لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-03-11, 08:37 AM   المشاركة رقم: 116
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 

البارت الاخير....




جواد هو يبتسم بسخريه عليه : يلا بابا روح مع القذاره حقتك روح قبل مااطلب لك الشرطه .
: تهددني " ويجي يسرع لليان ويطلع السكينه بس جواد اعترض طريقه ويبعد ليان "
ليان ما كانت منتبهى فما بعدها جواد طاحت على الارض ورفعت عيونها شافت دم ينقط من السكينه .. راقبت جواد وهو يجلس على ركبته وهو الى الحين محتفظ بنظراته الي صارت تعرفها عدل .. عيون تصرخ بكبرياء والغرور وبتسامه ساخره من الشخص اللي قدامه .. لوانها ما تشوف بعيونها ان الدم يطلع منه لقالت ان اللي قدامه هو المطعون مو هو ...
: انت من شنو مصنوع شلون اخليك تمسح هلابتسامه .
جواد بسخريه واضحه : انا اسف بس ماتقدر .
ليان تراقب الوضع وهي تحس انها في مكان ضيق مو قادره تتنفس .. شلون يقدر يتحمل كل هذا .. نظراته وبتسامته في الحظه هذي تكفي علشان تخوف العالم كله مابالك بواحد سكران فاقد العقل .. شي طبيعي انه يهرب منه ...
----------------
((بعد ساعه في المستشفى ))*


محمد عبد العزيز : وانت لازم تسوي لنا اكشن لازم تعلمنا انك بطل .
أم محمد : احمد ربك ان الجرح مو عميق حيل ولا كانت رحت فيها .
حسن : هههههه .. اطعنوك .. وجسمك كله رضوض .. وشوهوا وجهك ويمكن يضل اثر في وجهك .. بس ارتاح ما في شي خطير .
أحمد : اول مره نعرف ان عندك هلجانب المظلم في شخصيتك .. تقاتل ناس سكاره .
جواد : الحين بدل ما تخافون علي .. الي جالس يطنز ويتمصخر واللي ينصح ويصارخ .
بو فهد : تعبنا من كثر ما خفنا عليك .
حسن : انت قطوا بو سبعت ارواح ماراح يصير لك شي .
بو فهد : انت لازم الحين ترتاح صحيح الجرح مو عميق بس اذا سويت اي مجهود ممكن يتضاعف .
جواد : تبغوني ارتاح جيبوا لي ليان .
بو فهد : وداها اخوها ترتاح بعد اللي صار لها .
أم فهد : وكل هذا بسبتك احد يروح لماكن مافي ناس في نص الليل .
حسن : لا تلومونه يبغي يصير رومنسي مثلي بس مو عارف .
------------------
ليان راحت بيت خالها علشان ترتاح ما قدرت ترجع البيت وجواد مو موجود .. هي دايم كذا الاشخاص اللي تحبهم دايم يتأذون علشان كذا ما تبغي تتقرب من جواد اكثر تخاف تفقده هو بعد .. هي صحيح كانت تبغي تنتقم منه لانه خدعها في البدايه بس الحين لا ماتقدر تشوفه يتألم اكثر من كذا .. واذا ضلت معاه اكثر ماراح تقدر تستغني عنه .. وهي جالسه تفكر نعست عيونها وغمضتهم ونامت .. دقايق الا البيت يجلس من صراخها ..
عبد الله اول واحد سمعها : ليان شفيك .
ليان وهي تصيح : بيقتلونه جواد بيموت .
عبد الله : الله يهديك ياليان انتي تحلمين جواد بخير سمعتي الدكتور شنو قال الجرح مو خطير بس لازم يرتاح ..
ليان : الله يخليك عبد الله ودني له .
عبد الله : اوديك امري لله .
---------------
((في المستشفى ))*


الممرضى : بس وقت الزياره انتهى .. والمريض نايم الحين .
عبد الله : هذي زوجته .. ومحتاجه تشوفه
الممرضى شافت حالت ليان وكسرت خاطرها فرضت تدخلها .
الممرضى : لو سمحتي بهدوء علشان ما يصحى المريض .
ليان : شكراً .
قربت منه وجلست تطالع فيه .
جواد : اميرتي الصغيره .
ليان : اسفه جلستك .
جواد : شكلي احلم .
ليان : لا هذا مو حلم .
جواد : مو حلم اجل قربي يمي .
قربت منه مد يده لها وقرص خدها .
ليان : آآآآآآآآآآآآى .
جواد : الحين اتأكدت أنه مو حلم .
ليان : كان المفروض تقرص نفسك مو تقرصني .
جواد : مو انا وانتي واحد اذا تعورتي انا بعد اتعور .. تعالي نامي بجنبي .
ليان احمر وجها خجل بس استجمعت قواها وقربت منه ونبطحت جنبه .. وضمها لصدره .. خلص هي ما تقدر تتحمل ليله وحده تنامها بدون ما تكون في حضنه .
جواد : اشتقت لك خفت اني اقضي هليله من دونك من دون ما اشم ريحتك اللي تذكرني بالورد الاحمر .
ليان : لا تتحرك .
جواد : تخافين علي ... لا
ليان : لا ... ههههههههه
جواد : ادري انك تخافين علي حتى لو ماقلتي خلاص ماراح اتحرك بس بشرط .
ليان : لا والله .
جواد : طيب قولي شنو هذا الشرط .
ليان : شنو شرطك .
جواد : ابي بوسه .
ليان : شنو .
جواد : يلا تعالي " ونبطح على ظهره وغمض عيونه " .
قربت منه وهي ترتجف من الخجل وعطته بوسه خفيفه .. ضمها لصدره بقوه ..
جواد : آآآآآآآآآآآآآآآآي .
ليان : شفيك .
جواد ماسك بطنه بألم .
ليان : شفت .. قلتلك لا تتحرك حيل راح تأذي نفسك بس ما طاوعتني .
جواد : اميرتي الصغيره .. لا تجين المستشفى مره ثانيه .
ليان بخوف : ليييييه .
جواد غمض عيونه : لانك تقتليني كذا لاني اشوفك يمي ولا اقدر المسك .. وهذا الشي مو بيقتلني بس الا بستجن منه .
ليان ابتسمت له اروع ابتسامه : احسن شي .. حاول تستقل تستغل هذي الفرصه علشان تصير انسان عادي بدل هلغرور اللي بيموتك .
جواد : انتي آآآآآآآآآآي .
مرت الممرضة وسمعتهم يضحكون ... ستغربت انها ماطلعت الى الحين فدخلت عليهم .
الممرضه : لازم تمشين الحين .
ليان : حاضر .
-----------------------
((في اليوم الثاني ))*


قررت ليان ما تروح المستشفى مثل ما قال لها جواد وتضل في بيت خالها اللي ان يطلع من المستشفى .. في الظهر وهي جالسه تطالع التلفزيون رن جوالها بدون ما تطالع مين ردت ..
ليان : الووووو ..
جواد : وين انتي الحين مااعتقد عندك شي مهم علشان ما تجين ..
ليان : انت قلتلي لا تجين المستشفى .
جواد : ماادري شنو اسوي فيك .. انا قلتلك لا تجين في الليل .. بس لاني في المستشفى بتسوين كل شي على كيفك .. ترى اذا ما جيتي في هذي الدقيقه في هذي اللحظه بجيلك و ...
ليان : طيب الحين بجي هدي اعصابك " وتسكر " .
------------------




((بعد نص ساعه في المستشفى ))*

جواد : تعالي انبطحي جنبي .
ليان : ابي افهم الحين شنو الفرق اجلك في الليل او في النهار .
جواد : أقول تعالي وأنتي ساكته .
ليان : بجلس على الكرسي واقراء كتاب .
جواد : أنتي ....
ليان : كل هذا علشانك .
جواد بصراخ : تعالي هنا الحين ولا تحسبين ان ما اقدر اقوم من على السرير وامسكك ..
ليان : حاضر حاضر بجي .
جواد : تحبيني ... لا
ليان : لا اكرهك .
جواد : هههههههههههه ... احلى كلمه سمعتها في حياتي .
---------------------
((في اليوم الثاني ))*


ليان جالسه كل عاده تطالع التلفزيون رن جوالها شافته المتصل اخوها عبد الله ..
ليان : هلا عبدالله .
عبد الله : باركيلي .
ليان : مبروك بس على ايش .
عبد الله : لقيت وظيفه .
ليان بفرح : مبروك اللف اللف مبروك .
عبد الله : تعرفين شنو معناتها .
ليان : مناتها تقدر تصرف على نفسك .
عبد الله : معناتها اقدر اتزوج مها .. توني مكلم خالي وافق والملكه الشهر الجاي .. انتي اول وحده تعرف بهذا الشي تصدقين تمنيت امي معانا .. ليان .
ليان : نعم .. معا .. ك .
عبد الله : ليان تصيحين .
ليان : من الفرح لك ياخوي .
عبد الله : الله يخليك لي .
ليان : وين انت الحين .
عبد الله : بروح لشباب ليه تبغين شي .
ليان : لا سلامتك .
عبد الله : يلا مع السلامه " وسكر " .
ليان بعد ماذكر عبد الله امها مثل اللي كب عليها ماي بارد .. لازم تهرب تبعد عن كل شي .. لبست عباتها وطلعت من غير مااحد يحس فيها .
---------------
((في المستشفى ))*


جواد يدق على ليان بس ما ترد .. انفتح الباب بس اللي دخل عبد الله .
جواد : هلا عبد الله .. وين ليان ليه ماجات اليوم .
عبد الله : غريبه انا جاي لاني اعتقدت انها هنا لانها ما ترد على جوالها ولمى تقول هي مو في البيت قلت اكيد عندك فجيت أخذها بدل ما تروح مع السواق .
جواد : حتى أنا ادق عليها ما ترد أنت متأكد مو في البيت .
عبد الله : لمى قالت انها مو موجوده .. يمكن تكون في بيت وحده من بنات خالي .
جواد وقلبه مو متطمن : دق شوف .
عبد الله : انت لا تحاتيها وانتبه لنفسك اعرف اختي اذا راحت عند بنات خالي تنسى نفسها .
جواد بعصبيه : دق عليها .
عبد الله خاف ودق على حمد وجواد دق على حسن بس ماكانت موجوده عندهم دقوا على كل مكان يمكن تكون فيه بس مالها اثر والكل ما شافها .. ولكل قام يدورها في كل مكان ..
مرة ثلاث ساعات ولا لها اي اثر .
جواد : مااقدر اصبر اكثر من كذا بطلع ادور عنها .
جود : وين تروح تدور عنها وانت كذا .
جواد : انا لو اجلس اكثر راح اتجنن .
جود : الكل يدور عليها اكيد بترجع يعني وين بتروح .
جواد : بروح انا اللي ادور عليها بعدي عني ياجود .
جود : على الاقل دقيقه انادي لك الدكتور .
وتطلع بسرعه تدور احد يقنعه انه يجلس بس اما رجعت ما شافته .
طلع جواد يدورها في كل شارع في كل حي في اي مكان يخطر في باله .
جواد : ليان .. ليه هربتي مني ؟؟؟
-------------------
: شوف هذي البنت لها اكثر من ساعه وهي جالسه في هلمكان .
: ماادري شنو قصتها .
: يمكن فقيره ماعندها مكان تعيش فيه .
: بس شكلها ما يوحي انها محتاجه .
: ليكون وراها مصيبه .
: امش يارجال ما علينا منها .
: هي انت ما تشوف قدامك .
جواد : اسف .
: ناس غريبه .
: هدي يارجال حصل خير .
ليان تهيئ لها انها سمعت صوت جواد ارفعت راسها ..وشافته واقف يناظرها بنظراته اللي تذوبها ..وقفت قدامه وقلبها بيطلع من مكانه ..
ليان : كيف .. كيف عرفت ؟؟
مد لها يده يأشر لها تعالي .. صارت تتراجع وسرعت بتمشي بتهرب منه .
جواد : لا مو مره ثانيه " وراح بسرعه ومسكها "
ليان : اتركني .. اتركني .
جواد : ان حاولتي تهربين مره ثانيه ترى بحملك .
ليان : طيب بجي معاك اتركني .
جواد : يلا داخل البيت .
ليان : أي بيت " وشافته يطلع مفاتيح بيت اهلها "
جواد : شفيك تطالعين فيني كذا خذتهم من خالك ... يلا دخلي .
ليان : كيف عرفت اني هنا ؟؟
جواد : يا حبيبتي يا اميرتي الصغيره .. انا الحين اعرف كل شي تفكرين فيه قبل ما تفكرين فيه حتى .. صحيح في البدايه ما خطر في بالي انك تكونين هنا بس بعد ماهديت وفكرت عدل لقيت ان هذا المكان الوحيد اللي ممكان تكونين فيه .
ليان : من زمان ما جيت اشتقت له بس كيف عرفت مكان البيت وانت ولا مره جيت فيه .
جواد : انا صحيح هذي اول مره ادخل فيه .. بس مو اول مره اشوفه .. بعد ما قلتي لي مكان بيتك كنت اجي واطالع في نوافذ البيت ادور فيهم عن طيف لوحده سكنت روحي وقلبي وكياني .
ليان : قصدك عن الوقت اللي كنت تخدعني فيه .
جواد : حتى بعد ما تركتيني صرت اجي كل يوم .. الي ان صار لي الحادث .. والحين تعالي اكلي .
ليان : جايب معاك اكل .
جواد : قلت اكيد بتكونين جوعانه .
ليان : شكراً مو مشتهي اكل .
جواد : قولي انك تبغيني ااكلك .
ليان : لالالالا .. انا اكل بنفسي وخر قلتلك باكل بنفسي .
جواد : يلا بسرعه اكلي اشوف .
وقامت تاكل وجواد يطالعها فرحان .
جواد : هذا اللي مو مشتهي مو باقي الا تاكلين الصحن .
ليان : جواااااد .
جواد : ههههههههههههههههههه .. " وقام "
ليان : شنو تسوي .
جواد : شنو تشوفين ادور شي ننام عليه الليله .
ليان : ماراح ترجع البيت .
جواد : اذا تبغينا نروح نروح .
ليان : انا ماراح اروح .. بس انت لازم ترجع ولا انت ناسي حمودي .
جواد : حمودي عند جدته .
ليان : بس ما في مكان تنام فيه .
جواد : راح انام على الارض .. " وينبطح على الارض " شفيك لاصقه في الجدار لا تخافين ماراح اسوي لك شي .. على الاقل مو الحين " ويغمز لها " .
وينبطح ويلف على الجها الثانيه ..
ليان : جواد .
جواد : مو الحين .
ليان : ماابغي اعيش معاك .. ابي انهي زواجنا .
جواد : ثعلبتي الصغيره .. احذرك اقدر القاك بسهوله اذا هربتي بس اذا لقيتك راح تندمين .
ليان : انت اصلا اناني !! ابغي انهي كل شي ابي ... ابي الطلاق ..جواد رد .
وتجي تحركه تلقاه نايم .. انتظرن اشوي بعدين بهدوء خذت اغراضها وتوها بتطلع .. تحرك جواد ولف لجهتها وجلس .. هي خافت وتفاجئت انه جالس !!
جواد : خلاص استسلمي للامر الواقع .. ياثعلبتي ان شفتك مره ثانيه تهربين بربطك فاهمه .
وبكذا ضل طوال الليل يراقبها وهي تطالعه .. بعد فتره ناممت ليان .. بس اما نتبهت مالقت جواد .. وقامت تدوره في كل مكان خايفه انه تركها .. بس اما فتحت باب الحوش شافته يكلم جوال .
جواد : اي لقيتها .. يمكن نضل كم يوم .. لاتخاف برجعها بس بخليها فتره ترتاح تفسيتها .. ماراح اتعب نفسي واذا حسيت بتعب بروح على طول للمستشفى .. اوكي مع السلامه .
-------------
((في الصباح ))*

طلع يشتري فطور .. ولما رجع راح يجلسها .. قرب منها وحط يده على شعرها .. وطبع على جبينها بوسه كلها حب وحنان .
جواد : صباح الخير ياثعلبتي يلا جلسي " بس ما جلست " ليان جلسي دامني اعاملك بطيب .. يعني ماراح تجلسين .
وجى لها شالها من على الفراش
ليان : هااااا . جوااااد نزلني " ونزلها "
جواد : بسرعه روحي غسلي وتعالي نفطر ..
ليان : ماني رايحه فيني النوم .
قرب منها ومسك يدها : اذا تبغيني اغسلك قولي .
ليان : الحين اروح اغسل بس ثواني وارجع .
بعدها جلسوا يفطرون وهم ساكتين وضلزا طول اليوم على هذا الحال كل واحد يطالع في الثاني .
ليان : لا تطالعني زي كذا .
جواد : شلون طالعتك .
ليان : افهم ماراح اغير رايي .
قرب منها وحضنها .. وهي تحاول توخره عنها بس هو اقوى منها .
جواد : ليان .
ليان : اتركني " وبدأت تصيح " اتركني
وخر عنها : ليه تصيحين ؟؟
ليان :...........
جواد بعصبيه وصراخ : ليان ردي ليه تصيحين أنا مسوي لك شي غلط .. كيفك ضلي تصيحين وخري عن وجهي .
----------------------
((في الليل ))*


جواد منبطح كل عاده معطي ليان ظهره وهي حاضنه رجولها وجالس في زاويه .
جواد : بكره خلينا نرجع البت .. تدرين ما نقدر تخلي حمودي مع امي على طول .
ليان : انا ماغيرت رايي لازلت ابغي الطلاق .
جواد : نامي احسن لك وشيلي هفكره من راسك .
ليان : تدري ان امي اما تزوجين ابوي كانت صغيره حييل بس كانت تحب ابوي بجنون وابوي كان يعشقها .. ولما جابونا زادت فرحتهم ماعمري سمعت ابوي وامي يتخانقون .. لازلت اذكر امي يوم حادث ابوي انهارت وماوقفت صياح .. صارت تكلم نفسها وتحس انها ضايعه اللي ان طاحت ونشلت .. بعدها انا اللي عتنيت بخواني وامي علشان اكفر عن غلطتي انا السبب في موت ابوي ذاك اليوم ابوي تخانق مع امي بسببي .. كان ابوي جايب اوراق للعمل وانا بغبائي خذتهم ولعبت ابهم فقام يصارخ علي وامي مارضت انه يصارخ علي فتخانقوا وطلع ابوي وهو معصب بسببي انا .. علشان كذا انا قررت اعوض امي وارفع راسها صرت اخذ الاولى في المدرسه ومستحيل اكسؤ كلمتها ودخلت كلية الطب لازلت اذكر فرحتها فيني .. كان كل شي يمشي مثل ما خططت له الي ان تعرفت عليك هملت امي هملت دراستي وخنت ثقت امي .. اللي ان فقدتها هي بعد .. وبعد ما تركتك صممت اكثر اني احقق احلام امي وابوي بس انت رجعت وطلعت في حياتي مره ثانيه ..وصرت الحين اهمل مذاكرتي انت ماتخليني احقق احلامهم .. لان كل يوم وانا معاك افكر اني يوم راح افقدك " بدأت تصيح " مااقدر حتى اتنفس كل مره افكر في ان يوم راح اخسرك راح افقدك .. مااقدر علشان كذا ابوس يدينك طلقني .. لان اذا طلقتني الحين يمكن اقدر انساك .. ارجوك طلقني .
مسكها جواد وضمها لصدره .
ليان : لالا اتركني .
جواد : تقولين انك تقدرين تتكريني الحين تقدرين تنسيني .. تبغيني اطلقك لانك خايفه تفقديني تبغيني اطلقك خلاص " وضمها اكقر لصدره " اذا تبغين تتخلصين مني قتليني بيدينك بدل مااطلقك ..بس اذا ما قتلتيني مااقدر اتركك لان مااقدر اخليك تروحين مني .
ليان : اتركني .
جواد : انتي ما تفهمين أنا أحبك أحبك .
ليان بصراخ وهي تضرب جواد على بطنه : اتركني .
بس اما شالت يدها عنه .. حست بشي حار في يدينها ولما طالعتهشافت دم .. رفعت عيونها شفت جواد حاط يده على الجرح اللي في بطنه ورفع يدينه وهو يطالعهم بصدمه .
ليان : الجوال وين الجوال : وراحت تجيبه " .
بس جواد مسكها : وين بتروحين ؟؟
ليان : جواد .. اتركني اروح اتصل بالاسعاف .
جواد : جلسي ما فيني شي .. ماعليكي كل شي بخير .. بس انتي ضلي معاي .. ومولازم تسوين شي .. انا بخير !!
ليان وهي تصيح : شلون انت بخير وجرحك ينزف تركيني بس اشوي بس بروح ادق واجيك ماراح اهرب والله العظيم ماراح اهرب !!
جواد وهو يلم ليان لصدره :مستحيل .. مستحيل اتركك تروحين عني .. مستحيل ..
ليان : ارجوك جوااااااااااااااااااااااااااااااااااد!!
-------------------
((في المستشفى ))*


بوفهد وام محمد جاين يسرعون لعد ليان اللي جالسه على الكرسي .. لما شافوا الدم اللي يقطي يدينها وهي تطالعهم طاح قلب ام محمد وقربت منها وهزتها : ليان .. وين جواد ؟؟
ليان ماتحركت ولا تكلمت .
الممرضه : لو سمحتوا انتوا اقارب للمريض اللي جاي مع هذي البنت ؟؟
بو فهد : أنا ابوه !!
الممرضه : اجل وقع هنا علشان المريض في وضع خطر لانه فقد كثير من دمه .
بو فهد : تبغين تقنعيني انكم ماسويتوا له العمليه .
ليان : هلممرضه الغبيه تبغيني اوقع على الاوراق ..ضلت تقولي ان جواد ممكان يموت وتبغي احط اسمي على الاورق ..
ام محمد : ليان !!
ليان : جواد ضل حاضني وماسكني وما رضى يخليني اروح .. كان ينزف حيل وشكله كان يتألم بشده .. قلتله ان يتركني دقيقه ادق على احد وارجع له .. قلت له اني ماراح اتركه .. مارضى مااارضى يخليني "حضنتها ام محمد " شنو راح اسوي لو مات شنو راح اسوي لو ما جلس .. قولولي شنو راح اسوي ؟؟
جود : لا تخافين جواد بخير ماراح يصير له شي .. انتي تعرفين جواد عدل !!
أم محمد : خلاص ليان لا تسوين في نفسك كذا خلاص لاتصيحين ..
بو فهد : جواد بيكون بخير .
--------------------
((في اليوم الثاني ))*


حسن : جواد ..
محمد سلمان : جواد جلست !!
ريان : جواد ..
جواد وهو يفتح عيونه : اووووف .. يا كرهي لكم !!
أم محمد وعيونها تدمع : ما كذب خالك لما قال انك قطوا بو سبعت ارواح .
جواد : يمه وين ليان ؟؟
الكل لف لمكان الي واقفه فيه ليان .
أم محمد : يلا ياعيال خونا نطلع .
حسن : لا أنا بجلس .
محمد عبد العزيز : لا ماراح تجلس " وسحبه من أذنه وطلعه ووداه لعند دلال " خلي زوجك يمك لا ارتكب فيه جريمه .
ليان واقفه بعيد عن جواد وتطالع في الارض وجواد يطالع فيها .
جواد : توقعت انك بتستغلين الفرصه الذهبيه الجاتك وتهربين .
ليان : كيف اهرب واتركك وانت شكلك مثل اللي بيموت في اي لحظه .
جواد : ههههههههه .. هذا يعني ان علي اني اطعن نفسي من الحين ورايح .. علشان امنع ثعلبتي الصغيره من انها تنحاش مني .
ليان : جواااااااد .. لا تقول هلكلام " وتصيح " ماادري شنو فيني .. مايهم الحين اللي يهم انا اول مره اشوف واحد مثلك عنيد .
جواد : لو ادري انك ماراح تهربين كان من زمان سويت كذا .
ليان : متى انا قلت اني بضل معاك ؟؟
جواد وهو يأشر لها بيده : تعالي .
ليان : شنو .. انت مجنون تبغيني اجي انبطح يمك بعد كل هذا .
جواد : اعتقد ان في واحد مطعون في بطنه يحتاج لعنايه .
قربت منه ليان ومسك وحهها بيدينه .
جواد : مع هذا انا الحين ببوسك " ويبويها " ليان خفتي علي اني ممكن اموت .
ليان : هذا سؤال تسأله .
جواد : بشنو شعرتي لما حسيتي اني ممكن ارحل عنك ؟؟؟؟
ليان تطالعه ودموعها في عيونها ..
جواد : هذا نفس شعوري لما قلتي انك تبغيني تتركيني .
ليان رمت نفسها عليه وهي تصيح .
جواد : أحبك .. اميرتي الصغيره لا تركيني والله اني مااقدر اعيش من غيرك .
--------------------
((يوم تخرج ليان من الكليه ))*


ليان : اقولك لا تجي تاخذني من الكليه .. لانك اذا جيت بنات الكليه راح يغازلونك .. قلتلك لا تجي يعني لا تجي .
طلعت الا تحس في احد يمسكها .
حمودي : ماما ليان بابا يبغيك .
جواد متكي على الياره وحامل بنت صغيره : جيت أخذك يا اميرتي الصغيره .
ليان : مو انا قلتلك لا تجي ؟؟
جواد : شتقت لك ماقدرت اصبر اكثر .
يمرون شلت بنات جنبهم .
: شوفوا هذا الحلو ..
: بنات بموووت .
: شفيك ؟؟
: ابو عيون قتاله رماني بسهم في قلبي .
ليان : شفت قلتلك ؟؟
جواد : مافيها شي .
ليان : جواااااد لا تقهرني !!
جواد : ياحلوك اذا غرتي علي !
ليان : كررررريه .
جواد : مع هذا تحبيني ..
ليان : طيب ليه جايب ملاك معاك ؟؟
جواد : شتاقت لامها .. مسكيها ويلا ركبي السياره .
ليان : وين بنروح ؟؟
جواد : بتشوفين ..
------------------
((في بيت بو فهد ))*


الكل مجتمع بمناسبت تخرج ليان .. وضحك وفرح مالي البيت وصوات الاطفال في كل ارجاء البيت .. وبوفهد مبسوط بعيال عياله ..
ليان : ما كان لازم تسوي هلحفله الكبيره على شاني !!
جواد : اذا ما سويتها على شانك اسويها علشان مين ؟؟
حسن : جويد امسك ولدك لاسوطره الحين .
جواد : تركه شنو سوالك علشان تمسكه كذا .
حسن : ماسك بنتي ويحضن فيها ويبوسها افغصها ..
حمودي : بنته حلوه .. إذا كبرت بتزوجها !!
حسن : لا والله !!
بو فهد : وأنت بتلقى احسن منه لبنتك ؟؟
أم محمد : خلاص بنحجزها من الحين .
حسن : لقين بنتي بضاعه .
جواد يساسر ليان : قومي نطلع عن الفوضه ونروح مكان هدي .
ويروحون الحديقه وهم يتمشون شافوا في جهت المرجيجه رغد راكبه عليها ومحمد يمرجحها وعيالهم حولهم .
جواد : اشوف محمد سبقنا .
ليان : ههههههههههههههه
جواد : أحبك .. أنتي تحبيني وهلمره قوليها .
ليان : أحبك .
جواد : شنو قلتي ؟؟
ليان : أحبك أحبك أحبك ..
خذها جواد في حضنه وصارو جسدين وروح وحده .



النهايه...

 
 

 

عرض البوم صور ΑĽžαεяαђ   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لقــــــاء, الســــراب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:14 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية