لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

المنتدى العام للقصص والروايات القصص والروايات


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 01-10-17, 11:42 AM   المشاركة رقم: 16
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 


ام ناصر زينت صحن القهوة "رطب وشاي ومكسرات وحلا" توها تطلع من المطبخ صادفت رحيل وهي تدخل الصاله
رحيل تمد يدها ال أمها: عنك يمه , ام ناصر :الله يعطيك العافيه عطتها الصحن وراحت تجلس نفس الكنبه الي جالس عليها ابوناصر .
رحيل حطت الصحن قدام امها وابوها : الله يعافيك يمه راحت تجلس ع الكرسي في صدر الصاله واشواق جالسه نفس الكنبه اللي جالس عليها ناصر بس في نهاية الكنبه مبتعده عنه
ابوناصريسال اشواق عن اخبارها: كيف حالك ي بنتي
اشواق حزينه ع نفسها ما أحد يفكر يسأل عنها غير عمها : الحمدلله عمي انا بخير دامك بخير
ابوناصر يلاحظ عيونها حمراء: وش فيها عيونك ي اشواق ناصر متهاوش معكك او ضربك انتي قولي لي بس اوريك فيه
ناصر تضايق من أسلوب ابوه مسح شخصيته قدام زوجته كانه ولاشي رفع نظره الـ اشواق يشوف وش تعلق
اشواق ولي اول مرة ماتكذب ع عمه :لا ي عمي بس مصدعه شوي
ابوناصر: ماتشوفي شر ان شاءالله روحي ي بنتي
المستشفى موزين تهملين نفسكك اشواق : ان شاءالله عمي
رحيل تكلم أمها بهمس:ماصارت كل ذا يسال عن احوالها انا بنته مادرى عني خير شر لو تسألين الحين أي صف بنتك راح يقولك مادري ههههههههه

ام ناصربنفس الهمس: اسكتي لايسمعك ابوك الحين
ناصر: خلاص يبة سألت عن اخبارها واخذت علومها كلها ابداء في موضوعي؟؟
ابوناصر يبتسم : أي عجل علينا ,
ام ناصر تصب قهوة ل ابوناصر تمد له: وش هالموضوع اللي أشغلتنا فيه!!
ناصر: واخيراً الحين ابداء في الموضوع,الكل ضحكك عجل يا ناصر
ناصر يضحكك : هوموضوع عادي بس بنسبه لي شي كبير اول شي عندي خبرين اول واحد حلو وثاني هوحلو بس يضايقكم شوي ها وش تبغون تسمعون
كلهم بصوت متفرقه : نبغى نسمع الخبر الحلو احسن
ناصر يأخذ نفس عميق: ابشركم ان أنقبلت في شركة والراتب 30,000ريال العرض مايتفوت
ام ناصر بابتسامه وفرحانه لولدها: الف مبرروووووك يمه
رحيل : حلو هالخبر مبروك مقدماً ها بس لاتنسى اول ماتستلم جيب لي هدية
ناصر : بشري بعزك لك اللي تبغين , يسأل ابوه واشواق يسالها مجامله قدام ابوه: ها يبه و اشواق ماعلقتو ع خبر
ابوناصر يمد الفنجان لـ ام ناصر يعني صبي لي بسخريه: اول شي رجيتنا رج واخر شي انك أنقبلت في شركة خير يطير!!
ام ناصر تصب له مدت له الفنجان تضايقت من كلامه ع ولدها: وش فيك عليه بدال ماتبارك له تقوم تزفه
أبو ناصر بهدؤ: مافيني شي شوف ي ناصر اذ انت مومرتاح معي في الشغل في شركتي الله يوفقك مع غيري بس اسمع ان جيت تشتكي لي ياويلك مني
ناصر اول شي تضايق من استهزاء ابوه فيه بس مومهم وحس ان كلام ابوه طالع من قلب لما دعا له ان الله يوفقه :لا يبة مومسأله اني متضايق في الشغل معك بس ابغى اعتمد ع حالي وخيرك سباق يبه أي تكفى كثر من هالدعوات
ناصر يأخذ نفس : باقي الخبر ثاني الي هو اني بسافر برا السعوديه صار يناظر ردت فعلهم كلهم
ام ناصر تضايقت : ليه ي وليدي تسافر؟؟
رحييل: وش مناسبة سفرك وضروي يعني تسافر
ابوناصر بحده : ليه ان شاءالله تسافر برا
ناصر يبتسم ع ردت فعلهم (هذه حاجه في نفس يعقوب) طير عيونه: كل هذي اسئله تبغون اجااوب عليها ان شاءالله
كلهم جلسو يضحكون لانهم سألوا في نفس الوقت
ابوناصر بحده: جاوب وانت ساكت
ناصر بجديه لازم يقنعهم بسالفة سفره: تعرفون الشركة الي قبلتني شرط منها اني لازم اسافر دوره برا علشان اخذ دوره في ادارة الاعمال
ابوناصر: وانت وافقت صح؟
ناصر يحاول انه يقنع ابوه لانه اذ رفض راحت عليه: أي لازم اوافق والراتب مغري انت وش رايك يبه اسافر ولا لازم راضك عني < يدهن سير
ام ناصرتكلم قبل لايقول شي ابوناصر: اذ سفره كم شهر مو مشكله اذ ماتطول
ابوناصر : صح كلام امك كم المده الي بتجلس فيها برا
ناصر يراقب ابوه وش راح يقول اذ عرف المده: 4 سنوات
ابوناصر:اذا تقدر تتحمل الغربه وإذ انت شايف هالشي من مصلحتك الله يوفقك
ناصر مستغرب من ابوه اليوم ماغير يدعو له : امين
ابوناصر يحشر ناصر في زاويه : اجل خذ زوجتك معك علشان تسليك في الغربه
ناصرتوهق الحين انا ابغى انحش منها اخذها معي : لا يبة ما يصير اخذها معي
ابوناصر:ليه ان شاءالله
ناصر : معي رجال توهم تعينو في الوظيفة ومعي في الشقة هناك
ابوناصر: كم واحد توظف معك
ناصر: 20 واحد
ابوناصر: ماشاءالله ع هواك اجل
ناصر: ان شاءالله
ابوناصر قام: عن اذنكم
جميع بصوت متفرق: اذنكك معك
ناصر يسال رحيل وامه : ماقلتو شي ومطنش اشواق ع جنب
ام ناصرتبكي وتمسح دموعها بشيلتها: الله يوفقك ي وليدي مع ان صعب علي فراقك ,الايمه متى تروح
ناصر: تكفين يمه لاتبكين دموعكك غاليه علي
باقي لي اربع شهور وأسافر وانتي رحييل ماقلتي شي
رحييل :شوف صعب علينا فراقك يعني أصحى الصباح ما أشوفك من اتهاوش معه ’ يلا الله يوفقكك
ناصريضحكك : هذ الي هامك من تتهاوشين وياه .امين أي تكفين دعواتكم لي, يالله عن اذنكم بطلع
ام ناصر: وين بتروح اجلس معنا شوي
ناصر: ودي اجلس معكم وجلستكم ماتنمل بس لازم اطلع الحين وارتب امووري
ام ناصر :الله يوفقك
ناصر يبووس راس امه واخذ البوك حقه وجواله وسبحته من الطاوله: يالله سلام عليكم
كل :وعليكم السلام
اشواق جالسه تتأمل ناصر
ناصر طويل واسمر ووسيم مضبط لحيته ***وكه عيونه صقراي شي يلمح بسرعه .عمره ٢٩حنون ع امه واخته لو اني مادخلت حياته بالغصب مجبور عليه كان الحين يمكن يحترمني بس هو مايبغاني كاره ........حياته معي والله انه ظلم
انا ولاشي بنسبه له........ تحس بقهرو الغبنه دايما منطشه ........كانه مالها وجود في حياته ع هامش قال لي مره انتي موجوده في حياتي علشان انتبه لك بس قدام ابوه منظره يعني يبه شوف انا وزوجتي زي العسل ........أصلا انا زوجته ع الورق ماقرب مني غير مره اومرتين ظلت اشواق سرحانه
رحيل تحرك يدها وجهه اشواق :هاي اشواق وين رحتي فيه ساعه وانا اناديك
اشواق مقهوه بحيل حطت حرتها في رحيل: وخري عني مافيني شي
رحييل :كيفك بس حبيت اسالك وش فيك سرحانه من طلع ناصر
اشواق بنفس خايسه ذكرتها بمعاملة ناصر لها هي نست علشان تذكر: أي كيفي اجل بكيفك الله غني عنك وعن سؤالك
ام ناصرتأشر بعيونها لرحيل خليها ع راحتها
اشواق طلعت من الصاله متجهه الى فوق وهي تصعد الدرج تحس جسمها صيرثقيل موقادره تشيل عمرها من القهر, فيها غصه واقفه في حلقها ......تصرخ ليه ع اقل انتبه لوجودي ......تمشي وهي تفكر في حياتها مع ناصر.. قولي له يااشواق خلاص انا ماابغاك طلقني ولا اتم معلقة كذ حررراام عليك والله صعب اني احب شخص وهو ذا الشخص جالس يذلني وهينني بعد
صعب انك تعترفين ل شخص بحبك له وهو يذلك
وكل وقته برا مايجي الا اذا بينام بس صار الجناح فندق له حق النووووم ..... دخلت الجناح وهي تتنفس وشغلت الانوار اتجهت للغرفة دخلت غرفة تبديل الملابس تأخذ لها ملابس علشان تأخذ شور لها وتريح اعصابها , دخلت الحمام وانتوا بكراامه قفلت الباب حطت شامبو ع راسها فتحت دش المويه تنساب عليها وهي تبكي ودموعها اختلطت مع المويه ليه ي ناصر ليه ماتعطيني وجهه لية بترووح تتركني هنا ليه لية بتسافر ليه تتركني من هو لي انا .ليه وانا امووت ع ترابك تشهق وتصرخ تحاول تهدي حالها طلعت كل القهرالي فيها ورتاحت ......مايستاهل يااشواق تسوين في حالك كذا طنشي زي مايطنشك بحاوول مع انه قلبي مايطاوعني
********************************
ناصر بعد ماطلع من بيتهم راح يتمشي في حارتهم
جلس........ يفكر الحمدلله عدا الموضوع ع خير ولا شكك ابوي بشي الحمدلله ماتوقعت الامور بتمشي بسهوله لا بعد ابوي اليوم مدري وش فيه كانه حس بتأنيب الضمير ...اليوم جالس يدعي لي مسح يده ع وجهه الحمدلله
ان اسف يبه راح اسوي شي يمكن يزعلك مني بس لازم اكون رجال واعتمد ع نفسي مو آبوي يمشيني ع كيفه ماكانه لي راي والله لويدري وش افكر فيه والله انه ماراح يرضى لي اني اسافر وهو يتمشى شاف اطفال الحاره يلعبون كره ابتسم لهم وشار بيده سلام وهم ردو عليه سلام
انا مدري وش اسوي في حياتي مع اشواق انا ودي اطلق اشواق لاني كذا ظالمها معي وتروح في حال سبيلها ترى صغيره لازم تشوف حياتها بس بعيد عني المشكله ابوي كلش ولا بنت اخوه معليه حب بنت اخوك بس لايكون ع حسابي انا. كان الحين انا أبو وعندي أطفال بس انا مو متقبل اشواق علشان تكون ام العيال ان شاءالله ادبر طريقة علشان اطلقها فيها وافتك منها الحين خليني ارتب أمور لسافر وان شاءالله تتسهل اموري اهم شي خلصت من ابوي وقنعته باقي خطوه ثانيه بعدها نسافر ههه والله اني مبسوط اليوم)
********************************
في بيت أبو ياسر اليوم الثلاثاء
بعد صلاة الظهر ام ياسر وبناتها جالسين يجهزون الغداء للضيوف والقهوة والشاي
ام ياسر تحط في غوري القهوة الزعفران والقهوة
ولمياء جالسه تقطع السلطه وفي حاطه راسها ع الطاوله وفيها النوم ماتبغى تشتغل ع قولتها صحوها من احلى نووومه
ام ياسربعصبيه: في قومي اشتغلي ل اجيك بعصى الحين خليني اخلص قبل ل يجي ابوك من برا واخوانك
في عيونها فيها النوم ماشبعت عدل , رفعت راسها من الطاوله: زين يمه , قامت وطلعت من المطبخ راحت المغاسل تغسل وجهه تبغى تصحصح تتمغط يارب فيني النوم ذا وقته يجاون الضيوف ماعندهم ذوق خليني اروح ل امي تلقينه معصبه
في جات تركض المطبخ : ها يمه شتبغين اسوي
ام ياسر مشغوله مع القدر جالسه تطبخ ذبيحه الي جابها ابوياسر . ام ياسر ترفع راسها: في توقعتك تنحاشين تنامين زين جيتي ...حطي الورق العنب في صحن .. والمقليات صفيهم في صحن بجميع أنواعها سمبوسه بانواعها ولفائف توست وكبه وكفته وجيب التاجر رتبي عدل حطيه في صحن مستطيل والبطاطس المقلي دار مدار ع الصحن وإذ خلصتي من كل هذا صفي المعجنات
في بمزح: لا لا مايصير انحاش وامي تبغاني مايصير ذا يسمى قلة ادب بقت عيونها يمه وللللل كل هذا انا اسويه مايصير عندك لمياء وخدامه وش حاضرتهم!.
مدت يدها تأخذ ورق عنب يييمممممممممممي يمه لذيذ يذوب في الفم ي سلام تدرين يمه الورق العنب حشيش البنات.. من سواه ؟
ام ياسر بعصبيه من بنتها وهذرتها الي متخلص: في وبعدين معك يالله اشتغلي وانتِ ساكتها وش حشيش ما حشيش , ولي سوى الورق العنب اختك احسن منك تعلمي منها قبل لاتتزوجين ويبتلش فيك فهد الله يعين فهد عليك بس
في تعكر مزاجها لان أمها طرت فهد وسكتت وتشتغل وهي ساكته لا انا الي ببتلش فيه

 
 

 

عرض البوم صور الاسطوريه الهلاليه   رد مع اقتباس
قديم 01-10-17, 11:44 AM   المشاركة رقم: 17
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

ام ياسر: لو ادري انك بتسكتين اذ جبت طاري الزواج كان تكلمت من البداية طلعتي تستحين ي في ,لمياء يمه حطي الحلى في الصحون ورتبيه عدل
لمياء : ان شاءالله يمه
في مسكينه امي تحسبني استحي ماتدري انها عكرت مزاجي
***************************
في المجلس الرجالي بيت أبو ياسر
مجلس فيه كنب من بدايه المجلس الى نهايته
وفي طاوله بوسط المجلس وجنبه طاولات الخدمه
الاصغار والمجلس فخم بالحيل وناعم , جنب المجلس غرفة طعام وغرفة الطعام فيها بابين باب الأول يؤدي الى مدخل البيت والباب الثاني يؤدي الى مجلس الرجالي وفيه المغاسل والحمام وانتوا بكرامه برا المجلس > ان شاءالله عاد فهمتوا علي ههههه ..
ابوياسر جلس في صدر المجلس وجنبه ياسر مسك جواله يكلم اخوه ع الواتس يقول تعال عندنا ضيوف اليوم
ابوياسر: ياسر روح وشوف امك جهزت القهوه قبل لا يجون
ياسر وقف: ابشر الحين بروح .
ياسروهوطالع من المجلس يسمع ابوه يكلم رجال ويوصف له البيت ياسر يختصر الطريق ويروح من غرفة الطعام باب ثاني المؤدي الى داخل البيت يمشي في الممر المؤدي الى المطبخ وين امشي برا الجو شمس وحر :يمه وينك
ام ياسر:انا هنا يمه تعال
ياسر يدخل المطبخ شاف خواته وامه يشتغلون: الله يعطيكم العافيه ، الا يمه خلصت القهوة
ام ياسر وهي تحط الرز في القدر:الله يعافيك ، لا القهوة لسى يبغى لها خمس دقايق ؛ بس الشاي والمكسرات ودله النعناع والموالح خلاص . ي في عطي اخوك صحن الشاي والنعناع والبيالات والفناجيل ، الا الضيوف وصلوا
في بضيقة ماتبغى تكلم ياسر :يمه عندك لمياء انا مشغوله
ام ياسر بعصبيه: وصمه ان شاءالله . انتي ليه ماتسمعين الحكي الا لازم تجادلين يعني
ياسر مطنش في ع الاخر:يمه هدي حالك خلاص انا اخذهم ي جيسي تعالي جيبي الصحن .لا يمه لسه ع وشك الوصول
جيسي جات وحطت الصحن ع الطاوله ياسر اخذه
قبل لايطلع همس ل في احسابك معي بعدين
في بقهر: يمه مافي الا انا في هالبيت كل شوي في تعالي في حطي ذا , يمه رحميني ترى زهقت
ام ياسر: والله يافي ان ماعقلتي رويتك شغلك . كملي شغلك وانتي ساكته بس
لمياء: يمه وش فيك عليها تراك تضغطين عليها بالحيل
ام ياسر: خليها تادب لسانها وش طوله وانتي ي لمياء كملي شغلك وانتي ساكته
لمياء بابتسامه :حتى انا جاني الدور
.
.
.
في الشارع قدام البيت سياره لونها اسود بنتلي
محمد الي يسوق وابوه جالس جنبه :يبه تاكد انا هذا البيت
ابومحمد يكلم أبو ياسرمعه ع الخط لانه يوصف له البيت: أي وانا اخوك باب بيتكم لونه بني ترى انا واقف برا ذا هو
نزل محمد وابومحمد واقفين عند باب شارع
أبو ياسر : أي لونه بني .يالله الحين انا بطلع لك .
أبو ياسر طلع برا يرحب بالضيوف فتح الباب الكبير : حيّ الله من جاني تو ماتبارك البيت ي هلا ومسهلا زارتنا البركه يسلم عليهم بحب خشوم
ابومحمد ومحمد سلمو ع أبو ياسر: الله يحيك البيت عامر بالاهل انت شلونك عساك طيب ان شاءالله !،
وهم يمشون اول مايدخلون البيت حديقة كبيره بعد ممر يؤدي المجلس , ابومحمد ومحمد انبهرو في البيت محمد (ماشاءالله تبارك الله البيت جميل وشرح)
أبو ياسر :الحمدلله ألامور كلها تمام ، انت شلونك وشلون شغلك ومن الي معك ؟!
ابومحمد:هذا ولدي محمد بكري
أبو ياسر :ي حيّ لله محمد شلونك وانا ابوك عساك طيب؟
محمد بابتسامه :الحمدلله عمي انت شلونك عساك طيب؟
ابوياسر :الحمدلله انا بخير دامكم بخير ، وصلو المجلس تفضلو حياكم الله البيت بيتكم خذو راحتكم
ياسر كان جالس يرتب الشاي والمكسرات والاموالح يوم دخلوا الضيوف راح يسلم عليهم يحب خشم ابومحمد ياسر :ي هلا ي حيّ الله من جانا هلا ي عمي وشلونك عساك طيب ؟
ابومحمد :الحمدلله طيب طاب حالك؟
ياسر راح يسلم ع محمد بحب خشوم وفرحان فيه :هلا محمد وشلونك عساك طيب طلعت تعرف الولد شفته صدفه بس

 
 

 

عرض البوم صور الاسطوريه الهلاليه   رد مع اقتباس
قديم 01-10-17, 11:45 AM   المشاركة رقم: 18
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

حمد ابتسم انه شافه مره ثانيه:ي هلا وشلونك وش اخبارك من ذاك اليوم وانا ماشفتك شفت كيف صدفه تلعب دور
أبو ياسر: تفضلوا جلس أبو ياسر وابومحمد في صدر المجلس :تعرف ي ياسر محمد
ياسر:أي يبه خويي نادر .محمد تفضل اجلس بروح اشوف القهوة جاهزه ولا
محمد جلس جنب ابوه:زاد فضلك
ياسر راح المطبخ بخطوات سريعه:ها يمه دلة القهوة جاهزه
ام ياسر :سم ي وليدي جاو الضيوف وهذا بعد الحلا خذه معاك وخذ الرطب لاتنسى
ياسر : سم الله عدوك أي يمه جاو عن اذنك بروح لا
ابطي عليهم
ام ياسر: اذنك معك
ياسر يمشي بخطوات سريعه دخل المجلس:ي حيا الله من جانا ابومحمد تبغى قهوة ولا شاي
ابومحمد :ماعليك امر صب القهوة
ياسر يقرب طاولة الخدمه جنب ابومحمد ويصب له القهوة مد له الفنجال:سم وقرب له الرطب علشان ياكل مع القهوة سم الله عدوك.وانت يبه تبغى قهوة
أبوياسر:أي صب لي قهوة
ياسر صب لابوه مد الفنجان له وصب لمحمد بعدها قدم حلا له. وصب له فنجان قهوه
ابومحمد:ماشاءالله مجلس رائع ماشاءالله تبارك الله من مسويه
ابوياسر بفخر بزوجته انه هي سوت المجلس:ام ياسر الله يعطيها العافية
ابومحمد :الله يهنيكم
أبو ياسر ياكل الرطب ويشرب قهوته:الا بسالك يابو محمد الحين انت ماسك الحلال وحدك
أبومحمد بفخر بولده:تارك نص شغل حق ولدي محمد انا بس اشرف عليه
أبو ياسر عجبه محمد:ماشاءالله عليك ي محمد ريحت ابوك وجاء دورك صح
محمد يبتسم: ماعليك زود ي عمي اهم شي ابوي يرتاح
أبو ياسر:جعل عيالك تخدمك ان شاءالله مثل ماتخدم ابوك
كلهم بصوت متفرقه:امين
ياسر يكلم محمد بهمس:الحين انت وش لك بوجع راس ارقام وحسابات وخربطي
محمد :انا دارس ادراة اعمال علشان كذا مسكت الشغل عن ابوي
ياسر :عدل علشان كذا
محمد يسال :الحين اخوك خالد وينه ماأشوفه
ياسر:والله شكله نايم لاني عجزت وانا اتصل عليه بجرب اتصل مره ثانيه.ياسر طلع برا يكلم اخوه ماا نتظر كثير الا انفتح الخط معه:وينك انت فيه
خالد وصوته ثقيل من نوم:هلا وش تبغى انا في الاستراحة نايم
ياسر :اقول تعال بسرعه ع البيت عندنا ضيوف
خالد يحاول يصحصح:ان شاءالله بجي
ياسر:يالله لاتتاخر مع السلامه
ياسررجع المجلس وللحين ابوه وابو محمد يتناقشون عن الشغل محمد يشاركهم بهمس:ترى والله انغثيت
بهالمواضيع
بعده بخمس دقايق دخل خالد المجالس ببنطلون جينزوبلوزه سوده لبسه مخصره ع جسمه وشعره مبلل وطايح ع وجهه وشعره ناعم خالد اسمر سمارته بدويه محلق ديرتي وسيم عمره٢٧ ترى شايف نفسه بلحيل ماسك في يده سبحه واليد ثاني الجوال:السلام عليكم
اخوه ياسر اوسم منه كان لبس ثوب وغتره ومسوي غترته حمدانيه وحنون بشكل كبير ع اخواته ودايم يفهمونه خطأ و يشتغل في شركة ارامكو عمره 29
كلهم :وعليكم السلام
سلم عليهم بحب خشوم:هلا ياحيا الله من جانا
ابومحمد ومحمد :الله يحييك
خالد يرحب بمحمد بحفاوة: حيا الله ابوحميد شلونك عساك طيب تو ماتبارك البيت
محمد:بيت عامر باهله تحيى ودوم انت شلونك شكلك فيك نوم
خالد :أي والله فيني نوم
ياسربهمس:خالد شوف ابوي شكله موعاجبه لبسك الله يعينك بيهاوشك بعدين
خالد تضايق:الله يعيني ع هالشايب وش فيه لبسي ها المهم اني جيت مافشلته
ابومحمد (ماشاءالله البيت كبير وشرح عنده خمس شراكه ولا بعد عنده محلات تجاريه ماشاءالله عليك يابوياسر هاذي صحبه ولابلاش مولازم تضيع هالصحبه ي بومحمد لازم اشاركه وبعد ودي اني اناسبه بس ماادري وش يفكر فيه
اكيد بيقول ذه طمعان في فلوسي علشان كذا جاني شراكه ولابارك لي بعد لا والله انا مو طمعان فلوس بس حبيت اشارك علشان اتعلم منه وتزيد فلوسي والله فكره حلوه مش بطاله .......واني أطلب يد احد بناته لولدي محمد الفكره زينه وعجبتني...... بس لازم افكر فيه عدل اول شي وأكلم محمد يمكن بعد يبغى بنت عمه لازم افكر في هالموضوع وانا ودي ولدي يناسبه اليوم قبل بكره ماشاء الله حتى عياله خلوقين خاصة اللي اسمه ياسر لو بكيفه عرضت عليه فرح >طلعت مانت بهين ي بو محمد
ابوياسر :ابومحمد وين سرحان؟
ابومحمد :معك مارحت ولامكان حتى انك تكلمت في موضوع ولدك خالد ماشاءالله عليه يشتغل في شرطه الله يحفظه لك
أبو ياسر:فعلا انت معي حسبتك سرحان امين ويحفظ لك عيالك
ابومحمد :لالا معكك .امين
أبو ياسر:خالد قوم يبه شوف الغداء جاهز
خالد يقوم:ابشر
خالد دخل البيت من باب غرفة طعام من جهة المجلس وسكر الباب :يمه يالمياءيافي وينكم
في :حنا في المطبخ تعال
خالد:اها جاهز الغداء الله يعطيكم العافيه
ام ياسر:الله يعافيك .يالله يافي ولمياء ساعدوا اخوكم يودي السفره
لمياء وفي:ان شاء الله يمه
في :أي هاك ود سفره وفرشها ع الطاوله
خالد:طيب .دخل غرفة طعام حط سفره ع الطاوله رجع دخل يكمل باقي الاكل
في تعطي الاكواب والغازيات ولبن وزبادي
خالد راح يوزع الغازيات وعبوه اللبن صغيره وعلبه زبادي
خالد:ها ي لمياء باقي شيء
لمياء:باقي صحن الورق عنب ومقليات ومعجنات والسلطه .تفضل هذ صحن الورق عنب وصحن المعجنات
خالد اخذ من صحن المعجنات ورق العنب وحط ع الطاوله رجع اخذ السلطه زبديه الكبيروالمقليات صحن كبير
جاتها في :خالد خذ ذول الصحون وزعهم ع الطاوله
خالد :طيب وش باقي
ام ياسر جات:أي باقي روح ود الصحون تعال وخذ الملاعق وشوك والملاحات والشطه
خالد:زين اليوم بينكسر ظهري شكل ياسر متصل علي علشان اجهزالسفره والله مااخليه
ام ياسر:وش فيك ع اخوك ترى من جاو الضيوف وهو واقف ع حيله أقول اشتغل وانت ساكت
خالد:ان شاءالله يمه راح يوزع الصحون ع طاوله
رجع :ها باقي شي
لمياء:لا بس رز أخذ .يمه وين الملاعق وشوك والملاحات وشطه
ام ياسر:يمك فوق طاوله
لمياء:زين حصلتهم أمسك ود ذول تعال خذ الغداء
خالد:زين واخيررراً
لمياء وفي يضحكون ع اخوهم :ههههههههههههههههه
ام ياسر تنادي:خالد تعال شيل صحن
خالد:اوه رز ذبايح من طابخه جبتو من برى
ام ياسربابتسامه:انا طابخته وش رايك في امك فنانه صح
خالد بفخر:أي والله انك فنانه يمه تسلم يداك قبل اذوقه والله احسن من طبخ المطاعم
ام ياسر:الله يسلمك .يالله حرك تلاقيهم ماتو جوع
خالد :هههههههههه ان شاءالله شال صحن وده غرفة طعام حطه وسط طاوله خالد رجع داخل:ها يمه خلاص
ام ياسر:أي خلاص عليكم بالعافيه
خالد:الله يعافيك .دخل غرفه طعام وسكر الباب قفله بالمفتاح
وراح المجلس :يالله حياكم تفضلو جاهز الغداء
كلهم قامو خالد يدلهم ع المغاسل علشان يغسلون يدهم
خالد يتكلم وهم يغسلون يدهم:ي نذل مخليني اجهز الغداء وحدي تعبت وانا اشيل واحط
ياسر:هههههههههههههه بارك الله فيك .مو بس انا اكرف لازم انت بعد تكرف
خالد مقهور منه :اقول بس خلنا نروح ناكل
بوياسر :تفضلوا حياكم الله
محمد وبومحمد:زاد فضلك
جلس ابوياسر مقابل بومحمد وياسر مقابل محمد
خالد جلس اخر كرسي
ابوياسر:ي الله بسم
كلهم بدو ياكلون .ويتكلمون في مواضيع مختلفة عن الشركه عن سفر برا السعوديه تصييف برا
ابومحمد يسال ياسر:ياسر ليه ماتشتغل مع ابوك وانت ي خالد
خالد :والله مافكرت وبصراحة مااحب شغل المكتب
ياسر:والله حلو الشغل مع ابوي بس احب اعتمد ع نفسي
ابوياسر:احاول فيهم بس راسهم يابس هو اخوه
أبو محمد محمد يضحكون ع كلام ابو ياسر
ابومحمد :الله يحفظهم لك
أبوياسر:امين ويخلي لك عيالك
*****************************
في راحت فوق بعد الغداء ساعة2:15في غرفتها وفي يدها كاس شاي يالله اليوم تغديت لين قلت بس اليوم الاكل لذيذ الله يعطي العافيه امي واختي
جلست ع كرسي مكتب تشرب شاي بتلذذ مممممم شاي لذيذ يمخمخ في راس خليني اشرب شاي واروح اخذ شاور خلصت الكاسة
غرفتها سريرها في وسط الغرفه الانوار خافته بس مشغله نور الاباجور فيها مكتبه تشتغل عليها فوق المكتب اللاب ماك اوراق البحث التسريحة مقابله سرير فوق تسريحه مليان عطورات وكريمات وعلب المكياج وكرسي لتسريحه وفي غرفتها حمام انتوابكرامه وغرفت التبديل
قامت تختار لها بجامه مريحه لا نها بتاخذ قيلوله اختارت بجامه الوانها وردي هادي
ودخلت الحمام وانتو بكرامه فتحت المويه حطت شامبو ع راسها المويه تنساب عليها وجلست تفكر الله يهديك يمه لازم تذكريني ب فهد أصلا انا لاأستحي ولاشي الا تعكر مزاجي الحين اذاجاء فهد وش اسوي علشان اقوول لهم ماابغى فهد......تحط شامبو مره ثانيه تحرك شعرها بشكل دائري أصلا الكل لاحظ هالشي اني ماابغاه بس مومهتمين في رايي اف احس اني متضايقة بلحييل
غسلت جسمها عدل قالت خليني اطلع من الحمام بس انتو بكرامه نشفت جسمها لبست وطلعت من الحمام تركت شعرها مفتوح مبلول من المويه تنشف شعرها بالمنشفه وقفت قدام مراية تسريحة لو يدرون هو وش قال عني كان وقفو معي مو معه ......تناظرنفسها في المرايه ترسل بوسه للمرايا يازيني زيناه خساره فيه جمالي ترى في جميله بلحييل اجمل من اختها لمياء شعرها واصل نص ظهرها كثيف رموشها طويله طبيعه وفي خدها حبت خال قريبه شوي من شفايفها عمرها 21 اختها لمياء جميله بس متوسطة الجمال أي ع طاري فهد
مره كنا عند جدتي مسوي حفله يودعون فهد لانه بيسافر يدرس بر انا كنت مبسوطه حدي اول شي فهد بيحقق حلمه وثاني شي كنت زعلانه اني ماراح اشوفه ............خلصنا الحفله وكلن بيروح بيته انا طلعت من بيت جدتي شفت فهد استانست الحمدلله شفته قبل لا يروح كان واقف مع خويه ينقال له سيف وسمعت الكلام اللي انقال انصدمت ما حسيت في نفسي الا انا قدامه و اقول له:
كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــت


أعطوني ردودكم ع البارت
النقد يصحح مساري والحاقد يزيد اصراري لهذا اتقبل النقد برحابة صدر
ما احلل ولا اسامح اللي ينقل الرواية بدون ذكر اسمي هايدي فتاة
صحراء
سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير.

 
 

 

عرض البوم صور الاسطوريه الهلاليه   رد مع اقتباس
قديم 07-10-17, 02:02 AM   المشاركة رقم: 19
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

السلام عليكم كيفكم حبايب قلبي سعيده جد بردودكم
مشكورين حبايب قلبي لكل الي قال لي استمري وراح استمر علشانكم وان شاءالله اكملها معكم انا (واعوذ بالله من كلمة انا) من طبعي اذا سويت شي اكمل لنهايه ماحب اعلق احد بشي ولا اكمل حتى انا بنزعج اذ سويت كذا على حسب الظروف بس ان شاء الله م راح اسحب عليكم اللهم صل على محمد ال محمد لاتشغلكم الروايه عن الصلاة اللهم بلغت اللهم فشهد



قراء ممتعه ...
*
*
*



البارت التاسع
ع طاري فهد
مره كنا عند جدتي مسويه حفله يودعون فهد لانه بيسافر يدرس برا انا كنت مبسوطه حدي اول شي فهد بيحقق حلمه وثاني شي كنت زعلانه اني ماراح اشوفه ............خلصنا الحفله وكلاً بيروح بيته انا طلعت من بيت جدتي شفت فهد استانست الحمدلله شفته قبل لا يروح كان واقف مع خويه ينقال له سيف وسمعت الكلام اللي قاله فهد ل سيف:انه مايبغى البنت الي اختارتها له جدتي وانه ماعجبته هـ التقاليد والعادات انه البنت لولد خالها اوعمها اوالعكس لو بكيفه راح وقال لخاله انا ما ابغى بنتك والله يا سيف اني اكرهها ما ابغاها
فهد انتبه ل البنت وهي واقفه عند باب الصاله وعرف انها في وطنشها وانتبه ل سؤال خويه :طيب انت تحب بنت عمتك ولا ؟؟
فهد يبغى يقهر في :يمكن أي يمكن لا
سيف :تكفى قول تحبها ولا
فهد: انا عطيتك الجواب بس انت مافهمت
انصدمت ما حسيت في نفسي الا انا قدامه و اقول له بكل غرور وتكبر:لالالالا انا الي ميته عليكك أصلا انا ودي اقول لهم كلهم اني ما ابغاك وانك اخر واحد افكر اني اتزوجه...... او افكر فيه لو بكيفي ادوسك برجولي
"أصلا مدري وش كنت افكر فيه يوم اني وقفت في وجهه قدام خويه بعدها انحشت خليته يعصب وده يحرق كل شي قدامه" هههههههههههههه الحمدلله بردت حرتي هو اهانني وانا إهنته قدام صديقه كيف يتكلم عني كأني مسويه شي خطاء اوانه سمعتي زفت علشان يكرهني في ترجع شعرها ع وراء أصلا مايحق له يتكلم عني بهطريقه لوانه رجال قال ل ابوي ما ابغى بنتك موساكت للحين شكله ي في يتوعد فيك
الله يستر بس انا ما كذبت ع نفسي انا كنت احبه بس الحين انا حاقده عليه لانه داس ع قلبي خلاص انا وعدت نفسي اني ما أحب من جديد لا فهد ولا غيره ان شاءالله أشوف طريقه اتخلص من الملكه ننتظر سي سيد لمن يرجع من السفر اووووف خلاص مابغى افكر فيه خليني اروح انام بس
في بعد ما شغلت التكييف وراحت ناحيه سريرها دخلت الفراش وحطت راسها ع المخده الا تسمع نغمة الواتس من الفاضي ذا فتحت الواتس شافت رقم غريب كان 10 رسايل من هو ذا خليني ادخل المحادثه قرت الرسايل انصدمت وش هالكلام لالالالا يمكن غلطان بالرقم رفعت راسها من المخده
ما أتوقع المحادثه لي توها بتعطيه حضر رسل رساله (سعيد جدا انك جالسه تقرين محادثاتي ي في)
لالالالالا هذا يعرف اسمي بعد رجع رسل لها مره ثانيه
قرتها فـي وكان كلام كبير ماينقال . ي ترى من هو ذا الشخص يمكن يكون بنت مو شرط رجال مادري يمكن فهد لالالالا ماتوقع لانه بارد وما يفكر يسوي هالحركة يمكن واحد يبغى يلعب معي والله ل اوريه نجوم الظهر
ناقصه انا بعد فتحت درج الكمدينو وحذفت جوالها فيه
خليني انام بس اووووف حطت راسها ع المخده وتلحفت ثواني وراحت في نووووم عميق
***********************************
في مجلس ابوياسر
ابومحمد جلس جنب ابوياسر في صدر المجلس بعد ماتغدو جلسوا يشربون قهوة وشاي خالد اللي كان يقهويهم : ماشاءالله الاكل كان لذيذ الله يعطيكم العافيه
خالد كان واقف يمد الفنجان لابوه .... ابوياسر: بالعافيه ع قلوبكم
بعدها جلس خالد جنب اخوه .....ومحمد يسولف معهم
محمد في يده بيالة شاي: لذيذ الاكل ماشاءالله جايبينه من مطعم عطوني اسمه وخاصه رز الذبايح ورق العنب شي صراحه الله يعطيكم العافيه
خالد وياسر يضحكون عليه.ياسر جلس وسط محمد وخالد
محمدبستغراب:ليش تضحكون سؤالي فيه شي غريب
ياسر: لا مانضحكك ع كلامك بس الاهل مسوين الاكل مو من مطعم
محمد باعجاب:ماشاءالله تبارك الله .الله يعافيهم
خالد بفخر: ترى امي مسويه الرز ها بس عجبكك أقولها تسوي لك ها بس بفلوس
محمد :خخههههههههههههه ماشاءالله عليها الوالده الله يعطيها العافيه لالا ماله داعي نتعبها
ياسرمسك جواله بيد وبيده الثانيه بيالة شاي يضحكك ع كلام اخوه: الله يعافيك
ابومحمد : يلا ي محمد خلينا نمشي
ابوياسر : وين تو الناس جلسوا معنا اليوم كله
ابومحمد يوقف: كثرالله خيرك لا لا زم امشي البيت انا عندك اليوم من بعد صلاة الظهر والحين شوي ويأذن العصر لازم اروح اريح شوي ان شاءالله نلتقي قريب يلا ي محمد قوم
محمد يقوم: ابشر يبة يلا عن اذنكم وكثرالله خيركم واكرمكم الله
بعد ما قاموا محمد و ابوه وقاموا كلهم ييوصلونهم عند الباب ياسر: حياكم الله عاد ها لازم نشوفكم مره ثانيه زين
خالد: حياءالله من جانا عاد لاتقعطون بذات انت ابوحميد
محمد يبتسم : ان شاءالله يلا يبة نمشي
ابومحمد :يلا . صافح ابوياسر يلا مع السلامه
طلعوا من المجلس لحقوهم ياسر وابوياسر وصلوهم الى البوابه الكبيره : حياكم الله
ابومحمد ومحمد : الله يحييكم طلعوا ابومحمد يأشر بيده سلام عليكم
ابوياسر وياسر: وعليكم السلام سكروا البوابه ودخلوا دخل البيت من باب الصاله شافوا لمياء وام ياسرجالسين في الصاله لمياء جالسه مقابله ام ياسر جالسين يتقهوون
ابوياسر وياسر :السلام عليكم

الصالة مفتوحه واسعه وجنبها غرافة الطعام للعائله
وجنبها غرفه مفتوحه ع بعضها الدرج وسطها
شرحه واسع
ام ياسر ولمياء : وعليكم السلام .بوياسر يجلس في صدر الصاله وياسر جنب لمياء ابوياسر: الله يعطيك العافيه ي ام ياسر بيضتي وجهههي
ام ياسر تبتسم : الله يعافيكك اهم شي عجبكم الاكل
ياسر: الا طاحوا فيه مدح حتى انه نص الاكل راح وخاصةٍ الورق العنب موبس البنات يحبون حتى حنا نحبه
ابتسمت لمياء عجبهم الورق العنب حقها
ام ياسر تشرب شاي وتحط البياله ع الطاوله :الحمدلله اهم شي عجبكم
ياسر :الحمدلله اهم شي الضيوف عجبهم
لميا كانت ماسكه جوالها تكلم جواهر ع الواتس رسلت لجواهر ابوي جالس معنا بعدين اكلمك اوكي
جواهر مومشكله بيننا الو
سكرت الواتس وحطت جوالها في مخباتها كانت لابسه جلابيه ناعمه :الا يبه وين خالد ما اشوفه معكم
ابوياسر : هلا يابنتي .تضايق انه ذكرته بلبس خالد’في المجلس هالولد بيطلع الشيب من راسي والله لو اني ما مسكت حالي كان قمت وكفنته ع وجهه الين يقول بس
ام ياسر تعدل جلستها : وش فيكك عليه ليه وش مسوي بعد
لمياء تتحسفت انها ساأت عنه
ابوياسر: لانه لبسه موعاجبني المفروض يحترم الضيف يلبس زي الناس
لمياء تغير السالفه: انا بروح المجلس الا يبه تبغى دلال الشاي والقهوه اخليهم في المجلس ولا اشيلهم
ابوياسر:لا ي بوك شيليهم الله يعطيك العافيه
لمياء : الله يعافيك .....تبعد طاولة الخدمه عن رجولها علشان تقوم
ام ياسر : يمه بعد ماتشيلين الدلال روحي انت وجيسي شيلو صحون الاكل ادري تعبتك معي اليوم
لمياء قامت: وش دعوه يمه تعبكك راحه عادي انتي تامرين بس
ام ياسر: الله يعطيك العافيه
لمياء: الله يعافيك’بعدها طلعت من الصاله متجهه للمجلس
ابوياسر يتفقد في : الا وين في ما اشوفها لي يوم كامل ماشفتها
ام ياسر مصبعه منها: اذ انت معصب من خالد انا معصبه من بنتك هذي بتجنني بتطلع روحي من محلها
ابوياسر: وش فيكك عليها حررام عليك انتي كل حاطه دووبك من دوبها
ام ياسر ترجع جسمها وراء ع الكنبه: أقول لها اصبري لاتنامين سوي المطبخ مع جيسي ولمياء’ تقول لي لا مالي شغل انا كافي اني سويت معكم فيني النووووم تبغون اغسل المواعين لالالا والف لا بروح اكمل نومتي
ياسر يضحكك ع هبال اخته: يمه هدي حالك تراها مهبوله لاتاخذين عليها< ووالله لو تدري في انك سبيتها لتغسل شراعككك ي ياسرأقول هايدي كملي كتابه وانتي ساكته
هايدي ان شاءالله طال لعمرك
ابوياسر اول مره يشوفها معصبه منها هـ الكثريبتسم ع هبال في:كان خليتيها نايمه بعدين صحيتوها تنظف معكم
ام ياسرتصب لها فنجان قهوه علشان تروق تسال: ابوياسر تبغى قهوة’خليني ساكته بس حتى لو قلت لها نامي بعدين جلسي اشتغلي بتقول يمه توني جالسه من النووم ماقدر اشتغل بنتكك اعرفها عدل كل تتحجج
بوياسريضحححك: شربت من القهوة الين قلت بس عليك بالعافيه’ انتي مابقى كلام ماقلتي عنها كانها عدوتكك موبنتك بعدين تقولين خليني ساكته هههههههههههههه
ياسر :هههههههههههههههههههههههه أي والله ماخليتي شي يمه الا قلتيه عنها بعدين تقولين خليني ساكته ههههههههه
ام ياسر طنشتهم يضحكون ع كيفهم
********************************
في المجلس الخارجي
خالد منسدح ع الكنبه وحاط رجل ع رجل وهو منسدح ويكلم فهد ع الواتس : فهيدان الحين انت متى تجي السعوديه ؟؟
فهد ببرود مطنش خالد يوم ناداه فهيدان: قريب ان شاءالله اذ بجيي بعطيكك خبر
خالد: انت بارد في كل شي ’ اوكي انتظر منك خبر
فهد : كيفي أكون بارد ولا فاهم ...ان شاءالله اخليكك بروح اريح
خالد : زين بكيفك خل برودك على نفسك سلام
فهد : اكيد بكيفي اجل بكيفك وعليكم السلام
[/SIZE]

 
 

 

عرض البوم صور الاسطوريه الهلاليه   رد مع اقتباس
قديم 07-10-17, 02:03 AM   المشاركة رقم: 20
المعلومات
الكاتب:
اللقب:

البيانات
التسجيل: Oct 2013
العضوية: 260387
المشاركات: 54
الجنس أنثى
معدل التقييم: الاسطوريه الهلاليه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الاسطوريه الهلاليه غير متواجد حالياً
وسائل الإتصال:

كاتب الموضوع : الاسطوريه الهلاليه المنتدى : المنتدى العام للقصص والروايات
افتراضي رد: انا بطبعي الوفاء بس في الحب خوان

 

فهد عمره 27 انسان بارد لابعد الحدود يروح هالبرود اذا كان مع جدته
لمياء دخلت وهي تنادي خالد : خالد وينكك
خالد يجلس بكسل : هينا لمياء تعالي
لمياء كانت واقفه قدام باب المجلس دخلت بعد ما ناداها خالد جلست جنبه : زين انك ماطلعت
خالد مستغرب :ليه تبغين شي مني
لمياء : لا مابغى شي منك بس انت ما تجلس في البيت ابدٍ ..الاهل لهم حق عليك انك تجلس معهم
خالد: ادري اني مقصر معكم بس وش اسوي لازم اطلع اشوف ربعي يلا ان شاء الله اليوم بجلس معكم
لمياء قامت بتشيل الصحون: الا خالد تغديت عدل انت ، وهي ترتبب البيالات والفنجايل تحطهم في الصحن علشان تشيلهم
خالد: الحمدلله بس ورق العنب خلاص عليه الدب محميد وياسر
لمياء وهي تشيل الصحن تبغى تروح لغرفة الطعام تحاول تفتح الباب وهي تضحكك ع قهر اخوها....قام خالد بسرعه فتح لها الباب دخلت ليماء غرفة الطعام وخالد لحقها: شكرا .. لاتخاف ترى في ورق عنب ماخلص
خالد: الحمدلله زين الا لمياء تبغين افتح الباب الثاني
لمياء: أي تكفى علشان اشيل هالمواعين وين اروح برا حر
خالد يفتح الياب ويشرع لها: زين تبغين اساعدك بشي
لمياء: لا شكرا بس خل الباب مفتوح ’ أي معليك امر روح داخل وناد لي جيسي
خالد: والله انها الوهقه اذا دخلت الحين ابوي بيعطيني كلام من الي يحبه قلبي
لمياء:هههههههه الله يعينك ع فكره تراه معصب علييكك قبل لايجي هنا
خالد: هو بيهاوشني بيهاوشني ’بروح انادي جيسي لك
لمياء تضحككك ع خالد طلع من غرفه طعام ينادي جيسي ولمياء تكمل باقي ترتيب الموواعين
********************************
في بيت ابورائد
في غرفة يجلسون فيها اذ بغو يشوفون فلم
شاشة تلفاز كبيره كانها سينما نوف شبكه الاب مع التلفزيون حاطه ع فلم انمي تشوف وجالسه ع الكنبه ماده رجوله ع الطاوله وحاطه في حظنها زبديه كبيره فيها بوب كورن جالسه تاكل منه قدمها لاوازم السهره وشاي وقهوة ومطفيه الانور هي عيونها ع التلفزيون بس سرحانه في عالم اخر تفكرفي كلام بنت عمها مغروره وفاء كلا تعيرني انه ابوي مايهتم فيني وانها كل تسافر ف الصيف
تقول مابقى منطقه في السعوديه مازارتها صحيح يمكن تفكيري سطحي اني افكر في كلامها بس تقهرني كل ماشافتني تقول ابوك وابوك ودي اصطرها كف ع وجهه اهم شي عطيتها كلام يحبه قلبها لابعد تكذب ع ابوي تقول انه متزوج ودي لو انها طلعت لي من السماعه علشان ازنطها صحيح ابوي كله مشغول في شغله الا انه مسلم اخوي رائد الخيط والمخيط ماقصر اخوي يسفرنا بس حلاتها مع ابوي لا مشكله ثاني اخوها الي خطبني وابوي وافق ياليت سمعته زينه علشان ابوي يوافق عليه الا دمار ويمشي مع ناس زفت مثله ولابعد ياليته يشتغل والله ابوي مادري وش يفكر فيه ....... نوف جميله لابسه بلوزه مشجره وتنوره كحليه طويله رافع شعرها ذيل حصان عمرها 21 هي وفي وجمان ومها نفس العمر دارسين مع بعض من الابتدائىه ...... ولا بعد يقولي ي بنتي اذ رفضتي جاسر لاانتي بنت ولاعرفكك والله يقهروني الاباء الي كذا يحطون طاعتهم في هالشي وحررام طيب مغصوبه او اوافق غصباً عني ليه دايم كذا الله يعين بس انا مو بس مو موافقه انا اكرهههه كره العمى
رائد جلس من النووووم ماحصل امه ولا نوف وين راحوا ذولا: نوف يمه ’دورهم في الصاله والمطبخ برا الحوش ماحصلهم قال يمكن في الغرفه الي نجلس فيها دايم
فتح الباب وشاف اخته سرحانه وشغل الانوار
نوف انتبهت لاخوها :ليش شغلت الانوار
رائد جلس في اول كنبه مقابل اخته: شغلتهم لانك سرحانه’ بسخريه ها بس عسى حلوه قصة الفلم
نوف : اوووف منك كيفي سرحانه مو سرحانه مالك شغل
طفى الانوار بس
رائد: أقول بس عيدي الفلم وشوفي بتركيز موتشغلينه وتخلينه كذا ... المهم وين امي؟
نوف وهي ترجعع الفلم الى البدايه: امي تغدت ودخلت غرفتها تأخذ قيلوله
رائد: طيب في غداء لي لاني من رجعت من الجامعه ع طول حذفت عمري ع السرير جوووعان
نوف : أي فيه ’وقفت تشغيل الفلم’ بروح احط لك
رائد يسال : وش الغداء
نوف :برياني دجاج مشوي وسلطه تبوله .. تساله تبغى اجيب بيبسي معه
رائد : يليت تجيبينه هنا الغرفه مابغى اكل في غرفة الطعام باكل هنا بشوف الفلم
نوف قامت : طيب ’ راحت المطبخ تحط له الاكل سخنته في الماكرويف وحددت الوقت الي يخلص فيه اسرع وين بتقعد تنتظر ع مايسخن في الفرن احسن شي الماكروويف بسرعه
فتحت الثلاجة طلعت علبتين بيبسي وحده له وحده لها
الماكرويف يطلع صوت يعني خلص تسخين راحت تكب الارز في الصحن وحطت دجاج مشوي فوقه وراحت تحط تبوله اخذت السفره رجعت الغرفه فرشتها في الأرض ورائد جلس يشوف السناب بجواله وراحت تجيب صحن الأرز ووالتبوله والملاحه وليمون وبيبسي كلهم حطتهم في صحن كبير راحت الغرفه وزعتهم ع السفره واخذت بيبسي حقها: يلا رائد تعال اكل
رائد سكر جواله حطه ع كنب : يلا بجي بروح اغسل يدي واجي بس اها لاتشغلين الفلم الا لما اجي
نوف: طيب ’تفتح البيبسي تشرب رشفه يازين البيبسي زينه يبرد ع القلب ...
رائد دخل الغرفه جلس: نوف شغلي الفلم خلينا ناكل ونطالع
نوف : طيب شغلته . المهم كل علشان تخلص ترى باقي نص ساعه ع اذان العصر
رائد هو ياكل لقمه بلعها :طيب هذا انا اكل بس خلينا نشوف الفلم وانتي ساكته
نوف : زين كل بس كل
**********************************
في بيت اول مره ندخله بيت أبو جاسر عم نوف ورائد
تحديد في غرفة وفاء جالسة تبكي في سريرها منسدحه ومتلحفه ب بطانيه بالكامل مغطيه ووجهه بعد الكلام الي قالته لها نوف قبل يومين وهي تكلمها في التلفون جرحتها بالحيل قالت لها انتي مادري وش شايفه نفسكك عليه تراك ماحد يشوفك بسب غروركك والي يجلسون معكك بس منظر يجاملونك كثير اصحي ع نفسك تعبت من كثر ماتقطين علي كلام اذ ابوي مسافر فهو يشتغل علشانا ومو جالس يلعب ترى انا ماعندي انك تجرحيني واسكت لك لالالا حبيبتي ذولا ربعك الي يجاملونكك موانا حاسبي ع كلامك الي تقطينه علي فاهمه... وفاء مستحييل خوياتي يجاملوني ابغى اتاكد من كلام نوف بس كيف اعرف انهم مصاحبيني علشان مصلحة بس فتحت بطانيتها وشعرها التصق بوجهه
خليني اروح الحمام وانتو بكرامه دخلت الحمام غسلت وجهها بعدين مسحت وجها بالمنشفه توها بتنزل تحت الا اسمعت اذان العصر جلست تردد مع الاذان اللهم صل ع محمد وعلى ال محمد استغفرالله لاحول ولاقوة الابالله رددت دعاء بين الاقامه والاذان خليني اصلي بعدين انزل تحت راحت تدخل الحمام مرة ثانيه وانتو بكرامه توضت للصلاه
بعد طلعت من الحمام وانتو بكرامه فرشت سجادتها تصلي ولبست شرشفها الله اكبر خلصت صلاتها جلست ع سجادتها استغفرالله استغفرالله استغفرالله تقراء اذكار الصلاه واذكار المساء بعد 15 دقيقه خلصت اذكارها صفطت سجادتها وحطتها ع التسريحة قالت خليني اغير الملابس وانزل تحت مو حلو انزل بالبجامه
وفاء بنت جميله بس شايفه نفسها حييل نوف تكسر هالغرور لها .. تدرس ثالث ثانوي عمرها18
وفاء غيرت ملابسها لبست جلابيه لونها اسود خفيفة وناعمه نص كم ... شعرها رفعته كله ذيل حصان تقول حرررر لازم ارفع شعري.. تعطرة من العطر المفضل
عطربربري .. خليني انزل تحت ماابغى اجلس وحدي بتضايق اكثر نزلت تحت درج معزول عن الصاله والصاله مسكره الباب مودي للحوش من الصاله
ماحصلتهم في ولا في الغرفة ولا في الصاله وينهم ذولا سمعت أصواتهم برا الحوش
راحت تشوف وش يسون في الحوش شافت أمها تشيل الرمل وتحطه في السطل لانه رمل متجمع وامها تحاول تشيله وهند ترش المويه ع الحوش وورافعه جلابيتها مربطتها ع خصرها لابسه بنطلون تحتها
وفاء: وش تسووون هنا في هالحر
هند توقف عن رش المويه: مثل ماتشوفين قاعدين نغسل الحوش تعالي معنا اشتغلي بدال منتي جالسه
وفاء :لالا برجع داخل توي مغيره ملابسي مالي خلق اغسل في هالجو
ام جاسر: روحي داخل اجل وش له واقفه هنا
وفاء : ان شاءالله يمه بروح بس كنت ابغى اتكلم مع هند
هند بخبث ماسكه خرطوم المويه رشت على وفاء وهي غافله
وفاء شهقت كل ملابسها مويه وشعرها لصق في وجهه معصبه : ي الحماره والله ما اخليك
هند تضحكككككك ونحشت وراء امها وتركت الخرطوم متمسكه بجلابية أمها : يمه تكفين خلي بنتك تحل عني والله ي وفاء حلو شكلك كذا
ام جاسر: هند وخري عن ظهري مالي شغل فيكم كانكم بزران . خليني اخلص شغلي بس
وفاء وجهه احمر من القهر توها متكشخه ومتعطره ياربي منها واقفه قدام امها:تعالي والله مااخليكك... وفاء مسكت الخرطوم
هند تترجاها: تكفين هالمره سماح توبه
ام جاسر: علشان خاطري خليها تولي عنك
وفاء بقهر: الحين بطلع فوق اخذ شاور الله ياخذك ان شاءالله بس علشان امي والله كان رويتكك شغلك
دخلت داخل البيت صعدت فووق تأخذ لها شاور
ام جاسر:الله يهديك ي هند خليتيها في حالها الا غصب تشتغل معنا
هند :لازم تترك عنها هالغرور وتتنازل شوي وش فيها اذا غسلت معنا بيطح نص عمرها . يلا يمه خلينا نخلص من الرمل المتجمع بشكل كبير كله من الغبار قبل يومين. الا يمه بسالك مافي اخبار عن اخوي جاسر
ام جاسر متضايقه من تصرفات ولدها مفشلها في كل مكان : مادري عنه الله يهديه بس لو يسمع كلامي ويترك الي يمشي معهم
هند: ادعي له بالهدايه الله يهديه
ام جاسر : هذا انا داعي له بس مايطع
وفاء جات بعد ماخذت شاور لابسه جلابيه لونها وردي فاتحه تاشر ع اختها: والله رشي مره ثانيه اعلمك.. المهم هند اذ خلاصتي الي في يداك ابغى اكلمك
هند : طيب اذ خلصت جيتكك
وفاء : طيب بروح اسوي شاي والقهوة
ام جاسر: أي سوي
وفاء دخلت داخل وهي ترد ع أمها : ان شاءالله . راحت المطبخ تركب شاي والقهوه ع النار وتصف البيالات الفنجايل في صحن وجهزت الدلال حطت لبتون 3 حبات في دلة الشاي ...و معلقه ونص هيل في دلة القهوة
ركبت غوري القهوة ع النار وغوري الشاي حطت فيه فنجان سكر
جهزت المكسرات والحب والشيبس بانواعها وشوكلاتات
حطتهم في الصحن جلست ع كرسي طاوله الطعام في المطبخ تنتظر غليان الموويه
"هند عمرها 23 متوسطة الطول طيبه حنونه شعرها قاصته لرقبته خلصت الجامعه جالسه في البيت تدور لها وظيفه
**************************************
في بيت أبو محمد
جالس في الحديقه في كرسي الحديقة طاوله وسط الحديقه في الحديقة عشب و مرجيحه ونافوره فيها مويه وكان يقراء الاخبار في جواله لما خلص من جواله حطه ع الطاوله ومسك في يده سبحه يعدد فيها وسرحان يفكر كيف يفتح الموضوع مع ولده محمد يبغى يخطب له وحده من بنات أبو ياسر بس المشكله اذا كان يبغى منيرة بنت عمه هذي مشكله اشوف ولدي وش يقول بعدين افكر في سالفة ابوياسر خليني الحين في موضوع سعاد
ابومحمد يدخل داخل... الصاله مفتوحه ع اليسار غرفة الطعام وع اليمين الصاله غرفة المعيشه والدرج وسطها شاف ام محمد جالسه تشرب عصير بارد طازج جنبها فرح ماسكه جوالها ..جلس في صدر الصاله
: الا ي ام محمد وين سعاد .. ماشوفها جالسه معكم
ام محمد تحط الكوب في الطاوله: من هاوشتها ذاك اليوم مانزلت لها يوم كامل.. اليوم ماشفتها
ابومحمد انصدم: شنهو من ذاك اليوم !! مهبوله تحبس نفسها وش فيها انهبلت بنتك والله مو في صالحها تسوي في نفسها كذا عسى تاكل ولا حارررمه نفسها من الاكل بعد
ام محمد : وش تبغاني اسوي بنتك ماتبغى عامر
فرح تغير الموضوع: لا يبة ماكلت شي من امس رحت كلمتها قلت لها تعالي اكلي قالت مالي نفس
ابومحمد :فرح يمه روحي شوفي اختكك وناديها قولي لها ابوي يبغاك
فرح قامت : ابشر.. توها بتصعد الدرج الا اختها في وجهه
يبه هذا سعاد جات بنفسها سعاد تنزل الدرج فرح ابتعدت عنها راحت تجلس جنب أمها.. سعاد نفسيتها في الحضيض ومصدعه وعيونها حمرار من قلة النوم وتفكير ماودها تكلم احد تحسفت انه ماسالت اختها قبل لاتنزل كان ابووها هنا ولا لا .. سعاد جلست في الكنبه مقابل امه وواختها
ابومحمد: اسمعي ي سعاد الي جالسه تسوينه ماراح يغير من رايي سامعه انتي بتاخذين عامر يعني بتاخذينه ف احسن لك تقبلي موضوع الخطبه لاتقعدين تسوين لي أفلام هنديه او روايات الي تقرينها حنا في الواقع خلك عاقله مثل ماربيتك
فرح ماسكه جوالها سكرته تسمع ابوها شيقول لاختها بهمس ل امها : اوووخص ابوي يعرف روايات وافلام هندي هههههه
ام محمد :سكتي ليجيك دورك الحين
فرح : ان شاءالله يمه
سعاد ساكته ولاترد ع ابوها بكلمه
ابومحمد: وش عندك بعد ساكته ليكون اكل القط السانك ردي عليه
سعاد برود العالم كله : وش تبغاني أقول لك خلاص انت قررت وانا انفذ صح
ابومحمد يحاول يهدي من حاله: انتي ليه ماتفهمين اني ابغى مصلحتك وترى ادري انك حاطه في بالك ماتتزوجين ابد بس شيلي هالفكرة من راسك واسمعي بكرا لازم نروح المستشفى نسوي التحاليل ولاتتحججين لي عندك شغل انت هاليومين غايبه بعد بكرة غيبي سمعتي وش قلت
سعاد بضيقه لو تقدر تهرب كان هربت بس ماتقدر بصوت خافت : ان شاءالله قلت لك سو الي تبغاه ماعاد يفرق معي سواً تزوج ولا لا
ابومحمد والله وده يقوم يسطرها كف ع وجها : أقول سعاد اعقلي لاتشوفين شي عمرك ماشفتيه مني
سعاد رجعت لسكوتها مرة ثاني هزت راسها ل ابوها ان شاءالله طلعت من الصاله راحت المطبخ
ابومحمد: الله يهديها بس مادري متى تفهم ..المهم ام محمد اسمعي اذا خلصت بكرة التحاليل راح نحدد الملكه بعد اسبوع سمعتي يعني جهزوا عمركم
أم محمد : ان شاءالله انت بس هدي حالك والي تبغاه بيصر
ابومحمد : ان شاءالله عن اذنكم بطلع
فرح وام محمد : اذنك معك
فرح ابتسامه : ي سلام بيصر عندنا ملكه واخيرررراً
ام محمد تضحكك ع هبل فرح : قولي الله يتمم ع خير
فرح: امين
سعاد في المطبخ: ماري وش فيه اكل؟

 
 

 

عرض البوم صور الاسطوريه الهلاليه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
انا بطبعي الوفاء بس في الحب خوان
facebook



جديد مواضيع قسم المنتدى العام للقصص والروايات
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t205179.html
أرسلت بواسطة For Type التاريخ
Untitled document This thread Refback 28-09-17 04:36 PM


الساعة الآن 09:16 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية