شيرين عبد الوهاب، مغنية مصرية. ولدت في القاهرة، بدأت مشوارها الفني أوائل عام 2002 .حلت شيرين ضيفة في برنامج “مجموعة إنسان” فتحدثت للمرة الأولى كيف تحولت صداقتها مع حبيب إلى عشق وزواج ، وأسرار أزمتها مع عمرو دياب، وكواليس استغنائها عن مستشارها الفني ياسر خليل، وكيف استعادت علاقتها بالملحن عمرو مصطفى بعد طول خصام، وودعت والدها بالدموع بعدما أهدت له أغنية “كده يا قلبي”.
مقدم برنامج “مجموعة إنسان” علي العلياني كان كمن يقرأ الطالع عندما لخص شيرين عبد الوهاب بجملة “حساسة في الغناء ولكن شرسة في الأزمات”.
في البداية أكدت شيرين أنها حلمت منذ طفولتها أنها ستكون نجمة في مجال الغناء، ولكنها استدركت قائلة: ولكن ليس لهذه الدرجة أبدأ، وأضافت: البنت في الاماكن الشعبية لما تتأخر بيحصل كلام .. وكنت بقول لامي متهتميش لما اكبر حبقى حاجة كبيرة جدا.
وكشفت شيرين عن موهبة لديها قائلة: انا عندي الحاسة السادسة دي، وعندما أتوقع شيء يحدث ولكن لم اتوقع ان اكون نجمة بهذه الشهرة والمكانة في العالم العربي.
أكدت أنها شعرت بنجوميتها للمرة الأولى بعد نجاح أغنية “أه يا ليل” وقالت: البوم اه يا ليل اول ما نجح حسيت اني حطيت رجلي على الطريق الصحيح، وأول دهشة من النجومية كانت في تونس اثناء تقديم جولة تضمنت 6 حفلات كلهم كانوا كاملي العدد وشوفت استقبال مصدقتهوش ووقتها اتوهمت وحسيت انى مايكل جاكسون.
الاعلامي علي العلياني أكد لها أن الجمهور السعودي سيقلب المعادلة وأن حفلها المنتظر هناك سيحقق نجاحاً غير مسبوق، لتؤكد شيرين أنها كانت ستقدم أوّل حفل في المملكة بالفعل ولكن حدث جدال حول المبالغة في سعر تذكرة الحضور وتم إلغاء الحفل ولكنها ستكون سعيدة عندما تقدم حفلها الأول في السعودية.
وتطرقت شيرين لزيارتها الأخيرة لمسقط راسها بأحد الأحياء الشعبية في القاهرة وقالت: الحارة يعني طفولتي وريحة اهلي والناس الطيبين غير المتكلفين.. كنت باكل فى كل البيوت وانام على كل السراير لأن كل البيوت كانت بيتي، ومن فترة زرتهم بعد وفاة والدي وارتحت ..مش لوحدي كان معايا زوجي واخويا وصديق وكلنا ارتحنا ومكناش عايزين نروح.
ونفت أن تكون الزيارة الأخيرة بعد طول انقطاع وقالت: انا روحت كتير سابقا ..بروح القلعة كثير بالليل بعد الساعة واحدة وازور نفس المكان اللى كنت بلعب في بجوار والدي أعلى هضبة ترى مسجدي السلطان حسن والرفاعي ..وبعدين ادخل اخبط على البيوت اسلم على اهلها.
وتذكرت شيرين جلستها مع والدها هناك مؤكدة أنه كان يتمتع بصوت دافىء وقوي، وقالت: الوالد كان بيحب جدا ليلى مراد وسعد عبد الوهاب ومحمد فوزي وهو اللى رباني على سماعهم ..وكان بيحب سعاد حسني، وبكت شيرين اثناء اهداء اغنيتها “كده يا قلبي” لروح والدها وفشلت في استكمالها، وقالت أن هذه الأغنية صارت صعبة جدا بالنسبة لها، وأكدت أن وفاة والدها كانت ستكون اقسى لو أنّ حسام حبيب غير موجود بحياتها.
وحول مقطع الفيديو المتداول لها اثناء غنائها في أحد الأفراح الشعبية وهي طفلة قالت: غنيت في افراح شعبية ولكن بدون فلوس ..اهلي كانوا بيجاملوا الجيران بصوتي، ومفيش فنان حقيقي عندنا مطلعش من الحواري والاماكن الشعبية ..هي السبب في وجودي وشهرتي.
أضافت تعليقاً على فيديو آخر لها من فرح شعبي ايضا قائلة: البعض يضع تعليقات مسيئة جدا مثل فضيحة شيرين عبد الوهاب، ايه الفضيحة انى اغني في فرح شعبي بعباية سودا.
أشارت إلى أنها عانت من المرضى “اللى معندهومش اصل” .. وقالت: الآن عندي ثقة في نفسي ومبقاش بيهمني، ولا استطيع الحياة بدون حب وسلام وصراحة ..لكن بسبب صراحتي انا مش عايشة في سلام، ولذلك اخذت عهد على نفسي بعد الأزمة الأخيرة ..انى حسكت ..لاني مش حعرف اجمل كلامي، و كنت رافضة الظهور اعلاميا بشكل نهائي وكنت عايزة اغني وبس.
أكدت شيرين أن ابنتيها مريم وهنا غيّرتا فيها الكثير من طباعها وقالت “لقيت حد أحبه أكثر من نفسي، بقيت بخاف على سمعتي وعلى صحتى علشانهم .. ونفسي اشيل عيالهم زى ما امي شالت عيالي.”
وقالت شيرين: مريم ابنتي البكرية “صالحة” بتصوم رمضان وهي بعمر 10 سنوات و الصغرى هنا دلوعة ودماغها حلوة وتمنحني طاقة ايجابية، و الاثنين هما شيرين، مريم شيرين قبل الشهرة البنت الجد المتحملة للمسئولية ..و الثانية هي الضحكة في حياتي وحياة أي حد.
وحول رغبتها في خوض بناتها مشوار الفن قالت: أحب ان ولادي ينفعوا الناس في حاجة تانية عايزاهم افضل منى في مجالات اخرى ..محدش فيهم حيوصل لمكانتي في الفن ..اتمنى مريم تبقى عالمة في مجال الطب والصيدلة، لكن لو مريم شعرت ان الفن طريقها حشجعها .. لأن الفن بيهذب النفوس ولكن مش أى فن.
وكشفت شيرين قصة ارتباطها بزوجها حسام حبيب قائلة: ما حدث بيني وبين حسام اكبر دليل ان ربنا مغير الاحوال وان النصيب يأتي في وقته.. وضحكت قائلة: من كام يوم كنت معاه في العربية وسالته هو انا بجد اتجوزتك ؟؟
أضافت: نعرف بعض من 12 سنة ولكن بقينا اصحاب من 5 سنوات ووقف معايا وقفة كبيرة جدا في الأزمة الأخيرة، و كشف لي ناس كانت تؤذيني جدا.. ناس كانوا بيطبلوا لي ولكن مش أمناء عليا ومؤذيين، لما بعدت عنهم ربنا كرمنى وتزوجت من حسام وشعرت بهدوء نفسي كنت مفتقداه من سنيين ..حساه بيكملنى.
وحول سر التقارب المفاجىء بينهما قالت: من فترة نفسيتي تعبت بعد اكتشافي خيانة مقربين منى كنت اعتبرهم مصدر امان وطلعوا مصدر كل حاجة وحشة بتحصل لي .. وحسام وقتها كان عنده اصرار اني اكون كويسة علشان نفسي وبناتي ..حسيت فيه شهامة ..قبلها كان صديق مقرب جدا وبقول له اسرار مش بقولها لاى حد وبناتى بيحبوه جدا، وعرفت أن الشخص اللى كنت بتكلم عنه كان شافط فكر حسام وعايش بافكاره وينسبها لنفسه .. كره فيا ناس كثير ومكانش امين خالص عليا فنيا ولا ماديا.
تابعت قائلة: حسيت براحة وحسام جنبي ..في 3 شهور قعدهم عندي في البيت وساب بيت والدته .. خلانى شوفته بعين تانية ..اتخانقت معاه ..كان بينصحنى .. وانا رفضت النصيحة .. لقيته حد رقيق جدا فجأة شوفته حبيبي .. حبيته حب كنت بتمناه من زمان واجمل حاجة حصلت في الأزمة الاخيرة ..ان حسام مبقاش صاحبي وانما حبيبي .
وقالت انها تخطط لإنجاب الكثير من الأطفال من زوجها حسام حبيب وقالت: نفسي اكبر وسط عزوة ولو الوسط الفني ومكانتي تسمح كنت جبت كل سنة طفل، ولكن أنا على المستوى الفني اشعر انى لسة معملتش حاجة ..نفسي اوصل الاغنية العربية الى العالمية.
وتعليقا على فيديو عمرو دياب داخل الجيم بعد تصريحها انه كبر وعجز قالت شيرين أنها تعتبر الفيديو ردا من دياب عليها، واكدت أن تصريحاتها بحقه في حفل زفاف عمرو يوسف وكندة علوش لم تكن زلة لسان.
واضافت: ضحكت من قلبي لما شوفت فيديو عمرو دياب ، وانا كنت مكتئبة جدا بعد فرح عمرو يوسف وكندة علوش ..كنت بهزر لتلطيف الجو واتقلب الموضوع بجد.. طبعا عمرو يسبقني بسنوات كبيرة في مسيرة النجومية وكنا اصدقاء لفترة معينة ..وبعد كدة عمرو قال تعليقات مش كويسة عني وكان بيوصلني الكلام ومنها كلام صعب اقوله تعليقا منه على تصويري لأغنية “على بالي ” في يوم الفرح ده معرفش ليه كنت عايزة اخد حقي .. لكن هو حيفضل شباب..
وحول تعاونها مع الملحن عمرو مصطفى في تقديم اعلان مهدى لروح النجم الراحل أحمد زكي، قالت إنّ الاخير سبب الصلح، فلم تكن لترفض المشاركة في أي عمل يتعلق به، وأكدت أن التعاون مع عمرو انهى الخلاف بينهما وهناك تعاون جديد في ألبومها الغنائي المنتظر.
وقالت: احمد زكي السبب في التعاون مجددا مع عمرو مصطفى .. كان لازم اوافق ..وبعد الموافقة “الماية المتعكرة” راقت شوية ..ولكن في شروط اهمها انه يلتزم حده ..مش أي حاجة تتقال ..يتكلم عن وعي ويبقى فاهم بيقول ايه .. دلوقتي انا بسامح ولكن بكرة يمكن مقدرش.
تابعت قائلة: حسام حبيب السبب في التصالح، عمرو كلمه واعتذر له .. ووصلنى الحوار .. قبلت اعتذاره ووافقت أعمل الاعلان وحيجمعنى عمل فني قريب مع لأنه لما عرف انى خلصت البومي قال لا ووعد يقدم حاجة بسرعة وأنا منتظرة لأن الحانه كلها لها بصمة .. هو عامل زيي لسانه حيوديه في داهية!!
شيرين رفضت اتهام فنان منافس بتسريب فيديو البلهارسيا الذي اثار الأزمة الأخيرة، قالت: الناس اللى كانوا حواليا سبب تسريب الفيديو وليس أحد الفنانين.
ورفضت وصف ياسر خليل بلقب مدير أعمالها وقالت أنه كان مستشار وابتعدت عنه بسبب فشله في ادارة ملفات الازمات، وأقرت أنه سبب تسريب الفيديو الخاص بالبلهارسيا وقالت: انا متعودة انام الساعة 8 ليلة أي حفلة ، ولكن هذا اليوم طلع الساعة 1 او اثنين بالليل وبلغني ان في مشاكل في الفرقة .. كان عايز يحلل الفلوس الكثير اللى بياخدها ..ومعرفتش انام بعدها .. وطلعت مكشرة بزيادة عن اللزوم للناس في الحفل، حبيت اهزر وقلت الكلام وحدثت الازمة وبعدها قلت كلام تاني وطني جدا عن علاقتي في مصر.
أضافت: فى ناس كارهين للنجاح .. الموضوع كان مترتب وصعب عليا من الناس ومن المصريين بالذات انهم يشككوا في وطنيتي ..أنا اتدبحت .. كنت لا بانام ولا باكل وباخد مهدئات.
تابعت قائلة: الدكتور قال لى اصحى من النوم قولى لنفسك انا حلوة انا جميلة انا ناجحة لدعم ثقتي بنفسي، وعدد كبير من النجوم دعمني مثل راغب علامة وانغام وناس كتير في لبنان دعموني جدا وزعلوا عليا وقالوا لي بطلي بقى تتكلمى مع الناس، غني فقط.
ورفضت شيرين ما يتردد عن تخليها عن نجمة برنامج “ذا فويس” نداء شرارة وقالت: انا اكثر انسانة دعمتها، انا خليت محجبة توصل للنهائي، رغم أن المعروف وجود كثير من التحفظ عند المحجبات يمنعهن من الاستمرار في الفن، ولكن اصراري اللي نجح نداء شرارة ..وطلبت دعمها بالتصويت وكنت بغيظ عاصي وصابر والوحيد اللى كان نفسي اني اكسب هو كاظم الساهر.
وحول سبب الأزمة قالت: في مهرجان بعلبك كنت اول مطربة مصرية تغني بعد السيدة ام كلثوم ..كنت متفقة مع نداء على الظهور معها ..لكن انشغلت ونسيت ..وفوجئت باتصال منها ..دعمتها ودعمت اهلها بانهم يقفوا جنبها ويشغلوها .. اتصدمت منها لما عاتبتني.
ونفت شيرين علمها بتفاصيل مقلب رامز جلال قبل تصوير الحلقة وردت على معلومة أنها تعاونت سابقا مع هيكتور كوبر في تصوير إعلان العام الماضي بأن كل واحد منهما قام بالتصوير بمفرده، وقالت: شعرت ان في حاجة غلط في البرنامج ..شكيت في شخصيته أول ما قال زورى وكنت حقوم واسيب البرنامج.