لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-08-09, 01:00 PM   المشاركة رقم: 86
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


(( عند الرجال .. رن جوال بوسلطان ))..*
بو سلطان : هلآ والله يمه وشخبارك
ام جاسم : هلا فيك ..انا الحمدلله بخير .. ها وصلت عند اخوك
بوسلطان : ايوه انا عنده الحين ..
ام جاسم : اجل افتحوا الباب انا عندكم الحين
بوسلطان : ريان .. روح افتح الباب لجدتك
ريان : ان شاء الله
بوسلطان : يمه دقايق ويفتح لكم ريان الباب " ويسكر الجوال"
بوفهد : ابغى افهم امي ليه ما اتصلت علي
بوسلطان : انت تدري عن الوالده
بوفهد : الله كريم " وتدخل الجده ام جاسم ومعها احمد وبوسعود وام عبدالعظيم وام عبدالجليل "
بوفهد : حي الله من جانا .. زارتنا البركه " يبوس راس امه " شلونك يمه وشعلومك
ام جاسم : الحمدلله بخير .. قول لهم يساعدون احمد في تدخيل الآغراض
بوفهد : آي اغراض ..؟؟
ام جاسم : انت روح قولهم وبعدين اقولك
بوفهد : سمعتوا جدتكم ايش قالت .. يلا قوموا " ويطلعون يساعدون احمد "
بوسلطان : يمه خير شنو صاير
ام جاسم : قول لهم يا بوسعود
بوسعود : حنا بصراحه وبدون مقدمات .. نبغى نصيبنا في بيت ابوي ..علشان كذا نبغى نبيع البيت
بوفهد : نـــعم ... انت شنو تقول .. ليه تبغون تبيعون البيت
ام عبدالعظيم : بصراحه حنا محتاجين فلوس .. وبعدين مافيها شي اذا كل واحد اخذ حقه
بوسلطان : لآ .. انتوا اكيد انجنيتوا ... وانتي شرايك يمه
ام جاسم : سمعت شنو قال .. انا مقدر اقول شي
بوسلطان : بس هذا بيتك يمه ومحد يقدر ياخذه منك ..
ام عبدالجليل : بس حنا نبغى نصيبنا من بيت ابوي
ام عبدالعظيم : انتوا عندكم خير وحنا لنا الله
بوسعد : وكل خيركم هذا من مزارع ابوي اللي اخذتوها اثنينكم
بوفهد : قصدك ان حنا اكلنا حقكم ..؟؟
ام عبدالجليل : اخوي بوسعود معه حق
بوسلطان : بس انتوا اللي قلتوا تبغون نصيبكم من المزارع
ام عبدالعظيم : ايوه بس ماعطيتونا حقنا بالكامل
بوسلطان : كان ماتذكرين اذكرك .. مو بوسعود هو اللي جاب حد يسعر الآرض وانتي وزوجك ماقصرتوا مابقى حد
ما سئله وانتي بعد يا ام عبدالجليل
بوسعود : حنا ماعلينا من اللي راح ... حنا جايين علشان البيت
بوفهد : انا اشتري البيت بالسعر اللي تبغونه
ام عبدالجليل : لآ .. حنا لقينا اللي راح يشتري البيت بدون ماينصب علينا وتصير مشاكل ..
بوفهد : انا اشتريه بضعف السعر اللي راح يشتريه منكم
بوسعود : حنا اتفقنا وخلاص
بوسلطان : وحنا آخر من يعلم .. ولآ كأن حنا اخوانكم الكبار
ام جاسم : خلاص .. هم خلصوا كل شي بس ناقص موافقتكم
بوفهد : حنا مو موافقين .. هذا بيتك يمه محد راح ياخذه منك
ام جاسم : بس انا موافقه
بوسلطان : طيب اذا بعناه وين ارح تعيشين ..؟؟
ام جاسم : عند بوفهد .. ولآ ماتبغاني
بوفهد : البيت بيتك يمه .. انتي الداخله وحنا الطالعين
بوسلطان : وبيتي انا مفتوح لك يمه
ام جاسم : انا بعيش عند بوفهد .. علشان احمد وانا مقدر اعيش من غيره
بوسعود : الآسبوع الجاي راح نوقع العقد .. ياريت تجون
بوسلطان : يعني مارح تغيرون رايكم
ام جاسم : خلاص .. لآ تحاول فيهم ..مارح يغيرون رايهم .. وانا جبت اغراضي معي .. من اليوم ورايح انا بسكن عند بوفهد

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:01 PM   المشاركة رقم: 87
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


البارت الثامن عشر

عند الشباب ..

ريان وسلطان وفارس كانوا يساعدون احمد في تنزيل الآغراض
محمد وجواد ما راحوا يساعدون في تنزيل الاغراض ... جواد راح يكلم ليان ... اما محمد راح لغرفتة يرتاح ما يدري
ليه حس بتعب بعد ما شاف رغد ... يمكن لانها ذكرته بماضيه ... ذكرياته ... معاناته ... تجربته القاسيه ... حس انه
رجع ثلاث عشره سنه ... يومها هو واخوه راجعين من المدرسة ... مدرستهم اشوي قريبه من البيت فبعض الاحيان
يحبون يرجعون مشي ... في ذاك اليوم كافئ المدرس محمد على تفوقه في المدرسه ... وعطاه هديه رمزيه ... محمد
جلس يفتخر بالهديه قدام جواد ... وهو مبسوط ووده لو تنطوي الارض ويرجع البيت علشان يقول لامه وابوه بس
ما نكتب يرجع للبيت ذاك اليوم ... في وسط الطريق توقفت قدامهم سياره فجأة ونزل منها واحد ... الشر يتطاير من
عيونه ... مسكهم اثنينهم حاولوا يهربون بس قوتهم لا تقارن بقوته ... جواد قام يصارخ ويصيح ويترجاه يتركه ... بس
محمد ما ستسلم ... صار يضرب فيه بكل قوته ... وفي شخص ثاني في السياره يقول : بسرعه قبل ما يجي احد ونروح
في داهيه ...
في الوقت نفسه ضربه محمد ضربه قويه على ايده الي ماسك جواد فيها خلته يترك جواد ... وعلى طول تمسك فيه بقووه
علشان ما يمسك جواد مره ثانيه وصار يصارخ : اهرب ياجواد ... جواد اهرب .... اهرب ...
جواد ما نتظر كثير على طول هرب وترك محمد اللي خذه وربطه ودخله السياره ... هنا بدأ الخوف يتسلل لقلب محمد
كان يسمع كلامهم)) ..*
الاول : الحق الثاني .
الثاني : ياغبي خله يولي تبغى تفضحنا انت .
الاول : انت الغبي لو انك نزلت من السياره كان مسكناهم اثنينهم .
الثاني : انا قلتلك ماراح اسوي شي انت اللي اقترحت تخطفهم انت تتحمل المسؤوليه .
الاول : أجل ليه جيت معي .
الثاني : هذا لانك اصريت علي ولا انا ماودي انك تسوي هذا الشي .
الاول : يعني ماتبغى من الفديه .
الثاني : لا شكرا مستحيل اخذ منها شي انا ما ابغى فلوس حرام ويلا انزل من سيارتي وانت بكيفك مع مصيبتك .
الخوف كان مخلي محمد يسكت ... شي صعب انه يشوف احد ياخذه من امه وابوه من غير سبب ... نزل الخاطف
وجر محمد مثل الحيوان مو كأنه طفل انتزعه من احضان اهله ... ركبه السياره الثانيه ومشي ...
مايدري شنو صار بعدين ... مايدري ليه الخاطف ما خذ الفديه ... بس اللي يعرفه ان الخاطف غضبان من شي ...
وكان يبرد حرته في محمد ... صار يعاملة معامله الحيوانات ... يحبسه في غرفه مظلمه طول الليل وهو مربوط وكان
في حشرات تمشي عليه وتلدغه ... يضربه بكل الطرق الى ان صار جسمه كله ازرق ... كان يتفنن بتعذيبه ... بس
الي مخلي محمد يعصب ليه اهله مانقذوه الي الحين مر عليه اسبوع وبدأ جسمه يضعف ... بس ما في احد سأل عنه ...
وكان الخاطف يقوله أهلك باعوك ما يبغونك الفلوس اهم منك ما رضوا يدفعون الفديه ... استمر العذاب مده من الزمن
القاسي ذاق فيهم انواع التعذيب والحرمان والجوع والخوف ... يتمنى مع كل ضربه انه ما نولد ... وجسمه الصغير
ما عاد يتحمل ضرب اكثر ... ما عاد يقدر يوقف من الجوع ... وهذا الشي خلى الخاطف يضربه اكثر علشان يخليه يقوم
بس زاده ضعف ما عاد الضرب يهمه ... لانه خلاص انهار ... فقد كل قوته ... وفقد احساسه معاهم ...وغاب عن
الوعي ...
بعد فتره ما يدري كم انتبه ... وشاف نفسه في مكان غير عن المكان الي كان فيه انتابه الرعب انه يكون في مكان اسوء
من الي كان فيه ... بس الي كانت واقفه يجنبه غير عن الخاطف كانت لابسه ملابس بيضه لف حوله وحاول يستوعب
هو وين ... اخيرا فهم انه في المستشفى ...
بعد ما فقد وعيه الخاطف خاف لما ما شافه ما يتحرك ورماه في الشارع ... وبعدها نقلوه اهل الخير للمستشفى ... اما
الخاطف فمسكوه بعد ما اعترف صديقه بكل شي ...
اما بالنسبه لجواد فبعد ما هرب راح على طول البيت فقال لاهله اللي بلغوا الشرطه على طول ... علشان كذا لما طلب
الخاطف فديه تدخلت الشرطه للغبض عليه بس الخاطف قدر يهرب منهم علشان ينتقم من محمد لفشل خطته ... بعد كذا
ضل محمد شهر كامل في المستشفي الي ان طابت جروحه بس نفسيته كانت مره معدومه انقطع عن المدرسه ... انعزل
عن الكل صار يحب يقعد في الظلام ... ما صار يضحك او يلعب او حتى يتكلم مع احد مثل قبل ... اضطر في النهايه
بو فهد انه يوديه الي دكتور نفسي ... على الاقل تخف الكوابيس والرعب اللي يجيه ... بعد فتره من العلاج خفت
الحالات الي تجيه بس لسى ما يلعب او يختلط بحد ... في الاجازه تجمع الكل في ببت بو فهد ... الكل كان مستمتع بوقته
الا هو ... كان جالس وحده ولا يكلم احد ... في يوم كان كل الأطفال طالعين يلعبون في الحديقه ... ما يدري ليه بس
حب يطلع يشوف شنو يسون ... طلع وجلس يراقبهم من بعيد ... مع الوقت حس بعيون تراقبه كانت رغد اللي مستغربه
منه لانه دايم يجلس لوحده ولا يلعب معاهم ... قربت منه وبأبتسامه بريئه مرسومه على وجها الطفولي وخجل قالت له
: تعال نلعب مع بعض على المرجيحه .
بس هو تجاهلها وراح بعيد عنها وجلس على الارض يلعب بالتراب ... استغرب انها لحقته وجلست جنبه وصارت تلعب
بالتراب مثله ... ولاحظ انه اذا سوى شي سوت مثله ... وصارت ملاحقته في كل مكان طول ايام الاجازه وتسوي كل
شي هو يسويه ... كانت ما تحب تجلس مع احد غيره ... حتى اذا ناداها احد علشان تلعب تقوله يقوم معاها بس تشوف
انه مو راضي يلعب فما تروح ... مع انه ما يكلمها بس مع هذا ما تركته ... ولولا ان امها صرخت عليها ولا كان
نامت معاه في نفس الغرفه ... وايم توريه العابها ولا ترضي لاحد غيره ان يلمسهم او يحركهم لعلى وعسى يلعب معاها
يكلمها يسوي لها شي ... هو كان يهتم بلي تسويه بس ما يطلع هذا شي ... كان يراقبها وهي تلعب ويتمني انه يلعب
معاها ... بس لما شافها ذاك اليوم تطيح من المرجيحه ما تحمل يشوف دموعها كان وده يقتل اخته لانها خلتها تتألم ...
كان وده يصيح معاها لانه يحس ان صياحها يعور قلبه ... وبعد كذا صار دايم هو اللي يلاعبها وما يرضي لاحد يكلمها
ويخاف عليها ... حتى لما خلصت الاجازه ... مارضي يخلها تروح ... وخباها عن اهلها علشان ما ياخذونها ... بس في
النهايه لقوها ... صارخ وترجي عمه انه يخليها ... حاولوا يقنعونه ان ما يصير هذا شي ... قال لهم : عادي اتزوجها .

الكل ضحك عليه وقال له عمه : خلاص انا بخليها لك اذا كبرت وصرت رجال ازوجك اياها .
جلس محمد من ذكرياته وهو يضحك على نفسه ... كان حيل متعلق برغد ... بس مع الوقت نساها ... واكيد هي بعد
نسته ...
محمد : والله يارغد ما تغيرتي انا كنت متوقع انك راح تكوني مختلفه على ايام قبل ... بس الي شفتها اليوم هي نفسها
رغد الصغيره الناعمه الرقيقه بنفس ملامحها البريئه ووجها الطفولي وبتسامتها الساحره .

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:01 PM   المشاركة رقم: 88
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


عند جواد

جواد : شنو تسوين .
ليان : ولا شي .
جواد : اعترفي لا يكون قاعده تغازلين ترى بقول لاخوي .
ليان بعصبيه : جود ما اسمحلك تقولين هذا الكلام .
جواد حس انه زودها معاها : اسفه كانت بس امزح معاك .
ليان : ما احب هذا النوع من المزح ... وبعدين ما ابيكي تتكلمين عن شي يخص اخوكي الى ان يصير شي رسمي .
جواد : طيب .

----------------------

انتشر خبر بيعت البيت والكل كان محتار شنو يسوي .
الجده : يلا قلتوا اللي تبغون طلعوا بره الحين .
ام عبد العظيم : تطردينا يمه .
الجده : الحين انتوا طردتوني وطلعتوني من بيتي ما قلت شي والحين طلعوا ما ابغي اشوف وجيهكم مره ثانيه .
بو سعود : حاضر يمه احنا طالعين بس لا تنسون تجون توقعون العقد .
الجده : ما تسمع اذلف عن وجهي .


------------------------

((عند جـــواد بعد ماسمع الخبر راح على طول يقول لليان ))..*

ليان : الحين متى طلع عندك اخو اسمه احمد ..
جـــــواد: اصلاً انا كنت ناسي ان عندي اخو اسمه احمد
ليان : طيب الحين كيف راح يكون وضعه .. لاتقولين انكم ماتحبونه مثل ريان
جـــــواد: لآ .. هذا غير
ليان : كيف غير ..؟؟
جـــــواد: مدري كيف اقولك .. بس شخصيته تختلف عن شخصيه ريان .. هذا مايسكت عن حقه ابد .. وبعدين هو اكبر
من محمد ..
ليان : طيب واذا هو اكبر وش يفرق ..
جـــــواد: عندنا قانون في البيت الصغير يحترم الكبير .. يعني انا مثلاً مستحيل اقل ادبي على واحد من اخواني الكبار
ونفس الشي عند محمد ..
ليان : كم عمره احمد ..؟؟
جـــــواد: اهو اكبر من محمد بأشهر بس .. يعني يا 21 او 22 ماني متأكده ..

ــــــــــــــــــــــــــــــ
بوفهد : يمه هدي اعصابك انتي كذا راح تضرين صحتك ..
ام جاسم : آآه على زماني .. اللي عيالي يسون فيني كذا
بوسلطان : يمه ولآيهمك بيتك راح يرجع لك مهما كلفني الآمر ..
ام جاسم : في البدايه اقنعوني ابيع مزارع ابوكم والحين اضغطوا علي على بيعه البيت
بوفهد : انا عندي اقتراح
بوسلطان : شنو ..؟؟
بوفهد : يمه انتي دايماً تمشين وراهم حتى لما شرينا المزارع وقلنا لك نكتبهم بأسمك مارضيتي تروحين لهم ..يمه ما اشتقتي
لمزارع ابوي .. مو مشتهيه تشوفين الأرض اللي كبرها ابوي
ام جاسم : اكذب عليك لو قلت لك ماودي
بوفهد : اجل خلاص احنا راح ننزل الأحساء .. ليه مانروح ونقضي العيد هناك ..
بوسلطان : والله فكره .. شرايك يمه
ام جاسم : موافقه ..
بوفهد : اجل اروح اقول لأم فهد علشان يتجهزون ..

ـــــــــــــــــــــــــــ
((احمد كان طول الوقت واقف جنب سيارته ومو راضي يدخل .. وريان حاول معه علشان يدخل بس احمد كان رافض
.. في النهايه ضل واقف يمه .. اما سلطان راح هو مع فارس عند الجوري ومشاعل ))..*

ــــــــــــــــــــــــ
((طلع بوفهد علشان يقول لأم فهد وام محمد على روحة الآحســــاء ))..*
ام محمد : يعني خلآص راح تبيعون البيت ..
بوفهد : ايووه ..
ام فهد : طيب ماتقدر تشتريه
بوفهد : للأسف ..لآ
ام محمد : وامك شنو قالت
بوفهد : ماقالت شي .. المهم استعدوا بكره راح ننزل الآحســــاء
ام محمد : ان شاء الله بس ماقلت كم يوم راح نضل هناك
بوفهد : خمسة ايام بالكثير ..

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:01 PM   المشاركة رقم: 89
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



مي : ونــــــاسه بنروح المزرعه ..
غزل : سمعت انهم عدلوا فيها .. يقول فارس ان المسبح صار اكبر .. وقسم الحريم كبروه بعد ..
مي : متى بس يجي بكره
شجون : الحين احمد راح يجي معنا ..؟؟
جود : اكيد راح يجي .. مايصير يضل لوحده هنا
مي : مين احمد .. لا يكون انخطبتي ولا قلتي لي
جود : ياغبيه هذا اخوك
مي : اي اخوووو ..؟؟
شجون : خليها تولي عنك .. الا شرايك نقول لكوثر تروح معنا ..
جود : والله فكره .. بروح اقول لأمي ..

ــــــــــــــــــــ
احمد : اوووف
ريان : طيرتني
احمد : انا راح امشي ..
ريان : وين ..؟؟
احمد : وانت ايش دخلك .. بعدين انت مين وشنو اسمك ..
ريان : انا اخوك ريان ..
احمد : ريان ... اهاا ذكرتك انت ولد السوريه
ريان : ايوه
احمد : قول لجدتي اني راجع الأحساء
ريان : ليه ..
احمد : اقول تراني عطيتك وجه زود ..

ــــــــــــــــــــــــــ
الجوري : حبيبي شفيك
سلطان : منقـــــهر
الجوري : ليييه .. انا زعلتك في شي ..؟؟
سلطان : انتي تزعليني .. انا ازعل من الدنيا كلها بس انتي مستحيل ازعل منك ..
الجوري : اجل شنو فيك ..
سلطان : ابغى ارجع جده ..
الجوري : ليــــــــه ..
سلطان : علشان نصير وحدنا ومافي احد يزعجنا ..
الجوري : طيب هذا احنا لوحدنا الحين ..
سلطان : لآ .. هناك غير .. هناك انتي لي 24 ساعه ..
الجوري : لهذي الدرجه تحبني ..
سلطان : واكثر من كذا ..

ـــــــــــــــــــــــــ

((في المجلـــــس ))..*

ريان : جدتي أحمد يقول انه راح يمشي الأحساء ..
ام جاسم : ليييه
ريان : مدري
بوفهد : الحين هو مشى ..؟؟
ريان : لآ ..
بوفهد : طيب روح ناده ..
ريان : حاضر يبه
" ونادى احمد "
بوفهد : ليه تبغى ترجع الأحساء ..؟؟
احمد : قلت مدامكم بتروحون بكره انا اروح اليوم وانتظركم ..
بوفهد : لآ ... تروح معنا
احمد : بـــٍس ...
ام جاسم : اسمع كلام ابوك واجلس
احمد : ان شاء الله ..

ــــــــــــــــــــــــــــــــــــــ
جود : هاا يمه قلتي لخالتي ام فيصل
ام محمد : ايوه قلت لها
جود : طيب وايش قالت
ام محمد : قالت راح يروحون معنا ..
جود : يااااي وناااااااااسه ..
شجون : اجل قولي لكوثر تجي تنام معنا اليوم
ام فهد : خلوا البنت تجهز اغراضها وبكره تشوفونها ..
جود : يمه .. اجل راح نزور جدي وجدتي ..
ام محمد : اكيـــد .. مايبغى لها كلام ..
جود : ياني مشتاقه لحســـوني ..
ام سلطان : مين حسون ..؟؟
ام محمد : حسن هذا اخوي .. بس اللي ماتستحي على وجها رافعه الكلفه
جود : مايصير اناديه خالي وانا اكبر منه بشهرين ..

ـــــــــــــــــــــــــــــــــــ

((في الليل ))..*

محمد : شفيك تحوس .. نام
جـــــواد: اووف .. مو عارف انام
محمد : ليــه
جـــــواد: ما اعرف انام الا على سريري
محمد : اذا مارح تنام روح انقلع عني
"بعد دقيقه "
جـــــواد: محمد .... محمد
محمد : نعم
جـــــواد: نمت
محمد : ايوه
جـــــواد: كيف نمت وانت تتكلم
محمد : اسأل نفسك ... كيف انام وانت ناشب لي مثل العظم
جـــــواد: مين تبغى انشب فيه غيرك .. سلطان انا ما اتفق معه وفارس لو يجي زلزال ماجلس وريان بااارد وبطلعه الروح
يطلع الكلمه ..هذا اذا تكلم وعبدالله وبندر وعبدالرحمن بزران .. هاا مين اجلس معه ..
محمد : عندك احمد روح اجلس معه ..
جـــــواد: اي فكره بروح اشوفه اذا صاحي ولا .. لآ
احمد " كان صاحي وسمعهم ": ان قربت مني قتلتك
جـــــواد: يعني صاحي ... تعال نام جنبنا ... ليه نايم بعيد ..
احمد : الحين انت شنو تبغي مني ..
محمد : يا اخي نبغى ننام شوف من ازعاجك صحيت ريان
جـــــواد: والله .. صحى
ريان : ايوه صحيت
احمد : والله انك مزعج
محمد : توك تدري .. هو من زمان مزعج ..
جـــــواد : حراااام عليكم انا اخوكم الصغير..
احمد : ريان اخونا الصغير
جـــــواد : انا رايح ..
محمد: وين رايح
جـــــواد : بروح غرفتي
محمد : انهبلت انت .. بنات عمك مارح ياخذون راحتهم
جـــــواد : اوووف ما اعرف انام هنا ..

 
 

 

عرض البوم صور معشوقه بلا قلب   رد مع اقتباس
قديم 27-08-09, 01:02 PM   المشاركة رقم: 90
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



(( عند البنات ))..*
شجون : حسافه لو معنا كوثر الحين والله نعفس غرفه جواد فوق تحت
جود : جـــــواد من غير شي مايحبها .. بعد تحوس بغرفته يرتكب فيها جريمه ..
الجوري : الحين اللي يسمعك يقول كوثر اللي تموت عليه ..
مشاعل : أذكر يوم آخر مره سافرنا مع بعض وهي ودها تقتله ..
الجوري : كل ما اتذكر شكلهم اموت ضحك ..
جود : هالأثنين مثل توم وجيري ..
رغد : خلونا نطلع من غرفه اخوكم قبل مايجي ويشوفنا
شجون : اجلسي تلقينه الحين في سابع نومه ..
مشاعل : شرايكم نروح لغرفه محمد ..
جود : تبغينا نروح ضحايا العيد
مشاعل : مارح يعرف
الجوري: يلآ جود حتى انا ودي اروح احوس في غرفته ..
جود : بـــس اذا عرف .. انا مو معكم ..
مشاعل : ok
"ويروحون لغرفه محمد ويمشون مثل النمر الودري"
رغد : ههههههه
جود ومشاعل وشجون الجوري : اوووش
رغد : هههههه .. اشكالكم تموت ضحك ..
شجون : اسكتي فضحتينا
مشاعل : يلآ امشوا بسرعه
"ويدخلون لغرفه محمد "
مشاعل : نحن داخل كهف التنين
رغد : مسوي لكم رعب محمد
الجوري : اكثــــر .. انتي شوفي غرفته واحكمي ..
رغد : مع اني اتذكره لما كنا صغار كان هادي وحبوب مره
شجون : كان فعل ماضي مبني على النسيان ..
جود : بصراحه انا راحمه البنت اللي راح تتزوجه ..
" رغد قلبها دق بقوه .. انتبهت للصوره المعلقه على الجدار"
رغد : هذا محمد
مشاعل : يس هذا هو التنين
"رغد سرحانه في الصوره .. تغير عليها محمد كثييير هي تذكر لما كان صغير كان الحز مالي عيونه ومايكلم احد
بس لما دققت في الصوره اكثر عرفت انه مازال حزين على الرغم من الأبتسامه المرسومه على شفاته "

ـــــــــــــــــــــــــــــــــ
(( فــــي اليــــوم الثـــــاني ))..*
بوفهد : ابغى اعرف ليــه 7 سيارات
محمد : كل واحد يروح بسيارته ..
بوفهد : جـــــواد واحمد روحوا في سياره وحده ومحمد وريان في سياره وفارس وسلطان في سياره
جـــــواد : لآ .. انا ابغى اروح مع محمد ..
بوفهد : خلآص روح مع احمد .. لآ تسويها لنا سالفه .. بسرعه علشان نروح بيت خالتك ام فيصل
((ركبت ريم وشجون وشوق مع جـــــواد واحمد وركبت مي وجود ورغد وعبدالله ودانه مع محمد وريان وركبت
الجوري ومشاعل وعبدالرحمن ومرام ونجود وسلطان مع فارس والباقي ركبوا في سياره خالد التاهو ))..*

ــــــــــــــــــــــــــــــ
(( في بيت بوفيصل ))..*
كوثر : متى راح يوصلون ..؟؟
ام فيصل : هذي عاشر مره تسألين
كوثر : تأخروا ....
ام فيصل : اصبري كلها شويات ويوصلون
كوثر : هذاني صابره .. ترى بركب معهم
بوفيصل : وليه ماتركبين معنا
كوثر : لآ .. انا ابغى استانس في الطريق ومارح استانس الا معهم ..
"الا يدخل محمد " : يبه وصلوا
بوفيصل : الحين اخوك مارح يروح معنا
محمد : لآ .. مارح يروح
بوفيصل : ليـــه ..؟؟
محمد : مدري
كوثر : هآآ .. شنو قلتوا اروح اركب معهم
ام فيصل : روحي
كوثر : يحيا العدل "وتدق على ريم " الوو ريمووه
ريم : هلآ كوثر
كوثر : انتي في آي سياره
ريم : ليه تسألين
كوثر : وليه بعد .. بجي معكم
ريم : اطلعي واذا شفتي سياره راكب فيها جـــــواد اركبي فيها ..
كوثر : ويييع .. مالقيتي تركبين الا مع جويد النذل مالت عليه
جـــــواد " سمعها عرف ان كوثر قالت شي عنه" : قولي لآم لسان طويل ان ماتأدبت وضبطت حالها قصيت لسانها
كوثر "سمـــعته ": هااا راح يقطع لساني .. صبر انا جايه الحين
"وتركب السياره ويمشون "
كوثر : السلام عليكم
الكل : وعليكم السلام
جـــــواد : جات ام اربع واربعين
"كوثر ماتعرف احمد علشان كذا ماحبت تتخانق مع جـــــواد يمه "
كوثر: انا ما اكلم ورعان ..
جـــــواد : ورع ..؟؟! .. انزلي من السياره بسرعه ... احمد وقف خلها تنزل
"وقف احمد السياره "
احمد : جـــــواد انزل انت معها
كوثر : نعم .. نعم انا الحين ساكته عنه احتراماً لك , وتقول لي انزلي وحضرتك من تكون حدك سواق لارحت ولاجيت
"يلف عليها احمد "
احمد : شــــــنو .. انا سواق ياكوثر
شجون : كوثر هذا اخوي احمد ماتذكرتيه
كوثر : اهااااا .. احمد الدب
احمد : دب في عينك
"محمد يدق زجاجه احمد .. ونزل النافذه "
محمد : خير شفيكم وقفتم
احمد : لآ .. مافينا شي الحين بنمشي
محمد : يلآ .. بسرعه
"ويروح محمد لسيارته ويمشي احمد "

 
 

 

عرض البوم صور معشوقه بلا قلب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لقــــــاء, الســــراب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:33 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية