآ وتدخل غلآ
اللي كانت قمه في النعومه والروعه مع فستانها الأبيض كانت طالعه مثل الملاك بنعومتها وكانت بعض خصل شعرها
على وجها .. وصلت للكوشه وبدأ الرقص والوناسه وجى وقت دخلة حمد دخل القاعه ووصل للكوشه وبدأ التصوير
وبعد ماخلصوا راحوا للشقة علشان راح يسافرون اليوم اللي بعده ))..*
ــــــــــ
(( في بيت بوفهد ))..*
جـواد : انت مجنون تجيب حد غريب للبيت
ريان : ايش تبغاني اسوي معهم .. ماقدرت اخليهم يموتون في الشارع..
جـواد : ياسلآم على قلبك الحنون ..
ريان : طيب والحين شنو راح نسوي بالولد
جـواد : انا مالي دخل فيه .. انت اللي جبته وانت تتحمل مسؤليتك ..
ريان : جـواد ساعدني انا ما اعرف للأطفال
جـواد : اهاا يعني انا اللي اعرف ..
ريان : مو المشكله مايبغى حد غيرك ..
جـواد : هذا من سوء حظك لآنك انت اللي راح تهتم فيه ..
ريان : بس انا ما اعرف ..
جـواد : وانت تجيب المصيبة وترميها علي .. خلصني آخذه
ريان : مايبغاني !
جـواد : تشم ريحة ؟!
ريان : ايوه
جـواد : شيـــله عني بسرعه وخلي وحدة من الخدم تغير له ..
" وياخذه من عند جـواد ويبكي محمد بقووه يبغى جـواد وكذا ضلوا طول الليل سهرانين معه الى ان تعب قريب الفجر
ونام وناموا هما معه كمان "
ــــــــــــ
(( في الصباح جلست يارا .. وهي كأنها طايحه من الدور السابع .. وجسمها يألمها ومو قادره تتحرك ابد .. ناظرت حواليها
علشان تعرف هي وين .. استنتجت انها بالمستشفى بــس .. محمد وينه .؟؟.. دخلت عليها الممرضه))..*
يارا : لو سمحتي .....
الممرضه : نعم ..
يارا : الطفل الصغير اللي كان معي وينه ؟!
الممرضه : آسفه .. ماكان معك ولد
يارا : شنووو ... مين اللي دخلني المستشفى ..؟؟
الممرضه : شاب لقاكي مرميه في الشارع ,,
يارا : طيب ماجاب معه طفل صغير عمره اقل من سنه
الممرضه : ممم لآ ..
يارا : انتي متأكده ..؟؟!!
الممرضه : اوك اروح اتأكد وارجع اقولك
يارا : الله يخليك روحي
" راحت الممرضه تسأل بعدها دخلت ممرضه غيرها "
الممرضه : اختي انا كنت مناوبه فتره دخولك للمستشفى وماكان معك آآي طفل آنا اسفه ..
يارا " والدموع في محجر عيونها ": طيب اللي جابني ماخبركم عن الطفل ..؟
يارا : لآ .. اهو بس جابك وتأكد انك بخير وراح ...
يارا " انهــارت ": وينه اجل
الممرضه : هدي آعصابك .. انتي بكذا تضرين نفسك
يارا : خليكي مني الحين ابغى محمد .. لازم ادور عليه
" حاولت تقوم بس الممرضه منعتها "
يارا : اتركيني انا لآزم اروح ادورعليه ..
الممرضه : طيب ارتاحي وانا اروح انادي الدكتور يمكن يعرف شي ..
" بس يارا تجاهلت آلمها وشالت من ايدها ابره المغذي .. وايدها تنزف .. راحت تدور على اغراضها وتلبس عبايتها
وتفتح باب الغرفه في هالأثناء يدخل الدكتور الغرفه "
الدكتور : يا اخت يارا انتي كذا تضرين نفسك .. ارتاحي وخلي الممرضه تشوف ايدك شوفيها كيف تنزف ..
يارا " تحاول تمسك نفسها لا تنهار اكثر " : يادكتوور .....
الدكتور : ارجعي لسريرك وخلينا نتفاهم يمكن اقدر اساعدك ...
" يارا ترجع تجلس على السرير وجات لها الممرضه تشوف ايدها .. "
الدكتور : الشخص اللي جابك هنا ترك رقمه .. وقال انه راح يرجع علشان يتطمن عليك .. فا احتمال يكون يعرف شي
عن الطفل ..!
يارا : تقدر تكلمه الحين ..
الدكتور : اوكي مو مشكله ..
ـــــــــــــــــ
(( في بيت بوفهد ))..*
(( صحى جـواد من النوم على صوت جوال ريان .. راح بسرعه اخذ الجوال قبل لا يصحى محمد الصغير .. شاف
ان الرقم غريب حول الوضعيه للصامت ورجع كمل نومه ))..*
ـــــــــــــــــ
نهاية البارت
اتمنى انه يعجبكم
|