كاتب الموضوع :
همسه ود
المنتدى :
القصص المكتمله
الحلقه الخامســه والعشرون
((1))
(.. ملك الأنسـانيه ..)
مــلاك
اصرت علي سارا انا نرجع للبيت والا انا ماكان عندي نيه خصوصاً ان البيت ماكان فاضـي شوق اليوم غايبه عشان تجلس مع شدن وجدتــي والله الجلسه مع ود ماتنمل والصراحه البنت حبوبه بس باقي اهلها احسهم اشرار من كلامها عنهم خصوصاً ابوها واختها وديان اللي شفتها مره انا وسارا من غير ماتشوفنا كانت هي وبنت عمها شوق يلعبن تنس ويصارخن بالدلع ماهضمتهن كانت حركاتهن وميوعتهن تذكرني بنوع من البنات أي المدرسه ماكنت استسيغهن و دايم انا وسارا نتجنب النوع هذا من البنات لأنا مثل ماتعرفون عاقلااات مره ومانحب نماشي الا العاقلات مثلنا اللي مايحبن الصرقعه هــــــــع ..
عند الأشاره حسيت بيد سارا تهزني ..
سارا :وش فيك يالمفهيه من الصبح اقرق عليك وانتي ماتدرين علي ... تصدقين انتي من شفتي صورة ذاك المزيون بالجوال وانتي مانتي صاحيه ..
طالعتها بالصدمه وش تهبب هالغبيه بتطلع علي اشاعااات ترى تنصب لاتصدقونها الغبيه ذي ..
سارا :غبيه بعينك ..
ياربي رجعنا على تجسس على الأفكار ..
سارا :روحي بس الأفطار هاه زين ان عاشقه تلاحقت غلطتك وعدلتها قالت افطار قالت ...
ملاك :احترمي حالك يالملاك ياللي ماتخطئين ..
سارا :لاحبيبتي انتي الملاك والمفروض ماتخطئين ..
ملاك :سارا ترى والله لأرميك من السياره ..
سكتت شكلها صدقت هع صدق بريئه ياااويلي قلبي يالناس ياعيني على الأدب ...
ملاك :سارا انتي مره مؤدبه ليه ماكنتي تأخذين الطالبه المثاليه على المدرسه ... ساااااارررااا ..ساارونتي ..
هزيتها لين انتبهت علي ...
سارا :ملاك شوفي هنااك ..
طالعت وين مأشرت كان البعبع اللطيف قيـس .. كانت سيارته واقفه جنب سيارتنا على طول ..
ملاك :وهذا اللي سرحانه مافيه ..
ردت علي بعصبيه ..
سارا:ماسرحت فيه بس من زمان ماشفناه ..
ملاك :ايه صح اخر مره شفناه فيها يوم تقولين عيونه تشبه لعيون المجرميـن ..
سارا :من زمان صار هالكـلام ..
مـلاك :وأنتي مشتاقه لي يعني احسن فكه منه مانبي نشوفه ..انا الصراحه مأحب شوفته ولاأرتاح لها ..
ماردت علي سارا ساكته مأدري بأيش سرحانه دخلنا البيت وحنا على نفس حالتنا ..
لقينا الشيخه شدن حاطه رجل على رجل ومتمدده تحت التلفزيون وحاطته على سبيس توون ...
جيت من وراها وسحبت الريموت من يدها ..
شدن :ملااااااكوووه جيبي الريموت ..
جلست على كرسي وحطيت رجل على رجل وسويت نفسي ماسمعتها وفريته على قناه ثانيه كانت الأخباريه السعوديه سويت نفسي مره فاهمه ورفعت على الصوت زيااده ..
كان خبر خبررر خبرررررر ..
قفزت من مكاني وأنا اصرررخ وادور على نفسي ..
ملاك :ياااااااااااااااهوووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووو ...
سارا اللي كانت رايحه للمطبخ جتني تركض ووراها شوق ..
سارا:ملاك وشبببك يابنت ...
كنت اصرخ وارقص من الوناسه من غيرموسيقـى ...بعد شوي لقيت سارا اللي ملت من سؤالي وأنا مارد عليها ترقص معي ..وشوق الخبله رجعت للمطبخها ومعها الزقه شدن..
وقفت ..
ملاك :وش فيك يالخبله ليه ترقصين ..
ردت علي وهي ترقص تنزل تهز وترقى تهز والله لو مشغلين نانسـي ..
ملاك :اعصابك كانك مشبوكه بكهـرباء ..
سارا :تحمست ياااحلووووو الرقص ..
تذكرت أنا ليه كنت ارقص وتحمست ...
ملاك :ماسمعتي أحلى خبـررر ..
سارا :لااوشووو ..
ملاك :خفضوا اسعار الرزز والحليب ..
سارا بصرخه :كذابببببببببه ..
ملاك :يمين بااالله ..
ضحكتني سارا من الوناسه ماتدري وش تسوي جلست تزغرط (تيبب)..
سارا :كلووووووووووووووووووووووووووووووووووووووووووووووو ووووووووووووووش ..
((2))
سارا
مره استانست يوم علمتني ملاااك بالخبـر ومن الفرحه جلست ازغرط ياحبيله بابا عبدالله ماقصــر والله .. وودنا لو كل اسعار المواد الغذائيه ترخص مو بس الأرز والحلـيب بس يمكن ذولا اهم غذائين للشعـب السعودي ..الصراحه ارتفاع الأسعار افقرنا معه زود ماحنا فقرانيـن كان كارثه للي حالتهم مثل حالتنا حسبي الله عليهم التجار الطماعين يعساهم يذوقون جوعنـا هم شبعانين بطرانين مادروا عنا حنا المساكين اللي محدن سأل فينـا عشنا ولامتنا وجودنا وعدمه واحــد..
ملاك :سارر وجعوووه وش فيك اليوم بس سرحانه وتهوجسين ..
سارا :مقهورره من التجار ورجال الأعمال ..
ملاك :ليه وش فيك عليهم ..
سارا :هم سبب ليش يرفعون الأسعار ..
ملاك :وأنا وش دراني عنهم الحيوووانات ..
سارا :حقيرين اكررههم طمعهم سبب كل مصايبنا اصلاً أنا دعيت عليهم يذوقون الجوع مثل ماذقناه ..
ملاك:يارب قتر عليهم بعيشتهم وضيقها عليهم ...
انبسطت حتى ملاك رأيها مثل رايي احسن خل ندعي عليهم يستاهلون خل ينفعهم طمعهم ان شاءالله كل قرش يكسبونه من رفع الاسعار ناار ببطونهم يااارررب ...
ملاك :اللحين ليش نضيق على انفسنا خلينا نحتفل بكرم بابا عبدالله الله يطولنا بعمـــره ...
وجلست تغني بابا عبدالله بابا ياغالي يحفظك المولى وينصرك الوالي وشدن تردد معها وأنا ارقص ..
شوووي وقطع طربنا التلفــون رديت عليه ثمن عطيته ملاااك لأنها المطلوبه الوليد ..
بعد ماقفلت ملاك التلفون رجعنا للأحتفالاتنا ...
جلست اطبل على الطاوله وأغني وملاك ترقص ..
سارا :.. اهمه لو قال اني مأهمه .. غلاه يدور في قلبه ودمه .. يبان الحب في نظرة عيونه يقول الصدق ولا ولد عمـه ..
عاشووووووووآآآ البنات .. ورررى قدااااااااااام ... يغارر وغيرته تفضح غرامه .. وتكشف غيرته حتى كلامه يغار ويقلب الدنيا عليه يبني دوم في قربه وجنبـه.. عاشوآآآآآ هييي ..
والخبله ملااك ترقص بحماس وشدن ماهي مقصـره مغطيه عليها بالرقص ...
دق التلفووون من جديد وقطـع رقصنا ..
رفعتــه وأنا مقهــوره ..
سارا :خيــررر نعم ..!!
الطرف الثاني :منزل مبارك الـ ..
سارا :مبارك مين لااا ..
وقفلت بعدين انتبهت يووووووووووه صدق اني غبيه وأنا اقوول من مبارك هالأسم ماهو غريب علـي صدق اني غبيه ..
ملاك :مين ..؟!
سارا :تصدقين وحده تقول هذا بيت مبارك وقلت لااا ..
ملاك :وأنا اشوفك تقولين مبارك مين لاا, حسبته احد يسألك اذا هو موجود ..
سارا :لااا صدق انك غبيه من بيسأل عنه عندنا ومن وين بيجيبون الرقم ..
ملاك :تصدقين غريبه من هذي اللي تبي مبارك ..
سارا :مااادري ..
وفجأه صرخنا جميع انا وملاك ..
:لايكوووووووووون ..
سارا :لايكون ايش ..
ملاك :لاا انتي قولي لايكون ايش ..
سارا :لاا انتي قولي ..
ملاك :لا انتي الصغيره قولي ..
سارا:كذابه انتي الصغيره يالله قولي ..
ملااك:والله مأقول لين تقولين ..
سارا :والله مأقول لين انتي تقولين ..
ملاك :بكيفك ماني ميته على كلامك ..
سارا :ولا انا بموت عشان ماعرفت اللي كنتي بتقولين ..
جلست بكرسي بعيد عنها وعطيتها ظهري ..
شدن :ياغبيات وش فيكم جالسين كذا ..
محد رد عليها ..
شدن :حمارات قومن بنرقص ..
محد رد عليها ..
شدن :ياربي مجنونات ماتردون اشكالكم تضحك ..
يوم ماشافت فينا فايده ..صرخت ..
شدن :خبلاااااااااااات اروح العب مع روبي اصرفلي ..
وراحت ..
ملاك :زعلت ..
جيت بسوي نفسي زعلانه ومارد عليها بس ماقدرت لساني يقرصني بيتكلم..
سارا :طقاقها وش اسوي لها ..
ملاك :بتعلمن علينا ضحـى ..
سارا :ماتخوفني ..واصلاً ضحى مو جايه الخميس هذا ..
ملاك :بس شدن ماتنسـى ..
مارديت عليها .. دق التلفون .. وتسابقنا عشان نرد عليه وسبقتني هي ..
ملاك :هآلووووووووووو مبااارك هاااوووووس .. أجل اجل وووووووووووووت .. مين اختي وش فيها مااااتت لااا مستحيل وش قاعده تقولين انتي اللحين انااا جااايه اللحين ...
خفت من كلامها اول ماقفلت كنت بوجها ...
سارا:وش فيه من اللي مااتت ..
ملاك :مادري هذي المدرسه تقول بنتكم تعبانه مأدري وش فيها تعالوا خذوها ..
سارا :بنتنا ماقالت مين ..
ملاك:لااا ياويلي لايكون وحده من البنات صار لها شــي ..
سارا :ملاك تكفين لاتخوفيني .. نروح نشوفها ..
ملاك :يالله .. هي اصلاً تقول تعالوا خذوها ..
لبسنا عباياتنا اللي معلقينهن ورى الباب لزووم السـرعه .. كنا طول الوقت وحنا بالسياره مرتبكين وخايفين على أختنا المريضه .. طبعاً اخذنا تاكسي لأن سفر يوم دقينا عليه قال انه مع مشاعل ..
((3))
(..شقاوة بنات..)
وعــــــد
حسيت بالجوال اللي حطيته جنبي يهز على طول خطفته وضغطت على زر الرد ...
وعــد :نعــــــم ..
الطرف الثاني :........
وعـــد :الووو جووري ..!!
طخخخخخخخخخ ... قفلت بوجهي الحيوانه صدق حمــاره كيف تتجرأ ,,رفعت الجوال ودي اخبطه بالجدار اللحين كل هالتردد والتفكير وبالأخير تقفل الخط بوجهي حيوانه الشرهه مو عليها على شهيدااان اللي تكلم وحده مثلها .. اووف يالملل يعني هاالجوري وش بينقصها لوردت علي وجلست اسولف معها بدال جلستي الكيئبه هذي وانا اردد ملل طفش طفش ملل ..ووسط مللي فتحت صندوق الوارد بشوف راسائلها .. وجععع فاضـي وجه فقر حتى رسايل ماعندها طلعت لقائمة الأسماء لقيت فيها اثنعش رقم وكلها اسماء بنات احلـى شهد كل ذولي صديقاتها من وين جابتهن بالمدرسه ماعندها ولاصديقه ووين ارقام الشباب اللي تكلمهم ليه ماسجلتهم ولايمكن حافظتهن ماتحتاج تسجلهن بالجوال كل هذا خوف من الأداره لو فتشوا وطاحوا على الجوال طيب ليه ماتخاف رب العالميــن وهي تدري ان اللي تسويه خطأ ...
وأنا اقلب بقائمة الاسماء لفت نظري رقم اعرفه ززيـن ياربي وين شايفته هالرقم .. وبكل غباء ضغطت على زر الأتصـال (جاري الأتصال في بيت الفقـر) ياربيه قدايش انا غبيه هذا رقم بيتنـــا .. ماقطعت المكالمه خليته يدق بجلس اسولف مع اللي ترد على التلفون وبستهبل عليهـا ..
وعـد :الو مرحـبا قصر الوليد بن طلال ..
:يس من فيه يبقى هوا ..
وعــد :وعـد مبارك ..
:هووو مايقاااد وئد موبارك بنفسها ياالل الهول سواني وهو في يجي يكلم انتا ..
وعـد :الو الوليد .. وينك .. الحمدالله بخير كيفك انت .. بالنسبه للسلف اللي طلبته منـي .. ايه خلاص جهزت الفلوس متى بدك اياها .. اوكي نو بروبلم بحطهالك امانه عند دكان ابوصالح .. اوكي .. اوكي .. يالله بااي وسلم لي على الريم بنتك ..
ملاك :لحضه وووووووووعد ..
وخرت الجوال عن اذني حشى مو صرخه هذي كانت بتفقع طبلتي عاد من وين اجيب طبله ثانيه الطقاقات مكوشات على السوق الطبول ..
وعـد :نعم وش تبين ..
ملاك :من وين تكلمين يالهايته ..
وعد :ماني هايته احترمي حالك هذا جوال شهد ..
ملاك :جواال شهد الصياعه ومن الصبح تكلمني فيه بكم شاحنته هذي ..
وعـد :وانا شدراني انقلعي بس ..
ملاك :لحضه وعد ماسمعتي اخر خبر ..
قلت بحماس ..
وعد :لا أي خبـر..
ملاك :بابا عبدالله خلاهم يخفضون اسعار الرز وحليب الأطفاال ..
وعـد :كذابه احلففففففففففففففي ..
ملاك :قسم بالله وحنا جالسين نحتفل رقصص وووناااسه ياهي فايتك ..
وعـد :الله وناسه ياالله مع السلامه عشر دقايق وانا جايتكم ..
وقفلت بالسرعه ياحبيله بابا عبدالله والله اني احبـوووووووو ..
نزلت الدرج بالسرعه الدور الثالث الثاني واخيراً الأول طرت على الأداره وقبل مأدخلها تلاحقت على نفسـي مسكت بطني عضيت لساني بقوه لين حسيت بطعم الدم بفمـــي وصرخت بألم ..
وعد :آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآىىىىىىىىىىىىىىىىىىى بموووووووووووووووووووووووووووووووووووووووووووووووو وووووووووووووووووووووووووت .. الحقوني انجدوني .. ورميت نفسي على الأرض اخخخخخ احس عظامي تكسرت بديت اصرخ بألم آآآآآآىىىىىىىىه ياويلي شكله كسرت نفســي ... طلعن المشرفات من الأدراه ..
:يابنت قومي وش فيك ..
الله ياخذ هالخشه هذا اللي قدرك الله عليــه .. صرخت بألم..
وعــد :آآآآآآآىه أمي ابغى امي بموووت من الألم بمـــوت ...
طبعاً الآآآآآه صدقي بس الباقي كذب من حبي لأمي اقول ابي امــي ..
المشرفه :قومي يابنت اشوف بدق على أهلك يجون يأخذونك ..
وعـد :مأقدر آآآآآآه يالألم بمووووت..
المشرفه الثانيه :نتصل على الأسعاف ..
المشرفه :وش اسعافه اللي بنطلبه عشان دلع بنات قومي يابنت ادخلي بغرفة الأنتظار لين اتصل على أهلك يجون يأخذونك ..عطيني اسمك كامـل ...
سويت نفسي ماني قادره اوقف وساعدتني المشرفه لين دخلتني غرفة الأنتظار وأنا مو مقصره بالصرخات والتأوهات الوهميــه .. بس آآآآخ لساني يألمني صدق ..
رجعت علي المشرفه وقالت أنها دقت على رقمنا بس ردت عليها وحده وقالت انه ماهو بيت مبارك ..
سويت نفسي اتألم وبفقد الوعي من الدوخه ..
وعـد :دقي مره ثانيه اكيد وحده من خواتي تستهبل ..آآآآآآه الدنيا تدوووووورر ..
سمعت المشرفه تنفخ بقهر وهي تقول ..
المشرفه :وانا فاضيه لأستهبال اختك.. وطلعت وتركتني ..
انا كنت رافعه علبة كلينكس بظربها فيه مو أحسن من الأبله بس تداركت عمـري انا المفروض مريضـــه ..
ياءالله يالزين الراحــه صدق هالكنبه مريحه ياحلوو النووم عليها ...
صحتني صرخه اختتتتتيييي وووععدد وش فيها وش مسوين فيها يامجرمين ...
يووووه شكلها راحت علي نومه حاولت اجلس بس جسمي مكسـل ودي ارجع انام .. حسيتني انهزز ..وصووت احسه بعيد ووووعععد حبيبتي وعععد ياعمري ردي علي تسمعيني وعد انتي حيه ..
غصبت نفسي وفتحت عيوني ..
صرخت فرح وعععععععد ياعمررري سااراا وعد حييييييه ..
طالعت بسارا وملاك وبالمكان لاااياربي كيف نمت بالمدرسه ..!! .. سألتهم بكل بلااهه ..
وعــد :كم الساعه ..
ياعيني على السؤال اللي يسمعني يقول مره تقدس الوقت .. بس من الركبه مادريت وش اسوي احس اني بليده ماني قادره اكمل اللي بديته ..
المشرفه :كيف حالك ياوعد اللحين تحسين نفسك احسن تقدرين تكملين وتحضرين الحصص الباقيه ..
جمعت بعض من قواااي .. وصرخت ..
وعـد :لااا من قااااال للحين مريضه آآآآآآآه بطني يوجعني آآآآه ..
طالعت فيني المشرفه بنظرات احسها شاكه فيني ..ياشين التمثيل والواحد توه صاحي من النوم ..
المشرفه :طيب تعالوا وقعوا على الورقه هذي والورقه هذي خوذيها للمستشفى خليهم يكشفون عليك ويرسلون لنا تقرير باللي فيك ...
ملاك :طيب يالله بالسرعه بنلحق نوديها للمستشفى ماتشوفينها كيف تألم ...
المشرفه :قبل عطوني بطاقة ولي امركم ..
ملاك :أي ولي امر الله يعافيك ..
المشرفه :ابوكم اواخوكم اللي جاين معه ..
سارا :جايين مع التاكسي تكفي بطاقته ..
المشرفه:تنكتين حضرتك ..ماراح تطلع الا في بطاقة ولي امر او كرت العائله ..
ملاك :ماهو معي كرت العائله بس معي نسخه منه ..
المشرفه بتردد :جيبيها اشوف بس لاعاد تعيدونها ..
سارا :اخلصي علينا بـس ..
كل هذا وأنا جالسه مكاني متندمه على اللي سويته الخبلات خواتي شكلهن مصدقات اني مريضه مايدرن اني سويت كل هذا عشان اطلع من المدرسه ياويلي كيف بتكون ردت فعلهن لو درن اني سويت كل هذا عشان اطلع وأحتفل معهن ...صدق انهن غبيات يعني مايعرفني قبل ساعه كنت اكلمهن وأستهبل وش هالمرض اللي بيجيني فجأه بس هذي مشكله الفاشلين اللي ماكملوا دراستهم اغبياء مايعرفون للفنون التصنع والتمثيل للهروب من المدرسه ..
وقعت ملاك الأوراق وطلعنا بعد ماورتها كرت العائله ..
بالسياره كنت ساكته وملاك وسارا يسألوني وش فيني ..
ملاك :وعد انتي كنتي كويسه وتكلميني وتستهبلين وش اللي جاك فجأه ..
سارا :انتي اللحين تعبانه تبغينا نوديك المستشفى ..
قلت بالسرعه...
وعد :لااا ..
اووووووف لازم اقول لهن الحقيقه ..وعشان اتهرب ..
وعد :لوصلنا البيت اقول لكم بس قبل بنمر على الدكان نشتري حلاوه طحينيه ..
ملاك :حلاوه طحينيه وش طراها عليك اللحين ..
وعد :بس كذا مشتهيتها ..
حسيت اني انكشفت نظرات سارا لي ماهي طبيعيه .. وعشان تأكد ظنوني صرخت صرخه كانت بتودينا بالداهيه لأن سواق التاكسي فرررررررررمل فجأه ..
سارا :وععععععععععععععععععععد يالحيووووووووواااانه تقصيييييييين علينا حناااااااااااااااااا ياااحمااااره ..
وكملت وهي تظربني بشنطتها على راسي وظهري وكتوفي وانا احاول احمي نفسي بيدي ..
سارا: طيب قولي لنا ماهو مخليتنا مثل الهبلااات خايفاااات عليك .. وعقاااب لك مافيه طيحنيه خلي لسانك يذبحك عشان تعرفين تكذبين مررره ثانيه ..
فتحت عيوني بشويش بشوف بتظربني ولاخلصت مني الحمدالله لقيت معتدله بجلستها وماهي يمي ..
وعد :حررام عليكم ماهو ذنبي انكم اغبياء ... لسااني يوجعني قوووه تكفون ابي طحينيه ..
ملاك :يالحماااره انتي ماتوبين من حركتك ذي طيب لو انقطع لسانك ولا أنطرمتي بينفعك لعبك هذا ...
اللحين عضت اللسان بتخليني طرماء الحمدالله والشكر .. جلست اتمسكن قدامهن ترى مجرمات ذولي يسوونها مايجيبن لي حلاوه طيحينه واجلس انا ميته من الألم ..
وعد :وش اسوي كنت ابي اطلع بأي طريقه وانتم شهيتوني اكثر على الطلعه يوم قلتم انكم تحتفلون ..
سارا :اجل تحمليلي اللي يجيك مو انتي اللي تبين الطلعه تحملي هالألم كرمالها ..
وعد :ملاااااااااك ساااااراااا تكفوووووون لساني يوجعني قوووه والله بصير طرماء ..
ملاك :اللحين مو لسانك يوجعك ليه تكلمين انطممممي ..
جيت بتكلم بس قاطعتني سارا ..
سارا :قلنالك انطمممممممممي ..
ملاك :والله ان عدتيها ياوعد لنحجزك بغرفة السطوح ..
وعد :ماتقدرررون اخبر ضحى عليكم ..
سارا :والله لودرت ضحى بتسويك هي اللي بتحجزك بغرفة السطوح اياااام ..
وعد :مجرماااااات انتن مجررررماااااااات ..
جلست اصارخ عليهن واسبهن بس آآآآآه يالقهررر ماعطني وجه ولااكن ادميه جالسه معهن ..
وصلنا البيت نزلت قبلهن بهرب بس سارا كانت سريعه ومسكتني ..
وعد :فكيني ياحماارره ..
سارا :وين بتروحين ..
حاولت اتملص منها بس ماقدرت ..
وعد :فكيييييني مالك دخل ..
نادتنا ملاك اللي فتحت الباب ..
ملاك :امشن ادخلن ...
وعد :ماني داخله خليها تفكني ..
:ساارااا وععععععد ..
لفينا كلنا على مصدر الصوت شفناه كان منيــر ..جاي يركض من آخر الشارع ومعه شنطته ..
وعد :منيرررررر ساعدني ..
وصلنا منير وهو يلهث ..
منير :وش عندكن تهاوشن بالشارع ..
وعد :منير خلها تفكني ..
فكتني سارا ..
سارا :وش عندك انت بعد الساعه توها احدى عش مسرع طلعت ..
منيـر :ماخذنا شي من الحصه الأولي وحنا نلعب كورره ..
وعد :ياحظكم ماهو حنا كله مراجعات مللونا ..
ملاك :سااااارااا تعااالي من صدقك واقفه مع هالخبول ..
راحت سارا وبقينا انا ومنيـر ..
عفست وجهي لأن لساني كان يوجعني قووه ..
منير :وعد وش فيك ..
وعد :عضيت لساني ويوجعني .. وملاك وسار عيوا يشترون لي طحينيه ..
منيـر:وانتي ليه ماتشترين ..
وعد :مامعي فلووس ..
منيـر :انا اشتري لك ..
وعد :يالله وش تحتري امش لدكان ..
منير :بتجين معي ..
وعد :هااا لابجلس احتريك .. اكيد بجي ..
وحنا نمشي بالطريق ..
وعد :انت ليه ماصرت تجينا كثير ..
طالعني بأستغراب وهو يأشر لي عشان اوقف لأن فيه سياره مااره بالسرعه ..
منير :كل يوم اجيكم ..
وعد :قبل كنت تقضي اليوم كله عندنا اللحين بس تجينا ساعه ساعتين وماتدخل بالبيت عندنا بس بالحوش ..
منير بتردد :قيس قالي اسوي كذا ولابيمنعني اجيكم كلش ..
وعد :الله يأخذه الحقيررررررر .. ليش بيبعدك عنااا ..
منير :هوو يقول كذا احسن لي ولكم ..
وعد :كيف احسن بعدين من متى هو يسولف معك عشان يقول احسن واشين اخبره بس فالح يكفخك ..
منيـر :اوووف وععد اللحين وش تبين فيه ..
وعد :ولاشـي ..
منيـر :أجل خلاص اسكتي لتكلمين عنه ..
وعد :لاتسكتني ..
منير :الا بسكتك احمدي ربك بشتري لك حلاوه طحينيه ..
وعد :وابي ببسـي بعد ..
منيـر طالعني بنظرة قهر ..
وعد :لاتطالعني كذا لو معي فلوس ماطلبت منك ..
منيـر :اصلاً انتي متى صار معك فلوس ..
وعد :لو عندي كرامه ماخليتك تشتريلي بعد هالكلام بس وش اسوي ربيت فبيت يقولون أهله الكرامه ماتأكل عيش ..
((4))
(.. نهايــــه أو بدايـــــه..)
ميشو
تحسست الشاش حول عيني لأتأكد انه مازال بمكانه وغير واضح من خلف النظاره الشمسـيه التي ارتديها ويبدو شكلي بها مضحك في قاعة الأمتحــان .. لطفك يألهي الألم يكـاد يقتلنــي من شدته .. لم استطيع النوم بسببه ولم يترك لي فرصه حتـى للمذاكرة .. صداع فضيع وطنين مهلك والرؤيا بدت لي ضبابيه كلااا يألهي ليس الآن علي حل هذه الأسئله اللعينــه يجب ان انجح بهذا المقرر بالذات اغمضـــت عيني السليمــه وبدأت بسيل من الأدعيه والأستغفارات ... شعـور بالخدر احسه بعيني اليمنـى المصابه وسكينه تملأ نفسـي لأرى سوى الورقه ولا أفكر الا بكيفية الأجابه عليهـــا تمر ثلاث ساعات بلمح البصـــر أخرج بعدها من لجنة الأمتحـان وقد بدأ الألم يتصعد لدرجه اوشكت معها على الصياح بصوت عااالي بأن يتركني وشأني .. لم أجد نفسي الا امام مكتب الطبيبه دخلت اليها وبعد ان شكوت لها علتي اعطتني بعض المسكنات وطلبت من مراجعة المستشفى حسناً يبدو ان هذا ماسأفلعه فلست مستعده لشعور بالألم من جديد ..
دخلت الكافتريا لأحستاء كوب من الكابتشينو يعيد الي بعض نشاطي الذي فقدته ثم الذهاب مباشـره للمشتشفـى حملت كوبي متخطيه العديد من الطاولات .. سمعت بعض الأصوات تتهامس بأسمي لم أتوقف لأسمعها لأنها بالتأكيد لن تعجبنـــــي .. جميع الطاولات مشغوله لذالك شاركت طالبتين طاولتهن ..
ميشو :المعذره ..
وجلست لم أعرهن انتباهي ولم تجذبني همساتهن للنظر اليهن اكتفيت بأحتساء شرابي والكتابه على ورقة الأمتحان التي تفاجئت عند جلوسي على الطاوله باني مازلت احملها بيدي..
احسست بيد تستقر على كتفــي ..
هدى :مرحبا شوشو حياتي كيفك ..
كلا يألهي ليست هي ..
قبلت خدي وهي تجلس في المقعد المجاور لي ..
ميشو :مرحبا هدى ..
هدى :اشوى تذكرتيني احسبك نسيتيني ..
ميشو :بالتأكيد لاوكيف يحدث ذالك ..
ارسلت يدها لتنزع نظارتي ولكني كنت اسرع منها ومنعتها عن ذالك ..
هدى :اشبك ميشو ياقلبي اشتقت لعيونك زرقاء خليني امتع عيني بشوفتها ..
وقفت بالسرعه وأنا اضع حقيبتي على كتفي ..
ميشو:اعذريني هدى يجب علي الذهاب ..
امسكت بيدي ..
هدى :لاميشوو تكفين اجلسي انا ماصدقت اشوفك ..
سحبت يدي بقوه ..
ميشو :ارجوك علي الذهاااب ..
وحينما خلصت يدي منها ..
ميشو :الوداع ..
وأخيراً تخلصت من الآمي بعد مراجعتي للعياده العيون .. اعرف انه تخلص مؤقت ولكنه يتيح لي الفرصه لتفكيـر بأحوالي .. فعلها السافل وكما في الفتره الأخير حطم كل توقعاتي وفعل مالم اتوقع ان يقوم بفعله ..بكل وقاحه كشف كل مارتكبـته لم تخذله شجاعته كما توقعــت .. ادهشني بتناقضاته يعترف بأمور وأخرى يستتر خلفهاويخشى كشفها الى العلن .. تسألت هل أخبر والدي كيف كانت ردت فعله هل سارع للقول انه قد تبرىء منا كعادته .. او قام بشتمي وسبي وأخبره بأنه سيأخذ له حقه منــي .. مااذا حدث .. هل أخبر والدته .. ماذا عن سوسو صديقتي العزيزه التي خدعتها ومازلت اتفنن بخداعها هل اخبرها ماذا فعلت وكيف كانت ردت فعلها .. هل تشتم بأبنة زوج امها وترغب بالأنتقام منها لصالح شقيقها هل تنعتني بأقبح الألفاظ كعادتها عندما تكره شخص ما وتتخذ منه موقف ..
فجأه شعرت بأن هناك امر غريب يحدث ..
ميشو :سفر ماذا هناك ..؟!
سفر :هذا في سياره هدي (حدي)انا ..
كلا يألهي السفله مالذي يريدونه ..
ميشو :سفر ارجــوك ضاعف من سرعتك ..
سفر :فيه اشر انا وقف ..
ميشو :كلاا سفر ارجوك لاتفعل ذالك ...
لأعلم مالذي يريدونه منا لماذا يلاحقون سيارتنا ويطلبون من سفر التوقف ويجبرونــه بمضايقاتهم للسيارتنا على ذالك ...
سمعت صوت انفجار تسبب بأهتزاز السياره ... شيء ما اصطدم بالرأسي ادى الى فقداني للوعــي .. ولم اعد اشعـــر بالحيـاه ..!!!
((5))
(..ذكـريات ..)
عسـاف ..
دق علي خلف وقال اجيــه بالمستشـفى وماقال وش فيه ولاوش يسوي بالمستشفى رحت له بالســرعه .. اول مادخلـت المستشفى دقيت عليه ..
عساف :الوو خلف وش فيك وينك انت ...
علمني بمكانه رحت له بالسرعه دخلت عليه ولقيت نايم على السرير ورجله مجبره ..
عساف :وش فيها رجلك ..
خلف :انكسرت ..
جلست على الكرسي اللي جنب سريره ومديت يدي بلمسها .. بس هو مسك يدي بالسرعه ..
خلف :وخر يدك ..
عساف :كيف كسرتها ..
خلف :زلقت بالحمام ..
عساف :اكيد عقلك ماكان معك ..
خلف :وش تبي من هالكلام ..
عساف :ولاشـي متى قالوا لك تقدر تطلع ..
خلف :مادري ماسألت ..
عساف:اهلك يدرون ..
خلف :لاا كنت قايل لهم اني بسافر ..
عساف :كنت بتسافر ماقلت لي ..
خلف :ماكنت واثق ..
سكتت شوي ويده على رجله المكسوره ..
خلف :طلقتها ..
عساف :وشووووووووووووووووو ..
خلف :طلقت الهنوف ..
عساف :زوجتك الجديده ..
خلف :اييه ..
عساف :وليه حرام عليـ ..
قاطعني ..
خلف :هم اللي طلبوا مني ...
عساف :اهلها ..
هز راسه بنعم ومارد علي ..
عساف :ندمان ..
خلف:بالعكس مرتااح ..
عساف :امك درت ..
خلف :ايه من قبل وهي قايله لي اطلقها ..
عساف :يعني جاء الطلب على هواكم .. ومن الضحيه القادمه ..من خطبت لك امك ..
خلف :ولا أحد وش هالسؤال ..
جلسنا عشر دقايق ساكتين ..
رفعت يدي ورى راسي وتسندت عليهن ورفعت رجولي على السرير .. وتذكـرت ..
ضحى :وش التخلف هذا ماتسمع انت اقوولك خذ ولد اخوك وانقلع ..
كانت واقف قريب من الباب وساكت مارديت عليها ذهوولي بالحوار اللي بين خلف والواطيه سالب كل عقلــي كانت تهينه وترمي عليه كلام اللي مافيه ذرة رجوله يحس بالأهانه منه ..كنت مركز على الأخير انتظر اللحضه اللي بشوف فيها راسها بين يدين خلف بعد ماقصه لها ..وهي تسب وتشتم فيني برد عليها بس ماقدرت الموقف شادني للآخر درجه ماصدقت عيوني يوم شفت خلف وهو يغرز اصبعه بعينها توقعته قلع عينها من مكانهــا يوم سمعت صرختهــــا ..
تصرف خلف رجع لي شوي من الثقه فيــه وانه مازال خلف اللي اعرفه ...
ظربتني على كتفــي بقوووه ..
ضحــى :ياحيوووان انقلع اطلع بررررررررررى ..
وخرت يدهاعني ..
عساف:اقدر اكسر لك يدك هذي بس مراعي انك مو على بعضك ادبي اختك عشان مايتكرر مثل هالموقف ...
ضحــى :اختي اللي يبي لها تأديب ولا ولد اخوك والله لأدفعه الثمن الحيوووان ..
عساف :هي اللي جنت على نفسها وش تبغى بالرجال تفضحه اصلاً هي لو فيها ذرة احترام او اخلاق ماسوت اللي سوته ..
ضحى :كلكم حقيرين مثل بعضكم اطلع الله لايوفقك انت ويااه ..حسبي الله عليكم وش تبغــوون فينا مضايقينا بعشتنا وش تبووووووون فينا اتررركوووونا انسووووونا نساااكم رب العاااالميـــــن ...
طلعت يوم شفتها فاقده اعصابها دايم اشوفها مسيطره ساخره بارده بس المره ذي كانت اعصابها منهاره تدعي تسب تشتم توقعت باللحضه من اللحضات انها بتجلس تصيح منهاره ...
رفست رجل خلف المجبره بقهررر ...
خلف بالصرخه :عسااااف لااااااااااااااااااا ...آآآآآآآآآآآآآآآآه ..
عدلت جلستي ونزلت رجولي من على السرير ..
عساف :تستاهل بسببك تهاوشت مع زوجتي ...
رد علي وهو ماسك رجله ووجهه منعفس من الألم ...
خلف :حسبي الله عليك انت وياه .. اصلاً انت ماكنت متهاوش مع زوجتك بالأسم ..
تنرفزت من كلمــته حسيت فيها طعنه للرجولتي ...
عساف :احتررررم نفسك ..
وبزفره كملت ..
عساف :تعايرني ياولد صالح قسم بالله لو مانت بهالحاله كان عرفت كيف ارد عليه ...
وطلعت قبل ماسمع اعتذاره اللي جالس يردده ..
ياهي حاله حتى خلف يعايرني خللف وللد اخووي وانا اللي ماعتقدتها تطلع منه بيووم ..
استاهل كل هذا بسبب تهوري ليش تركتها ليش سافررت كله عشان زوجوني ايها غصب طيب زوجوني عمتها من قبل غصب وش اللي أختلف ..
مأنلاام كنت توني طالع من مصيبة مووت زوجتـي وبنت مريضه بالمستشفى بين الحياه والموت يجوون يزوجوني الله يسامحك يبه الله يسامحك ياعمتـــي غصبتونا على بعض وشوفونا للحيــن بعد ست سنوات ندفــــع الثمـــن ..
تذكـــرت
يســرى :ابوي يبغاك تأخذ بنت مبارك ..
انصعقت فالبدايه بعدين جلست اضحك ..
يسرى :وش فيك تضحك كل هذي فرحـــه ..
عساف :فرحه هههههههههههههههههههههههههههههههههههههههه ياحليلك بــس فرحه يبغاني اتزوج بنت مبارك وهذي كم عمره 13 سنه والا اربعتش ..
يسرى :عمرها 18 سنه لااتقووول صغيره يوم أخذت عمتها كانت اكبر منها بالسنه وحــده ..
عساف :وانا كنت اصغر من عمري اللحين بالسنين ..وش فيه ابوك استخف شغال خطابه يمووت لو ماصار عرس... عنده مبارك خل يزوجه ولا ابوك يخرب من جهه ويصلح من جهه مبارك ياخذ ارملة ولده وبنت مبارك انا اخذها بس معصــــــي الا هنا وبــــــس ...
يسرى :وش فيك هاااب بأبوي .. هو ماجاب الشور من عنده البركه بعمتك وحفيدتها المصون اللي ماستحت على وجهها حاطه عينها على زوج عمتها وقدام الناس تربي بنت عمتها عشان ماتعذب مع وحده غريبه ..
عساف :والله عاد شور ابوك وعمتك واحـــد قولي لهم لو تنطبق الأرض على السمــاء مأخذتهــا وبنت عمتها على قولتهم خليها تعيش اللحين بعد نشوف من بيربيها ..
ضغطت على جوالي بقوووه وانا اشوف الصوره اللي داخله صوره التقطتها بلحضة غفله منها ضحى وهي ماسكه يد شدن راجعات من مشوار .. ربتها أيه ربتها بعد ماتزوجتها غصــب وسافرت وخليتها ارجع عشان القى زوجتي المنفيه مربيه بنتي المنســــيه ..
حركت سيارتي وانا افكر ان ضحى ماهي موجوده يعنـي اقدر اشوف شدن واتكلم معها على راحتي ويمكن اخبرها بالحقيقيه شدن ماغيرها هي اللي بتقربنـــي من ضحــى هي نقطة ضعفهــا ولازم استغلها لوكسبت حب شدن بابتز ضحــى فيها وبنشــوف يابنت مبارك يأنا يأنـتــي ..
((6))
(..أحساس أم ..)
ضحـــــى
رتبت المواعين اللي غسلتهم بعدماجففتهم بأماكنهم بالدولاب .. دخلت علي عمتــي ام مهــا زميلتي بالمدرسه واللي ساكنه معهم بالنفس البيت ..
ضحـى :هاه عمتي ام ناصر تامرين على شــي ..
ام ناصر:ايه جااي بسويلي شاهي ..
اخذت الغلايه من يدها ..
ضحى :خليه عنك انا اسويه ..
ام ناصر :لاوالله يابنيتي انا اللي بسويه تعبناك من مرضت مها وانتي اللي تقومين بشغل البيت لحالك ..
ضحــى :من كبر البيت ياعمتي خليه عنك بس وبعدين انتي مثل امي ومستحيل اخليك تشتغلين وانا موجــوده ..
ضحكت على نفـسي مثل امي لامستحيل ام ناصر الطيبه تكون مثل امي هذي مثال الحنان والطيبه ينبووع الصفا والمحبه مثل امــي اللي يكفي عشان تكون قاسيه انها تزوجت مبارك ..
ام ناصر :أجل مادامك مصره يابنتي سويلنا براد ولـ احمـد براد ..
ضحى :ان شاءالله من عيوني روحي انتي ارتاحــي ...
سويــت الشاي لنا ولأحمــد وحطيت زمزميته عند باب غرفته بعد ماطقيت عليه الباب وقفلت الباب الفاصل بين غرفته وبين الصاله .. ورجعت للمطبخ واخذت الشاي حقنا والمكسـرات ورحت فيها عند ام ناصـر ومها بالصاله ...
بعد ماصبيت ل ام ناصر ..
ضحى :مها تبغين شاي..
كانت نايمه ومتغطيه فبطانيه لها يومين على هالحال حرارتها مرتفعه وبس تستفرغ ماندري وش فيها وديناها للأقرب مستوصف من هنا وكان بقريه ثانيه اكبر من هذي عطوها خافض للحراره ومضاد حيوي بس مانفعنها حالتها نفسها ماتغيــرت ..
ردت علي بصوت مرتجف ..
مها :لاماني مشتهيه .. ابي عصير ليمون ..
ضحــى :عصير ليمون لا ذبحتي نفسك فيه من مرضتي ماتشربين غيره وش رايك اسوي لك شوربه ..
هزت راسها بالنفــي ..
ام ناصر :وديتي ل احمد مكسرات تراه يحبها ..
ضحــى :لا تشغله عن المذاكره ..
ام ناصر :ياحليله احمد من جينا هنا ماعنده غير المذاكره الله يراحم ايام كنا بالرياض الكتاب مايفتحه الا ليلة الأختبار نص ساعه ثم رماه ..
ضحــى :خواتي مثله واردى مشكلة هالجيل مايفكرون الا بحاضرهم ومتعتهم الحاليه مايفكرون بالمستقبل وقد ايش دراستهم هذي بتنفعهم فيه ..
قطع كلامنا كحه حاده من مها ..
سألتني أم ناصر بصوت مكسور وخوف واضح على بنتها ..
ام ناصر :انتي متأكده يابنيتي ان هاللي فيها ماهو انفلونزا الطيور اللي يحكون عنها بالتلفزيون ...
ضحى :لاتطمني ياخالتي ماهي انفلونزا الطيور اللي فيها هذي صخونه عاديه ..
ام ناصر :قلبي ماهو مطمني يقولون بالرياض اعدموا دواجن كثيره كلها مصابه ..
ضحى :حنا وين والرياض وين وان شاءالله ماراح يصيبنا الا اللي الله كاتبه لنا ...
أم ناصر :العيال بالرياض ماعاد يأكلون دجاج معتمدين على لحم الغنم وسمك والربيان ..
الحمدالله خواتي مايأكلن دجاج كثير هي مره بالأسبوع .. المره ذي لنزلت الرياض بشتري خروف انعبي فيه الثلاجه والأكيد اسعارهن اللحين مرتفعـــه ..الله يعين ...
زادت كحة مها وقمت اجيب لها عسل ممزوج بعصير الليمون يمكن يخفف عنها الكحه ..
وأنا امزج لها العسل مع الليمون طاحت الملعقه من يدي وسببة صوت حاد عااالي .. سميت بالله وأنحنيت أخذها خلصت اللي بيدي وطلعت أعطيه ام ناصر تطعمه مها ورجعت المطبخ ماقدرت اجلس معها وانا بحالتي ذيك.. قلبي يخفق بقووووه الم حااااد خوووف ماله مبررر يارررب عفوووك يارب جلست اسبح واستغفــر .. معقوله قلقي هذا بسبب حالة مهااا الله يشيفهاا ويعافيهاا .. لااا هالأحساس مايجيني الا لشــي يتعلق بخواااتي .. يارب سترك ياررب ..
استغفرالله ولاحول ولاقوة الا بالله اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال ...
نهاية الحلقــــــــــه
تحياتـــــــــــــــي
|
19-03-10, 08:15 AM
جديد مواضيع قسم القصص المكتمله
العرض العادي
