i

اقتباس :-   المشاركة الأصلية كتبت بواسطة سحابه رحيل

مسسسسسسساكـ ضحكة طفل :) سلمت يمين الكاتب و الناقل اممممممممم اتوقع اللي فتح الباب سياف او فهيد وبعد اتوقع انهم مو محصلين على نايف بالشقه وشخصيه نايف عنيد و بقوه واللي براسه يسيويه على فرض لو كان بالشقه هل ممكن يرضى و يتزوجها بهالسهوله أكيد لا الا اذا بيحن على حال ابوه هذا موضوع ثاني:) بالنسبه لشيخه قرارها في محله بس مو ألحين ياشيخه لانه باقي العم بو محمد ما تدخل في الموضوع وبعد الجد فهيد اكيد بيتدخل >>الاكيد انه العائله كلها بتتدخل الله يستر علينا وعلى اخواتنا المسلمات بانتظارك يالغاليه ومن تميز الى تميز يارب ..

بسم الله الرحمن الرحيم .. السلآم عليكم ورحمة الله وبركاته
احيانا يجد الكاتب نفسه ولو ان هالكلمه كبيره بالحيل علي انه يضع نفسه في مواقف
محرجه مثلي .. استغفرك يارب واتوب إليك وانني اتبرى من كلمة وكأن القدر يسخر منه .. واشكر جزيل الشكر اختي اللي نبهتني على هالكلمه .. واللي يشوف مني
غلط يصححه لي .. ومو عيب اني اغلط العيب ان وحده فيكم تلقى خطئ وخصوصا ديني مني ولا تنبهني
..
بارت اليوم فيه صدمات ولو ان الصدمات لسه ماانفرط حبات سلسالها بالقوه المطلوبه ولكن بارت اليوم جميل جدا وانا حبيته بكل صراحه
..
والله يسعدكم يارب يامتابعيني ويوفقكم إلى مايحبه ربي ويرضاه .. وان يجعل الله لكم
في كل خطوه نجاح وتوفيق انه القادر على ذلك



مع اطيب الإمنيات بقراءه ممتعه
.
سهم المملكه
.
لإله إلا الله





( البـــارت الثامـــــ 48ـن والإربعــون )








دق فارس الباب .. وبعد فتره انفتح

واللي فتحه تفأجا .. لا انصدم من حضورهم

وارتبك وهو يشوف ابوه قدامه .. هو كان يعرف ابوه في المستشفى

وهي السبب .. هي

ابو محمد صفعه كف .. وفارس بسرعه مسك ابوه .. وهو صد

للجهه الثانيه – هاذي سواه تسويها فيني يالرخمه

ترك الباب ودخل .. وتبعه ابو محمد وفارس .. وشافوا الشقه

معفوسه .. وحالتها حاله .. والصدمه في اللي راقدين فيها

ابو محمد انصدم في اشكالهم .. وفارس خاف على ابوه اللي تغير

وجهه

تكلم من بين اسنانه وأشر على سياف – هذه اللي بتزوجه بنت عمك

شاف فهيد اللي فتح عينه .. ويوم شاف وجهه عمه بسرعه وقف

وارتبك .. وضرب سياف برجله من دون مايدرون

بخوف وهو يسوي ثوبه قرب من عمه وحب راسه – عمي

الحمدالله على السلامه

سمعوا صرخة سياف اللي في غلط نومه ونكدوا عليه – اييه

وجع اسكتوا

دزه فهيد بقوه – سيااااااااااااف قم

سياف فتح عينه بيهاوش .. وانصدم من اللي واقفين حوله

بسرعه جلس وهو مصدوم

ناظرهم وهو يشوف وجيهم متغيره .. اخذ بعضه وطلع بسرعه

وابو محمد ساكت ولا فتح فمه .. ونايف يصدد عن الموقف اللي

انحط فيه .. ويحمد ربه انهم امس ماشربوا إلا شاهي ويفصفصون

حب .. لان الشراب خلص .. وهو حالته النفسيه زفت ومانعه

عنهم

وحمد ربه اكثر ان ابوه ماجاه والشقه مليانه كاسات والقوارير

طايحه .. وتعج بالمنكرات

طلع فهيد بسرعه .. وهو خايف وقلبه طبول .. ويتحسب طول

الطريق على فارس اللي دل عمه على الشقه

عقب ماطلع تكلم فارس يعدل الموقف – ابوي يبي يتكلم معك

تكلم – انا ماغلطت معها ياابوي هي اللي جتني برجليها

ابو محمد وهو معصب – بعد يكذب عيني عينك ,, انت تبي تكذب

عشان ماتزوجها .. لا بتزوجها يالخسيس وتستر فضيحتنا

فارس وهو ماسكه – يبه دخيلك اهدى انت تعبان

نايف ناظر في فارس – يومك تبيه يهدى ليش جايبه هنا

قلت لكم ماني بأخذها

فارس عصب – ماهب على كيفك بتأخذها بتأخذها

نايف بقهر – انا ماهب عشاني ماسافرت ذال منكم لا جلست

عشان اعاين حالتك .. وجزاي تصفعني

فارس مط عيونه بقهر من إسلوبه – نااااااااااايف

ابو محمد بتهديد وعرقه ينبض وباين فيه التعب والهم – معك لليله

ولا والله ان تقابلني بكره في المحكمه رافعن عليك القضيه

وبتزوجها غصب ومن ورى خشمك

طلع ولحقه فارس – يبه يبــــه

كسر التحفه اللي جنبه .. وهو يتذكرها منتصره عليه وتضحك

انقهر انها قدرت تعسفه .. وتخليه غصب عنه يتزوجها














تحس بالنار والغبن وهي جالسه معهم .. غصب عنها ماهب

برضاها .. لو عليها .. شاركت شيخه ونوره الحبسه .. بس الخوف

ان اللي حولها يشكون في الأمر

عمشاء – إلا وينهن خواتس الباقيات ياوضحى

ألتفتت هند على وضحى وهي تحس بالمراره .. وضحى

زفرت وهي تقول – نوره وساره عند شيخه تعرفينها نفاس

وخاطرها شين من عقب تسقيطها

دخل عليهم في هالإثناء صقر .. ولإول مره يدخل هالبيت

عقب ماضرب شيخه وجابها لبيت أهله .. وكان يقضي

وقته في شقته ولا عند ابوه

أول مادخل تلفت بينهم وهو يدورها .. بس مالقاها شاف

امه وجدته اللي مبطي عنهم .. مشى لهن بسرعه وسلم

عليهن .. ومنيره صدت عنه وسلم على الباقين

الجد – ابوك وين

صقر – يقول عنده مشوار بيسويه هو وفارس وبيجون

ابو فهيد – وش مشواره مع هالقايله

صقر – وش دراني عنهم (قرب وجلس من امه .. وحب يدها )

وهمس لها – دخيلتس يالغاليه لاتزعلين

منيره وهي جالسه بينهم مغصوبه .. وقفت وهي تلقى العذر

عشتم نقوم

مشت لجناحها .. وهي حابسة الدمعه .. عيالها كسروا وجهها

وفضحوها .. هذا ومخبية ضرب صقر لشيخه عن ابو محمد

كيف لوعرف

اجلست على الكرسي ومسكت راسها اللي تحسه بينفجر.. دخل

وراها وهو في عيونه رجاء تسامحه .. قرب منها وجلس

على ركبته قدامها – دخيلتس يالغاليه لاتزعلين علي

صدت للجهه الثانيه ودموعها تنزل – انتم كسرتوني بالحيل

ياعيالي .. انا لو تجيتي جلطه انتم سببها ( ونزلت دموعها )

حط راسه بحضنها – بسم الله عليك يالغاليه .. يايمه انتي تعرفين

صدمتي فيها .. يايمه الضنى اللي ترجيته وحلمت فيه .. بتهور

وركض في الشوارع طرحته

منيره دزته – رح استسمح منها ثم ارضى عليك

ناظرها وحط عينه بعينها – ترضيلي المذله .. هاذي هانتني

وانتي تقولين ببرود رح استسمح منها

منيره بكت وحطت شرشفها على عيونها – حرمتك نفسيتها

ماش بسبب ضربك لاتجلس معنا ولا تبي تناظرنا وفي المستشفى

تصرخ عليها وتقول بعرس عليتس .. وبتجيب الضنى

رفعت عينها ودموعها تنزل – ترى اللي راح ضنى شيخه بعد

حرمتك هالحين نفاس ونفسيتها تعبانه .. رح راضها كود انها

تطيب انا ذابحني همها

وقف وهو مقهور من دفاع امه لها – ايه ايه خربيها وانا بربيها

اوقفي في صفها وحامي دونها .. خليها تنطق وترضى من راسها

بالطقاق من اعرست عليها ماشفت معها يوم زين اصلا

عمرها مارضت .. هاذي لسانها نار ويويل اللي يطيح فيه

وانا اخوي الله يسامحه بلاني فيها .. ماهب حرمه إلا ضبعه

وبدت العصبيه تظهر عليه وصوته يعلى وهو يتحسر على

اللي راح وهي اللي ضيعته وناظر في امه – هاذي يايمه

من خذيتها وهي واقفتلي هنيا ( ويأشر على حلقه ) تعبت

منها ومن هواشها .. ماهب حرمه هاذي لاحشى ماهب حرمه

اجل فيه حرمه تركض في الشوارع مثل المجنونه

دخلت الصاله مثل الإعصار .. وهي تناظر في وجوه الموجودين

عمها مو بينهم .. تعدتهم ومطنشه الكل .. ماهمها السلام او

السؤال عن الحال .. هالحين هي في حال صعب .. لها اسبوع

وهي تنتظر هاليوم .. لازم المذنب يأخذ جزاه .. ولا اليوم تقدم

قضيتها .. اختهن هانت شرفهن وسمعتهن .. لو يدري اللي

مرتز على الكرسي ( وهي تناظر في جدها ) ماخلى كلمه

شينه على ابوي وامي .. ماهب من حقتس ياساره تدمرين

اللي بنيناه ماهب من حقتس

اقتربت من الجناح حق عمها .. وسمعت صوته وهو يغرد

على امه .. ويشتكي منها

ضربت

الرجال وحلف انه ماسوى لها شي .. وهي حامل وتركض

مثل المهبوله أي عقل فيها يايمه قوليلي أي عقل في هالحرمه

افتحت الباب .. وألتفتوا بسرعه .. ناظرتهم واحد واحد

وهو قالها بعصبيه – خيــــــــــــر تفتتحين البيبان بدون احم

ولا دستور .. وينا عايشين فيه ماتستحين على وجهتس انتي

منيره سكته – بــــــــــــس اسكـــــــــــت راسي يوجعني

يوم ماشافت عمها فيه .. تركت الباب وطلعت .. سمعت صوته

وهو يوقفها ويناديها .. اصلا اخر همها في هاللحظات هو

يوم طلعت من ممر الجناح .. شافت عمها اللي دخل مع فارس

اللي يعضده .. والجميع ألتم حوله يهنونه بالسلامه .. أي سلامه

واي حال وناره في وسط الصدر مشبوبه .. شافت وضحى اللي

وقفت جنبها وهمست لها بخوف – دخيلتس ياوضحى خلتي

فضيحتنا بينا .. العائله كلها ملتمه .. خلي اللي بالصدر بالصدر

لين يتوكلون

شافته وهو يمر من جنبها .. من دون حتى مايعبرها بنظره

وجلس وبدأ ينكت ويستهبل .. وكأنه يجازيها في الحال

هي تتمنى الفضيحه تنستر .. ودمعة ألم في وسط جوفها

والنار تسعرها .. وأختها ذبحتهم .. وهو يضحك ومبسوط وسعيد

سمعت صوت منيره وراهن .. وهي تنادي عليهن وباين الإنهيار

فيها .. اتبعنها

دخلن وسكرت الباب وناظرت فيهن وهي تبكي – ساره عيت

لاتأكل العيشه اجيبها واردها مثل ماهي البنت بتموت

وانا ذبحني همها

شيخه وهي تغلي – عساها للموت

منيره وهي منهاره – لا دخيلتس يابنتي لاتدعين على أحد

تكفين يابنتي

وضحى وهي متألمه – وش تبينا نسوي لها ياعمه .. ندخل

لها ونقول رضينا عليتس حلفنا لاتأكلين اللقمه .. ياليتها تموت

ونرتاح منها ومن عارها

منيره جلست على الإرض ومسكت راسها – لاتقولن هالحكي

هي بتزوج الولد

شيخه ناظرت فيها وبعصبيه صرخت – تظمنينه يتزوجها مره

ضامنته تحت باطتس .. جايتس ومأكد لتس انه بيأخذها تراتس

سمعتيها مثل ماسمعناها .. ولدتس رافضها ورافض انه

يأخذها .. ويقول ماهب هو اللي غلط معها

منيره بكت اقوى ومسكت راسها .. وفي هالإثناء دخل

ابو محمد وفارس وصقر يعضدونه

يوم شاف امه تبكي وهي اللي تصارخ عليها فك ابوه ومشى

لها وصفعها كف لف برقعها وخرب شرشفها – حدتس لين

امي وينضب لسانتس لايرتفــــ

قاطعه ابوه وهو يصرخ عليه – صقــــــــــــــــــر

منيره مسكت فيه وهي تبكي – فكها فكها .. انت ماتعرف

وش السـ

قاطعتها شيخه وهي تخاف يزل لسانها – بـــــس

مد يدينه وهو يأشر للباب – انقلـــــــــعي اطلعي بــــــــرى

ابو محمد صرخ فيه – انت تطردها من بيتي وانا حي .. اذلف

اذلف لابركة فيكم وش مأخذ منكم انا

صقر ناظر في ابوه .. وناظر في فارس اللي نزل راسه

مات قهر – هذاك تسمعها وهي تصارخ على امي وتهينها وتباني

اسكت إلا تخسى ثم تخسى

ابو محمد عصب – قلت لك اذلف اطلع برى اطلع اطلع

شاف ابوه حاله تغير صدق .. واستغرب .. بسرعه طلع وهو خايف

على صحته

فارس ودى ابوه للسرير .. ومنيره ساعدته ودموعها تنزل

شيخه سكرت الباب وقفلته وناظرت فيهم – وش سويت مع ولدك

الكل ألتفت إلها

فارس تكلم – بس شيخه ابوي تعبان

وضحى اخذه دور المستمع وهي تشوف تصرف اختها

ابو محمد بهم وحزن ظاهر في وجهه – اليوم بيجي وبكره

بيملك عليها

فارس ناظره ابوه يتكلم ومو واثق هو بيجي ولا

ابو محمد كمل – ان مجاء المغرب يابنتي .. تجهزي

انا وخواتس نبي نروح ونشكيه في الشرطه .. وبيزوجونه

منها غصب .. نبيها يأخذها ثم يطلقها وبرجع معتسن هناك

مالي قعده هنيا

وضحى ركضت له وضمته وبكت عليه .. اما شيخه ناظرته

ومشت له وحبت راسه وطلعت

ابو محمد ابتسم لها – لتس غلا يالوضحي ماشلته لإحد

وضحى ضمته اكثر وبكت على صدره اقوى

فارس ابتسم وطلع يبيهم يأخذون راحتهم .. ومنيره طلعت

معه .. عندها ضيوف مجبوره توجبهم وتغديهم













يوم قعد فارس جنب ضاحي ساسره ضاحي وهو يضحك – ياخوي

هالحين اللي أخذها صقر هي وحده من بنات عمي

فارس ألتفت عليها وأشر براسه – ايه ليه

ضاحي ويتذكر ويضحك – مرت من عندنا تقول عجوز مأكول

عشاها .. وجدي يهاوش فيها ويقول ماتحشم أحد ولا تحترم احد

ماره من عندنا وهي معصبه ولا سلمت ولا عبرت احد

إسلوبها غريب .. وصقر يوم شاف كلام جدي عليها تبعها

الله يستر اظاهر بتصير مصيبه عندكم

فارس قام كأنه مقروص .. هذولي اليوم ناوين على الفضيحه

والله يستر منك ياصقر ماهب جايبها على البر

طلع بسرعه وراهم

مالقى أحد .. ألتفت يمين ويسار .. مافيه أحد .. بس شاف مصيبه

ومصيبه كبيره وهو يشوف سيارة نايف أخوه داخله

شهق وهو يناظر سيارته ويناظر الباب اللي داخله امه .. ابوه

وضحى .. شيخه .. نوره .. ساره .. هند

اظاهر ان المصايب صدق ابتدت .. والفضيحه بتكبر وتكبر

انتظره لين وقف سيارته .. ونزل

ووقف في وجهه – وش جايبك

ناظره نايف بنص عين وهو يقفل سيارته – انتم شوي وتحبون

رجلي اتزوج هالداشره ويوم جيت قلت وش تبي

فارس وهو يعض شفايفه قهر – ماهب هالحين عندنا بيت عمي

مانبي احد يعرف

مشى بكل شموخ وهو يقول – خلاص اجل بطلع مع الدرج الثاني

لجناحي برقد ولا ذلفوا هالناس عندي شروط قبل لاتزوج خمتكم

لازم تسمعونها

مسك نفسه لايسوي مصيبه .. شافه وهو يلف البيت قاصد

الدرج الثاني .. تفل على سيارته ودخل