للكــاتبـــه: ....¸•°أم الـظـفـايــر°¸•....
©الـــجـــــــ السادس ـــــــــزء©
في القريــــــــــــات ..
"أبو مشعل وهو يدخل المجلس": يالله تحيـَـيه ..
" أعتدل صالح بجلسته لأنه كـان منسدح وأستحـى من عمـــه": الله يحيـيـك عمي ..
أبو مشعل: هـا يا وليـدي .. عسـاك مرتاح ؟..
صالح: إيه يا عمي الحمدلله انتم خيـر وبركــه ومانتم مقصريـن ..
أبو مشعل: بس كأنك مانت متونـَس جالس لحالك ولا تطلع مع عيـال عمك ..
"صالح بتردد": لا بالعكـــس عادي .. بس أنا ما أعرف أحـد هنا ..
أبو مشعل: ترى إن طلعت معهم يعرفونـك على القريـات وأهلها ..
صالح: أكيـد ..
أبو مشعل: أليوم جارنا أبو عايــد عازمك انت وأبوك على الغدا .. وبالليل ولد عمي أبو خلفــان عازمكم على العشـاء وبكره أبو حــزام ..
هذا أبو حزام صاحب قديم لي أنـا وأبـوك من عشرين سنه .. شارك بحرب بسوريـــا (حرب تشرين) يوم كان حافظ الأسد حاكـم سوريـا ..
"صالح طيـَر عيونه وبخاطـره": وش ذا الهيـاط ؟ الظاهر عمي مصرقع من ورانـا ..!!!
"أبو مشعل وهو يكمل بإنسجام": عاد يومنـَه رجع بالسلامــه الكل نـذر بذبايح كل ذبيحه أكبر من الثانيه.. رجع ومعاه وســام من حافظ الأســـد وسام كبـر هالبيـت ..
"صالح وهو يرفع حاجب ويتمتم": قسـم كأنها حصـة تاريخ جايب لي سيـرة بطل؟ أحس نفسي خكـري عنده.. يـاولـد وش جـاك؟؟؟؟؟؟؟
أبو مشعل: يا صالح أنـت معي؟
صالح: معك عمي .. كنت تقول عن الوســام..
أبو مشعل: خلصت من الوسام كنت أقولك إن العزايـم هذي فرصه لك تتعـرف على أهل القريـات..
صالح: إن شــاء الله..
"أبو مشعل وهو يقوم": خـذ راحتك ونم لك ساعـه لما يأذن الظهر عقب نـروح لغداء جارنا أبو عايد..
***********************
بالليل الســـاعه 9 ونص وتحديدآ بمخيم أبو سطام..
كانوا فـارس و وتيـن جالسين داخل سيــــارة سطــام .. يسولفون ويسمعون أغنيـة (مايســــوى) اللي كلماتها ولحنها وصوت الجسمـــــي فيها يقلب حالك لـ حزن لـو ماودَك فيه ..
"وتين وهي تتنهـَد": أحــس الريـــــاض فاضيــه ..
فارس: عشـان جـدَي وخالي صالـح مسافرين للقريـــات؟؟
"وتين تذكرت عمــر بعد اللي سافر لـ مصـر يوم الأربعاء بالليل .. خلاص ألحين صـار عندها حبيـب تفقده وتحـس بالضيق لـ غيـابه مو مثلها أول "..
فارس: كلها كم يـوم و يرجعون للريـاض..
وتين: طيب هـو متى يرجـع؟!
فارس: من هو .. صالـح؟
وتين: لأ مو صالـح أأ..........
"أنتبهت لنفسها وعدَلـت جلستها بـأرتبـاك وهي ترقــَع السالفـه لأنها تقصد عمــر" أكيد من غيـره يعني هذا سؤال تسألـه؟
فارس: تقولين مـو هـو طيب..
وتين: أمـزح معك..
"قرَب فارس للمسجل ورفع الصـوت وهو يغنـَي مع الجسمي"
*... روح أنا راضـــي بغيــــابك يا حياتــــــي..
هذي قسمــــه لي .. وهذا لي نصـيـــــب ...
كنت شمعـــه تضوي وتشرق حياتـــــي
أنطفيـــت .. ورحـــت .. في وقت المغيـــــب ...*
"وتين مــا تحمـَـلت تحـس دموعها بـتنزل من شوقهـا له .. وطـَت الصـوت شوي وهي تقول لـ فـارس": ما كلـَمت عمــر بعد ما سـافر أو أرسلت له مسـج..
فارس: لا والله أحس أني مقصـَر معه.. بس أخاف أتصـل بـ وقت مو مناسب يمكن نايـم يمكن يبي ينبسـط مع أصدقاءه مـا يبي أزعـاج مكالمات..
وتين: يمكـن.. طيب أنـا عندي فكره لا تزعجـه ولا شـي..
فارس: وش الفكــره حمستيني!
وتين: عمــر يحب القصايـد صح؟ وش رأيك ترسل قصيـده عن السفـر أو عن الغيـاب ..
فارس: جبتيهــــــا!! فكره خطيره .. بس أنا مـا عندي قصايـد بجوالي..
"صاحت وتين بحماس": أنا أنا أنا عندي لحظـه أبطلـَـع المسـج..
"فارس مــا أستغرب ردَة فعلها يعرف أنها مرجوجـه بحالات قليله .. بـس أول مره تجي رجـَتها لـ عمـر"!!!
وتين: أفتـح بلوتوثك وأستقبـل..
© {{الريــــاض}}
تقول بغيابـــك تعـــال..
وانا اكثر بالولـــه منها أبيـــك..
ما يسر بغيبتــك لي أي حال
منشغل تعبـــآآآن بغيابــك و فيـك..
عطني عاد الحـــل يا ابن الحـــلال
يا تجــي .. يا بأخـــذ " الديـــرة " و أجيــك !! ©
"فارس وهو مركـَز عيونه على الجوال": تهقيـن يـرد علـي؟
وتين: يــاليت!! أقصـد إن شاء الله ما يطنـَشـك..
فارس: أما عـاد ذي يطنـش؟ مالقيتي إلا عمــر يطنش!!
"رن جوال فـارس بنغمة مسج فـزَ معها قلـب وتيـن..
مهما كان الكلام اللي فيها (تحـس إنه يقصدها) .. كذا شعـور الحـب .. نتلعق بـ كـل تفاصيله وكل شي يعنيه .. لو مالنا علاقـه فيه "..
© ما نسيتـــك يوم شدَيت الرحـــآل
السفــر زوَد لهيب آشتيــآقي
حـبــك بـقلبي مثل عآلــي الجبـــآل
ما يغيـــر ما بقلبي لا فـــرآق ولا بعــــــآدي ©
فارس: ياهوووه يا عمــر.. والله إنك رهيــب وكلامـك عسل..
"وتين تحمـَست زيـاده": فـروووس تكفى أسألـه كيف حالـه وإذا مستانس وإلا فاقد خويـَِه مناحـي ههههههههه ..؟
فارس: هههههههه صـدْق ذكرتيني فيهـم من زمـان ما أفترقـوا وهم ما يستغنـون عـن بعض..
فارس: [كيف حالـك عمـر _مستانس بـ مصـر.. أكيد فاقـد خالي صالـح .. صح..؟]
عمر: © تعبـت من (كيـف حــالكـ) لا تنشــدني
بــس أنت وشلــون قلبكـ يا بـعد حــالي
قـل لي وش أخبــار حبـكـ لي .. و (تسعــدني)
من خلقـْت الحــب والغــالي من الغـــالي
بجيك كلـي مثل ما كنت عــــاهـدني
واقــول احبكـ معكـ .. واحبكـ لحــــالي ©
"أخذت وتيـن نفـس طويـل وتنهـدت تنهيده حـآآآآره.. ذكـي ,, رومنسـي ,, إحساسـه قـوي ما تدري بـأي كلمـة توصفـه!! .."
فارس: أي حـُب وأي قلـب وش فيه عمـر.. أخاف يبي يرسلـه لأحد غيري وجتني بالغلـط..
"وتيـن وهي تقاوم الضحكه": لأ أتوقـع مـو غلطان .. طيب أرسل لـه هذا المسـج..
© أبســــالك ؟
لو قلت لـك اشتاقــــلك !!
كثر الجفـا ... و كثر السهـر ... وأكثر من همـُـوم
البشــر ...
أستاهــــــــلك ......؟ ©
عمر: [ أيـــــوه ]..
"أنفجـر فـارس بالضحـك": هههههههههههههه الظاهـر إن عمـر أخذ السالفـه أستهبااال .. أجل أبستهبل عليـه هههههههههههههههههه..
عمر: © صدَيت مثلـك وآلصرآحـه آشتقـت لكـ
آتـرك آلنـآس حولـي وآقعـد آشـره عليـك
كم ذبحنـي غيآبـك وآستحيـت أسـألـك
بس أبعـرف ,, { خيآلـــــــي مآ يسيـَـر عليـك ..؟؟! } .. ©
"فـارس وهو مركـَـز على شاشة الجـوال": أبي أرد مثله وأكتـب : [أيـــــوه خيالك يسير علي وإلا كـان ما أرسلـت لك ألحين]..
"وتيـن بـ تردد": وووو... أرسل لـه هذا المسـج بعد؟
"فـارس كان مستانس على مسجات وتين لأنـه يعرف عمـر يحب القصـايد بس مـا يدري بتفكيرها": طيـب أرسليـه لي بلوتوث..
© ودي نتلاقـــى وألمحـك .. و قلبي من أشواقـــه يـذوب
وأدري بعد ودَك تجي .. لكـــــن .. عنيـده هالليـال
ليــــــه احرمتني دنيتي منـك .. وأنا { عـرق القـلــوب }
وليـــــه الخطــــاوي تبعدك .. وأتبع خطـــــاويك بـرمال
عـيَـا زمانـك نلتقي .. ودايم يورينـا غــــروب
وإلا قلبـــي .. رااااح صوتــــه من كثر كلمـة { تعــــآل }..©
عمر: [ أنت عـرق القلـــــــوب]..؟
"فارس بتعجـب": أنــا .. وش قصـده ..؟
"أنخطف وجهها وتيـن وحاولت قـد ما تقدر تكـون طبيعيه": يمكن جـاء المسج بالغلـط؟
"رمى فـارس الجوال على وتيـن فجـــــأه ونزل من السيـاره وهو يقـول لها بصوت عآآآآلـــــي": بطاريـة (سماعاتـــــــــــي) طفـت .. أبروح أبدَلها..
"أخـذت وتيـن الجوال وهي تفتح المسـج اللي وصل جديـد":
© عـــرق بـ قلـبـــي لا ذكرتــك تحـَــرك..
حسبي اللـــه عليك حتى بـ عروقــــي تحكـَمــت... ©
"وتيـن مشاعـرها جاهـزه بجوالها ما يحتاج تدوَر عليها أو تحتـار بالـرد عليه":
©كيف أعـبــَـر عن شعـوري و أملكـك ؟!
خايفـــه أتكلَّـــم / يداهمـنــي .. السكـــوت !
لـو يقـولـون ..
[ يا .. أمـــوت .. أو أتركـــك ] .؟!
والله إنـَي من ( غلاتـــك ).. راح أمـــــوت..!! ©
عمــر:
© أن شكيـتي ... صـرت انـا و الــمــــــوووت دونـك ...!
لـو فديـت العـمـر لـك ،
( تـسـتاهليـنـه )
هي حـلاة الحُـب كـلـَه فـي | جـنـونـك |
أو جـنـون الحـب ... انـتـي .. "تـمـلكـيـنـه" ؟؟
يشـهـد اللـه .. انـي ما احـيـا بـ دونـك ..
ذا شـعـوري لـك
ليـتـك [ تـفـهـمـيـنـه ]...! ©
"وتيـن وهي تكتـب مسـج ودقــَات قلبهـا طبـول": [ أفهمـك والله وحاســَــه بـ مشاعـرك ]..
"فـزَ عمـر من مكـانه وكان بخاطـره يصــــرخ من فرحته لما قرأ ردَهـــا لأن حوله أصدقاءه جالسين معه أستحى منهم .. كـان حآآآس أنها هي وأحساسه ما كـذب .. ولقاها فرصه يعاتبها ويطلـع كل اللي بخاطـره ..
سكـوت الخمـس سنوات نطق باللحظه هذي ..
خجـل الخمـس سنوات أنهــاه بـ جُرأه حلوه ولذيـذه ما فيه رجـَال بالدنيـا يفكـــر يتجرأ بإحتـرام..؟؟؟"..
عمر: [أجل ليـش تتجـاهلينـي..؟]
وتين: [ ما تجاهلتـك.. بس أهلـي .. ومجتمعـي .. وقلبـي يا عمــر .. ما يفهمـــون!! ]
عمـر:[ كلـَـهم على عيني وراسي ومقـدَر لـك والله .. بس قلبـك ليش ما يفهم ..؟ ما يفهم أني حبـَيتـك؟ ]
"تحجـَـرت الدمـوع بعيونهـا وعجـزت ترد عليـه .. زلـَت يدها بالكتابـه وقالت الحقيقـه .. الحقيقه أن قلبهـا ما يحـس فيه ولا تحـرَك ودق إلا من غيرته عليه بيوم الزواج .. الغيره تزرع الحب وترويه هذي الحقيقه ..
كانت (تحبـــه)بس من كثـر أهمـالها لمشاعرهـا وأنشغالها .. أنقلـب الحـُـب لــ (غـــــلا ) ورجع أرتـوى وصل لـ حـد (الجنــون) "..
وتيـن: [ لـو قلـت لك أنـه ما يفهم .. ولا يستاهـل منك اي ذرَة حـب وش بتـقـول..؟]
عمــر: [ بقـول أني أحــبــــــك ولآخـــر يـوم بـ عمــري .. ]
"نزلـت دموعهـا وتيـن وهي تتمتـم بـ قهـر": والله مـا أستـاهل منـك شـي!!
" أرسلت لـه مسـج": [و النهـــــايه..؟؟ ]
عمــر: [ أنك تكونـي أميــره متوَجه بـ مملكتـي الخاصـه اللي ما يستاهلها غيـرك .. بـس أبي موافقـتـك .. لأني خـايف أنك ترفضيـن!! ]
" وتين صارت ترجـف من الخـوف والراحـه بنفس الوقت .. هي خايفـه من رهبـة الموقف اللي أول مـره تمر فيه لكن مـو خايفه منه تـدري أنه مستحييييييل يضـرَها لأنها أخته قبل ما تكـون حبيبته..
وأرتاحت لأن النهايه بالنسبه لـه هي انه يرتبـط فيها وما يفكـَـر بأي وحده غيرهـــا ..
تستاهله ويستاهلهـا .. عشـرة العمــر اللي بين أهلها واهله تخلـَـي دربهم كله تساهيل ولا يواجهون صعوبـــه أبدآ "..
-: وتيـــــن..
"ألتفت وتيـن على سطام وتحـاول تخفي أرتبـاكها": ســـــم..
سطام: وش عندك جـالسه هـنا؟
"وتيـن وهي تحـط جوال فـارس بـ جيب بلوزتهـا": كنت جالسـه مع فـارس نسولـف ونسمـع أغانـي..
سطام: وهو وينـه ألحيـن؟
وتين: بطـارية سماعته خلصت وراح يبدلهـا..
سطام: طيب أنا أبروح للمحطـه أجيب فحم وشويـَة أغـراض_ تبيـن شي؟
وتين: أمممم جيب لي شيبسـات وعصيرات وكاكـاو ووووبس..
"أبتسم سطـام": إنتي متى تكبريـن يـا حبك للحلويات..
"وتيـن وهي تحط إيدينها على خصرها": يا سلام_ شايفني صغيـره؟
"سطام وهو يركـب السياره": لا .. إنتي كبيـره وشيخـة البنات بعد..
وتين: تسلــم..
"حـرَك سطـــــام السياره .. وأخذت وتيـن نفـس عميـق وهي تجلس على الأرض بلا مبـالاة وتمسـح المسجــــات من جـوال فـارس بسرعــــــه بدون ما تـرد على سؤال عمـر لأنها تسمع صـــوت فـــارس يناديها مـن بعيد" ..
20-01-10, 02:39 PM
جديد مواضيع قسم القصص المكتمله
العرض العادي
