لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-08-09, 12:53 PM   المشاركة رقم: 76
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


(( وصلوا للسوق والبنات يطلعون من محل ويدخلون محل ثاني .. واذا اشتروا شي عطوه الشباب يشيلونه ..
محمد كان مستمتع عالآخر لأنه مع جود .. اما جـــواد فكان طفشان بالمـــره وقرر يتصل على ليــان ))..*

جـــواد : محمد انا رايح اشتري لي شغله وراجع انتبه للبنات
محمد : لآ توصي حريص
(( ويروح جـــواد بعيد ويتصل على ليان ))..*

ليان : هلا والله جود
جـــواد "انتبه للآزعاج اللي عندها " : هـــلآ حبيبي .. شنو هذا الآزعاج اللي عندك
ليان : انا في السوق
جـــواد "قلبه يدق بسرعه ": جــد ..؟؟ وانا كمان في السوق ..
غلآ : مين تكلمين ..لآ تقولين جود
ليان : ايوه جود
حلآ : اقول خليها عنك .. هالجود ساحرتها , تعالي ندخل هذا المحل وانتي اذا خلصتي مكالمتك تعالي لنا ..
ليان : هههههه .. طيب
جـــواد : مين جنبك ..؟؟
ليان : بنات خالي
جـــواد : شنو عرفهم فيني ..؟؟
ليان : ابشرك صرتي مشهوره عند العائله .. ما اكلم حد غيرك ..
جـــواد : طبعاً لآني شخصيه مهمة ..
ليان : طيب .. شرايك نتقابل دام حنا في نفس المكان ..؟؟
جـــواد : انا عند محل "......................." هآآآ راح تجين ..؟؟
(( جـــواد يلف ويشوف المحل .. ويشوف بنت واقفه تكلم جوال .. كانت مميزه عن باقي البنات .. مع انّ مافي شي
يميزها .. بس حس قلبه يعرفها من غير مايشوفها ..))..*
جـــواد : انتي الحين جنب المحل ..؟؟
ليان : ايوه وعندي كيس احمر
((جـــواد يطالع البنت ويشوفها ماسكه كيس احمر .. قرب عندها لدرجه انه يسمع صوتها ))..*
ليان : هآآ .. ايش قلتي
جـــواد : على شنو
ليان : نتقابل .. انتي وينك الحين ..؟؟
جـــواد "في نفسه ": جنبك ياروحي
ليان : جووود ردي "وتلف على الجهة اللي واقف فيها جـــواد "
ليان : اووف
جـــواد : خير حبيبتي ايش فيك ..
ليان : في واحد يطالع فيني بقووه
جـــواد : كيف شكله ..؟؟
ليان : مدري مو واضح لآنه لابس قبعه ...
جـــواد "عرف انها تقصده ": طيب ليونه ثواني واكلمك
ليان : ليه وين بتروحين ...؟؟
جـــواد : ثواني واقولك
ليان : طيب "ويسكر الجوال"
((جـــواد بعد ماسكر .. قرب منها وحسها ترجف من الخوف .. ليان خافت وماعرفت شنو تسوي .. بس لما صار جنبها
تعداها .. ارتاحت ليان .. اما جـــواد صـــــــار في عآآآلم ثاني .. في اللحظه اللي مر جنب ليان شاف عيونها .. وسحرته
ذيك العيون .. مايدري كيف تذكر البنت اللي شافها على البحر .. نفس العيون .. نفس السحر ..نفس اللون اللي اغرم فيه
معقوله تكون نفس الملاك اللي كان جالس على البحر ..؟؟ لآ مو معقوله ممكن يون نفس العيون .. بس مو هي ذيك ملآك
وذي بشر .. جلس من عالمه على صوت جواله .. كانت ليان المتصله .. لف راسه لها لقاها في نفس المكان .. الحين صار يعرفها
وقلـــبه حفظها ... ومستحيــــل ينساها ))..*

جـــواد : الوو
ليان : قلتي ثواني وتتصلين
جـــواد : كنت احاول مع اخواني نروح للمحل اللي قلتي عليه .. بس ماوافقوا قالوا الحين راح نرجع للبيت ..يلآ مع السلامه

(( وسكر منها .. وصار يراقب تحركاتها لمده ربع ساعه .. لمن اتصلت عليه جود وقالت له انهم خلصوا .. وراح لهم ))..*

انتهى البارت انتظر ردودكم

 
 

 

عرض البوم صور معشوقه بلا قلب   رد مع اقتباس
قديم 27-08-09, 12:54 PM   المشاركة رقم: 77
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



البارت الخامس عشر

(( فــــي الآحســـــــــاء بيت الجده ام جاسم))..*

احمد : جدتي معقول الكلام اللي تقولينه ..؟؟ يبغون يبيعون بيتنا ..؟؟
ام جاسم : والله مدري وش اقول .. بس عمك يبغى نصيبه من البيت .. وعماتك قالوا اذا هو يبغى نصيبه حنا بعد نبغى نصيبنا
احمد : طيب وباقي عمامي ..؟؟
ام جاسم : إلى الآن ماقلت لهم .. بس ما أعتقد راح يعارضون ..
احمد : والحــــل ..؟؟
ام جاسم : والله مدري .. اللي ربك كاتبه بيصير ..
احمد : ونعم بالله ..
ــــــــــــــــــــــــــ

((في بيـــت بوفهد ))..*
(( رجع جواد وخواته من السوق بعد ماطلعوا الشيب من راسه .. خواته في كفه ولسان كوثر في كفه ثانيه .. كان وده
يكفخها .. كل ماقال كلمه ردت عليه بعشر .. بعدها اتصلت ليان على جـــواد ))..*

ليان : انا ابغى اعرف السبب اللي يمنعك من شوفتي
جـــواد : ارجوك ياليان هذا شي خاص فيني
ليان : طيب انا ابغى اشوفك .. ولآ .....
جـــواد : ولآ .. شنو ..؟؟
ليان : تنسين انك عرفتي وحده اسمها ليان
جـــواد : ليان انا مستحيل اقدر اعيش من دونك .. كيف تقولين هذا الكلام
ليان : آسفه ماعندي كلام ثاني
جـــواد : طيب .. شرايك تشوفين صورتي
ليان "باستغراب " : صورتك ..؟؟
جـــواد : ايوه صورتي والحين بعد
ليان : طيب ماتخافين حد يسرقهم
جـــواد : الا اكيد اخاف .. بس علشان خاطر عيونك راح احطها على الجهاز الحين وارسلها لك .. وانا واثقه فيك
ليان : انا راح اكون قد الثقه ..
جـــواد : اممم طيب وانا كمان ابغى اشوفك
ليان : بس انا ما احط صوري في الجهاز ... اممم بس
جـــواد : بس شنو ..؟؟
ليان : اقدر اشغل لك الكام ..
جـــواد : اكيييد ..؟؟
ليان : دامك وثقتي فيني .. فأنا اثق فيكي ..
جـــواد : اووكي .. دقايق وارسل لك الصور
((وراح يدور في صور البنات اللي كان يعرفهم وموجودين عنده .. ولقى صوره بنت حلوه وصغيره .. ورسلها لها))..*
ليان : جد هذي انتي ..؟؟ ما اصدق ..
جـــواد : ليــــه
ليان : مدري .. بس صوتك مو مناسب لشكلك ..
جـــواد : انا قلت لك من قبل صوتي مو حلو ..
ليان : آنا آسفه .. ماكنت اقصد انّ صوتك مو حلو .....
جـــواد : ماعليك .. انا عارفه انا صوتي مو حلو ..
ليان : اممم طيب ... قبلي
جـــواد : شنو ..؟؟
(( جـــواد لاحظ انها مكالمه فيديو وتردد كثيير قبل مايقبلها .. بس الشيطان شاطر .. اخذ نفس عميق وقبل وسكر عيونه
نصف دقيقه ))..*

ليان : ها شفتيني ..؟؟
((جـــواد فتح عيونه وكانت الصدمه هي نفس البنت ... لآ هي نفس الملآك اللي جالس على البحر .. ماقدر يتكلم .. كيف الصدفه
لعبت دورها معه .. كان جالس يطالع في ليان ونعومتها .. ورقتها اللي ذوبت جواد ..اما عيونها فهذا شي ثاني .. شي خيالي
مع انها بنت جداً عاديه .. وشاف بنات احلى منها بكثير .. بـــس ليان غيــــــر .. غير عنهم كلهم .. هذي فيها شي مميز
جـــواد يحلم احلآم اليقظه .. هذي البنت اللي يبغها .. بس هو راح يأذيها كذا .. بس هو مايقدر يتركها .. لو على الآقل
يكلمها .. اهم شي يبغى حس ليــــان في حياه جـــواد ))..*

ليان "استغربت من سكوت جـــواد ": جود فيكي شي ..؟؟ لآ .. يكون شكلي خرعك .. اليوم صايره كأني ساحره ههههه
جـــواد "في نفسه ": ايوه انتي ساحره .. سحرتيني خبلتيني ..ما اقدر اتركك .. بس انا لآزم اتركك علشان مصلحتك ..
لآزم اتركك ولآ راح اضيعك معي وادمر حياتك ... مثل مادمرت حياتي ..
ليان : جوووود ايش فيكي ردي علي ...
جـــواد : انتي حلوه
ليان : عارفه انك تجاملين ..
جـــواد : لآ انا ما اجامل ...اتكلم جد ..عمري ماشفت وحده في مثل نعومتك
ليان "باستغراب": بس انتي احلى مني بكثير "وطفت الكام "
جـــواد : لالالالا ... ليـــــه طفيتيه ..؟؟
ليان : لو اخوك جـــواد يدخل عليكي وشافني شنو راح يكون موقفي ..
جـــواد : وليـــــــه جواد بالذات ..؟؟
ليان : اممم مدري انتي دوم تتكلمين عنه ...
جـــواد : لالا .. قولي انك معجبه فيه .. اعترفي ههههههه
ليان : اقول ترى بزعل منك
جـــواد : طيب شرايك اوريك صوره جـــواد
ليان : ارسلي .. خلينا نشوف هالأخ الأسطوره اللي عندك "ورسل لها صورته"
ليان : مايشبه لك ابد .. وشكله كبير بالمره
جـــواد : تدرين انا بنت وهو ولد
ليان : بس ماياخذ من ملآمحك ابد .. ولآ كأنه اخوك ..
جـــواد : طيب شرايك فيه ..
ليان : بصراحه حلو
((ليان انبهرت من وسامة جـــواد وجذبتها ابتسامته .. ماتوقعته بالرجوله هذي ))..*
ليان : تصدقين اخوكي ينحب ..
جـــواد : ههههههه ادري
((ليان ماكانت منتبهة لنفسها وهي تتكلم .. ماتدري ليه حفظت الصوره عندها .. بس ماحبت تمسحها))..*
جـــواد : ليـــان ..
ليان : لبيـــه ..
جـــواد : لو قلت لك اني اكذب عليك راح تسامحيني ..
ليان : على حسب الكذبه .. ليه انتي كذبتي علي في شي ...؟؟
جـــواد : انا قلت لو .. طيب مع السلامه
ليان : وين بدري ..
جـــواد : انا لآزم اروح الحين
ليان : وين
جـــواد : بروح اذاكر
ليان : اجل اخليك ..

 
 

 

عرض البوم صور معشوقه بلا قلب   رد مع اقتباس
قديم 27-08-09, 12:54 PM   المشاركة رقم: 78
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


(( بيت بوفهد .. يرن التليفون))..*
ام فهد : مافي حد يرد عالى التليفون في هالبيت ... الوو
: يمه قولي لي مبرووك ..
ام فهد : مبروك .. بس على شنو ياخالد ..
خالد : مها ولدت
ام فهد "بفرح ": الف الف مبروووك .. شنو جابت ,,
خالد : جابت ولد ..
ام فهد : يتربى في عزكم ياوليدي .. وشلون مها الحين ..
خالد : الحمدلله بخير وصحتها كويسه ..
ام فهد : الحمدلله .. وش راح تسمونه ..؟؟
خالد : وليـــد ..
ــــــــــــــــــــــــــــــــــ

((في بيــــت بوسعد ))..*

يارا : يمه ياليت ماتشغلون كهرب المطبخ تراه يطلع شرار وفيه ريحه ..
بوسعد : الله لآ يوفق اخوك .. اللي اخذ الفلوس وهرب .. وماصلح الكهرب
ام سعد : الله يهديك يابوسعد .. سعد مشغوول .. واكيد راح يرجع ..
بوسعد : وين يرجع .. ولدك خلآص سرقنا .. الله لا يوفقه
يارا : يلآ انا رايحه المدرسه ..
(( خذت معها محمد الصغير وطلعت ))..*

ـــــــــــــــــــــــــ
((في مـــدرسه الآولاد الحصـــه الآولــــى))..*
يدخل الاستاذ الفصل ويكون معصب .. ويسمع همس و يطنش ويبدأ الشرح ..
المدرس : النهرده درسنا طويل مش عاوز حد يتكلم
واللي حيتكلم يطلع برا .." و يأشر على شلة محمد " ... المدرس سكمل الشرح وهو مازال يسمع همس ..
المدرس : هدوووء .. مش عاوز كلام ..
ويكمل بس مازال يسمع همس ...
المدرس " بعصبيه " : يا محمد أنت و الشله اللي معك ..
أسامه : استاذ ما تكلمنا احنا .. " ويهمس لمحمد " شوف شلة الدوافير المحدوده هي اللي تتكلم
المدرس : هدوووووووووووووء
الهمس يزيد أكثر
المدرس: يانهار مش فايت .. أنا بقولكو اسكوتو و أنت بترغو أكتر ايه انتو مابتفهموش ..
جواد " يوقف " : استاذ احنا ماتكلمنا وشو فيك انت ..
المدرس يعصب زياده ويرمي القلم على جواد .. بس جواد بعد راسه ويجي القلم على محمد ،، محمد ماتكلم
بس جواد ظل يرادد الاستاذ وهو بكل عصبيه يقرب من جواد ويعطيه كف ..
محمد يوم شاف المدرس يعطي اخوه كف قال بكل برود : استاذ ممكن تجي هنا لحظه..
المدرس : يعني فاكرني خايف منك حقيلك
ويقرب الاستاذ من محمد ،، ومحمد بكل برود يجي ويعطي الاستاذ كف ويجلس مكانه بكل برود ..
الكل ساكت ...
المدرس : بتضربني ... يلا يلا يلا قوم للمدير يلا ..
محمد " ببرود " : من بعدك استاذ ...

ـــــــــــــــــــــــ
(( في مدرسه يارا))..*
سهى : يارا عطيني واجب الرياضيات نسيت ماحليته ..
يارا : عطيني دفترك اكتبه لك ..
سهى : مايحتاج عطيني دفترك
يارا : طيب وانا
سهى مولآزم تحلين ..
يارا : حرام عليك
((سهى ما اهتمت لها واخذت الدفتر وراحت))..*

ــــــــــــــــــــــــ
((في المســــتـشفى ))..*

((فهد صادف خالد في ممر المستشفى وهو رايح لمها))..*
فهد : مبروك ماجاكم ..
خالد : الله يبارك فيك
فهد : هآآ .. شفت ولدك
خالد : اكيـــــد ..
فهد : وشخبار ام العيال ..؟؟
خالد : بخير الحمدلله ... انا رايح لها الحين
فهد : تعال متى راح تاخذ عيالك من الممرضات تراك عطلت شغلنا ..
خالد : اووكي اذا جات الوالده عطها اياهم ..
فهد : لآ والله وليه ماتاخذهم الحين ..
خالد : ياشيخ خليني آخذ راحتي شوي ..
فهد : ياسلام .. على حساب ممرضاتي
خالد : هههههه اجل اخوي ببلاش ..؟؟

 
 

 

عرض البوم صور معشوقه بلا قلب   رد مع اقتباس
قديم 27-08-09, 12:55 PM   المشاركة رقم: 79
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



((في مدرسه الآولاد .. عند غرفه المدير))..*
المدير: شلون تتجرأ وتضرب الآستـــاذ ..
جـــواد : وهو شلون يتجرأ ويمد ايده علينا ..
المدير : طيب ليه ضربكم ..
جـــواد : لآنه غبي .. يقول حنا تكلمنا .. وحنا ماتلفظنا بكلمه ..
المدير : طيب شنو الدليل انكم ماتكلمتوا ..؟؟
جـــواد : عندك الطلاب اسئلهم
المدير : مايحتاج اسئل .. انتوا مشهورين بمشاغبتكم
جـــواد : شنو تقصد
المدير : اكيــد انتوا الغلطانين
محمد : اكيد حنا غلطانين لآن جالسين نكلم واحد مثلك
المدير : شنو قلـــت
محمد : اللي سمعته
المدير: لآ تخليني استدعي ولي آمرك
محمد : ولي آمري مايتشرف يجي لك آذا تبغاه انت تروح له .... جـــواد مشيــنا ..
جـــواد : محمد
محمد : اذا مارح تجي معي بكيفك
المدير : وقف انت وياه
محمد : نعم
المدير: راح اسوي نفسي ماسمعت الكلام اللي قلته .. وبروح للفصل وأسئل الطلاب ..
جـــواد : خلينا نروح ..
محمد : انا ماني رايح .. الا اذا جا مدرس الغفله واعتذر لي
المدير : اجل اجلس هنا وانا اشوف الموضوع ..

 
 

 

عرض البوم صور معشوقه بلا قلب   رد مع اقتباس
قديم 27-08-09, 12:55 PM   المشاركة رقم: 80
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



((في المستشفى ))..*
خالد : شلونك الحين ..
مها : الحمدلله بخير
خالد : الف الحمدلله على سلامتك ياقلبي
مها : الله يسلمك حبيبي .. وشخبار وليد الحين
خالد"يمسح على راسها ": يبوس ايدك حياتي .. ما ابغاكي تفكرين في شي اهم شي صحتك ..
مها : صحتي بشوفتك معي ..
خالد "يبوس راسها ": عسى الله لا يفرقنا .. اخليكي ترتاحين الحين ..
مها : اوكي حياتي ..
ـــــــــــــــــــــــــ
((في بيت بوفهد ))..*

بوفهد : متى راح تروحون لمهـــا ..؟؟
ام محمد : اذا جاو العيال من المدرسه ان شاء الله ..

ــــــــــــــــــــــ
(( في مدرسه الآولاد .. بعد ماعرف المدير الموضوع زين .. طلب من الآستاذ انه يعتذر من محمد .. المدير كان يعرف
حاله محمد النفسيه والظروف اللي مر فيها وهو صغير ..بوفهد كان محذر المدير انه مايحتك مع محمد .. لآنه يمكن يسوي
شي جنوني وهو مايدري .. علشان كذا اعتذر المدرس من محمد .. وعدى اليوم على خير ))..*

ــــــــــــــــــــــــ
((في بيـــت بوسعد ))..*
بوسعد : ام سعد الله لآ يهينك جيبي لي مويا ..
ام سعد : حاضر ..
((وتروح ام سعد للمطبخ ))..*

ـــــــــــــــــــــ
((عند يارا .. طلعت من المدرسه وراحت لبيت ساره علشان تاخذ محمد .. وقلبها كان مقبوض ))..*
ساره : ادخلي شوي
يارا : لآ حبيبتي مره ثانيه ان شاء الله ..
ساره : طيب .. ثواني بس اجيب لك حمودي ..
يارا : بسرعه ... الله لآ يهينك ..

ـــــــــــــــــــــــ
((في السيــــاره ))..*

جـــواد : محمد ..
محمد : ولآ كلمـــه ... خلينا نوصل البيت على خير ..

ـــــــــــــــــــــ
(( خذت يارا محمد وراحت للبيت .. في الطريق سمعت صوت سياره اسعاف .. وشوي تحاذيها سياره المطافي .. حطت ايدها
على قلبها .. وصارت تمشي بسرعه ,, وصلت لشارع بيتهم .. ريحه الحريق ملت الحي .. وناس مجتمعه .. وصلت لبيتهم
شافته يحترق ورجال المطافي يحاولون يخمدون الحريق .. بس .. الحريق مارحم شي .. اخذ منها كل شي .. كل شي ..
يارا تصارخ مثل المجنونه .. ومحمد يتمسك فيها ويبكي معها .. وتستنجد بالموجودين ))..*

يارا "بصراخ وبكاء " : امي ... امي ... انقذوا ابوي ....
(( قربت من البيت علشان تدخل وتنقذ اهلها وعزوتها ..ورجال الآمن منعوها .. وصرخت صرخه ذوبت الحجر ))..*
يارا : اتركوني .. هذيلي اهلي .. خلوني اروح معهم .. مكاني بينهم ..
(( بس .. مافي آمل .. صوت انهيار عظيم .. بيتهم صار حطام .. راح الليت اللي احتضن فرح يارا وحزنها .. ضحكتها
وآلمها .. راح .. راح .. ... لمحت احد الآطفائيين يطلع ومعه شي .. قربت منه وكان ابوها .. سندها وحاميها ..الشخص
اللي حبته من صغرها .. الأيدين اللي حنت عليها وهي طفله صغيره .. الحضن اللي لمها ..الحين صار بقايه انسان..
قربت منه .. مازال يتحرك .. وصوت انينه قطع قلب يارا .. سمعته ينادي اسمها .. قربت منه ومسكت ايده ))..*

بوسعد : يا...را .... ســا...محـ....يني
(( هذا آخر شي قاله لها ابوها .. قبل ماتفارق روحـــه جسده .. اللي التهمه لهيـــب النــار ..
طاحت يارا من هول الصدمه .. وتطالع اللي حواليها .. اسودت الدنـــيا بعيون يارا واغمى عليها .. ومحمد حاضنها
خايف يفقد الحضن الوحــــيد اللي رحب فيه من اول ماجا للدنيا ))..*

ـــــــــــــــــــــــــــــــــــــ
(( هذي هي الحياه فرحه .. وحزن .. فنهايه البسمه دمعه .. ونهايه الدمعه بسمه .. في الوقت اللي فقدت يارا اهلها ..
كانت عائله بوفهد في المستشفى .. حول العضو الجديد اللي انضم لعائلة بوفــــهد .. والآرض مو شايلتهم من الفرح
الكل يبغى يشوف وليـــد ويبوسه ))..*

جود : ياعمررري يجنن ...
جـــواد : خالد تبيعني ولدك
ام فهد : شنو تبغى فيــه ..؟؟
جـــواد : آخذه معي السوق .. وماتبقى بنت في السوق الآ تلحقني ..
ام محمد : صدق ماتستحي على وجهك .. عطني الولد تبغى تخربه من الحين عطني اياه
جـــواد "ويعطيها وليد ": ان شاء االله ان شاء الله
ام محمد : بسم الله ..ماشاء الله يتربى في عزكم " وتحط تحت راس وليد 5000 الآف ريال وتعطيه مها "
خالد : مهاااوي عطيني وليد شوي وحشني مووت
مها " تاخذ الفلوس اللي حطتهم ام محمد ": بس كذا ان شاء الله
خالد : خلاص خليه عندك ما ابغاه ..
الكل : هههههههههههههههههه
ـــــــــــــــــــــــــــــــــــــــ

(( في مستشفى ثاني .. الممرضات ماسكين محمد الصغير يحاولون يسكتونه .. كأنه ببكائه يطلب منهم ياخذونه للأنسانه
الوحيده اللي عطته كل الحنان والحب .. في الآخيـــر قرروا ياخذونه لعند يارا .. اللي كانت تبكي بصمت .. اول ماشافته
حضنته بكل مافيها .. خلاص مافيه مكان يلجئون له .. الحين بدأ العذاب الحقيقي .. يارا تفكر كيف راح ترجع محمد
لآهلـــه ..وكيف تدور عليهم وابوها ماقال لها آي شي عنهم .. والآهم من كل هذا .. وين راح ينامون الليله ..
تمنت اخوها يرجع لها .. بس اذا رجع اكيد راح يتخلى عنها ومايساعدها في شي..))..*

ــــــــــــــــــــــــــــــــــــ
((في الليل .. بيت بوفهد ))..*
ليان : مبرووووك ..
جـــواد : الله يبارك فيك ياقلبي ..
ليان : وايش سميتو الكتكوت
جـــواد : وليــــد .. تدرين جواد قال لهم يسمونه على اسمه .. وجلس يحن على راس خالد .. لمن مل منه وقاله ان شاء الله
الولد العاشر على اسمك ..
ليان : ههههههههههه .. اخوكي هذا فله ..
جـــواد : احم احم اكـــــــيد ..
ليان : انا قلت اخوك مهوب انتي
جـــواد : انا واخوي واحد ..
(( ليان تطالع صوره جـــواد وسرحانه في عالم الآحلام الورديه .. ليان تعلقت فيه .. يمكن من كلام اخته عنه ..جـــواد
صار فارس احلامها .. وماتدري انه مدمر حياتها ))..*

ــــــــــــــــــــــــــــ
((في خــرابه مهجوره .. في حي يكسيه الظلآم .. والجوع .. جلست يارا مع محمد .. ماتدري وين تروح في هذا الليل
ماقدرت تروح لبيتها لآنه يحمل ذكريات مؤلمه .. مافي حد من جيرانهم وافق يساعدها .. الكل كان يعاني من الفقر ..
ومايقدر يتحمل بنت وطفل ... صوت تنهد محمد .. اللي نام وهو يبكي من الجوع .. هي ماحبت تبقى في المستشفى اكثر
انهم يكتشفون ان محمد مايقرب لها وياخذونه منها .. ففضلت تنام في خرابه بس محد ياخذ محمد منها .. ))..*

ــــــــــــــــــــــــ
((في الصبــــاح .. طول الليل ماقدرت تنام .. من الخوف والبرد والحزن .. وبكاء محمد .. ماصدقت ان الصباح طلع
آخذت محمد .. وراحت بيت ساره يارا ماراحت لها امس بالليل لآنها طلعت من المستشفى متأخر وماحبت تزعجها))..*

ــــــــــــــــــــــــ
(( في بيت بوفهد .. بوفهد يفطر مع عياله الا يرن جواله .. ويتفاجئ باللي متصل عليه في هذا الوقت ..قام من على الفطور
وراح للمكتبه يرد على الجوال))..*

ـــــــــــــــــــــــ
(( وصلت يارا لبيت ساره وقالت لها بكل اللي صار .. جلست ساره تصبرها وتواسيها على مصيبتها .. وقالت لها
انها راح تطلع من المدرسه لآنها ماتقدر تترك محمد ))..*

ساره : طيب الحين وين راح تعيشين
يارا "تفاجئت .. كانت تعتقد انها راح تخليها تنام عندها وتساعدها .. معناها انها راح تنام في الشارع ": لآ تخافين علي عندي مكان

ـــــــــــــــــــــــــ
بوفهد " بعصبيه " : انت شنو تقول
: للأسف .. هذا اللي صار
بوفهد : طيب وشصار بعدين
: الحين انا رايح اشوف الموضوع زين ..
بوفهد : تحرك ولآ تكلمني الا لمن تلقاه لي ..

ــــــــــــــــــــــــــــ
(( في بيت بوفيصل ))..*
ام فيصل : انا الحين ابغى اعرف .. ليه مارحتي المدرسه اليوم
كوثر : تعبـــــانه .. بموووت
ام فيصل : تعبانه .. وحاطه رجل على رجل وتاكلين وتطالعين التلفزيون
كوثر : يمه مرضي نفسي
ام فيصل : لآ حول ولا قوه الا بالله .. اجل يبغى لنا نوديك لدكتور نفساني ..
كوثر : لا مايحتاج دكتور ... انا بس ما ابغى اروح المدرسه اليوم
ام فيصل : قولي كذا من الصبح ..

ــــــــــــــــــــــــــــ
(( فـــي عروس البح ــــر جــــده ))..*
دنيا : صباح الخير خالتي
ام ناصر " بدون نفس ": صباح النور "وتقول في نفسها .. آي خير واللي يشوف وجهك من الصبح"
دنيا : خالتي شنو فيك
ام ناصر : قاعده اندب حظي ..
دنيا : ليه .. شنو فيه حظك
ام ناصر : آبد مافيه شي .. بس راح اموت ولآ شفت عيال لولدي الوحيـــد ..
دنيا " حز في خاطرها ": الله كريم

 
 

 

عرض البوم صور معشوقه بلا قلب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لقــــــاء, الســــراب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:35 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية