لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-08-10, 06:33 AM   المشاركة رقم: 11
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت التاسع---

,,,,,,,,,,,,,,,,,,,,,,,,,,,,,,,,,,,,,,,,,,,,
,ناظرت بالارض وقالت بالم/يبى ليش تقول كذا؟؟انا عارفة ان عمرك ماحبيت اخوي ابو عبدالله ولاحبيت عياله بس هم مالهم ذنب ياخذون كرهك لاابوهم؟
ابو عبدالرحمان بعصبية وانفعال/انا ماكرهت احد الا من فعايله الشينة ولاليش بكره ولدي يعني!!!وبعدين هي مبينة من اولها...وش تسمين ها الطيحة اللي طاحتها اليوم اكيد الله باليها بمرض وعلشان لايتعب نفسه معها رماها على ولد اخوه بس اذا مفكريني برضاها لجاسر يداويها وهي معلولة غلطانين!!!
**************************************
في بيت ام احمد...
كانوا عيالها(تهاني بثالث ثانوي..وبسمة بثالث متوسط واحمد باول ثانوي)
تهاني/من زمان كان المفروض تجين عندنا مو توك اللحين يوم اعرستي!!
ليالي بهدوء/انتي عارفة ظروفي واني مااطلع من البيت اصلا لو ماانتوا تجون عندنا ولاعمتي عبير..
بسمة/اصايل ماهي جاية من زمان عنها ..
نزلت راسها بالارض وهي تتمنى ان الله ينجي اختها باي طريقة ولاتنرمى رميتها....
تهاني بتاْنيب/بسمة ووجع وش ها الحكي!!!
بسمة/اسفة ليال ماكنت اقصد اجرحك ولااي شي.....
ليالي بهدوء/لا عادي بس كنت قاعدة افكر فيها ..ياترى وش قاعدة تسوي اللحين..
تهاني/منو..اصايل !!لاتشغلين بالك عليها تدرين انها تدبر حالها وماينخاف عليها تلاقين من القهر ومن فراقك قامت تعضض بللي في البيت كلهم,,
ابتسمت ليالي غصبا عنها وهم يذكرون اصايل اختها لان اصايل دايم كانت مرحة اكثر من ليالي بس بداخلها متاْكدة ان اصايل ماهي بخير وانها تفكر فيها وودها تسمع صوتها بس مافي مجال التلفون عند ابوها وماراح يخليها تكلمها ابدا,,,,
بسمة/هي وين سرحتي!!!
ليالي/ها...معكم مارحت مكان.....شلون دراستكم...
تهاني/امي متحلفة فيني تبي نسبة ترفع الراس....
ليالي/وانتي ماتبين حضرتك؟
تهاني بامتعاض/انا ابي ادرس بامريكا...وامي مو راضية....
ليالي/مو بنات عمك يدرسون هناك؟
تهاني/أي...ابوي ماعنده مانع بس امي ماهي موافقة ابدا!!!
دخلت ام احمد ووراها الشغالة شايلة معها صينية العشى لليالي..
ام احمد/وش فيها امك يا الملسونة وش اللي مارضيت فيه بعد!!!
تهاني بانفعال/اني ادرس بامريكا..
ام احمد ببرود/انتي ماتتعبين من ها السيرة ابدا!!
تهاني/لا ولابتعب منها لين ترضين اروح...
ام احمد/اجل تطمني ماراح ترتاحين لاني مابرضى؟؟؟؟شفيها الدراسة هنا ابي افهم؟
تهاني بامتعاض/ليال قولي شي؟
ام احمد/ليالي معي وبنفس تفكيري صح يابنت اخوي؟
ليالي بابتسامة باهتة/انتي وش تبين تتخصصين فيه؟
تهاني/لاتجلطيني انتي بعد وتوقفين معها؟
بسمة/هههههه الظاهر ليالي ماراح تكون عون ابدا لك ياتهاني....اقول ليالي مدامك عندنا ليش ماترسمين لي خريطة الجغرافيا ملانة ارسمها...
**************************************
ابو جاسر/عبير...شلونك؟
لفت له عبير اللي كانت طالعة وهو داخل بيته وقالت بهدوء/ماني بخير؟
ابو جاسر بخوف/شفيك يااختي؟عسى ماشر؟
عبير/يهمك تعرف؟
ابو جاسر بنخوة/افا عليك..وش ها الكلام ياام روعة بس....تعالي قولي وش اللي مكدر خاطرك؟
عبير/أي بس يمكن الكلام اللي بقوله لك مايعجبك..
ابو جاسر حط كتفه فوق كتفها ومشاها معه وهو يقول/كل شي تقولينه بسمعه حتى لو ماعجبني بس مايهون عليّ زعلك يالغالية؟
دخلوا مجلس الرجال وقعدت عبير على اول كنبة صادفتها قريبة من الباب....
عبير/ليالي..
ابو جاسر/شفيها؟
عبير/اليوم تعبت ورحت معاها المستشفى بعد ماطاحت علينا انا وهتون؟
ابو جاسر بخوف/شفيها؟
عبير/الدكتور يقول جاها هبوط في الدم من قلة الاكل والارهاق والسهر..يعني اتوقع فاهم عليّ ياخوي ليش بيكون وضعها الصحي كذا وهي ماتدري عن موضوع العرس؟
ابو جاسر/أي بس موضوع العرس ما المفروض ان احنا نتحمله ابوها كان المفروض يقول لها....
عبير/انا معك بس مو هنا المحك ياخوي..
ابو جاسر/شنو اجل؟
عبير بغصة/يوم درت ان ولدك سافر بعد ماملك عليها وانه مايبيها ومجبور عليها؟تتوقع هي أي ذنب جنته غير انها تكون بنت ابوها علشان تستاهل انها تكون بها الموقف؟
ابو جاسر/.............ووينها اللحين؟
عبير/عند اختي ام احمد...اصرت انها تقعد عندها وعند البنات؟
ابو جاسر/وانتي ليش مضيقة خلقك ياعبير....
عبير/ابوي مايبيها تطلع من بيتك وتجي عندي انا واختي؟وانا لايمكن اسمح انها تكون مثل المسجونة بها الغرفة في بيتك ومحد يمر عليها....تقنع ابوي انها تقعد عندنا لين يخلص ملحقها وبعدين تجي مكانها معززة مكرمة لانه مايبيها تطلع بدون شورك؟
**************************************ا
ليوم الثاني الضهر,,,,
نور بهمس/هاذي هي رجعت؟
صبا وهي تتلفت/متاْكدة؟
نور بتاْكيد/صدقيني هاذي هي السيارة اللي كانت الصباح لاحقتنا من طلعنا لين ركبنا الباص لين المدرسة واول ماطلعت من المدرسة لقيتها ومن نزلنا من الباص بعدها تمشي ورانا؟
صبا بخوف/لاتخوفيني؟انا اول مرة اشوف ها السيارة؟
نور بخوف/انا بعد اول مرة اشوفها وهذا اللي مخوفني؟
صبا/وش تبين اللحين نسوي..خلاص ماباقي على بيوتنا شي كاهم قبالنا.....
وصلت نور اول على بيتها ووقفت بتدق جرس الباب وصبا مشت تكمل لين توصل بابهم وتقربت منها السيارة وصدمتها بخفيف وطاحت على الارض وسط صرخة نور اللي جت تركض لها والسيارة بعدها واقفة......
نور بخوف/صبا صار لك شي؟
رفعت صبا راسها وقالت بالم/شوي تعورت رجلي؟
نور/بروح انادي على زيد قبل لايتحرك ها الاعمى الخسيس؟
راحت ركض لبيت صبا وصبا قامت وتشيل اغراضها وجاها صوت الرجال اللي دعسها بالسيارة بقوة/هاذي هدية بسيطة من المعزب يقول علشان تعرفين تنقين الفاظك زين ها المرة وتعرفين منهو التافه الحقير؟؟؟
وبتجيك هدايا غيرها خليك منتظرة؟؟؟
قال ها الكلمتين بسرعة ومشى وصبا طاحوا منها كل اغراضها اللي كانت بيدها وفتحت عيونها بقوة تبي تستوعب كلامه!!!!
**************************************

اصايل بالمطبخ وهي سرحانة/اقول خالتي...
ام عبدالله بدون نفس/نعمين!!في شي؟
اصايل بفرح/ضاري ماكلم ابوي!!
ام عبدالله وهي تناظرها/بلى...
اصايل /وش قال له؟
ام عبدالله بشماتة ماحست لها اصايل لانها سرحانة/قال يبي يكلمك..بيموت على مايسمع صوتك ويكلمك؟
اصايل بشوية خجل/صدقّّ!!
ام عبدالله بنفس الاسلوب/أي طبعا صدق..بس ابوك ماعطاه مجال قال مالك اصايل الا ليلة العرس وبس!!!
اصايل/اممم...
سرحت شوي على كلام ام عبدالله وهي ماسكة بيدينها الصحون وبتحطهم على رف المطبخ يطيحون منها ويتكسرون..
ام عبدالله بعصبية/وعمى اللي يعمي قلبك ان شاءالله!!!ماتشوفين ولاماتشوفين!!
اصايل ببرود/ليه تصارخين انتي بعد!!
ام عبدالله بانفعال/سلامتك ياقلبي وها الصحون اللي تكسرت ان شاءالله وش نسوي فيها؟
اصايل بلااهتمام وهي تحط المنشفة بيد ام عبدالله/كنسيهم وقطيهم بالزبالة وبكرة اذا اخذت ضاري بجيب لك غيرهم حبيبتي ولاتهتمين!!!
قالتها وطلعت وسط صراخ ام عبدالله/عساك البلى قالت امين!!!بيموت عليك ها الضاري وانا مدري؟؟؟؟انتي ذهب امك ماشفت منه شي مدري وين وديتوه ها الساع لااخذتي ها الشرقاوي بتجيبن لي غيرهم!!!روحي عسى الله لايهنيك ولايهني اختك ان شاءالله!!!
ابو عبدالله دخل/شصاير؟؟علامك تصارخين بروحك؟
ام عبدالله/بنتك المجنونة كسرت الصحون ومشت على بالها نشتغل بامرتها؟
ابو عبدالله بهمس/ماسالت اليوم عن اختها؟
ام عبدالله بسخرية/وش تعطيني اذا قلت لك اني دهني سيرها ومابتسال فيها؟

**************************************
بسمة/يعني لو ما ليالي عندنا ماجيتي تتغذين معنا خالتي عبير؟
عبير/افا عليكم بس....شدعوة ها الحكي...
ام احمد/قومي بس بدلي لروعة خلنا نتغذى؟
بسمة/لالالا روعة تقعد معنا بنفس السفرة مستحيل بتنقلب سفرتنا لااشياء ارهابية!!!
عبير بصراخ/هي انتي هي...شوي شوي على بنتي...
بسمة/فديتها الدبدوبة؟
ليالي وهي تلاعب روعة/حرام عليك وينها ووين انها تكون دبدوبة؟
بسمة/محد قال لك دافعي عنها.....امها لسانها شطوله؟
ام احمد/انتي ماتستحين؟
عبير/وانتي بتحطين نقرك من نقرها يااختي!!بسمة الكل عارف لسانها شطوله؟
بسمة/شوف خالتي قلبت عليّ!!!
عبير/يعني بتصيرين اللحين انتي المظلومة وانا الظلمة؟
ليالي/ترى جوعانين احنا اذا بتطولون خناقكم بنسبقكم!!!
ام احمد/قومي بس ياليالي يمه نتغذى انا وانتي هذولا مابيخلصون ابدا!!!!
عبير/لالالا على ماتجهزون كل شي بنكون خلصنا ؟
بسمة/قصدك بنخلص عنهم الاكل لان احنا بنكون انتهينا من الحرب اللي بينا!!
ليالي/هههههه
**************************************
هتون/الشغالة تقول انها مو بدارها؟
ابو جاسر/من تقصدين؟
هتون/بنت اخوك
ابو جاسر/وماهي بنت عمك؟
هتون/لا..ولاراح اسمح انها تلزق حالها فيني!!كلا عارف قدره زين...
ابو جاسر/هتون...انتي الكبيرة والعاقلة يابنتي
هتون بغرور/الكبيرة أي..والعاقلة أي..بس ان هذولا يدخلون حياتي ويصيرون قرايبي لاوالف لا!!!
ابو جاسر/يبى مايصير لاامك تواطنها ولااختك انا اقعد قبالها يعني طول اليوم؟
هتون/هي وينها اللحين؟
ابو جاسر/عند عمتك...بس بعد اسبوعين بتجي البيت وواجب عليكم تمرونها؟
هتون/اذا منتظرين مني زيارة لها انسوا..انا امس عبير عمتي قومت لي الدنيا وقعدتها ولو مافكرتها ماتت مارحت اشوفها؟
**************************************
في بيت بو ضاري
/رانيا/ودي اشوفها؟
ريم/ليش؟
رانيا/شنو ليش؟
ريم/يعني ليش تبين تشوفينها؟
رانيا/ابي اشوف شلون شكلها؟
ريم/يعني بالذمة وشلون بيكون شكلها؟
شمايل/شمايل تقول انها مامرت عليها ولاشافتها وهي اللحين في بيت عمتي ام احمد؟
رانيا/محلولة يعني اذا ليلة الجمعة عمتي جتنا بتكون معها يعني وين بتروح؟
ريم/وليش مانروح نشوفها هناك؟
رانيا/وليش ماننظرها تجي هي هنا ونشوفها قدام الكل...
ريم/يبى ماابي قدام الكل....
رانيا/يابنت الناس هي خاربة خاربة خلينا نعميها!!نفلها فل اذا شفناها هي مع برقعها اللي ماتشيله عنها؟
ريم/انتي شعرفك انها ماتشيله؟
رانيا/اكيد مابتشيله هي مو بدوية وقروية خلاص اللي بداوى مايشيلون براقعهم؟
**************************************
عبير/وش رايك نروح السوق اليوم ؟
ليالي/لا..
عبير/أي مو لانه عاجبينك ثياب الدبة تهاني عليك شوفي كيف طالعة فيهم؟
ليالي/يعني وش كنت البس في بيت ابوي احسن منهم مثلا!!!
عبير/انتي وش عليك انا باخذك وباخذ بنتي وبنطلع ومافي نقاش....
ليالي/عبير...
عبير/خير...
ليالي بحزن/اصايل.....
عبير/تبين تكلمينها؟
ليالي باندفاع/فكرك ابوي بيرضى؟
عبير/وليش مايرضى...او على الاقل خلينا نحاول ونشوف وش رايك..
ليالي وهي تمسح دموعها/بكون ممتنة لك؟
عبير وهي تضمها/ليالي انتي مو بس بنت اخوي انتي اختي الصغيرة...لاتبكين...يالله مسحي دموعك وخلينا نتصل نشوف..
امتثلت ليالي لكلام عمتها ومسحت دموعها ودقت عبير على ابو عبدالله اللي جاوب بضيق..
عبير/عساك طيب يابو عبد الله..
ابو عبدالله بضيق/أي..خير في شي؟
عبير/ولازم يكون في شي علشان ادق اتطمن عليك؟
ابو عبدالله/خلصيني عبير تعرفيني مااحب الحكي والقرقرة..
عبير/مدام انك ماتبي تحكي عطني اصايل؟
ابو عبدالله/ليه؟
عبير/اختها تبي تكلمها..
ابو عبدالله/وبشور منو بتكلمها؟
عبير/يبى خلاص البنت اللحين في بيت زوجها وهو راضي تتطمن على اختها...
ابو عبدالله/وماتبي تتطمن الا على اختها بس!!!ماقالت ابي اسمع صوت ابوي ولهانة عليه!!!صدق ماتتستحي وضايعة فيها التربية؟
عبير بتجاهل/هي وينها بعيدة عنك...
ابو عبدالله/
يااصايل...اصايل وصمخ تعالي اختك تبي تكلمك....
**************************************
حبست نفسها بغرفتها من بعد الصدمة اللي جتها,,,
نايف دازه علشان يدعسها بسيارته؟؟؟ويوصل لها ها الكلمتين؟؟؟
انا بديت احس بالخوف ياربي,,,,
وش تعني ها الحركة منك يانايف....وياترى وش ممكن تكون مبيت نيتك تسويه بعد!!!
ماتسوى عليّ قلت لك تافه وحقير ومسوي بعد انك ماتستاهلهم,,,,,طلعت مو بس تافه وحقير الا مريض نفسي؟
ياربي حدي بموت من الخوف مو عارفة شلون اتصرف....اقول لزيد ولامااقوله؟
انا اذا قلت له بتقلب السالفة عليّ ومو بعيد يطردوني من البيت بحجة اني نرفزته وهم يبون يخففون عنه ويطلعون معه من السالفة بشكل ودي؟؟
ياربي وش اسوي..خايفة حتى اروح المدرسة بكرة لايسويها ويصدمني بجد واموت!!!
اووووف منك يازيد انت البلى اصلا لولاك ماشفنا ها النايف ولاعرفناه ولاصار اللي صار ولاقعدت بخوفي وحيرتي ماني عارفة شسوي!!!
سترك يارب سترك.....
اصايل بلهفة/الو...
عبير/مو عاطيتك تكلمين الا اذا قلتيلي وش بتعطيني؟
اصايل بضعف/اللي تبينه بس طمنيني انتي معها مو تاركتها بروحها؟
عبير/افا وش ها الحكي ؟؟يعني معقولة اني بخليها بروحها ومابسال فيها؟
عبير/طيب هي شلونها مع جاسر؟
عبير ماحبت تقول أي شي عطت الجوال لليالي ترد على اختها وطلعت من الغرفة علشان تتكلم براحتها..
ليالي وهي تمسح دموعها وتتكلم بسرعة ولهفة/الو..اصايل شلونك؟
اصايل من سمعت صوت اختها راح ضاري وطوايفه من بالها ومافكرت غير بليالي قالت بنفس اللهفة/انا بخير انتي طمنيني عنك عساك بخير ومرتاحة؟
ليالي/أي الحمد الله.....اهم شي انتي كيفك معهم؟
اصايل/انا عال العال لاتشيلين همي....فرحانة ياليالي؟
ليالي بزعل/فرحانة لفراقي!!
اصايل/لايالمجنونة فرحانة لاني بطلع من ها الهم؟؟؟وبروح مكان ثاني ابتدي حياة جديدة؟
ليالي بتشكيك/تتوقعين ان بيت ابوي والحياة فيه كانت هم!!!يعني الحياة اللي احنا بنعيشها اللحين افضل؟
اصايل/والله الاجابة عندك وانا اللي المفروض اسالك ها السؤال؟شلون جاسر معك ؟شتسولفون فيه؟كيف وضعكم..
ليالي بصدمة/جاسر..
اصايل بهمس/اوووف ابوي جاني بضطر اتركك لاني مابعرف اتكلم بس امانة اذا شفتي فرصة لاتتركيني ابي اسالك عن اشياء كثيرة واتطمن عليك.
ليالي/طيب...انتبهي على نفسك ولاتتصادمين مع ام عبدالله واجد خلها تولي عنك.....
*************************************
مرت اسبوعين كاملين على وجود ليالي في بيت ام احمد وعلى انتهاء الملحق اللي راحت معها عبير وفرشوه على ذوقها بطلب من ابو جاسر بما انها بتقعد فيه,,,,
كان الملحق جنب ملحق ابو عبدالرحمان ومايفصلهم الا جدار....
كانت جاية مع عبير بس دخلت قبلها لان عبير كانت بتشيل بنتها اللي نامت بالسيارة,,,,,
وتوها بتفتح باب الملحق جاها صوت معصب وخلى اكياسها تطيح من يدها,,
ابو عبدالرحمان بعصبية/خوش تربية والله...الزوج مسافر والزوجة تسرح وتمرح بالاسواق؟
لفت له بعد ماطاحوا اكياسها على الارض...وعرفت انه اكيد بيكون جدها بما انه واقف عند باب ملحقه وبما انه شيبة..
قالت بلعثمة وتردد/انت ..انت جدي....
ابو عبدالرحمان بعصبية/اذا مانتي قد انك تصونين ولد عمك في غيابه رجعي بيت ابوك احسن لك؟
////////////////////////////////////////////////////////////////////////


---البارت العاشر---

*************************************

وقفت مكانها مثل التمثال الجامد....صدمتها الكلمة كثير ونزلت دموعها....اخر شي توقعته ان احد يقول عنها ها الحكي!!هي كلها مرة وحدة بس اللي طلعتها مع عبير اول ماوصلوا علشان تتشرى لها ثياب لانها جت فاضية بدون شي والمرة الثانية طلعت مع عبير وعمها بو جاسر علشان فرش الملحق واللي كانت فيه شبه ديكور لانها مستحية من عمها....
وكل ماحاولوا فيها عماتها ولابنات عمتها تطلع معهم ترفض؟والاكياس اللي معها اغراضها واللي رفضت انها تاخذ شنطة وتحطهم فيها..ليش يقول عنها كذا!!!
اذا هو رايه كذا هذا ام جاسر وبناتها شيقولون اجل؟؟؟؟
ابو عبدالرحمان/سمعي يابنت ابوك انتي....بتقعدين هنا تقعدين باحترام ولد عمك له سمعته بين الناس ومايصير احد يشوفك طالعة داخلة لاحسيب ولارقيب؟
له سمعته بين الناس!!!ليش وينه هو اللي له سمعته بين الناس وتاركني من اول ليلة وماسال فيني!!!
هذا الشي بس اللي كان يدور في بالها قبل لاتقطع عليهم عبير الجو...
عبير/يعني التقيتوا قبل لااجي!!!ليالي عسى بس سلمتي على جدك...اكيد ماعرفتيه لانك اول مرة تشوفينه؟
ابوعبدالرحمان/خلاص شافتني وعرفتني...وانتي ياعبير اخذيها وفهميها مدام ان رجلها وطت ها البيت..منهم اهل ها البيت وشلي لازم تلتزم فيه وهي اللحين متزوجة ومسؤلة؟
**************************************
نور/انتي بتجنني حالك؟
صبا/والله العظيم خايفة حاسة اني مو قادرة اتحمل..
نور/يمكن كانت حركة تخويف وبس!!!
صار له اسبوعين لاسوى شي ولاقال شي ولاشفنا من جهته أي شي؟
صبا/مو هذا اللي مخوفني سكوته وانه للحين ماكلم زيد ووصل معه لحل؟اخاف ان ها الكلمتين اللي قلتهم يتعاقب عليهم اخوي وانا المذنبة؟
نور بجفاء/لاعاد انا مو معك بها السالفة؟اخوك غلطان وستين الف غلطان واذا تعاقب فلانه يستاهل العقاب!!اما انك تفكرين انه بيتعاقب علشانك وعلشان هاالكلمتين اللي قلتيهم لا والف لا...
نايف اذا عنده عقاب ياْدبك فيه راح يقصدك انتي شخصيا مثل المرة اللي فاتت ..
صبا/وش تتوقعين يسوي؟
نور/تبين الصدق..اتوقعه شال السالفة من باله وشاف انها ماتستاهل؟لو كان يبي يسوي شي كان سواه من قبلمو قعد اسبوعين وهو ساكت؟
صبا/اذا كان ساكت عني فماراح يسكت عن سالفة زيد؟واذا مرت على باله سالفة زيد بيذكرني من جديد......ياربي والله مو عارفة ارتاح منه صدق خوفني؟
**************************************
رانيا /ريمي..ريامي..قومي....
ريم بفزع/وش السالفة؟
رانيا بفرح/اللي نبي نشوفها جت بيت عمي؟
ريم/منهي...ليالي؟
رانيا/أي ومنو غيرها؟
ريم/وش عرفك انتي؟
رانيا/توني مكلمة ثامر وماخذة منه الاخبار...بس ياحرام ماعندها غير عمتي عبير وبس الباقيين ماراحوا يشوفونها ولايسلمون عليها؟
ريم/انتي منتي بصاحية؟؟منو اللي تبين يشوفها ويسلم عليها بالله؟؟؟زوجة عمي ولاهتون ولاشمايل؟أي وحدة فيهم!!!
رانيا/اقول ماودك نروح نشوفها؟
ريم/لاحبيبتي امي اذا درت عادي تذبحنا؟
رانيا/بس انا ابي اشوفها يوم كانت عند عمتي امي ماخلتنا نزور عمتي ابدا ولاهي جت معهم ولامرة؟
ريم/ومابغيتي الا ام ضاري تسمع عنك رايحة تشوفينها وتسكت لك؟
رانيا/شفيها بروح اكتشف وشلون صايرة؟
في الملحق...
قعدت ليالي على اول كرسي صادفها جنب الباب وصفنت بهدوء وهي تمسح دموعها وجتها عبير وركعت تحتها وقالت بحب../انا مدري وش اللي صار بينكم قبل لااجي بس تاْكدي من شي واحد انه يحب الكل بس بطريقته الخاصة ومايبين لااحد ها الشي....
ليالي رفعت راسها وهي تحاول تصدقهاوماقالت شي..
عبير باصرار/ابوي شقال لك ياليالي؟
ليالي بهدوء وهي تمسح باقي الدموع/ولاشي بس سلم عليّ؟
عبير/مو صحيح!!لو هو مجرد سلام مابتبكين؟
ليالي بتنهيدة/صدقيني مجرد انه سلم عليّ ومابكيت الا لاني اول مرة بحياتي بعد واحد وعشرين سنة اشوف جدي!!هذا بس اللي بكاني؟
ماكانت عبير قادرة تصدق كلمة من كلام ليالي وهي عارفة انها قاعدة تلفق الموضوع بس ماتقدر تصر عليها انها تتكلم بعد!!!
بس الاكيد ان صار بينهم سوء تفاهم ولاليش بتبكي ليالي وليش ابوي بيقول ها الكلمتين اللي قالهم؟
ليالي وهي تحاول تغير الموضوع/يالله قومي ورانا شغل؟
عبير/ليال حبيبتي وانا ليش جايبة الشغالة معي!!هي بتشتغل واحنا بنقعد نسولف؟
ليالي/الشغالة بترتب اغراض المطبخ وانا وانتي بنرتب غرفة النوم وبترتبين معي اغراضي.....يالله قومي...قبل لاتقعد روعة وتشغلنا؟
كانت تبي تقوم باي طريقة وتشيل كلام جدها من مخيلتها....
بعد هتون جاها جدها ..ماتدري ليش عاملوها بها الطريقة ..بس الاكيد ان في شي غير زواجها من جاسر؟لانها مالها شغل بها الزواج ومالها تتحمل ذنبه؟
***********************************

من قال بس ياصبا ان نايف ساكت وماقاعد يخطط لشي؟
بالعكس عقله قاعد يفكر فيك ليل نهار وفي الاشياء اللي ممكن يسويها علشان يهينك ويكسرك مثل ماكسرتيه...بس قاعد يطبخها على نار هادية مثل مايقولون ومايبي يستعجل ويبي التوقيت المناسب اللي يحطمك فيه بجد؟
انتظري عليّ بس ياصبا وبتشوفين نايف التميمي وش ممكن يسوي لك ويخليك تركعين تحت رجله تبين الرحمة والعفو...
صبري ياصبا صبري..ترى اللي بيجيك مني بالطريق بيعرفك قيمتك وقدرك يابنت الفقر؟
وبيخليك تعرفين منهو العم نايف وشلون تحترمينه عدل؟
بنشوف ياصبا منهو يربح في النهاية ومنهو اللي بيعرف قدره زين!!!!
**************************************
ام عبدالله/ضاري للحين مارجع الديرة من سافر؟
ابو عبدالله/لا...
ام عبدالله/اخاف رجع واخوك ماكلمك ويبي يتهرب من ها الزواج؟
ابو عبدالله بعد تفكير/تهقين؟
ام عبدالله بشر/من متى وهو مسافر من قبل لايتزوج جاسر ؟معقولة للحين مارجع؟
ابو عبدالله/وكيف الدبرة...
ام عبدالله/شوف بكرة ننزل الشرقية كلنا نروح نزور ليالي ومنها انت تشوف ضاري هنا ولامسافر؟ومحد بيدري انك جاي مخصوص علشان ضاري لان احنا بنكون عند ليالي؟
ابو عبدالله/أي والله خوش فكرة....خلاص اجل بكرة من بعد صلاة الصبح قولي للبنات يتجهزون علشان نمشي....
خلنا نشوف نهايتك يااصايل ومتى بتريحينا من عوار الراس!!!
**************************************
في بيت بو جاسر...
ثامر قاعد يلعب روعة....
ام جاسر/ها روعة عندنا..تعالي...
ثامر/توني ماخذها مو كل ماجيت اشيلها اخذها احد من عندي...
ام جاسر/وين امها؟
ثامر/بالملحق حق جاسر؟
ام جاسر/ملحق في عينك قال حق جاسر؟هذا حق البدوية بنت عمك؟
ثامر/يوم انها بدوية ليش ماحطيتوها بخيمة؟اللحين كيف بتعيش بملحق مابتقدر تتكيف على المكان؟
ام جاسر/تدري عاد مو ناقصتك الا انت مع وجع راسك؟
ثامر/يمه...هي تفهم لغتنا؟يعني اذا شتمتها بتفهم اني شاتمها؟
ام جاسر/شوف اذا مابتسكت بيجيك شي يسكتك غصب سامعني؟
ثامر/يمه انا اسال علشان اذا شفتها مرة قدامي اعرف وش اقول؟
شمايل/مني هاذي اللي تعرف وش تقول اذا شفتها؟
ام جاسر/طبعا توك قاعدة من النوم؟.
شمايل/طبعا...
ثامر/انا اقصد ليالي مدري سهر مدري وش اسمها زوجة اخوك؟
ام جاسر/خوى جوفك ان شاءالله!!!قلت لك هاذي ماهي زوجة جاسر ولاترفع ضغطي؟
شمايل بنرفزة/قطع اللي يقطعها ست الحسن شرفت هي مع وجهها؟
ثامر بفرح/بس وينكم جدي غسل شراعها من دخلت البيت..
ام جاسر باهتمام/وش قال لها؟
ثامر اعتدل بقعدته/كانت جاية ومعها اكياس كثيرة ودخلت قبل عمتي عبير وعطاها ذيك الزفة اللي تبرد قلبك يمه وقال لها الزوج مسافر والزوجة من كثر تربيتها تسرح وتمرح بالاسواق..لازم تعرفين ها البيت منهم اللي عايشين فيه وتحترمين نفسك ولامايردك الا بيت ابوك؟
ام جاسر بنشوة انتصار/زين طلعت منه كلمة حق ها الشيبة؟
**************************************
بنفس الليلة بملحق ليالي اندق الباب....
ليالي حست بالخوف والضعف لان عبير راحت من بعد الصلاة بيتها وقعدت بروحها وماهي عارفة منهو اللي بيكون مار عليها ها الوقت...
قالت بتردد/منو..
رانيا/انا فتحي الباب...
تطمنت ليالي للصوت لانها اول مرة تسمعه يعني لاجدها ولاهتون والاكيد مو ام جاسر لان الصوت مايناسبها....
فتحت الباب وكانت رانيا واقفة قبالها بعبايتها اللي اشبه بفستان سهرة..
رانيا بعد مادخلت وشالت شيلتها من على راسها/وين ماما؟
ليالي ناظرتها بدهشة وماعلقت...
رانيا باصرار/وين ماما ليالي؟قولي لها وحدة تبي تشوفك..
ليالي بدهشة وهي مادة يدها لها وقالت بشوية تردد/تفضلي...
رانيا وهي تمشي/تتكلمين مثلنا من وين جابوك بيت عمي؟
قعدت بالصالة واللي كانت مكان الاستقبال الوحيد بالملحق وكان طقمها هادى جدا باللون البيج الفاتح اللي يعطيك هدوء كبير وماكانوا شغالين غير انارة الابجوارات الهادئة واللي عطت للمكان طماْنينة اكثر..
قعدت رانيا وقعدت قبالها ليالي..
رانيا/خير..
ليالي/عفوا بس انا مااعرفك؟
رانيا/هههه مو لازم تعرفيني!!!وينها ليالي؟
ليالي وهي ماسكة نفسها/انا ليالي...
رانيا شهقت/انتي ليالي؟مستحيل ذيك بدوية يعني تلبس برقع وشيلة وجلابية ماتلبس سبورت كذا!!واشرت على ليالي اللي كانت لابسة بيجاما سبورت ابيض واسود..
ليالي بخوف/شلون يعني؟
رانيا باصرار/انتي متاْكدة انك ليالي؟
ليالي بتاْكيد/أي....
رانيا بتفحص غبي/طيب وليش ماتلبسين برقع؟انتي ماكنتي تعيشين بخيمة؟
ماتدري تبكي ليالي لحظتها ولاتطنش...كان اسلوب رانيا قريب للسخرية بس بنفس الوقت كانت تسال بسرعة وهي تنتظر اجابات وشكلها مصدوم,,,,,
ليالي/منو اللي قال لك اني اعيش بخيمة؟ولاالبس برقع؟
رانيا تسندت على كنبتها وقالت باستسلام/ليش انتي مو بدوية؟
ليالي/وانتي مو بدوية؟
رانيا/لاانا شرقاوية؟
ليالي/انا بعد اصلي شرقاوي بس ابوي كان قاعد بقرية قريبة من الرياض....هل هذا يعني اني بدوية ولازم البس برقع واعيش بخيمة؟
رانيا/هو انا موقصدي لاتزعلين بس تخيلت شكلك ثاني غير عن اللي وصفوه؟يعني منتي مثل ماكنت متصورة صراحة؟
ليالي فضلت السكوت وعدم السؤال عن الشكل اللي كانت متخيلته عنها علشان لاتحرج نفسها بالنهاية وقالت بعد تردد/ماعرفتك انتي منو؟
رانيا/أي بس انا بعد ماعرفتك واعرفت اذا كنتي بتفتنين عليّ!!
ليالي/افتن عليك؟؟ليش وعند منو؟
رانيا/ماابي احد يدري اني جيتك؟
ليالي/ليش منو اللي بيدري انا هنا محد يمرني ولاحد يسال عني وماعندي غير عمتي عبير وعمتي ام احمد...انتي اكيد ماتعرفيهم تراهم طيبين حييل..
رانيا/ماهم عماتك بروحك....انا اعرفهم هذولا عماتي بعد!!بس انا اقصد لاابي امي تدري ولابيت عمي لانهم اذا دروا بيقولون لها؟
ليالي/منهي انتي!!
**************************************
صبا/ياربي راسي بينفجر باقي ثلاثة ايام على الامتحانات وحاسة نفسي مو قادرة اركز؟
منى بصرامة/لاحبيبتي لازم تركزين وتنجحين..
ام زيد/اختك صادقة لازم تخلصين علشان تتوظفين وتريحين اخوك شوي....مايصير هو بروحه يتحمل البيت بمافيه؟
صبا/يبى هاذي يبيلها مشوار...بعد مااخلص يبيلي جامعة وبعد الجامعة يمكن تجي الوظيفة ويمكن لا....
منى/اشتغلي بشهادة الثانوي؟
صبا/وين اشتغل بشهادة الثانوي الله يهداك؟منو اصلا بيوظفني فيها؟
ام زيد/نقعد ننتظر بعد اربع سنين من وين نصرف عليك واخوك للحين مو لاقي له شغل؟اشتغلي فيها لو بالف ريال؟
صبا/أي بس انا مو هذا طموحي انا حلمي اكون دكتورة..
منى بشماتة/اقول دكتورة صبا بلاش الاحلام اللي مابتتحقق وركزي بامتحاناتك بس عندك ترم ثاني ولاناسية مفكرة انك بتمتحنين وبتنتهي السالفة؟
دخل زيد عليهم وهو مرتبك....
ام زيد/شفيك يمه؟
زيد/المعزب نايف دق لي وقال بكرة بيجيني الصباح يبيني بموضوع....
ام زيد/........
منى/........
وحدها صبا كان الخوف ماليها من انطرى نايف قدامها وحست بدقات قلبها ماهي راضية توقف...
زيد كمل بحسرة/وهو في غير السالفة اللي اعرفها يبيني فيها....الله يستر وش بيسوي..بس هذا انا اقولك يمه من اللحين اول مايقول انه بيسلمني الشرطة بهج من الديرة وانتي وبناتك دبروا حالكم انا ماابي انسجن؟
**************************************
تهاني/يمه..
ام احمد ووهي تناظر بالارض/نعم يمه...
تهاني/وش السالفة ؟انا مو فاهمة شي؟
ام احمد/أي سالفة؟
تهاني/سالفة زواج ليالي من جاسر؟وش ها الزواج اللي محد يدري عنه والزوج المسافر؟
ام احمد تنهدت/بعدين يمه...
تهاني/لا اللحين ابي افهم السالفة انا كبيرة ماني صغيرة يمه....
ام احمد/شتبين تعرفين ياتهاني يايمه..خوالك اثنينهم غلطوا يوم حطوا عيالهم بها الموقف....
تهاني/شلون يعني؟
ام احمد/يعني خالك ابو عبدالله اهان بنته يوم عرضها للزواج من جاسر وخالك ابو جاسر غلط يوم تمم ها الزواج؟
تهاني/أي بس يمكن ينجح ها الزواج انتي ليش ضايق خلقك؟
ام احمد/جاسر مايبيها كيف بينجح...البنت انكسرت خلاص....
تهاني/جاسر مايعرفها ولاعمره شافها بس اكيد اذا شافها وقعد معها بيغير رايه....ليالي ماهي شينة وتنحب...
ام احمد بسرحان/والله مدري يمه وش اللي مخبيته لنا الايام بعد!!!
تهاني/طيب واصايل...
ام احمد/هاذي بعد بروحها سالفة لو ه قايل لااخوه الصدق كان ارتاح اللحين شبيقوله بعد ها المدة اللي انقضت؟
**************************************
رانيا/انا رانيا....بنت بو ضاري؟
ليالي/هلا وغلا...بس ليش ماتبين احد يدري انك زرتيني؟
رانيا بصراحة/لان امي مابترضى طبعا اني اوطي مكانك؟
ليالي حست بالفشيلة وتمنت انها ماسالت....
رانيا/ماراح تقولين لااحد صح؟
ليالي بهدوء/اكيد....
رانيا/حاطة لك تلفزيون ليش انتي تعرفين وش يسوي هذا؟
ليالي/...........
رانيا/كان عندكم تلفزيون بالبيت؟
ليالي/بغرفة ابوي بس....
رانيا/واكيد مايطلع غير القناة الاولى والثانية؟
ليالي/..........ماسالتك وش تشربين؟
رانيا/في خيارات؟
ليالي ابتسمت لها/اللي تبينه؟
رانيا/طيب فيني اتفرج على المكان؟
ليالي/أي اكيد خذي راحتك....محد هنا بس قولي لي وش تبين علشان اجهزه لك؟
رانيا/في قهوة فرنسية؟
ليالي بحرج/لا....
رانيا/طيب تركية؟
ليالي/مابعد اخذت اغراض البيت كلها...في شاي وعصيرات...
رانيا/طيب بيبسي...عندك شي يناْكل معه؟
ليالي/تحبين الشوكلاتات؟
رانيا/أي....بونتي ولاجالكسي؟
ليالي/طيب....
**************************************ا
ليوم الثاني الصباح,,,,
كانت ليالي بطبيعتها والعيشة اللي عايشينها يقومون من بعد صلاة الصبح ويزاولون نشاطاتهم اليومية من تنظيف ومالى ذلك..
بس هي اصلا البارحة ماقدرت تنام ...الوضع الجديد ماريحها ابدا رغم انها عارفة انها لازم تاْقلم نفسها خلاص..بس هيبة المكان الجديد روعتها وخلت النوم يجافيها خصوصا انها افتقدت وجود تهاني وبسمة اللي كانوا يشاركونها نومها الاسبوعين اللي فاتوا.....
كانت تمشي بالملحق بدون أي فايدة قاعدة تتخيل حياتها وسط ها المجموعة من الاثاث الخالية من الحياة كيف بتكون؟
ياترى لو كنتي عايشة يالغالية كنت انا بها المكان؟
تنهدت وهي تذكر امها الحبيبة اللي الامانة اللي رجعت لخالقها وراح تفكيرها لمتعب...معقولة ياخوي الغالي لو عرفت اني هنا واني بها الوضع كنت بتسوي شي وبتمنع وجودي!!!!!
طيب وينك اللحين بتكتفي بطرد ابوي ومابترجع تسال عنا من جديد وانت عارف ان احنا مالنا غيرك بها العالم....ياهي نيران بصدري ابي اطفيها اول مااشوفك واعلمك عن كل اللي قاعد يصير لي بها العالم الغريب اللي تمنين الموت اخذني وماوطيته......
قطع عليها افكارها صوت الباب واحد يدق عليه...رجعت تاْزمت من جديد لانها عارفة انها اكيد مو رانيا لانها قالت لها بالجامعة واللحين الساعة فوق العشر وربع...معقولة يكون احد شافها البارح وهي جاية ولاطالعة وخبر امها وجاية تغسل شراعي!!!!سترك يارحمان اذا صدق بتصير مصيبة ولاليش البنت بتخاف من امها اذا ماكانت تخوف...
وقفت جنب الباب وقالت بصوت راجف/منو...
جاها احلى صوت من ورى الباب/ينفع اصايل؟؟؟؟
طاح قلبها بين يدينها ذيك اللحظة من الصوت اللي سمعته ومن اللي ممكن يسويه هنا؟؟؟؟؟
**************************************
زيد/مابعد سويتي الشاي ياخايبة؟
صبا اصلا كانت بحالة مزاجية سيئة لانها عارفة منهو الشخص الموجود هنا واللي ممكن يقوله ولايسويه....
صبا بدون نفس/هو مافرقت عنده شرب الشاي ولاماشربه مدام انه معزم على شي وبيقوله؟
زيد بعصبية/انا ماشفت اسخف منك بحياتي!!
صبا/وانا ماشفت ناس ماتهتم مثلك بحياتي!!يااخي روح صحي اختك من النوم ماتشوفني من البارح مو قادرة انام ولاقادرة اركز بمذاكرتي وماعندي غير يومين بس للاختبار؟
زيد/واختبارك اهم من مستقبلي!!طيب ياصبا طيب بتشوفين شغلك بعدين ماني برايق لك؟
جاه صوت نايف بقوة وهو يناديه من المجلس الوحيد اللي بالبيت وكان قريب من الصالة والمطبخ وترك زيد كل شي بيدينه وراح وصبا تسمرت مكانها من خوفها من راعي الصوت!!!!!!
زيد/طال عمرك انا اسف بس لحظة..
نايف قاطعه/تعال اقعد ماهو من زين مكانك علشان تضيف!!!هي كلمتين بقولهم وبمشي,,,,
رجع وجه زيد يرتبك من جديد...
نايف بثقة/اختك....
زيد رفع راسه وقال بدهشة/اختي!!!!
نايف/أي اختك صبا...ابيها....
زيد بنفس الدهشة/أي بس طال عمرك انت تستاهل اللي افضل من اختي مليون مرة وهاذي ماتسوى ظفرك ولاهي كفو تكون مرتك؟
نايف باستنكار/مرتي!!!صاحي انت!!انا اناسبك انت ومرتي تكون اختك؟ثمن كلامك قبل لاتقوله؟
بلع زيد ريقه بصعوبة وحس ان الجو خانق بحق وحقيق....وماعرف شيقول...شنو يعني يبيها وماتكون مرته؟؟؟
نايف/لاتروح بافكارك بعيد...انا ابيها تكون خدامة في بيتنا ابتداْ من اليوم خلها تلم اغراضها وقبل الصلاة الاقيها في بيتنا فاهمني يازيد؟وبعدين بنتفاهم على الاشياء اللي ممكن ماتتعاقب عليها واللي بغض النظر عنها ...
//////////////////////////////////////////////////////////////////////

 
 

 

عرض البوم صور بياض الصبح   رد مع اقتباس
قديم 21-08-10, 06:36 AM   المشاركة رقم: 12
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الحادي عشر---

*************************************ا

في الجامعة...
ريم/رانيوا قصري حسك لاتسمعنا شمايل ونروح في داهية؟
رانيا/ليش كذبوا علينا وقالوا مدري شفيها؟يبى انا شفتها بشر مثلنا لاتلبس برقع ولاهم يحزنون؟
ريم/هي بشر ليش شنو ممكن تكون لو ماكانت بشر يعني؟؟وبعدن محد قال لنا شي عنها لانهم كلهم ماشافوها وكل اللي قالوه لنا انها بدوية وقروية؟
رانيا باعتراض/وانا ماشفت أي شي من بداوتها وقراوتها ياريم؟تعرف كل شي...يمكن ماهو موجود عندها بس هي تعرف كل شي حتى الجوال تعرفه وكان عندها واحد بس عمي صادره على حسب كلامها؟
ريم/والله مدري ...
رانيا/انتي مو مصدقتني ها...الليلة باخذك معي تروحين تشوفينها بنفسك؟
ريم/لاحبيبتي انا مو بايعة عمري اروح لها برجلي!!!
شمايل/علامك تتهامسون انتي وتؤامك؟
رانيا بسرعة/اقول شمايل شخبار ضيفتكم الجديدة؟
شمايل/أي ضيفة؟
رانيا/البدوية القروية؟
شمايل بامتعاض/لاتذكريني فيها واللي يسلم عمرك....
ريم بجدية/شكلها يوحي بالاشمئزاز لهدرجة؟
شمايل بمبالغة/بس يوحي بالاشمئزاز!!ريحة الشمس ضاربة فيها وناهيتها؟؟هذا غير عن القرف اللي هي تلبسه؟
ناظروا ريم ورانيا في بعض وارتفعت درجة حرارة رانيا وكانت بتتكلم بس ريم مسكتها...
شمايل باسى/شنقول بس شنقول...ابتلينا فيها وانتوا ارتحتوا من اختها.....الله يعين امي مدري كيف بتوريها لخالتي اذا زارتنا ها الصيفية؟
رانيا بقهر/انتي كل يوم تشوفينها؟
شمايل/اسم الله عليّ!!!اشوفها بس لاجت تطر تبي هدوم وتبي اغراض....
**************************************
كان واقف قبال بيتهم ودق الباب اكثر من مرة ومحد فتح له...
وين ممكن يكونون راحوا وهم مايطلعون من البيت حتى لو ماطلع ابوهم؟؟؟
اكيد موصي عليهم الف مرة مايفتحون الباب...اي بس هاذي فرصة مدام سيارة ابو هم مو موجودة هنا....
رجع يدق الباب من جديد بنفس الطرق اللي كانوا يتفقون عليها من قبل علشان يعرفونه بس لاحياة لمن تنادي.....
لف بيرجع سيارته وهو خايب وبيدينه اغراض كثيرة جابها لاام عبدالله وابو عبدالله علشان يتحايل عليهم يشوف بنات اخته بس شكله الحظ الردي مصاحبه وين ماكان,,,,
لقى ولد جيرانه القديم اللي دايم قاعد عند بيتهم ودخل اغراضه بالسيارة وتقدم عنده يسلم عليه..
متعب/حمد شلونك..
حمد/هلا متعب..من زمان ماشفناك؟
متعب/المشاغل ياخوي...
حمد/............(كان عارف طبعا ان ابو عبدالله طرده مثل مالكل عارف)
متعب بخجل/اقول حمد وينهم اهل البيت مااحد فتح لي الباب؟
حمد/ليش انت ماتدري ان بنات اختك تزوجوا؟؟؟
ساعتها بس حس باكبر صدمة بحياته وماقدر ينطق بش وتلعثم لسانه.....شنو يعني تزوجوا؟؟؟؟؟؟؟
حمد/هو بصراحة انا مدري منو اخذوا ام عبدالله ماقالت لاامي ولاابوهم سوى عزيمة للرجاجيك بس هم تزوجوا لكن من اخذوا الله اعلم صار لهم اكثر من ثلاثة اسابيع؟؟؟؟
قعد بسيارته يمسح باقي دموعه اللي ماقدر يمسحها قدام حمد...تزوجوا!!!وهو بعيد عنهم!!!ولاهو عارف ديارهم وين ولامنو اخذوا!!!ليش ياربي تعاقبني وكاني اهملت بحقهم ليش!!!!سامحيني ااختي سامحيني. بس صدقيني ماراح اسكت وبتلاقى مع ابو عبدالله وبجبره بالقوة يدلني على مكانهم وبزورهم اشوف اوضاعهم...سامحيني انتي علشان يسامحوني هم بعد يااختي.....
***************************************
فتحت الباب وهي مو مصدقة...
كانت احلى لحظة عاشتها لااكثر من اسبوعين ماشافت فيهم معنى فرح ولا سعادة...
بس الانسانة اللي واقفة قدامها واللي قاعدة تبكي بمثل ماهي تبكي من فرحتهم بشوفة بعض,,,
حضنوا بعض وكانهم تناسوا أي شخص ممكن يكون موجود بينهم....
ام عبدالله بحدة/مطولين ان شاءالله!!!زين دخلونا وبعدين سلموا على بعض؟
انتبهت ليالي ان اصايل ماكانت بروحها وان خالتها ام عبدالله وبناتها موجودين معها بس ابوها ماهو هنا....اكيد مع عمها ولاجدها....
ابتعدت عن اصايل اللي بعدها تبكي وسلمت على خالتها وخواتها ودخلتهم داخل....
ام عبدالله وهي تمشي/موقلت لك يااصايل اختك عايشة بعز وانتي ولاعلى بالك ذبحتي نفسك عليها؟
ليالي بتاْنيب/انا مو قايلة لك لاتبكين؟
اصايل وهي تمسح دموعها/لاتشغلين بالك ماطولت الحالة؟
ليالي/انتبهي على نفسك تراني بخير وعماتي عندي مايتركوني..
اصايل/تمنيت اشوفهم اليوم بس ابوي قال ان قبل الصلاة بنمشي؟
ليالي بحزن/ليه عاد؟؟خالتي ام عبدالله قعدوا تغذوا معي وبعدين امشوا؟
ام عبدالله وهي تتفصح المكان بعيونها/انتي عارفة ابوك وكلمته بعد محد يقدر يرادده....الا ليالي مابتضيفينا؟
ليالي وهي توقف وتجر اختهها من يدها معها/بلى خالتي اكيد...تعالي معي اصايل ساعديني...
**************************************



كانت واقفة ورى الباب وهي حاسة ان في شي خطير صاير ولاليش ها الاجتماع المغلق لمنى وامها بس وهي ماقالوا لها تجي!!!!
ولانظرات زيد اللي كانت تتبعها وين ماراحت ووين ماقامت من طلع صاحبه...هذا كله خلاها تحس ان في شي مو طبيعي بالسالفة...وخلاها توقف ورى الباب تسمع وش صاير خصوصا وهي خايفة من نايف...
انذهلت من الكلام اللي سمعته وطاح كتبها من يدها وشهقت بقوة وبصوت عالي....
لدرجة ان اللي داخل سمعوها وافتحوا الباب وكانت هي متسندة على حافة الباب ومغطية فمها بيدها وعيونها مفتوحة من الدهشة,,,
منى بصرامة/من متى وانتي واقفة هنا؟
صبا اصلا ماكانت معها كانت بالكلام اللي سمعته....
ام زيد/تعالي يمه صبا تعالي.....
محد فاهم شعورها وهي مو قادرة تتحرك من مكانها.....قعدت بنفس مكانها وهي حاسة بشي غريب قاعد يسري فيها بس شنهو ماتدري...
قعدت امها وزيد جنبها وابتدت امها بالكلام...
ام زيد/يمه صبا...
صبا بحزن/كيف ممكن يطلب ها الطلب؟
زيد/بعد احنا نقدر نقوله ليش تطلبه؟
صبا بدهشة/أي بس.....
ام زيد/ماعليه يمه...بالنهاية انتي يقاعدة تساعدين اخوك وتساعدينا؟
رفعت عيونها وقالت بحدة/وش يعني ها الكلام؟
ساد الجو صمت مريب,,,,,
صبا بعصبية/ابي افهم وش تعني كلمتك يمه؟؟؟؟لاتقولين انك بتخلين اصير خدامة تحت رجله؟
زيد بنرفزة/صبا...لازم نرضيه بكل مافينا!!
صبا بعصبية/على حسابي انا!!!!مستحيل...انت عارف ان السبت امتحانات الثانوية العامة واليوم الخميس ...
زيد بنفاذ صبر/وانتي عارفة ان مصيري تحت رجله؟
صبا بعصبية/*وانا ماقلت لك تعال اسرق وورط نفسك وحطني انا بها الموقف؟؟؟؟؟
**************************************
ابو عبدالله/يعني ولدك للحين مارجع من سفرته يابو ضاري؟
ابو ضاري بتردد/لاوالله ياخوي للحين بس قريب على ها اليومين..خبرك هو مسافر مع جاسر..
ابو عبدالله/أي....بس لاتنسى تخبره اول مايرجع...
ابو ضاري/اكيد ياخوي اكيد ماراح انسى.....
ابو عبدالله/معناته انااستاذن...
ابو ضاري/اقعد ياخوي معنا تغذى..
ابو عبدالله/تعرفني لااحب اتغذى ولااتعشى في بيت احد غير بيتي.....وبعدين انا جايب معي البنات وام عبدالله وبمر على ليالي اشوفها علشان نمشي...
ابو ضاري/أي بس بعدك ماريحت من مشوارك ترجع على نفس الخط...والله تعب عليك ياخوي.....
ابو عبدالله/ماعليه انا راضي.....يالله اسلم عليك....
**************************************
في المطبخ,,,,
اصايل بهمس/كان ودي اشوف معك بعض الشغلات واعرف رايك في سوالف بس العلل هنا وبعد شوي بنمشي مافي وقت..
ليالي بحزن/اصايل قعدي واللي يعافيك....انا ماصدقت اشوفك؟
اصايل بفرح/ادعي ان ضاري يرجع بسرعة علشان اكون قريبة منك؟
ليالي كانت تحط الكاسات بالصحن وطاح منها واحد وانكسر ونزلت راسها بالارض..
اصايل/شفيك؟
ليالي/ها.....ولاشي....
اصايل/سولفيلي عن جاسر شوي؟
ليالي/جاسر!!!...جاسر مسافر يااصايل متهو هنا؟
اصايل/وليش ماخذك معه؟
ليالي فضلت انها ماترد وردت ام عبدالله اللي كانت واقفة عند باب المطبخ..
ام عبدالله/بعد هذا سؤال انتي الثانية؟يعني بحياتها لاسافرت ولاحتى عندها جواز وين يخلص اوراقها وهو ملزوم يسافر مع شركته بها الوقت؟وبعدين الجايات اكثر صح ياليالي؟
ليالي تنهدت وسكتت,,,
وااصيل فهمتها انها ماتبي تتكلم بشي عن جاسر قدام ام عبدالله فلملمت الموضوع وغيرته وطلعوا الشاي والعصيرات بالصالة وراحوا يقعدون كلهم.....
وحدها ليالي كانت قاعدة بعالم ثاني ماهي معهم حتى بعد ماابوها قعد يتقهوى عندهم...
كانت خايفة ان احد يقول لها يبي يشوف غرفة نومها؟؟؟شبيقولون لو ماشافوا الشي اللي يتخيلونه..وشافوه عوض عنها سرير بسيط مفرد؟؟؟
معقولة بيفهمون ان ...........
ياربي لاتحطني بها الموقف انا مدري شقول....انا بعد غبية يوم عبير قالت لي اخذ غرفة نوم مثل الاوادم مارضيت وقلت لها سرير صغير بيكفيني بروحي بما انه مابيشاركني بشي؟؟؟وش كان يضرني لو اخذته مثل العالم والناس ومافتحت لي باب شماتة وسخرية من ام عبدالله ولا هوشة من ابوي!!!!
ابو عبدالله/يالله مشينا..
ها الكلمة بس رجعتها لاارض الواقع ورفعت راسها ولقتهم يلبسون عبيهم..
ليالي بضعف/ماقعدتوا شي....قعدوا تغذوا معي!!
ابو عبدالله بصرامة/ورانا مشوار؟
سكتت بعد كلمته لانها عارفة انه بيصر على رايه ومابيغيره....
وقفت تناظرهم يطلعون وحدة ورى الثانية لين وقفت قبالها اصايل..
ماقدرت تمنع نفسها من انها تاخذها بحضنها وتبكي اكثر ها المرة..كان ودها تقول لها عن حياتها هنا وعن ضياعها وعن جاسر ورفضه لها...
بس ماقدرت تتكلم كلمة وحدة لان نظرات ابوها خلتها تفك اختها من حضنها غصبا عنها وهي بداخلها غصة حزن ماهي متحملتها....
**************************************
رانيا بقهر/برايك ليش كذبت؟
ريم بلامبالاة/مدري...
رانبا باصرار/انتي واثقة طبعا اني مااكذب بالكلام اللي قلته لك؟
ريم/رانيا لاتشغلين بالك بسالفتها؟
رانيا/انا مو شاغلة بالي بس حبيت اوضح لك السالفة يعني حرام نظلمهم وبالاخير يطلعون غير عن تصورنا لهم ولاتنسين ان احنا وهم نحمل نفس الاسم؟
ريم/بيت عمي مايبونهم يعني لو يكونون ملائكة بيقولون لا بوجيهم مثل حالة امي بالضبط؟فلاتقعدين توجعين راسك؟
رانيا تنهدت وقالت/بس انا مصرة انك تشوفينها الليلة معي اذا رحت اشوفها؟
**************************************

كانت واقفة قبال نافذتها العريضة تتاْمل في شي بعيد وانهته هي بنفسها...
متعب....مافارقها ها الشخص لحظة وحدة من قالت له وطلبت منه الفراق!!!
الشي اللي رغبتها فيه خلتها تكذب عليه وتطلبه منه بحجة ان في واحد متقدم لها وهي موافقة عليه واهلها راضيين!!!ماقالت له ابدا انها مجبورة بالعكس كانت مبينة له انها تبي ها الشخص علشان تقطع عليه كل امله فيها....
تنهدت بقوة وهي تذكر حبه وحنانه وعطفه عليها...
هي وحدها حبته بس مااقتنعت انه الشخص المناسب لها ابدا وانه يكون زوجها؟
كان يتمه سبب من الاسباب وفقره بذاك الوقت السبب الثاني والسبب الثالث صلته بعمها ابو عبد اللهواللي لاامها ولامرة عمها يواطنون سيرته المجردة كيف بعد يلتقون فيه على الدوام!!!!
كانت تكره وجود ليالي لانه يذكرها فيه...رغم ان متعب مايدري هي من بنته ولاحتى اسمها الحقيقي شنو بس خوفها من انها تتواجه معه بيوم من الايام كانت قالقتها ومتعبتها نفسيا..
هتون اللي بحياتها مابكت الا يوم طلبت الفراق من متعب ومابكت حتى قدامه..صار وجود ليالي في البيت يبكيها كل ليلة وهي تذكر الحبيب اللي تنازلت عنه بكل سهولة؟
ياترى وش ممكن يكون صار له اللحين؟
كان في بداية مشروعه ياترى توفق ولا لا؟
تزوج ولابعده يفكر فيني!!!
له علاقة في ليالي ولاعلاقتهم مقطوعة مثل ماقالت عمتي عبير......
شصار لك ياهتون شصار...شلي خلاك تكونين كذا وتصيرين بها الضعف وتنعزلين عن الباقيين علشان تفكرين فيه براحتك.....
**************************************
صبا بصرخة عالية/مستحيل!!!
زيد بعصبية/مستحيل انك توقفين معي!!!!مستحيل انك تسانديني بمحنتي!!
صبا وهي تبكي/زيد انت شصار لعقلك؟؟؟قال لك خلي اختك تصير شغالة في بيتنا وانت وافقت بسرعة؟وانا رايي مو مهم؟
ام زيد/ياصبا انتي بتشيلين من هم اخوك وبتساعدينا يابنيتي..
صبا وهي تبكي/واذا خلاني شغالة عنده وماشال فكرة سجن زيد من باله!!!ماتقولون لي انا اكون ضيعت كرامتي لشنو بالضبط؟وش اللي يحدني اشتغل تحت رحمته بس!!
منى/شوفي صبا..انتي بتشتغلين في بيتهم ...وبيتهم مليان خدم لاتتوقعين انهم ينتظرون تشريفك لان البيت مايل من دونك؟
صبا/افهموني ياناس...انتوا كيف توصلوني له بنفسكم وبدون أي نقاش...
زيد بصرامة/قومي لمي اغراضك ولبسي عبايتك بسرعة انا انتظرك في السيارة عطاني موعد وماابي اتاْخر عنه ؟
صبا/لاوالف لا...
زيد/انا بالسيارة سامعتني واذا تاْخرتي والله لااسحبك من شعرك....بعد ماباقي الا انتي توقفين بوجهي انا ابي ارتاح منه وانتي تبين تودين بداهية؟
صبا بترجي وهي تبكي/يمه قولي شي....
ام زيد لفت بوجهها للجهة الثانية وقالت بحزم/قومي لمي ثيابك؟
صبا بدهشة وسط دموعها/يمه...
منى/سمعتي..يالله خلصينا نبي نرتاح من سالفته....
زيد/الا اذا انتي تبيني انسجن واخيس هناك فهذا شي ثاني؟
صبا/أي...وليش ماتنسجن جزاك واقل من جزاك انا مو مضيعة مستقبلي علشانك؟
جاها كف من زيد سكتها وبعدها جرها من شعرها وقال بعصبية/قومي لمي ثيابك احسن لك لااقص لك لسانك !!!
**************************************
طول طريق الرجعة للرياض كانت افكارها بعيدة...
كانت حاسة ان في شي مو طبيعي بليالي...
أي...ليالي ماهي مثل ماتعودت عليها دايما....ليالي ناقصها شي مهم...
ناقصها الرضا والابتسامة....وماغير الحزن مرسوم بعيونها...
بس ياترى ليش هي حزينة ومتضايقة؟
معقولة لان جاسر سافر عنها وهي اللي تعودت عليه؟
ولا في شي ثاني غير سالفة السفر متعبة نفسيتها وقالقتها...
بس هي حلفت لي ان عماتي معها دايم ومايتركونها....طيب وش فيك ياليالي ياعمري زعلانة ومهمومة ومتضايقة؟
الله يعين قلبك ويصبرك على ماابتلاك ويريح بالك يالغالية والله انك ماتعطين غير السعادة وراحة البال...
يارب يهديك ياجاسر عليها اذا كنت مضيق خلقها ويجمعني مع ضاري على حب وخير وسعادة واريحه ويريحني...
**************************************
ماعرف وين يروح ولامين يقصد...
رجع الرياض مرة ثانية....
افكار غريبة كانت مسيطرة عليه...ليالي واصايل زعلانين مني!!
الاكيد انهم زعلانين مني ومايبون يكلموني؟
معقولة بها الخمسة شهور تزوجوا وانا مدري عنهم!!!
ياربي سامحني اذا قصرت بحقهم بس انا مو ذنبي انا الود ودي ماابعد عنهم دقيقة وحدة بس ابوهم ورغبته كانت فوق طاقتي ورغبتي!!!
شسوي اللحين شسوي....
وين الاقيهم اللحين..وشلون وضعهم مع ازواجهم؟
مرتاحين ومتهنين ولامتنكدة عيشتهم مثل ماكانوا مع ام عبدالله عايشين؟؟؟
يارب ريحهم وين ماكانوا وصبرهم على يتمهم وخلنا نلتقي من جديد....الا اعوضهم عن كل اللي فاتهم ومااتركهم مثل ماهي تركتني وخلتني واختارت غيري!!!
تنهد من قلب وهو يلف بسيارته لعند مكتبه علشان يشيلها من باله بعد ماطرت عليه من جديد وهو اللي ماخلاها تغيب عنه ابدا!!!!
**************************************
عند قصر التميمي كانت سيارة زيد واقفة وترجل منها يوم شاف نايف طالع له من البوابة بعد مادق عليه وقال له انه عند الباب ,,,
كانت قاعدة بالسيارة وهي ضامة شنطة كتبها وهي تبكي,,,
ليش رميتوني ها الرمية ياهلي الله يسامحكم,,,,,
نايف وهو يناظر بزيد/وينها؟
قام زيد يناظر بالسيارة وكانه يقول انها هنا ...الى اخر اللحظات كان بيجيب منى بدل صبا اللي قومتها مناحة وبكي عليهم بس منى اقنعته ان نايف مدام طلب صبا بالاسم اكيد ان احد من اهله شايفنها واذا شافوا منى مو صبا يعتقد نايف ان زيد يخدعه فماله داعي ها الحركة؟؟؟
كانت هي تبي تتخلص من السالفة وترميها على صبا وترتاح منها ونجحت بها الكلمتين اللي قالتهم,,,,,
نايف بقوة وهو عارف انها تسمعه لان النافذة مفتوحة/وليش حضرة جنابها ماتنزلت وقامت من السيارة ؟ولامفكرة اني بفتح لها الباب وبقول لها تفضلي نزلي!!!!
تنهدت بقوة وهي تمسح دموعها...اي مصير بيواجهك ياصبا مع ها الشخص العنيف....
ليش يتعامل معك كذا!!!!
توه زيد بيتحرك يقول لها تنزل لقاها فتحت الباب ونزلت بكرامتها ومعها شنطة صغيرة ومبين ان الثياب اللي جايبتهم قليلين وبالاضافة الى شنطة المدرسة اللي كانت على كتفها واللي مبين ان كتفها بينخلع منها لانها حاطة فيها كل الكتب....
كانت نظرات نايف تشع احتقار واستهزاء لصبا اللي مبين عليها الانكسار من تحت الغطا...
قال لزيد وهو يصرفه/اعتقد مهمتك انتهت لهنا؟
كان زيد واقف وهو محتار يبي يتكلم بس ماهو عارف....
وهو راجع السيارة قطعت صبا صمته وسالته بصوت يسمع نايف/ولمتى بظل هنا؟
نايف اللي تكلم بسرعة وقال/لين انا اقرر ياحلوة؟
سكت زيد وركب سيارته ومشى وصبا تناظره وهي افكارها لبعيد لبعيد ..للانسان اللي واقف قبالها وفي باله الف نية ونية عليهابس مستحيل انها تضعف قدامه ابدا او حتى تبين له انها بتنهار,,,
قطع عليها سكونها صوت نايف الشامت/اجل جايب معك كتب المدرسة يالبيبي!!!على بالك بتروحين امتحاناتك وبتقدمينهم؟
مسكت بقوة على شنطتها وهي مو عارفة شتقوله,,,
وكمل كلامه بقسوة وهو يقول/انا اصلا تاركك اسبوعين وتوني متخذ القرار علشان اكسر راسك وماتكملين وتروحين اختباراتك علشان تعرفين قدرك زين ياصبا؟
تنفست بقوة وبعدها قالت/انت شتبي مني!!
مشى وماكاْنه يسمعها وقال لها بلهجة امر/تعالي وراي,,,,
**************************************
ابو جاسر بعصبية/ليش عاد ياخوي؟
ابو ضاري بتردد/والله ماعرفت شقوله؟
ابو جاسر بتاءنيب/انت عارف راي ولدك وعارف انه مابيلين ولابيقتنع ولاانت بتحاول تقنعه وهو عطاك رده النهائي قبل لايروح فليش تطولها وهي قصيرة؟
ابو ضاري/مدري قلت يمكن احاول اقنعه اذا رجع انه يسوي مثل جاسر ويتزوجها على الورق بس!!!
ابو جاسر/واذا حسيت انك مابتقدر تقنعه ولاتغير رايه؟
ابو ضاري/............................
ابو جاسر/لو انا بمكانك ياخوي قلت له الصراحة وقلت ان كل شي قسمة ونصيب ولااعلق البنت معه واعطيها امل؟
ابو ضاري/أي بس استحيت اقوله كذا وانت تعرفني؟
ابو جاسر/تحب اني اكلمه واشرح له السالفة وانكمالك وجه تقوله لان الشي مو بيدك؟
ابو ضاري بتردد/اصبر شوي يمكن اقدر اقنع ضاري وبعدين بخليك تكلمه لو مارضى؟
**************************************
ليالي وهي تناظر فيهم/اللحين منهي فيكم رانيا ومنهي ريم؟
ريم/لهدرجة نتشابه؟
ليالي وهي مبهورة بشبههم/بدرجة مايتصورها عقل؟
رانيا/تؤام يااخي تؤام وش تهقين يعني؟
ليالي/مو شرط كل التؤام يتشابهون؟
ريم/انتي دارسة ياليالي؟
ليالي/الى الثانوية..
ريم/يعني تعرفين تقرين وتكتبي؟
ليالي نزلت راسها وهي متفشلة,,,
ريم/مو قصدي بس حبيت اعرف كنت مفكرتك عايشة بخيمة بين الغنم,,,,
رانيا/اجل اليوم زارتك اصايل؟
ليالي بفرح يشوبه الزعل/بس ماطولت مامداهم يقعدون شي؟
رانيا بسخرية/وليش جايين متعبين حالهم مدام انهم مابيقعدون الا شوي؟داقين مشوار وبالنهاية على ساعة وماشيين؟
ليالي/ابوي مايحب يطول وهو قاعد عند احد ..مايرتاح,,,
رانيا/يالله ان شاءالله تعيدها مرة ثانية؟
ليالي باسى/من وين ياحسرة؟
ريم/يالله ليالي لانتاْخر؟
ليالي/توكم جايين وش عاجلكم بكرة الجمعة وماوراكم جامعات؟
رانيا وهي توقف/أي بس الليلة ضاري وجاسر بيجون من السفر وبنروح لهم المطار نستقبلهم؟
وقف قلب ليالي عند رجلها ,,جاسر الليلة بيرجع من السفر؟
ريم/ولو ان الرحلة باقي لها كثير بس بناخذها تمشية من هنا للمطار,,,
ليالي وهي توقف تودعهم وفكرها شارد بللي جاي الليلة/لاتقطعوني,,,كل ماشفتوا لكم فرصة تعالوا لي..
رانيا/ان شاءالله..بس انتي ظلي على الوعد ولاتخبرين احد؟
ليالي باسى وكانها شي منبوذ ومحد يبي يعرف عن وجودهم معها/أي اكيد....
***************************************
من وصلت البيت دخلها نايف عند رئيسة الخدم علشان تدليها غرفتها تحط اغراضها وتعلمها وش اللي لازم تسويه,,,
حست بالدموع في عينها تتجمع وهي تلاقي نفسها وسط مجموعة اجانب جابتهم الحاجة يشتغلون هنا ,,وهي مثلهم جابتها الحاجة هنا بس الاكيد ان ظروفهم مو مثل ظروفها وانهم ماجوا ها المكان مجبورين وماهم عارفين بنوايا اهل ها البيت,,,,
كانت تناظر بسقف الغرفة اللي هي قاعدة فيها وتتسائل اذا كانت هاذي غرفة الشغالة ياترى كيف غرف اهل البيت؟
ولامعقولة ان الشغالات الباقيين ماهم قاعدين بها الغرفة لانها حست غرفتها بعيدة مرة عن غرفهم,,,
جاها احساس غريب وخوف ماله حدود وهي ضامة عبايتها عليها وماعندها غير دموعها تجري,,,
جاها صوت رئيستها تخبرها بان نايف يبيها بسرعة تجيه لانه مستعجل بيطلع قامت وراها وكانها مسيرة مو بيدها,,,
وصلت لعند باب الصالة اللي كان واقف نايف عنده وهو يناظرها بعد ماصرف الشغالة الثانية,,,
نايف/ليش مالبستي مثلهم ؟ماعطتك سينيثيا لبسك؟ولاماقالت لك ان اللبس هنا موحد بين جميع الخدم؟
صبا/...........................
نايف/ان شاءالله بتشتغلين لي بغطاك وعبايتك ياحلوة؟
صبا بقهر/بكيفي؟
نايف بحدة/لامهو بكيفك بكيفي انا؟سمعتي ولااسمعك زين؟
صبا/واذا قلت لك مو شايلة غطاي عن وجهي وش بتسوي؟
نايف/ولاشي,,,,,
صبا/.................
نايف/...............
صبا/,,,,,,,,,,,,,
نايف/بس ببساطة شديدة بشيله بنفسي!!ومد يده لغطاها وشاله عن وجهها وسط صيحة الرعب اللي طلعت منها,,,,
نايف/نايف اذا قال شي لازم يصير سامعة ولالا؟وبعدين لاتنسين انك هنا مجرد خادمة لارحتي ولاجيتي؟
صبا نزلت راسها بالارض وماقالت شي,,,,
كانت بعدها بعبايتها وحجابها بس وجهها انكشف,,,,
نايف/انا رايح المطار اللحين اشوف اصحابي برجع بعد ساعتين ثلاث..ابي ارجع والاقي عشاي انتي بنفسك مسويته ومنتظرتني تشوفين طلباتي سامعتني؟
صبا بقوة بس بدون ماترفع راسها/وماتخاف اني احط لك سم بالاكل؟
نايف عجبته اجابتها وقال يسايرها /ولشنو بتسميني؟
صبا/بس لاني اكرهك....
**************************************
ضاق خلقها من قعدة الملحق وبما ان الكل طالع وجدها في بيت بو ضاري اليوم لبست عبايتها وطلعت تمشي بالحديقة شوي وتشوف البيت على راحتها وبدون خوف من احد,,,,
كان بيت بو جاسر كبير كثير وحديقته الخلفية اكبر بمراحل من اللي قدام البيت لان اللي قدام ضايعة بها الملاحق اثنينهم ...
كانت تنتشر فيها الطاولات والكراسي على استعداد لااي حفلة ظلت تمشي بالبيت رايحة جاية وهي تشوف نفسها بالعباية اللي عطتها اياها تهاني بدل عبايتها يمكن ماتكون مزخرفة كثير بس انها ماتعودت عليها حاسة انها مو لاقية نفسها فيها وانها ماتتناسب مع شخصيتها الهادئة,,,
ظلت رايحة جاية بها الحديقة تمشي وتمشي وتمشي وكانها تتنفس الهواء النقي بدل هوا الملحق اللي خانقها وجايب لها الهم,,,
انتبهت على صوت قوي يكلمها ويوم رفعت راسها لقت شاب واقف قدامها يكلمها بكل ثقة وهو ياءشر لااغراضه الموجودة جنب الباب/طلعيهم فوق غرفتي وقفلي الباب بسرعة خذي المفتاح؟
ارتبكت وماعرفت شتسوي...حتى يدها جمدت وماعرفت ترد
الغطاءعلى وجهها,,,
قال لها بصوت اعلى ها المرة وكله قساوة/ماتسمعين انتي!!!قلت لك صعدي اغراضي فوق بسرعة وجيبي المفتاح بطلع؟
انتبهت ها المرة على صوته القوي وردت غطاها بسرعة ولفت عنه وعطته ضهرها,,,,
جاسر باحتقار/شغالات اخر زمن!!!بتسويلي فيها غطاء وستر بعد!!!ياميري ياميري تعالي,,,,
جته شغالتهم القديمة بعد ثاني صوت وهي تسلم عليه وقال لها تركب اغراضه وظل واقف يناظر بالشغالة الجديدة اللي وقفت مثل التمثال بمكانها,,,,
راحت الشغالة وردت له مفتاحه وهو بعده واقف يناظرها توه بيكللمه بس غير رايه بسرعة وطلع ومااهتم للموضوع,,,
واول ماطلع تنفست ليالي الصعداء وانتبهت انها واقفة جنب باب البيت اللي يوصل لصالة بو جاسر ويوم سالت الشغالة عنه قالت لها ان هاذا جاسر,,,
وانصدمت بقوة يوم عرفته,,,صارت تتذكر ملامحه بس ماقدرت توصل للشكل الصحيح لانها جفلت يوم شافته ويوم ناداها مرة ثانية غطت وجهها ولفت عنه فما مداها تتاْمل فيه زين...بس اللي باين عليه انه عصبي وماهو سهل؟ولاعلشان السفر وتعبه صاير كذا!!!!!
معقولة ياجاسر رجعت بها السرعة....وهل ياترى بتفكر تمر عليّ!!ولا انا فعلا مجرد زواج على ورق وبس!!!!

///////////////////////////////////////////////////////////////////////////////////////


---البارت الثاني عشر---
,,,,,,,,,,,,,,,,,,,,,,,,,,,,,,,,,,,,,,,,,,


عبير بهمس/أي بس اللي سواه اخوك غلط؟ليش ماقال له الصدق عاد!!
ابو جاسر بنفس الهمس لانهم كانوا بالسيارة مع بعض ومايبي الموضوع يكبر/انا قلت له نفس الحكي ...بس يقول انه يمكن يكون فيه امل انه يقنع ضاري ياخذها على الورق بس مثل جاسر..
عبير بعصبية مكتومة/ويعني هو عاجبه حال ليالي علشان
يقوم يسوي مثله بالله!!!
ابو جاسر/انتي تدرين ان احنا مانبي نرد كلمة اخوي ابو عبدالله وهو كبيرنا ومتعني لنا يطلبنا!!!
عبير/ماخبري قلوبكم شايلة لبعض شوية حب واحترام اللي اعرفه انكم ماتتعاشرون؟
ابو جاسر بتاْنيب/عبير!!!
عبير تنهدت/كان المفروض يقوله الصدق مو يقعد يماطل وهو عارف ان ولده مامنه امل ولاراح يقتنع؟
ابو جاسر/انا قلت له نفس الحكي وقلت له بعد اني انا بكلمه له اذا هو متفشل منه بس هو قال يبي فرصة اخيرة مع ولده؟
***************************************
نايف/اخاف بس سرحان في البدوية ياجاسر؟؟؟
ضاري/أي والله الصدق من رحت ترد اغراضك البيت وانت راجع لنا بحالة معفوسة ومنت معنا بالدنيا؟
نايف/مريت تشوفها؟ولاطلعت تستقبلك؟
جاسر تنهد وابتسم وقال لهم/أي بدوية أي خرابيط؟
ضاري/شسالفة اجل؟
جاسر/صادفني موقف اقل مايقال عنه محرج؟
نايف وهو يمد يده لقهوته/ليش؟
جاسر وهو يبتسم/اليوم وحدة من صاحبات خواتني على مااعتقد كانت بالبيت بتطلع وقت جيتي انا وانا على بالي انها الشغالة وساعة وانا اقول لها شيلي اغراضي وركبيهم داري؟؟؟وهي المسكينة تسمرت بمكانها اول شي وماعرفت شتسوي...
ضاري/وبعدين؟
جاسر وهو يكمل بابتسامته/وبعدين انا طلعت مني كم كلمة تهزيء محترمة وبعدها ناديت شغالتنا القديمة وانا مفكرها شغالة جديدة,,,
نايف/حلوة؟
جاسر/تصدق عاد...الشي اللي ماقدرت اسويه اني اناظرها ولااتاْمل في شكلها رغم انها كانت كاشفة وجهها...
ضاري/والله اخاف غادة بس مسيطرة على افكارك وماخلتك تشوفها من كثر ماتفكر فيها؟
جاسر/تصدق عاد زين ذكرتني فيها اتصل عليها لاني نسيت؟
نايف/المهم انا شوي وبقوم ..
ضاري/وعلامك مستعجل كذا؟
نايف/اول شي علشان ترتاحون لانكم تعبانين من سفرتكم...
جاسر/جيب الشي الثاني والاهم لاتحط السالفة فوق راحتنا لو سمحت؟
نايف ابتسم/لان عندي شغالة جديدة ابي اكسر راسها؟
ضاري/شغالة عاد؟؟ومن متى انت تحط بالك وبال الشغالات يانايف؟
نايف تسند على كرسيه بارتياح وقال/من صارت صبا شغالة عندي؟
جاسر/أي صبا هاذي بعد؟
نايف/سمعوا سالفة صبا بالكامل وعطوني رايكم.........................................
*************************************
عبير/تصبحين على خير؟
ليالي بترجي/توه الناس قعدي معي شوي...مامداك وقفتي شوي بس وبتروحين؟
عبير/يابنت الناس الوقت تاْخر لازم امشي وبعدين بكرة بنكون كلنا هنا علشان العشى اللي بيسويه اخوي لجاسر؟
ليالي/................
عبير/صحيح نسيت اقولك انا مقدمة لك خط ثابت وخط للجوال علشان نكون مع بعض طول الوقت...
ليالي/يكفي تلفون ثابت ماله داعي الجوال؟
عبير/ماعليه لو طلعنا ..لو..
ليالي/انا ماراح اطلع من ها المكان ياليالي الا على قبري وبس!!!
عبير/تصبحين على خير وبكرة بنتكلم بالموضوع....*
ليالي بتردد/عبير...
ليالي/شنو...
ليالي/هو ...
عبير/شنو..
ليالي/يعني هم بيسوون العشى في بيتهم ؟
عبير/أي....واذا ماخاب ظني بتكون اخت ام جاسر وبناتها هنا....هذولا انا مااتحملهم ابدا..
ليالي/ليه؟
عبير/ان شاءالله مايجوون قولي امين...ياانهم مغثة بشكل مو طبيعي...واذا شفتيهم بتصدقين....
ليالي/حتى بيت بو ضاري بيجون هنا؟
عبير/مااعتقد ليلة بكرة بيطلعون هم يتعشون كلهم واللي بعدها بيسوون لضاري عشى؟
ليالي/وليش مايجون هنا بكرة واللي بعده هناك...
عبير/ام ضاري بعد ماتعرفينها..
ليالي/تصدقين اشتهيت اشوفها...
عبير/ماانصحك ابدا...يالله تصبحين على خير,,,
**************************************
نايف دخل المطبخ ومالقاها قاعدة فيه راح المطبخ الخارجي واللي كانت انواره شغالة ولقاها قاعدة على الطاولة الصغيرة اللي على جنب وفارشة كتبها واوراقها على طول الطاولة وهي منهمكة بمذاكرتها,,,,,
قال بصرامة وهو قاصد علشان يخوفها/وش قاعدة تسوين هنا؟
طاح القلم من يدها من سمعت صوته ورفعت راسها وشافته واقف على حافة الباب.....
نايف/سالتك وش قاعدة تسوين؟
صبا ببرود/اذاكر..
نايف بسخرية/لمنو؟
صبا/.........
نايف/للحين مااستوعبتي اني جايبك هنا بها الوقت علشان ماتحضرين امتحاناتك؟
صبا/معناته بعد اسبوعين برجع بيتنا بعد ماتخلص الامتحانات؟
نايف/مين قال عاد؟
صبا/ممكن اسالك سؤال؟
نايف/لاطبعا....وين العشى؟
صبا/روح اسال امك؟ليش منو فينا اللي المفروض تعشيك وتباريك انا ولاهي؟
نايف وقف على طوله وتغيرت ملامحه مرة وحدة ومالت للقسوة/عيدي كلامك مرة ثانية خلني اسمعك زين؟
صبا بنفس البرود وهي تقراْ بكتابها/قلت لك منهي اللي لازم تنتظرك وتجهز لك عشاك انا ولاامك؟
نايف بقسوة/انتي على شنو راسك يابس؟
صبا/انا اقول الحق وبس...
نايف بشماتة اكبر/لايكون بس علشان اخوك الحرامي؟
صبا بعصبية/اذا كان حرامي فغيره حقير وسافل ومنحط بعد!!!وبعدين لاتقعد تعيرني كل شوي باخوي الحرامي يبى اذا انت رجال روح عاقبه هو انا مالي شغل بللي بينك وبينه؟سامعني ..بتسجنه ولابتعدمه انا مالي شغل...انا طلعني وطلع مستقبلي من لعبتك السخيفة؟
نايف /طيب.....طيب..
صبا بنرفزة لبروده العجيب/وش اللي طييب....
نايف وهو يلعب باعصابها/للحظة وحدة وانا داخل بها المكان قررت اني اغير رايي..واتركك تقدمين امتحاناتك بس اللحين ولاحتى تحلمين يابنت الفقر..يااخت الحرامي!!!
*************************************


كانت قاعدة بغرفتها وتقراْ برواية رومنسية وهي افكارها شاردة لبعيد وكل ماتطلع كلمتين حب تنهدت وتذكرت الشخص اللي سلب قلبها قبل عقلها وشغل تفكيرها,,,
رفعت راسها بعد ماسمعت طرق على باب غرفتها وبعد ماناظرت بالساعة اللي جنب فراشها واللي تجاوزت الثنتين قالت بحدة/منو؟
جاسر/انا جاسر..
سكرت الرواية واعتدلت بقعدتها وقالت بسرعة/تفضل....
فتح الباب ووقف عنده/نمتي؟
هتون/يعني بكون نمت وانا قاعدة قبالك؟
جاسر/اممم...فيك النوم ولاتبين تسولفين؟
هتون/يعتمد على السوالف اللي بنسولف فيها...
جاسر دخل كله ها المرة وقعد عند مكتبه بعد ماسحب الكرسي وقعد عليه وقال/أي شي...
هتون بحدة/بس اكيد ها الشي مهم ولاليش بتسهر ومابتنام وانت راجع من سفرتك تعبان؟
جاسر ماعلق وهو يشوف المجلات اللي فوق مكتبها وقال باقتضاب/في احد زاركم اليوم؟
هتون بتشكيك/احد مثل منو يعني؟
جاسر/مدري...بس احد يعني بنت كانت جاية البيت لك ولالااختك شمايل؟
هتون/مين بيجينا واحنا بالمطار؟
جاسر/يمكن كانت ماتدري ان البيت مافيه احد لاني يوم دخلت كانت واقفة عند الباب...يعني يمكن كانت جايبة شي معين وبتمشي؟
هتون/انا عن نفسي محد جاب لي شي ولامر اخذ مني شي..ومااعتقد شمايل بعد لانها ماقالت وبنات عمي كانوا قبلنا بالمطار؟وبنات خالتي يدروون ان احنا مو هنا...بس ليه انت تسال يعني؟
جاسر/مو لانيي يوم ادخل فكرتها شغالة جديدة وطلبت منها تركب اغراضي فوق؟
هتون باهتمام/وبعدين؟
جاسر تسند على الكرسي وقال/سلامتك....يوم شفتها واقفة هي والتماثيل واحد ناديت ميري وجت شالت اغراضي..
هتون/هو انت ماتستحي لانها يمكن تكون وحدة من بنات الجيران ولامن معارفنا...بكرة بسال ميري عنها وبشوف...
جاسر/لاتتعبين نفسك لو كنت اخذت اجابة من ميري ماكنت جيتك؟
هتون باهتمام وحدة/شتقصد؟
جاسر/سالتها اذا كانت في وحدة اليوم جاية البيت وقالت لي ان محد مر ابدا..
هتون/طيب يوم ناديتها ماشافت البنت اللي واقفة؟
جاسر/هي شالت اغراضي بسرعة ودخلت وتقول ماانتبهت ان في احد واقف بالحديقة لانها باب الصالة مقفلته من داخل....
هتون/غريب.....منهي بتكون جاية بيتنا ومابتدخل ولاتعطي خبر انها هنا؟
**************************************
اصايل بروحها كانت سهرانة ذيك الليلة بسطح البيت..بالمكان الوحيد اللي كانت تقعد فيه مع ليالي ويفضفضون لبعض اللي بقلوبهم ويحكون بدون خجل عن احلامهم وطموحاتهم ومستقبلهم....حتى لو ماكان شي منها بيتحقق ..بس المهم تظل احلام يتقاسمونها مع بعض....
تمنت ذيك اللحظة أي شي يوصلها بليالي بها الوقت..علشان تعرف منها سرها وحزنها وزعلها,,,,
ياترى مثل ماقالت ام عبدالله...انها زعلانة على فراق زوجها لانها تعودت عليه وتركها وسافر؟؟
ولافي شي ثاني مضيق خلقها؟
بلى في شي ثاني....ليالي وجهي الثاني وكل تعابير وجهها اقراءها كاني اقراْ نفسي...
يعني فيها شي لامحالة...شي كبير قاعد على قلبها ومضيق خلقها ومتعبها...
بس ياترى وش يكون ولامن منو؟
من جاسر ولامن عمي ولامن امه وخواته ولامن شنو بالضبط؟
ولاهي متزاعلة مع جاسر قبل لايروح وتبي ترضيه وماهي عارفة...لالامااتوقع ليالي مسالمة وماهي راعية مشاكل...وقلبها متسامح مع الكل معقولة مابيكون متسامح مع زوجها؟
قلبي يقولي انها مو مرتاحة بس ليش مدري.....
ياربي انا بكرة لازم اخذ جوال ابوي باي طريقة وادق على عمتي عبير واسالها واذا هي ماتعرف شي اخليها توصل الجوال لليالي لو ماعندها مانع علشان اعرف سالفتها.....
والله انك شغلتي فكري ياليالي ياقلبي...انتي بجهة واللي جاي ها اليومين من سفرته بجهة ثانية؟
هذا وانا اللي اقول باخذ منك ثوب علشان اقابله فيه اول يوم بس مالت على حظي الردي...شكلي بقابله بخلاقيني مثلك ولابلبس ولابشوف الدنيا بعد!!!!
اول شي فكرت فيه الهروب من ها البيت...بس بعدين غيرت رايها...
بس كل ماتجي تفكر في كلامه من جديد تحس بضيقة بخلقها وبنار تسري بجسدها وتغير رايها..
وقررت اخيرا انها تهرب...تروح أي مكان ....والمكان اللي فكرت فيه انها تروح لنور صاحبتها ومحد بيدري عنها شي...
هي ماهي قادرة تتحمل اكثر علشان اهلها واخوها اللي باعوها وماترددوا..حتى ماابدوا بعض الاسف لطلعتها من بيت ابوها لروحتها لبيت نايف شغالة؟؟؟
مستحيل اقعد في بيتك يانايف دقيقة وحدة...من جيت وانا محبوسة بها المكان واللي مبين ان اهل البيت مايمرونه اصلا لاني ماشفت احد منهم غيرك....
وناس تطلع وسيارات تدخل......
تبي تهدم مستقبلي وتحرمني حتى من شهادتي اللي ممكن بيوم من الايام تكون سلاح لي بوجه ها المجتمع اللي مايرجم واقدر اعيش نفسي منها..
ماراح اخليك توقف بطريقي يانايف ابدا ومهما صار...
شالت اغراضها معها واللي مافتحتهم اصلا وطلعت من الغرفة بهدوء وهي تتذكر المكان وكيف دخلت منه علشان لاتغلط لين وصلت للمطبخ الخارجي وطلعت منه للحديقة وتنفست الصعداء بارتياح وهي تنتهي من اسوار ها البيت اللي يضم سكان ظالمين داخله ووصلت لين باب القصر الحديدي وتوها بتحط يدها عليه جاها صوت نايف يضحك من وراها/على وين ياصبا توه الناس!!!!!
///////////////////////////////////////////////////////////////////////

 
 

 

عرض البوم صور بياض الصبح   رد مع اقتباس
قديم 21-08-10, 06:38 AM   المشاركة رقم: 13
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الثالث عشر---
,,,,,,,,,,,,,,,,,,,,,,,,,,,,,,,,,,,,,,,,,,
اليوم الثاني الصباح,,,,,
كانت قاعدة كعادتها من بعد صلاة الصبح ومارجعت نامت ,,,
وقفت عند نافذة الصالة تطل منها براسها وهي تتامل بالبركة اللي قبالها....
ولقت جدها قاعد بروحه...
الظاهر انه اليوم هنا وجا من بيت بو ضاري بدري لانها ماسمعت صوته البارح ولاشافته لين طلعت عبير ونامت,,
ظلت تناظر فيه وهي تفكر بعمق شيباته تكسر الخاطر....في نظرة زعل وحزن بعيونه..وفوق كل شي فيه وحدة لازقة فيه وماهو قادر يتكلم عنها لااحد....الوحدة..اي هذا الشي الوحيد اللي قدرت تفهمه من عيونه لانها عايشة مثله تماما...وحيدة بها البيت ومالها أي احد...اكيد انه يرتاح في بيت بوضاري اكثر من راحته هنا..لان رانيا وريم اكيد يمرون عليه ومايتركونه بروحه؟
بس هنا في بيت بو جاسر محد له شغل بااحد...تنهدت بقوة وهي تناظره..على الرغم من هذا كله كانت تشوف بعيونه ناحستها قسوة ماتدري وش مبرراتها؟بس كانت ساكتة وكاتمة بقلبها لانها ماتدري هو وش يفكر فيها ولاشنو يظن؟
هي ماتعرف أي شي عن مدى العلاقة بينها وبين ابوه ولا ليش ابوها بعيد عنهم وجدها ماعمره زارهم؟
قررت انها تروح المطبخ وتبدا ببادرة طيبة من نفسه وتسويله ريوق بنفسها اليوم وتروح تزوره بدل قعدته هو بروحه وقعدتها هي بروحها؟
***************************************
كل ماغمض لها جفن قعدت مرعوبة وهي ضامة راسها بين ركبتها ,,,
ها المرة توعت وماقدرت ترجع تغمض عيونها وتنسى اللي صار لها البارح مع ها الكلب نايف,,,
كان عارف انها بتفكر تهرب وماخلى شي يوقف بطريقها ومهد لها الطلعة لين باب القصروبعدين فاجاءها بوجده وانتظاره لها....
ماعرفت شتسوي ذيك اللحظة ولا حتى تتحرك من مكانها كل اللي عرفته ان يدها ظلت جامدة على المقبض وماقدرت حتى تلف له وشنطتها اللي على كتفها طاحت من كثر رعبها ورجفتها...
كانت تتذكر الموقف وتستعرضه في بالها وماكانه صار من البارح كانت حاسة انها قاعدة تعيشه كل ماتذكرته بكل تفاصيله,,,,
نايف بصوت يضحك من وراها/على وين ياصبا توها الناس؟
ماعرفت شتسوي ولاحتى شتقول ظلت مثل التمثال بمكانها وتقرب هو منها وشال شنطة كتبها وقال بمسكنة ساخرة/ياحرام تطلعين بها الليل؟كان انتظرتي للصباح على الاقل ولامنتي خايفة على نفسك من وحوش البشر؟؟؟
ظلت ساكنة مكانها وماتكلمت وكمل كلامه باصرار/ولامتعودة على طلعات الليل ياصبا؟
لهنا وبس ماقدرت تتحمل كلامه الجارح..كل الكلام اللي كان يقوله بكوم وها الكلمة بالذات بكوم ثاني...
مامسكت نفسها ورفعت يدها ولانه ماتوقع عطته كف على وجهه..يمكن مايكون بذيك القوة ولابذيك الحرارة بس نظرات عيونه جمدتها للحظات وبعدها قالت بقوة/مااسمح لك تتكلم عن شرفي وسمعتي؟فاهمني...انا اشرف منك ومن عشرة من امثالك....
هذا كان كل الكلام اللي قالته واللي دار بينهم لانه بمجرد ها الحركة سحبها من يدها بقوة ومشاها بالغصب وسط صرخاتها لغرفة بعيدة عن القصر بالحديقة رماها على الارض وقفل عليها الباب..ومن البارح وهي محبوسة هنا لاهي عارفة مصيرها شنو ولا لمتى بتظل سجينة ها الغرفة,,,
كل اللي عرفته ان الشغالة اللي عرفها عليها بالامس مرت عليها جايبة لها فطور بصينية وما مدت يدها لشي فيها ابدا لين جت بعد ساعتين وشالتها من مكانها..
كل تفكيرها كان شلون ممكن تطلع من ها السجن وبس!!!!
*************************************
دقت الباب بهدوء وجاها صوته القوي من داخل/تفضل,,,
ترددت للحظات وقررت ترجع من مكان ماجت بس غيرت رايها وقررت انها تبدي الخطوة اللي فكرت فيها ..سمت باسم الله ودخلت وهي مرتبكة,,,
كان ملحقه غير عن ملحقها طبعا,,لان ملحقه كان مفتوح على بعضه ومايحوي غير غرفة وحدة بحمامها ومافي الغرفة غير سرير ودولاب وجلسة ارضية,,,
ناظرها من فوقها لتحتها وهو مستغرب وجودها عنده وظلت هي واقفة مكانها ومربوكة من نظراته,,
بصرامة قال لها/في شي,,
ليالي انتبهت انه يكلمها وقالت/ها,,
وكلمها مرة ثانية بقوة ذكرتها بقوة ابوها وبجاسر اللي ماشافته غير البارح بس/اقول في شي تبينه؟
**************************************
رانيا/يعني شفت هناك بنات حلوين؟
ضاري بلااهتمام/الحلوين بكل مكان مو بس هناك ومو هاذي المشكلة؟
ريم/اجل وين المشكلة؟
ضاري بنفس الامبالاة/ان وحدة من ها الحلوين تثير الاهتمام بالنفس,,,,
رانيا بمرح/يعني ترمي شباكها عليك...
ضاري/بالضبط؟
ريم/ضاري..انت ودك تحب...
ضاري/طبعا..لاني اذا ماحبيت ماراح اتزوج...
رانيا/وليه ماتتزوج زواج تقليدي وتحب مرتك بعد الزواج؟
ضاري/خلينا التقليدي لك ولتؤامك انا مابيه ولايلزمني...اذا مااحب لي وحدة وتحبني ماراح اتزوج واربط مصيري بوحدة مااعرفها؟
ريم/طيب يمكن اللي تحبها وتحبك قبل العرس تصير شخص ثاني بعد العرس...
ضاري/الحب مايتغير,,,يبقى هو هو...
رانيا/لا الحب يموت بعد العرس بااغلب الحالات...
ضاري بسخرية/ليش كم مرة حضرتك مجربته؟
رانيا بدون خجل /ولامرة بس اسمع سوالف المتزوجين كل شي بينهم يبرد وماكانهم اللي حبوا بعض...
ضاري/حالات شاذة مو الكل,,,,
ابو ضاري /متجمعين على الخير ان شاءالله..
رانيا/لايبى,,,متجمعين عند ضاري وضاري مافيه ذرة خير ابدا!!!
كانت قاعدة تحت على الارض وتحت رجل ضاري وهو متسند على الكرسي بارتياح ويوم قالت كلمتها رفع رجله وداس عليها..
رانيا/ول!!ماتسوى عليّ!!!
ضاري/منهو اللي مافيه خير!!!
رانيا/في اختيارات؟
ضاري/لا....
ابو ضاري/وين امكم؟
ريم/يعني يبى لو امي فاضية لنا كان شفتنا متجمعين عند تحفتها الفنية نتكلم معه؟؟؟طلعت توصي على اغراض لعشى بكرة,,,,
ابو ضاري/طيب اتركوني مع اخوكم شوي بكلمه بموضوع,,,
رانيا بلقافة/ومايصير نسمعه يبى,,
ابو ضاري/لا..
ريم بهمس/ولاحتى نوقف ورى الباب نسمعه؟
رانيا/جبتيها ...يالله قومي....
قاموا ثنتينهم,,,وقعد بو ضاري جنب ولده,,,
ابو ضاري بتردد/ضاري يبى..بغيت اكلمك بسالفة,,,,
ضاري/خير..
ابو ضاري/يعني سالفة العرس من بنت عمك تراني مارديت على عمك للحين لو انت ماغيرت رايك؟
ضاري باحتقار/أي بس انا مابغير راي واخذها...واذا منت قادر ترد عليه جيب انا اكلمه واكلمها بعد!!ترى ماعندي مانع يبى؟
*******************************

ليالي ارتبكت وسكتت...وحست ان الصينية اللي بيدها بتطيح منها وقالت بتردد/كنت....
الجد /كنتي شنو تكلمي؟
بلعت ريقها بصعوبة ومشت لعنده وحطت الصينية قباله وقعدت بهدوء,,
قال وهو يناظر بالصينية اللي قدامه/انتي كنتي في بيت عمك قبل شوي؟
ليالي بهدوء/لا...
الجد/ومن اللي داز الفطور معك؟
ليالي بصوت خافت/انا مسويته لك بنفسي,,,
الجد بقسوة/ومن قال لك اني انتظر فطورك عاد؟شيليه معك بس!!!عندي من يخدمني ويسويلي فطوري ماني بحاجتك يابنت ابوك؟
********************************
على كورنيش الخبر ,,,

جاسر/وبتظل شارد البال علشانها حضرة جنابها؟
نايف بانفعال وهو يتحسس خده/عطتني كف!!فاهم وش يعني عطتني كف؟؟؟
جاسر بخبث/أي بس من وصفك لها ماظني تاْلمت؟
نايف ابتسم وهو يتذكر يدها الصغيرة وقال بحالمية/بيني وبينك ماحسيت باي الم بالعكس كانت صفعة حلوة ولذيذة منها...كانت عيونها بتطلع من مكانها وهي بقمة غضبها...
جاسر/انت تبي تكسر راسها..ولاهي سلبت لبك وولعت نيارانك وخلتك انت اللي يتكسر راسها؟
نايف/تخسي تكسر راسي!!!انا بس قاعد اخطط شلون ارد لها كفها كفوف؟
جاسر/انت ليش حاط دوبك من دوبها....عند اخوها وسوي فيه اللي يعجبك؟
نايف بنرفزة/اترك ها الشمس اللي عندي واروح لااخوها؟؟؟وش اسوي فيه ذاك عاد؟
جاسر/اللعبة لعبة اخوها ..هي مالها شغل...
نايف باصرار/صارت اللعبة لعبتها وهو اللي ماله شغل؟
جاسر/وش نويت تسوي فيه؟
نايف/بوقعه على تعهد خطي وبقر التنازل عنه...
جاسر/بها السهولة؟
نايف بثقة/لاطبعا بمقابل....
جاسر/...................اكيد صبا بالسالفة,,,؟
ابتسم نايف وشردت افكاره لبعيد وماقل شي...وهو كل تفكيره متجهة ناحيتها ,,,
ابو جاسر/علامك انتي وها الحوسة كلها؟
ام جاسر بنرفزة/انت ناسي اني مسوية عشى لجاسر الليلة؟
ابو جاسر/لامو ناسي...بس كل اللي بيحضرون عماته وخالته وصاحباتك..يعني مالها داعي كل ها التكاليف والزحمة,,,
ام جاسر/اذا انت فاضي يارجال تراني مشغولة وكل دقيقة تهمني؟
ابو جاسر/ماراح اعطلك بس حبيت اسئلك عن شي....
ام جاسر/اخلص عليّ وش بغيت؟
ابو جاسر سكت شوي بعدها قال/ليالي,,,
ام جاسر وقفت على طولها وقالت باهتمام وكانها نست وجودها/وش فيها؟
ابو جاسر/يعني بتقعد تتعشى معكم الليلة؟
ام جاسر باستنكار/تقعد تتعشى معنا!!!جنيت انت!!وش ها الحكي...انا اصلا نسيتها شوي,,,,
ابو جاسر/شلون يعني منتي مخليتها تقعد معكم...
ام جاسر/لاطبعا...هاذي اصلا يبيلها تصريفة من البيت بكبره الليلة,,,,المشكلة عماتها بيكونون هنا وين نوديها,,,,
ابو جاسر/أي بس ماهي مثقلة عليكم لو قعدت؟
ام جاسر/ابدا!!بس بتخلينا نغص بااكلنا اذا ناظرنا فيها؟شوف مافي غير انك تاخذ وتطلع معها الليلة وماتردها الا اذا انتهت العزومة,,,
ابو جاسر/لايامعوذة انا بتجمع مع الربع بديوانية بو سالم الليلة..
ام جاسر/مو شغلي اعتذر لهم..المهم انها ماتقعد في بيتي الليلة؟
********************************
رانيا/يمه...
ام ضاري بتاْفف/نعم..
رانيا/حبيبتي...
ام ضاري/اخلصي عليّ!!
رانيا بخضوع/بروح بيت عمي الليلة؟
ام ضاري/وليش بالله؟؟
رانيا/انتي ناسية انهم مسوين عشى لجاسر الليلة؟
ام ضاري/وانتي ناسية ان احنا بنطلع كلنا نتعشى مع بعض الليلة وبكرة بيجون عندنا...
رانيا/يمه عفية شمايل عازمة صاحباتنا بالجامعة وتهاني بتكون هناك يعني بتكون فلة...لاتقولين لا...
ام ضاري/وبعدين احنا اذا طلعنا ...مين بيكون معنا ابوي وانتي مقابلينكم من سنين الغبرة وضاري قعدت معه لين شبعت الصبح..يمه تكفين...
ام ضاري/روحي بللي مايحفظك....
رانيا/تسلمين يالغالية,,,
قامت من امها وراحت غرفتها وعلى شفايفها اكبر ابتسامة نصر حققتها...
رانيا وهي تكلم نفسها/هاذي الروحة وضمناها...ان شاءالله بس تكون عندك ياليالي صورة لااختك اصايل علشان اوريها لضويري واشوف رايه,,,,
/////////////////////////////////////////////////////////

 
 

 

عرض البوم صور بياض الصبح   رد مع اقتباس
قديم 21-08-10, 06:41 AM   المشاركة رقم: 14
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الثالث عشر---

,,,,,,,,,,,,,,,,,,,,, ,,,,,,,,,,,,,,,,,,,,,


كانت متكورة على سريرها وهي تبكي وتمسح بدموعها,,,,
كانت كل نيتها انها تقعد وتسولف معه وقالت ابتديها بفطور...
يمكن يكون متواضع وماهو متعود عليه بس مو لدرجة انه يعاملها بها القسوة؟؟؟
كل اللي فهمته انه مو متقبل وجودها هنا ابدا...ويكره ابوها اللي اكيد انها ذكرته فيه,,
بس هي ماهي ابوها علشان تتعامل كذا,,,,
مو كفاية غربة الروح اللي عايشتها ياجدي حتى انت بتكون ضدي وماتبيني,,,الله يسامحك يايبى...ماتركت اكيد الذكر الطيب اللي يذكرونك فيه اهل ها البيت ولاليش رميتي ها الرمية بروحي ومحد يدري عن هوى داري؟؟؟
متى بس يجي الليل ويجون عماتي...اكيد انهم بيسيرون عليّ ومابيتركوني بروحي ,,,,
ياربي ارحم بحالي وبضعفي...يارب اذا انا اذنبت بحق احد بيوم من الايام سامحني وترحم فيني...انا ماعدت احتمل ها السجن ابدا..كان سجن ابوي وام عبدالله ارحم بكثر من ها السجن اللي مايقدر الواحد فيه انه يبتسم لو بالغلط؟
********************************
عبير/وشها الكيس اللي ماخذته معك؟
تهاني وهي تناظر بامها اللي انشغلت تتكلم مع بسمة اختها وقالت بهمس/سر..
عبير بهمس/وش سره؟
تهاني بهمس/ثوب...
عبير/لمنو,,,
تهاني/لليالي...
عبير/هي طالبته منك؟
تهاني/لا...انا بعطيها اياه تلبسه..
عبير/ليه؟
تهاني/الاكيد ان احنا بنشيل عبينا هناك وماابيها تنحرج ان ماعندها ثياب وتلبس لي بنطلون جينز وتي شرت قدام الباقيين...وبعدين لو فكر جاسر يشوفها على الاقل يكون لبسها مرتب...
عبير/تهاني....فكرة الثوب للقعدة انا اشكرك عليها وعلى تفكيرك بليالي..بس لاتجيبين لها سيرة اذا جاسر كان بيشوفك؟
تهاني/........
عبير تنهدت/لاتجرحينها اكثر من جرحها وتعلقينها بااوهام مابتصير..جاسر انا اعرفه زين...لايبيها ولايبي يشوفها بعد..حرام تظل تفكر انه ممكن يكون لها حق فيه وهو اصلا رافض ها الشي,,,,ماابيها تتعلق اكثر وينكسر خاطرها ياتهاني فاهمتني..
تهاني/خالتي انا موقصدي...انا بس فكرت لو...
عبير/فاهمة قصدك زين...انتي اذا عطيتيها اياه قولي لها للقعدة ولاتجيبين سيرة جاسر لى لسانك نهائيا علشان لاتتحسس زيادة,,,,
بسمة/يالله السايق ينتظرنا..
تهاني/يالله مشينا....
عبير/روحوا انتوا انا ناطرة احمد موصيته على خط جوال وجهاز ومابجي غير لمى يجيبهم,,,
تهاني/لمنو؟
عبير/لها....
تهاني/معناته نلتقي هناك..
بسمة/خالتي فينا ناخذ روعة معنا؟
عبير/لاياقلبي اخاف اخوك يتاْخر ومااجيكم الا بعد الصلاة...روحوا انتوا تسهلوا ونلتقي هناك,,,
********************************
دخل لها الغرفة اللي كانت قاعدة فيها بعد ماقالت له الشغالة انها ماذاقت شي من البارح وكل شي تدخله لها ترجعه مثل ماكان ماتلمس منه شي,,,
تضايق كثير يوم عرف وحس انه المسؤل ولازم يروح يكلمها ولو اقتضى الامر ياْكلها بيده,,,
فتح باب الغرفة ومالقى قدامه غير الظلمة,,,,
مد يده وفتح الانوار بالغرفة وعيونه تدور عليها...ولقاها اخيرا,,,
قطعة سواد متكورة على بعضها البعض,,,في اقصى ركن بالغرفة,,,
تقدم لها وهو حاس بالخوف من شكلها اللي كانت يدها مغطية فيه وجهها ومايبان منها أي شي..
معقولة تعبانة ولاماتت؟؟؟
تقرب منها بسرعة ونزل لمستواها واتضحت له الرؤية اوضح...كانت تتنفس..مايدري ليش حس براحة عجيبة يوم شافها تتنفس...معناته انها عايشة ماماتت,,,
تنهد بارتيح وهو يتامل بشكلها وبحجابها اللي من نومتها تباعد عنها شوي وبانت كم خصلة من شعرها,,,
تمنى انها تكون قاعدة علشان يتهاوشون مع بعض ويسمع صوتها...بس للاسف انها نايمة وبينحرم من ها النعمة,,,وباانه يسمع صوت ملاكه الصغير,,,
كان يناظر بخدها الناعم وهو يتمنى انه بها اللحظة يرفع يده ويكفخها ويعطيها الف كف بدل اللي عطته اياه امس ومد يده فعلا...بس باعدها بااخر لحظة...
معقولة يانايف تمد يدك وتلمس مرة حرام عليك؟مهما كان تظل اجنبية عنك وها الشي حرام,,,,
زين اجل..انتظري عليّ لين بكرة الصبح ياصبا وبتشوفين كم كف يجيك,,,بدل الكف اللي تجراءتي واخذتيه,,,
ناظرها بنظرة اخيرة قبل لايتحرك من مكانه وبعدها طلع وقفل وراه الباب,,,
*******************************
ليالي باندهاش/يجنن,,
تهاني/صدق؟
ليالي/والله..
تهاني/معناته يالله بسرعة قومي,,,
ليالي/اقوم وين اروح؟
تهاني/لبسه؟
ليالي/ليه؟
تهاني/وش ها السؤال الغريب,,,انا جايبته لك علشان تلبسينه قومي بشوفه عليك كيف يصير,,,
ليالي/حرام عليك جايبة ثوب احمر وتبيني البسه؟انتي ناسية اني سمرة ومايناسبني ها اللون؟
تهاني/اولا سمارتك عجيبة..ثانيا من قال لك السمر مايلبسون احمر...عيوني السمر بالاحمر يطيرون اكثر من البيض...قومي لبسي وانتي ساكتة خلني اشوفه عليك؟
ليالي بتردد/لا تهاني...
تهاني بتشجيع/بنشوفه لو ماصار حلو ماراح جبرك تلبسينه صدقيني؟
ليالي مسكت الثوب وقالت بتردد/أي بس....يعني انا بكون معاكم على العشى الليلة؟
تهاني/طبعا....
ليالي/بس محد قال لي؟
تهاني/انتي متعودة انهم يجونك ويخبرونك كل شي بنفسهم؟
ليالي/لا...بس حتى ولادزوا الشغالة تعطيني خبر....يمكن اني مو معزومة ياتهاني؟انتي متاْكدة؟
تهاني/يبى قومي لبسي بلى هذرة فاضية مالها أي معنى,,,,
قامت ليالي تلبس الثوب وسط فرحتها فيه ووسط خوفها من لقاء ام جاسر وبناتها اللي ماتدري كيف بيكون وهل بتشوف جاسر الليلة ولالا؟
كان الثوب قصير ..يوصل للركبة ..بس ناعم مافيه أي تكلف غير تطريز صغير بالذهبي عند فتحة الصدر لبست الصندل الذهبي اللي كان بالكيس وحست نفسها انسانة ثانية بها اللبس اللي توها بحياتها تلبسه,,,,
وفي اعماقها تشكر تهاني من القلب على ها الفرحة اللي دخلتها بقلبها بعد ماشافت شكلها بالمرايا ولاقى استحسانها ورضاها,,,,
تهاني بصوت عالي/ماخلصتي!!حشى وش قاعدة تسوين؟
ليالي ابتسمت وهي تسمع صوتها وشالت العضاضة من شعرها وتركته ينساب براحته وجابت لها كم خصلة قدام وفتحت الباب وطلعت,,
ليالي/وش رايك؟
تهاني تصفير طويل عريض...
ووقفت قبال ليالي وقالت بانبهار/شفتي كيف صرتي يادبة؟قمر مشاءالله...تعرفين ليالي انتي جميلة بس دايم تخفين جمالك ليش ماادري؟
ليالي باسى/ومن يهتم؟
تهاني/اذا انتي حسستي نفسك بانك جميلة ومرغوبة تتغير نفسيتك تماما..
ليالي باسى وهي تتذكر كلام جدها اليوم/واذا انتي عارفة انك مو مرغوبة ليش تكذبين على نفسك؟
تهاني/ليالي شفيك؟في احد مضايقك؟
حست انها تبي تبكي والدموع فعلا انزلوا منها,,,صارت تمسحهم بلااهتمام ووقفت تهاني قبالها وقالت باهتمام/خير..صاير شي؟
ليالي بهمس/لاتشغلين بالك...بس حاسة بالغربة وبااني اشتقت لااصايل ومتمنية تشوفني كذا...
تهاني/بس!!!ها الدموع علشان الخايسة اصايلوا؟؟؟صدق خربتي علينا الجو,,,,المهم تعالي احط لك باقي لمساتي ..
ليالي/وش باقي بعد؟
تهاني وهي تفتح شنطتها/الماكياج؟
ليالي باعتراض/مقدر على كل الصدمات بيوم واحد؟؟يكفيني اليوم كحل وروج خفيف,,,
تهاني بتفهم/طيب تعالي ,,,
ليالي بعد ماحطت لها اللي تبيه/تسلمين,,,
تهاني/بترك اغراضي هنا وبعدين باخذهم..
ليالي/أي مافي مشكلة,,,
تهاني/يالله قومي بقوم اسلم على جدي وبعدين بندخل,,,
ليالي/روحي سلمي بروحك وبعدين مريني؟
تهاني سحبتها من يدها/مافي قعدة بروحك هنا..
ليالي بعد ماصاروا في الحديقة قبال الباب/بس ياتهاني..
تهاني/طيب روحي عند الجهة الثانية وانا بجيك,,,علشان ندخل سوا بس تقعد ين بروحك يتراواللي تمللتي؟
ليالي وهي تلبس عبايتها/طيب,,,,
********************************
ام عبدالله/اقول اصايل,,,
اصايل بدون نفس/خير...
ام عبدالله/يقولون رجع من السفر اليوم؟
اصايل باهتمام/منهو؟
ام عبدالله بخبث/زوج المستقبل؟
اصايل بارتباك/ضاري...
ام عبدالله/وهو في غيره؟
اصايل/وانتي وش عرفك؟
ام عبدالله/مو مهم كيف عرفت المهم انه رجع وانك على وعدك ماتنسيني من خيرك مو مثل اختك؟
اصايل وشعور غريب يجتاحها بذيك اللحظات/هو كلم ابوي؟
ام عبدالله/توه واصل اللحين قبل ثانيتين على مااعتقد؟
اصايل بتشكيك/انتي صار لك واقفة معي تهذرين اكثر من عشر دقايق؟؟اللحين هو من وصل من السفر صار له بس ثانيتين؟
ام عبدالله/المهم ماعلينا...انا ماقصرت معكم يااصايل لاانتي ولااختك..
اصاي بضحكة استخفاف/أي لا..الصراحة ماقصرتي ابدا واحنا نشهد....بس قللي منها يالغالية وصوغتك ان شاءالله بتجيك اذا الله عطاني,,,
ام عبدالله وهي ترفعيدها تدعي بقوة/امين يارب...
********************************
وقفت تتمشى بالحديقة اللي بالجهة الثانية واللي شافتها البارحة,,,بس اليوم صاير شكلها احلى مع غروب الشمس والانارات اللي انفتحت بكل جهة واللي شكلهم بقعدون يتعشون هنا لان كل شي كان مرتب ومجهز,,,
كانت تمشي وعبايتها عليهامفتوحة وشيلتها على كتفها على اساس ان البيت مافيه احد مثل ماقالت تهاني وانهم بيشيلون عبيهم بس يدخلون,,,
ظلت تنتظر تهاني وهي توزع نظراتها بين كل شي موجود بالحديقة لين اسكتت فجاْة وهي تسمع الصوت نفسه اللي جمدها بمكانها امس...وشكله يكلم بالتلفون,,,
ياربي ..هذا من وين طلع بس!!!!!
لفت وهي مو عارفة شتسوي لان قبالها كانت البركة..واول مالفت كان جاسر واقف قبالها ويناظرها من فوقها لتحتها وماخاب ظنها كان شكله يكلم بالتلفون...مارجعهم للواقع الا صوت شهقتها العالية اللي خلت جاسر ينتبه لها وينتبه على نفسه ويمشي بسرعة وسط فزعها,,,,,
ظلت واقفة بمكانها ورجلها متجمدة وماهي عارفة شلون تتحرك,,,,
لين انتبهت على الباب اللي اكيد ان جاسر طلع منه....الظاهر انه باب المجلس او ماشابه,,,,
ظلت تتنفس بقوة لين جاها صوت ثاني جمدها بعد بمكانها,,,
نايف/صباح الخير؟
رفعت صبا راسها ولقته يناظر فيها....لفت عنه بلااهتمام..
نايف وهو يناظر بصينية الاكل اللي قبالها/ليه ماكلتي شي اليوم؟
صبا /مالي نفس؟
نايف باهتمام/ليه؟
صبا بضعف/لانك تسد النفس؟
نايف/أي بس انتي ماشفتيني من البارح ؟
صبا بسخرية/بعده تاءثيرك باقي..
حس بالضعف في صوتها وخاف كثير عليها وقال بسرعة/اذا مااكلتي بضطر ااْكلك بنفسي؟
صبا/ماابي شي من عندك...اتركني اموت بسلام وبس؟؟
خوفته ها الكلمة وزلزته,,,,وش يعني اتركها تموت بسلام!!!مستحيل ..ها الشي لايمكن يصير,,,عرف انها زعلانة ولازم يتمسك باي حبل علشان ترضى وماتفكر بها الطريقة..هو للحين ماعلمها شغلها ورد لها الكف اللي عطته اياه..كيف تفكر تموت,,
قال بشوية لين/صبا...اكلي وراك مذاكرة وامتحان؟
رفعت راسها تناظره بتشكيك وقالت/وش تقصد؟
نايف قعد قبالها وهو يتامل كل شي فيها/اقول اكلي علشان بكرة وراك امتحان كيف بتركزين بالله وانتي مافيك قوة؟
صبا بقوة/بتتركني اروح الامتحان؟
نايف/مو قبل ماتنفذين اوامري؟
صبا مدت يدها لالااكل تاكل لاشعوريا وهي حاسة انها طفلة وانلعب بعقلها وقالت بسرعة/اذا اكلت بتتركني اروح؟
نايف اكتفى انه ينارها بهدوء ويسرح بعالم ثاني ومسك جواله يدق على شخص معين وبس سمعت اسمه وسمعت الشي اللي يبيه منه طاحت الملعقة من يدها وشهقت,,,,
********************************
جاها صوت ثامر من وراها وجمدها بمكانها..
ثامر بنرفزة/كنت ادور عليك..
ليالي بتشكيك/عليّ انا!!
ثامر/لا..على جدي!!!اكيد عليك انتي؟؟
ليالي/خير في شي...
ثامر/سلامتك سكري عبايتك ولبسي شيلتك ابوي يبيك...
استحت من نفسها وهي تشوفه يناظرها رغم انه ماكان يناظرها ابدا,,,
سكرت عبايتها بسرعة ولفت شيلتها على راسها,,,ومشت بجنبه...
لين وصلوا للكراج اللي فيه سيارة بو جاسر وهو فيها,,,
ثامر بصوت خافت/بيصرفونك مع ابوي علشان لاتفشلينهم الليلة قدام بيت خالتي وصاحبات امي,,,
لفت له ليالي ولقته مشى عنها وماكو غير ابو جاسر اللي اشر لها تغطي وجهها وتركب...
ماتدري ليش ذيك اللحظة حست بالندم ..بس من شنو ماتدري...
هو صدق انهم مايبونها ويبون يصرفونها ولا ها البزر يلعب بعقلها؟؟؟
طيب وين يبي ياخذني عمي معه وهو من جينا مااخذني ولامشوار؟؟
ركبت معه وظلوا ساكتين طول الطريق وهي دموعها تنزل من تحت غطاها,,,تمنت انها رجعت وعطت عمتها خبر على الاقل اذا عمتها شافت الزعل بعيونها بتمنع ها التصريفة وبتخليها تقعد بملحقها ولا ها الاهانة,,,,
لكن ماعليه...على الاقل وجودي مع عمي يكفيني بقوله الليلة اذا هم مستثقلين وجودي يتركوني اعيش عند عمتي وبعدها اقنع عمتي تجيب اصايل ونبتدي مشروع صغير انا وهي بعد مانبيع اللي عندنا,,,
انتبهت من شرودها على صوت عمها يقول لها/انتي نزلي الحين وبمرك الساعة وحدة اخذك ظلي عند ها البوابة ها....
ماعرفت شتسوي ...يعني شنو تنزل هنا بروحها ومابينزل معها؟؟؟؟
ابو جاسر/يالله يابنيتي لاتعطليني؟
ماقدرت غير انها تنزل بدون حتى ماتقول لا..
واول ماسكرت الباب وراها مشت سيارة عمها وكانه تخلص من عب ثقيل على قلبه...
ظلت تناظر بالمكان اللي خوفها وجاب لها الرهبة,,,(مجمع الراشد)
وش اسوي انا هنا بروحي بس!!!
ظلت تمشي شوي شوي لين وصلت قريب من البوابة وكم عيون تناظرها من هنا ومن هنا,,,,وهي حاسة انها بتموت من كثر الدموع اللي حاجبين عنها الشوفة؟
لافلوس عندها..ولاجوال..ولااي شي تعرفه ولاحتى وين يكون بيت عمها,,,,
شتسوي بها المكان وبين ها العيون هاذي كلها اللي تناظرها؟
معقولة بتطلع منها سالمة ؟؟؟؟
****************
******************


---البارت الرابع عشر---
,,,,,,,,,,,,,,,,,,,,,,,,,,,,,,,,,,,,,,,,,,,,,,

عبير/علامك انتي جارتني لبرة كذا!!
تهاني وهي تناظر تشوف اذا كان في احد واقف يسمعهم ولالا؟
عبير/تهاني بلا ثقل دم تراك وقفتي قلبي تكلمي شصاير؟
تهاني/ليالي قلبت البيت وماشفتها؟
عبير بدهشة/شلون يعني ماشفتيها؟
تهاني/كنت معها بالملحق ولبسنا وتجهزنا وطلعت اسلم على جدي وقالت ماتبي تجي معي وقلت لها تنتظرني بالحديقة علشان ندخل مع بعض...طلعت بعدين من عند جدي ورحت لها وماشفتها قلت اكيد رجعت الملحق قلبته فوق تحت مالقيتها..دخلت قلت يمكن انها دخلت وبعد مالقيتها,,
عبير/شنو يعني مالقيتيها؟
تهاني/مدري..قلبت المكان عنها من قبل لاتوصلين انتي وماشفتها سالت بسمة اذا كانت دخلت وسلمت ولااحد طلع وشافها قالت انها ماطبت لهم,,,
عبير/وين بتكون؟
تهاني/مدري....
عبير/هي اكيد هنا بس مالقيتيها ..ليالي وين بتروح يعني؟
صبا بعصبية/وش قلت؟
نايف بعد ماسكر من جواله/ليش انا كنت اكلمك؟
وقفت بسرعة وصارت قباله وقام يناظرها مايدري ليش لوهلة حسها بنت صغيرة بالابتدائي وقال بدون انتباه/صبا انتي ماتاكلين؟ماتشوفين كيف حجمك صاير صغير؟
قالت بعصبية/شكنت تقول لزيد؟
نايف بلامبالاة/سمعتي صح؟ليه بعد تسالين؟؟؟
صبا وقفت تناظر فيه بشك....
نايف/اول مرة تشوفيني؟
صبا بنفاذ صبر/بعد اني اكون شغالة عندك وتحت رحمتك فهمتها انها اهانة ها الحركة وش تعني بالله!!!
نايف لف لها وصار قريب منها لدرجة انها بلعت ريقها بصعوبة من الخوف وقال لها بقسوة/علشان ارد لك كفك اللي عطيتيني اياه البارحة براحتي وبالمقدار اللي ابيه!!!!
صارت تناظر فيه وفمها مفتوح من الاستغراب وقالت ببراءة/انت بشر؟؟
نايف رجع وتسند على كرسيه وقال بهدوء/انتي وش شايفة؟
صبا وهي حاسة بالخوف منه /شايفة انك واحد من وحوش البشر اللي كنت تتكلم عنهم البارحة!!
مارد عليها واكتفى انه يضحك ضحكة خلاها تجمد مكانها وتحس بالخوف الحقيقي منه وتجمع دموعها بعينها..ولااول مرة تبكي قدام واحد غريب عنها لانه قاعد يذلها بكل برود,,,,
وحدها كانت حايرة بذاك المجمع وهي مو عارفة شتسوي اول مرة بحياتها تكون بها الموقف..هي صحيح دخلت مجمعات الرياض من قبل بس مع عماتها اذا اصروا انهم ياخذونهم يطلعونهم ..بس اللحين وبها الموقف وبها المكان الغريب اللي ماتدري عنه أي شي,,حست بالخوف,,,,لاسيما انه طابور شباب كان يمشي وراها وكل واحد يرمي عليها كلمة من جهة,,,,
حست انها قاعدة تتقطع وفعلا تمنت لموت ولاانها تكون دخلت بيت ام جاسر من قبل,,,
وش ها الانسانة ياربي!!!
انا ماضريتها بشي ولابحياتي شفتها ليش تعاملني كذا!!!
وليش عمي يرضى علي اني اكون بها الموقف..اي والله والله لو يدري ابوي اني بروحي بها المكان دفني بدون أي كلمة؟؟؟
دخلت على اول حمام صادفها وقفلت عليها وقامت تبكي وتبكي وتبكي بكل حرقة فيها,,,,
فكرت انها ترجع البيت,,,,بس لامعها فلوس اولا,,,ولا معها جوال تكلم منه ثانيا,,,ولاحتى تعرف هي وين ولابيت عمها وين يكون؟
بس ماتقدر تقعد هنا بالها الوضع ابدا!!!
قامت تغسل وجهها اللي راح فيها من كثر مابكت ولفت شيلتها اللي انفكت وقررت انها تطلع تنتظر عمها لين يرجع من نفس البوابة اللي دخلت منها واللي قال انه بيرجع لها فيها,,,,,
شدت على نفسها اكثر وحاولت تتماسك وهي تقراْ كل الايات اللي حافظتهم بقلبها ومشت لين وصلت للبوابة وطلعت شوي علشان تشوف سيارة عمها اللي تذكرت اللحين بس انها ماتعرف شكلها ولالونها ولااي شي من مواصفاتها؟؟؟
ناظرت بساعتها وحست بالدم يوقف فيها,,,الساعة ثمان وربع...وعمها قايل بيجيها على الساعة وحدة؟؟؟؟
بتظل واقفة بها المكان كم ساعة تنتظره؟؟؟؟؟؟؟
********************************
هو وحده كان قاعد بسيارته وماتحرك من قبال بيتهم بعد ماسلم على خالته وعماته,,,
نفس البنت اللي صادفها امس...
واليوم جته بشكل ثاني....
ياترى هي قاصدة تشوفها بها الثوب وبها الشكل ياجاسر ولاكانت صدفة تشغلك من جديد علشان ترجع تحطها في بالك؟؟؟؟
بس اللحين انحصرت عندي الخيارات...يابتكون وحدة من بنات عمتي ولامن بنات خالتي ولاوحدة من بنات صاحبات امي اللي موجودين هنا؟
لاواللي بيسهل عليّ الموضوع ها الثوب الاحمر؟
غريبة ها البنت..فيها شي غريب شدني لها شنو مدري؟؟؟
يعني هي ماهي ملكة جمال علشان اقول اني انبهرت بجمالها!!بس في شي في وجهها خلاني اناظر فيها غصب.....شنو بالضبط ياجاسر,,,,,
قطع عليها حبل افكاره جواله اللي يدق..وشاف اسم المتصلة وحس بنرفزة عجيبة وانه مايبي يرد عليها بس يعرف انه لو مارد بتضل تدق وتدق لين يكلمها..
رد بدون نفس/الو..
غادة/هلا ياعمري....شلونك..
جاسر بضيق/بخير....
غادة/حبيبي فيك شي؟حاستك متضايق؟
جاسر /شوي....بعدين انا بالبيت لاطلعت دقيت لك؟
غادة بانفعال/جاسر انت قاعد تتهرب مني!!!من امس وانت ماتبي تحاكيني..وش السالفة؟
جاسر بعصبية/أي سالفة انتي بعد!!!يبى قلت لك اني بالبيت صدقتي ولاكيفك زين؟
سكر السماعة بوجهها وهو يحس ان غادة صارت شي ثقيل ومايقدر يتحمله ولايتحمل حتى صوتها,,,,
*******************************
عبير/هتون تعالي شوي ابيك,,
هتون/خير عمتي في شي؟
عبير/بغيتك بسالفة...
ام عادل(اخت ام جاسر)/ومايصير نسمعها يعني؟
عبير بقوة/والله عاد السالفة تخصها هي واذا كانت تبي تتكلم هنا ماعندي مانع!!بس البنت سالتني عن شي وقالت تبي تعرف اليوم الرد وانا اللي عليّ اعطيها خبر؟
هتون قامت وطلعت من المجلس ومشت وراها عبير..
هتون/عمتي شفيك؟
عبير بعصبية/وين ليالي؟
هتون بحدة/اللحين مطلعتني من هناك وسالفة تخصك علشان بالنهاية تساليني عن ليالي؟
عبير بنفاذ صبر/ليالي ماهي بالبيت ياهتون؟
هتون/وانا مالي!!!عساها ماترد وتريحنا؟
عبير بعصبية/بتقولين لي وينها ولالا؟
هتون/امي مصرفتها...
عبير باستيعاب/شنو يعني مصرفتها؟
هتون/انتي تبين ليالي تقعد هنا بالبيت الليلة؟؟؟افرضي بالغلط وحدة من صاحبات امي ولاخالتي ولابنات خالتي قالوا بيدخلون الملحق بيشوفونه ويشوفونها بعدين؟؟؟
عبير/..........
هتون/امي بتقول لهم ان الملحق هذا بيكون للشغالة ومو معقولة يدخلون ويشوفون ليالي؟
عبير بصدمة/انتوا لهدرجة كارهينها؟
هتون بحدة/عمتي..ابوها اجبرنا واحرجنا علشان نستضيفها عندنا...يعني مو لازم نحبها...
عبير بنفاذ صبر/ووين وديتوها؟
هتون/طلعت مع ابوي....
خفت حدتها شوي يوم درت انها مع اخوها على الاقل هي باامان,,,
وطلعت جوالها وكلمت السايق/جهز السيارة انا ماشية؟
هتون/عمتي....وين بتروحين..العشى توه بينحط؟
عبير/عشاك مايلزمني واللي مايشرفه ان بنت اخوي تقعد مع ضيوفه ماتشرفه عمتها اكيد؟؟
********************************
كانت تنتظر جية ابوها من المغرب علشان يجيب سيرة ضاري.....
بس للحين لاحس ولاخبر ولاقال لها أي شي,,,,
وقررت مدام ان السالفة مبيوعة مبيوعة انها هي اللي تفتح الموضوع مع ابوها وتشوف وش صار ...
اصايل/يبى...
ابو عبدالله رفع راسه لها/نعم...في شي...
اصايل/أي في شي....
ابو عبدالله/شنو؟
اصايل احتاست بس قالت احطها فوق راس ام عبدالله مدام انها عند الجيران/ام عبدالله قالت لي؟
ابو عبدالله/وماتعرفين تقولين خالتي!!!
اصايل/مو هذا موضوعنا....
ابو عبدالله/وش قالت لك عنه....
اصايل/قالت لي ان ضاري اتصل فيك انه رجع وانمه بيملك عليّ صدق ها الحكي يبى؟
ابو عبدالله بعصبية/واللي ماتستحي ليش تقولك بعد!!!بنات اخر زمن...
اصايل/سوت فيني خير على الاقل ادري اني مالي رجعة لبيت ابوي اذا طلعت منه مثل اختي...
ابوعبدالله/وانتي وش تبين اللحين ياطويلة اللسان؟
اصايل/يعني متى بتوديني له يبى؟
ابوعبدالله/وش عندك انتي تسالين؟
اصايل/يعني بمر على ليالي اشوفها ولالا؟
ابوعبدالله/انا اللي عليّ اوصلك بيت زوجك وبس!!حب هو يوديك عند اختك بكيفه ماحب ان حنيتي ورنيتي واتصل قال بنتك مسوية لي ازعاج مالك غير القبر سامعتني...انا انتهت مهمتي خلاص...
اصايل/انت اللحين ماجاوبتني متى بنروح هناك؟
ابوعبدالله/بكرة باخذك وبنروح ماله داعي التطويل اكثر مدام انه رجع من السفر...بس اللي ابي افهمه عمك ليه مادق لي وقال لي ان ضاري رد من السفر؟
اصايل/وانت وش عرفك اجل انه رجع؟
ابوعبدالله/وانتي وش عليك بالله!!!
********************************
ام جاسر/عبير وين شايلة اغراضك وطالعة؟
عبير وهي تناظرها/وصل عشاك ياام جاسر؟
اخذت بنتها وشنطتها وسط نظرات اختها ام احمد وخالتهم ام عادل اللي كانوا هم بس موجودين..
هتون عطت امها نظرة يعني قومي لحقيها.....
طلعت ام جاسر ورى عبير بسرعة لانهم يحبون عبير ومايقدرون على زعلها ولان زوجها من اصحاب الملايين فلازم يكسبونها مايخسرونها,,,
ام جاسر/ام روعة وين...توه الناس؟
عبير بعصبية/قلت لبنتك اللي ماتلزمه بنت اخوي ماتلزمه ولاتشرفه عمتها؟
فهمت ام جاسر السالفة وقالت بسرعة/عبير الله يهداك انتي بتسوينها سالفة من العدم!!!!
عبير بعصبية/بنت اخوي بتفشلكم لو قعدت هنا ياام جاسر!!!ليه شنو شايفين فيها بالله!!!
ام جاسر بلف ودوران/شوفي عبير السالفة ومافيها اني كيف اقدم ليالي للناس ولااختي!!على أي اساس...احنا ماقلنا لااحد ان جاسر تزوج ولاحتى سوينا له شي...شبيقولون لو عرفوا انها زوجته ماتقولين لي!!!
والاكيد ان الحكي بيطال بنت اخوك ماهو جايينا وبيقولون لو مااهلها يبون يسترون عليها مازوجوها سكاتي كذا!!!
عبير بعصبية اكبر/ينقص لسانه اللي يحكي عن بنت اخوي بكلمة وحدة؟
ام جاسر/وبعدين انتي ليش مضيقة خلقك عاد!!هي طالعة مع عمها ومااعتقد ان فيها شي انها تكون مع عمها؟
عبير/انا مو معترضة على طلعتها مع اخوي..بس معترضة على انكم ماتبونها تكون موجودة الليلة وها الشي ضايقني....
ام احمد من وراهم/وش السالفة ياجماعة؟
ام جاسر لفت لها/سلامة عمرك...تعالي اقنعي في اختك تدخل وتتعشى معنا مايصير العشى على شرف جاسر الليلة الا اذا كان موو ولد اخوها ومايعني لها شي؟
عبير بتنهيدة/جاسر ولد اخوي وعلى راسي من فوق...بس من جد مالي خلق اقعد؟
ام احمد/وش عندك ياعبير...وش فيك زعلانة؟
ام جاسر/خلاص خلونا ندخل وبعدين نحكي بالسالفة..
عبير/ادخلوا انتوا....انا ماشية من جد مالي خلق اقعد...
ام جاسر/لاوالله مايصير ياعبير وهذا انا حلفت بتدخلين وبتتعشين معنا وبعدين ندق على اخوك يرجعها وتكملين سهرتك ولاتزعلين نفسك....
********************************
كانت تناظر بالباب ومافكرت حتى تشوف المكان الجديد اللي تغير,,,,
كل اللي كان شاغلها كلام نايف لزيد اخوها قبل ثواني,,,,
(انسى ان عندك اخت اسمها صبا يازيد ولاتفكر مجرد تفكير انك تسال عنها لانك اذا بتسوي بتفتح عليك ابواب مسكرة حاليا طالما اني راضي عليك,,,,وياويلك ياسواد ليلك اذا احد بالعالم عرف اني متزوج اختك لامن طرفك ولامن طرف احد من اهلك لان اذا احد من اهلي ومعارفي وصلهم خبر مابيجيك خير)
كلماته واضحة ومفهومة...اصلا حتى شهود الزواج كانوا اصحاب نايف ,,,وزيد مجرد طرطور بالسالفة؟؟؟
انا أي حظ هذا اللي رماني عليك يانايف أي حظ؟وش اللي خلاك توقف بوجهي وبطريقي,,,
متزوجني بس علشان تكفخني براحتك وترد لي الكف اللي عطيتك اياه كفوف؟؟؟؟
ياترى هل انت مريض نفسي يانايف ولاعقلك فيه نقص؟؟؟؟
انا حاسة بالرعب ومن طلعنا من ذاك البيت وجينا ها الشقة حاسة نفسي بموت من الخوف,,,
رجعها صوت نايف الفرحان للواقع وهو واقف قباله بعد ماراح يقفل الابواب بعد طلعة الشيخ وزيد واصحابه,,
نايف/حيا الله صبا....شلونك يبى؟
ماتدري ساعتها ليش كل جسمها قام يرجف,,,,وحست ان ورى ها الكلام والانبساط اللي بصوت نايف اعصار قوي جاي لها وبيذبحها,,,
ضمت عبايتها عليها بقوة وهي بعدها ماسكة شنطة كتبها على كتفها,,,
كان منظرها بالنسبة لنايف بريْ جدا وهي واقفة كذا وخايفة منه وماعندها غير شنطة مدرستها وكتبها اللي خايفة عليهم,,,حس براحة عجيبة وهو يناظرها بس ماحب يبين لها سعادته وهو بنيته يرد كفها اضعاف اضعاف على راحته وعلى اقل من راحته وياْدبها من جد وجديد وكانه صار مسؤل عنها,,,,,
قطع الصمت مرة ثانية صوته وهو يقول/يبى علامك واقفة كذا...قومي ورينا طولك وشيلي ها العاباية اللي برميها على اقرب زبالة تصادفني وتعالي نسهر ياحلوة؟
صبا بضعف وصوت مايبان /انت وش تبي مني!!!
نايف وهو يناظرها من فوق لتحت/وش يهم بالموضوع!!!انتي اللحين صرتي جزء من املاكي؟
صبا بنفس الضعف/بامكانك ترد الكف كفوف مثل ماتبي بدون ها الحركة السخيفة اللي سويتها؟
نايف بغلظة/غلط ياصبا...لازم العالم كله ينسى ان في بنت حلوة اسمها صبا,,,صح ولا انا غلطان؟علشان اعرف اتفاهم معها زين....
وقفت تناظره واكبر علامات الحزن والخوف باينة على ملامح وجهها..
نايف حط يده على خصرها ومشاها معه وهو يقول/تعالي افرجك على الشقة ياصبا,,,
وقف قلبها من الخوف وحست ان مابينها وبين انه يغمى عليها غير لحظات بس...
اقرب السيارة ياحلوة...تراها مو بعيدة,,,
حست ان كل عرق فيها يرجف وانها مو قاوية توقف بها المكان اكثر,,,
ماراح نتاْخر شوي وبنرجع....
ليش حطيتني بها المكان ياعمي ليش؟؟؟؟
صدقيني مو مطولين بنروح وبنرجع وحبيبك لسه مارجع!!ها شقلتي اقرب السيارة ولابتخاويني لين نوصل لها؟
مستحيل انها تتحمل اكثر دخلت داخل وظلت تمشي وتمشي وتمشي وهي مو عارفة لوين تروح...بس الاكيد انها تبي تبعد عن ها المكان كله لو تروح لجهنم...بس ماتقدر توقف تسمع لها مثل ها الكلام اكثر واكثر,,,,
دموعها الليلة ماهي راضية توقف....ياترى انت قاصد ها الشي ياعمي ومتعمد ولا ماخطر على بالك اني بكون بها الوضع وبها الحالة ؟؟
ياربي انا عمري مااذيت احد ساعدني وارحمني ولاتسلط عليّ شياطين الانس والجن يلعبون فيني؟؟؟
وقفت بنص الطابق الثاني وادركت انها ضاعت بالمكان كله وانها ماتذكر هي من وين جت من الاساس لانها ماحفظت اسم البوابة بس مشت بطولها ودخلت الحمام ورجعت على نفس الخط اللي مشته...
وتشتت فكرها مرة ثانية انها ضاعت هنا ومحد بيلاقيها ,,,,
********************************
رانيا بهمس/وين ليالي مريت عليها ملحقها قبل لاادخل مالقيتها؟
تهاني بنفس الهمس/طالعة مع عمي..
رانيا باسف/غريبة؟وش اللي طلعهم الليلة عاد!!
تهاني/تصريفة من ام جاسر لها علشان لاتكون متواجدة معنا....
رانيا/امممم...قلتيلي...
تهاني/لو شفتيها بعد مالبستها ذاك الثوب تغيرت مية وثمانين درجة....
رانيا بسرعة وكانها تذكرت/تهاني انتي عندك صورة لااصايل اختها؟
تهاني/لاطبعا..وبعدين هذولا حتى صور جواز ماعندهم من وين تبي تجيبن لها صورة ياحظي؟
رانيا/......
تهاني/ليه تسالين؟
رانيا/ها....لا بس كان ودي اشوف اختها من كثر ماحكت لي عنها باليومين اللي راحوا...
تهاني/لا وين ووين...صحيح ان ليالي حلوة وفيها شي غريب يخليك تاناظرها وماتمل...بس اصايل فيها جمال حاد ..جمالها ملفت اكثر من ليالي..
رانيا بانبهار/صدق..احلى من ليالي؟
تهاني بتاْكيد/أي والله....
رانيا باسف/خسارة..
تهاني/وش خسارته؟ان اخوك مااخذها؟
ظلوا يناظرون في بعض وبعدها قالت تهاني باصرار/اصلا اخوك مايستاهل اصايل وهي تستاهل سيد سيده,,,
*******************************

ضاري/هذا ياانه تجنن او انه عقله صابه شي؟
جاسر/يوم قال لي امس حسيت ان السالفة ابسط من اللي ممكن يصورها لي عقلي...بس يوم دق لنا اليوم وقال انه بيتزوجها ادركت ان نايف فيه شي ماهو طبيعي؟
ضاري/يبى انا مو مصدق ان السالفة انه يرد كرامته وبس!!
جاسر/وش تقصد يعني؟
ضاري بانفعال/بيرد كرامته لانها عطته كف يقوم يتزوجها؟؟؟يبى يكفخها على راحته ومثل مايبي بدون مايتزوجها وين المشكلة يعني؟
جاسر بتشكيك/تقصد انه يحبها مثلا!!
ضاري/يجوز..
جاسر/لا انا مو معك...نايف مايناظر بها الاشكال ابدا!!!هو بس يبي يذلها ويهينها على راحتها وبعد ماياخذ منها كل اللي يبيها ويرميها بعدها....
ضاري/وليش الزواج بالله!!!لو سوى ها الشي ...
قاطعها جاسر/مو لهدرجة يعني ياخذ منها اللي يبيه بدون ارتباط بينهم!!!
ضاري/زواجه منها غلطة؟
جاسر/ومنو داري عاد عن ها العرس ياضاري؟انا وانت واللوح اخوها ....
ضاري/مدري حاس اني مو مرتاح ابدا لها السالفة وانها بتجره لسوالف ثانية!!طيب ماهو خايف تحمل منه وتجيب عيال!!!
جاسر/ضاري وش فيك؟متابع افلام هندية انت!!!وش تجيب منه عيال!!وحتى لو صار يوديها ينزل اللي في بطنها مافي مشكلة ولاانت ناسي ان ماوراها احد يسال عنها ابدا!!!
********************************
ناظرت بالساعة اللي جنب فراشها..كانت فوق الثنتين ونص,,,,
ضمت لحافها فوقها وهي تمسح فيه باقي دموعها وتستعرض احداث يومها كله من ابتدته مع جدها اللي كارهها وكاره وجودها هنا,,,,
لين جتها تهاني ولبست وفرفشت وحست ان في احد مهتم لاامورها ويبيها.....لين طلعت مع عمها ذيك الطلعة الله لايعودها ان شاءالله,,,,
كل كلمات الشباب اللي سمعتها..غمزاتهم,,نظراتهم لها...حست انها بتفجرها,,,ضياعها بذاك المكان الكبير وتوها وماتدري شلون قدرت ترجع مرة ثانية ,,,عمها اللي تاخر عن موعده اكثر من ساعة وادركت بعدين باحساسها انه نسيها اصلا..واللي ماقال لها أي شي من ركبت معه السيارة؟؟
ليش يصير معي كذا ليش؟؟؟
وش سويت لااهل ها البيت علشان يعاملوني بها الطريقة بس ياربي,,,,
ظلت تبكي وتبكي وتبكي بكل حرقة وهي تناظر ها الثوب الاحمر اللي قدامها ياترى فعلا كنت فيه مميزة وجميلة مثل ماقالت تهاني..ولاهي بعد تجبر بخاطري ليس الا؟؟؟
********************************
طلع الصباح على ثنتين وهو يحمل بين طياته لهم اشياء ماهم قادرين يخططون لها,,,
صبا واصايل,,,,
اصايل اللي من بعد طلعت الشمس ركبت مع ابوها السيارة جايين الشرقية وعلى شفايفها اكبر ابتسامة ابتسمتها بحياتها,,,,
كانت حاسة بشي قاعد يطير فيها ويرفرف فيها الى اعلى سما,,,
اليوم راح تتغير حياتها الى الابد ,,,
اليوم بتودع حياة الهم اللي عاشتها بها القرية وحبستها طول ها السنين في ها البيت اللي من ماتت امها وتركتها فيها ماذاقت فيه طعم الراحة ومن بعد ماتركتها ليالي حست انها غريبة عنه وماتنتمي له,,
اليوم راح تشوف العالم بمنظار ثاني اسمه ضاري....راح تحبه وتغليه وتخليه يكون كل حياتها وبتكون هي كل حياته,,بتعاهده على الحب وبتعيشه بسعادة لاسيما انه قاعد ينتظرها,,,
هاذي كل احلام اصايل بذيك اللحظات وتفكيرها اللي مو قادر يشرد غير بضاري!!!!
********************************
اما صبا فتحت عيونها بثقل رغم ان النوم جافاها طول الليل ,,قعدت وهي مرعوبة ..نقزت بسرعة من الفراش ولفت بسرعة ولقته نايم جنبها فزعت وهي تتذكر ليلة البارح وشلون مرت واي معارك صارت فيها,,,
نزلت دموعها من جديد وهي تعيش الحدث مرة ثانية ,,,
كانت البداية دمعات خفيفة تحولت الى شهقات خلت نايف يفتح عيونه وهو يناظرها,,,,,
تسند على كتفه وقال بسخرية/تنامين على البكي وتصحين على البكي!!انتي ماتتعبين!!
زاد بكيها بقوة اكبر وهي حاضنة مريولها وكتابها وفهم عليها انها ماراحت الاختبار,,,
نايف/تبين تروحين؟
ناظرته بحقد ,,,وش يعني كلامه بها الوقت...صارت الساعة ثمان ونص وقربوا البنات يطلعون من القاعات وهو يشمت فيها حضرته..
نايف بجدية/اذا فيك حيل تروحين بوديك ولاتحاتين بتجيبن النتيجة اللي تبينها؟
ماكان في أي سخرية بصوته وتاْكدت انه جاد ولو تبي اسئلة الاختبار بيكونون عندها..لكن ها الشي مو من طبايعها...اصلا بداخلها شي انكسر ومابيتركب ابدا,,,,
نايف وهو يرفع يدينه فوق/تصدقين اول ليلة بحياتي انام بدري كذا!!رغم اني متعود اسهر كل ليلة؟
طلقني,,,,
لف لها يناظرها بعد ماسمع ها الكلمة ولقاها رافعة راسها تناظره بشموخ وباقي اثار الدموع متجمعة فيها وعاطيتها براْة اكثر واكثر,,,
اعتدل بقعدته وقال بشماتة/خير اخت صبا ,,تكلميني انا!!
صبا بقوة وصراخ/اكرهك..تفهم وش معنى اكرهك؟يعني كل شي فيك يخنقني!!!
********************************
طلع الصباح من بعد ليلة حزينة قضتها بالبكي والدموع والتفكير بحياتها,,,,
وينك يابيت ابوي وينك؟
وينك ياخالتي ام عبدالله,,,,
ماكنت عايشة بسجن مثل ماكنت متصورة ..كنت عايشة بالجنة وبرجلي طلعت منها لنار حارة ماترحم!!!!
الله يرحم ايامي بذاك البيت....ودي ارجع له واظل هناك لااخر عمري واطلع من ها السجن اللي خانقني,,,,,
لمتى بس بظل كذا عايشة هم على قلبهم وماهم قادرين يتحملوني!!!
وش سويت لهم عاد ....وش ذنبي اللي جنيته وخلاني كذا بنظرهم!!!!
كانت حاسة براسها بينفجر من كثر سهرها وبكيها ومع ذلك قامت تبدي يوم جديد ماتدري وش اللي ممكن يحمله لها من مفاجاْت!!!!
********************************هتون/يبى....
كان قاعد بروحه بالصالة ورفع راسه يشوفها,,
هتون/غريبة قاعد بدري وبروحك....شتفكر فيه؟
ابو جاسر بتفكير/هتون...
هتون/نعم يبى,,,,
ابو جاسر/البارحة ....
هتون/شفيها؟منهي من عماتي كلمتك؟
ابو جاسر/محد منهم كلمني...بس انا...
هتون/شفيك يبى...قايلة لك بنت اخوك شي وقلبت مزاجك؟
ابو جاسر بتفكير/ياليتها قالت على الاقل كنت ارتحت وماظليت افكر....
هتون/شتفكر فيه يبى؟؟؟يبى قول شفيك؟
ابو جاسر/البارحة اخذتها وتركتها عند الراشد قلت بتتسوق البنت هناك مثلك ومثل اختك....
هتون/.......وبعدين؟
ابو جاسر/ماذكرتها الا الساعة ثنتين انها هناك....كانت واقفة عند البوابة مثل ماتركتها,,,,,وحسيت بضيق جاني ...لاني نسيت ان ماعندها لاجوال ولافلوس ولاتدل هنا مكان؟
جاسر من وراهم/منهي هاذي اللي نسيتها بالراشد ومامريتها الا الساعة ثنتين ومامعها لافلوس ولاجوال!!!!سويت فيلم هندي يبى؟
هتون بشماتة/ام عيالك؟
جاسر قعد وهو يناظرها وقال بقوة/تخسي!!ان شاءالله ها البدوية؟
هتون/أي....
ابو جاسر/كان موقفي غلط ..بس والله نسيت ها الشي ولاانا مو قاصد اني احطها بها الموقف ابدا!!!مهما كان انا ماراح ارضى ان وحدة من بناتي تتعرض له؟
جاسر/يبى بعد انت الله يهداك....مادورت توديها غير الراشد؟؟؟؟هاذي وديها رازم ولامكان بو ريالين هناك ششغلها؟
ابو جاسر/جاسر لاتزيدها عليّ!!
هتون/انت ليش مضيق خلقك اللحين؟
ابو جاسر/استحيت اقول لها أي شي...وتمنيتها تقول أي شي علشان ارتاح؟
جاسر بقوة/تخسي تحط لسانا بلسانك؟والله لو تسويها اقطعه لها؟مدري من بنته اللي بتجي وترفع صوتها بوجه بوجاسر؟
********************************
نفس الموقف اللي قعدت فيه ليالي يوم ملكتها من جاسر انحطت فيه اللحين اصايل,,,
ظلت واقفة بالحوش يوم دخلوا البيت وهي مبهورة بالبيت وتقول في نفسها يارب اعيش هنا,,,
كانت واقفة جنب ابوها اللي ينتظر الشغالة تفتح المجلس لانها اكتفت تتركهم عند البوابة لين تشوف اهل البيت اذا يبونهم ولابتردهم من مكان ماجوا(شغالة ام ضاري والاجر على الله)
ابو عبدالله بعصبية/غطي وجهك لايجيك كف يدفنك مكانك؟؟
اصايل بتاْفف/زين....وبعدين مافي احد يبى,,,,ابي اشوف بيتهم شلون صاير؟
ابو عبدالله/انتي ماتسمعين الكلام؟
اصايل/طيب....
نزلت غطاها على وجهها وطلع ضاري بها اللحظة وهو يصفر ويغني وماشكله يدري انهم هنا,,,لين صار بوجههم,,
ضاري بدهشة/عمي!!!
وقف قلب اصايل وهي تشوفه لانها عرفت ان ضاري ماعنده اخوان...يعني هذا زوج المستقبل يااصايل...يازينه زيناه,,,بس لو اقدر ارفع الغطا واشوفه براحتي!!
ابوعبدالله/هلا والله بضاري..هلا بولدي....يعني معقولة ترجع من السفر ولاانت تكلم ولاابوك؟
ضاري بشماتة/وليش تبيني اكلم بالله!!
ماتدري ليش لحظتها اصايل وقف قلبها وحست بالخوف من اسلوبه ولهجته,,
ابو عبدالله/ابوك ماكلمك...
ضاري بنفس الشماتة/ليش ابوي ماقال لك؟
ابوعبدالله/عن شنو؟
ضاري وهو يناظر بالخيمة السودة اللي واقفة جنب ابوها ويقول بشماتة/بنتك ماتلزمني حتى شغالة!!!انا ماابيها!!!
********************************
حطت يدها على خدها من قوة صفعته,,,وهي تتحس خدها الحار ودموعها يسيلوا على خدودها بصمت,,,
نايف بقوة ووجه لازق بوجهها/هذا اول كف....الباقيين جاييين بالطريق ان شاءالله....
ماعرفت شتقول ولاشترد ظلت ساكنة بمكانها..
نايف وهو يرفع راسها بيده بقوة المتها كثير وهو يقول بشماتة/لايكون على بالك تزوجتك علشان اني اموت فيك؟؟؟؟يبى اذا انتي تكرهيني مرة فاانا اكرهك عشرين الف مرة ..وانتظري وبتشوفين يابنت الفقر...اذا ماادبتك وبعدها رمتيك بالشارع مجنونة ماتعرفين حتى اسمك مااطلع انا نايف..قالت شنو قالت انا اكرهك وطلقني!!!يبى بطلقك بس نطري شوي...
مابعدك انذليتي عدل؟؟؟
***
*********************

 
 

 

عرض البوم صور بياض الصبح   رد مع اقتباس
قديم 21-08-10, 06:43 AM   المشاركة رقم: 15
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

---البارت الخامس عشر---

,,,,,,,,,,,,,,,,,,,,,,,,,,,,,,,,
هي صدمة حقيقية كانت بالنسبة لها وجمدتها بمكانها,,,,
اكيد في شي غلط بالسالفة؟؟مو هذا ضاري اللي قالت لي عنه ام عبدالله انه بيموت على مااكون عنده؟؟
ام عبدالله...معقولة كانت تتشمت فيني وهي عارفة انه مايبيني!!!!
كذا وبكل بساطة؟؟؟مايبيني ومالزمه حتى خادمة؟؟؟
....اصلا هي صارت بعالم ثاني بمجرد سمعت كلمة ضاري ونظراته مادرت وش اللي انقال بعدها ولا شلي صار؟؟
كل اللي عرفته انها ماقدرت توقف علشان تسمع اكثر واكثر من اصواتهم اللي ارتفعت وانها قدرت بالموت تمشي وتروح عند سيارة ابوها حتى ماقدرت تفتح حتى باب السيارة وبمجرد مسكته طاحت على الارض وهي تبكي,,,,
ليش ياربي ليش...انا كنت فاكرة اني ببدي حياة جديدة معك ياضاري,,,
يوم انه مايبيني ليش قالت لي ام عبدالله انه ....هي منها ..هي السبب.. لكن وين بتروحين مني ياام عبدالله وين؟؟بردها لك صدقيني بردها,,,
لك انتي وابوي على ها المذلة,,,,,ولك انت بعد ياضاري....
ماتدري كم من الوقت مر وهي مرمية كذا عند السيارة تبكي وتنتحب اهانتها ومذلتها لين شافت ابوها واقف قبالها يناظر وهوبقمة عصبيته,,,
ابو عبدالله/قومي ركبي السيارة,,,
حاولت تهدا شوي وقالت بعناد/على وين؟بتدور لي على عريس ثاني ترميني عليه؟
ابوعبدالله/ووجع اللي يوجعك ان شاءالله؟؟؟انتي ماتستحين؟قومي ركبي السيارة بس لاتفشليني؟
اصايل بقوة /ماني راكبة ولاني رايحة معك مكان وبتوديني عند ليالي اللحين يعني بتوديني مالي شغل؟
********************************
كم من الوقت مر ياصبا وانتي حابسة نفسك بها الحمام ؟؟؟
ولمتى بتظلين محبوسة داخله وانتي خايفة تقابلين ها الوحش المخيف؟
بس ياترى بتقدرين تصمدين اكثر!!!!
تحسست خدها اللي صار احمر من صفعته...هذا مافيه عقل اذا قارن كفي بكفه؟؟انا مايتراواللي اني ضربته بها القوة!!!
راحت الامتحانات عليّ وخاب املي....حتى هالحلم ماقدرت اكمله واكمل حتى الثانوية العامة والسبب انت ياالحقير...
لكن اذا مفكر اني بسكت لك غلطان....ماني قاعدة لك بها المكان لو شيصير بالعالم....
اذا تزوجتني علشان تكفخني براحتك وتقعد تذل فيني فاانت غلطان ياولد التميمي...انا بعد عنيدة وراسي يابس ومااتنازل ابدا عن حقي حتى لو كنت انت اللي بتكون ضدي وواقف بوجهي,,,,
نايف بقوة من ورى الباب/اذا مفكرة انك بتقعدين يومك بطوله في ها الحمام فاانتي غلطانة لاني اقدر اكسر الباب!!!
تنهدت بقوة وهي تمسح دموعها...بس بينها وبين نفسها قررت انها ماتطلع له واذا هو يبي يكسر الباب خليه يكسره واقصى مافي راسه يسويه؟؟؟
********************************
تهاني/يمه..
ام احمد/نعم يمه...
تهاني/كلمتي خالي
ام احمد/لا..
تهاني/ليه ؟؟
ام احمد بتنهيدة/لانها بنت اخوه واذا طلع معها مااقدر احاججه...
تهاني/وش معنى طلع امس ماطلع اللي قبله ولااليوم مثلا؟
ام احمد/يمكن ماعنده وقت الا البارح والكل مشغول وحب انه يظل معها بروحهم ومايضايقهم احد؟
تهاني/يمه لاتدافعين انتي عارفة ان الطلعة ماهي فكرته فكرة ام جاسر..
ام احمد/واذا قال لي انها فكرته مو فكرة مرته اقوم اكذبه يعني!!!
تهاني/اووووووف...
ام احمد/شسويتي بامتحانك اليوم؟
تهاني/ممتاز بس انشغل بالي على ليالي....
ام احمد/الله يكون بعونها المسكينة.....خالتك مو طلعت لها جوال؟
تهاني/أي بس البارحة ليالي ماكانت موجودة علشان تعطيها اياه....
*******************************


ام ضاري بعصبية/ليش بالله انت مارديت عليه من اول وقلت له انه ضاري مايبيها؟
ابو ضاري/انا بس قلت..
قاطعته بعصبية/انت شنو بالله ماتقولي!!
ابو ضاري بتردد وهو يناظر مابين ضاري وامه/قلت يمكن ضاري يغير رايه اذا سافر ورجع؟
ام ضاري/نعم نعم!!!وليه يغير رايه بالله!!
ضاري بشماتة/قلت يمكن اني اشوف بنت اخوك وتطلع ملكة العالم واتوه من سحرها الفتان يبى؟ولاعلى بالك ان ضميري بيانءبني هناك وبقول اخذ فيها ثواب واستر عليها وعلى بلاويها؟ابو ضاري بحسرة/يعني انت بعد ياضاري ماقدرت تمسك لسانك عن عمك وانهديت فيه كذا مرة وحدة؟بالهداوة يبى كل شي يصير؟
ام ضاري/لاعيوني ولدي رجال ودمه حار يخلص سوالفه كلها بدل مايقعد لي على الهداوة اللي كانت بتفشلنا اليوم؟ومادور اخوك المغثة يجي غير في عزيمة ولدي؟
ضاري/افا عاد يالغالية وان شاءالله خاطرك تكدر؟ولايهمك ترى عطيته كلام حلف انه مابيرجع يدخل بيتنا مرة ثانية؟
ام ضاري/زين سويت فيهم عيال الفقر؟
ابو ضاري/لاحول الله ولاقوة الا بالله العلي العظيم,,,
ام ضاري/ابوك الشيبة راح بيتهم ولامابعد؟
ضاري/مااتوقع ..شكله لسه هنا؟
ام ضاري/وش ينطر ان شاءالله للحين ماراح؟انا عندي حوسة وماابي احد يضيق خلقي قوم وده لاني طرشت السايق يجيب لي اغراض؟
********************************
في ملحق ليالي,,
ليالي بفزع/يبى شفيها اصايل؟
ابو عبدالله بتهجم/مافيها شي....
اصايل بذيك اللحظة كانت تبكي وهي تشاهق....
ليالي بخوف وهي تضم اصايل لها/شلون يعني مافيها شي؟منت شايفها تبكي؟
ابو عبدالله/...........
ليالي/تكلمي قولي شصاير شغلتي بالي يااصايل؟فيك شي؟تعبانة من شي؟احد مزعلك ولامضايقك؟سمعتي عن متعب خبر يضايقك قولي لاتخليني على اعصابي!!!
ابو عبدالله بعصبية/خلاص انتي قلتي بشوف اختي وهذا انتي صار لك نص ساعة وانتي قاعدة معها يالله قومي فزي ورانا مشوار؟
بها اللحظة اندق الباب وقامت ليالي تفتح الباب وكان عمها واقف عند الباب....
ليالي بخوف انه يكون في شي لان عمها اول مرة يجيبها/عمي..
ابو جاسر/مافي تفضل؟
ليالي/حياك...
ابو جاسر بتشكك/شكلك معك ضيوف؟
ليالي كانت خايفة ان اصايل فيها شي وعمها جاي علشانه بس شكله عمها مايدري عنها ولاعن ابوها بس قالت/ماعندي غير ابوي واختي اصايل؟
ابو جاسر/اخوي هنا محد قال لي!!
ليالي بترجي وهمس/عمي تكفى طلبتك قول تم؟
ابو جاسر/في شي...
ليالي/اذا ماعندك مانع اطلب من ابوي ان اصايل تنام عندي الليلة حاسة ان فيها شي وابي اكون قريبة منها؟

********************************
عند باب بيت الماجد...
نور/زيد..شفيها صبا ماجت اليوم تمتحن؟
زيد وهو يناظرها/مافيها شي؟
نور بعصبية/شلون يعني مافيها شي؟
زيد/مثل ماسمعتي....
نور/اقولك ماجت تمتحن وانت تقولي مافيها شي؟هي وينها؟
زيد/ماهي هنا....
نور بخوف/وينها؟
زيد/راحت بيت زوجها؟
نور بفزع/وين؟؟؟؟
زيد/سمعتي راحت بيت زوجها...صبا تزوجت ولاتساليني شي اكثر؟
نور/زيد انت متاْكد من ها الحكي اللي قاعد تقوله؟متى تزوجت؟قبل اسبوع كنا مع بعض؟
زيد/سمعتي اللي تبين تسمعينه خلاص ماعندي شي اقوله اكثر بعد؟
نور بعصبية/السالفة فيها نايف مدري وش اسمه؟
زيد بانتباه/منو؟
نور بنفس عصبيتها/السالفة فيها ذاك الرجال اللي انت سرقت منه صح؟
زيد بعصبية/حسني الفاظك احسن لك؟وبعدين انتي وش عرفك انه بيكون هو؟
نور/لانك ماتدري عن شي ياحظي...كانت خايفة وتلاقيها متعذبة هذا مو ادمي بالمرة ويجوز انها ماتت؟
زيد/انتي شقاعدة تخربطين؟قولي اللي تعرفينه بسرعة؟
نور/مو قبل لاتقول انت اللي عندك..كلمة بكلمة ولا مني قايلة لك شي ابدا!!
********************************
كان يصارخ ويصارخ ويصارخ وهي واقفة ببرود اعصاب وماكانها تسمع شي...
هو مو قاعد يهدد انه بيكسر الباب خل يكسره يالله انا ماعندي مانع؟
مرت ثواني صامتة وقف فيها صوته وبعد دقايق بطيئة صارت تسمع اصوات تكسيرعلى الباب ووقف قلبها وراحت ذيك الثقة..
يعني الباب بينكسر....وش بيسوي فيني اللحين؟
غمضت عيونها بالقوة ومامضت فترة طويلة لين انفتح الباب فتحت عينها وسوت نفسها طبيعية...
نايف وهو يناظرها ومستغرب منها...توقع يدخل يلقاها ماتت ولاانتحرت اما انه يدخل ويلاقيها واقفة بها البرود وها الكبرياء ها الشي ابد ماتخيله وتنرفز بقوة وقال بعصبية/مشاء الله..اشوفك للحين عايشة مامتي!!!
صبا بقوة/وليش تبيني اموت!!!ان شاءالله اللي يكرهوني قبلي!!!
نايف/شي واحد ابي افهمه انتي ماكنتي تسمعيني اناديك واكلمك ...ليه مارديتي عليّ!
صبا بسخرية/كنت بشوفك قد كلامك بانك تكسر الباب ولا بس تصفصف حكي ماتسويه؟يعني بالمختصر رجال قد كلمته ولامنت برجال؟؟؟
نايف وصبا قاعدة تتشمت فيه ثارت ثوايره ذيك اللحظة,,,
تقرب منها ولو كان في يدينها تحلف ان الشرر كان يطلع من عينه كان حلفت بس كل عرق فيها تيبس ذيك اللحظة وماقدرت تتحرك من مكانها حتى يوم جرها من شعرها وسحبها بقوة وهو يصارخ بعصبية/انا مو رجال ياصبا؟؟؟ليه وش شايفتني قدامك ان شاءالله ولاللحين ماتعلمتي من اللي جاك البارح اني رجال ؟؟؟زين انتي تبين الحرب تفضلي انا ماعندي مانع!!!
صبا وهي تبكي من الالم/اتركني واللي يرحم والديك اتركني...والله ماني قاوية اوقف,,,,
نايف بصراخ/انا مورجال ياحقيرة؟انا تبين تشوفين اذا كنت قد كلمتي ولالا؟طيب شوفي اذا كنت قد كلمتي ولا....
ماقدر يكمل كلامه لان صبا صرخت صرخة وطاحت من يده على الارض وهو يجرها من الحمام للصالة ,,,
*******************************

وحده كان قاعد بالملحق بروحه يفكر بللي شافه قدام عينه...
حاس بالتعب والخنقة والكتمة,,,وضيق الخلق,,
عيال ماتربت بجد,,,,ولااحد يوقف بوجه عمه حتى لو كان عمه ردي ويقوله ماابي بنتك!!!
والله مااخس منكم ياعيالي الا عيالكم اللي ماعرفتوا تربوهم؟
كذا وبكل قلة ادب ياولد ام ضاري تقولها بوجه عمك,,,صدق اني مااتواطن انا وعمك بس هذا اللي تربيت عليه وتعلمته بالجامعات والمدارس,,,,
يقولك ماني طاب بيتكم مرة ثانية وتقوله ابركها من ساعة!!!!
والله اني احس ان ضهري انكسر اليوم من كلامك يالشين؟والمشكلة ابوك مثل اللوح قدامك ماهو قاوي يقول كلمة من بعد كلمتك؟؟؟
عيال لاباركت فيكم تضيقون الخلق وتقصرون العمر ,,ياتربية الحريم!!!
********************************
نايف بخوف وهو حاط راس صبا بين رجليه/صبا...صبا كلميني؟
كانت هادئة جدا واقرب الى الموتى من الاحياء...كل شي فيها هادىء بس اللي كان مطمنه انها تتنفس,,,
نايف بخوف/صبا....قولي شي...انتي حاسة بشي...قادرة تتكلمين ولامنتي قادرة,,,,
كانت يده تمسح على شعرها اللي كان جاره قبل شوي وحس بالندم والحسرة انه قعد يتعامل معها كذا..
صبا صغيرة وضعيفة وماتتحمل أي شي..وانا من صباح الله خير طايح فيها اللحين تكفيخ واللحين ضرب؟
ياربي وش اسوي اذا ظلت كذا وماردت علي!!ّ
لازم تشوفها دكتورة اللحين وبسرعة واعرف وش اللي صار فيها...
سند راسها على الارض وقام بسرعة يدور جواله,,,
********************************
جاسر/احم احم,,,
شمايل/هلا وغلا...
جاسر/قاعدة بروحك؟
شمايل/والله....
جاسر/ليش وين اختك؟
شمايل/راحت تجهز لها ثياب لليلة؟
جاسر/لبيت عمي؟
شمايل/أي...
جاسر/ماقلتيلي منو كان البارحة موجود ومنو اللي حضر وشنو صار؟
شمايل/ليش بالله انا شفتك من البارحة لليوم عاد!!
جاسر/أي معك حق,,,
شمايل/ليه مارحت اليوم الدوام؟
جاسر/يوم الثلاثاء اداوم,,,باقي لي يومين,,,
شمايل/ووين مفكر توديني بها اليومين ان شاءالله؟
جاسر/انتي ماوراك اختبارات؟
شمايل/باقي لي الاسبوع الجاي واحد وبس!!!
جاسر/المهم شصار البارح,,
شمايل/والله وناسة لولا عماتي اللي كانوا قالبين وجوهم طول الوقت,,
جاسر/ان شاءالله علشان ست الحسن والجمال ماكانت موجودة؟
شمايل/على قولتك,,,,
جاسر/ومنهي كانت احلى وحدة فيكم البارحة من البنات الحلوين؟
شمايل/امممم...الكل...ويمكن انا بس!!
جاسر/والله!!!
شمايل/ههههه..
جاسر/ليش انتي وش كنتي لابسة؟
شمايل/وليش تسال؟
جاسر بخبث ولحاجة في نفسه قال/مدري بس يمكن لو انك لابسة احمر البارحة كنتي بتكونين الاجمل؟
شمايل/وش معنى الاحمر عاد!!
جاسر/لانه لوني المفضل(طبعا من امس بس)
شمايل بضحكة/تصدق بالله كل الموجودين البارحة كانوا لابسين احمر باستثناء امي وعمتي ام احمد وخالتي ام عادل؟؟
جاسر بانت الصدمة على وجهه وقال بخيبة امل/كل الموجودين..
شمايل/أي والله شفت الصدفة,,,
رحم بحاله ان جواله دق ذيك اللحظة ورد بعصبية/هلا نايف.......شفيك....ليه....طيب بشوف وش يصير معي وبرد لك خبر يالله باي,,,********************************
ابوعبدالله/يالله مشينا,,,
ابو جاسر/ابو عبدالله بغيتك بكلمة عند الباب,,
ابو عبدالله/في شي,,,قالها وهو يناظر بليالي,,,
ابو جاسر/سلامتك بس كلمة بيني وبينك,,,,
طلع ابو عبدالله وطلع وراه ابو جاسر ولفت ليالي لااصايل اللي كانت تناظرها واللي اضطرت انها توقف عن البكي يوم ابو جاسر يدخل عليهم,,,,
ليالي بخوف/ماراح تقولي لي شصار؟
اصايل بحزن/بموت ياليالي....
ليالي بخوف/اسم الله عليك....ليه تقولين كذا؟؟وليه جايين انتي وابوي اليوم هنا؟
اصايل بضعف/جابني ينهي حياتي ....
ليالي/..........
اصايل/بس ماانتهت لاتخافين,,,
ليالي/شلون يعني؟
اصايل/وين جاسر؟
ليالي/وش تبين فيه؟
اصايل/ليالي...انتي فيك شي...
ليالي بتنهيدة/بس اسمع سالفتك بقولك عن سالفتي بها البيت؟
اصايل/يعني منتي مرتاحة هنا صح؟
ابو جاسر/ياليالي..
ليالي قامت/بشوف عمي وبجيك..يارب يكون اقنعه؟
اصايل/اقنع منو؟
ليالي/ثواني وجايتك؟
********************************
بعد ماطلعت الدكتورة من شقة نايف,,,
سكر باب غرفة النوم على صبا وراح لجاسر اللي واقف عند الباب,,
جاسر/تعال انت..وش اللي صاير عندك؟
نايف/لا الحمد الله بسيطة تقول عندها ارهاق وشوية تعب من قلة الاكل علشان كذا جتها حالة الاغماء,,,,
جاسر/وش اللي صار بينكم؟
نايف/وش بيصير بينا يعني؟ولاشي غير ان احنا متزوجين البارح؟
جاسر/نايف...وش اللي مدخل ها البنت براسك ابي افهم؟
نايف تنهد/هاذي لعبة ولازم اتمها للنهاية ياجاسر مهما كان,,,
جاسر/طيب انت ملاحظت انها تعبانة ولاانها مااكلت شي,,,
نايف/والله كنا نتهاوش ومالقيتها الاطاحت عليّ!!
جاسر/وش له الهواش ياعريس؟توك تقول البارحة متزوج تقوم صباحية عرسك تهاوش مرتك؟
نايف بنرفزة/ان شاءالله تبيها تمد عليّ لسان وش طوله واسكت لها؟مستحيل طبعا!!
جاسر/الله يسامحك على ها اللعبة الشينة...المهم انا ماشي تبي شي؟
نايف/لاسلامتك...
جاسر بشماتة/روح ياعريس داري ام العيال اللي طاحت عليك من اول يوم؟؟؟
سكر الباب اول ماطلع جاسر وراح لغرفة النوم,,,
ظل واقف يتاْملها...كانت ضايعة بالفراش الكبير بحجمها الصغير..
تقرب منها وظل يناظر فيها..
كانت جميلة حييل وشعرها منثور عليها بطريقة مهملة زادت من جمالها...
مايدري أي شعور تملكه ذيك اللحظات وحس بخوف انه يفقدها في أي لحظة من لحظات حياته وانها ماتكون معه,,,
لبسه الخوف من فوقه لتحته ودخل الفراش وتمدد جنبها وسحبها من يدها وحضنها بقوة وهو خايف انها فعلا تضيع منه,,,
*********************************
ابو جاسر/خلاص بتقعد عندك اليوم؟
ليالي بفرح/صدق عمي...مشكور عساني ماخلى منك؟
ابو جاسر/ولو انه نشف ريقي على ماوافق....بس علشانك..
ليالي/يارب ارد لك ها الجميل اللي سويته لي ياعمي..
ابو جاسر بجدية/ليالي..بالنسبة للبارح..انا نسيت ان.,,
قاطعته بسرعة/انا نسيت ليلة البارح واللي جرى فيها..وياليت انت بعد تنساها ياعمي؟
تنهد بارتياح وهو يناظرها وطلع,,,
ليالي بفرح عند باب الصالة,,,/عطيني البشارة؟
لفت لها اصيل وعيونها غرقانة وشكلها ذبلان وقالت بضعف/ليه؟؟
ليالي بنفس الفرح/لانك بتقعدين عندي الليلة ابوي راح البيت...وراحت لها طيران تحضنها وسط دموع اصايل اللي انفجرت بالبكي مرة وحدة,,,
ليالي بخوف وهي تبعد عنها/اصايل قولي شفيك هذا احنا صرنا بروحنا؟
اصايل وهي تشاهق/الحقير..يقول انا مالزمه حتى خادمة؟؟؟
ليالي/منو اللي يقول ها الحكي؟
اصايل/منو غيره...ضاري عسى ربه مايرضى عنه؟؟
ليالي/انتوا كنتوا جايين بيت عمي؟
اصايل/أي...لكن وين بتروح مني ام عبدالله والله لااردها لها...
ليالي/وهي شيدخلها في ضاري؟
اصايل/من ليلة اللي تزوجتي كانت مفهمتني ان ضاري يبيني وانه مستعجل على العرس وانه يتصل في ابوي يسال عني وعيشتني على ها الحلموانا صدقته وعشت بالموضوع بجد,,,
ليالي/طيب عمي ماكلمه,,,
اصايل/لا...رحنا البيت لهم وطلع هو بوجهنا وقال ها الحكي وبعدها مدري وش قالوا لاني طلعت من بيتهم؟
ليالي وهي تضم اختها لصدرها/خيرة يااصايل خيرة زين انك مااخذتيه؟
اصايل بدهشة/ليه تقولين ها الحكي؟
ليالي بتنهيدة وهي تمسح دموعها/علشان لاتعيشين عيشتي يا اصايل..
اصايل/ليه وش فيها عيشتك ياليالي؟وش مسوي لك جاسر؟
ليالي بحسرة/جاسر...اه من جاسر ومن اليوم اللي دخلت فيه بيت جاسر...صدقيني ياليالي يمكن نعمة ان الرفض صار قبل الزواج علشان لاتعيشين وتنحطين بالمواقف اللي انا فيها,,,
اصايل/خوفتيني عليك..قولي شفيك مع جاسر؟
ليالي/سمعي سالفتي من جيت ها البيت اول مرة لين البارح واللي جرى لي!!..............................................
**************************************************


---البارت السادس عشر---
*************************************
فتحت عيونها ببطء شديد وهي تدور بالغرفة بدون ماتتحرك..
كانت حاسة بصداع ذابحها بس ماهي قادرة تفكر لشنو..
سمعت حركة خفيفة بنفس الغرفة لفت وجهها للجهة الثانية ولقته واقف يلبس ثيابه قدام المرايا وانتبه انه قعدت...
تقرب منها وقال /غذاك بالمطبخ لازم تقومين وتاكلين علشان تتقوين سامعتني!!
رفعت راسها بشويش واعتدلت بقعدتها وقام يكمل لبسه وتذكرت اللي صار بينهم اليوم بعد ماكسر باب الحمام وبعد ماضربها وطاحت...وجتها غصة بصدرها وتذكرت انها ماراحت الامتحان اليوم ونزلت دموعها شوي شوي لين طلعت صوت شهقاتها..
نايف بخوف وهو يتقرب منها ويرفع راسها بيدينها/صبا انتي بعدك تعبانة؟
صبا بدموع وبكي/انت احقر انسان شفته بحياتي؟؟؟
نايف سكت وماعرف شيقول,,,,
صبا كملت بقهر/وش كان يضرك لو خليتني اروح امتحاني؟؟؟شسويت لك علشان تهدم مستقبلي وماتتركني اروح الاختبار وتروح عليّ السنة؟؟
نايف بهدوء/بس هذا اللي مزعلك ومضيق خلقك...انك مارحتي الامتحان؟يبى خلاص اذا فيك حيل بكرة تروحين روحي انا ماعندي مانع!
صبا بشك وهي تناظره/متاْكد؟
نايف/أي..
صبا انفجرت بالبكي وهي تقول/وامتحان اليوم اللي راح ؟
نايف/يبى يعيدونه لك بالوقت اللي تبينه وغصبا عنهم وش تبين بعد؟
صبا بصراخ/انت مفكر كل شي على كيفك؟كيف يعيدونه لي بها البساطة كيف؟
نايف بثقة/انا نايف ياصبا نايف....لو تبين امتحاناتك من بكرة لااخر يوم يجونك الليلة ؟الا اذا عندك شك باني نايف؟
صبا وهي عارفة انه اذا بغى يصير قد كلمته يصير قالت بضعف/بس مدرستي بعيدة عن هنا؟
قام نايف وهو يلبس شماغه وقال/انا بوصلك وبرجع اخذك مو مشكلة؟
قامت صبا وهي تناظره لين وصلت لعنده وقال/طالع؟
نايف لف لها/أي...بمر البيت وبعدها بروح الشركة وبجيك اخر الليل؟
صبا بلا مبالاة/وليش تجي وتقعد على قلبي بعد ماله داعي تجي؟
لف نايف وصار قبالها وكتف يدينه وقال بتهديد/شكلك غيرتي رايك وماتبين تروحين بكرة الامتحان؟
صبا بخوف من لهجته/لاخلاص تعال وقت ماتبي مالي شغل فيك؟
نايف سحبها من يدها وقربها منه وقال وعيونه بعيونها/عيديها ثاني علشان ماسمعتها؟
صبا بربكة/أي هي فيهم!!!
اصايل/كنت حاسة ان نيران بقلبي كانت شابة ياليالي بس من سمعت سالفتك حسيت ان سالفتي هينة وماتستاهل اني ازعل نفسي...خيرة اني مااخذته؟
ليالي بتنهيدة/وش اقول لك انا....انتي بالجنة بعدك...لاتتقربين من نار بيت التميمي لاتحترقين؟
اصايل/تدرين شلون الله ياخذ ابو عبدالله اللي هو ابوي وام عبدالله وجاسر وامه وابوه واخوانه وضاري وابوه وفوقهم ابوهم ها الشيبة,,
ليالي/وليش تدعين عليهم عاد؟
اصايل/من القهر اللي فيني ياليالي...حاسة اني بنفجر عنك اذا ماانفجرتي انتي!!!
ليالي/اللحين حسيت بقيمة بيت ابوي بدل ها السجن اللي انا عايشة فيه يااصايل؟
اصايل/وليش تسجنين نفسك....هو مو عايش الدنيا طول بعرض!!خلاص انتي بعد عيشيها مثله ولاتشغلين بالك؟
ليالي/وين تبيني اروح؟
اصايل/ان شاءالله لو كل يوم اروح اغث تهانيوا بس مااقعد هنا؟
ليالي باعتراض/لا يااصايل جدي معه حق انا اسمي فيني متزوجة وعلى ذمة رجال مايصير اطلع من غير شوره؟
اصايل/طلعت روحه هووابوه وجده قولي امين...
دق الباب وقامت ليالي تفتحه..
اصايل بحماس/ان شاءالله عبير يارب؟
ليالي/وهو في غيرها يجيني ياحظي اكيد بتكون هي؟
راحت تفتح الباب وكانت تهاني واقفة..
تهاني/مفاجاءة!!!
ليالي وهي تسحبها لداخل وتقول بفرح/بس مو احلى من مفاجاْتي اللي عندي!!
تهاني وهي تمشي وراها/شوف النذلة وش عندك بتفاجئيني فيه..اكيد شي من البارحة....اه اصايلوا الدبة هنا؟
اصايل وهي قايمة تحضن تهاني بفرح/شوف المغثى تهاني المغبرة...ياانك وحشتيني موووت...
تهاني/مو كثري والله....الا وش عندهم بنات بو عبدالله مسوين اجتماع ومايعلمون؟
ليالي/كيف بقولك بالله؟
تهاني/مدري يمكن عن طريق الحمام الزاجل...
ليالي/شسويتي اليوم بالامتحان؟
اصايل بسرعة/هاذي مايحتاج تسالينها اكيد زين والعلامة الكاملة بعد؟
تهاني/اللهم صلي على النبي,,,,
اصايل/هههههههه
تهاني/بالموت رضت امي اجي عندك كل ماقلت لها اني محتاجة اركز وابي مكان هادى قالت لي لا بتروحين تسولفين مع ليالي ومابتذاكرين...بالنهاية تمسكنت عليك وقلت مسكينة بروحها بقعد معها ظلي ولاظل الاشباح ووافقت!!
اصايل/ياسلاام تمنين على اختي انتي بها الجية لمصلحتك؟
ليالي/انا راضية تمن بس لاتقطعني!!
تهاني/شفتي انا وليالي بينا علاقة حب ثايرة ها اليومين انتي شيخصك يبى؟ترى اللقافة قرافة ياعيوني؟
ليالي/يعني مابتروحين الليلة بيت خالك؟
تهاني/طبعا لا.....ولو ان ام ضاري بتسوي لي فيها سالفة طويلة عريضة تعرفين بعد العشى على شرف حبيب القلب ضويري؟
اصايل/لحظة انتي وياها..وش سالفة ضاري والعشى؟
**********************************
*ريم/وش فيك؟
رانيا بخيبة امل/راحت علينا!!
ريم/منهي!!!
رانيا/تدرين انها كانت هنا اليوم؟
ريم/منهي زين؟
رانيا/اصايل...
ريم/وليش جاية؟
رانيا/جت مع ابوها......ابوها جايبها لضاري يوم عرف انه رجع من السفر....
ريم/وليش جايبها بعد؟
رانيا/مو لان ابوي ماقال لعمي ان ضاري مايبيها قال له ان ضاري مسافر؟
ريم/علشان كذا امي صوتها واصل اخر الدنيا اليوم.....
رانيا/تدرين ان ضاري هو اللي صار بوجههم وقال ماابيها؟
ريم/وانتي ليش مزعلة نفسك؟
رانيا/مدري من كلام تهاني عنها وعن جمالها ومن بعد ماشفت ليالي وقعدت معها حسيت ان في شي فيني تغير؟
ريم/بس امي رايها ماراح يتغير ولاحتى ضاري؟
راينا باامل/قلت يمكن اذا شافها ضاري يغير رايه؟
ريم/لاتخافين ضاري ماراح يغير رايه واذا امي سمعتك تتكلمين كذا ترى مقبرة الشهداء بتكون اقرب مكان يضمك؟؟؟فلاتعيدين السالفة مرة ثانية؟
***********************************
في المستشفى,,,
عبير/ماتشوف شر يالغالي,,,
الجد/الله يسلمك يابنيتي...والله مدري وش اللي كان بيكون جرى لي لو مامريتي علي اليوم؟كنت بروح فيها؟
عبير بحنية/لك طولة العمر يالغالي...لاتقول ها الحكي...انت بعدك شباب بس يبيلك تهتم بنفسك وباكلك شوي وماتخربط؟
الجد بتنهيدة/والله ماغير ضيقة الخلق اللي مرضتني ياعبير؟
عبير/من اللي مضيق خلقك يالغالي عاد؟
الجد/اللي سمعته وشفته اليوم؟
عبير/خير يبى صاير شي؟
الجد/بيني وبينك ياعبير ولايطلع يابنيتي...حسيت اليوم بشي غريب وانا اشوف ضاري يتكلم مع عمه ابو عبدالله...لاحشيمة ولاقيمة ماكانه عمه وكانه اصغر عياله؟
عبير/ليش اخوي هنا؟
الجد/جاي يجيب بنته لضاري؟
عبير/وليش يجيبها عاد!!
الجد/مو لان اخوك ابو ضاري ماقال له ولدي مايبيها وذاك يوم سمع ان ذاري رجع من السفر جاب بنته وعلى باله بياخذونها؟
عبير بتنهيدة/حرام عليه يحط بنته بها الموقف؟
الجد/انا ماهمتني لاهي ولاابوها انا بس ابي افهم كيف ضاري مايهمه شي ويطل لسانه على عمه كذا ..
عبير/تربية ام ضاري يبى وش تبيها تكون يعني!!
الجد/ولو ضاري رجال ماهو صغير ..وعارف الزين من الشين؟
لفت بالشقة تستكشفها على راحتها بعد ماطلع وتنفست الصعداء...
كان كل شي بالشقة يوحي بالفخامة..
الصبغ والديكور والاثاث....حست نفسها قاعدة بشقة من اللي يطلعون بالمسلسلات...
تذكرت انها يوم جت هنا مع زيد بعد ماملكت كانت يافطة على العمارة(عمارة التميمي) يعني الشقة ملكه ويمكن العمارة كلها بعد!!!
تنهدت بقوة وهي تتذكره.....
وش يعاني منه نايف بالضبط.....ساعة هادى ورايق وساعة شيطان مايشوف قدامه؟؟؟
معقولة يكون فعلا مريض نفسي!!!!
طيب اللحين سالفة زيد انحلت ولاانا اللي رايحة فيها؟؟
دق قلبها بقوة وهي تفكر بها الشي لانها من طلعت من البيت مادرت شي عن اهلها ولاسمعت صوتهم...
لفت بعيونها تدور على تلفون باي مكان..وصارت تطلع بغرفة وتطلع من غرفة بس مافي أي فايدة...
مافي الشقة أي تلفون؟؟؟؟
وش تعني ها الحركة يانايف بالله!!!شايل مفاتيح البيت كلهم حتى الحمامات ومافي ولاتلفون واحد بالغلط؟؟
هذا السجن بعينه وعلمه ياصبا وتحملي اللي بيجيك؟؟؟
***********************************اصايل بتفكير/يعني الليلة بيكون فيه عشى في بيت بو ضاري؟
ليالي/أي...
اصايل بشرود/ضاري..
ليالي بخوف/وش فيه ضاري يااصايل؟
اصايل/ابي ارد له اهانته؟
ليالي/شلون يعني!!
اصايل بقوة/يعني مثل ماذلني بذله؟
تهاني بحماس/أي بس شلون انتي ماتعرفين ضويري....
اصايل/مايهمني أي ردة فعل بتكون صادرة منه المهم اني احاول....ماني خسرانة أي شي....
ليالي بخوف/انتي ماتخافين ابوي يعرف يااصايل..
اصايل بقوة/ابوي ماهو هنا والليلة فرصتي...ماابي اضيعها...حبيبتي تهاني بعد عمري انتي!!
تهاني بحماس/حاضرين للي تبينه...بس نبي اكشنات عاد؟
يليالي/اصايل شيلي ضاري من بالك؟
اصايل بعناد/مستحيل طالما اني حطيته في بالي...لازم ارد لو جزء بسيط من اهانته ويارب اقدر...
تهاني/شبتسوين ماقلتيلي؟
اصايل/اول شي سمعي زين اللي ابيه منك,,,,,,,,,,,,,,,,,,,,,,
***********************************جاسر بحسرة/راحت امالي بلاش...شفت شلون الحظ الردي اذا ضرب معك؟
ضاري/خير..وش صار مع جنيتك ؟
جاسر/ماقدرت تعرفها؟
ضاري/ليه؟
جاسر بنفس الزعل/حتى الخيط اللي كنت حاطه انقطع!!
ضاري/شلون يعني!!
جاسر/الثوب الاحمر كان هو اللي بيوصلني لها...وعلى بالي ان السالفة بسيطة؟
ضاري/وش اللي صار بعدين؟لاتقول ان مافي وحدة لبست ثوب احمر بين المعازيم وانها قاصدة تجي لك انت بروحك وبعدها تمشي؟
جاسر/لامو كذا...بس البنات كلهم كانوا لابسين احمر....تتصور كيف حظي ردي؟
ظل ضاري ساكت فترة وبعدها ضحك بقوة..
جاسر بعصبية/قاصرك انت بعد؟
ضاري/اقول قوم روح للبدوية بنت عمك فضفض عندها شوي....شوف وش رايها؟
جاسر/ضاري لاتنرفزني؟
ضاري/جايني بوسط بيتي يبيني اخذ بنته؟؟؟صدق ناس ماتحس ولابتحس بحياتها بعد؟تكون بنته ملكة جمال العالم وانا مدري؟؟؟
ام احمد/انا قلت امركم اخبركم قبل لااروح المستشفى؟
ام ضاري بعصبية/يعني شنو ياام احمد منتي جاية الليلة؟
ام احمد بعصبية/ابوي بالمستشفى وانتي تبيني اجي ياام ضاري؟
ام ضاري/وان شاءالله تبيني اكنسل العزيمة؟مقدر ياام احمد اعتذر من ضيوفي؟
ام احمد/المهم انا رايحة....اقول اخوي...معقولة ابوي يطيح عندكم بالبيت تعبان وانتوا ماتدرون لو ماعبير كانت مارته؟(كانت تكلم ابو ضاري وام ضاري هي المقصودة)
ويوم ماسمعت جواب طلعت...
ام ضاري بعصبية/ياسلاااام....انا قايلة ابوك لايحبني ولايحب عيالي!!ليش مادور يطيح غير اليوم بالله!!علشان يخرب علي! ويخليني اكنسل العزيمة لكن لو يموت اليوم ماكنسلتها...
ابو ضاري/اذكري الله الوالد تعبان ماقاعد يتعير...
ام ضاري/عساه مايقوم منها ان شاءالله؟؟؟وخواتك طبعا مايبون يجون يبون يقعدون عنده شيبة النار!!!تروح لهم المستشفى اللحين وتفهمهم ان ابوهم مافيه الا العافية وانهم مايصير يكسرون بخاطر ضاري ومايجون لانه اذا عرف بيزعل...ولا ضاري ماله خاطر عندهم..
ابو ضاري/طيب...
ام ضاري/مو يغلبونك عاد ياحظي ويغيرون رايك؟؟؟المغرب خواتك لازم يكونون هنا.....
***********************************بعد صلاة العشى وتحديدا بالشارع عند سيارة ضاري اللي كانت واقفة بالجهة الثانية من البيت توه بيركب سيارته وانتبه على بوكيه ورد احمر على سيارته تقدم منه وشاله ولقى فيه كرت مكتوب فيه(حمد الله على سلامتك يالغالي...تو مانورت الشرقية)
قلب بالكرت يمين وشمال ومالقى فيه أي اسم رمى الكرت وفوقه البوكيه باهمال جنب السيارة وراح يفتح الباب بيدخل...وسمع صووت اصايل اللي ذايب من النعومة يقول/حرام عليك وش مسوي فيك الورد علشان ترميه كذا!!ولاعلشان انك ارق منه ومابينكم مقارنة ترمية باهمال؟؟؟
لف لصاحبة الصوت يشوفها لقاها واقفة وراه علطول وريحة عطرها انتشرت بالمكان ...ناظر بعيونها الغرقانة بالكحل وقال/من انتي!!
اصايل بنعومة/انا دانة ياضاري..
ضاري باحتقار وهو ياءشر باصبعه على بيوت الجيران اللي حوالينهم/أي بيت فيهم بيتك يادانة؟
اصايل حطت يدها على يد ضاري اللي كانت على باب السيارة وقالت وهي تاْشر بيدها على سيارة كانت واقفة قريب ومافيها غير السايق/انا مو من ها المنطقة ياالغالي...انا من منطقة ثانية ومن زمان من زمان كان ودي اسمع صوتك واشوفك مباشرة كذا بس الظروف ماخدمتني...وعلى فكرة ترى من قبل يومين وانا ودي اقولك حمد الله على السلامة بس انت ماعطيتني مجال ماكنت بروحك ابدا!!
ضاري وعيونه بين عيونها الفتانة وبين يدها اللي خلت كل جسمه تسري فيه نار حارة/والمطلوب مني يادانة؟
دانة/ولاشي ياقلبي....بس خف شوي على الناس اللي هايمة فيك هو صدق الغرور مايلوق الا لك انت بس بعد والله قلبي يعورني من كثر صدودك؟
ضاري/متى شفتك علشان اصدك يابنت؟
*************************************************

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, للكاتبة ملح الحياة و سكرها, ليلاس, القسم العام للقصص و الروايات, اصايل, اضعفهم الحب, شمايل, قصات, قساة اضعفهم الحب كاملة, قصه مميزة, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:35 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية