لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-01-11, 06:15 PM   المشاركة رقم: 151
المعلومات
الكاتب:
اللقب:

البيانات
التسجيل: Apr 2009
العضوية: 144104
المشاركات: 126
الجنس أنثى
معدل التقييم: ROoOnQ عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
ROoOnQ غير متواجد حالياً
وسائل الإتصال:

كاتب الموضوع : ROoOnQ المنتدى : القصص المكتمله
افتراضي

 

زفرت بكل ضيق و هي تجلس على طرف الدكة ...:و الله أنا يوم شفتها اليوم تذكرت السالفة ..
أروى:ألمى راحت و الله يرحمها .. الحين إنا فـ لمى ..
سندت ظهرها ع المسندة:وش فيها لمى ..؟!
أروى:نسيت إنا خاطبينها لـ سلطان ..!!
غزل:ايه .. ايه صح .. تصدقين نسيت ..
أروى:ايه مر وقت طويل من خطبناها .. قبل شوي سلطان أزعجنا ..
غزل:ايه أكيد بنقهر موب هو طالبها قبل لا يفكر تركي بالزواج ..
أروى:ايه صادقة .. –ضحكت بعفوية:هههههههههههه .. اللي يسمعك و أنتي تتكلمين يقول زواج تركي ماله دخل فيك ..؟!
غزل:وش فيكم علي اليوم غصب تذكروني بزواجي ..
أروى:وش فيك .. تبين تنسين يعني ..؟!
غزل:أبي أنسى التوتر و الهم ..
أروى:هم ..؟!
غزل:همين بعد .. ليش الزواج شيء بسيط ..؟!
أروى:موب كذا بس عاد ما ينقال له هم مرة وحدة ..
غزل بكل ضيق:أرووه أنا مأخذه راحتي بالكلام معك لأنك صديقتي موب تقعدين تدققين لي ع الوحدة ..
أروى:خلاص .. خلاص سكرنا ع الموضوع ..
لحظات صمت مرت عليهم .. و كأنها تذكرت شيء:صحيح ما قلت لك ..
أروى و هي تريح ظهرها على السرير:خير ..!
غزل:فجور .. شاكة بـ ريناد ..!
أروى بعدم استيعاب:شاكة..؟!!
غزل:تقول شكلها حامل ..؟!
رجعت تجلس و بكل اندفاع:حامل .. حشى قطوة ما أمداها تتزوج إلا هي حامل ..!!
غزل:قطوة بعينك .. صار لها أربع شهور متزوجة ..؟!!
أروى بكل ضيق:حتى ولو ما كملت السنة ..
غزل:ايه نشوف بكرة لما تعرسين ..
دخل للبيت يقطع عليهم كلامهم .. عبد العزيز و بعيونه نظرة شك:وش تسوين ..؟!
زفرت بكل ضيق:أكلم أروى ..-مدت له الجوال:خذ تأكد ..
ناظرها بنص عين:توكم مع بعض ..؟!
غزل بكل عصبية:وش المطلوب يعني ..
وجه لها نظرة حادة و مشى لـ داخل البيت ..
رجعت السماعة على أذنها:ألوو ..
أروى:أخص يا القوية ..
ابتسمت:وش رأيك فيني ..؟!
أروى:بدال ما أخاف عليك من تركي شكلي بخاف على تركي منك ..
غزل تتصنع العصبية:ليش وش شايفتني ..؟!
.._.._.._.._.._..
ريحت جسمها على الكنبة ..
قرب منها نواف و بكل خوف:جوري وش فيك ..؟!
جوري و التعب بصوتها:قومتي و قعدتي صارت ثقيلة ..؟!
نواف:أنتي من الرابع و أنتي ثقيلة قلت لك خلي عنك المناسبات بس ما طعتيني ..
جوري بكل ضيق:نواف الله يخليك ما لي خلقك ..
زفر بكل ضيق:طيب بسكت ..
سكت لثواني و رجع يتكلم ..:شفتي خالتك ..؟!
جوري و هي تغطي عيونها بذراعها:ايه بس ما كلمتها ..؟!
نواف:كنتي متحمسة تروحين عشانها .. و يوم شفتيها .. ما كلمتيها ..!!
جوري:نواف وش فيك قلت لك قومتي و جلستي صعبة حد ما دخلت القاعة و جلست ..
نواف و هو يوقف ..:طيب .. طيب .. أنا داخل أنوم إذا حسيتي بأي وجع ناديني ..
جوري و هي تنزل يدها:طيب ..
نواف بنبرة تحذيرية:أي وجع ... موب يتقطع بطنك من الألم ثم تناديني ..
جوري:نواف خلاص لا تزيدها علي ..
ناظرها بلوم و هو يبعد:خلاص .. خلاص رايح ..
.._.._.._.._.._..
وصلت لآخر الدرج أخيرا .. تحس بالتعب هد حيلها ..
التفت يمينها .. لقته جالس و السرحان بعيونه ..:ريااااان قم وصلني ..
ما حس عليها ..
علت صوتها:ريااان ..
انتبه لها .. وقف:هلا ..؟!
عدلت عبايتها:قم وصلني لبيتي ..؟!
ريان بكل تردد:اصبري خمس دقايق بس ..
ريناد:وش عندك ..؟!
قرب منها:جنى صار لها نص ساعة مع أبوي أبي أعرف وش بيصير ..؟!
انفتح الباب يقطع كلامهم .. طلعت و علامات عدم الرضا على وجهها ..
ريناد و بصوتها نبرة تساؤل:جنى وش عندك مع أبوي ..!!
هزت كتفها بكل حيرة:قال لي أجمع اللي أحتاجه بكرة بروح لبيت أخوي أبو تركي ..
ريناد:شلون يعني زيارة ..؟!
جنى:مدري .. يقول تغير جو بس شكلي بجلس هناك ..
ريان بكل ضيق:سلامات .. أنتي طول عمرك عايشة هنا وش غير ...
جنى و التعب بصوتها:مدري .. مدري أنا طالعة أرتاح منهد حيلي عقب الزواج ..
قربت و سلمت عليها:يا الله .. أشوفك بعدين .. سلام ..
أشرت لها و هي تطلع الدرج:سلام ..
.._.._.._.._.._..
أروى و الفضول يقتلها:مدري .. مدري .. كلهم مطنشيني و محد يرد علي ..
غزل:أروى لا تكبرين الموضوع .. بتجلس يومين عندكم و ترجع لبيت خالي أبو بدر ..
أروى:صدقيني السالفة فيها إن ..
غزل بكل طفش:طيب يا خبر اليوم بفلوس بكرة ببلاش ..
أروى:و أنتي الصادقة ..
غزل:يا الله بسكر قبل لا يفضحني عزوز ..
أروى:حتى أنا أبي أخمد .. باي ..
غزل:بايات ..-سكرت الخط و نزلت الجوال بيده ..
تنهدت بكل ضيق .. "أكيد ينتظر مكالمتي له .. أنا لازم أكلمه موب عشان يرتاح عشان أعلمه عن كل شيء .." ..
زفرت بكل ضيق و هي تضغط على زر الاتصال بعد ما طلعت رقمه ..
رنة ..
ثنتين ..
ثلاث ..
أربع ..
رد بكل حماس:هلا و الله و غلا ..
ابتسمت و نظرة الحزن بعيونها:صباح الخير ..
مياف:صباح النور ولو أنه بدري على هالكلمة ..!!
غزل بكل توتر:أي بدري ساعتين و يأذن الفجر ..
مياف:صدق ما انتبهت للساعة .. المهم أخبار زواجكم ..؟!
غزل:كل شيء تمام ..
مياف و هو يريح ظهره على الكنبة:غريبة ما كأنكم طالعين بدري .. أهل العرس يجلسون للفجر ..
غزل:خوالي موب راعين سهر و نفس الشيء أهل المعرس و جماعتهم القاعة فضت بدري ..
مياف:أهم شيء .. الله يوفق المعاريس ..
غزل:ايه و الله ..
مياف بكل حماس:اليوم رحت لبيتنا مرة ثانية .. و الحمد لله أمي موب موجودة ..
غزل:اهااا ..
مياف:معزومة فـ زواج تمنيت أنه نفس زواجكم .. بس للأسف طلع غير ..
غزل:وش معنى يعني ..؟!
مياف:إذا عرفتكم بيتسهل موضوعي معك ..
غزل:ليه أنت تنتظر موافقتها يعني ..؟!
مياف:طبعا لاء أمي أصلا ما تطيقني .. بس قلت يمكن لما تكون تعرفكم موضوع زواجي يذوب الجليد اللي بيننا ..
غزل و صوتها يختنق:اهاا ..
كمل مياف بنفس الحماس:المهم .. دخلت و لقيت كل أخواني فيه ما تتصورين على قد ما خفت من ردة فعلهم .. استانست معهم .. كلهم استقبلوني بصدر رحب ..
لمعت الدموع بعيونها .. إحساسها بالذنب لأنها علقت مياف فيها .. يزيد أكثر و أكثر ..
...:حتى وسن أختى الصغيرة مغير طبعا هي موب صغيرة صغيرة يعني .. المهم ما خلتني أطلع من غير ما تعطيني صورة للعايلة على قولتها حتى ما أنسى العايلة عاد قمت و حطيتها على تسريحتي .. لـ جيتي المرة الجاية بخليك تشوفينها .. و تقولين لي وشـ ..
قاطعته بصوت مخنوق من العبرة:مياف ..
دب الخوف فـ قلبه من نبرة صوتها .. حس بحماسه يتلاشى .. بكل خوف:نعم ..؟!
خذت نفس و هي تحاول تكبت عبراتها:مياف الأسبوع الجاي زواجي على ولد عمي ..
الصدمة .. و الصدمة و الصدمة .. شلت تفكير سيطرت على مشاعره ..
و حتى على ملامح وجهه ...
عجز ينطق و عجز يعبر .. كل اللي قدر عليه تمنى أنه سمع غلط ..
.._.._.._.._.._..
دخلت للبيت أخيرا .. ما نزلت نقابها .. تعودت على حركات سطام ..
بـ ظهوره قدامها فجأة .. وفعلا كان فـ المطبخ و طلع منه ..
ناظرته ريناد بكل حدة ..
استفزته نظرتها تمنى لو كان يقدر يرد عليها .. لكن رأسه ما له حمل مشاكل بهالوقت ..
..
.
زفرت بكل ضيق و هي تدخل غرفتها و تسكر الباب وراها ..
ابتسم:ريناد ..؟!
خذت نفس تنفس عن الضيقة اللي تملكتها بشوفة سطام .. رجعت تبتسم:السلام عليكم ..
نزل الكتاب من يده:و عليكم السلام ..
قربت و جلست قباله:عسى ما تعبت فـ الزواج ..؟!
اتستعت ابتسامته:لا ابد بالعكس استانست ..
رجعت توقف و تنزل عبايتها:زين .. زين ..
بسام:و أنتي وش سويتي مع أهلك ..؟!
ريناد:بخصوص وشو ..؟!
بسام:الموضوع اللي رحتي تكلمينهم فيه ..
ابتسمت:تقول عني ملقوفة .. يا الله تكلم و قلي وش صار لك فـ الشرقية و أقول لك وش الموضوع اللي خلاني أروح لبيت أهلي عقب العرس ..
زفر:للحين شاغلة بالك بهالسيرة ..
ريناد:و لين بكرة و بعده .. متى ما قلتي وش صار بـ أرتاح ..
بسام و على وجهه ابتسامة مراوغة:طيب قولي لي و أقولك ..؟!
ريناد:لاااء .. تبي تلعب علي مثل ذيك المرة ..؟!
ضحك بعفوية:ههههههههههههههههههههه .. خلاص طيب موب قايل شيء ..
ريناد و هي تسحب الروب:أن بعد موب قايلة .. عن أذنك بأخذ لي شور ..
سند ظهرها على ظهر السرير أول ما سمع صوت تسكير الباب ..
تنهدت بكل ضيق و تلاشت الابتسامة من على وجهه ..
..
الدكتور طارق بكل ربكة:وش اللي رجعك عقب هالسنين ..؟!
ابتسم بألم:شوفت عينك صار لي حادث و جيت أتأكد من شيء منك ..
بلع ريقه بخوف و رفع عيونه على عادل:و من الأخ ..؟!
ابتسم:صديق ..
طارق:اهااا .. طيب تفضلوا عندي ع المكتب ..
مشى بخطوات ثقيلة لمكتبة .. و اخيرا وصل للكرسيه و رمى بثقلة عليه ..
همس عادل لـ بسام:شكله خايف ..
بسام:نتكلم معه و نشوف ..!!
الدكتور طارق:وش تحبون تشربون ..؟!
بسام:مشكور يا دكتور .. ما نبي شيء ..
قرب كرسيه لداخل المكتب:ايه وش حبيت تعرف ..؟!
بسام بعد تردد طويل:من فترة صار لي حادث .. و دخلت العناية ..
طارق:لا حول و لا قوة إلا بالله ..-نزل عيونه على رجل بسام المكسورة:مأجور إن شاء الله ..
رفع النظارة من على عيونه:رجلي مجرد كسر بس فقدت النظر ..
انصدم .. تفاجأ .. كل أحاسيس الرهبة تملكته ..
كمل بسام:بس موب هنا المشكلة .. بعد الحادث ما صارت لي مشاكل فـ القلب و استغربت من هالشيء .. سألت الدكتور سوا لي فحوصات كله أثبتت إن القلب سليم ..
ابتسم بكل إحراج:الحمد لله ..
زفر بكل ضيق:أنا جايلك أبي أعرف شلون قلبي سليم و أنا عندي القلب ..
وزع نظرة الإحراج بين بسام و عادل .. زفر بكل ضيق:اسمعني زين يا بسام أنا ما راح أكذب عليك لأني تبت لله سبحانة و تعالى و لك الحق باللي راح تسويه فيني حتى لو سحبت رخصة العمل الطبية حقتي .. أنا ما عندي أي اعتراض ..
عادل بقلة صبر:وشلون يعني .. ما فهمنا عليك ..؟!
خذا نفس عميق:الحقيقة .. الأخ بسام ما عنده أي مشاكل فـ القلب ...
بسام بكل ربكة:وشلون يعني ..؟!
الدكتور طارق و هو ينزل نظارته الطبية:كل التقارير اللي عنك ملفقة ..؟!
بسام و الصدمة تلجمه:ببــ ببس .. هذولا أربع تقارير ..
طارق و الندم بصوته:وسخ الدنيا يجيب لك عشرة تقارير موب أربعه ..؟!
فرك جبينه بكل توتر .."هدمت حياتي و مستقبلي عشان تقارير مزورة ..؟!" ..
عادل بكل عصبية:وش هدفك من هالشيء .. وش اللي بتستفيده من وراه ..؟!
زفر بكل ضيق:قلت لك وسخ الدنيا .. الفلوس ..
بسام:بس أنت ما استفدت شيء و أنا ما سويت العملية ..؟!
نزل عيونه للأرض:موب هذا قصدي ..
بسام بقلة صبر:دكتور خلاص ما عاد فيني أعصاب تكلم وش عندك ..؟!
زفر بكل ضيق:سطام أخوك ..
بسام بكل ربكة:سطام ..؟!
ناظره عادل بحيرة .."أكيد هو اللي رماه عند البحر ..؟!!" ..
كمل الدكتور طارق:دفع لي و دفع لكل الأطباء .. حتى نعطيك التقارير الملفقة ..
ابتسم و لمعة الدموع بعيونه .."سطام .. ليه يا سطام كانت المرة الأولى اللي اشكي لك فيها ألم .. و المرة الأولى اللي اعتمد عليك فيها .. تخووّون فين ..!!" ..
زفر الدكتور طارق:أدري اللي صار غلط .. و لك الحرية باللي راح تسوية .. بس صدقني يا بسام أنا اللي معي ما عاد صرنا زي أول تغيرنا و اهتدينا لطريق الصواب و لله الحمد ..
عادل بكل عصبية:أنت السجن شوية عليك ..
خذا نفس .. و بلع ريقها يكتم عبراته:خلاص يا عادل اللي صار صار و انتهى .. الله يسامحك يا دكتور ..
طارق و الندم يحرق فيه:أنا ممكن أساعدك .. العيادة اللي تحتنا فيه أخصائي عيون ممتاز و راح يساعدك بدون مقابل ..
زفر بكل ضيق:مشكور يا دكتور حالتي ميؤس منها ..
الدكتور طارق بكل إصرار:لااا .. لا تقول كذا .. القنوط من رحمة الله أثم .. و بعدين الطب يتطور بين يوم و ليلة .. أنت سامحتني و دكتور العيون كان مثلي عطه فرصة يكفر عن خطايه على يدك ..
عادل و هو يناظر الدكتور طارق بحدة:مع إني للحين ما ارتحت له بس تراه صادق يا بسام ..
ناظر فـ عادل بكل ألم:ما أقدر ألومك يا أخوي .. بس أنا صادق و نيتي صافية .. – رجع يلف على بسام:أرجوك يا بسم لا تردني ..
..
.
تنهد بكل ضيق و هو يرجع لواقعه .."وش أقول لك يا ريناد وش أخلي ..
أقولك عن أخوي اللي خان ثقتي الوحيدة اللي عطيته إياه .. و إلا الدكتور اللي هدم مستقبلي معك قبل لا يبداء و إلا الأمل اللي ممكن يكسرني من جديد ..
تنهد بضيق أكبر"الحمد لله على كل حال لو ..
قاطعت تفكيره و هي تنزل الفوطة من على شعرها الرطب:بسام وش فيك ..؟!
ارتبك:ريناد متى طلعتي ..؟!
ريناد:من خمس دقايق و أنا أقول وش فيك أكلمك ما ترد أثرك موب هنا ..؟!
ابتسم:نعيما ..
ناظرته بطرف عينها:الله ينعم عليك .. بس لا تصرف اعترف وش كنت تفكر فيه ..
...:و من عندي غيرك أفكر فيه ..؟!
قربت و جلست قباله:ايه العب علي بكلمتين حلوين ..؟!
بسام و الابتسامة ما زالت مرسومة على وجهه:لا صدق كنت أفكر فيك .؟!- مد يده ..
مدت يدها و دفنتها بين كفوف يده:وش كنت تفكر فيه بالضبط ..؟!
بسام.امم سر ..
بكل لوم:هالأيام أسرارك كثرت ..؟!
بسام:وش أسوي أبي أخليها مفاجأة لك بعدين ..!!
ناظرته بكل تردد:خلاص دامني بعرف فـ الأخير .. بقول لك على السر اللي عندي ..
بسام بكل خوف من جدية ريناد:وش اللي عندك ..؟!
مرت لحظات صمت طويلة ترددت فيها ريناد ..
بسام بقلة صبر:ريناد تكلمي وش فيك ..؟!
ريناد و الحياء يلعب بمشاعرها ..:بسام .. أنا .. أنا .. أنا حامل ..
تجمدت ملامحه لثواني .. رجع يبتسم:تمزحين رنود ..؟!
سحبت يدها و بكل زعل:هذا موضوع يمنزح فيه ..؟!
رجع يمد يده .. و جرها لحضنه .. همس:قصدك بصير أبو ..؟!
ريناد و هي تحاول تطلع نفسها من جو الإحراج اللي غيم عليها من صارت مدفونة بأحضانه:أجل بتصير عم ..؟!
نثر بشعرها المبلول بكل خفة .. و رجع يهمس:مبروك لي و لك يا عمري ..
.._.._.._.._.._..
ناظرت فـ ساعتها .."أربع الفجر" ..
تحركت ليان بكل خوف .. و هي تروح و تجي فـ الغرفة ..
"هذا وينه شكله ما عنده نية ينوم فـ البيت ..؟! " ..
جلست و هي تهز رجولها بتوتر"يا ليت .. بس يا خوفي يصير صدق وش بيقولون عنا الناس ..؟!" ..
قررت توقف توترها عند حده و تطلع لبرا غرفتها .. يمكن تشوفه برا ..
وقفت مكانها مصدومة و هي تشوفه متمدد على الكنبة فـ يمين الصالة ..
حست بالغيض و الكره يملا قلبها .."أنا جوا محترقة أعصابي و هو نايم هنا بكل راحة .. جعلها نومة جدي" ..
رجعت تدخل لغرفتها و تسكر الباب وراها بكل عصبية ..
..
فتح عيونه لثواني .. تنهد بكل ضيق .. و غطى و جهه بالخددية ..
محاولة يأسه للنوم .. بهالليلة ..
اللي حس بها .. أنها ما راح تعدي على خير ..
.._.._.._.._.._..
زفرت بكل ضيق و هي تحس بطاقتها تنفذ و ما عادت تتحمل الألم ..
حاولت جوري توقف .. يمكن الحركة تخفف ألمها ..
لكنها ما حست بغير وجعها يزيد .. صرخت:نوااااف ..
..
جالس على طرف التسريحة ينتظر استسلامها ..
و أول ما سمع صرختها .. ركض لها ..
.._.._.._..
نهاااية الجزء ..

 
 

 

عرض البوم صور ROoOnQ   رد مع اقتباس
قديم 27-01-11, 01:33 AM   المشاركة رقم: 152
المعلومات
الكاتب:
اللقب:
عضو راقي


البيانات
التسجيل: Jul 2010
العضوية: 178146
المشاركات: 2,654
الجنس أنثى
معدل التقييم: أحاااسيس مجنووونة عضو سيصبح مشهورا قريبا جداأحاااسيس مجنووونة عضو سيصبح مشهورا قريبا جداأحاااسيس مجنووونة عضو سيصبح مشهورا قريبا جداأحاااسيس مجنووونة عضو سيصبح مشهورا قريبا جداأحاااسيس مجنووونة عضو سيصبح مشهورا قريبا جداأحاااسيس مجنووونة عضو سيصبح مشهورا قريبا جدا
نقاط التقييم: 531

االدولة
البلدSyria
 
مدونتي

 

الإتصالات
الحالة:
أحاااسيس مجنووونة غير متواجد حالياً
وسائل الإتصال:

كاتب الموضوع : ROoOnQ المنتدى : القصص المكتمله
افتراضي

 

روووووووووووووووووونق بارت رائع يالغلا

سطام اخ منك يااااااااااااه ما توقعت بهالدناءة كلها تزور تقارير اخوك يا حيف عليك بس

راكان شو هالعريس اللي ما يكلم زوجته لو كلمة يوم عرسهم وااسفااااااااااااه عليك يا المعرس كان الله في عونك يا ليان

جنىشو السبب اللي بيخليها تروح بيت ابو تركي اخخخخ الفضول بياكلني اكل ابي اعرف

غزل ومياف وتركي هل بيكون مياف صفحة وتنطوى مع الايام وشو موقف تركي لما يكتشف ان غزل مو بنت وشلون هي قبلت انها تعيش هالموقف

الف شكر رونق بانتظارك يا الغلا لا تطولييييييييييييين علينا

 
 

 

عرض البوم صور أحاااسيس مجنووونة   رد مع اقتباس
قديم 27-01-11, 10:17 AM   المشاركة رقم: 153
المعلومات
الكاتب:
اللقب:

البيانات
التسجيل: Mar 2009
العضوية: 132742
المشاركات: 86
الجنس أنثى
معدل التقييم: شموخ الصمت عضو بحاجه الى تحسين وضعه
نقاط التقييم: 27

االدولة
البلدSaudiArabia
 
مدونتي

 

الإتصالات
الحالة:
شموخ الصمت غير متواجد حالياً
وسائل الإتصال:

كاتب الموضوع : ROoOnQ المنتدى : القصص المكتمله
افتراضي

 

هلا رورو كيفك وحشتيني قلبووو


بخصوص البارت


يبدو ان ابعاد جنى من البيت وسكنها عند بيت ابو تركي

بداية اعترافهم لها هي من تكون ..



حركااات حملت ريناد ماهيب سهلة .. اللي لاحظته ان بسام روماانسي وهي ابد مالها بالرومانسية

اجل يقولها قصدك بصير ابو وتقوله اجل بتصير عم !!! خخخخخخ..



وسطام هالطفس البثرر بجيله يوم بيندم عليه هو ولوجين طينه وحده ...



رونق فديتك كثري مواقف بين ليان و راكان ..



اشوفك على خير قلبوو..

 
 

 

عرض البوم صور شموخ الصمت   رد مع اقتباس
قديم 28-01-11, 04:03 AM   المشاركة رقم: 154
المعلومات
الكاتب:
اللقب:

البيانات
التسجيل: Apr 2009
العضوية: 144104
المشاركات: 126
الجنس أنثى
معدل التقييم: ROoOnQ عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
ROoOnQ غير متواجد حالياً
وسائل الإتصال:

كاتب الموضوع : ROoOnQ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة أحاااسيس مجنووونة مشاهدة المشاركة
   روووووووووووووووووونق بارت رائع يالغلا

سطام اخ منك يااااااااااااه ما توقعت بهالدناءة كلها تزور تقارير اخوك يا حيف عليك بس

راكان شو هالعريس اللي ما يكلم زوجته لو كلمة يوم عرسهم وااسفااااااااااااه عليك يا المعرس كان الله في عونك يا ليان

جنىشو السبب اللي بيخليها تروح بيت ابو تركي اخخخخ الفضول بياكلني اكل ابي اعرف

غزل ومياف وتركي هل بيكون مياف صفحة وتنطوى مع الايام وشو موقف تركي لما يكتشف ان غزل مو بنت وشلون هي قبلت انها تعيش هالموقف

الف شكر رونق بانتظارك يا الغلا لا تطولييييييييييييين علينا

الحين بدت الرواية بالنسبة لي ^_*
ابشري بـ تطيح القلب >>>> من الحين نذالة ..
أحاسيس .. لبى أنتي منوره ..


اقتباس :-   المشاركة الأصلية كتبت بواسطة شموخ الصمت مشاهدة المشاركة
   هلا رورو كيفك وحشتيني قلبووو


بخصوص البارت


يبدو ان ابعاد جنى من البيت وسكنها عند بيت ابو تركي

بداية اعترافهم لها هي من تكون ..
أحس أنك فرحاانة موت أخيرا جاء اللي تبينه .. XD
بس بسألك سؤال .. وشسمه شخصيتي مثل شخصية جنى ..!!
>> مالي دخل أمون تقوله ^^"


حركااات حملت ريناد ماهيب سهلة .. اللي لاحظته ان بسام روماانسي وهي ابد مالها بالرومانسية

اجل يقولها قصدك بصير ابو وتقوله اجل بتصير عم !!! خخخخخخ..

هههههههههه .. يمديك .. من زود الحياء تصرف ^^"
و على قولت شوشو الرومنسية لجوري و نواف .. ^^



وسطام هالطفس البثرر بجيله يوم بيندم عليه هو ولوجين طينه وحده ...



رونق فديتك كثري مواقف بين ليان و راكان ..
توهم فـ الحمد .. أهم شيء حمي قلبك لـ رفعة الضغط ..



اشوفك على خير قلبوو..

شمووخه لبى هالطلة .. منورة ..

 
 

 

عرض البوم صور ROoOnQ   رد مع اقتباس
قديم 28-01-11, 10:40 AM   المشاركة رقم: 155
المعلومات
الكاتب:
اللقب:
عضو راقي


البيانات
التسجيل: Feb 2010
العضوية: 156711
المشاركات: 9,406
الجنس أنثى
معدل التقييم: ἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداعἤǿǿ∂ẻ-179 عضو على طريق الابداع
نقاط التقييم: 363

االدولة
البلدSaudiArabia
 
مدونتي

 

الإتصالات
الحالة:
ἤǿǿ∂ẻ-179 غير متواجد حالياً
وسائل الإتصال:

كاتب الموضوع : ROoOnQ المنتدى : القصص المكتمله
افتراضي

 

السلام عليكم ورحمة الله وبركاته..


اخبااارك ياااعسل؟؟؟
*

اخيرا خلصت اختباراتي ورجعت بالسلامه
وانفتح مخي للتعليق وجيييت مثل ما وعدتك ^.^

*

أول حاجه تسلم اناملك على الروايه الراااائعه
واللي بصراااحه كلمة راائعه قليله بحقها..
بجد بجد روااية ابد محد يندم لو قراها
ماشاء الله تبارك الله>>فيس يحصنك ^^
*
*
طبعا تعليقي رح يكون بشكل عام ^^
*
*
نبدا تعليق بسم الله ^.^
*
*
العلاقات المحرمه..
صحيح تكلمتي فيها كثيييير لكن الآجمل أنك
جبتي لكل وحده مسار خاص فيها..
يعني كل وحده وواحد من اللي يكلموا صار لهم
حدث غييير تماما عن الثاني..
*
غزل..مياف

غزل

كانت حاطه أمل انها رح تلقى بـ مياف الشخص
اللي يخلصها من الفقر ويعيشها حياة مثل خوالها..
لكن مادرت إنها رح تتعلق فيه لدرجه سببت لها التدهور
الصحي والنفسي بالإضافه انها تعلق كل أمر فيه
يعني أي فعل رح تسويه تدخل مياف فيه
سواء الخطبه..او أي موضوع أول تفكيرها يكون بمياف
وألحين الحياة الجديده اللي رح تدخلها
ياترى مياف رح يسعى أنه يخربها؟؟
ولاّ هي رح تبدأ حياتها مع تركي لكن باستمرار علاقتها مع مياف
يعني خيانتين خيانة ربها وخيانه زوجها؟؟
.
اما مياف
بالبدايه كان يعتبرها علاقه عابره رح تنتهي بعد ما يمل منها
لكن بعد ما قابلها بالشقه انقلبت حياته رأسا على عقب
>>يمديكم على الفصحى خخخخ
المهم..صحيح من البدايه كان تجيه احاسيس غريبه
يعني يعطف عليها احيان..ينجذب لها احيان..يفكر فيها
بطريقه غيير عن باقي البنات..لكن اللي صار
بالشقه غيير كل تصرفاته..
لدرجه صار يسوي اللي عمره ماكان يفكر يسويه لمجرد
انه يرضيها..
اهله..تركه للسهر..تفرغه الشبه تام لها.. كل حاجه
صارت لآجل غزل وبس..
والحين غزل بتروح لغيره يا ترى رح يستمر بالطريق اللي هو فيه
ولا رح تنقلب احواله ويرجع اسوأ من أول؟؟
ولاّااااا؟؟؟
*
*
ليان..راكان

ليان
قرارها رح يخليها تحس بالندم بين كل فترة وفتره
لآنها قررت بلحظه تهور او بمعنى اصح بلحظه عناد
حبّت توضح لتركي انك ماهميتني ومدري شو
ومادرت ان هذا رح يخليها تتعب حييل
ويتعب راكان معاها..
.
اما راكان
الله يعينه على نفسه يعني وحده بأول ليلة عرسها
يروح ينام على الكنبه لو اني مكانها بلفعه بأقرب مزهريه
على راااسه..
يعني مافي تقدر انها ممكن خجلاانه..تنهدت طفشانه من سكوته
يمكن تبيه يتلحلح..يعني يفكر بأي شي
مووو انه يشل قششه ويطلع
بس على قولت امي(منك يابيت الله ولا مني)
يعني فرح ان جاات التنهيده واخذها عذر وطلع
*
*
ريناد..بسام

كثييير اوقااات ما نحس بقيمة اللي نحبهم الا يوم يكتب علينا القدر
نفارقهم..لكن محد يدري ممكن القدر يرجع يخلينا نلتقي
فيهم >>مثل اللي صار بعد رجوع بسام لـ ريناد
او لاا مثل كثيييير صااارت لهم
ريناد
طبعا خجلها يخليها تعلق تعليقات غير مناسبه للوضع خخخخ
لكن هذا رح يخلي بسام يتعلق اكثر واكثر
وممكن هذا يعتبر درس لبسام قووي أنه يحبها ويعبر لها
وهي غييير بصرااحه احسه نووع من انواع العقاب ^^
.
اما بسام
احساس صعب جدا جدا يوم يعرف ان اخوه
اللي اعتبره بيوم من الايام قريب منه
يغدر فيه وعشان إيش بسبب الغيره الحمد لله والشكر
لكن زين ان بسام اكتشف هالموضوع من الحين
عشان ياخذ حذره من سطام بأيام الجايه
*
*
ألمى.. عادل

ألمى
ونهاية الاستهتار كان متوقع هالشي لآن مستحيل علاقه
انبنت على التسليه واللامبالاة تكون نهايتها غير كذا
هي تعرفت على عادل من باب التسليه
وهو تعرف عليها من باب التسليه
هو ماخسر شي غير تأنيب الضمير صحيح انه متعب
لكن مرحله ورح يتجاوزها
لكن هي خسرت شرفها وبالاخير حياتها
والمنتحر له مقعد بنار جهنم>>والعياذ بالله
.
عادل
ممكن اللي صار مع ألمى يكون سبب رادع له
ويخليه يرجع لصوابه لكن الرجوع هذا متاخر لان مو ألمى
الوحيده ضحيته..ضحايااااه كثيييييييييير والله العالم
وش اللي صابهم
*
*

لمى..سلطان


صحيح علاقتهم انبنت على غلط ولكن الظروف والقرابه
ساعدتهم في احتمالية تتويج العلاقه بالزواج
لكن رح يكون زواج فاشل بكل المقاييس
مهما حاولو الاثنين انهم يستمرو بهالزواج مارح يقدرو
يستمرووو ابد
لآن هي رح تبقى شاكه من أي مكالمه تجيه بآخر الليل
أو تخليه يطلع يتكلم لحاله بتحط الشك بقلبها وانه اكيد
مثل ما يكلمها يكلم غيرها ..
وهو كذلك مستحيل يأمن بيته وسمعته مع وحده للأسف
خانت ربها واهلها اكييييد هو مارح يكون اعز من ربها واهلها
ورح تخووونه ..
للحين ماراحت السكره لكن يوم تروح ويصيرو
ببيت واحد رح يبان كل شي..
*
*
لوجين..ريتاج


دوم علاقة الصداقه المبنيه على باطل عمرها مارح تستمر
ورح يجي يوم وتنهدم..
وهذا حال لوجين و ريتاج ..

ريتاج..

نقدر نقول الحمد لله بدت تمشي على الطريق الصح
من يوم بدا تأنيب الضمير ومراجعة النفس يتملكوها
من سالفه جنى ولها أمل تنهدى..
ممكن فتنة لوجين عليها عند بدر كانت اول خطوة غير محسوبه
ان شاء الله تثبت بهالطريق..
وان شاء الله يصدقها بدر بموضوع جنى والمؤامرة ..

اما لوجين ..
رح يجيها يووم وتندم على كل اللي سوته..

>>ترى احس لخبطت بين لوجين وريتاج خخخ المهم يوم كتبت ريتاج اقصد اخت بدر ان شاء الله ماكون لخبطت
*
*
جوري..نواف

وحياة الظلاام اللي للحين مو راضيه تشوف النور
والجنين اللي للحين مو معروف رح يعيش ولا رح يصيبه
شي ويكون عذر جديد لنواف عشان يكمل إخفاء
الزواج
حياة استفهاميه للحين ما انعرف لها طريق وخاصه
مع ظهور اهل جوري..
*
*
الباقين الله يستر علينا وعليهم
*
السموووحه على الاطااله
وبعد السموحه على القصور احس الرد مايبرد الخاطر
لكن هذا اللي طلع معاي ^.^
*
بالتوفيق الداااائم

 
 

 

عرض البوم صور ἤǿǿ∂ẻ-179   رد مع اقتباس
إضافة رد

مواقع النشر (المفضلة)

الكلمات الدلالية (Tags)
من وحي الاعضاء, يالبااااااااااااااه على بدر احلى الشباب بس ياليت يلين راسه, رونق, وبطلتي في الرواية جنــــــى وبس, قلوب تتراقص على انغام الالم
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:14 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية