لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-12-11, 12:29 PM   المشاركة رقم: 256
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

وقف السياره وهو متوتر .. شاف امه ببرقعها وجلالها وهي تركض

له .. نزل من سيارته وحب يدها وهو يؤاسيها – بيقوم بإذن الله بيقوم

منيره وهي تبكي وتشاهق – تكفى طلبتك امك ياصقر إن تأخذني له

مالي روح وانا مادري عنه

اقبل عليهم بو محمد اللي يتعنز بعصاه والجد جنبه اللي من شاف صقر

تجهم وجهه – هاذا وش جابه !!

راحت منيره وهي تبكي عند رجله – تكفى ياعمي طلبتك

صقر عصب من إذلال امه بهالصوره وصرخ – يمــــــــــــه

الجد دزها من رجله – قومي انا ثكلت ولدي ووضحى بغت تموت

علي ولا رديته بيجي هالسحلوت يلعب من ورى ذيله واسامحه

صقر عصب – بتظل قاسي وطول عمرك قاسي وبيجي اليوم اللي

بينكشف كل شي والله ياابن قاسي ( وهو يحط عينه بعين جده بقوه )

إن تشفق على ريح صقر ولا تلقاه

الجد ومعاد يشوف قدامه وهو يصرخ – اذلف لابركة بك ولا باللي رباك

ابو محمد حزن في حضرة ابوه مايقدر يسوي لولده شي – ليه سويت

كذا ياصقر

صقر بقهر – يبه بعزة الله وجلآله إن مالي خص في ذا الولد

الجد بعصبيه – يكذب المروح يكذب نايف مورينا الصوره

صقر انقهر بقوه – وكل ولد يجيبه نايف بيحطه في ظهري بتصدقون

انه ولدي ,, مير اصلا انا عايف جلستكم بأخذ امي وبمشي

الجد بقسوه وبكل إذلال – تكذب ثم تكذب ماهب كاذب اخوك عليك

والولد شفناه ماتكذب عيونا

صقر عصب من كلام جده – والله عاد انت لو بحلف لك بالمصحف

غير اللي براسك ماهب مصدق ,, وانا رايح بس والله إن ارد وحقي

بيدي

الجد وهو يصارخ – اذلف اذلف واخذ ذي ام اللسان مرتك معك

عسى لسانها للقص

شيخه سمعت هواش الجد فيها جت بتطلع ,, وامسكتها وضحى

وهي تقول – شيخه العرب ماهب ناقصين تزيدينهم ارحمي ذا المره

الطيبه اللي ضفتنا في بيتها

شيخه بقهر – من حلاتها هالضفه ليتني في الدوادمي (ودزتها ) وخري

هناه قسم بالله إن أخذ حقي من هالشايب اللي يرميني بالحكي ويصرخ علي

وانا سكت له كثير

مسكت وضحى راسها وهي تشوفها تطلع من الخيمه وشرها تسحبه معها

وقفت في وجهه الجد – وش فيه لساني يبيله قص وهو يقول الحق ياابن

قاسي الا ياخسارة اسم ابوي قبل اسمك

الجد مط عيونه وشد على قبضة يده .. منيره ركضت لها ومسكتها

الجده بخوف – يابنت روحي مع رجلتس خلوا ذا الليله تعدي ترى ماحنا

بناقصين مشاكل

رفع عصاه وضربها بقوه مع جنبها .. صرخت بقوه .. والكل طلع

على صراخها .. صقر ركض لها وهو يوقف في وجهه جده

وبعصبيه – بأي حق تضربها وانا اعاين

عضت شفايفها بقوه .. وانقهرت من فزعته لها ,, هي ماهيب ضعيفه

ماتأخذ حقها .. وقفت في وجهه صقر – مايخصك شي بيني وبينه ماهب انت

اللي تدخل في اللي اسويه

انقهر بقوه ,, ولفت للجد وهي معصبه – عشانك ماقويت على لساني

تبي تضربني هاذي وسيلتك الضعيفه هاه

ماتنكر انها خافت وهي تشوف عيونه .. ووجهه اللي سود .. جرها

مع شعرها وهو يطيرها مره يمين ومره يسار وهي متحمله – والله

إن الكلب ابوتس موجود وحي ,, روحي مع ذا الكلب اللي منتخيتبه

وراتس لأشوف لوجيهكم رقعه

مسكه ابو محمد وهو يحاول يفك شعر شيخه من يده – خلاص ياابوي

خلاص

صقر اللي مقهور من سواتها .. خلاها ولا تدخل ابد وهو يناظر

شعرها اللي تقطع بيد جدها .. وجلالها اللي طايح على ظهرها

دزها الجد بقوه لصدر صقر – انتسلع انتسلع اذلف انت وياها لأظن

اشوف وجيهكم وانا حي

شيخه اللي كانت متحمله جره لشعرها وقفت بعزه نفس وقوه – ماعليه

مصير الحي يتلاقى ويوم إن ابوي ماخذى حقه وهو حي انا اللي بأخذ

حقه وهو ميت

ناظرت في صقر بقهر ,, انها بتنذل له وهي تقول – بجيب عبايتي

واغراضي

وراحت وهي تطبخ غيض وقهر .. وقفت في وجهها نوره وهند ووضحى

وساره

ناظرتهم وهي تقول – انا اللي بجيب حق ابوي وانتن انتبهن على انفستن

فاهمات

وضحى نزلت دموعها وهي تشوف اختها تنطرد وتروح وبعيده عنهن

ضمتها هند وهي تبكي – تكفين لاتروحين

شيخه ببأس قوي – انا عندي عزة نفس مثل ابوي مالي مقعاد وشيبة

ذا قاسي فيه .. راحت وخلتهن

صقر ركب في سيارته وأمه جنبه اللي تبكي من اللي صار .. ولدها وحرمته

انطردوا ومالهم مقعاد ابد .. وفارس في حاله مايعلم بها غير رب العالمين









في المستشفى

طلع بتعب وهو يناظرهم .. ركضوا بإتجاهه

ابو فهيد – بشر وش صار على اخوك

نايف وهو يناظرهم بقلق – طلعت الرصاصه اللي

في كتفه والحمدالله هي قطعت بعض الأعصاب وهالحين

يسوون له ترميم وإن شاءالله إنه بيكون طيب

سعد مسك يده – نايف قل الحقيقه ,, علام وجهك كذا

نايف – لا بس تعرف راسي يعورني ومارقدت واسوي العمليه

لفارس وتعبان بس الحمدالله انا بغير وبروح ارقد انت اقعد معه

والفجر بجيكم

سعد هز راسه – طيب

نايف لف على سلطان وعمه – انتم ياعمي انت وسلطان روحوا للبيت

ارتاحوا وسعد بيقعد لين يضبط وضع فارس اللي بينقلونه عقب كذا

للعنايه

جاءهم محمد مع ممرات المستشفى يركض – هاه شصار على فارس

نايف – الحمدالله بخير يلحمون له الأعصاب وبيسوون له خياطه وبيطلع

على الكثير بعد ساعه ونص

محمد زفر براحه – الحمدالله ( تجهم وجهه وهو يتذكر ) الكلب والله إن ماخليه

من يطلع الضو وانا واقف عند سجن الحاير بعرف بأي حق يطلعونه

ابو فهيد وهو معصب – لاتخلونه بغى يجيب راس الولد حسبي الله عليه

سلطان – ايوالله حسبي الله عليه

محمد – لاتوصون حريص انا وراه ذا المره ( تلفت يمين ويسار ) صقر

ماجاكم

كشر نايف وقال – انا بروح ارقد توصون شي

محمد ناظر كشرته وبحده – لا رح مشكورين

مشى مبتعد عنهم وهو مقهور من صقر اللي لازم يعرف بكل صغيره وكبيره

تخصهم

 
 

 

عرض البوم صور عبق الرياحين   رد مع اقتباس
قديم 15-12-11, 12:32 PM   المشاركة رقم: 257
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

عند البر

عمشاء تصارخ عليها – ماهيب سواه فضحتينا في محمد وعمتس واهلتس

هاذي سواة تسوى

موضي تبكي وريم تربت عليها

موضي وهي داسة وجهها وتشاهق – يايمه والله اني فازعه لايتذابحون

ماقصدي شي

عمشاء معصبه – تقطعين وتخسين وين نودي وجيهنا ومحمد اللي متحلفن

فيتس اقداه

قربوا عيالها من حولها وخلود وخالد واقفين معهم يناظرون ,, رصت

زايد بقوه ونواف قرب خالد وهو يقول – خاله موضي لاتبكين

خمته موضي وهي تبكي – ياروح خالتك موضي











في السياره الجو متوتر ,, ولايسمع إلا نحيب منيره اللي تبكي

صقر يحاول يهديها – يمه تكفين لاتبسين

منيره – ابتسي فارس وابتسي اللي سويته ياصقر خل اللي في القلب

في القلب

صقر سمع زفرة شيخه وعصب – والله يايمه إن مايخصني ولدتس

التسلب مبتليني اللي ماترف عينتس عنه وذابحتس حبه مير خل اشوفه

والله إن اخذ حقي منه الكلب

شيخه بقهر – قالوا للكذاب احلف قال جاني الفرج

صقر صرخ فيها – اقطعـــــــــــــــــــــــي

منيره زاد بكاها – خلاص اسكتوا ذبحتوني اسكتوا اسكتوا آآآآآآآآآآآآه

ياامي يافارس










في امريكا

دخل وشافها هاديه على غير العاده والممرضه تعطيها شوربه وهي ساكته

ناظرت فيه وتجهم وجهها وبان ملامح الخوف

ضاحي جلس على الكرسي بعيد عنهم – انا بجلس هنا ابي اقعد معكم

غمضت عيونها بقوه بعد فتره فتحتها .. شافته مازال فيه ,, لفت للممرضه

وهي تشرب الشوربه ,, وتلف كل شوي عليه خوف انه يقوم ويجيها

وهي باين فيها ملامح الرعب بس سكتت وهاذي بدايه طيبه لضاحي









وقف في وجهه عمه – ترى الخميس هذه بأخذ حرمتي

تجهم وجهه ابو فهيد ولا يدري وش يقول – ياولدي اصبر شوي

ولاتحط اللي سوته اعيسى دافع انك تأخذها بهالذنب

محمد انقهر من طاريه وبعصبيه – بنتك ياعمي ماخلت شي أرف به

عليها حتى المجرم تبي تحميه

ابو فهيد – بس هو ابو عيالها وماتبيه يسوي مصيبه

محمد انقهر من دفاع عمه لها – هاذا العلم جاك وانا بأخذ حرمتي هالخميس

اخوي إن شاءلله بيقوم بالسلامه وانا وإياها مدربين العرس بذبح ثنتين وبأخذها

ماعطى عمه مجال غير انه يتمتم – يصير خير يصير خير









جالسين وكل واحد كاسه في يده ويدندنون .. دخل عليهم وهو مقهور

من حالتهم ,, ماهب صاحين سكرانين ليل نهار

صرخ فيهم – هيييييييييييييه بس

وقف سياف – ن ـي وف ح بيب ي

وضمه ,, بسرعه دزه نايف وهو ماسك خشمه – الله يقطع ذا الريحه

فهيد وراسه يهتز – م ممتت ى ججج يت

نايف انقهر منهم اتجهه لغرفته قفل بابه وشغل المكيف ,, وسيده لفراشه

مايبي غير النوم ,, وحاليا مافي راسه شي غير النوم اللي خذاه










وقف السياره في المستشفى وهو يقول بصوت معصب وهو يناظرها

بقهر – لاتنزلين اقعدي لين اجيتس

شيخه – احسن بعد

منيره تناظر فيه وهي واقفه برى السياره – صقر يمه يالله

صكر باب السياره بعصبيه ومشى ورى امه – يالله يمه

دق على محمد وعرف مكانهم .. توجهه لهم ومالقى غير سعد ومحمد

اللي سعد فز لأمه وحب يدها وراسها ويحاول يواسيها

منيره وهي تبكي – وين اخوكم

محمد – نقلوه للعنايه ومانعين عنه الزياره

منيره تلفت وهي تبكي – وينه نايف ابي ادخل خلوه يدخلني

سعد – يمه نايف راح يرقد تعبان من رجع مارقد

صقر بقهر ومعصب – عساه نوم الكهف مارقد غير لين ورطني

يعد ناظر فيه وهو مايعرف وش بينهم

منيره ناظرت صقر وهي تبكي – تكفى ياصقر يايمه لاتوجعني اكثر

من ماني موجوعه

صقر عطاهم ظهره وهو مقهور – بروح أكلمهم يخلوني ادخل انا وإياتس

نشوفه










وضحى تبكي ونوره تبكي معها .. وهند تناظرهم – خلاص لاتقلبونها

مصيبه اختسن قويه

ساره تناظرهم وتبكي وهي تبلع ريقها وفي داخلها ( آآآآآآآآآه ياخواتي

لو تعرفون مصيبتي وهمي ,, طرحت روتسن في الأرض .. وشيخه

اللي ماترضى علينا الكلمه دعست راسها بالرمل .. انا لو الموت

ينشري إن اشتريه .. وتوني اول مره اعرف إن الموت نعمه

{ رفعت عيونها للسقف } يارب ريحني يارب وسامحني والله اني انخدعت

من واحدن اتمنى ذبحته بيديني واتخلص منه








قرب منها بهدؤ ,, وهي تزحف لأخر السرير وباين فيها الخوف

وهو مبتسم لها يحاول يطمنها .. وهي رافعه يدينها تحاول تحتمي فيها

جلس على الكرسي وهو يوقل – الجازي اسمتس الجازي حلو اسمتس

والأحلى انتي

شدت على يدها وهي تناظر فيه – روح

ضاحي – انا ضاحي خطيبتس وين تبيني اروح وانا مالي غيرتس وانتي

مالتس غيري

هي بخوف – تكفى ابعد

ضاحي وقف واتجهه للكرسي البعيد اللي كان جالس عليه بتعب .. اظاهر

صعبه تتعود علي في هالوقت .. يارب صبرني يارب









طلع وفصخ الكمامه وقال لأخوانه – انا بروح اهلي معي في السياره

يالله يمه مشينا

منيره بتعب – لا ماني برايحه بقعد مع سعد

محمد ناظر في امه – يمه تعب عليتس برضى ربي عليتس إن تروحين

يالغاليه

منيره تجلس وبعصبيه مستغربه منها – لحد يكلمني ماني بطالعه ابد

صقر قرب منها – يمه تعب عليتس ا

قاطعته – خلاص انا علمتكم ريحوني الله يريحكم

سعد – خلاص خلاص خلوها انا معها بنقعد هناه لين الصبح ثم بردها

للبيت

سكتوا محمد وصقر

محمد – انا بجلس معكم

صقر – اجل انا بروح تبون شي

محمد ناظره - ايه تعال معي

مشوا مبتعدين لأخر السيب محمد – صقر لو ماني عارفك كان صدقت

نايف عليك بس مشكلتي اعرفك اكثر من نفسي هالولد انت ابوه

صقر بعقده بين حجانه – هذاك قلتها تعرفني اكثر من نفسك توقع اني

اسويها هه اخوك هذا لين هالحين ماعرف من يكون صقر بس حقي

والله إن اجيبه ( عطاه ظهره ) انا بروح تأخرت على هلي






( يوم الخميس القادم يتجدد الموعد .. بإذنه تعالى )

 
 

 

عرض البوم صور عبق الرياحين   رد مع اقتباس
قديم 15-12-11, 03:14 PM   المشاركة رقم: 258
المعلومات
الكاتب:
اللقب:

البيانات
التسجيل: Jun 2011
العضوية: 225308
المشاركات: 30
الجنس أنثى
معدل التقييم: أبو كلبشه3 عضو بحاجه الى تحسين وضعه
نقاط التقييم: 21

االدولة
البلدSpain
 
مدونتي

 

الإتصالات
الحالة:
أبو كلبشه3 غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

والله البارت قصير جداً على كل هالانتضار وبدا يخف حماسي لروايه تكفين لا تطولين علينا واذا مره مره طولي البارت :$ وخليه كذا دسم بالاحداث 3>_3>

أنا مايعجبني الا شيخه ونايف مدري ليش دايم احب الشخصيات القشرا والحاقده خخخخ بس يا أني اككره صقيران ودي يطلع ولده صدز بس شكله موب ولده وبينقلب السحر على الساحر يا نويف

 
 

 

عرض البوم صور أبو كلبشه3   رد مع اقتباس
قديم 16-12-11, 02:36 AM   المشاركة رقم: 259
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمة الله وبركاته
مشكوره سهمومه على الباااارت الروووووعه وتسلمين يالغاليه
وشكرا عبوقه على النقل المميز
سهومه انا مانسيت وعدك بس ماحبيت أذكرك به وأطالبك بالبارت الهديه في هالأيام وإنتي مشغوله والله مقدره ظروفك لأني
عايشتها مثلك هالأيام مع ولادة أختي لكن مادام إنك قلتي أحدد موعد في هذا الأسبوع أنا اطلب منك البااارت الهديه يوم السبت
وإذا مايمديك خليه الأحد


الجد
ليتهم يتركونه في البر ويرتاحون منك وش هالقسوه صقر يحلف لك إن ماله علاقه بالولد وإنت يالغبي تقوله نايف مورينا الصوره
والخيبه بك وبنايف والصوره دليل يالغبي ماكثر الله غير من الصور والله كاسره خاطري العجوز اللي متحملتك
منيره المسكينه تبكي وتترجاك وتقولك تكفى طلبتك وتردها
هي ماطلبتك في شيء ماتقدر عليه


صقر

والله ماخاب ظني فيك منتظره عقابك لنايف وإثبات كذبه بعد ماتطمن على أخوك

شيخه

يابنت إنت جسمك أدمن الضرب ماترتاحين لين تنضربين صقر حن عليك وماهان عليه يشوفك تنضربين ووقف في وجه جده
الأقشر وإنت تقولين له مايخصك ومالك دخل في اللي اسويه والله إنك ماتستاهلين من يدافع عنك أحسن ترك وخل الشايب يمسح بك الأرض وينتف شعرك

منيره

قرة عينك بصقر وإن شاء الله تفرحين بسلامة فارس

نايف

شفت خياس أصحابك وماشفت نفسك تراك مثلهم إشبع نوم
قبل مايقلب صقر حياتك لجحيم ويحرمك النوم وتنطرد بعد
مايعريك قدام الكل


محمد
وينك ماتكلمت قدام الجد وساندت صقر فالح تستقوي على
موضي الله يعينها على تفكيرك المتخلف أكيد بتقلب حياتها لجحيم
ضاحي
بديت أول خطوه للقرب من نور الله يعينك ويشفيها ويعطيك على قد نيتك

سهومه يعطيك العافيه على اللإبداع المتواصل لا خلا ولا عدم منك يارب منتظره الهديه بفارغ الصبر

 
 

 

عرض البوم صور فيتامين سي   رد مع اقتباس
قديم 16-12-11, 04:07 AM   المشاركة رقم: 260
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

صباح الخيرات ......كيفك سهومة وكيف النونو الصغيرة خلاص بحجزها لولدي من الحين هههههه.... ماقصرتي ياقلبي بارت كافي ووافي واحداثه تملي العين .........ياقلبي مامنك قصور ومشكورة على الهدية

بالنسبة لي اي وقت يناسبك ماعندي مانع وبما انك بتنزلي يوم السبت بارت شوفي لك يم من الاسبوع الجاي او الي يناسبك بعد بارت الخميس الجاي ونزلي البارت واعتقد شكولاته من رايي والا لاياعسل ...فيسي الملقوف هههه


عبوقة تسلم ايدك ياقلبي وحشتيني وينك مختفية والخاص عندك مليان فضيه يالبطة نبي نتطمن عليك
فيتامين تسلمي ياقلبي على الاخبار السنعة ..... وعقبال ماالي في بالي سهومة تسنعه وتبرد قلبي فيه




نجي للبارت ومايحمله من احداث اول شي ببتدي بشيبة عرعر ياجعله بجدري مايقوم منه وجع وجع شهالغباء والنحاسة يقوله ثور يقوله احلبوه الحين صقر يقولك كل ولد بيجيبه نويفان وبيلزقه بظهري تقوله مايكذب يالكذاب

اصلا انا شاكة في عقل هالجد ورى مايحجرون عليه ويفكونه منه لابارك الله فيه من وين طلع الحب لنويفان من وين مايدافع عنه وهو مثله قلبه اسود لكن هين يالمخرف قريب صقور بطلع كل تهمة واهانة من عينك مالت عليك من جد


صقر وشويخة

وهالخبلة هذي ماادري من وين تفكر انا بكون معاها لو انهم رضو بالولد المزعوم ومانبذوه مثل مانبذوهم يعني نفس الي شافه ابوها شافه صقر المفروض هالشي يعدلها بس شنقول عن وحدة بلا عقل


والي يقهر انها انطردت عن خواتها يعني البنات بيروحون فيها وهي عارفة انهم ضعيفات واذا هي زوجوها غصب وهي ام لسان اجل كيف خواتها لو مفكرة بخواتها ماراددت الشايب عديم المروءة

وصقر زين سويت فيها خليها تولي ماتستاهل مين يدافع عنها وهي اول الشامتين فيك وفي اهلك وياليت على شي صحيح الا كذبة من واحد لو عرفت بلاويه كان قتلته

سهومة تدرين تمنيت شي واحد وياليت يصير سارة ماعندها الا حل واحد انها تخبر صقر عن الي سواه الحقير اخوه وهو من بعد الي سواه يبي ينتقم منه وهو الي بيصدقها لانو شايف خباثت اخوه الي الكل معمي عندها يثبت برائته وبعدين يفضحه ويسترون على هاليتيمة



صقر الحين بوجود شويخ معه بيلتزم فيها كيف بيسافر ويروح لهذيك وياخذ الحقيقة منها الا اذا بيكلف احد غيره يشوف له السالفة والله ماادري كيف بيتصرف وشيوخ عنده وبتشتت عقله بكلامها السم


موضي ومحمد

ماادري كيف بتكون حياتهم ومحمد شايل بقلبه شيلة على موضي وزادت المواجع بقلبه بس موضي قدها وقدود لازم تتماسك وتبرهن لمحمد انها ماعادت تحب عويس



سارة ونويفان

سارة صارت اضعف من الاول بعد بعد شيخة الي ممكن تكون لها سند بمصيبتها .........الحين الخوفة انو صقر لما يظهر برائته يطردون الحقير بعيد عنهم وسويرة كيف بتنحل مشكلتها الا في حالة انو هالشي يصير قدام العايلة كلها وهي تنهار وترمي القنبلة عليهم ساعتها بيصدقونها الي يتهم اخوه بالباطل علشان كافرة عادي يستبيح شرف بنت عمه ويهددها صحيح بتنطرد وبتنبذ معاه بس تنستر وبعدين يحلها الف حلال زالله من كثر مااحنا شايلين همها ومن كثر ماخوفتينا عليها ياسهومة مو عارفين نرسى على بر من الي جايها


ضاحي ونور


ضاحي بيتعب حيل معاها بس كل ماتذكر انها امانة عنده وانها يتيمة راح يصبر ويتحمل واذا نور تعودت عليه وبدت تتقبله بيكون قلبه تعلق فيها بس الشيبة مابيخليه يتهنى حاشر عمره بكل شي وياليت على سنع

غير كذا العصابة والرسالة المختفية لازم بيكون لهم ظهور والله يستر مايطلع كبير العصابة واحد مايخطر على البال انا عن نفسي لو يطلع الجد مااستغرب لانو قسوة قلبه نفس المجرمين


فارس

فارس ماتطمنا عليه ياسهومة وكلام الخايس مااخذنا منه لاحق ولا باطل انا مو مقطع قلبي الا منيرة والله حسيتها شوي وتستخف الله يصبر قلبها ويخفف همها بس صدمتها بنويفان بتفوق كل هالصدمات لانو بنظرها غييييييييييييير اخوته وتدافع عنه بقوة وهو راس الحية مسود الوجه


اما سعد والله هذا الي مايدري عن شي مثل الاطرش بالزفة سافر مع الخايس ومادرى عن الي كان مخطط له ورجع وخرب الدنيا على راس العايلة


نويفان

شقول شخلي الله ينتقم منك يارب كل هذا علشان ذيك النجسة دمرت اهلك واخوك وبنت عمك ياوسخ علشان وحدة فاسقة ماتعرف ربها الله لايريحك باقي ايامك ياعديم الضمير طالع من عند اخوك وهو بحالة صعبة وبعد لك عين تتكلم على صقر ايه من الغيرة لانك فاشل ولابيوم قدرت تصير ربعه نسيت كل الي سواه لك ياناكر المعروف

اجل ربعك خايسين وناسي عمرك يالمعفن وانت في نفس حالتهم مالت عليكم لاخوف ولا حيا من رب العالمين مااخذ شقة للمنكر يالي ماتستحي على الاقل هالخايسين مااغتصبو بنات عمامهم ودنسو شرفهم وفوق كذا تنكرو للي صار واتهمو هم في شرفهم وربي لو علي من زمان رميتك انت والشايب بااقرب صحرا لين تفنقشو بس لما سويرة الي شغلتنا بمصيبتها وموترتنا مابي الشيبة ينتصر عليهم بأي شي



سهومة في انتظارك يالغلا

 
 

 

عرض البوم صور وردة الزيزفون   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:45 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية