لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 03-03-12, 03:09 AM   المشاركة رقم: 496
المعلومات
الكاتب:
اللقب:

البيانات
التسجيل: May 2010
العضوية: 166668
المشاركات: 17
الجنس أنثى
معدل التقييم: المنقذ البشري عضو بحاجه الى تحسين وضعه
نقاط التقييم: 10

االدولة
البلدOman
 
مدونتي

 

الإتصالات
الحالة:
المنقذ البشري غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

[والله حاله شيوخي حراام فقدت البيبي وكمان المتوحش يضربها ويهينها الله يكون في عونها

يعني المسكينه تتعذب نفسيا وجسديا بعد يعني مايكفيها الم التسقيط جاي

يكمل عليها بالضرب وبالعقال بعد (كنت احب شخصيته مرره ومازلت)


ياااااري يصيب صقيران فيروس حب شيوخي ومايخليه ينام الليل
وتضرب فيوزاته من كثر ماتتغلى عليه يسس

ووضوح ماتعرف باختراع اسمه التحفه يعني لما يقرب منها تتجه لاقرب تحفه وتقوم بتسديدها لاقرب مكان يقع عليه نظرها

يفضل تكون في الرأس احسن يستاهل خليه يتادب اافففف ماأحبه

نوره متحمسه مررره لللاحداث اللي تصير بينها وبين سليطين

ساروونه يااربي وبعدين مع هذا الغبي ااففف مع ان توقعاتي تنبأني انه شخصيته الحقيقيه اروع شخصيه في الروايه وكمان هو اكثر واحد راح يصاب بيفيروس الحب المستعصي مسكيييين خخخخخخخخخخخ


والجازي؟؟؟؟


ربي يسعدك على الروايه
وصدقيني ننتظر على احر من الجمر

وانشاء ربي يستمر هذا الابداع

ودمتي بخير]

 
 

 

عرض البوم صور المنقذ البشري   رد مع اقتباس
قديم 04-03-12, 07:10 AM   المشاركة رقم: 497
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,098
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمة الله وبركاته
تسلم يمينك سهومه بارت روووووعه ومؤثر
صقر &شيخه
صقر قسى على شيخه كثير خاصه بضربه لها وهي مريضه
لكن الله يلوم من يلومه في نظره إنها متعمده تسقط لأنها
رددت عليه أكثر من مره إنها ماتبغى الحمل وإنها راح تتخلص منه
شيخه كلامك له في المستشفى أكد ظنه إنت ماحاولتي تبينين
له العكس وإنك ما تعمدتي تسقطين وأعتقد صقر راح يقسى عليك
ومايسامحك إلا لما يعرف الموقف اللي تعرضتي له وخلاك تجرين
في الشارع

وضحى & فهيد
وضحى لازم تتغيرين وتسوين العمليه أكي لو عرفتي بظن صقر
وزعله من شيخه ماراح تسكتين وتبينين له اللي سارلها وهي صغيره
فهيد الخايس يمكن يقابل أبوه وجده ويخربط بالكلام وهو سكران
ويفضح نايف وسياف

نوره & سلطان
نوره أحسن شيء سويتيه إنك مابينتي له ضعفك أتوقع تعاند وترفض ترجع مع سلطان
سلطان الله يستر منك الظاهر بتبدى قسوتك وراح تجبر نوره ترجع لك وماراح تنسى لها إنها فشلتك وما تبغى ترجع لك
وراح تنفذ شرطك ويزيد كره نوره لك بالمقابل راح تتعلق بنوره
وتحبها لكن كبرياءك وعقدتك من الحريم ماراح تخليك تبين لها حبك

الجازي & ضاحي
الجازي أظن راح تعاني مثل بنات ناصر ومعاناتها راح تكون من ضاحي وأمه وجدته
ضاحي ما اعرفنا لك مره حنون ومره قاسي على الجازي أتوقع
أمك وجدتك بينكدون عليك حياتك وإنت راح تنكد على الجازي

نايف & ساره
نايف كل مره تثبت لي إنك غبي رايح لحسن تشكي له اللي أظن
هو سبب الفتنه بينك إنت وأخوك ونصيحته لك إنه يترك الموضوع لأن جيسي ناويه تفرق بينه وبين أخوه هو حتى ماتنبش ورى الموضوع وينفضح هو
ساره أظن إنها قررت تعلم عمها أو منيره لأنهم أحن من الثانين
عليها ويمكن يساعدونها لأن ماقدامها غير هالحل ومثل اللي يقول علي وعلى أعدائي

سهومه منتظريك يالغاليه يعطيك العافيه

 
 

 

عرض البوم صور فيتامين سي   رد مع اقتباس
قديم 05-03-12, 01:37 AM   المشاركة رقم: 498
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

صباح الخيرات ....... صباح المواجع والنكبات .... كيفك سهومة ...كلامك عن البارت الجاي يخوف وبنذر بشر كبير جاي والخوف انو ماراح يكون الا زيادة مواجع لهاليتيمات مو انصاف لهم ...


تسلم ايدك عبوقة لاخلا ولا عدم من نقلك

صقر وشيخة

مهما كان مقدار القهر والحزن على الفقد مايحق لك ياصقر تضرب شيخة يكفي كلامك لها هي تتعامل معاك بسلاطة لسان وتجريح وانت موناقص لسان رد عليها بنفس اسلوبها اقهرها نفس قهرك بس تضربها وهي في حالة نفاس ناوي تنهيها وتنهي فكرة الحمل لها للابد ........يومك عارف نفسك بتجرم فيها ليه مقرب عندها امك ماحشمتها ولاقدرت ترجيها لك انسى انك تتعامل مع واحد من مجرميك هذي انثى وبحالة مرض ...حتى لو كان لها يد بتسقيطه ماصار هالشي الا بأرادة الله ياما في حريم يجرون ويناقزون ويسوون بلاوي ومايجهضون لانو ربي كاتب انو الحمل يتم ...وحريم من بداية حملهم مايفارقون فراشهم ويخسرون اجنتهم

المشكلة انت وشيخة عقولكم تنك اذا اصريتو على فكرة ماتنطحن هي اصرت ودعت على الي ببطنها ناسية انها رفضت قضاء ربها ونعمته عليها حتى لو قالتها من ورى قلبها وعلشان تقهر صقر ربي زرع محبة هالولد بدون رغبة منها فيه وبعدين سلبه منها صارت نفسها نفس مريم ومحمد الي يوم راح ولدهم عرفو النعمة الي كانت عندهم وماصانوها ...

شيخة دامها بكت بهالحالة يعني حطت اللوم على نفسها ...انا ممكن اكون معاها انها السبب لانها ركضت ومااهتمت بس وربي حالتها كانت مثل الغرقان الي يدور هوى موقليل سبب تغيرها يظهر بحياتها ...الخوف الي عاشته وهي معاه لوحدها نفس الي مرت فيه قبل سنين شي مو طبيعي ...الرعب لحاله كفيل انو يسبب لها نزيف لو هي بشهورها الاخيرة فكيف اذا كان ببداية شهورها

صقر راح يندم على ضربه لها مهما كان هو يحبها ويحب هالولد لانو منها يمكن كان متأمل انو هالولد بيقربهم من بعض بس اعتقد لما يرجع شقته ويشوف العذاب الي عاشته شيخة وهو بعيد عنها ويتذكر انها نزفت كل هالدم وتعذبت من الالم وماحد حولها بيتوجع قلبه اكثر ... بس بعد اعذره لانو مايدري سبب نزول هالجنين هل هو الركض هل هو شي سوته بحالها لانها اكدت انها ماتبيه ... بس ماراح يعرف سرها الا اذا صار شي قوي لشيخة تحتاج فيه حضن قوي يحسسها بالامان وهي فترة وحامها كانت دوم تدور هالحضن ...ظهور هالشخص مرة ثانية بعد سنين وبوضع يشبه الوضع السابق يعني شيخة تكون لحالها مامعاها احد راح يكون له عوارض بشكل كوابيس او شي ثاني بيسبب انهيار قوي لشيخة الي مرت فيه في الفترة الاخيرة ماراح تتجاوزه بسهولة مثل كل مرة لانو امها وابوها مومعاها مثل المرة الي راحت ...بس كيف صقر بيعرف ومن مين احترت

نورة وسلطان

والله هالسلطان موعارف يرسى على بر كل مرة يطلع بقرارات وتعالي يانورة نفذي بدون اعتراض الحين يوم شفتها طقت منك ولاعت كبدها قلت تبي ولد ليه شايفها مكينة تفريخ لك تعطيك الي تبي وانت بخلان عليها حتى بشوية اهتمام تبي تاخذ تنازل واعطي مولانها يتيمة مالها سند وعرفت انها انجبرت عليك خوب انت الرجال ماقدرت على الشايب ابو قلب ميت كيف هالبنت والله احس طلبك لنورة بهالاسلوب تحقير لها الله يعينها عليك بس عاد هالبنت تملك الجمال الخارجي والداخلي وبيحرك فيك شي بس متأكدة بتتصنع البرود وبتقهر هالمسكينة دام ال قاسي لابد يعمل عمايله


نور وضاحي

نور ماراح استغرب لو انضرت بهالبيت اذا بناتهم مارحموهم ولا راعو يتمهم بيراعونها هي الغريبة والي بنظرهم بنت مجرم ..وضاحي ماراح يقدر يدافع عنها عند امه لانو مايقدر يغضب امه ولايقدر يفرط بالامانة بس ماراح يرضي نور على حساب امه وجدته الملقوفة ...جاية مواجع كبيرة وصدمات لنور من ضاحي واهله الي يدخل عايلة القاسي مايعيش بسلام وراحة وخصوصا الي بدون سند وراح تنظم لهم بالقهر والضيم


فهيد ووضحى

فهيد حقير واتعب وانا اقول حقير وتافه والي قاهرني انو لحد الان وضحى مااكتشفت الخدعة الكبيرة الي خافيينها عنها كل العيلة حتى فارس الي له معزة بقلبها يمكن هالشي من صالحها في هالفترة لانو شيخة تعبانة وماراح تقدر تفيدها بشي بس اذا اكتشفت هالشي ماراح تسكت مثل كل مرة يعايرها بعرجها وهي ماعندها شي قوي ترد فيه عليه لكن اذا عرفت انو سكير وعربيد ماراح تسكت ومعايره لها ماراح يأثر عليها ولا بيخدمه في شي ولا بيمسكوها ويسكتوها لاهو ولا امه بهالشي لانو الي فيها موعيب مثل الي هو فيه .........راح تتغير وتزاد قوة على الكل لانهم كلهم يعرفون وساكتين ومتكتمين بصراحة ماالومها لو قاطعت الكل لانو مافيهم احد خاف ربه فيها ونبهها حتى لو انجبرت وتزوجت وهي على معرفة احسن من هالتكتم ...والجد الي يعرف يطرد ويضرب الضعيف الي بدون قوة بشوف مراجله على هالسكران الي جاي بوضح النهار بهالحالة ...واعتقد انو اذا عرف انو وضحى موفي البيت حتى لو موبنفس اليوم بيروح لها وهو فاقد الوعي .........بس ماادري ليه خايفة على نور منه البنت لحالها يمكن يسويها ويتهجم عليها مااستبعد منه اي شي ......وعمشاء والجدة لو فيهم خير بدل مايستقوون على هاليتيمة ويحطوها براسهم يشوفون ولدهم الي جايهم بحالة منكر وهم ساكتين له


سارة ونويفان
نويفان كل مرة يظهر غبائه اكثر واكثر رايح للي مخطط له من البداية ومخبره بفشل مخططه الولد الي يقول شافه يمكن ولدها من الي ماخذها او ولد الحقير حسن ....متأكدة بسبب ظلمة بتجيه صدمة كبيرة منه وهالشي هو الي بيهده ودعوة المظلوم ماتروح بالهواء ..........اما سارة رايحة تكشف سرها بس ياخوفي من النتيجة الي بتصير ويزيد عليها الظلم ويصير الغير متوقع ماادري ليه مو مرتاحة وحاسة الي بيصير بيضرها اكثر وبيضر خواتها والله يستر

موضي ومحمد

لاجديد بس الملقوفة شتبي جاية تروح تحل مشكلتها مع زوجها بدل ماتحشر نفسها بأمور غيرها والله حالة ماعرفت تحل مشاكلها مع زوجها الاولي ولا مع زوجها الثاني تبي تحشر روحها بحياة نور ناقصة البنت غثى


سهومة في انتظارك يالغلا على نار .......وقلبي خايف من الي جاي على بنات ناصر بدون استثناء

 
 

 

عرض البوم صور وردة الزيزفون   رد مع اقتباس
قديم 05-03-12, 01:01 PM   المشاركة رقم: 499
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمه الله وبركااته

آآآآآآآل ليلاس اشتقت لكم كثيررررر

وكل الي سال وارسل على العام او الخاص يتطمن مشكووورين لاخلاا ولا عدم
الله لايحرني منكم
ثواني وهذا البارت بين يينكم

 
 

 

عرض البوم صور عبق الرياحين   رد مع اقتباس
قديم 05-03-12, 01:06 PM   المشاركة رقم: 500
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم .. السلآم عليكم ورحمة الله وبركاته
وآسعد الله صباح حبايبي بكل خير يارب .. والله يفرح قلوبنا بهاليوم بأخبار سعيده
عكس بارتنا .. وعساني اسمع خبر مقتل الطآغيه .. يارب في هاذا اليوم اناجيك وأدعوك بإن تخلص أخواننا المستضعفين في سوريا منه يارب انك قادر على ذلك
,,
والله يابنات اني مابخفي عليكم ضحكت من بعض التعليقات .. فيه اللي مشغوله
بالبراقع .. وفيه اللي مشغوله بأحداث مو متعلقه بالروايه .. وفيه اللي مشغوله
في حال ناس مو أهم من حال ساره في هالبارت .. ومابخفي وحده من البنات
ضحكت على تعليقها على روايتي الإولى .. وتبي نهايه غير تلك النهايه .. عموما دائم
اقولها ماأحب النهايات الماساؤيه لاني حساسه .. ومع ذلك بنات ناصر مابيسكتن على حقهن .. ومنا إلين نهاية الروايه .. بتتغير أحداث يمكن تقلب الروايه قلب
ويمكن تتم على حالها .. كل شي معقول
..
عموما يالغاليات .. هالبارت بيفتح فيه دفاتر وسجلات مخفيه .. وبنكتشف فيه
اشياء تصدم أبطالنا .. والقادم أقوى وأقوى .. بس العاطفيه بالحيل رجاء لاتكتب
لي رد وتقول انها مقهوره من الأحزان في الروايه
لاني انا بنفسي حزينه .. بس هاذا ماخطط عليه .. وهاذا مسار الروايه .. يمكن
مع الوقت يتغير مانعرف وش بيصير .. وإلى ذلك الوقت الحساسين اللي مثلي
والعاطفيين لايشرهون علي دخيلكم يالغوالي
.


مع اطيب الإمنيات بقراءه ممتعه مقدما
.
سهم المملكه
.
لإله إلا الله





( البارت الســـــ 46 ـــــادس والإربعـــــــون )
عقب ماراح جلس بسرعه ودق رقمها وقال بإنجليزي – انتي

ياحيوانه من اخبرتي بأمر الصوره !!

ارتعبت .. وخافت – لم أخبر احدآ

صرخ عليها بالأنجليزي – لايعلم أحد بأمر هالصوره غيري

وغيرك

تذكرت الشاب جارها .. بسرعه شهقت .. معقوله

خاف من شهقتها – ماذا هناك

غمضت عيونها بخوف وهي تقول – ربما ان امرنا انكشف

مط عيونه بصدمه – ومن اخبرتــــــــــــــــــــــــي !!

ماتدري وش تقول .. مصيبه وطاحت على راسها .. وش بيفكها

من لسانه .. وهذاك كيف خدعها وهو يحكي مرارته .. عشان

هي بدورها تتذكر المراره اللي حلت عليها

كانت ومازالت تبي الإنتقام من صقر .. ذاك الإنسان الذي

طالما أحبته حبا لايشاركه فيه إنسان

نزلت دمعتها وهي تتذكر اللي قالته لجارها مصطفى

بعد ماتعرفت عليه وعرفها على حاله .. شكى لها ضيمه مع

إنسانه حبته وغدرت فيه .. وبدورها فتحت الجروح .. ولدرجة

انها ورته الصوره اللي كانت تبي تنتقم فيها من صقر واخوه

اخوه اللي عرفها على ذاك الإنسان المغرور المتعجرف .. اللي

كانت هي الهدف .. وحتى يبتعد عنها .. صدقت حبه المزعوم

لها .. ووعوده بالزواج منها .. بس الشرط هي انها تبعد عن اخوه

اللي كانت في البدايه تحبه .. وكان راسل لإخوانه رسائل يبلغهم

بأمر زواجه منها ..وانه يحط أهله امام الأمر الواقع

تتذكر اول ماأستقبلته هي ونايف في المطار .. على طول انصدمت

بهيبته ورجولته .. وعيونه الحاده في نظرتها .. واللي تجبر اللي

قدامه انه يكون دائم مذنب في حضوره الطاغي

تتذكر نظراته لها .. وإبتسامته الساحره لها .. بكل ماللكلمة

من معنى سحرها في تلك النظرات .. جلس في شقة نايف

حدود الشهر .. وصارت كل يوم تلتقيه وتزاداد إعجاب فيه

أكثر وأكثر .. لين وصل ذاك اليـــــــــــــوم










جالسين على عتبة الملحق

نوره وهي تدمع – احس اني تائهه .. وخايفه كثير

وضحى اللي ضمتها – سلطان مخوفتس

نوره وهي تصد للجنب الثاني – ياليتنا مارجعنا لهنا يأختي ياليتنا

جلسنا في الدوادمي

وضحى حست بشي مر مشى بصدرها .. فكتها بألم وهي تتذكر

الكلمات اللي كل مره تنطعن فيها ( عرجاء .. عرجاء .. عرجاء )

نزلت راسها .. وسمعن صوت السياره .. والصوت الوقور

وهو يهلل – لإله إلا الله

شافت اختها وقفت .. ووقفت معها .. هالإنسان عزيز عليهن

بالحيل

بسرعه راحن يسلمن عليه .. يوم شافهن ابو محمد ابتسم لهن

وقال وهو مبسوط – واخيرا جيتن بيتسن .. وتطمنن علينا

ابتسمن وحس بالراحه من إبتسامتهن .. بس هالإبتسامه تلاشت

بصراخ قوي .. قوي قوي .. ومن قلب محروق







انفتح الباب عليها ودخل ضاحي اللي كان تعبان .. وهو جاي

من الإجتماع اللي كان بمديرية الإمن

ناظرها وشافها واقفه وتبتسم له .. نزل راسه .. وهو يتذكر

يوم يتكلم عن وضعه ووضعها .. وكانت هي محور الحديث

على هاذيك الطاوله .. تألم ان حياته مكشوفه بهالصوره

وتألم أكثر وأكثر للمطلوب منها في المراحل القادمه .. غمض

عينه بتعب ونفث الهواء اللي بصدره .. وفتح عينه وإبتسم

لها .. اقترب منها – وش صار عليتس في غيابي

ترددت وهي تقول – وحده دقت علي الباب ماأعرفها

هز راسه يعني كملي

وقالت لي يعني انتي زوجة ضاحي .. وخفت منها

ذابت في إبتسامته وهو يقول – ايه هاذي اختي موضي كانت

هنا .. تصدقين عاد ماتوقعتها هي ومحمد يتزوجون بهالسرعه

كان ودي لو حضرت العرس

ابتسمت له وسكتت

كمل وهو يدخل الغرفه ويغير ثوبه – عاد اخذت معها زيودي

ونواف بشتاقلهم كثير

تنفست بعمق وهي تستنشق عبير عطره .. وتبعته للغرفه

وقالت – احضر لك العشاء

شافته يخبي شي بسرعه .. عقدت حواجبها .. وشافته إرتبك

وقال وهو متغيره نبرة صوته للقلق – ايه ايه روحي حطيه

ماتعشيت انا جوعان

 
 

 

عرض البوم صور عبق الرياحين   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:20 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية