مرة لثلاثه آيام كانت اوضاعنا عاديه فيهاا ,الجديد اني سمعت
ان العيال بيكشتون " طلعة بر" لشباب بس , فعلآ طلعو من عندنا
يوم الخميس العصر كل الشباب , ارسلت لراكان
"راكان تكفى سكر البوابه الكبيره عشان ناخذ راحتنا"
سكر راكان البوابه الكبيره رغم ان عمي مطلق كان رافض, اخذت راحتي
انا والبنات ماكان فالاستراحه الا عماني واغلب الوقت ماكانو موجودين ..!
آول ليله فالاستراحه بدون العيال عشناهاا عرض بطوول >
نطلع وندخل على كيفنا بدون عبايات
الساعه 2 الفجر اخذنا الحماس واتفقنا نلعب كوره ,
تأكدنا ان عماني نايمين وجهزنا الكوره وتوزعنا
فريقين , كان كل العب ضحك ولاهدف ولا لعبه صاحيه نريح ساعه ونلعب 10 دقايق
اللي تترك اللعب عشان جوالهاا يدق,
واللي تقول لاحد يقرب ليديني ياويلكم لو تكسر اظااافري...
العمه نوره كل ثانيه تجلس > على اساس انهاا تعبانه..*_*
العنود رجعت تضحك وتسوالف زي آول..
ساره: يالله بنكمل لعب > ماسكه الكوره ..
آحلام: لحظه بشرب مويه تعبت> جلست وفتحت المويه
نوره: حتى انا تعبت خلونا ناخذ راحه > ههههههههههههه
ساره: انتي ولا كلمه مالعبنا والسبه انتي احد يجلس بنص الملعب كسرتي قوانين الكوره كلهااا..
نوره: وهـ وهـ وهـ ياقلبي / الاعبين من وين يجيبون النشاط / الظالم يركض 90 دقيقه وانا في كامل
رشاقتي وماقدرت آسويهآ> تضغط على سيقانهاا بقوه..؟
العنود: هههههههههه تعجبني ثقتك>> اي رشاقه انت شايفه جسمك ..!!
سساره: ياربي هاذي وين راحت >ندى / بصووت عالي..xxxx
آحلام: ندى راحت للغرفه تقول اظافرها انكسرت واحتمال ماتجي الاسبوع
هاذا الين تطول مره ثانيه/ فاطسه ضحك
نوره: هههههههههههههههههه ماترقد الليله من تانيب الظمير , مصيبه عندهاا
آهم شي اظافرهآ> وكملت/ احس ندى الوحيده الناعمه فيناآآ ها ها ها ها > تضحك..؟
آحلام: لا حبيبتي تكلمي عن نفسسك آنآ ناعمه وحتى اظافري طويله > العب باصابعي قدامهاا
ساره: بنات وش نسوي فطووور..
فطسنا ضحك من شكلهاا ماسكه الكوره وتفكر بالاكل..
العنود: وش رايكم بعد الصلاة نجهز فطورنا ونجي نفطر هناآآ > تاشر على الدكه..؟
نوره: وابو تركي من يفكنا منه اذا شافناا ,,
آحلام: ايه عاد عمي روح قلبه المكان هاذا بعدونا عنه..
ساره: اجل بنفطر عند النخل > وتناظر لنخل تكفوووون..؟
دخلنا وكل وحده جهزة شي واخذنا الفطور ورحنا لنخل ,
الساعه 7 دخلنا ورتبنا المطبخ ثم رحناا للغرف استعدادآ
لنوم بعد ليله عامره بالضحك والنكت والسوالف والعب ...!!
((اليوم الثاني))
بداء نشاطنا بسهرة بالحوش مع آعمامي ,
الين الساعه11بعد العشاء ,بعدها دخلت انا ونوره/ هي تتابع
مسلسل وانا رحت اراسل صاحباتي بالغرفه ,, على الساعه وحده
جاتنا ساره تقول انها جهزة لسهره عندهم بالغرفه :
ساره: الليله السمره بغرفتنا تعالوو شوفو العنود مسوويه حلاا رهيب..
نوره: يالله جيتكم دام فيهاا حلااا ,,
طلعت نوره
وقمت حطيت روج وتعطرت واخذت جوالي وسمعاتي ورحت لهم ,,
سآلوني النآس عنك ياحبيبي
كتبو المكاتيب وآخذهآ الهوا..
بيعز علي غني ياحبيبي ..
لاأول مره مابنكون سوا ..
دخلت عليهم الغرفه وأنآ آغني,
ساره: انتي وضعك صعب...
>> تعالي هناا / تأشر على مكان فاضي
وقفت وانا اقول: وين الحلااا ترى ابرجع *_*
نوره: تعالي تعالي شوفي خليت لك قطعه/ البنات يناظرون فيهآآ
ندى: آحلام ترى نوروه اكلت الحلااا / هو كان اكثر من كذاا
آحلام: الله يصبرني علاهاا المصيبه انهاا معي بنفس الغرفه ..
> آسبهآآ وهي تضحك آحساس مافيه*_*
في قمة سوالفنا وضحكنا دق باب الغرفه..؟؟
منووووو > ندى تدلع
ريم: وهي تفتح الباب> آنا
ساره: هلااوالله حياتسس آقلطي فيه قهوه وكان فيه حلااا بس نوره
الله يهديهآآ دايم مفشلتني^_^
ريم: ماجاني نوم وسوالفكن واصله لـ عندي قلت مالهاا الا اني اروح اسهر
معهن ...
نوره: ياقلبي تعالي مامن غريب البساط احمدي>> مسويه آخلاق خخخخخ
ندى: بروح اجيب لك فنجال قهوه وحلاااا
نوره: باقي حلاااا> تناظر بساره
ساره: لا لا ماباقي جيبي فنجال بسرعه ياندى >> تغمز لندى *_&
جلست معنا ريم وبدون سبب كنت اتحاشاهاا ريم اخته ووجودهاا يخليني
على اعصابي من اي شي يحرجني..؟
زادت السوالف واستمر الضحك ونسيت عناد وحتى العنود كنت عاديه جدآ مع ريم
بعكس كل مره..!!
بعد ساعتين من جلست ريم معناا, قبل اذان الفجر بشوي دق جوال ريم..!
آششششششش > ريم
شالت جوالهاا وهي تقول ولا نفس > توقعته زوجهاا
فتحت الخط وحطت اسبكر الووو لوووو
حركت عيوني حاولت اشوف ريم بس ندى كانت بيني وبينهاا ,
ماطول انتظاري سمعت صوت آعرفه وآعرف صاحبه ..؟؟
عناد: الوووووووووه
نوره تناظر في وتطلع لسانهاا وتبتسم ,,
ريم: هلاا عناد ...
كانت تلف من قدام ندى وتناظر في..!!
عناد: سسسلاام
ريم: هلاا وغلاا وعليكم السلام...
ماسكه الفنجال بيدي فاضي مافيه قهوه,,
واحتمال ينكسر بعد ثواني >> ضاغطه علاه بقوه^^
عناد: وينك..
صوت عناد يقول انه يمشي ...
ريم: جالسه مع البنات واكل وحاطه الجوال على الاسبكر >> تقولهاا وتضحك
عناد: البنات كلهم
ريم: وهي تناظر فيينا وحده ورا الثانيه / آيه كلهم تراهم يسمعون صوتك ..
الابتسامه شاقه حلق ريم >>ودي اعرف ليه فرحانه لهدرجة..؟
عناد: آآآحلاآآمي معكم ....؟؟
ريم تضحك بصوت عالي:
احلام ايه معناا
عناد: ريم متاكده انهاا تسمع صوتي>> عناد ضحك من ضحك ريم..
نزلت الفنجال وكنت بوقف ,
مدة ريم يدهاا من خلف ندى ومسكتني وهي تقول: والله ماتروحين
ناظرت فيهاا بعصبيه وشديت يدي مااقدر اتكلم..!
عناد: وش فيكم ..؟
ريم: آحلامك عصبت وكانت بتروح بس مسكتهاا ..؟؟
جلست ويدي بيد ريم وندى بعد حاطه يدهاا على يدي وبهمس لاتقومين ..؟
العمه نوره يدينها الثنتين بفمهاا >> على اساس انهاا كاتمه الضحكه وصوتهاا واصل لـ عندي*(*
ساره جنبي تمامآ ولا اقدر الف واناظر فيهاا ...
آمآ العنود آحس اني اكثر شخص تكرهه فـ هالحظه..!!؟
عناد:ريم خلاص ماودي احرجهآ بعدين آكلمك >>وقفل ..
سحبت يدي بقوه وانا احس وجهي بيقطر دم , احرجتني نظراتهم بقوه ,عدلت جلستي
وانا اسمع ريم تقول: ياربي يااحلام ليت متعب يحبني زي ماعناد يحبك>> متعب زوجهاا
ندى: آوف عناد طلع رومنسسيي يقول احلامي> تحط يدينها على قلبهاا ^^
نوره: ياويلي يابطني تقطع من الضحك بنات شوفو وجه احلام..؟؟
قلت وانا ابتسم بدون نفس:مافيه شي يضحك >> حاقد على ريم واحراجهاا لي ..
العنود: ريم العيال متى جايين ...؟؟
ريم: مدري احتمال نهاية الاسبوع ...
وكملت وهي تاشر لي // حوحه تقلد سطام..؟؟
ماناظرت فريم ...
ساره: زعلت آحلام يبي لهاا شهر قدام عشان ترضى ..!!
نوره: بنات الله يخليكم الليله برقد عندكم >>
آخاف تطلع حرتهاا في آحلاموه اعرفهاا اذا عصبت >> تناظر في بطرف عينهاا ..؟
قامت العنود وهي تقول يالله اذن صلوو وكل وحده على فراشهاا ...
على طول اخذت جوالي ورحت غرفتنا رميته على السرير وصليت ودخلت فراشي
جاني رساله من ريم تقول :
" تدرين ليش جيت جلست معكم ..! لان عناد قال لي انه على
الفجر بيدق علي وحبيتك تسمعين صوته
وآبغى البنات يعرفون انه يحبك ,
لاتزعلين على عشاني واذا مو عشاني عشان عنااد"
حسيت ان ريم شاكه بتصرفات العنود وتبغى تبين لهاا ان عناد يحبني ,
على قد ماكنت زعلانه ومنحرجه
على قد مافرحت ..!!
عيآ يجيني نوم جات نوره بعدي ونامت وانا ظامه بطانيتي وآفكر فتحت جوالي اشوف
الساعه آمممم سبعه الصبآح ساعتين ونص وآنا احاول فالنوم ولاهوب راضي ...!!
تسحبت من الغرفه وفتحت الباب, خطوه خطوه وانا اراقب
بيبان الغرف الثانيه آخاف آحد يصحى
فتحت باب الاستراحه الحديد
وانا احاول مايطلع له صوت طلعت بشويش
ورديت الباب ( كأنه مسكر)
لأني بالبجامه خايفه آحد من عماني يشوفني تأكدت
ان بوابة الاستراحه مقفله , رحت لنخل من خلف الاستراحه في نص النخل
جلست وانا اساند ظهري على نخله صوووت فهد مساعد قصيدة صباح الخير
تزفهآآ سماعاتي لـ آذوني ..
اخذت عصى وكسرتهاا من النص ,,
وانا جالسه وحاطه جوالي بحظني واساوي الارض
( مدخله يدي اليسري بشعري وماسكه العصى بيدي اليمنى وآفكر وش آكتب ,
أحبـك > لا لا وآنا آمسحهآ /ابي كلام ثاني مابي كلام مستهلك ...!
سرحت لبعيييييد.....
معقوله آقدر بيوم آقول لـ عناد آحبك, يصير آحط عيني بعينه,
بعصب وآهاوشه اذا ضايقني , برفض له طلب,
بـ تجراء وارفض آوامره اذا ماعجبتني ..؟
ضحكته بتتغير مع الزمن ,ودي آمسك يده ابي آظم يده بين يدين
آبي آجلس قدامه ,وآتكلم بقوله
آني تلميذه وأنت آستاذهآ,طفلة غرآم وأنت عالمهآ,
آبي آقوله أني بكل سذاجه آجلس قدام مرايتي وآتجمل له وهو مايدري,
"كلنآ عشآق
لـكن..
كل وآحد له
حـكآآيـه..!!"
كتبتهآ بخط عريض على الرمل وزينتهآ
وصورتهآ ..!!
كنت بحطهآ خلفية جوالي آنصدمة بالساعه 9 وقفت اناظر حوولي
يمه كل الوقت هاذا مر وآنا ماني حاسه..!
رجعت مع طريقي للاستراحه فيه صوت بالمطبخ من صاحي سكرت الباب بشويييش
ورحت الغرفه دخلت سريري,,
شلت السمااعات وانا اغطي وجهي بالبطانيه ثواني وغرقت نوم...؟؟
xxxxxxxxxxxxxxxxxxxxxxxxxxxx
صحيت الظهر صليت ورجعت نمت ,,
على هواش نورره وساره صحيت الساعه 4 العصر ..
نوره: قوومي يادجاجه خلاص شبعتي نوم يكفيك ثلاثه ايام..
ساره:جوالك يدق من الظهر ولا انتي حوله> جالسه عند رجولي..!
كنت بقول مانمت الا 9 بس لحقت على نفسي وسكتت قبل ماادخل في سين وجيم ..؟
صليت ولبست ورحت لهم برا,
آستغربت كلام عمي ان العيال بيرجعون الليله
سالت العنود ..
آحلام: العنود ليه راجعين بدري..,,
العنود: مدري بس شكلهم طفشوو من البر ..؟
ماركزت على الموضوع وكملت سوالف مع البنات ,
وصلو الشباب الساعه 12 الفجر ,وكانت نوره مع الحريم برا
رجعت من عندهم وكنت جالسه مع البنات بالصاله سألناها عن سبب رجوعهم بدري..؟
نوره: عناد بيقنص مع آخوياه والباقين طفشوو من البر..
ساره: حسبي الله علاهم ماتهنينآ بالاستراحه ..> تقلب فالتلفزيون..؟
سمعت نوره وهي تقول بيقنص وعارفه انه كل صيفيه يقنص ماكان شي جديد علي
معلوماتي البسيطه عنه واللي آغلبهاا من العنود تقول انه يعشق البر والمقناص ,
لحقت نوره للمطبخ وهي تجهز لهم القهوه..!!
xxxx عدت الليله بشكل عادي جدآ واليوم الثاني
كان نفس الشي الين المغرب ماصار جديد,,
>> بعد المغرب دق باب غرفتنآ..
كانت نوره تجرب فستان عندي معجبهاا ,رحت للباب وفتحته
هلاا ريم ..
وهي تناظر بنوره: آحلام آبيك
ناظرت فيهاا وانا اعقد حواجبي ..!
ريم: نوره ممكن اكلم آحلام>> تبيهآ تطلع من الغرفه
نزلت نوره الفستان ولبست وطلعت وانا ساكته وريم تنتظرهاا تخلص..
طلعت نوره وهي تقول :تاركه لكم الغرفه ..
سكرت الباب ومسكتني من يدي وهي تقول تعالي:
جلست على سرير نوره وهي مقابله لي على سريري ..؟؟
ريم: آحلام عناد بيروح يقنص مع آخوياه والمشكله انه بيروح لدوله عربيه
وهي خطر يعني مافيهاا امان خصوصآ على السعوديين ..؟
حسيت وهي تتكلم انهاا خايفه وانقبض قلبي انا بعد..!
آحلام: طيب قولي له لايروح وخلي امك تكلمه..
آنا بطبيعتي مستحيل يجيني احد يبي مساعده وآتركه,,وريم بغض النظر انهاا اخت عناد
بس من شكلهاا واضح انهاا متوتره و متضايقه وماكنت اقدر اتجاهلها ..؟
ريم: قلت له وآمي قالت له بس هو مصر خصوصآ آنه وعد آخوياه وأتفق معهم..
آحلام: قولي لـ عمي يرفض آنه يروح..؟
ريم: ابوي قاله لاتروح ويوم شافه معزم جلس يوصيه ويعلمه بالاماكن
هنااااك ...!
خلص كلامي ماعاد عندي كلمه زياده ...
ريم: وهي ترفع راسهاا / آحلام بطلبك طلب ..
آحلام: آطلبي..؟>> ماكنت عارفه وش بتقول..
ريم: عناد متردد عشان امي ويحاول انهاا ترضى تخليه يسافر > بقوله ان
آحلام تضايقت من سفرك //وكملت// وربي مايروح آنآ آعرفه...؟؟
ناظرت فيهآ بقووه >>ريييم تمزحين...!!
ريم: وربي يآحلام هاذي الطريقه الوحيده عشان مايروح
انتي وامي رافضين والله مايسافر..؟؟
بصوت عالي> آمك معها حق تدخل آنآ وش دخلني..!
ريم: آحلام أنتي خطيبته ..^_*
قلت وانا آحاول اهداء > ريم قلبي انا ماوفقت لسى واخوك اذا امك
مااقنعته ماتوقع يقتنع من وحده غيرهااا..!!
ريم: آحلام عناد يقدر يقنع امي يعني عطيه ربع ساعه
وتلقين امي موافقه على سفره لا وتدعي له بعد..
>> رمت جوالها على سرير بزعل..
آحلام: انتي ليه رافضه سفره..
سألتها لاني اشوف وضعها صعب معصبه ومقهوره ومتضايقه منه..!
ريم: يوووه ماتدرين غير انهم رايحين لدوله ماهي امان تخوفني مغامراته كل سنه
ينجو من الموت بصعوبه ..>>تفرك يدينهاا ببعض
آحلام:......................................
ريم: تدرين آني فكرة العصر اقوله انك تضايقتي لانه بيسافر بس بيحلفني
واخاف احلف وانا كاذبه>> صريحه بقوه &_&
آحلام: ريم تكفين لاتسوين شي من وراي يخلي اخوك ياخذ عني فكره شينه
ماهو من حقي اقول له لاتروح او حتى اتضايق >> أشرت لهاا فاهمتني..!
ريم: آحلام آنتي تبينه يروح..؟
فاجأتني تبي تسحب مني الكلام..؟
آحلام: بكيفه يروح او لا >بس فــ نهايه آكيد اني مااتمنى لولد عمي الشر..؟
ريم: أنتي تحبينه> قلب مودهاا وصارت تبتسم..؟
فاهمتهآ وفاهمه هي وش تبي توصل له
قلت: لاتحاولين وصديت عنهاا..
مابيهاا تعب نفسها وهي تحاول تعرف انا احبه آو لا...!_!
آخذت جوالهاا ووقفت وهي تقول..
بحاول فـ عناد واذا شفته معزم يسافر بقول له آحلام
تضايقت ماتبيك تسافر>> آعذريني ياقلبي مابي اخوي يسافر..؟
ريم بنت ريم> ناديتهاا وهي طالعه من الغرفه وترسل لي بوسه..*_*
حسبي الله على بليسك ياريم وش بيقول عني الرجال موافقه وعايشه دور زوجته,,
>> أتكلم مع نفسي..؟
"""""""""""""""
((ريـــــــــم))
رحت لـ امي بالغرفه وسألتهاا عن عناد وقالت انه طلع يصلي ,عرفت منهاا
انهاا ماوافقت على سفره وزعلانه علاه..
ارسلت له" تعال بالمجلس اذا خلصت""
رحت المجلس وانتظرته عشر دقايق وفتح الباب , عطيته نظره وانا اوضح
له اني زعلانه ..!!
ترك الباب مفتوح وجاني يقول :
ليه تنتظريني ..؟
رفعت عيوني فيه /سكر الباب واجلس اذا ماعلاك كلافه..
رجع سكر الباب وهو يضحك من اسلوبي , جلس قدامي دخل السبحه بجيبه:
خير وش عندك>> عناد
لاتسافر> قلتهاا بزعل وانا ارفع صوتي..
عناد: وليه وش المانع >> مستغرب رفضي
ريم: خطر المكان اللي بتروحون له خطر>> وربي قلتهاا ودموعي بعيوني من القهرر
عناد: ريم قولي لا اله الا الله اللي كاتبه الله بيصير هنا ولا هناك وبعدين انا ماهوب اول
مره اسافر , انشاءالله مايصير الا الخير..> كان بيمسك يدي بس انا شلتهاا بسرعه..؟
ريم: آمي رافضه بتروح وهي ماهي راضيه علاك..؟
عناد: اعوذ بالله > امي بتوافق بس اطلعي منهاا ,,
ريم: ترى حتى احلام تضايقت يوم عرفت انك بتسافر>> آخر حل عندي..
ضحك عناد وهو يناظر بعيوني ماهو مصدق كلامي ...!
ريم: ورب الكون اني توي جيت من غرفتهاا قلت لهاا انك بتسافر
وقالت قولي لـ أمك ترفض انه يسافر
وربي وربي وربي آني صادقه>> نظرات عيونه تغيرت ..؟
عناد: ريم تراني ماني ناقص و شايل هم اني اروح وامي زعلانه لاتزودينهاا علي..!؟
ريم: عناد كلنا مانبيك تروح مو لازم كل سنه تقنص..؟
كان يفكر وفجأه قال: من قال لـ احلام أني بسافر..
ريم: آنآ قلت لهاا سألتني ليه متضايقه وعلمتهآ>> كنت مستعده اقول اي شي بس مايسافر..؟؟
عناد: قالت بالحرف الواحد لايروح..>> يتأكد آو يبيني اقول ايه..!
ريم: عناد آحلام عيونهاا تفضحهاا وربي من عيونهاا فهمت انها ماتبيك تروح غير كذا
والله العظيم قالت لي قولي لـ امك ترفض وحاولي فيه انتي مايسافر...؟؟
عناد: روحي جيـبـيهآ....>> يقصد آحلام
توقعته بيقول بتآكد واسمع منهاآآ
ريم:اجيبهاا ليه..؟؟؟
عناد: بـظـمــهــآآآ*_*
ريم: وجع صدق انك ماتستحي..>> آستحيت منهxxxx
عناد: يابختك تشوفينهاا وتجلسين معهااا > ذااااايب
ريم: حتى انت ان شاءالله بتشوفهاا وتجلس معهاا...!!
عناد: متى بس اشوفهآ ..!!
ريم: يعني منت مسافر >> آستحيت منه وابي اغير الموضوع بسسسرعه..
عناد: خليني اشوف امي يمكن توافق...
قام وطلع للعيال وانا دخلت عند امي
بطيير من الفرح حاسه انه بطل يسافر ..’’
xxxxxxxxxxxxxxxxxxxx*
((على السفره))
العنود مسويه العشاء ورغم ان مالي نفس جلست على السفره
رفع عتب , آخاف تشك اني رافضه العشاء
لانهاا هي اللي مسويته
لعبت شوي فالصحن وقمت..
آحلام: العنود يسلموو الايادي
العنود: يسلم قلبك بس ليه ماخلصتي صحنك..؟
آحلام: بس شبعت حمد لله..
رحت الغرفه واستلقيت على فراشي حتى قصايد مابيهاا الليله ,
ولا ابي اغاني بالمختصر مابي ولا صووت..؟
اذا كنت متضايقه وضيقتي مالهاا حل , القى نفسي على فراشي ابي النوم
النوم هو الحل اذا تضايقت ,,,
واذا كنت فرحانه لو اسهر ليالي وليالي مايجيني نووم...!!
نمت الساعه 11 الليل .....!!
نمت بتنوره سوداء قصيره جينز وبلوزه سكري , نمت والمسكره بـ رموشي
, نمت بدون عطر وكريم ...؟؟
نمت وانا اتذكر كلام ريم وخوفهاا على عناد...!!
"""""""
(بالصاله)
نوره طالعه من الغرفه: بنات احلامووه نايمه وهي كاشخه..!!
ساره: يمه مسرعهآ ناامت توهاا كانت هناا..؟
العنود: نوره هي متضايقه ليه ماتعشت > تجلس جنب نوره
نوره: مدري عنهاا هي تتكلم عشان اعرف وش فيهاا>> تاخذ الريموت..xxxx
ريم: يمكن سهرانه >> تناظر بنوره تنتظر الرد..
نوره: لا ماصحت الا متأخر..>> مشغووله تقلب فالقنوات
ريم: انا بروح اصحيهاا >> قامت من الصاله والبنات مستغربين..؟
ريم وهي داخله مع الباب..
حوحه آحلامووووو بنت حنا بالصيف يالعجوووز>>
وقفت عند راسي > آحلام وش فيك آحد يرقد هالوقت ,,
كانت التنوره مرتفعه وركبتي باينه سحبتهاا لتحت وانا آغطي وجهي بالوساده ..
حتى البطانيه مالي نفس اخذهاا من اخر السرير ..!!
قومي البنات سهرانين بالصاله قووومي> ريم..
ريم طفي الانوار وقفلي الباب> المح لهآ تطلع *_*
آفآآ هاذي طرده>> ريم
ماعلقت ابيهاا تطلع وبعدين اتفاهم معهااا..!!
غطتني بالبطانيه وهي تقوول :
نامي يالعجوووز والصباح عقابك عندي...!
رجعت ريم لصاله وهي تكتب لــ عناد رساله..!!
"" آحلامك يالعاشق الولهان زعلانه ونايمه ونوره تقووول انها متضايقه من المغرب""
ثواني بس ودق جوال ريم...؟؟؟
الوووه> عناد
ريم وهي تدخل غرفتهاا/ نعم
عناد:ريم أنتي تلعبين باعصابي ؟؟؟
ريم: بهدؤ/ ليه وش سويت ...!!
عناد: رسالتك وش تقصدين فيهآآ> بزعل
ريم: انت مو دايم تسألني عنهآ > الليله قلت لك اخبارهاا بدون ماتتعب وتسأل..؟
عناد: هي ليه متضايقه...!!
ريم: مدري عنهآ حتى عشاء يقولون ماتعشت>> تبتسسسم..
عناد: طيب اسأليهآآ واعرفي ليه متضايقه..؟
ريم: رحت لهاا عيت تصحى حاولت فيهآآ ابي اعرف وش فيهآ ماقالت لي..!
عناد: اذا عرفتي شي دقي علي > مع السلامه..
قفلت ريم وهي تدعي ان عناد يتراجع عن السفر ,,,’’’
""""""""""
صحتني ندى لصلاة الفجر , قمت آسحب رجولي , صداع
وجسمي متكسسر وآخلاقي عدم , ماكان ودي انام الوقت هاذا كله ,
آخذت بجامه آصفر مع وردي ودخلت غسلت ولبست صليت وطلعت من الغرفه
وانا اشيل شعري لفوق بربطه ..
صباح الخير> قلتهاا للبنات بصاله وانا في طريقي للمطبخ ..
اسمعهم يعلقون على نومي ويتريقون في > مالتفتت لهم دخلت المطبخ
واخذت حبة توست وجبنه واكلتهاا بس عشان اقدر اخذ حبوب صداع ,,
نزلت كاس المويه بعد ماكلت حبه وانا احس الدنيا تدور بي ..!
صلحت قهوه ورحت للبنات بالصاله ..
نزلت كوب القهوه وجلست على كنبه بعيييييد عنهم..
نوره: صباحسس سسسوكررر > تطل براسهاا من خلف الكنبه ..؟
شربت قهوه ولا عطيتهااا وجه..
ندى: بنات اشتهيت القهوه اروح اسوي لنآآ>> تشاوووورهم
ساره: لااا انابنااام اخاف تطير النوم عني..
> وقفت وهي تقوول تصبحون على خيرااات ..
قامت ندى بعد وراحت تنام العنود تراسل ومشغوله مع جوالهاا..
نوره: وهي تعدل جلستهاا بروح انام>> ولا تبيني اجلس معك..؟
لا روحي نامي انا برجع انام/ قلتهاا بسرعه مابيهاا تجلس معي مالي حيل
آتكلم مع احد..؟؟
قامت نوره وراحت لحقتهاا العنود بعد ربع ساعه وهي تقول : تصبحين على خير
خلصت قهوتي واخذت الريموت اقلب فالقنوات بدون هدف
>> ليه وضعي كذا ..؟
ليه نمت بدري ومالي خلق آحد..؟
الله يسامحك ياريم ..!
لفيت اناظر لايكون بصاله احد
> بعد مانتبهت اني قلت الكلمه بصوت عالي..!؟
جلست على التلفزيون الين 10 الصباح ودخلت انام مره ثانيه,,..!!
xxxxxxxxxxxxxxxxxxxxxxxxxxxxxxxx*
(بعد الغداء بـ بيت الشعر)
تركي: عناد وش رايك اوديك انا وسطام لـ جده ..
عناد متفق يقابل اخوياه الليله بجده..؟
سطام: قدام ماعندي مانع..
عناد: لاخلاص هونت عن السفررر..
آحمد: آفآآ ليششش..
عناد: الوالده زعلانه ماتبيني اسافرر وأخوياي ناوين يطولون هناك
وماودي اترك جمعتكم بعد ...
ناصر:تبي الصراحه ماله داعي السفر وحنا متجمعين احسن انك هونت..!
راكان:يالردي ليش ماعلمتناا من البدايه خربت كشتتنآآ>> يقصد عناد
عناد: خلهاا على الله يارجال مادريت اني بترك السفرر ولا اعتذرت من آخوياي
وكملناا كشتتناا ...!!
"""
جاتنا ريم العصر وانا جالسه مع البنات
وقالت لنا ان عناد هون عن السفر
دخلت لـ امهاا وهي تقوول بروح ابشر امي, كنت مشغوله بجوال نوره احمل لهاا برامج
وسويت نفسي مانتبهت لريم > قلبي ناقصه جناحين ويطير من الفرح ..!
رحمه من ربي ان الانسان يقدر يخبي مشاعره ولا فضيحتي بجلاجل..
كنت طفشانه من نوره لانهاا تبيني آحمل لهاا برنامج وعيا ينتحمل معي
بس بعد الخبر هاذا مستعده اجلس علاه الين احمله > قلب المود ..!!
رجعت ريم لناا بعد مابشرت امهاا وانا حاطه راسي براس
نوره وافهمها البرنامج ^_^
هووووبااااا> جلست ريم جنبي ..
مشغووله مع نوره وقلبي وعقلي مع ريم حاسه انها بتقول شي..؟
ريم: اممم من تطلع معااي للحوش..> مستانسه البنت
نوره: انا بطلع بس انتظري احلام تخلص..
وفي نفس اللحظه العنود: وانا بجي معكم انتظروني ...
ساره وندى يتابعون برنامج مسابقات ويعلقون ويضحكون ومسوين ضجه..
نوره قامت بعد ماركبت لها البرنامج وراحت تلبس عبايتهاا
العنود مانتبهت وين راحت..
حطيت رجل على رجل وانا اتابع مع البنات التلفزيون من بعيد ..
بسسس بسسس >> ريم..
لفيت علاهاا بعيوني > هي جالسه جنبي تمامآ / استغربت حركتهاا
آبتسمت ثم ضحكت بصوت عالي ..*_*
ضحكت وانا اقووول حمد لله ...>> تصرفاتهاا احيانا تكون غريبه
قربت وهي تقول..
عناد ماهو مساافر>> تلعب بحواجبهآآ..
مبروك > مدري وش اقول لهاا تحرجني بحركاتهاا
ريم: تتوقعين ليه تراجع>> تغمز بعينهااا..
هاذا اللي انا مابيه >
قلت: ماادري والله أنتي اخته آكيد تعرفين> احاول اكون جديه ..
ريم: آممم تبيني اقولك ليه بطل يسافر؟؟
للامانه ودي آعرف ليه تراجع بس
رديت بـ " لا مابيك تقولين"
وقفت وهي تقوول كيفك ..!
وراحت للغرفه , آوف نفسي اعرف سبب تراجع عناد عن السفر...؟!
>> سكت نفسي وانا اقول// أكيد عشان امه//..!
*_*
""""""
قبل المغرب بشوي لقيت ندى تحوس باغراضي وانا داخله الغرفه ,
آحلام: وش تسوين...؟
ندى:ابي ورقه وقلم>> طفشاااانه*.*
آحلام:ياشيخه قالو لك شنطتي مكتبه > وانا اخذ الشنطه منهاا
ندى: احلام تكفين بسرعه ناصر بيروح ويتركني >> راحت تحوس بالدرج
آحلام: ليش الورقه والقلم ..؟
ندى: وهي تدور / بكتب اغراض >> مازالت تحوووسسس
آحلام: ارسليهاا له رساله ..
ندى: ماعندي رصيد وهو يقوول بسرعه والا والله لاأمشي واترك ..>> تحزن
آحلام: هنا هنا وانا افتح الدرج اللي عند راسي ..؟؟
عطيتها ورقه وقلم واكتبت آغراض نص الصفحه ..!!
ولبست عبايتهاا وطلعت..
ندى كانت مستعجله تبي تلحق على ناصر اول ماطلعت
من باب الاستراحه صادفهاا تركي..
وقف قدامهاا وهو يقول > نوره وين / يتحجج بنوره عشان يكلمهاا
ندى: داخل والورقه بيدهاا> مستعجله وتناظر تدور ناصر..
تركي: من تبغين ناصر..؟
ندى: ايه وينه > بسسسرعه
تركي: طلع مع عمي وش تبغين به...!!
ندى: جد والله طلع > ندمانه
تركي: ايه بس وش تبغين فيه >> يبتسم
ندى: كنت بعطيه اغراض يجيبهاا> طبقت الورقه قدامه..
تركي: هاتيهاا انا اجيبها حتى نوره موصيتني فاغراض ..> يمد يده لهاا
ندى: لا خلاص انتظر ناصر > تخبي الورقه بين يدينهاا
تركي: هاتيهاا >> وهو يتقدم بياخذهاا
ندى عطته الورقه وهي مفجوعه منه ...!!
فتح الورقه وناظر فيهاا وابتسم ..
تركي: هاذا خطك > يتأمل الخط
ندى: آيه > بصووت واطي
طبق الورقه وطلع البوك ودخلها فيه..؟
تركي: خلاص ربع ساعه وتكون عندك..؟
ندى: طيب عطني الورقه فيه اشياء مابيهاا >> تبي تاخذ منه الورقه..
تركي: لا الورقه صادرتهاا..
اذا تبين اغراض زياده ارسليهاا من جوال نوره ولا خلي نوره ترسلهاا لي....’’’
طلع والابتسامه شاقه الحلق ..!!
رجعت ندى وهي مستحيه من تركي دخلت علي الغرفه..؟
آحلام: وش فيك مالحقتي على ناصر..
جات وجلست على سرير نوره بالعبايه والنقاب ولا نطقت بحرف..
آحلام: بنت ندووو فيك شي..
ندى: تركي اخذ الورقه مني,>,تحط يدينهاا على وجههاا
آحلام: بيجيب الاغراض لك.
ندى: يافشيلتي هاذا اذا قراء خطي >> تضرب على وجهاااا
آحلام: وانا اضحك > لا ان شاءالله يقدر يفك الطلاسم ويفهم وش مكتوب..
ندى :.........تناظر في>زعلانه
آحلام: امزح امزح خطك حلو بعدين اذا مافهم بيدق على نوره اكيد >> ارقع
تركتها فـ حيرتهاا وطلعت الصاله...؟؟
xxxxxxxxxxxxxxxx
21-02-17, 03:19 AM
رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)
جديد مواضيع قسم القصص المكتمله
العرض العادي
