بعض القلوب مسكره الله يبيح سدها ,, - الصفحة 4

29-05-08, 02:16 PM

المشاركة رقم: 1

المعلومات
الكاتب:	ذكريات عاشقة الريم
اللقب:

البيانات
التسجيل:	Apr 2008
العضوية:	72517
المشاركات:	17
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله

بعض القلوب مسكره الله يبيح سدها ,,

بعض القلوب مسكره الله يبيح سدها ,,

بسم الله الرحمن الرحيم

أحلا الأعضاااااااااااااااااااء

انضممت لهذا المنتدى الرائع لأني وجدت تقييم صادق للقصص المطروحة
وهذي متواضعتي الأولى أضعها بين ايديكم لتحكموااااااا
أتمنى أن تنال رضاكم

أنا رح انزل جزئين إذا الأعضاء ماعندهم مانع كهدية لنشر القصة

معلومة: الي يبي ينقل القصة رجاءً يكتب اسمي لاني تعبانه فيها
أترككم معاها

بعض القلوب مسكره الله يبيح سدها

نزلت من الدرج بخفه بس مو بسرعة كان شكلها حلو مره وبالذات اليوم لأنها تنام بدري يعني انتظم نومها مع ان الاجازة لسا في بدايتها كانت ليلين لابسة طقم بنطلون جينز أزرق ضيق شكله جناااان ومعاه بلوزة بني فاتح مايل للبيج أكمام طويله وخناقي ومن فوقه بلوفر طويل جينز وكانت لامه شعرها لفوق هو شعرها كان أسوووود مع انها تبغى تصبغه بس الكل مانعها وكان يتلفلف بشكل كأنها مسويه لور (مكر) وحطت مرطب بني بلمعه خفيفة وكحلت عيونها وحطت ماسكارا كان شكلها خياااال كان شعرها مرفوع مثل ماقلنا ونازل منه خصل مره حلوه وملفلف أما الشباشب الله يكرمنا وياكم ماكانت تعترف فيها داخل البيت مع ان بيت خوالها كان سيراميك نزلت من الدرج اللولبي الي بنص الفيلا ودخلت غرفة الجلوس ليلين كانت محبوبة مرررره من جدتها لأنها تحفظها قرآن ومريحتها تنام وتقوم بدري وتساعد بالغدا وترتب السفرة وكله .. وأول ماتشوفها جدتها ينشرح صدرها بس تحب تناقرها لأن مناقرتها ونااااسة يعني كل خوالها وخالاتها يحبون فيها المرح وخفة الدم والمناقرة قبل الجمال والأدب دخلت وشافت خالاتها بالمجلس
ليلين : السلام عليكم ورحمة الله وبركاته
الجميع :وعليكم السلام ورحمة الله وبركاته
ليلين : صباح الخير
الجميع: صباح النور
ليلين تحب راس جدتها : أخبارك الغالية؟
جدتها شريفة: بخير وعافية .. وانتي تمشين وتحبحبين بخلق الله؟
ليلين: أقول الغاليه لا يكثر أنا بالقوة متحملة ريحة الكريمات الي بشعوركم
الجميع: هههههههههههههههههههههههه
سلمت ليلين على راس امها كالعادة
أم ليلين واسمها زهرة: ها يابنيتي متى رد أخوك البارح؟
ليلين تطمن أمها: ولا يهمك يمه رد قبل ما أنام ودخل يبي يسلم عليك بس كنتي نايمة
زهرة: الله يطمن قلبك يا بنيتي
بالنسبة لزهرة ليلين مو بنتها بنت زوجها بس أم الوليد وليلين ماتت بحادث وربتهم زهرة كأنهم عيالها وأحسن بعد وزهرة عندها بنت وولدين غير الوليد وليلين
راحت ليلين حبت راس خالتها الي تمووووووت فيها بس يحبون يتناقرون
ليلين تقلد ناصر القصبي وتحول عيونها: كيفك شيري حبيبتي ؟
نوار: ههههه الله يقطع ابليسك والله مو مخرب شكلك الا هالهبل الي فيك
ليلين : من شابه خالته فما ظلم.. والله يا خالي سعود انه مو قاطك هنا الا بيفتك من هبالك الفاضي
الجميع: ههههههههههههههههه
نوار: لا حبيبتي انا مستأذنه منه قايل انه بيشتاقلي
فايزة (خالة ليلين): بس لا تخربين البنت لسا صغيره
نوار: وه والله ما مخربني غيرها
الجميع: هههههههههههههههههههه
ليلين تحب ع راس خالتها فايزة : شلونك يا بعد طوايف طوايف خالتي نوار؟
الجميع : ههههههههههههههه
نوار: هيه مو تعزمين على حسابي أنا وطوايفي
الجميع:ههههههههههههههههههههه
ليلين: خاله نوار اعقلي : والله ان خالي سعود مو غاط له يومين الا من هبالك
الجميع: هههههههههههههههههههههههه
بدور: وأنا ليلين ولا بنت البطه السودا؟
ليلين: له له له الا خالتي بدور هذي الغاااااليه العسل القمر الحلوة الجذابه وهذي بوسة راس يا خاله ..وحبت راس خالتها
نوار: هيييييي ترى أغار
ليلين : خالتي حبيييبتي داريه اني اشبه خالي سعود بس تراه مو هنا
الجميع: هههههههههههههههههههههه
بدور: الله يرج سوالفك يا ليلين والله ان كنا زهقانين وماصدقنا على الله نشوفك نازله من الدرج
نوار: ايه والله ما حلا الشرقية الا بخواتي وبناتهم
ليلين: الا وين خالتي فاطمة مالها حس؟؟
فايزة: الحين تجي حبيبتي كلمناها تقول بالطريق
ليلين: آها والله اشتقتلها هي وعيالها
نوار: ترى عيالها كلهم صغاااار
ليلين : يا حظي داريه بعدين ترى خاله نوار تفكيرك مره فاااااسد
فايزة: ايه صح عيالها كلهم صغار عشان كذا مشتاقينلهم يا نوار
نوار: انزين كل وحده تقول لمين اشتاقت؟
بدور: أنا لحميد
فايزة: وع يا حميد دمه ثقيل ..أنا لسوار
نوار: هههههه أنا لمجود (عبد المجيد)
ليلين : أنا لحميد وسوير ومسره و مجود
نوار: ما بقيتي أحد قلتيهم كلللهم
ليلين: طيب اشتقتلهم كلهم
فايزة: الا من جدها فاطمه؟ تقول ما بتجيب عيال غير هالأربعة
بدور: أحسن أجل ايش تبغينها تطقم زيي 7 بعين العدو
نوار: بسم الرحمن .. سمي على عيالك يالخبلة
زهرة والجده شريفة كانوا يتكلمون بعد ما تحول الحديث على فاطمة
ليلين: طيب أنا بروح أفطر فطرتوا؟
نوار: ايه يا بعد عمري بس خالتك بدور توها قايمه
ليلين: أجل تبغينها زيك تصبح من الساعة 6
نوار: ما رحتي بعيد عني الساعة الحين 8
ليلين: من أكبر الأخطاء الي ارتكبوها في حق البشرية انهم ما قطعوا لسانك أول ما جيتي .. لكن ما ألومهم مساكين مايدرون ان هذرتك زايده
نوار: عدااااال .. أصلاً
فايزة وهي تقاطع نوار: خلاص اسكتوا
بدور: حبيبتي ليلين روحي جهزي فطورك
ليلين : والله ان ماافطر الا وانتي معي
بدور : انزين يمه بس لا تنسين أهم شي عندي بالفطور الزيتون والحليب مو بالسكر بالفركتوز ولا تنسين شابورة الريجيم بالدولاب الي أسفل
ليلين: أقول كأني بهون
الجميع: ههههههههههههههههههههه
ليلين: انزين مين يعرف اش تحب خالتي فاطمة على الفطور؟
نوار: أهم شي التمر عشان يضبطلها السكر مسكينه
ليلين: انزين يلا بالاذن
راحت ليلين للمطبخ وفي طريقها تكربست بالجزمة وانتوا بكرامه ومن عادة ليلين انو اذا خبطت او تكربست في شي من الجوامد تسمي بالله ثم تقعد تهزأ الشي
ليلين للجزمة: هيه انتي ما تشوفين؟ يالخبلة؟ عمى بعينك والله ان زدتي عدتيها ان لأحذفك بأقرب زباله احمدي ربك انك مو معي ساكنه بجده ( ليلين وعائلتها ساكنين بجدة وبدور وفايزة وعائلتهم بالباحة بس بالاجازات يا كلهم يجتمعون بالباحة او بالدمام او بجده ) والا كان بيجيك شي ما شفتيه يا مال القلعه ان شاء الله
ليلين انتبهت لصوت ضحكة وراها التفتت حصلت ولد خالتها بدور واسمه نضال
نضال: ليلين؟ بسم الله عليك اشفيك تتكلمين مع الجزمة؟
ليلين متفشله من ولد خالتها : ههههه عاد العقل زينه
ابتسم لها وانتبهت انها مو حاطه ع راسها شي قامت خذت طرحة مرميه ع الطاولة وتلثمت طالع شكلها زي الدكتورات مررررره خياااااال وعيونها تذوووووب
نضال: آسف بس..
ليلين: مو مشكله أنا الغلطانه المفروض أتأكد
نضال: لا هذا قسم البنات بس عاد كنت أبي أمي وماتوقعت انكن صاحيات
ليلين: لا مو صاحيين بس أنا وخالاتي والغالية
نضال باستغراب: مين؟
ليلين: هههههه امي شريفة
نضال: آهاااا هههههه
ليلين: أقول أخوي
نضال بقهر : هلا ..عيون أخوك
ليلين: تسلم عيونك أخبار جامعتك؟
نضال: ماشي حالها تمام والله ان ذول الدكاتره كل واحد رافع خشمه وراز وجهه والانجليزي من طريق وهم من الطرق الثاني
ليلين: ههههههههههههه حاقد
نضال : دووووم الضحكة
ليلين معتبرة نضال زي أخوها تماااااااام لانهم وهم صغار دايم يلعبون مع بعض ويزعجون بعض ومعاهم الوليد واخت نضال أمل وهي صديقة ليلين الروح بالرووووح والي يدورهم يلاقيهم مع بعض وين الوليد؟ مع ليلين وامل ونضال ووين نضال؟ مع الوليد وليلين وأمل ووين ليلين ؟ مع الوليد ونضال وأمل ووين أمل؟ مع ليلين ونضال والوليد وكانت ذكرياتهم بالطفوله روووووعة وجناااان عشان كذا أي شي يقوله نضال ليلين تعتبره من باب الأخوة وبس لكن شعور نضال كان غيييير كل العائلة(تقريباً) كانوا يعرفون إن نضال يحب ليلين مع كذا ليلين كانت من البعض الآخر الي ما يدرون عن السالفه وهو من أول كان يحب مريم بنت نوار بس صارت له سالفه معاها وكرهها كره العمى
نضال: ليلين؟
ليلين: هلا أخوي؟
نضال مقهووور من كلمة أخوي: يا ليت تناديني نضال وبس
ليلين: اف اف اف ليه؟
نضال: بس أحس اني كبير
ليلين: هههههه طيب انت كبير ليه زعلان؟
نضال: ههههههههه مو القصد بس
ليلين: خلاص زين نضال وبس
نضال: وين كنتي بتروحين؟
ليلين: أووووه نسيت أبروح أجهز فطور لي ولخالتي بدور وخالتي فاطمه
نضال: لا وربة بيت من ورانا
ليلين : ههههههه أعجبك أصلاً ما يسوي الغدا الا أنا
نضال وكان يفكر ان ليلين تمزح: ايه زين بس اش عرفك؟
ليلين ولا اهتمت بالرد على موضوع الغدا: وشو الي اش عرفني؟
نضال: انك تعجبيني
ليلين: هههه الله يقطع ابليسك أحسب سالفة
نضال: وحبي لك مو سالفة
ليلين : ولد نضال ركز اش قاعد تقول .. حليلك الظاهر سهرت مزبووط
نضال: ليه اش الغريب بكلامي؟
ليلين: نضال ؟
نضال: عيونه؟
ليلين: انت مستوعب معي؟ أنا مو مريم أنا ليلين
نضال تضايق من سالفة مريم وحس ان ليلين ماتدري انه كرهها: وعع
ليلين: وشو الي وع
نضال: تصدقين اكتشفت ان مافيك ذرة فضول
ليلين: وكيف عرفت؟
نضال: انتي مو بالدنيا ما تدرين عن آخر تطورات عشاق عائلتنا أنا ومريم خلاص بـ........
قاطعتهم بدور: نضال انت هنا يمه تعال مافي أحد غير خالاتك وامي
نضال مقهور مررره لانه ما قدر يكمل لليلين انه ماعاد يحب مريم: جاي يمه
نضال يكلم ليلين: وللحديث بقيه
ليلين: هههههه لا تستعمل كلامي علي
نضال: كلمة أمل
ليلين: أنا علمتها
نضال: هههه طيب يلا رايح عندهم تامرين على شي؟
ليلين: تسلم أخوي
نضال رفع حاجب وقال : نعم؟ كأني سمعت كلمة غلط؟
ليلين: هههههههه طيب نضال
نضال: عفيه عليك شااااطرة ليلين
ليلين: والله لو بجلس معك ان ما فطرنا
نضال: ههههههههههههههه
كملت ليلين طريقها ودخلت المطبخ وهي تغني وفي بالها ان نضال كان بيقول بنتزوج وهي داريه انه مريم تحب اخوها الوليد بس الوليد صاد عنها مع انه يدري ان نضال ماعاد يحبها .. كان صوت ليلين عادي يعني مو حلو بس مو خايس كمان يعني وسط بس بالأغاني الحزينة يطلع صوتها خياااااااااااااااااااال أما الأغاني الرجه يطلع عادي .. وصارت تجهز الفطور وتغني بعد ما شالت اللثمة :
ياناس أحبه وأحب اسمع سواليفه
صوته يشتت هموم عايش فيها
يامر وينهي وانا دايم على كيفه
أرجي ورود الهوى تنبت بأراضيه
ليلين:آآآآآآآآآآآآآآآه

وفي مجلس الحريم كان نضال جالس مع خالاته يسولف وسمع خالته نوار تقول
نوار: الا اش بتسويلنا ليلين اليوم؟
بدور: ما بتسوي شي
نوار: قصدي الغدا يالخبله
فايزة: حرام عليكم من جات البنت وهي تطبخ
نوار: هي الي تقول والله انها تطردنا من المطبخ
بدور: ايه صح وتطرد الشغالات بعد تقول خلوني اتهنى
نوار: ههههههههههههههههههه والله هذي البنت اهتماماتها شي
فايزة : ايه انا بعد مره طردتني وسكرت باب المطبخ
بدور: ونفسها في الأكل طيب ماشاء الله
نوار: ايه والله من حلا ومن طباخ ومن موالح ومعجنات كله ماشاء الله تبارك الرحمن
نضال يبي يتأكد: مين هذي يمه؟
بدور: ليلين يا يمه والله ان ما يطبخ بهالبيت الا هي
نضال: ماشاء الله تبارك الله
نوار: بس احنا الحريم عاجبنا انتوا اش رايكم؟
نضال: وقسم بالله ان بندر وعناد يفكرون جدي استأجر طباخ
الجميع: ماشاء الله
نوار: وانت والوليد وخوالك؟
نضال: والله احنا ما نفكر عشان ما يخلص الأكل بس ماشاء الله بنت خالتي طباااخة
نوار: هههههههههههههههه
نضال: بس صغيره حلو بهالزمن وحده بالثانوي وتطبخ زي الطباخين الكبار
نوار: ايه ماشاء الله عليها طالعه لاختي الله يرحمها
بدور: ايه والله انت مالحقت على طباخ خالتك ام ليلين
نضال : قصدك خالتي نورة؟
بدور: ايه جدك ماكان يحب طباخنا بس ابغى اكل نورة ابغى اكل نورة
الجميع: ههههههههههههههههههههه
فايزه ودموعها بتنزل: الله يرحمك يا اختي
ام ليلين الحقيقية هي نورة وهي اختهم بعد بس طلقها ثم تزوج زهرة اختها وجابت بنت وطلقها ورجع تزوج من نورة وجابت ليلين وماتت وزوجوه زهرة تربي عياله وهو ابوهم كان حنون على الحرمتين بس نورة مره طلبت الطلاق عشان امه وزهرة نفس الشي بس ثنتينهم حنوا له
صوت عالي: آآآآآآآآآآآآآآآه
الجميع :بسم الله الرحمن الرحيم
قام نضال واتجه للمطبخ بيشوف شالسالفه

الوليد: هههههههههههههههه
ليلين: عمى الوليد طيحت قلبي من مكانه
الوليد: هههههههههههههههههههه
ليلين: والله انك سخيف ..ضف وجهك
الوليد: لا والله خلاص آآآسف ما أعيدها توبة
نضال سمع صوت ليلين ولحق عليها وشافها في المطبخ و عيونها بتدمع من الفجعة وكان شكلها حلووو مررررة
نضال: بسم الله الرحمن الرحيم .. ليلين اشفيك؟
الوليد: هههههه أقول ترى مره قاط وجه اختي مو متغطيه
نضال: آسف مو قصدي بس
ليلين وهي تتلثم: ما عليك منه نضال ادخل تلثمت
نضال: اش صاير؟
ليلين: بعض الناس السخيفين يستخفون دمهم
الوليد: هههههههههههههه
ليلين : عمى ان شاء الله .. انقلع من وجهي والله مااكلمك
الوليد: لا والله خلاص آسف قسم ماأعيدها
ليلين: ايه هذي ثالث مره ضف وجهك يلا
نضال: شالسالفة الوليد؟
الوليد: هذا يا طويل العمر يقولك أختي بالمررره ما تسمع أغاني ومره ركبت معي وسمعت أغنية وجالسة الحين ترددها مع انها تقول الوليد عمى سكر الاغنية حرام
نضال: تعجبيني ليلين
الوليد: هيه لا تتغزل في اختي قدامي
نضال: ما تغزلنا بس حلو انها ماتسمع بالمره
الوليد : تسمع بس بدوووووووووون موسيقى
نضال: المهم ما تسمع موسيقى
الوليد: طيب اتركني أكمل
نضال: يلا
الوليد: ودخلت وكانت تغني وحضنتها من ورا و حطيت ايدي على خصرها وصرخت تفكر انه احد ثاني واصلا هي ماتحب هالحركة
نضال: هههههههههه تعجبيني ليلين
الوليد: ابو الشباب انت من اول تعجبيني تعجبيني والله لو كنت كرسي قدامك كان استحيت مني
نضال: هههههههههه مو القصد بس طلعت عفويه
ليلين: الوليد مالك دخل اطلع برا
الوليد: عيب مايصير اترككم بلحالكم مو محرم لكِ
نضال: هههههههههههههههههههههه
الوليد: خلاص والله آسف مااعيدها ورب البيت
ليلين: يا كذاب حلفت 3 مرات
الوليد: طيب كانت ثلاث حركات مره قرصتك ومره عرقلتك ومره هذي المره
ليلين: طيب اذلف
الوليد: والله ان ما اذلف حتى وتسامحييييييييييني
ليلين: طيب خلاص سامحتك اطلعوا برا قاعده اجهز الفطور
الوليد ونضال: لا ما بنطلع
الوليد ونضال: هههههههههههههههههههههههههه
ليلين: أحسن أصلاً جهزته خلاص بروح أوديه
نضال: عنك ليلين
ليلين: العفو منك سلمت أنا بوديه
الوليد: خليه يحمله ترى ثقيل
ليلين: المفروض انت مو هالمسيكين تقول هو اخوي مو انت
الوليد: طيب هو بعد أخوك
ليلين: واعز والله
الوليد: أقول اش عندكم كل واحد يتغزل بالثاني؟
نضال: ههههههههههههه انت دايم تفهمها غلط
ليلين: ايه صح مثل ما قال بعدين الوليد
الوليد: عيووونه
ليلين: انت عارف اني احب و نضال اخوووووي وبس
نضال دارت فيه الدنيا وماعاد يميز وين يروح
نضال: طيب بالاذن
ليلين: اشفيك نضال تعبان؟
نضال: لا مجرد صداع خفيف ويروح
الوليد كان عارف بكل شي بحب ليلين لولد خالها بندر وحب نضال لليلين وحب بندر لليلين عشان كذا عذر نضال وبعد ما طلع من المطبخ التفت الوليد لليلين
الوليد: انتي خبلة ولا خبلة؟
ليلين: بسم الله اشفيك؟
الوليد: يعني ما تدرين اش قلتي؟
ليلين: لا ماادري بعدين نضال مو غريب نضال منا وفينا وعادي اذا عرف
الوليد: والله انك خبله حرام عليك هذا كله ومو باين الرجال وشفيه؟
ليلين: لا مو باين غير الحب الي مقطعه في مريم
الوليد: اوهووووو انتي مره مو عايشة بالدنيا أقول يالغلا اذا فطرتي وخلصتي ابيك بالمجلس
ليلين: انزين
الوليد طلع من المطبخ وهو يتحسب على بندر وهو طلع من هنا ليلين ودت الاكل لخالاتهاووصلت خالتها فطوم من هنا
خلصت ليلين فطورها وراحت للمجالس تدور الوليد شافت فلم شد انتباهها وجلست تطالعه ومره ماخذه راحتها الا وبندر يدخل المجلس وقفت ليلين بسرعة عشان تخرج بس بندر سد الطريق عليها وكل ماتروح من جهة يسد الطريق وجلس عند الباب متربع لا قادره البنت تطلع ولا تدخل وهو علق عينه عليها بس البنت ما تجرأت ترفع عينها لأنها خجولة مره وجلس بندر يطالع فيها وأخيراً التقت عيونهم ببعض وكانت عيونه تحمل أكثر من شعور واحد تحمل الشوق والافتتان والحب والتحدي والغربة بما انه من زمان ما شافها وهي دايم تتغطى عنه وتحاول ما تكون معاه بنفس المكان بس اهي مشاعرها غير كانت مشاعر عتب وقهر وغضب مو عتب اشد من العتب بشوي كانت ناقمه على بندر توقعته انسان عفيف شريف ما عنده لعب و رجال من ظهر رجال لكنه طلع حقير شلون يتجرأ ويسد عليها الطريق وأخيراً فهمت ليلين رسالته وكانت: مثل ما تتغطين عني وتمنعيني من شوفتك وتتهربين مني وتتحجبين علي وما تحاكيني وكل الأشياء الي تسوينها عشان تبعدين عني وما تخليني أشوفك وأتمتع بشوفتك أنا بجلس هنا واتفرج فيك .. كنتي دايم تقدرين تنقذين روحك وتتهربين أو تتغطين لكن الحين لا انا الاقوى الحين ومو متحرك الين ما انا اقرر الحين لا في احد تتخبين وراه مني ولا في طرحه بمجلس رجال ولا فيه احد معنا ولا فيه احد تحتجبين عني وراه
كانت هذي رسالة بندر لليلين وليلين كانت دموعها نزلت وخلصت وحست بشعور غريب تجاه بندر غير العتب غير القهر غير الغضب يمكن بداية كره ونهاية حب ولكن الاغلب على نظراتها كان نظراااات العـــــــــتـــــــــــــــــب
وفي هذي اللحظة دخل الوليد ومعاه نضال
الوليد ما تحمل الموقف وعصب وحمر وجهه من التعصيب ماكان معصب من أخته لأنه داري انها طاهرة ومو لهالحركات كان معصب على بندر الكلب شلون يدخل المجلس وهو داري انه ليلين موجودة؟ وحتى لو فرضنا انه ما يدري شلون يجلس وماينسحب بهدوء واعتذار وكان معصب لان صديق عمره وخويه وحبيبه نضال جالس يتعذب ويتقطع مليون مره في الثانيه على هذا المنظر وهو بعد داري ان ليلين بريئة من الموضوع وناقم على بندر انه يجلس ويسد عليها الطريق ومايسمحلها بالخروج

تتوقعون اش بتكون ردة فعل الوليد ونضال؟
يا ترى شلون بتكون مشاعر ليلين تجاه بندر بعد الموقف؟
الوليد يدري ان نضال متأكد من ان ليلين مالها دخل بالسالفة لكن بيحاول يكلمه بالموضوع أو لا؟
نضال بيحاول يكلم ليلين أو لا؟
ليلين بطلتنا بتحاول تشرح الموقف ولا عيون الوليد ونضال بتخليها تتأكد إنها براااااءة بنظرهم؟
تابعوا الجزء الثاني من (بعض القلوب مسكره الله يبيح سدها )
وتقبلوا تحيات كاتبتكم المتواضعة (ذكريات عاشقة الريم) و (الخجل كله أنا)

التعديل الأخير تم بواسطة ذكريات عاشقة الريم ; 29-05-08 الساعة 02:27 PM