لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته آل ليلاس الغالين بأنقل لكم رواية

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-02-17, 02:49 AM   المشاركة رقم: 1
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,104
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

المنتدى : القصص المكتمله
Jded عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

آل ليلاس الغالين بأنقل لكم رواية

(( عناد حايل يعشق أحلام نجد ))

للكاتبة/ ديرتي نجد وأنا قمرها


تلبية لرغبة الغاليات اللي طلبوها

وإن شاء الله تعجبكم

 
 

 

عرض البوم صور فيتامين سي   رد مع اقتباس

قديم 21-02-17, 02:50 AM   المشاركة رقم: 2
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,104
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


السلام عليكم ورحمة الله وبركاته ..

مساءءءكم خير وسعاده يارب ,, بكل بساطه آعشق الروايات // وقررت اكتب وانزلهآ هنآ
أذا اعجبتكم كملت واذا ماعجبتكم وقفت ويادار مادخلك شرر ,,
أبي رايكم وتوجيهكم اذا فيه شي ناقص ,, ومستعده اسمع منكم سوا سب او مدح
لي عوده اذا اعجبتكم ^_^
,
,
,

مقدمة الرواية ..

آحلام بنت العشرين سنه .. ثاني سنه جامعه ,رومنسيه ,هادئه ,حنونه
تسكن مع والدتها واخوانها الخمسه ..
آخوانهآ.. راكآن 31سنه خاطب ,سطام 27 سنه..,سعود 23 سنه..,خالد18 سنه ..,فصيل 13 سنه..
يسكنون العاصمه الرياض ..
والان اترككم مع احداث الروايه //

كانت حياتي سعيده جدآ اعيش مع امي واخواني في بيت مليء بالحب والحنان رغم غياب والدي
كنت اتسابق انا واخواني على ارضاء امي , جعلت أمي محور حياتي قررت أن اريح
أمي وارد لها جزاء من تعبها , في عمر العشرين سنة اصبحت مسئولة عن كل شغل البيت طبخ غسيل تنظيف ..
نظمت جدولي على اني اداوم 7 الصباح وارجع 3 الظهر انام واصحى المغرب وابداء اعمالي ..
اصبحت امي مسئوله عن وجبة الغداء فقط ,, اخلص شغل البيت الساعه 11 وادخل غرفتي
في غرفتي أكون احلام ثانيه آحلام الرومنسيه الحالمه ,اسهر على الروايات والخواطر والشعرر ,
آحلم بقصة حب رغم رفضي التام لزواج ..
في بداية الصيف تغيرت حياتي والسبب قرر راكان بأنا نصيف بالطائف مع آعمامي ,,
حاولت ارفض لاأني ماأحب التجمعات كثيير
آحلام: راكان تكفى مانبي نروح الطايف ..
راكان : لييه عماني مستاجرين استراحه والبنات كلهم هناك ..
احلام : راكان انت تعرفني ماحب الزحمه والتجمعات هاذي!!
راكان: بالعكس يمكن فالبدايه بتطفشين بس اذا تعودتي بتستانسين..
سطام : اصلآ عمي مزعجنآ كل يوم يدق على راكان .
راكان : ترى حنآ متاخرين المفروض من الاسبوع اللي راح نكون هناك ..
رضيت بالامر الواقع وانزلت السوق , جهزت شناط السفر وأكد علي راكان أنا بنطول هناك
اخذت كل شي احتاجه معي ملابس اكسسوارات شنط جزم ادوات مكياج روايات ..
وصلنا الطايف المغرب وكانو مسوين عشاء لنآ .. أجواء غريبه علي استراحه كبيره مليانه ناس
من سنه او اكثر ماشفتهم , ,,
نوره: احلام انتي معاي انا وساره وغدير بالغرفه ..
احلام: ابتسمت وآنآ أأشر براسي موافقه ..
اخذت شنطة أمي وشنطتي ودخلتهآ الغرفه واخذوني البنات في جوله داخل الاستراحه
بقيت سهرانه معهم الين 9 الصباح ..
تأقلمت مع الجو سهر الين 9 ونوم الين العصر حسيت اني مرتاحه من المسئوليه لـ أول مره
مر اسبوع وبنات عماني يتجمعون كل ليله بغرفه على قهوه وحلى ومكسرات وسوالف وضحك ومقالب
آمآ انآ حنيت لرواياتي وصرت اقراء من بعد الفجر الى 9 او 10 الصباح / رغم تذمر بنات اعمامي الواضح ..؟
في يوم من الايام صحتني نوره العصر وهي تقول..
نوره : آحلام قومي بنروح آحنآ والبنات نـتمشى بالاستراحه
آحلام: والعيال قصدي الشباب ..!!
نوره: ماعلينا منهم , طفشنا وحنا محبوسين هنا ؟؟
احلام: لا أنا مابي اروح اخاف راكان يهاوش..!!
نوره: اجل اخمدي ياخوافه..
استمرو البنات بالخروج كل عصر لحوش الاستراحه واحيان مايرجعون الا المغرب
نوره كل يوم تمدح الاجواء براا تقول حوش كبير فيه نخل وفيه العاب ومجلس شعر/ ومشب لنار
في يوم قررت اطلع معهم وندمت من قلبي ,,كان المكان مليان بعيال عمي وعماني والحريم الكبار ماقدرت اتحمل
وخليت نوره ترجعني لقسم الحريم ..!!
تفاجأة براكان يتصل علي بعد العشاء
احلام: هلا راكان..؟؟
راكآن:الوو سلام..
آحلام: هلا والله..!
رآكآن : آحلام وينك ..
آحلام : بالغرفه ..ليش!!
رآكان : اليوم رحتي مع البنات لنخل ..؟؟
آحلام: ايووه فيه شي!!
راكان: لا بس مره ثانيه لاتطلعين الا اذا انا فيه خلاص..؟
احلام: راكان صاير شي..
راكان: لا لا بس مابيك تطلعين قدام الرياجيل ..
آحلام: طيب طيب
راكان: تبين شي..؟
آحلام: لا تسلم
راكان : يلآ مع السلامه
آحلام:....................
تأكدت من مكالمة راكان ان فيه شي غلط ولاأني مارتحت لطلعه رفضت محاولات البنات تمآمآ ,,
وفي ليله جمعتنا غدير الساعه ثلاثه الفجر في غرفه وهي فرحانه وبصوووت واطي
غدير: تدرون من بيجي بكره ..؟؟؟؟
نوره : بيجي هنا الاستراحه ..؟؟
غدير: أييييييييييييييييهه
البنات: من من ..؟؟
غدير: عنآآآآآآآآآآآآآآآآآآآآآآآآآآآآآآآدد..
استغربت ردت فعل البنات ليش فرحانين واذا عناد بيجي
سألت نوره
آحلام: نوره وش فيهم ..
نوره: بنات عمك ماتعرفينهم ,,ادعي لهم بالصلاح بس/ وهي تضحك!!
لحقت نوره لغرفتنآ ..
آحلام: نوره عناد ولد عمي صالح ..؟؟
نوره: ايه
آحلام: طيب وش الغريب اذا جاء ..!!
نوره: هم قصدهم شي ثاني ..؟
آحلام: وش قصدهم..
نوره: يبغون يشوفونه..
آحلام: قلت آدب / قلتهآ بكل عفويه !!
نوره: آحلام ترى هاذي حركات البنات يمكن لانك عايشه بعيد عنهم وماعندك خوات ماتعرفين الحركات هاذي ..؟
آحلام: لا اعرف حركات البنات بس هاذا ولد عمهم ..المفروض يستحن شوي ..!!
نوره: تبين الصراحه مو هم بس حتى انا ودي اشوفه ..
آحلام : هههههههههههههههههههههههههه توي جالسه اسبهم اثاريك اعبر منهم ..
نوره: آحلام انتي قد شفتيه ..؟؟
آحلام: لا ماحصلي الشرف .
نوره : ييوووو ه ياآحلام يجنن جمال ورجوله وكل شي..
آحلام: هو كبير صح ..ليش ماتزوج؟؟
نوره : لا حرام عليك عمره 28أو29 ,, تخيلي مايبي يتزوج ويقول اذا تزوجت بتكون من برا الجماعه
يعني مايبي منا يابنات عمه ..؟
آحلام: ياربي حنآ اللي ميتين عليه ..؟؟
نوره: أنا ميته وربي آآه بس..
آحلام: نوره وش معجبك فيه احسه مغرور..
نوره: لا ي آحلام آنا اعرفه بدوي بدوي ومتواضع .. 24 ساعه فالبر ويعشق القنص
أنتي ماجيتي السنه االلي راحت لزواج اخوه ..؟؟
آحلام: لا ماجيت ..؟؟
نوره: تدرين انه هو اللي مزوج اخوه اللي اصغر منه ..!
آحلام: طيب ليش ماتزوج ..
نوره: يقول اتزوج واجيب لي وحده تجنني وين رايح ومنين جاي ..
آحلام: حمدلله على النعمه معقد ..
نوره : ماأسمح لك / وهي تضحك..؟؟
اليوم الثاني سمعت /اهل حايل جايين / الف مره ,أستنفار غريب لي كم يوم فالاستراحه اول مره اشوف
التنظيم هاذا "
الساعه 6 كانو البنات كاشخين , حسيت بأحساس غريب ليه كل هاذا ومين الشخص اللي يستحق اعمل هاذا عشانه ..!!
اسمع بينهم آسمه .. آسمع اسم امه وكأنهم ناس مانعرفهم , كنت آقول لنفسي طيب هو زيه زي اي أحد من عيال عمي الباقي
ليه الاهتمام الزايد"
دخلت اخذت دش بعد ماتأكدت من وصولهم لبست فستآن وردي قصير واكسسوارات رصاصي
لبست عدسات رصاصي وحطيت روج وردي وشلت شعري القصير بطوق وطلعت وأنا أجزم ان هاذا مو عشانه ولا عشان امه ..
""
كثرة طلعات بنات عمي بحجة النخل والجو الحلوو ..وكل ليله أسمع مغامراتهم , أحيانآ اضحك وحيآنآ اهاوش
كان لي جوو وكان لهم جوو ..بعد 3 ايام من مجي عناد وآمه جاتنآ اخته المتزوجه من برا جماعتنا..

في يوم من الايآم قررو الرجال نطلع البر , وفعلآ اخذنآ الذبيحه وطلعنا وصلنآ الساعه 3 العصر في مكان قمة فالجمال
كانو عيال عمي منتشرين حوالينا وقفت جنب نوره وانآ اقول
شوفي شوفي الجمال على اصوله أشرت على سطام ..
نوره: ماشاءالله والله اخوك مزيون ..
قول ماشاءالله وجعع/ وآنا اضحك
نوره: قلنآ ماشاءالله ..
قبل المغرب كان فيه تحدي بين الشباب بالسلاح حاطين شارة واللي يخسر هو اللي يطبخ العشاء..
وقفت مع البنات اناظر فيهم ,شفت عناد لـ أول مره تصرفاته حركاته ضحكته طريقة لفت شماغه تخليني اقول معهم حق البنات
في كل كلمه قالوهآ ..؟؟!!
ساعه كامله وهو قريب منآ ماناظر فينآ بعكس بقيت الشباب اللي كانو يناظرون بالدقيقه..
حسيت أني سخيفه وأنا واقفه اناظر فيه أنسحبت بكل هدوء ورحت لـ أمي وجلست معهآ على الفرشه؟
جاتني ساره وانا جالسه مع امي
ساره: آحلام قومي عمي مطلق يبغانآ
آحلام: يبغى من ..!!
ساره: يبغانآ حنآ البنات ..؟
آحلام: وييييييين ..؟؟
ساره: على الفرشه ..
آحلام: عند الريجيل
ساره: ايوه البنات هناك وجدتي هناك بعد ..
آحلام: انا ماني رايحه ..؟
ساره: صدق والله !!
آحلام: ايوالله خير الريجيل كلهم هناك ..
قالت أمي: روحي لاتفضحينآ فـ عمك ..
لا يمه والله لو تقطعوني كل عيال عمي هنآك ..
ساره: عمي آحلام عيت تجي
عمي مطلق : قلتي لهآ اني أبغاهآ
ساره: ايه بس تقول ماتقدر..
عمي مطلق: فيصل روح ناد اختك..
فيصل: آحلام عمي يبغاك
آحلام: قله أذا راحو الريجيل اجيه
فيصل: ياويلك منه بيهاوشك..
آحلام: خله يهاوشني انت قله وبسس ..
فيصل : عمي تقول اذا راحو الريجيل اجيه ..!
عمي مطلق: الريجيل منهم عيال عمهآ , منول البنت تصب القهوه على عمهآ وعياله ,راكان رح نادهآ..؟
راكان: آحلام فيصل مهو قال عمي يبغاك ليه ماجيتي ..؟؟؟
آحلام: راكان انت شايف الجمهور اللي عند عمي والله مقدر اروح ,,
راكان: تعالي تعالي أنا معك ,خلاص عمي لزم فيك ..
قمت مع راكان وانا كل جسمي يرجف مابي ارووح الله يهدي عمي ..؟؟
شفت البنات واقفين قدام عمي والشباب جالسين كلهم موجودين , راكان يضحك واسمع عمي يقول
افا وأنا عمك ماتسمعين كلامي , ماعلقت ..
في لحظه شفت الكل يناظر في تمنيت الارض تنشق وتبلعني , اقترح عمي علينا انا نسوي العشاء
بدون تدخل الحريم وقال اذا سويتوه انتم على النار ولا تدخل معكم احد لكل وحده منكم 500 ريال
تكلمو البنات وناقشوه وانا ساكته , كانو الشباب يعلقون ويضحكون توترت زياده ..؟
انتهى الموضوع ورجعنا للفرشه وانا كارهه نفسي فعلآ ماتمنيت اوقف قدام عيال عمي رغم اني كنت لابسه عباية كتف
ومغطيه عيوني ..!!
ماأتفقنآ مع عمي وطبخو الرجال العشاء "سهرنآ الين الفجر ورجعنآ الاستراحه..!!

""
آم عناد : ريم دقي على أخوك وقلي له أمي تبغاك ..؟
ريم : يمه الظاهر عناد طلع ..
آم عناد: لا لا فيه دقي عليه وخليه يجيني فـ الدكه عند النخل ..
عنآد: هآآآ ميمتي زهمتي علي ..
آم عنآد : تعال اجلس ..
عناد: ياغالي والطلب رخيص جلسنآ ..
آم عناد : عنآد بنات عمك كل وحده تقول الزود عندي خلني اخطب لك منهم ..
عنآد: لاآآآآآآآآ يمه أنا ماابغى زواج مرتاح كذاا ..!!
آم عنآد: أنت شفت بنات عمك ماعجبك ولا وحده ..
عناد: لا ماعجبني منهن احد واذا تزوجت بأخذ من برآآ
آم عناد: ياخوفي يجي عمرك 30 وانت عزابي,,
عناد: يمه فديت راسك لاتشيلين هم زواجي , تامريني شي العيال ينتظروني..!
آم عناد: لا روح لهم مابي منك شي ..
عناد: أفاا لايكون زعلانه ..
آم عناد: الله يهديك ويرزقني شوفتك معرس ..
عناد: آمين ,, ايه كذا ياميمتي ادعي لي وخلي العرس عنك / يضحك ..
""
دقيت على سطام اذكره بوعده لي أنه يمشيني فالطايف ويوديني الاسواق ,,
آحلام: لووووووو
سطآم : هلا وغلا
آحلام : مساءءءك ورد
سطآم : أووف وش صاير بالدنيآ , آحلام اخلصي وش تبين ,..
آحلام: وجع كاشفني ,, اممم لا بس حبيت اذكرك بوعدك انك تمشيني ,,
سطآم: أهآ وأنا اقوول مساء الورد وراهآ شي / يضحك
آحلام: سطام وعد الحر دين ^^
سطام: خلاص من عيوني بكره الخميس جهزي الوقت اللي تبين ,, آمي بتروح معنآ..؟؟
آحلام: لا ماتوقع .. طيب بعد المغرب بدق وياويلك لو تكشت في ,,
سطآم : افاا أنا اسويهآآ
آحلام: آحم آحم ياكم من مرهآ سويتهآ ..,,
سطآم : بكره اثبت لك اني رجالٍ عند كلمتي ..
آحلام: اوووك نشوف ,, يلآآ باااااي
سطآم : مع السسسلامه ..
اليوم الثاني جهزت وكنت فرحانه أني بطلع من الاستراحه وبشوف شوارع وأسواق الطايف ,,
دقيت على سطام بعد المغرب مباشرة وقال اطلعي أنا برآ .. طلعت شفت آعمامي جالسين فالدكه وعيال عمي وأخواني
اشر لي سطآم وقام وراح لسيارة لحقته فتحت باب السيارة وركبت ,, وقلت
سطآم ليش ماقربت السياره / مابقى آحد ماشافني ..؟؟
سطآم : أنشاءالله عمتي آحلام المره الثانيه ,,
رجعنآ الساعه 11 بعد ماستانسنآ ولفينآ الاسواق وتعشينآ برآ
أحمد : سطآم وين رحت .. العيال يتحدون فـ الباصره ,,
تركي : سطآم ياورع تعال اللعب بداء ...
سطآم : وسعووو وسعووو
تركي : كل هاذا فالسووق كان امرحتوو هناك ..
سطآم : تراهآ كلهآ ثلاث ساعات مشيت وخيتي فيهآآ
نايف : حنآ بعد عندنآ خوات ومامشيناهم ..
سطآم :أنا مدلع أختي أحد عنده مانع ,,
عنآد : احسن ياسطآم تعجبني لاتفكر فيهم ,,
سطآم : أفآ علاك آنآ اعجبك,,
العبوو العبوو ناوي الليله اسحب فيكم ..
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxx*
سمعت أن عنآد جاب أرانب فالاستراحه وكانو البنات يتكلمون عنهآ وراحوو وشافوهآ طلبت من نوره تروح معاي
الساعه عشره الليل بشوفهآ
آحلام: نوره أبغى اشوف الارانب تعال معاي..
نوره: أنا مصورتهآ ب جوالي تعالي شوفيهآ ..
آحلام: لاآآ أنتم تشوفونهآ على الواقع وأنا اشوفهآ صوره ,,
نورره : ههههههههههههههه ليه مارحتي معنا العصر لهآآآ
آحلام : يووه يانوره العصر العيال فيه ,,
نوره: واذا العيال فيه ترى هم عيال عمك..
آحلام: عيال عمي على عيني وراسي بس ماحب اطلع قدامهم ,,,!!
تأكدنا ان العيال برآ ورحت أنا ونوره للارانب أشكلهآ تاخذ العقل اكثر من12 ارنب نوره تقول أنهآ لصاحبه ,,
جلست عندهآ وصورتهآ راحت نوره وجلست فـ الدكه الين أخلص بوابة الاستراحه مفتوحه والدكه بعيد عني ماأشوفهآ
وأنا منسجمه سمعت صوووت يقول بنت ...؟؟
وقفت بسرعه وأنا اناظر خلفي/ يمه فجعتني ..!!
شفت عناد ماقدرت أتكلم ولا بحرف ,,
عنآد: وش تسوين ..!!
آحلام: ................................
عنآد: هي بنت وش فيك ..
آحلام: بعد صعوبه / مافي شي ..,,
عنآد: طيب ليش جالسه عند الارانب ..
آحلام: كنت أشوفهآ .. وانا اتكلم ماادري هو يسمع صوتي ولا لا,,
جات نوره وأنقذت الموقف,,,
نوره: ماعليش طفشناك كل شوي جايين نشوف الارانب ..
عنآد: لا عادي بس انتم ماشفتوهآ العصر ,,
نوره: الا كلنآ شفناهآ غير آحلام ,,
شافني وأنا اأشر لنوره خلينآ نرجع ..
عنآد: أجل شوفوها براحتكم انا جيت أحط عندهآ اكل وراجع ,,
نوره: لا لا خلاص حنآ رايحين ,,
رجعت وانا اهاوش نوره ليش تركتيني كله منك ,, وهي تضحك وتقول لو دريت اني بشوفه
مارحت لدكه ..؟؟

(عنآد)*
طلعت من الاستراحه وركبت سيارتي وقلت لراكان اللي كان ينتظرني بـ السيارة
عنآد : رآكان آعتذر لي من اختك لقيتها قبل شوي عند الارانب وشكلهآ خافت مني,,
راكان: ليش ويش سويت لهآ..؟؟
عنآد : ماسويت شي والله بس ناديت بصوت عالي ووقفت تناظر في مابغت تهرج..
راكان : الله يسامحك تراهآ خوافه ,,
عناد : والله مادريت انه هي
راكان : ياويلك لو تشكي منك , ضاربك ضاربك..
عناد : ترى الدلع الزايد مهو زين للبنت ,,!!
رآكان : الا احلاام تستاهل أني ادلعهآ وادللهآ ,,
عنآد : راكان هي ليش ماتطلع مع البنات ماشوفهآ تروح وتجي معهم ..
راكان : آحلام ماتحب التجمعات , وتستحي من الريجيل / وتبي الصراحه انا فرحان كذا مابيهآ تطلع وخصوصآ قدام عيال عمك ,,
عناد : ايه عاد العيال اذا شافوو البنت تنقلب احوالهم ..
راكان: عشان كذا مابيهآ تطلع لهمم ..!!

 
 

 

عرض البوم صور فيتامين سي   رد مع اقتباس
قديم 21-02-17, 02:52 AM   المشاركة رقم: 3
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,104
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


صبآحكم ورد وفل وكآدي / البارت الثاني ^^

كثرة مواقفي مع عناد رغم تجنبي له , في يوم من الايام طلعنآ لحديقة مشهوره فـ الطايف , وبعد ماجلسنا وتقهوينآ
رحنآ للالعاب أنا والبنات , عرفو الشباب أنا فـ الالعاب ودق تركي على نوره وسألهآ عن مكآنآ ..
قالت له ..
وشويات ونلقاهم قدامنآ الغريب فـ الموضوع أن أعناد معهم ,,
ارتحت كثير لان سعود معهم وارتحت أكثر يوم طالع في وضحك ..!!
حجز تركي واحمد التذاكر لنآ في لعبه خطيره ولاني خايفه من اللعبه ومتوتره من الاجواء ارسلت لسعود رساله ,,
سعود ابي أرجع معك للجلسه ..!!
بمجرد ماقراء الرساله جاني وقال:
سعود:آحلام ماتبغين تلعبين مع البنات .؟؟
آحلام: لا اللعبه هاذي تخوف ..
سعود: طيب اذا خلصو البنات احجزلك ف الثانيه ,, اووكيه
آحلام: اوكيه
ركبو البنات اللعبه وصارو يصايحون حسيت ان الدم وقف فـ عروقي ,,الحديقه مليانه رجال وهم يصارخون بأعلى اصواتهم ..!!
كنت واقفه جنب سعود وعيال عمي قدامنا ,, كانو الشباب يضحكون ويعلقون حتى سعود ميت ضحك على اشكال البنات ..!
في لحظه من الحظات شفت عناد يناظر بأتجاهي "
كذبت نفسي أكيد يناظر خلفي , وقفت اللعبه والسبب أن وحده من البنات اغمي عليهآآ
نقزو الشباب الحاجز وراحو للبنات ,تقدم سعود وهو يحاول يشوف وش صاير ..
عناد واقف في مكانه ولا تحرك خطوه ,, نزلو البنات وهم يشيلون ندى بنت عمي , حاولت ارفع الغطاء عن عيوني واشوفهآ
جلست ندى على الكرسي وتجمعنآ حولهآ راح ناصر اخوهآ يجيب مويه بالصدفه رفعت راسي وشفت
عناد يناظر في سحبت الغطاء بسرعه وانا منزله عيوني ..!!
بعد مارجعنآ للاستراحه أقنعت نفسي أن نظرات عناد كانت مجرد صدفه مليون فالميه ماكان يقصد...؟؟

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxx*
الساعه 8 الصباح كان الجو رووعه غيوم وهواء بارد حاولت اصحي البنات بس ماقدرت
رحت لماري خدامة جدتي بالمطبخ ..
آحلام: ماري وين ماما كبير
ماري : ماما كبير يطلع برآ
آحلام : طيب ماري روحي شوفي رجال كلوا نايم ,
ماري : .................
""
عناد : ماري اش يبغى هنآ ..؟؟
ماري : ماما آحلام يقول شوف رجال نايم ,,
عناد: أهآ / ماري قولي لماما أحلام كلوو نايم ,, اوكيه
ماري: أنت اقول نايم .؟؟
عناد : آيوه قولي كلوو رجال نايم وانا اعطي انت فلوس ..
ماري : اووكي
""
ماري: ماما كلوو نايم..!!
شكرآ ماري > طلعت برآ مركبه السماعات وجوالي بيدي .. رحت لجده وتمشيت معهآ
وسط النخل ,,عشر دقايق بس واشوف عناد واقف قدامي ..
عناد: صباح الخير ..
جدتي : هلا بوليدي ..
نزلت السماعات ولفيتها على يدي وانا أظم جوالي ..
عنآد: غريبه وش مصحيك بدري ..
كآن يناظر في ..!!
جدتي: صحاني المطر ,,
عناد : الله يهديك ياجده أصبري للحين ماأمطرت ,,
جدتي: بيجي الخار انشاءالله ..
قربت من جدتي وقلت " جده أنا بدخل ,,,
جدتي: خلاص ي أمي روحي أرقدي ..
بنت عمي // توقفت عظامي عن الحركه وناظرت فيه ..
عناد: أذا ماعلاك امر سوي لي فطور .. ريم نايمه ...
آحلام: طيب ....
عناد : أنتبهي الخدامه تحط يدينهآ فيه تراني ماأكل الاكل اللي تسويه الخدامه ..؟؟
آحلام:.........................
كملت مشواري وأنا العن ماري ,, دخلت ورميت العبايه واللثمه ورحت لهآ
آحلام : ماري ليش يقول كلوو نايم ,, بابا عناد صاحي انت ليه مافي يقول عناد مافيه نوم ..
ماري: انا شوف كلوو نوم ..
جلست وحطيت يديني على راسي ,, كنت خايفه انه يفكر اني طالعه عشان اشوفه او اشوف احد من العيال,,
بعد شوي قمت وسويت له قرصان ( مراهيف ) ولفيتهآ له بـ جبنه سايله/ مع شاهي وارسلت ماري بهآآ ..
دخلت فراشي وحاولت انام ,, تخيلت نظراته وتعكر مزاجي زياده نمت بعد عراك طويل ,,
وصحيت الظهر واخلاقي مقفله تمامآ ..
العصر قالو ان فيه طلعه للبر,, ماكان لي نفس ابدآ أروح مكان
خالد: آحلام وين أمي ..
آحلام : جايه / السياره وين لايكون بأخر الدنيآ ..
خالد: لا هنآ قريب ,, يله استعجلي امي راكان ينتظر,,
طلعت مع أمي وأول سياره شفتهآ الهمر الاسود / سيارة عناد/ واللي صدمني أن فيصل راكب معه قدام ..
ركبنا السيارة وانا اتمنى راكان يحرك وماينتظر أحد ....!!
أستانسنآ حيل ف الطلعه ضحك ومقالب وطقطقه , طبعآ العشاء شوي وماقصرو الشباب سووا أحلى عشاء,,
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxx
عناد: الو سلام ..
ريم: هلا والله
عنآد: ريم عندك شغل ..
ريم : لا ليه ..تبغى شي,,
عناد: أيه البسي عبايتك خمس دقايق واطلعي لي برآ ..
ريم: خير انشاءالله ..!؟؟
عناد: مع السلامه,,
ريم: ...................
ريم وهي تركب / عناد فيك شي ترى خوفتني ,,
عناد: لا لا مافيه شي بنطلع نتمشى انا وأنتي ..
وقفت السيارة في بر والتفتت لريم ..
عناد: ريم تبغيني اتزوج ,,
ريم : ايه اكيد
عناد: طيب من تبغيني اخذ من بنات عمي ..؟
ريم: من جدك والله ,, كلهم يجننون ساره ولا العنود , نوره عاقل وحلوه ,,
عناد: بسس مافيه غيرهم..
ريم: الا فيه بس هذولا الكبار
عناد: ريييييييييييييييييييييييييييييييييم أنا أبغى أحلآآآآم ..؟!!
ريم مصدومه: احلام / عناد أحلام صغيره ..
عناد: عمرهآ عشرين صح
ريم: ايه تقريبآ ,,بس ولو صغيره
بعدين هي وحيدة امهآ ..ماتوقع تزوجهآ بدري ..
عناد: عادي أنتظرها ..!!
ريم : تنتظرهآ حتى لو قالو بعد 4 سنوات
عناد: والله لو يقولون بعد 10 لـ أنتظرهآ ...!!؟
ريم: أنت تحبهآ ..؟؟!!
عناد: مدري ,, بس احس أن ودي اعيش معهآ ..!!
ريم : طيب مو كنت تبي من برآ الجماعه..
عناد: قبل لاأشوفهآ ياريم بس الحين ابيهآ هي..؟!!
ريم: امي درت انك تبيهآ
عناد: لاااا ريم تكفين لاأحد يعرف فالموضوع حتى امي ,,
ريم: طيب تبغاني المح لهآ ..
عناد: لا.. خليني أنا اتصرف ,,؟؟!
ريم: طيب انت ليش قلت لي ..
عناد: بشوف رايك فيها ,, وأبي اخبارها يعني اذا دقيت أسألك عنهآ ياويلك
لو ماتقولين لي كل شي ..؟؟!!
ريم: صدق أني مغفله وأنا اللي أحسبك تحبني ..!!
عناد: أحبك والدليل اني قلت لك,,يضحك
"""
ساره: ندى اليوم شفت تركي ..!!
ندى : كذابه وين ,,,
ساره: وين يعني بالحوش كاشخ بالنظارات ,,.!!
ندى : ياربي ليش النذاله ورا ماناديتيني ..؟؟
ساره: خير عمه ندى وليش انتي ماطلعتي ..!!
ندى : أحوول كنت مشغووله مع امي ..,,
غدير: ساره شفتي عناد,,..!!
ساره : البدوي لا ماشفته ...؟!!
غدير : يالبى البداوه ويالبى البدوي وهـ وهـ ياقلبي ..,,
غدير :وش رايكم نطلع الحوش..
ندى: فكرة ماهيب شينه ..,,"
ساره: أنا بقول للبنات ..
ساره: بخ هههههههههه خوفتكم ...
بنطلع للحوش تجون معنآ ..؟
نوره: يمه خوفتيني ..
ساره: صدق ^^
نوره : ايه حتى شوفي يديني تتحرك ,,..
ساره :ههههههههههههههههههههههههه والله صدقت ^^
آحلام: من برآ
ساره: كل العايله ,,
احلام: أجل ماني رايحه ,,
ساره: يابنت انتي كيف بتنخطبين دامك 24 ساعه فالبيت ,,..
آحلام: فكه اصلآ مابي انخطب ,,..,,
ساره: انتم مافيكم رجآ / انا طالعه *

xxxx طلعو الحريم والبنات كلهم برآ وبيقت لوحدي بالاستراحه دقيت على نوره..
آحلام: الوو نوره
نوره : نعم
آحلام: مطولين ..؟؟
نوره : ايوه تعالي ..
احلام: العيال فيه ,,؟؟
نوره: ايه بس حنآ جالسين بعييد عنهم تعالي ,,؟؟
آحلام: طيب جايه ..,,!
ريم : نوره هاذي أحلام ,,..
نوره : ايوه احلاموه ,,.
ريم: خليهآ تجي ,,..
نوره : تقول جايه طفشت لوحدهآ ,,,
ريم: ارسلت لـ عناد/ أفرح حبيبتك فـ الطريق ../ أستغربت انه قام ..؟؟
آحلام : فتحت باب الاستراحه ومشيت خطوتين ويطلع عنآد فوجهي..!!
عنآد: وين رايحه ...!!
آحلام: نعم ..؟؟ مصدومه من سؤاله ووقفته قدامي لدرجة اني كنت اناظر فعيونه ..,,
عناد: وييين رايحه...؟؟
آحلام: رايحه للبنات / أتكلم معه وأنا أحس أني فحلم !!!!
عناد: الشباب كلهم هناك أرجعي""
آحلام: خير ..
عناد: أأرجعي عشاني ,, ,وانا أقوم البنات هالحين وأرسلهم لك ,,..؟؟
عنآد: يله أدخلي ,,..!!
آحلام: ورب الكون ماأعرف افسر احساسي مصدومه ممكن ,, مفجوعه أكيد ,, مرتبكه واضح
ناظرت فيه ورجعت بكل بساطه .. ليش طاوعته ورجعت مدري .. فيه شي خلاني ارجع بدون مقاومه !!؟؟
رميت عبايتي على الشماعه ورميت بجسمي على الفراش .. ثواني ولا البنات داخلين الغرفه ..؟؟؟
قلت وصوتي يرجف ليش جيتوو ..؟؟
ساره: الاخ عناد يقول بيجيه رجآل ,..!!؟
بقيت ففراشي الين الفجر حتى العشاء رفضته,..,!!

 
 

 

عرض البوم صور فيتامين سي   رد مع اقتباس
قديم 21-02-17, 02:53 AM   المشاركة رقم: 4
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,104
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


مساءءءكم فل وكادي^^


البارت الثالث,,

آآآه أخيرآ اذن الفجر , صليت ورحت لنوره فالمطبخ ,,
آحلام: صباح الخير ..
نوره : صباح الورد , كل هاذا نوم يالظالمه ,,..
آحلام: وش تسوين
نوره : قهوه أسوي لك معي ..
آحلام: آيه تكفين مصدعه ,..
نوره: افطري على ماجهز القهوه ,,..
آحلام: نوره بروح انظف الفرشه اللي فالحوش الصغير الحقيني ,,.
نوره: طيب ...,,
نوره: آحلى قهوه من آحلى نوره .,,
آحلام: تسلمين,,..
آحلام: نوره أنتي مرتاحه هنآ ,,
نوره: قصدك فالاستراحه ايه مرتاحه ,, وش احلى من جمعتنآ ,الله لايغير علينآ ...,,
آحلام: صح جمعتنا حلوه .. بس ماتتضايقين من الشباب / اقصد ماناخذ راحتنا ..!؟؟
نوره: بالعكس عادي الموضوع .. هم فـ نهاية عيال عمنآ ,, اكيد ماراح يضايقونآ ..,,؟
آحلام: يعني عادي أحد منهم يناظر فيك او يكلمك..,,
نوره: آحلام يمكن لانك ماتجتمعين معنا كثير تحسين ان الموضوع صعب ويمكن لانك ماتطلعين من البيت بعد بس
ترى الوضع عادي انا اجلس مع عيال عمي واضحك معهم ,, كل بنات عمي كذا .. فكيهآ شوي ههههههههههههههه
آحلام: ............................!!
نوره: تدرين آمس أحمد وش يقول لبوي ,,
آحلام: وش يقول:
نوره: يقول زوجني نوره وانا اعطيك همر هديه لأن ابوي يمدح همر عناد .,,
عادي ناظرت فيه وأنا اضحك ,, وطبعآ تركي أستلم احمد سب / الرجال كره نفسه .,,.
آحلام:
ريحني كلام نوره وحسيت أني مكبره السالفه ,, أكيد هاذا طبع عيال عمي
ليش اخذ تصرفات عناد بشكل جدي,,.. ,,..!!
xxxxxxxxxxxxxxxxxxxxxxxxxxxxxxxxxxxx*
عنآد: الووه
ريم: هلا عناد ..,
عناد: سلام,,
ريم: وعليكم السلام ,,.
عناد: لايكون نايمه,,.,,
ريم :لا طبعا احد ينام الساعه 12,,..
عناد: عندك احد ,,.,
ريم : لا أخلص وش تبي ^^
عناد: آحلام وين ,....؟؟
ريم : ياشيخ هههههههههههههههههههههههههه
قالو لك أنا امهآ .. مدري وين ..!؟؟
عناد: ريم عشاني روحي شوفي هي وين ..؟؟
ريم: تتكلم جد..!؟
عناد: ايه أبغى أعرف وش تسوي ..
ريم : طيب لحظه !!
ريم: الووووووو
عناد: معك / هآآآه وش تسوي,,..,,!!
ريم: جالسه مع البنات فالغرفه يتقهوون ,.,,
عناد: ياااااافديتهآآآآآ ...
ريم: والله أني مصدووووووومه منك ..,,!
عناد: هههههههههههههههههههه تبين شي برقد ,.,,
ريم: ايه خلاص تطمنت على العمه آحلام ,,لا مابي شي..؟
عناد: امممممم أجل مع السلامه
ريم: مع الف سلامه,....؟

""""
*بسبب تشكي البنات من الطفش قرر عمي كل ليله طلعه ووزع الطلعات على العوايل
أبتداء ببكره بتكون عند عمي مطلق ..,,

اليوم الثاني صحيت متاخر بديت اجهز لطلعه الساعه 5 العصر تحركنآ من الاستراحه ..
كان عمي حاجز في مكان كله جبال,.,.
قسمنآ الجلسه الحريم لوحدهم والرجال لوحدهم وتفصل بينآ السيارات ,..,
xxxxفكرة مجنونه من ساره أن نروح لسوبر ماركت نجيب أغراض عارضناهآ فالبدايه لانه بعيد
,,اقنعتنآ واقتنعوو البنات بالفكره ,, قالت للحريم أحنآ بنروح نجيب اغراض من البقاله ووافقوو
كنت ميته ضحك منهآ >> البنت هاذي اذا بغت شي تسويه يعني تسويه..؟؟!!
رحنآ 6 بنات نضحك ونسولف ونكت ونعلق ,واصواتـنا واصله لـ اخر الدنيآ ,,.,,
xxxxxxxxxxxx*
تركي: شباب تدرون البنات ويين >> فالبقااااااااااله..؟!
راكان : اي بقاله..!!
تركي: اوقف وانا اقول لك اي بقاله ,, حتى من هنا ترى ماشوفهآآ ززين
أحمد: أنا ولد ابوي ياقوهم قواه كل المسافه هاذي طاقينهآ هههههههههههه
سطام: بسم الله على بناتنآ ماناقصهم الا سيارات ^^
ناصر : ياخوفي تجيني أختي بكره تقول عطني المفتاح باخذ لفه
فالطايف ههههههههه
عنآد: أنا بلحقهم عصى عمي وين ...^^
تركي: وليش انا ماالحقـهم أختي معهم ..
عنآد: حرام بالله مايلحقهم غير أنا ارتاحووو ,,,
أحمد : حلف راع المقناص / ويضحك *
سعود: أذا احتجت مساعده لاتدق علي ههههههههههه
ناصر : عناد جبهم بأذانيهم ^_*
عناد: أزهل ,, بوريهم نجوم القايله ,,..
* دخلنآ السوبر ماركت وأنتشرنآ وكل وحده أخذت كيس وعبته اغراض ,, رميت الكيس اول ماشفت عناد
دخل ,, عدلت النقاب وأنا اسحب ساره عشان تشوف المصيبه اللي حنآ فيهآ ..
آحلام: ساره يازفت شوفي من جآ ...!!
ساره: يمه هذا وش جابه ..
شفته يكلم نوره وغدير ويناظر فينآآ أشر لنآ تعالو,,
عنآد: وين بيقت الشله ..
نوره: ندى والعنود راحو يجيبون مكسرات ,,
عناد: تعالووو..
كان ماسك العصى بيمينه ويضرب بهآ في يده اليسرى,, رحنآ نمشي وراهـ فالسوبر ماركت,,
رغم أني مرتبكه ألا اني مت ضحك على ندى والعنود كل وحده منهم يسراهآ مليانه مكسرات ^^
عنآد: خلصتو أكل...
ندى: هآآآآهـ ^^
عنآد: شريتو مكسرات ..؟؟!
العنود: لاآآآ للحين ,,
عنآد: يعني أنتم بتاكلون أول شي بعدييين بتشرون صح...!!
ندى: لا حنآ نشوف المكسرات زينه ولا لا..
عنآد: آهآآآ..
ساره وغدير ماأسمع ألا شهيقهم فاطسات ضحك ,,
التفت لنآ وقال كل وحده تاخذ اللي تبغآه بسرعه , توزعو البنات ..
وقفت مع نوره قريب من المحاسب وهو رايح جاي فالمحل ..
نوره: آحلام اغراضك وين..
آحلام: رميتهآ يوم شفت بعض الناس ,,
نوره: ياخواااافه ,,.,,
طولوا وأنشغلت بجوالي ماأنتبهت أن نوره راحت للبنات , رفعت راسي على صوت عنآد
عنآد: مره ثانيه ماتروحين مكآن الين تستاذنين...!!
آحلام: أييييييييييييييييييشش^^
عنآد : ولا تطلعين لمكان العيال فيه >> أذا ماتبغيني ارتكب جريمة قتل في واحد منهم ..!
آحلام: حمدلله على نعمة العقل ...!!
بكل بساطه تبسم وهو يقول روحي استعجلي البنات .. جيت البنات معصبه ,,
آحلام: ساعه تشترون انجزوو *
نوره: وش فيك معصبه ..؟؟
آحلام: طفشت وأنا انتظر ..
غدير: آحلام عناد وين ..؟
آحلام: مدري ..
غدير: ياويلي يافديته, بنات شفتوه كيف يجنن//
نوره : خلصو فضحتونآ فالرجال ,,.,,
نزلو البنات الاكياس على طاولة المحاسب ,
عناد: ليش كلكم معكم أغراض الا أحلام,,!!
سكتوو البنات ,, قلت بصوت واطي ...
آحلام: أنا مابي اغراض ..!!
عناد : لا لزوم تاخذين ..^^
آحلام:....................
عناد: آحلام بسرعه وش تبغين ..
حسيت ان البنات مستغربين من الوضع , لفيت وسحبت علبة بيبسي ونزلتهآ على الطاوله ..
حاسب فالاغراض وطلعنا .. وقف على باب المحل وقال
عناد: تبغون ترحون مكان ثاااااااااااني..!!!!!!!!
نوره: لالا خلاص بنرجع..
كان يمشي قدامنآ وربي حتى وهو مقفي ماودي آطالع فيه , اسمع همس ندى وغدير يمدحونه,,
جلسنآ على الفرشه وأنا في عالم ثاني حركة عناد اليوم مقصوده ,, تذكرت كلمته ( اذا ماتبيني ارتكب جريمه فيهم)
أشياء غريبه آحس فيهآ الآن ..نوره تقول عناد اخر اهتمامه الحريم ,, طيب وش اللي جالس يصير معي ..!!
(ذاك اليوم يقول عشاني / واليوم يقول لاتطلعين قدام عيال عمي)
متاكده أني مابي أحب ,, واللي متأكده منه اكثر أني حساسه والاشياء هاذي تاثر في بقوه,,!
بعد العشاء اخذنا بيبسي ورحنا لجبل قريب من الجلسه ونزلنآ النقابات كان الجو روعة قمرا وهواء بارد تكلمنآ في
كل شي وختمناهآ بالزواج صارو البنات يحلمون اللي تقول ابيه طويل ورزه,, واللي تقول شجاع ,,واللي تقول كريم ,,
لفتت أنتباهي غدير وهي تقول : أبـيه عنآآآآآد / انصتت لـ غدير بكل مسامعي وهي تمدحه,,تمنيت وحده منهم تقول لا الصفه
هاذي ماهي فـ عناد ,, الكل ساكت وكأنهم يوافقونهآ الراي ,, ظميت يديني لصدري وبقيت ساكته ...!!
الجديد اللي عرفتـه من غـدير أن عناد فالسلك العسكري بس وش رتبته بالضبط مدري,,
وآنآ جالسه معهم تمنيت أرجع الرياض ابي غرفتي , أبي رواياتي قصايدي خواطري ..
أبي أرجع احلام اللي تخاف تنزل السوق لوحدهآ , ابي احلام اللي تستحي من طاري الزواج..!
آفضل آحلام الخوافه على احلام الجريئه ,,,,,
الساعه 6 الفجر دخلت فراشي ..ركبت السماعات فيروز ..
اليوم صوت فيروز متغير متغير بقوووه "
شلت السماعات من اذاني وماكملت الاغنيه على صوتهآ تذكرت حركات عناد البارح وأنا مابي اذكرهآ
سميت بسم الله ونمت / وأنا احس ان فيه شي يكبر فالجهه اليسرى ....!!

 
 

 

عرض البوم صور فيتامين سي   رد مع اقتباس
قديم 21-02-17, 02:54 AM   المشاركة رقم: 5
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,104
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


مساءءكم ورد وعطر الورد^_^


البارت الرابع,,

العنود: بنات قومو ساعدوني انا لوحدي اشتغل ,,..
ساره: لاحبيبتي ماحزرتي بنوب اليوم الطلعه عندكم ,,آمس ماساعدنا نوره و
بكره لاتساعدوني ..
ندى: صح كل وحده مسئوله عن طلعتهآ ..,,
نوره: يافيكم نذاله تكفي بلد روحو ساعدوهآ أنا تعبانه ..!!
آحلام: آنا بساعدك بما ان طلعتنا باقي عليهآ وقت ,,..
ساره : آم الثقافه بما أن مره وحده ^^
آحلام: ههههههههههههههههه وجع لاتركزين ,,
العنود: يافديت قلبك يله تعالي ...,,
ساعدت العنود وجهزت لطلعه , الساعه 5 العصر كالعاده كنآ هناك ,نزلنآ الاغراض وبسطنآ الفرشه وحطينآ القهوه
آنا والعنود والبنات..
نوره: آحلام وش رايك نلف المنطقه قبل الدنيا تظلم ,,
ساره: نوره بلا هبل تو جلسنآ شويات ونقوم كلنآ ..!
آحلام: يلااا نوره ماعليك منهآآ ..,,
نوره: وهي واقفه// بتمشى أنا وحلومه ربع ساعه وراجعين ..,,
مسكت يد نوره ورحنا نمشي وانا اشوف جلسة الريجيل كلهم يطالعون فينآ , اذن المغرب وحنا بعيد
عن المكان صلينا ورجعنآ ,, لاحظت ان عناد واقف والباقي جالسين وكان يناظر فينا ,,..
نوره: يمه ليش عناد يناظر فينا ..!
آحلام: سويت نفسي مانتبهت للموضوع >> جد يناظر ..؟
نوره: ايه شوفي ,,.,,وتأشر بيدهآ
آحلام:..............................!!
لقينا البنات حاطين الحلا والمكسرات وقضيناها سوالف الين الساعه 10 ,,قامو البنات والحريم بيتمشون
ولاأن العنود جلست لوحدهآ تجهز اغراض العشاء قلت لهآ أني بجلس معهآ
ماكان على الفرشه الا انا وهي جدتي وامي والحريم الكبار عند الريجيل والباقين راحوو يتمشون مع البنات..
طبعآ آحنآ فطلعات نسوي الكبسه على النار وموقع النار بعيد عن فرشتنا ,,
جلست أنا والعنود عند النار ,,..,,
دقت العنود على احمد اخوهآ يجيب حطب زياده ,, استحيت من احمد ووقفت بعيد عن النار
جلس يساعد العنود,, لفيت على فرشة الريجيل ورجعت اناظر في احمد والعنود ..
لفيت مره ثانيه على صوت بوري السياره ,, عناد كان فالسياره ويناظر في _ نزل وجانا
يمشي قربت من العنود ,, وآنا حاسه ان بيصير شي..!!
عناد: سسسسسسسسلام ,وش تسوون ..؟؟
احمد: شوفت عينك اكسر الحطب وازيد على النار ...!!
عناد: تبغون مساعده / كان يناظر في .....!!!
احمد: تسلم شايلينك لعوزه..
عناد: آحلام يابنت عمي عطيني كوب مويه ....!!
يمه هاذا من جده والله لوني اختك /فصدري؟؟؟
آحلام: العنود وين المويه ماعرف مكانهآ ,,//
العنود: آحلام تكفين شوفيهآ مع الكراتين اللي عند السياره ,,..,,
آحلام: الله يسامحك كنت ابيك تجيبينهآ انتي >> فـصدري طبعآ ..؟؟
رحت لجلستنا وطلعت كوب مويه وتفاجأة بـ عناد مقبل علي...
مديت له المويه ,..,,
عناد: خليك هنآ لين يروح احمد ...!!
ناظرت فيه ...وانا ابلع ريقي ,,,
عناد: عجبك المكآن ..؟؟
استوعبت انه يسألني ,,
آحلام: آيه ........
عناد: نجي له مره ثانيه انشاءالله ..!
// لااحد يقول لي ليش رديتي لاني فذيك اللحظه مدري كيف اتصرف , واقفه معه
قدام الناس ويتكلم معي " وش المفروض اسوي فعلآ فعلآ مدري...!!
اخذ المويه وراح لـ احمد , ماقدرت اتحرك شبر واحد ,,اسمعه
يستعجل احمد وبقى مع احمد لين خلص وراحو مع بعض لريجيل ..
وهو يمشي جنب احمد ماسك المويه ويناظر باتجاهي ....!؟
رجعت للفرشه وجلست خفت العنود تحس بشي ,,
تجمعو الحريم والبنات وانا للحين على جلستي "
اللي ابي اعرفه هو متعمد الاشياء هاذي..؟ هو يقصدني انا , عناد اللي كل البنات يتمنونه
الا انا فحياتي مافكرت فيه ولا تمنيته / ليه يتركهم ويجيني ,,
حطو العشاء ,, وسمرو البنات وضحكو وسولفوو وانا لسى فدوامة عناد ,, بدينا نجمع الاغراض بنسري
ركبت مع سطام وخالد""
آحلام: سطام وش تنتظر امش..؟
سطام: وش فيك لايكون ماستانستي ...
آحلام: الا بس ابي ارقد ..؟!!
مشى سطام بسرعه وهو يسولف مع امي وخالد ويخططون لطلعتنا ,, دخلت واخذت دش
وحاولت انام ,,..ماقدرت أبدآ ابدآ "
فكرة بطريقه تخليني مااروح بكره لطلعه ,, فكرة اقول لراكان على تصرفات عناد ,,
فكرة اقول لريم // فكرة وفكرة وفكرة واخر شي لقيتني آتخيل شكله وهو يتكلم ..........!!!!

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxx
الطلعه الثالثه تظاهرت باني تعبانه وكنت جالسه مع امي طووول الوقت راحو البنات للالعاب
وعرفت ان الشباب كانو معهم ,, ماهمني هاذا كله كنت مرتاحه على الاخر وانا جنب امي
والعب بجوالي ,,رجعنآ للاستراحه وسويت لي قهوه ورحت لفراشي وانا اقراء عنوان راويه
جديده متشششووقه لهآ من زمان ,,^^
""
عناد:الووه سلام..
ريم: هلا والله,,!
عناد: ريم روحي مكان مافيه احد بكلمك ,,
ريم: ماعندي احد تكلمم..
عناد: وش فيهآ احلام يقولون تعبانه,,,..
ريم: من قال لك ... ؟؟
عناد: سعود سأل البنات عنهآ وقالو له تعبانه..!!
ريم : توي عرفت منك والله ..
عناد: طيب بالله روحي شوفيهآ ودقي علي...
ريم: يلاا دقايق ,,,
"""""
ريم: آحلام سلامات يقولون تعبانه ../ وهي داخله مع باب الغرفه ..
آحلام: الله يسلمك / وأنا اعدل جلستي ,,,
ريم: حراره ^^
آحلام: لا لا كنت مصدعه والبنات يبغوني اروح معهم اللالعاب قلت لهم اني تعبانه ههههههههههه^^
ريم : هههههههههههههههه الله يعينك عليهم , لازم سبب قوي عشان يقتنعون *
آحلام: ههههههههههههههه
ريم : طيب تبغين حبوب بنادول اجيب لك ..
آحلام: لا تسلمين ياقلبي/ القهوه توفي بالغرض ..
ريم : يلاا اترك مع روايتك ,,
آحلام: .............

"""""
ريم: الووو
عناد: هلاااا
ريم:عناد تطمن مافيها غير العافيه ....
عناد: سألتيهآ ..؟؟
ريم: ايوه رحت لهآ الغرفه لقيتهآ تقراء روايه,,..,,
عناد: والبنات ليش قالو تعبانه ...
ريم: هي كذبت عليهم عشان ماتروح معهم اللالعاب..!
عناد: آهآآآآ "
ريم: خدمه ثانيه ..,,..
عناد: لا خلاص ماقصرتي ,,,
ريم : مع السلامه ..
عناد: مع السسسلامه ^^
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxx*
آحلى خبر زفته لنآ ريم ان الليله مافيه طلعه عمي اجل طلعت عناد ليوم ثاني لانه مشغوول
فرحت من قلبي ,, مرهقه ابي شوية راحه ابي يوم كامل نوم ثم روايات وسوالف وضحك
مابي اشووف أحد..!!

ريم: يمه بدق على عناد وبروح معه السووق فيه اشياء ناقصتني ,,..,!
آم عنآد: عناد الظاهر طلع ...
ريم: بدق اتاكد,,
"""""""
ريم: الووو
عناد:الووه هلاااا ,,
ريم: سلاااام
عناد: وعليكم السلام..
ريم: عناد عندك شغل ..؟؟
عناد: بغيتي شي ...؟
ريم: ايوووا أبغى اروح السووق اذا ماعليك كلافه...!
عناد: متى هالحين,,,
ريم: متى مابغيت بس المهم الليله ..,,..
عناد: خلاص بعد العشاء اوديك..,,
ريم: اووكيه آجل اذا رجعت دق علي ,,
عناد: آنشاءالله ..,,
ريم: بآآآآآآآآآآآآآآي
عناد: مع السسلامه ^

""""""""
عناد: خلاص اخذتي كل اغراضك..,,
ريم: ايووه بس ابي اصرف..,,
عناد: هاتي الاكياس وأنتظريني هنآ / ماباقي الا هي تحاسبين وآنآ موجود شايفتني رخمه ....!!
ريم: عناد ترى ماكنت اقصد شي بس انا متزوجه يعني منت بمسئول عني ,,..,,
عناد: الا مسئول عنك حتى لو انك متزوجه ..,,!
عناد: وش تبغين عشاء ..,,..
ريم: لا خلنآ اول شي ننزل للممشى شف الناس زحمه ..
عناد: ياغالي والطلب رخيص يلاا نزلنآ ...!!
ريم: ههههههههههههههههههههههههههههههههههه
عنآد: وش فيك ,...؟؟
ريم: شفت البنات كيف يطالعون فيك .. ياقوهم...!!!
عناد: ماهــموني / أنا ماشوف الا احلام...
ريم: على طاري آحلام كنك مبالغ في حبهآآ ...
عناد: آآآآآهـ ياريم ياليتهآ تدري أني احبهآآ الحب هاذا كله..,,..
ريم: أوووف عناديقول آآآهـ ...؟؟!!
عناد: ريييييييم ورب الكووون أنهآ اربعه وعشرين ساعه على بآآآلــي....
ريم: وش يعجبك فيهآ أنت حتى ماشفتهآآآ ..؟؟
عناد: آنآ ماهمني شكلهآ أنـتي شوفي تصرفاتهآآ غييييييير غييييير عن كل البنات ,,..,,
ريم: فحياتي ماتوقعتك تحب ...
عناد: ولا آنآ ,, أصلآ ماكنت معترف بشي اسمه حب,,
ريم: والحيين ...,,
عناد: هالحين أبصـم بالعشرة ..!
ريم: تراهآ خوافـه / يعني بشويش عليهآ ..
عناد: وآنآ وش ذابحني غير خوفهآ ,, !!
ريم : متى اول مره شفتهآ ..؟
عناد: مدري / بس اللي اذكره اني اول ماجيت الاستراحه شفت بنات عمي كلهم الا هي ,,بعدين
شفتهآ كم مره من بعيد ,,
عناد: ريم تذكرين طلعتنآ يوم ناداهآ عمي مطلق وعيت تجي وارسل لهآراكان وجابهآ ..
ريم: آيه اذكر""
عناد: كبرت فـ عيني ذيك الليله , حركتهآ خلتني اراقبهآ غصبآ عني ..
ريم:عنآد انتبه احد من أخوانهآ يلاحظ علاك شي تراهم يموتون فيهآ ..,,.,
عنآد: والله مافكرت فـ خوانهآ صح أنهم كفوو بس ماعلي منهم / آنآ خايف أقول كلمه ولا أسوي حركه
جريئه ( وتزعل هي علــــي ) ...!؟!
ريم: أوف آحلام الطيبه الهاديه تسوي فـ خوي كذا ,,!!
عنآد: آآآهـ ياريــم >>> تـجيني لحظااات أفكر آسحبهآ من يـدهآ وأظمهآ ...!!
ريم: عناد الجنان فكنآ منـه تراهآ بنت عمك / وعندهآ أخوان يقطعونك ويرمون لحمك ..؟؟!
عناد: قلت لك والله مافكرت فيهم ولا فـ غيرهم ,, يمنعني عن الغلط العرف والدين وعاداتنا وتقاليدنآ..
ريم: طيب آنآ جعت ماودك تعشيني ..^^
عناد: تعالي اركبي السياره وانا بجيب العشاء واجي ...*



,
,
,

يارب تعجبكم / والفجر انشاءالله بنزل بارت,,

 
 

 

عرض البوم صور فيتامين سي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحلام, داخل, ديربي, يعشق, عواد, ولنا, نجد،للكاتبة/, قمرها،سعودية(مكتملة)
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:11 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية