كاتب الموضوع :
♫ معزوفة حنين ♫
المنتدى :
القصص المكتمله
البــــــــــــــــــــــــــاراـــــت الخــــامس عــــشــر
/
/
/
/
بالـــــــــجامعــــه
فيصل وقف سيارته
نوره فتحت الباب وبتنزل
فيصل مسك يدها:لازم نتكلم نوره
نوره سحبت يده ونزلت من السياره وصفقت بالباب ودخلت الجامعه
ورمت غطاها وشافت سديم وروعه وريناد يتمشون
رمت عباتها ودخلت لهم
سديم:هذي نوره جت
ريناد:مابغيتي تجين
نوره وهي تناظر سديم:ماتوقع تاخرت كثير
سديم استغربت نظرات نوره:شفيك نوره
نوره:ولاشي ومشت وتركتهم
روعه:شفيها
ساره:مبين فيها شي
ريناد:روحي سديم شوفي شفيها
سديم وقلبها مقبوض:طيب
ولحقت نوره:نوووره
نوره ماردت وكملت طريقها
سديم وهي تركض لها وتمسك يدها:نوره
نوره دفت يدها بسرعه:لاتمسكيني
سديم بستغراب:شفيك انتي
نوره:مافيني شي وخر عني
سديم:ليه تكلميني بهالطريقه
نوره:اللي مثلك ماينفع معاهم لا اسلوب الثقه ولا الطيب
سديم:شقصدك
نوره بعصبيه وقهر:قصدي انك احقر انسانه عرفتها حاطه عينك على زوجي وتحسبين اني ماراح اعرف
سديم ناظرتها بصدمه من كلامها:انــــا
نوره وهي مقهوره:اي انتي والا تبي تمثلين علي انك ماسويتي شي شفت صورتك اللي عند فيصل وانا اقول ليه
دايم تقوليله لاتوسوسين وتتوهمين واكيد مافيه شي كله لانك حاطه عينك على زوجي وانا زي الهبله اسولف لك عنه
سديم بلعت غصتها:انا يانوره
نوره وهي تهزها:كافيك تمثيل كافيك خلاص انا عرفت كل شي كل شي
سديم وهي تهز راسها:ماتعرفين شي للحين
نوره وهي تدفها:مابي اعرف شي ابيك تطلعين من حياتي وبس سمعتي لاتقربين مني ابد
ومشت وتركتها وهي مصدومه صدمتها وكلام نوره خلاها ماتعرف تتكلم ماتعرف شتقول
مافي اي كلام طلع منها اكثر من اللي طلع
مشت وهي تحاول ماتوضح للبنات شي
رجعت لهم وهي تحاول ماتوضح شي
بس كان واضح على وجهها انه صار شي
روعه:ها شفيها
ريناد:ليه ماجت معاك
سديم:مادري ماشفتها
ساره:كيف ماشفتيها وانتي لحقتيها
سديم بنرفزه:اي ماشفتها اللي تبيها تروح تدورها
روعه استغربت بنرفز سديم:حبيبتي فيك شي
سديم بعبره:لا
ريناد ناظرت لساره وهزت راسها وهم مايبون يضغطون عليها
روعه:طيب المحاظره بتبداء اكيد راح نلاقي نوره هناك امشو
سديم مشت وماقالت اي كلمه
ودخلو للمحاظره ونوره جالسه
روعه:نوره
نوره ناظرتها:هلا
ريناد:وش فيك ساحبه علينا اليوم
نوره وهي تتجاهل سديم :مافي شي بس تعبانه ومالي خلق احد
روعه:ياستار صاحباتك ترانا
نوره:معليش تعبانه ومصدعه وضارب المزاج
ساره:على راحتك
نوره لفت وهي حاسه انها ودها تنفجر
سديم كانت ساكته وبس تتذكر كلام نوره لها
ماكانت تحس ولاتسمع شي
الا كلام نوره لها
..............
بالمــــــــــستشفــــي
رابح دخل عند ايمان وهي تاكل وابتسم
ايمان ماهتمت وكملت اكلها
رابح:بالعافيه على قلبك
ايمان:....
رابح وهو يجلس على الكرسي:امي تبيني اروح لها
ايمان:وش اسوي لك طيب
رابح:ايمان لاتكلميني بهالطريقه
ايمان:انت مالك حكم علي ولا لك دخل عشان تعلمني كيف اتكلم
رابح:انا بصير زوجك
ايمان:لهالدرجه واثق اني برضي اتزوجك
رابح وهو يرفع حاجبه:يعني
ايمان:يعني الطفل ونزل ماعاد في سبب لزواجك مني
رابح:انا
ايمان وهي تقاطعه:ماتقدر تصلح الشي اللي انكسر
رابح وقف:راح اتزوجك ياايمان راح اتزوجك وبتشوفين
ايمان:ماراح تتزوجني
رابح:بروح لامي بس حطيها حلقه باذنك راح تصيرين زوجتي
ومشي وتركها
ايمان حست بقهر وبلا شعور نزلت دمعه مسحتها وهي تنسدح عشان تنام لاانها
تحس نفسها تعبت وبدت تدوخ
................
بالــــشرقـــيه
ببــــــــــــيت كسار ونــــارين
كسار:بتطولين بيتهم
نارين:لا نص ساعه بالكثير وبرحع
كسار:بتاخذين الولد معاك
نارين:ايه
كسار:اوصلك او تروحين مع السواق
نارين:مايحتاج السايق ينتظرني برا وبروح معاه
كسار:طيب حبيبتي
نارين شالت ولدها وطلعت وركبت مع السايق وخلته يوصلها لبيت عبدالمحسن واهله
نزلت ودقت الجرس فتحت لها الخدامه
دخلت وجلست بالصاله
وهي تنتظر منار والجازي
منار وهي تدخل:هلا والله بنارين حيالله من جانا
نارين وهي توقف:هلا فيك
منار وهي تبوسها:واخيرا جبتي هالكربوج معاك
نارين وهي تبتسم:اي لاني مو مطوله
منار:طيب اجلسي
نارين جلست وهي حاضنها ولدها اللي بحضنها
منار:ايوا يالله قولي وش عندك
نارين:عبدالمحسن موجود
منار:عبدالمحسن..!!
نارين:ايه
منار:عبدالمحسن سافر
نارين بصدمه:اييييش سافر؟؟
منار:ايه عشان شغل
نارين:ليه ماحد قالي
منار:مادري بس سفرته جت فجااءه
نارين وهي مو مصدقه:معقوله يسافر ومايقولي
منار:نارين عبـــ...
الجازي وهي تدخل:باي حق يقولك انتي مو اخته ماتحلين له ماتقربين له
نارين ناظرتها:انا كنت بكون زوجته بس قلتو اني اخته
الجازي:هذاك قلتيها كنتي بس انتي الحين متزوجه غيره وام ومنتي اخته انسيه خلاص خليه ينساك اطلعي من حياته نارين اطلعي خلاص
نارين كلام الجازي لها كان قاسي عليها
منار:الجازي
نارين قامت وهي تشيل ولدها:انا اسفه
وطلعت بسرعه وهي تحط غطوتها عليها
منار:حرام عليك
الجازي:لازم نقسي عليها عشان تفوق وتنساه خلاص
منار:كسرت خاطري
الجازي:تكسر خاطرك شوي بس تصحى على نفسي
منار هزت راسها وهي راحمتها
نارين ركبت مع السايق وهي تبكي وتبكي بدون توقف
وصلت بيتها ودخلت من باب المطبخ وراء الحوش وراحت غرفتهم وقفلت على نفسسها وهي تحط ولدها بسريره
وتجلس تبكي بحراره
...........
بـــــــــــالـــريـــاض
ببـــيت سعـــود
خلود وهي متملله:انتي ارسلك سعود تعلميني الشغل وانا مابي اتعلم
:...بس سعود قالي اعلمك
خلود:اقول فكيني بس قال سعود قال وخير ياطير واذا قال
:...بس
خلود:اقول انتي وش تصيرين له اصلا
:..انا مربيته
خلود :اها اجل روحي اطبخي لولدك
:....خلــــــــــود
خلود وقفت بسرعه وبخوف:سعود
سعود وهو يقرب منها وبعصبيه:انتي كيف تكلمين امي بهالطريقه
خلود:انا
سعود صفقها كف على طول وهو يسحبها من يدها:هذي امي تسمعين امي اللي مربيتني امي اللي تخسين انتي وامثالك تطولين لسانك عليها
خلود ودموعها تنزل:انا ماطولت لساني
ام سعود:سعود يمه اتركها
سعود وهو يحرك يدها:تدخلين المطبخ الحين وتطبخين ورجلك فوق راسك واللي تقولك اياه امي تسوينه
خلود وهي تبكي:طيب
سعود دفاها وهو يقرب من امه:علميها يمه واي شي تقوله لك مايعجبك علميني
ام سعود:ان شالله
خلود مسكت يدها وهي تمسح دموعها وناظرته بحقد وراحت المطبخ وام سعود لحقتها
خلود ججلست على الكرسي وهي تحط راسها على الطاوله وتبكي:كله منك يايبه كله منك الله لايسامحك
ام سعود استغربت كلامها وقربت منها:خلود
خلود مارفعت راسها وظلت تبكي وهي تردد:ابي اخوي ابي تركي ياخذني من هنا ابيه ياخذني
"توك تعرفين قيمه اخوك ياخلود لسه بدري "
...............
بفــــــــــــرنســـا
رحيق وهي تمشي:حمد
حمد:لبيه
رحيق:انتي كيف لقيتني وش دراك اني عند عبدالله كيف عرفت بيته
حمد:سهله فاتن قالت عبدالله مسكك وانا اعرف واحد بالجامعه كلمته وعلمني بيته لانه يعرفه
رحيق:كيف تاكدت اني عنده
حمد:مادري ماكانت متاكد ظليت اسبوع اراقب بيته لين طلع ودخلت لك
رحيق وهي تبتسم:انت انسان طيب
حمد وهو يبتسم:طيب معاك بس
رحيق:حجزت لنا
حمد:اي اطمني بكرا وحنا على ارض السعوديه
رحيق وهي تبتسم:اي والله مستانسه ومتحمسه
حمد تنهد:ان شالله بتكون رجعتنا رجعه خير
رحيق:ساعدني اننا نلاقي اهلي
حمد:ان شالله
رحيق سكتت وهي تفكر باهلها
وحمد صار يفكر برحيق لعرفت اهلها وتركته
خايف تتركته ولاعاد يشوفها
................
بتـــــركيااااا
فاتن:عرفت مكانهم
فايز:اكيد هم يتوقعون اني مو متبع خطاويهم
فاتن:طيب وش تنتظر ليه تااركهم
فايز:لسه ماعرفتيني زين يافاتن خليهم ياخذون راحتهم
فاتن:ينخاف منك
فايز ابتسم بخبث وهو يفكر
فاتن:طيب وينهم هم
فايز:بفرنسا
فاتن:فرنسا.؟
فايز:اي فرنسا
فاتن:طيب ماراح تعلمني وش راح تسوي فيهم
فايز:لا خليها بوقتها كل شي بوقته حلو
فاتن:طيب
فايز ظل مبتسم وهو يفكر ويخطط
.................
بالـــــريـــــــــاض
ببيت ام ريــــــــــان
مها طلعت من غرفتها ودخلت عند اهلها
ريان وهو يبتسم:هلا والله بهالزول
مها:ريان ممكن توديني بيت اهل عبدالرحمن
ريان:ويـــن
مها:بيت اهل عبدالرحمن
ريان:ليه وش لك هناك
ام ريان:وش يوديك دام ولدهم راح وخلاك
مها:عارفه راح وخلاني ماله داعي تذكروني بهالشي
ريان:طيب وش عشانه بتروحين
مها:لازم اعرف ليه سافر ليه راح وخلاني ليه تخلي عني ليه تغير ميه وثمانين درجه علي
ريان:واهله وش يعرفهم بالله
ام ريان:من حب اهله لك عشان يعلمونك
مها:يعرفون شي متاكده لو مايعرفون مايودينا نسكن عندهم
ريان:هذي حجتك لروحه
مها:بتوديني والا لا
ام ريان:صدقيني روحتك ماراح تفيدك بشي
مها بنرفزه:انا حامل ولد ولدهم مجبورين يتقبلوني
ريان:ماله داعي هالنرفزه تبيني اوديك اتجهزي وانا بوديك
مها :اوك
وراحت لغرفتها على طول
ام ريان:ليه وافقت توديها
ريان:لانها بتروح فيني وبدوني ف تروح معاي احسن
ام ريان:ان شالله مايكسرون بخاطرها
مها وهي تطلع:يالله
ريان:يالله وناظر امه وطلع هو وومها وركبو السياره
وحرك لبيت ام عبدالرحمن
ريان وهو يوقف:بستناك
مها:ماراح اتاخر
ريان:ماودي تسمعين كلام يزعلك بس على راحتك
مها:لاتخاف انا تعودت على كلامهم
ريان:طيب
مها فتحت الباب ونزلت ودقت الجرس عليهم
فتحت ام عبدالرحمن الباب ودخلت منها
مها وهي تشيل غطوتها:كيفك خالتي
ام عبدالرحمن وهي ترفع حاجبها:هذا انتي
مها:ايه انا جيت اعرف عبدالرحمن سافر صحيح والا لا
ام عبدالرحمن:ايه سافر ليه نكذب عليك مثلا
مها:محشومين عن الكذب بس عبدالرحمن يحبني مستحيل يسافر بدون مايخبرني
ام عبدالرحمن وهي تضحك بتريقه عليها:لا ابشرك سافر وبيرسل ورقتك بيطلقك عافك مايبيك
مها وهي تبلع غصتها:عبدالرحمن مستحيل يطلقني مهما صار بيننا
ام عبدالرحمن:لو كلامك صحيح كان قالك انه مسافر
مها نزلت دمعتها ومسحتها:وين سافر
ام عبدالرحمن:وصاني مانقولك من كثر ماهو كارهك
مها وهي تحاول تمسك دموعها:تكفين قوليلي وين سافر
ام عبدالرحمن:روحي الله يصلحك لو كان يبيك تعرفين كان قالك
مها بعبر ودموعها نزلت من دون توقف:بس انا حامل
ام عبدالرحمن بصدمه وعيونها تتتوسع:ايششششششششششششش حامل
مها وهي تمسح دموعها:اي حامل
ام عبدالرحمن ماعرفت وش تقول
مها بكبرياء وهي تحاول تلملم نفسها وتلملم ضعفها:زي ماهو طلب منك ماتعلميني وين سافر انا اطلب منك ماتعلمينه اني حامل
بس حبيت احط عندك خبر انك بيجيك حفيد عن قريب وحطت غطوتها وفتحت الباب وطلعت
بدون ماتاخذ رد من ام عبدالرحمن
وركبت مع اخوها وعلى طول جلست تبكي
ريان وهو يحرك:هذا اللي كنت انتظره تطلعين لي تبكين
مها مارد بس ظلت تبكي
................
ببيــــت ام محمد
غدير:حسن بلا سخافه حط الفلم
حسن:اقول زمان عن تلفزيونا بتفرج
غدير:لي اسبوع انتظره تكفي لاتروح اعادته علي
حسن:ليه ماشفتيه امس
غدير:راحت علي نومه حطه يالله
حسن:لاتحاولين
محمد وهو يدخل:وش عندكم
غدير:حمود شوف حسن مايبي يحط لي الفلم
محمد:وش فلمه
غدير:فلم لانجلينا جولي امس جاء والحين اعاده ومعيي يحط
حسن:والله بتفرج زيي زيك
محمد:حط لختك انت لاتصير غثيث
حسن:عادي اصير غثيث بس ماخليه تشوفه
غدير بقهر:اوريك ياحسن مصيرك ترجع لي وتشوف
حسن طنشها وهو يقلب بالقنوات
محمد ضحك على شكل غدير وهو يجلس
سديم دخلت عليهم بعباتها:سلام
الكل:وعليكم السلام
سديم:مابي غداء بطلع ارتاح
غدير وهي تقوم:خوذيني معاك
سديم طلعت وغدير لحقتها
سديم وهي تدخل غرفتها وترمي شنطتها وعباتها:غدير ترا مالي خلق شي
غدير:ليه وش فيك
سديم جلست على السرير وهي تطلع دفتر دكرياتها اللي باقي وصوره فيصل وهي تقطعها ودموعها تنزل:اكرهك اكرهك
غدير وهي مستغربه:مو حرقتي كل اغراضه
سديم:بس بقيت هالصوره والدفتر وليتني مابقيتهم
غدير:وش صاير
سديم وهي تبكي:نوره عرفت كل شي عرفت كل شي
غدير:منك
سديم:مو مني نوره هاجمتني على اني حاطه عيني على زوجها
غدير:كيف فهميني ماني فاهمه
سديم:قومي سكري الباب
غدير قامت وسكرت الباب وجلست جنب اختها:قوليلي وش صاير
سديم :مادري وش قال لها فيصل عني ماعرف بس نوره هاجمتني قالت لي انتي حاطه عينك على زوجي انتي احقر انسانه
غدير:فهمتيها الموضوع
سديم وهي تبكي:كلامها كان صدمه لي خلاني ماقدر انطق باي كلمه
غدير:بس بهالطريقه اكدتي لها ان كلام فيصل صحيح
سديم بكاء:ماشفتي نظراتها الحارقه لي ولا طريقتها بالكلام كل هالشي خلاني اسكت اسكت ياغدير
غدير وهي تحضنها:ياعمري انتي خلاص لاتبكي
سديم وهي تحضن اختها وتبكي:نوره كرهتني كرهتني خسرت اعز انسانه بسبب فيصل خسرتها
غدير وهي تحاول تهديها:ماخسرتها لاتخافين خلاص بسك بكاء
سديم ماردت ظلت بحضن اختها تبكي واختها تهديها
...........
ببــــــــــــــــــيـــــــــــت ام راشـــــــــــــد
رابح وهو يدخل البيت ويدخل الصاله وامه وخواته جالسين:السلام عليكم
ام راشد:اخيرا جيت
رابح:سمي يمه شبغيتي
ام راشد:وين وديتها
رابح:يمه ايمان سقطت وبالمستشفي
ام راشد بفرح:حمدالله كذا ارتحت ومافي سبب يخليك تتزوجها
رابح:بس انا دمرت مستقبلها
ام راشد:هي خدامه مالها اي مستقبل
رابح:لا يمه انا راح اتزوجها
ام راشد بعصبيه وهي توقف:ماراح تتزوجها لو على جثتي
رهف:خوش والله تتزوج خدامه
رنيم:مابقي الا هي
رابح:انا راح اتزوج ايمان
ام راشد وهي تقرب منه وهي معصبيه:ماراح تتزوجها انتي تبي تفضحنا بين الناس تبي الناس يقولون ولدها تزوج خدامتهم
رابح:ايمان ربت بيننا
ام راشد:ايمان خدامتنا
رابح:انا احبها
ام راشد بصوت عالي:حببببببببببببببببببببتك القراده
رابح :يمه افهميني
ام راشد وهي تدفه:ماراح افهمك وايمان ماراح تتزوجها سمعت ماراح تتزوجها
رابح:اسف يمه راح اتزوجها
ام راشد:والله لو تتزوجها لااتبراء منك
رابح:يمه ارجوك
ام راشد وهي معصبه:كلمتي وحده وماراح اثنيه
رابح حس ان امه ماراح تقتنع وططلع من البيت بدون مايقول شي
رنيم:حقيير
رهف:وش بتسوين يمه
ام راشد:دام راسي يشم الهواء رابح ماراح يتزوج ايمان
رهف ورنيم ناظرو بعض وابتسمو وهم عارفين ان كلام امهم حد السيف
..........
ببـــــــــيت اهل بيـــان
بيان:قوله يابدر بيان ماتبي تشوفك
بدر:صعب اقولك كذا روحي وقوليله انتي
بيان:مابي اشوفه لانه ظالم
ام بدر:روحي يمه وقوليله انك ماعاد تبينه
بيان قامت وهي معصبه وراحت للمجلس فتحت الباب وناظرت براشد:شاللي جابك
راشد وهو يوقف:وعليكم السلام
بيان وهي تدخل :قولي شاللي جابك
راشد:كذا الوحده تستقبل زوجها
بيان:اللي بيننا انتهي ماطلعت من بيتك وانا برجع لك
راشد:اهدي واجلسي وخلينا نتفاهم
بيان:مافي شي نتفاهم عليه
راشد:بيان
بيان:مابرجع لك الا لما تاخذ حق ايمان من اهلك الظالمين
راشد:اهلي ماظلموها
بيان بعصبيه:لاظلموها حرام عليك حكم ضميرك
راشد:بيان اهدي
بيان وهي تجلس:حرام عليك ياراشد لاتخليني اكرهك حكم ضميرك وبتعرف ان البنت انظلمت
راشد قرب منها وجلس قدامها وهو يمسك يدينها:تدرين اني اشتقت لك
بيان وهي تسحب يدينها:مابي شوقك ابي ضميرك يصحى
راشد:قوليلي شالله تبيني اسويه واسويه
بيان وهي تلين وتمسك وجهها:اوقف بصف ايمان
..........
بـــــــــشقه شجــون وســالم
شجون:بتطول عند اهلك
سالم:لا شي ساعه لانها ملاحظين غيابي
شجون:مايسالون وين تنام
سالم:قايلهم اني ماخذ شقه وانام مع رفيقي
شجون:وماستغربو
سالم:وضع اهلي بعد وفات اخوي مايسمح لهم بالاستغراب ولا التدقيق
شجون:طيب
سالم:لحتجتي اي شي اتصلي فيني
شجون:طيب
سالم ابتسم وهو يبوس خدها:مع السلامه
شجون انحرجت وبتوتر:مع السلامه
طلع وهي ظلت تفكر ببوسته وش يقصد بها
.................
بمــــطار الريـــــاض
عبــــــدالــــله وصل لسعوديه
وهو يتنفس هواها برتياحيه
وصل وهو ناوي بس يلاقي رحيق فيها
الرياض كبيره
بس عنده ثقه اكبر انه يلاقيها
ركب سياره تاكسي وخلاه يوصله على بيتهم
نزل من التاكسي وهو يناظر بيتهم وهو مشتاق
لبيتهم لامه ولابوه
دق جرس بيتهم واللي فتحت الباب خدامتهم
دخل البيت وهو يصرخ بصوت عالي:يمممممممممممممممممممممممممممممممممممممممممممم مه
يببببببببببببببببببببببببببببببببببببببببببببببببب ببببببببه
طلعت امه من المطبخ وهي مو مصدقه:عبدالله
عبدالله ركض لها وهو يحضنها:ياعيون عبدالله اشتقت لك يالغاليه
ام عبدالله:ماني مصدقه انك رجعت
عبدالله وهو فرحان:لاصدقي يمه وين ابوي وين بشار
ام عبدالله:طالعين شوي ويجون
عبدالله:تعالي نسولف على مايجون
ام عبدالله:يالله تعال
عبدالله دخل مع امه الصاله وهو يضحك ويسولف معاها
.................
ببـــيت ام تركي
بغــرفه نادر
منسدح وهو حاس بتعب اخذ جواله
وهو يتذكر الشخص اللي طعنه
تذكر كلامه وتذكره وهو يسحب السكينه من ظهره
جلس وهو يتصل بجواله
نادر:هاني
هاني:هلا والله نادر
نادر:ابيك بشغله ضروريه
هاني:امري باللي تبيه
نادر:لازم اشوفك بعدين اعلمك وش هالشغله
هاني:طيب تحب اجيك
نادر:انا بمرك كانك بالبيت
هاني:اي بالبيت انتظرك
نادر:ساعه وبكون عندك
هاني:منتظرك
نادر:مع السلامه
سكر وقام وطلع من غرفته
ام تركي وهي تبتسم له :توني بجيك لغرفتك
نادر:جيتك بنفسي من غير ماتجيني
ام تركي:اخوك يدرس بغرفته
نادر:الله يوفقه وانا بطلع
ام تركي:وين يمه انت لسه تعبان
نادر:لا يمه لازم اطلع انا صرت زين وماني مطول
ام تركي:طيب لاتطول
نادر وهو يبوس راسها:ان شالله ماطول
ام تركي ابتسم وهو طلع وركب سيارته وحرك لبيت هاني
.....................
ببـــــــــــيت
سعـــــود وخلـــود
بالمطبخ
واقفه تغسل المواعين بعد ماتغداء ونفسيته زفت من بعد ماعطاها كف وجبرها تطبخ وبعد بكائها
بعد ماخلصت غسيل طلعت من المطبخ وشافته جالس هو امه مو موجوده
طلعت لفوق على طول
سعود لحقها
وهي جلست على الكنبه وهي تضم نفسها
سعود:خلود
خلود من غير ماتناظره:نعم
سعود وهو يقرب لها:زعلانه
خلود:ماتوقع ان هالشي بالنسبه لك مهم
سعود:اكيد مهم انتي صرتي زوجتي
خلود بقهر وهي تناظره:غصبن عني مو برضاي
سعود:برضاك او غصب عنك صرتي زوجتي
خلود:ياليتني متت قبل اصير زوجتك
سعود:لهدرجه كارهتني
خلود:اكثر من اللي انت تتصوره
سعود جلس جنبها:ماعليه بكرا مع الايام تحبيني
خلود:مستحيل احبك اكرهك كثير تزوجتني غصب وحارمني من دراستي ومن اهلي ومن جوالي
سعود:انا اهلك وانا دراستك وكل شي
خلود:تكفي خلاص مابي اسمع منك شي
سعود وهو يحط يده على خصرها:روقي حبيبتي روقي مو زينه العصبيه لك
خلود وهي تبعد يده:خليني بحالي
سعود وهو يرجع يحط يده على خصرها وبحده:لاتخليني استخدم الاسلوب الثاني
خلود وهي تنزل راسها وبضعف:حرام عليك تجبرني على كل شي حرام
..................
.................
ببــــيت فيــصل ونــوره
نوره دخلت وهي تطلع لفوق
فيصل لحقها وهو يسككر الباب:واخرت هالسكوت ايش
نوره بعصبيه:انت خدعتني
فيصل:ماخدعتك بشي كنت تعرفين اني متزوج ومطلق
نوره بقهر:بس ماقلت لي ان زوجتك السابقه هي صديقتي
فيصل بنفس عصبيته:وانا وش يعرفني انها صديقتك
نوره:انت كذاب كذاب انا ماقدر اصدقك بشي ماكنت صريح من البدايه
فيصل:انا عرفت انها صديقتك بعد ماتزوجتك
نوره:ظليت محتفظ بصورتها وتضحك علي وتقول انك تحبني
فيصل:نوره صورتها
نوره:تبي تكذب عيوني تبي تكذب الحقيقه يافيصل كافيك كذب خلاص
فيصل:انا ماني كذاب وماني مجبور ابرر لك اكثر من كذا عمرك لاصدقتي
نوره وهي تناظره:اطلع برا
فيصل انقهر منها وطلع وصفق بالباب
نوره جلست على السرير وهي حاسه بقهر واعصابها مشدوده
|
15-06-12, 01:10 PM
جديد مواضيع قسم القصص المكتمله
العرض العادي
