كاتب الموضوع :
همسه ود
المنتدى :
القصص المكتمله
الحلقة الرابعــــه والخمســـــــــون
((1))
سارا
صحيت من النوم بعـــد العصر ياءالله نمت أكثر من 16 ساعـــه ...
ماقدرت أرفع راســــي عن المخده لأني احس بصداع فضيــع ...
بديت أتذكر اللي صـــار أمس ... وتذكرت شـي خلاني اجلس بقوه وسط السرير ..
تذكرت كيف قفلت باب الشقه من داخل وتركت المفتااح فيه اكيد قيس ماقدر يدخل
هذا الكلام كان أمس الساعه 12 بالليل بعد ماطلعت من الحمـــامـ اللي قضيت فيه فوق الساعتين وأنا
ابكي
لما مالقيته بالغرفه ولا بالشقه كلهااا .. كنت مقهوره منه ومأبغى اشوفه وكان اسهل حل أني اقفل
باب الشقه
توقعت اني بصحى على الفجر وبفتح له البــــاب .. ياءالله كيف راح دوامه اللحين أكيد بيسبب لي
مشاكل وأنا مو ناقصـــــه ...
قمت أصلي الصلوات اللي فاتتني ياكثر مايفوتني وقت الصلاه اخرتها بيموت قلبي من الأهمال ..
بعد ماصليت طلعت من الغـــرفه ...
سمعت صوت طق على الباب ... هذا أكيد قيس أروح افتح او شلون ...
مشيت بهدؤ وكأنه واقف ورى الباب وحاط أذنه عشااان يسمع صوتي ...
قربت من الباب سميت بالله وفتحت الباب ..
كان قيس جالس على السلم اللي يطلع لطابق اللي فوق وبيده علبة مويا وقدامه كيس فيه علب مويا
...
قفلت الباب مأدري ليش بس كنت خايفه .. طلعت المفتاااح منه يعني يقدر يدخل ....
وهربت للمطبخ اصلاً انا مو خايفه منه ولسى مانسيت الموقــف اللي صار أمس ..
فتحت الثلاجه طلعت عصير ..وأخذت لي كأس أسكبلي فيه ..
دخل قيس علي المطــبخ كان بثوب مبهذل ورافع يدين ثوبه وبدون شماغ ...
سلم مارديت عليه لفيت وجهي للجهـه الثانيـــــه ...
لفيت بطلع كان واقف بوجهي ويظرب بعلبة المويا اللي بيده جنبه ...
قيس :يعني افهم من الحركه هذي عقـــــاب ..
ماحبيت ارد عليــــه .. لأني مو طايقته ..
جيت بطلع بس سحبني مع ايدي بقــــوه
عرفت أكيد بيظـــــربنـي ..
بس لقيته يضمني ...
قيس :للحيـــــن زعلانـه ..؟!
تنرفزت منه ماني طايقته جاي يظمني ...
&
قيس
بعد ماطلــع من الشقه ندم أنه طلع وتركها بذيك الحااااله تبكي بالحمـــام ..رجع بعد ساعه بس
واجهته الصدمه ماقدر يدخل لأن الباب مقفل والمفتاااح فيه من داخـــل
والغلطه غلطته لأنه مأخذ المفتاااح مثل عادته وقفل الباب عن نفسه وبقى محجوز برى دق على
الجرس ودق على الباب ألف مره بس مافيــــــه رد ..
أكيد نامــت .. ولايمكن للحين بالحماااام ... أفكار مره مزعجـــــه له ...
جلس ساعه وساعتين وثلاث قدام باب شقتــه وماهو قادر يدخـل ...
لما طلع الصبح قرر يروح لبيت أهلـــه ويرجع بعدين وأكيد صحت ...
من قبل الظهـــــر بالساعه وهو واقف قدام الباب ماتركه الا مره نزل فيها يأخذ له مويا وغيرها
ماتحرك ..
ماصدق لما فتحـــت البــاب حس براحــــه وكأن مويا بارده انسكبت عليــــــه ..
ماعطته فرصه حتى يشوفها .. دخــل وتوجـه للمطبـخ بعد ماسمع حركتها فيه ..
كان تصـرف بتطنيـــــش له .. حركاتها الطفوليه المعتـاده ...
لو بس تعرف كيف هــي شفافه قدامـه ...
ضمهـا بحنــــان على صدره ... وهو يسألهــــا ...
قيس :للحيـــن زعلانـه ..؟!
ضحك لما حطيت يدها على صدره تدفعه عنهــــا ..
قيس :طيب خلاص قولي فكني وأفكك ماله داعي الخشـــونه ..
بس قال هالكلمه حس بشي بارد ينزل على رجله ...
دفعها عنه وهو يناظر لرجله بذعـر مايدري لـيش سوى كذا مع أنه حس ببرودة الشـي اللي انكب
عليـــــه ...
سارا :واللحيـن ممكن تطـــــلع لأن المدرسه بتجينــــي ...
طالع بملابسـه المعـدومه من تحت بسبب عصيرها اللي كبته عليه ...
قيس :ماتوبين على طولت اليد ..
سارا :لما تتوب أنت قبــــل ...
هز راســــه بتعــب ...
قيس :يعني ماخلصنا من هالسـالفه ... بس أوعـــــدك اليله خالصين منها خالصين .. اللحين
بروح أنام خذي راحتك انتي والمدرســـه ...
((2))
سارا
طلع من عنــــدي المصخـره وجلست أعملي ساندويش أكله قبل ماتجي المدرسه ... عاد اللحين
بتنشب
لي ذا العله وش صار معــــك وش سـويتي .. وعلى قولتها انا حشريه تعترف هي ووجها بعـــــد
...
رجعت أخذ لي عصير بدال اللي خسـرته بسبب قيــــسوه ...
ماوحى لي أقفل باب الثلاجه الا والجرس دق ..اوووووف جات هذي موقته بالدقيقه والثانيـــه ..
نزلت اللي بايدي وطلـــعت افتح لها الباب ..زين أني لابســه من قبل ولاتوهقــت ..
فتحت لها الباب ...
نجوى :مرحبا حبيبتــي كيفك ...؟!
سارا :اهلين طيبـه ..تفضلي أدخلي ..
ردت علي وهي تسبقنـي للغرفه اللي متعوده ادخلها فيها ..
نجوى :اكيد حتفضل وش سويتي بالأمتحااان ..
سارا :يعني خبصت ...
مادري كيف نسيت وقلتها اللحين بتذبحني ياويلي..
كنا وصلنا الغرفه ...فصخت عبايتها ورمتها على بعصبيه ..
نجوى :كيف يعني خبصتــــي ..؟!
خفت منهااا ..ورجعت على ورى ..وقلت بأرتباك
سارا :وش أسوي تهاوشت مع قـيــــس وماقدرت اذاكر زين وأثر على تركيزي لماجيت أحل
بالأمتحااان ..
ياحليلي والله اعرف انصب بعــــد ..
نجوى :ايش كيف تهاوشتوا توك امس متـصله علي تقولين بنتفذين الخطــه ...
سحبتني مع يدي تجلسني ..
نجوى :اجلسي خبريني وش صـار بالتفصــــــيل ...؟!
طالعتها بتساؤل
سارا :بتفصيل بتفصـيل ..؟!
نجوى :ايوه بالتفصيل بالتفصــــيل ...
وطلعت من شنطتها شيبس كبير وجلست تاكله ... حشى بتابع فيلم هي ..
جلست أقول لها اللي صــــار لين أخر حدث صار مواجهتنا قبل ماتجـــي ...
سارا :ولاتجلسين تبررين لي لأن خطتك مانجحت .. اقولك اللي عندي وحــــش ماينفع معــه أي
شـي ...
نجــوى :لاحبيبتــي الخطأ مو فيه الا فيك اللحين كان لازم تخربين شغلنا وتذكرين الماضي ومأدري
ايش
اللحين انتي بترجعين صغيره يوم جالسه تحاسبينه على شي كان يصير ذيك الأيام ...
سارا :ايش أسوي مقهـوره منـه ...
نجوى :طيب وش فادك قهرك فيــه .. اللحين مأستفدتي شـي بس حستـي الدنيااا
أنقهـرت منها مره تقول انا الخطأ ومره ثانيـه تقول حست الدنيا...
سارا :بكيفي دنياي وأنا حره فيهاااا ..
نجـوى :لاحبيبتي مو حــــــره .. دامك دخلتيني بالموضوع مو حره وأنااا مستحــيل احشر نفسي
بالشـي ويخرب لازم اخليه ينجح...
سارا :اوووف انتي عندك أمل اقولك هذا وحش ماينفع معااه شي ...
نجوى :وحــش ديناصور شبح مـو مهـم أهم شـي أنا انجح ...
سارا :اختبار هو المهم انتي تنجحــــين ..
نجوى :أيه اختبار .. واختبار سهل جداً بس لو أنتي تلينين وتفتحين عقلك شـوي ..لأني بنجلط
من كثر ماعقلك مقفـل ...
جالسه تهزأني هذي ...قلت بقهرها ..
سارا :أنا عقلي مو مقفل بس الموضوع مو عاجبنــي ..
نجوى :ياحبيبة قلبي مو لازم يعجبك أهـم شـي نتايجه بتحقق لك اللي يعجبــــــك ...
تبـــون الصراحـه أنا عارفه ومتأكده أن نجــوى تأخذني على قد عقـــلي ...
سارا :أنا خلاص ببطل الحــركات هذي مأستفدت منها الا المشاكل ...
نجـــــوى :تدرين مشكلتك ان عقلك مقفل .. يعني للحين مأنتــي فاهمــه ليش عــــصب ....
سارا :لا كيف بعرف داخله بمخـه أناااا ..
نجوى :اللحين أنتي طبقتي كل حركات الفيلم ...
سارا :ايه كل التميلح اللي فيه سويتـــه ..
نجوى :ومافهمتي للحين ليش عصب أنتي اللي داخل راسك هذا وش ...؟!
سارا :اووووووووف انتي لاتسوين انك فاهمه كل شي ولو فاهمه قولي ليش بدون لف ودوران
...
نجوى :اللحين مو تقــولين انكم منفصلين ...
طلعت عيوني من مكانها ...
سارا :وش منفصلين غبيه انتي لو منفصلين بعيش معه بنفس المكان ومسويه فيها فاهمــه ومعقوله
مافهمتي معقوله مافهمتي وانتي اللي مو فاهمــــه شــــي ..
نجوى :ياربي انتي ليه ماتفهمـين اقصد موهو قالك أنه بتبقون زي الأخوان لين تحسين نفسك
راضـــيه بالحياة معه ...
سارا :الا قــال ..
نجوى :طيب انا اقصد منفصلين من هالناحيه ...
سارا :ايوه اقولك قال بس مو معناتها انه نفــــذ ...
نجوى :يعني ماألتزم بكلامه ...
سارا :لااا ..
نجوى :نفس المعنــى هذا مايغير شــــي ..
سارا :مايغير شي بالنسبــــه لأيش ..
نجوى :للحقيقه اللي أنتي موفاهمتهـــا .. ياحبيبتي هو لما يعـــصب لأنه معـجب فيك
وعصبيته ردة فعــل عكسيـه عشان مايكشف لك انك وصلتي للي تبغينــــه ...
شوفوا الغبيــــه هذي كيف تفكر والله كنت عارفه ماعندها سالفه
سارا :حبيبتي هذا الوحــــش وش اللي معجب فيني ..
نجوى :حبيبتي حتى الوحش عنده مشاعر ...ومأبغى اتعمق أكثـــر ...
سارا :تعمقين درس تاريخ هــــو ..اسمعي مو عشـان حليتي كم مشكلة لجاره من جاراتك صرتي
فهيمة زمااانك ..
نجـوى :ومن قال لك انهم كم وحده حبيبتــي أنا بالبدايه حليت مشاكل نفسي بعدين جاراتي بعدين
طالبـاتي ... انتي مو أول تجربه لـي ودايم
لازم انجح وعلى فكره انتي من أسهل الحالااات اللي واجهتهـــااا ...بس مشكلتك عنـيده ..
قلت أتمصخر عليها ..
سارا :طيب يادكتوره نجوى ..
نجوى :لاخليني اللحين أبله نجوى وطلعي كتابك العـلوم خليني أشوف وش وراك ...
وجلست ساعتيـــــن تشرح لـي لين خلصت الجزئيه اللي كانت بتدرسها لــي ...
قالت وهي تقفل الكتاب ...
نجوى :يالله معاي ساعه قبل مأطـلع للبيتي أرتب فيها امــــورك ..
بدينا بالغثا الله يعيــــــن ...
نجوى :اول شـي طلبتي منه جــــوال ...؟!
سارا:طبعاً لا أصلاً ماعطاني فرصه أطلب
نجوى :والله بتجننيني أنـتي وش الفرصه اللي تنتظرينها عشان تطلبـين ..
سارا :الفرصه المناسبه يعني مثلاً يسألني تبغين جوال ..؟!
نجوى :ياحبيبتي ياقلبــي أنا مو قايله لك انتي تصنعين الوقت المناسب ....لأن مافيه شي اسمه
وقت مناسب
انتي اللي تختارين الوقت وتخلينه مناســـــب ...
حسيتها بدت تفلسف
سارا :رجااء أرجعي كلميني على قدي بدون فلسفــــــه ...بعدين ليش أطلب جوال وعندي الجوال
الكسره اللي أنتي جبتيه لـــــي ..
حسيتها عصبت لما قلت كسره
نجوى :أنا جبته كسره عشان ماتعتمدين عليه وتطلبين يجيب لك جوال وهذا حق من حقــوقك الكثيره
اللي أنتي مفرطه فيها بضعفك .. هو أخذ كل حقوقه وانتي ولاحق لك حصلتي عليـــــه ...
أعجبتني يوم انقلب وصارت بصفــــي ..
سارا :طيب وش رايك نسوي له عمل
طالعتي بأندهاش
نجوى :عمل ايش
سارا :ذاك اللي قلتي عنه
نجوى :ياا**** انا كم مره قلت لك ان ذاك اختبار لك بشوف انتي من اي نوع من الناس عشان
احط ثقتي فيك
سارا :الله اعلم من اللي المفروض يختبر الثاني ..يالله كملي نصايحك اللي مأدري وين بتوديناااا
&
قيس
صحى بعد ساعتين على منبه الجـــوال ...
بعد ماتوضى طلع يصلي بالمسجـد ورجع بعدهااا تعبان بس مافيه وقت ينااام لأن صلاة العشاء بعد
ساعه ...
استـــغرب أنه مالقى سارا بالصاله على التلفزيون لأنها العاده ماتصدق تطلع من عندها المدرسه
مباشره للتـلفزيون ...
جلس شوي بعدين قام يبغــى يشوفهـااا لكن ماراح يكلمها بالمــوضوع لأنه مانام زين ومتنرفز وهو
يبغـى يكون هادي عشان الموقف ينتهــي بنتيجه أيجابيه ....
قبل مايدخـــل عليها الغرفه توقف لأنه حس بوجود شخص ثاني معها .. اللي هو المدرســـه ..
وقبل مايتحرك من قدام الباب ....
وصل لسمعه شي خلاه غصب يتوقف يسمــــعه ....صدمـــــــــه ...
ذهـــــــــول ..
وبدون مايفكـــــر ... طق على الباب بقــــــــوه ..
طلعت سارا:خير وش تبـــــي ..
قيس :خلي الزفت اللي عندك تشيل قشــــها وتطـــلع ...
كان يقـــــول بصوت غاضب عالي متعمــــد ...
سارا
انرعبــــت يوم شفت عصبيـــته ...
قلت له بسرعه ..
سارا :طيب اللحين اقولها
دخلت للغرفه وتسندت على الباب ..وقلت بصوت هامس
سارا :اطلعي بسرعه اتوقع سمعتي الطــرده وعساك تعرفين وش هـو الوحش وماتلومينـــــي ..
ضحكت على شكل نجـــــوى المصدوم
نجوى :طردني
سارا :لاحبيبتــي حلف انك تعشي عندنا ايه طـردك ياقلبي هذا البع بع وحشـي العزيز يطردك ويطرد
اللي خلفوك ...
يالله فارقـــي قبل مايدخل ويسحبك من عبايتك ويرميك من السلم ...
نجوى :لاخلاص والله بطلع وين عبايتي
قالتها وهي تدورحــول نفــسها ....
ضحكـت كثير على منظرها وبنفس الوقت خايفه لأنه قيس رجع يطق على الباب بعصبيه
طلعت له
سارا :خلاص قسم بتطلـــــع .. بس تلبس عباتهااا .. ولو سمحت ابعد عن الطريق روح
للغرفه لين تطلـــــع ...
قيس
دخل الغرفه على طلبها وهو يغلــــي من الغيض من وين طلعت له هالمدرسه بعد
هذي أكيــد شغلتها تخــــرب بيوت وهو اللي ظن فيها خير لأنها سعوديه طلـــــعت أخبث من اللي
خايف منه... والخبــله هذي أكيد قايله لها كل أسرارهــــم ...
جلس على أعصابه لين سمع باب الشقه
طلع لها وهو معــــصب ...
قيس :أنا ماني مصدق انك غبيــه ومتخلفه لدرجه هذي ..
سارا :لحول وش سويت أناااا ..
مسك أعصابه يوم تذكــــر هوشتهــم أمـس ...
مايبغى يوتر الأوضاع أكثــر بس اللي سمعه واللي حصل مصيبه أكـبر
قيس :المدرسه هذي ماعاد ابيها تجي بيتي بدور لك وحده غيرها ...
سارا:ترى انت اللي جايبها ولا أنا وش عرفني ...
قيس :طيب أنا اللي جايبها وأنا اللي بغيــــرها .. اصلاً انت وش لك بالدراسه لو تجلسين بالبيت
أبرك ...
سارا :انت بس تبغى تحجزني بالبيت مو كفايه حارمني من خواتي ..
نطق بنرفزه الفكره اللي تدور بباله
قيس :لأنك غبيــــه وماتعرفين تعيشين وسط المجتمـــــع ...
تضايق من دموعها اللي نزلت بسرعه لأنه كان حريص مايجرحهـــا
بس للأسف حقق اللي خايف منه وبسرعه غير متوقعـــــه
اصلاً هي من امس صايره حساسه بشكل غير طبيعي
بدت تبكي وتكلمه بصوت مرتفع
سارا :أيه انا غبيه ومتخلفــــــه ليش تزوجتني طلقني اللحين ...
وكان بداخل نفسه يقدر يكمـــــل جملتها أكرررهك طلقنــــي ..
سارا :اكرررررررهك طلقني ...
كانت الكلمه قبـــــل ماتعني له ولاشـي غير أنها كلمه تقليديه
لكن اللحيـــــن بدا يحس بالملل منهااا ويكـــــــرهـ سماعها على لسانها...
لازم يحط حد لهالكلمــه ... والحد أنها تعرف كل شـــــــي ..
قيس :يعني للحين مافهمـتي ليش تزوجتك ...
سارا :لااا ماني فاهمه ... فهمني لــــــــــــيش ...؟
قيس :لأنه لازم اتزوجك ... وليش لااازم لأنه من كنت صغيره وانا مربوط فيك ... ليش
لأن امــي تبغى تزوجك لي وملاك لجابر ...
عشان يكللون صداقتها هي وجدتك ويخلونها قرابه ...
سارا:لااا تكذب جدتي ماقالت هالكلااام .....
قيس :لا مأكذب هالكــــــــلااام صــــــار ...
سارا :لو صدق ليش جابر ماتزوج مـــــــلاك ...
بلحظتها مايدري كيف زل وقال الجمــــــله المحرمه اللي عمره مافكر ينطقها لأن الموضوع هذا ياما
مــوته قهــــــر ...
قيس :وأنتي عادي عندك يتزوجــــــهااا..جابر!!! ...
سارا :ليش ماتزوجـــــــــــهااااا
قيس :وانتي عادي عندي يتزوجهااااا ..؟!
سارا :ماتزوجها لأنك كذاب مافيه كلام مثل هذا
قيس :الا فيه وماكان كلام كان حقيقه وجابر ماتزوجهااا لأن عادي عنده يعصي أمي بس أناا لااا
مأقدر
... مأقدر أرفض لأمي طلب لو على حســــــــاب نفـسي ...
سارا :وأمك كان لازم تلزقني فيك اووووووووووف منهاااا ...
كان يرتجف من الغيض لأنه صرح بشي من زمااان يخفيه داخله ومقفل عليه ...
سارا
كنت ميـــــته قهر لما اكتشفت اخيراً وش سبب زواجه مني ماتوقعت أن أمه عجوز بليس لها يد بسالفه
...
سارا:وأمك كان لازم تلزقني فيك اووووووووووف منهاااا
خفت لماشفت العصبيه على ملامحـــــه ...
كملت لما شفته مامد يده او علق ..
سارا :وانت لازم تسوي فيها البار بأمك ..
جلست بعد ماكنا متواجهيين ...
سارا :وش فيها يعني لو تزوجـــت وحده ثانيـه ...
حسيت الموضوع غبي جداً ليش طاع أمــه يعني وهي ليش أختااارتني لـــــه اوووف منها بجد مصيبه
هالعجــوز هي وجدتي مسويااات فيها بنكون قرايب
وعلى حسابي أنا وأختــــــي اشوى أن ملاك فلتت منهاااا وماتورطت بثقيل الـدم ..
بس هذا وش عنـــــــده يلمح مستحيل يكــون داري عن أيام خبالي وأعجابـــــي بجابر ...
أكيـد قصدهـ اني مأبغى ملاك تزوج أخوه ... شي طبيعــــي مابغاها تزوج وتخليني ...
بس هذا وش دراه صاير مثل ملاك يعرف وش أفكـــــره فيــه ...
ماحسيت أني سرحانه عنه وهو يتكلـــــم ...
لين حط ايده على كتفي وهو يقول
قيس :وعشان كذا كنت اظربك ...
سألت ببلاهه رغم أن كلمته شدتني بقوه
سارا :ايش ..؟!
هز راسه بأستنكــــــار ..مثل اللي يقول مجنونه ..
قيس :ولاشي...
كان بيقوم بس مسكته مع يده مستحيل اخليه يروح بعد ماكشف لي أخيراً سبب ظربه لي...
حسيت انه ماراح يعترف لين اوضح له ان عندي رغبه اصدقه ..
سارا :قـــول والله انا بفهمك بس كنت سرحانه ماسمعت انت وش قلت ... قووول وش بتخسر
...
((3))
قيس
معــــقوله صدق سارا قدامه تطــــلب منه تسمعه وتوعـــده بتفهمــه ...
وين اللي تصارخ وتقفل أذانيهااا لجاء بيقـول شي وماتبغى تسمع الا نفســــــهاااا ..تكلم بسرعه
خايف تغير رايها
قيس :بقول بــــس افهميني وراعــي وش كانت ظروفـي ...
هزت راسها بايه بدون ماترد وهو ماكان يطلب أكثر من كذا ....
قيس :قالوا من كنا صغـار يمكن ماتشـوفين صغيـر وقتها بس والله صغير كبر منــير اللحيـــن
انك بتصــيرين زوجتـــي .... كان الموضـوع يقهـرني لأنك ماتعجبينــي ولأن فكرة الزواج
مزعجه بعد
ماكنت اسمع الموضوع واتقبله وبس لا كنت أفكر بأبعاد ونتائــج دايم افكر للبعيــــد ...
مأقدر اشرحلك وش كان شعوري لأني مأقدر احس فيه اللحين عشان انقله لك بس صدقيني كان
شعـــور مزعج كثير ويضيق على حيـــــاتي ...
صدقيني كان مثل الكابـــــوس وين مارحت معــااي ...
عشان كذا ماكنت اقدر احتفظ بيدي لشفتك لازم اظربك ....
غير أزعاجات عــــيال الحاره اللي يعرفون بالسالفه من كثر ماأمي وجدتك يتكلمـــون فيهااا قدام
الحريم ...
ولماكبرتي لاتلومينـــي كنت اشوفك تطلعين بدون عباية وأنتي بتكونين زوجتـــــي غصب عني امد
يدي عليـــــك واللي يقهـرني
أني مأقدر افرض شـــــي عليك وبنفس الوقت مأقدر اسكــــت .. وحتى ماكنت اقدر اقول لأمي
خلي اللي بتكون زوجتي تسـتر
لأن أمي من مرضت جدتك الله يرحمها ماعاد اطرت الـموضوع وأنا كنت على نــــــار ماني قادر اتكلم
وسكــــوت يحرقنـي ويزيدني قهـر ..
كان عارف أن اللي قاله ماراح يشــفع له بس هذي الحقيقــــــه ...وهي اللي طلبتهــا...
حس شــــــي كبير ينزاح عن صـدره ...
قيس :وش تبغيــن تعرفيـــن بعد ...؟؟!
سارا :كنت تكرهنـــــي ...؟!
مأستــغرب سؤالها لأن سارا عاطفيه جداً وعندها المشاعر ياحب ياكره ... بدقيقه تحب وبثانيه
تكـــــره ...
قيس :لااا...
كانت تناظره بشفقه..
سارا :بس أنا اكرهك وماسامحتك حتى لوتقول ألف عــــذر ...
قيس :بس كذا ماراح نقدر نعــيش مع بعض
سارا :احسن من قال اني ابغى اعيش معاااك .. أنا ابغى ارجع اعيش مع خواتـــــي ...
تنهد بتعــــب راسها قاسي
قيس :بس هذا مو حل مصير خواتك بيتزوجـون ويخلونك بتبقين كذا لحالك لازم يكون عندك زوج
وعيـــال ...
سارا :ايييش ولله هذا اللي كان ناقــــص انا توني صغيره بعيش حياتي وش عيااله ...
ضحكه تركيزها على العيــــــال ...
قيس :بس انا احس بتكوني ام رهيبه ...
سارا :مو علي هالحركااات بتدخل الموضوع براسي شوف انت بطلقني اليوم او بكره وعيال
مافيـــــه ...وبعدين وش قصدك بأم رهيـــبه يعني انا مرجوجــه ...
قيس :ليش انتي شايفه نفسك عاقله ماجبت شي من عنــــــدي ..
سارا :اوووووووف منك ...
تعب من الكلام معها وبنفس الوقت تذكر جوعـــــه ..
قيس :أوووف بعينك قومي جهــزيلي حاجه أكلها قبل مايأذن العشاء ...
سارا :لاتصرخ علي ماراح اسوي شي ترى مانسيت هوشتنا أمس ...
قيس :لااله الا الله اللحين بتمسكين لي هالهوشه شهر قومي يالله ولاترى بتزوج عليـــــــك ...
حلـوه عيونهااا وهي مفجوعه ...
سارا :هيي انت اصلاً من المجنونه اللي بتوافق تتزوجك ... لا وبعد متزوج مالت عليك ...
قيس :مالت عليك انتي .. ولاتضحكين ترى صدق اسويها وتزوج ..
شكلها بجد تحفـــــه اللحين تبغاه يطلقها وتبكي عشان قال بيتزوج عليهااا ..
قيس :لاتبكين ماراح اطلقك ...
صرخت عليه
سارا من بين دموعها:الااا طلقني وتزوج لو تبغى الف وحـــــده ..
حب يقهرها أكثر مد يده يمسح دموعهااا وهو يقول
قيس :بس الشرع حلل أربع وانا مأقدر اخالفه واتزوج ألف ...
سارا
كنت بموت قهر وغصب عني بكيت المتخلف كيف يتزوج علي ورافض يطلقني
والله بموووووت قهر لو سواهاااا وانتحر ..
أنا يتزوج علـــــي ليش وش ناقصنـــــي ..
يطلقني بعدين يتزوج .. مايتزوج وهو ماطلقنـــــي ...
سارا :تزوج الف اربع مليون بس قبلها تطلقني ...
قيس :بس انا حالف مأطلـــــقك ...
يقهرني بموت قهر يبتسم وهو يــقولها وش حيث اللحين يبتسم واضحك
وانا دايم اسوي الف حركة تضحك مايضحك بس لشافني ابكي ضحك الحقيرررر ...
سارا :والله انتحر لو تزوجت علي قبل ماتطلقنــــــي ...
صرخت عليه لما ضحك
سارا :لااااتضحك لاااتقهرني ياحقيــــــرررر ...
قيس بضحكه :طيب خلااص ماراح اتزوج ولا اطلقك بس روحي سويلي شي أكله قبل مأكلك لاتنسين
أنا الوحش ...
سارا :أحلف عشان اصدقك
زاد ضحكه وانا ميته قهر مسوي نفسه ظريف يضحك
قيس :والله مأتزوج عليك ..
سارا:طيب بس لاتنسى انك حلفت ماتتزوج علي ...
قيس:اذا نسيت اصوم ثلاث أياااام واكفر حلفـــــــي ..
طلعت من عنده متنرفزه ومقهوره ليه قلت كذا حسيت نفسي سخيفه وماعندي شخصيه لايحسب
اللحين أني احبه ولاشي هو غبي تفكيره مثل وجهه ...
دخلت المطبخ وسألت نفســــي وش أسوي له ...
ووسط أفكاري تذكرت حركات النذاله اللي كنت اسويها أنا وملاااك لأي وحده من البنات لحقدنا عليها
وبعض الأحيان نسويها لبعـــــض ...
كنا نحط كمية بسيطه من الفيري بالساندويش او المشروب اللي بتشـربه ..
طبعاً بنفس اللحظه ماراح يحسـوا بالشـي بس بعد نص ساعه.. ساعه يبدأ التأثيـــــر ...
سويت له الأكل اللي طــلب وعلى جنب سويت كوب عصير ليمون كبير بنكهة الفيــــري ...
ناديته للمطبــــخ ..
كنت أحتفل بانتصاري وأنا اشوف المقلب يمشــــي عليـه وهو يشرب العصير بدون أحساس ...
ويمكن حس بالـشي بس هو دايم مايعلق على الأكـل حتى لو طعمه مو كويس انا بعض الأحيان اكرهه
ومأكله
وهو يكمل عادي بدون تعليقااات يمكن هذي الميزه الوحيده فيه ...
((4))
ضحى
صحيت على الساعه عشـــــر ..
لقيت الكل صاحي وعساف طالع هذا شكـله صدق يتهـرب منـــي ...
انسدت نفسي عن الفطــور سوت لي كوب شاي بالحليب وجلس أقرأ لي مجلــه وشدن عنــدي تحل
واجباتها
وكل شوي سأله سؤال ولا تذكرني بالشـــــي ...
دخل عساف مسرع وعلى غرفته دخل وقفل الباب
قمت واعصابي مفـــــوره ... كيف يتجاهلني بالطريقه هذي بس وصلت الباب وقفت ماني قادره
ادقه
وش أقول اصلاً
بوضح قهـــــري من تجاهله لــــي وبينبسط انا اعرف عساف نحيس مره بالأمـــور هذي ...
لااا اصلاً انااا مأفكر كذا ومايهمني وش يفهم
بس أنا مأحب احد يتجاهلنـــي بالطريقه هذي لأني مو قطعة أثاث بالبيت المفروض أنا اكون محـــور
أهتمامه مو مثل أي شي عادي
اذا راق كلمني واذا ماله خلق طنشني وتجاهلنـــــي ...
اخذتني أفكاري ومأدري كيف ماحسيت اني أخذت وقت وانا واقفه قدامه وهذا هو فتح الباب علـــــي
..
أول ماشافني حسيته تفاجئ وأرتبك ......
عساف :حياتي تبغين شـــــي ...
مايحتاااج أجهز كلااام ... لأن كان فيه كلام من أمس وهو على طرف لساني ومحتره منه ..
ضحى :وش الحركه السخيفه اللي سويتها أمس
قفل باب غرفته وسالني وهو مسوي نفسه مو فاهـــــم ..
عساف :أي حركه ..
ضحى :عساف انت مكشوف لاتحسبني هبلا الحركه اللي سويتها امس بعد نص الليل بالصاله
كان يمشي بالصاله وانا الحقه من مكان لمكان
عساف : امس نايم من بدري ماشفتك لانص الليل ولاأخره...
ضحى :متأكد مو انت اللي طلعت علي بالصاله بالظلام وروعتني
عساف :حشاني لاطلعت لك ولاروعتك اصلاً مايهون علي أروعك ...يمكن الشغاله ...
ضحى :الاا سويتها لاتنكـــــر...وأنا لوعميى أقدر أفرق بين الشغاله وزوجـــــي
عساف :قلت لك انا ماشفتك رجاءً لاتصدعين راسي انا مريض مو ناقصك ... وشكلك فاضيه
بتهاوشين وتخترعين أسباب من راسك .....
رحت لغرفتــــــي ودمي محــروق ... ليه يسوي كذا ليه ..؟!
مرت على ساعه انشغلت فيها مع حمــــودي وكنت ألعبه وأسولف معه
دخل وجلس على السرير وانا مطنشـته ..
وجلس يلاعب حمــــودي ويناغيه ...
عساف :آغووو حبيب بابا ...
وبعدين بدأ يقط كلام وأنا مطنشه
عساف :انت يالنتفه اللي بغيت تحرمني من ماما مو زين انت يخخخ ..بس أحبك
وأنت معذبنـــي ولاحتى راعيت أني مريض وتعبااان بهذلتني الله يسامحــــك ...
سحبت نفسي بعصبيه وقفت قدام التسريحه وسويت نفسي أسوي شعــري
طاحت عينــــي على الصناديق اللي على تسريحـــــــه ...
بلقافه مديت يدي بفتحـــــهم عادي جداً مافكرت بالشي
لين صرخت عساف وقفتني ...
نزل حمودي على السرير وجاني ركض
كنت للحين واقفه مكاني ويدي على صدري بعد صرخته ...
بدأ يحط الصناديق فوق بعض وهو يقول
عساف :خطأ جبتهم هنا كنت بحطــــهم بغرفتي ...
طنشته وسحبت عطر ورشيت منه على معصمي وجلست اشمه ...
كلمني بأرتباااك
عساف :أغراض خاصه بس لو تبغين تشوفينها عااادي ...
رحت لسرير وجلست عليه بدون مأرد عليه
ويوم شفت وقفته طالت قلت عشان اتخلص من وجوده ...
ضحى :عسااف ترى لاتهمني لأنت ولا خرابيطك شلهم واطلع من غرفتي ...
وفعلاً أخذهم وطلـــــع ...
اووووووووف ..ياربي ...ياربي
والله مووووو حاله ..
تعبــــانه مأبغى اوجع راسي بالتفكــــــير...
أكره الحرب اللي بيني وبينه أبغى أرتااااح واعيش حياة طبيعيه بدون مشاكل ...
جلست على السرير وحطيت حمودي بحظنـــي ..
دايم اتخذ قرارات ومأسويهااا لأن أنانيتي تمنعني .... حياتي ماراح تمشي وأنا دايم أفكر
بهالطريقه خصوصاً لكان عساف بالمـــــوضوع... احس اني مأفكر بعقـلي
أفكر بمشاعري ودايم الماضي يحضـر ويأثر على قراري
أحس بضعف لأني ماني قادره أنســــــى الماضـي
ايه انا ضعيفــه لأني الماضي للحيــــن مسيطر علي ومخرب علي حيــاتي
مع أني المفروض أكون أقـــــوى وأتمسك بحياتي الحاليه وأسعى لأنجاااحها
عشان مأفشل من جديد حياتي قبل عساف فاشله بجميــــع المقاييس ...
لأني كنت أحافظ بس على أن حياتي تمشــى وبنفس الطريقه
عمري مافكرت أنها المفروض تتطور للأحســــــن ...
لأن ماكان فيه أمــــــــل....
لكن عودة عساف اللي مأعجبتنـــي كانت تحمل الأمل لو غصب عنــي
كثير فكرت أول مارجع أني بتطلق منه وبتكـون عندي فرصه للزواج من شخص أخر
وحيـاة جديده ... بكون فيها ضحـــــى جديده ..
فكرت ضحى الجديده دايم كانت مــوجوده لكن ماعمري فكرت اتحرك عشان أنفذها ...
والفكره اني أتغيـــــــر ... وكيف بتغيررر
أبغى حياة جديده أكون فيها أنسـانه غير مو ضحـى اللي جسد أنثـى وروح رجــــاال ..
حتى الوظيفـه بتركها لأني أكرها وأكره اللي كنت اسويه من خلالهــــا ...
وكنت اتمنى حتى خواتي أبتعد عنهــــم بس دايم كنت أقول
الأمر هذا بالذات ببقى طول عمري أتمناااه وماراح أقدر انفذه... بس كان كل أملي انهم هم بعد
بيصير
لهم حياة جديده كل وحده بتتزوج وبتنسى حياة الفقر اللي كانت فيهــــــا وبتنسى خواتها اللي شاركوها
ذيك الحيـاة
لأنهم بيذكـــــرونهااا بذكريات ماتبغى تتذكرها بحياتها الجديده ...
وعساف مارضى يطــلق ويبغاني أبقى زوجتــــــه...
حاولت ألف مره أني اتطلق منه بس ماقدرت ... مارضى يفهم أني أبغى حياة جديده بعيــده عنــه
مع رجال ثاني مثله ويمكن أسوأ منه بعد
لكن المهم رجل جديد وحياة جديده ...
وماقدرت أنا اصرح برغبتـــــي الحقيقيه من ورى الطلاق منه ...
ولما تقفلت كل الأبواب بوجهـــــي قلت أرضى ارجع له عشان يشوف غلطـته الكبيره لأنه ماطلقنــي
لكن للأسف مهما سويت مارضى يفهـم ...ليش لأنه مايشــــوف بأنانيته الا اني يحبنـــي ...
مو مهم عنده حتى لو كنت أكرهه ..
في فتره ما رضيت بحياتي وعرفت أن هذا اللي اكتبه لـي ربي وأقتنعـت بعسـاف ...
وبالفتــره هذي بالذات هي اللي رضيت أكون فيها زوجه حقيقيــــه لعساف بعد ماحفى
وهو يحاااول يوصل لهالوضع ....
رضيت عشـان أحصل على أولاد ...وهو حلمي الثاني بعد التغيير...
كنت احلم يكون عندي أولاد ومايعيشـــــوا نفس عيشتي كنت أبغى لهم الأفضل والأهم الأستقرار
العائلي ...
بعد ماحمـــلت نسيت كل اللي فكرت فيه حتى أني تضايقت لكوني حامل
وكنت دايم أكرر لنفسي مأبغى طفل يعيش نفسي معانات ...
ونسيت أو تناسيت أني انا اللي رغبت بالأطفال ...
لما ولدت وعــدت نفسـي .... اسوي كل اللي أقدر عليه
عشااان يعيش حمود أفضل حياه وعشاان أربيه أفضل تربيه ...
وهذا أنا بأنانيتي اثبت لنفسي يوم ورى يوم ..... أن اللي أفكر فيه شي
وأفعالي شـــي ثاني ...
عساف يحبنـــــي .. ويحب حمــودي
وكل شي من طرفه طبيعــــي
بس أنا اللي عندي الخلل انا اللي مو قادره أسيطر على تصرفاتي وأغير من نفســــي
عشااان أعيش حياتي الجديده بطريقه الصحيحه ...
((5))
مشاعل
ست ساعات مع خلف على الهاتف طــــويله جداً متعبه مرهقه لم أكن أشعر بها حينما كنت احادث
فهـــــدي ...
رغـــم أني اشعر بالراحه لكوني لأرتكــــب محـرم بمحادثته ....
لكنه اصبح ممل جداً ويصر على أطالة المكالمــــه ويرفض أن يقفل الخط وان اضطر لمجارته ...
بت أخشى أن أتصرف بحرية كي لأسيء لعلاقتنااا أريد ان يتعلق بي خــــلف لدرجـة لايستطــيع
معهااا أن يعاقبني لو أكتشف أي امر ضـدي.....
كم أصبحت مطالبي ضعيفه تدعــو للشفقــــــه ...
كل مأتمنــــــاه الا يعاقبنــــي خلف ,,, مطـــــلب بسيط لايوازي أحلامي ورغباتي السابقه
....
ولكنها ماضي أنتهى بنهاية صاحبــــــه ...
وليت حياتي أنا ايضاً انتهــــــــت لأنها للأسف كانت متمحوره حــول ذالك الشخص رغم عنــي
وبموته أنتهـــــــــــت ولم يعد لها جدوى ....أصبحت رماديه فقط بعد انا كانت تحمل ثلاث ألوان
الأبيض والأسود والرمادي ...
قبل أن أخلــــد كل صباح إلى النوم لأني أقضي الليل بأسره بمكالمة مع خلــــف ..
اتذكر كل مأرتكــــبته منذ قررت الأنتقام من والدي ...
وأشعــــر بأنه هناك عقاب ألهي بانتظــــاري ... مأرتكبته من انتقامات
يجب أن أدفع ثمنهـــــــاااا ...
حينما أصل إلى ماهية الثمن أغلق عيناي وأنتظر النـــــــوم ...
((6))
ضحـى
مر علي اليوم عادي جداً ماقدرت أكمـل عسـاف مع أن كل ماشفته يصير الكلام على طرف لساني بس
ماقدرت افتح هالمــوضوع بالذات...
وجاء يوم ثانـــــي كان عادي حتى العصـــــر ...لما دخلت بالصدفه على عساف وهو يكلم بالصاله
...
كنت قايله أني بروح أنااام وماكان بالبيت غيرنا لأن الشغاله مع شدن عند خواتي ...
كان يكلم بالجــــوال مأخذ راحته لأنه متــوقعنـــــي نايمـه ...
عساف :أنا خايف أتركهم غصب عنــي ...أدري بس ماقتنعت انت تعرف الدكاتره كلن يقول
كلاام ...
ولاتنسى أني انا اللي وسط الموضوع أنا مأبغى أخرب بيتــــــــي ..
وفجأه شكل حس فـــــي قال مع السلامه وقفل...
رحت على المطـــبخ وسويت نفسي أشرب مويااا وفعلاً دخل بعدي مباشره
سألني بأرتباك
عساف :أنتي مانمتـــــي ..
ضحى :لا جيت اشرب مويا فيها شـي ..
حسيت نفسي اتنرفزت ... أكيد بيشك لأني اليوم كنت معه طبيعيه ...
جلست ادقق بشكـــله حسيت فيه تعب وأرهااق على وجهه وبعيــــونه ... يعني صدق مريض
.. وش فيه .. ومتى بيقـــول لي ...
عساف :طيب انا رايح اجيب شدن ...
ظربت راسي على خيبتي ليه ماسألتــــــه والفرص كانت مفتوحـــــه لـي ...
×
×
كنت غلطانه يوم توقعــــت أن الموضوع بهالسـهوله سألته بعدهااا عشر مرات تلميح وتصـريح بس
ماااكان
فيه جــواب .... كان دايم يغير الموضوع او يتجـــــاهله..
وتكررت مكالمااته الغريبـــــه ... كان دايم لجلس لوحده يكلم أحد ويشكـي له من مرضـــــه
...
لين مــره سمعــت اللي ماتوقعت اسمعه بـــيوم ...
كان عساف يتكلم مع اللي تعود يتكلم معه
عساف :خلاص بنفذ اللي قلته اصلاً هي متعـــوده على الفراق ...
من هــــي أنا يعنـــي ... أكيد قصده بيسافر مره ثانيــــــه ...
ليش ياربي يصير معــــي كذا ليــــــش ..
:ضحـى .. ضحــى ...
ضحى :هاه .. وش فيه ..
عساف :يالله مو تقولين بتلبسين عباتك وتجين مأشوفك لبستي
ضحى :طيب اللحين البسهااا ..
عساف :يالله ليش واقفه بأخذ شدن ونطلــع ..
وراح عني وهو ينادي شــــدن ..
كذا بكل سهوله الأمـر ولاكأنه قبل شوي يتكلم مع المصيبه اللي يكلمه بالتلفون أنه بيفارقني
ياربي وش أخرتها معك ياعســــــاف ...
أخذت عباتي وطليت على حمودي ووصيت الشغاله عليه وطلعت الحقهم...
بالسياره بعد ماركبنــا ...
شدن :بابا عادي نتعشى بهارديز مو المطعم اللي قلته ...
رد عليها وهو يربط حزام الأمان وأنا عيني عليه على ملامحه على كل كلمه تطلع منه...
عساف :اكيد عادي يابابا بس نخلي هارديز لبكره .. اصلاً انا مأبغى شي من هالدنيا غير تكوني
انتي وماما وحمودي مبسوطيين ...
قربت شدن منه
شدن :ليه تكلم كذا ...
ضحك وسألها
عساف :كيف كذا ..؟َ!
شدن :يعني تكلم مثل قبل مو لازم تقول ايوه يعني عاند وقولي نتفه ...
معقوله حتى شدن ملاحظــــه ... مأدري وش رد عليها لأني ماقدرت أسمع الا اصوات عقلــي
...
لا حالتك صعبــــه بس لو أعرف وش سالفتك ...
عساف :يالله وصلنااا ...
جالسين على طاوله وحده واتهرب من عيـونه مأبغى يحـس بنظراتي له ....
عساف :تذكرين يوم جينا هنااا...
ضحى :جينا من قبل هنامأذكر ...
عساف :أكيد ماتذكرين لو مكان رايحه له مع خواتك تذكرين ...
ضحى :لااا مو سالفة بالعكس انا احفظ أي مكان رحت له ذاكرتي قويه ...
عساف :طيب نعطي فرصه لذاكرتك ارجعي كثير ورى وبتتذكرين ...
سألته بمصخره
ضحى :ست سنين ورى او أقل شـــــوي ...؟!
عساف :لاخلينا بأخر سنتيــــن ...
صدق ماني داريه عن ايش يتكلم يعني انااا مو مكان واحد طلعت معه ألف مكان كيف بعــــرف وش
يقـصد ...
بس أكيد فيه موقف جرى بالمطعم هنا عشان يسألني هالســـــؤال ...
ضحى :ماوصلت لحاجه خبرني أنت يالي ماتنسـى ...
وكان عندي استعداد كبير ادقه بالحكــي
ضحـي :حتى أهلك ماتنساهـم أبدن ...
عساف :بغششك .. جيتي له غـصب ...
طلعت خاتمي ودخلـــته .. كان الخاتم هذا هدية منه... متــى ...؟ََ!
ضحى :مأتوقع أنا ماعمري طلعت لمكان غصب ... حتى لو كان ظاهرياً غصب ...
تذكرت كان مشتريه لي من الشرقيه ورفضت أخذه منــه بذاك الوقت لأن خواتي ماكانوا يدرون أني
متزوجــه ...
لكن بعدين أخذته لما أنكشف كل شـي ...
عساف :أنا أقولك اللي كان ظاهر .. تذكرتـــي ..
مأقدر أرفض أي شــــي مادي منه .. لكن ياترى عشان بس كذا قبلته ...
أنا متأكده بذاك الوقت ماقبلته الا لأنه غالي مادياً ... بس اللحيــــن لو عرض علي مثله ليش بقبله
...
ضحى :لأني أحبـه ....
ماتذكرت شـي ...
عساف :تحبيـــــن أيش ...
ضحى :الخاتم ...
عساف :ضحى مصخنه ...؟!
ضحى :لا بتصخن صدق من أسألتك حتى ماقدرت أفرق وش اللي انطقه لك وش اللي اقوله لنفســـــي
..
بأبتســــامه حولت ملامحه التعبانه لملامح كلها حيويه ...
عساف :بأيش تفكرين من اللي تحبينـــــــه ..
ضحــى :قلت لك الخاتــــم ...
سحب يدي اللي فيها الخاتمـ
عساف :معقوله سرحانه مني عشان تفكرين بالخاتم مستحيل أصدقك لأني اعرف ضحى زيـــــن مو
تافههه أبد ولاترهق تفكــــيرها بشـي تافه ...
بس أنت تافه ليش أشغل تفكيـري فيك ...
ضحى :صدقني ضحى اللي تعرفهااا تغيرت وصارت تفكر بأشياء أتفــــه من الخاتــم ...
عساف :يعني حتى الأشياء التافهه لقت لها مكااان بتفكيـرك وأنا لاااا ...
ضحى :من قال ان مالك مكان بتفكـــــــيري
عساف :يمكن تفكرين فيني بس مو بالطريقه اللي أنا ابغااهاااا ....
شدن :بسسسسسسسسسسسس صدعتوووووني ... مكااان ممل وسوالفكم ممله ...
مأكذب لو أقول ان كلنا فزيناااا...
شدن :ليش العشاء للحين ماجاء ...
معقــول دخلت جو عساف لدرجـة أني ماحسيت بوجـود شدن معنـــاااا ..
شدن ذكيـه مره صح الكلام أكبر منها بكثير بس ممكن تحس بخطر من بعض الكلااام ...
وأنا مأبغاها تفهم شي ممكن يأثر عليها بالمسـتقـبل ...
يكفي جيلنااا عاش المعانـاة شدن ونوره وحمــودي وكل عيالنااا المفروض مايعيـشون نفس المعااانااااة
..
عساف:كل هذي صرخه عشان العشاء ... طيب اللحين يجي العشاء لاتأكلينا بس ...
شدن :اووووف انتم تسولفون ماتحسون أنااا مررره جيعاااانه ...
عساف:طيب كلي الاسكريم لين يجي العشاء ..
شدن :ليش تطلب لي ايسكريم قبل العشاء مايصلح ...
ضحى :عادي كليه مره وحده هي ....
شدن :لا انتم كل شي بكيفكـم يمشي او لااا ... كبار أغبياء ...
قلت لها بأستنكاررر..
ضحى :شدن ...
شدن :طيب آسفه كملوا سواليفكـم ...
والله هالبنت من صدقها بتمشينا على ميزاجهـــــا ...
عساف :تذكرتـــي ...
ضحى :رجعنا للنفس السالفه
عساف :لأنه تقهريني معقــوله ماتذكرين هالمكاااان ...
قلت له بكــــل جرأة وصل لها تفكيري ..
ضحى :شوف مو شرط ان المكان يعني لك شي بيكون عندي نفس المشاعر للمكان ....
عساف :كيف عرفتـــــي ...؟!
يعني صدق من هنا حبيتنــــــي ياعساف ...
ضحى :يقولون عني ذكيه ...
عساف :ذكيه بس ذكائك مايوصل للمشاعر ...
سألته مأدري وش يبغى يوصل له...
ضحى :شلون يعني ..؟!
عساف :يعني مو ذكيه لدرجة أنك تحبين اللي يحبــك واللي مصلحتك معـــــه ...
جاوبته بحرفيــــه ..
ضحى :بس أنا مأحب أحد ثاني .. يعني جملتك مو محبوكه مره ...
عساف :أنا مأكتب الكلام بورق قبل مأقوله ... ولاعندي دماغ ذكي يرص لي الكلام قبل الطرف
الثاني مايخـلص كلامه ...
ولاعمري حسيت نفسي لازم اتذاكى بالهرج الا منك ...؟!
شدن :خلص الأسكريم ابغى كيك ...
عساف :خلص العشاء اللحين جاي قالوا ثلث ساعه بقى منها دقيقتيــن ...
ضحى :لأن تجربتك بالحياة غير تجربتــــي ...
عساف :ماولدت وبفمي ملعقه من ذهب ...
ضحى :يكفي انولدت وسط عائله ...
عساف :ليه الأخت لقيطــــــه ..
ماستوعبـــــــت أبدن الكلمه اللي قالهاااا
عساف يقولي أنا الكلمــــــــه هذي ...
عساف :مره تحسين نفسك بمعاااناه لدرجة أن حولك نعـــــم ماتقدرينهاااا ... عمرك مافكرتي
ان بعد أبوك عنكم نعمــــه ...
لأن فيه ناس سيئة قربها يضر ماينفــــع ... يعني أرحم لو كااان ابوك طول حياته معكــم ومذيقكم
الويلااات من ضرب وعقاب وكلااام سـيء ...
ضحى :لوسمحــــــت مو وقته هالكلاااام .. مأبغى شدن تسمـع أي كلمه حلوه زياده بتقولهااااا
...
كانت شدن تناظر بأبوها بانبهار من بعد كلمــــته .... ماوخرت عينها ولالحضه ....
عساف :اصلاً معك مافيه أبدن وقت مناســــب ...
جاء العشــــاء وانقطع الكلاااام ...
بس كلمته هزتني هـــــز ... رجعتني للكلاام الجارح اللي كنت اسمعه قبــل ...
كانت مشاعري قهر وغيض ورغبه بالأنتقااام ..
لدرجة أني ابغى ارمي كل شي قدامي عليه ....
لاحظته بدأ يأكل شوي بعدين رمى الملعقــه وجلس على ورى ...
لو شافني مأكل بيحسب كلامه همني بس أناا اوريه بأكل كأن ولاشــي مشغلنـــــي ...
عساف :شوفي الكلام ماتأجل لوصلنا البيت بنكملــــه ...
بكل هدوء شربت مويااا ...
ضحى :يصيــــر خير ...
بعدها بس جاء وقت شدن تسولف فيه ...
وطبعاً لازم الكل يسمعهااا ويعطيهااا راي بكلامهااا ...
توقعــت لو رجعنا البيت بيفتح المــوضوع بس حسيته رجع لصمتــه وتصرفاته الغريبه مباشره راح
لغرفته وقفل الباب...
بعد مانامت شدن وأخذت حمودي للغرفتي بعد ماكان عند الشغاله وكان نايم ..
رحت له عارف أنه ماراح يرجع يتكلم بالموضوع وبيستــــمر بغموضه ومو بس عشان اللي صار
بالمطعـم ...
لاكنت رايحه وناويه أقول وأسأل عن كل شـــــي أجلته ...
حاولت أفتح الباب وكان مقفــــل ...
دقيت عليه فتح وجلس يطالعني ثم ترك الباب مفتوح ودخـــل ...
ضحى :ليش تقفل الباب ....
عساف :مافيه سبب معين ...
مافيه أي تجاوب منه جالس يطالع شي بجواله ...
ضحى :انا جاهزه اسمعك ....
عساف :بس الموضوع انتهــى كان وقته عندي كلاام بس اللحين ماعاد ينفع ....
ضحى :شكل حياتنااا كلها اللحين ماعاد تنفع ...
وأخيراً جذبت أنتباهه ..
عساف :ليش تقولين كذا ..
ضحى :من تصرفاااتك ... صارحني وش فيك ... دايم انت صريح وتقول اللي عندك
بوضوح ليش المره هذي غامض ...
شوف اذا حسيت ان المسئولية كبرت عليك .. وماتقدر تلعب دور الأب .. انا جربته من قبل
وأقدر اقوم فيــــه .. وحياتنا بتستمر فيك وبدونــــك ...
عساف :بسسسسسسسسسسسسسس ...
فجأه صار قدامي ماسكني ويهزني
عساف :خلااااص بسسسسسسس تعبت منك .....
وبدأ يصرخ بالكلااام .. واني منذهله ماني قادره اسوي شي ...
عساف :انااا تعبــــــان احس نفـسي أموت باليوم ألف مره وانتي كل اللي عندك تحقرين فيني
وبأهميتــــي بحياااتك ...
عاررف انك تقدرين تعيشين من دووووني مايحتاج تقولينها كل ثانيه ولحضـــــــه ...
مانتبهت اني حاطه ايديني على اذاني لين فكني وسحب أيدي من على اذاني ...
عساف :سامعه أنا تعـــــبت منك ومن أنانيتك ....تدرين أنا خلاص انتهـــــيت منك ...
وسحبني وطلعني من الغرفه وقفل الباب وراي ...
انا انطرد بالطريقه هذي ... ويصرخ علي بطريقة الهمجيــه هذي ...
والله لأوريه الزفت ...
ماقدرت اناام لين بعــد الفجــر وقت المنبه على صلاة الظهر ونمت وأنا عارفه ان منبه حمودي
بيصحيني قبل ...
((7))
نوف
ماتوقعت اني برجع للمدرسه
بس أول يوم لي بعد الفصل لقيت نفسي ألبس مريولي وأخذ شنطتي وأطلع لخواتي ...
اللي ماعلقوا وكأنهم متـوقعيين تصرفـي .... بس للأسف خواتي مو ذكيات لدرجه هذي ...
وخصوصاً المدعوه وعده لأنه بعد ماركبنا الباص وبنص الطريق صرخت بطريقة غبيه يعني لازم
تسمع الباص كله وتفضحنا...
وعد :كيف .. ؟؟؟
أنتي ...!!!!
وش جابك معنا ..؟!
مو قلتي خلااص ماراح تكملين دراسه .....
حطيت يدي على فمهااا وقفلته
نوف :انطمي ولاحرف لرجعنااا البيت أسألي على كيفك يالفضيحـــــه ..؟!
وبعد معركه حاميه قدرت تخلص نفسها مني
وعد :ياحماره الله يأخذك حستي شعــــري وعندنا تاريخ أول حصه ......
ضحكتني كلمتها الخبله وعد تكشخ للتاريخ وكأنه يشوفهاااا ...
نوف :اقول وعدووه وش رايك نهرب الحصه الأولى ...
وعد :انتي غبيه او خبله .. أقولك عندنا تاريخ الحصه الأولى تقولين اهربي ...
نوف :عادي حنا عندنا انقلش وبهرب مافيها شـي ...
وعد :انتي خبله انا مو مثلك ..انا طول الأسبوع انتظر حصة التاريخ عشان أهرب منهااا اذا
صرت خبله اسوي كذا بس أنا مو خبله وبحضر الحصه ..
كررت كلمة خبله ثلاث مرات يعني هي فعلاً خبله ومع مرتبة الشرف الأولى ...
نوف :طيب صيري خبله اليوم وأهربي
وعد :أنا مارضى على نفسي اصير خبلــــــه ...لاااااااااااااااااااااااااااااااا
حسيت نفسي أرتج وصرخت وسمعت صرخة وعد وباقي البنااات بأذنــــــي ...
كان الباص ينقلب وأنا احس اني اتقلب مره راسي فوق ومره رجولي هي اللي فوق ..وماعاد أحس
أو اشوف شـــــــي ...
((8))
ملاك
كنت انا ونور جالسين بالصاله هي تلعب وأنا شبه نايمــه دق التلفون وركضت نوره بترد عليه بس
اشوى لحقت عليــــه قبلهااا ...
ملاك :هلا ايوه منزل مبارك ...لاااا وش تقولين ... صدق طيب خواتي صار عليهم شي
... ماتدرين ..اووووف طيب ليش داقه ...
قفلت السماعه وأنا أرتجــف ...معقــــوله حادث يارب سترك لايكون صار لخواتي شـي ...
شلت نوره وركضت فوق لمشاعل ...
دخلت عليها الغرفه وكنت ماني قادره اتكلم نزلت نوره وجلست اهز بمشاااعل .... وهي فتحت
عيونها وتطالع فيني بذهول ....
وانا مستمره اهزها مو قادره اتكلم احس صوتي راح من الصدمه ...
حتى صرخت فيني وهي تجلس
مشاعل :توقفي عن ذالك سيصيبني أرتجاج بالدماغ ماذا هناااك
ملاك :خوااااتي صار عليهم حادث ...
جلست تطالعني وكأنها ماهي فاهمه ...
ملاك :بسرعه وش نســــــــوي
مشاعل:لأعلم هل هن بخير..؟!1
ملاك :مأدري المدرسه اتصلوا وقالوا ان الباص حقهم سوى حادث
مشاعل :لنذهب أليهــــم
ملاك :طيب وين نروح مأدري أي مستشفى ومن يوديناااا
مشاعل :سفر أليس سائقناااا .. والمستشفى اتصلي على المدرسه وأسأليهم..
؟!
ملاك :ايه صح بتصل على المدرسه وانتي اتصلي على سفر تلقينه بأخر الدنيا اللحين ..
خليت مشاعل ورحت أدق على المدرسه ومشغــول عدت الأتصال ألف مره وكله مشغــــــول ...
قفلت يوم شفت مشاعل نازله ولابسه عبايتهااا
ملاك :مايردون طول الوقت مشغول ... بتصل على المستشفيات بسألهم أذا وصلهم اليوم بنات
من حادث الباص
مشاعل :سنفعل ذالك بالطريق هيا بناااا ...
اخذت عباااتها من ورى الباب لبستها وطلعناااا ...
طول الطريق ويدي على قلبـــــــي .. خايفه موووت من اللي ممكن يصير لخــواتي ...
اتصور نوصل هناك ونلقى وحده من خواتي ماتت لاسمح الله ....
لاااا ماني متصوره مأبغى افقد احد من خواتــــــــي ...
مشاعل :توقفي عن البكــاء ..
ياليت أقدرمأبكي غصب عنـــي ..
نوف
صحيت بالمستشفى ... وكنت أحس ان راسي منخلع مو مع باقي جسمي ...
ومن صحيت كل شوي ارفع يدي لراسي أتأكد انه موجود ...
كانت هند معي بنفس الغرفه وبنااات كثير من الباص بس وين باقي خواتـــي ...
كنت أبغى أسأل عنهم بس ماني قادره افتح فمي لأني احسه مخدر ...
وكل ماسمعت صوت هند تبكي توترت ياربي أخاف خواتي احد منهم صار له شـــــي بمووت والله
...
مرت ممرضه من جنب سريري حاولت ارفع يدي بأشر لها عشان تنتبه لي وأسألها بس ماقدرت ..
ياربي وين ووعـــد وشوق ... وعد للحين اتذكر صرختها بأذني صرخه وحــده وبـــس ...
غمضت عيـوني مـأقدر أشوف شــي وأنا ماني قادره اتحرك ولاحتــــى اتكلــــم ..
ملاك
وصلنا المسـتشفى اللي تأكدنا أن هو اللـي استقبل حادث الباص ..
مسكت مشاعل قبل ماتنزل من السياره ..
ملاك :ميشو أنا خايفه ...خلينا نرجع البيت ..
طنشتني ونـــــزلت ..نزلت وراها بسرعه وأنا اقول ...
ملاك :ميشو تصوري يعني احد صار له شـي وش بنسوي
مشاعل :لن نفعل شـيء سنكمل حياتنا ...
ملاك :يابرودتك ياشيخه
مشاعل :برودة ماذا الجو حار جداً ...
حسيت اني بخنقها من القهـــــر هذي ليش مو مستوعبه الوضع
ملاك :مشاعل تعرفين وش ممكن يقابلنا يمكن وحده من خواتي تكون راحت او
حتى احد انشل او أي شـــي ثاني ...هذا حادث ياماما ...تصوري باص كامل أنقلب وانقلب
...
مشاعل :حقاً من تصويرك للحدث أشعر بأنك كنتي داخله ..
ملاك :والله نفسي اذبحك هنااا بس لااا مو غبيه انا اذبحك بمستشفى وبسرعه ينقذونك خلينااا نرجع
للبيت
دخــلت مع الباب قبلها شفت رجال متجمـهرين كل ذولي أباء جايين لبنـاتهم وحنــا ..
كل ماجيت أنســــــى شي أسمه أب تذكرني فيه الحيـــــاه ...
((9))
مشاعل
لأعلـم ماسبب جــزع ملاك المبالغ فيـه ...
هل ستظن أن أحد بنات مبارك ستناال شـرف الراحه من الحيــــــاه بهذه السهـوله..
يال حماقتهــا لن يحدث ذالك أبداً سيتعذبن بنات مبارك ألف مــره قبل أن يرتحـن من الحيـاة ...
أرى أن ملاك متفائلــــه جداً ...
لحقت بها بعد أن رأيتهـــا تقف عاجزه عن المـرور بين تلك الثياب البيضــــاء ..
مشاعل :هل أنتي عاجزه عن شق طريقك بينهــــم كنت أتوقعت اكثر شجاعه من ذالك ..؟!
ملاك :غبيه لو فكـرتي أن هالشي هو اللي عجزني أنا خايفه ادخل وانصدم بالشــــي ... ولا كل
ذولي ماهمـــوني وانتي عارفتني زيـن ...
مشاعل :ربما كنت اعرفك ولكن الآن لااا سمعت أن التوأم يضعـفون عن أفتراقهــــم ..
ملاك :جرحتي مشاعـــري يالمتشـرده الصراحه مألوم وعــد وهي تستثقلك ...
لماذا هي غاضبـــــه بهذه الشده
مشاعل :هل تعلمين اظن ان تلك الصغيره محظوظه للغايه ربمـا هي من ستجدينهـا قد فارقت الحياة
التعسـه ....
صاحت بي
ملاك :تعسه بعيــــنك ليته انتي ولاهـــي يامتخلفه انا من زمان كنت عارفه ان ماعندك أي مشاعر لنا
بس كنت امني نفســــــي
ان يمكن عندك ذرة خيـــــر بس الظاهر أني كنت غلطانه وغلط كبيــــر بعد ...
مشاعل : توقفي عن الصياح بوجهــي ودعينا نرى ماذا سنفعل ...
ولكنهااا تعدتني بدون أن تعطيني رد...
حاولت اللحاق بهـا ولكن هناك الف سد أمامي منعني من الوصـول إليهـــــا ...
ولكن فجأه لمـحتها تتحدث مع فتاة بعد تدقيق وجدت أنها شـوق ...
بصعوبه وصلت لهما
مشاعل :مرحبا شوق هل أنتي بخيــــر ..
شوق :خير من وين أحس عظامي كلها مكسره الله يكسر راس السواق
..
قالت ملاك بتهــكم
ملاك :لحضه خليني أتأكد انتي هند ولاشوق ...؟!
وكانت تحاول رفع غطاء وجهها
مشاعل :توقفي عن ذالك .. أين البقيه ..؟!
شوق :هند داخل يدها مسكوره للحين ماسوو لها اشعــه بس عطوها مهديء وهي بتموت من الألم
..
مشاعل :ألم أخبــــــرك لن يصيبهن مكروه ...
ملاك :ياسلام ووعد ونــوف للحين ماشفناهـــــم ..
مشاعل :صدقينـــي لن يكونن أسعد حظاً من البقيه ....
ملاك :مره متفائله أنتــــــــي ...
شوق :وش سالفتكن أنتن لازم تهاوشـن .. وين نوره ..
ملاك :مع سـفر
شوق :حرام عليكم خليتوهااا لحالها...
ملاك :يأختي سفر أحرص منك عليها بعدين هي اللي تبغى تبقى بالسياره معــه ...المهم اللحين
وين بنلقى نوف ووعـــــد ..
شوق :مأدري توني طالعه بـشوف وينهن لقيتـــــك ...
ملاك
تطمنا على شوق وهنـد بس باقي وعد ونوف ...
وحنا نمشـي بالأسياب لمحت وحده تشبه نـــــوف
ملاك:شوفوو ذيك نــــوف ..
شوق :لامونوف .. نوف شعرها قصــير .. بعدين ليش فاتحين الستاره كذا حرام ..
ملاك :هذي شعرها قصير..!!
مشاعل :يبدون أن لديك ضعف بالنظــر ... لايوجد وجه شبه أبدن
ملاك :اللي يسمعك يقول جالسه اشبه انا اقول هذي نوف
شوق :والله موهـــــي نوف شعرها قصير مرره ..
ملاك :أنا بروح أشوفها من قريب وماعلــــي منكــم ...
رحت امشي لم السرير اللي شاكـه ان اللي عليه نوف .. وسمعت مشاعل تقـول لشـوق بيطلـعون
يسألون عنـهم ..
وصلت للبنت وقبل مأفتح الستـارهـ أكتشفت ان فعلاً فيني ضعف نظر لأن البنت ولاحتى حـول نــوف
..
وفشلتي من مشــاعل وشوق ...
درت السيب كامل مالقــــيتهن ياويلي وين راحـوا خواتـــي ...
بديت اوســوس ... مو معنى ان شوق وهند ماصار عليـهم شــي يعنـي باقـي خواتـي مافيـــهم
شـي...
أنا لازم أتأكد اذا الحادث فيه وفيااات أولااا وين أسأل ..
انتبهت أني أدور علــى نفسي والله من الهبــــــاآل اللي فينـــي ...
ايوه هناااك أخيراً شفته وين كان هذا ...
رحت له بسرعه كان فيه ناس يكلمـونه بس ماعلي منهــم قاطعتهم ..
ملاك :لو سمـحت حادث باص البنااات فيه وفيااات ..
:أيوه للأسف ثلاث وفيات كانوا مباشره من وقت الحادث وفيه حالات حرجــه ..
رجعت على ورى من الصدمـه يارب ستــــــــرر ..
جلست ادور زي المجنــــونه لازم ألقى خواتي لازم يكــونون عايشين ...
جلست ادور وماني قادره اشوف شي ولا لقيت خــواتي ...
رحت سألت عن اسمـائهــم لقيت نــــوف بس وعد لاا مو موجوده اسم يعني ويــــن راحت ...
ووين مشـــاعل وشـوق أبغى أحد معـي ماني قادره اتحمل الوضــع ...
حسيت بيد مشاعل تمسكـني مع ذراعي ...
مشاعل :توقفي عن الدوران حول نفسك كالمعتوهه ...
بلعت ريقــــــي ..ماني عارفه كيف بنقل لهن الخبـــر ... بغصه قــــلت ...
ملاك :وعــد مالقيت اسمهااا .. نوف هنا بس ووعـــد لااا...
مشاعل :لاتقلقي سنجدهاااا ..
شوق :حرام ..كيف.. وينهااا ..؟!
ملاك :مأدري .. مأدري .. لاتسأليني...
مشاعل :توقفوا عن الصياح بهستريا ستكون بخيــــــر ...
ملاك :انا بطلع ماني قادره اتحمل انتم شوفو وينهــــــا ..
سمعت مشاعل تقول عني ضعيــــــفه بس مأهتميت انا فعلاً مو قادره اتحمل لوجلست زياده داخل كنت
بنهــــــار ...
مشاعــل
أصبح الوضع مـربك جداً يبدو أن حدسي أخذ يخذلنـــي ...
هل حقاً ستكون وعد بخيـــر ..
طلبت أنا أرى جثث المتوفيات حيث أخبرونا أنا واحده لم يتعرف عليها أحــــد ..
ولكن يجب أن يكــون رجل من يتعرف عليــــهااااا ..
شوق :خلينا نكلـــم ضحـى وهي تتصرف ...
مشاعل :حسناً سأفعل
اتصلت بضحى ألف مره ولكـــــن لا أجابه ..
ولم يكـن لدي الا خلف لأتصـل به هو رجل وقادر على ذالك ...
أخبرته ماحدث بهدؤ ... شعرت بأنه مذهول من الوضع أكثر مني ..
أندفعت إليه ماأن رأيتـــــه ...وقد كانت شـوق ذهبت للبحث عن نــوف التي لم نصل لها حتى الآن
...
أخذ خلـف يسألنــي عن أخوتي وكأنه حقاً قلق عليهـــــن
لأعلم لما تراودني دائماً هذه الأفكــار بالأوقات غير المناسبه لأستطــيع السيطره على الطريقه الذي
يأخذها مسار تفكيــري المشكك مهما كان الوضع
فأنا لأستطيـع ان أتقبل سؤال خلف وقلقه الواضح من الـــــوضع بطريقه طبيعيــــه ..
فداخلي يتردد ألف سؤال وهتاااف .. ماشأنه ... لما يهــــتم .. والدي لم يهتم بيوم فكيف
هــو ..
اخواتي لايعننـه أنا من أعنيـــــه ... لايجب أن يقلق عليــــهن ... الواجب أن يقلق علي أنا
فقط ...
هل أصبح خلف فجأه يملك ضمير لكي يهتــم بأقربائه من الدرجـه الثالثه .. الم يقتل والدهـن
...
خلف :مشاعل تسمعيني ... أرتاحي أنتي وأنا بروح أشوفهـــــم ...لاتقلقين كل شي بيكـون
زين ...
((10))
ملاك
جلست بالسياره ارتجــف وبحظني نوره تسولف ...
نور :ميتو ننزل
ملاك:انا ملااك نامي مالي خلق ..
نورا:انزل
ملاك :نورا مالي خلقك نامي ...
كنت أبغاها تنااام عشااان ارتاااح واعرف اتصرف ...
انسدحت بحظني وهي تردد نورا نوم ...
تذكرت سارا ماخبرناااها لازم تدري ...
ملاك :سفر عطني جوالك ...
أخذت جوال سفر ودقيت على سارا
سارا :هاه وش تبغين بنااام
حسيت براحه يوم سمعت صوت سـارا الحمدلله ماكانت معــهم ..
ملاك :سارا الحقى البنااات قلب فيهم الباص ...
سمعت صرخت سارا ..ثم اختفى صوتهااا
قفلت لأنه مافيه شحن بعد شوي رجعت هي تدق
سارا :ملاااك صدق سوو حادث
ملاك :أيه كلهم كويسين الا وعد تصوري مالقيناااها
سارا :لاكيف مالقيتوهااا يعني وين راحت ليكون احد خطفهاااا
بلعت ريقي بصعــــوبه
ملاك: لا مأنخطفت حنا خايفين تكون ماتت ..
سارا :لااااحرام مستحيل توها صغيره ..
ملاك :انا طلعت برى خايفه يصير صدق ...
سارا :طيب كيف بندري ..
ملاك :مشاعل راحت ..
سارا :تكفين روحي شوفي وش صار ولله بموت من الرعب ...
ملاك :أنتي تعااالي اختك مختفيه وماتجين
سارا :ياربي وش اسوي حرام عليك انتي عارفه اني مأقدر اجي
ملاك :لاا لازم تجين شوفي قفلي ليخلص الشحن وتوهقين ..بعدين اتصل عليك من جوال مشاعل
لاصارشي
وحاولي تجين خلاص ...
قفلت ماسمعت وش تقول اصلاً انا ماني فايقه لها خايفه يكون وعد صار لها شي الله يستر والله
المصايب كثرانه عليناااا ...
دقيت على ضحى بشوف فتحت جوالها لقيته للحين مقفل .. اووف احسها ماتصدق تطلع من بيتنا
تقفل جوالهااا ..
ادق على عسافوووه
ملاك :سفر معك جوال عساف
سفر :لا مافيه ..
ملاك :ليش مافيه مره ثانيه كلوو رجال زوج خوات تسجل رقمه ولصار شي تتصل عليه .. ولا
وش فايدتهم ...
((11))
مشاعل
عاد خلف بخفي حنين .. لم تكن وعـــــد ..
ميشو :أين وعـــــد ..
خلف :مأدري بس لاتخافين بقلب المستشفى عليهم لين ألقاها يمكن سجلوها بأسم وحده ثانيـــــه
...
ميشو:لكن نحن بحثنا عنها بين الموجودين ولم نجدها
خلف :يمكن بالتنويم لأن فيه ناس تنومت يمكن هي معهم وسجلوها بأسم خطأ لاتخافين اكيد بنلقاهاا
اهم شي انها عايشه ...
هل حقاً الأهم ان نجدها على قيد الحياة ولايهم أي مصاب أصـابهاااا ...
هذا ماتريد أنت ولكن مانريده نحن مختلف ...
ذهب خلف باحثاً من جديد عن وعـــد ...
وقررت أنا الخروج لملاك لأخبــــــارها بأخر المستجدات ...
ولكن قبل أن اهم بذالك جاءتنـــي شوق
شوق :تعالي وش صار
مشاعل :لم نجدهاا..
شوق :يعني ماماتت ..؟!
مشاعل :كلا..
شوق :اشوى ...لقيت نوف وخلاص بتطلع مافيها شي بس دايخــه ..
مشاعل :حسناً احضريها سنذهب لملاك لنخبرها بأخر المستجدات وتعودوا انتم للمنزل ...؟!
شوق :وهند ووعــد ...
مشاعل :هل سمحوا لهند بالخروج
شوق :لا يسوون لها اشعه..
مشاعل :اذن دعينا نخرج وسأعود لاحقاً للبقاء معها ...
شوق :يالله أجل ساعديني نطلع نــوف ...
مشاعل:هل حالتها مزريه
شوق :كثير هاتي كرسي والحقيني ...
لأعلم لماذا تخرج وهي بحاله مزريه هكــذا .. كانت لاتستطيع الكلام حتــــى الا بكلمات متفرقه
...
سرنا تحت الشمس المحرقه حتى السياره .. أخبرت ملاك بماأستجد وسألتها اذا كانت تريد البقاء
معي وأختارت ذالك ...
بعد ساعه كنا نستقـر مع هند بغرفه حيث قرروا بقائها بالمستشفى وخلف مازال يبحث عن وعـــد ..
((12))
سارا
ياربي كان لازم الخبله ملاك تتصل تخبرني يعني انا وش بيدي اسويه ... تدري اني مأقدر اسوي
شي بس قلق على الفاضـــي ..
حتى مأقدر اقولها تمرني ... لأني لو طلعت وقيس مايدري بيكبر السالفه وبتصير بلاوي ...
ومأقدر اتصل عليه لأني رسمياً قدامه ماعندي جـــــوال ...
ولا عمره بيقتنع يكون عندي جوال لين يصير شـــي خطير يخليه يفهم وش أهميـة الجوال
سارا :متخلف مايفهم بأهمية التكنولوجيا بالحياة الحديثـه ...
ياملحي وأنا مثقـفه رفعت رجولي على الطاوله واسترخيت بالكرسـي ..
ضحكت لما تذكرت اعتراف قيـــس أمس
أجل من كنت صغيـر يفكر أني زوجته
هههههه مسكين تعقــــد ...بس هذا مايغفر له يعني على كيفه يصفق فيني ويظرب
طيب وضحلي ليش تسوي كذا وأنا ماسوي اللي يزعجك ولا أظربك ولاتظربنـي ..
اتصور لو صدق قالي او كنت أنا اعرف كان انجنيت ...
نطيت جالسه كيف استرخي وأفكربـالخبل وخواتي بمحنــــه يارب تستر ..
لو رجع قيس بدري وطلبت منه يأخذني لخواتي على أساس اني عرفت لأن ملاك جت وخبرتني وأنا
مارضيت اطلع معها عشان مايزعــــل ... ماراح ياخذني لهم .. اصلاً من شاف وجهه اليوم
الصباح عرف أنه مافيه مجال لتفاهم معه ....
ياربي من هالأنسان صعب التعامل معـه .. عصبي .. وعلى الصامـت ... يعني اليوم من
صحى لين طلع مانطق حــــرف أنسان غريب صدق ...
ميشو تتكلم اكثـر منــــه ..
الساعه 11 باقي ثلاث ساعات ويجي ياربي كيف بصـبر ...
بديت اهوجس ورجعت لي فكرت ان قيس ماراح يتقنع يكون عندي جوال
لين يحصل شي خطير وبدت هالفكره تدخل بدماغي وتسيطر علي ..
لازم يحصل معي شي خطيـر بس وش هالشـــــي ...
لين بالأخير لقيتهـا ...
بس بقدر اتحمل الألم لين يجـي ...
ايه اقدر ليش لااا ... والألم يبعد عني الأفكار السئية انا خواتي حصل معهم شــــي ...
سخنت الموياا وبعدين قفلت عليهااا جهزت كوب الشاي والليبتون .. تركته دقايق ثم صبيته ..
غمضت عيوني
وبسرعه سكبت الكوب على ايدي ...
صرخت بقـــــــوه
سارا :لاااااااااااااااااا....
ياربي وش اللي سويته بنفسي ... الم قاااااااااااااااتلل ...
سارا :أخخخخخ ياربي
كنت انط بالمطبخ وادور على نفسي من الألم ....
وسط صياحي تصورت أني شفت قيس واقف على باب المطبخ بس أكيد اتخيل مستحيل يجي هالوقت
...
قيس :وش فيك ..؟َ
هزيت راسي بلااا
سارا :قيس لا مستحيل ..آآآآآآيييي
قيس :وقفي وريني وش فيها يدك
سارا :احترقت احترقت ياويلي يوجع بمووووت ...
قيس :طيب وريني فكيهااا خليني أشوفهااا
وسحب يدي غصب ...
قيس :مافيها شي حرق بسيط
صرخت عليه بين دموعي وانا اسحب يدي
سارا :وش اللي بسيط مويا مغلي انكب عليهاااا ...بمووووووت
راح لم الثلاجه ورجع لي بعسل ..
قيس :حطي عليها لتتشوه يدك ..
سارا :لاااا تتشوه لااا بموت الم وتتشوه ...
قيس :هاتي يدك احط عليهاااا ..
سارا :ياربي ياويلي بموووت يوجع ...
قيس :سارا بدون هبال اثبتي مكانك خليني احط العسل على ايدك ....
بعدت عنه ..
سارا :ماراااح ينفع يوجع ...
طلعت للصاله وجلست على كنبه وانا حاضنه يدي وأبكي منهاااا...
قيس :طيب لاتبكين وش تبغين اسويلك يعنــي ...
اكرهه حتى وأنا اتألم يصرخ علي مأبغى اسمع صوته
سارا :اسكت عني حرام عليك يوجع ...
مادريت انه جلس جنبي لين سحب يدي ...
سارا :أترك يدي وش تبغى فيه ...
قيس :وش هذا قومي بوديك المستشفى قومي بسرعه ...
ماكنت قادره اناظر بيدي مرعوبه ليش اندهش كذا فجأه ناظرت بيدي لقيتها بدت تنتفخ .والجلد انسلخ
...
بديت اصارخ برعب من المنظر ...
سارا :لاااا يدي لااااااا ...
مسكني مع يديني الثنتين وقفني ..
قيس :بدون الأنفعالااات هذي قومي خوذي عبايتك وتعالي اوديك المستشفى خلصينــــــــي ...
بعدها ماقدرت اتكـــــلم رحنا للمستوصف خاص قريب من العماره ...
وبعد ماطلعنا منه بس ركبت السياره ماعاد احس بشي حسيت بخدر كامل بجسمـــي ...
((13))
نوف
اول مارجعنا البيت نمت مباشره اصلاً جسمي مأحس فيه ...
بعدين على العصر صحيت لقيت شوق نايمه عندي هي ونوره ....معقوله للحين مارجعوا يعني
مالقوا وعــد ...
مستحيل ياربي وين راحت ...
سمعت التلفون يدق قمت ارد عليه ... توقعت ملاك اوشوق بس انصدمت يوم سمعت صوت
شهـــــد ...
نوف :خير وش تبغــين ...
شهد :هلا نوف وش أخبارك ...
نوف :مو بخير توني طالعه من حادثه ومتكسره ..
شهد :لاا وش صارا وش حادثه ...
نوف :قلب فينا الباص خير داقه وش تبـــــين ..
شهد :قلت اتطمن عليكم ... طيب الباقيين صار عليهم شي..؟
نوف :ايه تكسرنا ووعد ضاعــت .. بعدين توك تصحين تدقين تطمنين يمدينا متنا بهالشهور
...
شهد :كيف ضاعت ...؟!
نوف :ماحنا لاقينهااا ...المهم وش طرانا عليك ..
شهد :دايم تطرون علي بس والله ماقدرت اكلمكم الا اللحين ...انا تزوجت ..
نوف :كذاااااااااااااااابه ..
شهد :والله .. واللحين انا سافرت بس اول مأجي للرياض بزوركــم فقدتكم كثير ...
نوف :من زوجك ..
شهد :زوج أمي .. المهم ليش ماتروحين انتي ووعد عند أمي ...
صرخت عليها
نوف :اييششش هذا اللي ناقص.!!!
شهد :أحسن لكم
نوف :لا مو أحس حنا عايشين ببيتنا ومرتاااحين ليش نروح لأحد ثاني ..
شهد :بس هذي أمي ..
نوف :امك بس أنا مأشوفهاا أمــي ... انا ماكان لي أم بحياتي أبدن ولاراح يكـــــون لي ...
شهد :طيب أكلمك بعدين طمنيني على وعد لو لقيتوهااا خوذي رقمي ...
ملتني رقمها اللي مافكرت أكتبـــــه وقفلت ...
اوف وش ذكرها فينا هذي لو درت ضحى اكيد بتنقهر ماراح اقولهااا ...
وياليت الغبيه هذي ماعاد تتصل فينااا ...
كنت جايه اقوم رجع يرن التلفون مابغيت ارد توقعتها شهد .. بعدين قلت يمكن مشاعل وملااك او
ضحى او سارا ....
نوف :هلاااا
:لاهلااا ولامرحبااا ياخونه انتي أخت أنتي ياحماررره ...
نوف :وووووووووووععد ...
وعد :لااا نوف ...ياحماره ياحقيره ...
وبدت تبكي ...
نوف :وعد هدي وينك انتي ...
وعد :انتم اللي وينكــم حرام عليكم راميني بالمستشفى وتاركيني
نوف :والله ماتركناك ماندري وينك ...
وعد :انا بالمستشفى ..توني صحيت ...
نوف :أي مستشفى حنااا كنا هناك وقلبنااا الدنيا عليك مأنتي موجوده واسمك مو موجود ولالقينا جثتك
...
وعد :ياحقيررره وش جثته انااا حييه
نوف :عارفه انك حيه اجل خيالك اللي كلمني ... انتي بأي مكااان بقول لمشاعل وملاك يجونك
...
وعد :المستشفى اخذوا رقم البيت مادقوا عليكم
نوف :لااا مادقوا اصلاً البنااات عندك اللحين يجونك ...
وعد :عندي ياغبيه مأحد عندي ...
اووووووف هذي شلون تفهم
نوف :ياحلوه اقصد معك بنفس المستشفى ..
وعد :اقولك مامعي احد بس انا وبنت اللي هي سوير اللي جينا للمستشفى هذا الباقيين بمستشفى ثاني
نوف :ليش انتي مو بمستشفى .......
وعد :لاا بـ مستشفى .......
نوف :اهاا طيب اللحين ادق على البنااات ونجيك
وعد :طيب بسرعه تعالوا طلعوني مليت معي سوير دبلت كبدي ...
قفلت منها وانا مبلمه معقوله هي راحت مستشفى وحنااا مستشفى ..
وش الأستهبال ذا ...
اللحين وين البطاقة بدق على مشاعل ...
دايم احطها تحت السماعه مأدري من اللي يأخذها يعني لو عندنا صفر مو أحسـن ...
بعد مايأست اني القااها رحت اصحي شوق ...
نوف :شووق اصحي بسألك شفتي البطاقه ...
فتحت عيونهااا ورجعت تقفلهااا
نوف :بنت اصحي مو فايقه لك ... خلصيني ووجع
شوق :اووف وش تبغين
نوف :اصحي
وكأنها استوعبت فزت جالسه ..
شوق :صحيتي ..
نوف :شوفت عينك
شوق :أشوى كنت ناويه ارجعك المستشفى
نوف :احلفي يابابا شوق اقولك شفتي البطاقه
شوق :أي بطاقة
نوف:يعني أي بطاقة حقت التلفون ابغى ادق على البنااات اقولهم
وقطعت جملتي لأني نسيت اقولها أني عرفت مكان وعد
نوف :صح ماقلت لك وعد اتصلت
شوق :كيف .. ليش هي وين
نوف :طلعت بمستشفى ثاني ومافيها شي بس توها صحت شكلهااا ماصدقت صار حادث ونامت
فرحانه افتكت من المدرسه
شوق :طيب ماني مصدقه كيف..
نوف:مو لازم تصدقين خلصيني بكلم البنااات وين البطاقه ...
شوق :مأدري والله خبري فيها تحت السماعه...
سألت نوره اللي توها صحت ودايخه..
نوف :نونو شفتي البطاقه ..
نورا :شدوهن ..
نوف :وش تقول هذي .. البطاقه اللي دايم تحت التلفون اخذتيها
نورا :نانا ..
ياربي البزر هذي اتوقع انهااا كانت عايشه بالهند قبل ماتجينا تكلم لغات اجنبيه ..
شوق :يمكن احد حاذفهااا او يمكن خلصت
نوف :طيب كيف بتصل عليهم أروح اشحد جوال من الجيران او أي احد بشارع
شوق :مأدري بسلامتك بس لاتدخلين بيت احد ...
نوف :طيب بس عند الباب بشوف بيت ام كايد ان مالقيت احد بروح بيت ام خالد ...
لبس عبايتي ورحت دقيت على البــــاب .. بغيت افقد الأمل بس اشوى فتح الباب ....
جابر :مين ..؟!
نوف :ابغى جوالك
جابر :نوف
نوف:لاخيالهااا
جابر:ليش متغطيه ماعرفتك
نوف :يعني ماتغطى عشان تعـــــرفنـي ...؟!
جابر :طيب وش فيك معصبه ترى حنااا صرنااا انساب يعني المفروض نحسن العلاقات ...
وهاك الجوال بس لاتصرفين كثير ترى فاتح الخدمه ماسددت الفاتوره ...
سحبت الجوال منه ورحت اركض لبيتنااا ...اكرهه جابروه مره دمه ثقيل مو لايق الزين عليه
مالت بس ..
دقيت رقم مشاعل بسرعه ....
وماردت ....
يووه وليه هذي مسويه نفسهااا اخلاق ماترد على أرقام غريبه رجعت دقيت ماردت الله ياخذها زين
وش الغباء
ذا ارسلت لها مسج انا لقينااا وعد وانها كويسه وعلمتها اسم المستشفى اللي هي فيـــــه ...وكتبت
بالأخير نوف ..
رجعت الجوال لجابرووه اللي مرتز عند بابهم ...وماقلت له شكراً...
مشاعل
وصلتني رسالة نــوف أعدت الأتصال بها مباشـــــره على الجوال الذي وصلتني الرساله منه ...
دون أن أخبر خلف الذي يجلس بجواري
عماوصلنــــــي ...
أتاني صوت غريب على الطرف الأخر مختلف بالتأكيد عن صوت نوف الذي انتظره ...
نهاية الحلقه
|
25-04-10, 03:55 PM
جديد مواضيع قسم القصص المكتمله
العرض العادي
