للإعلان على ليلاس [email protected]

لمشاكل التسجيل ودخول المنتدى يرجى مراسلتنا على الايميل [email protected]

Liilas Online


العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية



القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-03-12, 11:56 AM   المشاركة رقم: 506
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة وردة الزيزفون مشاهدة المشاركة
   مساء الخيرات ......كيفك سهومة تسلم ايدك على البارت القنبلة والحمد لله ماصارشي غير متوقع ضد سارة لاني خفت انها تنظلم اكثر من ماهي مظلومة ..


كيفك عبوقة طمنيني عنك ...ومشكورة ياقلبي على البارت

سارة ونويفان

احسن خطوة سوتها مع انها كانت متأخرة كثير بس كثر الدق يفك اللحام مثل مايقولون والكبت يولد الانفجار البنت انكتمت لحد ماقالت بس خلاص الى متى بتسكت والفضيحة قايمة قايمة ماحد بيتضرر غيرها بس انها تنفضح عند اهلها اهون من الفضيحة الكبيرة عند الناس ........وردة فعل خواتها طبيعية صدمة كبيرة لهم سنين عايشين بدون حامي ماحد لمس شعرة منهم ويوم صارو بوسط اهلهم ينسلب شرف وحدة منهم وبيد واحد من عيال عمهم ... والسبب تهورها وغفلة خواتها عنها لانو هالشي مايخطر على البال

اعتقد بعد الي صار وبعد اعتراف نويفان لانو ماقدر يقنع احد من اهله والجرم كان واضح من تصرفاته السابقة وحرصه على تزويج سارة وانو هو الي جاي يقنعها ويبي يجبرها عليه كل هالامور كانت دليل عليه عند ابوه وفارس
والخسيس يسوي عمايله ويقول يبي فارس ياخذها ........
لازم بيكون في شي كبير بيجبر النذل يستر على البنت واعتقد صقر اذا عرف ماراح يسكت ابد ....مااعتقد انو باقي العايلة بيعرفون ولااحد بيتكلم ويفضح البنت اكثر ...
اتمنى ابو محمد مايموت لانو هو الي بأيده يحل الموضوع الا اذا وصى ابوه قبل موته على هالزواج وعلى بنات ناصر الي خذلهم وماقدر يحميهم من شيخة الين سارة حتى وضحى ونورة الي انجبرو على الزواج بدون حفلة عرس ولاجهاز ولا حتى عشاء عائلي ...ماراح يفضح سارة بس بيقدر يقنع ابوه انها امنيته ورغبته ووصيته .....

اما عديم النخوة والرجولة نويفان كل شي اتوقع منه حشى يقبل على نفسه يتزوج كافرة ماظل انسان ماشافها ولايقبل ببنت عمه الي هو سلبها اعز ماتملك ودمر حياتها صدق عديم رجولة


صقر وشيخة

ماادري الي صار بيكبر السالفة بينهم والا بيقربهم شيخة الي صار لسارة شي كبير ويكسر الظهر ماراح تقدر ترفع عينها بعين احد وتدافع عن تربية ابوها وامها واختها جابت لهم العار غير كذا الي دمر اسم ابوهم اخو صقر
ماادري كيف بتكون ايامهم الجاية ......

وسالفة صقر مع جيسي الحقيرة المفروض لما كان يبي يخلص اخوه منها شاف له طريقة تكرهه فيها بس لانو العداوة الي بينهم ماكان لها مبرر ونويفان لانو غبي كره اخوه ونسى الحبيبة الي من البداية حاطة عينها على صقر وهو مخليته احتياط لو مانالت صقر بتكمل مع نويفان ...
اما انتقامها غبي مثل وجهها وهذا هي انكشفت وماراح تفلح بخططها الجاية لانو مابتلاقي احد يساعدها ..لذلك يمكن تنتقم من حسن وتفضحه عند نويف الغبي وبنعرف غرضه من الي سواه ومساعدته لجيسي ..

وضحى ماتنلام لو طاحت وانهارت لانو الضغوط الي تعرضت لها مو بسيط من زوج العازة وان شاء الله مايدري عن الي صار لانو بدل مايعاير وضحى بعرجها راح يعايرها بأختها ........والله هالشخص فاقدة فيه الامل لانو عديم احساس نفس خويه نويفان

نور وضاحي

ياترى ايش المهمة المطلوبة من نور المسكينة صارت اداة علشان يستدرجون العصابة فيها اعتقد هالشي هو الي بيسبب لها صدمة وبيرجع لها الذاكرة والله يستر عليها من الي جاي
وضاحي هو الي من البداية اتخذ زواجه كمهمة جديدة تبع وظيفته ليه الحين معترض على الي يصير هو الي مااحترم هالانسانة واعتبرها كزوجة حقيقية بيكمل حياته معاها مو مجرد مهمة وامانة لها مدة معينة وبينتهي منها وكأنو الي يتكلمون عنها هو مع ربعه مو انسانة لها احاسيس بيجي يوم وبتضرر هالمشاعر


سهومة في انتظارك على نار

مسااء الورد والكادي زيزفونه

انا الحمد لله بخر بس مشتاقه لك مرررره
وتسلمين ياقلبي على طلتك المتالقه داائما
لاخلا ولاعدم

 
 

 

عرض البوم صور عبق الرياحين   رد مع اقتباس
قديم 08-03-12, 12:03 PM   المشاركة رقم: 507
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة سحابه رحيل مشاهدة المشاركة
   أخيرآ وصلتتتتت:)


يسعدلي صبآآآآآآآآآآآآآآحكم

ويا حيا الله أهل السعوديه
وفديت هاللهجه يا سهم ما تتصورين شكثر أعشق هاللهجه
ومن زمان أتمنى أقرا روايه فيها هالكم من الاحداث
الله يعطيك العافيه و ما أنسى بعد عبق مشكوره يالغاليه ع النقل


نوره وهي تصد للجنب الثاني – ياليتنا مارجعنا لهنا يأختي ياليتنا

جلسنا في الدوادمي

لا بالعكس لو جلستوا في الدوادمي ما شفنا سهم هنا و استمتعنا بهالروايه مزوووووح مزووووووح

الروايه رآآآآآآآآآآآآءعه استمتعت بكل حرف قريته

صقر حبيت شخصيته بس انصدمت فيه لما ضرب نايف قدام الجيران مهما كان ياصقير هذا اخوك
هو يستاهل الموت مو الطق بس لكن مو قدام الناس:)
شيخه كنت حاسه ان وراها سالفه يعني مو معقوله كل هالتصرفات و بدون سبب وطلع احساسي بمحله
بس السالفه فيها موووووووووت
شسرك ياشيخه؟؟

نايف مثل ما قلت يستاهل الموت
و سويره بعد تستاهل اللي جاها ما فيه حد ضربها على يدها و قالها تساعده
مايهون عليك تشوفينه تعبان ناديله اي حد يساعده
بس بالنهايه اتوقع نايف يتزوجها

فارس حبيييييييته كثييييير <<استحي على و جهك:) بالروايه بالروايه خخخخخخخخخخخ
واتوقع بعد له نهايه سعيده مع هند

سعد حبيته كثير:)
واتوقع بيصير أكشن بينه و بين ريوم

محمد الله يعينك ويصبرك
واتوقع بيرجع لمريم
و موضوي ترع لعيسى

ضاحي أتوقع له نهايه سعيده مع الجازي آآآآآآ أقصد نور

صار لي ثلاث ايام و أنا اقراها والحين مواصله سامحيني ع القصور بالرد
و انشاء الله ما نسيت شخصيه من شخصيات الروايه

لا نسيت اللي راح للمستشفى نسيت اسمه اتوقع انه يموت

و وضحى بيتعدل حالها مع فهيد

وبانتظارك يالغاليه يوم الاخميس بس باي وقت ينزل البارت

..

ياهلااااااا وغلاا بسحووووبه منوره بقوه

وحيا الله اهل البحرين كللهم والحمد لله ان الروايه جازت لك

ياقلبي انتي المشكووره على طلتك الحلوه لاخلا ولاعدم

 
 

 

عرض البوم صور عبق الرياحين   رد مع اقتباس
قديم 08-03-12, 12:07 PM   المشاركة رقم: 508
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


بسم الله الرحمن الرحيم .. السلآم عليكم ورحمة الله وبركاته
يالله تسعد لي هالوجوه .. وتسعد لي هالإصابع اللي تخط في الحروف وتحرجني
بجد لين هالحيت ماني مصدقه من التفاعل اللي قاعد يوصلني .. والردود اللي كل
مره تحرجني .. بجد بجد مشكورين كثير يالله يارب تحفظهم وتسعدهم مع اللي يحبونهم
ويغلونهم ياكريم
..
بالنسبه لردة فعل ساره .. في البعض فهمها صح .. وعرفوا ليش هي سوت كذا
وأهنيهم صراحه انهم عرفوا انا وش مقصدي
لحد يستغرب ليش ردة فعل ساره كذا .. الإنسان احيانا لما يوصل حد مخزي في حياته ويبي يتخلص من اللي قاعد يكبت عليه ينفجر
تماما مثل ساره اللي بغت الموت في هاللحظات .. وماهمها من قدامها .. ومن سمع
ومن ماسمع
وفي هالبارت ..ايضا وضحت ليش تكلمت قدامهم .. على لسانها .. مع انها في
البارت اللي راح ايضا وضحت
..
اللي يسألون عن سهم ويتمنوني ازورهم في رواياتهم .. اتمنى بجد منهم مايزعلون
مني بس وقتي مضغوط بالحيل .. والوقت اللي ألقاه أكتب فيه .. أو اقضي
شغل لي على هاللاب
دخيلكم ماحد يزعل دخيلكم .. تراه من زعلكم انا ازعل
* اتمنى السلآمه والصحه والعافيه يااااااااارب لجدة غاليتنا فيتامين سي
يارب تقوم أحسن من أول يارب هي وجميع مرضى المسلمين والمسلمات في كل مكان


مع اطيب الإمنيات بقراءه ممتعه
.
سهم المملكه
.
لإله إلا
الله



( البـــــــــــــارت الســــــــــــ 47 ـابع والإربعون )




وصل للمستشفى .. ورجلينه ماتشيله .. يركض مثل المجنون

وهو يتلفت بين الممرات .. شاف محمد وعمه وفارس

ركض لهم وهو يحس بالخوف – وش صار على ابوي وش صار

جاهم سلطان ومعه الجد وهو معصب – وراه محد علمني ولاخبرني

ابو سعد – ياابوي اهدى عشان صحتك .. ولين هالحين مجانا خبر

عنه

صقر ناظر فارس وهو خايف – وش صار على ابوي

فارس صد بوجهه .. ودمعته في عينه وبتهديد – ان صار لإبوي

شي والله ماأرحم نايف والله ماأرحمه

الكل إستغرب وناظروا فيه

تكلم جده وهو معصب – قل لنا وش مسوي هاللي ماينذكر

فارس وهو يبعد عنهم ويصارخ – يخسى ماهب اخوي اسكتوا

عني لاحد يكلمني اسكتووووا ( وبدأ الإنهيار واضح عليه )

جلس على الكرسي وعيونه غرقانه دموع

تذكر الفضيحه .. اللي صارت .. تذكر شكل ابوه وهو طايح على

الإرض .. وأمه وهي منهاره وتبكي .. وبنات عمه

تذكر بنات عمه .. وقف وكأنه مقروص .. أكيد خلصوا عليها

ياليتهم يذبحونها .. ياليتهم يغسلون عارهم .. وينذبح هو وراها

هاذي سواه يسويها فيهم

ركض مثل المجنون من بينهم .. الكل ناظره مصدوم

محمد صارخ على سعد – رح ألحقه لايسوي مصيبه ماحنا ناقصين










اندق عليهم الباب بطرق قوي ومتواصل .. فز من فراشه

وهي فزت معه .. ركض للباب وبسرعه فتحه .. شافها امه

وهي معصبه وتصارخ عليه – مقيوله راقد معها وحنا في حريقه

مط عينه وهي وقفت تسمعهم .. ناظر في امه – علامتس يمه

عمشاء وهي معصبه وفي نفس الوقت خايفه – رح شف ابوك

وجدك طلعوا من عندنا مدري علامهم

مك عينه – وش صاير

عمشاء – وش دراني .. يوم مشى محمد هو وموضي .. في

نص الطريق طالعين .. رجعوا علينا ومحمد تكلم مع ابوك وطلعوا

وموضي تقول ماتعرف وش صاير

وجدتك علمت جدك ودق على سلطان ولحقوهم .. وابوك ناسي

جواله هنا ,, ولا ندري وش صاير

بسرعه ركض لجواله ودق على سلطان .. اللي علمه عن اللي

صاير .. تفأجا وبسرعه لبس ملابسه .. وركض طالع

الجازي وقفته - ضاحي شصاير

ضاحي – ارجعي ارقدي مافيه شي بس عمي تعبان شوي

نزل للدور الإرضي ولقى في وجهه أمه وجدته وموضي .. يوم

شافوه تكلمن سوى – وش صاير

ضاحي – عمي ضاحي تعبان في المستشفى

الجده اشهقت .. وعمشاء ركضت لعمتها هي وموضي

ضاحي ركض لجدته – جده علامتس ,, مصار شي مرتفع عليه

السكر

الجده وهي خايفه مسكت في يد ضاحي وتبكي – خذني معك

وانا امك

ضاحي خاف عليها – وين اخذتس معي ياجده .. مافيه غير الخير

انا بروح واطمنكم ان صار شي

عمشاء – وماقالوا وش اللي رفع السكر عليه

ضاحي اللي خبى عنهم وش فيه – مدري يالله يالله انا بروح

طلع بسرعه

بيأس وحزن ودموعها تنزل وهي تسمع اللي حولها

يبكون – معقوله تسوي فينا كذا

وضحى وهي منهاره – شيخه من اليوم تكسر في الغرفه .. وماهي

راضيه تفتح .. أكيد راح يصير عليها شي

هند وهي تبكي على الإرض – يافضيحتنا يافضيحتنا ,, وش

بيسوون فينا هالحين

وضحى وهي تشاهق – والله ماهقيتها تسوي فينا كذا .. وين بنروح

من هالفضيحه

نوره مسحت دموعها ووقفت – وش بيسوون فينا أكثر من اللي

سووه .. اصلا ولدهم هو اللي لازم يصلح غلطته

سمعن قفل الباب انفتح بقوه .. طلعت شيخه وبشتها فوقها وهي

لامه ملابس ساره .. كبتها على الإرض وهي تصارخ – من

هاللحظه تراني بريه منها .. بهاللي سوته نزلت راس ابوي

للإرض .. ومعاش من هو ينزله

هند وقفت بخوف من اللي تسويه شيخه – شيخه وش بتسوين

شيخه بشكل ثاني مخيف – انا اعلمكم وش بسوي

طلعت ومشت وهي كلها تصميم .. معاد يهمها شي .. عسى

سمعة القاسي تنزل الإرض .. حتى لو تتلطخ .. وحتى لو سمعة

اختها في هالموضوع .. الشي الصحيح بتسويه بتسويه .. مستحيل

احد يوقف في طريقها

دخلت الصاله على منيره اللي تبكي والجوال في يدها .. وقفت

عند راسها وهي تهدد – ياما تعطيني رقم ولدتس .. ولا والله

لإلتقيه عند الشرطه

 
 

 

عرض البوم صور عبق الرياحين   رد مع اقتباس
الأعضاء الذين قالوا شكراً لـ عبق الرياحين على المشاركة المفيدة:
قديم 08-03-12, 12:09 PM   المشاركة رقم: 509
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


ركض ركض عشان يوصله .. يالله وقفه

مسكه مع كتفه وهو يقول – انت وش فيك

دزه عن طريقه وهو أول مره يكون بهالحاله – انقلع

ولا تلحقني

اول مره يشوف أخوه بهالحاله – فارس انت صاحي وين رايح

انت

فارس مشى عنه بسرعه .. سعد ناظر في الناس اللي يتعداهم

أخوه وهو معصب .. مشى وراه وهو يحاول يجاريه

يوم وصل للمواقف .. خلاص معاد فيه صار يركض لين

وقف في وجهه وهو معصب – نايف وش مسوي في ابوي

كأنه مسكه مع جرحها .. ناظره فارس وهو يركب سيارته

وفتح الشباك – ارجع لإبوي وان صار له شي علمني فيه

مشاور مهم لازم اسويه

سعد خاف ومسكه – فارس وين رايح

فارس وهو يوخر يده ويسكر الشباك – قلت لك مشـاور

( وشخط بالموتر )

رجع يدق على جوال نايف للمره الخامسه .. ومقفل ؟؟

فيه شي صاير .. بس المشكله مايعرف وش هو








منيره انصدمت ... ووقفت من الخوف – انتي صاحيه

شيخه بقهر وغبن – وعمري ماكنت صاحيه مثل هالمره .. والله

لإفضحهم والله

منيره مسكت كمها وهي تبكي – شيخه يابنتي لاتفضحينا وتفضحين

اختس انا بتصرف

شيخه وهي تصارخ ومعصبه – وش بتتصرفين فيه قوليلي

عطيني رقم ولدتس ولا اقسم بالله لإخلي الشرطه تجيبه من

رجلينه

دخلت هند وهي ترجف – لقيتها لقيتها

دخلت وضحى ونوره وهم مصدومات .. من شكل منيره وهي

ماسكه كمها وتترجاها

شيخه بعدتها وباين فيها العصبيه – انتي بتعطيني رقمها ولا

اروح وهناك يتصرفون معه

وضحى صرخت فيها – شيخــــــــــــــــــه

شيخه ناظرتها بتحدي - بس كافي طيبه .. شوفي هالطيبه لين

وصلتنا .. أختس يامدام مغتصبه تعرفين وش معنى انها مغتصبه

هند ونوره بكن .. ووضحى امسكت الجدار بإنهيار

منيره وهي منهاره – تكفين يابنتي انا بحل الموضوع لاتسوين

شي نندم عليه نبي الستر الله يسترنا .. خلي لين عمتس يصحى

من عوقه .. وان سلكتن درب انا تراني معتسن









اسمع الصراخ .. واحس ان الإلم جمدني .. صرت بارده معاد

اقدر احس .. كنت اتمنى الموت .. بس اظاهر ان ايامي لسه

طويله .. غبن شيخه .. وألم وضحى .. ودموع نوره .. وصدمة

هند .. ليش ياخواتي ماذبحتوني .. ليش مانهيتوني من الحياه

انا ماأبيها .. والله العظيم ماأبيها

المشكله انتم اللي تألمتوا .. والفأس وقع بالراس .. الفأس وقع

بالراس .. ( خبطت على راسها كذا مره وهي منهاره )

ليتس ياوضحى خلصتي علي .. ليتس ياشيخه شربتي من دمي

آآآآآآآآآآآآآآه ياااااااااااااااااااااارب

( ناظرت للسقف .. ودموعها نزلت ) وكأن القدر يسخر منها

توها تقول الإلم جمدني ومعاد أحس ,, لقت ان دموعها نزلت

مجرد ما تتذكر انها موجوده بهالدنيا






شيخه وهي تطلع معصبه – انتي اظاهر تبين تغطين على عملة

ولدتس .. وانا معاد بعايقني شي درب الشرطه تراني أدله

منيره انصدمت وبسرعه مسكتها هي ووضحى

منيره وهي تبكي وتمد عليها الجوال – هاتس هاتس دقي

والله انه مايرد علي .. جواله مقفل .. تكفين يابنتي الفضيحه

قويه تكفين استرينا

شيخه خذت منها الجوال .. ودقت عليه كذا مره .. ولا يرد

حذفت الجوال بعصبيه وقالت – الشرطه هي اللي بتجيبه

إلي

منيره عصبت – انتي مافي راستس غير الشرطه .. قلت لتس

نبي نتفاهم معه .. اسكتي تراني معاد اقدر عليتس

شيخه ناظرتها وهي مغبونه – طبعا ماهب بنتس اللي سوة

هالسواه .. تراه ولد ويشيل عيبه .. صح هاذا كلامتس

بس ماعليه الشرطه هي اللي بتجيبه إلي

طلعت وخواتها منهارات .. ومنيره جلست على الإرض ومسكت

راسها وهي تبكي – مصيبه مصيبه وطاحت على راسي

وضحى لحقتها – شيخــــــــــــــــه

شيخه وهي تهدد – لاتثنيني عن دربي اللي براسي والله لإسويه

تراتس سمعتي مثل ماسمعت .. ولدها يهدد ويقول ماهب متزوجها

انا ماني برايحه للشرطه لا انا بروح للهيئه

وضحى مطت عيونها – شيخه والله انتس انهبلتي

شيخه طلعت تمشي بإتجاه البوابه .. وضحى ركضت لين وقفت

في وجهها وهي تبكي – دخيلتس ياشيخه بيحل الإمر .. اقسم

بالله ان ماحله ان رجلي على رجلتس عند الهيئه بس هالحين

عمي تعبان وش بيفكنا من الفضايح .. لين نشوف هم وش

بيسوون وعلى هالإساس رجلي على رجلتس

ناظرت فيها .. وبلعت غصتها .. ومشت بإتجاه الملحق

وقالت وهي متألمه – أخر واحد توقعت الطعنه تجي منه تكون

منتس ياساره

وضحى بكت بوجع وحرقة قلب .. وهي تشوف شيخه تمشي

وباين ان مافيها عقل .. اللي سوته اختهم فيهم لايقبله دين

ولا عقل









ضرب الجرس والباب وهو يصارخ – افتح ياواطـــــــــــــي

افتح الباب يالرخمــــــــــــــــه

انفتح الباب وكان سياف وكاسته بيده .. دز الباب ودخل

ولقى فهيد يشرب ويغني

تعداهم للغرفه ويسمع صراخ سياف – وين تب ي ياا ا لا خ و

فتح باب الغرفه اللي كان مسكر .. وفعلا شاف مثل ماتوقع












في المستشفى

طلع الدكتور وهو يناظر في الملتمين – مايصير ياأخواني

اللي تسوونه

الكل قرب من حوله تكلم صقر – وش صار على ابوي

الدكتور وهو يطمنهم – الحمدالله تعدى مرحلة الخطر والحمدالله

اللي أسعفتوه بالوقت المناسب بس يبي شوية وقت عشان يصحى

ويتعدى هالإزمه

محمد أخذه على جنب وقال – دخيلك يادكتور لاتخبي علينا شي

انا ولده

الدكتور – عارف ماهب ابوك يصير والد الدكتور نايف تراني

اعرفكم بس الحمدالله تعدى هالإزمه

محمد حس بالراحه – مشكور يادكتور مشكور كثير اقدر اشوفه

الدكتور – لا حاليا خلوه يرتاح .. انا مانع عنه الزياره لمدة

اربع وعشرين ساعه .. نخاف من المضاعفات .. ان تعدى هالوقت

ومر خير إن شاءالله وبخليكم تشوفونه

محمد هز راسه .. والدكتور تعداهم

دق جوال محمد وكانت امه .. اللي تبكي ومنهاره .. طمنها

وهو مايدري عن السالفه .. وتوقع ان امه تبكي عشان ابوه







يرتب شنطته .. يوم اقتحم عليه الغرفه وهو يقول – مثل

ماتوقعت بالضبط تبي تنحاش بعد اللي سويته

ناظر فيه وتعداه وهو يفتح الدرج يطلع الجواز – في حريقه

كلكم يارب

فارس مسكه وحط عينه بعيونه وهو معصب – وابوي ابوي

اللي طايح في المستشفى في حريقه بعد

مط عينه مصدوم – ابــــــــوي

فارس باغته وضربه على بطنه ودموعه تنزل – والله مااسامحك

ان مات ابوي والله اذبحك نايف والله اذبحك

نايف مصدوم .. ماتوقع اللي يسمعه .. مسك يدينه وناظر فيه

وهو مقهور – بس خلاااااااااااااااااص لاتضرب

فارس وهو يصارخ عليه – بتتزوجها يعني بتتزوجها .. ولا

اقسم بالله ماتطلع من هالديره وانت حي

دزه نايف على السرير – مابقى غير الصغار يتكلمون

فارس كتفه وبدأ يضرب فيه .. ونايف يبي يقاومه بس مايقدر

عليه .. من وين جاب هالقوه

فارس عقب تكفيخ تفل بوجهه – بتملك عليها غصبن عنك .. ولا

والله انا بايع بايع ماوراي شي بس حق بنات عمي لإطلعه من

بين عيونك

طلع تاركه .. وهو صريع على الإرض .. وقواه منهكه

 
 

 

عرض البوم صور عبق الرياحين   رد مع اقتباس
الأعضاء الذين قالوا شكراً لـ عبق الرياحين على المشاركة المفيدة:
قديم 08-03-12, 12:11 PM   المشاركة رقم: 510
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بعد مرور اسبوع \ المستشفى

جالس على الكرسي .. ويناظر فيه

رجل في الستينات من عمره .. الشيب مليان في شعره

وعيونه حولها هالات سود .. ووجهه أصفر تعب من هالمرض

ناظر في يده وقرب منها وحبها .. انفتح الباب

وسمع صوت صقر وراه – ارحم نفسك اللي يسمعك يقول

بسم الله على ابوي بيودع .. تراه راقد .. واليوم بيكتبون له

خروج

ركى راسه على مساند السرير – مرض ابوي هدني ياصقر

صقر قرب منه ومسك كتوفه – خلاص فارس مانت بطفل

تسوي هالسواه .. وبعدين امي مزعجتني كل ربع ساعه

داقه علي وتبكي وتنشد عنك .. من طاح ابوي وانت اللي مرافق

معه

رفع راسه وباين التعب فيه هو – قلت لكم رجلي على رجل ابوي

ضحك صقر – خلاص اهدى اهدى ماحد قالك ارجع .. ابوي بيصحى

هالحين وبنرد كلنا سوى

سمع اصوات حوله .. فتح عيونه

ابو محمد بتعب – فارس

فارس ألتفت على ابوه وهو يقول – يالبيه ياأبوي

ابو محمد – جاء الدكتور ماعطوك الإذن ابي اطلع

صقر قرب من ابوه وهو يقول – وهذا علمك يايبه كل ماقمت

خلاص هم قالوا بتطلع اليوم على انهم يقولون المفروض مايطلع

مدري وش وراك

في هاللحظه دخل عليهم الدكتور – السلآم عليكم

الجميع – عليكم السلآم

الدكتور – هاه ياابو نايف عساك بخير

غمض عينه بغبن .. كل ماصحى وكل مجاء أحد يسأله نادوه

باللي هده وكسره

فارس وبنبرة عصبيه – كم مره نقول لك تراه ابو محمد ابو محمد

الدكتور ناظر في فارس هو وصقر .. وابو محمد صد للجهه الثانيه

وهو كاره طاريه واسمه

الدكتور – افا عليك ولا تزعلون بس نايف خوينا ونعرفه

فارس وهو معصب – بس الكبير محمد وابوي يحب يناديه اللي

حوله بهالإسم

الدكتور ابتسم – خلاص ولا يزعل ابو محمد كيف حالك اليوم

ياابوي

ابو محمد ناظره – متى بتطلعني يادكتور

الدكتور ضحك – بلاهي ياابوي كم مره سألتني هالسؤال من

وصلت هالمستشفى

ابتسم ابو محمد – ياولدي نومة المستشفيات تمرضني

صقر ناظر الدكتور – اكتب له خروج ابوي تعبان من القعده

الدكتور - الله يسامحك ياابوي ماتبينا انت

ابو محمد وهو يزفر – ياولدي اكتبلي خروج وريحني من

هالسرير

الدكتور كتب في الملف .. ثم اتجهه وحب راسه – على خير

خلاص ياابوي اطلعوا .. وماتشوف شر وانتبه على صحتك

ابو محمد – مشكور ياولدي

طلع الدكتور .. وطلع صقر معه

فارس ناظر في ابوه – ياابوي بروح اجيب العربيه

ابو محمد وهو يجلس – تعال اعضدني وانا ابوك انا زالني بخير

عسى بنات عمك مايشوفن الضيم

فارس تألم لحال ابوه .. مسكه وعضده .. وساعده في لبسه

ومشى طالع هو وإياه يوم دخل صقر – لهدرجه ماصدقت ياابوي

تطلع

ابو محمد ساكت .. وباين التعب فيه .. وحاله حزين

وفارس يعضده وهو ساكت

صقر – بروح اجيب عربيه

ابو محمد - ماابيها انا اقدر امشي ماطحت لين هالحين

صقر شاف حال ابوه منقلب ومتغير

عضده مع فارس .. ويوم قربوا من الصيدليه

صقر فكه – بروح اجيب دواك ياابوي

طلع هو وفارس

صرف العلاج .. وطلع لاحقهم .. وشاف نايف يركب ابوه

السياره

صقر وخر فارس وطلع مفتاحه – انت خذ سيارتي وألحقنا فيها

ابو محمد بأمر – لا رح اركب سيارتك خلني انا ابي فارس

فارس ناظر في ابوه .. وبعد صقر وركب وسكر الباب

صقر ناظرهم وهو رافع حاجب

انفتح الشباك وطلع صوت ابو محمد – اسبقنا على البيت

واخذ العلاج معك عندي شغيلة بسويها وبرجع

ناظر في فارس بمعنى وش فيه .. وهز فارس كتوفه .. ورفع

الشباك

وراحوا وخلوه






الجميع جالس في الصاله .. حتى الجد والجده .. وبيت

ابو فهيد كلهم

عدى ابو محمد وفارس وصقر ونايف وشيخه وساره اللي في

غرفه في قبو البيت .. ومااحد يعرف بالسالفه غير اللي عرفوا

وقتها

منيره وهي تناظر محمد – ابوك تأخر يامحمد

محمد – انا قبل شوي كلمت صقر وهو يقول الدكتور يكتب

العلاجات بيصرفونها ويجوون

ابو فهيد – الحمدالله على سلامته

في هالإثناء دخل ضاحي ومعه الجازي

عمشاء كشرت

ضاحي – السلآم عليكم

الجميع – عليكم السلام

شاف الجميع جالسين مع بعض .. وجلس .. بس الجازي

متردده تجلس

بعد تفكير جلست جنب ضاحي وهي تحس بالخوف

ضاحي – عمي مجاء

محمد – لا لين هالحين









وقفت السياره قدام العماره

فارس – هاذي هي ياابوي

فتح الباب .. ونزل فارس بسرعه يساعده

عضده .. وهو يتألم من عيون ابوه اللي باين فيها الحزن

والخيبه .. والعار .. والفضيحه

مشى هو وأبوه .. وصعدوا الإصانصير .. انفتح الباب

ومشوا لشقته

دق فارس الباب .. وبعد فتره انفتح

واللي فتحه تفأجا .. لا انصدم من حضورهم







( إنتظروني بإذنه تعالى .. يوم الاثنين القادم )

 
 

 

عرض البوم صور عبق الرياحين   رد مع اقتباس
2 أعضاء قالوا شكراً لـ عبق الرياحين على المشاركة المفيدة:
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:02 PM.


مجلة الاميرات  | انستقرام  | منتدى بريدة  | اية الكرسي mp3  | القران الكريم mp3  | الرقية الشرعية mp3 

 



Powered by vBulletin® Version 3.8.5
Copyright ©2000 - 2018, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية