لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-08-09, 01:03 PM   المشاركة رقم: 91
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


البارت التاسع عشر

(( في سياره محمد .. رغد كانت جالسه ورى محمد مباشره وكانت تطالع فيه في المرايه وتتأمل وجهه ورسمة عيونه
الحاده و***وكته اللي زادت جماله وكانت في عالم ثاني .. رفع محمد عيونه للمرايا علشان يشوف السياره اللي وراه
والتقت عيونه بعون رغد وبهذي النظره رجعت كل آيام الطفوله ..ضحكهم وحزنهم .. نزلت رغد عيونه بخجل ..
ودخلت رغد في حياة محمد من جديد ))..*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

((في سياره احمد ))..*
"كوثر وجـــــواد مسويين ازعاج موطبيعي "
جـــــواد : أم لسانين
كوثر : اوووف ايش تبغى
جـــــواد : مشاء الله عليك تعرفين نفسك
كوثر : انا لله وانا اليه راجعوون .. اخلص ايش تبغى
جـــــواد : لآ .. ما ابغى شي بس بغيتك تسكتين يالعنزه
كوثر : شنو شنو شنو .. انا عنزه يالتيس الأجرب
احمد : بتسكتون ولآ ارميكم من النافذه

ـــــــــــــــــــــــــ
((قبل 12 سنه كوثر عمرها 6 سنوات واحمد عمره 10 سنوات))..*
كوثر : حمودي يالدب تعال
احمد : نعم
كوثر : يالدب .. ياراس البطه .. روح جيب لي مويا وبعدين تعال العب معنا
جود : اخوي مو خادم عندك
كوثر : هو اللي قال لي انه راح يكون لي اسوي فيه اللي ابغى ..

((احمد في صغره كان سمـــــين مره .. وفوق هذا جبان يخاف من كل شي ويبكي على آي شي .. وماكان عنده شخصيه
مثل الآطفال اللي بسنه ابد ..وهو كان معجب بشخصيه كوثر رغم تسلطها عليه.. فكان ينفذ لها اوامرها .. وكوثر كانت
تستغله استغلال مو طبيعي))..*

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
((في سياره محمد .. مي كانت جالسه بين جود ورغد .. وكانت تطالع ريان اللي كان جالس قدامها ))..*
مي : ريانوه .. موقادره اتحمل جمال عيونك
ريان : ياشيخه قولي مشاء الله ..
مي : يلآ .. ريان عطني اياهم علشان يكمل جمالي الساطع
ريان : معليش تحملي عيونك .. تدرين الجمال مايكمل
مي : عليـــــك عيون تخفق
"ريان دخل في عينه غبار فجلس يفرك فيها "
محمد : ميووه ... حرام عليك حسدتي الولد
الكل : ههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
((في سياره احمد ))..*
كوثر : احمدووه .. صاير حركات وشخصيه .. بعدين شلون نحفت كذا اذكرك قبل كنت ماتدخل من الباب هههههههه
احمد : ...........
جـــــواد : اووه يرحم والديك اسكتي خمس دقايق بس
كوثر : وانت ايش دخلك .. انا مو في سيارتك
احمد : طيب مادامك في سيارتي اسكتي
كوثر : تبغاني اسكت هاا .. وقبل كنت خاتم في صبعي كل اللي ابغاه تسويه لي
احمد : بس .. خلآص مقدر اتحمل وجودها في السياره اكثر
جـــــواد : ايوة يا اخوي نزلها من السياره دفعة بلا عن العائله
كوثر : ياللي ماتستحون على وجيهكم تتقوون على بنت ضعيفه .. لي الله
شجون "بصوت واطي ": كوثر خلاص اسكتي عنهم ..

ـــــــــــــــــــــــ
((واخيــــراً وصلوا الأحســـــاء))..*
جـــــواد : الحريه ياقووم .. مابغينا نوصل
محمد سلمان "اخو كوثر": هذا وانت ماتسوق
جـــــواد : بصراحه انت كاسر خاطري
محمد سلمان : ليه ..
جـــــواد : اختـــك ..
محمد سلمان : ههههههههه ليه ايش سوت لك بعد
جـــــواد : قول شنو ماسوت ... راديو مو بنت
محمد سلمان : خخخخخ تستاهل
جود : محمد
محمد سلمان + محمد عبدالعزيز : نــــعم
محمد عبدالعزيز : ياهوو اختي تناديني انت ليه ترد
محمد سلمان : يا اخي كم مره قلت لك غير اسمك
"ويروح محمد لجود "

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
((عند البنات .. تجمعوا البنات في غرفه وحده وقرروا ينامون مع بعض ))..*
مي : هذا المكان محجوز لي
شجون : لآ حبيبتي انا حجزته قبلك
مي : لآ والله ..
شجون : اقول ابلعي العافيه وشوفي لك مكان ثاني
مي : ان شاء الله تشوفين كوابيس
الجوري : طيب انا وين
جود : انتي في الغرفه ..
الجوري : هههاااااي بايخه .. اقصد وين انام
جود : مع يور هزبن
الجوري : لآ والله .. انا بنام معكم
كوثر : على كثر الغرف اللي في المزرعه ومتجمعين كلكم في غرفه وحده
"الايرن جوال الجوري "
مشاعل : اكيد العاشق الولهان المتصل
الجوري "ترد ": هلآ حبيبي
سلطان : وينك ..؟؟
الجوري : مع خواتي
سلطان : متى رااح تجين
الجوري : وين اجي ..؟؟
سلطان : غرفتنا
الجوري : بس انا بنام معهم
سلطان : وشوو ليه تنامين معهم وانا مع مين انام
الجوري : حبيبي نام مع الشباب
سلطان : لالالا .. ابغى انام معك
الجوري : ياعمري ياحبيبي ودي انام معهم
سلطان : واهون عليك انام لوحدي
الجوري : لآ .. ماتهون علي .. خلني انام الليله معهم بس ..
سلطان : جوري اعقلي وتعالي ازين لك
الجوري "بدلع ": حبيبي بس الليله
سلطان "بعصبيه ": جوري خمس دقايق لو ماتجين بجي اجرك من شعرك "وسكر في وجهها"
"الجوري خافت اول مره يصرخ عليها وعلى طول قامت راحت له "
جود : العاشق الولهان مايقدر يستغنى عنك
شجون : مافي امل يستغني عنها ..
جود : اساساً هي عامله له عمل مو معقوله متعلق فيها لهذي الدرجه
"البنات كلهم قاموا يضحكون عليها وهي طلعت من الغرفه ودمعها على خدها ماتوقعت ابد ان سلطان حبيبها اللي يخاف عليها من هبة النسمه
يصرخ عليها.. دخلت الغرفه ودمعها على خدها .. سلطان شاف شكلها وعلى طول راح لها "
سلطان : تو مانور المكان ..
"الجوري تلف وجها عنه "
سلطان : حبي ايش فيكي
الجوري "وتبدأ تبكي ": ليه تصرخ علي
سلطان "تذكر انه انفعل وصرخ عليها .. جلس جنبها وقرب منها بس هي بعدت عنه "
سلطان : جوريه حبيبتي والله ما اقدر انام بدونك
الجوري : ...........
سلطان : عمري لآتزعلين مني انا ما اقدر انام ولا أعيش ولآ استانس من غير ماتكوني معي ..
الجوري : ............
سلطان : ردي علي حبيبي .. الحبيب مايزعل من حبيبه ..
الجوري : واثق اني احبك
سلطان : ايوه واثق .. انك تحبيني وتموتين فيني وتعشقيني وماتقدرين تنكرين .. بالله خلاص حبيبتي والله اتوب وما اصرخ
عليكي ابداً .. ابداً .... ها حبي رضيتي علي ..؟؟
"الجوري تبعد عنه "
"سلطان يمسك ايدها ويبوسها و يغني لها"

بعدك زعلاني مني
قولي لي ردي علي
بعدك زعلاني

هالنظره بتجنني أنا و حياتك مافيي شوفك زعلاني

"جوري تسمع له وكانت مبسوطه عالآخر "..
سلطان : ها حبي .. صافيه لبن
الجوري "وهي تبوس خده ": حليب يا اشطى ..

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:05 PM   المشاركة رقم: 92
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



(( جـــــواد اول ماوصل .. على طول راح اتصل على ليان اللي كانت نايمه ))..*
ليان : الوو
جـــــواد : صباح الخير ياحلووه
ليان : صباح النور
جـــــواد :نايمه
ليان : ايوه .. كم الساعه الحين
جـــــواد : 9 ونص
ليان : يووه .. بدري
جـــــواد : ليه كم الساعه نايمه ..؟؟
ليان : الساعه اربع الفجر
جـــــواد : بسك نوم اجل ... يكفيك خمس ساعات نوم
ليان : حرام عليك الناس اجازه
جـــــواد : بلا دلع واجلسي
ليان : ربي على الظالم ... ليه صاحيه من بدري
جـــــواد : اممم خمني انا وين
ليان : لآ تقولين انك جنب بيتنا وتنتظريني افتح لك الباب
جـــــواد : الظاهر انتي الى الأن ماصحيتي من النوم
ليان : اجل مايحتاج اعرف انتي وين الا اذاتبغيني اجيك
جـــــواد : خلاص مو لازم تعرفين
ليان : يلا قولي انتي وين
جـــــواد : ماني قايله لك .. عقاب
ليان : يلا عاااد
جـــــواد : اعتذري قبل
ليان : لآ والله .. اجل مو الزم تقولين
جـــــواد : يلآ روحي كملي نوم .. وآسفين على الآزعاج
ليان : جود زعلتي ... بس انا ماقلت شي يزعل
جـــــواد : طيب شنو تبغين الحين
ليان : خلاص انا اسفه .. قولي انتي وين
جـــــواد : خلاص سامحتك
ليان : لآ والله .. ليه كان في احتمال ماتستامحيني
جـــــواد : كل شي جايز
ليان : خلصي وقولي انتي وين
جـــــواد : انا في الأحســــــاء الحين ..
ليان : احلفي ..
جـــــواد : والله العظيم انا في الأحساء
ليان : متى راح ترجعين
جـــــواد : اممم بعد اسبوع
ليان : لا والله .. ترجعين الحين .. الحين
جـــــواد : ليــــه ..؟؟
ليان : زواج بنت خالي يوم ثاني العيد
جـــــواد : طيب وانا ايش دخلني بزواج بنت خالك
ليان : ابغاكي تحضرين
جـــــواد : يووه .. حسافه كان ودي اشوفك
ليان : حرام عليك ابغى اشوفك .. تعالي الزواج
جـــــواد : تخيلي اجي واشوفك واسلم عليك وانتي ماتعرفيني .. واقولك انا جود .. شنو راح تكون ردة فعلك ..
ليان : اممم بطير من الفرح .. وبحضنك .. وبضحك
جـــــواد : بس ..؟؟ مافي بوسه .؟؟
ليان : استحي يابنت عيب ..
جـــــواد : اجل ماني جايه
ليان : يلاااا عااااد تعااالي
جـــــواد : ما اوعدك بشي
ليان : اوووف مالقيتوا تسافرون الا الحين .. مالي دخل تجين .. يعني تجين
جـــــواد : اممم اشوف اذا وافق جـــــواد يجيبني
ليان : تكفين .. ابغى اشوفك
جـــــواد : احاول ..
ليان : لالا ماتحاولين .. تجين يعني تجين
جـــــواد : يمكن مايوافق جـــــواد ..
ليان : وليه مايوافق .. اقتله لو مايوافق
جـــــواد : نعم نعم .. بتقتلين اخوي وتبغيني اجيك
ليان : جوود لآزم تجين ولا راح ابكي
جـــــواد : فديييت دموعك


ـــــــــــــــــــــــــــــــــــــــــــ

((في المزرعه وبعيد عن الكل في شخص ثاني كان يكلم جوال))..*
بوفهد : ها لقيتوها
عبدالمنعم : تلقينا اخبرا تقول انها تشتغل في مشغل نسائي
بوفهد : يعني لقيتوها ..
عبدالمنعم : اليوم راح نروح للمشغل وان شاء الله تطلع هي
بوفهد : طيب .. لآ تنسى تعطيني آخر الأخبار
عبدالمنعم : حاضر طال عمرك

ــــــــــــــــــــــــــــــــــــــــــ
(( في اثناء ماكان بوفهد يكلم جوال .. كانت يارا عايشه في رعب .. كانت حابسه نفسها مع محمد الصغير .. وتبكي من الخوف
وصوت ضربات الباب اللي شوي وينكسرةمن قوتها .."ليه يصير فيني كذا ".. هذي الفكره اللي تدور في راس يارا
وسط كل هذي الضجه ))..*

ــــــــــــــــــــــــــــــــــــ
(( قبل نصف ساعه ..كالعاده جلست الصباح وغيرت لمحمد الصغير واكلته .. وبدأت شغلها بالمشغل .. هي تشتغل
مع عاملتين فلبينيتين.. في العاده يفتحون المشغل الصباح وماتجي صاحبة المشغل الا الساعه 3 العصر .. بس اليوم لاحظت يار
ان العاملتين يتصرفون تصرفات غريبه .. تجاهلتهم وراحت تكمل شغلها .. كانت تمسح الأرضيات وبعدها رن جوال
وحده من العاملات وراحت فتحت باب المشغل .. يارا استغربت في العاده مافي حد يتصل عليهم ويجي على طول ..
محمد صار يبكي وراحت له علشان تسكته .. شوي الا وتحس بيد خشنه تحاوط خصرها وترفعها عن الأرض ))..*

: هذي هي الحلووه اللي بعتوها لي ... لآ تخافين حياتي راح اعاملك مثل الملكه ..
((استوعبت يارا الموضوع العاملات مدخلين عليها رجال .. وهو حاملها صارت تصارخ وتضرب فيه علشان ينزلها
بس ماقدرت .. ضربات جسمها الهزيل والصغير قدام ضخامة هذا الوحش ..لاحظت ان العاملات راحوا الغرفه الثانيه
واتركوها لوحدها .. كان يحاول يبوسها بشكل مقزز وهي تحاول تبعد عنه الى ان جرحته جرح جنب عينه خلاه يتركها
ويحط يدينه على عينه .. على طول اخذت محمد وراحت تركض بأقصى قوتها وكان راح يمسكها بس ما انتبه لمواد
التنظيف اللي عالأرض فطاح وهي دخلت دورة المياه وقفلت على نفسها ..والحين هو جالس يكسر الباب عليها ))..*

: اطلعي يابنت ××× .. انتم يا اغبيه ماعندكم مفتاح ثاني
العامله : تو ماستر أول ذا كي وذ ذا مادام

((يارا كانت تدعي ربها ينجيها من المصيبه اللي هي فيها .. والله استجاب دعاها .. رن الجرس بس هذاك الوحش ما اهتم
كمل ضرب على الباب .. خافت ان املها الوحيد في النجاة يروح .. وصارت تدعي بكل خشوع ))..*

العامله : مستر وي هاف تو اوبن ذا دور
: روحي عن وجهي

((ويروحون .. بس اللي يدق الجرس ماراح ))..*
العامله : مستر
: نعم ايش بغيتي
العامله : وي هاف تو اوبن ذا دور

(( وتدخله غرفه داخليه الى ان يخلصون من الزبونه ويروحون يفتحون الباب ..يارا حست الوضع هدأ .. فتحت الباب
بشويش ومشافت احد .. وبسرعه اخذت محمد ودعت ربها ان محمد مايبكي ولما شافتهم مشغولين مع الزبونه على طول
اخذت كل الأغراض اللي تقدر تشيلهم وطلعت منن المشغل ... برا المشغل كان عبدالمنعم جالس في سيارته الا يرن جواله
وبيرد الا يطيح الجوال من ايده ودخل تحت مقعد السياره فنزل يجيبه وفي نفس الوقت طلعت يارا من المشغل ومشت بأسرع
ومشت بأسرع مايمكنها علشان تجي من الخطر اللي يهددها في المشغل ... وداخل المشغل ..... ))..*

الزبونه : متى تجي صاحبة المحل
العامله :3o'cloek
الزبونه : امم بس انتم اللي تشتغلون هنا .. مافي عاملات سعوديات
العامله : يس بت ذي نت كم ناو
الزبونه : مافي احد منهم يسكن في المشغل
العامله "بارتباك ": جست ون
الزبونه : طيب هذي ماعندها اهل
العامله : ذير از بيبي وذ هير
الزبونه : وينها الحين
العامله : آي دون نو
الزبونه : روحي ناديها لي
العامله : بت ....
الزبونه : ايش فيكي ماتسمعين .. روحي ناديها ولآ راح اشتكي عليك عند صاحبة المحل
"وتروح العامله تدور على يارا بس مالقتها "
العامله : آي كان نت فايندهر
الزبونه : وين راحت
العامله : آي دونت نو ..ميبي شي جو اوت
الزبونه : طيب انا راح ارجع الساعه 3 العصر اكلم صاحبة المحل ..
"وتطلع من المشغل وتركب السيارة "
عبدالمنعم : بشري ياسعاد لقيتيها
سعاد : ايوة لقيتها
عبدالمنعم : وينها ..؟؟ وليه ماجات معك ..؟؟
سعاد : هي تشتغل هنا اكيد بس ماشفتها .. الظاهر انها طالعة لمكان ثاني .. خلينا ننتظرها لمن ترجع
عبدالمنعم :لآ حول ولاقوة الا بالله .. ننتظر بعد شنسوي

ـــــــــــــــــــــــــــــــ
((بعد ماطلعت يارا من المشغل وتمشي وماتدري وين تروح .. هي ماتقدر ترجع لحارتها لآنها بعدت كثير ..تعتبر الحين
ضااايعه .. سالت دموعها على خدها وغرقتفي احزان مالها نهاية ))..*

ــــــــــــــــــــــــــــ
(( في مكان ثاني .. شخص غارق في احزانه بعد مافقد اغلى احبابه .. فقد زوجته وعياله واغلى مايملك
.. ماسك صورتها ويتذكر ضحكتها وبسمتها .. اشتاق لصوتها .. يتمنى لو يسمعه مرة وحده بـــٍس .. دخل تركي غرفة
عبدالرحمن .. تذكر لما جات له عبير تقول لها انها حامل .. كانت الفرحة مو شايلته.. تذكر كل مراحل حملها ودلعها ..
وكل وقت تقول له انها نفسها شي .. وتذكر بعض الأوقات انها تجلسه في نص الليل علشان يجيب لها الأكله اللي نفسها فيها
ولما جات بتولد كانت كل ماتتألم هو يتألم معها .. وبعد ماولدت كيف كانت فرحتهم بولدهم .. كان مايفارقها لا ليل ولا نهار
.. بس الحين راح كل هذا ومابقى الا الآحزان والذكريات المؤلمة )).*

تركي : آآه .. ليه تركتيني ياعبير .. ماتدرين اني ما اقدر على فراقك ولآ اقدر اعيش في دنيا انتي رحلتي عنها

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:05 PM   المشاركة رقم: 93
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


البارت العشرون
(( في جـــــده ))..*
ام ناصر : دنيا .. ليه ماتروحين المستشفى وتشوفي ليه الى الحين ماحملتي
ناصر : يمه كم مرة قلت لك لا تفتحين هذا الموضوع
دنيا : خالتي معها حق انا لازم اروح المستشفى
ام ناصر : هذا الكلام اللي المفروض يصير من زمان طويل
دنيا : خلاص ياخالتي ان شاء الله هذا الأسبوع راح اروح للمستشفى ..
ــــــــــــــــــــــــــــــ
(( في الدمام ))..*
ليان : هاا كيف النفسيه ترى كلها كم يوم وتصيرين حرم السيد حمد ..
غلا : ليان لآ تذكريني
ليان : ليه ..؟؟ خير ان شاء الله
غلا : خلاص ما ابغى اتزوج غيرت رايي
ليان : لعب بزارين اهو
غلا : خايفه
دلال : ناس يتمنون الزواج وموحاصل لهم وناس .... ما اقول الا مالت عليك
حلا : ولآ يهمك اول واحد يطق الباب بنزوجك اياه
ليان : افرضي طلع هندي البقالة
دلال : ماعندي مانع .. انا موافقه
ليان : لآلآلآ .. حالة اختكم صعبة بالمره
حلا : صعبة وبس .. الا مستعصية
ـــــــــــــــــــــــــــــــ
((في الأحســــــاء))..*
بوفهد : هاا شنو صار معكم
عبدالمنعم : رحنا المشغل وطلعت انها كانت تشتغل فيه
بوفهد : ايش تقصد بكلمة كانت
عبدالمنعم : تأخرنا .. طلعت من المشغل واخذت كل اغراضها
بوفهد : يعني رجعنا الى نقطة الصفر
عبدالمنعم : للأسف طال عمرك
"ويسكر بوفهد الجوال وبان الحزن على وجهه "
بوسلطان : خير يا اخوي ايش اللي مضيق صدرك
بوفهد : والله ماني عارف ايش اقول
بوسلطان : قول كل اللي في قلبك
بوفهد : جـــــواد
بوسلطان : ايش فيه جـــــواد وش مسوي هالمره
بوفهد : ضيعت ولده
بوسلطان : شنوو .. وشلون ضيعته
"وقاله بوفهد كل اللي صار "
بوسلطان : حالتك صعيبه ياخوي .. وش ناوي تسوي الحين
بوفهد : راح ادوره مره ثانيه
"ويدخلون عليهم الشباب "
محمد : احنا راح نطلع
بوسلطان : وين بتروحون
محمد : بكره العيد بنروح نحلق ويمكن نمر بيت جدي ناخذ الخال حسن معنا
بوفهد : طيب روحوا بس لا تتأخرون
محمد : ان شاء الله ..
ـــــــــــــــــــــــــــــ
( عند البنات ))..*
جود : واووو شعووله عقدك الألماس يخفق
مشاعل : احم احم ايه هذا حبيبي فارس جابه لي
جود : اثاري رجلك ذوقه حلو وانا مدري
مشاعل : اكيد راح يكون ذوقه حلو .. لأنه اختارني
رغد : ههههه فديته اخوي
الجوري : اهو صحيح عقدك حلو بس مايعلى على عقدي
كوثر : اووه طفشتوني ماعندكم سوالف غير هذي
شجون : بالله عليك جمعة بنات اكيد راح تكون هذي اغلب سوالفنا
كوثر : ياربي ما احبها غيروها
الجوري : طيب عطينا سوالف غير يا مس كوثر
كوثر : عندكم الكره والسيارت و ..و ..و
مي : بالله عليكي هذي سوالف بنات
ريم : شي طبيعي تكون هذي سوالف كوثر لأنها ماعاشت وتربت مع بنات المسكينه اخوانها كلهم اولاد وهي البنت الوحيدة
جود : صحيح .. بس ياكوثر لازم تغيرين من نفسك وتحسين بأنوثتك
كوثر : الحين جايين تقولون هذا الكلام بعد 18 سنه
شجون : بعدك صغيره وقدامك الأمل كبير
مشاعل : في اشياء كثيره تقدرين تغيرينها بنفسك ومع الوقت راح تتأقلمين ..
كوثر : وشنو هذي الأشياء
جود : يعني مثل مشيتك ولبسك
مشاعل : ايوه هذي الأشياء المبدئيه
كوثر : خلاص يصير خير نتقابل يوم القيامة ان شاء الله

ـــــــــــــــــــــــــــــــــــــــــ

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:07 PM   المشاركة رقم: 94
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


(( وصلوا الشباب بيت بوحسن " والد ام محمد " ))..*
احمد : بسرعة نادوا خالكم وتعالوا
جـــــواد : مارح تنزلون معنا
احمد : لآ
جـــــواد : بكيفكم
" نزل محمد عبدالعزيز ومحمد سلمان وجـــــواد وفتح لهم الباب خالهم حسن "
ــــــــــــ
حسن 20 سنه .. طويل وعريض وشعره ناعم وكثيف وعيونه بنيه وانفه طويل وبشرته حنطيه
ــــــــــــ
حسن : نعم ليش جايين
محمد سلمان : شفيه الخال معصب
حسن : روحوا انقلعوا عن وجهي "ويسكر الباب في وجههم "
جـــــواد : يادب افتح الباب
"يفتح الباب"
حسن : اصغر عيالك تقول لي دب
محمد عبدالعزير : ابعد عن الباب " ويدخل"
حسن : بيت ابوك تدخل كذا بلا احم ولا دستور
جـــــواد : ابعد ياشيخ .. ابغى اسلم على جدي وجدتي
حسن : جدتك مو موجوده
محمد سلمان : وينها ..؟؟
حسن : تدور من بيت لي بيت كأنها طراره
جـــــواد : الأحترام عندك سالب واحد
حسن : اسمع مين يتكلم مدرس الصياعة وقلة الأدب .. ترى الأحترام في القلب
جـــــواد : يعني على نيتكم ترزقون
محمد عبد العزيز : طيب وين جدي ..؟؟
حسن : يطالع التلفزيون .. تدرون جدكم مثقف .. لازم يشوف البرامج العلميه اللي مايفهم فيهم شي ابد .. ادخلوا بس
"ويدخلون على الجد بوحسن"
الجد : ياهلا .. ياهلا بالجايين هلا بعيالي ..
محمد سلمان " يبوس راسه": وشخبار صحتك ياجدي
الجد : نشكر الله ماشي الحال
حسن : بعد شنو تبغى اكثر .. احمد ربك انك عايش الى الأن
الجد : انا بقص لسانك هالطويل
حسن : بتنقص ايدك ولابنتقص لساني
الجد : الله يهديك ياولدي
حسن : الجميع ان شاء الله ... اشوف عطني الريموت خلني اشوف الأسهم
الجد : ايه .. ايه شوف الأسهم نازله ولا صاعده
حسن : لا والله نازله
الجد : حسب الله على هالأسهم دايماً نازله
حسن : اسكت .. اسكت خلني اشوف هالأسهم " 30 سنه لم يسبق لها الزواج تبحث عن زوج تصرف عليه .. المواصفات
بيضاء البشره .. ذات اخلاق عاليه واملك دخل مالي ممتاز "
حسن : وين الجوال
جـــــواد : ايش فيك
حسن : راح اشتري اسهم
الجد : عسى صعدت الأسهم
حسن : ايوه .. ايوه صعدت
محمد عبدالعزيز : يلا نخليكم مع الأسهم .. احنا ماشيين
الجد : وين بدري ..
محمد عبدالعزيز : بنروح نحلق وبكره من الصباح حنا عندكم .. حسن تجي معنا .... حسن ياهووو
محمد سلمان : الظاهر اندمج مع الأسهم .. حتى جـــــواد انعجب بالأسهم
جـــــواد : بعد شنسوي خلوني اصير مثل الخال وادور لي على اسهم .. حسن .. حسن شوف هالأسهم شغل عدل
حسن : مالت عليك في احسن منها
"الا يرن جوال حسن"
حسن : اوهوو .. اكيد المعزبه متصله
محمد سلمان : مين المعزبه ..؟؟
حسن : بعد مين .. ام حسن .. عطني الجوال خليني ارد "ويرد " هلآ بالحبيه الغاليه اللي مارح اجيبها
ام حسن : اقول تعال بسرعه
حسن : قلت لك ماني جاي
ام حسن : يعني تبغاني ارجع مشي
حسن : يعني اترك اضيوف واجيك
ام حسن : مين الضيوف ..؟؟
حسن : رجال .. عيب مايصلح اقولك اسمائهم
ام حسن : خلهم مع ابوك وتعال
حسن : بسرعه اطلعي واذا ماشفتك على الباب راح امشي عنك "وتسكر ام حسن في وجهه " تسكرين في وجهي اجل شوفي
مين يجيك ..
الجد : اقول قوم جيب امك
حسن : روح انت جيبها .. مو هي زوجتك ..خلاص بروح اجيبها لا تعصب علينا .. بس خلي عيال بناتك ينتظروني
محمد عبدالعزيز : مانقدر الشباب ينتظرونا برا
الجد : مين اللي ينتظرونكم
جـــــواد : ريان واحمد وفارس وسلطان
الجد : ايا جليلين الحيا ورا مادخللتوهم
محمد سلمان : والله مستعجلين ياجدي...
الجد : اقول حسن روح دخل الرجال
حسن : صااااااااروخ ... ويووو جلسوهم خخخخ
الجد : ايا الملاعين مخليين اخوانكم وانسباكم في الشمس وجالسين ..
"ويروح حسن يدخل الشباب"

ــــــــــــــــــــــــــــــــــ

(( في المزرعه .. شوق ونجود يلعبون ))..*
نجود : انا الأم وانتي الأب
شوق : لالا .. انا الأم لأن شعري طوويل وانتي الأب لأن شعرك اقصر
نجود : صح ماما شعرها طويل وبابا شعره قصير
شوق : مين البنت
نجود : ريوف .. نروح نجيبها تلعب معنا
شوق : لآ .. هذي دايما تبكي
نجود : اجل مين تصير البنت
شوق : مي
نجود : صح

ـــــــــــــــــــــــــــــــــ
((في بيت الجد بوحسن .. رجع حسن مع الجده ))..*
حسن : يمه غطي وجهك .. عندنا رجال
ام حسن : يووه .. هذاني متغطيه
حسن : يعني انتي كذا متغطيه اجل لو اقولك لا تتغطين شنو ارح تسوين ..
"وتدخل ويقوم جـــــواد ومحمد سلمان ومحمد عبدالعزيز يسلمون عليها "
ام حسن : غريبه جايين عندنا
محمد سلمان : افااا يعني حنا مانجي
ام حسن : اقول اسكت لا احد يسمعك ويصدقك انك مقطع روحك بالجيه عندنا ..
حسن : ويوو .. فشلووه خخخخخ
محمد سلمان : ايش رايك ياجدتي تجين معنا للمزرعه ترا الشعب السعودي كله موجود هناك
ام حسن : غريبه شعندكم
جـــــواد : اشتقنا لآهل الحسا وحبينا نزورهم
ام حسن : تزورك ام السعف والليف .. انت بالذات ما ابغى اسمع صوتك
حسن : امي تقصد تزورك العافيه
جـــــواد : شكرآ على الترجمه الفوريه
حسن : العفوو .. تقدر تكمل حوارك
جـــــواد : افااا .. ليه زعلانه مني ..؟؟
ام حسن : وتسأل ليه .. لي سنه ماشفتك
جـــــواد : خلاص تعالوا معنا لمزرعه وراح تملين من شوفتي
محمد سلمان : هاا .. ايش قلتوا ..؟؟
الجد : مايصير نروح بدون عزيمه
محمد عبدالعزيز : يعني حنا مانكفي
الجد : الا تكفون وتوفون .. بس لازم الكبار هم اللي يعزمونا
حسن : انا لله وانا اليه راجعون .. قولوا ايه وخلصونا
ام حسن : صدق انك ماتستحي على وجهك
حسن : انتي ماعندك الا تصرخين علي ..
جـــــواد : راح يفرح الكل بوجودكم
حسن : هاا .. اجهز الأغراض
الجد : انت مارح تسكت الا اذا ضربتك بهالعصا
حسن : انت اعرف امشي فيها بعدين اضربني .. يلا ورني شطارتك وروح جيب لي مويا
الجد : استغر الله .. الله يكملك بعقلك
محمد سلمان : خله يولي عنك ياجدي وقوم بس روح معنا المزرعه تغير جو ..
الجد : بس .....
جـــــواد : يلا جدي وافق ..
الجد : اللي تشوفونه
حسن : يـــــــــــــس .. بروح اجهز الأغراض ..

ــــــــــــــــــــــــــــــــــ
(( في المزرعه .. عند البنات بالتحديد ))..*
كوثر : بناااااااااااااااااااات
الكل : وجــع
جود : شعندك يا ام حلق وسيع
كوثر : ايش رايكم نلعب كره
شجون : اولاد حنا علشان نلعب كره
كوثر : يووه .. مافيها شي قوموا نستهبل شوي
جود : اوكي انا موافقه
الجوري : اممم انا بستأذن من سلطان اذا وافق راح العب
مشاعل : اللي يسمعك يقول انك ماتسوين شي الا بشوره
رغد : مافيها شي .. زوجها وتستأذن منه
جود : صايره مثل الريموت يحركها مثل مايبغى خخخخخ
مشاعل : راح تلعبين غصب عنك مو بكيفك
الجوري : طيب راح العب
مي : انا بصراحه وبدون مقدمات مارح العب معكم ... آخاف يخترب جمالي الآخاذ
كوثر : اما عاد جمالك الآخاذ مره وحده .. قولي شي غيره علشان نقدر نتحمل الصدمه
مشاعل : اذا ماتبغين تلعبين ابركها ساعه
كوثر : يلآ بلا كثرة حكي وقوموا نلعب
"ويروحون يلعبون كره "

ـــــــــــــــــــــــــــــــــــــــــــــــ

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:08 PM   المشاركة رقم: 95
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


((بعد نصف ساعه .. وصلوا الشباب ومعهم الجد والجده وحسن والكل فرحان بجيتهم ))..*
بوفهد : هذي اول مره تسون شي زين من دون محد يقول لكم
"بعدها راحوا الشباب للحلاق .. آخر واحد حلق فيهم كان جــــواد .. بس بعد ماخلص الكل فتح فمه من الصدمه ومستغرب "
محمد عبدالعزيز : جــــواد شعرك ..؟؟؟!!
جــــواد "يبتسم له ": شنو فيه
محمد عبدالعزيز : راااح !
جــــواد : وين راح
سلطان : ليه قصيت شعرك !
فارس : شكلك صاير غير مره
جــــواد : يعني مو حلو
محمد عبدالعزيز : تصدق شكلك كذا احلى
احمد : احلـــــى ومسوي ***وكه كمان
فارس : غطى علينا كلنا
محمد سلمان : ياسلام عالمعرس
حسن : شنو عندك على هالكشخه
جــــواد "في نفسه ": كل هذا علشان ليونتي
ــــــــــــــــــــــــــــــــــــــــــ
(( يوم العيد الكل كان مبسوط وفرحان ويعادون بالعيد على بعض .. وكشخة البنات عالآخر .. جود ورغد اتفقوا يلبسون
نفس اللبس .. وشجون وريم كمان نفس اللبسوكوثر كانت لابسه تنوره قصيره وبلوزه سيور .. ومشاعل والجوري كل وحده
احلى من الثانيه ))..*
مشاعل : مي مالقيتي اقصر من هذي التنوره
مي : دورت مالقيت
مشاعل : استحي على وجهك .. رافعتها بعد نزليها انتي ووجهك
مي : خليها مرفوعه علشان يبان جمالي الساطع .. واذا ماعجبكم البس المايو
جود : شنووو ياقليله الأدب
ــــــــــــــــــــــــــــــــــــــــــــــ
(( عند الرجال .. الشباب يعايدون على جدهم ويبوسون راسه .. ولما يجون يعايدون على حسن وينزل راسه علشان يبوسونه
والكل مطنشه .. ولما جا دور جــــواد سوى له نفسالحركه ))..*

حسن : بوس راس خالك
جــــواد : روح عني زين
حسن : انا خالك
جــــواد : بالأول روح شوف شكلك كأنك ثور هايج
حسن : افااا ... انا ثور .. الله يسامحك
جــــواد : يسامح الجميع
حسن : مشكور وماتقصر يجي منك اكثر
جــــواد : العفوو .. احنا في الخدمه 24 ساعه .. ونوصل طلبات بعد
حسن : روح عن وجهي لآ يجيك راشدي
جــــواد : ترى احترم الكبير واجب
حسن : اترام الطويل اوجب
جــــواد : استغفر الله
حسن : انا لله وانا اليه راجعون
جــــواد : والله انك مضخره ..
حسن : انا مصخره ..؟؟ "ويحط ايده على قلبه " ائلبي .. ائلبي .. ائتلتني يامجرم
"ويطيح عالأرض ويجي له محمد سلمان "
محمد سلمان "ماسك حسن ": متسبنيش ياعبدالجبار ... عبدالجبار
حسن : حسنيه .. خدي بالك من العيال
محمد سلمان : في عينيه ياعبدالجبار
حسن : والفراخ
محمد سلمان : مالهم
حسن : وكليهم كويس .. اوعي تكليهم انا بعرفك بتحبي الملوخيه بالفراخ
محمد سلمان : موت وانت مرتاح ياعبدالجبار
حسن: ائلبي ياحسنيه .. ائتلني المجرم
محمد سلمان : اطمن راح اخد بتارك ياعبدالجبار
حسن : حسنيه .. ادي اللحام خمسه جنيه اللي كنت مدينهم منوا قبل خمس سنين
محمد سلمان : ايه .. دنتا بتورسني جنيه واحد منين راح اجيب الباقي
حسن : اتصرفي .. ولا عوزتيني اروح النار علشان اربع جنيهات
محمد سلمان : عوزني ابيع دهبي ياعبدالجبار .. ورسي من ابويه
جــــواد : متى راح تخلصون من هالمصخره هذي
حسن : خلصنا .. محمد متى راح تكبر وتعقل .. خلاص سامحه ياسيد جــــواد .. تدري البزران دايماً يسوون حركات
تجذب اهتمام الأخرين
محمد سلمان : لآ والله
حسن : اص ولآ كلمه "ويروح لبوحسن" يبه فاتك ماشفتني وانا ميت
"يرفع بوحسن العصا ويضربه "
حسن : آآآي آآآي .. اصلاً انا ما احبك انت ابوا انت
" والكل يضحك عليه "
ـــــــــــــــــــــــــــــ
(( عند الحريم .. كلهم جالسين يسولفون ويدق جوال ام فهد))..*
ام فهد : الوو
خالد : هلآ يمه .. تغطوا راح ندخل
ام فهد : وين تدخلون .. كل البنات هنا
خال : بس راح نعايد عليكم ونطلع
ام فهد : طيب .. "وتسكر" تغطوا يابنات الآولاد كلهم راح يدخلون
"ويتغطون كلهم ويدخلون الشباب"
حسن : لالا انا استحي .. كلهم بنات .. يمه .. يمه وينك ما اشوفك
ام حسن : ايش تبغى انا هنا ..
حسن : عيدك مبارك يا احلى واغلا واجمل وافضل ام في الدنيا
ام حسن : الله يبارك فيك ياوليدي
حسن : يلا ايدك
ام حسن : شفيها ايدي
حسن : عطيني عيديه .. تفكرين كل هالمدح ببلآش !
ام حسن : روح اذلف عن وجهي بس
حسن : افاااا .. وانا اللي اقول انك احسن ام طلعتي ولاشي
ام محمد :والله انك ماتستحي على وجهك
حسن : كأني سمعت صوت اختي الحبيبه اللي بتعطيني احلى عيديه
ام محمد : عشم ابليس بالجنه
حسن : لآحوول .. امرنا لله نروح نطر من الأخت الثانيه
ام فيصل: انا ماعندي ولآ ريال
جــــواد : عيدك مبارك خالتي ام فيصل
ام فيصل : هلا بجــــواد .. الله يبارك فيك يمه
جــــواد : خالتي وين بنتك السوسه ما اسمع صوتها
ام فيصل : ليه تبغى منها شي ..؟؟
جــــواد : ابغى اعطيها عيديه
ام فيصل : غريبه وش هالكرم اللي نزل عليك مره وحده
جــــواد : لآ .. بس نفسي اتصدق بريال وقلت الأقربون اولى بالمعروف
ام فيصل : ايا اللي ماتستحي على وجهك ..
حسن "يمسك جــــواد من ثوبه": ياقليل الأدب .. انت تحسب الموضوع سايب تقول هذا الكلام .. صحيح ماعرفنا نربيك
بس الحين بنشوف مين اللي بيربيك من اول وجديد .. اجل هذا كلام تقوله .. وتسمي نفسك رجال .. انت وين والمرجله
وين .. وتقول الأقربون اولى بالمعروف .. ياجليل الحيا انا خالك اقرب .. وتروح تعطي كويثر الخبله .. يلا اشوف
عطني الريال .. ترى انا اولى بالصدقة منها..
جــــواد : خذ .. خذ بس اترك ثوبي
كوثر : سمعتي يمه هم اللي يتحرشون فيني وانا ساكته .. كافيه خيري شري .. ياجويد الدب اصبر علي بس .. يؤيؤ ليه قصيت
شعرك .. صرت الحين مثل التيس الأجرب خخخخخ
جــــواد : بدأت تغرد الجميله
محمد سلمان : اتركوا اختي بحالها
ام جاسم : اطلعوا برا رجيتوا راسي الله يرجكم
خالد : خليتوا الجده تعصب علينا .. يلآ .. يلآ طلعوا قدامي " ويطلعون "
ــــــــــــــــــــــــــــــــــ
(( عند مشاعل كانت تتجهز وفي هالوقت رن جوالها وكان المتصل فارس وترد عليه ))...*
مشاعل : هلآ .. فروسي
فارس : هلا مشاعل
مشاعل : وشو بغيت
فارس : لآ حول .. مافيكي ذره رومانسيه
مشاعل : ههههه طيب وشو عندك داق علي
فارس : حبيبتي
مشاعل :هااا
فارس : هويتي في نار جهنم ... قول لبيه
مشاعل .. اوووف ... يالبيه
فارس : حياتي خلينا نطلع
مشاعل : وين نروح
فارس : اممم المطعم
مشاعل : اوك .. خمس دقايق واكون جاهزه
" ويروحون للمطعم "
فارس : شرايك نقلد سلطان والجوري ونحط لنا شموع وحركات
مشاعل : امري لله .. نحط
"ويحطون شموع "
مشاعل : ياربي ما اعرف آكل وذا الشموع في وجهي
فارس : حبيبتي علشان خاطري صيري رومانسيه .. ترى بنتحر
مشاعل : طيب
فارس : عمري
مشاعل " تقلد الجوري ": عيونها
فارس " استانس مره ": احبك
مشاعل : اموت فيك
فارس : ياقلبي
مشاعل : ماخلصت ابغى آكل
فارس : مشيعل حراام عليك
مشاعل : انت الحين عازمني على الأكل ولا على الكلام
فارس " فقد الأمل ": خلاص .. خلاص اكلي
ـــــــــــــــــــــــــــــــــ
نهاية البارت

 
 

 

عرض البوم صور معشوقه بلا قلب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لقــــــاء, الســــراب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:44 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية