كاتب الموضوع :
Aaljory
المنتدى :
الروايات المغلقة
رد: رواية ضحكَتْ فبانَ لنا عُقودُ جُمانِ فجلَتْ لنا فلقَ الصّباحِ الثّاني
البارت الثامن ..
ببيت العم سليمان ..
سليمان : ادخل !
دخل غيث مكتب ابوه : السلام عليكم يبه !
سليمان : وعليكم السلام هلا ياولدي امر ؟
غيث : شخبارك يبه شلونك ؟ محتاج شي تبي شي ؟
سليمان : هلابك يبه انا بخير ونعمة ولله الحمد بس تكلم قل وش عنك ؟
غيث : شدعوا يبه جاي اسأل عنك واشوف عن احوالك
سليمان : الله يخليك ماتقصر
غيث : الا اقول يبه !
سليمان : ههههه ايه قول وش عنك ؟
غيث : هههه احمم والله مدري وش اقولك
سليمان : قل وش عندك ؟ تستحي من ابوك ؟
غيث : اممم يبه عزام واضح انه مطول وماعنده نية الزواج الحين , وانا الصراحه حاط عيني على وحده وابيه
سليمان : اييييه الله يالدنيا عيالي كبروا وبيعرسون , ايه يا ابوك تقول لي من الي اخذت هالقلب ؟
غيث : اهحممم امم ملاك يبه بنت عمتي ساره
سليمان : ونعم ملاك والنعمم به وازين ما اخترت , خلاص يصير خير انا اول ما القى الفرصه اكلم جدتك واهله
غيث قام حب راس ابوه : الله يخليك لنا ويطول لنا بعمرك يالغالي ..
سليمان : امين امين ويخليكم لي ولا يحرمن شوفتكم مبسوطين
....
اما عند البنات ..
طلعت اميره مع ريمان للحديقه وبالتحديد عند المسبح
اميره بحركة سريعه سوت نفسه بتطيح وتمسكت بريمان وطيحته بالمسبح
ريمان : هئئئئئ اميره يا حمااااره تعالي ساعدين !!!
اميره الي شوي ويغمى عليه من الضحك : اوووههه هههههه ياعم هههههههههههههه ياعمري ماكان قصديييي
ساعدته تطلع وجلسته جنب المسبح
اميره : لحظه بس اجيب لك منشفه
دخلت اميره بسرعه
عند وئام وملاذ بعد ماراقبوا الوضع جاء الوقت المناسب اتصلت ملاذ على عمه علي
: الو
ملاذ بتمثيل : عمي علي تكفى تعال تحت طحت عند المسبح ورجلي مب قادره احركه وولا وحده من البنات ترد علي " وتمثل الصيحه "
علي : بسم الله عليك جايك جايك
سكروا من علي وهم يتخيلون الاحراج الي بيصير
علي وهو ينقز الدرج خايف على بنت اخوه لايكون جاه شي !!!
شافه جالسه عند المسبح وركض له ومسك رجله : ملاذ ياقلبي شفيككك ! وش صار لك شلون طحتي ؟ من وين تعورك ؟
اما بالنسبه لريمان ف من هول الصدمه بلعت لسانه مانطقت بحرف
علي رفع راسه له : ملااا !!
ترك رجله بسرعه وصد : ااا ماعليه احسبك ملاذ ! هي قالت انه عند المسبح ماعليه
ريمان صامته
اميره وبأيده المنشفه : هئئئ خالي علي ؟؟ وش تسوي هنا
علي : ملاذ وينه ؟؟؟
طلعوا ملاذ ووئام : هلا يا خال هذي ملاذ شفته واخذته معي هئئئ ريمان !!
ملاذ المتورطه تمثل انه تعرج : عمي علي اسفه خوفتك بس شافتن وئام والله يعافيه ساعدتن
ملاك : خاال خلاص رح وش مجلسك ؟؟
علي : خلاص ك****** انتي اشغلتين تراك !!!
وئام ماقدرت تمسك نفسه وماتضحك : ههههههههههههههههههههههههههههههههههههه
علي : خير وش الي يضحك ؟
وئام تأشر بأيده " مافيه شي " رغم استمراره بالضحك
اميره غطت ريمان : قلبي ماعليه مادرينا , بس يلا شافك من قدك ( وغمزة له )
ريمان وده تقوم وتكفخ اميره الي ممب وقته ابد
..........
علي " الله ياخذ عدوك يا ملاذ ! طيب الواحد مايتكلم ؟ اصلاً متى امدا تروح وتجي ذي تطيح ؟ والله لو مب ملاذ كان شكيت انه لعبه من البنات بس ملاذ ماتسويه !!
بس هه والله مب شينه البنت ههههههه ااحمممم علي وشبك اثقل !!؟ بس والله حلوه ؟ ولو انه تقل ثقيلة طينه (هههههههههههههه اهداء خاص ) صدق وش طيحه ؟ "
.................
وئام : ههههههههههههههههههههههههههه بنااا ههههههههههههههههههههه بنات فاتكم يماااههههههههههههههههههههههههه
مهره : وشبك خلصينا ؟؟
وئام : ااااهههه ماقدر ماقدر , وتأشر بيده للبنات
ريمان وبه الصيحه : وئام كولي تتتتتببببن
اميره : ههههههههههههههههه ياعمري يا اخيتي والله تركيا ماسوت بك خير
هتون : بتتكلمون ولا شلون ؟
ملاك : هههههههههههههه تخيلي .....................
مايا : تمزحون ههههههههههههههههههههههههه
لين : ياعممممري والله هههههه
هتون : هههههههههههههههههههههههههههههههههههههههههههههههههههههههههههه له له له وش هالحركات يارمانه ؟ ايوه متى العرس ان شاءالله ؟
جوان : هههههههههههه الله لا يحطني مكانك
ريمان : وخروا بس انا اخمد ابرك لي
فرات : ههههههههههههههههههه اخمدي اخمدي يابعدي لعلك تنسين
هتون : هههههههههههههههههههه انا اقول يمكن تكمل الموقف بالحلم
ملاذ وهي حاسه بالذنب : ريمان قلبي ماعليك منهم والله الي صار عادي مابه شي ..
وئام : احلفي بس ؟
ومضت ليلة البنات تعليقات على ريمان المسكينه " بس والله صدق الله لا يحطنا مكانه الا وحنى كاشخين :)
..................
؛ في كل صباح لنعتاد على شكر الله على كل مانحن عليه , فـ والله لا نعلم مالخير المخبئ لنا حتى في مصائبنا
ولنؤمن بقضاء الله , ولتكن لنا نظره تفاؤليه وايجابيه نظره تركز على الجانب الممتلئ من الكأس
فالحمدلله على كل مانعيشه , الحمدلله على كل ما اختاره لنا , الحمدلله على رحمتك ولطفك وجزيل عطائك وكرمك
وتذكروا اعزائي مهما كثرت معاصيك فلا تتخلى عن اساس دينك , " صلاتك " فـ والله انها اساس سعادتك ورزقك فـلتحرصوا عليها .. ؛
* بالصاله *
الجده لولوه : ايوه ؟ هين اعرف ان ماله الا بنت وولدين
: ....
الجده لولوه : اكيد بيتبرأ منه شلون مايتبرأ من هالأبو المجرم ! طيب والباقين ؟
: .....
الجده لولوه : حلو ممتاز جداً لكن لازلت ابي معلومات عنه اكثر واشمل , ويااا ليتك تمسك شي عليه , وابيك تعين رجلين يتابعونه ويراقبونه 24 ساعه
وبعد ماتتسهل الأمور واعرف معلومات تكفين اعين جاسوس ..
: ......
الجده لولوه : الله يعافيك ياسامي ماقصرت ولا تخاف انت بعد حقك بيرجع لك بإذن واحدٍ احد
بعد دقايق من انتهاء المكالمه
نزلت مهره
الجده : مهره قلبي !
مهره: هلا يمه , صباح الخير
الجده : ياا صباح النور والسرور هلا يمه على وين من بدري ؟
مهره : والله ياقلبي ماعندي غير محاضره وحده تبدا بعد نص ساعه وبطلع قبل الزحمه اخاف اتأخر
الجده : الله يحفظك يمه ويوفقك ولا يضيع لك تعب
مهره : امممين يمه , توصين شي ؟
الجده : سلامت عمرك
مهره : يسلم هالقلب , يلا سلام
الجده : وعليكم السلام الله يحفظك
....
طلعت مهره وهي تشوف سيارتين قدام الباب ولا اهتمت توقعت سواق لملاذ وتوجهت لسيارة السواق
خيال : مهره !
مهره خافت "وش جابه ذا ؟" : نعممم ؟
خيال : اركبي السياره
مهره : ماكلمت السواق عشان اركب معك
خيال : لاتطولينه وهي قصيره , وانتي بالنهايه بتركبين معي
مهره سفهته وتوجهت لسيارة السواق سكرت الباب بسرعه : هيا اسرع ارجوك اذهب قبل ان يأتي هذا الغبي
حرك السواق ومالحق خيال عليه , شغل سيارته ولحقهم
شافته مهره وخافت حست انه تهورت : يمه وش بيفكن منه الحين ؟؟ اففف كيفه هو زوده خير وش يحس افف
؛؛
بعد ماوصلت الجامعه نزلت وحاولت تسرع لعله مايلحق عليه بس ويييين وهو جاي هايج وطاير كأنه مذبوحٍ له احد
مسك عضده ولفه له : انتِ صاحيه ؟ قد الحركه الي سويتيه ؟
مهره تمثل البرود وعدم الإهتمام : ايه قده وش عندك ؟
خيال ماتحمل رده , فوق انه سافهته ترد عليه بهالطريقه ؟ اعطاه كف دون وعي منه
مهره انصدمت يعني صح انه مزوده بس ماتوقعت يزوده لهالدرجه بدأت تشك انه فيه خلل نفسي !
خيال صحى من غضبه واستوعب الي مسويه : ااااء مه
مهره صاحت وبدأ صوته يرجف دفته وبصوت عالي : خير ؟ بأي حق تمد ايدك علي ؟ وبأي حق تتعامل معي بهالطريقه ؟ ولا عشان ابوي توفى ومالي اخو يوقفك ؟؟
اذكرك بس انا اقدر اتكلم واقول لعماني او حتى لجدتي , وولا فيه شي يمنعن من هالشي
خيال : مهره!!
مهره لفت تاركته , توقعت كل شي منه الا هالشي !
خيال مسك يده : مهره لحظه بس اعلمك
مهره: تعلم المرجله قبل
خيال عقد حواجبه الا هذي عاد ! سكت وتركه مايقدر يقوله شي صح صعبه عليه لكن مايلومه مافيه رجال يمد ايده على بنت !
...
وئام : ياربي يا مهند محاضرتي باقي عليه ساعه وش يجيبن من الحين ؟؟؟
مهند : يعني اتأخر عن محاضرتي لعيونك يعني ؟ هاااا
وئام : لا قلت لك اروح مع السواق !
مهند : والله امك وامي موصيينن تفاهمي معهم هم المره الثانيه مب معي , عموماً هالمره تحملي وانتظري طلعتنا جميع اصلاً
ولف وشهق : ساره !!
ساره : مهههننننند !!!!!!!!
مهند : اوههه هههههههههههههههههههه وش جابك انتِ ؟
ساره : هههههههه انت الي وش جايبك انا هذا مكاني من زمان !
وئام " هه ! خير من ذي بعد ؟ وجع يا مهند ماتستحي ؟ اح اح بعدددد يضمه ؟ وجععع خير ان شاءالله صدق نفسه ذا انه بتركيا ؟ وش قلة هالحيا ؟ لا لا بوسه بعد ؟ "
مهند : والله ؟ من تركيا ؟ ما اذكر انك قلتي لي !
ساره : الا قايلة لك بس انت مركز مره بسم الله عليك
مهند : اههه ياساره ياحلوك ذكرتين بأيااااام الله المستعان بس
ساره :ايييه ايام ها ؟
مهند : عز الله ..
وئام " وجع وش سالفتهم ذولا ؟ "
........
" هذي وينه ؟ امس طلعت ولا حضرت المحاضره واليوم ماجت وش سالفته ؟؟ انا مب مريحن الا انه طلعت مستانسه امس بس وش هالوناسه الي الى الحين ؟ ارسله واسأل عنه ولا لا ؟ لا لا معاذ وشبك اعقل ! بس وشبه ؟ عادي يعني مجرد سؤال عادي ؟! "
...
عند البنات
الجده : الحين ماناقصكم الا مهره وملاذ ؟
جوان : وجمان
الجده : هين جمان الله يرحم حاله
هتون : امانه عاد يمه شرايك بي ؟ فنانه صح ؟ تلقين اجمل من هيك فطور ؟
ملاك : الله اكبر يالي اتعبك الشغل ؟! ترى كله معلبات والطبخ ماطبخه الا الخاله سهيله
هتون : اقول اسكتي انتِ انا سألت امي لولو , ها يمه شرايك
الجده تناظره على جنب : خلين ساكته بس ازين وانا امك
ريم : هههههههههههههههههههههههههههههههههه مافيه اقوى من كذا انا لو مكانك ما عاد ادخل المطبخ
ريمان : ههههههههههههههههههه احسسسن احسن تستاهلين
هتون : اانتِ اسكتي لا اعلم امي عليك
انقلب وجه ريمان والبنات يالله ماسكين ضحكتهم لا تعرف الجده بالموضوع ويحرجون ريمان
الجده : امزح معك يمه انتِ الزين والسنع كله , بس اعذرين والله توي مفطره بالعافيه عليكم انتم ..
هتون : شددعوا يمه مسويته عشانك
الجده : لا ياقلبي بالعافيه عليكم تسوينه لي مره ثانيه
هتون : من عيوني
اميره : هئئئ
ريمان بهمس : وشبك !
اميره : مابي شي
ريمان اقولك وشبك ؟؟؟
اميره اقولك بعدين
ريمان : الحين !!
اميره : شوفي
؛؛
ريمان : هئئئ خير وش يبي ذا ؟
اميره : مدري !
ريمان : مسوي يمون ؟
اميره : البلا علاقتي به شينه وكله مناقر وهواش ! ومايشوفن الا اشين الخلق
ريمان : وجع من زينه عاد
اميره : الا والله انه حلو ال** مايستاهل جماله
ريمان : الله الله ! وتضحكين علي بعد ؟
اميره : انتِ وضعك غير حبيبي
ريمان : اش بس
اميره : المهم الحين ارد ولا لا و وش اقول
ريمان : لا تردين
اميره : مب شينه ؟
ريمان : خلاص قولي ماهنا الا كل خير الحمدلله وبس
اميره : عسى مب انتِ الخير ؟
ريمان : اي اعتراض ؟
اميره : اعتراضات يا قلبو مب اعتراض واحد
ريمان : اش اقول
اميره : اشين خلي عنك الثقه
ريمان : بمحله
اميره : يالليل , اسكتي لا انادي عمي
ريمان : اشغلتونااا خلاص
اميره : لااا هههههههههههههههههه بعذرك من كثر التفكير اشغلك
: احممم احم
غطت ريمان راسه بجلاله
وئام : هلا ياعم تعال
علي : السلام عليكم
: وعليكم السلام
علي : الله الله وش هالفطور وش هالحركات ؟ لو داري من زمان عازم صديقتكم
: هههههههههههههههههههههه
علي : وشبكم لهالدرجه اضحك ؟
وئام تمثل الوجه الهايم : عمي اسمك ححححلو
علي : كلي حلو توك تكتشفين
ملاك : ماوراك دوام انت ؟
علي : الا وش عندك ؟
هتون : يلا يلا واضح عطيناك وجه
علي : يابنات الذينا عمكم انا !
وئام : جت صديقتنا وشخص علينا عمي
علي : احممم اهجدي بس
وئام : ههههههههههههههههههههههههههههه سم
علي : يلا توصون على شي ؟
: سلامتك
علي : يسلمكم , مع السلامه
....
معاذ " وش تحس به ذي ؟ وش هالرد ؟ افف معاذ انت بعد ! هذا تصرف تسويه ؟!! "
: اررريدكككك اريييدك ياعذاب العاشقيناااااا
معاذ : بسم الله من وين طلعت انت !
مساعد : شايف جني وانا اخوك ؟
معاذ : لا بس هبلتن وانا اهوجس
مساعد يغمز له : وش تفكر به هاا ؟
معاذ : ياشيخ وخر بس
مساعد : ارررريييييدك ارريدك ههههههههههههههههههههههههاي
معاذ : يا بزززر
.....
: جججماان !!
جمان : هلا ملاذ وشبك ؟؟
ملاذ : وهه صار لي ساعه اناديك وشبك صايره ماتسمعين !
جمان : لا بس مستعجله ومنشغل بالي
ملاذ : بأيش ؟
جمان : اليوم ماعندي غير محاضره وحده وملغيه ، وانا سبق واستفسرت عن مراكز تدريب الفروسيه بتركيا
ملاذ : اول شي وش هالحظ انتِ ومحاضراتك ماشاءالله ! ثاني شي وش طاري عليك ؟؟
جمان : تدرين احب الخيل وبخاطري دايم اتعلم بس ما حصل لي
ملاذ : طيب ووين مكانه ؟
جمان : وش عندك تسألين ؟
ملاذ : ماعندي غير محاضره قلت اجيك بعد ماخلص
جمان : خلاص ارسل لك الموقع
ملاذ بنظره غريبه : طيب بتداومين بالشركه اليوم ؟
جمان بإستغراب : يمكن ليه ؟
ملاذ : بس اسأل غريبه مارح تداومين ؟
جمان : ماعندي شغل كثير يمدين اروح واخلص كل اشغالي
ملاذ : اهاا حلو
جمان : فيه شي ؟
ملاذ : لا لا ابد ، يلا اجل سلام اشوفك بعدين
جمان : يلا بحفظ الكريم
...
ملاذ : الو عزام ؟
عزام : هلا بك
ملاذ : وش صار وظفت البنت ؟
عزام : ايه اليوم اول يوم دوام له
ملاذ : اهاا حلو اجل يمديك اليوم تتعرف عليه وتتقرب منه
عزام : انا اساساً مافهمت ليه اوظف وحده علشان الي ببالك ! فيه الف موظفه اقدر اطبق الي ببالك عليه !!
ملاذ : يا اخوي ياقلبي انت , اي موظفه عندكم عارفه دربه وماتحتاجك ولا تحتاج احد ، بينما الموظفه الجديدة بسرعه تقدر تكسب ثقته فهمت ؟
عزام : اخخ يا ملاذ كل هذا يطلع منك ؟ والله ماتوقعته
ملاذ : افا عليك بس
عزام : هههههههههههههههههههههه
ملاذ : المهم اذا ضبطت معك وش لي ؟
عزام : لك الي تبين ، اذا صار ! انتِ اطلبي وانا انفذ
ملاذ : حلو ، الله يوفقك يا اخوي ويسعدك ويعطيك على قد نيتك
عزام : امين وياك ، يلا تبين شي ؟ بروح اتعرف على الغاليه
ملاذ : لحظه لحظه ! ترى يمكن ماتجي جمان اليوم
عزام : ليه ؟
ملاذ : تقول ماعنده شغل كثير وبتروح لمدرسة الفروسيه
عزام : !! وش عنده ؟
ملاذ : تقول بخاطره من زمان و دام حصل له بتتعلم
عزام : طيب تعرفين المكان ؟
ملاذ : بترسله لي اذا راحت
عزام : ارسليه لي
ملاذ : ان شاءالله ، والحين تبي شي ؟ بتبدأ المحاضره
عزام : سلامتك ، موفقه
ملاذ : وياك
...
: تفضل
عزام : السلام عليكم
: وعليكم السلام
عزام حب راس ابوه : هلا يبه صباحك الله بالخير
سليمان : صبحك الله بالنور يبه
عزام : وش اخبارك يبه ؟ وش مسوي ؟
سليمان : عايشين ولله الحمد بنعمه وعافيه
عزام : الله يديم عليك الصحه والعافيه ، الا اقول يبه !
سليمان : سم ؟
عزام : سم الله عدوك ، بغيت اقولك الموظفه الجديده وين مكتبه ؟
سليمان : وش عندك ؟
عزام : وش رايك تخليه بمكتبي انا وجمان ؟
سليمان : وليه ان شاءالله ؟
عزام : هو يبه وشبك الله يهديك !
سليمان : مادري سؤالك عن هالموظفه غريب !
عزام : لا الله يخليك بس الصدق متضايق من وضعي مع جمان لحالنا ، فـ قلت يكون بيننا موظف ثالث افضل لنا كلنا
سليمان : اممم طيب فيه الف وحده غيره !؟
عزام : لا يبه هي جديده مب مثل غيره ، غيره خلاص تأقلمت مع مكتبه
سليمان : طيب فيه موظف جديد ليه ماينقل عندكم ؟
عزام : ولا يمكن يدخل هالمكتب رجل غيري ! وبعدين وشبك يبه الله يهديك صعبته !
سليمان بضحكه خفيفه : لا يبه بس سؤالك غريب ولا ارتحت له ، لكن انا واثقٍ بك خلاص اليوم اقولهم ينقلون مكتبه
عزام : هههه الله يخليك لا غريب ولا شي ، توصي شي ؟
سليمان : سلامتك
عزام : الله يسلمك ، يلا سلام
سليمان : استودعتك الله
" صوت صدر من جوال عزام ينبهه على الموقع المرسل من قبل ملاذ "
...
وئام : من ساره هذي ؟
مهند : وحده عرفته بسفرتي لأمريكا
وئام : اها
التفت مهند وعينه بعين وئام بشكل غريب ؛ ثواني اربكت وئام ، رجع مهند يناظر قدامه ومشى تاركه مما زاد استغراب وئام ..
" ياترى شفيه ؟ ومن هالساره الي قلبت حاله ؟؟؟ انا قلت شي غلط ؟ لا لا الغلط منه اكيد انه انحرج وانتبه على نفسه !
اففف كيفه ! "
...
وسط ساحات الجامعه تجلس احد بطلاتنا مستمتعه بالجو الي غير مزاجه للأفضل
عقدة حواجبه وتغيرت ملامحه للإشمئزاز بعد ما شافته متوجه له ..
: مهره !
مهره : ......
: طيب لا تردين بس اسمعين ؛ انا والله ما قصدت ولا كنت بوعيي ؛ و لا تفكرين بيوم اني بأذيك لأن ما عندك اخو اخافه ، انتم لو عندك اخو ما خاف عليكم كثري
مهره : واضح
خيال: انا جيت اعتذر لأني زودته ولا الى الان اشوفك غلطانه
مهره : الحين تعتذر انت ؟
خيال : ولا ؟
مهره : لا لا كثر خيرك بس فكن منك
خيال : انتي متى تتأدبين ؟؟
مهره : انا كذا قليلة ادب
خيال الي يتنرفز من اي كلمه تقوله : مهره انتي الي تحدينن استخدم معك اسلوب مايعجبك !!
مهره : لا احدك ولا شي لا تقرب من ولا تجين لو تشوف بي الموت ولا استفزك
خيال قام وهو يحاول يتماسك : استغفرالله
مهره بهمس : اعوذ بالله منك بس !!
خيال : هلا ؟
مهره : ما قلت شي !
............
.....
في مكان اخر ،
اعيُن هائمه تُراقب من بعيد ذهبت بخيالها مع اغنيه اعادت لها الماضي الجميل
تمنت لو انها تستطيع العوده الى ذلك الزمن ، تمنت لو انها تستطيع عيش تلك اللحظات بأدق تفاصيلها
تلك اللحظات قبل ان تأتي تلك الكارثه المدمره التي اهلكت قلوباً كثيره ..
"شعور العجز والحيره !
هل حدث وشعرت بهذا الشعور ؟
قلة الحيله هي اكثر ما يمكن ان يقتل احدهم رغم انفاسه ودقات قلبه
تشعر بهذا العالم وكأنه يضغط على صدرك يؤلم قلبك يقطع انفاسك ولكن ابداً لا تُقطع افكارك
افكارك السوداويه العاجزه منقطعة الأمل
ترغب بالبكاء ! لكنك عاجزٌ حتى عن ذرف دمعةٍ واحده
ترغب بإفضاء ما بداخلك ! ولكن توقفك ابتسامتهم فتضيع حروفك وتعجز عن سلب فرحتهم لأجل قلة حيلتك ..
تجد نفسك فجأةً غارق بدوامةٍ موسيقيه لا تنتهي حتى تغفو عيناك متعبه مهلكه
by : Aljory17 "
صحى عزام من تفكيره على ملاذ اخته المستمتعه مع جمان وتابع مراقبته بصمت يقتله يوماً بعد يوم ...
,,
ملاذ : ها وش تعلمتي اليوم ؟
جمان : كثير اشياء مهمه
ملاذ : مثل ؟
جمان : تعلمت انه لازم تجين من قدام الخيل ما تجينه من وراه او جنبه او لو جيتي لازم تطلعين صوت ينبهه لوجودك
وتعلمت طريقة وضع السرج ، واذا بتركبين تركبين من يمين الخيل ماتركبين من يساره ، وعرفت شلون اتحكم بالرسن ، والركّاب من الخطاء انك تدخلين رجلك كله لان به خطر عليك المفترض تدخلين رجلك بشكل بسيط
ملاذ : ماشاءالله ! هههه خلاص يسدك الي تعلمتيه
جمان : مايكفين الا اذا اتقنت ركوب الخيل
ملاذ : الله يهديك انتِ ناقصه يعني عشان تشغلين نفسك ؟!
جمان : ماعليك انا مرتاحه
ملاذ : الله يهديك بس
جمان : امين اجمعين
......
نهاية البارت الثامن
|
28-07-18, 07:42 PM
جديد مواضيع قسم الروايات المغلقة
العرض العادي
