لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-08-10, 06:47 AM   المشاركة رقم: 16
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت السابع عشر---

وحدها كانت مرعوبة وخايفة من الفكرة اللي براس اصايل اختها!!
طول عمرهم خوات وصديقات وحبايب ومايفرق بينهم غير بساطة ليالي وطيبتها الشديدة وقلب اصايل الطيب بس اللي بنفس الوقت مايسكت عن حقه؟؟؟
ياترى وش صار معهم اللحين؟شافوا ضاري ولالسه!!!
هو في احد ثاني شافهم مع ضاري وصارت لهم سالفة!!!ضاري نفسه وش موقفه منها بيكون؟
هل بترتبك وتقوله انا اصايل بنت عمك وبتودي نفسها بداهية وبتودينا معها ولابتكون قوية مثل ماعرفتها دايما,,,,
كل اللي شاغل افكار ليالي اصايل اصايل وبس...
وهي بغمرة تفكيرها وسرحانها دق الباب وفزت تشوفهم اكيد انتهت المواجهة ويارب ماجاهم شي منها يضرهم ابدا!!!
فتحت الباب بدون حتى ماتسال منو عنده وشحبت عيونها من الصدمة وجمدت يدها فوق مقبض الباب وطلعت منها شهقة عالية!!!!!
***********************************
نرجع لضاري واصايل اللي تركناهم بروحهم,,,,
اصايل/انا ماابي منك شي يالغالي...غير انك تخف عليّ شوي من غرورك وثقلك وتعطيني وجه وتعبرني,,,,
ضاري وهو بعده يناظرها وقال بثقله المعتاد/شوفي يادانة..
قاطعته بسرعة/دانة ضاري....محب اسم دانة حاف احبه دايم جنب اسمك...
تنهد وهو عيونه غرقانة بعيونها,,,,
دق جوالها بذيك اللحظة وقالت باسى/حبيبي انا ماشية لاني مقدر اتاْخر اكثر زوجة ابوي ماترحمني...بس خل في بالك اني اليوم اسعد انسانة بالعالم لاني سمعت صوتك بدون حواجز بينا!!!!
رفعت يدها من على يده وهي تناظره بكم نظرة حب تعلمتها هي وتهاني قبل شوي ,,,وقالت بتردد مصطنع /فيني اكلمك بالتلفون ولاماراح ترد عليّ لو دقيت لك؟
ضاري كان ملتزم الصمت وها الشي حيرها فعلا...لاهو اللي قال ولاهو اللي قال أي,,,,
تنهدت بقوة لدرجة انه فتح عيونه على وسعها لانها كانت قباله ومشت لسيارتها,,,, وظل هو بروحه يناظر بسراب السيارة اللي مشى,,,,,
************************************************** **********
عبير باعتراض برى غرفة ابوها/لاطبعا مو رايحة؟
ابو ضاري /أي ليش عاد؟
عبير بعصبية/بذمتك عاد ياخوي ابوي تعبان بالمستشفى ومرتك مسوية عزيمة عشى في بيتها؟
ابو ضاري/وكانها قاصدة ها العزيمة لمرضه وتعبه ياعبير!!!العزيمة تحددت من قبل وكلكم تدرون بها الشي...وبعدين هي كلها عشى وش بيكون فيها يعني؟
عبير/لاياخوي ام ضاري بالذات ماهي عزيمة عشى وبس ولاماتعرف مرتك بعد يابو ضاري؟
واذا هي مصرة ماتكنسل العزيمة بكيفها؟
ابو ضاري/وليه تكنسلها عاد بس الله يهداك ياعبير؟
عبير/يعني على قولتكم عزيمة عشى يعني لاراحت ولاجت لاسيما ان العشى بيكون في بيتكم وش فيها لو كلمت الضيوف اعتذرت لهم وقالت لهم عمي ابو زوجي تعبان وطايح بالمستشفى وبس يقوم بالسلامة بتصر المناسبة مناسبتين!!!!
ابو ضاري/......................
عبير/طبعا منت مقتنع بها الكلام... بس بكيفك..اما اني اروح والبس واجامل الناس فاانسى ياخوي يظل اللي هنا عزيز على قلبي اكثر من ولدكم اللي مسوين له العزيمة؟
ابو ضاري/شتقصدين يعني ياعبير؟
عبير/افهمها مثل ماتفهمها ووصلها لمرتك بعد وسووها سالفة بس انا عند كلمتي...وعلى فكرة قول لها اهل بسام زوجي يسلمون عليها لانها كانت عازمتهم الليلة وكلموني قبل شوي يسالون وانا قلت لهم ان ابوي بالمستشفى ومدري وش صار على عزيمتك فهم فهموها انها تكنسلت,,,,,
***********************************
كانت سرحانة بافكارها لبعيد رغم الكتاب اللي كان بين يدينها ,,,
كان شكلها مخلي نايف يوقف يتاْملها من عند الباب اللي مبين انها ماانتبهت انه انفتح لانها بعدها بنظرة شرودها لبعيد,,,,,,
كانت متكورة على نفسها وضامة رجلينها عند صدرها والكتاب فوقهم وشعرها طايح عليها باهمال وعاطيها هالة جمال خاصة,,,,
شي واحد بس خلاه يغير رايه ويقطع تامله فيها ويقول لها بكل قوة/انتي ماعندك غير ها اللبس تلبسينه قدامي!!!!
فزعت يوم سمعت صوته وانقزت من مكانها وكتم ضحكته عليها لان شكلها كان فعلا مرعوب,,,,
قالت بارتباك/انت متى جيت؟
نايف وهو يشيل شماغه ويجلس قبال التلفزيون وكانه يصد عنها ويقول بسخرية/خبري يقولون متى وصلت مو متى جيت؟
صبا ابلعت لسانها وسكتت لانها كانت ماتبي تحط لسانها بلسانه بعد سالفة السجن هاذي اللي حطها فيها وقاطع عليها كل اتصال بالعالم الخارجي,,,,,
نايف وهو يتعبث بالريموت بين المحطات/اكلتي شي,,,
صبا بدون نفس/الحمد الله....
قام المطبخ يشوف وش سوت في غيابه وهل صدق اكلت ولاتلعب براسه,,,,
طلع بعد ثواني وهو ماسك صحن بيده وقال بتهكم/بس هذا اللي قدرتي تاكلينه؟
قالت بتحدي/يعني اكل فوق طاقتي مثلا!!!
نايف بعصبية/انتي ماتفهمين يعني شنو انتي تعبانة ولازم تتقوين؟
صبا بلامبالاة/وانت ليش حارق دمك بالله...انا التعبانة مو انت...فرق بين السجان يتعب ولاالسجين؟
نايف رمى الصحن من يده على الارض وتكسر وطلح اللي بداخله وجمدت صبا بمكانها من الخوف,,,
نايف تقرب منها وقال بعصبية/صبا لسانك طويل اذا ماكنت غلطان؟؟؟
صبا/...............
نايف/مااشوفك قلتي شي يعني؟؟
صبا بنرفزة وصوت عالي/وش تبيني يعني اقول...انت حابسني بشقتك ومسويني انا والمساجين واحد...كل اقفال البيت بدون مفاتيح وحتى التلفون شايله ليش بالله ها الحركة ماتعني اني انا السجينة وانت السجان ولاانا غلطانة؟
نايف/بعد...طلعي اللي ماقلتيه وحاز بخاطرك يابنت الفقر؟
وقفت من مكانها والدم ثاير فيها ورمت كتابها وقالت بعصبية/واذا انا بنت فقر ليش حضرتك مقابلني يعني ولامنت خايف اني اعاديك بفقري واصب عليك لعنتي!!!!
نايف/تعالي كفخيني بعد!!!
صبا شالت كتابها من على الارض ومشت ومسكتها يد نايف بقوة ولفها لجهته وقال بعصبية/قايل لك الف مرة لاتمشين قبل لاانهي كلامي وان الكلمة الاخيرة تكون لي انا مو لك انتي سامعتني ولا اعيد ؟؟؟
صبا بعصبية/لا مو سامعتك...عيد بس بتعيد كثير مرة ومرتين وعشر لين تتقطع احبالك الصوتية,,,
جاها كف من نايف ولف وجهها للجهة الثانية من قوته وحست بحرارته بس كانت ماسكة نفسها شوي...
نايف وهو متندم بس ماحب يبين تسرعه قال لها بنرفزة/انا قايل انتي مو وجه الواحد يكون معك صلح ويلبي لك رغباتك..انقلعي داخل يالله ومافي بكرة روحة اختبار زين!!!!***********************************
يمكن يكون اخر انسان فكرت فيه بها اللحظة انه يكون واقف عند الباب ولاحتى فكرت انها ممكن تسمع عنه خبر بالوقت الحالي....
تسندت على الباب وهي تشاهق بصوت مو مصدق/معقول....انت يامتعب...انت بنفسك عندي هنا؟؟؟لامو مصدقة ابدا!!!انت كيف عرفت اني هنا يامتعب كيف؟
كان يمسح دموعه وهو يناظر فيها وبشكلها اللي هو نفسه ماتغير غير لبسها اللي توه يشوفه عليها لانه ماتعود تلبس كذا في بيت اهلها....
متعب بوله وحب وصوت باكي/سامحيني ياليالي سامحيني....سامحيني يالغالية لاني قصرت معكم ووصلتوا للي وصلتوا له؟
ليالي سحبته من يده وضمته لصدره بقوة وهي خايفة يكون مجرد سراب وماتشوفه بعدين ولاحلم وتصحى منه... بس يوم ضمته وضمها اكتشفت انه واقع وانه متعب بشحمه ولحمه,,,,,
ليالي بعد ماانتبهت ان الباب بعده مفتوح قالت بسرعة وهي تجره معها لداخل/ادخل ماراح نوقف عند الباب طول الوقت؟
متعب بتردد/يمكن زوجك يتضايق لوجودي؟
سحبته بدون ماتعلق بكلمة لداخل الصالة وقالت بلهفة/كيف عرفت اني هنا واني تزوجت يامتعب؟
متعب وهو يضغط على يدها بقوة لاتضيع من يده/اول قولي لي انتي بخير...مرتاحة بحياتك ياليالي...قاصرك شي؟
ليالي بعد تنهيدة طويلة قعدت تحت ركبته مثل ماكانت دايما تجلس وقالت /انا بخير يامتعب بخير...انت طمني على نفسك شلونك وشلون شغلك ....
متعب/انتوا الاهم ابي اعرف كل شي عنكم وابيكم تسامحوني على تقصيري..
قاطعته ليالي باستنكار/ومن قال عاد انك مقصر يامتعب ياخوي؟
القطاعة اللي صارت لاانت سببها ولااحنا....الله يسامح اللي كان السبب....
ليالي/كلمني عنك وش سويت طول ها الفترة اللي افترقنا فيها يالغالي؟
متعب تنهد وقال/مافي غيركم شاغل بالي وفكري....انصدمت يوم رحت اسال عنكم قبل كم يوم هناك وقال لي حمد ولد جيرانكم انكم تزوجتوا؟حسيت ان الدنيا تدور فيني وربي زعلان مني لاني قصرت بحقكم وانتوا بذمتي,,,
ظليت اترجى ام عبدالله من الصبح وماخليت شي مااخذته لها وغريت نفسها فيه لين اقتنعت انها تقولي عنك انتي انك تزوجتي ولد عمك جاسر وانك انتي بتقولين لي وين بيت اصايل لانها ماتدري شي بعد على سالفتها وجيت الشرقية وقعدت وين بيت عمتك ام احمد لين وصلته ودلاني احمد على بيت جاسر ويوم جيت هنا وسالت عنك وصلتني الشغالة هنا,,,,وهاذي كل السالفة انا ابي اعرف سالفتك اللحين واصايل شخبارها ووينها فيه وانتوا مرتاحين ولاانجبرتوا على ها العرس وشنو صار بالضبط؟
ليالي ابتسمت له/تبي تعرف كل شي وتبيني اجاوبك على ها الاسئلة كلها مرة وحدة يامتعب؟
متعب /صدقيني ياليالي ساعات ماانام الليل من كثر تفكيري في اللي ممكن يكون جرى لكم...
ليالي/قولي وش تبي تشرب؟
متعب/انا جاي اسولف معك واخذ اخبارك.....
ليالي/بس عندنا سوالف كثيرة وبينشف ريقنا واحنا نسولف خل اسوي لك شي تشربه,,,,
**********************************
*في السيارة,,,
تهاني كانت فاطسة ضحك واصايل تسولف لها عن الاشياء اللي نستها,,,,
اصايل وهي تضحك/أي نسيت اقولك....تنهدت تنهيدة طويلة من اللي تدربنا عليهم وحسيت نفسي بنفجر من الضحك يوم اذكر شكلك شلون سويتيها,,,
تهاني/والله العظيم مو قادرة حاسة نفسي بنفجر من الضحك...خلاص بطني يعورني....
اصايل/أي ولا تتخيلين وش الاسم اللي طلع معي...دانة...
تهاني/هههههههه
اصايل/اه بس اه...
تهاني/تدرين يااصايلوا اللحين اقدر اقول ان الشرقية نورت بوجودك فيها....
اصايل/أي وجود بكرة بيرجعوني معتقلي هناك وعلى بالك ابوعبدالله بيتركني بحالي هو ولاام عبدالله اللي للحين يحلمون في ها العبدالله اللي ماشرف؟
تهاني/ههههه من صدقك للحين يحلمون فيه؟
اصايل/مايدري ابوي العزيز ان الله باليه من فعايله الشينة وماعطاه عيال عطاه درزن بنات علشان يصير عاقل بس ماهو راضي يصير....
تهاني/يعني ابوك اللي هو خالي صاير ابو حاتم اللي في باب الحارة؟
اصايل/أي باب الحارة انتي بعد!!!!
تهاني/شي مو من تخصاصاتك؟
اصايل /تهانيواقلبي وقف يوم يدق جوالك حسيت ان قلبي بيطيح من الخوف وكاني سارقته لاواحطيتها فوق راس زوجة ابوي اللي ماتتركني ولاترحمني!!
تهاني/ههه يعني ام عبدالله وراك وراك....
اصايل/مانستغني عنها هاذي حبيبة قلبنا...بس خلنا بالجد وش تتوقعين من ضاري؟
تهاني/ولاشي....انتي لاتركتي له اسم ولاعنوان ولااي شي وش تبين منه بعد؟
اصايل بتنهيدة/ابي اهينه يااتهاني اهينه....مثل ماذلني...انا مااسوى اكون تحته حتى خادمة!!!ليش عاد!!!!وش سويت لك بالدنيا ياضاري؟
تهاني/اصايل لاتزعلين نفسك...هذولا طول عمرهم كذا لسانهم طايل على الكل لاتقعدين تضيقين خلق عمرك علشانه...خلنا بس نمر ناخذ لنا عشى ونروح لليالي تلاقينها تحاتينا اللحين؟
اصايل/ونرد سايق بيت عمتك قبل لايشوفنا ضاري مرة ثانية؟
تهاني/هههههههه
***********************************
هاذي هي نقطة الضعف عندها....
كل كلمتين وههددها بالحرمان من الامتحان.,,,
يعني يهينها ويذلها عادي بكيفه لكن تقول كلمة الحق اللي بخاطرها لاوالف لا تقوم الدنيا ماتقعد,,,,
تنهدت وهي تفكر كيف تروح بكرة الامتحان ...مالها الا انها تتبع معها سياسة الانصياع لااوامره لين تخلص الامتحانات وبعدها تعلن حالة التمرد والعصيان بعد ماتاخذ مبتغاها منه,,
ابتسمت للفكرة واللحين لازم تقوم تبداْ هي الصلح علشان تكمل الخطوة اللي بدتها,,
كانت واقفة بالمطبخ وبعدها طلعت له الصالة بس مالقته رغم ان التلفزيون كان بعده شغال..
ترددت قبل لاتدخل غرفة النوم وماخاب ظنها كان هناك قاعد بالفراش وينظر بجهتها اللي رقدت فيها البارحة وسرى فيها شعور غريب وقررت انها ماتدخل بعد مارجعت لها ذكرى ليلة البارح معه وفي ها الغرفة بس الحظ عاندها لان عيون نايف انتبهت لها ولوقوفها عند الباب....
قال بتهكم نرفزها/في شي؟
ضايقتها لهجته وقررت تنسحب بس قالت لا هو يبيني انسحب علشان يفوز بس لا راح اتقدم واضغط على نفسي واكسب الامتحان وبعدها بوريه؟
تقربت وهي راسمة ابتسامة بريئة على وجهها لين وقفت عند راسه وهو يناظرها وقالت بصوت منخفض/اسفة,,,
نايف وهو يشككها بنفسها/علشان الاختبار صح؟بس انا قلت مافي روحة يعني مافي روحة وكلمتي ماتصير ثنتين؟
نزلت راسها بالارض وهي تلعن افكاره وكيف عرف بللي يدور براسها..بس ماياْست ابدا وقالت باصرار/انت نرفزتني..ماله داعي كل كلمتين وتقول لي بنت فقر؟
نايف مسك يدها واستسلمت له وقال بهدوء/ليش مااكلتي انا مو منبه عليك قبل لااطلع؟ولاتحبين العناد انتي!!!
صبا ببراْة طيرته وزادت من ضغط يده على يدها/شفيك نايف قلت لك هذا اكلي!!مقدر اكل اكثر من كذا..
نايف بخوف حقيقي بس كان بالنسبة لصبا شي عادي/بس انتي تعبانة؟
صبا تنهدت/طبيعي بتعب ...كل شي حولي يخليني اتعب ولاانت مفكر اني بدور بها الدوامة وبطلع منها بدون أي تاْثير؟
نايف/طيب تعالي نامي ارتاحي ولاناسية ان وراك قومة بدري؟
صبا باعتراض/أي بس انا ماخلصت مذاكرتي بعد....
شدها لعنده وهو يقول بثقة/مو لازم تخلصينها انا قلت تجين تنامين يعني تجين تنامين ماابي اعتراض؟
كانت على صدره بها اللحظة يوم رفعت راسها وصارت عيونها بعيونه وقالت بهدوء وشوية خوف/يعني بروح بكرة الامتحان منت قايل لي لا؟
نايف وقربها منه بها الشكل خانقها قال بسرعة وهو عيونه طايرة فيها/اكيد بتروحين....
صبا في بالها(أي كلمة فيهم ماتصير ثنتين يانايف)
***********************************
هتون/وين عماتي؟
ريم وهي تناظر امها/ماراح يجون؟
هتون/ليه؟
ريم بهمس/جدي تعبان ومنوم بالمستشفى وهم عنده...
هتون/أي بس اللي اعرفه انه من الضهر هناك يعني وقت الزيارة انتهى او بمعنى اخر يفترض انهم تعبوا من قعدة المستشفى؟
ريم/السالفة بالمبداْ عندهم كيف يحضرون العزيمة وابوهم تعبان مايصير؟
هتون باحتقار/يعني لو هو واحد له في الدنيا شي ماعليه الا خالص من الدنيا والدنيا خالصة منه يعني مالها لزمة ها التعكيرة؟
ريم/يظل ابوهم؟
هتون/انا لو هو ابوي ويكون بها العمر مااشيل همه وادخل واطلع واتونس؟
ريم/.............
هتون/علشان كذا امك ماهي على بعضها؟
ريم/ترى عادي بكرة تسوي سالفة طويلة عريضة تقوم لها الشرقية وتقعد..هي بكبرها من جانا عمي مع بنته اليوم وسمعت بالطاري كانت بتسوي مذبحة بس لان العزيمة منعتها....المهم بقوم اشوف صاحبتي وبجيك؟
هتون بلامبالاة/خذي راحتك........
وحدها هتون راحت افكارها لبعيد....لبنات العم اللي بعمرها ماشافتهم..بس حبتهم بيوم من الايام من كلام متعب عنهم لانه كان دايم يسولف لها عنهم.....وكانت تحب بوقتها كل شي يحبه متعب,,,,,
كان دايم يقول انهم غير وانهم اروع ناس شافهم بحياتي...وكانت حاطة في بالها ها الشي بس بمجرد ماصارت تبتعد عن متعب علشان تقطع علاقتها فيه كانت تقول بنفسها اكيد يقول ها الاشياء عنهم لانه مايشوف غيرهم ويعتبرهم اقرب شي له فطبيعي بيكونون روعة بعيونه....
ومن افترقت عن متعب اول شي كرهته اصايل وليالي مو لشي او لمعرفة ابدا...
بس لانها كانت عارفة قدرهم عند متعب وانه عايش معهم ومايتخلى عنهم لو تخلى عن روحه..وها الشي كان يعذبها كيف انهم يمتلكون متعب وعواطفه وهي محرومة من حبه وحنانه وحتى من انها تسمع صوته؟
كان بالنسبة لها كل شي بس فجاْة غيرت رايها وهي تحس ان متعب مو الانسان اللي ممكن تعيش معه باقي عمرها....يمكن لانه يتيم ..ويمكن لانه ماعنده سند..ويمكن لانه مو بذاك المستوى المعيشي اللي هي تبي تطمح له وتعودت عليه اصلا!!!
تنبهت على صوت وحدة من الجارات تسلم عليها وقامت لها,,,,
***********************************
تهاني/يالله سلمي على بنت الخال اللي داخل؟
اصايل باعتراض/يالله نزلي تهانيوا لاتتليعنين..انا بكرة برد لمعتقلي وماراح اشوفك مرة ثانية؟
تهاني باسف/والله مافيني امي كلمتني اروح لجدي واعتذرت لها لاني معك....
اصايل/طيب اذا رجعت عمتي سلمي عليها كان ودي اشوفها هي وعبير بس الظاهر مالي نصيب من طيحة ها الشايب اللي جت بوقت غير ماسب؟
تهاني باعتراض/مااسمح لك يااصايل هذا جدي واحبه واغليه...
اصايل/أي بس انا لاهو جدي ولااحبه ولااغليه!!!
تهاني/تقولين ها الحكي لانك مابعد عرفتيه....اذا عرفتيه وعاشتيه بتغيرين رايك؟
اصايل/مايحتاج اغير رايي..انا لابشوفه ولاهو بيشوفني...
تهاني/اوووف...تكفين دانة لاتروحين؟
اصايل/ههههه خلاص خلصنا من سالفة دانة وطلع ضويري مامنه فايدة ولاسوى أي ردة فعل بعد!!
تهاني/يبى هذا الثقيل...ان شاءالله كنتي تبين يخق علطول؟
اصايل/انا كنت ابي اتشفى فيه وبس!!!بس ماوصيك كل ماشفتيه قعدي سبي وشتمي بالنيابة عني!!
تهاني/ههه مايصير خاطرك الا طيب يالغالية ...علشان يوديني على اقرب مسلخ هو وامه ويسوني كباب اسياخ؟
اصايل/يالله يابعد قلبي استمتعنا اليوم معك....
تهاني بتاْثر/اصايل....لاتروحين...ظلي قاعدة معنا علطول؟
اصايل وهي قريب تبكي بس راسمة على شفايفها ابتسامة/مالي الا اتزوج ابوك علشان اقعد هنا...ها تعطيني وياه؟
***********************************
متعب بزعل/وانتي ليش ساكتة وراضية ياليالي؟
ليالي بهدوء/هذا نصيبي يامتعب...
متعب/أي بس هو ماله حق يهينك كذا!!انتي مو قاصرك شي يابنت اختي..
ليالي/سيدي مافرقت العيشة هني ولاهناك....
متعب/واصايل شلونها اللحين ؟
ليالي/اصايل قدها يامتعب اكيد بتنسى السالفة مع الزمن...قلت لك اخذتها تهاني تمشيها وتغير معها جو وهي اذا روقت نست كل اللي بخاطرها؟
متعب/الحقير..كيف جاه قلب يقولها بوجهها كذا!!ماتسوى عندي خادمة؟؟؟أي والله والله هو اللي مايسوى ظفرها؟
ليالي/متعب انا مالومهم ابدا!!
متعب/بسك طيب ياليالي...
ليالي/هم ماعرفونا ولابحياتهم شافونا...كيف بيوم وليلة كل واحد تكون له زوجة مايعرف عنها أي شي غير اسمها واسم ابوها؟طيب يمكن هم هنا بانين حياتهم ومخططين على اشياء ثانية؟ابوي هو السبب بللي صار بس هم مالهم شغل؟
متعب/ابوك غلطان مية بالمية بس بعد هم غلطانين...ضاري كان بامكانه يرفض بهدوء وبدون ها الاساليب الهمجية ومحد غاصبه على شي...وحتى ضاري كان المفروض انه مايوافق على ها الزواج الصوري؟
ليالي/...............
متعب/.........
ليالي بفرفشة/انت شلونك....وهتون شلونها؟
متعب باسى ودموعه قربت تنزل/هتون.....هتون راحت ياليالي؟
ليالي باهتمام/وين راحت؟
رفع راسه وبانت دمعتين بطرف عينه وقال بحزن وزعل/هتون تزوجت ياليالي تزوجت؟
ليالي بصدمة/تزوجت!!!!مو على اساس انك تحبها وانها تحبك؟
متعب بحسرة/خطبها انسان ثاني وناسبها اكثر مني وماقدرت ترفضه وتقول لااهله لا...
ليالي بحزن/وداست على قلبها ونست حبكم؟؟؟؟
متعب تنهد تنهيدة طويلة وقال/الله يوفقها.......
ليالي/ويوفقك انت بعد!!الدنيا ماهي واقفة عند هتون وبس!!!اللي خلقها يامتعب خلق مليون وحدة غيرها؟
متعب بااسى واضح/والقلب ياليالي والقلب!!!وش يعوضه ويسد مكانها عنده؟
قطع عليهم كلامهم صوت الباب وقامت ليالي تفتحه وكانت اصايل اللي داخلة ومن دخلت فتحت اذاعتها وليالي تمشي وراها تبي تقول لها تسكت ولاتقول شي لان متعب هنا..
اصايل بصوت عالي/ياه ه ه ه ه وناسة مو طبيعية ها الشرقية؟اقول مايصير ترجعين انتي بيت ابوي واظل انا هنا بدالك ادخل واطلع على كيفي!!
كانت وقفت اللحين في بداية الصالة يوم جاها صوت متعب اللي يضحك لانه شافها/أي يصير ليش مايصير؟
اصايل جمدت مكانها وهي تناظر في متعب وبعدها شهقت بقوة وراحت تركض له/متعب.,,,,مستحيل...وش جابك انت هنا؟
متعب وهو يضمها بقوة/مفكرة انتي ان ليالي اختك بروحك وبس انتي اللي تقدرين تزورينها؟
***********************************

جاسر /وهذا خلاص من تزوج ماعاد احد شافه؟؟
ضاري كان سرحان بروحه وماهو داري عن جاسر,,
جاسر كمل كلامه/يعني مو معقولة مصدق روحه معرس من جد ماجت ثمان ونص الا هو رايح لها؟الله ياخذها ها البلشة؟؟؟هي انت وينك وين سرحان فيه انا اكلمك؟
ضاري لف له وقال بهدوء/دانة...
جاسر باستفهام/دانة؟؟؟وش دانته؟
ضاري/اسمها دانة....
جاسر/منهي هاذي؟
ضاري/كل اللي اعرفه ان اسمها دانة...وان عيونها مووت..وان عطرها ذبحني...وانها كلها على بعضها فيها شي مو طبيعي,,,
جاسر/أي دانة أي خرابيط انت بعد!!!!وين شايفها هاذي ومتى؟
ضاري/اليوم...قبل لااجيك هنا...كانت واقفة عند سيارتي......
جاسر/أي.....
ضاري/تتوقع اشوفها مرة ثانية؟
جاسر/مقدر اتوقع شي وانا مو عارف هي وش قالت لك بالضبط؟
ضاري تنهد/قالت اشياء كثيرة بس انا مارديت عليها بشي....
جاسر/معناته ريح حالك ماراح تشوفها مرة ثانية ولاتتعب نفسك بالتفكير فيها؟
ضاري بحدة/ومن قال اني افكر فيها؟
جاسر بتعجب/ليش انت وش قاعد تسوي بالله اذا ماكنت تفكر فيها؟
ضاري/انا بس استعرضها بخيالي!!!!
***********************************
ام احمد/ليش ماجيتي لجدك المستشفى تزورينه؟
تهاني/يمه جدي لاحقة عليه بكرة بزوره بس..
قاطعتها امها بعصبية/وسوالفك مع ليالي مو لاحقة عليهم!!
تهاني/ماكنت قاعدة مع ليالي؟
ام احمد باستفهام/انتي موقلتيلي رايحة عند ليالي؟
تهاني/أي صح...وانا رحت لها؟
ام احمد/ومع منو كنتي قاعدة بالله!!!
تهاني/مع اصايل...
ام احمد بتفاجاْ/مع منو؟اصايل!!!ليش هي ماراحت بيتهم!!
تهاني بحماس/لا هي بتنام عند ليالي الليلة..طلبت ليالي من خالي يقنع ابوها وبالموت وافق..وبكرة بتروح؟
ام احمد/يابعد عمري....وليه ماقلتيلي علشان اروح اشوفها؟
تهاني/يمدينا يمه خلنا نروح....
ام احمد/شلون يمدينا؟
تهاني/يمه انا ماصار لي ساعة من نزلتها عند ليالي ورجعت مابعد ناموا؟وبعدين الليلة ماهم نايمين وبيقعدون يسولفون اكيد....
ام احمد/اجل سمعي بكلم عبير لانها على بالها ان اصايل راحت مع ابوها وبنروح نشوفها مع بعض؟
تهاني/يالله خل اتجهز اجل..
ام احمد/على وين؟
تهاني/بروح معكم لااصايل وليالي..
ام احمد/عن العيارة يالله...انتي توك رادة من عندهم ...
تهاني/يمه....ليش ماتقعد اصايل عندنا علطول مدام اختها هنا؟حرام تقعد هناك بروحها؟
***********************************
كان راس اصايل بحضن متعب وهو يقولب بشعرها وهي تسولف له عن ابوها وام عبدالله وعن كل شي....
متعب/عاد تدرون انا نقلت مكتبي من الدمام للرياض قلت علشان اكون قريب منكم؟
ليالي/بتكون قريب من اصايل وبس...احسدكم؟
اصايل/شعليه تحسدينا بالله!!!شايفتنا كل يوم بنشوف بعض؟
متعب/اصايل..انا ودي تقعدين عندي وش رايك؟
اصايل انفجرت تضحك ومتعب وليالي يطالعون في بعض..
متعب/قايل لك نكتة؟
اصايل وهي ميتة ضحك/على بالكم السالفة في يدي اظل هنا ولاهناك ولا وين مابغيت!!!يبى وراي ابو عبدالله ابو ولد ماجاه ولابيجيه بعد!!!
ليالي/تاءدبي يابنت واحتشمي وانتي تتكلمين عن ابوك؟
اصايل/واللي يعافيك انتي والوالد الغالي!!!وكاْن متعب غريب ولامايعرفه؟يبى متعب عاش مع ابوي كثري وكثرك وعارفه زين؟

متعب/خلونا من ها السالفة...امانتكم مثل ماطلبتوا عطيتها لعبير؟
ليالي/أي قالت لي عنها وانا قلت لها تخليها عندها لين يصير شي...
اصايل/عادي اعطيها ابوي واقوله يتركني حرة مثل ماابي؟
متعب/هو عادي وبس تنصرف كلها بيرجع ياخذك؟
اصايل/مشاءالله خاتم الوالد عدل ؟
متعب وليالي ضحكوا,,,,
اصايل بحب وهي تناظرهم ثنينهم/دوم ها الحب ان شاءالله.....
متعب/المهم بنات صار لازم امشي.....
ليالي باعتراض/لا تكفى..
صايل بزعل/نام معنا الليلة؟
متعب/مقدر والله يادوبي ارجع عندي اجتماع من الصبح....اهم شي شفتكم وتطمنت عليكم..طبعا انا رقمي ماتغير وبطلع لكم كل وحدة جوال علشان نتواصل وبمرك ياليالي كل خميس وجمعة ..
اصايل/وانا؟
متعب تنهد/انتي لازم تبقين معي يااصيل؟
اصايل وهي تبكي/انت عارف اني مابقدر اكون معك...لاتتركوني اثنينكم وتبعدون عني!!انا احبكم..انا مالي غيركم,,
ضمها متعب لصدره وقعدت ليالي تبكي,,,,
متعب بحنان وهو يربت على شعرها/ومن قال ان حنا بنتركك يااصيل...
اصايلوهي تبكي/على بالكم اني بعيش هناك وانا بروحي!!!مستحيل طبعا انتوا عارفين ام عبدالله والعيشة معها لوين تودي؟
ليالي وهي تبكي/خلاص اصايل لاتزيدني هم على همي!!!
ظل الجو هادى دقايق وهم ثلاثتهم يبكون وكل واحد يبي يواسي الثاني وهو مو عارف.....
***********************************
شمايل بفرح/وناسة...زين سوى فيهم ضاري عيال الفقر؟؟؟
ريم/أي بس عمي ماكان يدري انه مايبيها لو كان يدري ماكان تعب حاله وجا هنا علشان ياخذ ها الاهانة من ضاري؟
شمايل/خله علشان يعرف مقدار نفسه هو وبناته؟؟
رانيا بشوية نرفزة/طيب اذا هو يستاهل هي اكيد ماتستاهل؟
شمايل/بلى تستاهل؟
رانيا بتحدي/يعني لو كنتي مكانها وكان هذا ابوك بتقولين نفس الحكي؟
شمايل/اسم الله عليّ اكون انا بمكانهم,,حبيبتي انا بنت عز واهلي يبوني ويحبوني....ماهم مرخصين فيني!!
رانيا/وهي وش ذنبها بالله!!
شمايل/وانتي ليش تدافعين عنها؟
رانيا/وانتي ليش محاربتها؟
ريم/يابنات هدوا شوي شفيكم,,,,,
شمايل/شوفي اختك مدري وش جاها على بنات البدو؟
رانيا بعصبية/بنات البدو اللي تحكين عنهم هم بنات عمي وينات عمك؟
شمايل/لاحبيبتي انا ماعندي بنات عم بها المستوى القروي,,,,
ريم وهي تنار رانيا بنظرة معناها خلاص فضيها سيرة/وش فيكم بتتحاربون...يبى انسوا سالفتهم وقولوا لي شرايكم في لبس نورة اللي جت فيه كاشخ صح؟
شمايل/صراحة ذويقة هالبنت؟
ريم/انا يعجبني لبسها مرة...
رانيا سكتت وهي تفكر بليالي كان ودها تعزمها على الليلة علشان يشوفوها وتقهرهم وتثبت لهم انها مو مثل ماهم متصورين بس يوم شاورت عمتها عبير مارضت وقالت هم مابيتقبلونها لاتحرجين البنت وهي ضيفتك وسمعت كلام عمتها...بس ياليتهم يشوفونك ياليالي والله بيحبونك بعدها وبيشيلون ها الافكار من راسهم!!!
***********************************
ماعجبها الجو في بيت عمها كثير خصوصا ان العشى انتهى وصارت سوالف الحش في فلانة وعلانة اللي تزوجت واللي تطلقت واللي مدري وش فيها..
وحست في بعض النظرات تناظرها بنص عيون ..علشان كذا اخذت بعضها وراحت تمشي لبيتهم اللي ماكان بعيد عن بيت بو ضاري...كان بينهم اربعة بيوت بس....
ظلت تمشي على مسار البيوت لين شافت سيارة واقفة عند باب بيتهم واول مرة تشوفها..
غريبة لمنو بتكون يعني ها السيارة,,,وضاري طالع وابوي طالع وثامر طالع وماكوو احد بالبيت....
توها بتتقرب من البيت الا متعب طالع منه ومتجه ناحية السيارة اللي هي تناظر فيها....
شهقت بقوة وماتحملت...مسكت جدار البيت وهي مو مصدقة اللي تشوفه...متعب هنا في بيتهم!!!!
شي مو معقول ابدا!!!
اكيد جاي يزور ليالي....ياربي وش اسوي انا اذا .......
**************************************************

---البارت الثامن عشر---

,,,,,,,,,,,,,,,,,,,,,,,,,,,,,,,,,,,
معقولة ياربي يكون هدا هو متعب!!هو نفسه ماتغير فيه شي من ثلاث سنين مضت!!!كيف ياربي كيف..كيف بقدر امشي خطوة وحدة قدام وهذاهو واقف قدامي بشحمه ولحمه وطوله وعرضه!!!اه يامتعب اه...ماتوقعت بيزم من الايام بشوفك واقف وعند باب بيتي بعد؟
ياليتك ياخوي ياجاسر ماوافقت على ها البلشة اللي بتقعد لنا مثل الشوكة بالطريق ولااشوف متعب كذا من بعيد.. اه يامتعب ياعمري شقد خاطري ارمي نفسي ابحضنك واخذ حنانك وحبك وارجعك لحياتي من جديدوانسى واتناسى افكاري الغبية ...هذا متعب ياقلبي..متعب اللي مابعد صار له شبيه بها العالم...
تنبهت على صوت السيارة اللي مشت ورفعت راسها تناظر بالفراغ اللي تركته السيارة وصاحبها وانتبهت انها كانت تبكي ودموعها مغرقينها ..معقولة ياقلب متعب ماتنبهت على وجودي جنبك ولاخلاص شلتني من بالك؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ناظروا ثنتينهم في بعض بعد ماسمعوا دق الباب...
اصايل /معقولة يكون متعب نسى شي يبي يقوله؟
ليالي وهي قايمة تفتح الباب/أي بس صار له اكثر من نص ساعة من مشى؟
فتحت الباب وابتسمت....
ام احمد/عسى مانمتوا واكون ازعجتكم بها الوقت؟
ليالي بحب/مكانك ياعمتي..انتي مايجي منك ازعاج...
ام احمد/الله يسلمك ياليالي..انا يوم قالت لي تهاني ان اصايل عندك قلت اجي اشوفها قبل لاتمشي..
ليالي/يعني الجية ماهي لنا لبنت اخوك المزيونة؟
ام احمد/ادري اني مقصرة ياليالي بس معليش السموحة يابنتي..
ليالي وهي تضمها/افا عليك بس يالغالية انا كنت امزح معك ولاني قاصدة شي بكلامي..يالله دخلي لاتوقفين عند الباب...
دخلوا الصالة واصايل من شافت عمتها جت لحضنها...
اصايل وهي تبكي/وحشتيني ياعمتي شلونك....
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ام ضاري/سووها خواتك وماحضروا..
ابو ضاري بخوف/قالوا ماهي حلوة يجون والوالد تعبان..
ام ضاري بعصبية/عساه مايقوم ان شاءالله وانا اللي صار وجهس اسود قدام المعازيم؟
ابو ضاري/...............
ام ضاري/وقايلة لك لاترد الا اذا اقنعتهم وانت خبر خير ساكت ماتحركت...
ابو ضاري/شقولهم يعني؟
ام ضاري/لاتقول شي بس على الاقل حسسهم بقيمة ضاري وحيدك وغلاته عندك؟بس شقول..انا اذا انت ابوه ماهمك هم بيحرقون حالهم...
ابو ضاري/.................
ام ضاري/اشوف حكي بفمك قول سمعني؟
ابو ضاري بتردد اكبر/مابتروحين تزورين الوالد؟
ام ضاري /هذا اللي ناقص بعد!!!لاماني رايحة ازوره
؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ام احمد/يالله يابنات انا اسمحوا لي بمشي...
اصايل بزعل وهي ماسكة كتف عمتها/لاعمتي تكفين قعدي شوي بعد..
ام احمد/مايصير يمه وراي بيت والوقت تاخر؟
ليالي/كا اللي عندك شايلين اعمارهم ماهم صغار..قعدي عمتي والله قعدتك ماتنمل...
اصايل/بعدين انا بكرة راجعة وماراح اشوفك الا بعد ماتطلع روحي ..تكفين عساك تشوفين احمد عريس..
ام احمد ة بظلت تناظر بااصايل وبالها شارد لبعيد ماهو معها...
ليالي/نامي معنا الليلة وش رايك؟
ام احمد/وانا صغيرة ماسويتها ونمت برى البيت اللحين يوم اني بعرس عيالي اسويها؟بكرة ان شاءالله انا وعبير بعد مانتطمن على ابوي بنجي نتغذى عندك ..هي كان ودها تجي تشوف اصايل الليلة بس روعة مدري وش فيها وقالت بكرة..

اصايل بزعل/ياسلام يعني بكرة كلكم مع بعض وانا مقابلة ام عبدالله واندب حظي...
ام احمد وليالي ظلوا ساكتين...

اصايل بفرفشة وهي قريب تبكي/اقول عمتي زوجيني احمد تكفين؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تنبهت من نومها بها الليل وحست انها مخنوقة وفتحت عيونها بشويش...
وادركت انها كانت بحضن نايف وانه ضامها لصدره بقوة خنقتها مووت,,,,
ظلت تتامل شكله وهو نايم..كان نايف وسيم حييل هو مع سمرته اللي زايدته حلى فوق حلاه وشعره الناعم الاسود عاطيه هيبة وجبروت اكثر واكثر...
رفعت يدها وقربتها من شعره وترددت تلمسه ولالا؟
لاشعوريا لقت نفسها تبكي على وضعها وحالها....ليش نايف تزوجها بها الطريقة؟هذا اول سؤال كان يدور بخاطرها وفتح لها باب اسئلة ثانية مالقت أي اجابة لهم....
ليه حابسها بها الشقة ومانعها من اهلها ومن العالم كله؟؟؟ليش يظل يقسى ويجرحها بالكلام لين يحس انه اهانها واذلها؟؟؟طيب ليش بها اللحظات الخاصة بس يكون انسان ثاني غير عن اللي هي متعودته منه ويكون شفاف لاابعد درجة؟؟؟
ماقدرت غير انها تبعد راسها عن صدره العاري وتتنهد وهي تمسح دموعها لانها مو عارفة وش اللي ممكن يكون جايها بالطريق منه؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,
اصايل/تكفين عمتي زوجيني احمد وخلوني ابقى هنا..
ابتسمت لها ام احمد وهي بعدها على شرودها/خذيه وفكيني منه ومن طياشته...يالله انا قايمة مع السلامة....
تقربت اصايل منها بتضمها...
لانها مابتشوفها لفترة طويلة اكيد بس ام احمد ماعطتها مجال طلعت بسرعة..
بعد ماطلعت ظلت اصايل تمسح بدموعها اللي ماقدرت تمنعهم اكثر.... ولفت بعدها على ليالي لقتها تفكر....
اصايل/وين سرحانة؟
ليالي/اصايل عمتي فيها شي...لاحظتي!!
اصايل/شي مثل شنو؟
ليالي/مدري ..بس كانت شاردة كثير...تتوقعين جدي فيه شي؟
اصايل/لامااعتقد...يوم سالنها قالت احتمال بكرة يرخصونه..
ليالي/أي بس انا لاحظت شرودها الكثير وهي مالها بالعادة؟
اصايل/وش تتوقعين شاغل بالها يعني؟
اصايل/وش تتوقعين شاغل بالها يعني؟
ليالي/مدري..
اصايل بضحكة/ياتهاني هانم ...يااحمد باشا..يابسمة الالم مافي غيرهم ههههههه
ليالي وهي تضحك/يمكن....
اصايل بجدية/ليالي ابي اقعد عندك ماابي ارجع هناك لهم....
تنهدت ليالي ومسحت دموعها وتمنت الشي يكون بيدها كان ماتفارق احتها طول العمر..
اصايل وهي تمسح دموعها/لاتبكين ياليالي الله يخليك...بس من جد انتي مو متخيلة الوضع اللي بعيشه بدونك كيف بيكون؟
,,,,,,,,,,,,,,,,,,,,,,,,,,,,,,,,,,,,,,
يوم ثاني الصباح....
حطت ام عبدالله دلال القهوة والشاي قدام زوجها وقعدت قباله...
ام عبدالله/خير ان شاءالله وش عندها اختك داقة من الصبح وش تبي؟؟
ابو عبدالله بتفكير وضيق/طالبة طلب غريب..
ام عبدالله/وشو ها الطلب الغريب بعد!!!
ابو عبدالله/....................................
ام عبدالله/وش فيك يارجال شتبي منك اختك تكلم؟
ابو عبدالله تنهد وقال لها/اصايل....
ام عبدالله/وش فيها ها المقرودة بعد!!!مو كفاية ولدعمها مابغاها؟؟وش مهببة لهم هناك؟
ابو عبدالله/انتي وش تتوقعين؟
ام عبداللله/بعد اصايل ينخاف منها..بنتك نسرة اسالني عنها بس شفيها؟
ابو عبدالله تنهد/سمعي......
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
صبا بضيق وهي لابسة عبايتها/يالله باقي ربع ساعة بس؟؟؟
نايف وهو يلبس شماغه قبال المرايا ويكلمها بدون اهتمام/على شنو؟
صبا بعصبية/على الاختبار طبعا!!
نايف ببرود/وخير يعني؟
صبا/اذا تاخرت بيحرموني من الاختبار؟؟؟
نايف بلامبالاة/اللحين بنطلع علامك انتي...
صبا بضيق/نايف شفيك كانك مو مهتم؟
نايف بشماتة/وتكونين رايحة تقدمين اختبار الدكتواره وانا مدري!!
دق جواله بها اللحظةولف لها/يالله السايق وصل؟
صبا ببراة وهي تشيل كتبها/لي شانت ماكانت معك سيارة يعني!!
نايف/وانتي الصادقة السايق علشان يوصلك مدرستك ولاعلى بالك بتركبين جنبي!!!
صبا بلعت اهانته وقالت بهدوء/وش فيها يعني؟
نايف/هذا اللي قاصر بعد واذا اجد شافك نازلة من سيارتي شبيقول بالله!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
وحدها مانامت الليل وهي غارقة بدموعها وصورة متعب ماهي راضية تفارقها....
تنهدت بقوة وقامت من فراشها ووقفت قبال نافذتها بعد مارفعت الستاير تناظر بالشارع وبالمكان اللي كانت واقفة فيه سيارته بالامس.....
ياترى كم صار لك واقفة عند بيتنا ياسيارة متعب؟؟؟؟قضيتي طول الليل هنا وانا مدري عنك؟؟متى بترجع من جديد واملي عيني بشوفتك؟عرفت عن ليالي وعن وضعها يامتعب وبتسكت ولابتدافع عنها؟؟؟تعال يامتعب تعال.....عيني مشتاقة تشوفك وتشوف حلاك وزينك...ودي اشوفك اكثر واكثر واكثر يالغالي,,,,


طول الليل ماناموا كانوا قاضينها سوالف ماتنتهي وكل وحدة فيهم تحارب النوم علشان تقضي باقي الوقت مع اختها اللي بتفارقها الى اجل غير مسمى.....
اصايل/طلع الصباح بسرعة؟
ليالي بزعل/ماكان ودي يطلع ابدا!!!
اصايل بحزن/تدرين اني بشتاق لك وماراح يعوضني أي شي عن غيابك...
تنهدت ليالي وسكتت...
اصايل بفرفشة وهي بتموت من الزعل/ياليت ابوي يضيع طريق الشرقية؟
ليالي بجدية/انتبهي على نفسك وبلاش تتعاركين مع ام عبدالله بكل ثانية تمر؟
اصايل/شكلك مشتاقة لهواشتنا ؟
ليالي/ماابيها تغلط عليك...
اصايل/تصدقين محتارة كيف ارد لها شماتتها فيني!!
ليالي/احقريها وبس!!!
اصايل بعناد/مستحيل!!!لازم تفهم اني مااسكت عن حقي ابدا!!!
ليالي بترجي/اصايل لاتفتحين لنفسك معها باب مشاكل خليها تولي عنك؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,


---البارت التاسع عشر والعشرين---

*************************************

كانت واقفة مع نور عند بوابة المدرسة وفي بالها شي تبي تسويه...
نور بلهفة/صبا طمنين شلونك...
صبا بشرود/وش تتوقعين يعني؟
نور/نايف صح؟
صبا/ليش انتي متوقعة غيره؟؟
نوربعصبية/وليش تزوجك؟
/صبا/يقول يبي يكسر راسي....
نور بضيق/وزيد وافق!!!
صبا/ليش هو قال لزيد ها الحكي....
نور/شلون تزوجك اجل...
صبا/اخذني بالاول علشان اكون خدامة في بيته وبعدها لقيته يتفق مع زيد على موضوع الزواج,,,
نور/وانتي ليش مااعترضتي؟
صبا/ومنو قال لك اني مااعترضت؟؟؟بس منو اللي بياخذ باعتراضي عاد يانور...امي ولازيد؟؟؟؟
قالتها وتنهدت....
نور/وكيفك معه؟
صبا بضيق/مخنوقة يانور مخنوقة...نايف حابسني حبس انفرادي مانع عني كل العالم,,,,
نور/وليش للحين انتي عنده روحي عند اهلك ياصبا؟
صبا وهي تتنهد/ياليتني اقدر يانور كان سويتها صدقيني,,,,
كانت تتكلم وفي بالها موقف نايف الصباح يوم وصلت مع السايق عند المدرسة وكانت سيارة نايف قريبة منهم وبس وصلت جنبه نزل النافذة وقال لها بتهديد/ياليت تردين مع السايق مباشرة وماتحاولين تلفين وتدورين لانك عارفة انا وش ممكن اسوي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بعد الساعة عشر الصباح رجع جاسر البيت وكان ثامر اخوه واقف عند الباب..
جاسر/ناطور انت واقف هنا؟؟؟
ثامر/انت ليه راد من دوامك,,,
جاسر/وانتب تحاسبني بعد ليه راد من دوامي!!!!
ثامر بخوف/لامو القصد بس اعتبره سؤال عابر وبس!!!
دخل عنه جاسر البيت بدون مايلف عليه ولايرد عليه ولف له؟
جاسر بتاْفف/يعني لازم ادخل من الباب الثاني!!!
تحرك ناحية الجهة الثانية من البيت واللي بها اللحظات كانت ليالي تمشي فيها بعد ماجت عمتها ام احمد واخذت اصايل لان ابوها بيمرهم هناك...فقالت تطلع تتمشى وتسلي نفسها بدل قعدة الملحق.....
كان يمشي وهو سرحان وفكره شارد وكانت عاطيته ضهره لانها سابقته بخطواتها ووقفت مكانها وشردت هي بعد لين صار وراها وصدموا في بعض...انتبهوا اثنينهم من شرودهم لفت ليالي لعنده ورفعت راسها ويوم رفع راسه هو بعد بانت الصدمة بعيونهم اثنينهم ..
جاسر هذا اخر شي توقع يشوفه بس شهقة ليالي بوجهه خلته يوقف بمكانه يناظرها ويناظر الفزع والخوف اللي ارتسموا بعيونها بدون ماينطق بكلمة وحدة....
تنهد بقوة يوم لقاها مشت بسرعة وهي تحاول تهرب منه وهو اللي تمنى يكلمها لو كلمة وحدة؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

رجعت من جديد لسجنها الانفرادي اللي ماتدري لمتى بيظل ضامها ومتى راح تقدر تتخلص منه!!!
حتى ماعنده ثقة فيها يطلع معها الصباح ويقفل البا ويرجع معها ويقفل الباب والمفتاح بجيبه ومايتركها مع السايق لازم سيارته قريبة من سيارة السايق لتاْكيد السجن اللي هي عايشة فيه!!!!!
كان خوفها من نايف هو اللي مانعها من انها تتخذ أي خطوة للهرب..
ومرددها في انها ترجع بيت اهلها....لان نايف مجنون وممكن يسوي أي شي,,,,,
وش تبين تاكلين على الغذى؟
رفعت راسها ولقت نايف يكلمها وهو متسند على زاوية الباب وبيده كاس عصير...
رفعت راسها وهي بعدها بمريولها وقالت له/انا ماابي أي شي..بحط راسي وبنام ومو قايمة الا بعد صلاة المغرب..
نايف/حلو ..معناته انا مو راد الا الليل مرة وحدة واذا رجعت جبت لك شي تاكلينه....عموما الثلاجة فيها اكل....
صبا/نايف....
نايف/خير....
صبا ظلت تناظره وفي بالها الف سؤال تبي تساله بس حست انها مو قادرة لاسيما ان في شي بنظرات نايف كانت تحكي عن شي مخالف لتصرفاته معها...
بالاخير تنهدت وقالت/سلامتك ولاشي....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في المستشفى,,,,
عبير تكلم بجوالها/ووافق!!اي...حلو....شوفي انا بس اطلع من عند الوالد بدق لك اشوفك وينك فيه..مع السلامة,,,
ابو عبدالرحمان/منو هاذي؟
عبير/هاذي اختي ام احمد تسلم عليك وتسال عنك...
ابو عبدالرحمان/هي داقة لي الصباح وانا قايل لها اني بطلع لاتجي...وش عندها بعد!!
عبير/كنا نتكلم عن بنت اخوي ابو عبدالله....
ابو عبدالرحمان/.........................
عبير/ماودك تعرف وش فيها؟
ابوعبد الرحمان بضيق/لاهو ولابناته يهموني؟
عبير تنهدت/.........................
ابو عبدالرحمان/ووين ها الدكتور مابيجي يكتب لي خروج؟
عبير وهي تتنهد/جاي اللحين يبى,,,,
ابو عبدالرحمان/.................
عبير/وش رايك انت تجي تقعد عندي كم يوم لين...
قاطعها بصرامة/خلي السايق يوصلني بيت اخوك ابو جاسر....
عبير وهي تتنهد/ان شاءالله...على امرك يبى....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
كان كاس الماي في يدها وكل شوي تشرب منه ومع ذلك حاسة انها عطشانة ومو قادرة ترتوي... كل تفكيرها رايح لعند جاسر ذاك الانسان اللي محسوب عليها زوج على الورق بس!!!!!
شي غريب قاعدة تشوفه بعيونه تغير عن اول مرة صادفته فيها....عيونه فيها شي...فيها غموض ممزوج بعاطفة ممكن تنفجر باي لحظة.....
شي بعيد عن القسوة والجلافة اللي شافتهم فيه اول مرة....
شصار لك ياليالي تفكرين في الانسان اللي اهانك بموافقته على ها الزواج!!!!
ياليتك ياجاسر صرت رجال مثل ضاري ورفضت الموضوع من البداية بدل اذلالك لي واهانتك لشخصيتي انت واهلك وانا اللي توني بحياتي اصادفك ياولد عمي!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ماكان حال جاسر مختلف ابدا عن حال ليلي في التفكير والسرحان...
من دخل البيت وصعد غرفته حس باحساس غريب...
كان محاول يشيلها من باله طالما انه مو قادر يوصل للخيط اللي بيربطه فيها....
بس القدر حال بينه وبين رغبته وملى عينه بشوفتها من جديد....
تبسم بينه وبين نفسه وهو يذكرها كيف كانت واقفة قدامه مثل النسمة....
بس تلاشت ابتسامته فجاْة وهو يتذكر عيونها ويستعرضها بخياله...نفس نظرة الفزع والخوف شافهم مرة ثانية بعيونها....بس ليش ياترى!!!!!
وش اللي مزعلها ومكدر خاطرها كذا!!!
تنهد بقوة وهو يحاول يكون طبيعي....وتبسم بينه وبين نفسه وهو يذكر كلام ثامر اخوه اول ماوصل(خالتي وبناتها هنا)..واخيرا عرفت انتي منو,,,,بس ياترى انتي ريم ولاحنان؟؟؟
يالله معليش ياجاسر هاذي بتكون اسهل مدام عرفت هي من بنته ومن تكون الاسم لاحق عليها وعلى انك تغزل فيه!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,


منى/يمه....علامك قاعدة ومتكدرة؟
ام زيد بتنهيدة/افكر في اختك يامنى,,,
منى/وش بيكون فيها يعني؟
ام زيد/من طلعت من البيت ماسمعت صوتها....مدري مرضانة ولاصاحية,,,,متضايقة لو مرتاحة,,,,تاكل ولاتنام جويعة,,,
منى بحدة/لاتخافين على بنتك مافيها الا العافية,,,
ام زيد بانكسار/أي بس هي حتى ماراحت امس تختبر بالمدرسة,,,
بها اللحظة دخل زيد وسلم,,,,
زيد/علامكم قاعدين كذا!!
منى بدون اهتمام/تعال اسمع امك شتقول؟
زيد/شفيك يمه,,,
منى/انا اقولك شفيها..تقول قاعدة احاتي صبا....
زيد/اليه شفيها صبا؟
م زيد/يعني هي من طلعت ماسمعنا صوتها....
زيد/أي بس هذا طلب المعزب وانا مقدر اقوله لا....
ام زيد/يعني مقدر اسمع صوت بنتي يازيد...
منى بنرفزة/يمه بنتك مافيها الا العافية لاتحاتينها...
زيد/منى الصادقة يايمه واذا لاقدر الله جرى لها شي بنسمع...
ام زيد بانكسار/وانا اقعد انتظر لين يجيني خبر عن بنتي واسمعه!!!والله حرام عليكم ياعيال تراها اختكم...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
على ا لساعة وحدة ونص اندق باب الملحق ..
كانت ليالي رامية نفسها على الكنبة وافكارها مشغولة بجاسر. وقامت تفتحه,,,,
كانت عمتها ام احمد وجنبها عبير ووراهم تهاني وبسمة ...
ليالي بفرح/هلا وغلا....
ام احمد/وبعد../
ليالي/لاقبل ولابعد شامة ريحة لذيذة اكيد جايبين معكم الغذى؟
عبير/اللحين تركتينا وماعرفتي الا بطنك!!!
ليالي/هههههه عمتي امزح...شخبار جدي؟
ام احمد/بملحقه قال بيريح الحين شوي والعصر بنروح نقعد معه...اللحين بندخل ولابنظل واقفين؟
ليالي/عمتي هذا سؤال الله يسامحك؟المكان مكانك تفضلي.....
دخلت ام احمد وراها عبير ووراهم بسمة الليس لمت على ليالي وبعدها تهاني وكانت وراها وحدة,,,
تهاني بنفخة/كنت بجي بروحي بس نظرت فيها..وقلت لازم تجي شغالتي وراي تشيل عني كتابي حق امتحان بكرة...
جتها ضربة بالكتاب على راسها من اصايل اللي كانت وراها واللي قالت بصوت عالي/شغالة بوجهك يللي ماتستحين على وجهك,,,
كانوا كلهم يضحكون الا ليالي اللي كانت تناظر باصايل بدون تصديق,,,,
اصايل وهي تدفها لداخل/هذا انا بشحمي ولمي مو نسخة مني لاتخافين!!
ليالي/وابوي......انتي مارحتي معه!!
ام احمد/دخلي يابنت الناس وبنقول لك السالفة...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,في مطبخ بيت بو جاسر وقت الغذى,,,,
كان بو جاسر وجاسر وثامر على الطاولة وهتون وشمايل مع خالتهم وبناتها.....
ام جاسر وهي عند الباب../تبون شي ولاامشي...
ثامر/لا....
ابو جاسر/اقو لام جاسر....
ام جاسر/خير....
ابو جاسر/ترى ابوي رخصوه المستشفى وكاهو بالملحق...
ام جاسر/وانا شسوي له يعني!!!
بو جاسر/مريه تحمدي له بالسلامة...
جاسر/شلون يعني تترك ضيوفها وتروح تقابله!!!مايصير يبى...خالتي وبناتها مو كل يوم بيجون وجدي معنا طول الوقت باي ساعة بتمره..
ام جاسر وهي طالعة/قوله ها الحكي ياجاسر....
ابو جاسر/......................
ثامر/عماتي هنا...
جاسر باستنكار/عماتي وخالتي ام عادل!!!ماخبري يتفقون....
ثامر/لاعماتي عند مرتك جايين يتغذون معها..
جاسر بنرفزة بعد مارمى الملعقة على الطاولة /سديت نفسي انت مع سيرتها القروية...ياشينك بس,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
نايف/يعني شاغلة تفكيرك؟؟؟
ضاري باحتقار/ابدا!!!بس ماشفتك امس قلت اقولك عنها...
نايف بخبث/طيب هي حلوة...
ضاري بغرور/مااتوقع جمالها يوصل لمستوى جمال ضاري!!!
نايف/طيب وش اللي حسيته يوم سمعت صوتها؟
ضاري بلااهتمام/عادي...
نايف بخيبة/يعني ماااثارت فيك أي شي؟؟؟
ضاري بخبث اكبر/لا...مو مثل ماسوت فيك صبا؟؟؟
سكت نايف لحظات وبعدها قال/ليش شسوت فيني صبا عاد!!!
ضاري/ولاشي ..بس خلتك تتزوجها!!!!
نايف بثقة/وانا ماتزوجتها الا علشان اذلها واهينها واكسر راسها وبس!!!
ضاري بدون تصديق/يجوز,,,
نايف بضيق/شنو...مو مصدقني؟
ضاري/اللي اعرفه ان في راس بينكسر بس منهو فيكم الله اعلم!!النهاية بتوضح كل شي,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
في ملحق ليالي,,,
كانوا فارشين لهم سفرة بوسط الصالة وقاعدين ضحك وسوالف,,,,
ام احمد/دقيت على ابوك من الصبح وقمت اترجاه ساعة كاملة انه يخلي اصايل عندي بالاجازة لان البنات يبونها وبالموت رضى...
اصايل/طبع عمتي مبيتة النية من البارحة,,,تذكرين يوم تقولين ان فيها شي...كانت تخبز السالفة في بالها..
ليالي/طيب وهو ماقال متى بيجي ياخذها؟
عبير/عمتك اقنعته انها تقعد عندنا ثلاثة شهور يعني طول الاجازة وبعدها يصير خير...
ليالي بفرح/والله مو مصدقة ..
تهاني/لاتصدقين نفسك لانها بتكون معي!!!
ليالي باعتراض/لااكيد بتكون معي انا!!
اصايل بنفخة/اللي بتدفع اكثر بقعد معها..لاتتخانقون علشاني
ام احمد وعبير/ههههههههههههه
بسمة/مااتخيل اصايل معنا بنفس البيت احسب تصير فيه زلازل وبراكين....
اصايل/وش تقصدين بالله!!!بس تدرين عنادا فيك بقعد عندكم؟
تهاني بمزح/ياثقل دمك...قلنا لك مانبيك..
اصايل قومت روعة من حضنها/قومي شوي روعة هانم خلني اصفي حسابي مع رقية وسبيكة,,,
عبير/صار ماصار بنتي لايجيها طشار من هنا ولا من هنا....
ليالي/ههههههه
ام احمد/خلونا نكمل غذانا يالله وراكم مذاكرة انتي وياها لاتتخلوني اردكم البيت؟
بسمة/تهانيوا بسرعة تحول الى حجر قبل لاتسويها الوالدة...
تهاني/ماعليك منها ام حميد قولي لها بقعد عند جدي وبتصدقك!!!
ام احمد/تكلمي عدل ولاتقلبين ابوي طماشة لك ولااختك؟
اصايل/خلونا باالجد اللحين..
تهاني/تكفين لاتسوين روحك شخصية...
اصايل/عبير....الامانة عندك صح؟
عبير/أي....
اصايل/حلو...بيعيها..وليالي تاخذ نصيبها وانا اخذ نصيبي....
ليالي/ليه؟؟؟
تنهدت اصايل/ليالي انا ماابي اقعد بها الثلاثة شهور كذا....ابي ادرس باخذ لي دورة انجليزي ودورة حاسب وبعدين لمتى بتضل ها الامانة على حالها...لين ارجع لبيت الهم من جديد؟؟؟
تهاني/ايه الحركات الجامدة دي يابنت!!!
,,,,,,,,,,,,,,,,,,,,,,,,,,,,,,,,,,,,,,,,,,,
رانيا/اقول ضاري.باشا...
ضاري/خير...
رانيا/ماودك تعرس....
ضاري/وليه تبيني اتزوج؟
رانيا/علشان تفضى لنا الساحة شوي مع ام ضاري...
ريم/ومن قال لك ان الساحة بتفضى لنا بعد ضاري!!بعده بيجوون عياله ياحظي؟
ضاري/سمعتي!!!
رانيا/يعني مافي مجال نكون موضع اهتمام...
ام ضاري بصرامة/وانا مقصرة معكم ياطويلة اللسان؟؟؟
رانيا/ماقلنا مقصرة بس نبي ولدك يتلحلح ويعرس...
ضاري/ولله مو بعيدة تسمعين عن عرسي ها اليومين ليش لا؟الفكرة ورادة...
ريم/ومنهي تعيسة قصدي سعيدة الحظ؟
رانيا/وفكرك ام ضاري بتقتنع فيها؟
ام ضاري/والله حبيبتي اذا ضاري بيختارها بنفسه فاانا اثق بذوق ولدي كثير وبتكون على راسي من فوق لانها زوجة الغالي....
,,,,,,,,,,,,,,,,,,,,,,,,,,,,,,,,,,,,,,,,
جاسر/اقول هتون...
هتون بشرود/هلا...
جاسر/علامك سرحانة...
هتون/ها. ولاشي..........تبي مني شي...بروح عند بنات خالتي مايصير تاركتهم بروحهم مع شمايل....
جاسر اعتدل بقعدته وقال/خلي عنك ها البزارين وانتي بتحطين راسك برؤسهم بس!!
هتون باستنكار/بنات خالتي بزارين!!!من جدك انت؟؟
جاسر مسوي روحه مو مبالي/ليش كم اعمارهم بالضبط؟
هتون/ياولد الحلال .ريم كبرك بالضبط وحنان اصغر منك بسنة ونص وانت تقولي بزارين؟
جاسر/لا كبروا يعني...والله زمان عنهم....
هتون/....................
جاسر/أي الاحلى فيهم ريم ولاحنان؟
هتون/قوم شوفهم وعطينا رايك....
جاسر/هم يكشفون وجيهم صح؟
هتون/اممممم

جاسر/انا يوم رجعت البيت لقيت وحدة تتمشى على مااعتقد كانت سمراوية منهي فيهم؟
هتو بملل/ثنتينهم سمران ....قالتها وقامت عنه,,,,
جاسر بنرفزة /و ها البنت الي ماتخلي الواحد ياخذ منها أي شي....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,اصايل بجدية/أي...انا ابي ادرس واشغل وقتي...مدري عندي احساس اني ماراح ارجع بيت ابوي مرة ثانية..بيت الهم اللي كان ضامني طول عمري وخنقني بجدرانه الاربعة!!!مدري يمكن اذا وقفت معي بنهاية المطاف انحرف ولاارد هناك....
ام احمد بضحكة/عقلي بس عقلي....
اصايل وهي تضحك/لانك ماعشتي اللي انا عشته هناك....
ليالي بضعف وانكسار/لايااصايل لا....لاتقولين ها الحكي....بيت ابوي احلى من كل بيت ثاني بتعيشين فيه..صدقيني يااصايل انا اتمنى يرجع الزمن فيني وارجع لذاك المكان اللي طلعت منه....
هذا المكان اللي انا عايشة فيه هو السجن الحقيقي يااصايل....لاتفكرين تقعدين بالعذاب اللي انا قاعدة فيه تراك بتموتين.....
اه يااصايل اه....ساليني انا وش معنى الغربة وبقولك ....
تنهدت بقوة واكتشفت انها كانت تتكلم بانفعال وان دموعها سابقينها على خدودها وان الكل كان ساكت ويناظرها....
مسحت دموعها وقالت وهي توقف/انا بجهز الشاي والقهوة...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

ثامر/شكله اجتماع عائلي مغلق...
شمايل/وين؟
ثامر/تحت بين ابوي وامي....
جاسر/وانت وش عليك؟
ثامر/انا اعتقد ان الموضوع يخص بيت خالتي ام عادل..
جاسر/ليش؟؟؟
ثامر/من طلعوا من عندنا وامي وابوي باجتماع مغلق....
جاسر /هتون وينها؟
ثامر/بغرفتها...
جاسر لف لشمايل وقال لها/شفيها اختك؟
شمايل/من البارحة حسيتها مو طبيعية مدري شفيها ..حتى طلعت من بيت عمي قبلنا ويوم رديت لقيتها نايمة..وهي اللي مالها عادة تنام بها الوقت...واليوم يادوب تتكلم معنا وطول الوقت شاردة....
جاسر/انت ماوراك مذاكرة؟
ثامر/حلصت...
جاسر بقوة/...قوم راجع ونام......قام ثامر ولف جاسر لشمايل...
جاسر/انتي عارفة عن أي موضوع يتكلمون فيه امي وابوي؟
شمايل بتردد/اتوقع علشان انها بتستضيف بيت خالتي عندنا...
جاسر/ليه؟؟؟؟
شمايل/ تعرف امي بعد...خالتي قالت انهم بيسوون صيانة بالبيت شهر كامل وهي ماتبي تقعد باي مكان خلال ها الشهر فاامي الغالية اكيد بتستضيفهم!!
جاسر في باله(حلو....والله وضحك لك القدر ياجاسر وبتشوفها كل يوم وبتملي عينك منها)
,,,,,,,,,,,,,,,,,,,,,,,,,,,,,,,,,,,,,,,,
دخل الشقة بعد صلاة العشى ولقاها قاعدة ومتكورة على حالها.. والكتاب بعيد عنها ....
حط الاغراض اللي عنده على طاولة الطعام وتقرب منها ونزل لين وصل مستواها وهمس لها من وراها/ليش الكتاب بجهة وانتي بجهة ثانية!!!
ماكانت شاردة لحظة اللي دخل وسمعت صوته ...بس يوم كلمها بها الهمس ارتعشت وتنهدت وماردت عليه....
نايف بعد ماوقف/جبت لك بيتزا قومي اكليها.قبل لاتبرد..
قامت مثل الطفلة المجبورة على اطاعة الاوامر وفتحت كرتونة البيتزا وشالت لها قطعة وقامت تاكل فيها شوي شوي.وهي سرحانة ونايف واقف مكانه يتاْملها...كان عارف ان راسها الصغير فيه شي يدور بس شنو ماهو عارف...
نايف/صبا....
رفعت راسها له....
نايف/فيك شي يوجعك؟
صبا بهدوء/لا...
نايف/علامك قاعدة بمكانك لاتذاكرين والفكر شارد؟
صبا بتردد بعد ماحطت البيتزا بمكانها /نايف..
نايف سحب له كرسي وقعد قبالها وقال بجبروت/انا اسمع...
صبا بانكسار/صورة امي ماهي مفارقتني اليوم ابدا!!
نايف بلامبالاة/والمعنى؟؟؟
صبا بترجي/انت تصبر يوم ماتسمع صوت امك لو ماتشوفها؟
نايف/سالتك عن المطلوب؟
صبا/ودي اسمع صوت امي تكفىى ا لله يخليك
نايف بقسوة/قلت لك انسي كل العالم اللي تعرفينه ياصبا..دنيتك ماعاد فيها غير نايف وبس!!!
تقربت منه صبا وقعدت قباله وواصلة لعند ركبته لانها قاعدة على الارض وهو على الكرسي وقالت بترجي/طلبتك وش ماتبي سوي فيني بس خليني اسمع صوت امي..واللي يعافيك...
نايف بقوة/قومي كملي عشاك لايبرد وبلا هذرة فاضية لاتودي ولاتجيب....
صبا بترجي اكبر/بس انا ابي اسمع صوت امي!!!
قام عنها وقعد قبال التلفزيون ومسك الريموت يغير بين القنوات ولاهي هامته بعد,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كان استقبال الجد لااصايل مثل استقباله لليالي مازاد عنه شي..
كل الفارق انه حيا ورحب في بنات عمتها قدامها وهي طنشها على جنب..بعد ماعطاها كم نرفزة من هنا ومن هنا على قعدتها هناوكيف. انها مارجعت مع ابوها اما ليالي انسحبت بسرعة لانه ماعبرها اصلا وفوق هذا كله هي كانت متضايقة ومتلخبطة بمشاعرها وحاسة انها منحرجة من عماتها....
رجعت الملحق وجت وراها عبير...
كانت واقفة بنص المطبخ يوم تدخل عبير وتلف لها....
عبير/ليالي
ليالي/نعم
عبير/فيك شي...
ليالي بنفي/لا
عبير بتشكيك/متاْكدة؟
ليالي وهي تحاول تكون طبيعية/اي
عبير/مدري ليش مو قادرة اصدقك وحاسة ان فيك شي...
ليالي تنهدت وقالت/لاتشغلين بالك ياعمتي مافيني أي شي انا بس حاسة بشوية ضيق وبيزول بعدين...

عبير/ليالي...احد مضايقك هنا ولامكدر خاطرك بكلمة؟
ليالي/ابدا ياعمتي انا لااشوفهم ولاهم يشوفوني,,
عبير/معناته في شي ثاني مكدر خاطرك...
ليالي/صدقيني مافي شي...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
بجهة ثانية وتحديدا برى ملحق الجد..كانت اصايل واقفة مع عمتها ام احمد....
ام احمد/هي شايفة احد منهم يااصايل؟
اصايل/لا...
ام احمد/منو اللي مزعلها؟
اصايل/هي ماقالت انها زعلانة؟
ام احمد/بس الزعل مبين عليها ولاماتعرفين اختك يااصايل؟
تنهدت اصايل....
ام احمد/انتي عارفة شي وماتبين تقولينه لي...
اصايل بنرفزة/هي وش اللي شافته يسر عاد من دخلت هالبيت ياعمتي!!
صدقيني انا مقدر اقولك عن أي شي بس كل شي حولها مو مريحها رغم مكابرها على انها تكون هادئة وطبيعية..فاهمة شنو يعني تعيشين بوسط بيت كل اهله يكرهونك ياعمتي!!!!
ام احمد تنهدت وبها اللحظة انفتحت البوابة ودخلت منها بنت ووصلت لعند ملحق الجد ووقفت تسلم على ام احمد...
رانيا/عمتي شلونك؟
ام احمد/هلا وغلا في بنت بو ضاري؟
اصايل وقف قلبها ورفعت راسها تشوفها عدل....
رانيا/وحشتينا ياام احمد زمان عنك...
ام احمد/تدلين بيتي ومكاني اذا وحشتك؟
رانيا/هاذي معك حق ياعمتي بس والله شغلتنا ها الامتحانات...
ام احمد/ربي يوفقكم وين تؤامك ماجبتيها معك؟
رانيا/مدري عن احد جاية بروحي بسلم على جدي وبمشي...
قالتها وابتسمت لااصايل ودخلت داخل الملحق لجدها واصايل فكرها راح لبعيد وقلبها يدق بقوة وكل شي بداخلها متحفز لقتل ضاري!!!!!!
,,,,,,,,,,,,,,,,,,,,,,,,,,,,,,,,,,,,,,,,,,,
تعبت من كثر ماترجت فيه وهو اذا نطق الصخر بيفكر يتلحلح ويرد عليها...
تركت كل شي وراها حتى كتابها ودخلت تغسل وراحت تنام...
مامرت دقايق الا وهو رامي نفسه جنبها...
صبا تنهدت بقوة والمعنى انها متضايقة حيل من قربه وماتبيه يتقرب اكثر بس نايف قال في نفسه هاذي ماتنترك على كيفها تقرب منها وصار لازق فيها وهي عاطيته ضهرها..
توه بيحط يده في شعرها قالت له بقوة/انا نايمة؟
نرفزته الكلمة والاسلوب اكثر وتوكى على يده ولف وجهها لعنده باليد الثانية وصاروا قريبين من بعض...
قال بقسوة/ماسمعت!!!
صبا بعناد/انا نايمة؟
نايف/اول مرة اشوف ناس تتكلم وهي نايمة؟
صبا بعناد اكبر/بكيفي اتكلم وانا نايمة وانا قاعدة؟باي وقت يريحني؟
نايف/لاوالله!!!تعالي علميني وسمعيني تراني مااسمع زين؟
صبا لفت عنه للجهة الثانية ولفها لعنده بقوة وقال بقسوة/جربي تسوي ها الحركة مرة ثانيةوشوفي وش يجرى عليك؟
تنهدت بقوة لان الموقف اخطر من انها ترد ولاتزيد بكلمة وحدة لاسيما ان انفاس نايف صارت خانقتها...

,,,,,,,,,,,,,,,,,,,,,,,,,,,,,,,,,,,,,,,,


---البارت الواحد والعشرين---
,,,,,,,,,,,,,,,,,,,,,,,,,,,,,,,,,,,,,,,,,,
واخيرا حل الليل وهداْت الحركة وبقوا ثنتينهم يتسامرون مع بعض,,,,
ليالي/شتسوين؟
اصايل وهي ماسكة الجوال بلا اهتمام/اقولب بااغراضك...
ليالي بانكار وهي تناظر بالجوال/اغراضي!!
اصايل/أي...عمتي عبير جايبته لك علشان يتواصلون معك فيه وعطتني اياه اسلمه لك وانا حست فيه لين شبعت...
ليالي/جيبي ندق على متعب نخبره ان صار عندنا,,,
قاطعتها اصايل/ماانتظرك...دقيت له وعطيته الرقم وسولفنا شوي وسال عنك وقال بيجينا الاربعاء وقال لي اسلم عليك وبكرة بيكلمك,,,,
ليالي/مشاءالله..
اصايل/مو اقولك ماانتظرتك وتعبثت فيه براحتي...ماعلينا شفيك اليوم؟
ليالي/انا ولاانتي؟
اصايل/انا!!!
ليالي/من رجعتي من عند جدي وانتي مو طبيعية...هو ضايقك بشي ولاكدر خاطرك؟
اصايل/ومن قال عاد ان ها الشيبة ولاكلامه بيهموني من الاساس؟
ليالي/عيب يااصايل هذا مهما كان جدي واكبر منا بالعمر والواجب علينا نحترمه...
اصايل/خلينا منه ومن سيرته..
ليالي/قولي شعندك؟
اصايل/شفت اخت ضاري؟
ليالي/ريم ولارانيا؟
اصايل/رانيا...
ليالي/وتكلمتوا مع بعض؟
اصايل/ابدا...بس مدري ليش ماحسيت اني مرتاحة لشوفتها..
ليالي/بالعكس انا قعدت معها مرتين وحسيتها حبوبة,,,
اصايل/تعرفيني مو مثلك ياليالي وعندي الناس كلهم طيوبين وزوينين؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طول الليل مانامت وافكار توديها وافكار تجيبها وبس طلع الصباح وراحت المدرسة بعد حراسة مشددة من نايف طلعت بعدين مع نور لين موقف الباصات مباشرة وكانها تتجاهل سيارة السايق اللي ينتظرها ولا حتى سيارة نايف اللي كانت واقفة بعيد....
تنفست الصعداء يوم ركبت ومشى الباص لمنطقتها المعتادة...
نور بهمس/تهقين شبيسوي لك؟
صبا وهي مغمضة عيونها/مدري...ومايهمني بعد....تعبت يانور تعبت...
نور/بودي اقولك تعالي عندي بس انتي عارفة نايف واطباعه بيمشكل ابوي معه وابوي انسان على قده مثل منتي عارفة..
صبا/عارفة انك ماراح تتخلين عني يانور...بس نايف معذبني بتصرفاته معي....ماني قاوية عليه..واللي ذابحني انه كل ساعة بحال...مرة رايق..ومرات دموي وشراني..ومرة ينحاف من سكوته.....صرت اخاف من نومتي جنبه يانور؟
نور/وهذا اللي مخوفني من ردة فعله لو طال انتظاره ومابينتي؟
صبا/انا مو هذا اللي مخوفني....اللي شاغلني صدق اللي انا رايحة عندهم ياترى بيضموني لو بيتحلوا عني ببساطة مثل ماباعوني!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

جاسر اليوم عنده حالة غير اعتيادية بوقفته قبال المرايا من كثر مايتعطر ويتكشخ....
كل امله انها تكون ريم اللي نامت البارحة مع شمايل وانه ينزل ويلقاها صحت من النوم ويملي عينه منها..بس ها المرة هو مصر انه يكلمها ويسلم عليها ويسمع صوتها وتكون البداية من طرفه هو....
بعد فترة طويلة قضاها وهو يرتب افكاره قرر انه ينزل علشان يشوفها يمكن صحت...
نزل الدرج على اقل من مهله وماصادف غير شغالتهم بوجهه تقول له انها جهزت له الفطور....
نايف وعيونه تلف شمال ويمين/وين الباقي محد صحى؟
الحدامة باستغراب/لا...كلهم ماناموا الا الصباح؟
بان عليه الضيق وقرر يطلع ياخذ له لفة حوالين البيت يمكن يشوفها تتمشى بنفس المكان اللي صادفها فيه قبل بس خابت امانيه وماشاف غير الفراغ وبس!!!
اخذ بعضه والقهر مضيق عليه انفاسه وطلع من البيت...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
ليالي/صباح الخير..
اصايل وهي تفرك بعيونها/صباح الانوار...
ليالي/ماتوقعتك تقعدين بدري...
اصايل/يعني مااكون متعودة على القعدة بدري هناك؟
ليالي/أي بس انتي هنا اميرة وماتخدمين احد,,,
اصايل/خاطري في بيتزا اللحين...
ليالي/قومي دخلي المطبخ وسويها...
اصايل/شوف اللي ماتستحي على وجهها!!هذا وانا ضيفة عندك المفروض تشيليني فوق كفوفك...
ليالي/هههههههه
اصايل/المهم جهزي حالك اليوم بنطلع السوق...
ليالي/أي سوق؟
اصايل/أي سوق حلو....
ليالي/ليه؟
اصايل/بيكون ليه يعني؟؟؟باخذ لي ثياب وبفصل لي عباية و..
قاطعتها ليالي/انتي ومنو؟
اصايل/انا وانتي؟
ليالي/من قال لك اني طالعة من بيت جاسر اصلا!!
اصايل بنرفزة/ليال خلاص عاد...انسي كلام جدك وعيشي الدنيا..
ليالي باصرار/انا مو رايحة أي مكان؟
اصايل بقهر/بروح مع عبير زين,,,,وانتي قعدي لين تعفنين وتموتين؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ام زيد وهي تبكي/ماني مصدقة عيوني ياصبا...
صبا وهي بحضن امها/اشتقت لك يايمه اشتقت لك....طمنيني عن صحتك؟
ام زيد/مو شاغل بالي غيرك يايمه ياصبا..قوليلي شلونك وشلون نايف معك؟
صبا ببكي/انا مو بخير يمه..ابيكم ماابيه!!!!
ام زيد/مقصر عليك يايمه؟
صبا بقهر/معذبني؟
ام زيد/حسبي الله ونعم الوكيل....
صبا/شسوى معه زيد يايمه....خلصوا خلاص؟
ام زيد/خلينا من زيد اللحين وخلنا فيك..انتي الاهم ياصبا..من وين جاية؟
صبا/من المدرسة...توني مخلصة امتحان وجيت هنا علطول.....
ام زيد/يعني زوجك مايدري انك جايتنا؟
صبا/عمره ولادرى؟؟؟ماابي ارد له يمه خليني عندك....
ام زيد/يايمه انا مو قده وقد باله الطويل...لاتطلعين من غير شوره مرة ثانية علشان لايزعل عليك واهم شي لاتربطين نفسك معه بعيال هذا واحد ماينضمن ابدا!!!
صبا بتردد وخجل/شلون يعني....شسوي؟
ام زيد/سمعي....
جاهم صوت زيد بقوة ومزلزل الارض/صبا
كانوا واقفين بالحوش قريب من الباب ولفوا له ثنتينهم ...صبا ماوقفها صوت زيد وقفتها وجمدتها نظرات نايف اللي كان جنبه واللي كانت تقول ان مصيبة بتصير لامحالة,,,,
ام زيد بخوف/صبا كانت....
نايف بقوة/كذا الناس اللي متربية ياصبا؟؟؟كذا!!!
تنفست بقوة وبلعت لسانها....
تقدم منها زيد والشرر بعيونه وجرها من يدها وهي لاحياة ولادم يسروون فيها...
زيد بعصبية/اعتذري من زوجك واذا عدتيها وطلعتي بدون شوره انا بدفنك بيدي؟
نايف لبس نظارته ومشى وهو يقول لزيد/حطها بسيارة السايق,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,
ابو عبد الرحمان/ماقصرتي يابنتي خوش ريوق عساني مااعدمه....
عبير/الف عافية على قلبك ...روعة تعالي هنا خل اغراض الباب بمكانهم؟
ابو عبدالرحمان/خليها تلعب لاتقيدينها..
عبير/بتعفس لك اغراضك يبى؟
ابو عبدالرحمان/وانا شعندي عاد!!!خليها بس على راحتها....الا اقول عبير..
عبير/سم يبى....
ابو عبدالرحمان/بنت اخوك شتسوي قاعدة هنا..مو ضاري قال مايبيها شخلاها ابوها تسوي هنا وماشالها معه؟
عبير/الله يسلمك هاذي فكرتنا انا واختي انها تقعد عندنا بها الاجازة...
ابو عبدالرحمان/وليش؟
عبير/بدل ماهي قاعدة هناك بروحها مع زوجة ابوها تقعد معنا...انت متضايق يبى؟
ابو عبدالرحمان/البنت مكانها بيت ابوها وماتطلع منه الا على بيت زوجها ولاعلى قبرها ياعبير...
عبير/يبى اللي بينا وبين اخوي مايعني ان احنا نترك بناته بروحهم ومانسال فيهم ولاانت ناسي انهم يتامى وماعندهم سند هناك يوقف بوجه زوجة ابوهم الي دايم ضدهم....وبعدين لاتنسى يبى ان اصايل طول عمرها مع اختها وفجاْة تتركها بروحها وتمشي عنها..ماهو عدل ان احنا نخليها,,,
ابو عبدالرحمان/أي بس انتي عارفة ان عمامها..
قاطعته عبير/لاتنسى يبى ان احنا عماتها بعد وقادرين نقوم فيها بدون اخواني ومنتهم علينا!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,

دخلت المطبخ ولقتها تعجن البيتزا....
اصايل من على الباب/ليالي...زعلتي من كلامي!!!
ليالي/لو كنت زعلت ماقمت اسوي لك بيتزا؟
تنهدت اصايل ودخلت المطبخ وسحبت لها كرسي وقعدت عليه/انا ماابيك تزعلين من كلامي..انا تهمني مصلحتك وماابي واحد مثل جاسر ولاجده يملون عليك حياتك؟
ليالي بهدوء/امي دايم كانت عند شور وماتطلع منه لين الله اخذ امانته...اصايل انا ياحبيبتي عارفة انا كل اللي بيني وبين جاسر توقيع على ورقة وبالاجبار بس انا لايمكن اطلع من بيته الا اذا الله اخذ امانته ولاحكم بينا!!!
اصايل/انا مدري ليش انتي راضية بها القدر ياليالي....انا لو منك وشفت متعب ودليت طريقه اتطلق من ها الجاسر واروح مع متعب؟
ليالي/...............
اصايل/قولي شي ليش ساكتة؟
ليالي بهدوء/فكرك ابوي بيتركني اروح مع متعب اذا تطلقت من جاسر؟
اصايل/مو لازم ابوي ولاغيره يعرف انك تطلقتي من جاسر اصلا!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
كل افكار ام زيد ذيك اللحظات كانت بصبا واللي ممكن انه يسوي فيها نايف اللحين؟
ظلت تدعي ربها انه يتلطف فيها ويحنن قلبه عليها شوي.....ماجاها ندم على عدم اعتراضها بها الزواج الا يوم جتها صبا تشتكي....هذا وهي ماسمعت شكواها ولاقالت لها عن نايف وسوالفه شي...بس الاكيد ان صبا ماراح تجي تشتكي من فراغ..بس لو ماوافقت على ها الزواج اكيد ان زيد بيكون انرمى بالسجن وخسر مستقبله وضيعهم زيادة وبيتقطع قلبها على ولدها بعد!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,
بها اللحظات كانت صبا توها داخلة الشقة وقلبها وقع تحت رجلينها من الخوف ومن توقعها اي شي من نايف حتى لو دخل المطبخ واخذ سكين وذبحها ماراح تستغرب منه لانها عارفة ومجربة منه وش يعني نايف معصب ومقهور منها!!
ماخاب ظنها اول ماقفل الباب حط يده على كتفها ولفها لجهته بقوة المتها,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

---البارت الثاني والثالث والعشرين---

*************************************

كانت يد نايف على كتف صبا ولفها لجهته بقوة المتها وعيونه شابة نيران العالم وهذا اللي خوف صبا وقال لها بكل شراسة وهو يضغط على كتفها/تدرين ان اللي يتركك تروحين مدرستك اكبر غبي بالعالم!!!!
بلعت ريقها وحست بالخوف اللي ماقد حست فيه مع نايف من قبل...
كمل وهو يشدها من شيلتها/انا تطلعين من وراي ياصبا وانا اللي منبه عليك!!!!انا تستغفليني وتتركيني انتظرك ساعة كاملة مدري فيها اذا كنتي عايشة لو ميتة!!!
طاحت شيلتها من عليها وطاح شعرها على وجهها وكره انه يشوفها جميلة ولاجذابة قدامه على الاقل بها اللحظات لين تتاْدب وتاحذ جزاها....
جرها من شعرها بالقوة وصرخت من الالم...
صبا ببكي/نايف تكفى فك شعري انا ماسويت شي....
نايف بصراخ/ماسويتي شي!!!طالعة بدون شوري وتقولين ماسويت شي!!!هذا مو شي بالله!!ماتقولين لي شنو الشي بنظرك يامتربية؟؟؟
صبا/انا رحت عند امي وانت ماتقدر تمنعني عن امي واهلي انا مو عبدة عندك؟
رماها على الارض بقوة كسرت عظامها وصارت تحت رجله ورفع رجله يدوس عليها وقال بشماتة/ها الزبالة اللي انتي عادتهم اهل انسيهم زين يابابا ماله داعي كل يوم اذكرك.....وانسي بعد شي اسمه مدرسة خلاص شيليها من بالك؟
رفع رجله عنها وتقدم للمكتب اللي بالصالة وشال كتبها عنده وراح لعند باب الشقة وهي تزحف وراه تترجاه يترك كتبها عندها بس لاحياة لمن تنادي ياصبا !!!
طلع وقفل عليها زنزانتها كا المعتاد بس ها المرة بقهر اكبر....تسندت على الباب وهي تمسح دموعها,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,محمد/متعب...شفيك صار لك يومين منت على بعضك؟
اكتفى متعب بانه يتنهد....
محمد/خير...صاير شي جديد معك,,
متعب/مفكر اني انقل شغلي والمكتب للشرقية؟
محمد باندهاش/متعب شسالفتك مع الشرقية انت!!صار لنا سنتين بس من فتحنا المكتب وانتقلنا من الشرقية للرياض واللحين يوم ربك فتحها عليك بتروح الشرقية من جديد؟
متعب تنهد وتسند على كرسي سيارته وقال/ظروف...
محمد بعتاب/لمتى بتعتبرني غريب عنك يامتعب وبتظل مسكر عني قلبك؟سنتين جمعتني فيك هنا بالرياض ومقابلك يوم بيوم...وش فيك ياخوي..سولفلي انا اسمعك...ولامعتبرني للحين غريب عنك ولاني قد شكواك وهمومك؟
متعب/لاتزعل مني يامحمد انا بس...
محمد/لاتضغط على نفسك وتقول اذا ماودك يامتعب..انا بس يهمني انك تعرف اني جنبك وماراح اتخلى مهما صار,,,
متعب بامتنان/عارف يامحمد وشاكر لك وقفتك جنبي...انا بس ظروفي متقلبة ومو قادر استقر....
محمد/تزوج يامتعب...ماراح يخليك شي مستقر بحياتك غير الزواج...
متعب برعب/اتزوج!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
كانت تقطع الفليلفة بذيك اللحظة وجرحت اصبعها بالسكين بدون ماتحس...
اصايل بخوف/انتبهي ياليالي..شوفي كيف جرحتي نفسك؟
ليالي بلامبالاة بجرحها/انتي شتقولين يااصايل ؟شنو يعني اتطلق من جاسر وفوقها ابوي مايدري؟؟
اصايل/وش فيها يعني؟
ليالي/انتي صاير لعقلك شي؟
اصايل/متعب معنا ياليالي وماراح يتخى عنا مهما صار..ولاراح يخلي جاسر لو غيره يذلونك بها الطريقة في التعامل؟
ليالي/ومتعب دايم لي ولك العمر كله يااصايل؟
اصايل/متعب ماعنده غيرنا واحنا ماعندنا غيره؟
ليالي/لايااصايل مو صحيح ها الحكي ابدا!!!متعب بتكون عنده حياة ثانية مع زوجته وعياله,,,
اصايل باندفاع/بس هو قال ان هتون تزوجت وتركته!!!
ليالي/وهو بضل واقف على الاطلال يااصايل؟حياته ابدى من انها توقف على ذكرى انسانة ماقدرت حبه...
اصايل/أي بس متعب هو املنا الوحيد بها العالم واذا قلنا له لاتتزوج ماراح يتزوج..
ليالي/وانتي ترضينها عاد لمتعب ياصايل انه ينحرم من حياته علشان يكون جنبنا!!لامستحيل انا ماراح ارضى بها الشي مهما صار يااصايل..متعب لازم تكون حياته انجح من حياتي وحياتك بالف مرة,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
وقفت سيارته عند البحر وظل مستند على كرسيه..
كان بين اللحظة والثانية يلف للكرسي اللي جنبه ويناظر بكتب صبا اللي رماهم باهمال ويتنهد بعمق....
ياترى هذا هو الصح يانايف؟انك تحرمها من اهلها ومن دراستها علشان تتفرغ لك؟
لا..مو صحيح انا بحرمها علشان تتاْدب وتسمع كلامي وماتكسره مرة ثانية...
هاذي راسها يابس وباسها قوي ولازم تفهم ان كلمتي وحدة ومااعيدها مرتين!!اذا قلت لها انسي اهلك تنساهم وماتلف وتدور من ورى ظهري....
بداخله كان بركان ثاير من اول ماعرف انها مو بالمدرسة وانها اختفت من قدام عينه بدون ماينتبه لها وهذا وهو مفضي نفسه لها ويلازمها بالروحة وبالجية تقوم تكسر كلامه وتروح عند اهلها..حس ان شياطين العالم كلها وقفت قباله ذيك اللحظة ونوى عليها بالشر...
بس اللحين كل مايتذكر شكلها وهي مرمية تحت رجله تسترحمه وتستعطفه وتترجاه يجس انه ارتكب خطاْ فادح بحقها وان مو صبا اللي المفروض تنرفع عليها يد وتضربها؟؟؟
امتدت يده لاشعوريا لكتبها وشال واحد منهم وقربه منه يشمه وهو يشم ريحة صبا فيه ويشوف صورتها....
,,,,,,,,,,,,,,,,,,,,,,,,,,,,,,,,,,,,,,,,,,,,,,
ريم/انتي وين معزومة ماقلتيلي؟
رانيا راحت لعند الباب وقفلته وجلست قبال اختها وقالت بهمس/انا مو معزومة..
ريم/شلون يعني؟
رانيا/بروح لليالي...
ريم/رانيا بقولها لك اخر مرة ابعد عن الشر وغنيلوه...
رانيا/مااعتقد ان ليالي هي الشرياريم..
ريم/حتى وان...احنا مو مسموح لنا بزيارتها ولاالكلام معها..
رانيا/ليش عاد!!!يتراواللي ان احنا بنات عم ولاانا غلطانة؟
ريم/منتي غلطانة بس لاتحطي نفسك بموقف تنحسدين عليه...
رانيا/ودي اعرفها اكثر واكثر...انا تفاجاْت يوم شفتها صراحة؟
ريم/أي بس انا اخاف احد من بيت عمي يشوفك داخلة ولاطالعة من عندها ويعلم امي وانتي عارفة امي سيرتهم ماتحبها...كيف لوعرفت انك عندها؟
رانيا/تطمني محدب يشوفني...بعدين هم مايواطنونها بعيشة الله...وازيدك من الشعر بيت شمايل تقول ان خالتهم وبناتها عندهم بيكونون ضيوف شهر كامل يعني مابيتركونهم وبيشوفون ليالي ومن يجي عندها؟
,,,,,,,,,,,,,,,,,,,,,,,,,,,,,,,,,,,,,,,,,,,,,
دق جواله ورد بملل/هلا...
غادة/هلا حبيبي
جاسر بتاْفف/خير في شي...
غادة/علامك متضايق؟
جاسر/انا بالدوام مو فاضي؟
غادة/جاسر...صار لازم نتكلم...
جاسر/عن شنو؟
غادة بتنهد/عن علاقتنا وعن ابتعادك عني ...
جاسر بملل/عن شنو عن شنو؟
غادة/عن ابتعادك عني ها الفترة...انت بالك مو معي اصلا من رجعت من السفر..انت متغير؟
جاسربنفس الملل/وبعدين؟
غادة/ممكن اعرف وش فيك؟
جاسر/مافيني شي....
غادة/أي بس انا حبيبتك مالازم تخبي علي أي شي...
جاسر/انتي شنو؟
غادة/حبيبتك..
جاسر/مين قال عاد!!!
غادة بافعال/شلون يعني ياجاسر...اذا ماكنت حبيبتك شكون بالله!!!
جاسر/لحظة لحظة,,,,انتي اصلا من فهمك انك حبيبتي!!انا عمري ماقلتها لك ولاحسست بها الشي....كل اللي بينا مجرد تسلية وبس...ولامفكرة انك بتحاولين تمثلين علي الدور وانك عشتي الجو وان انا اللحين لازم اعترف لك بها الشي....انسي يابابا..مو انتي اللي جاسر اختارها تكون حبيبته وناوي يكمل معها باقي مشواره ودربه!!
,,,,,,,,,,,,,,,,,,,,,,,,,,,,,,,,,,,,,,,,,,,,,
تهاني/شوفي اللحين بننزل عند مجمع الضهران..
اصايل/انتي متاْكدة اني ماراح اعطلك عن مذاكرتك...
تهاني/ابدا...وش احلى من الطلعة اصلا!!
اصايل/ترى انا كنت بجي مع عبير لو مادقيتي وقلتي انك جايتنا...
تهاني/انا من ليالي هانم مااقعد بها البيت دقيقة وحدة..
اصايل/سكتي لاتقهريني زيادة ..عجزت معها تقول طلعة من بيت جاسر ماهي طالعة خل جاسر ينفعها اذا دفنت روحها بها العالم...
تهاني/ليالي طيوبة بزيادة وبيت خالي ياخذون حق القوي مابالك بالضعيف؟المفروض انها تتغير وتغير من شخصيتها ولابتتعب معهم...ترى للحين ماوروها وجهم الحقيقي!!
اصايل/انسي...ليالي ماراح تتغير لو تغير ها العالم كله...بس خلنا حقانين هم مالهم فيها ابدا من دخلت بيتهم وحلقة الوصل جدك وبس!!
تهاني/قلت لك هي مابعد شافت وجههم الحقيقي نطري عليهم شو وبتشوفينهم وش يسوون فيها وبتذكريني ان شاءالله...المهم هذا بتلاقين فيه بناطلين حلوة...
اصايل/أي بس انا مامعي فلوس ومابعت...
تهاني/باخذهم منك بعدين لاتفكرين بخليها لك مجانية
اصايل/الله ياخذك على ها البخل اللي انتي فيه ولاكانك بنت عز وعندكم خير؟
تهاني/ههههه والله طالعة على خالي ابو عبداللله هههههه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
رجع لشقة بوقت ابكر من كل ليلة..كان يبي يراضيها ويصالحها بطريق غير مباشر بس المهم لايلقاها ميتة ولاغرقانة بدمها ولابعده مرمية بنفس المكان اللي كانت فيه الصباح,,,
تنفس الصعداء يوم مالقى أي اثر لدم ولالقاها طايحة بالصالة...راح غرفة النوم ومالقاها...دخل المطبخ وبعد مالقاها دور بالحمامات ومالها أي اثر...دق قلبه بقوة رغم انه متاكد مليون في المئة انها ماراح تطلع باي طريقة من ها البيت...تلف يمين وشمال وارتاح يوم لقاها قاعدة بزاوية من زوايا الصالة على الارض وهي ضامة ركبتينها لعند صدرها وتنظره بحقد مالي عيونها...
تقرب منها ورمى عند رجلها مجموعة اكياس ورفت راسها تناظره باستفهم بس ماتكلم...
قالت بصوت مبحوح من كثر البكي/شنو هذا؟
نايف بصرامة/ثياب شبيكونو يعني!!!!
صبا وهي تناظر بالاكياس/وليش جايبها عندي؟
نايف باحتقار/علشان تلبسينهم طبعا!!يتراواللي من حقي الاقي عليك ثياب محترمة مثل العالم والناس ماتلبس ...ثياب تروق لي انا بدل ها البيجامتين اللي معك واللي جابوا لي المرض من كثر مالبستيهم؟؟؟
صبا بعناد/انا مو لابسة لك شي انسى!!
نايف بتهديد/احلفي!!!شكلك ناسية وش مسوية اليوم؟
صبا بكبرياء مجروح/انا ماسويت شي...رحت اشوف امي مااعتقد اني اجرمت!!!
نايف/رحتي بدون شوري..يعني مشيتي كلامك فوق كلامي؟
صبا/.................
نايف/قومي لبسي لي واحد بسرعة ترى المطعم جايب العشى اللحين؟
صبا بنفس العناد/واذا مالبست وش بتسوي؟
نايف/ولاشي...بس تراني اعرف البسك بنفسي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

تهاني/تعالي امشيك على كورنيش الخبر بس....
اصايل/ماابي نتاْحر عن ليالي تاركينها بروحها حرام...
تهاني/يابنت الناس تونا مكلمينها وقالت انها بتنام شوي لين نرجع...
اصايل/ولو انا مااحب اتركها واطلع غير انها قهرتني اليوم ولا بكرة بخلي عبير غصب تجيبها معنا اذا رحنا نبيع الذهب...
تهاني/كم بتعطوني اذا بعتوه؟
اصايل/ولاريال..ليش نصرف على عميان احنا؟
تهاني/زين ياست اصايل بتشوفين اللي توريك الشرقية كيف صايرة؟
اصايل بكبرياء وهي تضحك/ماني بحاجتك ياقلبي...
تهاني بفزع/اصايلوا...
اصايل/خير..
تهاني/من هذا؟
لفت اصايل للجهة اللي تاْشر عليها تهاني ووقف قلبها يوم شافت ضاري طالع من د.كيف وبيده قهوته وباليد الثانية ماسك الجوال يسولف فيه..
تهاني/ها..اشوف خرستي من شفتي ولد خالي!!
اصايل باصرار/ابي اروح اكلمه؟
جرتها تهاني للجهة الثانية وصاروا يمشون بهرولة..
تهاني/هنا بنوصل لنهاية الشارع اللي هو يمشي فيه اسرع منه...علشان اذا هو بيطلع لسيارته تطلعين بوجهه..
اصايل/ياعمري انتي ياام الافكار روحي عسى ربي يوفقك وتنجحين بها الامتحان اللي مافتحتيه بس انتي ماعليك خوف تنجحين وانتي مغمضة..
تهاني وهي تدفها قدام/روحي عساك ماتتوفقين انتي مع لسانك اللي يغث!!وش ها الحكي ياحسودة؟
اصايل/خلاص قصري حسك كاهو تقرب من هنا...ويلي احس ان انفاسي تقطعت من كثر الركض...
تهاني/انا بوقف قريب علشان لاتفوتني ولاكلمة...
تقرب ضاري منهم وهو بعده مشغول بمكالمته لين صارت اصايل بوجهه...ظل يناظرها ثواني وبعدها اعتذر عن مكالمته وسكر تلفونه بسرعة وظلوا يناظرون في بعض...
قطعت الصمت اصايل وقالت بصوت لاهث/ضاري شلونك؟
مارد عليها بس ظل يناظرها ويتفحصها من فوقها لتحتها وحمدت ربها ان شكلها مقبول والفضل يعود لتهاني هانم اكيد....
ضاري بعد صمت طويل/شتبين يادانة؟
اصايل مسوية انها مرتاحة ومبتسمة/زين انك مانسيت اسمي....
ضاري/سالتك وش تبين؟
اصايل وهي تبلع ريقها/ابيك تروق مااحب اشوفك معصب...
ضاري/ومن قال اني معصب؟؟؟انتي ليه تكلمين وكان احد يطاردك؟علامك تلهثين جاية تركضين انتي!!
اصايل/أي..شفتك من بعيد وخفت تمشي قبل لااسمع صوتك ..
ظل يناظرها بدون مايتكلم وهي حست بالارتباك من نظراته الجريئة لها وبداخلها تبي تغسل شراعه بس مسكت نفسها..
قال لها بعد سكوت/انتي جاية بروحك هنا؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ليالي/زمان عنك..
رانيا/توني فضيت وخلصت امتحاناتي...
ليالي/ربي يوفقك ان شاءالله...
رانيا/انتي دايم قاعدة هنا ماتطلعين؟
ليالي/ليش وين تبيني اروح؟
رانيا/أي مكان..وكل مكان..لاتنسين انك حرة؟
ليالي/أي بس انا مقدر اطلع بدون شور ولد عمي...
رانيا/ليه هو مايرضى تطلعين؟
ليالي/لامو كذا السالفة بس اطلع وين اروح وشسوي....عماتي ويجون عندي....
رانيا/انا منك ماارد هنا الا بوقت النوم بس!!
ليالي/..........
رانيا/انتوا مو متفقين ان كل واحد يعيش حياته مثل مايبي؟
ليالي/.....................
رانيا/ابي اسالك سؤال ومنحرجة منك....هو طلب مو سؤال؟
ليالي/لاعادي تفضلي..
رانيا بتردد/عندك صورة لااصايل اختك....ابي اشوفها....
ليالي/صورة لااصايل؟؟
رانيا/أي....
ليالي/ليه!!!
رانيا/ودي اشوفها...
ليالي/طيب شوفيها على الطبيعة بدل الصورة؟
رانيا/انتي عارفة ان احنا مانروح عندكم ولاانتوا تزورونا كيف بشوفها؟
ليالي/أي بس اصايل هنا...موجودة معي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كانت تتامل بنفسها قبال المرايا بعد مالبست الثوب ..حست نفسها غير...
حست انها انسانة ثانية غير عن اللي تعودت عليها وتشوفها دايما....
لاول مرة تلبس ها اللبس بحياتها..ولان جسمها ضئيل وحجمها صغير صار الثوب كبير عليها رغم انه باصغر مقاس!!
فتحت شعرها وتركته يطيح عليها باهمال وانسيابية وحطت لها كم خصلة على جبينها...كانت ملامحها جميلة وهادية بدون أي مساحيق تجميل...
ظلت تناظر بالاكياس المرمية تحتها واللي كانت كلها ثياب وعطورات وكريمات واكسسوارات جابهم لها نايف...
شق دانت غريب ياولد التميمي!!!في شي فيك مو قادرة افهمه ابدا!!!
في الصباح كسرت عظامي وبغيت تموتني لاني طلعت بدون شورك....واللحين جايب لي ثياب واشياء حلوة وكانك تراضيني فيهم!!!
انت شسالفتك يانايف شسالفتك....لاوفيها السالفة عشى بعد!!!!
من جد حيرتني معك ومو قادرة اعرف شلونا تعامل معك......
دخل بيناديها علشان تجي تتعشى معه..لقاها واقفة قدام المرايا وهي مغمضة عيونها وتفكيرها رايح لاابعد سما...
كان يناظرها بالثوب اللي من كثر وسعه عليها كانت خيوطه طايحة على جنب باهمال وعاطيها جمال....
ظل واقف يتامل فيها...فيها شي ها البنت قاعد ياْثر فيه...
مو قادر يتحمل يفارقها ابدا من اخذهاوكل مانوى يبتعد عنها اكثر واكثر لقاها تشده ناحيته بجمالها.....وعنادها!!!
ماقدر يقاوم بعده عنها...تقرب منها بخفة وحوط خصرها بيدينه وفتحت عيونها بسرعة وشافت قدامها بالمرايا وهو حاضننها ...
صبا بجفاء شديد/تبي شي؟
كان وده يذبحها بس مارد عليها ظل واقف مكانها ماتحرك...
صبا قهر/عظامي كلها تعورني من طيحة اليوم فلو سمحت بعد شوي عني!!!
بعفوية ابتعد عنها وهو يناظر بجسمها بخوف....معقولة تكون صدق متعورة وهو مايدري عنها!!!!
انتبهت صبا لنظرات الخوف بعيونه وحست انه فيه شي تغير....
يوم لقاها تناظره انتبه على نفسه وقال لها بقوة/يالله لايبرد العشى؟
,,,,,,,,,,,,,,,,,,,,,,,,,,,,,,,,,,,,,,,,,,,,,

اصايل بخوف/ليش تسال؟
ضاري/مجرد فضول؟
لفت جهة تهاني وقالت/معي صديقتي....
ضاري/ماعندك اختبارات تذاكرين ولا انتي بالجامعة؟
اصايل باندفاع/ضاري انا احبك.....
طاح كوب القهوة منه وحس بالارتباك...
كانت نظراتها مو طبيعية ابدا بالنسبة لضاري ولو هو شخص ثاني كان شاف فيهم كل كره العالم بس كلمتها خلته يقراْ نظراتها على اللي سمعه منها...
ضاري/ماتحسينها جراْة منك تقولينها؟
اصايل بتنهد/تعبت...تعبت وحبك مغلبني وانت صخر ماتحس!!!
ضاري/من زمان انتي تعرفيني!!
اصايل وهي تغمض عيونها/أي من زمان.....
رنت كلمته في بالها ذيك اللحظة وثارت فيها كل شياطينها(بنتك ماتسوى تكون عندي خادمة!!!)
مافتحت عيونها الا ودموعها سبقوها..
ضاري وهو يشوف دموعها/فيك شي....
اصايل/انت ماتحس لانك ماتحب!!!انا متحملة منك ومن حبك الويل ياضاري!!!فاهم يعني شنو الويل؟؟؟
ظل بمكانه متردد وكانه فقد بكلامها كل شخصيته وهيبته وحضوره...
اصايل/انا بظل احبك لااخر نفس فيني!!
ضاري/عندك وقت نتكلم.....
اصايل/لا....
ضاري/لا....
اصايل/مقدر زوجة ابوي ماترضى اتاخر اذا طلعت وانا اصلا كنت راجعة البيت بس شفتك وماقدرت امشي بدون مااسمع صوتك...
ضاري/طيب.....وفنا نكي على التلفون؟
اصايل بحزن/لاانا ماعندي تلفون خاص فيني وتلفون البيت مقدر اكلم منه لانها دايم تكون حاطة اذنها وتسمع...
ضاري بضيق/كيف يعني؟
اصايل/............
ضاري/طيب فيني اشوفك بكرة؟
اصايل/وين؟
ضاري/باي مكان تختارينه؟
لفت اصايل لتهاني لانها تورطت وتبي المساعدة,,,,,
ضاري بنرفزة/مني هاذي؟
اصايل/صديقتي...واللي اطلع معها دايم...
جت تهاني عندها وجرتها من يدها وقالت /بكرة بنروح فينسيا مول بعد صلاة المغرب.......
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
على طاولة الطعام كان الجو هادى جدا الا من صوت التلفزيون اللي شغله نايف يمكن علشان يكسر صمتهم....
كانت شاردة بافكارها لبعيد ورفعت راسها لقته يناظرها قالت باستعطاف/بكرة مافيني اروح الاختبا
قاطعها بصرامة/قلت لك انسي شي اسمه مدرسة؟
تنهدت بقوة ومسحت دمعة بانت بطرف عينها....
كل اللي كانت تسويه انها تلعب بالملعقة.....
نايف باحتقار/والله صد ق قوية باس!!!لك عين تسالين بعد اذا فيك تروحين لو لا؟
صبا ببراْة/انا ماسويت شي يانايف...
نايف بصراخ/لاتقولين لي ماسويت شي؟؟؟؟
انكمشت على روحها من صوته العالي وقرب منها صحن المشاوي تاكل منه..
صبا/مااحب اللحم ولاالدجاج؟
نايف بنفس الاحتقار/صدق بنت فقر ومو متعودة على الاكل؟اكيد كل اللي تاكلينه بحياتك برتقال وتفاح وبطاطس مقلي!!!
قامت بنرفزة وقالت بصراخ/لاتقعد تعايرني كل شوي بفقري!!انا ماضربتك على يدك وقلت لك تعال.....
نايف/قعدي بس قعدي....
صبا بعناد/مو قاعدة ماابي شي بروح انام...
نايف بصراخ زلزلها/قلت لك اقعدي....
قعدت بسرعة ودموعها متجمعة بعيونها...
كمل بنفس صراخها/ثاني مرة ماتقومين من السفرة وانا بعدني جالس!!!!وماتتركيي اكل بروحي!!!وماترفعين صوتك لاني بمجرد اسمعه عالي بيجيك كف يسكتك....
مسكت الملعقة وقامت تاكل بالتبولة وهي مالها نفس بس لانها ماتبي ترفع راسها وتشوفه....بها اللحظات هي حاسة بكل ذل ومهانة منه.....كل شوي وقال لها بنت فقر....نزلت منها دمعة ماغابت عن نايف اللي تنهد بقوة ولام نفسه على تسرعه معها...
قام من على السفرة وراح جلس قبال التلفزيون..
قامت وراه وجت بتدخل الغرفة..
نايف/وين؟
وقفت مكانها ومالفت له/بروح انام؟
نايف/انتي ماتسمعين الكلام؟توني اقولك اذا انا جالس ماتقومين.....
رجعت بتجلس وناداها تجلس جنبه......
تقربت منه بتجلس ومسكها من يدها وخلاها بحضنه...
حست بالارتعاش منه ...
حركاته وتصرفاته يخلونها تموت من الخوف..
نايف وهو يغير بالقنوات/وش تبين نشوف؟
قالها بهدوء وهو يناظر بالتلفزيون...
ضحكت ضحكة شماتة واحتقار.....
لف لها نايف..../خير في شي يضحكك؟
صبا بعناد/اقول نايف التلفزيون مو مشمول عندك ضمن انواع الترفيه بسجني الانفرادي هذا!!!اشوفك تاركه لي وماشلته؟
نايف/مو راد عليك...
صبا /لاتكفى رد علي لانك لو مارديت بقعد اترجاك لين الصبح؟عمرك مارديت وانا بموت يعني لو مارديت علي؟
جاها كف على خدها وهي بحضنه سكتها مرة وحدة....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
في السيارة....
تهاني/علامك قلبتي مرة وحدة وقمتي تبكين؟
اصايل وهي تمسح دموعها/انا مااسوى عنده خدامة!!!بيشوف لكن اذا ماخليته مايسوى عندي سايق؟؟؟
تهاني بمؤاساة/اصايل خلاص حبيبتي انسي السالفة ليش تتركينها تاْثر عليك؟
اصايل/والله لاادفعه ثمنها غالي!!!على باله الناس ماتحس ولاتنجرح من كلامه؟؟؟
تهاني/والله انا اللي اشوفه انك قربتي توصلني له...بس ليش ماكنتي تبين تسولفين معه اليوم وكذبتي عليه؟
اصايل/مدري حسيتا ني لو وقفت قباله دقيقة بطلع كل اللي بقلبي....ابي اجيه وانا رايقة والعب عليه عدل مو كذا!!!
تهاني/................
اصايل بتوعد/الوعد بكرة ياضاري.....بنشوف ياولد عمي بنشوف منهو اللي بيركض يبي ود الثاني ؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,

 
 

 

عرض البوم صور بياض الصبح   رد مع اقتباس
قديم 21-08-10, 06:50 AM   المشاركة رقم: 17
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الرابع والعشرين---

*************************************
اصايل/بنشوف من يركض ورى الثاني يبي وده ياضاري؟
تهاني/انتي وش هدفك بالضبط يااصايل ؟
تنهدت بقوة ومسحت اخر دمعة كانت عالقة فيها وقالت/تصدقين مدري...كل اللي مر على بالي اني اعلقه فيني لو قدرت...بس بعدها ما فكرت وش اللي ممكن اسويه...
تهاني/.................
اصايل/كل اللي اعرفه اني ابي اهينه مثل مااهاني واذله باي كلمة ولا حركة...
تهاني/خلاص روقي بقولك خبر حلو...
اصايل/شنو؟
تهاني/لا تروقي بالاول؟
اصايل/خلاص رقت قولي....
تهاني/احم احم احم....انا بنام عندكم الليلة؟
اصايل/مالت على ها الخبر الشين!!!!
تهاني/اووووف كذا تجرحين مشاعري بدون اهتمام!!!
اصايل/هههههههههههههه يالله قومي بس وصلنا خل نشوف اخبار ليالي من فراقنا.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,
عطاها كف وهي بحضنه وياليته ماعطاها وهذا هو احساسه بالذنب معها...دايم يجي متاْخر ويندمه على اللي سواه بعد مايفوت الوقت......
قامت عنه بكل عصبية ويدها على خدها وهي تحاول تمسك نفسها لاتبكي قدامه..
مسك معصمها قبل لاتمشي وقال بكل برود مغاير لمشاعره اللي متاْججة بذيك اللحظات/على وين ان شاءالله؟؟
صبا بكل حرقة/على جهنم الحمرة انت وش لك فيني!!!
نايف/صوتك شوي عالي....لاتخليني اعطيك كف ثاني ياْدبك؟
صبا وهي محترقة/يالله كفحني مثل ماتبي اذا كان هذا اللي تبيه!!!!يالله هذا انا واقفة قدامك ...
نايف بصراخ/قلت لك قصري لسانك لابقصه لك سمعتيني ولالا؟
صبا بصراخ/لاماسمعتك ولاابي اسمعك بعد زين؟؟؟؟طلقني اذا انت رجال وكلمتك كلمة رجال طلقني!!!!!
جرها من شعرها ورماها بحضنه وقال لها وهو يحضنها بالقوة/موتي بنارك مو مطلقك يابنت الفقر؟؟
صارت تضربه بيدها على صدره وهي تبكي /انا اكرهك يانايف اكرهك....عمري ماكرهت احد بالعالم بس انت جابرني على كرهك؟
نايف بهدوء/اكرهيني مثل ماتبين وحطي في بالك ان ها الكره متبادل بينا لاني مااطيق اسمع صوتك حتى!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
رانيا بخوف/انتي تنتظرين احد ياليالي؟
ليالي/لا...بس هاذي اكيد اصايل رجعت لانها قالت مابتتاْخر؟
را نيا/ليش هي وين رايحة بروحها؟
ليالي/لاهي مو بروحها هي مع تهاني بنت عمتي.....
قامت تفتح الباب ودخلوا تهاني واصايل بصوتهم العالي..
تهاني/اكيد اشتقتي لنا..
اصايل/لي مو لك ؟كلا عارف قيمة نفسه وقدرها....
وصلوا للصالة وسكتوا ثنتينهم يوم شافوا رانيا واصايل لفت على ليالي بسرعة ,,,
تهاني بتفاجىْء/رانيا!!!
رانيا/ماوراك اختبارات؟ولاناوية تعيدين السنة؟؟؟خبري اللي بثالث ثانوي مايرفعون راسهم من الكتب؟
تهاني بتطنيش/خلصت مذاكرتي وحسيت بخنقة اخذت اصايل وطلعنا نغير جو.....
رانيا رفعت راسها لااصايل اللي كانت تناظرها من بعيد لبعيد......
رانيا وهي مبتسمة/اهلا......
اكتفت اصايل بانها تناظرها من فوقها لتحتها وتدخل الغرفة الثانية بدون ماترد عليها وتهاني وليالي يناظرون في بعض....
رانيا/عادي....بعد اللي صار انا مو متوقعة منها سلام حار اكيد؟؟؟
ليالي بخجل وتردد/لامو كذا السالفة.....
رانيا شالت شنطتها/انا ماشية بمرك بوقت ثاني.....قلتيلي هذا جوالك صح؟
ليالي/أي.....
رانيا/خلاص بيكون بينا اتصال اجل.....مع السلامة...
ليالي/بعدها وقت....
رانيا/لاماعليه مبين اصايل متضايقة روحي شوفيها انا بمرك بوقت ثاني......
تهاني/سلمي على التؤام؟
رانيا/يوصل...تصبحون على خير......
بعد ماطلعت...
ليالي بنرفزة/شفيها هاذي؟
تهاني وهي تشيل عبايتها/لاتلومينها توها شايفة ضاري وماْثرة شوفته عليها بالمرة!!!
ليالي/وين شافته؟
تهاني/عطيني شي اشربه علشان اقولك لي صار..
ليالي/وانا اشتغل عندك ان شاءالله!!!قومي شربي بنفسك وتعالي سولفي؟؟
تهاني/انتي واختك ناكرين جميل ومعروف ونعمة؟
ليالي/باقي بعد من الشباب اللي تعرفينهم ماقلتي اسمه!!
تهاني/هههههههههههههه عجبتني صراحة؟
وقفت ليالي/اقوم اشوف اختي ابرك لي من مقابلك ياحظي؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ماصدقت على الله يجيه تلفون علشان تتحرر من حضنه وتقوم ,,,
ركضت للحمام وفتحت الدوش وقعدت تحته....
كانت تبكي وتبكي وتبكي بكل قهر...وتلعن الحظ اللي رماها تحت رجله....انسان ماعنده ضمير,,,انسان عنده انفصام بالشخصية,,,,انسان متجرد من معنى الانسانية ان صح لها التعبير!!!
ماتدري ليش تتنفس بحريتها بعيد عنه.....وكل ماتحاول تربط بين تصرفاته تفشل,,,,,
الشي الوحيد اللي هي تاْكدت منه انه عنده حالتين منفصلتين طول ماهو قاعد معها.....
حالة كره واستعباد للوقت العادي...وحالة شفافية زصدق بالمشاعر بالحالات الخاصة!!!
الحالات الخاصة.....فكري فيها ياصبا....نايف بذيك اللحظات يكون انسان ثاني معك ليش ماتستغلينه لصالحك!!!!!
قطع عليها تفكيرها صوت الماي اللي وقف فجاْة وفتحت عيونها اللي كانت مغمضتها ولقته واقف بطوله قدامها وماد يده بالمنشفة لها ويقول لها بلوم/انتي طفلة انتي!!!!ليش تسوين ها الحركات...علشان تمرضين؟
صبا لزقت مكانها وقالت بعناد/مالك شغل فيني!!!!
نايف بامر/قومي....مو زين الوقت خريف وقعدتك تحت الماي كذا تضرك ماتنفعك؟
صبا بنفس العناد/بكيفي.....خلني امرض...انا ابي امرض علشان ارتاح وترتاح مني!!!!
نايف باندفاع/ومن قال اني برتاح اذا مرضتي عاد ياصبا!!!!
رفعت راسها تناظره باستفهام عن كلمته وتلاحق نفسه وقال/يعني انا حاط في بالي امرضك واموتك بطريقة ثانية مو كذا!!!
تنهدت بقوة وغمضت عيونها من جديد.....شي فيه ماهي قادرة تحدده بالضبط؟واي كلمة من اللي قالهم هي الصادقة؟
نايف/يالله قومي...
صبا بانكسار/ابي اروح بكرة احضر الاختبار....
نايف/أي على عيني.....
صبا وقفت وقالت بفرح/صدق!!!!
مسك يدها بدون مايرد عليها وقومها من البانيو ويوم وصلت لحضنه ابتسم بخبث وقال لها/بحلمتك الليلة خلصي كل اختباراتك لانك ماراح تشوفين شي من ريحة المدرسة بعد!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ريم/شفيكم؟
ضاري/.............
رانيا...................
ريم/عسى ماشر كل واحد سرحان بدنيا.....
كان ضاري شارد بفكره بعيد ورانيا بعد بس النقطة اللي جامعتهم اثنينهم بدون مايدرون اصايل....!!!
رانيا كانت تفكر فيها...شافتها كذا بالسريع وحستها جذابة,,بمعنى اخر فيها لمحات جمالية ماتصورتها ولاحطتها في بالها اصلا!!!!
بس طبعها اكيد غير عن طبع ليالي ومبين انها مو سهلة....لانها مافكرت اصلا توقف ترد السلام!!!!
انا شايفتها بس وين...تذكري يارانيا تذكري......
أي بس هي نفسها اللي كانت واقفة مع عمتي ام احمد قبل ليلتين عند ملحق جدي؟؟؟؟؟
ضاري بعد كان فكره مشغول فيها وفي اللي بتقوله بكرة واللي هو بيقوله,,,,,جريئة ها البنت....فيها شي غير عن البنات اللي تعود يشوفهم بالاسواق والمجمعات والشوارع...جرئتها نابعة من حرقة,,,,قالت كلمة احبك بطريقة اثرت فيه شلون مايدري!!!
كل اللي يعرفه انه ارتبك يوم سمعها تقولها......
تنهد بقوة وهو يتذكرها....مايدري ليش فيه رغبة قوية تلح بداخله انه يشوفها مرة ثانية....
معقولة ها البنت تحبني من زمان مثل ماقالت!!!!
وهل يعقل ياضاري انك انت بعد تبادلها مشاعرها وتحبها بيوم من الايام؟؟؟؟؟
هل يعقل ياضاري انك تنسحر وتنجذب لدانة وتميل صوبها؟
وهل دانة بتكون هي البنت اللي انت ناوي تعيش معها قصة حب عاطفية قبل الزواج وتكملون بعدها حياتكم ,,,
اترك كل شي للايام ياضاري ولاتستعجل بالتفكير في أي شي,,,,,
ريم/ياساتر عليكم,,,,انا ادفع نص عمري علشان اعرف ضاري باشا ورانيا هانم بشنو يفكرون وسرحانين؟
تنهد ضاري ومارد عليها...اما رانيا قالت بتمتمة/ولاشي ,,,,,
ريم/انتوا شايفين اشكالكم كيف صايرة علشان تقولون ولاشي؟
ضاري قام عنهم بدون أي كلمة ونظراتهم تشيعه....
رانيا باهتمام/اول مرة اشوف صافن بها الطريقة؟؟؟تتوقعين شفيه؟؟؟
ريم/قبل لاارد عليك عن ضاري خلني اسالك انتي شفيك؟
رانيا/....................
ريم/ماعدت الجلسة على خير؟؟؟
رانيا بتنهيدة/مين تتوقعين شفت اليوم؟
ريم بخوف/احد شاك من بيت عمي!!!
رانيا/لالا....شفت اصايل ياريم؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
كانت قاعدة على الارض بالغرفة الخالية من كل شي الامنها وجلست ليالي جنبها....
ليالي/اصايل..شفيك ياقلبي؟
اصايل بتنهيدة/شتبي جاية هاذي هنا؟
ليالي/اولا هاذي بنت عمنا...ثانيا احنا ماشفنا منها أي مضرة بعد ليش متضايقة من وجودها؟
اصايل بانفعال/كلهم ماشفا منهم أي مضرة تدرين ليش؟؟؟لان مابعد صار الوقت اللي يطلعون الشي اللي بداخلهم علنا!!!
ليالي/انتي ليش كارهة الكل؟
اصايل/لان الكل كارهنا.....
ليالي/..............................
اصايل/.............................
ليالي/تكلمتوا مع بعض؟
اصايل بتنهيدة/أي......
ليالي/ناوية تكملين ها ا لمسرحية يااصايل ؟طيب لمتى؟واذا عرفك منهو انتي مافكرتي شراح يصير ولا ردة فعل ابوي شبتكون؟
اصايل/مو ناوية اعرف بنفسي بالوقت الحالي....
ليالي/خير ان شاءالله شكلك ناوية تطولين وتعرضين بالسالفة معه؟
اصايل/لين افكر كيف ارد له اهانته وهو بالقمة ياليالي؟
ليالي/بعدي عنه يااصايل خله يولي......
اصايل بعناد/مو قبل مااذله ياليالي مثل ماذلني واحتقرني,,,,,
ليالي تنهدت بقوة/قومي خل نطلع تهانيوا بروحها بالصالة....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
اليوم الثاني,,,,,
في الشركة اللي يشتغلون فيها جاسر وضاري....
جاسر/خير ان شاءالله...السرحان ماخذ حيفه فيك؟
ضاري بتنهيدة/شخبار جنيتك؟
جاسر بفرحّ/ليش ماقلت لك....
ضاري/شفتها؟
جاسر/طلعت بنت خالتي....
ضاري/صدق!!!واحد مايدري منهم بنات خالته ياحظي!!!
جاسر/خبرك فيني مااشوفهم بالمرة بس اللحين بقعدتهم عندنا بالبيت بتنفتح لي كل الابواب وبتتسهل...
ضاري/يعني حكيتوا مع بعض؟
جاسر/لا لسه...
ضاري/ومتى ان شاءالله ناوي تحكي معها....
جاسر/ابي اشوف فرصة مناسبة وادخل منها....
ضاري/ترى مثل ها الفرصة ماراح تكرر مرة ثانية يعني يبيلك تستغل قعدتها معك بالبيت لانها اذا راحت صعب تتكلمون بحريتكم لانها مو شرط تكون فاتحة لك المجال!!
جاسر/عارف ياضاري....بس انا متوهق مدري شلون حاس بالارتباك لاتنسى ان امها واختها الثانية موجودين واحس اني بحضرتها بنسى كل العالم حواليني,,,,,
ضاري/.....................
جاسر/انتش فيك حاسك مو على بعضك؟
ضاري/البارحة صادفت دانة على الكورنيش؟
جاسر/المجنونة ماغيرها؟؟
ضاري/هي من ناحية مجنونة فهي فعلا مجنونة تصور البارحة من شافتني قالت لي احبك!!!قالتها بكل حرقة ونار في صدرها.....
جاسر/.................
ضاري/شي بداخلي تغير يوم سمع ها الكلمة منها ليش مدري؟رغم اني التقيتها قبل بس البارحة حسيت اندفاع مشاعرها يطلع من قلبها ويوصل قلبي بدون حواجز,,,,شي غريب سرى فيني مو قادر اشوف له أي تفسير....
جاسر/وغير احبك وش قالت؟
ضاري/ولاشي!!
جاسر/هي جاية تقولك احبك وتمشي بس!!!!
ضاري/كانت متاخرة على البيت وماتبي تطول معي كثير وقالت انها اليوم بتروح فينسيا مول.....
جاسر/وطبعا انت بتروح تشوفها؟
ضاري/في حكي لازم اسمعه منها ولازم هي تسمعه مني؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
اصعب شي الشعور بالوحدة والغربة والعيش مابينهما..
ها الشي هو اللي كانت صبا متعذبة منه....
كانت جالسة بنص الفراش وهي تناظر بالغرفة من حولها.....
شقة ماْثثة من افخم مايكون وعلى اروع الديكورات كل اللي تبيه موجود وكل اللي كانت تحلم فيه كاهو متحقق لها,,,,
شي واحد بس كان ناقصها....الونيس اللي يرد عليها الصوت!!!!!
بها اللحظة بس تمنت انها تعيش على حصير بالشارع وتتنفس مع باقي الناس وتشوفهم بدون أي تعقيد ولاانها تقعد بها المكان الفخم وبروحها!!!!
حتى نايف ماتشوفه غير اخر الليل اذا خلص من كل اشغاله ...
طول يومها جالسة بروحها لين حست انها بلحظة من الللحظات بتكلم الجدران من الجنون اللي قرب يصيبها!!!!
اه منك يانايف اه,,,واه منك يازيد ..انت اللي رميت اختك ها الرمية ومااهتميت.....باهمالك وطمعك وعماك عن الحلال والحرام!!!
محد دفع الثمن بينكم غيري وانا اللي كنت معترضة عليكم وعلى اللي تسوونه بس شقول ياربي....اذا انت كاتب لي ها النصيب مقدر اعترض بس خفف عني ياربي لاني بموت.....
ناظرت بالساعة اللي قبالها وهي تعد الوقت للبات اللحين اكيد دخلوا يمتحنون الفترة الثانية!!!
مسحت دموعها وكتمت شهقتها وحطت راسها تحت المخدة علشان تتجاهل وضعها...حتى الاختبارات ياصبا انحرمتي منها لانك فضلتي تشوفين امك وتتطمنين عليها!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ليالي/طبعا انتي اللي مكلمة عبير؟
اصايل/أي....
ليالي/ليش يااصايل انتي معها تكفون انا اروح شسوي؟
اصايل/وانا اروح شسوي!!!!حالي من حالك وعبير ماهي راضية تروح بروحها تقول الذهب لكم وووقت بيعه انتوا لازم تكونون موجودين...فاذا انتي مارحتي انا مو رايحة؟
ليالي/............
اصايل/هي اللي كانت داقة صح؟
ليالي/أي.....قالت انها بتكلم جاسر تاخذ لي اذن علشان اطلع معها اليوم...
اصايل/حلو....يعني انتي برى السالفة ليش مضايقة حالك مو انتي اللي بتتنزلين له وبتكلمينه؟
ليالي بتردد/واذا مارضى؟؟؟
اصايل بعصبية/كيفه هو مايرضى بعد!!!
ليالي/انا اقول لو.......
اصايل/طنشيه...
ليالي بتعجب/كيف اطنشه وهو ولي امري!!!
اصايل بنفس الاسلوب/ولي امر على الورق وبس!!!!بالحياة ماله عليك أي حقوق ياليالي,؟؟
ليالي بتنهيدة/قومي لبسي عبايتك...
اصايل/وين؟
ليالي/بنسير على جدي اليوم هنا ماهو في بيت عمي....
اصايل/مو رايحة له ؟؟؟علشان اغث حالي بس!!!
ليالي/عن العناد ويالله قومي؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
شمايل/عيدي عيدي وش قلتي!!!
حنان بنت خالتها/اللي سمعتيه.....
شمايل/لاتضحكيني؟
ريم بتاْييد/أي والله خوش فكرة,,,,
شمايل باشمئزاز/وش تبون تسوون فيها عاد؟
حنان/نغير جو ونتشمت فيها براحتنا.....هتون وش رايك انتي؟
هتون/...................
ريم/وينك انتي غرقانة بها السرحان نكلمك احنا؟
هتون/......................
ريم دفتها بيدها وانتبهت من سرحانها...
هتون/ها...وش صاير؟
حنان/اللي ماخذ العقل يتهنى فيه؟
هتون بكبرياء/شرد فكري بسالفة قايل لي عنها جاسر امس.....ماعلينا شكنتوا تقولون؟
شمايل/حضراتهم يبون يشوفون ليالي بنت عمك وحرم اخوك المصون؟
هتون/وش تبون فيها؟
حنان/نبي نسخر عليها براحتنت ونغير جو ههههههه
ريم/مو تقولون قروية ومتخلفة...بدل محنا قاعدين فاضيين نقلبها لنا سالفة,,,,,
هتون/....................
شمايل/خلوها لليل افضل لان اللحين يمكن وحدة من عماتي تمر عليها ولاشي...بس الليل امان ماكو احد؟
حنان/الخوف انها تنام بدري ومانلحق عليها!!!
شمايل/نسهرها علشانا وش فيها يعني!!!
ريم وحنان/هههههههههههههههههه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
في ملحق الجد.....
دقوا الباب ويوم جاهم صوته الصارم يسال منو دخلوا....
ظل يناظرهم وهم عند الباب ينتظرون اذن الدخول منه....
ابو عبدالرحمان وهو يناظرهم/خير في شي؟
ليالي بعد صمت/سلامتك...بس قلنا نمرك نتطمن عليك؟
ابوعبدالرحمان بصرامة/وبموت انا اذا ماتطمنتوا عليّ!!!
ليالي/.........................
اصايل/ليش حرام نمرك ونسال عنك وعن احوالك؟
ليالي دفتها بيدها علشان تسكت والجد يناظرها.....
ابوعبدالرحمان/وش عليه انتي طولان لسانك ماتقولين لي!!!!
اصايل/لساني مو طويل؟
ليالي/اصايل ووجع....
اصايل/وانا شقلت عاد!!!
ابو عبدالرحمان/تبون شي؟
اصايل بنرفزة/امشي بس نروح وش اللي موقفنا كذا!!!
طلعت وظلت ليالي تناظرها وهي منحرجة من جدها..
ابو عبدالرحمان/ماتروحين تلحقين اختك؟
ليالي بتبرير/هي بس....يعني ماتقصد شي؟
ابو عبدالرحمان/انا بنام شوي اللحين؟؟؟(يعني فهميها)
ليالي باعتذار/انا اسفة عل الازعاج.....نوم العوافي ان شاءالله.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
تهاني/مايسالون عني شسويت بالاختبار؟
اصايل /يكون يعني ينخاف عليك؟وبعدين تعالي اشوف رجلك اخذت على الجية هني كل يوم من بعد المدرسة؟
تهاني/يايبى بسوي لكم جو...
اصايل/يعافيك انتي وجوك مع جدك؟
تهاني/زين لكن اللي توديك فينسيا مول الليلة تكملين مشوار الحب تطلع تهاني؟؟؟؟
ليالي دخلت وقفلت الباب وهي معصبة...
ليالي/اصايل وش فيك انتي!!!!
اصايل/مافيني شي...بس انتي مو شايفة انه مو متحملنه ابدا!!!!
ليالي/ولو ما المفروض ابدا انك تطولين لسانك....
تهاني/صحيح انتي وياها وين كنتوا؟
ليالي/هلا تهاني كيفك؟شسويتي بالاختبار؟
تهاني/يابعدي انتي...عساك مو اللي في بالي!!!
اصايل/لابموت علشان اكون مثل ماتبين؟
تهاني/وين كنتوا؟
ليالي بتنهيدة وهي تقعد بعد ماشالت عبايتها/عند جدي....
اصايل بعصبية/وياليت لو مارحنا!!هذا جدك مدري شعليه شايف حاله؟
تهاني/......................
ليالي/انا تعبت منك ومن طوالة لسانك؟يابنت تاْدبي هذا جدك؟
اصايل/لاماهو جدي ولاابيه يكون بعد!!!!اول مرة بحياتي اشوف جد مثل هذا؟؟توني اصادفه بحياتي ماشفته قبل وهو مو طايقني!!!!!
تهاني/يعني جدي شوي عصبي بس تراه حبوب وطيوب...
اصايل/واللي يعافيك انتي بعد محد طلب رايك؟
تهاني/انتي علامك اليوم شابة فيني نيرانك؟
اصايل/مافيني شي......
تهاني/طيب حاكيني عدل مثل الناس......
اصايل/انا هذا اسلوبي وغيره ماعندي عاجبك عاجبك مو عاجبك على كيفك؟انا قايمة اريح ولااحد يجيني لين تجي عمتي عبير؟
تهاني بهمهمة/بنموت عاد علشان نجيك؟
اصايل/قلتي شي؟
تهاني/سلامة عمرك بس كنت اسال ليالي وش طابخة ولابنطلب لنا من المطعم لاني جوعانة؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
العصر في بيت بو جاسر.....
ام عادل/حيا الله جاسر الغالي....
جاسر/الله يسلمك ياخالتي....
ام عادل/علامك يمه ماتنشاف ابدا!!!
جاسر/موجود...
ام عبادل/اخاف بس مضايقنك وجودنا هني انا وبناتي؟
جاسر/شدعوة ياخالتي البيت بيتك....والساعة المبارة اللي تكونين فيها انتي والبنات معنا؟
ام عادل/عساك سالم.....عاد البنات دايم يسالون عنك ويقولون شكلنا مضايقين جاسر ماصايرين نشوفه ابدا!!!
جاسر/وش ها الكي ياخالتي عاد!!!بيتهم وهم الداخلين وانا الطالع.....مشاءالله عليهم نسايم مالهم صوت ابدا!!!
ام عادل/أي بعد تعرفهم بنات خالتك من صغرهم وهم يستحون....
جاسر/ياليت كل البنات مثلهم...الله يخليهم لك ياخالتي....
ام عادل/اقول جاسر يمه...لايكون انتب تقعد بدون عرس علشان ها القروية اللي تزوجتها؟
جاسر/وش ها الحكي اللي ينرفز بس ياخالتي!!!مين قال عاد!!!
ام عاد/أي ااف انك حاط ببالك ها الشي...ترى محد يدري عن زواجكم ابد...والبنات كلهم حولك من يمين ومن شمال ويبون بس تتعطف عليهم يايمه...
ابتسم لها جاسر/قريب ياخالتي بتسمعين اخبار تفرحك ان شاءالله....
,,,,,,,,,,,,,,,,,,,,,,,,,,,,,,,,,,,,,,,,,,,,,
ام زيد/يمه طلبتك لاتقول لا..
زيد بنرفزة/يمه اذا السالفة فيها صبا شيليها من بالك؟
ام زيد/يايمة ابي اتطمن عليها مايصير...
زيد/انتي ماشفتيه شلون قلب على راسي الدنيا يوم تجي عندك؟فكيني واللي يعافيك ماابي مشاكل معه...هو مايبيها تشوفنا ولاتحاكينا خلاص....
ام زيد/لامو خلاص...انا ابي اشوف بنتي وها الشي من حقي,,,,يمه اختك ماهي مرتاحة والله العالم وش قاعد يسوي فيها؟
زيد/والحل يعني وش تبيني اسوي؟
ام زيد/يايخلينا نشوف بنتنا ونكلمها لابنشكيه الشرطة؟
زيد/أي عدل وقلبيه عليّ والسالفة تطيح فوق راسي انا وهو يطلع منها وانرمى بالسجن؟؟؟
ام زيد بلعت حسرتها وسكتت....
زيد/يمه قلت لك صبا مافيها شي....خلاص صدقيني...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
عبير/اخوك هني؟
ثامر/أي.....دخلي عمتي...
عبير/لابس قوله عمتي عبر تبيك بسالفة دقيت له وجهازه مغلق ..
ثامر/بتظلين واقفة دخلي..
عبير/لاماعليه ثامر انا مستعجلة وابيه ضروري..
ثامر/هو انا عارف انك ماتبين تشوفين خالتي وبناتها بس ماعليه بروح اناديه ل؟
عبير/وبدون ماتسوي دعاية لو سمحت؟؟
ثامر/طيب.....
كانت ليالي ها اللحظات واقفة عند باب الملحق مع تهاني واصايل سبقتهم السيارة مع روعة....
ليالي/حبيبتي ماعليه مو مطولين ان شاءالله..
تهاني/لالالازعلانة لانكم مااخذتوني معكم!!!
ليالي/ههههه ياحليلك توك قدام عمتي عبير مو قادرة ترفعين راسك من على الكتاب واللحين تبين تجين معنا!!
تهاني/المهم تمرون على أي شي يناكل ولاينشرب تذكريني...هاذي وصيتي لك ياليالي....
ليالي/ههههه من عيوني....
تهاني/واختك حسابها بعدين...الوعد اذا بغت تروح فينسيا؟
ليالي/حرام عليك تراها طيوبة بس شوية عصبية...تلاقينها نست السالفة بكبرها اللحين؟
تهاني/واللي يعافيك ياربي انتي لاتتكلمين عن الطيبة لانها ماتلوق لك ولاتعرفين عنها شي!!!!قالت اصايلوا طيبة؟؟؟؟قولي نسرة قولي ذيبة قولي مفترسة بس لاتقولين طيوبة؟هاذي محد يعرف لها غيري؟؟
ليالي/انتي بعد خفي عنها شوي...
تهاني/لامو خافة عنها خلها مثل ماتسوي لي بسوي لها....
ليالي/سكري بس الباب تلاقي اللحين عبير بالسيارة وانا واقفة اسولف معك....يالله اشوفك بعدين,,,,
تهاني/بايات....
طلعت من باب الملحق ووقفت مكانها يوم سمعت صوت جاسر....
لاشعوريا غطت وجهها بسرعة ورفعت راسها كان واقف مع عبير ومبين ان بينهم مشاداة كلامية وقررت ترجع الملحق لانها مايصير تروح السيارة وهي مابعد اخذت موافقته.....
وهي راجعة تدق الباب وقفت مكانها تسمع كلام عبير اللي كانت معصبة..
عبير/جاسر هاذي المرة الاخيرة اللي اقولك فيها حسن ملافظك فيها...اللي مو عاجبتك بنت اخوي وبتظل بنت اخوي واحطها على راسي من فوق؟؟
جاسر بشماتة/انتي ماتشمئزين اذا طلعتي مع وحدة مثل هاذي.....
عبير بعصبية/كان لاتزوجتها وعلقتها بها الطريقة الحقيرة؟
جاسر/ومن قال لك اني ابيها عاد!!!!هذا الوالد اجبرني اوقع على ها الورقة وانساها نهائيا!!!
عبير/انت كيف تقولها بدون مايتاْثر فيك شي ياجاسر؟
جاسر/عمتي خلنا نكون صريحين وواضحين مع بعض انا ماابيها وانتوا تدرون اني ماابيها ليش بعد لازم ابين العكس؟؟؟؟وبعدين انا بتزوج قريب.....
رجعت من جديد لملحقها ولاسجنها ولا وش مايكون وسط استغراب تهاني اللي قالت لها اذا جت عبير تسال عنها انها تعبانة وماتقدر تطلع بتدخل تنام علشان ترتاح وهم بيقومون بالسالفة بدونها......
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,متعب/ابي اتشرى من السوق...
محمد/وش تبي تاخذ؟
متعب/مدري وش ممكن الواحد يشتري لبنات بالعشرين؟
محمد/امممم... البنات كل شي طبعا تشتري لهم وانت ساكت؟
متعب/هههههههههه
محمد/مين..خواتك؟
متعب/اكثر من خواتي والله يامحمد....هذولا بنات اختي الله يرحمها...
محمد/الله يرحمها...
متعب/من وعيت على الدنيا ماشفت غيرهم وغير امهم وتربيت معهم بنفس البيت....لين صارت ظروف وماتت اختي واضطريت اطلع من البيت...
محمد/واللحين هم بالشرقية؟
متعب/وحدة منهم تزوجت ولد عمها واختها قاعدة معها ها الاجازة وماابي اروح لهم ويدي فاضية....ابي ابتدي معهم حياة جديدة واعوضهم عن كل شي فقدوه بغيابي ومالقوه بحضور ابوهم؟
محمد/طيب هم وش يحبون...
متعب/هم كل شي بيرضيهم....عاشو بقرية بحياة بسيطة جدا رغم عز ابوهم....
محمد/اممممم
متعب/ابي اللحين اعوضهم عن غيابي...
محمد/يعني علشانهم تبي ترجع الشرقية من جديد؟
متعب/أي...ابي اكون قريب منهم....ابي اكون بوسطهم من جديد ونرجع نعيش مع بعض؟
محمد/أي بس مو تقول ان وحدة منهم تزوجت ولد عمها؟
متعب تنهد/تزوجته على الورق بس!!!
محمد/شلون يعني؟؟؟
متعب/سالفة طويلة....لك خلق تسمع.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ام ضاري/عين الله تحرسك ان شاءالله...
ضاري وهو يشيل القميص اللي عليه ويلبس واحد ثاني/أي احلى الازرق ولا الابيض؟
ام ضاري/يمه انت وش ماتلبس قمر,,,انت اللي تحلي اللبس مو هو يحليك؟
ضاري/أي بس ابيك تقولين الصدق...
ام ضاري/وانا وش قاعدة اقول عاد يايمه,,,,انت كل شي تلبسه تقط الطير من السما؟
ضاري/وش رايك البس الثوب افضل؟
ام ضاري/انت وين رايح؟
ضاري/بشوف الربع يعني وين بروح؟
ام ضاري/وليش هالك نفسك كذا ومحتار؟
ضاري/يمه ماتعرفيني بعد!!!انا ماحب اطلع وشكلي مبهدل؟؟؟
ام ضاري/عيوني عليك باردة يالغالي انت ماتطلع مبهدل ابدا قمر عسى ربي يحفظك؟
ضاري/تسلمين يالغالية....
رانيا دخلت/اقدر ادخل؟
ام ضاري/وتكونين تستاْذنين ياحظي!!!منتي دخلتي وانتهيتي؟؟؟
رانيا/ول؟؟؟انتي ليش ماتطيقيني؟
ام ضاري/بذمتك في ام ماتطيق بنتها ياحسرة؟
رانيا/انا ادري عنك ؟؟دايم مايعجبك الحكي اللي اقوله ولاالشي اللي اسويه؟
ضاري بنرفزة/اذا بيعلى صوتكم دوروا لكم مكان ثاني غير غرفتي لاني مو رايق وذهني مشوش ومو فاضي لسوالفكم؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
في السيارة....
اصايل/شلي صار ياعبير؟
عبير بهدوء/مدري..
اصايل/ليش ماجت ليالي معك؟
تنهدت عبير وقلت/مدري.....
اصايل/أي بس انا مو مصدقة انك ماتدرين؟
عبير/................
اصايل/مارضى تجي معنا؟يامسخفه؟؟؟
عبير/ياليته مارضى....
اصايل/شلون يعني....
عبير بحزن/ليالي سمعت كلام جارح من جاسر ماتمنيتها سمعته؟
اصايل بعصبية/شقال لها الحقير؟؟؟
عبير/...................
اصايل/اصلا كيف يتجراْويكلمها بكلام يجرحها....وانتي كيف تسكتين له ياعبير؟
تنهدت عبير/انا ماقلت انه كلمها مباشرة...
اصايل/كيف يعني؟
عبير/كان يتكلم معي وهي كانت طالعة وسمعتنا وبعدها رجعت الملحق وقفلت عليها غرفتها وقالت لتهاني تقولي انها تعبانة وموجاية....
اصايل/وانتي شفتيها واقفة وخليتيه يكمل كلامه...
عبير/انا ماشفتها ولاادري عنها بعد!!بس تهاني قالت لي والواضح انها سمعت كلامنا وهي طالعة تشوفني...حاولت اكلمها بس مافي أي فايدة قافلة على روحها الباب..
اصايل بنرفزة/معناته تبكي!!!!عسى الله ياخذك انت ياجاسر وولد مك ضاري بيوم واحد ان شاءالله؟؟؟
عبير/؟؟؟؟؟؟؟؟؟؟؟؟؟؟؟؟؟
.,,,,,,,,,,,,,,,,,,,,,,,,,,,,,,,,,,,,,,,,,,,,,
وحدها كنت قافلة عليها غرفتها ومحاولة تخفي المها عن اللي حوالينها,,,,
أي ذل هذا اللي تعيشينه ياليالي بها البيت ومع ها الزوج؟؟؟؟
ليش تعاملني كذا ياجاسر بس!!!
انا ماعمري اذيتك ليش تاْذيني بس وتحتقرني بها الطريقة؟؟؟
حتى ظلي مايطلع برى البيت بدون مااحاول اخذ شورك...وانت مخليني بعيون الكل شي حقير ومشمئز وماينطاق!!!
شلون بس اقدر اواجه عبير والباقي بس!!!
ولمتى بيظل الوضع كذا ياربي لمتى!!!!
شي غريب محيرني فيك ياجاسر....كلامك شي جارح وقاسي ولايمكن لبشر يتحمله وانت تقوله بدون ادنى اهتمام لمشاعري لو سمعت وبنفس ا لوقت نظراتك يوم التقينا فيها وميض غريب....فيها شي ابعد مايكون عن لسانك السليط هذا!!!
بس ليش هناك اختلاف بين نظراتك وكلامك مدري؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
بعد صلاة المغرب....
رجع الشقة,,,
ماقدر يقاوم رغبته اكثر في انه يشوفها لانه مفارقها من الصباح يوم يطلع وكانت هي بسابع نومة وماحب يصحيها..
بس لهنا واشواقه ماهي قادرة تهداْ لازم يروح يشوف قمره اليوم ويشبع منها لانه الليل بينتهي بسرعة!!!
كان الهدوء سايد الشقة بكاملها ومحولها لبيت اشباح لاسيما ان حتى الانوار كلها مطفية!!!
تنهد وحس بداية مو مريحة ابدا,,,,شغل الانوار ولفت عيونه بالصالة وماكان لها أي اثر,,,,
طل بعيونه على المطبخ وماكانت هناك اكيد,,,,ويوم فتح انوار غرفة النوم كانت صبا راقدة بسابع نومة,,,
ارتاح وتضايق بنفس الوقت,,,
ارتاح لانها نايمة وموجودة ....وتضايق لان عندها اليوم بطوله ومادورت تنام الا بحضرته ووقت اللي هي عارفة انه بيكون موجود!!!
تنهد بحرقة يوم جاه احساس ان الحركة عناد منها ليس الا!!!
قسى صوته وهو يصحيها من نومتها..
نايف بخشونة/صبا...صبا....اصحي علامك نايمة,,,,صبا,,,قومي يالله خل عنك النوم؟
صبا بثقل ونعس/نعسانة ابي انام...
جرها من يدها بيقومها وقال بنفس اللهجة/عندك النهار بطوله نامي فيه ولاالسالفة عناد يوم جيت انا نمتي!!!
صبا لفت للجهة الثانية وماردت عليه وسحبها بقوة وقامت وهي تتاْفف..
نايف وهو يناظرها بعد ماوقفت وقال بعصبية/انتي وش سالفتك مع العناد.....يعني امس بس جايب لك ثياب تلبسينهم تقومين تلبسين لي ها البيجاما اللي عفنت!!
صبا وهي متخصرة قالت بعصبية/والله عاد ثيابك ماريحتني ولاناسبتني!!!وبيجامتي المفنة بنظرك تسوى الشي اللي جبته عندي!!!
نايف بتحذير/انا مو قايل لك لسانك لايطول؟؟؟؟ولاماتسمعين الكلمة من مرة؟
صبا/...............
نايف/روحي بدلي يالله....ماابي اقابلك بها الزبالة مرة ثانية وذكريني ارميهم بعد ماتشيليهم...مدري لمنو جايب انا الثياب البارحة؟
بنرفزة قالت/كلهم كبار عليّ!!!
نايف/وانا وش عرفني انك ماتلبسين مقاسات نسائية وماتشترين الا من اماكن الاطفال بالله!!!
صبا/انت تتظريف ولاتسخر؟؟؟
نايف وهو يشوف لمعة العصبية بعيونها قال وهو يكمل رواقنه/الاثنين,,,,,
صبا/...................
نايف وقف وصار مقابلها/مرة ثانية ماتنامين الليل يا.....صبا هانم سامعتني؟
صبا/والله انا بنام بالوقت اللي يريحني ومو ماشية على هواك؟
نايف/اقول لايكثر علشان لايجيك كف من جديد؟
صبا بنرفزة/شي واحد بس ابي افهمه..انتوا بالمدرسة شغلتهم يعلمونكم بس كيف تكفخون البنات وتضربونهم!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,
استعاذت بالله من الشيطان وقامت غسلت وجهها وطلعت قعدت مع تهاني اللي كانت نص تذاكر ونص تكلم بجوالها ونص تاكل ونص تشاهد....
وبعدين دقت عبير وقالت انهم ماخذين شوية اغراض ولبست عبايتها علشان تطلع لهم تساعدهم,,,,ومنها تسوي الامور طبيعي وانها مافيها شي....
دخلوا عبير واصايل مع روعة وكانت هي اخر وحدة ويوم دخلت من بوابة الفيلا كان جاسر طالع من باب الصالة لفت بسرعة وغطت وجهها عدل وتقدمت ناحية ملحقها وهي شبه تركض لان ضربات قلبها زادت....
وقفها صوته القاسي وهو يكلمها....
جاسر باحتقار/ماله داعي تطرشين مطاريش بيني وبينك وتستاْذنين بالروحة وبالجية وتعطين نفسك اهمية ومدري شنو؟
كانت عاطيته ضهرها بذيك اللحظات ولو فكر يفتح غطاها كان شاف دموعها مغرقتها ....
جاسر بنفس الاسلوب/يعني على بالك بتكبرين بنظري ولابتلفتين انتباهي اذا سويتي كذا!!!!اصحي يابنت البدو كل اللي بيني وبينك ورقة وضاعت بعد مدري عنها وينها؟؟؟؟
ياليتها تملك أي جراْة بالعالم علشان ترد عليها وتوقف سيل اهانته بس مو ليالي طبعا اللي تقدر تسوي كذا لو تنطق بحرف واحد بحضرته...
كل اللي سوته انها تنهدت....
جاسر/سمعي....خلك مع عماتي وين مايبون يروحون ويجون,,,عماتي بس وبلا لفة ودورة وبطلي حركات ابي اذن ادخل وابي اذن اطلع لاني مو فاضي لك ؟؟؟
ماتدري كيف طلعت منها كلمة ان شاءالله وهل طلعت واضحة ولا دموعها كانوا محشرجين صوتها بذيك اللحظات......
كل اللي سمعته بعدين صوت البوابة يتسكر ولفت مالقت له أي اثر فتحت غطاها علشان تمسح دموعه لايفضحونها اذا دخلت,,,,,
.,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
بعد مضي اكثر من ساعة كانت تهاني واصايل بمجمع فينسيا مول وبالموت قدروا يطلعون لان عبير كانت موجودة وبعدها راحت لاابوها تشوفه اذا يبي شي....
بداخل المجمع....
اصايل/احس ان احنا تاْخرنا عليه؟؟؟؟
تهاني/...............
اصيل بقهر وهي تعدل لثامها /شبيقول اللحين ماهي قد كلامها ابدا!!!
تهاني مسوية شخصية/انتي مو ملاحظة اني مااتكلم معك من رجعتي من طلعتك مععبير؟
لفت لها اصايل وهي تضحك/والله!!!تصدقين مااخذت بالي؟؟جد ماتكلميني؟
تهاني/وكنت بسويها فيك ومابجيبك بعد؟؟
اصايل/وش اللي خلاك تغيرين رايك وتجيبيني؟
تهاني/اصايلوا انتي ماتستحين؟
اصايل/هههههههههههههههه
تهاني/يعني صدقيني وحدة غيري من لسانك تتبرى ولاعاد لها فيك بس مدري أي حظ راميني عليك انتي واختك؟
اصايل تنهدت وقالت بنبرة حزن/عيني عليها ها الاخت المسكينة بس!!!مدري كيف تضمها بقلبها وتسكت ,,والل لو انا منها كان ارتكب فيه جريمة وماهمني؟؟؟
تهاني/سفاحة ماينشره عليك؟
اصايل/المهم دبريني وين الاقيه ؟
تهاني/حبيبتي هذا مجمع عوايل يعني مابتلاقينه؟
اصايل بعصبية/شوف الحمارة وليش قلتي له ان احنا بنجي هنا...؟؟
تهاني/شفتي ان لسانك دايم متبري منك!!زين سمعي باقي الحكي.....بنشوفه هناك عند جوفريز..
اصايل/شنو هذا بعد!!!
تهاني/هذا الله يسلمك شقق فندقية مفروشة.؟؟؟يعني شبيطلع وهو بمجمع اكيد مقهى؟
اصايل/اممممم شوفي اول شكلي تمام,,,,,
تهاني/يعني ..نص ونص؟
اصايل/هاذي طبعا حقت غيرة؟
تهاني/مين قال لك؟
اصايل/لاني واثقة من جمالي....
تهني/اللي مابرز الا على يدي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,كان واقف عند بيتزاهت يستلم طلبه ويوم اخذه ومشى سمع صوت ضحكة مالوفة عنده ودق قلبه....
معقولة تكون هي؟؟؟؟
لف بسرعة وراه والتقت عيونهم ببعض وجمدوا ثنينهم مكانهم,,,,
لاهي توقعت تشوفه ولاهو حط في باله انه بيشوفها,,,,على الاقل مو الليلة؟؟؟
كانت هتون واقفة مع حنان بعيد عن ريم وشمايل وكلهم كاشفين واللي ميزه صوت ضحكتها اللي ماهو قادر ينساه؟؟؟؟
هي بعد وقفت مكانها وطاح قلبها بين رجلينها وحست بالخطر وبالربكة وبكل شي......
كانت تبي تروح له حتى لو مالاقت عنده قبول وكان واقف بدوره والصدمة باينة عليه...
ظل واقف مكانه متسمر يناظر فيها...هي بشحمها بلحمها....
بس هو مايقدر يحاكيا ومعها وحدة ثانية وافترض انها اخت زوجها ..وبس جا طاري زوجها في باله مشى بكل عصبية وهي تشيعه بنظراتها المتلهفة,,,,
كان بينه وبين نفسه كتلة تعب وقهر....وش تبي تقول لها يامتعب عاد!!!نسيت انها على ذمة رجال ثاني وانها صارت حرام وماتجوز لك؟؟
تنهد بقوة وهو يدخل سيارته ويكر الباب بقوة....
حب انه يفاجى ليالي واصايل بجيته الليلة قبل بكرة لهم وقال ياخذ لهم عشى قبل لايمشي ويوم شافها حس ان الدنيا كلها تدورحوالينه وماهو قادر يركز بشي...
اصلا مو قادر يقول لهم شي اذا قابلهم وشافهم ويمكن جت خيرة ان ماقال لهم انه جاي من الاساس؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
في جوفريز/انا اسفة لتاخري...بس حصلت شوية ظروف وتعطلت السيرة اللي كنا جايين فيها؟
ضاري/وين بيتكم؟
بسرعة قالت/بالدوحة....
المكان الوحيد طبعا اللي عارفته هنا واللي ساكنين هناك بيت عمتها ام احمد....
ضاري/ليش شلتي نقابك وحطيتي ها اللثام!!!
اصايل/.....................
ضاري/..................
اصايل/مضايقك؟
ضاري وهو مايناظرها/لا بس مكثرة شوي بالكحل وعيونك صايرة ملفتة؟
اصايل/لا..
ضاري لف لها وقال باستفهام/وشو اللي لا؟
اصايل/يعني هي عيوني من تشوفك تكتحل بشوفتك طبيعي!!!
ظل يناظرها وهي تتكلم وهي ميتة من الخوف وتمنت بذيك اللحظات انها ماجت وسمعت كلام ليالي,,,,
ضاري/حاسك خايفة مني!!
تنهدت بقوة وقالت/خايفة من قلبي لايفضحني؟؟؟
ضاري/في شي مو قادر افهمه ولااستوعبه؟
اصايل/منت مصدقني صح؟
ضاري/مو كذا السالفة....بس في احد يحب احد بدون مايعرفه ويتكلم معه؟؟؟
اصايل بتنهيدة/ماسمعت عن الحب من اول نظرة؟؟؟؟
ضاري/وانتي مصدقة ان ها الحب موجود؟
اصايل/طبعا!!!لاني دايم احلم فيك ياضاري بخيالي...لاني من شفتك ماقدرت افارق صورتك اللي سكنتني....
ضاري/........................
اصايل/.....................
ضاري/ماسالتك وش تشربين؟
اصايل/بحضورك يكفيني اشوفك وبس....
ضاري/ماتحسين انك مزودة السالفة حبتين؟؟
اصايل بتنهيدة طويلة خلته يناظر فيها غصب وقالت بتمثيل محزن/ماعشت اللي انا عشته ولاعمرك فكرت بحب شخص مايدري عنك ...ماقاسيت أي نوع من انواع العذاب علشان تقول ها الحكي؟بس بيجيك يوم وبتحب ياضاري وبتدري ان كلامي صحيح....
ضاري/......................
اصايل/.............
ضاري/طيب وليش كذبتي عليّيوم انك تحبيني؟
اصايل بخوف/انا كذبت عليك؟بشنو عاد؟؟؟
ضاري تسند على كرسيه وقال بهدوء وهو يناظرها/يكفي انك ماقلتيلي اسمك الحقيقي وكذبتي عليّ باسم دانة وعلى بالك اني بصدقك؟؟؟
طاح قلبها بين رجلينها بها اللحظة وفتحت عيونها على وسعها وتلعثمت وماعرفت شتقول له..
ضاري /يالله دافعي عن نفسك؟
اصايل بتردد/انا.....انا...
ضاري/انتي شنو بالضبط يا..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

 
 

 

عرض البوم صور بياض الصبح   رد مع اقتباس
قديم 21-08-10, 06:53 AM   المشاركة رقم: 18
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

--البارت الخامس والعشرين---

*************************************ا

اصايل بلعت ريقها وناظرته بشوية قوة استعدادا لااي مواجهة....
ضاري/....................................
اصايل بقوة باس/ياشنو؟
مال براسه قدام وقال/يفترض اني انا اللي اسال صح ولا انا غلطان؟؟؟؟
اصايل/وانت وش تقول؟؟؟
ضاري/اقو ل لاني انتظر اجابتك؟؟
, اصايل/مافهمت عليك اذا ماكنت دانة من بكون؟
ضاري بحذر وهو يناظرها/هذا اللي انا ناطر اجابته منك....
اصايل/انا ماعندي شي اقوله لك......
ضاري/متاكدة؟؟؟؟
اصايل بثقة/أي.....
ضاري/.............
اصايل/وش اللي خلاك تفكرني اكذب عليك؟؟؟؟
ضاري/لان هذا مو اسمك.....على الاقل هذا الشي اللي احساسي ماكده لي!!!!
اصايل بتنهيدة طويلة/احساسك بمكانه ياضاري.....انا مو دانة؟
ضاري/وتيني اصدق مشاعرك يوم انك كذبتي باسمك؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
ريم/هتون علامك؟
هتون بشرود/لا ولاشي....بس برد البيت وبخلي السايق يرجع لكم بعدين؟
ريم/وش اللي غيرك كذا فجاْة؟؟
هتون بضيق/مدري حسيتا ني متضايقة شوي.....ومكتومة؟
ريم/ماعليه....تونسوا انتوا ماابي اخرب عليكم الطلعة بروح اريح......
بعد مامشت...
شمايل/شفيهاهتون وين راحت؟
يم رفعت اكتافا/تقول متضايقة وبترد البيت؟
حنان/بس توها مافيها شي؟
ريم/والله مدري مرة وحدة لقيتها قلبت وقالت انها تعبانة؟
حنان/ترى انا ملاحظة شرودها ها اليومين..
شمايل /انا بعد حاسة فيها شي...بس شنو مدري؟
ريم/خلاص خلونا نكمل طلعتنا واذا ردينا شفنا شسالفتها؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
صبا/ابي اروح السوبر ماركت؟
رفع راسه لها وقال باستفهام/خير ان شاءالله؟
صبا بلامبالاة/اللي سمعته؟؟؟
نايف/قبل ماتكملين كلامك اعتقد تركتك بالغرفة علشان تبدلين ثيابك صح ولاانا غلطان؟؟؟بس مااشوفك غيرتي شي؟
صبا وقفت مكانها وقالت بعناد/أي بس انا ابي اروح اخذ لي اغراض؟
نايف/وش ها الاغراض اللي تبينها بعد؟يتراواللي الشقة مجهزة من كل شي ولاهو بس تليعن زايد؟
صبا بعصبية/اغراض شخصية خاصة فيني!!
نايف/شنو؟
صبا/اقولك اغراض شخصية تقولي شنو؟
نايف/طيب شنو علشان ادق للسايق اقوله يجيبهم لك اللحين؟
صبا/مقدر اقولك
نايف/انتي الخسرانة مو انا؟
صبا/يعني مافي ا بدا خصوصية؟؟
نايف حط رجل على الثانية وقال ببرود/طبعا بين الازواج مافي أي خصوصية!!!
صبا انقهرت وقامت للغرفة...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حزن كبير مخيم على قلبها ودموع كل ماجت توقفها تحسها تزيد وتنزل وحدة ورى الثانية....
ليه ياجاسر تتعامل معي كذا ليه؟؟؟وش اللي سويته لك واجرمت بحقك فيه علشان استاهل منك ها المعاملة السيئة؟؟؟؟
اه ياقبي المقهور.....الله يسامحك يايبى...لو اني بعدني قاعدة في بيتك كان اللحين ابتسامتي شاقة حلقي بس مين يقدر يبتسم بها الاجواء ؟؟؟؟
تنبهت على صوت الباب واستغربت لان تهاني واصايل ماصار لهم زمان من طلعوا ليش رجعوا بسرعة؟؟وعبير قبل لاتمشي من عند جدي مرت سلمت وراحت؟معقولة تكون عمتي ام احمد؟؟؟
مسحت دموعها بسرعة ومامداها تغسل وجهها علشان لاتوقف عمتها على الباب كثير...
فتحت الباب ووقفت تناظر بالوجوه اللي كانت تشوفها لاول مرة ووقفت مكانها وماقالت شي....
ام جاسر/يعني بنظل واقفين يابنت الاصول؟
ليالي بربكة/ها..
ام عادل/ماتسمعين انتي!!!!والله البيت بيت ولدنا وتبي توقفنا ماتبينا ندخل بعد!!!
ليالي حاولت تستوعب مدام السالفة فيها بيت ولدنا يعني لازم تقول تفضلوا
ليالي/انا مو قصدي تفضلوا المكان مكانكم..
ام عادل دخلت بسرعة وهي تقول/طبعا بندخل ولامفكرة بننتظرك تقولينها؟
ام ام جاسر ظلت مكانها تناظر بليالي اللي تشوفها لااول مرة..واللي كانت صورتها مرسومة في خيالها شي ثاني....
كان اعتقاد انها بدوية مسيطر عليهم ..وحاطين في بالهم انها بتكون بثوب بدوي عتيق وبرقع ...
ماتوقعت ابدا انها تشوف وحدة لابسة بلوزة بيضة ربع كم وبنطلون جينز وشعرها يكون كذا مايل للشقارى...
تنهدت وهي تخزها وبعدها لحقت اختها لداخل...قعدت بالصالة بينما ام عادل كانت تتجول بالمكان...وتدور من المطبخ للغرفة الاولى اللي احتلوها اصايل وتهاني وقالت وهي واقفة عند الباب/منو عندك؟
ليالي بربكة/بنت عمتي تبات عندي ايام الاختبارات..
ام جاسر بصوت قوي لااختها/بنت ام احمد,,,,(يعني سكري السالفة والغرة مرة وحدة)
سكرت ام عادل باب الغرفة وراحت.. لغرفة ليالي وفتحتها,,,,
ام عادل بسخرية/ليش جاسر ماينام هنا؟
كانت تعرف بلي بينهم ومالها قصد غير انها تتشمت فيها وتسخر منهاوفهمت ليالي ها الاهانة واكتفت بالصمت,,,,,
رجعت لااختها بالصالة وظلوا يتفحصون فيها وكانها سلعة معروضة للبيع وهم يتهامسون بينهم وبين بعض....
ومافيا حساس مخزي اكثر من ها الاحساس مر على ليالي ولاصادفها...
كانت عارفة ان همساتهم هاذي هي المقصودة فيها بس شتقدر تقول وهي ماعرفتهم اصلا!!!
ام جاسر/خير ان شاءالله بتظلين واقفة هنا مكانك بعيد ؟؟
ليالي ارتبكت وتقدمت منهم لانها كانت بعدها واقفة عند باب الغرفة...
قبل لاتقعد قالت لها ام عادل/منو قال لك اجلسي؟؟؟؟؟
..,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,اصايل/يمكن اسمي ماهو حلو...ولاخفت انه مايعجبك ففكرت اني مااقول اسمي بالبداية لين اشوف اذا كنت بتتقبلين ولالا؟
ضاري/وماحطيتي في بالك اني اذا عرفت انك تكذبين باسمك فمعناته راح تكذبين بمشاعرك ؟
اصايل/في هاذي اسمح لي ياضاري....الاسم ماهو بالضرورة يكون الشي اللي يربط بين اثنين بغض النظر عن المصداقية فيه...تبقى المشاعر هي الاساس؟
يعني أي اثنين يمكن يبتدون حياتهم بالكذب باسمائهم تلاقيهم مع المدة يعترفون لبعض بها الشي....
ضاري/يمكن.....بس انا مااحب ها الشي؟
اصايل بدلع/زعلت حبيبي......
ناظرها مباشرة وقال/شسمك؟
اصايل بانزعاج/اختار انت أي اسم ولاخليها فاضية مدام انك ماتبي اسم دانة؟
ضاري/وليه ماتبين تقولين اسمك....
اصايل/ضاري انا بدوية واخاف حتى اقول اسمي؟
ضاري بتشكيك/والبدوية هاذي اللي تخاف تقول اسمها ماخافت يوم قالت احبك؟؟؟؟؟
اصايل بتنهيدة/ماقدرت تخبيها اكثر وهي تموت فيك يوم بعد يوم؟
ضاري/كيف يعني...من زمان انتي تعرفيني؟
اصايل/يعني من فترة ماهي قصيرة.....
ضاري/كيف عرفتيني....
اصايل/لاهاذي يبيلها جلسة ثانية ونفضى حقها؟
ضاري/وشنو عندنا اللحين؟نتكلم فيها؟
اصايل/لاماعليه ضاري انا تاخرت مقدر اقعد اكثر؟
ضاري بانزعاج/أي بس ماصار لك ساعة من جلستي؟
اصايل/ماعليه بس والله زوجة ابوي تحاسبني على الدقيقة اللي اتاخرها ومااحب اني ارجع الا بالوقت اللي هي تختاره علشان لاادخل معها بسين وجيم؟
ضاري/وامك وينها؟
اصايل بهدوء وعيونها بالارض/عطتك عمرها من زمان....
ضري باسف/انا اسف...الف رحمة عليها...
رفعت راسها وتنهدت وكانت بعيونها دمعة صادقة وارتبك ضاري وهو يشوفها تدمع...
ضاري/انا مو قصدي اذكرك فيها....
اصايل/لاعادي...صار لها خمس سنين من توفت بس الام ماحد ياخذ مكانها بالعالم..
ضاري/والوالد؟
اصايل/اذا زوجته انا وياها مانتواطن بعيشة الله وهو دايم معها وبصفها وش تتوقع تكون علاقتنا؟
ضاري/في واحد عاقل يوقف بصف زوجته على صف بنته؟؟انتي بروحك من زوجته الاولية؟
اصايل/لا...عندي بعد...
ضاري/وبعد.....
اصايل/ولاشي.....انت سولف لي عنك قبل لاامشي وخلني افكر بسواليفك طول الليل؟
ضاري/يعني مافي مجال تقعدين شوي بعد؟
اصايل/حلم اني اكون قاعدة جنبك ياضاري...بس تظل الاحلام دايم احلام وماتتحقق؟قالتها وتنهدت..
ضاري/طيب فينا نكمل سوالفنا على التلفون؟
اصايل/مقدر يعني التلفون بالصالة وبغرفتها بس واللي بالصالة تشيله اذا دخلت تنام...
ضاري/للحين في ناس كذا!!!
اصايل/طبعا...
ضاري/وماعندك جوال؟
اصايل/لا...مستحيل لو تشوفه عندي تذبحني رغم اني فكرت اطلع لي من وراها بس ماحبيت اتمشكل وتسويلي سالفة....
ضاري/والحل.....
اصايل/............
ضاري/طيب فيني اطلع لك انا جوال ونكلم بعض فيه بدون ماتدري هي؟
اصايل/وظنك اني بوافق؟؟؟
ضاري/وليش ترفضينه؟
اصايل/لاني ماراح ارضى ابدا انك تسوي ها الحركة,,,,
قالتها ووقفت وشالت شنطتها....
ضاري/طيب متى بشوفك مرة ثانية؟
اصايل/مدري...مقدر اعطيك موعد بعينه وانا مدري اذا كنت اقدر اطلع ولالا؟
طلع لها ضاري كرته ومده لها....
ضاري/هنا ارقامي لو فيك تتصلين تخبريني؟
اخذته وهي تناظر بالكرت وبداخلها اكبر ابتسامة وقالت له/اكيد.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
ماتدري ليش شوفته غيرت لها كل مزاجها بذيك اللحظات...
شي غريب قاعد ينتابها كل ماتجي سيرته عندها...
تحس انها قاعدة تموت شوي شوي...
كل اللي كانت تبيه انها توصل البيت بسرعة علشان تشوفه على راحتها لانه اكيد جاي عند ليالي...ويوم وصلت البيت خابت امانيها يوم ماشافته وحست بضيق اكبر من اللي كان فيها....
وقالت في بالها انه اكيد اخذ ليالي وطلع معها وياليتها ظلت معهم يمكن تشوفه بدون مايلاحظونها البنات بس الحظ اذا قعد قعد!!!!
كانت تبي تكلمه وبداخلها شي ملح انها تكلمه.....مو مهم اللي تقوله له شنو المهم تسمع صوته!!!
تبي تقوله انها اشتات له وانها اسفة على اللي صار وانها تبي ترد العلاقة مثل اول....بس ليالي هي المحك؟
هي اللي قاعدة لها بالنص....ماهي قدرة تحبها ولاتتقبلها بحياتهم رغم انها ماشافتها غير مرة وحدة بس لانها تغار منها ومن علاقتها بمتعب ومن حب متعب لها وخوفه عليها هي واختها....
كرهتها قبل لاتشوفها وتجي عندهم وهي اللي تعودت تاخذ دايما الاهتمام من الكل حتى منه كيف بس يتجرا ويح ليالي واختها بمقامها هي ويساويهم عنده!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ام عادل/انا ماقلت اقعدي؟؟؟؟
ليالي ظلت حايسة بمكانها وماهي عارفة شتسوي....
ام عادل/يعني انتي بتقعدين حالك من حالنا؟؟
ليالي/......................
ام جاسر/انتي مو متعودة على قعدة الارض بخيمتكم؟؟؟بعد وش له تجلسين على الكنب مثلنا!!!
هنا بس وضحت الصورة عندها.....السالفة كلها على بعضها شماتة وسخرية.......
ام جاسر/وبعدين وين القهوة والشاي...ولاتبين عمتك وتاج راسك ام عادل تطلع بدون ضيافة؟
تنهدت بقوة وراحت للمطبخ وهي تسال بداحلها يعني اذا ماهي ام جاسر من تون هاذي ام عادل وليش تتصرف كذا ؟؟؟؟؟
سرح فكرها لبعيد وهي تتسال اذا كان الاسم مر عليها من قبل وسمعته ولالا؟
ويوم عصرت مخها وماطلع لها شياخذت الصينية ومطلعت بس مالقت احد بالصالة وباب الملحق كان مفتوح؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,

يوم ثاني....
نايف/قومي جهزي ثيابي انا طالع؟
قامت بدون أي نقاش ولاكلام......
ويوم رجعت كان يناظر فيها من البارحة وهو ماسمع صوتها....
نايف/انا يمكن الليلة ماارجع بنسهر انا والشباب لوقت متاْخر.....
صبا/..............
نايف/مااعتقد اني اكلم نفسي !!!
صبا/.................
نايف بعصبية/صبا انا اكلمك ووجعتين ان شاءالله؟
صبا/انا افضل انه مايكون بينا أي كلام؟
اعتدل بقعدته وقال /خير,,,ماسمعت سمعيني بالله!!!
صبا/لاسمعت....
نايف/منو اللي يقرر في ها البيت انا ولاانتي!!!!
صبا/الافضل ان احنا نمشي على ها السياسة الجديدة ...
نايف/انك تحقرين وماتتكلمين؟؟؟هاذي سياسة بالله عليك؟
صبا/على الاقل تخفف من وجع الراس لي ولك؟
نايف بعصبية/اذا ماعقلتي وصرتي مثل العالم والناس بتشوفين شي ماعمرك شفتيه؟
صبا في بالها ..يعني شبشوف بالله...بتقعد تكفخ فيني مو هذا بس اللي انت شاطر فيه؟
نايف/اشوفك ماردتيتي؟
صبا/.....................
مسكها من يدها بعصبية ولفها لعندهوصارت قريبة حيل من وجهه وتوه بيتكلم سبقته وباسته على خده بنعومة وقالت له بهمس/لاتتكلم وتعصب من الصباح...اذا رجعت قول اللي تبيه!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
في ملحق ليالي....
اصايل/والله وحشتنا حيل..
متعب/مو كثري طبعا لانكم وحشتوني اكثر....
ليالي/كيف الشغل.....
متعب/الحمد الله ماشي....
اصايل/وش قلت اللحين على دراستي؟
متعب/فيك تنتظرين اسبوعين؟
ليالي/ليه؟
متعب/انا بنقل المكتب هنا وبظل جنبكم...
ليالي واصايل ناظروا في بعض...
متعب/مااشوفكم فرحتوا؟
ليالي/متعب لا...لاتغامر بشغلك علشانا...احنا بنكون بخير طالما انك بخير....
متعب/انا رحت الرياض علشان اكون قريب منكم ويوم انكم هنا لازم اظل جنبكم....انا ابي اعوضكم عن كل لحظة عشناها بعيد عن بعض؟؟؟
اصايل/ومافيها خطورة عليك يامتعب؟
متعب/لا كل الامور تمام لاتخافون....واذا رجعت بناخذ لنا بيت على قدنا وبنقعد فيه....
ليالي/وش تشربون؟
متعب/الكلام لك ياليالي......ماراح تجي معي اصايل بروحها حتى انتي بتجين اللي مايلزمك ماتلزمينه؟
ليالي/بس يامتعب...
متعب/من غير شي ياليالي......اولي وتالي هو خسران مو انتي؟
اصيل/قول لها علشان تسمع منك انا تعبت من كثر ماحكيت؟
متعب/مايحتاج اقول لها شي هي عارفة قيمة نفسها زين ...واللحين يالله لبسوا عبيكم انا عازمكم نطلع نتغذى بره...
اصايل/تمام....
ليالي/................
متعب/يالله ترى انا شايف عمك قبل لاادخل وقلت له وهو مااعترض....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نايف/حيرتني حركتها فعلا؟
ضاري/قالت مالها غير تجاريك وتعاملك بللي تبيه انت!!!
نايف/مااعتقد صبا وراها شي..ولاتبي شي.....
ضاري/اذا طلبت انت قادر ترفض وتقول لا.....
نايف/ومن قال لك عاد علشان ها البوسة انا بركع تحت رجلها؟بتسويها وعصبا عنها اذا طلبت منها....بس محيرتني توها ماتبي تتكلم ومفضلة تختتار سياسة الصمت..فجاءة تراجعت عن رايها....
ضاري/لي شانت ماتعرف احد كذا اره متقلبة...
نايف/شفي كانت عليّ مو مصدق حكيي...
ضاري/اللي تقوله عن صبا شي واللي تسويه شي ثاني...مدري شصدق فيك يانايف قولك ولاافعالك؟
نايف/ماعلينا شسويت مع دانتك....
ضاري/غريبة ها البنت .....شكلي بتلعوز معها؟
نايف/طيحتك بشباكها؟
ضاري بغرور/لابعدني ماطحت ماصرت نايف ثاني تطمن...بس صاير افكر فيها كثير...وماتغيب عن بالي...
نايف/هذا وبعدك ماطحت كيف لو تطيح؟
ضاري/تتوقع اتهور واتزوجها...
نايف/لعلمك حلى اللحظات تكون بقربها....الا وين جاسر؟
ضاري/طالعين يتغذو على الكرنيش...خوب اللحين مايفارق البيت لين تطلع ها الجنية منه؟
نايف/ماتكلم معها مرة ثانية؟
ضاري/لا.....
نايف/وزوجته....شلونها؟
ضاري/يقول امس غاسل شراعها بس ليش ماعطاني التفاصيل ..نشوفه الليلة وناخذ اخباره,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,
في السيارة//
هتون بحماس/كورنيش القطيف....
ام جاسر/وين؟نحلي كورنيش الدمام ونروح القطيف؟
هتون/يمه كورنيش الدمام بحلقنا وملينا منه وكورنيش الخبر كل يومين واحنا هناك بس كورنيش القطيف مارحناه كثير...
ريم/على قولة هتون ياخالتي ماشفناه كثير...
ام جاسر/كيفكم.....وين ماتبون ودونا...
من سمعت ابوها يقول لجاسران متعب اخذ ليالي وراح معها كورنيش القطيف فيها حماس مو طبيعي تروح ذاك المكان علشان تشوفه...ويمكن يصادفها الحظ وتكلمه....
,,,,,,,,,,,,,,,,,,,,,,,,
في سيارة متعب....
كان حاط ها القصيدة والهدوء سايد المكان.....
ثلاث سنين وانا اخطط لهذا اليوم يابو سعود..
تيسر حالي وجاهز اوفي وعدي بوقته
و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه


و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه


انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4 ف 6 )ليالي شالت الشريط بسرعة ولف لها متعب...
متعب/اتركيه؟؟
ليالي/ماله داعي تعيش نفسك على ذكريات راحت يامتعب.....
متعب تنهد/بس ها الذكريات تعني لي اشياء كثيرة؟
اصايل/ليالي معها حق...لاتوقف تفكيرك عند ها النقطة يامتعب.....
متعب/ماعشتوا اللي انا عشته علشان تقولون ها الحكي....
ليالي فتحت النافذة ورمت الشريط منها رغم نظرات الحزن بعيون متعب...
ليالي بهدوء/متعب.....ترى الذكريات تكون مؤلمة كثير وتوقف حياتنا عن التفكير والتخطيط للي بنسويه....لاتزعل مني....بس ودي لك بالافضل...واذا هي ماقدرت حبك لها وباعتك لاتشتريها باي ثمن يامتعب....انت قلت اللي مايلززمنا مانلزمه؟
متعب/يعني لو جاسر جاك يبي يرجع بينكم الصفحة اللي طواها من البداية بتقولينه لا..
ليالي بتنهيدة/مستحيل اقوله أي....هو اهاني بطريقة ذل فيها كل مشاعري ومستحيل اني اصفح عنه لو شصار؟
اصايل/اول مرة تقولين شي ايجابي ياليالي...
ليالي/كل شي يكون له حدود.....واذا الانسان تجاوزها ماقدر يسيطر عليها بعدين لانها ماتكون في يده...
,,,,,,,,,,,,,,,,,,,,,,,,,,,,,,,,,,,,,,


---البارت السادس والعشرين---

*************************************ا

اصايل/ان شاءالله دوم ياربي ها الايجابية عندك يابنت؟
متعب/يالله انكتمي انتي ترى انا ماارضى على ليال بكلمة؟
اصايل/خلاص وقف السيارة ونزلني وخلني اوقف امد يدي للي بالشوارع مدام انا مالي قيمة؟؟؟؟
ليالي/هههههههههه غصب تبيك تقول انتي بعد غالية؟
متعب/هههه أي بس عنادا فيها بنحقرها ومابنتكلم معها بشي؟
اصايل/زين انت وياها دواكم عندي....
متعب/اقول ليالي حبيبتي حلو المكان هنا ولا تبين نقدم شوي....
ليالي/لاخلاص يمكن قدام مايكون المكان فاضي مثل هنا.....
متعب/يعني ننزل؟
اصايل/ولاحد يشاورني ابدا!!!
متعب/انتي مالك حس...مانبيك حتى تتنفسين زين؟
اصايل/ابي ابوي وخالتي ام عبدالله!!!
ليالي/هههههه حلوة...
متعب بضحكة/روحي لهم ومنو ماسكك....يبى بتريحينا اذا رحتي لانك مضايقنتا كثير.....
اصايل/بتشوفون اللي ماتخرب عليكم القعدة....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
صبا بروحها قاعدة والف تفكير شاغل بالها!!!
ياترى وش بيقول عني نايف اللحين بعد ها الحركة؟؟؟؟؟
اكيد بيقول ذايبة فيه وماني قاوية فراقه!!!!
انا حمارة بجد..وش اللي خلاني اتهور وابوسه!!!كان ودي بدل ها البوسة اعطيه كف وارد له اهانته لي بس مااعتقد اني اقدر اتجراْوافكر فيها علشان انفذها....
بس انا تعبانة معك يانايف بجد تعبانة وماني قادرة...حاسة اني مابطول بها الدنيا لااكثر من يومين بعد!!!
معقولة المسجونين يعيشون كذا!!!!لهم حق اذا ماتوا ضيم وقهر لاني على ها المكان الحلو اللي انا فيه وانا حاسة بالموت كيف هم ولاوسائل ترفيه ومكان مثل القبر....الله يكون بعونهم,,,,,
شفيك ياصبا لفيتي على المساجين تتشفقين عليهم.,,,مو لاني صرت وحدة منهم يانفسي واللي يجرى لي ولالهم واحد مافرقت عندي.....
اه يادنيا اه...شلون امي واخواني اللحين؟شيسوون؟؟ياترى وش صار على زيد ؟؟؟معقولة نايف للحين ماسك عليه الاوراق اللي تثبت تزويره وسرقته من الشركة ولاتنازل عنه؟؟؟
تنازل عنه!!ليش تتوقعين انه بيتنازل ياصبا وعلشان منو؟؟؟؟؟
جتها ضيقة موطبيعية بعدها السالفة وقررت انها تلتزم مع نايف سياسة الصمت مهما صار ومهما قال لها لان ها الشي الوحيد اللي بيريحها وبيرد لها مكانتها,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,ام نايف/اقول حبيبي...
نايف/قولي يالغالية؟
نايف/ودنا نطلع الكويت يومين قبل لانروح النمسا؟
نايف/وطبعا ابوي مابيكون معكم وانا بكون مرافقكم؟
ام نايف/وليش يعني ماتبي تكون معنا؟
نايف/شدعوة يالغالية....خلاص انا الاسبوع الجاي ان شاءالله اخذكم واوديكم...
ام نايف/في شي ثاني ودي اكلمك فيه؟
نايف/قولي يمه....انا اسمعك؟
ام نايف/ودي تتزوج يمه وتترك عنك ها السهر وها السوالف اللي من هنا وهنا؟نايف ترك الملعقة اللي بيده وقال بذهول/اتزوج!!
ام نايف/أي...منت رجال علشان تفكر تتزوج وتستقر....
نايف وتفكيره بصبا/بلى يمه...بس يمكن مو اللحين يعني بعد مدة...
ام نايف/وليش تطول وتعرض عاد يمه؟
نايف/يمه تدرين فيني انا مااحب القيود ولااحب وحدة تسالني وين رايح ومن وين جاي ولاتبيني دايم مقابلها...ابي اعيش حياتي مثل ماابي؟
ام نايف/لمتى عاد لين تكبر وماتلاقي لك وحدة تاخذك وترضى فيك؟؟؟يمه اترك عنك سوالفك وبتلاقي الاستقرار انفع لك...
نايف وصورة صبا قربه اليوم الصباح وبوسته لها شوشو تفكيره على الاخر قال بسرعة/بعدين يمه بعدين نتكلم بها السالفة!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اصايل شالت نقابها وبسطت ..
ليالي/انتي بس طلعتي من بيت ابوك فسختي الحيا مرة وحدة؟
اصايل/محد قريب منا ليش بعد اقعد بنقابي...وبعدين انتي ماتقولين لي كيف بتاكلين بالله!!!!
ليالي/,,,,,,,,,,,,,
متعب/شيليه ياليالي ماكو احد قريب منا....
ليالي بتردد/أي بس......
اصايل/شيليه لااتبرى منك اللحين؟
متعب/اسمع هاذي بعد!!!
ليالي بعد تردد كبير شالته وحطته بشنطتها....وقعدوا يتغذون ويسلفون عن ابوهم وام عبدالله لاسيما ان متعب متربي معهم فكان ماخذ جزء كبير بالكلام عنهم,,,,
كانوا عاطين دربي ضهرهم...والبحر يصير عن يمينهم.....
اصايل/عادي اتمدد....
ليالي/انا خاطري امشي عند البحر...والامس الماي برجلي.....
متعب مد يده لها/يالله قومي....
ليالي/جد؟؟
متعب/انا معك لاتخافين؟
اصايل/وانا محد بيعزمني؟؟؟؟
متعب/اخاف ناخذك معنا ونغرقك هناك؟
ليالي/هههههههههههه
اصايل/أي طلعوا اللي بقلبكم عليّ!!وانتي اليوم قالبتني لك نكتة ياليالي هانم؟
ليالي/انتي مو قلتي بتتمددين مدري بتنامين؟خلاص تركناك على راحتك مانبي نجبرك على شي ماتبينه؟؟؟
متعب/ههههه قومي بس عنها؟
اصايل بتمثيل/ بتتركوني بروحي هنا!!!ماتدرون اني اموت من الخوف؟؟؟ياربي منتوا خايفين ترجعون وماتلاقوني بمكاني؟؟
متعب/والله اللي انا خايف عليه من جد ها العامل اللي بدربي خوفي ماتلاقين احد تتهاوشين معه وتروحين تذبحينه ويصير شهيد؟
اصايل/على طاري دربي اذا رجعتوا اخذوا لي ايسكريم شفتمن شوي بزر ياكل...
ليالي/انا باخذ لك بس علشان لاتناظرين بذاك المسكين ويغص؟
اصايل رمت عليها علبة الكلينكس ومشوا عنها متعب وليالي وهي تغمز لهم....
في جهة ثانية كانوا هتون وريم وشمايل وحنان قاموا من مكانهم ونزلوا عند البحر وتفرقوا كل وحدة بجهة وهتون خطر في بالها ترجع تدور على سيارة متعب يمكن تلاقيها بس جاسر هنا وهو اللي بيعوق حركتها لو شافها منفصلة عن المجموعة وتمشي بجهة السيارات واكيد بيسوي لها سين وجيم......
تنهدت وهي تمشي عند البحر وتذكر ايامها مع متعب وحبه لها وتندم نفسها اكثر واكثر على تخليها عنه بسهولة....
دايم مشاعره كانت اصفى من أي شي شافته بحياتها...كان رقيق لاابعد درجة ومشاعره رهيفة..كان غير عن محيطها اللي عاشت فيه..غير عن اخوها وابوها وجدها وعمها وولد عمها وخوالها!!!
كان بالنسبة لها ملاك من كثر شفافيته ورقته....
تنهدت بحسرة كبيرة على خسارتها اللي ماتتعوض....ياترى لو كان متعب اللحين زوجها كيف انت الامور بتكون؟؟؟
سؤال ماعمره خطر في بالها ابدا لايوم تركته ولايوم تدخل ليالي بيتهم ولا باي وقت...بس من شافته البارح طرى على بالها ها الشي,,,,,
رفعت راسها وهي تسمع ضحكة قريبة حييل من قلبها...
ويوم رفعت راسها شافته.....
اه يامغربك ياقدر,,,,,,انا ذابحة نفسي ابي اشوفه وكاهو واقف معها يضحكون؟؟؟؟
ليش تضحك مع ليالي يامتعب وماتضحك معي انا!!!
ليش ماسك يدها وخايف عليه لاتطيح في البحر وتارك يدي بعيدة عنك؟؟؟
وش عند ليالي علشان تحبها وماعندي انا يامتعب!!!!
اكرهها وبظل اكرها طول عمري.....
ماكان بالمكان ناس كثير وتقربت منهم اكثر وعطتهم ضهرها علشان لايشوفونها ووقفت تسمع صوتهم,,,
متعب/مبسوطة ياليال؟
ضاق خلق هتون اكثر واكثر...تدلعها بعد يامتعب؟؟؟؟اسمها ليالي ليش تقول ليال ليش؟؟علشان تقهرني وتضايقني؟؟؟؟
ليالي بفرح/ماعمري انبسطت مثل اليوم صدقني.....متعب ترى انت تركت فراغ كبير بغيبتك ومحد سد مكانك؟
متعب/خل ها السالفة تولي...كلها اسبوعين وانا هنا جنبكم علطول....بس انا ابي اعرف رايك؟
ليالي/بشنو؟
متعب/بكلم جاسر...
ليالي بخوف/عن شنو؟
متعب/علشان يطلقك؟شقلتي!!!
وقف قلب هتون قبل لايوقف قلب ليالي,,,
لي شيبي جاسر يطلقها؟؟؟؟؟علشان يحرم عيوني من شوفته كل ماسير عليها؟؟؟؟
ليالي بتردد/متعب....انا اخاف من السالفة هاذي....افرض وصلت لاابوي؟؟بنحرم منك حتى انت؟
متعب بعصبية ماتلوق له/وتبيني اشوفك عايشة في ها البيت كذا واسكت؟؟
ليالي/حبيبي انا مالي شغل في اهل البيت ولاهم لهم شغل فيني.....
متعب/وتضيع حياتك ياليالي....
ليالي/هذا اللي ربي كاتبه يجرى علي يامتعب مقدر اعترض....لاتفكر اني مامرت ببالي سالفة الطلاق ابدا....بالعكس انا فكرت فيها كثير وماجتني اجابة عنها كل اللي تصور لي بعقلي الباطن ردة فعل ابوي وانت تعرفه كثري...
متعب/بس انا ماارضى لك بها العيشة ياليالي ياعمري...جاسر مايستاهلك ولاهو من حقه يعيشك معه كذا معلقة؟؟
ليالي/لانتاخر خل نشوف وش صار مع المجنونة اللي فوق؟
لفت هتون جهتهم بسرعة وكانت ليالي مشت ومتعب توه بيلف وصارت هتون بوجهه وجمد مكانه ويوم لفت ليالي تشوفه لفت هتون للجهة الثانية ومافي بالها غير سؤال واحد...منهي المجنونة اللي تقصدها؟؟؟معقولة يكون تزوج ويتكلمون عن مرته؟؟؟
ليالي/متعب شفيك؟ماخلصت شاعرية وانت قبال البحر.....
متعب بربكة/ها...جايك...
ليالي/اجل انا بكون عند دربي وباخذ لها ايسكريم..انت تبي شي؟
متعب/أي شي......
كان يبي ليالي تمشي باي طريقة وحتى هتون كان ودها بها الشي...ومشت وتركتهم بروحهم وبمجرد مشت لفوا لبعض وكل واحد مجهز بعيونه كلام بيقوله؟؟؟؟

رانيا/شفيه حبيب الوالدة يفكر؟
ضاري/ولاشي....
رانيا/اقول ضويري مدام الوالدة راقدة اعترف...
ضاري/عن شنو؟
رانيا/انت البارحة مواعد بنت صح؟
ضاري/ذكية والله...كيف عرفتي!!!
رانيا/أي وانا اقول محتار مو عارف وش تلبس وكل شوي رشة عطر..السالفة مو لشباب اكيد..لازم السالفة فيها بنت ابليس؟
ضاري/بنت ابليس بعينك يابنت ابليس؟
رانيا/اللحين انا اختك من امك وابوك اكون بنت ابليس وهي مو بنت ابليس؟؟شكلها لعبت بعقلك؟
ضاري/اقول انتي ماتنعطين وجه ابدا!!صادقة بللي تسويه فيك ام ضاري؟
رانيا/لاتضيع السالفة وقولي باي فندق التقيتوا؟
ضاري/تكلمي عدل لااقص لسانك؟
رانيا/لاتحاول تقنعني انك شفتها بالمول من بعيد لبعيد لاني ماراح اصدق؟؟
ضاري/بلي مايحفظك ان شاءالله!!!ومسؤلة عني انتي وانا مدري علشان اقولك كل شي ؟
رانيا/اوووووف ولد امك نفس الطبايع والاخلاق الشينة؟؟؟
ضاري/اقول انطمي وسكتي يابنت ابوك لايجيك شي مايعجبك؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, ,مايدري ليش طلع من بيت اهله وهم اليوم يتجمعون كلهم وترك كل شي وراه وراح لها الشقة؟؟
هل سالفة العرس اللي فتحتها امه اليوم هي السبب ولا سالفة بوستها من الصباح!!!!
واحد من ها السببين جابه لعندها بعد ماكان مقرر مايمرها اليوم....
يوم دخل الشقة ماانتبهت عليه لانها كانت مشغلة التلفزيون وهي بالمطبخ تحوس..
دخل المطبخ ولقاها تسوي لها سندويش وهي تغني بينها وبين نفسها..
وقف يتاملها...شكلها صاير جنان بها الثوب الابيض القصير ومع شعرها اللي رابطته كله لوراها....
واخيرا نزعت لي بجامات الهم ولبست لي شي يفتح النفس...
قرر انه يكلمها قبل لاترفع راسها وتشوفه وتخاف..
نايف بهدوء/صبا..وش جالسة..
مامداه يكمل لانها شهقت بقوة ورفعت راسها ونفضت نفسها...
نايف مسوي انه لامبالي/خفتي مني!!!
صبا بحقد/وانت الصادق ماتوقعت حضورك؟؟؟انت مو قايل انك مو راد؟
نايف/أي بس هذا مايعني اني مابرد؟؟؟؟اعتقد الشقة شقتي واجي بكل وقت؟؟؟
صبا تمتمت بينها وبين نفسها بكلام مو مفهوم....
نايف/خير في شي؟سمعيني؟
صبا/سلامتك.......
تقرب منها ومسكها من يدها وشال الملعقة منها..
نايف/صبا تعالي....
صبا باعتراض/انا جوعانة يانايف خلني اتغذى وبعدها قول شعندك؟
نايف وهو يسحبها لعنده ويهمس باذنها/اذا قلت لك تعالي تجين بدون أي كلمة زيادة منك...سامعتني يابنت!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نرجع للناس اللي تركناهم على الكورنيش....
زمثل ما الحظ رمى متعب لهتون بوجهها رمى ليالي بوجه جاسر بعد....
بعد مامشت من عند متعب وهي في بالها انه يمشي وراها قدمت عند دربي وبذيك اللحظات كان جاسر واقف هنا بعد مامل من مشيه وهو مو عارف هم وينهم لانهم متفرقين...وبس شافها ركض وراها....
كانت واقفة تطلب وصار لازق وراها علطول.....
ويوم راح العامل للنافذة الثانية يشوف طلبهم مدت له يدها بس بدون ماتلف له وقالت له/طلبت لك عصير برتقال مثلي يالله يدك على ثلاثين ترى مامعي فلوس!!!!
ماانتظرت كثير على مايمد يده لها بالفلوس بس رعشة قوية سرت بيدها وبيده بعد ووقفت القلوب عن الخفقان ولفت له ليالي بسرعة......
كان كل الخوف ماليها ذيك اللحظات من شوفة جاسر قبالها وبها المكا وبها الشكل ويكون هو اللي قاعدة تحاكيه وطلبت من فلوس؟؟؟؟
شبيقول عنها اللحين؟؟؟هو شنو جابه اصلا هنا؟؟؟معقولة عمي قايل له...
ليالي وعيونها بالارض وتمنت انها ماشالت نقابها وماطاعتهم قالت بهمس/بعد ابي امشي؟
جاسر بنفس الهمس/والعصير؟
ليالي/ماابيه؟؟؟
جاسر/ليش اد؟
ليالي بخوف/جاسر انا مو قصدي اطلب منك فلوس؟؟؟انا فكرتك..
قاطعها جاسر/علامك خايفة مني كذا!!!!احنا اهل ولانسيتي؟؟؟بعدين انا من زمان قاعد ادورك وابيك تكونين بروحك علشان نتكلم؟؟
ليالي بخوف/نتكلم؟؟؟انا وانت؟؟؟؟
جاسر/معقولة اهلي واصفيني بطريقة شينة لك؟؟؟؟ترى انامسالم مااسوي شي......كل اللي ابيه نتكلم ونتعرف على بعضنا.....
ليالي بدون تصديق/انت وانا!!!!جاسر لو سمحت امشي شوف الناس اللي جاية؟
جاسر وهو يبعد عنها/اذا على ذيك السالفة لاتشغلين بالك فيها...
هو كان يقصد انه متزوج وهي راح تفكيرها لموقفه امس....
بس ماقدرت توقف اكثر حست الارض بتنشق وتبلعها من الاحراج اللي هي حست فيه...
مشت عنه بسرعة وكان بيلحقها بس العامل ناداه ان طلبها اللي طلبته جهز فما شافها يوم تلف للجهة الثانية وتقعد مع اصايل اللي اعتدلت بقعدتها يوم شرفت ليالي؟؟؟
,,,,,,,,,,,,,,,,,,,,,,,,,,,,,,,,,,,,,,,,
نروح لهتون ومتعب ونقطع صمتهم شوي وكلام عيونهم اللي ماوقف....
كانت تنتظره هو يتكلم بالبداية وهو ينتظرها تقول أي شي علشان يصدق انها هي الواقفة قدامه..ولانها عارفة انه مو جريء وان الوقت بيمر وهو ماتكلم قررت انها تتكلم قبله...
بارتباك قالت له/شلونك يامتعب؟
متعب وهو يتنهد/انا بخير......انتي شلونك؟
هتون/.....................مشتاقة لك؟
غمض عيونه بس سمع منها ها الكلمة.....يمكن احساسه بانها المفروض تكون له وهي تقولها اللحين وهي لغيره متعبه كثير...
هتون بحزن/عارفة انك مابتصدقني...بس هذا الواقع وهذا الشي اللي احس فيه؟
متعب/لاتقولين ها الكلام...انتي خلاص ماعدتي حلالي ياهتون؟؟غيري ملك كل شي فيك!!
هتون بتنهيدة/في شي انت ماتعرفه يامتعب....يعني...
متعب /هتون في ثنتين جايين لك علاقة فيهم؟
هتون بارتباك/أي انا لام امشي....بس فيني اكلمك ابي اقولك عن شي؟
متعب وهو يمشي من جنبها/رقمي ماغيرته اذا لسه معك؟
تندم بعد مامشى انه قال لها ها الحكي وعطاها اتصال بينهم!!!
كان لازم مايضعف ويحاكيها من الاساس وهي حرام عليه وعلى ذمة واحد ثاني!!!
بس هي قالت تبي تقولي شي....يعني اكيد عندها سالفة تبي تقولها؟؟؟؟
اما هتون يوم يجون ريم وشمايل سوت انها كانت سرحانة بالبحر وماهي بالدنيا اصلا وهي فعلا افكارها راحت لعنده....بس ياترى هل بيسمعني وبيعطيني مجال اقوله الصدق ويرضى عني!!!ولا شبيصير ياترى؟؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
تلفتت للوسادة الخالية اللي بجنبها وتنهدت...هي سالفته معي وماراح تتغير.....
ماجاني الا علشان يسلي نفسه فيني وقت فراغه وكاهو قام يتحمم علشان يطلع من جديد؟؟؟
ماتدري شكثر اكرهك يانايف وودي بيوم فراقك؟؟؟
كل لحظة اعيشها معك زيادة احس اني بموت منك ومن تصرفاتك الحقيرة معي!!!!
عسى الله ياخذك ويفكني منك ان شاءالله...
تنبهت على صوته وهو طالع من الحمام ولفت حوالينها الشرشف بقوة....
لف لها نايف/مابتقومين ؟؟؟؟
صبا بدون نفس/لاحقة على القومة وش عندي يعني!!!
نايف/قومي اكلي لك شي...
صبا/.....................
نايف/تبي اخلي الساليق يجيب لك شي؟
صبا/..................
نايف/انا مااكلم نفسي؟
تنهدت وقالت بعصبية/فكرتك ماتبي تسمع صوتي ولامنت طايقه!!!
تقرب منها وهو بعده يلبس وقال لها/بكيفي اقرر اذا كنت ابي اسمع صوتك ولالا؟موعلى هواك تقررين ياهانم؟؟؟
صبا/نايف معليش توديني عند اهلي واذا بترجع تمر تاخذني؟؟؟
نايف وهو يقعد جنبها ويعدل بقميصه/مااحب السوالف البايخة ياصبا فاهمتني!!!
صباوووووف...
لف لها وتقرب منها وصار شبه لازق فيها/عيديها مرة ثانية؟؟؟
كان متقرب منها وهو خاطرها تعيد حركة الصباح وهو اللي قاصده اصلا وصبا خافت منه لايقوم يكفخها تقربت منه تبوسه وهي مو على بالها تفكيره بس لانها يوم تبوسه الصباح صفن عنها وشرد وماقال لها أي شي بعدها...فما لها الا ها الطريقة تسكته فيها لانه ماعلق عليها....كل واحد فيهم ها المرة حس باحساس غريب عن اللي حسه الصباح...
نايف الصبح كان متفاجىء وماتوقع ردة فعلها اللي بتسويها فكانت اعصابه اللحين مشدودة وهو ينتظر قربها...
صبا الصباح توقعت يجيها كف بعد ها البوسة فكانت خايفة موووت بعكس شعورها اللحين معه وهي حاسة منه شوية امان.......
باسته على خده بنعومةوماابتعد عنها ظل قريب وباسته مرة ثانية وثالثة ورابعة بعدها قالت له بخوف/ماعليه نايف ازورهم؟
نايف بهمس وهو يبادلها بوستها بنفس النعومة/هلك لا....طلبي طلب ثاني.....
صبا بخوف/طيب اشوف نور صاحبتي؟
نايف/بشوف...بكلم زيد وبشوف اذا تقدر تجيك اليوم ولا بخليها تمرك بكرة...
صبا/جد!!!!جد حبيبي؟؟؟؟انا اموت فيك؟؟؟
تعلقت عيونه بعيونه وهو افكاره بكلمتها......
حضنته بقوة علشان تخفي ارتباكها من تسرعها بقول ها الكلمة وماتدري انها زادت النار حطب بها اللي سوته!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

اصايل/شيقصد يعني؟؟؟
ليالي بارتباك وخوف/مدري.....
اصايل/غريب.....تصرفه كله على بعضه غريب؟؟
ليالي/الاغرب كلامه يااصايل...ونظراته!!
اصايل/............................
ليالي/مدري حاسة ان في شي مو طبيعي بالسالفة؟؟؟يعني كلامه بالامس وعصبيته مختلفة اختلاف كلي عن نظراته يوم شفته قبل وعن نظراته اليوم وكلامه ....
وش تتوقعين انتي!!!
اصايل/فعلا موقفه غريب....يعني جيته لهنا بروحها يبيلها سين وجيم وهو عارف انك بتكونين هنا؟؟؟؟وكلامه بروحه يبيله قعدة ثانية؟
ليالي/وش يقصد بكلامه ان انا وهو يبيلنا قعدة نتكلم فيها مع بعض؟؟؟
اصايل/...............
ليالي بتنهيدة/طيب وش معنى كلمته ا ناهله واصفينا لي بطريقة شينة وانه مسالم مو مثل ماانا متصورة؟
اصايل/تهقين متعب كلمه عنك؟
ليالي/لاطبعا...لانه قبل شوي كان فاتح معي السالفة هاذي وانا رفضت.....
اصايل/على طاري متعب وينه؟
ليالي/متعب....تصدقين بلحظة وحدة حسيته متغير!!!!!قال بيجي وراي بس ليش ماوصل للحين؟؟؟
اصايل/حل ندقعليه نشوف شسالته؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

 
 

 

عرض البوم صور بياض الصبح   رد مع اقتباس
قديم 21-08-10, 06:55 AM   المشاركة رقم: 19
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت السابع والعشرين---

*************************************
,,,,,,,,,,,,,,,,,,,,,,,,,,,,,,,,,,,,
تهاني/اليوم موحلو؟
ام احمد/اليوم ركزي على مذاكرتك عندك مادتين السبت؟
تهاني/سهلين....
ام احمد/صح..مثل المويه بعد!!!!
تهاني/هذا متعب بيطول مع بنات اخوك؟
ام احمد/وانتي شعليك منهم؟خلهم يشوفونه براحتهم ماعندهم الا ها اليومين...
تهاني بملل/بعد!!!يعني مو بس اليوم بكرة بعد!!!
ام احمد/انتي وش اللي مضيق خلقك ابي اعرف؟
تهاني/اشتقت لهم...تعودت عليهم كل يوم انام هناك واكل معهم ونسولف جميع.......
ام احمد بتنهيدة/ياربي يسعدهم بحياتهم ويعوضهم عن ضيم ابوهم ومرته..
تهاني/ليالي غسلي يدك منها بس اصايل يمكن فيها شوية رجاْء..
ام احمد/انتي لمنو ماخذة طوالة اللسان هاذي؟
تهاني/يمه خلينا واقعين...ولد اخوك وتزوجها وانتهينا من ها القضية وهي مالها مفر منه !!بعد أي سعادة هاذي اللي بتلاقيها من ورى بيت ابو جاسر؟؟؟؟
ام احمد/..........................
تهاني/لاواللحين ام عادل وبناتها بالبيت ابشري بالخير عدل؟
ام احمد بعصبية/هم راحوا لليالي زاروها؟
تهاني/مدري ساليها؟
ام احمد/انا اسالك انتي!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,ام عبد الله/علامك صافن يارجال وش تفكر فيه؟
ابو عبدالله/..................
ام عبداللله/ياولد الحلال اقلقتنا انت وسكوتك قول شفيك؟
ابو عبدالله بتنهيدة/اصايل؟؟؟
ام عبدالله/وش فيها بعد بنت ابليس؟؟؟؟
ابو عبدالله/مدري مو متطمن لقعدتها عند عمتها هناك ...
ام عبدالله/أي.....وش تفكر فيه بعد قول؟
ابو عبداللله/ابي اردها هنا....تكون قبال عيوني؟
ام عبدالله/عاد اسمح لي يابو عبدالله قلقك من الاساس ماله داعي!!!!البنت قاعدة عند عمتها وش له لعد ها الخوف عليها؟؟؟
ابو عبدالله/كيف اخليها هناك ثلاثة شهور بعيدة عن عيني!!!
ام عبداللله/اذ ا انت خايف على بنتك تطمن ماله داعي ها الخوف بنتك سبعة وماينخاف عليها هاذي مابتروح تاخذها من عند عمتها الا وهي ناهشة بلحوم الكل؟
ابو عبداللله/والحل يعني؟
ام عبدالله/الحل انك تقفل ها السالفة لين تنقضي المدة اللي قالت لك اختك فيها وبعدين تروح تجيبها لنا وتحطها على قلبنا من جديد ونعتل فيها؟
ابو عبدالله/بس ياام عبدالله..
ام عبدالله/من غير بس يالغالي....خل نريح شوي من مشاكلها هي واختها اللي ماتنتهي عاد؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
قامت تشتري لليالي اللي كانت مرتبكة من اللي صار بينها وبين جاسر مويه ولان متعب شكله مطول وكل مايدقون له مافي جواب!!!
وقفت عند دربي وانصدمت يوم شافت ضاري واقف جنب جاسر قريب حييل من دربي!!!
وش معنى وجودك هنا ياضاري؟؟؟؟؟معقولة العيلتين جايين هنا مع بعض؟؟؟؟
ولا جاسر داق لضاري يجيه؟؟؟؟
سالفة غريبة فعلا ....
كانت تاكل ضاري بعيونها وبعدها كاشفة وجهها وانتبه لها ضاري طبعا وبالاول ماعرفها ولاعبرها بس يوم تلثمت وضحت له الصورة عدل؟؟؟؟
هي بشحمها وبلحمها ومافي شي يخدعه فيها!!!
ترك جاسر بمكانه واسرعت خطوته ناحيتها وتقرب منها بسرعة وسط ارتباكها.....
ضاري/انتي هنا!!!وش ها الصدفة الغريبة؟
اصايل بارتباك وخوفها يجي متعب باي لحظة/فعلا صدفة غريبة......لو انا طالبة شوفتك ماشفتك؟
ضاري/مع صاحبتك؟
اصايل/للاسف لا....انا مع اهلي ياضاري؟
ضاري/ومافيك تبعدين شوي نسولف على راحتنا؟
اصايل وزاد خوفها من نظرات جاسر اللي تتفحصها وخوفها انه عرفها رغم انهم ماالتقوا قبل/لاطبعا مااقدر...يادوب باخذ مويه وبمشي,,,,,
ضاري بلهفة/بتدقين؟
كانت تناظره من فوقه لتحته ذيك اللحظاتوهي حاسة بصوته لهفة حقيقية وقالت له /اول ماتصير عندي فرصة تاكد اني بسمع صوتك فيها.....
ضاري/................ليه كاشفة وجهك؟
اصايل وهي تتفحصها/عيديها مرة ثانية؟
ضاري بلااهتمام/وش هي؟
اصايل/الجملة اللي قلتها؟
ضاري/ليه؟؟؟
تنهدت اصايل/ابي تاْكد هل انا فعلا سمعت فيها نبرة غيرة ولااذني خانتني؟
ضاري بغرور وثقة وكانه تبدل لشخص ثاني/لاطبعا اذنك خانتك وعقلك وسوس لك؟
ماردت عليه بس اخذت غرشة المويه وقبل لاتمشي كشفت وجهها قدامه وقامت تناظر فيه وبعدها مشت!!!
بس هو ظل بمكانها يناظر بسرابها اللي غاب وبوجهها القمري اللي تمنى يشوفه اكثر واكثر واكثر.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شمايل بهمس/هتون علامك شاردة؟
هتون تنهدت/ولاشي.....وبعدين من قال لك اني شاردة؟
شمايل/يعني مو ملاحظة نفسك وملاحظة شرودك؟؟
هتون/لا
شمايل/شبيقولون بنات خالتي عنك؟
هتون بعصبية/مايهموني بالناقص فيهم وبتفكيرهم!!!
شمايل/علامك انتي صايرة كبريت؟
هتون/لان كلامك ينرفز ياحظي؟
شمايل/أي بس انا ماقلت شي ياهتون...انتي فعلا شاردة حييل ومو معنا وكل شوي رفعتي الجوال وكانك تنتظرين احد يدق عليك ومو معبرتنا نهائيا؟
هتون/لاتعليق!!!
شمايل/تبين نروح مكان ثاني ولانرد البيت؟
هتون بسرعة/لاطبعا!!!!ابي اقوم امشي بطول الكورنيش وعلى راحتي!!!!
شمايل/والله انس الفتك غريبة اليوم...
ام عادل/علامكم تتهامسون يابنات اختي بروحكم؟
شمايل/سلامتك خالتي.......ولاشي؟
ام جاسر خزتهم بنظرة فهموها عدل.....
شمايل/اقول ريموا...عادي نسوي فيك مقلب انا واختي؟
ريم/يعني الهمس هذا كله عليّ انا؟؟؟؟
شمايل/مو اختك قلبها رهيف مانقدر عليها بس انتي بطلة؟
حنان/أي بس لايلعبون عليك ويرمونك بالبحر؟
ام عادل/توصوا في بنتي زين ياشمايل موت سوينها وترمينها بالبحر؟
شمايل وهي تمسك يد هتون تقومها/افا ياخالتي وانتي مصدقة حنان عاد؟
ام عادل/واذا شفتوا جاسر بطريقكم نادوه يقعد يسولف معنا انا وامه من جينا واحنا ماشفناه؟
هتون/يقول يبي البنات ياخذون راحتهم مايبي يضايقهم ويحرجهم بقعدته؟
ام جاسر/بعد جاسر ابو الذوق فديته وليدي!!!
ام عادل/لاماينحرجون منه ا البنات بالعكس يعزونه حيييل وشوفته عندهم تفرحهم !!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في سيارة متعب.....
كان الجو هادي بالمرة والسكون مغطي المكان وكلا شارد بفكره بعيد...
متعب كل تفكيره رايح لهتون ولشوفته وهل ممكن تتصل فيه ولالا ؟وشنو اللي بتقوله له؟وهل فيه يقدر يمنع نفسه مايسمع صوتها؟وشنو ها القدر اللي جمعه معها مرتين بيومين متتالين وخلاه يشوفها وجها لوجه؟
ليالي...تفكيرها رايح للزوج القريب البعيد,,,,الغامض,,,اللي ماهي قاردة تربط بين أي تصرف من تصرفاته وبين نظراته لها؟؟وبين كلامه اليوم وكلامه الامس؟؟؟
ياترى وش يقصد بحركة امس وبحركة اليوم وباصراره انه يكلمها ويتفاهمون؟وعلى شنو بالضبط يتفاهمون ويتكلمون؟؟؟
اصايل بعد فكرها شارد لبعيد ...لعند ذاك المغرور المتعجرف؟؟؟؟
ضاري.....وهو فعلا ضاري!!!بس مو على اصايل ياولد العم وحط في بالك ان موقفك اليوم زاد قهري قهر وكرهي كره وبسوي المستحيل علشان اوقعك معي وبعدها ارفضك مثل مارفضتني!!!!
غمضت عيونها بالقوة وبانت الدموع فيهم,,,,وش اقسى من معنى الرفض يااصايل وقدامك مايفصلك عن الكلمة أي شي!!!
كيف قدرت تقولها وتجرحني بها الطريقة ومايتاْثر فيك أي شي ياضاري؟؟؟
خليتني انام الليل ودمعتي فوق خدي واقعد النهار ومااوري العالم غير ضحكي وابتسامتي وانا اصلا احترق من داخلي ياضاري؟؟؟؟؟
قطعت الصمت ليالي,,,,,
ليالي/انا اشو فان احنا نرجع البيت؟
لفوا لها اصايل ومتعب بعد ماانتبهوا من شرودهم,,,,
متعب/ليه؟
ليالي/بس ...السكون بينا صاير اكثر من الكلام وكل واحد عايش بعالم بعيد,,,,,نرجع البيت افضل؟
متعب باعتذار/انا اسف,,,بس شردت شوي,,,سامحوني يالغلا مو قصدي....
اصايل/انا شفتكم ساكتين ماحبيت اخرب جوكم بسوالفي!!!!
متعب/معليش سامحوني انا طالع اونسكم ضيقت خلقكم؟؟؟
ليالي/لايامتعب لاتقول ها الحكي,,,,بس اذا فيك شي قول لنا عنه ولاتحطه في بالك؟
متعب/لاولاشي,,,,,بوريكم القطيف,,,,هنا بديت اول مااشتغلت؟
اصايل/يعني تدلها عدل؟
متعب/اكيد,,,,,وين تبون تروحون؟
ليالي/براحتك.....
متعب/تعالوا اوديكم سنتر بوينت,,,وبعدها نشوف وين نروح؟
اصايل/مانبي نرد البيت بدري سامعين؟
ليالي ومتعب/هههههه
متعب/ان شاءالله عمتي اصايل....
,,,,,,,,,,,,,,,,,,,,,,,,,,,,,,,,,,,,,,,,,,,,,,,و
معقولة يانايف....بتخلي ها الصبا تلعب بعقلك بشوية حركات أي وحدة بتدفع لها بتسويها لك!!!!!
لاطبعا وانا ولد التميمي ياصبا....لاتفكرين انك قدرتي تلعبين بمخي وتفرين عقلي واني بكون تحت رجلك وبسوي لك اللي تبينه!!!!
لابتشوفين اهلك ولابتشوفين صاحبتك!!!!وظلي تعذبي كذا وانتي بعيدة عن كل العالم علشان تعرفين تهينيني مرة ثانية عدل؟؟؟؟؟
اه يانايف اه...شجاك وقلبك مرة ثانية!!!
مو كنت بتموت وانت بحضنها وتبي رضاها عنك علشان لاتبتعد عنك...وش اللي قلب كيانك وتفكيرك عليها كذا بمجرد طلعت من عندها!!!!
لاني مابي ابين لها ضعفي والليىابيه منها لازم تنفذه غصبا عنها مو بكيفها,,,
قعدي حلمي على كيفك ياصبا زبالنهاية محد بيجيك؟؟؟
بس شسوي اللحين انا اذا رحت الكويت وتركتها....انا تعودت عليها تكون معي كل ليلة بقدر اقعد اسبوع كامل وهي بعيدة عني!!!!
الله ياخذك يابنت الفقر ويفكني منك ومن تفكيري الدايم فيك!!!!
مو قادر ابتعد عنك ولاقادر اخلي فكري يسرح شوي بعيد عن شخصك....
تعبتيني معك ياصبا والله تعبتيني....
ماتخيلت بلحظة من اللحظات ان بزر مثلك ممكن تسوي فيني اللي انتي قاعدة تسوينه...بس صدقيني ياصبا ....صدقيني بعذبك اكثر واكثر لين تموتين على يديني!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
قعد بسيارته قبال الكورنيش بعد مامشت وراح طيفها وبعد ماجاسر اخذ اهله ومشوا....
كان يناظر بالبحر وهو شارد بعيد....
مع وجها الحلو ونظراتها الثابتة فيه....وعنادها!!!
أي عنادها....وش تعني حركتها بالله!!!
يعني هي معقولة حست من كلامي اني كنت غيران عليها لانها كشفت!!!!
طيب مو هي تحبني ليش عاندتني وكشفت مرة ثانية وقصدها تضايقني بها الحركة؟؟؟
تبيني اثبت لها اني ابادلها شعورها مثلا!!!!ولا تبي تنطقني غصب؟؟؟
في شي انا مو فاهمه بالقضية ابدا!!!ورى حبك يابنت الناس شي وانا متاْكد منه,,,بس شنو الله اعلم!!!
خلك من هذا كله ياضاري....انت فعلا كنت غيران لانها كاشفة وجهها ولانك ماتوقعتها تكون بها الجمال الرباني ليش بعد تغلط نفسك وتكذب مشاعرك!!!!!!
لامستحيل....مستحيل تكون مشاعري ارتبطت فيها بها السرعة!!!
بلى ارتبطت....ولا ليش تبيها تدق لك وتبي تسمع صوتها وتسولف معها!!!وليش من شفتها ركضت لها وحاكيتها!!!!
وليش كنت تبي تقعد معها هناك لو كان عندها مجال!!وليش ارتعشت يوم شفتها واقفة قبالك وانت ماتوقعت شوفتها ابدا!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
في سنتر بوينت.....
اصايل/شوفي ها البلوزة مو حلوة؟
ليالي/احسها مخصرة بزيادة؟
اصايل/يعني ماتناسب تهاني؟
ليالي/لها ولالك؟
اصايل/لاودي اخذ لها شي......
ليالي/معناته اخذي اللون العنابي بيلوق لها اكثر.....
اصايل/رايك كذا...
ليالي/امممممم....شوفي الشنطة هاذي حلوة؟
متعب/لاهاذي احلى؟
اصايل/والله!!!
متعب/أي والله؟
اصايل/هههههه
متعب/شيليها...
ليالي/مالي حاجة فيها انا وين بروح عاد!!!
متعب حطها بالعربة بدون مايرد عليها...
اصايل/سالت لي عن المعاهد يامتعب؟
متعب/أي.....انتي ليش مستعجلة...قلت لك اول مانتقل هنا بتدرسين لاتخافين,,,,
اصايل/الحمد الله...نجي للي بعده..
ليالي/خير ان شاءالله؟
اصايل/اقول حبيبي انا لامحة ملاهي قريبة من هنا؟
ليالي/والمعنى؟
اصايل/انا احاكي حبيبي متعب؟
متعب/هههههه أي في القلعة قريبة من هنا بس نخلص بنروح يابيبي وش تبين بعد؟
اصايل/في العاب حلوة يخلوني اصارخ؟؟
متعب/وشايفتني كل يوم اروح العب!!!مدري؟
اصايل/انت مو شي.....
ليالي/وليه تبين تلعبين وتصارخين بعد!!!
اصايل/بحياتي مادخلت الملاهي الا مرتين بس!!!يوم تجين عمتي ام احمد بالعيد قبل كم سنة وتاخذنا الرياض تذكرين لياليوا؟
ليالي/أي اذكر....واللي اعرفه انك كبرتي على الملاهي من زمان!!!
متعب/لاماكبرت بعدها...ولاحتى انتي كبرتي!!!
ليالي وهي تمشي عنهم/هذا الي قاصر بعد اروح الملاهي والعب؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بعد صلاة المغرب.....
هتون/بغيتني؟
جاسر/أي دخلي بغيتك بسالفة..
هتون قعدت/خير في شي؟
جاسر تنهد بتنهيدة طويلة/دبريني....
هتون/بشنو؟
جاسر/في بنات خالتك؟
هتون/ليش هم مضايقينك بشي...
جاسر باندفاع/لابالعكس......يعني,,,,
هتون/شسالفة ياجاسر؟
جاسر/بصراحة ياهتون وخلي الكلام بيني وبينك....انا غرقان بوحدة فيهم؟
هتون/؟؟؟؟؟؟؟؟؟؟؟
جاسر/مااشوفك قلتي شي؟
هتون/يعني هو الحب يجي صدق بدون اسباب بس مااحس وحدة منهم ممكن تحرك مشاعرك ياجاسر بسهولة....طباعهم غير عنك ومافي نقطة التقاء؟
جاسر/موعلشان كذا انا ابيك تساعديني؟
هتون/ومنهي فيهم؟
جاسر بتنهيدة /هذا اللي انا مو قادر اعرفه للحين يعني للحين؟
هتون/شلون يعني؟
جاسر/انا مدري هي ريم ولاحنان؟
هتون/طيب وبعد ماتدري شبتسوي؟
جاسر/بخطبها ومابضيع وقتي ابدا!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,
في مطعم التنور على الساعة تسع ونص.....
اصايل/صراحة هذا اللي اسمه فيتشوني رهيب مرة...
ليالي/متعب علامك ماتاكل؟
متعب/ها.....انا اكل...
اصايل/متعب انت فيك شي صح؟
متعب تنهد....
ليالي/ترى انت عندك شي بتقوله؟....
اصايل/انتبهنا عليك من رجعت لنا بس تركناك على راحتك...لين انت بنفسك تقول لنا؟؟
تنهد مرة ثانية وقال بالم/شفتها هناك؟؟؟
ليالي واصايل ناظروا في بعض وقالوا بصوت واحد/هتون؟؟؟
متعب وهو يناظرهم بنظرة حزن/أي...
ليالي/قلتوا لبعض شي؟
اصايل/كان معها زوجها؟
متعب/كانت بروحها ويمكن معها صديقاتها ولاخواتها بس يوم اشوفها ماكان معها زوجها؟
ليالي/قلت لها شي؟
متعب/سلمنا على بعض...
اصايل /أي...وبعد السلام؟
متعب/قالت انها تبي تقولي شي انا مااعرفه؟
اصايل/وقالته؟
متعب/لا...بذيك اللحظة خوياتها اللي معها تقربوا وانا مشيت؟
ليالي/وانتهيتوا عند ها الشي؟
متعب/قالت تبي تكلمني بالتلفون....وانا قلت لها رقمي ماتغير؟؟
ليالي/................
اصايل/..................
متعب/صح اللي سويته ولاغلط؟
اصايل/يعتمد على اللي هي تبيه منك وتبي تقوله؟
متعب بتنهيدة الم/انا فعلا مو قادر اصبر لين تدق واعرف اخبارها.......
ليالي/اذا قالت لك انها تطلقت يامتعب شبتسوي؟
متعب/تطلقت!!!!
ليالي/انا اقول لو؟؟؟
اصايل/طبعا ماراح تفكر ترتبط بانسانة باعتك بالاول ويوم خسرت جت تشتريك؟؟؟؟اللي مايلزمنا مانلزمه!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,


فتحت عيونها على الساعة ثلاث الفجر على صوت الباب وهو يتقفل اعتدلت بقعدتها لانها كانت قاعدة بالصالة,,,,,
شافها هناك وجلس جنبها...
نايف بنعس/انتي للحين مانمتي؟؟؟شتسوين؟
لفت وجهها للجهة الثانية وماردت عليه..
نايف/انا اكلمك؟
صبا/...............
لف وجهها بالقوة لعنده...
نايف بعصبية/خير ان شاءالله وانتي كل يوم لك حال؟
صبا بياْ /وين نور يانايف انت مو وعدتني تجيبها؟؟؟؟انا من الضهر وانا انتظرها وماجاني شي غير خيبتي؟
نايف باستهزاء/بس هذا اللي قدرتي عليه ..وين نور؟نور في بيت اهلها يعني وين بتكون؟
صبا بنرفزة/انت مو وعدتني تجيبها عندي؟
نايف/تبيني اروح ادق باب بيتهم واقول لهم عطوني بنتكم تسلي مرتي وبعدين اردها لارجعت من اشغالي!!!
صبا/انت ماقلت كذا الضهر؟؟
نايف/وماقلت لك انها اليوم بتكون عندك؟
صبا/شلون يعني؟
نايف/يعني انا دقيت اشوف متى ممكن تجيك ..وارتب وضعها؟
صبا بتردد/دقيت لمنو؟
نايف/مو شغلك؟
صبا/انت تكذب عليّ صح؟
جاها كف غير متوقع ابدا في ها اللحظة وجرها من شعرها وقال بعصبية/كم مرة قلت لك لاتقولين لي ها الحكي ولاتخاطبيني بها اللهجة يابنت الفقر؟واذا كذبت عليك شبيصير بالله!!!
ماكان تفكيرها بذيك اللحظة اذا كان يكذب عليها ولالا؟
كل تفكيرها بالكف اللي جاها بوقت ماتوقعته!!!
حست بالاهانة بجد وبحرقة الاعصاب وبكت...
ماقدرت تمسك نفسها ها المرة وبكت بقوة بعد,,,,
نايف وكانه يبرر خطاه/انتي منك..من قال لك نرفزيني بكلامك اللي يغث؟
صبا ماردت عله ورمت وجهه على الجهة الثانية من الكنبة وترك شعرها بعد ماكان شاده بقوة,,,,,
نايف/.............................
لحظات مرة كان يعيشها لاسيما انه مايقدر على دموعها بصمت كيف وهي تشاهق جنبه؟
نايف بهدوء/صبا.....طالعيني...
صبا وهي تصارخ بوجه بعد مارفعته/انا مستعدة احلف لك انك مو بشر؟؟؟؟انت شيطان يانايف وعايش بصورة البنى ادم!!!!انا اكرهك اكرهك....انت حقير وسافل ونذل.....
نايف وهو يناظرها وفي باله شي/وشنو بعد!!!!
سكتت وبلعت ريقها....
,,,,,,,,,,,,,,,,,,,,,,,,,,,,,,,,,,,







---البارت الثامن والعشرين---

*************************************
ليالي/نمتي؟
اصايل/لاطبعا....
ليالي/وش اللي تفكرين فيه بالضبط؟
اصايل بتنهيدة/كل شي صار اليوم؟
ليالي/وتحديدا موقف ضاري؟ليه ماتقولينها صراحة؟؟؟
اصايل/اذا تبين الصراحة مو ضاري اللي شاغلني كثر جاسر؟
ليالي/جاسر؟؟؟؟
اصايل/قاعدة اربط بين تصرفاته ومو قادرة اوصل لااي خيط؟
ليالي/شيليه من بالك مايسوى تتعبين نفسك بالتفكير فيه.....
اصايل/صدق!!!
ليالي بلامبالاة/انا قاعدة افكر بهتون.....وش ممكن تقول لمتعب اذا كلمته؟
اصايل/توقعتها تدق له اليوم بس مادقت..ان شاءالله بكرة تدق ونعرف شسالفتها؟
ليالي/ماودك تشوفينها؟
اصايل/اذا شفتها بكفخها فماله داعي اشوفها بعد!!!
ليالي/وش تتوقعين يكون صاير لها علشان تطلب تكلمه بعد ثلاث سنين ؟؟؟؟
اصايل/ياانها تطلقت وتبي ترد له ياان زوجها مات!!!
ليالي/بس!!!!هذا كل اللي شاغل تفكيرك؟
اصايل/يعني مالها أي سالفة تكلمه غير عن ها الشي..
ليالي بتنهيدة/يمكن تكون مشتاقة له ويوم شافته ماقدرت تخبي شوقها له اكثر وكلمته باندفاع واللحين تندمت يوم رجعت بيتها وقابلت زوجها؟
اصايل وهي تناظرها بنص عيون/وش ها الحكي؟؟؟من وين طالع!!!
ليالي بتنهيدة اكبر/لاتفكرين ان اللي يحب ممكن يبيع بسهولة؟؟؟وينسى بسهولة اكبر؟؟؟
اصايل اعتدلت بقعدتها/أي بس انتي مو قاعدة تقولين لمتعب ها الحكي؟؟؟
ليالي/لاني ماابيه يتعلق زيادة بسراب يااصايل وفي النهاية مايربطهم قدر؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,
اول ردة فعل جتها انها حطت يدها على خدها خوفا واتقاء للكف اللي بيجيها...
بس ردة فعله كانت اهداْ من انها تتوقعها قال لها بهدوء/قومي ندخل نام بلاوجع راس اخر الليل؟
صبا بخوف وقفت تركض للغرفة وبمعنى اخر تهرب من الوحش الادمي..... دفنت وجهها تحت المخدة وقامت تبكي بدون صوت ومافي غير شهقاتها تعلى بين اللحظة والثانية.....
مرت دقايق طويلة وثقيلة عليها وجاها احساس ان نايف مات بمكانه بالصالة لانه ماله صوت ولافي صوت تلفزيون ولاشي وهو ماله بالعادة يقعد ساكت!!!!
فزت مرة وحدة وهي تشهق بقوة وكان نايف بذيك اللحظات جنبها ويتاْمل فيها وهي تبكي ويوم فزت كذا بمكانها هو اللي تخرع لانه كان مندمج مع شهقاتها وبكيها..
نايف بخوف/وش فيك؟
صبا بخوف اكبر/انت هنا؟؟؟مامت؟
نايف وهو يناظرها باستغراب/اموت؟؟؟هذا اللي تبينه اني اموت؟
صبا بخوف/لا....بس انا ماسمعت صوتك وخفت؟انت مالك بالعادة تقعد ساكت ماتتكلم وماانتبهت على قعدتك جنبي؟؟؟
نايف تقرب منها ولامس خدها وقعد يمسح دموعها باصبعه وهي تشاهق...
قال لها بهمس/خلاص...ليه البكي اللحين؟
صبا/لانك بتضربني؟
نايف/انا ماقلت لك اني بضربك؟؟
صبا/بس انت بتضربني؟
نايف/اشششششش...خلاص وقفي دموعك وخلينا ننام انا مافيني حيل بعد اسهر اكثر من كذا!!!
صبا/...............
نايف/ها نمنا؟
صبا بتردد/تصبح على خير....
نايف باعتراض بعد ماحطت راسها على الوسادة/شنو يعني!!
صبا بعد مارفعت راسها/توك تقول تبي ننام!!!
نايف بتردد/أي......يالله نامي!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,
يوم ثاني الصباح......
كان جاسر طالع وريم بالصالة واخذها فرصة..
جاسر/احم احم....السلام عليكم..
رفعت راسها...../وعليكم السلام..شلونك جاسر؟
جاسر/الله يسلمك....انتي منو؟
ريم/انا ريم....
جاسر وفي باله عرفنا انها اختك ياشاطرة مو انتي؟/هلا وغلا...كيفك وكيف دراستك؟؟
جاسر/تمام وين امي وخالتي؟
ريم/امي طالعة مع حنان اختي وخالتي اعتقد انها بالمطبخ الخارجي...
جاسر/امر اسلم عليها قبل لااروح الدوام....يالله بخاطرك؟
راح امه طيران على المطبخ وهي واقفة مع الطباخ تسولف معه عن غذى اليوم...
جاسر/اقول يالحبيب اتركنا شوي انا و الوالدة؟
تركهم الطباخ وطلع ولفت له ام جاسر بسرعة/خير يمه في شي؟
جاسر/اول شي صباح النور لااحلى ام جاسر بالعالم!!
ام جاسر/صباح الانوار ياعمري...ياجعل دربك السعادة؟
جاسر/ثاني شي....انتي ماودك تشوفيني عريس!!!
ام جاسر/منى عيني والله!!!
جاسر/معناته كلمي اختك ام عادل اليوم....انا ابي حنان تكون مرتي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

تهاني/وحشتوني يابنات؟
ليالي/والله انتي اللي لك وحشة كبيرة قولي وش مسوية بالمذاكرة؟
تهاني/بتطق نفسي..وين معكم سوالف ووناسة ومشاهدة وتعليقات !!!هنا محصورة بغرفة كاملة مافيها الاالمكتب اللي قاعدة عليه انا والثاني قاعدة عليه بسمة وامي قبالنا؟؟؟
ليالي/زين تسوي فيك عمتي!!!
تهاني/كذا ياليال؟؟؟وانا اللي بموت علشان اشوفك؟
ليالي/ماتدرين يمكن نلتقي؟
تهاني/قولي والله يعني خالكم ها المغثة مابيجي اليوم؟
ليالي/اقول مامغثة الا انتي ووجهك؟؟؟
اصايل/منو تحاكين انتي!!!
ليالي/هاذ ي الدبة تهانيوا؟
اصايل/شعندها شهيناز؟
ليالي/ترضين عاد انها تقول عن متعب مغثة؟
اصايل شهقت وسحبت الجوال من ليالي/جيبي اعلمك فيها؟؟؟؟؟تعالي انتي يابنت اهلك منهو المغثة بالله؟
تهاني/ضاري؟؟؟؟
اصايل بضحكة:/أي والله ماكذبتي...وصلتك الرسالة الامسية؟
تهاني/أي ومت ضحك.....احسكم مراهقين اثنينكم....
اصايل/طالعين لك....المهم بقوم اتجهز متعب جاي وطالعين نتغذى تبين شي يالغلا؟
تهاني بقهر/وين مطعم التنور بعد؟
اصايل/لامااعتقد اليوم التمشية مختلفة؟
تهاني بحسد/وفيها ملاهي بعد!!!!
اصايل/مافيها الاعيونك الحارة ياحسودة ....ياام عبدالله الثانية؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
صبا/نايف.....نايف اقعد جوالك يدق؟
نايف وهو فيه النوم/خله يولي؟
صبا/انت مو رايح دوامك مدري الشركة مدري وين اليوم؟
نايف وهو يتثاوب/لا نعسان ومو قاوي اقوم من الفراش؟؟؟
صبا/طيب يمكن يبونك ضروري رد عليهم وبعدها ارجع نام...
نايف/اووووف وش ذا الازعاج من الصبح انتي الثانية؟
صبا بنرفزة/وانا مالي!!!!جوالك اصلا اللي صحاني من النوم؟
نايف/يبى قومي قفليه وريحيني !!!
قامت لعند مكان الجوال واللي قريب من الكومنديو اللي بجنب نايف وتوها بتمسك الجوال الا يد نايف طابقة عليه بقوة.....
لفت له بسرعة تستفسر وقال بشماتة وهو يقفل الجوال/نسينا انك ممنوغة من لمس ها الشي؟؟؟؟
تنهدت بقوة وطلعت من الغرفة كانت حاسة بنرفزة داخلها مو قادرة كيف تطفيها ورغم صوت نايف الصارم اللي كان يناديها بس مااهتمت ولارجعت له...
دخلت المطبخ تغسل وجهها وهي تخفي اثار البركان اللي على وشك الانفجار....
ظلت واقفة تحت صنبورالماي ثواني طويلة ماعدتهم بس حستهم مروا بسرعة......
سؤال واحد كان يجول في بالها ليه هو يعاملها كذا مثل المساجين؟؟؟؟؟
أي ها الشي لازم تساله وغصبا عنه يرد عليها؟؟؟
سكرت الصنبور بسرعة وهي رايحة لنايف الغرفة تساله ووقفت يوم شافته ساد مدخل المطبخ بطوله وهو يناظرها.....
وقفت في مكانها وتلاشت كلماتها واسئلتها...
نايف وهو مكتف يدينه/انا كم مرة بقول لك اذا ناديتك توقفين تسمعيني وماتمشين؟؟؟؟
صبا/......................
نايف/ردي...خل نسمع الدرر اللي بتقولينها من الصبح؟
صبا /مافرقت عندي؟؟
نايف باستهجان/وشي اللي مافرقت عندك بالضبط؟
صبا/يعني انا هنا سجينة وسواء التزمت بالمطلوب مني ولالا مدتي طايلة وماهي معروفة !!!!
نايف/هذا اللي قدرتي عليه؟
صبا رفعت شعرها اللي كان طايح على خدها واشرت له بيدها وقالت/وانت هذا اللي بتقدر عليه كف وتنتهي السالفة عندك؟انا اموت واعرف مين اللي عاطيك دروس في ضرب البنات!!!ومن اللي قال لك ان البنت اذا انضربت بتمشي معك سيده!!!!
نايف/يعني تكونين تبين تغيرين وجهة نظري علشان مااضربك؟؟؟لاماحزرتي ابدا ياصبا بتضلين كذا لين تتاْدبين؟
صبا بعصبية/انا متاْدبة قبل لااشوفك واسمع صوتك فيها يا......
تقرب منها بخطوات تخوف وهو يقول لها/ياشنو؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
شمايل/بس وصلنا....
ريم/شنو؟
شميل/بسوي لي حفلة بالبيت وبعزم رفيقاتي لها..
ريم/طيب....وكيف نشوف ليالي هانم احنا ولا ناوية تعزمينها ضمن المعازيم؟؟؟؟
شمايل/شدعوة قالوا لك انا كذا!!!!بهينها وبذلها وبتشوفين...
ريم؟/شبتسوين يعني؟
ام عادل/شعندهم البنات؟
ريم/تعالي سمعي يمه..اقول لها ابي اشوف مرة جاسر البدوية وهي تقول بتسوي حفلة بالبيت لصديقاتها وبتخليني اشوفها؟
ام عادل وهي تضحك/وهي الصادقة شمايل خل تستفيد من قعدتها بالبيت ببلاش؟
ريم/انا مو فاهمة؟
ام عادل/شمايل قصدها تخلي ليالي تخدم بالحفلة حالها حال الخدم...صح يمه؟
شمايل/تعجبيني ياخالتي دايم فاهمتني؟
ريم/انتوا شلون فكرتوا بها االفكرة ؟
ام عادل باعجاب/وي فديتها بنتي هاذي انا مربيتها بيدي؟؟
ريم/طيب ويمكن جاسر يعترض على ها الشي ولايزعل؟؟
شمايل باحتقار/جاسر مايقدر يسمع صوتها ولاسيرتها تبينه يضايق نفسه ؟؟؟لاتطمني اخوي ارفع منها ومن سوالفها!!!!!
ريم/طيب وابوك وجدك؟
ام عادل/جدها اخر واحد يتكلم بالسالفة!!!مو كفاية مسكنينه عندهم بالبيت !!!وابوجاسر مو لازم يدري واذا عرف قولوا انها كذابة عزمناها تتونس معنا ولانها مو متعودة على القعدة متعودة على الشغل في بيت ابوها قامت مع الخدم تشتغل ويوم كلمناها قالت انا مرتاحة..
شمايل/ههههههههههه
,,,,,,,,,,,,,,,,,,,,,,,,,,,,,,,,,,,,,,,,,,,,,
باقي نص ساعة ويمر عليهم ياخذهم مثل ماوعدهم البارحة.....
وهو كل خمس ثواني تمر يرفع جواله يتاْكد اذا فيه اتصال ولالا؟؟واذا كانت الشبكة موجودة ولامقطوعة؟؟؟؟
من الامس لليوم وهو مو مرتاح ولابيشوف الراحة الااذا دقت عليه وقالت له وش تبي فيه؟
اصلا هو بحياته كلها ماارتاح ولاشاف الراحة ابدا!!!!
من صغره واليتم ملازمه ورفيقه...والوحدة عنده اعز مايملك......لااهل ولااصحاب ولاحبيبية؟؟
وش بعد تبين مني يادنيا مو كفاية اللي اخذتيه؟؟؟ولاماشبعتي بعد من همي وحزني والمي!!!!
مو كفاية اخذتي امي وابوي واختي من وانا صغير وخليتي الدنيا تصفع فيني من كل جهة!!!!وبعدها اخذتي خالد اللله يرحمه اعز شخص كان عندي بالوجود (خالد كان صديق متعب الوحيد واللي ماعنده غيره واللي توفى يوم كانوا بالجامعة),,,وكملتيها معي يوم اخذتي مني هتون اللي كنت غرقان فيها وفي هواها!!!!
وحرمتيني من ليالي واصايل مدة طويلة!!!!
خلاص يادنيا خلاص...ابي ارتاح وانسى شوي من تعبي وضيقي واشوف الفرحة حواليني بوجود اصايل وليالي...ابي افرحهم ويفرحوني وابتعد عن كل شي يضيق الصدر.....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
ضاري/وخطبتها؟
جاسر بفرح/وليه مااخطبها؟
ضاري/وغادة؟
جاسر/غادة كانت علاقة عابرة وبعدين من قال لك اني كنت احبها كل اللي بينا مكالمات خالية من انواع الرومنسية؟
ضاري/أي بس ماتلاحظ انك مترع ياجاسر بسالفة الخطوبة؟
جاسر/لا...
ضاري/بعدها عندك بالبيت شهر شوفها كل يوم وسولف معها وبعد الشهر قرر اذا كنت تبيها وتكمل معها لو مجرد انجذاب لاغير!!!
جاسر/خلاص انا قررت ومابتراجع عن قراري!!!
ضاري/والله انا احس ن السالفة بتدبسك ياجاسر لاتنسى انها بنت خالتك يعني لو بغيت تفك اللي بينكم بتكون صعبة لان فيها اهل؟
جاسر/كل اللي يهمني اشوفها قبالي واسمع صوتها الشفاف وبس!!!
ضاري/أي بس صوتها الشفاف على قولتك يقلب بعد الزواج الى نشاز لو ماكان فيه أي تفاهم؟؟؟؟
جاسر/انت ليه تقفلها بوجهي!!
ضاري/انا مابيك توقع ياجاسر....
جاسر/انا وقعت وانتهيت خلاص؟
ضاري/طيب مو انت قلت لها تبي تسولف معها؟انتظر لين تسولف معها وبعدها قرر؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
صبا جمدت مكانها من الخوف اللي شلها.....ساعة تقول بيجيها الكف يمين وساعة تقول بيجيها شمال وساعة تقول اول بيشدها من شعرها,,,,
لين صارت نقطة النهاية ووقف قبالها.....بعد ماحبس انفاسها من الخوف...
رفع وجهها الصغير بيده القاسية وخلاها تناظره وهو بعده ماسك وجهها....
نايف/ياشنو ياصبا؟ياطويلة اللسان؟
صبا/..................
نايف/عيديها ليش سكتي!!!!خفتي!!
صبا باندفاع/انا ماعدت اخاف منك لاني عارفة انك مو بشر ولابتكون بيوم من لاايام؟؟
نايف/حلو وبعد!!!
صبا/.................
نايف/تتكلمين بالقطارة؟؟طلعي كل اللي عندك علشان اطلع انا اللي عندي......
صبا/قلت لك قبل انا مااحبك اكرهك واذا بتضربني اضرب ماعادت تفرق معي واتمنى اصلا تضربني لين اموت وارتاح منك؟؟
نايف/صبا ترى حاجتك عندي يابابا؟ وعيب تكلميني بها الطريقة...يالله اعتذري بسرعة علشان اسا محك؟
صبا/تحلم,,,,,سامعني تحلم....حتى وان كانت حاجتي عندك ماابيها خلها تنفعك؟
ترك وجهها بقوة واندفت بعيدة عنه شوي....
نايف بقوة/طيب....بنشوف ياصب بنشوف....بس خل اقول لك شي قبل لاارجع انام واعتبيه كرم مني اني قلت لك...اللي كان على الخط قبل شوي زيد وكان يقول....ولاتدرين بلاش الكرم معك اصلا حتى الجميل اللي كنت بسويه معك ضايع ومامنه فايدة!!!!!
قالها وتركها بدوامة صراعات بروحها...
كانت فاتحة عيونها على وسعها وفكرها مصدوم...زيد؟؟؟وش يبي؟؟؟واي جميل اللي كان بيسويه فيني!!!!اووو ف ياحسرتك ياصبا؟ماقدرتي تمسكين لسانك عنه شوي!!!شسوي اللحين ياربي.....
اكيد كان بيخليني اشوف نور وانا الغبية تهورت ورميت عليه كل اللي بقلبي!!!
وش الدبرة اللحين ياصبا؟؟؟؟
رجع ينام وابتسامته شاقة الحلق وهو ينتظرها تجيه باي لحظة بعد الكذبة اللي كذبها عليها ولالازيد متصل ولاكان بيسوي فيها جميل بس خلها تتاْدب شوي طويلة اللسان,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
عبير/اقول يبى تراك الليلة معزوم على العشى؟
ابو عبدالرحمان/وين؟؟؟ومنو اللي عازمني بالله!!!!
عبير/بجاوبك على وحدة بس....كورنيش الدمام....
ابو عبدالرحمان/بتشوون؟
عير/أي والله...
ابو عبدالرحمان/مع اخوانك.....
عبير/لا مع اخواني....الليلة كل واحد عند اهل مرته مانشوفهم؟
ابو عبدالرحمان/مع منو...انتي وزوجك؟
عبير/لاتستعجل الليلة بتشوف.....
ابو عبد الرحمان/تدرين صار لي اسبوع ماشفت اخوك بو ضاري؟
عبير/لي شانت تشوف ابو جاسر؟
ابو عبدالرحمان/أي....من جت اخت مرته عنده بالبيت صرت اشوفه وساعات ماارجع من بيت بو ضاري الا وهو نايم بالملحق؟
عبير/مطولة معهم ها العقربة السامة؟
ابو عبدالرحمان/والله مدري على كلام اخوك يقول بتقعد شهر بس توقعيه يزيد ماينقص؟؟؟؟
عبير/والله عاد هو راضي لو مو راضي ماقعدت...
ابو عبدالرحمان/وش بيقول لمرته لاتخلي اختك تجي!!!
عبير/بذمتك يبى احد يسوي في بيته صياانة يطلع منه!!!وبعدين شمعنى طلعت هي والبنات بس كاهم الشباب عيالها قاعدين هناك؟؟؟
ابو عبدالرحمان/ماعلينا منهم.....احمد ولد اختك من زمان عنه ماخلصت امتحاناته؟
عبير/بعد يومين يبه بيخلص وقال اول مايخلص بيمرك ينام معك.....بتشوفه الليلة ان شاءالله؟
ابو عبدالرحمن/اختك جاية معنا؟
عبير/أي هي وعيالها....
ابو عبدالرحمان/غريبة هي ماتخليهم يطلعون ايام الاختبارات تخاف عليهم؟
عبير/هههههههه
,,,,,,,,,,,,,,,,,,,,,,,,,,,,,,,,,,,,,,,,,,,,,
في مجمع الواحة.....
اصايل/احس اني بنام؟
ليالي/ليه؟
اصايل/يتراواللي محد بالمجمع غيرنا؟؟
متعب/ههههه
اصايل/انت وين جايبنا؟كل المحلات ماتناسبنا؟
ليالي/ياانك تحبين تهذرين كثير...
متعب/ترى صدق هادى المجمع بس ارتاح نسبيا اذا دخلته؟
اصايل/لانه من طقتك ياعيوني نفس الهدوء؟
ليالي ومتعب/ههههه
اصايل/الله....بدخل ها المحل؟
ليالي/توك مو عاجبك المجمع؟
اصايل/بتجون معي ولابتكثرون هذرة؟
ليالي/لابنقعد نشرب لنا قهوة واخذي رحتك؟
مشت عنهم وراحوا يطلبون لهم قهوة....
ليالي/مبين انك مانمت البارح؟
متعب/.................
ليالي/اكيد تفكر بالموضوع؟
متعب بتنهيدة/محتار من اللي تبيه مني؟
ليالي/اذا تبي نصيحتي لاتفكر بالسالفة يامتعب....لاتقلق حالك ...
متعب/ماقدرت تغفى عيني البارحة وانا خايف تدق باي لحظة ومااسمعها؟
ليالي/اعذرك التفكير مهلك وشين....
متعب/............
ليالي/متعب ابي اشاورك بشي..
متعب/شنو؟
ليالي بتنهيدة/ابي اكلم ابوي؟من زمان ماسمعت صوته؟
متعب/...............وليه تشاوريني بعد!!!
ليالي/مدري اخاف اذاكلمته يفكر بااصيل ويجي ياخذها؟وهذا اللي مرددني؟
متعب/ياخذ اصايل؟؟؟لافكينا كل شي ولا ها السالفة ياليالي....لااخذها ولاتروح...انتي مو شايفة كيف متحمسة تبقى هنا وماترجع وقاعدة تخطط تدرس من جديد؟؟؟وبعدين لاان ولاانتي بنتطمن لو رجعت لعند ابوك مرة ثانية وبينشغل بالنا عليها؟؟؟
ليالي/مو هذا اللي خلاني مااتهور واقولك بالاول....انا ماابي اقطعه هذا ابوي وانا منه وفيه رضيت ولامارضيت؟؟؟بس سالفة اصايل واقفة بالنص بيني وبينه؟
متعب/اتركي السالفة للوقت وبعدها شوفي وش يصير؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

في غرفة هتون....
هتون وهي ماسكة جوالها اللي ماتركته من البارحة/خير يمه في شي؟
ام جاسر جلست جنبها/أي فيه....
هتون/خير شصاير؟
ام جاسر/سالفتين ابي اكلمك عنهم؟
هتون/شنو؟
ام جاسر/وحدة تخصك ووحدة تخص جاسر اخوك؟
هتون/انا!!!!
ام جاسر/واخوك......
هتون ببرود/خير...
ام جاسر/اليوم الصباح جاسر كلمني عن حنان بنت خالته وان يبيها؟
هتون بلامبالاة/البارحة قال انه يبي وحدة فيهم بس ماقال انها حنان؟
ام جاسر/أي بس الصباح قال حنان وشدد عليها بعد؟
هتون/وطبعا انتي الفرحة موواسعتك؟
ام جاسر/قبل لااقولك عن فرحتي بقول لك الخبر الثاني..
هتون/,,,,,,,,,,,,
ام جاسر/في واحد جاي يخطبك؟
رفعت راسها وطاح الجوال من يدها وقالت بارتباك/انا!!!
ام جاسر/أي انتي ليه مستغربة؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,صعدت فوق عند الحمامات وطلعت جوال سوا اللي طلعه لها متعب...ودقت على رقم ضاري بالشركة وانتظرت كثير بعد مادخلت التحويلة لين رد عليها حضرته....
ارتبكت. يوم سمعت صوته لانها اول مرة تسمعه بالتلفون..
ضاري/نعم...
اصايل بتردد/ضاري...
ضاري/نعم....
اصايل بعد نفس عميق/مشغول؟
ضاري بعد سكوت طويل/انتي دانة صح؟
اصايل وهي تسب فيه على سكوته لان البطاقة بتنتهي وهو ماقال شي/أي......
ضاري/هلا...
اصايل/شلونك....
ضاري/تمام....انتي شلونك....
اصايل/بخير....
ضاري/وكيف طلعة الكورنيش امس؟
اصايل/تمام....
ضاري/.................
اصايل/................
ضاري/...................
اصايل/كنت بقولك اني اليوم بروح الراشد
ضاري/بروحك؟
اصايل/لا....
ضاري/يعني بشوفك ولالا؟
اصايل/احتمال؟
ضاري/متى؟
اصايل/اللحين...كلها ربع ساعة وطالعين له وبنجلس لين صلاة المغرب هناك,,,,,بتجي؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,

 
 

 

عرض البوم صور بياض الصبح   رد مع اقتباس
قديم 21-08-10, 06:57 AM   المشاركة رقم: 20
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت التاسع والعشرين---

*************************************

,,,,,,,,,,,,,,,,,,,,,,,,,,,,,,,,
اصايل/بتجي؟
ضاري/انا بالدوام اللحين بشوف بعدين؟
خاب املها كثير من كلمته وقالت بسرعة/طيب مع السلامة,,,
تردد قبل لايسكر لانه يبي يسالها اذا كان معها موبايل يتواصلون فيه بس هي ماعطته مجال وسكرت بسرعة....
تندم انه تسرع وعطاها ها الاجابة وهو اصلا بمجرد سكرت قام من مكتبه على الراشد!!!!
************************************************** ***************************
وقفت عند باب الغرفة بتردد,,,
تقدم رجل وتاْخر الثانية....
احساس متناقض قاعد يعذبها...ياتدخل وتعتذر منه وتمسح بباقي كرامتها الارض!!!
ولاانها تتراجع وتخليه يولي وماتعبر الموضوع وتعطيه أي اهمية وتبقى على شوية من قوتها.....
تنهدت بحرقة....
أي قوة ياصبا أي قوة؟؟؟وعن أي كرامة تتكلمين!!!
انتي عايشة هنا بسجن مع نايف ويمكن ان اتصال زيد يحررك شوي ويفسح لك مجال لشوفة اهلك ويعطيك شوية حرية وتنفس بعيدا عن سجنه؟؟؟
بس لو مااهتميتي ياصبا يمكن يحط في باله انها مافرقت عندك شوفتهم من عدمها وينسى السالفة من الاساس نهائيا!!!!
تنهدت بحرقة اكبر للي وصله لها عقلها بانها لازم ترضيه لانها قاعدة تحت امرته وهو الربحان بكل الصولات والجولات معها,,وماهي فارقة معه باي شي,,,
تقربت من الفراش وهو مسوي روحه نايم وزين ان ابتسامته مافضحته ذيك الساعة وطلعت بمجرد شافها جاية!!!!

صبا بهدوء وهي تجلس جنبه وتحط يدها عليه علشان تصحيه/نايف...نايف..نايف قوم ابي اكلمك؟
نايف بتاْفف مصطنع/طلعي برى!!
تنهدت وحست انها خسرت الجولة من اساسها وفرصتها ضاعت معها ها المرة,,,
صبا/انا اسفة..
نايف بعصبية/علشان السالفة فيها اهلك صح؟
صبا/..............
نايف/بتكوني اسفة كوني ياصبا بس حطي في بالك اني السالفة شلتها بكبرها من بالي ومابتشوفين طيف احد فيهم وانتي على ذمتي!!!
صبا/...........
نايف بشماتة/اشوف غيرتي رايك عن الاسف؟؟؟؟ولاماعاد له لزوم؟؟؟
ماكان في جواب غير دموع الذل اللي جابوها لعنده...
نايف/شفتي ان احساسي صحيح وماجابك لعندي غير السالفة هاذي!!!!
صبا بصوت مبحوح عالي وهي تبكي/مو صحيح...
نايف/لاوالله!!!
رمت بنفسها بحضنه وسط حيرته وذهوله وكملت بكيها ومشاهقها على صدره/انت سجنتني هنا وماعندي غيرك في ها العالم ...انت وبس!!!
وحالتنا كذا صايرة كل ساعة ضرب وهواش وصراخ ومابينا أي تفاهم ولاكلام مثل العالم!!!!

حوطها بيده الثانية وقربها لحضنه اكثر واكثر وهمس لها/صبا...
صبا من بين دموعها وهي تدفن باقي وجهها بصدره/لاتقول شي....خلينا ننام احسن....لان احنا اذا قعدنا ماعندنا غير الهواش؟
هو اللي تنهد بقوة ها المرة وكان ودها ترفع راسها تشوف ملامحه كيف صايرة بس ماقدرت..
نايف/انتي السبب ياصبا....؟؟اصلا كل شي انتي بعنادك خليتيه يصير!!انتي بس لو تسمعين الكلام ماصار لك شي....
صبا/..................
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
ام جاسر مااشوفك فرحتي يعني؟
هتون/.................................
ام جاسر/لابالخبر الاول ولاالخبر الثاني؟
هتون تنهدت وقالت بكبرياء/بالنسبة لموضوع جاسر فاانا اعتقد انه مستعجل كثير ويبيله وقت قبل لايتخذ ها القرار ومايتسرع فيه؟
ام جاسربنرفزة/شها الحكي؟؟؟هذا بدل ماتباركين انه يبي بنت خالته؟
هتون/مو علشان كذا انا ماابيه يتسرع!!!اذا تورط معهم بكرة فكته بتصير اصعب؟
ام جاسر بصراخ/انتي ماتستحين تقولين ها الكلام؟
هتون بلامبالاة/ولدك فجاْة وبدون أي مقدمات قال ابي فلانة وهو لاعمره جلس معها ولاحكى...ماتحسينها غريبة ياام جاسر؟
ام جاسر/لا...كان مغمض عيونه ويوم فتحها لقى بنت خالته قباله؟وانها تسوى بنات العالم؟
هتون/لاتخلينا نكذب على نفسنا...حنان لاهي من النوع اللي يروق لجاسر ولالنا بعد ولابيروق له حتى بعدين؟
ام جاسر/لاتقولين كلمة زيادة عن بنت اختي لااذبحك؟
هتون/كيفكم...
ام جاسر/ماعلينا من ها السيرة وش رايك بالمعرس؟
هتون/............................
ام جاسر/مااشوفك فرحتي يعني!
هتون /.........
ام جاسر/متى ادق لاامه واعطيها موعد علشان يجون يخطبون رسمي؟
هتون بكبرياء/ماله داعي يجون اصلا؟؟؟
ام جاسر/شنو يعني؟
هتون بنفس الكبرياء/قولي لهم ان البنت مو موافقة ومالها رغبة بالعرس؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,


رانيا/حفلة؟
ريم/أي حفلة...
رانيا/وش المناسبة طيب....
ريم/تقول لمة اصحاب؟؟؟من بعد الامتحانات ماعدنا التقينا...
رانيا/أي بس شمايل ماتحب الجمعات ابدا!!!وتتهرب منهم في معظم الاحيان وش اللي خلاها تفكر هي بنفسها تسوي حفلة؟
ريم/...............
رانيا/وش فيك ساكتة؟
ريم بتنهيدة/مدري يوم كلمتني كانت مع بنات خالتها وضحكهم على يوم قالت لي عن الحفلة وها الشي خلاني افكر ان السالفة فيها شي....
رانيا/شنو يعني!!!
ريم/هذا اللي ماوصلت له بعد....
رانيا/غريبة....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
يوم ثاني الصبح....
فتحت اصايل عيونها على صوت الباب اللي يندق وقامت وهي متضايقة من اللي بيكون جاي بها الوقت..
فتحت الباب قبل حتى ماتغسل وجهها ولقت قبالها خدامة بيت بو جاسر....
اصايل/خير...
مدت لها الخادمة بكيس وقالت لها/هذا من عند ماما شمايل ويقول انتي لازم تلبسي وتجي الحديقة الساعة سبع ونص علشان هي فيه حفلة مع صديقات!!!
عطتها الكيس ومشت ودخلت اصايل وهي ترفع حاجب وتنزل الثاني من العجب...
الكيس اكيد لليالي...وبس طرى اسم اختها في بالها رمت الكيس بسرعة في الصالة وراحت لها الغرفة تشوفها لان ليالي من البارحة كانت تعبانة وماقدرت تكمل التمشية معهم فرجعوا علشانها...
دخلت ولقتها نايمة ...تقربت منها وتحسست جبينها ولقت حرارتها نزلت شوي....
تنهدت وطلعت علشان لاتصحيها من نومها وراحت الصالة...
فتحت الكيس وتخرعت يوم شافت اللي فيه؟؟؟؟لبس مثل لبس الخدامة اللي جابته بالضبط؟؟؟؟
تبي ليالي تلبس مثل الخدم وتروح حفلتها؟؟؟؟؟وش ها الذل والمهانة بس!!!
طيب ياشمايل هانم طيب...طيب يابنت اهلك يللي ماتربيتي بتشوفي منهي ليالي اللي تبيها تخدمك وتخدم ربعك بحفلتكم ياجعلك ماتتوفقين لاانتي ولاهم!!!
رمت كل شي في يدها وتسندت على الكنبة وغمضت عيونها تتذكر احداث اليوم اللي فات...
بعد ماطلعوا من الواحة راحوا الراشد مثل ماكانوا مخططين وتغذوا وقاموا يتمشون وهناك لمحته من بعيد....
كان موجود وجايب جاسر معه بعد يخاويه!!!
طيب ليش ثيقل نفسه عليها وقال بيشوف وضعه؟
لكن زين ياضاري بتشوف....كانت تناظر بعينه اللي اكيد كانت تدورها بين البنات ومالقتها؟؟؟وحتى ماشاف منها نظرة لو بالغلط؟؟؟
كانت تتصدد عنه كل ماناظر بجهتها علشان تعلمه يكابر ها المرة عدل!!!
اصلا هي ماكانت تبي تقعد معه وتحاكيه لو شافته ,,كانت بتمر تسلم عليه وتمشي بس حتى السلام هو اللي خسره؟؟؟
بعدها ليالي حست بتعب وتكنسلت روحتنا للكورنيش مع عماتي وجدي اللي متعب قال لعمتي عبير تعزمه معنا ورغم ان ليالي اصرت ان احنا نكمل وهي بتريح شوي وبتصير بخير بس احنا رفضنا وقعدنا معها ومتعب اصر يوديها المستشفى وهي رفضت قالت ماله داعي واذا ماصارت بخير بعدين بتشوف...
هذا كل اللي صار امس يااصايل مافيه شي مميز بس اليوم وشمايل هانم وسالفتها واللي تبيه من ليالي...............لازم تقومين ياليالي لازم...
مالازم تتعبين اليوم وتستكتين عن حقك وماتردينه!!!!
,,,,,,,,,,,,,,,,,,,,,,,,,,,,,,,,,,,,,,,,
نايف/علامك ساكتة ومتضايقة من البارحة ومالك خلق شي؟
صبا تنهدت وقالت/ولاشي...بس احس نفسي تعبانة؟
نايف/هههه اول مرة ادري ان في ناس تتعب من كثر الراحة اللي هي عايشة فيها؟
ماردت عليه وهي مقررة من البارح تختصر معه كل كلمة يقولها اتقاء لااي شي....
نايف/طيب قومي خذي لك حمام واسترخي فيه وبعدها قومي افطري مثل العالم والناس....
كملت عنه بشماتة/وبعدها ارجعي نامي!!!!!خوش والله...يكون تغير البرنامج عن كل يوم؟
نايف/انا بسالك انتي أي هو افضل لك تخدمين طول اليوم في بيت اهلك الملكي!!!!ولاتقعدين اميرة مدللة ومرتاحة؟
صبا وهي تتمتم بينها وبين نفسها/اميرة بس عايشة بروحها؟
نايف/لان الاميرة بالعادة تقعد على العرش بروحها وماتبي احد يشاركها فيه؟
صبا/..............
نايف/مااشوف رديتي يعني؟
صبا/ماعندي شي اقوله؟
نايف/.............
صبا/...........
نايف بتاْفف/ طيب انا ماشي مابتسلمين عليّ!!
صبا بخوف/ليش منت راد هنا مرة ثانية؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,



الكل كان مستعد للحفلة اللي مسويتها شمايل ويبون يشوفون ليالي ويذلونها...
حتى جاسر كان قاعد بالصالة وينتظر أي احد يمر ولايدخل وماهو قادر يعطي مبرر لقعدته!!!
ام عادل بتوتر/وينها ياشمايل مابينت؟
شمايل/مدري..
حنان/كان المفروض انتي تروحين لها بنفسك علشان تاخذ الموضوع بجدية اكبر؟
هتون/لاتتعبون حالكم ماراح تجي؟
ام جاسر/وليش بالله!!!
هتون/احساسي يقول كذا...
شمايل بنرفزة/واللي يعافيك لاتعطينا احاسيسك واحنا مو ناقصينهم ؟
ام جاسر/روحي شوفيها اللحين؟
شمايل/ماابي اروح عندها ابيها هي تجي بنفسها؟
ريم /هااااي...
لفت لها شمايل/هلا وغلا.....وين رانيا؟
ريم اشرت لطاولة اللي قاعدين فيها شلة بنات/كاهي مع بنات الكورس...انا بعد بروح اقعد معهم لين يجون منال ونورة...
شمايل/جايتكم يالله ...
ام عادل بعد مامشت ريم/ماتروحين لهم الا اذا مريتي بنت البدو وشفتي وش سالفتها؟
هتون في بالها...متعب ..قاعدة مع متعب حمايتها الخاصة؟؟؟اللي مابيرضى لها اكيد انها تجي هنا؟
ياحظها ويابختها...انا احسدها على قربها منه....
جنان/وااااااو شمايلوا مني هاذي انا اول مرة اشوفها بمناسباتكم؟وحدة من قرايبينك؟
لفوا ثلاثهم للبنت اللي جاية عندهم تتمختر وهي لابسة ثوب قصير سماوي مع سلاسل لولو طوال حييل وبوت ابيض عالي وقصة شعرها مبينة حلاوته وشقارته..غير الميك اب الهادى اللي مبين تفاصيلها الجذابة وبيدها عبايتها ويدها الثانية كانت بيد تهاني بنت عمتهم اللي بعد كانت كاشخة...
جنان/منهي هاذي؟
سكتت شمايل وماردت لانها بحياتها ماشافتها ولاتعرفها..
وام جاسر وام عادل ناظروا في بعض باستغراب وحتى هتون بعد!!
وحدها رانيا دفت ريم اختها بالقوة ..
ريم/وجع ان شاءالله كسرتي ضلوعي!!
رانيا بانبهار/شوفي من اللي جاي...
ريم/منهي هاذي اللي مع تهاني تعرفينها؟
رانيا بحماس/هاذي اصايل ياريم اصايل؟؟؟اخت ليالي....
اصايل كانت تمشي وتبتسم بوجوه الكل وكانها معزومة حقيقية لين تقربت من طاولة شمايل واهلها اللي قاعدين عليها وتهاني سلمت عليهم بابتسامة من بعيد....
جنان لفت لها وقالت باعجاب/هلا والله...
اصايل/اهلين...
جنان/ماتشرفنا...
اصايل وهي تناظر فيهم كلهم لانها مو عارفة احد منهم وبالخصوص شمايل وام جاسر وام عادل وقالت بقوة ناعمة/انا ليالي زوجة جاسر!!!!
**********************************************

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, للكاتبة ملح الحياة و سكرها, ليلاس, القسم العام للقصص و الروايات, اصايل, اضعفهم الحب, شمايل, قصات, قساة اضعفهم الحب كاملة, قصه مميزة, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:38 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية