[..الجـزء الرابـع والعشـرونــ ..]

18/4/2009..22/4/1430..
نرجع بالوقت شوي لـ..
السـبـت..
17/3/1430..14/3/2009..
الساعة5:40المغرب..
في المقـهى المعتـاد..
:تبين تقنعيني اني بمجرد اشوف واحد وتطيح عيني بعينه راح احبه؟!!،ياشيخة بلا كلام فاضي ،انا مادري كيف تصدقون؟!،الرزان قولي شي،انتي اكيد معاي صح؟
ماردت..ومو منتهبة أساساً ان في احد يكلمها!..وسرحانة بعالمها..
من يومين بس رجعت الحالة السابقة لـ الرزان..السرحان..الكآبة..الصمت..الجمود..اللامبالاة ..
وكأنها تعادت من فـارس!!...
:الرزان!..صرخت..الــرزان
الرزان..انتبهت وهي مخترعة:نعـم!!!
:ساعة نكلمج وماتردين!!،المهم غادة تبي تقنعنا،بالأحرى تقنعني ان في شي اسمه حب من النظرة الأولى!!،انتي ماتتفقين معاي بأن هذا خراط؟!
الرزان:سخـافة!،انتوا ناقشتوا هالموضوع مليون مرة،وسبق وقلت رايي وماراح اعيده،وبعدين غادة ليش تتعبين وتقنعينها،هي حطت فكرة براسها وصعب تغيرها،ولا هنادي؟
هنادي..تكتفت ولفت الجهة الثانية:لما تقول شي منطقي ممكن اصدقه واغير رايي
ورجعت الرزان لعالمها وطنشتهم..
:بس اللي رافع ضغطي،هو انتي ياآنسة!!
هنادي..ضحكت:من ثلاث شهور تقريباً ماعادت آنسة،سبحان الله شلون مرت الشهور؟!
:مايهم،انتي ياهوووو
الرزان..التفتت له:ترا لي اسم يا استاذ طلال!
طلال:بعد مايهم،انتي في وشو تفكرين ساعات وساعات؟!،بديت اشك في سلامتج العقلية
الرزان:هـا هـا هـا،مايضحك
طلال:مانكت عشان تضحكين،انا اسأل سؤال منطقي انتي بوشو تفكرين؟؟
الرزان:ماظن شي يهمك..وشالت شنطتها وقامت..عن اذنكم انا رايحة المكتبة اذاكر
هنادي:وش تذاكرين!!،ماذكر عندنا شي مهم بكرا!!،لأن بكرا اجازة!!
الرزان:بروح اقرا شي مفيد بدل هالقعدة
هنادي..وقفت وهمست بأذنها:تقصدين اهرب قبل لايجي فـارس!،وش صاير بينكم؟؟
الرزان..طالعتها بكل برود:ماصار شي ولابيصير
ومشـت..وهي تطالعها باستغراب!!..
هنادي:بـالله في احد ساحر هالبنت؟!!،انا مو مستوعبة شاللي قلب حالها!!
:اكيد في مشاكل بينها وبين فـارس
هنادي..(هذا اللي تتمنينه اكيد..غريب كيف انتي بعد تغيرتي يامدموزيل سديم!)طالعتها بنظرة:ماظن، وعالعموم مو هي بس اللي تغيرت،كثير غيرها تغيروا ومو حاسين على عمرهم
سديم:وش قصـدك؟
هنادي..شالت اغراضها:اللي على راسه بطحة،انا رايحة،سـلام
ركضت ورا الرزان..بس لما شافتها بطئت مشيتها بطئت هي وصارت تلاحقها من بعيد..،
شاللي صاير ياربي!!..في يومين كذا ترجع الرزان القديمة..لا حتى مو هي القديمة اسوأ!!
،..تفاجأت لما شافتها تجلس على درجات المكتبة...
حطت راسها بين ايدينها وحست بالدنيا..تضيـق..وتضيـق ..وتضيـق..
حست نفسها مشتتة..ضايعة..تعبانة..منهد حيلها..هزمتها غربة الروح اللي تحس فيها وسالت الدموع من عيونها..
{ياعيـون تذرف دمعها حيرة وجمر
غـربـة غـربـة غـربة
غـربة ولا في عن شقى الغربـة مفر...}
ياربـي!!..اشفيها هاذي!!..انا باستخـف!!..ماقدر اواسيها ولا اقدر اتفرج واسكت..يارب ساعدني..يارب الهمني الحل
،فجأة رجعت على ورا..وركضت..ركضت..ركضت..وصدمت في الخلق ..لكن كملت وهي تعتذر وتتعذر..
وصلت الى مواقف السيارات بالوقت المناسب..ركضت له..
هنادي..وهي تلهث:الحين اعترف و قول
:وشـو؟!،انتي من وين جاية؟،وش فيج؟!!
هنادي:فـارس!،لاتلعب عليّ قولي شالسالفة؟
فـارس..رفع حاجب:انا مالي مهارة بحل الألغاز،كافي الألغاز اللي عندي،أي سالفة؟
هنادي..عدلت وقفتها:الـرزان
فـارس..رفع عيونه للسما وتأفف:خـير ان شاء الله،اشفيها؟
هنادي:انا اللي اسألك اشفيها!،ولاتتأفف لي بهالطريقة
فـارس..خزها:هنـادي!،انتبهي مع مين قاعدة تكلمين،انا امون عليج اوكي،لكن ماني اخوج الصغير
هنادي:أساليب التهديد صارت قديمة،الحين فهمني شالسالفة؟
فـارس..اخذ نفس (اللهم صبرك ياروح..مادري متى الله بيرحمني من هالبرزارين!):لو تبين تعرفين أي شي اسألي المعنية بالأمر،انا مالي دخل
هنادي:تدري صعب اسألها،وتدري بعد ماراح تقولي
فـارس:يفترض انج...
فجأة اخرسه المنظر اللي شافه...
هي ماكانت منتبهة لهم ابداً..كان هدفها توصل للسيارة بسرعة وبس..بدون حجاب وشعرها متناثر في كل مكان و بدون الجاكت اللي كان عليها وبلوزتها مبهدلة وايدها تنزف!!!!...
انتبهت لسكوته المفاجأ ولفت تطالع ماكان مايطالع..كانت صدمتها كبيرة..مامسكت عمرها..
هنادي..صرخت:الـرزان!
لما التفت عليها ووجهها غرق بالدموع..واحساسها بالضياع كان اكبر مايكون في هاذي اللحظات..
في ثـانيـة..ظـلمت الدنيـا بعيونها وطـاحت..قبل لاتطيح ركض..وفي لحظتها صار قلبه طير مفزوع يرفرف في كل مكان..لكن في ثواني سيطر على كل مشاعره وتحكم فيها..
فـارس..رفع راسه لهنادي:تحركي شغلي السيارة
انتزعت نفسها من الصدمة بقوة..ونفذت الأمر بسرعة..وعلى طول عالمستشفى...
بعد فحوصات وتعقيدات الشرطة اللي مالها نهاية!!..جلس يرمي كل ثقله عالكرسي..
حط ايده على ايده:هونها وتهون ياخوي هونها وتهون
فـارس..انحنى وحط راسه بين ايدينه يخبي وجهه:أي تهون ياحمـد أي تهون!!،انا قلبي تقطع مليون قطعة يوم شفتها،ماتخيلت بيوم الموضوع يتكرر..ووقف وهو يحس بغصة..يمكن اكون انا السبب،مااهتميت فيها كفاية ماانتبهت لها
حمـد:ياخوي لاتقول كذا هذا اللي كتبه ربك
فـارس:هاذي أمـانة أمـانة وانا فرطت فيها
حمـد:فـارس ترا ماراح ينفعك التحسر والندم الحين،لازم تكون قوي عشانها،هي محتاجة لسند تستند عليه بهالوقت
ماقدر يتكلم اكثر..الدنيا اللي كانت من ساعات ياوسعها..صارت ضيقة وضيقتها ماتنطاق،
آآآآآآآخ.. يارب ارحمها ارحمها..يـارب يـارب
،..التفت شاف اخته بالزاوية ساكتة..ومن الصدمة الى الآن مانزلت منها ولا دمعة..ولا دمعة!..
اما اخوها رايح جاي..رايح جاي..رايح جاي بالممر ومو قادر يقعد..
اللي يشوفه مايعرف انه طـلال اللي الضحكة ماتفارق وجهه حتى في اصعب الأوقات...
لكـن الثـالثـة ثـابـتـة!...
الأحـد..
الأسبوع الذي يليه..
25/3/1430..22/3/2009..
الساعة1:30..
حط الصحن قدامها..سمعت صوت الصحن وهو ينحط عالطاولة وخرته من قدامها..
اتنرفزت:الـرزان!،وبعدين يعني لازم تآكلين
:نهلة!،مو كذا عاد!!
رجع حط الصحن قدامها:حياتي لازم تآكلين،مو زين كذا
رجعت وخرته بدون ماتهتم..
نهلة..قامت بعصبية:انا ماقدر اتحمل دلع هالبنت اكثر
:انتي بترتاحين لما تذبحين عمرج صح!،خلاص انتحري وريحينا بـلا هـم
وقـام طـلال ورا امه بعصبية..تبادلوا النظرات فيما بينهم..وقام هو بعد ورا اخته..
وبقوا هم الثلاثة..فالتفت يأشر لهنادي "قـومـي"..فشالت صحنها وقامت بهدوء لازمها هالأيام بقوة!!..
سحب كرسيه وقرب منها..
فـارس:الـرزان،الـرزان،الـرزان!!..كان واضح انها بعيدة تمام البعد عن هالأرض وهالمكان تردد لكن مد يده بهدوء ولمس ايدها مرة ومرتين ماانتبهت فمسك ايدها انتفضت وجات بتسحب يدها بقوة لكنه مسكها بقوة لكن برقة..الـرزان سمعيني،اللي تسوينه مو في صالح احد واكيد مو في صالحج،من اليوم ورايح تبطلين هالحركات المجنونة اللي تسوينها مفهوم!
ماردت بس ابتسمت "ابتسامة استهزاء"..
فـارس..اخذ نفس(يـارب ساعدني..انا بقول اللي بقوله ومو داري بردة فعلها..تذبحني!..تهرب مني!..مادري وش بتكون ردة فعلها..لكن كل اللي ابيه اساعدها..و عشان اساعدها ممكن اضحي بكل شي):الـرزان ابيج تسمعيني،اوعديني تسمعيني للأخير بدون ماتبالغين في ردة فعلج،اوعديني
الرزان هزت راسها "طيب"..
فـارس..(يــارب):انتي تعرفين تماماً ان الأنتحار حرام وتعرفين عقوبته مو انا اللي اعلمج هالأشياء،ابيج تنسين فكرة الموت تماماً شيليها من بالج،صحيح انا ماعرف احساسج وشعورج، لكن انا مقدر مليون بالمية،فاهم الألم والعذاب اللي تحسينه،لكن تصوري عذابنا احنا تصوري عذابي انا لما اشوف ،اللي احبها وماقدر اعيش بدونها ومستحيل احاول اعيش بدونها حتى،تتعذب وتتالم وبكل مرة اغفل عنها ارجع اشوفها تحاول تنتحر!..شد على يدها..ارجوج ارجوج فكر فيني في كل اللي يحبونج،انا ممكن اموت وراج لو متي..سحب ايدها وحطها على قلبه..وماراح اسمح لج تحاولين بعد اليوم تتركيني،بحرسج اربع وعشرين ساعة و..ضـاع الكـلام وهو يشوف وجهها ينقلب لونه اصفر اكثر ولفت وجهها الجهة الثانية فحط يده الثانية تحت دقنها ولفها اتجاهه "كأنها تقدر تشوفه!"..شوفي عجبج ولا ماعجبج ماراح تتركيني مفهوم
هزت راسها "لا" وطاحت دموعها..ثمان ثمان..ضمها لصدره بشويش..وزاد صياحها...
من آثـار الحـادث على الـرزان..ارتجاج بسيط بالمخ..لكن..
سبب لها عمى مؤقت "زي ماقال الدكتور" >>هذا وهو ارتجاج بسيط!<<..وانكسرت يدها اليمين..
ومن الصـدمة ماعادت تتكلم "حقيقةً هي ماتبي تتكلم"..لكن..الدكتور طمن انها مسألة مؤقتة بالعلاج النفسي ممكن ترجع تتكلم "بمزاجها اكيد"...
صحت مرعوبة ويتصبب منها العرق!..قامت بسرعة وهي تتخبط تفتح الباب..تلفتت حولها بخوف..ركضت للمكان اللي حافظته بالـ صانتي..فتحت الباب بسرعة...
بينما كان مندمج في شغله..فجأة سمع حركة وانفتح الباب..كانت واقفة وشكلها ضايعة..خايفة.. بس خايفة الا بتموت من الرعب!!..وخر الاب توب والأوراق على جنب..
فـارس:كابوس جديد؟
ماردت وتغير وجهها..وكانت ملامحها وكانها تترجاه!!..
فـارس:تعـالي..وطبطب عالسرير..تعـالي،انا بظل صاحي اشتغل
قربت بشويش وهي تتلمس المكان حولها..وانسدحت عالسرير وتكومت حول نفسها..
فـارس..غطاها عدل وحط ايده على راسها بهدوء وقرا المعوذات وآية الكرسي وسورة الفاتحة و الآيتين الأخيرتين من سورة البقرة:رددي وراي،اعوذ بكلمات الله التامات من غضبه وعقابه،وشر عباده،ومن همزات الشياطين وان يحضرون
مسح على شعرها..لين نامت..ورجع لشغله بعد ماخفف النور شوي...
تثاوب وتمدد وفرك عيونه..التفت لقاها نايمة ببراءة الأطفال..اللي سلبت منها بقسوة..سكر الاب توب وجمع الأوراق ورتب كل شي ..خفف الأنوار اكثر وانسدح ومجرد غمض عيونه نام...
قام على رنين المنبه اللي صم اذانه تقريباً لانه تأخر في القومة..لكن حس بشي غلط..فتح عيونه وتفاجأ..ايده حول كتوفها وهي حاطه راسها على صدره وماسكة ببلوزة البجامة!..مد يده وطفى المنبه بسرعة،
الظاهر من التعب ماحست فيه.. الحمدلله..خليها تنام زي الناس..بدل نوم القطارة اللي تعبها
،وسحب الجوال من جنبه..وبهدوء..
فـارس:الـو،صبـاح الخـير
:صبـاح النور،استاذ وينك تأخرت نص ساعة؟!
فـارس:اششش بشويش،اسمعيني عبيـر انا بتأخر اليوم،يمكن بعد ما اجي
عبير:خير استاذ عسى ماشر؟
فـارس..(لقـافة!):أبداً ظرف عائلي،اذا في أي شي مهم سجليه لي،واذا مهم مرة دقي عليّ دقة وحدة مفهـوم؟
عبير..واللقافة بتقطعها:مفـهوم استاذ
فـارس:مع السلامة
وسكر بدون ماينتظر ردها..رجع طالعها وابتـسـم...

الآن..السـاعة4:30..
الطقـس..ممـطر..
كان فاتح المظلة ينتظرها عندالباب.. طلعت وهي تعدل جاكيتها "بربري" الأحمر المفضل عندها.. وحطت شنطتها الـ"بربري" على كتفها ومشت وهو وصديقه وراها..،
يـالله!..مزعج انك تكون ملاحق ومراقب..وكأنك كائن "مادري وش تحس به؟!"..يعني هو يصير دبلوماسي وانا اللي اتوهق!!..العالم صارت تفكرني شخصية مهمة من جد!!
،..فتح الباب لها..طالعته بغيض وركبت ..،
وانا ياللقهر مابيدي اسوي شي..كافي محاضرات عن "انتبهي على نفسج" من الاستاذ..بالله يعني هالأرهابيين بيحطون همهم عليّ..أبد من يحطون خططهم بيقولون يـلا نخطف الرزان!!..بــلاعبــط!!
،..طالعت من نافذة الـ لينكون السودا المظللة الفخمة..المـطر وهو ينهمر بقوة..بدون ماتحس من التعب غفت...حست بأحد يناديها بسرعة فتحت عيونها وتعدلت..
:Ma'am!,we arrive
الرزان..طالعت برا:Oh!,yeah thank's
كيف نمت انا الغبية..المجنونة!!..وماتبين يصير لج شي بعد
،نزلت بسرعة وهو حاط لها المظلة..دخلت البيت وهم ظلوا واقفين برا..
الـرزان:فـران،فـران
:فـران مين ياحلوة اليوم اجازتها!!
الرزان:بسم الله!،هنـادي!
هنادي..ابتسمت وتخصرت:للحين ماغيرت اسمي،عندج مانع!
الرزان..ابتسمت:أبداً البيت بيتج
هنادي:يصـير خيـر!
فصخت جاكيتها وعلقته وحطت شنطتها على جنب..
هنادي:الـو يالصامت!،كيف حياة العز والبودي غارديات؟؟
الرزان:لوعة كبد،اذا تبين تبادلين ماعندي مانع!
هنادي..ابتسمت وغمزت:مو بايعة عمري،سـوري
الرزان..ابتسمت:مالت عليج
هنادي..لحقتها عالمطبخ:مافي اكـل!!انا جوعانة
الرزان..التفتت عليها:نعـم!!،ترا بيتنا مو مطعم!!،وانتي دائماً جوعانة يالمشفوحة!!
هنادي:عطيني عين عطيني
الرزان:على وشو ياحسرة!
هنادي:اقول بس عندج اكل!،بتسوين شي!،ولا ارسل واحد من هالفحول اللي برا؟!
الرزان:لا،انا بسوي بس،انتي تغسلين الصحون
هنادي:نعـم؟!،انا دفعت لخدامة تنظف شقتنا عشان البنات مايقطون عليّ شغلة وانتي تبيني اغسل الصحون!!،ان شاء الله عمري ما اكلت
الرزان..ابتسمت:حالتج صعبة!،خلاص مابي منج شي بآخذ من وراج اجر و بأكلج،يـامال البلعة
هنادي:لاتدعين!
الرزان..ابتسمت:مو داعية
فصخت حجابها..ورفعت شعرها ورفعت اكمامها..وبدأت الشغل...
بعد ساعة كانت تنفض الشراشف وترتبها عالسرير..وتلبس المخدات..بيد وحدة..فاضطرت هنادي تساعدها..
هنادي:بـالله انتي ليش تتعبين عمرج وفران بتجي بكرا وترتب كل شي!!
الرزان:احب اسوي هالأشياء لحالي
هنادي:اجل وش فايدتها هي؟؟
الرزان:هي للضرورة،لكن اذا انا فاضية ليش مااسوي هالأشغال بنفسي..لما شافت تعابير هنادي.. شالغريب لهالدرجة!!،انا تعلمت اعتمد على نفسي من يوم انا صغيرة،وماكان عندي احد يدللني ولا خدامة تضف من وراي وترتب،وابشرج حتى ملابسي مااخلي فران تغسلها،احسها اشياء خصوصية مفروض انا اسويها،طبعاً هي متكفلة بغسيل اخوج الكسول وكل ملابسه
هنادي..ابتسمت:تدرين انتي اللي حالتج صعبة!!
الرزان..ابتسمت والقت نظرة اخيرة عالسرير:يـلا بس وراي غسيل الصحون،بعدين بقعد أذاكر فلا تاخذين راحتج بالقعدة
هنادي..ابتسمت:قوية الطردة،طيحتي خشمي..وانحنت..لحظة لحظة اشيله
الرزان..ابتسمت:الحمدلله والشكر
تطوعت هنادي لأول مرة في حياتها وقعدت تغسل مع الرزان الصحون..بس تجففهم وصدقت عمرها تغسلهم!!..
هنادي:اقول رزون ماقلتي لي للحين،كيف صرتوا تنامون مع بعض؟؟
الرزان:هنـادي!مابتبطلين!!
هنادي:أبداً لما تقولين بفكـر
الرزان:حصل صدفةً أيام..بلعت ريقها..الحادث
هنادي:الله لايعودها من أيام،طيب ماصار شي؟
الرزان..خزتها:هنـادي!
هنادي:من جـدي!،ماصار شي أبداً؟!!
الرزان:ولاشـي أبــداً،ارتحتي!
هنادي:أبـداً،ليش ارتاح!!مافي سبب يدعو للراحة في هالموضوع!!،مالت عليكم بس
الرزان:هنـادي!
:هنـادي!!
التفتوا ثنتينهم مخترعين..
هنـادي+الـرزان:فـارس!!
الرزان..همست:سمع شي؟!
هنادي..همست:وإذا!!..طالعته من فوق لتحت..اشفيك تطالع فيني كأنك شايف جني،بينما العكس الصحيح
فـارس..ابتسم واستند على طاولة البار:ياسبحـان الله،شاللي صاير اليوم؟؟،هو المطر نازل ولا الألهـام!!،هنـادي بنت صـالح الـ.... بجلالة قدرها تغسل الصحون؟،ياللـهول
الرزان:تغسـل الصحون!،تلعب على عمرك انت!!،جالسة تجفف وقاصة عليّ مخليتني اغسل الصحون اللي بلعت فيهم،تقول لي تغسل الصحون!!
فـارس..ضحك:اف اف حاقدة..قرب ومسك دقنها وهزه..توج صغيرة عالحقد
الرزان..ضربت يده:صغيرة بعينك
فـارس..ابتسم"ابتسامة خبيثة":ان شـاء الله مو صغيرة،كبيرة كبيرة مرة
الرزان..خزته:يعنـي!..لما طالعها بنظرة البراءة رمت اسفنجة الصحون من يدها..بطل حركات الأطفال وبـلا سخـافة
فـارس..مسكها لما مرت جنبه وباس خدها:مسـاء الخـير اول!..وهمـس بأذنها..لاتنسين عندنا موعد اليوم
الرزان..تغير وجهها:هنادي في شغلة ابيها من غادة،لما تجين تروحين عطيني خبر بروح معاج
هنادي..وهي تحلل اللي يصير حولها(من فترة تغيرت تصرفاتهم..وتقولي ماصار شي!!..معقول! ..بس مصيرج تقرين يارزون):اوكـيك
عجيب غريب التغير!!!..من بعد الحادث..يعني من شهر..الرزان وفـارس يروحون حق طبيب نفسي..عشانها..وعشانهم..
نصحهم يطورون بعلاقتهم خطوة بخطوة..بالطريقة اللي يبونها لكن المهم خطوة بخطوة..فأختاروا انهم يتعرفون على بعض اول شي..ويذيبون الحواجز الأساسية اللي بينهم..وشوي شوي الحواجز الداخلية..
وبدوا يتبعون الأسلوب "الغربي" ويطلعون في "مواعيد"..طبعاً ما اقولكم خوف الـرزان من هالفكرة..او من العلاقة كـكل..
لكن تكيفت بسرعة "ميزتها تتكيف مع كل شي بسرعة حتى الألم!" وتعلمت تعيش الوضع..
بس ماتطورت حقيقةً كثير..فـارس يجيها يمين تروح شمال!!..
لكـن محد قـال في شي يجي بسهولة!!...
طلعوا هم من هنا..رفع سماعة التلفون من هنا..واستدعى فرق الأنقاذ..
مسك له السلم وهو يصعد:جاوبني بصراحة،انت ليش تسوي كل هذا؟!،تساعدها ولا حاجة في نفس يعقوب؟!
فـارس..كان يشتغل بهدوء:حمـد!!،حسيت نفسي فجأة االوحش في فيلم الجميلة والوحش!!
حمـد..ابتسم:الصراحة،انت شي زي كذا!،يعني تخيل انها تكتشف انك تمثل عليها!!،مع اني اشك انه تمثيل!،تتصور شلون بيكون شعورها،الغريب انها ماحست للحين!!و هي اللي معروف عنها سرعة البديهة والنباهه!!
فـارس..نزل من على السلم وطالع باللوحة:بعد الحادث صارت مشتتة،ماعادت هي نفسها
حمـد..مسكه:بذمتك فـارس ماتحس بأي شي اتجاهها!!
فـارس..بقت تعابيره جامدة:كانت بالبداية في رغبة،لكن بعد اللي صار حسيتها مثل بنتي اللي اخاف عليها مثل مااخاف على نفسي
حمـد:بنتك!!،مبالغة فظيعة قول اختك ببلعها لكن بنتك!!وين!!،حتى لو متزوج بدري ماجبت بنت كبرها!!
فـارس..طالع بعيد:انت مو فاهم،هي بداخلها طفلة طفلة ماتحررت لان الحوادث اللي صارت لها قيدت هالطفلة بداخلها،هي عاشت حايتها تتظاهر انها كبيرة وهي من داخلها طفلة ماعاشت طفولتها،انا ابي اساعدها عشان تعيش حياتها بشكل طبيعي،هي بالفترة الماضية قبل الحادث كانت تعيش الطفولة،وهالفترة تعيش المراهقة باضطرابتها،باقـي
حمـد:باقي الخطوة الأخيرة بأنها تعيش كأمرأة!،مادري ليش حاس انها ماراح تسامحك عاللي تسويه،في النهاية بتكتشف ان اللي عاشته كذبة وراح تتألم كثير،مو كافيها ألم!!
فـارس:لازم تعرف ان في كثير ممكن ياذونها ويلعبون عليها،انا نيتي سليمة لكن غيري لا
حمـد:انت تظن انها ماعرفت طينة البشر لسه!!،بعد ماتعرضت للتحرش ثـلاث مرات!!،والله لو حمار ومايفهم بعد الثالثة فهم طينة الحياة والبشر،بس عالعموم انت براحتك،اذا تبي تعيش في كذبة زي اللي معيشها فيها،براحـتك

انتهى الإعداد..دقت الساعة..10:00مساءً...
انفتح الباب..شمت ريحة الأكـل الخطيرة..وصوت الميوزك الناعم دخل اذآنها..
وقف قدامها وهو يبتسم..سكر الباب وراها وعطته عبايتها وشيلتها..حبس انفاسه..ماكان متوقع ابداً،
أبداً ماتوقعت هالجرأة منها!!
،الفستان الأخضر القصير الى فوق الركبة وظهره المفتوح فتحة تكشف الظهر كله..والشعر الأحمر!!..
فـارس:متى صبغتيه؟؟
الـرزان..ابتسمت:حلـو؟،لسه صابغته
فـارس..ابتسم:يناسبج
الرزان:ثانكـس
انتبه للدبلة اللي بأيدها ذات الأظفار الحمراء نقلتها من اليد المكسورة الى اليد السليمة..في الخنصر الأيسر!!،
مفآجأآت كثير الليلة؟!!
،..خمن ان هالليلة ماراح تكون زي ماتوقع!!،
أبــداً!
،..وداها لغرفة الطعام اللي تعبوا "الشباب" في تجهيزها..
الرزان..ابتسمت:واااو متعوب عليها ؟!
فـارس..ضحك:من قلـب
سحب لها الكرسي وجلست..قريب منه اكيد..و قدم اول اطباق العشا..وبدوا ياكلون..
الرزان..ابتسمت يوم مد لها اول ملعقة:ترا تعودت آكل باليسار مو لازم تاكلني
فـارس..ابتسم:انا اشتكيت!،يـلا بس فتحي فمج
الساعة 10:50..قام يغير سي-دي الميوزك..
فـارس:لو ايدج مو مكسورة كنا رقصنا،بس...
الرزان..قامت وهي تبتسم:واذا؟،مايمنع انّا نرقص..وراحت وقفت جنبه..ايش بتحط؟..وشافت السي-دي..لا لا هذا ماينفع،وخر انا بحط اللي ابيه..و وخر عن طريقها وبدلت السي-دي ومدت له يدها "السليمة"..shall we dance؟
مد لها يده..
{من يومي عايش ليك..وحياتي واقفة عليك..انا كنت ايه قبلك انا وانا حبقى ايه بعديك
..خايف مع الأيام تنسى اللي بينا أوآم وبخاف آلاقي فيك حاجات زمان ماكنتش فيك...
في الصالة والأنوار كلها مطفية الا نور من غرفة الطعام..كانوا بالوسط يرقصون..وبتهورها المعتاد شالت الـ Sling من يدها ورمتها،
بضحي اليوم بس..عشان يتحقق اللي ابيه..ويصير اللي ببالي
،..انصدم لما شاف انها شالت الجبس ويدها ملفوفة بلفة عادية بس!!..وحاول يحتج ابتسمت وقربت وحطت اصبعها على شفايفه..وبالرغم من الصدمة ابتسم لها..و قربت اكثر ورجعوا يرقصون..وهي كل شوي تقرب اكثر..واكثر!!..
ياحبيبي توعدني أمنتك امانة بلاش مانساش وانت ماتنساش..ولا اتغير وتتغير والدنيا ماتبعدناش
ياحبيبي توعدني لو نبعد سنين وسنين..ونعيش ويا ناس ثانيين
..مافيش حاجة في يوم تقدر تنسيك كان حبيبك مين...}
كل تصرفاتها دعته..وهو اجاب الدعوة..غمضت عيونها وابعدت مشاعر الخوف بعيد بعيد..و....،
oh my god what did I do!!what did I do..رزون تمالكي اعصابج..مو وقته تفقدين السيطرة على نفسج!!..الحين الوقت المناسب
،..ببطء لفت ايدينها حول رقبته ولصقت فيه اكثر..بما انه ذكي فهم الأشارة..و...

[..الجـزء الخامـس والعشـرونــ ..]

صحى على صوت اذآن المنبه..فتح عيونه وتمدد..التفت و!!،
وين راحت؟!..معقولة قامت بدري!! ..غريب!..بس الأغرب تصرفاتها امس!!
،وابتسـم،
بس بعدين بان شعورها الحقيقي..كنت واثق انها تمثل..بس لما وصلت الى نقطة اللاعودة خافت..بس برضو ماطلعت خوفها الحقيقي!!
،قـام للحمام "الله يكرمكم"..فتح الباب،
توقعتها بالحمام!!..يمكن راحت الحمام الثاني!!
،دخل...
تسندت عالباب بهدوء وهي تلهث..بعد ماراحت ركض تاخذ الجوال..،
ياربي على مين ادق!..مين اسأل!!..وش هالورطة!!..مو معقول ادق على امي!بتسوي لي فضيحة..و هنادي ماتقدر تفيدني ولا ريمـا ولا نورة!!..ياربي!!..علياء!!مستحيل..نوفي!!مادري
،..كانت تقلب بقائمة الأسماء ووقفت،
بالضبط..هي المطلوبة..لانها تعرف عني وعن فـارس وهو يقولها كل شي كل شي..واكيد بتفيديني..بس يصير اتصل لها بهالوقت كم تكون الساعة عندهم؟؟
،طالعت ساعة الجوال،
لا لا صعبة اتصل عليها بهالوقت..مالي الا نويف ازعجها..توكلنا على الله
،..ودقت على اختها..رن الجوال..و رن..و رن..و رن،
ياربي..نويف ردي عاد!..لا...،..
:الـو!!
من فرحتها ماقدرت ترد!..
:الـو!!،عمى وش قلت الحيا ذي تتصلون بهالوقت تستهبلون!!
الرزان:الو نوفي انا الرزان
نـوف..قامت:الرزان!!،اشفيج؟اشصاير؟؟،انتي مستوعبة الساعة كم؟؟
الرزان:أي انا آسفة،بس والله السالفة طارئة وماتستحمل التأخير
نـوف:خـير ان شاء الله؟؟
الرزان..ترددت:ابي اسألج عن شي
نـوف:تسأليني عن شي؟؟،الـرزان سألي خلصيني اشفيج؟!!
الرزان:كيف اتسبح بعد،بعد،بعد...
نـوف:الـرزان!!،تتسبحين!!بعد وشو؟؟
الرزان:بعـد،بعد،اوه اللي تعرفين
نـوف:اللي اعرف؟؟..سكتت تفكر وتفكر(الناس تتسبح بعد ايش؟؟..شي الناس يتسبحون بعده؟!..الحلوة؟..الـ...اهــااااا)وابتسمت..تقصدين بعد الـ ....!!
الرزان:احم احم،أي
نوف..مسكت ضحكتها:من صجج!!..وسكتت..لحظة لحظة،انتي متزوجة من اربع شهور وماتدرين؟؟
الرزان..توهقت(رحنا وطي!):لا لا اعرف بس امس قريت طريقة وفكرت يمكن طريقتي غلط فقلت اتأكد قبل مااصلي الفجر وتطلع صلاتي باطلة!
نـوف..مااقتنعت:اهـا!طيب،بنفس الطريقة اللي تغتسلين فيها بعد الحلوة،بس فيها اختلاف بسيط سمعي...
اطمئنت ان المكان فاضي..وركضت للغرفة..بعد الصلاة..نزلت ركض ولبست عبايتها المعلقة..
وطلعت ووراها البودي غاردز..وراحت الـ Greenpark
كالعادة تمشي لمدة ساعة بعد الصلاة>>العالم هناك توهم يرجعون من برا!!..والأخت تسوي رياضة!!..رواقـة<<..
لكن هالمرة كانت بس تبي تتجنبه والا هي متكسرة ومافيها تركض كالمعتاد..فخلت الرياضة مشي سريع..وحست بالغصة وهي تمشي،
ياربي انا مجنونة ولا ايش!!..انا ليش سويت كذا ليش؟؟؟..غباء يارزون غباء..
بس كنت ابي اثبت لنفسي اني اقدر اسويها وان مافي شي يخوف..وكيف شفتيه؟؟..
مادري!!..كنت بعد ابي اثبت له وللكـل اني انسانة زي زيهم بالنهاية..
ولما اخترت عدم الزواج ماكان السبب عقدي النفسية او شي زي كذا بس لأسبابي الخاصة..بس هم مافهموا ولا بيفهمون...
،خنقتها الغصة وقامت تصيح..وصارت تركض وتركض والدموع تتساقط...
اللي يمشون وراها ماتجرأوا يعلقون مع انهم استغربوا!!...
وقفت فجأة لما حست بشي على راسها..مدت يدها ولمست الشيلة..لقتها مبللة!!..رفعت راسها..المطر كان ينهمر...
ركض يحط مظلة فوق راسها..فأشرت له "لا".. غمضت عيونها وهي تحس بالمطر يبللها..رفعت راسها وخلته يبلل وجهها..كأنها تبيه يغسل همها ويطهرها من الألـم...
فتحت الباب بتردد..خافت تلقاه بالصالة ولا بالمطبخ..سمعت صوت بالمطبخ..ركضت تصعد..
تسبحت وبدلت ملابسها..طلعت من الحمام "الله يكرمكم"..
فـارس:انتي وين كنتي؟،لحظة لحظة،انتي ايش قاعدة تسوين؟؟
الرزان..تحركت تجمع ملابسها بدون ماتهتم له:اللي تشوفه
فـارس:انا اشوف بس مو فاهم،فسري لي رجاءً ليش قاعدة تلمين ملابسج؟؟
الرزان..بدون ماتلتفت عليه وببرود:اللي تبيه صار وانا الحين بروح اقعد مع طلال
فـارس:انتي عن وشو تتكلمين؟؟
الرزان..قطت اللي بيدها في الشنطة والتفتت:توقعت اني بصدق كذبتك؟،الا على فكرة الى متى كانت بتستمر هالكذبة؟؟،ولا تقولي رجاءً انك كذبت عشان مصلحتي،انا مو حمارة عشان اصدق هالكذبة بعد،واذا فرضت انك كذبت عشاني،انت بعقلك ان الكذب بينفعني!!
فـارس:أي كذبـة؟؟
الرزان..وصلت معاها:لاتستهبل عليّ،كذبة احبج واموت فيج هاذي،انت وياللغباء نسيت اني ما اؤمن بالحب!!ولا اصدق كلامه الفاضي!!،انا انصدمت لما قلت الكلام اللي قلته،فكرت عشاني عميا مابقدر اشوف الحقيقة!!،مع اني كنت مااشوف الا اني مافقدت حاسة السمع واللي سمعته كان يوضح ان كل اللي تقوله كذب،انا مشيت معاك بالكذبة لشهر وانا استنى متى؟متى؟تنتهي الكذبة؟؟انا خلاص تحسنت وش ينتظر؟؟،لكن بالأخير فهمت الخطة تبيني "اتحـرر" على حد قولك!!،هههـ هههه والله ضحكتني،احد قالك اني مسجونة عشان تحررني حضرتك!! انا مو سندريلا اللي تنتظر الأمير ينقذها ولا الأميرة النائمة اللي تنتظر الفارس الشجاع يصحيها ببوسة!!،لكن تبي الصراحة انت اثبت لي زيادة ان اللي كنت مصرة عليه هو الصح وهو عدم الزواج..ابتسمت ببرود وقسوة..شكراً على التحرير
فـارس:يعني اللي سويتيه امس كان...
الرزان..قاطعته:امس كان تحدي مني لك،كنت ابيك توصل للي تبيه بأسرع مايمكن،لأني ماقدر اتحمل هالتفاهة اكثر هالشهر مر عليّ كأنه سنة..رجعت تجمع اغراضها..روح لحبيبة قلبك وقولها انتهت اللعبة تقدر تتهنى فيك الحين..وطالعته بطرف عينها..انتوا الأثنين تستاهلون بعض،تفكرون الناس لعبة هي قالت "تزوجيه وانقذيه!..انا مابيه وخلاص نسيته" وكله كلام فاضي!!،وانت وعدت "مالي علاقة فيج ولا لج علاقة فيني..وماراح تكون بينا أي نوع من العلاقات او المشاعر مستقبلاً" وفجأة تبي تحررني من عقدي!،ليتكم مرة تثمنون الكلام اللي يطلع منكم
فـارس:انتي اللي مو قاعدة تثمنين الكلام اللي تقولينه
الرزان:بتنكر ان المدام ماقعدت تتبادل النظرات معاك قدامي!هذا وهي ماتعرف عن طبيعة علاقتنا!!وغير انها ملكت على واحد ثاني!!،انا كنت متفهمة معاها نصحتها اكثر من مرة تبجبجت وسوت لي فيها البريئة!وتغاضيت،وتنكر ان حضرتك كنت ملتزم بوعودك نسبياً!! نظراتك اللي من ورا لورا..تغير وجهه وعاد للجمود..اكيد كنت منتبهة انا ممكن احس بهالنوع من النظرات من امتار بعد اللي مريت فيه،وماتنكر اكيد تلميحاتك المفاجأة من وقت لوقت عن راكان وخالد والشباب ولا!
فـارس:كان هالشي لمصلحتج
الرزان:رجاءً لاتكرر كلمة مصلحتج قدامي،انا اعرف بمصلحة نفسي
فـارس:غريب ياللي تعرفين مصلحة نفسج كيف لاحظتي نظراتي ولا لاحظتي نظرت غيري!!
الرزان:انتبهت اكيد،و اكيد انت لاحظت ان هالنظرات تغيرت لأني عاتبت اصحابها
فـارس:وبعدين؟
الرزان..سكرت الشنطة:وبعدين؟!،الطـلاق يا أستاذ بعدين..لفت الشيلة بسرعة وشالت شنطة اليد..انا بكتفي بهالملابس وبخلي هنادي تجيب لي بقية الأغراض..طلعت مفتاح السيارة ورمته عليه ومسكه..احتفظ في هداياك لأني مو بحاجتها
شالت شنطتها ومرت من جنبه بدون ماتطالعه..الصدمة جمدته،
شـاللي صار بالضبط؟؟
،..تحرك بسرعة ولحقها وهي تفتح باب البيت..
فـارس:انتظري،أي طلاق يالخبلة واحنا ماصار لنا اربع شهور من تزوجنا!!وش بتقول امج؟ وش يقولون الناس؟
الرزان:مايهمني،أمي بتتقبل في النهاية والناس مصيرهم يتعبون من الكلام..قطت مفتاح البيت عالطاولة..بمجرد ماتنقل اغراضي انسى اني كنت موجودة هنا،ورجاءً مابي ازعاجات واتصالات
فـارس:واثقة من نفسج مرة؟،انا ماافرض نفسي على احد مايبيني
الرزان:انا متأكدة من هالشي،وماكنت اقصدك انت،انا اقصد اللي بالسعودية،عشان كذا لاتنشر الخبر الا لما تكمل معاملة الطلاق،have a happy life
بدون ماتعطيه فرصة يرد..طلعت وسكرت الباب وراها...





[..الجـزء السـادس والعشـرونــ ..]

فتحت الباب..قطت المفتاح عالطاولة و الشنطة عالأرض..شافت باقة "صفراء" كبيرة قدامها..
تقدمت واخذت البطاقة {ادعــي عليّ بالمــوت..بس..لاتفارقنــي دخـيل الله وتغيـب..طـاري السفـر يابعد عمري همنـي...
الف بعد الشر على قلبك ياقلبي..ليت جروح القلب تنمحي زي الكتابة. كنت محيت جروح قلبك...انا معاك ياقلبي لو سافرتي لآخر العالم انا معاك}..
كالعادة بدون توقيع..،
هالأنسان بيطير عقلي!..شلون عرف اني بسافر!!!
،..كثرت هدايا "المعجب المجهول" من بعد ماتركت البيت..اخذ راحته الأخ..وهو يواسيها!!...جلست بتعب على الكنبة وغمضت عيونها..
الجمعـة..
26/6/2009..3/7/1430هـ..
الساعة6:30..
"آخـر يـوم في الامتحانات"..
طق الباب..فتحت بسرعة..وابتسمت..
:مسـاء الخـير والأحسـاس والطيبـة،هـا بديتي تجهزين الشنطة؟؟
الـرزان..رجعت ترتب شنطتها:افـا عليك من اول مارجعت،طـلال متأكد ان ماحد بيدري وين بنروح؟؟
طلال..ابتسم:بديت احس اننا حرامية هربانين،أي متأكد قلت لهم اننا مسافرين وبس،بس انتي ماقلتي لي ليش ماتبين احد يعرف؟!
الرزان:بعدين،روح جهز شنطتك،لاتبالغ بالعفسة ترا كلها ثلاث اسابيع
طلال..ابتسم بحماس:وأي ثلاث اسابيع في تركيا فلـة،انا بعفس على كيفي انتي عليج من عمرج
الرزان:كيـفـك
اليوم راح يكون الحسم والقرار..إذا..أو!..يارب يارب مايصير..يــارب
،..رجعت لشنطتها وبراسها تدور ملايين الأفكار..دق الجرس..لفت الشيلة و بسرعة راحت تفتح..
الـرزان:فـارس؟!
هذا من وين طلع؟؟..شهور..أي شهور!!شهرين بالضبط شهرين ماشفته..اوه!..لالالا مو وقته.. يـاربي مرة مو وقته...،..
فـارس:بتطولين!!..انتبهت له..طـلال وين؟
الرزان:هنا ايش تبي فيه؟؟
فـارس..طالعها من فوق لتحت:ماظن يخصج،بتنادينه ولا شلون انا أساساً متعطل ومتأخر!!
الرزان:الحمدلله والشكر..التفت ووصلت لنص الشقة..طــلال،طــلال المستر هنا يبيـك،طــلال
طلال:اوه المستر!،اقصد فـارس هـلا،خلصت الأوراق؟؟
فـارس:أيـه،ماراح يسوون لكم أي مشكلة
طلال..اخذ الأوراق من يده ومسكه:ادخل طيب ابيك بشغلة
فـارس:ياليت بس ماعندي وقت
طلال:دقايق بس مابتآخذ من وقتك شي
جات من ورا طلال..
الرزان..همست بأذنه:احسن لك بلا هالحركات،خله يروح
طلال..ابتسم:مالج داعي!!،اشدخلج!!ترا مو كل شي يدور حولج ياملكة العالم فكينا الحين، فـارس طلبتك عاد دقايق بس
فـارس:ثلاث دقايق مو اكثر
طلال..ابتسم:تآمر أمر،الحقني عالمطبخ..اشر للرزان..انتي هاي ابقي بعيد اوكي
الرزان:انتي هاي!!..ابتسمت..هاي ضف وجهك اوكي
وراحت الغرفة،
ياربي ياربي..مو وقت سخافة طلال الحين!!
،...صب له فنجان قهوة "تركش كوفي"..وجلس قدامه..
طلال:يفترض مااقول لأحد وين بنروح،بس انت سبق وعرفت،هي ماقالت للحين سبب هالتكتم!!، الكل مستغرب وحاولوا يمين يسار يعرفون شي وخصوصاً امي بس الحمدلله اقتنعت بالنهاية،انا الفضول بيقتلني عشان اعرف السبب،هو في شي صاير؟؟غير اللي سبق وعرفته!!
فـارس:أبداً انت عارف كل شي،وبعدين من متى اختك تتفسر تصرفاتها!!،ماعلينا لما توصل عطني خبر اوكي
طلال:اوكي،بس انا ماراح آخذ جوالي..طلع الجوال من جيبه..خله عندك عشان اذا احد دق انا مالي خلق تحقيقاتهم زيادة،حفظت فيه الرقم اللي بستخدمه بأسمي،اذا شي ضروري عطهم رقمي واذا لا لو ايش لاتعطيهم اياه،وخصوصاً خالي خالد ترا بيأذيك و بيصدع راسك فالأحسن حط الجوال صامت
فـارس..ابتسم:لاتشيل هم خلاص عندي
طلال..ابتسم:أي والحنانة اختك رجاءً ماتقولها شي لاتأذينا هي بعد،الرزان ماقالت لها شي
دق الجرس..وراحت ركض تفتح..وهو طلع يطل من المطبخ..
طلال:بسم الله جيب سيرة القط،هاذي اختك المصونة
نطت عليها تضمها..والدموع بعيونها..
الرزان..همست:وشـو؟؟وش النتيجـة؟؟وشو قولي؟؟..بعدت عنها..وشو تكلمي؟؟..صرخت..هنـادي نطقي الله يخليج؟؟
تخرعوا اثنينهم و طلعوا من المطبخ..
فـارس+ طلال:خـير؟!!
هنادي..تخرعت لما شافته:فـارس؟!..طالعت في الرزان ومسحت دموعها..أبداً ولا شي،سوري خرعناكم بهبالنا
الرزان..وقفت لما مسكتها هنادي بتسحبها:هنـادي؟؟
هنادي..همست وهي تسحبها:الرزان لاتصيرين خبلة كذا مو هنا تعالي داخل
تعدلت وسحبتها وهي تركض للغرفة..
هنادي..همست:شوي شوي طيب!!
الرزان..سكرت الباب بقوة وقفلته:طلعيه
هنادي..طلعت ظرف من شنطتها ومدته لها:هدي اعصابج رزون اوكي
فتحت الظرف بعصبية وسحبت الورقة ونفضتها وقرتها..قطت الورقة..جلست عالسرير وحطت راسها بين ايدينها،
حـامل..حـامل..لا ياربي لا لالا..ياحمـارة يارزون ياحمارة..هاذي نهايتها حـامل..آآآخ ياربي شسوي الحين..شسوي!!!،..
هنادي..حطت ايده حول كتفها وضمتها:حياتي هدي الحين،بعد ماترجعين من السفر فكري وش بتسوين وقرري
الرزان:كله منه كله منه،اجـل انا اصير حـامل انا!!
هنادي:بلا سخافة رزون انتي بالنهاية انسانة طبيعية!!
الرزان..تعدلت ومسكت ايدينها:اوعديني ماتجيبين سيرة لأي مخلوق،اوعديني
هنادي:أوعدج أوعدج،بس انتي اوعديني تنتبهين لنفسج وماتتهورين
الرزان..التفتت:بحـاول
هنادي:لا مو تحاولين،اوعديني ماتسوين شي اهبل اوعديني!،حياتي انتي مسؤولة عن هالبيبي وتعرفين انه حرام انج تضرينه بأي طريقة من الطرق حبيتيه ولا ماحبيتيه
الرزان:خلاص أوعدج أوعدج
آآآخ ياربي ماكنت دارية بـ وشو ورطت عمري!!..غبية حمارة بقرة..ارتحتي الحين ارتحتي صرتي مسؤولة اجبارياً عن حياة طفل!!،..
هنادي..قامت:انا بروح ،طيارتي الساعة8
الرزان..وقفت وضموا بعض:توصلين بالسـلامة
هنادي:الله يسلمج،وانتوا بعد توصلون بالسلامة ان شاء الله،انتبهي على عمرج اوكي
الرزان:اوكي..وصاحت..هنادي ماقدر ماقدر...
هنادي:حياتي عندج وقت تتأقلمين مع الفكرة هناك،لاتقررين تماماً الا لما هو يعرف لو درى سويتي شي من وراه ترا مابيسامحج،وانا بعد ماراح اسامحج..هزت راسها..يـلا اشوفج على خير
طلعت وتركتها..سكرت الباب وتسندت عليه وهي تصيح..جلست عالأرض وراسها بين ايدينها وهي تصيح..وتصيح..وتصيح...

[..الجـزء السـابع والعشـرونــ ..]

نزل من السيارة بسرعة وهي قبله..وصلوا عند الغرفة شافوا طلال واقف ويا هنادي..
:طلال،طلال وش صاير؟؟طمني؟؟
طلال:مـامـا!هدي شوي،الدكتورة عندها داخل ماعرفنا شي لسه
:طيب وش صار؟؟
طلال:أبداً هي اقترحت نرجع بدري لانها صارت تتعب بسرعة،يوم ركبنا الطيارة ماكان فيها شي لما اقلعت الطيارة قالت انها تحس بدوخة فانسدحت وبعدين قامت ترجع وترجع وبالأخير اغمى عليها،وقدر المستطاع حاولنا نخليها تصحى وصحت الى ماهبطت الطيارة اغمى عليها مرة ثانية وعلى طول جبناها بالأسعاف اللي كان ينتظرنا
:والسبـب؟؟
تبادل نظرة مع هنادي..
نهلة:هنادي اشفيها الرزان؟؟
هنادي..ترددت:الرزان،امممم الرزان ،الرزان حـامل
خالد:حـامل!!!..همس لطلال..هاذي من صجها؟!
طلال..همس:أي نعم
خالد..همس:شلـون؟؟
طلال..همس:بعدين بعدين
نهلة:بأي شهر؟؟
هنادي:بقى لها اسبوع وتدخل الشهر الرابع
نهلة:ليش ماقالت؟؟
هنادي:ماكانت تدري،عرفت قبل السفر
نهلة:مدامها عرفت قبل السفر ليش سافرت؟،السفر متعب بالشهور الأولى خصوصاً انها بكر
خالد:نهلة هي وش يعرفها بهالأشياء!!،ولا ماتعرفني بنتج
نهلة:أي والله طول عمرها بتظل هبلة،طيب فـارس وينه؟..لما تبادلوا نظرة ثانية..ماسافرمعاكم؟؟
مايدري عن زوجته؟؟
طلال:الرزان وفـارس انفصلوا قبل السفر
نهلة:وشـو؟؟،وليش ماقلتوا!!،انتوا وش اللي صار لكم بالضبط؟!!،ماتقولون شي وبس تخبون!! ترا الدنيا مو لعبة!!..وجلست..ياويلي منكم ياويلي بتجلطوني،هالبنت زي ماذبحت ابوك بتـ...
خالد:نهـلـة!!ماله داعي هالكلام
طلال:خلها خلها هي مايطلع اللي بقلبها الا لما تكون بنتها بين الحياة والموت!!
نهلة:وانا صادقة،يعني مافكرت طول الفترة الماضية تقولي مرة انا وفـارس انفصلنا،لكن طبعاً الآنسة لقتلها اخو حمار يسمع كلامها ويطاوعها،بشرني بس الآنسة ناوية تتطلق؟؟..مارد..حلو يعني ناوية،يافضيحتي يافضيحتي
طلعت الدكتورة وهي مستغربة!!..




طلال:دكتورة طمنينا
الدكتورة:تطمنوا مافي شي خطير الحمدلله،بس تعب طبيعي ومتوقع لأنها حامل في اول طفل وعندها مشاكل صحية بسيطة ممكن تتعالج،هي حالياً راح ترتاح عندنا كم يوم عشان نسوي لها فحوصات كاملة ونتطمن عالطفل بعد،بس رجاءً ماتزعجونها وتوترونها بأي شي لأن الطفل ممكن يتضرر
طلال:يعطيج العافية
الدكتورة:الله يعافيك هذا الواجب
وراحت الدكتورة..
خالد..التفت على اخته:سمعتي وش قالت،وفري كلامج لين ماتطلع من المستشفى،وياليت ماتفتحين الموضوع معها وتنتظرين تقولج بنفسها
دخلوا الغرفة وشافوها نايمة بسـلام عالسرير...
الخميس..
23/7/1430هـ..16/7/2009..
الساعة 10:00 مساءً..
اخذت نفس وتنهدت..حتى النفس ثقيل..كأن هموم العالم كاتمة على انفاسها!!..حطت يدها على بطنها،
قولي شسوي فيك؟..شسوي ماقدر اكون ام لك ماقدر!!..انا آسفة آسفة الغلطة غلطتي
،.. دمعت عينها،
هو بياخذك اكيد..وراح يحبك اكيد..راح يكون لك الأم والأب...آسفــة بس مو بيدي ..مو بيدي..يمكن ماراح تفهمني الا لما تكبر..ويمكن ماتفهمني ابداً..بس انا لو خليتك عندي بكون لك ام قاسية ومافيها ذرة حنان..بكون زي امي ..وانا مابي اكون مثلها
،سندت راسها بتعب على يدها وتتالت الدموع..
:ماتعبتي من الصياح؟؟،مامليتي؟؟،طيب ليش؟!،مو خلاص تركتيه زي ماكنتي تبين،وبعدين بتعطينه البيبي،خلاص ليش تصيحين!!..رفعت عيونها المبللة بالدموع لها وماردت..ياشيخة ارحمي نفسج مو زين عشانج وعشان البيبي،الـرزان لاتصيرين ضعيفة كذا!!،وين الرزان القوية اللي تتحمل الألم وتسكت ولا تبينه وينها؟
الرزان:ريما مالي خلق محاضرات الحين،ارحميني انتي
ريمـا..جلست قدامها:درى؟؟
الرزان:مادري..طالعت فيها ريما بنظرة..لاتطالعين فيني كذا لاتتوقعين مني اتصل واقوله ببساطة انا حـامل
ريمـا:عيني عينج رزون،حبيـتيـه؟؟
ما ابدت أي ردة فعل ولا اهتمت بأنها ترد!!..
ريمـا..فهمت التلميح:بحـاول اصدقج،مع اني مو مقتنعة،قومي نطلع نمشي عالكورنيش مع خالو
الرزان:مالي خلق و تعبانة ودايخة
ريمـا:اوف اوف،هونيها وتهون ياماما اشدعوى!!
الرزان..تضايقت اكثر:رجاءً ريمـا
ريمـا:رجاءً ريما هـا!!،والله مالج الا خلودي
الرزان:أي خلودي تعالي انثبري..طنشتها ريما وطلعت..ريمـا!!
وبعد ثواني رجعت تطل من عند الباب..
ريمـا..ابتسمت:هـاي ماما
الرزان:ريمـا بلا سخافة!
:ريمـا ريمـا،والله مسكينة متحملتج،يـلا ياحلوة،لا سوري ماعدتي حلوة مع هالوجه المكشر،يـلا ياماما بنطلع
الرزان:يوووه علينا،خـالد هي كلمة وحدة مابي اطلع ولا تحاول
خالد:لا ياقلبي مو بكيفج..ومسكها..يـلا بهداوة ورقة قومي لسي عباتج،وبتروحين معانا الكورنيش يعني بتروحين
الرزان:الوقت متأخر!!
خالد:وإذا!،انتي مالج دخل لبسي عباتج وامشي وبس
ريما..نططت:عاش خالو خلودي عاش
خالد..ابتسم:خالو!!وخلودي!!،ماتجي يالخفيفة يلا تحركي
ريمـا:فـريرة
وبعد نص ساعة كانوا يمشون عالكورنيش..على البحر..
الرزان:انتوا عاجبكم الجو "الخانق" هذا؟!!
ريمـا..ضحكت:هذا احسن جو بتلقينه هنا،لاتتبطرين غيرنا تحرقه الشمس الحمدلله ربي راحمنا
خالد:الرزان متى بتروحين المستشفى؟؟
الرزان:المستشفى!!،ليش؟؟
خالد:ليش!!،حلوة ليش،شي طبيعي تراجعين اثناء الحمل،مو عشانج عشان الطفل
ريمـا:الا انتي بأي شهر؟؟
الرزان:يوم السبت ادخل الشهر الرابع
خالد:وطبعاً طول الفترة الماضية مااهتميتي تروحين تراجعين وتتأكدين من صحتج وصحة الطفل؟!
الرزان:ماكنت ادري قبل!!
خالد:ولو صار لج من رجعتي من السفر اسبوع!!،بحجز لج موعد ويوم السبت بوديج وبدون نقـاش
هزت راسها بدون ماتتكلم..ومشت بهدوء وحطت سماعات الآيبود بأذانها تصم آذانها عن العالم..
{قـلـه..قـلـه..اللي وصلني منه يكفيني عمر..كيف يبرا طعن سكين الغدر..قـلـه..كان لي عنده قدر
لاتلقـيـنا امام النـاس يسلـم..لايبين أي حد انه متألـم
لايخلينا حكـاية..كفـاية..ماجرى منه كفـاية
قـلـه..قـلـه..حلله ربي وباحه..اللي ماعرفت الا جراحه..هـان قلبي واستباحه..دانني بجرم حبه
...}
انا وين والحب وين!!..هل بظل مكتفية بنفسي للأبد؟؟..عاشقة لوحدتي!!راضية عن ذاتي!!..
متمسكة بحريتي!!..ولا!..انا افضل طبعاً هذا اللي يصير..لأني مش ممكن اتزوج بعد كذا.. مستحيل..لكن "انا أشـاء وانت تشـاء والله يفعل مايشـاء"
،حطت ايدها على بطنها،
هذا اول درس تتعلمه من ماما..مهما خططت لمستقبلك ولنفسك..الله كاتب كل شي من قبل لاتنولد..
فتأقلم مع ماكتبه الله لك..وكلما تأقلمت وتكيفت مع الأوضاع بسرعة كانت الحياة اسهل..
لكن بعد لاتخلي حياتك بدون هدف ومستقبلك بدون تخطيط وتقول اللي كاتبه ربي بيصير!!..
هذا اكبر خطأ..لأن العمل بالأسباب مهم لما تتوكل على الله
،وابتسمت،
طبعاً خذ وخل من نصايح ماما..اللي ماراح تكون ماما اصلاً!!..مادري اذا بابا بيجيب لك ماما ثانية..
بس الأفضل انه يسويها..لأنك تحتاج الى ماما تدعمك وتشجعك
،وتحولت الابتسامة المرحة..إلى..ابتسامة الـم..
{احلـم بأيـه..احلـم بأيـه..احلـم بأيـه..آآآآه..وانا كل حاجة اخترتها مترتبة لي
..وكل سكة مشتها كانت مرسومة لي
..حتى ساعات الفرح والأحزان فـ عمري من قبل مااجي الدنيا كانت محسوبة لي
وانا ليلي بيخاف النهار..ورسمت جنة لقيتها نـار
..ويخيروني اتوه واضيع واغرق في محنة الأختيار...}
الله يسامحك يامحمد رحيم وش هالأغنية اللي تجيب الألم..يا ماما لاتسمع هالكلام ابداً..
هذا كلام الفشلة المنهزمين..التفاؤل للناجحين والمتفوقين فتفائل دائماً..ادري تلمس تناقض بكلامي..
وانا اللي متشائمة اربع وعشرين ساعة من عرفت عنك!!..بس مو بيدي..انا خايفة عليك..على مستقبلك..حياتك..
وبنفس الوقت هرموناتي تحكمني..فارضة عليّ جو الكآبة والجنون..ساعة ابتسم واضحك..
ساعة مكتئبة ومو طايقة احد!!..شفت شلون الهرمونات ظالمة!
،ورجعت ابتسمت على جنانها..وقفت عند الحاجز..وشمت "زفر البحر"..،
تعرف اني اشتقت لهالرطوبة وهالزفرة! ..تظل هالأرض هي اللي انولدت عليها وانولد عليها تاج راسي ابوي..الله يرحمـه،..
{انا مش ضعيف ولا حاستسلم..من اللي جرالي انا حاتعلم
كـده ايد في ايد..ومن جديد..نبدأ ونرضي ربنا
..نفضل شباب..في الخير صحاب
..نمشي في طريق باين لنا
انا طول ماربنا ويايا..وحوالي ناس بتشجعني..حتغير انا من جوايا
..وعمر الشيطان ماحيخدعني...}
احسنت ياعمرو..شفت ياماما هذا الكلام الصح...وانا بديت اتحول لمدرسة!!!..هههههههه.. خلاص نبدأ انا وانت من جديد،حطت يدها على بطنها مرة ثانية،انا ماما رزون الرزان اللي تبي.. u are my baby..and I انت...
،بلعت ريقها..واستجمعت كل قوتها..وتنفست،
I Promise I will try to love u as much as I can
عجبتك اعترافات ماما!..ترا ماتصير الا مرة بالسنة..تقبل تناقضاتي رجاءً..انا مستعدة اتقبلك تماماً واحبك..
لأن زي ماقلت قبل هذا اللي ربي قدره..وبالنهاية لازم ارضى بالقدر "الرضا بالقدر خيره وشره"..
بس لازم تتفهم ان هالحب راح يستمر للأبد..لكن..وانت بعيد عني..لأني ماقدر اربيك..وماراح تكون سعيد معاي،..
:شخبـار المناقشات؟ان شاء الله نجح الحوار الوطني الثقافي في حل المشكلة!
الرزان..ابتسمت:تقريباً،بعدين عيب تتطنز عليّ وعلى مستر خالد!My baby
خالد..ابتسم:You'r baby!الحمدلله على هالتطورات،Take care of you'r baby
الرزان:سؤال للمستر ممكن؟
خالد..ابتسم:اكيـد
الرزان:متى ناوي ان شاء الله ترحمنا وتفكنا من خشتك وتتزوج؟؟
خالد..ضحك:ايااللئيمة!!،قاعد على قلبج!مابي اتزوج
الرزان:لا من صج،والله مايصير،خالتي ايمان وانخطبت باقي حضرتك ويفضى البيت لي،اما طلال مو محسوب من السكان اساساً
خالد:ليش بترجعين هنا؟؟
الرزان:ارجع هنا!!،لا طبعاً مستحيل،انا اقصد مؤقتاً،بمجرد تبدا الدراسة برجع لندن
خالد:والبيبي؟؟
الرزان:يـقدر ياخذه انا ماعندي مانع ابداً،لاني ماقدر اربيه
خالد..كان يمشي ووقف من الصدمة:وشو؟!!
الرزان..كملت مشي:اللي سمعته
خالد..مشى وراها:انتي مو صاحية!،هذا طفلج من لحمج ودمج بتخلينه هو يربيه لحاله!!!
الرزان:بالضبط،وبعدين لاتبالغ في ردة فعلك!،انت شايف اني أهل لتربية طفل؟!!،انا اساساً اكره الأطفال ومااطيقهم!
خالد:مدام ماقدرتي طفلج،اذاً انتي ماتستحقين الامومة اساساً
سمعت..قالها قال الحقيقة..انا مش عارفة قدرك للأسف..عشان كذا مااستحق اكون امك
،..وكملوا مشي وهم ساكتين..
:Hello!!،أيـها البؤساء!،كل هذا شوق لي!!غبت عنكم دقايق واشتقتوا لي لهالدرجة
طنشوا وماردوا..،
شكله زعل مني!..بس ليش يزعل وهاذي الصراحة!..الناس دائماً ماتحب تسمع الحق!!
،..ركبوا السيارة..
:احم احم،انا ابي شاورما من رمانة
خالد:ريمـا!زحمة الحين!
ريمـا:مالي شغل انا اشتهيتها
خالد:انتي اللي حامل وانا مادري!!
ريمـا:هـا هـا هـا،على جثتي اجيب عيال
خالد:لايكون مثل المدام هنا لما تحملين وتخلصين تقطينهم على ابوهم يربيهم وانتي تسرحين وتمرحين
الرزان:خـالـي رجاءً
خالد:رجاءً انتي ارحمينا شوي من مفاجأآتج
يـالله شاللي خلاه يعصب لهالدرجة!!..هم اشدخلهم!!..حتى بعد ماصرت مرة يبون يتحكمون بقرارتي!!..الى متى؟!
،سكتت مقهورة..
{حسبت اشواقنا غابت..واثاري الشوق تو مافات..واثاري بقلبي الساهي..حنين لك بعد باقي..
انا ماكنت احسب ان القلوب الساهية تشتاق..ولا كنت احسبك في يوم تجي وتحرك اشواقي..
سهيت بصفحة كتابي لقيتك بأول الأوراق..انا لاهي مع كتابي..لقيتك كنك اوراقي..
الا ياحبي الأول الا ياغايتي مشتاق..هقيتك ماانت في قلبي واثرك داخل اعماقي...}
مدت يدها وطفت الراديو بقوة..
ريما:رحمتيني من لوعة الكبد!!..مدت يدها بـ سي-دي..خذي شغلي هذا بس
{يـوم واحد غبت عنك..شـوف بس وش صار فيك
وشلون لو عنك اغيب العمر..وما اسأل عليك
انا ادري ماتحمل اني ابعد عن عيونك
وتضايق في غيابي لما عني يسألونك
وشلون لو عنك اغيب العمر..وما اسأل عليك...}
ريما:شفتي شلون احسن من النكد اللي قبل شوي،هذ البوم اروى "غصب عنك" هاذي اغنية "يوم واحد" خطيرة ولا؟
الرزان:امم
ريما:امم!!،اوكي اوكي،اقول خالو بيتنا اول..وماصدقت وصلوا عند باب بيتهم..يـلا مع السلامة ياكـآبـة!!
غمضت عيونها ورجعت راسها عالكرسي بعد ماطفت السي-دي..مسكت الدبلة بيدها وقعدت تفر فيها..
خالد:متى بتشيلين الجبس من يدج؟؟
الرزان:الجبس!،يمكن بعد اسبوعين
خالد:الكسر خطير لهالدرجة!!
الرزان:العظم مو بس تكسر الا تهشم وتفتت تحت قوة الضغط،عشان كذا يحتاج لوقت طويل
خالد..بعد سكوت لفترة قصيرة:انا آسف ماكان له داعي الكلام اللي قلته
الرزان:انت قلت الحقيقة،انا مو زعلانة،انا مستغربة ليش انت معصب؟!!
خالد:ماقدر اشوفج تضحين بطفلج اللي من لحمج ودمج عشان كبرياءج واسكت
الرزان:عشان كبريائي!!،انت فاهم غلط ايش دخل كبريائي،انا ببساطة ماراح اقدر اربيه لاني مو مؤهلة لهالشي أبداً
خالد:يعني الأمر ماله علاقة بفـارس؟!
الرزان:له علاقة اكيد هو ابوه عشان كذا هو اللي لازم يربيه
خالد:بيربي ولد مايدري عن وجوده على الكرة الأرضية؟!
الرزان:مو مهمتي انا اقوله،انت تقدر تقوله،طلال يقدر يقوله،هنادي أي احد انا مو مانعتكم تقولون له لكن لاتتوقعون مني اقوله،لانه هو سبب اللي انا فيه
دخلوا البيت..طالعت ساعتها،
11:34 كالمعتاد الكل نايم!!..حتى بالأجازة تنامون بدري!!
،..راحت لغرفتها على طول وتمددت عالسرير،
آآآآخ..وش هالتعب ياربي
،..طالعت بدبلتها،
ياويلي اصابعي!..كأنهم انتفخوا؟؟..هذا اول الطريق..الله يعين عالنهاية
،قامت..اخذت دوش وطلعت تتمد على سريرها والدفتر بأيدها..مسكت اقرب قلم وكتبت،
هـاي حبيبي..انت الحين قضيت..اممممم..12 اسبوع في داخلي "داخل رحمي"..
يعني عمرك ثلاث شهور..مرة كبير! ..طبعاً ياماما غلبتني طوال الشهر الماضي بـ "الغثيان الصباحي"..
اقوم من الفراش عالحمام "وانتوا بكرامة"..وانا قاعدة كل خمس دقايق اقوم اروح الحمام "وانتوا بكرامة"!!!..
واحياناً فجأة انام وانا جالسة!!..واهم شي الصياح من وقت لوقت فجأة ابدأ اصيح!!..
مسكين خالو طلال تعب معاي فاقترحت عليه نرجع بدري لأن السفرة اختربت خلاص!..
بس الشي المقلق ان وزني نقص!!مع اني سمعت انه يفترض يزيد!!..لكن بعد ماكان لفترة 43 صار 40!!..
بنشوف الدكتورة يوم السبت ايش تقول اوكي ماما!..يـلا تصبح على خـير حبيبي
،حطت القلم وسكرت الدفتر..ضمت نـيمـو..وابتسمت









[..الجـزء الثـامن والعشـرونــ ..]

تمددت بكسل..وهي ودها ترجع تنام اكثر..راحت الحمام "الله يكرمكم"..وهي تغسل وجهها.. طالعت بالمرايا ولمست وجهها!!،
بديت اشك في نظري!!..كأن وجهي متنفخ!!..يمكن لأن توني صاحية!!
،ورجعت غسلت وجهها عدل..وطلعت تبدل ملابسها..
{احبـس دموعي حبيبي من غـلاك..انت دمعة خايف ابكيك وتطيح
ياحبيب الجرح اتعبني عناك..في ايدينك قلب لكنه جريح
بنشدك قد صرت نجم في سماك..او مشيت بدرب ماهو لي صحيح
احبـس دموعي حبيبي من غـلاك..انت دمعة خايف ابكيك وتطيح...}
السبـت..
25/7/2009..3/8/1430هـ..
الساعة 10:26 صباحاً..
لبست عبايتها وشالت شنطة" جيفنشي" السودا الكبيرة..وشوزها الفلات البنفسجي..لفت شيلتها وشالت نقابها وطلعت..
:يـلا يامدام بتتأخرين عالموعد وتأخريني عن دوامي!!
الرزان:تخليني احس بالذنب يعني!،ماحد ضربك على ايدك استاذ خالد قلت لك عادي اروح مع امي والسواق ولا مع طلال
خالد:التعب اللي يجي من ورا قلبي عسل ولا اجروء اتذمر منه زيادة
الرزان..ابتسمت:تجروء!!اي كذا يابابا تسنع
خالد..ضحك:يسعد لي هالصباح
الرزان:ربي يسعد ايامك
بعد مافحصتها الدكتورة وتطمنت ان البيبي اوكي وهي بعد اوكي..جلست تكتب في صالة الأنتظار،
مرحبا حبيبي..مر اسبوع وكبرت..وصار عمرك اربع شهور الا اسبوعين..بدت تطلع كرشة صغيرة "مو كرشة امزح"..
وبديت انت تكبر وصاروا العالم يشوفونك..انا شفتك بالجهاز..
وسمعت صوت قلبك الصغير ينبض..تك..تك..تك..كأنه ساعة..
هالأسبوع تحسنت صحتنا..انا صار وزني 43 وانت صار وزنك 49 جرام..مرررة نتوف..انا بشكل عام مرهقة وتعبانة..
لكن وجودك داخلي يمدني بالأنتعاش.."u are my close up"..ههههههههههه..
وقاعدة آكل كويس مع اني مو مشتهية..الدكتورة تقول مفروض تزداد شهيتي واصير آكل اكثر!!..لكن انت عارف مـاما...
،..قاطعتها يد على كتفها..رفعت راسها بخوف بسرعة..
الرزان:مناهـل!!
مناهل:الرزان!كنت شاكة انج انتي فقلت اتأكد،شخبارج؟؟
الرزان..وقفت تسلم عليها:الحمدلله
مناهل..طالعت فيها من فوق لتحت:كأنج تغيرتي؟!
الرزان..ابتسمت:يعني بتفهميني ماقالت لج هنادي،طيب،انا حـامل
مناهل..تغير وجهها وانصدمت:حـامل!!
الرزان..استغربت:انتي من صج ماتدرين؟!
مناهل:أبـداً!،فـارس ماقال لي!!
الرزان..طالعت بعيد:لأنه على ماظن، ما ما مايدري
مناهل:مايدري!!،ليش ماقلتي له؟!
الرزان:انتي اكيد تعرفني اللي صار بينا،ماقدر اكلمه بكل سهولة واقوله انا حـامل
مناهل:انتوا!صج مو صاحين!!،طيب عادي لو انا قلتله؟!
الرزان:اكيـد،تريحيني بالمرة
مناهل..ابتسمت:ماتتصورين شلون بيفرح،انتي بأي شهر؟؟
الرزان..طالعت فيها بنظرة:انتي شرايج؟!
مناهل..ابتسمت:الرابع!،ههههههه..ومسكتها..جلسي جلسي،انتي شكلج اساساً مايهيأ ينقال عنج حامل مع انج متغيرة،بس مرة نحيفة
الرزان..ابتسمت:الدكتورة تقول نفس الكلام،و اكدت اكثر من عشرين مرة "لازم تآكلين زي الناس وتآكلين وجباتج كاملة ولاتفوتين ولا وجبة"
مناهل..ابتسمت:اكيد لأن بهالجسم كيف بتتحملين الولادة!!
الرزان..ضحكت:لحظة لحظة،بشويش عليّ ولا تفتحين ابواب مسكرة،خلينا خطوة خطوة ماله داعي العجلة
مناهل..ضحكت:خلاص خذيها خطوة خطوة..طلعت جوالها..اسمحي لي الحين بدق عليه،ضروري ابشره الحين
الرزان حطت يدها على بطنها،
حبيبي بـابـا بيعرف بوجودك الحين..تتوقع شلون بتكون ردة فعله!!..
صدمة!..دهشة!..فرحة!..لامبالاة!..انا اظنها الأخيرة..نظراً لتصرفاته دائماً!!،..
مناهل:الـو فـارس حبيبي عندي لك بشارة تسوى مليون،أي مليون الا بليون
ليش تبالغ!!..بس اكيد انت تستاهل حبيبي،..
فـارس..كان يحوس بأوراقه بالمكتب:وش هي؟!!
مناهل:منت متحمس تعرف!!
فـارس:مناهل انا مشغول ومو فاضي اتحمس لخرابيطج!!
مناهل:خرابيطي هـا!،خلاص ماراح اقولك وتشوف بتندم قد شعر راسك لماتعرف
فـارس:قولي طيب،يـلا اسمع
مناهل:اول هات البشارة
فـارس:اللي تبينه خذيه،بس قولي فكيني
مناهل..ابتسمت:يصير آخذ ولدك،اذا جا ولد طبعاً
فـارس:ولدي!!،خذيه حلال عليج لأنه ماراح يجي أبداً
مناهل..مسكت ضحكتها:ليش مستعجل عليه بيجي بعد خمس شهور،بس هـا اذا جا ولد انا بآخذه ترا انت اللي قلت
فـارس..وقف مخه وجلس عالكرسي:مناهل انا مافهمت شالهدف من هالكلام؟!
مناهل..ضحكت:يالغبي بعد خمس شهور بتصير ابو
فـارس:و،وشـو؟؟
مناهل:لهالدرجة الموضوع مو منطقي!!،ياحبيبي الرزان حامـل حـامل
فـارس..انصدم اكثر!!:تمزحيـن؟!
مناهل:أبداً وبالشهر الرابع بعد
فـارس..ابتسم:لا من صج!!
مناهل..ضحكت:امزح معاك يعني!!
فـارس..ضحك بعدين طلعت منه صرخة لا ارداياً:لج المليون اللي طلبتيها يامناهل لج المليون
مناهل..ضحكت:يالنصاب!،أي مليون انا قلت لك اذا ولد بآخذه
فـارس..ضحك:ليش احنا فاتحين سبيل ونوزع اولاد!!،ترا هذا الأول والاخير
مناهل:ليش ياكافي!!،مافي امـل!!
فـارس:لا امـل ولا الرزان ولا مايحزنون،الا على الطاري مين اللي قالج
مناهل..ابتسمت:الـرزان،هي..الرزان اشرت لها لا لا بس هي طنشت..هنا جنبي
فـارس:واكيد الحين بتتكفخين لأنج قلتي
مناهل..ضحكت:ماتقدر تسوي شي،انتي ناسي انها حـامل
فـارس..ابتسم:ماظن هالشي بيمنعها!،طيب عطيني ايها ابي اكلمها
مناهل..ابتسمت:اوكي..مدت الجوال للرزان..يبي يكلمج..اشرت لها براسها"لا"..بس بيكلمج يابنتي مو مآكلج!
الرزان..انقذها جوالها اللي رن:سوري ماقدر،يـلا مع السلامة هذا خالي وصل،سلمي لي عليه وعالأهل
مناهل:يوصل ان شاء الله..رجعت تكلم فـارس..فـارس!
فـارس:تهربت صح!،مو مشكلة بكلمها بعدين،يـلا مع السلامة،ومشكورة يالغالية على هالبشارة اللي مافي مثلها
مناهل..ابتسمت:حياك كل يوم،ومع السلامة
سكر ولملم اوراقه وحطهم في الشنطة..والفرحة مو شايلته،
أخيـراً..الحمدلله ياربي..كنت اظن ان كل اللي اتمناه بيضيع..بس الحمدلله..العوض ولا القطيعة
،..شال شنطته وطلع..
فـارس..التفت على السكرتيرة:عبير تقدرين ترجعين البيت خلاص،وآسف لأني جبتج في يوم الأجـازة
عبير..وقفت وعلى وجهها ابتسامة:ولايهمك استاذ،لو تطلب اقعد الويكند كله بالمكتب انا تحت امرك باللي تطلبه
فـارس..ما اهتم يعلق على سخافتها:مع السلامة
عبير..كبرت ابتسامتها وهي تسبل برموشها!:الله يحفظك استاذ
طلع لسيارته ركض..حط المفتاح في الباب لكن في يد مسكت كتفه ويد ثانية مسكت ايده..
التفت وجاته ضربة قوية على وجهه واغمى عليه...
صدعوا راسـهـا ريمـا وهنـادي..
الرزان:بس خلاص سكتوا،سببتوا لي صداع فوق الصداع اللي عندي!!
هنادي..ضحكت:سوري مـدام
ريمـا..ضحكت:اهم شي الخدامة السيرلنكية اللي عندنا!!،الا رزون مو كانج خميتي السوق!!
الرزان:الله يالمبالغة!!،جسمي بدا يتغير لازم اشتري بنطلونات مريحة،و الكذب خمس اكياس ماتعتبر "خميتي السوق!"
ريمـا:بس خميتي بنطلونات السوق كلها ونص بلايز السوق!!،ليش ماشريتي بلايز كثر ماشريتي بنطلونات!!



الرزان:عندي تي شيرتاتي القديمة مقاسها كبير و واسعة
هنادي..ضحكت:اقتصادية ماشاء الله
الرزان:هـا هـا هـا،اقول يـلا بس انا بطلب لأني بموت من الجوع
ريمـا:ياويلي بدت حركات الحوامل،لاتفشلينا وتصيرين مشفوحة كلي بأدب وبذوق
الرزان..رفعت حاجب:ان شاء الله يالمؤدبات
بعد ما كلت لأول مرة زي الناس..طبعاً بعد تعب الدوارة..طالعت ساعتها الألماس النعومة السودا..
الرزان:الساعة 10:13!!،انا بدق على طـلال يجي ياخذني،امي بتسوي لي فضيحة لاصارت ولا استوت
هنادي:دبتج صارت قدامج ومازالت على هالحركات!!
ريمـا..ابتسمت:خالتي بتظل للأبد كذا
هنادي:الله يعينج رزون
الرزان..ماكانت معاهم:طـلال!،اقولك تقدر تجي تاخذني الحين
طلال:ليش انتي وين؟؟
الرزان:انا بالراشد،تعال خذني اوكي؟
طلال:اوكي انا دقايق اواكون عندج،أي بوابة قريبة منج؟؟
الرزان:بوابة 6
طلال:أوكـي،خليج عند البوابة،يـلامع السلامة
الرزان..استغربت:مع السلامة..وسكرت..اشفيه هذا؟!
ريمـا:مين طلول؟!اشفيه؟؟
الرزان:مادري غريب!!،ماعلق كالعادة ونكت!!
ريمـا:احسن خليه يتعلم يصير جاد،الحياة مو لعب وضحك وبس!!
الرزان..ابتسمت:ايوا!!،طيب ان شاء الله ياشيخ العرب!!
هنادي..ضحكت:تقصدين حكيمة القبيلة!!،مادري اشعندها!!
ومع السوالف لهت عن طلال..بس 10 دقايق ودق عليها..
الرزان:يـلا صبايا،سـلاميز
هنادي:سلاموز
ريمـا:سلامآز
ركبت السيارة..وتفاجأت بهدوء السيارة وهو حاط راشد الماجد "على كثر السنين"!!!..
الرزان:السلام عليكم!!
طلال:وعليكم السلام
الرزان:خير هجرتك حبيبتك حاط لي هالأغنية!!
مارد!!،
اشفيه هذا!!..بسم الله الرحمن الرحيم!!
،..غيرت الاغنية..الا عباس ابراهيم "من فاهم"!!،
بعد "منت فاهم" بدا الموضوع يصير مريب!!،..
الرزان:مين هاذي اللي ماتستحي وكسرت قلب اخوي؟!!
طلال..بدون مايلتفت عليها:الحياة ماتدور حول هالأمور التافهة
وو..ووو..وووو..شاللي صاير بالدنيا!!..لا لا لا..في شي مو طبيعي..
"الحياة ماتدور حول هالأمور التافهة"!!..طلول يقول كذا!!..شاللي صاير بالدنيا!!
،..فضلت السكوت الى ماتوصل البيت وتعرف شالسالفة..دخلت البيت وكملت طريفها للغرفة لما فهمت انه مابيقول شي!..لكن!!..
طلال:الـرزان وقفي
التفتت ونزلت الدرج..وقفت تنتظره..
طلال:انا كنت متردد اقولج بس،ادري مو في صالحج اني اخبي عليج
الرزان..هنا حست بقلق:خـير؟؟وش صاير؟؟
طلال:اوعديني تاخذين الأمور بهداوة
الرزان:طلال خوفتني، قول وش صاير؟؟
طلال..تردد كثير:فـ،فـ،فـارس اختطفوه جماعة ارهابية على قولتهم،والحين هو بالعناية المركزة وفي غيبوبة يمكن،يمكن مايقوم منها زي ماتعرفين،بس..ماكمل كلامه لانها تهاوت عالأرض فركض يمسكها قبل لاتطيح..الـرزان!!،الـرزان!!،مـامـا،مـامـا
طلعت ركض من الغرفة عالصراخ..ونزلوا ايمان وخالد ركض..
نهلة..جلست جنبه:اشفيها؟،اشفيها اختك ياطلال؟؟
خالد:انتي تنتظرين تعرفين،قوم طلال قوم ناخذها المستشفى
نهلة..طنشته وحاولت تصحيها:الـرزان،الـرزان،الـرزان يمـا قومي،قومي
الرزان..بعد ثواني فتحت عيونها وهمست:فـارس..طالعت في طلال..الكلام اللي قلته...
طلال..قاطعها:ارتاحي لاتتكلمين..نزل راسه..والكلام اللي قلته صج انا ماراح انكت في هالأمور
خالد..مسكها:تحرك اسندها عشان ترتاح عالكنب
نهلة:خلني اجيب كرسي امي احسن،وترتاح بغرفتنا
خلال دقايق كانت في السرير وهم حولها..
خالد..التفت على طلال:الحين قولي وش صاير؟؟
طلال:فـارس دخل في غيبوبة وهو بالعناية المركزة
خالد:وشو!!،ليـش؟؟
طلال:اختطفوه جماعة ارهابية كانت تهدد السفارة من فترة طويلة،هم اخذوا تهديداتهم لفترة جدياً وحطوا له وللرزان حراسة اربع وعشرين ساعة بعد حادثة الرزان..التفت عليها..اللي كانوا هم السبب فيها،
كان على قولتهم مجرد تحذير بسيط،المهم بعد ماتركت الرزان البيت فـارس طلب منهم يشيلون الحراسة كان واثق ان مافي شي جدي،
لكن للأسف لما كان طالع من السفارة اليوم اختطفوه وكانوا يترصدون له من فترة وعرفوا بالضبط انه تحت السفير على طول وهو المسؤول،
فقرروا انه الضربة القاضية لهم،بعد مااختطفوه ضربوه وكسروه وهم يحاولون يخلونه يعترف ليش يتعامل مع اعداء الأسلام على قولتهم!!،
وش خططهم ضد المسلمين!!ومن هالكلام،بعد تسع ساعات قطوه عند السفارة ومن هناك الشرطة والمحققين اللي كانوا يدورون عليه نقلوه للمستشفى،
وهو بالعناية المركزة الحين
نهلة:حسبي الله عليهم،حسبي الله عليهم،الله ينتقم منهم الله ينتقم منهم،الله ياخذهم هالأرهابيين ويريحنا منهم
خالد..طالعها:نهلة!،طيب انت شلون عرفت؟؟
طلال:قبل ساعة دق عليّ صديقه حمد اللي يشتغل معها بالسفارة وقالي كل شي
زاد صياحها..وعلت شهقاتها..
خالد..قرب ومسك يدها:الرزان حبيبتي،سمي بسم الله وهدي،مو زين كذا للبيبي،ومو زين لج
الرزان..زاد صياحها اكثر:اليوم توه درى عن البيبي توه اليوم درى،مايصير يموت بدون مايشوفه مايصير يموت بدون مايربيه،اهو ابوه لازم هو يربيه..شهقت..لو مات انا بكون السبب انا بكون السبب لو مات
ايمان:وش هالكلام يالرزان،لاتقولين كذا انتي اشدخلج!،سمي بالرحمن وتعوذي من ابليس
الرزان..زاد صياحها اكثر واكثر:آآآه ياربي آآآه ياربي،ليش ياربي ليش فـارس!!
نهلة..وخرت خالد وضمتها بقوة لصدرها:لاتقولين كذا يمـا مايجوز،ان شاء الله بيقوم بالسلامة انتي بس ادعي له
وزاد صياحها بما انها اول مرة في حياتها امها تضمها..تعلقت فيها بقوة..وهي تصيح...
سـاعات احس ان "الزمن قـاسي" ولايمكن يلين
وساعات احس ان "الفرح محـال" ولايمكن يحين
هذا اللي شفته بدنيتي وكل مامضى لي من سنين
يامن يعلمني الفرح ويفرح القلب الحزين
ســـاعــات
اشكي مرارة حيرتي بدنيا ماظني بتزين
واذا بدى بعيني الامل تجد احزاني وتبين
روح زماني وانتهى وترك لي الجرح الدفين
دنيا كفى الله شرها تخلي قاسي يلين
ســاعــات...

[..الجـزء الثـلاثـونــ ..]
السبـت..
15/8/2009..24/8/1430هـ..
الساعة 6:30..
كتبت،
هـاي حبيب ماما..اليوم كملت ياحلو اربع شهور واسبوع..خلاص دخلت الأسبوع الثاني من الشهر الخامس..
كيف شعورك؟؟وانت صاير دب وزنك 196 جرام!!بس قصير طولك 15 سم طول المسطرة!!..
وكيف شعورك وانت مضايق ماما ولسه ماتحركت!!..الدكتورة تقول مافي شي خطير وانت تتحرك بدون ماانا احس..
نبضات قلبك طبيعية..زي نبضات قلب بابا عالجهاز!!...
لو تشوف ماما كيف صارت دبة بسببك!!..وزني مازاد كثير 46 كيلو!..بس انت صرت ناط كذا والكل يشوفك..
تخيل الناس تسأل الماما كم عمرج؟؟..يفكروني صغيرة مرة!!..انا عمري 19 اشفيهم!!..
خل يشوفون وجهي اللي انتفخ اكثرمن رجولي..وصدري اللي كبر..يـالله احياناً يكون في ثمن سخيف عشان اقدر اجيبك لهالدنيا!!..
يـلا حبيبي نام بهدوء داخل..وتحرك بس مش بقوة
،ابتسمت وحطت يدها على بطنها..سكرت الدفتر وحطته بشنطتها..نزلت وعلى طول على الغرفة..فتحت الباب بهدوء..وطلت براسها..
الرزان:السـلام عليكم حبيبي..سكرت الباب وراها..سوري تأخرت عليك بس كان عندي موعد للبيبي اللي طالع عنيد على،مادري عليك ولا عليّ!!
حطت الشنطة عالكرسي..وانسدحت جنبه عالسرير وحطت راسها على صدره...
بعد تحسن حالته قبل اسبوعين نقلوه من العناية المركزة..واجتاز مرحلة الخطر..لكن لسه مايدرون متى يصحى "كله بعلم الغيب"..كدمات وجهه خفت و شوي وتختفي...
مسكت يده وحطتها على بطنها..
الرزان:قوله حبيبي يتحرك هالعنيد مايبي يرفسني وانا احلف عليه!!،قوله حبيبي
..قعدت تمسح على شعره..شعرك اللي ماكنت تبي تطوله طول حبيبي،وحلو زي ماهو عشان كذا ماراح اخليهم يقصونه،طيب لا...
حست فجاة بشي يتحرك..داخلهـا!!..حطت ايدها مع ايده اللي على بطنها..وحست برفسة قوية..
الرزان..ضحكت:حبيبي البيبي يرفس البيبي يرفس،آآآه ياربي الحمدلله الحمدلله،لو ادري انت اللي بتخليه يسمع الكلام كنت قلت لك من قبل تقوله
رجعت انسدحت..حطت راسها على صدره تسمع نبضه..وحطت يده على رقبتها تدور النبض..
الرزان:اسمع حبيبي نبضي ونبضك نبض واحد،ليتني اقدر افديك بقلبي وروحي عشان تقوم بعافية
غمضت عيونها بألم وهي تحاول تمنع الدموع تنزل..نزلت من عالسرير وايدها بايده..تحركت تبي تروح لكن حست بحركة ثانية..بس مو من داخلها..التفتت بسرعة..الأصبع اللي تحرك رجع زي ماكان!!،
هذا اذا كان تحرك اساساً!!
،..شالت شنطتها..وطلعت والدموع بللت وجهها..كان صعب عليها توقف تتفرج بس وهي مو قادرة تسوي له شي!!...
:انا اشوف لو ترجعين السعودية احسن لج واريح لج
الرزان:مـامـا لاتقولين هالكلام!!
نهلة:صار لج شهر على هالحالة،وماذقتي طعم الراحة!!،وتبيني اسكت لج
الرزان:انا راحتي بتكون لما يصحى،وحالياً يكفيني اكون جنبه وبس
نهلة:لاتنسين انج حامل ولازم تنتبهين لنفسج وللي ببطنج
الرزان:مـامـا انا منتبهة على نفسي زين مازين،وهو نفس الكلام اللي اكرره كل مرة انا ماراح ارجع،افهميني الله يخليج
نهلة:خـلاص كيفج،انا بروح لجدتج قاعدة تناديني،يـلا انتبهي على عمرج
الرزان:ان شاء الله،مع السـلامة
قطت الجوال من يدها بعيد..تسندت على ورا وهي تفكر..فجأة قامت بسرعة..ومجرد ماحطت رجولها عالأرض حست براسها يدور..فوقفت شوي..بعدين تحركت ببطء،
كذا ياحبيب مـامـا..قاعد تستهبل عليّ!!
،..ابتسمت،
يـلا بنروح نتسوق عشانك..في اشياء ضرورية لازم نشتريها..صح تو الناس..بس انا طفشانة
،...سكرت الباب بهدوء وراها..
:يقالج يعني ماراح اعرف انج طالعة وتوج ترجعين!!
الرزان..ابتسمت:تقريباً
:اوف اوف،لاتقولين لي كل هالأكياس حق حبيب القلب!!
الرزان..حطت ايدها على بطنها وفي نفس الوقت حست برفسة وابتسمت:ليش عندج مانع آنسة هنادي،شكله ماهو حابج من تكونين موجودة يتنرفز ويقوم يرفس
هنادي:وي!!،ان شاءالله عمره ماحبني،هذا اللي ناقص بعد هالبزر يتكبر عليّ
الرزان:رجاءً ماتغلطين هـا،ترا انتي بالنهاية عمته
هنادي:مابيه خلاص،ولا ابي اصير عمته..مسكتها..تعالي جلسي بس،اكيد تكسرتي بدوارة السوق
الرزان..جلست:مو مرة،بس مرة جعت
هنادي:جوعانة؟،افـا عليج الحين بكون العشا جاهز
الرزان..طالعت ساعتها:يقال يعني بتسوينه بنفسج!!،اصلاً الحين تكون فران مجهزة كل شي وتنتظرنا
هنادي..قامت:انا وانتي اليوم بس
الرزان:ليش!!،وامج وابوج؟
هنادي:رجعوا
الرزان..قامت:اهـااا،طيب انا بروح آخذ شاور وخلال نص ساعة بكون عالطاولة
هنادي..تخصرت:بعد هي فيها انتظار اكثر!!
الرزان..ابتسمت:يالمشفوحة بآخذ شاور بس
هنادي:لاتطولين
الرزان:نص ساعة مو وقت طويل!!
هنادي:حتى لو
الرزان:عبيطة!
هنادي..ابتسمت:انتي اعبط
انسدحت بالسرير..وفتحت الدفتر..وبدأت تكتب،
الكل يشوف الرزان تغيرت..اختلفت..ماعادت الرزان اللي قبل!!..بس للأسوء..او..للأفضل!!..
ماحد قادر يحدد..عن نفسي احس اني تغيرت بس للأسوء..لأن نفسيتي صايرة اسوء..صرت اتظاهر بالقوة واتصنعها..
وانا بمجرد ما اعطيهم ظهري تنزل دموعي..الحب اللي اكتشفته بعد فوات الآوان!!...
سألني امس خالد "اذا صحى فـارس بالسـلامة ان شاء الله بتعترفين له؟؟بترجعين له؟؟"..يمكن منطقياً وطبيعياً..
واكيـد بقول "أي طبعاَ"..بس ماكان الموضوع كذا معاي!!..ترددت بالجواب وطلع معاي "مادري!!"..
لأني فعلاً مادري!!..هو لأنه غايب عن الوعي ومايدري عن شي انا اخذت راحتي بالكلام وقلت كل اللي بقلبي..
لكن وهو صاحي ويطالعني بملامح الجمود ونظرات البرود!!..صعب اقدر انطق!!..
بعدين مو يمكن يكون ماصدق يفتك مني ومايحبني..واصدمه انا باعترافي!!واخلي الأمر يصير كانه مفروض عليه فرض!!..
يعني انا اللي داريتك وراعيتك بمرضك وانا اللي قاعدة اراكض عشانك وانا احبك لازم انت بعد تحبني؟!
،..طاحت دمعة عالورقة..بللت الورقة وسال الحبر،
يمكن ابالغ شوي..بس هذا متوقع يصير ولا!!..هو انا اكيد برجع له..بس ماراح اقدر اعترف بسهولة..
مافي شي بحياتي جا بسهولة..يعني ماراح اقوله انا احبك وبيقولي وانا بعد اموت فيج!!..آآآآه مافي شي كذا سهل
،..سكرت الدفتر بسرعة!..ومسحت دموعها..طالعت الساعة،
11 ونص!!
،حطت يدها على بطنها،
حان وقت النوم مـامـا
،..طفت الأنوار..ظلت تتقلب..وتتقلب..وتتقلب..وماقدرت تغمض عيونها،
افففف..مالي الا استهدي بالله كذا..واقرا لي قرآن
،..قامت وتوضت وقرت قرآن... سكرت المصحف..وطالعت الساعة،
ياويلي..الساعة 1 وربع!!
،..انفتح باب الغرفة بهدوء..وطلت براسها..
هنادي..ابتسمت:ماقدرت انام فقلت اطل عليج،لما شفت النور الخفيف عرفت انج صاحية
الرزان..قامت وحطت المصحف على جنب:دخلي،انا ماقدرت اغمض عيوني
هنادي..دخلت وهي مادة بايدينها شي:الهوت شوكلت بيخليج تغمضينهم براحة
الرزان..ابتسمت:اللــه،ذكرتيني بأيام اول لما كنا نسهر انا وريمـا بالسطح انا مع الهوت شوكلت وهي مع النسكافيه،وتطلع كل الفضايح والأسرار،كأننا شاربين ويسكي!!فجأة نبدا نخورها!!
هنادي..ضحكت:عامل عمايل فيكم الشرب
الرزان..ابتسمت واشرت لها تجي جنبها عالسرير:تعالي هنا
هنادي..حطت الاكواب على جنب:مايتضايق حبيب القلب مني،اخاف ازعجه ولا اجرح شعوره!!
الرزان..ابتسمت:ابـداً
هنادي..فتحت النوافذ الكبيرة:خليني بس افتح النوافذ عشان تتهوى الغرفة..طفت الأباجورة ودخلت تحت الغطا..الحين تمام..اخذت كوب ومدت لها الكوب الثاني..تفضلي
الرزان..اخذته:ثانكس
هنادي..مسكت المخدة "نيمو":اوه الحبيب هنا بعد!!،وش جابه؟؟
الرزان:لازم آخذه يساندني في الازمات
هنادي..تلفتت حولها:مافي استريو!!مسجل !!
الرزان:تستهبلين،ليش بيحط بالغرفة وهو مايحب يسمع شي!!
هنادي:ولو ممكن قرآن اناشيد،أي شي؟؟
الرزان:مافـي،انتي عشتي معاه وماتدرين عنه!!،مايحب يسمع شي ولا يشوف شي قبل النوم بساعة بعد
هنادي..ابتسمت:ادري بس استهبل،واختبر قدراتج
الرزان:الحمدلله والشكر



هنادي..تلفتت حولها مرة ثانية اول شي شافته مسكته "الآيبود" وشغلته:تدرين انا وفـارس ماكنا قريبين من بعض أبداً،هو درس برا واشتغل برا،مضى 13سنة بعيد عنا الين ماانضميت له ،الصراحة انا كان قدوتي زيـاد اللي درس عشان بالنهاية يشتغل مع ابوي ويساعده،حب ليلى بنت صديق ابوي سنتين وبالأخير قرر يتزوجها لانه مل من الانتظار،هو صحيح اكبر مني بكثير بس كنت احسه اقرب لي منهم كلهم،لا عبدالله ولا دلال فهموني زي ماهو فهمني،كنت احسه انه هو ابوي اللي بالأساس مهملنا ولاسائل فينا،لكن تعرفين هو تزوج وانا كنت ببداية تغيرات كبيرة في حياتي جسدياً ومعنوياً،لكن فـارس كان بعيد بعيد كانه بدنيا وانا بدنيا ثانية!! ما كأننا اخوان اصلاً!!،هو من قبل لا اكتشف من انا في هالحياة وهو مو موجود،لما بديت استكشف الحياة بطريقتي الخاصة كان هو اول عدو اتخذته،خلافاته مع ابوي اللي ماتخلص او هواشاته بالأصح، وخلافه الدائم مع امي لما كان يتدخل بأشياء زي ماتقول امي "ماتخصـه" كان يكلمها عن دلال وعني وعن عبدالله ويحذرها،دلال كانت هادية وبحالها وماعليها من احد ومازالت بس الغرور اللي ربي بلاها فيه،اما عبدالله متهور ومتسرع ومرة شلون اعبر عنها،مو رومانسي لا عاطفي و ضعيف، تقريباً كان خكري ماهو رجال قوي وله كلمته لا حساس و منطقي بزيادة!!..وابتسمت لما ابتسمت الرزان..مادري كيف عاد جات معاه بدور اللي على طول دمها فاير ومطرطعة!!
الرزان:فعلاَ!،كيف جاوا هالأثنين مع بعض كل واحد في داهية؟!
هنادي..ابتسمت:عـاد ربج،زي ماجيتي انتي وفـارس..حاولت تعترض..اششش ابي اكمل كلامي، انا وقتها كنت في ثورة على العالم والخلق و على المجتمع المخملي اللي تافه لكن برقي وفخامة!!، كانت لي شلة بالمدرسة ومسببة اذية للمدرسات،بس طبعاً ماكانوا يحتجون كثير على تصرفاتي مدرسة اهلية وابوي الله يحفظه من المستثمرين في المدرسة،طبعاً كنا عايشين بالرياض وبعد ماخلصت المتوسط انتقلنا للخبر،ابوي كان ينشغل بتوسيع اعماله وامي بتوسيع مجتمعها الراقي، خلص دراسته وانصدم من الحال!!،انا باول ثانوي طالعة داخلة على كيف كيفي واللي يقولي لا، دلال عاد مشغولة بالدراسة ومغرقة عمرها بين الكتب،وعبدالله البزر على وشك يتزوج!!،طبعاً ماقدر يبلع كل شي ويسكت،وابوي بدا يلاحقه عشان يشتغل معاه هو طبعاً على طول اعلن رفضه وانسحابه من شؤون العايلة كلها وقالها "اللي تبونه سووه بس لاتدخلوني فيكم انا ماعاد لي علاقة فيكم" وانتهى الموضوع بالنسبة له،بس لا والف لا ابوي ماينتهي الموضوع عنده بهالبساطة،مناهل اللي هي اقرب وحدة لفـارس،مش بس لأنها قريبة من عمره لا بعد لأن مغامراتهم مع بعض كثيرة وعمايله كلها عندها الشين والزين وطبعاً مناهل ماشاء الله بير غويط مش ممكن تعلم احد باللي يدور بينهم،المهم هي حاولت تتدخل وتخلي ابوي يتراجع ويهدي الأمور،لكن مستحيل ابوي كان يشوف انه يدق الحديد وهو حامي احسن،واللي خلى فـارس يقبل بالوظيفة في وزارة الخارجية ويسافر بأقرب فرصة،مادري هروب او وشو يعتبر!!بس ماحبيت انه سوى كذا،بس بعدين بديت افهم وصرت انا اللي ابي اهج من البيت بأسرع وقت،لكن مو بالزواج أبداً،من بدري وانا كل شوي امي تقولي عن واحد وانا اكرر "ابي اكمل دراستي برا" ولا غيرت رايي وصممت اكثر فاكثر، ومايبيلها كلام انهم قاموا عليّ "انتي بنت مايصير تروحين تدرسين برا!" "هذا اختج دلال درست هنا وماشاء الله عليها شوفيها" "مالها داعي الدراسة برا" الكل كان ضدي حتى زيـاد!!،الا عبدالله اللي ماكان يشوف أي فرق بين دراستي برا ودراستي هناك،هنـا ابوي قلب الأمور "اكيد هذا اخوج اللي زرع براسج هالأفكـار انا اوريه يبي يبعد عيالي عني!"انا مامسكت نفسي وقعدت اضحك ذاك اليوم ضحك مو طبيعي،آخر واحد ممكن افكر اكلمه عن مستقبلي هو الأبن الضال فـارس!!بس ابوي زرع "القنبلة" براسي..ضحكت..حسيت راسي حقل يزرعون فيه!!،جبت رقم فـارس من مناهل،كان عندي ايميله اللي اكلمه عليه لكن هالمواضيع ماتنفع بالماسنجر،كلمته وهو طبعاً استغرب ونصحني اعيد التفكير بالموضوع لأني بنت والامر يختلف كثير من ولد لبنت وكانت عبارته كذا بالضبط "انتي ماتبين ولاتتمنين تصير مشاكل بينج وبين ابوج وامج بسبب تهور وثورة مؤقتة،استخيري مرة ومرتين وثلاث"،فعلاً استخرت ومالقيت نفسي الا مصممة اكثر وانا احلم بالراحة بعيد عن مشاكل البيت وامي وابوي،يمكن ماتتخيلين شلون الوضع،بس اقولج انه كان مستعصي الى حد كبير وخطير،عطيت فـارس قراري الأخير هو كان متردد يدعمني ويشجعني ولا يعارضني ويوقف ضدي،لكن مع اصراري صار معاي ويشجعني،طبعاً لما جينا نختار وين بنروح واي جامعة،هو دبر لي كل شي ومشت الامور والحمدلله بسهالة،سنتين ونص اكتشفت فيها ان عندي اخ اكثر من رائع،طبعاً هو احياناً يوقف لي بالبلعوم "انتبهي لتصرفاتج" "انتبهي لكلامج" "لاتاخذين راحتج مع فلان وعلان" "ترا الناس تفسر الأمور بالظاهر" بس مااعتقد لاحظتي هالشي! ،بس اكيد لاحظتي الجانب الحلو فيه دائماً حريص انه يهتم فيني حتى لو من ورا لورا وبدون مادري يتأكد اني اكلت شربت تغديت فطرت لبست استانست،بعد مكالمتنا بالأجازة رجع قبل لانبدا الدراسة بأرامكوا اصريت عليه نروح نيويورك وميلان وبرشلونة،وتخيلي كيف كان مصدوم! ،اخت تعود على انه بعيدة عنه ومالها دخل فيه وتصرفاتها معاه دائماً رسمية وسطحية جداً تطب عليه وتضمه وهي ترحب وتهلل!!وتصر عليه يسافر معاها!!،بس انا اللي كنت مصدومة اكثر انتي تعرفيني حتى لو امس تعرفت عليج فجأة تصيرين وحدة من العايلة وتمونين وكل شي فتفاجأت من تصرفاته،بـارد الى حد الجمود!!،وعنده لامبالاة تكفي بلد!!،طبعاً اللي مايعرف فـارس من اول نظرة بيقول ماشاء الله عليه حبوب وآدمي ودمه خفيف وطبعاً هو دائماً يلبس قناع الدبلوماسية هذا ويحاول يكون " لطيف" قدر الإمكان مع كل الخلق،لكن تعالي للعمق تشوفين البرود وعدم الاهتمام والقسوة تتناقض مع الحنان اللي داخله،خلال سفرتنا اللي كان هدفي الرئيسي فيها التسوق وتغيير الجو والتعرف على الأبن الضـال،بديت اكتشف سماته الخطيرة الحقيقية تحت الطبقات السميكة اللي حوله،اول شي تبين انه كان لعاب درجة اولى!! وهاذي صدمة حياتي، وعنده شلة ربع في جميع انحاء العالم!! مو زملاء وبس لا اصدقاء من جد،مع انه غامض وسره ببير الا انه قريب من ربعه وهم يحبونه ويحترمونه لأقصى درجة،بس على الأسرار هو ماعنده الا اربعة يعرفونه ويعرفون كل شي عنه فعلاً،مناهل اكيد،سعـد،حمـد،عبدالملك ولد عمي اللي وياللصدفة ولد معاه بنفس اليوم!!
الرزان:قال لي خالد عنه،طلع يشتغل معاه
هنادي..ابتسمت:وهاذي صدفة بعد!!،فـارس صح انسان اجتماعي ومايجلس بالبيت كثير،الا انه تجيه حالات يقعد بالبيت ويمسك له كتاب ويشغل مقطوعة موسيقية من الزمن الغابر
الرزان:هذا ذوقـه،زي ماانتي تحبين اغاني الأستهبال والفرفشة،هو يحب الميوزك بدون أي شي يشوش عليها
هنادي:اتفقنا يحب الميوزك،بس مو هايدن مادري وش اسمه،والا بيتهوفن وموزارت وباخ،والا كورفسكي مادري وش اسمه بالضبط حتى!!،مو لهالدرجة!!
الرزان:تدرين انا حبيت هالميوزك،والله روعة لما رحت معاه للحفلة الموسيقية وعزفوا الكونشيرتوا الثانية لرحمانينوف حسيت نفسي بعالم ثاني
هنادي..ابتسمت:حتى انتي اخذج!!،انا رحت معاه بـ نيويورك حفلة لعازف بيانو اسمه ينغ ينغ الظاهر!!،وحفظت اوبرا وش اسمها ياربي!!كارمينا الظاهر لـ موزارت،وشهرزاد لـ مادري مين
الرزان..ابتسمت:احنا كنا معزومين مع مجموعة غريبة من الدبلوماسيين!!،الا عجوز واحد حبيته من قلب واسمه على اسم عازف البيانو "شـوبان"!!،وطلع حتى هو يعشق البيانو ومحاولاته بالعزف فاشلة،انا تسائلت مامرة حاول فـارس يتعلم ويعزف!!
هنادي..ابتسمت:ومين قالج مايعرف!!،يعرف حتى يعزف المقطوعة الخامسة لبيتهوفن،طبعاً انا حفظت هالكلام منه والا انا وش عرفني بهذول كلهم!!
الرزان:والله يعرف!!،غريـب
هنادي..ابتسمت:هـذا هو غريـب
الرزان..ابتسمت:طلعتي عن اللي كنتي تقولينه،كمـلي
هنادي:أيـه،وش اكتشفت غير ذوقه بالموسيقى الغريب!،فـارس انسـان ممتع جداً لما تجين تسولفين معاه وتتناقشين معاه،مايهب بوجهج معصب بأن هذا رايه وهذا هو الصح ومن هالكلام.. طالعت فيها بطرف عين..على عكس ناس تاخذهم الحماسة وهم يدافعون عن آرائهم،ياخذج بالهداوة ويقولج هذا هو الصح وانتي حرة تقبلتيه ولا ماتقبلتيه،وبعد بالنهاية تكتشفين انه حبوب فعلاً ومرح،لكن دمه مو خفيف،يعني ماينكت زي طلول وراكان المخفات بس انه يضحك ويسولف ..طالعت فيها..انتي ماوصلتي لهالمرحلة لسه فما راح تفهميني بالضبط،بتظنين انه على حقيقته في الانطباع الأول،بس لا هو حبوب بس بطريقة مختلفة عن اللي يظهرها للناس اللي مايعرفهم كثير،يعني يبتسم في وجهج ببشاشة ومايسولف كثير ويصدع راسج،زيي،بس يضحك معاج وياخذ ويعطي ويتحمل ثقالة دمي،بس عيبه يظل داخله برود مو طبيعي يعني مهما كان ماممكن ينفجر بيوم من العصبية ويبدا يصرخ لان عصبيته هي الهدوء!!،وتعرفين انه معصب لما يبدى يعطيج كلام في العظم،ومشكلته اللي ماتعجبني ابداً وهي مشكلة دبلوماسية انه يجامل الكل و حتى لو مابلع شخص ما يجامل له ويسويه يادهينة لاتنكتين!!!وطبعاً كله لدواعي سياسية سخيفة!!،أي وبعد اذا زعل زعله ثقيل،يعني تعالي راضيه بعد شهر ولا تورينه وجهج خلال هالشهر،وفـارس ياللمفاجأة يعشق الأطفال،يعني يكون على طبيعته تماماً مع الأطفال وغير انه عنده قدرة على تحمل لوعة جبدهم،اذكر لما ولدت فرح تطوع يهتم فيها لمدة اسبوع انا مااتحمل اشم ريحتها لما يغيرون لها بس هو عادي عنده يغسلها ويلعبها والحيـاة حلـوة!!،غير انه زي ماقلت قبل حنون،مادري تذكرين لما غبت ثلاث اسابيع لاني استأصلت الدودة الزايدة،اخذ اجازة وجا يشوفني وبعد ماطلعت من المستشفى اصر يجيبني معاه لندن،وطبعاً امي وافقت بكل رحابة صدر لأن مالها خلق تضيع وقتها عليّ وانا احتاج لأهتمام،طبعاً كان يروح الشغل الصباح بس حط لي ممرضة كانت تقعد عندي لين مايرجع من دوامه بعدين هو يستلم كل شي،لف فيني لندن كلها مع اني اساساً عارفتها بس على قولته "اطلاع وزيادة المعرفة"،ورغم انه مجمع التناقضات مثلج و،صح ذكرت انا الذوق السيء فيما يتعلق في الملابس!!،يـالله شلون تقهرني بدله الرمادية والكحلية والسودا واهم شي البنية اللي ماتستاهل انها تكون ماركة "بوس"!!،بس الحمدلله منج شوي ومني شوي بدا يتغير،بـس هالأنسان..دمعت عينها..هو الأغلى بالنسبة لي،تعرفين شلون اتعلق بالناس بسرعة واحبهم،فما بالج بأخوي!،زي ماانتي تعزين خالج وتغلينه انا اعز فـارس واحبـه،مهما تظاهرت اني ضده اظل بصفـه،ومهما كان يشوفني بعيدة عنه انا احس انه قريب مني قريب مرة
هي اللي صاحت هالمرة..ومسكت الرزان ايدها وضغطت عليها..بعد ماهدت تبادلوا الأبتسـامة!...

[..الجـزء الواحـد والثـلاثـونــ ..]

هـي الحيـاة..هكـذا..يوم تضحكنا ويوم تبكينا..لكن..السؤال هو..متى ستضحكني؟!!
،سكرت الدفتر..
السبت..
5/9/2009..15/9/1430..
الساعة 5:30..
سكرت الباب وراها بشويش..
:الـرزان تعالي فطري بسرعة..طلت براسها..ليش تاخرتي؟؟
الرزان..جلست بهدوء عالطاولة:السـلام عليكم
14 زوج من العيون كانوا يراقبونها و"!!"..اكلت بسرعة ثلاث تمرات..
:الـرزان!،اشفيج؟؟
رفعت راسها وانتبهت ان سديم جالسة بمكان فـارس المعتاد على راس الطاولة..فزاد ضيقها..و قامت بعد ماشربت كاس ماي..
الرزان:الحمدلله،مالي نفس آكل اكثر،بالعافية عليكم
وراحت بدون ماتعطي أي احد فرصة يكلمها..سكرت باب الغرفة وتوجهت للحمـام "وانتوا بكرامة" توضت..
بعد ماصلت جلست تقرا قرآن..اكثر من مرة جاوا يطقون عليها الباب ماردت.. سمعت ضحكهم من تحت..لكن مااهتمت،
بالنهاية مابيظلون حزينين عليه للأبد!..لازم يعيشون حياتهم
،وحبست دموعها..كملت قراية الى اذان العشا..صلت العشا وصلت التراويح..
فرشت كتبها وفتحت اللاب توب وبدت تكتب وتشتغل وتحل،
هاذي سنة جديدة..دخلنا في الجد الحين لازم اركز واشد حيلي..وهذا اللي كان يبيه مني ويتمناه لي
،حطت ايدها على بطنها اللي كبر كثير،
يـلا ياكبير ياحبيب ماما..خلينا نبدا نذاكر
،...الساعة 10:50 تم الأفـراج..طلعت من الغرفة ولقت البيت فاضي..و 30 مس كول على جوالها..
شالت كتابها ولأن الجو حـار اساساً "لكن مو زي حرنا" ما اخذت جاكت..طلعت ومجرد ماشافوها تحركوا وراها،
الى متى بيظلون وراي مادري!!..يعني لسه ما انتهى الموضوع!!..خـلاص..خـلاص
،..مشت للبـارك وهم وراها..جلست على كرسي ورفعت رجولها وفتحت كتابها..وشغلت الآيبود "اناشيد..لأننا برمضان"...،
يمكن يقتلني في يوم الملل والكلل وارتاح!!..بس ماقدر انا عشانك اناضل ولسه عايشة
،مسحت على بطنها وهي تحس برفسات وبوكسات،
عشانك بـس
،..سكرت كتابها وغمضت عيونها..تستمع لـ "حسبي ربي" لـ سامي يوسف..
فتحت عيونها فجأة..وقامت بسرعة وكالعادة دار راسها..اخذت نفس ووقفت دقيقة..
ورجعت تتحرك..مشت بسرعة وكأنها تخاف الفكرة اللي جاتها تطير من راسها..دخلت زي العاصفة بسرعة..
:الرزان!،لحظة شوي..طنشته وكملت طريقها..انتظري ابي اكلمج..صعدت بدون ماتهتم له التفت على فران..هالهبلة هاذي،جهزي لها الأكل بصينية بصعده لها
دخلت غرفة الملابس وقطت الشيلة والكتاب والآيبود..حاست الدنيا..بعدين صعدت لمشغلها.. وأخيراً لقتها..مسكتها ،
رحمتج أخيراً..ولازم اكمل اللي بديته..مو مشكلتي دايماً اسوي اعمال غيرمنتهية
،..لـوحة سماها زرقا صافية وارضها العشبية الخضرا عليها بيت خشبي من مدخنته يطلع بخار..
وبالسما طيور على شكل ابتسامة...
اللوحة كانت مجرد لوحة وتحولت الى فكرة بمجرد ماحطت فرشاتها عاللوحة..حطتها عالستاند..
ولبست اللابكوت الأبيض..رتبت فرشها والوانها..شمرت عن ساعديها وبدت الشغل...اندق الباب..


الرزان:ادخـل
:احـم احـم،وش قاعدة تسوين؟؟
الرزان:اللي تشوفه،ارسـم
:شايف،بس مو فـاهم
الرزان..التفتت عليه:مو لازم،نعم استاذ طلال أي خدمة؟؟
طلال..حط الصينية:كلـي رجاءً وبلا عبـط،و حمـد اتصل بيجي ومعاه نواف و عبدالرحمن،و بعد في باقة كبيرة مع علبة صغيرة لج حطيتهم بالغرفة
الرزان..مدت يدها على اقرب ساندوتش لأنها ميتة جوع:ثانكـس
طلال..ابتسم:ولكـم،انتي متى بتروحين لأن الوقت بيتأخر؟!
الرزان..بلعت اللي بفمها:ماني رايحة
طلال:غريبـة!!
الرزان:ماغريب الا الشيطان،مابي اروح
طلال:براحتج
الرزان:واتصل على حمد واعتذر منه،قول له مشغولة اليوم ماتقدر تستقبلكم
طلال..استغرب:وشو؟!،مايصير عيب
الرزان:انا مو نازلة لهم بأي طريقة،اعتذر منهم قبل احسن،لو جاوا ومانزلت لهم ساعاتها بيكون عيب فعلاً!
طلال..سوا نفسه يشد شعره:يـالله منج
وطـلـع..ورجعت تلتهم الأكل وايدها اليسار تحرك الفرشاة بمهارة "دافنـشي"...
غمضت عيونها تتخيله وكأنه قدامها..يطالعها بعيونه الرمادية اللي فيها برودة الشتا..حتى لو ابتسمت تظل فيها برودة الشتا!!..
نزلت دموعها..وكملت فرشاتها ترسم..تخيلت خشمه..شفايفه..شعره اللي كان قد طول...
نزلت فرشاتها تطالع اللي رسمته فرشاتها..بدون أي تدخل منها..جلست عالكرسي و استوعبت ان وجهها مبلل بالدموع..
قطت الفرشاة من يدها..طفت الأنور..سكرت الباب..جلست عالسرير..وفتحت المصحف مصممة تخلص "الجزء الثلاثون" اليوم...
السـاعة 2:30..سكرت المصحف..توضت وصلت وقعدت تدعي وتدعي..وغرقتها الدموع..وشهقاتها علت..
:السـلام عليكم ورحمة الله،السـلام عليكم ورحمة الله
جلست لنص ساعة عالسجادة..بعدين قامت عشان تنام..احنا مو بالسعودية تسهرين ودوامج يبدا الساعة 9!،
بس بكرا ويكند!!
،..انسدحت عالسرير..لكن بمجرد حطت راسها عالمخدة نامت...
لفت الشيلة عدل ورتبت نفسها..شالت شنطتها "شانيل" سودا وكبيرة..وجات بتطلع بس رجعت وشالت ساعتها "ديور" سودا..
ونظاراتها الشمسية "بولغاري"..نزلت بشويش..هي بالشهر السادس الحين ماعادت خفيفة..وزاد وزنها لـ 48 "انجـاز"!!...
مشت للبـاب الرئيسي غير مبالية وكأن ماحد حولها..اللي يشوفها بهالكشخة وهالرزة..يقول "ياحظها عايشة بنعيم"..
لكن "الله يعلم مافي الصدور"..مشكلتنا دائماً نحكم بالمظاهر!!..وقفت عند الأستقبال..
طالعتها موظفة الأستقبال من فوق لتحت باستغراب وخصوصاُ الجثث اللي وراها!!..
ودلتها عالغرفة..دخلت وهم وقفوا عالباب..حطت شنطتها وفصخت جاكيتها وقطت السكارف..
الرزان..ابتسمت:سوري حبيبي ادري ماتحب العفسة،بس طبع ماقدر اغيره..طلعت الكتاب من الشنطة..امس بعد ماطلعت من عندك مريت المكتبة،انا كنت قايلة لهم اني بروح اذاكر بالمكتبة عشان مايزعجوني باتصالاتهم،ولقيت هالكتاب الخطير عن البيبي"ز..جلست عالكرسي اللي جنب السرير ورفعت رجولها..الا صحيح كيف عجبك جو الغرفة الجديدة؟!،الحمدلله صرت تقدر تتنفس لحالك نسبياً..مسكت يده..هذا يعني ان الأمل موجود،حبيبي لاتطول اكثر انا..بلعت الكلام اللي كانت بتقوله وتماسكت وفتحت الكتاب..خلينا نشوف هالكتاب الخطير وش فيه!، واااو اسمع وش يقولون...
قرت..وقرت..وقرت..لين ماجف حلقها ووقفت..سكرت الكتاب..
الرزان..ابتسمت:خطير،صح؟؟..حطت الكتاب على جنب وقامت جلست جنبه عالسرير ومسكت يده ولعبت يدها الثانية بشعره الطويل..شعرك طول!،تتضايق لو خليته يطول!!،امممم معاك حق لازم ينقص طول بزيادة،خـلاص نقصه..ضحكت..طبعاً مو انا اللي بقصه،لاتخاف بخلي وحدة من الممرضات،ولا ممرضك المفضل وش اسمه!! هانك!!هاورد!!ايه ايه هنري،بخليه هو يقصه..مسكت وجهه بين ايدينها وضاعت ايدينها..آآآآآآه،حبيبي اخاف من زود الألم اللي فيني اموت ولما تصحى تلاقيني ميتة!،لو مـت بعيد الشر عنك ان شاءلله انا مابستحمل الحياة شهور من بعدك وبموت وراك..ابتسمت بألم وحطت خدها على خده وهمست بأذنه..لاتسوي فيني كذا،لاتتجرأ تتركني وتروح..باسته برقة..مفـهـوم!
:متى بتعتقينه!!
الرزان..التفتت بعصبية:اعتـقـه!!،انتي وش جابج هنا؟؟وشلون تسمحين لنفسج تتكلمين معاي بهالطريقة!!
:امـون،هذا حبيبي وانا حرة اكلم زوجته اللي ماتسوى شي قدامي بالطريقة اللي ابيها
الرزان..مسكت نفسها وقامت وهي ماسكة يده:لو سمحتي تطلعين بكرامتج الحين،لاتشوفين شي ماشفتيه بحياتج
:انتي مين تظنين نفسج!،ترا ماتقدرين تسوين لي شي،انتي وكرشتج
الرزان..شدت على يده:لو سمحتي انا اقولج بأدب اطلعي برا
:واذا ماطلعت؟!
الرزان:Jim,Ron.Jim..خلال ثواني انفتح الباب.. please take this lady out and don't let her come in again,understand
Sure ma'am:Jim
وخلال ثواني كانت الآنسـة "سـلاف" برا...دمعت عيونها بقهر،
انا ناقصتج انتي واشكالج!!.. تتسببون علينا واحنا بهالحالة!!..وش يفيدكم!!..شنو بتورثين يعني!!..هـه والله حـالة
،لحقت الدمعة الأولى وحدة ثانية تشاركها رحلة الطريق..حست بحركة على يدها..فتحت عيونها بسرعة ..لقطت حركة اصبعه،
معـقـول!!،معـقـول!!،..
الرزان:حبيبي،حبيبي،انت تسمعني!!..جلست عالسرير وهي تبتسم..شفت حتى وانت هنا انا مو مرتاحة منك!،حبيباتك السابقات جايين يطاردوني وينغصون عيشتي!!،لسبب مجهول!..ضحكت..معقول يطلع عندك بنت ولا ولد من وراي!!..عفست شعره..ياويلك لو يصير شي زي كذا،اذبحك واذبح نفسي وراك،وتدري انا حالات نفسية اللهم لك الحمد وممكن اسويها
ضحكت..وضحكت..وضحكت بألـم ونزلت دموعها...