©الـــجـــــــ الخامس ـــــــــزء©
بنفس يــــــوم الخميــــــس....
"وقف سطام سيارته ونزل وهو حاط شماغه على كتفه من التعب ..وعمر معه ماسك الشماغ والعقال بيده وسرحان يفكر بصالح"..
"سطام وهو يدخل البيت ويهمس لـ عمـر": تدري عاد أنا شايل هم عمي وولده مشعل أخاف يحسـَـون على تصرفات صالح..
"عمر وهو يوقف بالحوش ويمسح على راسه بـتوتـَر": كلهم بـ حريقـــــه .. أهم شي أن صالح يكون بخير ..
"مشى سطام خطوه وتفاجأ بصالح قدامه منسدح عالدرج ويتألم وشكله مو طبيعي ..
راح بسرعه وشـاله مع عمر ودخـَلوه داخل البيت وهم يسألونه وين كان .. بس صالح مـايرد عليهم ويتمتم بكلمات ما فهموها ..
وقفـوه عند دورة الميـاه عشان يغسلون الدم اللي على راسه وشعره .. بس صالح رمى راسـه بـقوَه على المغسله وصار يستفـرغ..
جاء أبو سطام وتتبعه أم سطام وسعد وفارس وأنبسطوا لمـَا عرفوا أن صالح بخير ,, بس أستغربوا الحاله اللي هـو فيها"..
ابو سطام: وين لقيتـــوه ؟؟؟
"سطام بعصبيـَـه": دخلت البيت ولقيتـه جالس على الدرج والظاهر أنه مسـوَي مصيبـه كبيـره هذا مـا يجيب لنا إلا المصـايب..
"أبو سطام وهو يحط ايدينه على راسه من الصدمه": لا إله إلا الله .. أخـوك كان عند خويـَـه اللي سوَى حـادث وش مصيبتـه؟؟...
سطام: أي حادث يا يـبه.. هذي كذبـه مننا عشان ما تتفشـَـل قدام الجماعـه من صالح وخرابيطـه ..
أبو سطام: أجل وين كان من تعشـَـى طلع ولا رجـع إلا ألحين ..
سطام: الظاهر انه يبي يغيـَـر جـو عـن المشاكل والهوشـات مع الناس .. فشـَـلنا عند خلـق الله..
"انقهر عمـر وما تحمـَـل كلام سطـام بدون مـا يدافـع عن صالح": سطام ترى ما أسمـح لك تتكلـَـم عنه أنــا أكثر واحد أعرف صالـح.. و أذا كنت ما تعرفـه لا تظـلـمه..!!!
سطام: ماني ناطر أحـد يسمحلي.. هذا بس يصحـى لي تفاهـم ثــاني معـاه..
"طلع سطام لـغرفته وهو معصـَـب على الآخر وعمـر كتـَـف يدينـه ويناظره بـأستيـاء.. تكلمت أم سطام بضيـق وهي تقرَب لصالح": صالح ياولـدي قلـَي وين كنـت ومن اللي سوَى فيـك كذا؟؟
"رفع رأسه صالح من المغسلـه وطاح على الأرض .. فـزَ لـه عمر ورفعه واسنـده على جسمـه وهو يقول": خـذوا لي طريـق بآخذه لـغرفته..
أبو سطام: غرفته فـوق بعيـده عليه.. خذه لغرفـة فارس أقرب لـه..
"وتيـن كانت تسمعهم من وراء الباب وتصيــح على حالة صالـح.. ولمـَـا قالوا أنهم بيروحون لغرفة فارس هربت بسرعـه لغرفتها ..
أحلام كانت نايمـه وما حسـَـت بأي شي لأن غرفة وتيـن بجناح معزول بآخـر البيت .. حتى أبوها وأخوها مشعل ما حسـَـوا بشئ لأنهم نايمين بالمـلحق ..
ــــــــــــــــــــــــــــــــــــ
"أنسـدح صالح على سرير فـارس بمساعدة عمـر وأبـوه .. غطـَـتـه أمه بالبطانيه وهي تسمـَـي عليـه"..
أبو سطام: خلـَـوه يشبع نـوم لين يصبح ونعرف وش بـلاه..
"أم سطام وهو تتأمل بصالح": أن شاء الله خيـر..
أبوسطام: مامـن خير عقب اللي صـارله..
عمر: أستهدي بالله ياعمـي ولا تضغـط عليه .. ترى صالح مظـلوم صدَقنـي..
"أخذ أبوسطام نفس طويل": ليتـه أخـذ شوي من عقلـك وأخلاقـك أنت أفهـم منه , أما هو ملقـوف الله يهديه..
"جلس عمر على السرير وأغتصب الأبتسامـه وهو يـدافع عنه": أنا آخـذ منه ما أعطيـه .. وتكفى عمي إذا لي خـاطر عندك أقفـل على الموضوع ولا تجيب سيره.. تكفى تكفى ياعمي..
"تنهد أبو سطام بتعب": أبشر ياولـدي لك مابغيت و عشانك غآلـي عندي ما راح أكلـَـمه بكره .. بس أوعدنـي إن هـو يجي بنفسه يقول لي وش صـار له وبدوووون كـذب..!!!
عمر: وعــد مني يا عمي أخلـَـيه يجيـك بنفسه..
"طلعوا أبو سطام وأم سطام .. ألتفت فـارس وقال بحمـاس": أخس يالخطـير قدرت على جـدَي وأحنـا ما نقدر عليه..
عمر: لـعيووون (غــالـي) ترخص مدينه..
"سعد وهو نعســآآآن": فـارس.. قـم نروح لـغرفة صالح ننام فيها ونخلـَـي عمـر ينـام على سريري ..
"عمر وهو يحـط شماغه على كتفه ويقـوم": لأ.. بروح لـبيتنا والصباح أن شاء الله أجي .. فمان اللــه..
×× روح أنتصفـت بـ جسديـــن .. شخصيتيـن أشتبكـت بـ روح واحــده..!!
روح الحــــب والتفاهـــم والأحتــــرام والوفــــا اللآمحــدود ..
ــ لا حــدود ( لأحتيـاجنا لهم) ..؟؟
لأنهم أغنيـاء بالمعـانـي الجميلــه ..
ــ لا حــدود ( لــ نسيان أحزاننا معهـم) ..؟؟
لأنهم يدفنـون الألآم ويحيـون الأبتسامــه..
" مـفـارقه صعبـــه "..
تصعب على غيرنا .. ولكــن .. تسهل علينا ..
تسهل لأننا علـى يقين بـأن الحيـــاة ليسـت (عقيمــه) عـن أنجــاب أشخــاص لا يعرفـون الكـُره والحقـد و القسـوة واللاَمبــالاة!
ليست عقيمه عــن أنجاب أشخـاص لا يتخفـَـون خلـف أقنعه ولا يبخلون علينا في ذروة الحاجـه و يدعو لنا في ظهر الغيـب وبـ صدق..
نسير في الحياة بخـُـطى ثابتـه بحانبهم ونحمد الله كثيرآ بأن الواقــع لم يصفعنــا بكسر أحلامنــا ..
لأن أحلامنا الوحيده والبسيطه هي أن يستمـرَ الحــــب والتفاهـــم والأحتــــرام والوفــــا بيننا ..
وسنظل نحلـم بهـذه الأحـــلام بلا حـــدود.. ××
§§§§§§§§§§§§§§§§§§§§
يــوم الجمـعـــه
27 ذو القعـــــــده...
الساعـــــه 8 الصباح ..
"مشعـل وهو جالس على السفره يفطـر": أحلام صحت وإلا لسـَـه؟
أبو مشعل: أرسلت الخدَامـه تصحِيها..
مشعل: المفـروض تصحى مـن نفسها لأنها تعرف إن ما عندنا وقـت نضيعه بالجلسه هِنـا .. الساعه صارت 8 وحضرتها للحين نـايمه..
"أبو مشعل بحنان": مسكينه خلـَـها تشبـع نوم..
"قـام مشعل من السفره": المسكـين أنا اللـَـي لو تـأخرت على دوامي الله أعلـم وش يصيـر..
"دخل أبو سطـام الدوانيه وهو يسلـَـم ويرحـَب فيهم"..
أبو مشعل: ليه صحيـت ماله داعـي.. حنَا من أهـل البيت محنا ضيـوف..
"أبو سطام وهو يجلس": قلـت أسلـَم عليك قبل تسـافر..
أبو مشعل: أقول وش صـار على خـوي صالح اللي بـحادث أمـس..
أبو سطام: رجع الفجـر تعبان ودايخ ولا علـَمنا وش صار لـه .. حـط راسه نام وما يشوف اللـي قدَامـه..
أبو مشعل: لاحول ولا قوة إلا بالله.. شباب طايـش ولاهمـَه عمـره .. هالحـوادث خطـْره وكلها بسبـَة السرعه ..
أبو سطام: الله يهديهم..
"دخلت أحلام وهي لابسه عبايتها وشنطتها الصغيره بـيدها وفرحانه لأنها بترجع للـقريات": صبـاح الخيـر..
"أبو مشعل وهو عآقد حواجبه": وعليك السلام.. وش بلاك انتي ما تعرفين تسلـَمين..؟
"أنخطـف وجه أحلام وبخاطرها": ياويلي .. هـذا أوَلها.. عـز الله ما تهنـَيت!!
"أبتسم أبو سطام": ونعم التربيـه يا أبو مشعل .. بنتـك ما شاء الله هاديـه ومطيعه وشاطـره بالدراسه.. هذاك اليوم تعلـَمني بدرجاتها بالأمتحانات ونسبتهـا.. الله يحفظها متفوقـه ..
أبو مشعل: الحمدلله طمنتـنـي عليهـا ..
أبوسطام: أبسألـك.. وش أخبار خواتي رفعه وقمراء مالك علـْم بهـن..؟
أبو مشعل: علمي بهن بالصيـف لمـا جلسن بالقريـات أسبوعين وعقبها مـا غير تلفونات كل ما تباطيتهن أتصلت وهـن ما يقصـَرن بالأتصالات بعـد .
أبو سطام: ليه ما يزورنـَي بالريـاض يجلسن أسبـوع على الأقـل ..
أبو مشعل: الرياض بعيـده وخبرك عاد وحده ساكنه بالجـوف والثانيه بـ تبـوك و مـا بيدهن شي.. رجالهن مشغولين بالدوامات وإن جـت الأجـازه طلعوا للقريات أقـرب..
أبو سطام: أجل الأسبـوع الجـاي إن شآءالله بجي يمـَك عشـان أشوفهن وأتطمـَن عليهن ..
أبو مشعل: حياك اللــه..
"وقف مشعل عند باب الدوانيه وهو يلبس نظارته الشمسيه": يالله مشيــنــا ..
أبو مشعل: حطيت شنـاط أختك بالسيـَاره ؟
مشعل: أيـوه.. فمـان الله ياعمي وسلـَم على الشباب وعلى عمتي أم سطـام..
أبوسطام: توصلـون بالسـلامه إن شاء الله..
ــــــــــــــــــــــــــــــــــــــــــــــــ
الساعــــــه 12 وربع بعد صلاة الظهر..
طلع عمـر من المسجـد وراح لـ صالـح يتطمـَـن عليه..
لقـى أبو سطام جالـس بالدوانيه وأخذ لـه طريق لغرفـة فارس ..
"عمر وهو يضرب بـ خفـَه على يـد صالـح ويهمـس": صالـح.. أبو صلوح.. أصحــــى ..
"فتح عيونـه بصعوبـه وغمـَض لـثواني ورجع فتحها وآخذ نفـس طويــــــل"..
"أبتسم عمر": الحمدلله على السلامه ما تشـوف شـرَ..
"صالح بتمتمه": الله يسلمـك..
عمر: وش فيك يابـن الحلال خوفتنـا عليك .. كذا فجأه تطلـع ولا ترجع إلاَ الفجـر وحالتـك حـاله.. خير وش السـَالفـه؟؟
"صالح صـد وهو يغمـَض عيونه بقـوَه": الملعون أبو ضـروس مـدري من ويـن طلع لـي ..
"طيـَـر عيونه عمـر وصـاح بصوت عالـي": تهاوشــت معـه !!!!
"أستند صالـح على يدينه وأعتدل بجلسته بصعوبـه": آآآآآه مـا خلـَيت فيه عـرْق صاحي.. هبـَلت فيه هـو وأخويـاه..
"أنقهر عمـر هو يضرب صالح من كتفـه": يا نـذل ليه ما علـَمتني عشان أفـزع لك..
"تألـَم صالح": آآآآآآآآآه شوي شوي كسـَرت عظامي وهو خلقـه متكسـَر..
عمر: طيب أنت لـحالك وإلا معـك الشبـاب؟
صالح: معي أبو عطـا وأبو طلـق وشابـوره.. بس أنا أثنين علي وباقي الشباب على قدَهم واحد واحد..
عمر: الله لا يوفقه هالداشـر.. ألحين أكيد ارتـاح عقب ما سوَى إاللي بـراسـه..
صالح: والله مـا أنساهــا له والأيـام بينا .. آآآآآخ بس لـو تشوف وش سوَيت بضروسـه.. أثنين عدمتهن والثالث ما لحقت عليه..
"ضحك عمـر وهو يضرب يـده بـ يد صالـح": هههههههههههههههههههههه كبيــر يا أبو صلوح..
"صالح وهو يتألـَم بقـوه": آآآآآآآآآآآآآآه أقولك لا تضرب ترى ماني ناقـص..
"عمـر يبي يستفـزَه": يا حليل النونو ما تتحمـَل ..
صالح: ضف وجهك ولا تعايـر ..
عمر: واللـه انـك قاهرني .. شلون تسوي شي بـدون ما تعلـَمني وأنا ما قد خطيت خطـوه إلا انت معاي وما انسى أقول لك عن كــل شي اسوَيـه..
ــــــــــــــــــــــــــــــــــــــــــــــــــ ــــــــــ
-: واللـه أنها بالصدفه ما كنـت مخطـَط ومدبـَر ولا هـُم يحزنون.. لمـَا جبت العشـاء من المطعم لقيته هناك جاي يآخذ عشاء بعـد.. نظره مني ونظره منه نتعرَف على بعض... وووووو...
"أبو سطام وهو عاقد حواجبه": كمــَـل.....
صالح: وطلعت بـسيارتي وأشوفـه لحقني لين البقاله اللي هِنا عقـب راح.. بعد ما تعشـَيت أتصلت على الشبـاب وتواعدنـا عند المطعم ورحنـا وإلا هو مجمـَع أصدقـاءه وواقف بالبـِرحه .. ووووو لا تسألني بعدهـا وش صار....؟
أبو سطام: وليه ما أتصلت على الشرطه وهم اللي يتفاهمون معهم..؟
"صالح وهو يحك رأسه": جت بسرعه المضاربه وما حولنا أحد.. وتخبر يعني ماصار فيه وقت أتـَصـل على الشرطه..
أبو سطام: وإذا أنها جت بسرعه وينك باقي الوقت ما رجعت للبيت؟
"صالح بتردد": كنا ببيت أبو عطا نستريح ووو.. وأنا كنت متعشي وطلعت على الهواء البارد ومع المضاربه حامت كبدي و.. أستفرغت كم مـره التعب..
"أبو سطام ساكت و يناظر صالح بتأمـَل"..
صالح: والله هذا اللي صار ولا كذبت بـ شي..
"أنفجر أبو سطام وتكلم بعصبيه":
أستـــــح على وجهك رجــَــــال طول وعرض وقاعد تسولف عن الهوشات والمضاربات؟ ما كبــــــرت؟ ما عقلــــــت؟
عيب عليك والله عييييييييب .. اللي بـ عمرك فاتحين بيوت وعيالهم حولهم وإنت لاهي مع فلان وعلاَن.. مأذي خلق الله وعايش بفوضى..؟
متى تتسنـَع .. متى تحس بالمسؤوليـــــه..
أنا عمري قصرت معك بشي؟؟
عمري منعتك من شي؟؟
أنت من يومك مدلـَع وكل شي براسك تسويه ومحد يرفض لك طلب .. حتى بدراستك ووظيفتك ما نتدخل .. نقول رجـَـــــال ورايه بيده .. بس أنك تضرَ سمعتي بخرابيطك؟؟؟
توطـَي راسي عند الناس بحركات ما يسوونها إلا عيال الشوارع اللي وجود اهلهم وعدمه واحــــد!!!!
لا تحسب إن الأخلاق والشرف بس للبنت .. لأ .. أنت والشباب اللي بعمرك هم اساس الأخلاق و الشرف إذا ضاعت منك ضــاع باقي عمرك..
يعني بعد الهوشه أمس من اللي يترضـَى فيك لا بغيت تتزوج؟؟ من اللي بيأمـَن على بنته ويخليها بذمـَة رجــَــــال ماله هم غير المشاكــل وعوار الرأس ..
يا ولدي الناس ألحين ما عاد ترضى بالقليل كلن يبي يصير أحسن من غيره.. كلَن يبي يعز نفسه ويرفـع من قيمته عند غيـره..
إلا أنت .. بعيد عن هالناس ليــه..؟
"مارد صالح وكان منزل رأسه للأرض من الأحراج عجـز يرفعه":..........................
أبو سطام: أنطـق.. تكلـَم.. كان عندك إعتراض على شي مـن اللي قلته علـَمني!!
صالح: ..............
أبو سطام: طيب أوعدني أن اللي صــار ما يتكـرر..
"صالح مايبي يعطي أبوه وعــد لأنه ناوي يآخذ حقه من الشباب اللي أمس بالأيام الجايه.. وبخاطره": وينك ياعمر تتكلم عني والله ماني قادر أبـرر وأدافـع أكثر .....!!
"قام أبو سطام وهو يحذره": والله ثــم والله إن تهاوشت أو أذيت أحد أخـذك بنفسي لمركز الشرطه ولا أعتـرف فيك سمعـت..!
"طلع من الدوانيه وكان عمر تـوه داخل وبيده أكياس فطـور لـصالح .. صرَف نفسه عشان أبو سطام يآخذ راحته بالكـلام"..
أبو سطام: شـف يا عمر تراي ألومـك معاه .. لأنك خويـه وتعرفه أكثر مننا إحنا يا أهله.. وأكيد أن كل شـي يسويه أنـت عندك علـم به..
"عمر تفاجأه من عصبيته .. وبسرعه رد بإرتباك": أحلف لك بالله يا عمي أني مـا دريت وانـا ألومه لأنه ما علمني.. بس أبشـر باللي يرضيك وأن شاءالله ما يعودهـا مره ثانيه..
أبو سطام: عطه فطوره خلـَه يبلع .. وعطه من عقلـك يمكن يتسنـَع .. لاحول ولا قوة إلا بالله..
"دخل عمـر ونزَل الأكياس قـدام صالح اللي منسـدح ومغمض عيونـه"..
عمر: أوب أوب عمـَي قــافله معه..
"ألتفت عليه صالح": وين رحـت إنت .. وهقتني مع أبـوي..
عمر: تبيني أجلـس عشان أتهزأ معك.. توه عطاني كلمتين هزنـَي من طولـي!!
"تعدل صالح وهو يتألـَم": آآآه .. يمـون عليك والله ..
عمر: بزيـاده .. أتوقع لو إننا نتشابـه بالأشكال بعد كان سمـَاني صالـح وسمـَاك عمـر..
"أبتسم صالح وهو يآخذ البيبسي من الكيس": بسم الله علي .. ما أتخيل نفسي أشبهـك!!
"خزه عمر وقال بإستهزاء": لــك الشـَرف_ بعدين أتوقع عقب الكدمات اللي بوجهك ويدينك مابقى فيك صالـح..
"ضحك صالح ": ههههههههه صـرت خربآن..
#####################
20-01-10, 02:00 AM
جديد مواضيع قسم القصص المكتمله
العرض العادي
