صبآحكم حب , وورد, وقهوة ^^
صحيت بعدالظهر وانا كارهه كل شي ,,,
طفشت من التجمعات آحس اني مراقبه ,مااخذ راحتي ابد
اخلاقي زفت ونفسيتي فالحضيض ومجبوره ابتسم ,,حتى الاكل لو بقول مالي نفس الكل بيهاوش ويلزم اني آكل..
حريتي واستقلالي وراحتي اللي كنت القاها فـ بيتناا اليوم افتقدهاا بشكل كبير.,,
ابتسمت وانا اناظر فالعنود تضحك وترفع صوتها بالضحك ,,
حسيت أننآ مانختلف عن الرجال كثيير الكل منا يلعب بالمشاعر ,,البارح العنود تبكي بسبب خبر خطبةعناد
واليوم تضحك وكآن الخبر مر عليه سنين,, قلت بهمس سبحان مغير الاحوال وانا اقرب منهااا ..؟؟
حطت يدها على فمهاا وهي تقول : هماكم تقولون لاتبكين على واحد مادرى عنك ليه مستغربين..؟؟!!
قلت وانا احاول احافظ على ابتسامتي : وليه بكيتي من البدايه..؟
العنود: الصدمه الاولى /وتناظر وترمشش بعيونهاا وتضحححكك...!!
العنود اكبر مني بـ سنه بس تصرفاتهاا طفوليه بشكل كبير ..’’
بعد صمت طويل >> يعني ماتحبينه...؟!!
استغربت اني لسى بالموضوع توقعت اني انهيته ..’’
العنود: تحط فمها عند اذني / الله لايحبه شوفيه راح وخطب ولا فكر في ...!!
xxxx
مااتمنى آعيش في مجتمع كذا , بنات عمي على عيني وعلى راسي ,الا ان التساهل اللي اشوفه عندهم
فالمشاعر يخوفني بسهوله يحبون وبسهوله اكثر يكرهون..!!
(عمر الحب ماكان علاقه سطحيه ومشاعر بارده , الحب وفاء ,آحساس راقي يربطك بالطرف الاخر ,
يخليك تفرح لفرحه وتموت لضيقته, الحب اختلاف في وجهات النظر وثبات آحاسيس و مشاعر ..؟؟
قبل عناد كنت اقول ان اخواني معوضيني حنان الاب , قبل عناد آحاسيسي متزنه آو ظنيت انها متزنه..!
تصرفاته "حركة في مشاعر وآحاسيس من نوع ثاني ,,
شفت الدنيآ آجمل بسببهآ ..وفجأة صحيت على واقع ماتمنيته آبدآ..)؟!
"""""""""
آنتشر الخبر بسرعة البرق ولقيت الكل يتكلم بالخطبه / البعض يعاتب ليه ماقلتوو لنآ/
/والبعض يمدح عناد وانه يستاهل كل خير/
مهاا كانت محور الحديث ..كم عمرهآ..خلصت دراسه.. موافقه على الزواج..طووويله ولا قصيره..؟!
قامت جدتي من جلستنا على المغرب وراحت لريجيل...
هناك على الفرشه الكل مجتمع عماني ,اخواني,عيال عمي..
جدتي وهي تجلس بينهم:مطلق دريت ان بناخيك عناد خاطب ..!
عناد: اي خطبه..؟!بستغراب
عمي مطلق: من يقول ان عناد خاطب ..؟
جدتي: آمه تبشرني تقول انه خاطب بنت اختهاا ..
عناد:.............................
عمي مطلق: يابوك كان قلت لنا حنا نبا لك الخير ..
راكان: الله يوفقك ياولد العم ايه تزوج ترى مابقى الا انا وانت من الكبار..!
ناصر:آفآ وليش ماخذت من بنات عمك..’’
تركي: خل الرجال براحته هو اللي يبي يتزوج وبكيفه..’’
عناد: ياعمي انا ماخطبت من احد ,آمي تبيني اخذ بنت اختهاا
وانا افكر يمكن اخذها ويمكن ارفضهآآ ....؟؟!!
عمي مطلق: الله يكتب لك اللي يسرك ..’’
آحمد: عناد وش رايك نعرس انا وانت سواا
عناد:........................ >>يصد عنه..!!
"""""""""
عناد بعد ماقام الكل من الجلسه يطلع جواله..!
عناد: ريــــــــــــم,,
ريم: نعم > بخوف..!
عناد: تعالي لي وجيبي امي معك فالخيمه..>> وقـفل..
ريم وهي واقفه: عناد فيه احدعندك..؟
عناد: لاااا
عناد: يمه تعالي آجلسي هنا>> مكانه تقديرآ لهآ ^^
جلس قدام امه بهدووء وهو يقول..
عناد: ميمتي انا خطبت بنت خالتي..؟
آم عناد: آنت ماخطبت آنا اللي خطب لك..
عناد: وليش تخطبين لي بدون علمي ؟
آم عناد وهي تعدل جلستهآ: عارفتن انك بتعيي كاالعاده ,
ومابي بنت اختي تروح لرجال ثاني وانت عزوبي,,!
عناد: يمه الله يرضى لي علاك انا ماخطبت بنت اختك ولا ابي اتزوج هالحين وصلي هاذا
الكلام لخالتي وبنتهاا وخلي البنت تشوف نصيبهاا وين ..
ريم: وهي جالسه جنب عناد: يمه المفروض قبل لاتكلمين خالتي تعلمين عناد..^^
آم عناد: انا خطبت مهاا واشوف ان مايناسبك غيرها..>> بكل صرامه..!!
عناد: آنا ماودي اغضبك بس بنت خالتي الله يستر علاه ويرزقهاا اللي اخير مني..
آم عناد: من تبغى >>من هي اللي ترفض مهاا عشانهاا / بزعل..
عنــاد: بنات عمي واجد اذا بغيت اتزوج خطبت منهم..
آم عناد: اعجبوك بنات عمك هالحين ,,كنت رافضهم >> وكملت
خالتك ومهاا ردو عرسان واجد على شاني,, تبيني اقول لهم خلاص هونا عن الزواج مانبي بنتكم..!
عناد : آجل انا بتصرف بس الشي اللي بسويه لاتزعلين منه واعرفي انك انتي اللي حديتيني علاه,,
وابوي اتركيه عندي اذا رجع انا افهمه السالفه..!
آم عناد بعصبيه: وش بتسوي..؟؟
عناد: بطلع نفسي من الورطه اللي حطيتوني فيهاا ماباقي الا تزوجوني على كيفكم وبدون علمي..!؟
وطلع من الخيمه,,..دق عناد على تركي وطلب منه السياره ربع ساعه رجع تركي وكان عناد ينتظره
ركب السياره وحرك ولا قال لااحد وين رايح ..!!
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxx*
جاني اتصال الساعه 10 طيرني فرح خالتي تقووووووووووول انهاا هنا فطايف جايين يومين وبيرجعون يعني
اليوم الخميس وبكره الجمعة والسبت او الاحد راجعين جده / فررصة آقول لراكان اني بروح لهم اليومين هاذي..
وارتاح من الضيقة كل ماشفت عناد ..رميت الجوال وطلعت لـ امي قلت لهاا ..,,
دقيت على راكان وقلت له ,وفرحني راكان اكثر يوم قال انه بيعزمهم بكره على العشششاء هنا فالمخيييم.,,
راكان ماله حجه يرفض اناا ببقى معهم هنا فالطايف > هو كان رافض لاأني بروح جده..
البنات كانوو جالسين بعيد عن الخيمه رحت لهم ..,’’
آحلام:آحم آحم
نوره: بنات لاتقولون لـ احلام..,,
آحلام: ويشش سرر..>وانا متقطعه فرح..
ساره: احلامووهـ فرحانه وش السبب لايكون انخطبتي وخليتيني..
العنود: ماتسويها
احلام وتخون العيش والملح > وتمسح على راسي ..
نوره: ياويل قلبي بيذبحوني هالخمه ,,وتناظر في وتبتسم ,وفجاة >>ليه فرحانه ياالملعونه*_^
البنات: هههههههههههههههههههه
ندى: توك تهاوشيناااا عشان الفضووول .,.
آحلام:قطعة كلامهم بكره خوالي بيجون هنااا ,,
نوره: خوالك> كذااابه من جده..,,؟
آحلام: لا لا هم فالطايف وبكره راكان بيسوي لهم عشاء ..
ماقلت للبنات اني مقرر اروح معهم لاني خايفه يعقدوني,, رجعنا وكملنا سهرتنا على الفرشة ,
الساعه 1ونص جانا فيصل مرسلينه العيال يسأل ريم عناد وين رايح وليه ماجا للحين >>لانهم يدقون عليه جواله مقفل ,,
ريم قالت لهم انها ماتعرف وين رايح وتدق جواله مقفل ,, مااحد رقد كلنا سهرنا حتى الحريم الكبار ,,
آم عناد كانت خايفه وكل ربع ساعه تخلي ريم تدق على عناد >ونفس الجواب جواله مقفل ..!
تظاهرة بان الموضوع مايهمني ,ولا لي دخل يغيب آو يحضر , قلبي مايريحني اشغلني عليه , كنت اقول فـ صدري هو رجله
تعبانه وين راح وليه يسوق السياره ,,..
قبل لاانام سمعت ريم تقول لـ امهاا ان عناد رد عليهآ > ويقول انه في مشوار قريب..!!
ماقال وين رايح>سؤال ام عناد
وكان جواب ريم>لاااا
"""""""""""""
بعد صلاة الجمعة اكد راكان عزيمة خوالي وقمت الف المكان نظفت ,وجهزت الاغراض, وارسلت لخالتي رساله:
" خالتوو ترى مخططه اروح معكم ,تكفين كلمي خالي يقول لركان ويغصبه ,,
واذا رجعتو جده انا ارجع هنا> بقول لـ امي / واخواني عند خالي>> لاتنسسين كلميه اهم شي راكان ""
ارسلتهاا لنوف خالتي ..
وقلت لـ امي فالبدايه عارضة بس قدرت اقنعها,نشرة الخبر بين البنات ورغم زعلهم
الا اني فرحانه .."
xxxxطلبت من نوره تروح مع عمي السوق تجيب لنا اغراض لان فيه اشياء مهمه ناقصه علاناا
مع انهاا كانت زعلانه علي بس واقفة وعطيتها الفلوس وكتبت لها الاغراض ,
ساره سحبت العبايه وهي تقول بروح معتسس ,, دق تركي وقال انه هو اللي بيودي نوره ,,
سمعت العمه ندى وشفتهاا توقف جنب نوره وتلعب بصابعهاا >>بروح معكم بلييييززز,,
نوره: وع وع وع ماهوب لايق الدلع خصوصآ في هالمكان ماناقصك الا ناقه وبرقه*_*
ساره ونوره >>فاطسين ضحك على شكلهآ..
وقف تركي برا وضرب بوري وهو ينتظرهم..!!
طلعو البنات وشفت ندى وقفت بنص الطريق..؟!
نوره: وش فيك امشي ,,’’
ندى: آحمد مع تركي فالسيارة.!
نوره: واذا احمد مع تركي حنا وش عليناا > وتسحبهآ
ندى: لا لا خلاص بطلت روحو انتم >> ورجعت بسسسرعه للخيمه..
كملت نوره مشوارهآآ ..
بعد ماركبت نوره السيارة ارسلت لتركي
"" ندى كانت بتروح معنا بس تراجعت يوم شافت المزيون اللي جنبك>>تقصد آحمد هههههههه
تركي : يضضضضحك ^^ وهو يرسل" هي عارفه اني بوديكم ولا تحسبه ابوي..؟؟
ارسلت نوره: ايه عارفه ويمكن جايه عشانك بعد بس بعض الناس وجهه يقطع الرزق>> طبعآ مافيه غير آحمد
ههههههههههههههههههههه
تركي: فاطس ضضضحك..
آحمد: بسم الله انت تضحك مع نفسسسسك؟
تركي: ياخي فيه واحد من الشباب سوالفه تضححك الله لايحرمني منه..!!
ويناظر فـ نوره فالمرايه / ويضحك ,,
تركي فرح لان ندى رفضت تروح بسبب احمد ولان فيه امل انهاا ترفضه ^..^
""""
شرفو خوالي المكان , وجلسنا برا وحطينا قهوتنا وضحك وسوالف ولاني مشغوله
ماقدرت اروح اتمشى مع خالتي والبنات , عرفت من خالد ان عناد بيوصل الليله اخر الليل >
سالته جدتي :عناد وين رايح ..؟؟
خالد: سألناهـ ياجده عياا يقول >>المهم انه بخير وبيوصل على 2او3 الفجر تطمني,,..
xxxx يمه يارب يوافق راكان اروح مع خوالي , ماودي آشوفه ,,
ارسل لي خالي " جهزي " ماصدقت دقيت على راكان وقال انه موافق بشرط يجيني ياخذني قبل يروحون
جده صحت وانا اقول مووووووووووافقه ..!!
xxxx*
""""""""""""""
عناد: الووووه
ريم: هلا وغلاا عاش من سمع هالصوت > زعلانه منه..
عناد: طيبين ..؟؟
ريم: بخييييرر حمدلله,أنت وينك..؟
عناد: جااااي مع الطريق ..!
ريم: من وين لايكون رحت لحايل ..,,
عناد: آحوووول لامارحت لحايل بعدين آقولك >>المهم من عندكم ..؟
ريم: خوال راكان ..,,
عناد: وآحلام وش آخبارهآ...
ريم: بخير وابشرك فرحانه بتروح مع خوالهاا ..
عناد: آيييييييييشششششش > وين بتروح/ بعصبية
ريم: بسم الله مع خوالهاا..
عناد: ريم قولي لهاا لاتروح..!!
ريم: ياشيخ, تبيني اقول لهاا لاتروحين مع خوالك ..!!
عناد: طيب اسمعي انتي وصلي لهاا رسال"" آن عناد يقول لاتروحين ""
ريم:........................
عناد: خلاص >>بقهر
ريم: خلاص اقول لهاا وامري لله..
عناد:مع السلامه..
ريم:.....................
بعد العشاء جهزت شنطتي الصغيره وانا اتمنى نمشي بسرع وقت ,
ريم واقفه على باب الخيمه وتاشر لي ,,
آحلام : نعم..
ريم: تعالي ابيك..!!
دخلتني جوا الخيمه وكانت حريصه مااحد يسمع وقفت قدامي ومسكت يدي اليسرى:
ريم: عناد يقول قولي لهاا // لاتروح مع خوالهآ...
آنصدمت ياجرائته للحين ماترك حركاته سحبت يدي وانا اقول,,
وعناد على اي اساس يتدخل في , ومنهو عناد عشان يقول لاتروحين او روحي ...؟؟!!
من نظرات ريم واضح ان صدمتهاا اقوى من صدمتي كانت مبهوره مستغربه انفعالي كل علامات
التعجب مرسومه على وجههاا ..’’
سمعت صوت خالتي تناديني تقول يلاااا مشيناا ..
مع السلامه قلتهاا وانا مقفيه وتاركه ريم ..؟!
سلمت على امي واخذت شنطتي وركبت السياره ..^^
""""""""
ريم: الووو
عناد: هلاا ريم ..>> هاآآه بشري..
ريم: تدري وش قالت ...؟؟
عناد: وش قالت >> بتعجب
ريم: تقول منهو عناد عشاااان يقول لاتروحين وعلى اي اساس يتدخل..!!
عناد:..................................,,
ريم: شفت البنت معها حق مالنا دخل ..!!
عناد: ريم مع السسسسسسسلامه> وقفل
ريم.................................!!
""""""""
(ريم) الساعه 2 وربع وصل عناد ورحت له قبل لاينزل من السياره
وانا ملهوفه اعرف وين كان وكيف نفسيته بعد كلام آحلااااام..؟
ريم: حمد لله على السلامع>> تبتسممم^^
عناد: الله يسلمك // بدون نفسس
ريم: وين رحت >> سألته وانا خايفه منه..!!
عناد: رحت لرياض>> وهو يمشي للخيمه..!!
لحقته تعال ليش الرياض..؟
عناد وهو يلف علي وعيونه تقول آنه سهران وواضح على وجهه التعب,
: قولي لـ آمي اني حليت المشكله اللي حطتني فيهاا مع خالتي وبنتهآآ..!!
ريم: انت كنت عند خالتي فـ الرياض طيب كيف حليتهاا >>>عناد عناد,,
ناديته بفهم السالفه بس تركني وراح لفراشه يناااام وهو واضح انه متضايق والسبب
االاكيييد انه من آحلام .....!!
21-02-17, 03:05 AM
رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)
جديد مواضيع قسم القصص المكتمله
العرض العادي
