لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-08-10, 09:58 PM   المشاركة رقم: 16
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

[..الجـزء الرابـع عشـر..]

مر اسبوع ثالث..وبقى اسبوع عالرجعة لـ لندن..الدكتور.سعد بدا بمعالجة المشكلة الرئيسية اللي عقدت حياة الرزان..
واللي كانت متكتمة عليها..لكن لما ابتدا الموضوع فتحت كل الجروح وبصراحة..
الأغتــصاب والتحرش الجنـســي..دمر حياتها..تسبب بحرقة قلب ابوها عليها وموته..
وخلى امها تنظر لها باحتقار!!مع انها ماتسببت بهالشي لنفسها!!..دمرها ذاتياً فكرهت نفسها واللي حولها..
ببساطة دمـرها وقضــى عليها كليــاً..
...
الأربعاء..10/1/1430..7/1/2009
...
السـاعة9:20 مساءً،
...
كانوا قاعدين بينهم وساكتين..والسوالف ماخذتهم عن هذا وذاك..وهاذي وذيك..فلانة وفلان..علانة وعلان..
وهي حاطة ايدها على خدها ومستندة عالكنب و في دنيا ثانية..والود ودها تقوم لغرفتها مع هالغبية بلا هالغباء!!..
و دخل هو..بنات خالاتها بس قطوا الشيلة على شعرهم وماتحركوا!!..
التفتت على اللي جنبها واللي فقعت مرارتها..انتظرتها تعلق بشي!!..لكن هي بعد بدنيا ثانية!!..
:احم احم،يمـا!
:هـلا فـارس هلاحبيبي،حياك حياك مافي احد غريب خالاتك وبنات خالاتك
فـارس..انقهر(لا فعلاً مافي احد غريب!!) ولا دخل بالعكس رجع على ورا:يمـا بغيتج شوي
منيرة:مافي احد غريب،حتى مرتك هنا
رفعت راسها لما انتبهت شالسالفة!!،
أي مرته!!..واي خراط!!..الله يقطعني يوم فكرت اطب بيتكم..الله يسامحج ياهنادي على بالج بتفرحني هالعزيمة!!،..
فـارس..تفاجأ(أي مرة ذي!!..صج خبل يافارس كم وحدة تزوجت انت!!..بعدين ماتعودنا بسم الله تونا مملكين امس!!..وش جابها!اكيد هنادي..يلا انا مالي دخل):يمـا ابيج ضروري
قامت امه وراحت له..
هنادي..مسكت الرزان:قومي سلمي
الرزان..طالعتها:شالمناسبة!!
هنادي:زوجج مالها داعي المناسبات!
الرزان..التفتت الجهة الثانية:تونا امس،وهنادي!..رجعت التفتت عليه..رجاءً من الحين اقولج، لا تحاولين تصلحين الاوضاع او تقربين بينا،لا انا ابي ولا هو يبي كذا الكل يظل مرتاح
هنادي:مرتاح هـا!،انتوا بتجيبون لي المرارة وبتبطون كبدي!!ومرة وحدة بتفجرون قولوني!!
الرزان..ابتسمت:بسم الله عليج
هنادي:مشكورة،طيب عشان المجاملات الاجتماعية قومي سلمي
الرزان:عيوني بكرا الحفلة وبنسلم على بعض لين ماتشبعين
هنادي:والزواج الخميس الجاي
الرزان..ابتسمت:وهكذا بنسلم على بعض اكثر من اللازم!
هنادي..شدت ملابسها:بتذبحيني
الرزان:قلتلج لاتحاولين وتتعبين نفسج!!
هنادي..وقفت:وهو كذلك..ومسكتها..قومي الحين معاي
الرزان:وين!!
هنادي:الغرفة
الرزان..وقفت:اوكـي..ومشت وياها بس شافت طريقها غير..انتي وين بتروحين هناك الدرج ولا انا عميا!!
هنادي..مسكتها بقوة:انا بسوي اللي ابيه بدون مااحاول استشيرج،لاني بتعب!
الرزان..استوعبت:هنادي!،الله يخليج لا
هنادي:تبين اسويلج فضيحة واجرج قدام الخلق ماعندي مانع!!
الرزان:هنادي لاتصيرين نذلة؟!
هنادي:وانتي لاتصيرين قليلة ذوق!!،اشدعوى عليج كله سلام
الرزان..ماقدرت تتركها وتروح بعيد بسرعة اولا هي بين ناس وعالم وثانيا عكازها مايساعد!:هنـادي!
انفتح باب المدخل..ودخلت امها..
منيرة:انتوا هنا!،جاية تسلمين الرزان
الرزان..تفشلت فهزت راسها"أي"..
منيرة..طالعتها بنظرة غريبة:ترا بيروح
هنادي..فتحت الباب:انا بناديه..والتفتت شافته واقف عند المراجيح..فــارس..انتبه لها..تعال ابيك
امها تركتهم وراحت وهي تخز الرزان ومو بالعتها!!..
الرزان اضطرت تتحرك بصعوبة وتوقف جنب هنادي..فارس تفاجأ فيها،
لاوالله تطورات طالعة تسلمين!!..يمكن يكون عندج ذوق في النهاية،..
الرزان..ماهمها فعلاً(احلى المشاعر..هي البرودة..لا حرارة الكره ولا حرارة الحب..البرودة حلوة تجمد القلب..وتمنح شعور الرضا دائماً..لازعل يحرق الاعصاب..ولا بعد يعذب القلب...)قاطعت افكارها:السـلام عليكم
فارس..(ارتحت لسياسة البرود..مريحة جداً..مافيها نفاق مشاعر ومجاملات..مافيها كذب فعلاً..و هذا اكثر شي ينفع لنا احنا الاثنين):وعليكم السلام
الرزان:شالأخبار؟؟
فارس:الحمدلله بخير،وانتي شخبارج؟؟
الرزان..(الله يفشلني..امس فشلت نفسي لما قعدت اصرخ!!):الحمدلله،كنت احسن
فارس..(ههههههه..اشك والله..قال كنت احسن!..متى بالله!كنتي احسن!!..وانتي طول الوقت غرقانة بالهم!)طالع ساعته:ان شاء الله تتحسنين،عن اذنكم تأخرت على موعد مهم
الرزان:See u
فارس..ابتسم وفيه الضحكة:بكرا ان شاء الله،تصبحون على خير
هنادي+الرزان:تلاقي الخير
وراح ورتكهم بعدين ركض لسيارته الـ"الموستنج" السودا..
الرزان..طالعت المراجيح:هنادي تدفيني في المراجيح!!
هنادي..ضحكت:عشانج شطورة وتسمعين الكلام بدفج،واكسرج عادي عندي
الرزان..ضحكت:دبـة،ناقصة تكسر!!
هنادي..ضحكت:ماني قادرة اتصور شلون بتطلعين وتمشين بكرا!!
الرزان:مو صعبة لهالدرجة!وبعدين رجلي الحمدلله خفت كثير،الحمدلله انه التواء مو كسر ولا كنت رحت فيها،بس بكرا اللي بيوصلني للكوشة بيسندني،وانحلت
هنادي..ضحكت:الحــالة صعبة،ههههههههههههه
الرزان..ضحكت:مالت عليج انزين
هنادي:يـلا بس نروح غرفتي بـلا جلستهم اللي تجيب الهم
الرزان:احس مالنا داعي،يعني اروح وياج واتركهم عيب عليّ
هنادي:ياشيخة،انا اللي عزمتج مالهم خص،خليهم ينقهرون
الرزان..ابتسمت:ماعندج سالفة،طيب والمراجيح؟؟
هنادي..ابتسمت:انتي اللي ماعندج سالفة يــلا بس،المراجيح خليها بعدين لما يفضى لنا الجو
الرزان:براحتج
وراحوا جلسوا بغرفة هنادي..الى مانادوهم للعشا ونزلوا تعشوا ورجعوا صعدوا للغرفة..
الرزان..طالعت ساعتها:وي الساعة12 الا ثلث!!
هنادي:واذا؟؟
الرزان:امي عطتني للساعة 11 بس،ياربي انا مو ناقصة تهزيء كافي النفسية زفت
هنادي:استريحي بس تو الناس!
الرزان:أي تو الناس يالهبلة!،المشكلة خالد عنده مشاوير مهمة وقال لي اذا خلص بيكلمني
هنادي:مشاوير وماخلصت للحين!!،طيب انتظري ساعة بعد بعدين دقي عليه
الرزان:لا لا
هنادي:يـلا بس،وامشي ننزل مو كنتي تبين المراجيح!،الحين كلهم راحوا خلينا ننزل
الرزان..فكرت:مادري اخاف اتورط ويا امي!!
هنادي:لا تشيلين هم،يـلا قومي
الرزان..شالت اغراضها كلها:بنزل اغراضي معاي مرة وحدة
هنادي..اخذتهم:هاتيهم انتي شيلي عمرج بس
الرزان..ضحكت:دبــة
هنادي..ضحكت:فكينـا زين،ترا عقدتيني وبديت اشك اني دبة فعلاً!!
الرزان..ضحكت:امزح معاج،دبــة
ونزلوا وقعدت هنادي تدف الرزان بالمرجيحة..
هنادي..جلست عالمرجيحة الثانية:وشو ذا! انا ابي بعد اركب!!
الرزان..ضحكت:مو ذنبي والله اني متكسرة!!
هنادي..ضحكت:مسكينة،طيب مو لازم تدفيني غني لي
الرزان:تامرين امر،وش اغني لج؟؟
هنادي:"ويـلاه" اكيد
الرزان:ياربي منج!،يـلا ويلاه ويلاه كيفج
{ويـلاه ضاق الصدر وماذكرني يسأل عليّ ويـلاه
نسّاه طول الهجر ولا الصبر من قسوته قسّـاه
* * *
ماصار مني خطا غير العطا والتضحية ماصـار
جبار يهالزمن ماتنضمن فيك البشر جبـار
* * *
حنيت لاحساسنا و وصلنا من كثر ماحنيـت
حسيـت ان الوصل يمكن حصل لكني ماحسيـت
....}
:هـاي انتوا،وش تسوون برا بهالوقت؟؟
التفتوا وتفاجأو بفـارس..
هنادي:ابد نلعب،الحمدلله جا احد يدفني،تعال دفني بليز
الرزان..عطتها نظرة..
فـارس:حلفي!،في هالبرد،ادخلوا بس لاتمرضون،مو ناقصين مكسرين ومرضى
الرزان..فهمت التلميح(سخافة!..مو قاعدة على قلبك انا!!):هنادي بس خلاص،انا بدق على خالد الحين يجي،شوفي الساعة كم صارت!!
هنادي..طالعت ساعتها:12 وعشر!،يوه ياربي راح الوقت بسرعة،تعال انت دفني بس مالك شغل نمرض نتكسر احنا حرين بانفسنا،بعدين هذا مايسمونه برد هذا ربيع بالنسبة لبرد لندن
فـارس:ياكشخة ياللي تستحمل البرد!،طيب بدفج بس شوي
هنادي:انت اخلص وتعال بس
فـارس جا ووقف بالنص بين المرجيحتين..كان بيدف الرزان بعد..
الرزان..بدون ماتلتفت عليه:لاتدفني انا بقوم
هنادي:وين رايحة!،اهبطي مكانج
الرزان:بروح اكلم خالد
هنادي:بتقولين له سر يعني! كلمي هنا!
الرزان..قامت بصعوبة:لا بروح اكلمه بعيد
وراحت..
فـارس:حالات نفسية صديقتج هاذي!!
هنادي..ضحكت:بس هي!،تعال وش صار امس عند الدكتور عجزت وانا احاول اجر منها الكلام!!
فـارس..ضحك:اذا هي ماقالت لج مايحق لي اقولج
هنادي:ياشيخ توك تقول انها حالات نفسية؟،يعني يمكن انتظر شهر لين ماتقول
فـارس..ضحك:اللقافة اللي فيج بتذبحج في يوم!،مالي دخل صبري
هنادي:مالت عليـك..كانت تراقب الرزان..وش سويت على الحفلة بكرا؟رتبت كل شي؟؟
فـارس:أي الحمدلله،كل شي تمام وزي ماتبين
هنادي..ضحكت:الحمدلله،امي وش قالت لك؟!
فـارس..ضحك:بغت تاكلني،شلون تخلي اختك البزرة هي اللي تختار يعني في انا وفي خواتك ماراح يقصرون بعد،وعجزت لين مااقنعتها وبالأخير قالت بكيفكم بس ياويلكم تفشلوني قدام الناس اللي بيجون
هنادي:الحمدلله سكتت..طالعت الرزان..انا اموت واعرف وش تقول!!ساعة عشان تقوله يجي!! وضحك بعد!!
فـارس..توه انتبه وطالع الرزان وضحك:تغارين من خالها!!
هنادي..طالعت فيه وهي رافعة حاجب:تغارين من خالها!،مو مفروض انت اللي تغار!
فـارس..ضحك:انـا!،علاقتنا ابداً ماراح تكون بهالطريقة،ومافرقت معايso I don't care
هنادي:اففف منكم..وطالعت الرزان..بس تدري صج اغار من خالها احسها مرة قريبة منه زيادة عن اللزوم،وبنت خالها بعد،واخوها طلال بعد
فـارس..ضحك:الله يعينج على نفسج
هنادي:ياخي صديقتي لازم اغار اذا كانت علاقتها باحد ثاني اقوى من علاقتي معاها
فـارس:اول مرة اشوفج تتكلمين عن وحدة من صديقاتج بهالطريقة!!
هنادي:تمزح!،مارضى تقارنها بباقي صديقاتي،هذولك علاقتي فيهم سطحية سخيفة،اما علاقتي بالرزان قوية انا اتعلم منها اشياء وهي تتعلم مني،اول مرة احس اني في احد ياخذ من اطباعي شي ويتعلم مني!!
والرزان اللي كانت تكلم..
الرزان:يعني بتجي ولا لا؟
خالد:وانا اقدر مااجي واترك قلب خالد!،مسكين قلب خالد تعبان ومريض متى بيتشافى ياربي تعبت ترا
الرزان..ضحكت:صج مصاخة،ماندري خلك صبور وان شاء الله بعد اسبوعين ثلاثة يتشافى
خالد..ضحك:وا عليّا على قلبي،مسكين
الرزان..ضحكت:اخلص بس وتعال بسرعة
خالد..ضحك:تدرين امج بتسويلج سالفة،شلون قاعدة ببيت اهل زوجج للحين!!عيب مايصير
الرزان..ضحكت:انا قاعدة مع اخته مو قاعدة معاه!
خالد..ضحك:بس ماتدرين انتي شلون الناس تفكر،مابيج تطبين بيتهم الا بعد الزواج
الرزان..ضحكت:لحظة هذا كلام امي ولا كلامك؟!بديت اشك!!،ههههههههههههه
خالد..ضحك:انا بريء هذا كلامها
الرزان..ابتسمت:فلسفة!،خلصني وتعال بسرعة بليــز
خالد:ترجيني شوي بعد
الرزان..ضحكت:ماتنعطى وجه
خالد..ضحك:بعـد!،يـلا استريحي مكانج ماني جاي
الرزان..ضحكت:آسفيــن خالد باشا،بليــز يقبل تأسفات مال احنا
خالد..ضحك:وشو ذا!!هنود ولا خواجات!!
الرزان..ضحكت:مابين البينين،يـلا بتخسرني
خالد..ابتسم:طول عمرج بخيلة،يـلا جاي،مع السلامة
الرزان:مع السـلامة
سكرت والتفتت تطالع جهة هنادي وفـارس..كان جالس عالمرجيحة الثانية ويتحرك ويحرك هنادي معاه،
ياربي..مالي خلق اجلس معاه..مالي خلق اسولف معاه..اففف كلش مو شي!!
،تحركت وهي مضطرة تروح تجلس معاهم..راحت وجلست على كرسي مقابلهم..
هنادي:خلصت المكالمة وأخيراً مع حبيب القلب!!
الرزان:خيــر؟!
هنادي:بيجـي؟
الرزان..رفعت حاجب:مين؟
هنادي:حبيب القلب خلودي!
الرزان..ابتسمت:أي نعم،بس انتي ليش متنرفزة؟؟
هنادي:ابداً كان في ذبانة تحوم حوالينا
الرزان:اهــا ذبـانة!!
وسرحت الرزان بعيد عنهم،
هالأسبوع كان يقرف..وضغط على الأعصاب بقوة..والنفسية زفت من صج..واهم شي تحليلات الدكتور سعد..ولا حلوله اللي بتجيب لي جلطة قلبية!!..بس اتذكر يوم الأحد..كان الموعد المعتاد الساعة4:45..دخلت المكتب وتفاجأت بـ الأستاذ فارس جالس على كنبة مع الدكتور!!..وقفت مكاني وماتحركت للداخل..
سعد..التفت عليّ:الرزان!،حياج دخلي ليش واقفة!!
انا..طبعاً انا مصدومة فما تحركت من مكاني!!
سعد..قـام وجا عندي وبصوت واطي:مصدومة!!،اسمعيني بما ان فـارس يعني راح يصير زوجج فأنا فضلت انه يبدا يحضر معانا جزأ من الجلسة عشان يكون على اطلاع على مشكلتج
انا..انصدمت اكثر ورجعت على ورا:وشـو؟؟،لا طبعاً مستحيل
سعد:هـدي واسمعيني عدل،هو بالنهاية لازم يعرف عشان يساعدج ويكون فاهم الوضع
انا..التفت بروح:انسـى الموضوع،انا دريت اني فتحت على نفسي باب
سعد:وين!،لا مافي شي اسمه انسى الموضوع،هاذي اكبر مشكلة عندج،واذا عالجنها قدرنا نعالج بقيت التعقيدات بسهولة
انا:واللي تقولك ماتبي تعالج شي في وجود هالأنسان،افهمني انا ماقدر اتكلم عن الموضوع بسهولة،ويصير في وجوده بعد!!
سعد:ذكري الله،وافهمي انتي انه لازم يعرف ،راح تكون حياتكم اسهل لما يعرف،راح يكون تقبله لشروطج اللي انتي تبينها اسهل اذا فهم السبب
انا:هو راح يقبل غصباً عنه مو بكيفه
سعد..ابتسم:من البداية غصباً عنه!!،الحين بتدخلين ولا شلون؟!
انا..شفت نفسي بورطة هو معاه حق في ان حياتي راح تكون اسهل اذا درى..بس صعب صعب مرة اقدر اكون بهالانفتاح قدامه:مع خالي،ابي خالد معاي
سعد..ابتسم:اذا هذا اللي يريحج مافي مانع
طبعاً استغرب خالي من طلبي..بس تفهم..دخل قبل الدكتور سعد و وراه خالد وانا آخر وحدة ..جلست انا وخالد على كنبتي..امون عالكنبة ههههه.. وقدامنا على كنبتين الدكتور وفـارس.. طبعاً انا وافقت بشرط ثاني بعد..يقول له الدكتور عن القصة ومافيها قبل لا ادخل..فطبعاً فـارس كان مبين على ملامحه الصدمة اول مادخلنا..لكن سرعان ماتحول وجهه بدون أي تعبير..كالعادة! ..طبعاً انا مختبصة متوترة كحالتي كل يوم..عـادي وطبيعي!..لان الأمر لما يجي لسالفة انا ومشاكلي اللي ماتخلص احس بضيقة مو طبيعية..طبعاً الدكتور قبل جلستي يجهز علبة مناديل جديدة..لان الصياح اللي كتمته بقلبي سنين وسنين يطلع فجأة..وهذا بعد شي معتاد!..لما بدا الدكتور اقصد سعد..مابلعت اني اناديه سعد للحين!..بدا يتكلم ماكنت اسمع فعلاً..كانت اذني تسمع بس ماتعي وتفهم فعلاً شالسالفة!!..خالد مسك يدي ينبهي لانه انتبه اني مو مستوعبة.. رفعت راسي له بعدين ركزت على سعد و وش يقول!..



سعد..ابتسم ابتسامة التفهم اللي تقهرني!!:بما ان فارس عرف الموضوع ومافيه،احنا الحين نبي نشوف لازم نشوف طريقة تسهل عليكم حياتكم
انا بديت اختنق مادري ليش.. بس ها السبب الرئيسي اللي يخليني دايماً اكشف لاني اذا بديت اتضايق اختنق بقوة وهنا احنا نتكلم عن امور خاصة "مو بس خاصة الا اكثر من خاصة"..فصخت النقاب ويدي ترتجف واخذت نفس..
سعد..ابتسم:مـاي؟
وعطاني خالد كاس الماي بابتسامة التفهم..اكره هالأبتسامة احسها ابتسامة شفقة كانهم يقولون في خاطرهم مسكينة!..الى آخره مضت الجلسة في الكلام اللي تقلب وجهي الوان منه..الله لايحط احد مكاني..بين ثلاث رجال "واحد منهم يمون ويعرف كل صغيرة وكبيرة" ويتكلمون عن.....رحنا وطي..الى الآن مو مستوعبة شلون مرت هالجلسة وجات الجلسة اللي بعدها واللي بعدها امس.. ملكنا انا والأستاذ بعد صلاة الظهر..وكان تعجيل الملكة بسبب الجلسات لان الدكتور سعد كان يبينا ناخذ راحتنا اكثر..واهم شي لازم اتعود على اني اسلم عليه واجلس جنبه والى آخره..انا طاح قلبي لما دخل المكتب وقعد على كنبتي وانا اعرف اني مضطرة اشاركه فيها!!..طبعاً جا بعد فترة لان كان بداية الجلسة كانت لي لحالي..اول شي اضطريت اني امد يدي واسلم..وهذا الفعل تطلب مشقة مو طبيعية..لما جلس حسيت ان الكنبة فجأة صارت صغيرة!!..كان عكس خالد عريض صح نحيف ورشيق ماشاء الله بس عريض..ومثل خالد طويل طويل اقدر طوله بـ 187!!او189 شي زي كذا..انا انكمشت على نفسي في طرف كنبتي..طبعاً بديت اسرح شوي شوي واروح في عالم ثاني..حسيت بيد كبيرة مسكت يدي فانتفضت..والتفت طبعاً كانت يد فارس..مين بيكون غيره!..سحبت يدي بقوة ووقفت..
انا..معصبة:رجاءً لاتلمسني مرة ثانية بدون تنبيه..التفت على الدكتور سعد..انتوا تبون تجلطوني اليوم!ولا وشو!!،انا مااتحمل كل هذا دفعة وحدة...
سعد..قاطعني:الرزان،اهدي شوي
انا..هاجمته:لاتقاطعني،افهمني ماقدر اتحمل اكثر،يكفي سكت امس وقبله وقبله،انا مو جبل، انت مو ملاحظ انت مو قاعد تساعدني..وبدت دموعي تهل..انت قاعد تزيد اللي فيني، الاستاذ من جهة..والتفت لفـارس..يحس بالشفقة عليّ متعاطف معاي،انا اكره هالشفقة والتعاطف ومااحتاجهم اوكي،انا اقولها اليوم عشان كلكم تفهمونها..تخليت عن خجلي وتمسكت بالصراحة.. ماراح تكون علاقتنا بذاك الشكل أبداً هذا مستحيل..التفت على الدكتور سعد..سواء عالجنا مشكلتي او ماعالجناها..رجعت التفت على فـارس..حبيت ولا ماحبيت انت حر،تبي نفسخ الملكة فسخنها ماعندي مانع أبداً،و كمشاعر،انا ماعترف بالحب ولا بالكره،الحب عاطفة مبالغ فيها،والكره نفس الشي،انا اتعامل مع الناس بدبلوماسية،ببساطة ببرود،لا احبهم ولا اكرههم،يعجبوني او مايعجبوني واحد،مايفرق معاي،فــهــمـت
فارس..مادري ليش كان فيه الضحكة!:تمـاماً
الدكتور سعد:لا مافهم،هذا مو منطق مو تفكير!!،انتي شلون بتفكين التعقيد اذا بقيتي كذا
انا..شلت شنطتي ونقابي ومشيت للباب:انا ممكن افك كل الخيوط المتعقدة في حياتي،الا الخيط اللي يتعلق بالذكور
وطلعت وتركت الباب مفتوح وراي ورحت..طبعاً اليوم كانت جلسة ثانية ومعاناة ثانية مع الاستاذ فارس..يبدو انهم مااستسلموا..اليوم كان في شي مو طبيعي!!..جلسنا على كنبتي ولصق فيني!!.. انا وخرت ولصقت بطرف كنبتي..وهو قرب اكثر!!..كان ودي اقوم اكفخه بس مادري ليش حسيت ان مابيدي شي!!..وكان موضوع النقاش شي ثاني مايتعلق بمأساة الأيام الماضية!!..كان عن ابوي!!فما شفت ان وجوده له داعي!!..خالد عطاني خبر ان الدكتور يبيني اجيب صور لأبوي واي شي كتبته يتعلق فيه واي اغراض له..استهلينا الجلسة..
سعد:كلميني عن ابوج؟؟
انا..كنت مأجلة هالجلسة وماودي تجي ابد ويوم جات تكون بوجود فـارس!!:وش اقـول؟؟
سعد:كل شي،اللي في خاطرج قوليه
انا..اخذت نفس:ابوي هو قدوتي في الحياة،كنت اشوف فيه العالم بكبره ومن خلاله اشوف العالم بعد،انا مو اصغر وحدة من اخواني بعدي كان في بنت سموها روان،بس انها توفت لما كان عمرها سنة وكان عمري اربع سنين،هي كانت مريضة وكان الكل متوقع هالشي،امي اثر فيها هالشي مرة واهملتنا كلنا من بعد وفاتها،ابوي دلعني انا لاني الاصغر،كنت انا الغالية والمدللة كان بس يطلعني انا ويوديني ويجيبني ويشتري لي،الكل كان يغار مني و يحسدوني على هالدلع، وانا حبيت هالدلع اكيد فكنت اتأمر ودايماً اخليه يطلعني انا وطلال وفيصل وشاكر،طبعاً اللي ماحسدني على هالدلع طلال لاني كنت آخذه معاي بكل مكان اروحه،طبعاً ابوي مااهتم زي امي بدفاشتي وبتصرفاتي الولادية على قولة امي ومادقق على هالشي،كان يسعده انه ياخذني مع فيصل وشاكر نروح نلعب كورة بحديقتنا المفضلة،بس هو من جهة دللني وامي من جهة حطمتني..سكت شوي..كان يحبني اكثر من أي احد ثاني،كان يفتخر فيني بشكل مو طبيعي،علاماتي بالمدرسة كان يقولها لكل اللي يشوفهم،كان يقول لجارنا بو عبدالعزيز لما اخذت الأولى في خامس ابتدائي بنتي الرزان جابت الأولى 100 بالـ100 بنتي جابت ماشاء الله عليها،كنت بخامس ابتدائي بس وكان فخور فيني لهالدرجة،كان يساعدني في الدراسة ويشجعني دايماً كانت الدراسة مهمة بالنسبة له مرة لانه ماخذ ماجستير في علم الاجتماع،كان حماسه وتشجيعه لي هو اللي خلاني اشد حيلي واتفوق دايماً،كان مايحب الفشل وصرت مثله،كان يحب الصراحة والصدق وصرت مثله، يمكن في كل شي كان يحبه ويسويه صرت مثله..وخنقتني العبرة..بس انا متأكدة ماكان يحب اني اكون بهالحالة،كان يكره الاستسلام وان الواحد يقول هذا واقعي وماقدر اغيره،وانا سويت هالشي كثير
..طاحت مني دمعة يتيمة وحيدة تشبهني..بعد ثاني حادثة بنفس اليوم جاته جلطة بالقلب ،مااستحمل ان الامر يتكرر مرة ثانية،ماقدر يستوعب ان بنته دلوعته يصير فيها هالشي مرتين،بعد الجلطة تغير،كان قبلها قوي وعنده حيوية فظيعة يحب يمشي ويتحرك ويركض ويلعب معاي وبعدها صار تعبان على طول ومافيه حيوية وقوة مايقدر يركض ويلعب،كانت عيونه تلمع ووجه ينور بالابتسامة و صارت عيونه مظلمة ووجه عابس ومتألم،كان بس يتكلم ويحكي لنا سوالفه العجيبة ويضحك معانا وصار جالس يطالعنا ومايتكلم ويكتفي بابتسامة مو من قلبه،وكانه صار انا الثانية!!،بعد ماتعافى شوي من الجلطة كلم امي وقالها لازم البنت تروح لدكتور نفسي امي رفضت وقالت وش تقول الناس بنتهم استخفت وقال هي بتستخف اذا تركناها كذا قالت امي هي اللي جابته لنفسها ياما قلت لها لاتطلعين مع الاولاد لاتلعبين بالشارع ماسمعت مني،ابوي حاول وحاول مع امي مارضت،كلم جدي وخالي ابراهيم وكلموها بس مااقتنعت،بعدها حلف ابوي عليها بالطلاق فماكان قدامها حل غير انها توافق،طبعاً امي كبر حقدها عليّ من يومها،وداني ابوي لدكتور وانا بس بدا يتكلم ويسألني وعلى وجهه ابتسامة مابلعتها،قمت من مكاني وطلعت ابوي لحقني وقلت له مابي الدكتور طبعاً ابوي فهم انه قرار واتخذته ومهما حاول ماراح يغير شي بالعكس كان راح يزيد الامر سوء،وزاد الامر سوءاً بدون شي،حاول يقرب ابوي مني يفهمني اكثر يسولف معاي يطلعني من قوقعتي اللي اخذت ركن فيها واحطت نفسي بفقاعة ماقدر هو يخترقها ماقدر يهدم الجدران اللي بنيتها حولي حاول بكل الطرق ماقدر،وانا بعد ماقدرت اتواصل مع احد،تضايق اكثر وماصار يقعد بالبيت وصار مابينه وبين الكل مسافات،ماعاد بيتنا كله زي قبل،كنا شي وصرنا شي ثاني،ابوي تحطم بسببي..طاحت دموعي ورا دمعتي اليتيمة..بسببي انا تغير كره الدنيا ومافيها بسببي، احياناً احس انه كرهني انا بعد!،في اليوم اللي كملت فيه 13 سنة مادري وش صار فيني ذاك اليوم،جاتني حالة مو طبيعية صرخت وصحت،ببداية اليوم امي اصرت اني اروح مع بنت خالي مع السواق نجيب لها اغراض وعصبت وسوت سالفة،انا اضطريت اسمع الكلام بس بمجرد ماركبت السيارة وتسكرت الابواب انهارت القوة اللي كنت اتظاهر فيها وزاد الامر التفات السواق يشوف وش السالفة لما صرخت وقلت افتح الباب!،فتحت الباب ونزلت ركض لغرفتي وكنت زي المجنونة اصرخ واصيح واضرب أي احد يقرب مني،امي ماقصرت جات وعطتني كف محترم على بالها بيسكتني لكن زاد الامر سوءاً وجاتني هستيريا وكسرت الغرفة تكسير فضربتني مرة ثانية وثالثة،ابوي جا بسرعة من شغله لما اتصل عليه طلال وهو خايف،و اتصل على خالد بعد،ابوي ماقدر يتحمل وراحت كل قوته صرخ على طلال وخالد عشان يمسكوني ويمسكون امي حاولوا بس ماقدروا،وانا استسلمت لضرب امي،اللي ماوقفت الا لما سمعنا طيحة قوية،التفتنا كان ابوي طايح،وبالزحمة والازعاج انا ماقدرت اتحرك ولا اقوم من مكاني،لحظات وثواني ولفظ انفاسه الأخيرة وهو يتشهد،صراخ وصياح شل سمعي،كنت في حالة ضياع وتشوش بعدها وماحسيت بنفسي الا ثالث يوم العزا وانا طالعة ركض برا البيت..انهارت اعصابي وانهالت دموعي سيول وانهار جارفة..الى اليوم وانا احس اني السبب،ماقدر اتخيل شلون خذلته وضيعت كل محاولاته عشان يساعدني،انا كنت سبب وفاته..دفنت راسي بين ايديني..كان ودي يكون جنبي بكل لحظة بحياتي،ماكانت ابيه يفارقني ابد،راح وراحت معاه روحي،حسيت اني روحي طلعت مع روحه،وان انفاسي اختفت مع انفاسه بذيك اللحظة،الى
اليوم احس اني مو عايشة فعلاً لاني ماقدر اعيش بدونه...
،حطت راسها بين ايدينها بهاللحظة..هنادي استغربت..
هنادي:الرزان!،الـو يافتاة!!..قامت وقربت منها..الرزان!!،اشفيج!!
الرزان..تو انتبهت لها ورفعت راسها:هـلا!،سوري ماكنت معاج!وشو؟؟
هنادي..ابتسمت:سلامتج،كنت اسأل اشفيج!!
الرزان..ابتسمت والحزن يعصر قلبها:ابد سلامتج مافيني شي،بس شوية تعب وارهاق
هنادي:ماتشوفين شر،مصدعة اجيب لج بنادول؟؟
الرزان:لا ماله داعي
هنادي..جلست جنبها وحطت ايدها حول كتوفها:شالسالفة صار لج ساعة سرحانة!!
الرزان:ساعة!،أي صح كم الساعة؟..طالعت ساعتها..ياويلي صارت الساعة 1 الا ربع!!،امي بتذبحني بتذبحني..دمعت عينها من الضيق اللي فيها..يــاربي
هنادي:اشفيج الرزان!،حياتي هونيها وتهون،لاتضايقين عمرج عالفاضي
الرزان..همست:انتي مو فاهمة هي وش بتفكر وش بتظن،بتذبحني بتشرب من دمي
هنادي..همست:لاتصيرين سخيفة ماظنها بتفكر كذا!
الرزان..همست:ماتعرفين امي زي مااعرفها،بيروح بالها لبعيد،الله يسامحك ياخالد..طلعت جوالها ودقت عليه..ياربي رد بسرعة،الـو
خالد..رد بسرعة:هـلا،ادري تأخرت آسف وحقج عليّ بس العلل مسوين تفتيش من الفضاوة وعطلونا نص ساعة!
الرزان:خالد امي بتذبحني بتذبحني
خالد:تستريح،ماراح تمد يدها عليج وانا موجود،ماعليج منها انا بكلمها رضت ولا مارضت هي حرة،بس ماراح تمد يدها عليج
الرزان:لو منعتها اليوم وبكرا مابتقدر تمنعها بعدين،ويكفي اللي بتفكر فيه
خالد..فهم عليها:خـليها تقول كلمة،ومايحصل لها طيب
الرزان:خــالد!
خالد..ابتسم:ياقلب خالد انتي،يخسى احد يقول عن قلبي كلمة شينة واسكت له
الرزان..همست:هاذي اختك الكبيرة،واظن اننا تكلمنا بالموضوع من قبل
خالد:يوه منج،يعني اسكت لها اذا قالت كلام،لا وربي اللي خلقني مااسكت لها،اختي الكبيرة على عيني وراسي بس لما تخورها يبيلها احد يوقفها عند حدها
الرزان:طيب طيب بدون فلسفة الحين،تعال بسرعة،بس مو لاتسرع مرة
خالد..ضحك:ياقلب خالد والله،ادري تخافين عليّ
الرزان..ابتسمت:استريح..همست..وانا من لي غيرك بهالدنيا عشان اخاف عليه
خالد..ضحك:ياقلبي،شوفي انا عشان هالكلام بسرع 200
الرزان:احلف!،اقول ياويلك والله لو تسويها
خالد..ضحك:امزح،طيب 160 بس
الرزان:خـالد!
خالد..ضحك:ضفي وجهج الحين ياقلب خالد
الرزان..ابتسمت:مع السلامة
خالد:مع السلامة
وسكر..
هنادي..همست:قلب خالد هـا!،والله خالج هذا مو صاحي ابد!!
الرزان:هـاي انتي لاتغلطين على خالي
هنادي..سوت نفسها زعلانة وبعدت عنها:كذا عشان خالج تهزأيني
الرزان:انتي تحطين نفسج في وضع حرج لما تتكلمين عنه شسوي لج!
هنادي..تنرفزت:الــرزان!!
الرزان:هـلا!
هنادي:ذلفي عن وجهي اوكي
الرزان..رفعت حواجبها:وشــو؟!!
هنادي:انا زعلانة منج
الرزان..ابتسمت:وا قردي!وليش؟
هنادي..لفت الجهة الثانية:بس مزاج

فـارس..قام وهو يضحك:قلــة عقل،وسخـافة والله
هنادي..لفت عليه وخزته:انت اللي قليل عقل وسخيف،انزين
فـارس..ضحك:مع السـلامة،يـالخبلات
هنادي:الله لايسلم عدوك انزين
فـارس..ضحك اكثر وراح:تصبحين على خير
وركب سيارته ومشى..
الرزان:وين رايح هذا؟
هنادي..طالعتها من طرف عينها ورجعت لفت:بيته يعني وين
الرزان..استغربت:بيـته!!
هنادي..وقفت:انا مااكلمج اوكي
الرزان..مسكتها:تعالي بس بلا دلع،يرضيج تتركيني لحالي بهالليل!!
هنادي..جلست:مشكلة قلبي حنون وطيب
الرزان..ابتسمت:تسلم لي الحنية والطيبة اللي فيج تكفي بلد،الله لايحرمني منها
هنادي..ابتسمت:يالمصلحجية،مشكلتي اخق بسرعة
الرزان..ضمتها:تدرين انج غالية عليّ مرة
هنادي:بـاين
الرزان..ابتسمت:دبـة والله انج غالية كثير
هنادي..ابتسمت:لو غالية تقولين لي وش صار امس واليوم عند الدكتور؟
الرزان..نزلت راسها:ماتبين تعرفين صدقيني
هنادي:لا ابي اعرف صدقيني انتي
الرزان:خليها بعدين مافيني عالهم زيادة،يكفي الهم اللي بيجيني
هنادي:لازم نشوف حل مع امج،لازم يكلمها الدكتور ولا شرايج؟
الرزان:مستحيل
هنادي:ليش؟
الرزان:لانها ماراح ترضى،وبتقلب الدنيا على راسي لو درت اني اروح اصلاً
هنادي:قولي لخالج
الرزان:ماقدر لانه راح يحلف عليها،وبيسوي هو الثاني قصة عشان يجيبها للدكتور
هنادي:خليه يسوي قصة،ماينفع تستمرون كذا
الرزان:استمرينا كذا 19 سنة وراح نستمر للـ سنوات القليلة الجاية
هنادي..ضربتها خفيف:يالسخيفة وش السنوات القليلة!،ياويلج اسمع هالكلام يطلع منج مرة ثانية ولا...
قاطعها صوت الجوال..
الرزان..طلعت جوالها:هذا خالد..قامت ولبست عبايتها..يـلا نشوفج بكرا،ولا تتأخرين
هنادي:Cheer up girlo ok?
الرزان..ابتسمت:Ok, from my two eyes
هنادي..ضحكت:تسلم لي عيونج
الرزان..ضحكت وراحت:مافي رد زيه هـا!،تصبحين على خير
هنادي:Good night
وطلعت الرزان لخالها..بدون ولا كلمة ركبت..وصلوا البيت وهم ساكتين كل واحد يفكر بشي ويحاتي شي..
دخلوا..الرزان حاطة ايدها على قلبها..لكن..اخذت نفس عميق لما اكتشفت ان امها نايمة ومافي احد بالبيت صاحي..
الا..تفاجأو بالصالة..ايمان وطلال جالسين بالصالة ومشغلين الـ دي في دي..
خالد:السـلام عليكم
ايمان + طلال:وعليكم السلام
فيصل..فجأة نط:وعليكم السلام
خالد..استغرب:خوش!وانت بعد هنا!،بـالله عليكم وش مصحيكم لهالحزة!!
ايمان:ابد نتفرج على فلم،الرزان امج سألت عنج الساعة 11 وقلت لها انج نايمة،ولاتخافين اقتنعت لان الباب مقفل
الرزان:الحمدللـه..حطت شنطتها وجلست..وش تطالعون؟؟
طلال:الله يسلمج يا اختيـا ويعطيج العافيةو...
فيصل..ضحك:اختصر بس اختصر يااخويـا
طلال..ضحك:انثبر بس،ماعلينا يا اختيـا هذا فلم خطير انكب فيه فيصل لكاثرين27 dresses
الرزان..قامت وجلست جنب ايمان:اللـه وناسة فلم كاثرين هايغل،مرة خطير
ايمان..ضحكت:الحمدلله انه انكب بهالفلم،توه بادي ترا،بس من وين جبته فيصل؟؟انا دورته بالبحرين مالقيته!!
فيصل..ضحك:مصادري الخاصة
ايمان:ياكشخة!،من صج من وين؟
فيصل:من صج ما اعلم
ايمان:لاتصيـر نذل،ترا ما اعطيك من افلامي اذا جيت تترجاني
فيصل:الله الغني
ايمان:يـلا عاد فيصل انا عمتك حبيبتك
فيصل:سوري
ايمان:فيصـ...
خالد..التفت عليهم:بس عاد بـلا حنة وازعاج،خربتوا علينا الفلم
ايمان:انت وش تبي اصلاً قاعد!!
خالد:الجهاز جهازي ترا،اوش ولا كلمة يـلا
ايمان تأففت وسكتت..جلسوا يتابعون الفلم اللي ماانتهى الساعة2:35..قاموا كلهم وهم يتثاوبون ويتمددون..
الرزان..شالت شنطتها:خطير الفلم يعطيكم العافية
فيصل:حياج الله كل يوم يابنت عمتي
الرزان..التفتت عليه وضحكت:قلت لي كل يوم!،اقول لاتلوع كبدنا بخشتك كل يوم،عمتك ترا بترفسك برا بعدين
فيصل..ضحك:ادري مو لازم تعلميني،وانا ناوي على عمري اجي كل يوم،مرة بالشهر،أي بالشهر !الا بالسنة،مرة بالسنة حسنة
الرزان..ضحكت:احسن لك..فتحت باب غرفتها..تصبحون على خير
الكل:وانتي من اهل الخير
سكرت الباب..وقطت عمرها عالسرير..قامت فصخت عبايتها واخذت شاور دافي سريع ولبست بجامتها..
وقطت عمرها مرة ثانية عالسرير..وتذكرت يوم،
كان عمري 7 سنوات..يوم الأثنين خلصنا اختباراتنا النهائية وانا وفيصل وشاكر نبي نقهر طلال اللي يخلص الأربعاء..ركضت لأبوي
انا..قاطعت قراءته بصوتي المزعج:بـابـا بـابـا
ابوي..حط الكتاب وابتسم لي:هـلا ياعيون بــابـا
انا..شقيت الحلق بالابتسامة:بـابـا حبيبي انا وفيصل وشاكر نبي نروح الألعاب
ابوي:بس كذا! تامرين امر ياعيوني
انا:بعد العصر طيب؟
ابوي..ابتسم وشالني وحطني على رجوله:الحين لو تبين
انا..ابتسمت:لا الحين مرة بدري
ابوي..ضحك:بعد مرة بدري!،خلاص زي ماتامرين..طالعني وتاملني وابتسم..انتي ليش ضعيفة كذا!ياكلون اكلج
انا..ضحكت:هذا خالد الدب دايماً يخلص اكلي
ابوي..ضحك:عيب يامـاما مايصير تقولين خالد،قولي خالي خالد
انا..مديت بوزي شبرين:انا دايماً اقوله خالي يهاوشني!!،يقول انا خالد مو خال احد!!
ابوي..ضحك اكثر:خالج هذا مو صاحي
انا..مافهمت ايش يعني!:حتى انا اقول كذا
ابوي..ضحك اكثر واكثر:اللـه يقطع ابليسج
انا..تحمست:لا بـابـا ابليس الشيطان مو زين تتكلم عنه
خربت ابوها ذاك اليوم بالتخريف!!..
ابوي..دمعت عيونه من كثر الضحك:ان شاء الله يامـاما
انا..بسته وحطيت يدي على خده:شاطر بـابا،انا مرة احبك
ابوي..وقف ضحك وباس راسي وابتسم:وانا احبج اكثر
انا:لا انـا اكثر احبك
ابوي..ابتسم:لا انا احبج اكثر واكثر
انا:انا احبك اكثر واكثر واكثر واكثر،احبك كبر البحر
ابوي..ضحك:بس!،انا احبج كبر السما!
انا..قعدت افكر بشي اكبر:انا احبك كبر العالم والكرة الأرضية
ابوي:وانا احبج كبر الكون
انا..استسلمت:خـلاص انت اكثر
وهربت منه لما جا بيدغدغني..آآآآآه يايبـا وينك اليوم عني..بدونك انا ولا شي..بدونك الحياة ماتسوى شي..وانا بدونك مااسوى شي،تكورت على نفسها وهي تصيح..طلعت صورة ابوها من شنطتها وتأملتها
،ادري انك تحبني كثر مااحبك..كبـر هالكون واكبر،طالعت بعيون ابوها .. وابتـسمـت بـألم...
{والله مايسـوى اعيش الدنيا دونك لا ولاتسوى حياتي بهالوجود
دامك انت اللي رحلت وكيف ابصبر عالبعاد وكيف بنثر هالورورد
* * *
ماوعدت انك تقاسمني المحبة وتبقى لي حب(ن) ولدروبي دليل
بس حسافة الموت كان اقرب وارحم حسبـي اللـه وحـده ونعـم الوكيـل
حسـبي اللـه وحـده ونعـم الوكيـل...}

 
 

 

عرض البوم صور بياض الصبح   رد مع اقتباس
قديم 24-08-10, 10:00 PM   المشاركة رقم: 17
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

[..الجـزء الخـامس عشـر..]

اصبحنا واصبح الملك لله والحمدلله..لا اله الا الله وحده لاشريك له..له الملك وله الحمد وهو على كل شيء قدير..رب اسألك خير مافي هذا اليوم وخير مابعده..واعوذ بك من شر هذا اليوم وشر مابعده..رب اعوذ بك من الكسل وسوء الكبر..رب اعوذ بك من عذاب في النار وعذاب في القبر
،حطت الورقة وسكرت المصحف..قامت وفتحت الستارة..دخل نور الشمس وصارت الغرفة منورة بقوة..فتحت النافذة..ابتسمت واخذت نفس،
صبـاح الخيـر يارزون..صبـاح النـور والسـرور ان شاء الله..اهم شي النفسية الحلوة اليوم..والصبر والقوة..عشان نتحمل هاليوم اللي ممكن بداية الايام الصعبة
،انتبهت بظل احد تحت..رجعت على ورا بسرعة وكانت بتطيح بس تمسكت..وحاولت تشوف هالشخص!!،
جـا الأستاذ عزيز!..هـه جاي تحضر حفلة ملكتي!..والله زين منك جيت وتعبت نفسك..بـلا هم يارزون..يطق راسه بالجدار ان شاء الله ولا يذبح عمره انا مايخصني..ادري مقهور وبتنبط كبدك.. وتستـاهـل
،ردت النافذة شوي..وراحت تطلع فستانها واغراضها وترتبهم ..طالعت ساعتها،
الساعة 9 ونص! يمديني آخذ شاور محترم
،دخلت الحمام "الله يكرمكم" وشغلت الماي،
ليش ما آخذ بنصيحة الدكتور سعد عالأسترخاء واعبي البانيو واقعد كم دقيقة!! ..احسن انا احتاج استرخي وبقوة بعد
،عبت البانيو..وجابت الآيبود وشغلته بمكبر الصوت على اغنية "طابت ليلتك" لـ طـلال سلامة..
موسيقى بس.. وطفت الأنوار وشغلت شموع انشرتهم على الأرض وانتبهت انهم مايكونون على شي ممكن يحترق..
صبت فـ المـاي رغوة الصابون وامتلى البانيو بفاقاعات الصابون..وأخيراً فكت اللفة عن رجلها و رفعت شعرها و حطت ماسك "عسل" على وجهها وشي ثاني على عيونها وتمددت بالبانيو..
وغمضت عيونها..وتغيرت الموسيقى لموسيقى ثانية..اغنية "Never Gone "لفرقة backstreet boys
..
جلست على هالحالة ساعة..بعدين قامت وشالت الماسك..وطفت الشموع وشالتها وشغلت الدش..وحطت اغنية"Beautiful Soul" لـ Jesse McCartney..
وبدأت تتسبح وتتفرك..طلعت وهي تنشف شعرها وترقص على اغنية"مكانه وين"..طالعت الساعة،
11 الا ثلث! ..حلـو
،طفت الآيبود وشالته وحطته بشنطتها..شغلت الاستريو..وطالعت حولها،
الجـو كالعادة مو بـارد ،التفتت لدولابها..طلعت لها جينزSqiny فاتح..
و بلوزة كم طويل مسكرة بأزارير من قدام مخططةكحلي وابيض واطراف الأكمام احمر وتوصل البلوزةالى تحت الخصر بشوي ومعاها صديري قصير احمر من وراه في رسمة كبيرة لعجلة السفينة الدائرية..
وقبل لاتلبس لفت رجلها بعد مادلكتها بالكريمات..و لبست وخذت جوالها ودقت على ريما..
ريما..كانت طالعة من الحمام"الله يكرمكم" وركضت للجوال:مرحبـا مليون
الرزان..ابتسمت:مرحبـا ملايين ولا يسدن،صبحج الله بالخير
ريما..ابتسمت:صبحج الله بالنور والسرور وخبز التنور
الرزان..ضحكت:جوعانة شكلج سم سم انا
ريما..ضحكت:بقوة جوعانة،تسبحتي ولبستي؟؟
الرزان:منـذو مبطـي عيوني،وانتي؟
ريما..ضحكت:منـذو مبطي ماخلصت،هههههه،توني خلصت تسبح الحين بلبس،مع مين بتجين؟
الرزان..اخذت نفس:اذا هنادي خلصت بتمر عليّ بسواقهم وبعدين نمرج
ريما..ابتسمت:تطور والله،بدون غصيبة كذا بتروحين!!
الرزان..ابتسمت:مو بيدي،طلال وخالد مشغولين وماعندهم وقت
ريما..ضحكت:والله وجـاج يوم يا رزون
الرزان..ضحكت:دبـة وماتستحين،بس عشان مااحد يعطيج وجه زيي محترة
ريما..ضحكت:أي بالله في هاذي صادقة والله اني محترة،ابوي مايعطيني وجه الا بالعافية و عبدالكريم تكلمينه هو والجدار واحد،حتى مايتعب نفسه يرد ويقول لا!!
الرزان..ضحكت:اللـه يعينج،يـلا روحي لبسي لاتمرضين
ريما..ضحكت:ودي بالمرض انا
الرزان..ضحكت:صج ماعندج سالفة،يـلا سـلاميز
ريما..ابتسمت:سـلامآز
اتصلت في هنـادي..اللي كانت توها تركب السيارة وابتسمت لما سمعت نغمة اغنية "اللي لقى احبابه"..
هنادي:يـامرحب بالغالين يامرحب
الرزان..ضحكت:وشو!!،تحية أي دولة هاذي!!
هنادي:مو دولة منطقة،منطقة من مناطق المملكة بس ماعرفها!!
الرزان..ضحكت:اهم شي!ماتعرفينها!!،المهم اخبار؟
هنادي..ابتسمت:ابد توني طالعة من البيت
الرزان:حلو الحمدلله
هنادي..ابتسمت:صبـاح الخيرات طيب!
الرزان..ضحكت:صباح النـورات
هنادي..ضحكت:ماهو صبـاح الرزانات!
الرزان..ضحكت:ثقالة دم
هنادي..ضحكت:اجل ليش تضحكين!
الرزان..ضحكت:اضحك على ثقالة دمج
هنادي..ضحكت:يعننـي،ماهتميت ترا
الرزان..ضحكت:عمرج مااهتميتي ان شاءالله،مااختقيـت!
هنادي..ضحكت اكثر:ضفي وجهج بس
الرزان..ضحكت:دبـة
هنادي..ضحكت:قديمة يالعصلـة
الرزان..ابتسمت:ذكيـة
هنادي..ضحكت:انتي اذكى
الرزان..ضحكت:صـادوه،ادري اني اذكى
هنادي..ضحكت وهي تستوعب:سخيفة
الرزان..ضحكت:انتي اسخف
هنادي..ضحكت:حلـوة
الرزان..ضحكت:شكـراً،ملعوبة ههههههههه
هنادي..ابتسمت:مروقة بقوة وش عندج!!
الرزان..ابتسمت:النفسية تمام والحمدلله
هنادي..ابتسمت:دوووم مو يوووم
الرزان..ضحكت:من قلب حشى!،وش مسوية لج انا!!
هنادي..ضحكت:منكدة عيشتي
الرزان..ابتسمت:مالت عليج...
هنادي..ابتسمت وقاطعتها:اغصان الجنة ان شاء الله
الرازن..ضحكت:ان شاءالله،يـلا بلاخسارة
هنادي..ضحكت:العصاقل دايماً بخلاء
الرزان..ابتسمت:الدبب مسرفين عالأكل
هنادي..ضحكت:صـج قلـة ادب!!
الرزان..ضحكت:من ذوقج،يـلا سـلام
هنادي..ضحكت:حلوة التصريفة،سـلامو
الرزان ضحكت وسكرت..واخذت نفس تحس نفسيتها مرة حلوة..ومستانسة،
مع ان اللي بيصير اليوم لايفرحني ولا يونسني..بس مافرقت معاي..ماراح اضايق عمري عالفاضي..خسروا على هالحفلة وتعبوا عليها خلوني استانس وابسط نفسي..طنـش تنتعـش يارزون
،قطت نفسها عالسرير وهي تضحك،
ونـــــاســـة..اهم شي مستانسين..ههههههههههه ههههههههههههههه
،قامت لبست الفـلات الأحمر حق خالتها إيمان..و لبست ساعتها "burberry"..و العباية وهي تضحك..
الموديل العادي بالأكمام الواسعة..العباية كانت من مبطنة من داخل بقماش احمر و عليه خطوط بالأسود والرمادي..
الوانها المفضلة مع بعض..لفت الشيلة اللي اطرافها شريط نحيف من نفس القماش اللي يبطن العباية..شالت نقابها وشنطتها الزرقا الكبيرة..
وشالت كيس اغراضها اللي رتبتهم معاها..واخذت الفستان وقفلت الغرفة ونزلت..حطت سماعات الآيبود وقعدت تنتظر وهي تتمرجح..
{هي القمـرة او القمـرة مثلها بكوننا ثنتين
هي السبع العجاب او هي غدت ثامن عجايبها
* * *
هي اجمل من خلق رب الجمال وحلوة الحلوين
هي اللي ربـها من كل شي زين واهبـها...}
:ويفترض ان حلوة الحلوين هي انتي؟؟


الرزان..حمدت ربها انها لابسة نقابها والتفتت وهي تبتسم:عندك مانع استاذ أحمد؟؟
أحمد..ضحك:ابداَ وانا مين عشان يكون عندي مانع اصلا ً
الرزان..قامت:أي بعد فكرت،صباح الخير
أحمد..طالع ساعته:الساعة 11ونص!!،بس يـلا اذا انتي تبينه يصير صباح يصير،صبـاح النور
الرزان..ضحكت:كل هذا خوف!
أحمد..ابتسم:احترام وتقدير مو خوف يالهبلة،مادريت تاكلين لحوم بشر عشان اخاف!!
الرزان..ضحكت:لا ماآكل لحوم اساساً بالمرة
أحمد..ضحك:الحمدلله،شخبارج انتي؟؟يقولون متكسرة سلامات
الرزان:انا تمام الله يسلمك،يبالغون بس التواء ورضوض،شخبارك انت من زمان مختفي؟؟
أحمد..ابتسم:انا بخير والحمدلله وموجود انتي اللي كنتي ببلاد غير البلاد
الرزان..ابتسمت:كيـف؟!
أحمد..ضحك:يعني مو بنفس الارض والبلد
الرزان..ضحكت:أيـه قول كذا من اول،والله دواعي دراسية وش نسوي يعني نحط رجل على رجل ونقابل الجدران بالبيت
أحمد..ضحك:دواعي دراسية!،ماحد يقول قابلي الجدران لا بالعكس قابلي الكتب والله يوفقك،حلوة الدفارة ترا ويمدحونها
الرزان..ضحكت:أي طبعاًاسمع من يتكلم اكبر دحيح ودافور بالعيلة أستاذ أحمد،شاخبار أمريكا معاك؟؟
أحمد..ابتسم:مثل اخبار لندن معاج
الرزان..ابتسمت:جات الفلسفة،شلون يعني!!
أحمد..ضحك:يعني تمام الحمدلله
الرزان..سمعت جوالها:بالتوفيق،يـلا نشوفك على خير جات صديقتي
أحمد..ابتسم:على خير،سلمي
الرزان..شالت اغراضها وهي تضحك:يوصـل
أحمد..شافها محتاسة بالأغراض:اشيل عنج؟
الرزان:لا مو مشكلة
أحمد..ضحك:والله شكلها مشكلة ونص،اتركيهم انا بشيلهم
الرزان..ابتسمت وتركت الأغراض:مشكـور
أحمد..ابتسم:ولا يهمج
شال الأغراض ولحقها عالسيارة..فتح له السواق الشنطة وحط الأغراض..
الرزان..فتحت باب السيارة:يعطيك العافيـة،نشوفك هـا!
أحمد..ابتسم:يعافيج ربي،اذا حنيتي على ايميلج والماسنجر نشوفج
الرزان..ضحكت:يمكن يحدث قريباً
أحمد..ابتسم:ان شاء الله
الرزان:يـلا مع السلامة
أحمد:مع السلامة
ركبت هي السيارة..وركب هو جيب"البورش"الأحمر حقه ومشى..
هنادي:مين الخطيروز الجنتلوز هذا؟!!
الرزان..ضحكت:الله يسلمج هذا أحمديز ولد خالي ابراهيم
هنادي:قلتيلي!،طيب تفاصيلوز اكثروز؟؟
الرزان..ضحكت:بتخطبينه!!
هنادي..ضحكت:يمكنوز!
الرزان..ضحكت:عاد الولد كشخاتيز
هنادي..ضحكت:يعني ينفعوز!!
الرزان..ضحكت:بقوة ايز
هنادي..ضحكت:حلو،تفاصيلوز طيب!
الرزان..ضحكت:اول قولي لسواقكم يروح لريميز
هنادي:طيبوز،انا قلت له من قبلوز
الرزان:الحمدلله،الحين يز تفاصيليز!
هنادي:اكيدوز
الرزان:الله يسلمج،حمديز عمره 20 سنة ويدرس في امريكيز طب
هنادي:واااو كشخاتوز
الرزان..ابتسمت:ومرة جنتليز ويحب الماركتيز والكشخات والرزتيز
هنادي:اموت اوز
الرزان..ضحكت:ادري حده فليز
هنادي..ضحكت:شكله بقوة فلوز على هالوسامة اوز!
الرزان..ضحكت:امداج قزيت ايز!!
هنادي..ابتسمت وطقت على صدرها:طبعاً اوز،وش علبالج انا غبيوز!
الرزان..ضحكت:بسم الله عليج من الغبائيز
هنادي:جوالوز مال انتي يدق،اكيد ريموز
الرزان..ردت على جوالها:مرحباايز
ريما..ضحكت:مرحبا آز،هـا وين وصلت آز؟
الرزان:قريبيز قريبيز
ريما:الحمدلله،تعالي حمد آز ولد عمي وصل امسآز!!صجآز!!
الرزان:أي صجيز
ريما:كشخاتآز،ودي اشوف خشتآز الوسيم
الرزان..ضحكت:شفناه حرة ايز
ريما..شهقت:كذابة قهر آز!
الرزان..ضحكت:كان في بيتيز،وساعدني وشال اغراضي ووصلهم السيارة وشافته هنادي ايز وذابت عليه،تبي تخطبه ايز!!
ريما:تهبط مكانها آز،انا خطبته قبل آز
الرزان..ضحكت:سمعتي هنادي ايز،تقولج ريميز انها خطبته قبلج ايز
هنادي..ضحكت:تستريح مكانهاوز انا حجزته خلاصوز
الرزان..ضحكت:سمعتي ريميز
ريما:تستريح هي آز،باخذ آز يعني باخذ آز
الرزان:لحظة انتي وياها وشو ذا ايز!!،يلا هبطو بلا مصاخةيز
ريما..ضحكت:ابي اشوووووووفه اصيح آز
الرزان:خلاص ايز شوفي اليوم ايز،ترا مو طاير الولد ايز
ريما:وا حليل آز،مرة اموت عليه انا آز
الرزان..ضحكت: صج خباليز
ريما:يـلا بلبس عبايت آز،سلامآز
الرزان:سلاميز
>عجبتكم اللغة العجائبية!!..الـ آز لريما..الـ ايز للرازان..الـ اوز لهنادي..شلون طلعت؟؟..من المركبات الكيميائية "حديدوز".."حديديز"..والـ آز من اختراع ريما..تبي تدخل عرض وياهم!!<
هنادي:اقول يافتاتوز!
الرزان:هلاايز؟؟
هنادي:بتلبسين كعبوز!!
الرزان:اكيديز يبليلها كلاميز!،اخوج عملاقيز وانا قزمة ايز
هنادي..ضحكت:اجل الله يعينج اوز
الرزان:آمين
بعد نص ساعة وصلوا بيت "ريماوز"..لانها بـ"الدمامآز"..مثل بيت "رزانيز"..طلعت "ريماوز" وركبت "السيارةآز"..
{فزعت فازع وانا المفزوع يفزع بي..فزاع فازع على الشدات نفزع به
ترحيب للي بجو الشعر رحب بي..رحب و واجب على الترحيب ارحب به...}
ريما:الله فزاع آز،ياحبي له
الرزان..ابتسمت:الناس ترحب اول ايز!!
ريما..ضحكت:خذ عقلي فزاع آز،مرحبــا مليونآز
هنادي:مرحبـا ملياراتوز
الرزان:مرحبـا ملياراتيز
ريما..ضحكت:اهم شي ملياراتيز!!،انتي عندج ملياراتآز!!من متى!!
هنادي..ضحكت:من يوم استلمت المهروز
ريما..تحمست:من صج آز!!،استلمتي المهرآز!!
الرزان:Sure iez
ريما..تحمست اكثر:كـم كـم؟، اعترفي آز
الرزان..خزتها:وشو هالأسلوبيز ريميز!!،ماني قايليز
هنادي..ضحكت:مسكينة ريموز متحمسة،حتى انا ترا ماحد علمني!!،اصيحوز
ريما..سوت نفسها زعلانة:انا وياج بعد اصيحآز
الرزان:صيحوا مايهمنيز
هنادي..شهقت:ياللئيموز!!
ريما:خلاص هناديآز احنا مقاطعينهآز
هنادي..التفتت بنفس الوقت مع ريما عالجهة الثانية:خلاصوز،خلها تولوز
الرزان..ضحكت:خلاص ايز بقوليز
هنادي:متأكدوز!!
الرزان:أفا عليج،Sure iez I will say iez
ريما..التفتت عليها هي وهنادي:Bring it out girl a'z
الرزان..ضحكت:تحمست البنتيز!!،130 الفيز
ريما..فتحت فمها:وشــو؟،تكذبينآز!
هنادي..ضحكت:انتي يالمفجوعوز!،ماتكذب طبعا(ن)وز
الرزان:قوليلها اللي ماتستحيز!
ريما..ضحكت:سوريآز عمتي الرزانآز،انتي شرطتي شيآز؟؟
الرزان:شي مثليز؟؟
ريما:مادري!،دراسآز مثلاً!!،شي زي كذآز؟!
الرزان..ضحكت:ماعندج سالفيز،الدراسيز شي مو لازم اشرطه هو يعرف فيه،انا حطيت له شروط بيني وبينيز
هنادي..تملكها الفضول:مثل وشوز!!
ريما..فكرت:معروف وش شرطت آز،صج خبلة ياالرزانآز!
الرزان..ابتسمت:مو خبلة ابي راحتيز،عشان نقدر نستمريز لازم يلتزم بكلمته معاييز
هنادي..استوعبت:تمزحينوز لاتكونين؟!..وعرفت انها سوتها..من صجج رزانوز!!يالخبلة،انتي مو صاحية ابد(ن)وز،يعني زوجج ومايلمسج شلون تصيروز هاذي!!،فعلأ مو صاحيوز
الرزان..طالعت الشارع:لو كنتوا مكاني انا اقولكم مية بالمية بتسوونها،اكيديز
ريما..ابتسمت:تدرين في النهاية مايصح الا الصحيح آز،بتشوفين وش بيصير آز
الرزان..التفتت عليها:تقصدين!..سكتت..هـه في الاحلام ايز
هنادي:في احلامج انتي حبيبتوز،هو رجال في النهايوز مو؟!
الرزان..رجعت التفتت على الشارع:يروح يتزوج وحدة ثانية،it's ok for me iez
هنادي..ابتسمت:خليني اقولج قوانينوز مال دادي،لا طلاق لا زواج مرة ثانيوز
الرزان..التفتت عليها:تمزحين؟!
هنادي..ابتسمت وهزت راسها "لا":Sure oz I'am not'oz
ريما..ضحكت:رحتي فيها يالرزانآز،يـلا سكروا الموضوع بلا هم بلا قرفآز!
الرزان:احسـن ايز،هنادييز خلي سواقكم يحط شي فرفوشيز
هنادي..ضحكت وهي تغمز:من عيوني الثنتينوز..وكلمت السواق..يـلا وهذا بنحط فرفوشوز لعيونوز الحلوينوز
الرزان..ابتسمت:يسلميز ياقلبيز
من صجهم هذول اللي يقولونه!!..يعني في النهاية لازم استسلم للأمر الواقع!!..لا مستحيل انا قلت له..بيطيح من عيني اذا ماوفى بكلمته..وماهو رجال اذا ماالتزم فيها..ولا كـلام الرجال كله خراط فخراط هالأيام!!وعشان رغباتهم وشهواتهم يرمون بوعودهم وكلامهم عرض الحائط!!.. يجوز!كل شي يطلع من هالذكور..اللــه يسترهـا معـاي بس..احتمال كبير اروح فيها لو كان هالكلام صحيح..بنتــحر..بدون انتحار..بمـوت على طول بسكتـة..رزون خلينا نشيل هالأفكار من بالنا الحين..فكري فيها بوقتها
،وانتبهت للأغنية اللي محطوطة!!..
{لاتواسيني بتصغير الألم دامه بعيني واحساسي كبير
قلي اني اكثر انسان انظلم وانك بتبقى بصفي للأخير
* * * *
لاتعاتبني على دمع وندم لاتطلعني بهاللحظة صغير
افهم احساسي ترا محد(ن) فهم اني اكبر من شقى عمري كثير
* * * *
كم عظيم(ن) صار من جرح وعظم ياما كان الجرح دافع للمصير
ماحد(ن) من لوعة الدنيا سلم بس يفرق بعد هالجرح وش يصير...}
لا والله تعرفون تختارون اغاني يالبايخات!..قلت الا "لاتواسيني"!!



،التفتت على هنادي..
الرزان:لاتحديني اقوم ادوس ببطنج ولا ببطن سواقكم
هنادي..ابتسمت:خـير وش هالنذالوز!!
الرزان:من هالأغنية الغبيةايز،اجل "لاتواسيني" هـا!
هنادي..ضحكت:يو!توني انتبهوز!!
الرزان:صباح الخيرايز،يـلا اشوف خليه يغيرها بلا قرفيز
هنادي..ضحكت وخلت السواق يغير لأغنية"اجيبه" جديد راشد الماجد..
{لاتقولوا ماقدر اجيبه لاتقولوا هاذي صعيبه..اجيبه يعني اجيبه لو كان تحت الحراسه
* * *
باحط عيني بعينه يشوف زينه وشينه..والله لسدد له دينه مغرور ياقو باسه
* * *
باحط راسي براسه واذوقه مر كاسه..جاهل بامور الغرام مايقدر اهله وناسه...}
الرزان..ابتسمت والتفتت عليهم مرة ثانية:مفهوم المقصود ياحلويز،وربي بتتكفخون لو ماعقلتيز
ريما..ضحكت:أي قصدآز هذا!،وربي قصد آز شريف وغايتآز قربج
الرزان..ضحكت:ذلفي مناك انزين،صج مصاخيز
هنادي..ضحكت وطالعتها بنص عين:بـحط راسـي براسـه واذوقـه مـر كــاسـه...
الرزان..ضربتها بخفة:صج ماعندج سالفيز
وضحكـوا..وصلوا مشغـل "اللمسة"..دخلوا وريما راحت تشوف شغلها..
بينما ظلت هنادي مع الرزان اللي وراها شغل طويل..مع انها سوت معظم اشغالها امس عشان ماتضيع وقت عالفاضي..
وراها تنظيف وجه سريع..لانها امس سوت جزء منه..وبدكير ومنكير..وحمام مغربي وحمام زيت..وآخر شي الشعر والمكياج..وابتدوا بتنظيف الوجه..
هنادي:بـالله بنت خالتج ليش ماجات امس معانا وسوت اللي تبيه؟؟
الرزان:ببساطة يالذكية،احنا رايحين الصباح وهي عندها جامعة
هنادي..ضحكت:اوكيز،راح عن بالي،بس وراها شغل طويل تنظيف بشرة وحمام مغربي ومادري وشو!متى بيمديها؟!
الرزان:ماعليج منها بيمديها ان شاء الله،خليها تتكشخ يمكن احد يخطبها ونفتك منها
هنادي..ضحكت:قاعدة على قلبج هي!،بس مو هي مخطوبة!!
الرزان:أي الأخ خطبها رسمي،بس كلام!مرت سنة وهم ماحددوا الملكة!!
هنادي:من صجه؟!،وش مشكلته في الحياة هذا!،يعني كذا قطع عليها نصيبها اذا جا احد بيخطبها بيقولون مخطوبة لفلان!والله حرام
الرزان:الصراحة هي بعد غلطانة ماقالت لهم خلاص قولوله ينسى الموضوع،هي تبيه
هنادي:مين يطلع اللي مايستحي؟؟
الرزان..ابتسمت:اسرار دولة مااعلم
الكوافي اللي تشتغل عليها تضايقت من حركتها الزايدة:رجاءً ياآنسة ماتتحركي هيك انا مابقدر اشتغل!!ماراح يزبط الشغل هيك!!
هنادي..ضحكت:خلاص اهنثبري مكانج ولاتتكلمين،يـلا عاد قوليلي،هو سر يعني ماحد يعرفه!!
الرزان:لا الكل يعرفه،الله يسلمج هذا ولد خالي ابراهيم عدنان
هنادي..استغربت:اخو هذا أحمد؟؟
الرزان:اخوه اللي اكبر منه،عمره 25 سنة يدرس في الجامعة الامريكية في الشارقة طب
هنادي..ضحكت:عشان كذا الاخت تموت في الامارات!!
الرزان..مسكت ضحكتها:لا والله مسكينة هي من الاول تحب الامارات
هنادي..ضحكت:لا صج!من متى تحبها؟؟
الرزان..مسكت ضحكتها:يالدبـة
هنادي..قعدت تضحك وتضحك:مسكينة والله حرام عليه،هو يحبها يعني؟؟
الرزان:تقدرين تقولين،بس انا حاسة انه غير رايه،مادري ليش يعني بس حاسة كذا!!
هنادي:لا ان شاء الله ماغير رايه،ياقلبي عليها شكلها تحبه
الرزان:بس تحبه!،تموت عليه،طالعي حتى اخوه تموت على شوفته لانه نسخة منه
هنادي..ابتسمت:ياحظها يشبه هالمزيون!
الرزان..بغت تضحك:نسخة منه بس هو احلى بكثير لانه فيه اكثر من خالد
هنادي..ابتسمت:بعد فيه من خالد!،لا اشهد انه مطيح لثمات ونقابات
الرزان..مامسكت نفسها وضحكت:مطيح لثمات ونقابات!،عجيبة هاذي...
الكوافير..عصبت:ياآنسة مابيصير هيك!!..التفتت على هنادي..بليز آنسة ممكن تطلعي برا،هيك ماراح ءأقدر اشتغل ابداً
هنادي..قامت وهي تضحك وقربت من الرزان وهمست باذنها:ان شاء الله عمتي،يمـا منها شوي وبينط لها عرق!!،مادري ماكلين من حلال ابوها هالعجوز!!..وبعدت عنها..يـلا see u
الرزان..ضحكت ولما رجعت الكوافير بتشتغل مرة ثانية سكتت..>>خخخخخخخخ..مسوية رعب<<..............
بعد ساعات وساعات..خلصوا السـاعة6 وثلث اشغالهم..وأخيراً بدأو بالمكياج بعد استشوار الشعر..
الرزان..مسكت هنادي وهمست لها:راقبيها الله يخليج ولا تخلينها تبدع على كيفها،ترا اذا طلعت اخرع انتي اللي بتندمين
هنادي..ضحكت:ان شاء الله عمتي،هدي اعصابج ياحلوة راح اكون واقفة على راسها،وبتطيحين اليوم لثمات وغتر وعقل بعد ولايهمج
الرزان..ابتسمت:مابي اطيح شي انزين بس لاتبدع فيني،وين الآيبود؟
هنادي..طلعته من جيبها:تفضلي ياختي
الرزان..اخذته:مرسيز
هنادي..ابتسمت:ولكموز
حطت الآيبود باذانها وشغلته..واسترخت عالكرسي لما رجعته الكوافير وغمضت عيونها..

{I refuse to give up.. I refuse to give in ..you'r my evrey thing
I don't wan give up..I don't wan give in..oh no everybody say
One Love for mothers' drive.. for the times we crap..
One Love go on stay alife..I will survive..
One Love for the simie streets..One love for the hip hop beats..
One Love..oh I do believe One Love is all we need...}
وفي حالة اندماج مع أغنيـة "blue "one love..
ريما..طالعتها وهي مو حاسة:الوووو..واشرت قدام وجهها..اقول هناديآز،شو بلاها هاي راقدة؟؟
هنادي..ضحكت:Of course not,she is relaxing
ريما:اهـا..والتفتت على هنادي..ماشاء الله متى خلصتي؟
هنادي:من زمان مخلصة،اثناء ماكانت الرزان تسوي حمام الزيت استشوروا لي،والحين بعد ماتخلص الرزان بحط مكياج حق عمري
ريما..ابتسمت:اوكي اوكي،اجل انا بروح اسوي شعري لا اتأخر عليكم
هنادي:تحركي
مادري ليش غصباً عني صرت متوترة مرتبكة..رايحة في خرايطها..قلبي..يدق..يدق..يدق..وكأنه بيطلع من مكانه..خايفة..متوترة..و الأهم..ضايعة..احساس فظيع بالضياع بداخلي..كأني تايهة في صحرا كبيرة ومااعرف لنفسي مكان اروح له..ما اشوف الا سراب امشي وراه شوي ويختفي بعدين! ..الـم فظيع يصاحب دقات قلبي..الم الضياع..الم الحيرة..الم التشتت..وكاني واقفة عالأرض ومو واقفة عليها!!..طايرة يمكن!!..لا انا تحت تحت..بعيدة تماماً عن الأفق..ياربي مابي اصيح..ما في شي يستاهل اصيح عشانه..صار اللي صار خلاص..ولي فات الفوت ماينفع الصوت..انا وافقت بكامل ارادتي..ماتأثرت بكلام سديم..ولا كلام جدتي اللي مدحت لين قالت بس..ولا بتصرفات جدتي موزة وحبها لي..الأكيد اني تأثرت بـ كلام امي وتلميحاتها لانها ماتكلمت مباشرةً معاي.. وتأثرت بنظراتها..تأثرت بجفاها وقسوتها..حبيت احنن قلبها عليّ..لكن..للأسف ضاع مجهودي على الفاضي..آآآآآآآآآآخ ياقلبي كم بتستحمل من هالدنيا..وين ماتلفت تجيك طعون..تحسب انك لقيت الراحة..لكن..طلعت مخرف ومجنون!!..هو الألم رفيق دربك..شريك عمرك..مابيوم راح يفكر يفارقك!!..آآآآآآآآآخ..و..آآآآآآآآآآخ..و..آآآآآآآآآ آآآآآخ..الألـم يذبح..من زمن وهو معاي بكل يوم يصبح..يغني معاي ويفرح!!..حتى الألم في داخلي يتهيأ لي انه يفرح!!..يفرح بالدموع اللي بخاطري تجرح!!..وين العقل يرتاح والألم بالقلب صاير(ن)يسبح!!...
،وسكتت افكارها..لما فتحت عيونها..بهزة من هنادي..طالعت بالمرايا..جات عينها بعين وحدة ماتعرفها!!،
اشوف نفسي ولا ادري من بداخلي!!..هي انا ولا شبيهة لذاتي!!..رزون!..مو اليوم رجاءً خلي الغم والهم بعدين بعد مايخلص كل شي..افرحـي حالياً..واحتفلي واستانسي وارقصي..لحظة شلون ترقصين وانتي مكسرة!!
،وابتسمت لنفسها،
ما احلى هالابتسامة يارزون..ايوا كذا..طنش تعش تنتعش..الحــياة حلــوة..يارزون..بس نفهمـها
،وكبرت ابتسامتها..
هنادي..ضحكت:هـا استخفيتي على نفسج اشوف!!
الرزان..ضحكت:تقريباً
هنادي..ضحكت وغمزت:اليوم بتطيحين العقل و وراها الغتر والطواقي ووياها بتطير العقول
الرزان..ضحكت:بـالله من وين تجيبين هالكلام!!
هنادي..ضحكت وغمزت:بعض مما عندكم،ولانسيتي شخابيط المحاضرات اللي مالية الدفاتر
الرزان..ضحكت:فشـة خلق والله،ياربي اشتقت للجامعة وللندن وللدراسة
هنادي..ضحكت:رجاءً انسي هالأشياء مستعجلة ليش!بترجعين الأسبوع الجاي بأذن واحد احد
الرزان:غلطانة مو الاسبوع الجاي اللي بعده،اففف والله مابي اضيع اسبوع عالفاضي
هنادي..ابتسمت:يالهبلة يالعبيطة سافري واستانسي،العبي نططي سوي اللي بخاطرج،اما الأخ سويله صفطيشن وعيشي حياتج
الرزان..ضحكت:خوش اخت تحرض على اخوها
هنادي..ضحكت:انتي بدون توصيات وتحريضات بتحطينه في قائمة البلوك وانواع التطنيش شكلج
الرزان..ضحكت:شلون اطلع بعدين!،لا لا باستغله في الصالح العام عشان اقدر استانس
هنادي..ضحكت:لئيموز!
الرزان..ضحكت:عليج ياحلويز
هنادي..ابتسمت:يـلا بس،تحركي يـلا عشان التسريحة مانبي نتأخر
الرزان:الحين الساعة كم؟؟
هنادي..طالعت ساعتها:الله يسلمج الساعة 7 وثلث
الرزان:اخذت ساعة بالمكياج؟؟
هنادي:هاذي بطيئة،بس ماشاء الله مكياجها يجنن
الرزان..طالعت مرة اخيرة بالمرايا:أي ماشاء الله
هنادي..حطت ايدها على راس الرزان:الله يحفظج،قـل اعـوذ بـرب الفلـق...
وقعدت تقرا عليها المعوذات..وبعض الاذكار..
الرزان..قامت:يـلا عاد هنادي لانتأخر اكثر
هنادي:أي والله لاتجي امي تدوس في بطوننا،ياويلي ويلاه!
الرزان..ضحكت عليها وراحت للكوافير اللي بتسوي لها التسريحة..الســاعة 8 و5..خلصت التسريحة..
هنادي:هالناس تبط الكبد ببطئها!!ياربي منهم،يـلا السواق ينتظرنا برا
ريما..طالعت الساعة:يـلا تأخرنا صج
هنادي:الله يعين..التفتت على الرزان اللي لبست عبايتها وقعدت..ياآنسة!!hellooooo
ريما:الأخت مسرحة اليوم بقوة!!
هنادي:خليــها عاللـه
الرزان..التفتت عليهم وقامت:فكونا بس وامشوا
وطلعت..
ريما:فيـها شي مو صاحية!!
هنادي:اتركيها بس،فترة وترجع عادي
ريما:الـلـه يعيـنــا

وطلعوا وراها..وصلوا بعد نص ساعة..للأستراحة اللي مسوين فيها الحفلة..الأستراحة لأبـو فارس ...
كبيرة وفخمة وراقية..واقرب للمزرعة لانها مزروعة كلها..
دخلوا من البوابة الخلفية عشان يدخلون على طول عالغرفة اللي خلوها للرزان..بدلوا هنادي وريما ملابسهم بعدين ساعدوا الرزان تخلص..
غادة..طقت الباب:Hello girls,waaaaw Alrazan you look like a moon
الرزان..ابتسمت:يسلمو حياتي،عيونج الحلوة
غادة..ضحكت:اخيراً بدت البنت تتقبل المدح بصدرٍ رحب،ايش عملتوا فيها انتوا؟!!
هنادي..ضحكت:ابداً والله،ربي هداها الحمدلله
غادة..ضحكت:بقوة ربي هداها،صارت وكشخات وحتتزوج!!..وسكتت شوي..بس انا لسه مو مستوعبة انو فارس هو العريس!!
هنادي..ضحكت:لاياماما استوعبي وصدقي،انها الحقيقة الـ..سكتت تفكر..اظنها السـارة!!
:واكثر من سـارة،المبهجة،الرائعة
الرزان..ابتسمت:سديـم!،ياحيهم والله
سديم..ابتسمت لها وسلمت عليها وضمتها:الله يحيك،الف مبروك..همست لها..فرحتي قلبي بالحيل بالخبر،الله يسعدك ويهنيك..التفت على البنات..شالأخبار صبايا؟؟
هنادي:احنا اللي شالأخبار؟،انتي انتي قولي وشالأخبار؟؟وش صار وش ماصار؟؟
سديم..ضحكت:ماكل قلبك الفضول!،وين اصوله عنكم؟؟
غادة:اش تتوقعي تأخير كالعادة،هادي الانسانة ماتعرف تحترم المواعيد بالمرة!!
سديم..ضحكت:اسأليني عنها في المحاضرات كأنها ساعة مؤقتة ماشاء الله،بس في غيرها انسي
هنادي..ضحكت:لاتحشون بالبنت خلوها بحالها،وانتي يامدام ليش التصريف والتهرب تكلمي؟!
سديم..ضحكت:طيب يمـا منك!،وش تبين تعرفين؟؟
هنادي..غمزت:أخبار فهودي؟؟
سديم..ضحكت:اهم شي فهودي،هـاي انتي وين تبين؟
هنادي..ضحكت:تأثير الاماراتي عليك انتي بعد!!مو معقولوز!!،اخبار الاستاذ فهد؟،كذا حلو!
سديم..ضحكت:كذا تمام خليك مؤدبة،ابداً والله يسلم عليك
غادة..ضحكت:يعرفها عشان يسلم عليها اصلاً
سديم..ابتسمت:يعرفها شلون مايعرفها،يعرفكم كلكم،حكيت له عنكم،وعن الجامعة،عن كل شي تقريباً
هنادي..ضحكت:قالت تقريباً!،والله انكم حريم ينخاف منكم،بس شلون حكيتي له متى؟؟
سديم..ابتسمت:جا يشوفني امس وقعد ساعتين او اكثر،وبعد اكلمه
غادة:ساعتين!ياويلي اشبو هادا لزق!!،تعالي هنا مو قلتي مايصير تكلميه وممنوع ومادري ايش!!
سديم..ابتسمت:لاتغلطين عليه،هو استأذن من ابوي و وافق
هنادي..ضحكت:يامؤدب ياحركتات يستأذن بعد!،بس كشخات عنده محامي دفاع بعد!!
غادة..ضحكت:أي والله عين لو محامي من دحينه!!
سديم..ضحكت:سخـافة انزين..وسكتت وابتسمت..يستاهل اسير له حارس وظل وكل شي بعد
:ياهووووووه البنت حدها ذايبة،شالسالفة!ماامداج يالدبة!
سديم..التفتت على اصيل وهي تضحك:دبـة انتي،انتي ماعرفتيه عشان تقولين هالكلام،لو تجلسين معاه يوم واحد تذوبين في هواه
اصيل..حطت يدها على قلبها:لا لاماستحمل الغزل دا كلوا،والله وجاب راسها فهد ولد ابوه
سديم..ابتسمت:حلال عليه
هنادي..ضحكت:بعد بعد!!
سديم..ضحكت:ليش كل هالتعجب!،هذا زوجي اكيد بحبه وبموت عليه
اصيل..ضحكت:حبيه وموتي عليه براحتج عيوني انتي،بس لاتقرفينا فيه صبح وليل!!
هنادي..ضحكت:اكيد بكل مكالمة فهد وفهد،حبيبي فهد سوا،حبيبي فهد راح،بعد عمري فهد مادري وش..وضحكت اكثر..ويلاه عالقرف!
اصيل..ضحكت:بالضبط جذي،واي واي شلون لوعت جبدي من سيرته،شوي واكره الرجال بسبتها حشى!!
سديم..ضحكت:اقول استريحي بس
اصيل..ضحكت والتفتت على الرزان:اسمحيلنا بس المدام رجتنا بريلها!..سلمت عليها..مبروك مليون مبروك ومليار بعد،منه المال ولك الوناسة
الرزان..ضحكت وهمست لها:هذا احلى شي قال له لي احد اليوم،صج فلـة
اصيل..ضحكت:وي عيوني عيشي حياتج،ترا ماتتكرر بالعمر مرتين تاخذين مثل فارس،شب ولا اجدع،ابضاي على قولة الشاميين
الرزان..ضحكت:يصيـر خير
اصيل..لولشت:ومباركين عرس الاثنين ليلة ربيع عين وقمره،واللي جمع بين قلبين الله يطول في عمره،كلولللللللللللللوش
ضحكوا..
هنادي..تضحك:اهم شي الفضايح!!
اصيل..ضحكت:هذا اعلان للزواج يالذكية
هنادي..ضحكت:قلتيلي!،اوكوز
غادة..ضحكت:هـا اليوم بعد حديدوز وحديديز!!
هنادي..ابتسمت:منذو مبطيوز
سديم..ضحكت:والله فلة،I like it
هنادي..ابتسمت:اشكري مبدعة الكيمياء..اشرت على الرزان..هي اللي اخترعتهم
سديم..ضحكت:اخترعتهم مرة وحدة!!،عجيب الله يعطيك العافية على الاختراع الخطير رزون
الرزان..ضحكت:الله يعافيج
:احم احم،ويعافيج انتي بعد
الرزان..ضحكت: احلفي نورة هانم!انتي وشدخلج بالسالفة؟
نورة..ابتسمت:بالعرض بالطول انا داخلة داخلة مالج دخل
نوف..ضحكت:الحين داخلة ها!!،والله يالرزان ساعة وانا احلف عليها برا تدخل!!،وكل شوي تقولي بعد شوي بعد شوي!!
نورة..راحت وسلمت على الكل بعدين الرزان وضمتها:والله دريت بس ادخل واشوفج بقعد اصيح، يالنحيسة تتزوجين قبلي وانتي اللي قايلة مابتتزوجين وتظلين معاي
الرزان..ابتسمت:حلفوا عليّ ماحبيت اردهم من باب الذوق تدرين
نورة..همست:يالسخيفة،الله يعينه عليج،ويعينج عليه،ادري بتجيبين العيد للرجال
الرزان..ابتسمت وهمست:احس اني باختنق يانورة باختنق بموت،مرتبكة وخايفة موت،ومادري ليش!!
نورة..همست:لا تخافين قوي قلبج،فترة وتعدي صدقيني،بعدها بيصير مايفرق معاج،لاتنسين انتي الرزان،ومادام راسج يشم الهوا ماحد يزرع الخوف بقلبج ولو للحظة،وماحد يخليج تصيحين بسببه ولو دمعه
الرزان..كتمت انفاسها وهمست:ضايعة يانورة،احس اني واقفة عالأرض ومو واقفة عليها!!،ضايعة ومو لاقية مكان يأويني
نورة..ضمتها بقوة وهمست:انا مأوآج والأحضان اللي راح تستقبلج دوم،يـلا قوي قلبج،انتي على الأرض واليوم راح تطلعين قدام الناس مع فـارس بلا جواد على قولتج،لاتختقين ولا تهتز فيج ذرة لانج الرزان
الرزان..ابتسمت وهمست:بالضبط
نورة..ابتسمت وياها:أي كذا ابي اشوف هالأبتسامة قدام الناس بعد،عشان اذا لج عذال ينقهرون واذا لج عشاق ومعجبين يفرحون...
نوف..قاطعتهم:بس عاد عيب عليكم،حاطين راسكم براس بعض و ود ود،يلا بلا قرقر واجد،مايصير كذا اسرار بين الناس!!
نورة..ابتسمت:يـلا مناك انتي بلا قرقر،كله لق لق لق خلاص صدعتينا
نوف..ضحكت:خبلة وماينأخذ بكلامج
نورة..ضحكت:صج ماتستحين!!..التفتت على الرزان باست جبهتها وهمست..كوني الـرزان القوية اللي اعرفها
الرزان..ابتسمت لها:ان شاءالله
نورة..ابتسمت:تسلم لي ابتسامة القمر ياناس..التفتت على نوف..تعالي يا لق لق سلمي وفكينا من لقلقتك
الرزان..ضحكت:ماعليج منها نوف هالبنت مستخفة
نورة..ابتسمت:انتي طول عمرج لئيمة،هاذي تأثير العصاقل فيج
الرزان..ضحكت:وشدخل!!
نوف..سلمت عليها وضمتها:مبروك..همست..شدي حيلج وخليج قوية..وبعدت وابتسمت لها..هاذي من يوم زاد وزنها وهي تقط كل شي عالوزن
نورة..مدت بوزها:اكره كذا يعع مو حلو زايدة كيلوين تصوري يالرزان!!
هنادي..ضحكت:واذا يعني ليش متأزمة كذا!!
الرزان..ابتسمت:لاتتفلسفين لها عن الوزن،في احتمال تكسر على راسج كاس ترا،لضمان سلامتج سكتي
هنادي..ضحكت:لهالدرجة!!،والله حالتها صعبة يبيلهـ..وسكتت..يبيلها رجيم سريع على كذا
ريما..دخلت عليهم:مين هاذي؟؟
الرزان..ابتسمت:نورة زاد وزنها كيلوين وكارهة عمرها!!
ريما..ضحكت:الله يعينها على ماابتلاها
نورة:أي والله،الله يساعدني
ضحكوا عليها..

:عاشوا قاعدين ضحك وسوالف واحنا مسوين لنا صفطيشن!!
الرزان..ابتسمت لها:ماعاش مين يسويلج صفطيشن،حياكم امون حياكم
اماني..ضحكت:الحين العروس هي اللي ترحب وتهلي!،والبقية وش محلهم من الاعراب
الرزان..ابتسمت:مبنيين على السكون لامحل لهم من الاعراب
اماني..ضحكت:وهو كذلك فعلاً
وعد:اهم شي اللي بتقرفنا الحين بالنحو،ربي يخليج لامج وابوج والمقرود اللي بياخذج لاتفتحين علينا باب
اماني..ضحكت:مقرود هـا يالحمارة!
وعد..ضحكت:أي بالله مقرود يوم خذج،بتطلع روحه من اول يوم الرجال وبيودع بسبتج
رغد..ضحكت:ومن ثاني يوم انتي ارملة
ريما..ضحكت:حسبي الله على ابليس،حرام عليكم لاتفاولون عالمقرود يكفيه انه بياخذها
اماني:مالت عليج يالدبة،على بالي بتدافع عني الخايسة!،زين اللي يساعدج بالرسم حق الجامعة
ريما..ضحكت:بروح حق معلمة فنية،الله الغني عنج
وعد..ضحكت:من اول سويتيها ولا منتها الدبة
اماني:خايسة!
وعد:معفنة
اماني:حمارة
وعد: بقرة
نورة:وقت مستقطع ياجماعة،وشو ذا!،يـلا بلاحركات بزارين،اهم شي امون وش كبرج جالسة تتناقرين مع هالبزر!!
اماني..عدلت نفسها:احم احم،انا بترفع عن مستواها احسن لي
ريما..ضحكت عليهم:الحمدلله والشكر صج ماعندكم سالفة،الا هنادي مين اللي سوى ديكور القاعة مرة يجنن
هنادي..ابتسمت:احم احم انا اللي مسويته
ريما..تفاجأت:من صج!!
الرزان..ابتسمت:ترا هنادي احسن منج فيما يتعلق بالديكورات،مسكينة تعبت عالديكور طول الاسبوع تحوس عشان تضبطه
ريما..ابتسمت:يعطيج العافية مرة مرة يجنن،عطينا من افكارج بعدين حق مشروع التخرج
اماني..ضحكت:مشروع التخرج وانتي بسنة ثانية!!،مستعجلة بقوة!!
ريما..ضحكت:مابقى شي ثلاث سنين الحمدلله
هنادي..ضحكت:تبين الفكة!!،اجل الله يعينا احنا وش نقول!
ريما..ضحكت:انتوا اللي جبته لعمركم
الرزان:بس اونس هناك،قاعدين مرتاحين
اماني..ابتسمت لها:مرتاحين ها؟!،القصد مرتاحين منا يعني!
الرزان..ابتسمت:لا طبعاً
اماني..ضحكت:اختبصت البنت،ياهوو امزح معاج،هدي اعصابج
انطق الباب..
ريما:تفضلي!!
نوف..فتحت الباب وهي تبتسم:ماانتظر اذنج اصلاً
ريما..ضحكت:ياشيخة!،اجل ليش تطقين الباب؟!غباء هو!!
نوف..ابتسمت:غباء بعينج!،انا اعطي العروس الجميلة فرصة تستعد نفسياً لانها لازم تطلع الحين
هنادي..طالعت ساعتها:الساعة 10 تو الناس؟؟
نوف..ابتسمت:اوامر عليا ياعزيزتي
هنادي..ضحكت:قولي كذا!
الرزان..قامت ومسكتها ريما:الحين بيدخل؟؟
نوف:أيـه،بسرعة روحو انتو لبسوا عبايتكم
هنادي..ابتسمت للرزان/COLOR]:تدري احسن شي انه اخوي واقدر اساعدج بدون مااتغطى
الرزان..ابتسمت لها:تسلمين
نورة..مسكت يدها:احنا في اول طاولة على يمين الستيج،شوفينا
الرزان..هزت راسها"اوكي"..ثواني والغرفة كانت فاضية..بس بقى هي وهنادي وريما..
ريما:قوي قلبج حياتي ان شاء الله كل شي بيصير اوكي
الرزان بدنيا ثانية،
انا غبية..حمارة..شلون وافقت شلون!!..مافكرت من اول زي الناس!!.. استخرت وارتحت أي نعم..بس مافكرت زي الناس باللي بيصير بعد سنة سنتين!!..يا رزون ياغبية..فكرتي برضا امج و لافكرتي بنفسج..وياترى امي بترضا عليّ فعلاً ولا!!...
،قطعوا عليها..
ريما:لاتفكرين واجد،بيعور قلبج التفكير وبيسبب لج صداع لاغير!!
هنادي..اللي اختفت رجعت طلعت:يـلا يامدام،جاهزين لج
الرزان استجمعت شتاتها ورسمت ابتسامة..والالم والحزن واضح بهالأبتسامة،
صار واقع يارزون.. انتي زوجته وخلصنا..انتي متزوجة..هاذي حقيقة وواقع..بسنا نكران وتخبط..كوني قوية وماتهدج عاصفة ولا عاصفتين!!..مايهم الا انج تبتسمين وتدخلين وسط العاصفة وانتي رافعة راسج..لا تهربين منها..ولا تنهزمين وتضعفين قدامها
،وتجاهلت كل شي..وغيرت ابتسامتها لأخرى..من القلب..وانطفت انوار القاعة..وتركزت انوار ثانية على البابين..
وانفتح باب وطلعت منه الرزان..وباب ثاني طلع منه فـارس..
ودخلوا على موسيقى هندية..
تألقت بفستانها الأزرق "ازرق فعلاً">>الفستان كوكتيل عادي من فوق..ومن تحت الصدر على طول الى فوق الخصر بشبرالفستان مخصر و عليه قطعة شيفون احمر مطرز بزخارف غريبة ومشكوك بالشوارفسكي الأحمر شي صغير وشي كبير..واطرف القطعة من فوق وتحت اقواس مشكوكة بالشوارفسكي الصغير..ومن تحت هالقطعة القماش الازرق فيه كسرات واسعة وكبيرة.. من ورا فتحة الفستان مو كبيرة الى القماش الأحمر وصاير زي المشد بشرايط حمرا..من تحت هالقطعة تنتهي الشرايط ويبد الذيل..القماش كسراته صغيرة من فوق وتدريجياً تصير واسعة الى نهاية الذيل..اطراف الذيل والفستان من نفس الشيفون الاحمر اللي فوق بس مو عريض زي اللي فوق<<تألقت ببساطة تسريحتها ومكياجها>>شعرها مسوى ستريت بفير السيراميك "كالعادة" بس بعض الخصل مسوية ويفي بالفير نفسه..التسريحة صايرة بف من ورا وعلى الجنبين بس اليمين واليسار الشعر مشدود لورا كأنه رافع البف اللي صاير فوق بس "مادري اذا فهمتوا!".. والخصل الويفي من ورا بس..وغرتها زي ماهي بس منزلين لها خصل زيادة من الجنبين..المكياج.. حاطين لها ظل ازرق وازرق لامع والكحل مغمقينه مرة وشوي ازرق بخط رفيع تحت العين..اما البشر وردي مايل للأحمر..والروج احمر "اكيد" وعليه جلوس شفاف اعطاه لمعة<<ما لبست ولا شي من الاكسسورات بس تألقت بالمناكير الأحمر "حبته مرة شكلها!"..اللــه يحفظــها من العيــن تجنــن..كانت هنادي بتدخل معاها بس هي رفضت..وطلعت لحالها وهم بس شايلين ذيل الفستان لانه ثقيل شوي بالحركة..
التقت بفـارس بالطريق للستيج..
فـارس كان هيبة ورزة بدقلة عجيبة>>من فوق الكول الصيني..وقصتها جانبية مو سيدة"زي المعتاد"..زي الموديل الصيني على جنب بالأزارير الصينية ومفتوح بقصة مايلة"بحيث يبين الثوب تحت"..الدقلة سودا وقماشها ثقيل ومطرز عليها بالأحمر..مع شماغ ابيض وفيه خط عريض بالأحمر من الغترة<<..
مد لها يده ومسكتها بدون ماتطالع فيه..لكن كل واحد منهم محافظ على ابتسامته وتألقه "الفردي"..تغيرت الأغنية لما قربوا من الستيج..اللي يرتفع عن الارض باربع درجات بس.. لـ أغنية "عذبة الأطباع"
> كانت هنادي مسوية حركة..مقطع الشعر اللي بأول الأغنية بصوت فـارس..
{لو سألني الورد عنك علميني ويش اقول
وان وصفت اول جمالك كيف بوصل آخره
كيف وانتي روضة من حلاها كحلت عين الفصول
رقتك وردة وروحك كالطبيعة الساحره
عـذبة الأطبـاع واكثر انتي يالعف الخجول
من لفيت الدنيا وأنتي مثل غيمة ماطره
عالية اصل ومطرها كلما جاد بنزول
مثلها انتي كريمة وهي مثلك طاهره...}
الرزان تجاهلت كل اللي حولها..وتأملت بابتسامة ديكور القاعة..
كان سقف هالصالة"والأفضل نسميها قاعة لانها كبيرة مرة" زجاجـي فبانت السما والنجوم "روعـة" والقمر اللي على وشك الاكتمال..السقف زين بشيفونات حمرا وزرقا من الوسط..عند الثريا الكريستال الكبيرة الى اطراف القاعة ونازل من اطراف الشيفونات كريستالات ملونة..اما الجدران كان مرسوم عليها زخاف وخطوط بالأحمر والأزرق ومعاهم ذهبي..اما الطاولات كانت مفارشها قماش هندي ازرق وفيه نقش بالذهبي وفوقه مفرش اصغر احمر سادة وبعض الطاولات العكس تحت احمر وفوق ازرق..اما الكراسي كلها ملبسة قماش ذهبي وبظهره في فيونكة من القماش الهندي حق كل طاولة..على طاولة في باقة صغيرة روز احمر وخزامى"توليب" ازرق..
وعموماً كان الديكور مايل للهندي..
والتفتت للكوشة..كانت خلفيتها ستاند رسمة فيها فيل واشياء ثانية وكلها مرصعة بالنحاس وورق الذهب ومزينة بمرايات ومن فوق فيه زي الفوانيس فيها شموع مشغلة..عمـل فني حقيقي روعة..وفيه كرسي واحد مخمل احمر ومن ورا كله مخدات ستايل هندي..والكوشة كلها محاطة باربعة اعمدة ملفوف عليها شيفون ازرق و ورد "الورد البرتقالي الصغير..اللي يستخدمونه الهنود للزينة!!" ومن فوق الكوشة مغطية بـ خيوط مصفوف فيها هالورد..
ابتسمت الرزان،
من صجها هنادي بذلت جهد على هالديكور..ماشاء الله فكرة حلوة..وتنفيذ روعـة..الله يحفظها ياربي هالبنت بكبرها روعة
،وتغيرت الأغنية لما وقفوا عند الكرسي..لـ أغنية "صايغين الذهب" كاظـم السـاهر
{ ياصايغين الذهب..حبيت ادلعها..حبيت..حبيت والله حبيت ادلعها
شوفوا لي خاتم حلو يستاهل اصبعها..ولك شوفوا لي خاتم حلو يستاهل اصبعها
مو بس خواتم ذهب تستاهل عيوني..خلوني ياهل الهوا على كيفي خلوني
خلوني ياهل الهوا وبـكيفي خلوني..للبسها واشيكها وادلعها
البسها واشيكها وادلعها..وخلي حتى البنات لك من تمشي تتبعها ..والله...
كانت منيرة (بنت اخته مناهل..8 سنوات) جاية بمخدة سودا مخملية عليها الدبل..
فـارس باس بنت اخته وهمس باذنها شي خلاها تضحك وتضحك..فخزتها جدتها وسكتت..
فابتسم لها فـارس وغمز..عطته امه الدبلة..
خاتمين الماس واحد فيه الماسة "الماس اصفر" معينة بالوسط ومن الجنبين صفين الماس عادي على شكل معينات صغار والخاتم الثاني صف واحد من المعينات الصغار من الالماس "الماس عادي واصفر..وحدة كذا وحدة كذا"..
مسك يدها اليمين ولبسها الدبلة في خنصرها الأيمن،
ياويلي لاتكون تكسرت رجل البنت الحين..ماراح تقدر توقف عليها بالمرة هالهبلة بعد كذا!!..خلصوا ولبسوها
،راحت لعند فارس..
هنادي..همست بأذنه:استعجل رجل البنت بتنكسر!!
فـارس..طالعها بطرف عينه وابتسم:ان شاءالله عمتي
هنادي ابتسمت له ورجعت مكانها..الرزان اخذت الدبلة من امه ولبسته اياها..
راحت منيرة الصغيرة..وجات بشرى (بنت اخوه زياد..7 سنوات) بمخدة سودا مخملية عليها الشبكة..
>>الطقم عبارة عن الماس وياقوت احمر "بما انها شغفوفة بالاحمر"كان الياقوت والالماس باجيت "مستطيلات"وسط مو كبير كبير ولا صغير صغير..العقد فيه الياقوت بالعرض والالماس بالطول وبالوسط خمس مستطيلات بالطول الثنتين عالطرفين الماس والثلاث اللي بالوسط ياقوت..اما الحلق مستطيلاته شوي اصغر و اول شي الماس بالطول بعده الياقوت بالعرض وبعدين الماس بالطول والياقوت بالعرض وبعدين الماس بالطول..اماالاسوارة فهم حلقتين كاملتين كل وحدة لحالها طبعاً "مسكرة زي حقت الاكسسوار!"الياقوت فيها بالطول والالماس بالعرض كل ياقوته جنبها الماستين بالعرض فوق بعض وجنبهم ياقوته وهكذا..اما الخاتم مستطيلاته بالطول "نحيفات وطويلات" خمس مستطيلات عالأطراف ياقوت بعدين الماس واللي بالوسط الكبيرة ياقوت<<..
لبسها العقد اول شي..حست بانفاسه على رقبتها..حست بقشعريرة فظيعة..
كان ودها لو تهرب بعيد..حست بالاشمئزاز من لمساته!!..وارتجفت!!..فانتبه وبعد بسرعة!!،
هذول وش يسوون!!..والله بيفضحونا!!..كأن كل واحد مو طايق الثاني!!
،قربت منهم..
هنادي..ابتسمت لفـارس:اساعدك اخوي؟..وهمست..بطلوا هالحركات بتفضحونا!!
وتبادلوا فـارس والرزان نظرة سريعة..
فـارس:مشكورة،انا مدبر حالي..طالع الرزان..ولا شلون؟
الرزان انقهرت وماردت وبس ابتسمت،
اللـه ياخذ العدو..صبري يارزون صبري..بس ابتسمي بس ابتسمي
،و كبرت ابتسامتها..ولبسها وخلص..
هنادي:يـلا تفضلوا عشان تصورون..همست للرزان..لاتطولين،وانتبهي اخوي يمكن يمصخها عشان ينرفزج
الرزان..ابتسمت وغمزت وقربت منها:لاتخافين عليّ،انا عن مية رجال
هنادي..ضحكت:يـلا تفضلوا
فـارس نزل من الكوشة ومد لها يده وهو يبتسم "ابتسامة صفراء"،
بنشوف وش بتسوين ياللي عن مية رجال!!..ههههههههههه..ضحكتوني
،الرزان استغربت،
انا كنت مستعدة لحركات النذالة حقتك..وماهو شي خطير انه يحرجني بأنه يمسك يدي!!..بس وش سر هالأبتسامة!!..لاحول ولا قوة الابالله
،ابتسمت ومدت يدها ورفعت فستانها ونزلت وراه..وطالعت طاولة صديقاتها.. كلهم قعدوا يأشرون لها ويرسلون لها بوسات ويسوون لها باي..
ضحكت وسوت لهم باي..واختفت ابتسامتها تدريجياً وهي تشوف سديم..كان باين انها تصيح!!،
صدقتها يعني انا بالتمثيلية اللي سوتها داخل..والله كنت دارية..هاذي تبي تذبح عمرها!!..مفروض ماتسوي كذا..يفترض كل اللي بينهم انتهى..بس كله بسببه..وبسبب انانيته
،دخلوا من الباب اللي طلعت هي منه..وتسكر الباب.. وسحبت يدها بقوة من يده..ومشت للغرفة اللي بيصورون فيها بدون ماتعطيه وجه،
حلو والله..هذا من اولها!!..نفس عميق يافـارس نفس عميق..وتذكر انها حالة استثنائية
،اخذ نفس وابتسم..وتقدمها بخطوات واسعة..وهي ولا التفتت عليه..ضحكت..
فـارس..التفت عليها مستغرب:خيــر!!،استخفيتي؟!
الرزان..ضحكت اكثر: ياليت تقولي بس...،انت...انت،انت مسرع رايح وين؟؟
انصدم بس مابان عليه،
أي والله انا رايح على وين!!..اوكي اعرف المكان كله..بس بكل ثقة ماشي ..على وين؟؟..انا مادري بأي غرفة هالمصورة!!..استغفــر اللــه..زين كذا خليت عمري مطنزة.. بس عشان بزارتها!!..حلـو..كبر عقلك يافـارس وانتبه..نفس عميق بعد
،اخذ نفس و،
بالضبط ..هنادي كانت موريتني قبل..ههههههه..نايس احساس الثقة بالنفس..الحين بنشوف مين بيضحك عالثانية يا مدموزيل الرزان....نرجع نقول كبر عقلك يافـارس..استغفــر اللـه تحولت لبزر مثلها..يارب يارب ارحمنــي
،كمل طريقه وهو مطنشها..الى الغرفة..هنا هي انصدمت..و رفعت فستانها على الله تجاري مشيه السريع،
مالت..طلع يعرف وين الغرفة!!..بس شلون!!.. اففففف..هههههههههه..بس كان احساس حلو لما انصدم..كالعادة وجهه حجر مايبان عليه.. بس مو على رزون يافارس بلا جواد..هههههههههه
،وأخيراً لحقت عليه وصارت جنبه..قدام باب الغرفة..فتح الباب و وخر عشان تدخل..
الرزان..اخذت نفس وهي متضايقة:رجاءً لاتعيد هالحركة،انا ماحب حركات الجنتل مان،وفرها لغيري و للي يتأثرون فيها
فـارس..طنش:تفضلي..دخلت قدامه وهمس لنفسه..مادري متى بتبطلين فلسفة!!
الرزان..خزته بمعنى "سمعتك" والتفتت على المصورة وابتسمت لها:مرحبا..(وي يالفشلة نسيت وش اسمها!)..عفواً بس نسيت اسمج،اليوم الذاكرة مخبوصة شوي
انا اظن ذاكرتج مليانة بالأشياء التعيسة والسيئة..عشان كذا مافيها مكان لشي ثاني
،التفت عليها فـارس وهو مبتسم..
المصورة..ضحكت:ولا يهمك،انا فاهمة شلون الوضع عندك،اسمي سارة
الرزان..ضحكت:تذكرت الحين سارة
سارة..ابتسمت لها:الحمدلله،تفضلوا طيب،تصورون مع بعض قبل ولا تصورين لحالك؟
فارس..ابتسم اكثر:Lady's first
الرزان:Yeah sure انا اول
سارة:تفضلي
فـارس راح جلس على اقرب كرسي..وحط ايده على خده ويتفرج..ومع كل دقيقة ينصدم ويتفاجأ اكثر..كانت الرزان تضحك وتستهبل..
و"عـادي طبيعيـي مـول ما احـاتي"!!،
تغيرت كثير.. ماعادت المنعزلة الغريبة!!..يـاللـه شلون تحولت!!.بس ماظن تغيرت الى ذيك الدرجة من داخل....بس وشو ذا؟ قانون جديد!!..طبيعية مع الناس كلهم الا انت!!..لاتكون مخططة على كذا بس!..انا مابي اعيش مع جدار مرة وحدة!!
، وابتسـم ،
بس جدار حلو ماشاء الله
،من جهة الرزان كانت تستهبل..تتدلع..وغير!!..وبعد ساعة..
الرزان..رمت نفسها على كنبة وهي تضحك:بس الله يخليج،الصورة الأخيرة احذفيها
سارة..ابتسمت:ليـش؟،ترا احلاهم صدقيني
الرزان..ابتسمت:مو عشانها احلاهم،احذفيها
سارة..ضحكت:انا بخليها واذا ماتبينها بعدين ارميها،يـلا استاذ تفضل
الرزان..ابتسمت تتمصخر:شرف يـلا،يــا استــاذ فـارس
فـارس..قام وقرب منها وهمس:مو قدام الناس اوكي،سوي اللي تبين بينا،بس مو قدام الناس
وقفت وعدلت فستانها،
ولا يهمج يارزون..خلي الليلة تعدي على خير..وبس
،وبادلته نظرات ساخطة..المصورة استغربت من نظراتهم لبعض..
بدأو يصورون..لكن ماطولوا..و نرفزوا المصورة لانهم مايسمعون الكلام..و أول ماخلصوا طلع..
وجاوا هنادي والبنات كلهم يصورون وياها..و صوروا صورة جماعية وهم يستهبلون..و طالعتهم..
وابتسمـت بغصـة الـم..

 
 

 

عرض البوم صور بياض الصبح   رد مع اقتباس
قديم 24-08-10, 10:02 PM   المشاركة رقم: 18
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

[..الجـزء السـادس عشـر..]


:يـاخي عيب الصراحة!!،وبعدين امي بدت تشك،فـارس تلاحق على عمرك لاتنكشف و تصير بلاوي على راسك
فـارس..التفت عليها وهو رافع حاجب:شلون يعني بدت تشك؟؟
:لما حضرتك ماتروح تشوف زوجتك اكيد بتشك يالغبي!،روح مجاملة بس،وعشان امها بعد ،لا يسوون سوالف عالفاضي
فـارس:مناهل علاقتنا أصلاً ماهي طبيعية،فهي راح تستغرب اني جاي ازورها
مناهل:وتستغرب مافيها مشاكل،اهم شي اللي حولكم مايستغربون من حالكم..جلست عالكنبة جنبه..وبعدين قولي،انت ابداً ابداً ماعندك مشاعر اتجاهها؟؟
فـارس طالع فيها بنظرة غريبة ومارد..
مناهل:مو معقول!،البنت حلوة،الا تجنن مو بس حلوة،ومرة حبوبة
فـارس..رجع طالعها:انتي ماتعرفينها زي مااعرفها،هاذي مو حقيقتها أساساً
مناهل:تقصد عشان المشاكل اللي عندها!!،عادي كل انسان في هالحياة عنده مشاكل،وبعدين بما انك تعرفها على حقيقتها ومع كذا قررت تتزوجها يعني عندك مشاعر اتجاهها
فـارس..ابتسم:ياليت تخلين فلسفتج وتحليلج النفسي لغيري،انا مافكرت ولا راح افكر بهالأشياء، انا لما قررت اتزوجها كان لاني شفت انها الانسب من كل النواحي،لان ابوي وامي ماراح يقدرون يرفضونها،و لاني فاهمها _مع اني صرت اشك في هالشي الحين_ وماراح تسبب لي مشاكل
مناهل..استغربت:تسبب لك مشاكل؟!!،شلون يعني؟
فـارس:اقصد بما يتعلق بمتطلباتها كزوجة
مناهل..استغربت اكثر:انت من صجك!!،بديت اشك انك صاحي!!،فـارس انت من جدك كنت تفكر بهالطريقة!!،يعني من قبل لاتعرف عن مشكلتها كنت ناوي...
فـارس..قاطعها ووقف:أي بالضبط،اقول بس بما ان زوجج مسافر وش رايج نروح البحرين؟
مناهل..فهمت انه مو مستعد للمناقشة في هالموضوع حالياً وطالعت ساعتها:ليش لا،وبالمرة ناخذ حرمك المصون
فـارس:وشو؟،لا طبعاً
مناهل:ليـش!
فـارس:مزاجي مابي آخذها
مناهل..طنشته وقامت:انا بقول لهنادي،وبتصل على الرزان بنفسي واقولها،مع ان الافضل انك انت تكلمها،و عجل اذا عندك شي بتسويه،هو صحيح اليوم سبت ومافي زحمة لكن حلو نروح بدري لان اليوم ويكند عندهم
الرزان فتحت عيونها..وطالعت الساعة،
9:15!!..انا وش مصحيني بهالوقت!!..اليوم السبت!!ولا الأحد!!..كم التاريخ؟؟
،وقامت وهي تتمدد،
انا صحيت وخلاص..مافي امل ارجع انام
،راحت تشوف التقويم،
10/1/2009..13/1/1430..هههههههه..اليوم السبت..ههههههههه
،وظلت تضحك على عمرها..غسلت وجهها..فرشت اسنانها..الا جوالها يدق!!..طلعت من الحمام "الله يكرمكم"..
شافت الجوال وطالعت بالشاشة 4مكالمات لم يرد عليها!!..3 من هنادي و1 مناهل،
مناهل!!..وش تبي فيني بهالوقت!!..وهنادي وش مصحيها بهالوقت؟؟
،طالعت ساعة الجوال تتأكد،
9ونص!!..وش فيهم ترا الناس ممكن تكون نايمة بهالوقت..الا انا طبعاً..هههههههه
،وضحكت على عمرها..واختفت ضحكتها لما رن الجوال مرة ثانية..فركت عيونها تتاكد،
فـارس!!..العايلة كلها بيوم واحد؟!!..شالسالفة!!..اللهم اجعلوا خير
،وضغطت السماعة..
فـارس:السـلام عليكم
الرزان..(ادب ماشاء الله من الصبح)ومسكت ضحكة:وعليكم السلام
فـارس..استغرب من صوتها:انتي على وشو تضحكين؟،شكلج صاحية من بدري!!،اجل ليش مارديتي على المكالمات؟؟
الرزان..وخرت الجوال وضحكت ضحكت بعدين رجعته:مو من بدري مرة،صحيت من ربع ساعة، انت اللي كنت تدق من جوالات العالم!!
فـارس:أي جوالات العالم!!،أبداً مو لهالدرجة ميت عليج،مناهل وهنادي اللي دقوا
الرزان:هنادي وش يصحيها!!،ومناهل وش تبي فيني؟؟
فـارس..(اللهم صبرك ياروح)اخذ نفس:أبداً بنروح البحرين،فأصروا انج تجين معانا
الرزان..استغربت:انـا!!،البحريـن..(أي صح..ناوين امي تذبحني هالمخابيل!!..وبعدين انا وين والبحرين وين)..امممم،ماظن
فـارس:وشو اللي ماتظنين؟؟،انا بكلم امج،ونص ساعة وتكونين جاهزة مانبي نتأخر،مفهوم؟
الرزان كانت مستغربة،
وشو!!..يكلم امي!!..ياويلي رحت فيها،..
فـارس..كرر:مفهـوم؟
الرزان:لا طبعاً مو مفهوم،لاتكلم امي ولا تتعب نفسك،انا مابي اروح..(يصير خير)..وماله داعي
فارس:باللـه انتي غاوية نكد!!،احنا عازمينج مايصير ترفضين العزيمة،بدون أي كلمة زيادة تجهزي،انا بكلم امج
سكـر،
ياربي..والله ودي اشوف هالبحرين اللي الخلق ميتين عليها!!..بس مو معاهم..وماقدر اقول حق خالد لان عنده دوام..يـالله..يـلا اذا وافقت بروح وامري لله..بتكون فرصة للتحرر فعلياً من هالسجن
،..طبعاً ماهو غريب ان ام الرزان ماكنت تسمح لها بالطلعات والروحات والجيات..كان حدها بيوت اخوالها وخالاتها..واذا طلعت يكون بـ حراسة مشددة..
فكانت هاذي الايام متعة بأنها تطلع وتروح وتجي لأماكن كانت تتمنى تروحها..بس هي بنفس الوقت تكره تطلع بدون رجال..
ودايماً مع خالد او طلال..لكن طبعاً كل القواعد تغيرت في لندن..وعلى كثر ماكانت خالتها ايمان تروح مع خالد وطلال للبحرين..
الا ان امها ولا مرة رضت لها تروح معاهم..فكانت ايمان تجيب لها الافلام معاها...
رن جوالها وهي تمشط شعرها..قطت المشط من ايدها..وردت..
هنادي:مـرحبا،جهزتي ياحلوة؟
الرزان..ابتسمت:هاذي انتي،مرحبتين،أي نعم بس بقى البس العباية
هنادي:حلو،فكرتج مابتاخذين كلام اخونا الكريم بجدية،بس ماسألتي امج؟؟
الرزان..ارتبكت:فـارس قال بيكلمها،ماكلمها؟!
هنادي..ضحكت:اشفيج تخصبقتي!!،استهبل عليج كلمها،وحزري فزري
الرزان..توترت:والله مالي خلقج هنوده،قولي بدون لف ولا دوران
هنادي..ضحكت:ياحياتي هدي اعصابج،وافقـت على طول
الرزان..انصدمت:معقولة!!،اكيد تمزحين!!
هنادي..ابتسمت:حياتي انتي حرم فـارس بن صالـح الـ... مو أي احد،طبعاً ماقدرت ترفض هو زوجج،واللي ماعطاها مجال للرفض اننا انا ومناهل بنروح معاكم
الرزان..ابتسمت وهي مستانسة:يـاربي،لو تدرين وش كثر مستانسة
هنادي..(ياحياتي..وربي ماتصورت فرحتج بتكون هالكثر!!)وحست بغصة وابتسمت:الله يديـم عليج الوناسة والفرح ياحياتي،يـلا دقيقتين ونكون عند الباب،عجلي ولبسي العباية
الرزان..ابتسمت:ان شاءاللـه
هنادي:يـلا سـلاموز
الرزان:سـلاميز
وركضت وهي تنطط من الفرحة تربط شعرها وتلبس العباية..رجعت لها فرحة الطفولة فجأة..
بس عشان بتروح البحرين!..يمكن سبب سخيف لنا..لكن عظيم لها..وكأنها حست بالتحرر من قيود امها!...
مناهل..التفتت على هنادي:اشفيج فجأة سكتي؟!!
هنادي..انتبهت:هـلا!!
مناهل:الــو!!،كنتي مسرحة وين!!
هنادي..(مادري وش اقول!..المفاجأة صدمتني!..وبساطتها حطمتني يمكن!!):أبداً بس كنت أغني لنفسي
مناهل..ابتسمت:ترا هذا تلميح مبطن لك يافـارس
فـارس..ابتسم:سيارتي وانا حر فيها مابيكم تشغلون فيها اغاني
هنادي:اللي يسمعك يقول ملتزم!!،ومادرى عن كـارمينا وشهرزاد وانطوانيت
فـارس..ابتسم:اذا كان كرهي للأغاني يسمى التزام،فسميه زي ماتبين
مناهل:طيب شغل الراديو عالأقل
هنادي:أي والله،عالأقل راديو،بدال مااحنا جالسين ذا صم بكم
فـارس:احسن واريح،لما تجي حبيبة قلبج سولفي معاها
هنادي..ابتسمت:تغـار
فـارس..ابتسم:بشـدة،هههههههههههه،لاتضحكيني اكثر،ههههههههههه
هنادي..ضحكت:الحمدلله والشكر،اقول بس شغل الراديو
فـارس..ضحك:ماتدرين ان الحنة تقصر العمر وتنقص الفلوس
هنادي:اللي قال هالكلام مايقصد الحنان يقصد اللي يحنون عليه،لانه هو اللي بتنقص فلوسه وبالتالي بيقصر عمره،والحين شغل الراديو
فـارس..ضحك:انتي ورثتي الفلسفة عن اختج!!
هنادي:تدري ان المماطلة تقصر العمر اكثر!،لاتغير الموضوع وشغل الراديو
فـارس..شغل الراديو:يمـا منج حنانة درجة اولى
هنادي:ان شاء الله ان شاء الله
وضحكوا عليها..ووصلوا لبيت الرزان..وبعد ثواني طلعت..فنزلت مناهل من الباب الأمامي للفانتوم البنفسجية>>خطير لونها على فكرة<<
..وبعد ماسلمت عليها..
مناهل:ركبي انتي هنا انا بركب ورا
الرزان:لا لا،خليج مكانج انا بركب ورا
مناهل..ابتسمت:لا ماعليج مافيها شي انا بركب ورا
الرزان..ضحكت:الا احلف عليج يعني!،لاتخلينا رسميين كذا وارتاحي مكانج،انا ابي اقرقر مع هنوده حبيبتي
هنادي..فاتحة النافذة ومتسندة عليها:فديتج ياحياتي..فتحت لها الباب..تعالي عندي تعالي
الرزان..ضحكت:يـلا جاية جاية،يـلا رجعي مكانج مدام مناهل
رجعت مناهل ركبت قدام وهي محبطة والرزان ركبت ورا جنب هنادي وضمتها هنادي..
هنادي..ابتسمت لها:تدريني احبج صح!،اذا تدرين هذا للتذكير،واذا ماتدرين هذا للمعلومية
ضحكوا..
الرزان..ابتسمت:اول شي السـلام عليكم..وردوا السلام..ثاني شي مشكوره على التذكير،ثالثاً حطوا جايبين اغنية اشوف فيك يوم حقت راشدmbc fm
هنادي:صـج!! اخيراً بسمعها،فـارس حط حط 105
فـارس:حلو كملت
{اشـوف فيـك يـوم عاللـي انـت عملتـوا فيـا.. لمـا انـت غدرت بيـا..
واللي بترضاه عليـا بكرا نا حرضاه عليـا
كلامك تاني مش حيفيدك..محدش ضربك على ايدك عشان تنسى حب زمان..
حتمشي بس مش قلقان..حتيجي وابقى فيك شمتان حتتعب ولسه كمان}
مناهل:اوف وشهالحقد!!،انتوا حاقدين على مين؟
هنادي..ضحكت:الكل تقريباً
مناهل:الله يكفينا شر حقدج انتي بالذات
الرزان..ضحكت:مسكينة،هنوده ترا وديعة بس احياناً يطلع الجزء المتوحش بدفاشة
هنادي..تخصرت:نعم عيوني!!،هذا بدال ماتدافعين عني!!،ودفاشة مين يالرقيقة!!
الرزان..تستهبل:ياي ياربي انتي ليش كذا متوحشة،هدي اعصابج
هنادي:ضفي وجهج انزين،صدقت عمرها حليمة بولند
الرزان:وعععع انا الرزان تقارنيني بهالأشكال،وش جاب الثرى للثريا
ضحكوا..
مناهل..وهي تضحك:معاها حق الرزان،وش هالمقارنة وش جاب لجاب،القمر الرزان والنجمة حليمة اكيد
فـارس..وهو ماسك ضحكة:طبعاً وش جاب الثرى للثريا،اجل الله يسامحج ياهنادي تقارنين العسل الرقيقة الدلوعة حليمة بهالـ،مادري حتى وش اسمي هالمخلوق البشع الكريه
مناهل خزته..
الرزان..(انا مخلوق بشع وكريه..يـاحشرة..يـاتمساح..يـاحمار وتكرم الحمير بعد) ابتسمت ببرود وحطت رجل على رجل:اللي مايطـول العنـب..وسبلت برموشها وهي تطالعه..حـامض عنـه يقـول
مناهل وهنادي اكتموا ضحكاتهم..،
اللي مايطول العنب!!..اول مرة تتعدين الحدود لهالدرجة!!.. وهالاغبياء يضحكون..مو فاهمين القصد الحقيقي ورا هالكلام!!..ولا فاهمين!!..اشك والله..لنا كلام ثاني بعدين يامدام
،واكتفى فارس بابتسامة..
هنادي..همست لها وهي تضحك:افحمتيه،ويستاهلها
الرزان..ابتسمت لها وهمست:اقولج وش سالفة مناهل؟؟
هنادي..بالهمس:أي سالفة!!
الرزان..بالهمس:يعني غريب انها تتصل وتعزم وهالحركات؟؟
هنادي..بالهمس:الله يسلمج مناهل اقرب وحدة لفـارس،رسمياً هي كاتمة اسراره،فاحذري منها هي تتحاول تتقرب عشان تعرفج اكثر،وبتسحب منج كلام قد ماتقدر عشان تستنتج شخصيتج، الأخت تهوى التحليل النفسي كثير،تقرب لج يعني ههههههههههه
الرزان..ابتسمت وبالهمس:تظنين يعني قالها عنا!!
هنادي..بالهمس:اكيد مايبيلها كلام،والأكيد انها...
مناهل..قاطعتهم:هاي ترا عيب تحطون روسكم على بعض وتحشون من ورانا،عندكم شي قولوه عالمكشوف ترا حلوة الصراحة،ولا فـارس؟
فـارس مارد..


هنادي..ضحكت:انتي شوفي السرحان اول!!،اقول بو الشباب رجاءً ركز في الطريق وخلك من التسريح لانطيح من فوق الجسر
مناهل:اللي سرحان،واللي لقى احبابه ونسى اصحابه!!،والله حالة هالعايلة
هنادي والرزان قعدوا يضحكون..وبعد وقت "ليس بالقصير اكيد" دخلوا البحرين واتجه فـارس لمجمع السيـف..الرزان كانت تتفرج على كل شي حولها..وهنادي تقرقر فوق راسها..وصلوا المجمع ونزلوا..و راحوا يتغدون بتشيليز اللي قدامه..
فـارس:انا بعدين بروح اتسوق شوي،انتوا وش بتسوون؟
مناهل:انا بتسوق اكيد
هنادي:انا مالي خلق دوارة،اول شي ادخل فيلم،بعدين اكون مروقة للدوارة والتشري،الرزان انتي وياي اكيد
الرزان..ارتبكت(وش هالوهقة!!..اكيد افضل اني اكون معاها..لكن انا وياها لحالنا بمكان غريب!!..بالحلفان سويتها بالسعودية..لكن هنا يستحيل..افضل الأمان مع فـارس):أ،أ،مادري!!
هنادي..قربت منها وهمست:اشفيج؟!!
الرزان..همست:ماقدر اروح وياج
هنادي..رجعت مكانها:ليش ماتبين تروحين وياي؟؟
الرزان انحرجت وماقدرت ترد..
مناهل:بتغصبينها يعني تروح وياج!!،خليها على راحتها
هنادي..طنشت كلام اختها:يعني خايفة!!،عادي انتي بلندن كنتي تطلعين لحالج!!...
فـارس:هنـادي!،ماتبي تروح وياج وخلاص،احرجتيها!
الرزان..قامت:عن اذنكم بروح للحمام
وراحت ،الله يسامحج ياهنادي..ليش هالأسلوب!!،وهنادي قامت وراها..
فـارس:استريحي مكانج،بتحلقينها بعد شنو!!،احرجتيها ونشبتي لها بس عشان ماتقدر تروح وياج!!،ماتوقعت منج هالحركة!!
هنادي:انا استغربت بس!،ماسويت شي لاتكبرونها!!
فـارس:لا بسم الله عليج ماسويتي شي ـبداً
هنادي قامت وطنشته..
مناهل:انا استغربت بعد،شلون تخاف وهي بلندن تروح وتجي لحالها عادي؟!!
فـارس:لندن غير،هناك ماحد يلتفت لأحد،وبعدين هي حدها البارك اللي مقابل سكنهم والمقاهي اللي جنب الجامعة وجنب السكن ومحيط الجامعة ماتتعداه،على بالكم تسرح وتمرح بلندن كلها!! ،وهنا بعد غير،انتي تشوفين الخلق كيف مايخلون احد بحاله!
مناهل..ابتسمت:فهمت وجهة نظرها بسرعة!!
فـارس:خمنت،وبعدين هذا وجه التفكير المنطقي
مناهل..ابتسمت:من اللي يتفلسف الحين
ابتسم لها...اما في الحمام "الله يكرمكم"..
هنادي:وربي طلعت مني لاارادياً sorry
الرزان :شلون هنت عليج تحرجيني بهالطريقة!!
هنادي..ابتسمت:السموحة عمتي السموحة،ماعاد اعيدها
الرزان:خلاص طيب وخري..كانت هنادي ضامتها من ورا..تدرين ماحب هالحركات
هنادي..ابتسمت:مو بيدي احبج وماقدر اقاوم
الرزان:هنـادي!
هنادي..كبرت ابتسامتها:عيـونها وقلبـها
الرزان..وخرتها:افـــ منج
هنادي:بتروحين مع فـارس!
الرزان:أي
هنادي..ابتسمت:ممكن اضحي عشانج واظل معاكم،بس لان راسج كبير وعنيدة بتركج تولين
الرزان..شهقت:ليش النذالة
هنادي..ابتسمت:احسن،خلي فـارس بلا جواد ينفعج
الرزان ابتسمت لها..وطلعوا..وافترقوا بالمجمع مناهل راحت تتسوق لحالها وهنادي راحت السينما وفـارس والرزان راحوا يتسوقون...طالعت فيه من فوق لتحت،
الصراحة ذوقه في الملابس عادي جداً..اممممم..ويلبس أشياء ماتناسبه
،ورجعت تقيم اللي لابسه..كان لابس جينز عادي لونه كحلي غامق..و بلوزة صوف خفيف لونها رمادي وعليها معينات بالكحلي والأحمر والأبيض كان رافعها لكوعه،
الوان تقليدية..وحتى قصة الجينز مو حلوة!!..للأسف ملابس ماركات وبالثمن الفلاني..لكن مو بالمستوى!!
،وانتبهت للساعة البيضا وفيها الماسات خلتها تلمع ،
يعني هاذي اكيد بالمستوى.. عالأقل عنده ذوق خطير بالساعات..اممممم والشوز بعد لابأس فيه
،جزمته كانت بيضا ماركة "غوتشي" وفيها خطوط احمر واخضر...سمعت صوت ضحكة مكتومة رفعت راسها..
فـارس..مبتسم:وشالأخبار عندج؟..طنشته وطالعت بعيد..لاتقولين لي ماعجبج شي!!
الرزان..طالعته بطرف عينها:هـه،اكيد لا
فـارس طالعها من فوق لتحت..يقيمها زي كانت تسوي معاه..كانت لابسة عباية زي باقي عباياتها قصة واسعة وسيدة لكن الأكمام غير..الأكمام شيفون مبطن بقماش حرير لونه بيج على ذهبي ومنقوش بالعنابي والأصفر والوان كثير و واسعة وبالنهاية مزمومة زي البف وفيها شريط كريستال ذهبي..والعباية مبطنة من داخل بنفس قماش الحرير وفي اطراف الشيلة بعد في نفس القماش و شريط الكريستال الذهبي..وكانت لابسة في اليد اليمين الدبلة وفي اليسار الساعة الصفرا والاسوارة اللي معاها..وشنطتها "بربري" الذهبية..والشوز فلات اصفر من قماش الستان وموديله زي حقين الباليه فيه شرايط نحيفة..الهدف منها بالأساس انها تخفي اللفة اللي على رجلها..
فـارس:شخبار رجلج الحين؟
الرزان:الحمدلله
فـارس:ليش ماتستخدمين عكاز؟
الرزان:ليش استخدمه؟،رجلي تحسنت ما احتاج عكاز
فـارس:بس باين انج تعرجين شوي
الرزان:ماقلت ان رجلي تشافت!،بس تحتاج وقت وبصير مثل الحصان
فـارس..ابتسم:تقصدين الغزال
الرزان..ابتسمت:لا قصدت حصان فعلاً
وبعد وقت من اللف والتسوق..راحوا لمجمع العالي وجلسوا بكوفي شوب..كانت سرحانة تطالع بدبلتها وساكتة..
الرزان:تحب الألماس الأصفر؟؟
فـارس..استغرب:وشـو؟!
الرزان:تحب الألماس الأصفر؟؟
فـارس..ضحك:فجأة تسكت وتنطق!!،وش هالكائن الغريب ياربي!!،أي احبه اشوف انه احلى من الألماس العادي بعد،بس وش مناسبة السؤال؟!
الرزان..(يعني احتمال كبير..يكون هو؟!!..بس!!..ياربي شالسالفة!!):أبـداً ولاشي،بعدين انت قلت بتاخذ رايي في الملابس وقصيت عليّ!،صار لي ساعة وانا كل مااختار شي تقوم تاخذ غيره!!
فـارس..ابتسم:خلاص،عندج فرصة بعد شوي بنقوم نسوي جولة ثانية
الرزان:ترا اذا سويت حركات الاستهبال حقتك مرة ثانية بتركك واروح
فـارس..ابتسم:حلفي،على وين ان شاء الله؟
الرزان:مالك دخل
فـارس..ضحك:ان شـاء اللـه
وبعد ساعة اخيراً انتهت جولة التسوق..لكن بعد ايش!!،بعد مااترفع ضغطي..اففف منه صج يطفش..طلعت روحي..انا اقول يمين يقول يسار!!..مالت على ذوقه بس..يشتري نفس الالوان!! ..يغير الموديل بس مايغير اللون!!،التفتت..شافته ماد يده لها!!..
الرزان:خـير؟
فـارس..بابتسامة"مكر":احنا مملكين الحين،لازم العالم يشوفون اننا نحب بعض
الرزان..خزته ورغم انها متنقبة الا انه خمن انها رفعت حاجبها:العالم اللي تتكلم عنهم مادروا عن هوا دارك،اقول امسك اكياسك احسن
لكنه طنشها..ومسك يدها..
الرزان..حاولت تسحب يدها:فـارس بلا سخافة!!
فـارس..بابتسامة كبيرة:لاتسوين فضيحة قدام الناس عيب،تكيفي مع واقعج الجديد
الرزان..رصت اسنانها بقهر:واقعي الجيد بعينك،الله ياخذ...
فـارس:مالها داعي هالدعاوي،استغفري ربج
طالعت فيه بطرف عينها..ورجعت التفتت،
مو انا اللي افاجأك زي ماتقول..انت اللي تفاجأني!! ..انا كنت مقتنعة بأن فـارس اللي يضحك وينكت مو هو فـارس الحقيقي!!..بس ياترا مين هو فـارس الحقيقي!!..انا ماظنه قاسي لكن!!...
،سكتت افكارها ومشت وايدها بايده..وايده الثانية شايلة 10 اكياس او يمكن اكثر!!...بعد ماحط الأكياس في السيارة..راحوا للسينما...
الساعة 11:40..وصلوا عند بيتها..
هنادي:مرة ثانية بتروحين معاي مفهوم؟
الرزان..ابتسمت:ان شاء الله على امرج..ونزلت من السيارة..يـلا مع السلامة،وثانكس على هاليوم الحلو
هنادي..ابتسمت:حياج الله كل يوم،على حساب فـارس طبعاً
فـارس..نزل:ما اسخفج ياشيخة
هنادي..ضحكت:مو اسخف منك اكيد
فـارس..فتح شنطة السيارة:تمـونيـن
وجات بتفتح الباب..و ناداها فـارس..
الرزان..التفتت شافت اكياس بيده:وشـو؟
فـارس..مد لها الأكياس:هاذي اشياء لج
الرزان..استغربت:لـي انـا!!
فـارس..ابتسم:أي لج انتي،يـلا خذيهم يدي بتنكسر لو ظليت مادها للأبد!!
الرزان..مدت يدها وهي مازالت مستغربة واخذتهم:شـ،شـكراً
فـارس:تصبحين على خير
الرزان:وانت من اهلـه
وسكرت الباب وراها..ولما رمت نفسها عالسرير من التعب..
ضحـكـت..وابتـسمـت...

 
 

 

عرض البوم صور بياض الصبح   رد مع اقتباس
قديم 24-08-10, 10:04 PM   المشاركة رقم: 19
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

[..الجـزء السـابع عشـر..]


يوم رجعت من حفلة الملكة..ملكتي انا طبعاً..تعبانة ومتكسرة..رجلي المسكينة كانت تصرخ طول الليل وانا ارقص تترجاني اجلس..
لكن..ماسمعت لها واستجبت لقلبي اللي كان يبي يرقص ويستانس..طبعاً مااقولكم كيف كانت النظرات عليّ من كل حدب وصوب..
اللي مقهور..و اللي معصب..واللي مو عاجبه ويستنكر ويشجب!!..كل هذا عشان رقصت!!..
مايسوى عليكم والله! ..ماعلينا..لما رجعت قالوا لي في هدية لج موجودة من العصر في الصالة!!..
طبعاً انفجعت لما شفت باقة ورد كبيرة كبيرة..جوري اصفر وابيض مع اوراق خضرا شي يجنن ياخذ العقل..
وعلى الطاولة صينـية حلاوة كبيرة وفخمة من باتشي..الحلاوة ذهبي وبني..
عليها بطاقة مكتوب فيها {الـف مبـروك} بنفس الخط المألوف وبدون توقيع كالعادة!!..
وشفت كيس مجوهرات الحرمين..فتحته وكان فيه علبة..العلبة كان فيها طقم ولا اروع من الذهب الأبيض والألماس الأصفر..وعليه بطاقة
{طلـي بالأبيـض طلـي..يـازهـرة نيسـان
طلـي ياحلـوة وهلـي..بهالوجـه الريـان
"هـذا ليـوم زواجـك"}
طبعاً انا مو بس تفاجأت الا انصدمت!!..الى اليوم وانا اتحرقص..ابي اعرف مين هالشخص المجهول!!..
اللي يرسل اغلى الهدايا واحسنها!!..مين يطلع؟؟وش يبي؟؟..فكرت مثل ماتفكرون..ممكن يكون عبدالعزيز..هي الفكرة منطقية..
لكن!!!.في نفس الوقت ممكن يكون فـارس..لكن ليش يسوي كذا؟!!..مادري والله مادري..
مخي بينفجر من التفكير!!..احسن ما افكر بالمرة..
رزون يـلا قومي وخلي هالأفكار اللي زي وجهج
،وقامت وهي تتمدد..

الأثنين..
15/1/1430..12/1/2009..
الساعة 3:30 العصـر..
كانت في الحوش..مبهدلة وحالتها حالة!!،
ميـن ده اللي نسيـك..تعرف لو قلبي بيتكلم كان رد عليـك..مين ده اللي نسيـك..قبل مانتعاتب طب سلم الله يخليـك...اممممممم..انا طبعي كده..وبحب كده..وبحب اعيش وماعنديش الا كده..دي حياتي انـا..دي ملكـي انـا..وانا مهما يكون برضو حكون زي ماانـا
،و لفت حول نفسها وهي ترقص..ورجعت للوحتها..الآنسة الرزان من محبات الفن..مو الرقص والغنا بس..
الرسم بعد>>هي مو رسامة مبدعة لذيك الدرجة..لكن تمشي حالها<<..
:أيـوا رقصني ياجدع
الرزان..التفتت وضحكت:خـير استاذ طلال؟!
طلال..ضحك:انا مستعد اغامر واتوسخ مع اني توني متسبح وكاشخ،بس ترقصين معاي،ها؟
الرزان..ضحكت:من صجك؟!
طلال..بابتسامة كبيرة:هو بالجزء الأول لا طبعاً،بس الثاني اكيد
الرزان..ضحكت اكثر:تصدق عاد مافهمت!!
طلال..ضحك:اقصد اني مو توني سابح ومتكشخ،بس صج ابيج ترقصين معاي
الرزان..ضحكت:شلـون؟؟
طلال..مد يده:هاتي هالآيبود..وعطته الآيبود وحط اغنية "كلـمة" لرامي صبريوعلى الصوت وحط الآيبود ومد لها يده..انا أبدء وانتي تتبعين خطواتي
ضحكت ومسكت يده..وبعد ثلاث دقايق سمعوا صوت تصفيق..والتفتوا شافوهم..
هنادي..تنطط:حماس والله،فـارس لازم تتعلم ترقص زي كذا
الرزان كانت مصدومة من ظهورهم المفاجئ..و تـك..انكسرت البكلة اللي ترفع شعرها!!..فلما تركها طلال انفك شعرها..
هنادي..كتمت ضحكة:الا من متى انتي رسامة ياآنسـة،عفواً يامـدام؟!،ههههههههههههههه، فجأة تذكرت مسلسل ليلى،ياويلج تسوين فيها ليلى المثالية عليّ ترا تنبط جبدي من الأشخاص المثاليين اللي عايشين احلام وردية
طلال..ابتسم:لان ماعندج اللي عندهم،تنقهرين منهم
هنادي..رفعت حاجب:هذا تخمين ولا اقرار بواقع،ولا سؤال؟!!
طلال..ابتسم:انتـي اختـاري..التفت على فـارس..شالأخبار عندك بو الشباب؟..وغمز له..الجو عندك تمام؟
فـارس..كان بدنيا ثانية وبعد ثواني انتبه والتفت عليه:هـلا،الحمدلله تمام
طلال..ضحك:من قلب تمام،عن اذنكم..طالع في نفسه ومسك ملابسه..بروح ابدل ملابسـي
هنادي:انا بروح اشرب ماي مو حلقي نشف من بعض الناس،وبالمرة بسلم
الرزان..كانت تحاول تلم شعرها:تعالي عندج ربطة؟؟
هنادي..التفتت عليها:لا،بعدين خليه مفتوح احلى
الرزان:يالفاضية،بيتوصخ من الألوان
هنادي:عادي بعدين غسليه
الرزان:هنـادي،مري الغرفة بطريقج وجيب لي بكلة..وبعد مادخلت هنادي التفتت على فـارس.. حضرتك بتظل متجمد كذا كثير!!
فـارس:مضايقج بشي!!
الرزان:أبداً بس مانع الرؤية،وانا ابي اكمل رسمتي..ولما تحرك..تحرك بشويش يمكن تصحى
فارس..استغرب:تصحى!!
الرزان:القطـوة،مع اني اشك ان في شي ممكن يصحيها من غيبوبتها
فـارس..ضحك وهو يبعد بهدوء:انا اتذكر وماراح تخوني ذاكرتي أبداً في هالشي انج تخافين من القطط!!،شلون قاعدة بهدوء ترسمين قطوة!!
الرزان:لو لاحظت بيني وبينها امتار وهي نايمة،لو صحت وتحركت بوصة من مكانها بطير داخل
فـارس..ابتسم بمكر:تصدقين فجأة تذكرت،من زمان كان ودي بقطوة عندي بالشقة،يمكن لما نرجع اجيب وحدة
الرزان:يكون احسن عشان مااضطر اعيش معاك بمكان واحد
فـارس..ضحك:بعد التفكير،اعتقد ان قطوة وحدة تكفي
الرزان..استغربت:ليش عندك قطوة بالأساس؟!!
فـارس..ابتسم:لا
الرزان:أجـل؟!
مارد وقرب يشوف اللوحة من وراها..فطنشته ورجعت تشتغل باللوحة..وظلت تتأفف وهي تبعد شعرها..ابتسم،
اللي مايعرفج بيقول تتعمد تتدلع بشعرها قدامه..بس في حالتج الملام هي البكلة اللي انكسرت..مالها حق تفارق هالشعر!
،مد يده وجمع شعرها ومسكه..
الرزان..التفتت:شتسوي بالضبط؟؟
فـارس:امسك شعرج،بدال ماتقعدين كل شوي تبعدينه،انا بمسكه واريحج
الرزان..ابتسمت وهي تحاول تمسك ضحكتها:وشلون يفترض اتحرك!!
فـارس:انا مو ماسكج انتي!!
الرزان..ضحكت ضحكة مكتومة:انت ماعندك شغلة؟؟
فـارس:يفترض اني في اجازة!
الرزان..ابتسمت:ماقصدت كذا
فـارس:ادري وش قصدتي،لا ماعندي شي،أساساً انا جاي عشان اوديج لموعدج
الرزان..استغربت:ليش؟!
فارس:خالد دق عليّ وقال وديها بدالي،so here I'am
الرزان:غريبـة!!
فـارس:ان خالد دق عليّ او اني هنا!!
الرزان..ابتسمت:مادري كل وحدة اغرب من الثانية
ورجعت لرسمتها..والتفتت بعد دقايق على صوت ضحكة..
هنادي..تضحك:اما حلوة البكلة البشرية اللي وراج يالرزان
الرزان..ضحكت:سخيفـة
هنادي..مدت يدها ببكلة:انا اعفيك من مهامك يا استاذ فـارس رسمياً وبمرسوم ملكي..وضحكت هي والرزان..خذي البكلة يامـدام..والتفتت على فـارس اللي رجع على ورا وترك شعر الرزان..انت اشفيك اليوم ماد البوز؟! مين مات وانا مادري؟؟
فـارس:استغـفر اللـه وش هالكلام!!
هنادي:مادري عنك قالب لي خشتك البهية وعافسها من الصبح!!،افرد هالخشة الوسيمة رجاءً وارحم معجباتك..غمزت للرزان اللي كشت بوجهها..ههههههههه،ماعلينا انا كلمت السواق وبيجيني الحين،وبروح اسوي اشغالي،عشان عرس حضراتكم،انا اتعب لكم ترا،لكن من يقدر
:انتي لو بتظلين تهذرين على راسهم بهالطريقة ماراح يقدرون ابد!!
هنادي..التفت:ارحمنا بس يالصامت انت،رجاءً طلول بلا تفلسف
طلال..شهق وحط ايده على قلبه:طلـول مين ياروح امج!!،اشوف طالت وشمخت،يـلا برا يـلا الباب يوسع جمل يا...ماقدر حتى اقولها
هنادي..ابتسمت:وش فيك ياخي هدي اعصابك،ترا والله امزح،عزيز وغالي والله يـا استـاذ طـلال
طلال..ابتسم:أي كـذا تأدبـي..وطالع بساعته..يـلا نراكم على خير جميعاً
هنادي..دق جوالها:اقول ضف وجهك بس يـاطلول
وركضت برا البيت..وهم قعدوا يضحكون..
طلال..يضحك:والله مااهبل من الأخت الا اخوها..التفت على الرزان وفـارس..مع السـلامة
وطلـع..الرزان حطت فرشاتها..
الرزان:ماتبي تدخل؟
فـارس:انتي بتدخلين؟
الرزان..طالعت ساعتها:الساعة4:5!،أي خلصت خلاص
فـارس..طالع باللوحة:بس لسه ماخلصتي اللوحة؟؟
الرزان..قعدت تلم اغراضها:خلصت الجزء اللي احتاج فيه القطوة،الباقي اقدر اكمله بدونها،بعدين شوي وتقوم هالمتوحشة وانا مابي اكون موجودة
فـارس:خلي اللوحة انا بشيلها
شالت بقية الأغراض..وهو شال اللوحة..وصعدت وصعد وراها..
فـارس:امـج وين؟
الرزان:امـي بالمطبخ تطلع مهاراتها على الخدامة الجديدة..واشرت له على ركن بالصالة..حطها هنا،تقدر تنزل عند جدتي،المسكينة قاعدة لحالها بالجلسة اللي قدام المجلس،انا بآخذ شاور وبنزل
فـارس:وخالتج مو موجودة؟!
الرزان:خالتي!!،ايمان نايمة وماراح تصحى الا المغرب ولا العشا
فـارس:اوكـي انا بكون مع جدتج
هو نزل وهي دخلت الغرفة...جففت شعرها..و التفتت على الأكياس اللي اخذتهم من فـارس ومافتحتهم،
ليش ما اشوف وش فيهم؟؟..انا مازلت شاكة في انه ممكن يكون الشخص المجهول!!
،شالت الأكياس وفتحتهم..كانوا اربع اكياس..الأول من "ارماني" وفيه فستان حرير شيفون لونه
Jimy Choo اخضر ومشجر بالأصفر والفوشي قصير للركبة وموديله بسيط..الكيس الثاني من
واكيد بيكون فيه شوز او بالأحرى صندل بكعب عالي >>زي صنادل سندريلا<< لونه فوشي ونفس الموديل اللي تحبه من قدام مرتفع ومسكر لكن فيه فتحة صغيرة ومن ورا بس فيه شريطتين شوي عراض ينلفون وينربطون،
هذا اللي اصر عليّ اجربه!!..بس انا رفضت فشلون عرف مقاسي!! ..38 بالضبط!!
،..والكيس الثالث من"ارماني جينز" فيه بنطلون احمر سكيني و من البنطلونات اللي يكون لها من فوق زي الحزام العريض او المشد!!>>مااعرف شلون اوصفه!!<< ومعاه قميص نص كم اسود و بدي كت لونه رمادي وفوقه جاكيت قصير صوف رمادي واكمامه مخططة بالأحمر،
يبدو انه فكر بكل الأحتمالات!!..وكيف ممكن البسه!!..للأسف ذوقه حلو لما يختار للناس لكن لما يختار لنفسه لا!!
،والتفتت على الكيس الرابع اللي من "لاكـوست"..فيه تي شيرت لاكوست العادي نص كم ولونه اصفر،
الغريب انه مارفض اقتراحي انه يشتري التي شيرت الأصفر اللي نفسه!!..هل يحب الأصفر فعلاً!!!..وبعدين شاريه عشان نطقم يعني!!..هههههه



،التفتت تطلع بقية الأغراض..كان في الكيس بنطلون ابيض قصته واسعة شوي لكنه بمقاسها وشوز رياضي لونه ابيض وفيه خطوط نحيفة بالأصفر والوردي والأخضر وعليه تمساح لاكوست،
حلو فجأة تحس بالعز والدلال..هدايا وماركات..يـلا يارزون اتهـنـي
،وطلعت آخر قطعة بالكيس كنزة مفتوحة بأزارير وخفيفة لونها وردي على فوشي عادية وعليها تمساح لاكوست،
ياهالتمساح خلاص انا كرهتك..قطيعة احد يختار شعار لماركته..تمسـاح!!..قلوا يعني!!
،لمت الأغراض ورتبتهم في شنطتها..واخذت الكنزة الوردية والبنطلون الأبيض..
ولبستهم مع قميص اصفر فاتح وشوز converse السبورتي اللي لونه قريب من لون الكنزة وطويل شوي من فوق ويغطي الكعب..
اما شعرها تركته مفتوح ولفت خصلتين من اليسار واليمين لورا..طالعها فـارس من تحت لفوق لما دخلت الغرفة..وابتسم..
الرزان..حطت عبايتها تضايقت من نظراته بس اجبرت نفسها تبتسم:شاللي عجبك بالضبط،اكيد الشوز صح!،لانه احلى شي في لبسي
فـارس..ابتسم:معـاج حق،بس بعد الكنزة الفوشية حلوة
الرزان..ابتسمت:اوه عجبتك!،ممكن نقول للي جابها شاكرين له،يجيب لك وحده زيها
جلست جنب جدتها..وقعدت تسولف معاها،
يمكن شخصيتج معقدة كثير فمحد فاهمها..اوانها بسيطة كثير فمن بساطتها محد قادر يستوعبها!!..والخيار الثاني على مااعتقد هو الصحيح برايي...
،انقطعت افكاره و امها تناديه..
فـارس..ابتسم ولف عليها:آسف،وش كنتي تقولين خالتي؟
نهلة..ابتسمت له:كنت اقول تبي شاي ولا قهوة
فـارس:قهوة الله يعافيج
الرزان..قامت:اجل اقوم اجيب لكم من الحلاوة اللي بالمجلس
راحت وخلال ثواني رجعت...
الرزان..وزعت الحلاوة عليهم:كان ودي اجيب لك الصينية تختار منها بس خلني اشيل عمري عشان اقدر اشيلها،بس اكيد راح يعجبك ذوقي
فـارس..ابتسم و ورا ابتسامته شي ثاني:اكيــد مايبيلها كلام
وبعد نص ساعة كانوا في سيارته الـ موستنج السودا...
الرزان:لاحظت انك تعشق السيارات!
فارس:?so is that a problem،بعدين كيف لاحظتي يانبيهة?
الرزان:عندك اكثر من سيارة،و تهتم بمظهر السيارة زيادة عاللزوم،و...مادري بس استنتجت
فـارس:نبيهة اسم الله،وانا فعلاً اعشق السيارات،وهاذي صفة معتادة على فكرة في الذكور
الرزان:مـو شـرط الذكـور بـس!،انـا احب السيارات،واكـره التسوق
لاحظت انجshoppingفـارس..ابتسم:حقيقةً انتي قاعدة شاذة،بس مو معقول تكرهين الـ
تحبينه
الرزان:اوكي يمكن ما اكرهه لكن اكيد ما احبه زي باقي البنات،يعني يعتبر متعة من وقت للثاني
فـارس:وبالنسبة للسيارات مااظنج تحبينها بالطريقة اللي الذكور يحبونها
الرزان:انت قاعد تعمم مرة ثانية،خالد مايحب السيارات يعتبرها ضروريات وبس مثل الجوالات، انت بأي طريقة تحب السيارات؟!any way يعني انت هنا تتكلم عن نفسك،
فـارس:اهتم بالمحركات بالسيارة ككل،انتي - وانا متأكد من هالشي- تحبين اشكالها والوانها وانواعها خصوصاً السريعة والغالية،انا اهتم بهالأشياء بس اهتمامي ماينحصر فيها زيج،صح ولا لا؟
الرزان:تقريباً صح
سكتوا..والتفتت تطالع بالشارع..هو طلع سيجارة وشغلها..شمت الريحة واختنقت...
الرزان..وهي تكح:انت اذا تبي تذبحني استمر بالتدخين،رجاءً ماتدخن وانا وياك مرة ثانية..رمى السيجارة من النافذة المفتوحة وشهقت..ياسلام بدال ماتطفيها ترميها بالشارع!!،اكيد انت مو صاحي!!..ابتسـم ببرود..بعدين من متى تدخن؟
فـارس:من يوم عرفتج
وابتسم..
الرزان..كشرت:هـا هـا هـا ماتضحك،انا ماشفتك ولا مرة تدخن!،متى بديت تدخن؟؟
فـارس:لانج ماتعرفيني اساساً،انا ادخن من..وفكر شوي..اربع سنوات او ثلاث سنوات ونص
الرزان..فكرت بنظريتها(اكيد كان في شي صاير وقتها..خلاه يبدا يدخن..كوسيلة غبية لتفريغ همومه وآلامه..عاشت المحللة النفسية رزون)ابتسمت لنفسها:كان في سبب خلاك تبدا تدخن صح!؟
فـارس..ركز عالطريق:مادري بديت تلقائياً ادخن
يصيـر خيـر..قـال تلقائياً قـال!!..مازال الغموض يكتنفه..تحسونه شوي كأنه من ابطال قصص عبير..غامض وجامد..
يظهر بشخصية مغايرة لشخصيته الحقيقية..طبعاً هذولك عكسه ظاهرهم الجمود والقسوة وداخلهم الطيبة والحب والحنان..
بس هو لا اكيـد..ظاهره الدفا وخفة الدم والحنان واحياناً تشوفونه سوبر مان..
بس داخله وهو الجزء الغامض حقيقةً واللي يظهر احياناً..برود زي الثلج وقسوة زي الصخر وعناد بلا حدود..
اي وايش بعد من صفات ابطال قصص عبير!!..اي النجاح المهني اكيد..واكثر مايعجبني فيه هو طموحه الدائم للأفضل..
واكيـد يشابههم في الثراء.. مادري وش بلاهم كاتبات العالم كلهم لازم يخلون الابطال اغنياء!!طيب لمرة خلوا البطل بسيط عادي طبيعي..
لاغني ولا فقير!!..بس يمكن ينظرون لمستقبل الأولاد اللي بيجون في الطريق!!..هههههههههه..
ماعلينا وفي ايش بعد يشابههم؟؟..اممممم يفترض الوسامة!!..حقيقةً توني انتبه اني مادققت في ملامحه..
يعني انتي تعرفين ان هالشخص اللي معاج وسيم ومزيون وحليو..بس مادققتي في خشمه..
عيونه..شعره..جسمه وطوله اللي اكتشفته مؤخراً..واللي يشابه فيه ابطال قصص عبير..لازم يجون طوال جداً!!
،التفتت تتأمل ملامحه..وتدقق فيها..من عيونه العادية لكن رمادية،
هذا شي اول مرة اكتشفه!!..متى صارت عيونه رمادية!!..بس من وين جاب العيون الرمادية؟!!..
اي صح امه وخواته عيونهم ملونة..وسعد الكتكوت ولد اخوه عيونه رمادية!..وهنادي عيونها عسلية!..
شي وراثي فهمت..احنا عندنا علياء ونوف عيونهم عسلية بس غامقة مو فاتحة..ماعلينا
،رجعت تطالع فيه..خشمه كان دقيق وطويل،
وكأن خشمه مرفوع خلقةً..ياسبحان الله..مايحتاج يرفع خشمه عالناس..هههههههه..
بس معطيه هيبة..توافق صفة اخرى مع ابطال قصص عبير..تلفهم هالة من الوقار والهيبة..
وعندهم كاريزما قوية..و الخ من الكلام الفاضي.. هههههههه
،عظام وجناته بارزة شوي.. وشفايفه مليانة شوي،
اوكي يفترض مافي رجال شفايفه مليانة!!..يمكن نافخهم..ههههههههه..بلا عبط رزون!!..
ماعلينا..خدوده شوي بارزين زي هنادي..و..وجهه طويل ونحيف..واهم شي ال***وكة الكلاسيكية الخطيرة..
امممممم..شاب وسيم بكلاسيكية سعودية..طيب يتشابه مع ابطال عبير بالوسامة
،وفجأة طلعت منها شهقة..
فـارس..التفت مستغرب:اشفيـج؟؟
الرزان..(اكتشتفت شي..خطير..و..غريب بنفس الوقت!):لا ولاشـي،كنت افكر بشـي
بالضبط..من جد!!..ما اكذب عليكم بس جد جد..يشبه حبيب ريمـا هريتك روشان!!..غير ان فـارس خشمه اطول شوي و على استقامة..وهريتك خشمه اقصر و نازل على تحت!!..وفـارس شفايفه مليانة واكبر من شفايف هريتك..والفرق الأكبر..فـارس شعره قصير وهريتك شعره دائماً طويل
،وطالعت بفـارس مرة رابعة،
مادري ليش مايغير هالقصة الغبية..شعره ناعم وشوي كثير.. ويمكن لو طول يغطي على روشان!..بس دائماً يحلقه على طول واحد ويمشطه بترتيب بزيادة!!.. بس مع هذا باين ان شعره كثير وناعم..طيب نشوف كجسم
،وطالعت من فوق لتحت..
فـارس:ترا مليت من نظراتج،بديت احس اني فأر مختبر
الرزان تفشلت والتفت تطالع برا على طول،
يعني لازم الأحراج!!..بس حصلت عالنتيجة..طويل وماشاء الله عريض..مو عرض متن يعني..
لا عرض بعضلات..بس بعد مو ذيك العضلات حقت كمال الاجسام..عادي..بس باين انه يتمرن كثير..
زي اخوي عادل قبل لايتزوج..كان يتمرن كثير ويروح الجيم كثير..كان طويل وعريض وجسمه عضلات..
اما الحين مازال طويل بس صار..وعشان مااظلمه ..شبه مكرش..
اما خالد المسكين هذا من يوم عرفته وهو طويل ونحيف مع انه بيكمل 34 الا انه مايبين عليه..لانه مازال زي ماكان قبل عشر سنوات..
بس انه تغير شوي لما صار يشيل حديد ويتمرن..خخخخخخخ..كسر خاطري خالو مهما يسوي بيظل عصقول..
ونفس الحالة طلول.. حقيقةً طلال نسخة كربون من خالد ونفس الحالة فيصل طـول ونحـافة..بس طلال تغير كثير مع الغربة..
صار عنده عضلات وأخيراً..واسمّر شوي بعد..الأخ فـارس هنا..ماهواسمر ولا ابيض..
بشرته مايلة للسمار اكثر من البياض..بس حلوة..احلى من البياض واحلى من السمار..
لايروح فكركم لبعيد..انا ما افكر ابداً باللي تفكرون فيه..مين اللي يفكر يارزون بأيش!!..ماعلينا،..
فـارس:ترا وصلنا اذا خلصت افكارج،اذا ماخلصت ممكن نستنى شوي بعد
التفتت حولها واستوعبت انهم وصلوا فنزلت..تلملم اطراف عبايتها الواسعة..لأول مرة عبايتها عادية جداً..موديل البشت وبأكمامها شريط كريستال وردي غامق وفيه فيونكة بشريط الساتان الأخضر..وشالت شنطتها الخضرا..
فـارس..ناداها:انتظـرج ولا اروح وارجع؟
الرزان..تنتظر المصعد:على كيفك
فـارس:طيب متى تخلصين؟
الرزان:6 ونص
فـارس..رجع يركب السيارة:بكون هنا 6 ونص بالضبط
6:30..طلعت من مكتب الدكتور سعد..ورن جوالها "فـارس بلا جواد يتصل بك"..
11:15..دخلت البيت..وصعدت لغرفتها..
:كيـف كـان اليـوم مع فـارس؟،باين انج استانستي؟
تخرعت وطاحت منها الأكياس اللي كانت بالعافية قادرة تمسكها كلها..
الرزان..التفتت و فيها غصة:خـالد!!،انتوا تبون تذبحوني بالغصب!!،قـاعدة على قلبكم انا ولا شالسالفة!!
خالد..ضحك:عسـل على قلبي لو قاعدة عليه،وبعدين واذا قاعدة عليه مايتأثر قلبي بالعصاقل ترا..لما شاف انها مابلعت المزح..ياقلبي والله مو قصدي اخرعج،ترا امزح بس..راح وشال الأكياس اللي تناثرت وسحبها للكنبة..استريحي وخذي نفس..وصب لها ماي..وخذي شربة مي
شربت الماي وابتسمت بعدين بدت تضحك..
خالد..ابتسم:هـلا هـلا جننج ولد الناس؟؟،لهالدرجة الطلعة معاه حلوة؟!،انا بديت اغـار..وجلس في كنبته وهو يسوي نفسه زعلان..ترا لو مانطقتي الحين وقلتي وش صار،انا بزعل فعلاً
الرزان..ضحكت اكثر:والله انك بزر!!،بالله انت خالي ولا انا خالتك؟ بديت اشك،عيب واحد بيطق الـ 34 يتصرف بهالطريقة!
خالد:وانتي مين عينج مسؤولة عن تصرفاتي وسلوكياتي!!،يـلا بلا تفلسف،وش صــار؟؟
الرزان..ضحكت(والله مو صاحي خالي ابد!!..عليه لقافة حريم بشكل!!):وشاللي بيصير يعني!! ،بعد ماطلعنا من العيادة رحنا اخذنا شي نشربه ولفينا كم لفة بكورنيش الخبر وبعدين مشينا شوي،بعد اذان العشا رحنا لفينا المحلات اللي في قرية القصيبي،والاخ استانس على لامور!! مادري وش فيه زود!!،وبعدين رحنا الراشد وكلما دخلنا محل قال والله ماتحطين بخاطرج شي وماتشترينه!!،انا اكيد قلت له انت مو مسؤول عني بس هو يصر ويقول انا حلفت!!
خالد..ابتسم بمصخرة:لا! عسى لقيتوا حل لهالمعضلة العظيمة!!
الرزان:تتطنز هـا!،انا اضطريت اخضع فما تركت شي بخاطري
خالد..ضحك:انتي ماتركتي شي بالمحلات مو بخاطرج بس!!
الرزان..ابتسمت:بصراحة نصهم اشياء عجبوه هو واخذهم بدون ما يخليني اناقش
خالد..ابتسم:وانا اضمن مليون بالمية انج ماكنتي تبين تناقشين اصلاً وتملؤك الغبطة والوناسة
الرزان..ضحكت وغمز:حلـو الدلال والعـز من وقت للثاني
خالد..ضحك:المهم يالمدللة قعدتوا تتسوقون الى هالساعة!!
الرزان:واذا!!،بس لا ماقعدنا نتسوق الساعة 10 طلعنا و لاقينا هنادي في مطعم ايطالي جهة السنبوك الجديد
خالد:اللي جنب المطعم البرازيلي!!
الرزان:اظـن
خالد:وتعشيتوا و وصلوج!!
الرزان:بالضبط،شفت ماصـار شي!
خالد..ابتسم:أيـه طيب
الرزان..التفتت حولها:البيت دايماً هادي!!وين الناس؟
خالد:الله يسلمج نوفي وعلياء مروا على خالتج وامج وجدتج و رواحو عند اخت زوجة سامي عشان بنتها الكبيرة ولدت و،الباقي مافهمت منه شي سوالف حريم
الرزان..ابتسمت:محد دق يسأل عني؟
خالد..رفع حاجب:احد دق يسأل عنج!!،بيدقون على جوالي لو يبونج يعني!!،وانا وش دراني؟ جوالج وين!؟
الرزان:معاي بس مقفل لان الشحن خلص بعد ماطلعت من العيادة،فقلت يمكن يكون احد دق على البيت يسأل عني!
خالد:لا تقولين انا توني من ربع ساعة راجع مادري عن شي!!
الرزان..ابتسمت:شلون دريت عن العالم اللي بالبيت
خالد..عدل نفسه:احم احم ياعزيزتي انا رب البيت وبالتالي لازم اذا بيطلعون يعطوني خبر وياخذون اذني،مو زيج يدورون على حل شعرهم
الرزان..ضحكت:انا ادور على حل شعري!!،وبعدين انا طالعة مع زوجي مايحتاج آخذ اذن
خالد..ابتسم:سبحان مغير الأحوال وش هالتطورات!!،لايكون!!
الرزان:يكون ولايكون،مافي شي،بطلات قصص عبير دائماً يتماشون مع الواقع ويتكيفون بسرعة
خالد..ضحك:بطـلات قـصـص عبـير!!،ههههههههههههه،متى صرتي بطلة في قصص عبير؟!!
الرزان..ضحكت وقامت:ترا عطلتني انا تعبانة ومتكسرة وابي اروح انام
شالت اكياسها وشنطتها وشيلتها ونقابها..وبدت ترقى الدرج..
خالد:ترا بطلات قصص عبير في النهاية يحبون اللي يتسلط عليهم
الرزان..ابتسمت بمعنى وبدون ماتلتفت عليه:لانـهم غبيـات،انا مااذوب بكلـمة ولا اخضـع بـأمر
وكملت طريقها وهي تبتسم...رمت الأغراض عالسرير ورمت نفسها جنبهم وهي تبتسم،
حلـو العز والدلال..و ان المجال يكون مفتوح قدامك عشان تشتري كل اللي بخاطرك..بدون ماتفكر اذا فلوسك بتكفي ولا لا
،قامت فجأة..وسحبت شنطتها سريع،
مو وقت التفكير والأحلام الحين..خل اشحن الجوال قبل لا اندفن وانا حية..بس مافي امل هي ذابحتني ذابحتني
،وفجأة سمعت صوت التليفون يرن،
جــاك المــوت ياتــارك الصــلاة
وطلعت ركض ترد..
:قولي الو عالأقل ياحمارة يانذلة ياسخيفة ياغبية ياكريهة يا...،مايوفيج الوصف اكثر صراحة، يالخايسة ياللي ماتستحين،لاتسوين فيها الحين انا طلال انتي مين!!،لا اجيج ركض ادوس ببطنج ،ادري طالعة مع المزيون بو عيون رمادية وطار عقلج مع ذيك العيون –مع اني ادري باستحالة ذلك بس يمكن ليش لا! تحصل في احسن العايلات-،انا اوريج يالزفتة حسابج معاي،ولا كلمة مابي اسمع صوتج اساساً،من اليوم لا انتي بنت عمتي ولا انا اعرفج
طـراخ..طوط..طوط..طوط..طوووووط...قعدت وهي تضحك..وما امداها تاخذ نفس الا والتليفون يرن مرة ثانية..
الرزان..تضحك:رجاءً سب من اول وجديد لا،وبعدين مو مانعرف بعض!!خلاص اتفقنا،يـلا انسي رقم بيتنا ولا عاد اسمع صوتج الحسن
:ارتاحي أصـلاً مو حافظ رقم بيتكم عشان انساه،مين الهبلة اللي ماعدتي تعرفينها!!
الرزان..استغربت:فـارس!!،سوري كنت افكرك بنت خالي ريما،بغيت شي؟
فـارس:أي انتي
الرزان..استغربت:نعـم؟..(خل استهبل عليك وش وراي!!)..ترا يبيعوني معلبة الحين تقدر تلاقيني بجميع السوبرماركتات
فـارس:السوبر ماركتات!!،ان شاء الله بنظر في الموضوع،ماعلينا من خفة الدم اللي نازلة عليج، دقيت عالبيت لان جوالج مازال مقفل،وقبل ماتسألين اخذت الرقم من سنترال البيت،المهم الحين بكرا انا وهنادي بنروح الرياض بالسيارة تروحين؟؟
الرزان:ماتلاحظ انكم لاصقين فيني هالأيام!!
فـارس:اذا ماتبين خلاص،بس هنادي عندها اشياء تبي تشتريها من هناك فقالت ممكن تروحين انتي بعد تتسوقين عشان السفرة
الرزان..(بدت الأمور تأخذ منحنى عجيب غريب!!):بس انت ماقلت لي وين بنروح؟!
فارس:هو كله أسبوع ويومين وين ماتبين نروح نروح والحجز سهل،so?
الرزان..(وين نروح يارزون!!):مـادري!!
فـارس:انتي وش تبين تسوين في هالأجازة؟!،على هالأساس قرري،تتسوقين هذا له اماكن معينة، تلعبين وتستانسين هذا له اماكن،تتمتعين بالطبيعة وتستانسين بعد هذا له اماكن،وش تبين؟؟
الرزان..(القرار اكثر من محير!!):مادري ماقدر ارد الحين
فـارس:قرري الليلة وعطيني خبر بكرا،على فكرة بنروح الفجر إذا تبين تروحين دقي عليّ او على هنادي بعد الصلاة،تصبحين على خير
الرزان..(ياساتر!!..وش فيه حامي بحامي!!..دائماً مستعجل!!):تصبح على خير
سكرت..ورجعت غرفتها..وشبكت جوالها..ومسكت التليفون..
وبعد محادثات ومناقشات مع ريما ..انتهت الساعة1:10..
حطت راسها عالمخدة وهي تبـتـسم..وبدون ماتحس نامت..

 
 

 

عرض البوم صور بياض الصبح   رد مع اقتباس
قديم 24-08-10, 10:11 PM   المشاركة رقم: 20
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

[..الجـزء الثـامن عشـر..]

متحمسة وتركض وهي نازلة..
:ترا ترا تررررا،قلب اللي حبك بطل يحبك بطل يسلم بطل يتكلم بطل يقول بهواك،لما انت مش قد الغرام بتقول بحبك ليه لما نت مش قد الكلام عايز من قلبي أيـه، ترا ترا تررررررا
وصلت للدرجة الأخيرة وقفت تهز شوي وقفزت،
الحمدلله رجلي تشافت والا كانت انكسرت بعد هالقفزة..هههههههههههههههههههههه..ترا ترا تررررررا
،انتبهت بشي وهي ماشية.. التفتت مرة ثانية للصالة،
يامصيبتي السودة ماهذا ياهذا!!!
،باقة ورد..جنبها علبة هدية محطوطة على شي زي السلة ومزينة بنفس الورود اللي في الباقة وصايرة حول العلبة الورود والأوراق الخضرا،
بدون تخمين..هالهدية مين المجهول ذاته..بس اول مرة احد يجيب هدية قبل يوم العرس!! ..بس طبعاً هذا الشخص غير عن كل العالم..خـبـل استثنائي..بديت احس بالخوف بعد الفستان اللي عالسيارة!!
،طبعاً انتوا مو عارفين وش سالفة الفستان!!..بعد رجعتها من الرياض امس..الرزان رجعت طلعت مع ايمان وخالد للمشغل تفاجاوا بكيـس على سيارة خالد..من"Gucci"
فستان من شيفون حرير مطبع..
وهالمرة ماكان اصفر كان بنفسجي بس الطباعة عليه بالأصفر ومعاه "BVLGRI" صندل!! وشنطة سهرة صفرا انيقة!!..وداخله كيس ثاني صغير من
مافتحته..وكانت في ورقة مثبتة بدبوس في الفستان {ريـتو ملبـوس الهنـا}!!..طبعاً الكل استغرب..و الرزان قطته بزاوية بالغرفة..وهالمرة حست بخوف غريب،
كأنه قريب بزيادة!!.. بديت اشك انه مهووس..او خبل..ياويل قلبي..والله مو دارية شسوي..ياترا شيكون في هالعلبة!! ..شالهدية هالمرة!!
،قربت بشويش..كأنها خايفة ينط لها شي من داخل العلبة!!..فتحت الغطا بشويش..وشهقت>>وش تتوقعون داخل!!<< قطت الغطا من يدها وصرخت..رفعت تنورتها وركضت على فوق..سمعت صوت فالتفتت..شافتها قامت فحطت رجلها وكملت طريقها للغرفة.. سكرت الباب وقفلته..ونقزت عالسرير وضمت نيـمو..
الرزان:حسبي الله عليه،اشوف فيك يوم يالحقير يالزفت يالسخيف وين ماتكون،الله لا..( لاتنرد عليّ دعواتي بس..ماله داعي)..الله حسيبه هالحمار،يبي يجلطني،هذا آخر ماتوصله!!يبي يذبحني!!
>>ياترى عرفتوا وش هالهدية الحلوة..اللي بتسبب لها جلطة!!..اعطيكم تلميح!!..كائن صغير ويعلقون احياناً فيه جرس عشان لما يتحرك ينسمع صوته!!..عرفتوا!!..اسم الله عليكم..قــطــوة.. اظنه هالأنسان يكرهها من قلب عشان يجيب لها قطـوة!!<<..مسكت جوالها وبسرعة دقت..
الرزان:خـالد خـالد الحق عليّ هالخبل آخر ماتوصل له يجيب لي قطـوة،الله...،حسبي الله عليه
خالد..كان يضحك ويضحك ويضحك!!..
الرزان:انت ليش تضحك!!،انا وراي حفلة ومو قادرة اطلع من الغرفة،بلس بموت من الخوف والرعب!!
خالد..يضحك:هـذا طـلال والله طـلال،مو المعجب المجهول هـذا طلال مسوي فيج مقلب،بس القطوة نايمة،لايكون خرعتيها بصراخج وصحت!!
الرزان:يـاعله...،السخيف الدب الزفت اللي مايستحي قليل الأدب قليل الحيا،حسبي الله عليه كنت بموت من الخوف هذا مقلب هذا!!..اخذت نفس..آآآآآآآخ يايمـا آآآآآخ ياقلبي ياويلي،صج سخافة وثقالة دم وتفاهة وقلة عقل
خالد..يضحك:احنا برا بندخل الحين،وبعدين من صج في هدية بالحوش من المجهول
الرزان:كذاب بس تبيني اطلع عند هالمتوحشة
خالد..يضحك:ياقلبي صج مااكذب عليج،والدليل عليها شريطة صفرا
الرزان:الهدية كانت مربوطة بشريطة صفرا
خالد..ضحك:والله هذا مقلب من طلال،بس الهدية اللي برا تونا شفناها
الرزان:تروح في ستين داهية ماني طالعة الا لما تطلعون هالمتوحشة من البيت
وسكرت في وجهه من هنا..وانطق الباب من هنا..
الرزان:مو طالعة الين ماتطلعون هالمتوحشة من البيت،لاتحلمون تشوفون وجهي قبلها
:يـلا بـلا دلـع مابخلي المتوحشة تقرب منج،طـلال!بعد شوي،يـلا بتتأخرين عالحفلة
الرزان:فـارس والله تندم لو كنت مشترك معاهم بهالمقلب السخيف،والله بتندم
فـارس..غصب عنه ضحك:طلعـي بس،انا توني جاي ومادري عنهم شي،يـلا بتتأخرين على هنادي وبعدين بتسوي لي فضيحة
الرزان..(يالورطة!..حسبي الله عليك ياطلول حسبي الله عليك):عبايتي تحت
فـارس:واذا خذيها اذا نزلتي!!
الرزان..(على جثتي):ماقـدر اطلـع
فـارس:الرزان انا مو قاعد العب ترا بنتأخر،بعدين قولي هالكلام لهنادي لما تقطعنا وتأكلنا للكلاب على قولتها
الرزان..(ما انا بكون كأني ارمي نفسي للكلاب لو طلعت!..بس كاملة مو مقطعة):ماقـدر
فـارس:طـلال يالدب!!وخر لا اكفخك،قولها انك ماراح تقرب القطوة منها
طلال..يضحك:ترا كنت امزح بس رزون،صدقيني ماراح اقرب المتوحشة منج
فـارس:يـلا طلعي بسرعة مافي وقت..طالع ساعته..الساعة 7 ونص عيب تخلين الناس ينتظرونج كذا
الرزان..(الله ياخذني..والله ياخذج ياهنود الزفتة يوم ترسلين اخوج الدب شغلج بعدين..وحسبي الله عليك ياطلول ياولد امي وابوي..استغفــر الله استغفـر الله):طيب غمضوا عيونكم
فـارس:عفـواً!!
طلال قعد يضحك..
فـارس:خلصيني الرزان!!
الحمارة انـا..الغبية انـا اللي اسمع كلام ريمو وهنود..بس حسابهم عسير ان شاء الله
،التفتت تطالع عمرها بالمرايا..من شعرها المرفوع من فوق ومفتوح من تحت بتسريحة صينية..ووجهها اللي مكيجته بنفسها..
الى الفستان اللي تنازلت ولبسته>>الفستان الهدية<<..الفستان عاري من ورا..قماشه بنفسجي فاقع ومطبع عليه بجميع الألوان ورود وفراشات..اما موديله من فوق مزموم ومسكر الى الرقبة وله شريط ينربط من ورا والى وسطها تقريباً موديله واسع شوي وبعدين في شريط من نفس القماش بس لونه اسود تلتف حول وسطها كأنها حزام بشكل اكسات ومن تحت واسع وفضفاض الى اخمص قدميها "على قولتهم" ويغطي الصاندل الأسود اللي جاي معاه..الصاندل اسود وعالي يناسب الفستان نفس الصنادل الجديدة من قدام عريض وعالي وكعبته شوي عريضة..
نجي لمشكلة الفستان من ورا عاري وباين ظهرها كله واضطرت انها ماتلبس شي تحته لان لامجال!! ..وطالعت بالمجوهرات اللي جات بعد مع الفستان حلق كبير من الأحجار الكريمة والألماس الأصفر واسوارة الماس واحجار كريمة ملونة وخاتم كبير حجر كبير لونه بنفسجي..طالعت حولها تدور شي تغطي فيه،
أي طبعاً..شـال الفرو
،والتفتت تدوره..
فـارس:الرزان كأنج مصختيها!!
الرزان..بأزعاج اساورها صرخت:لحظة طيب!
سحبت شال من الفرو كبير شوي ولونه اسود..وحطته علي كتوفها وثبتته عدل..وفتحت الباب تطل براسها..شافت فـارس واقف قدام الباب وطلال جنبه ماسك القطوة..
فـارس:طـلال وخر!..لما الثاني ماسمع الكلام سحبه بعيد..وخر مناك،يـلا طلعي هالصغيرة ماراح تآكلج!!
انا خوفي مو من هالصغيرة..انا خوفي من اللي اكبر منها
،وطلعت بشويش وسكرت الباب وراها..ومشت ومشى فـارس وراها وابتسم فجأة،
يعني مو عشان القطوة "المتوحشة!" ماتبين تطلعين.. عشان اللي لابسته!!..الله يعينج على نفسج
،وفجأة في وسط افكاره..تمسكت فيه وهي تصارخ..
الرزان:ياحمار يازفت ياثور،الله ياخذك الله ياخذك،وخـر مـا مـاااااا
التفت على المنظر..طلال كان يقرب القطوة منها ..
والقطوة المسكينة تحرك ايدينها في الهوا تبي تقفز من ايدين هالخبل فعلقت اظافرها شال الرزان وسحبت وياها..
طلال كان يضحك والرزان متمسكة فيه وشوي بتصيح..لف يده حولها وضرب طلال على راسه باليد الثانية..
فـارس:طـلال بسك من ثقالة الدم!،تبي تجيها سكتة الحين عشان ترتاح!،حرام عليك
وفك الشال من القطوة وعطاه الرزان..وشال القطوة بيد وحدة>>صغيرة المسكينة<< ونزلها.. الرزان صرخت..والقطوة بس حطت رجولها عالأرض ماصدقت وركضت لتحت..وكان تحت عند الدرج خالد ومسكها..
خالد..رفع راسه:طـلال حرام عليك شوف وش سويت بالقطوة!!
الرزان تجمعت الدموع بعيونها ورفعت فستانهـا ونزلت الدرج ركض وشالها يمسح الدرج وراها وماعاد يهمها..مين يشوف ومين مايشوف،
لازم يحولون كل يوم حلو بحياتي الى كابوس.. مايرتاحون لو خلوني استانس بيوم حلو زي الناس..تكرهوني لهالدرجة!!..ارحموني زي ماترحمون أي مخلوق ضعيف..زي هالقطوة
،..خالد ماحاول يوقفها لان بيده القطوة...توجهت له نظرات لوم وعتب من الاثنين..
طلال:وشـو؟!
فـارس:انت دايماً حمار وماعندك احساس كذا!!
طلال:ياخي ماسويت شي هي اللي حساسة زيادة عن اللزوم!!
فـارس:اذا هي حساسة زيادة عن اللزوم،فأنت معدوم الأحساس زيادة عن اللزوم بكثير
خالد:يعني لازم هالحركات السخيفة!!،خلاص بلعنا المزحة والمقلب بعد تخرعها من قريب ليش!!،يـلا روح اعتذر ويا خشتك
بعد نـص ساعة..بالسيارة..هنادي طلبت من فـارس يستأجر الليموزين الطويلة..>>ناوين يستهبلون بقوة!!<<..هو اللي يسوقها ويوصل الرزان..عشان المدام مستحيل تركب مع سواق لحالها ولابعد لما تدخل استراحة اهل فـارس تفصخ العباية بالسيارة..عشان لما تنزل من السيارة بيكون في فرقة تستقبلها وبيصورونها بالفيديو وبالكاميرات وحركات "هوليودية"..تخطيط هنادي ومفاجأة للرزان...استرخت اكثر بسيارة المرسيدس الطويلة المظللة..فـارس شغل الراديو..كانت اغنية "مزعلني" لـ شذى حسون
{مزعلني ويتحرش بيا.. يتقرب ويغازل بيا
يضحك لي ويأشر بايده..مطمن انا روحي تريده
قربه يطفي النار اللي بيـا...}
هالأغنية كريهة..وفي غير وقتها!!
،وكأنها ماعجبته بعد غير المحطة..وكانت اغنيةانا طبعي كده" لـ نيكول سابا
{ انا طبعي كده..وبحب اعيش وماعنديش الا كده
دي حياتي انا..دي ملكي انا..وانا مهما يكون برضو حكون زي ماانا
عايشة سني..وبغني..وبحب الحياة..قلبي عايش سنينو وحياتو بهواه..
بعمل اللي بحبو وبحسو اكيد..ثانية ثانية يادنيا حعيشك انا
عايزة افرح وارقص واضحك ياناس..هي دنيا وبنعيشها مرة خـلاص
ياما قالوا وعادوا ولاموا كثير..بس بنسى وبكبر دماغي وخـلاص... }
ياليتني كذا كنت ارتحت من زمان..اقول رزون هي دنيا وبنعيشها مرة خلاص!!..ليش مكبرتها لهالدرجة!!..ياشيخة بـلا هم بـلا نكـد
،وابتسمت..وتدريجياً..كبرت الابتسامة،
لنستعد لآخر يوم من الحرية المطلقة والعزوبية على قولتهم!..مع ان حياتي مابتتغير كثير بعد هالزواج!..رزون استعدي لمفآجأت هنادي اللي تعبت عليها
،..ودق فـارس النافذة اللي تفصل بينهم..طالعت حولها دخلوا المزرعة..فصخت عبايتها وشيلتها ونقابها..ورتبت عمرها ولفت شالها عن البرد..وفجأة انفتح الباب..وصوت موسيقى اغنية "الف ماشاء الله عليك" لـ رامي صبري..وتصفيق وفلاشات!!..شافت يد فـارس مسكتها وبهدوء طلعت من السيارة..زي النجمات..
:لوحي زي ماتشوفين في هوليود في حفل الأوسكار،و وقفي عشان تاخذين صور مع اخي العزيز
الرزان..كبرت ابتسامتها:هنادي!!شمسوية!!
هنادي..كانت وراها:طالعي سيدة وتبختري..طالعت في فـارس..يـلا وصلها للباب وشرفنا
فـارس ابتسـم،
مجنونة رسمي الأخت!!
،شبك يده بيد الرزان..وطالع يمين ويسار وابتسم.. وهي عملت بالمثل..غير انها لوحت للمصورات بيدها الكريمة ورسلت لهم بوسات >>وكأن في جمهور<<.. وكالمعتاد يفترقون الـcouple's ويصورون كل واحد لحاله..هي كانت تتألق كأنهافعلاً!!نجمة فعلاً تلف نفسها بالفرو وبيدها الشنطة الصفرا الانيقة وتلوح بيدها وتبتسم..
وهو نموذج وسيم للبطل الهوليودي >>ولا براد بيت ايام عزه..خخخخخ<< ببدلة رمادية فاتحة شوي مخططة بالأسود تصميم "ارماني"..الجاكيت ماسك على جسمه بإزرار واحد كبير اسود..والبنطلون قصته سيدة ويوصل للجزمة بالضبط.. وغامر لأول مرة ولبس تحتها قميص بنفسجي مع كرافت سودا تلمع >>مغامرة غير مسبوقة يافـارس!!<<..اجبرته هنادي على هاللبس ترا..وصلها للباب وراح..وتعالي للجنون اللي داخل...دخلت الدنيا ظلام!!..فجأة نور قوي مركز عليها!!..
:الـرزان محمـد الـ....
وتصفيق قـوي وتصفير غادة المتميز!!..
:تفضلي لساحة الرقص عشان تفتتحين آخر ليلة من العزوبية لج بالرقص
والتفتت ليد انمدت وسط الظلام بعد ماميزت صوت اماني!!..مسكت هاليد..اللي اتضح انها يد هنادي..
وجات وحدة من وراها شالت شالها واخذت شنطتها..ومع بعض مشوا الى مايسمى بساحة الرقص..
دائرة كبيرة وواسعة ترتفع عن الأرض بدرجتين..صاروا بوسطها..
واشتغلت اغنية "اللي لقى احبابه" جديد راشد..و اخلت الساحة هنادي وراحت بطرف الدائرة..
ولما بدت ترقص.. اكتشفت ان اللي هي واقفة عليه يدور بهدوء بينما حولها ثابت..واشتغلت الأنوار وكانوا حولها شلة يصفقون لها بس..وهي بالوسط تدور وترقص...،
وبعد هالدوران درا راسي!!..ههههههه ..الله يجازيج ياهنادي والله احلى سهرة بحياتي واحلى حفلة
،بعد نهاية الحفلة وبعد ماطلعوا المعازيم..من البنات تحت سن 25 سنة وفوق 15 سنة بس..
بقوا هم يستفردون ويستهبلون..بقت ريمـا،غـادة،امـاني،رغـد،وعـد،اصيـل،سديـم،هنـادي،بـ دور..
هنادي:اسمعوني الحين المغامرة الأخيرة،اللي مابتنسونها طول عمركم،كلكم مو بس الرزان،يـلا وراي ولا تناقشون ولا تجادلون اللي مايبي يروح بيتهم،وللمعلومية انا ضامنة كل شي ومرتبة كل شي ومافي شي ممكن يصير
الرزان عرفت من هالمحاضرة ان الآنسة محضرة بلوة..وكانت مفاجأة فعلاً..كانت الخطة ياخذون جولة..بليموزين "همـر" طويل..في كورنيش الخبر..
الرزان..شهقت:بدون عبايات يالهبلة!!
هنادي..ابتسمت:أي،ياحياتي لاتخافين انا مرتبة الموضوع،مافي جنس مخلوق بيقرب مننا في اربع سيارات بيحرسونا،بنقفل الأبواب ومافي جنس مخلوق يقدر يفتحها لانها تفتح برقم سري،وعلى العبايات السيارة مظللة تعتيم انتي تقدرين تشوفين كل شي وهم مايقدرون يشوفون ولاشي،انا متأكدة مليون بالمية من كلامي
الكل كان متحمس بتهور للتجربة..مغامرة بالأصح..ركبوا كلهم بس لبسوا عباياتهم وشيلاتهم بدون غطا..لان الرزان كان بخاطرها شي تبي تسويه.. وبينهم بين السواق حاجز ومايبين منه شي..ويكلمونه بجهاز..
هنادي:ابرهـيم شغل لي سي دي راشد وحط " مستريح البال" وشغل مكبرات الصوت
الرزان..ضحكت:خبلة من قلب
وارتفع الصوت عالي.. ومشوا بموكب حولهم اربع سيارات بي ام سودا ومظللة كل وحدة بجهة..
وطبعاً اول مادخلوا شارع الكورنيش من عند الجمعة سنتر الى نهايته لفتوا الأنتباه ومابقى احد ما اخذ صورة للهمر الأحمر..اللي كانت هنادي مخليتهم يكتبون عليه من الجنبين بخط كبير "Al-Razan" وبخط صغير جنبها "يلوموني حبيبي فيـك..صراحة قمة الروعة"..بالسترس..
وعلوا عالأغاني وقعدوا يرقصون ويستهبلون.. ولما رجعوا يلفون بالشارع تفاجأوا بـمجموعة دبابات حاوطتهم من كل الجهات وقعدوا يستعرضون..
هنادي..ضحكت:هذا هدية لج يالرزان،ادري انج تعشقين الدبابات
الرزان..ضحكت وهي تنقز من الوناسة:بس شالفايدة مدام ماراح اركب فيه
هنادي..ابتسمت وغمزت:امرج مجاب ماطلبتي شي
الرزان..استغرب:تمزحين!!
هنادي:ابداً تبين نزلي الحين بدلي وركبي،وصدقيني ولا احد يقدر يسوي شي،بعدين اذا على اللي يسوقون فكلهم مدفوع لهم وانا ضامنتهم
اماني:كأنج زودتيها هنادي!!،ترا تعديتوا الحدود!!
هنادي:ياشيخة انتي شوفي الساعة كم،مين درى عنج!!
الرزان..ابتسمت:انا مستعدة اغامر عشان اللي بخاطري
اماني:سويها برا بس لاتسوينها هنا
الرزان..ابتسمت:المتعة في المخاطرة
ونزلوا هنادي والرزان غيروا في الحمامات "الله يكرمكم" ولبسوا جينزات وجاكتات جلد طويلة للركبة ولفوا شيلاتهم ولبسوا خوذات وطلعوا..خلال ثواني لحقتهم ريما بنفس اللبس..
الرزان..ضحكت:شكلج كنتي عاملة حسابج يالدبة
هنادي..ضحكت:اكـيـد
الرزان..ضحكت:اكيـد بيذبحونا اللي عندنا لو دروا!!
هنادي..ضحكت وغمزت:اهم شي فـارس يدري و احنا ناجين لاتخافين..وضربوا كف بكف..
Have fun this is your life chance
الرزان..ضحكت وغمزت:Never mind baby
ركبت كل وحدة على واحد..وانطلق الموكب وهم الثلاث بالمقدمة..وانفتحت نوافذ الهمر واغنية "That's the way I like it" يرتفع صوتها من السيارة..
والانوار الامامية اشتغلت على اقوى شي وتوجهت على الثلاثي..وقفت الرزان وهي متمسكة بشويش ورفعت ايدينها بالهوا بعدين وصرخت بحماس..وسووها بعدها هنادي وريما..و كاميرات من سيارات البي ام الأربع تصورهم >>توثيق لأهم لحظات التهور..والحماس..والمغامرة..والطيش<<..
ومن حسن الحظ ماكان في ذاك العدد الكبير من الخلق في الشارع اللي كان كأنه فضى لهم!!..واللي كان مار من الذهول ماامداه يصور..وكملوا طريقهم الى الأستراحة..نزلوا وهم يصفقون ويصفرون وينططون..
هنادي..وهي تضحك وانفاسها متقطعة:باقي شي اخير بس بنبدل ونرجع
غـادة..ضحكت:كمـان!!،ماتعبتـي اسم الله عليكي!!
هنادي..غمزت:لسـه بدري!!
مازالت خططها تتابع..ورانا للظهر..اسوأ شي ان بكرا..اقصد اليوم الخميس..بيكون للنقاهة والدلع بالنسبة لي!!..بالله وش يبوني اسوي مصدقين اني عروس!!..طبعاً صح كان العرس الخميس..بس خطط هنادي وترتيباتها اجلته غصباً عن الكل للجمعة..الله يعين وش سوت للعرس!!
، بدلوا ورجعوا لبسوا فستانيهم وتعدلوا بطلب من هنادي >>وش النيـة يابنت الـ... ؟!!<<..
هنـادي..وقفت قدام بركة السباحة:اللي يبي انا ماراح اجبر احد ترا،بنط بكامل اناقتنا زي مادلين في اغنية "بحبك واداري"،زي ماذكرت انا مو مجبرة احد
الرزان..ضحكت وضحكت:انا بكون الافتتاحية بدون كلام..وراحت لحقت القفز.. بس على طول لحقيني ريمو،الا اذا تبون تفتكون مني مرة وحدة
وقفزت..ووراها ريما اللي مسكتها وساعدتها تطلع..لان الرزان ماتعرف تسبح..وماكان هذا آخر الجنون..طفوا الانوار وشغلوا شموع..وتمردوا الثلاث..الرزان..هنادي..ريما..شغلوا الميوزك وظلوا يرقصون عند المسبح..وانتهى الجنون بـ بوفيه فطور خمس نجوم..و بالبجامات..
والساعة 7:30 انتهت الطاقـة..الرزان وهنـادي على سرير واحد..والبقية تفرقوا في الغرف اللي تربت وكانهأ فندق خمس نجوم لاستقبالهم..
ضحكـوا ثنتينهم لما تعبـوا وناموا وهم..يبتسمـون لبعـض..

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ليلاس, الكاتبة شمعة الصداقة, جيتك امانة انقذيني, قصص و روايات كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:46 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية