33))عِشق بِلا قُيود.. ..
،
مدخل;
حينما يكون سندك هو خصمك.. فالى اين المفر؟!
لا شيء اوجع ولا اشقى من ظلم من ترجو أمانه..لكنها هي الدنيا رديفه لمعنى الدناءه يا صاحبي..
لذلك من سما فيها بعمله وخلقه يسمونه اهلها شريف لتميزه عن البقيه بصفة النبل ..
والا لكان كل اهل الدنيا سواسيه!!
،
.
،
.
،
تعيش لتحقق ذاتها.. لم تعيش يوماً لإرضاء احدٍ غير والديها..كبريائها اغلى بالنسبة إليها من قلبها، ففي قاموسها لا تفكر كثيراً بالراحلين، وتؤمن ان خروج احدهم من حياتها مكسب بالنسبة لها فتردد بمواساه تخالطها تنهيدة وجع "لعله خير"
سهرت ليلتها مع جدها قبيل ان ينام..ضلت تتحدث معه وتستجوبه عن
قصص الماضي وقصائده بلا ملل،حتى تعب منها ونام كعادته ينام الساعه الحاديه عشرا.. تركته بعدما غطته جيداً ..
خرجت من غرفته لتذهب لترئ اختها "ريم" قبل ان تنام هي.. قد علمت من والدتها انها كانت تبكي..!!
فتحت الباب بعدما طرقته وأطلَّت برأسها/البكايه ناامت والا بعدها؟
لم تستطيع الابتسامه هي تجلس هناك منهاره، مرعوبه، حالتها ليست بخير ابداً/سلهام ويينك عني؟
خافت وهي ترئ عيناها متورمتان،لابد وأنها ضلت تبكي طويلاً ،اتجهت اليها وهي تحاول تهدأتها بالامساك بيديها/ريمي شفييك؟ خوفتيني، والله انشغلت بـ جدي شوي
تكلمت وهي ترجف بصوت باكي ومبحوح/يهددني يا سلهام.. يقول اذا ما رجعت اكلمه زي قبل بيفضحني!
لم تستطيع تحمل اعصابها لتمسك بها من ياقة البيجامه وتنفضها بغضب اتضح في ملامحها ونبرة صوتها/اصدقيني القول.. انتي سويتي شي غير الشات ؟ صورتي له شي انا ماعرفه!! تكللمي حسبي الله على عدوك
هي تؤمن انها تستحق الضرب لأنها عرفت اخيراً شناعة ما ارتكبته من معصيه اولاً وفضيحه ثانياً/ارسلت له كم صوره بفستان ومرتين ببنطلون و بس بدون وجهي.. وعيوني بدون باقي ملامحي.. وبسس والله هذا كل شي
دفعتها لخلفها وهي تشعر بأن رأسها سينفجر من شدة ما سمعته،ماذا ستفعل الآن،صرخت بها بانفعال/كل اللي سويتيه وتقولين بسس!!.اصلاً معاد خليتي شي.. تدرين شلوون، هاتي جواالك بسرعه هااتيه خليني اعرف كيف اتصرف مع هالسلقه اللي يبيك و صورك..
خافت اكثر وهي تمد هاتفها المحمول/وش ناويه عليه انتي؟
اتجهت الى صفحته في انستغرام واشارت إليها/هذي هي صفحة النحيس؟
تكلمت بخوف/ايه.. وهذي صوره
ضلت تتأمل صوره وهي ترفع رأسها لأختها،لتتعمد إشعارها بالخجل والأسف/يعني علاقه محرمه ومع واحد اشهب و وجهه كذااا؟! ماعندك نظرر؟!! والا ابليس مزينه في عينك؟!!
بكت وهي ترى اختها تحتقرها/انا ادري اني غلطانه.. سواءاً هو زين او شين.. ما يحتاج تدققين
تخصرت بيدها اليسار وهي ترفع حاجبها/بعععد! ماتبين اسسب ولا اتريق؟!.. خليني اشوف له صرفه،..انتي تعرفين وين ساكن هالاشهب؟
ريم وهي كفكف دموعها بظهر كفيها/يقول ساكن بالظهران..شركة اهله هناك وكل شي..شناويه عليه؟
ابتسمت سلهام بخيبة وهي تتصفح صفحته في الانستغرام و ترى مدى غباء اختها،ماذا اعماها عن اشياء كهذه/اجل يقولك ساكن بالظهران و راعي شركات هااه…!!!
استغربت نبرة اختها وتركيزها على ملفه الشخصي/ايه.. انتي وش تبين في بروفايله بالله؟!!!!
ألتفتت اليها وهي تصّغر عينيها وترفع حاجبها الأيسر/تظنين اني خاقه علئ وجهه المخنز؟!… والله لو انه تميم بن خالد على غفله علشان تضيع علومي لا شفته!!..
استغربت وهي تنطق اسم طليقها وتعلن انه يعجبها/اجل وش تطالعين فيه؟! كله صور
ابتسمت وهي تشعر بأن مهمتها بدت سهله،هو استغبئ اختها وهي سترد عليها بغبائه هو/هالخروف اللي يبي يستذأب عليتس ..كذوووب لا هو بالظهران ولا عنده شركات ولاهم يحزنون.. اخونا فالله هنااا في الخبر لا و ساكن بالاحياء الجنوبيه بعد..ههههه و مسوي فيها كاش وهو يسرق صور و يحطها بحسابه!!
استغربت ريم هذه الحقائق/احللفي!! طيب كيف عرفتي؟
تنهدت بحسره، فهذه الأخت ليست مثلها ابداً هي تتصرف بعاطفه غبيه اكثر،وتتجنب العقلانيه في امورها/حسسااافه انك اختي والله العظيم حساافه، شلون تتركين عقلك على جنب وتركضين وراء قلبك وسخافات مالها صله بالواقع..
شعرت بضيق وهي تستفيق على نفسها امام واقع ليس كما رسمته في خيالها الوردي/يعني هو ما يحبني؟!!
ستجن منها بالتأكيد/انا هاللحين تأكدت ان انفصالي عن تميم "خيره" و الحمدلله جيت هنا بالوقت المناسب، خلاني ربي ألحق عليك و انظف هالراس من الغباء المستفحل فيك.. يلا اجلسي لا تدوسين على قدمك واجد والا ترى بدعس عليها بنفسي خليها تبطي ما طابت
نظرت اليها بخوف وهي تجلس على سريرها/تسوينها والله
رفعت رأسها من شاشة الجوال وهي ترمقها بحده/يالله انك تعيني علئ غباءك يختي.. خليني اتصرف مع عويمر حقك هذا وانتي جهزي نفسك بعد بكرا طيارتك انتي وامي وابوي.. لازم تسوين عمليه تجميليه بقدمك..و انتبهي عليها، أما عااامر.. آآه والله وانا سلهام بنت ابن حاكم لخليه يتووب عن شي اسمه انستغرام ومطارد البنات..
تألمت من قدمها وهي تسترخي وتمدها/اااه يا ررجلي
جلست سلهام في المقابل لها وهي تسأل باستغراب ممزوج بفضول وهي تتأمل جرح أختها/انا مستغربه من شي وااحد، هاللحين انتي وش خلاك تدوسين قزازه كبر راسك؟ والله لو انك ضعيفة نظر..
تنهدت وهي تتذكر ما حدث وتتخيله/كنت ابي اخذ الهدفون المتلعوز مع سلك ثاني و سحبت السلك والسلك سحب سلك ثاني وطاحت الابجوره وانكسرت ،و مشيت كنت بدوس علئ قزازه صغيره لكن قفزت ابي اتجاوزها و دست باللي هي اكبر .
ابتسمت وهي تتذكر ما انت تظنه/اشوى ان الموضوع كذا وانا قلت وش هالانتحار المريض ذا ههههههههه
ضحكت ريم بسخريه/اممااا عااد انتحر علشان هالسبب…
فتحت عينيها على اتساعها وهي غاضبه/لا والله؟!! هماك بكيتي يالغبيه وهاللحين تووك موقفه بكاء بسببه
سكتت لم تجد جواب..! ،عرفت كمية الغباء الذي كانت تكتنزها في رأسها.. جميلاً ان اختها بجانبها،هي الآن مطمئنه ..ستمر هذه المعضله على خير بالتأكيد..
.
،
.
،
.
،
.
في طريقه متجهاً لرماح.. قاصداً إستعادة أخته سيعتذر لوجعها مما فعله بجاد بها.. لن يغفر لنفسه هذا الخطأ مهما سامحته..هو يعلم انه فطر قلبها بقسوته لكن كان يريد المحافظه على كرامتها فقط، لم يشأ أن يبعدها عن منزل والدها ..آه ذلك البجاد لا يفقه أبداً الى متى سيضل يصحح أخطاءه..!!
شعر وكأن سيارته "اللاند كروزر" ثقيله ..لا تسير كما يجب.. وتُظهر صوتاً حينما يزيد في سرعته..
آه ماذا فعل بها بجاد حينما اخذها اخر مره ليذهب لاستراحة اصحابه في البر!!
ضل يسير في طريقه.. ليرى ذلك الكمين في منتصف الطريق.. توقف كالعاده..هنالك تفتيش مشدد!! لم يوقفونه يوماً في نقطة تفتيش.. استغرب من تواجد رجال الامن حوله هو فقط وهنالك من يصوب سلاحه ناحية مركبته ويأمره بالنزول/يا راااعي اللاند كروز انززل بسررعه وبدوون مقاومه..
شعر بالغرابه مالمشكله يا ترى؟!، نزل وهو يرفع يديه للأعلى باستسلام وأضواء كاشفات الأمن مسلطه عليه بشكل أربكه ووتره/وش فيه يا اخوان
هاجمه ثلاثه رجال أمن من القوات الخاصه ليطرحوه ارضاً ويكبلوا يديه ويوقفوه مجدداً .
والبقيه ذهبت لتتفقد السياره التي ورد اليهم بلاغاً بتهريبها اسلحه وممنوعات. فعلاً كانت كذلك..
اكتفى بالصمت فالموقف مخيف جداً ولم يتعرض لهكذا في حياته،لطالما كان رجل اعمال نزيه، دُهش مما رآهم يُخرجونه من سيارته لم يستطيع النطق بكلمه واحده حتى! ،
اقتادوه في تلك السياره السوداء الضخمه التابعه للامن.. ثم انطلقوا به..
لا يزال لا يعلم بما يحدث حوله ،استدرك نفسه ثم صرخ بهم/يا ناااس وش فييه.. ليه رابطين عيوني طييب .احد يعلمني وين انتم موديني؟!!! ..
تكلم كثيراً ولكن أحداً لم يعيره الانتباه ليصمت وهو يشعر بقلّة حيلته وبقهر الرجال.. للحظه شك بأن حاكم هو خلف ما يحدث له الآن.. بالتأكيد… تذكر ما قاله سطام ذات مره "حاكم يستغل منصبه ورتبته في أذيتنا"، لكن تلك الأسلحه لمن.. لا يعقل ان تكون من حاكم.. و بنفس الوقت ليس له عداوات مع احد.. من قد يكون وضعه في هذا المأزق؟!..اسئله كثيره تدور في رأسه ولا يجد لها حل!!
آه يالقهر الرجال..
.
،
.
،
.
،
يسدل الليل ستائر الظلام على تلك المدينه.. ليسكن كل شيءٍ فيها.. ينتهي صخب النهار و تبدأ حفلات السهر !!
..يغرق الجميع في عالمه الخاص..منهم من يسهر وحيداً ومنهم محظوظٌ وجد من يرافقه السهر..
في غرفتهما الخاصه.. تجلس بجانب ذيب وهي تستند عليه ويتابعان فيلماً وتتحدث معه وهي تحاول إبعاد يده عن خصرها/ذيب ترى ماحب افلام المضارب هذي..بقوم
همس لها لتصمت وهو يشد على خصرها/اششش .
حاولت نزع يده التي تحاصر خصرها النحيل،لكن دون جدوى، وهو يتمسك بها بكل هذه القوه،استسلمت وعادت تسند رأسها عليه وهي تمد شفتيها وتعلن عن احتجاجها بطريقه طفوليه صامته..
لحظات ليرن هاتفها وتفرح وتلتفت اليه/جوالي يدق.
ابتسم وهو يشاهدها تحاول التهرب منه بأي طريقه/اعتقتك
اخذت هاتفها وهي ترمقه بنظراتها المشاكسه/الوه.. نعم.. هلا تووق..
على الطرف الآخر،كانت متردده فالوقت ليس مناسباً/السلام.. زين اللي عرفتيني.
استغربت اتصالها/وعليكم السلام.. شدعوه اكيد بعرف صوتك
ترددت توق/متى وصلتوا؟
عرفت ان لديها شيء لتقوله لن تتصل في هذا الوقت لمجرد تضييع الوقت بالثرثره/تووق ،ماظنتي دقيتي علشان ذالسؤال.. وش صاير يا بنت،ليه متصله هالوقت؟
بدون مقدمات/علشان مضاوي..
ذهبت لتجلس على سريرها وهي مستغربه/وش فيها مضاوي؟
اكملت توق/انتي تقولين ان لها ولد؟ طيب وينه؟ابي اعرف قصتها معه
استغربت اكثر سؤالها عن "القصه" هذا يعني انها تعرف عنها/انتي وش تبين توصلين له بالضبط يا بنت..
توق بإلحاح/طلبتك تكلميني عن ولد مضاوي وبعدها بقولك
تحدثت بما تعرفه،فهي تثق بتوق/مضاوي كانت متزوجه من كم سنه بس من ثلاث سنوات جابت ولد برماح وام زوجها قالت لها انه مات.. وبس
ذيب التفت اليها وهو مستغرب كيف عرفت شيهانه اصلاً لابد وان مضاوي تحدثت معها، ثم اتجه اليها وجلس بجانبها فالقصه بدأت تشده،همس لشيهانه/وش العلم؟!
أشارت له ليصمت.. وتحدثت مع توق/تووق تكفين وش بلاتس تذكرتي هالسالفه وش طراها عليتس؟
تنهدت توق وهي تقرر اخبارها/فهد ولد مضاوي ما مات يا شيهانه.. فهد عايش الله يحفظه
ابتلعت ريق المفاجأه وهي تلتفت الى ذيب بعينين لامعه/فهد عايش؟..توق كيف عرفتي ووينه فيه تكفين
توق/عرفته بطريقتي يومن الله اراد.. اما وينه فيه.. انتي تعرفينه وقد شفتيه بعد.. فهود ولد ام عساف يكون هو نفسه ولد مضاوي
التفتت الى ذيب الذي رأت بريق عينيه، فدمعت هي/توق تقول ان فهود ولد ام عساف يكون ولد اختك يا ذيب..!
لم يستطيع إبداء ردة فعل سوى أنه وقف وهو يصد بوجهه بعيداً عنها لألا ترى تأثره..
عادت لتحدث توق/اللهم لك الحمد والشكر.. تووق احبتس والله العظيم الله يبشرتس بالجنه
ضحكت/امين ..وياك يا رب… اسمعيني ززين لا تقولون لمضاوي مره وحده.. شوي شوي عليها ،انا من شفت حبها للاطفال وانا خايفه من ردة فعلها لو عرفت ان ولدها عايش.. تكفون بشويش عليها مايحتاج اوصيك
بتأييد/اكييد اكيد.. يا عمري يا فهدنا.. يلا سلام توق وبرجع اكلمك اكيد وباخذ كل العلوم..
اغلقت الهاتف وهي تلتفت لذيب وتذهب اليه لترئ وجهه ،تفاجأت به مخضب بالدموع لأول مره منذ عرفته، مسحت دموعه باصبعيها الابهام وهي تبتسم/ماقول الا يحظ ولدك فيك.
عاد ليتحدث اليها وقلبه موجوع/كنت هذاك اليوم بدعسه بالسياره.. وهذاك اليوم اختي بغت تستخف عليه.. كان قلبها حاس ان هالولد لها هي.
هي لم تتفاجأ/بالنسبه لي ماستغربت تعلقها بفهد.. مضاوي تحب كل الصغار.. وتصورهم بجوالها.
حاول الالتفات/انا بروح اجيبه هاللحين ماهو قاعد هناك ثاانيه وحده
ابتسمت/يا رجل اقعد شوي.. الامور ماهي بهالبساطه.. لازم لها ترتيب.. لا تنسى ام عساف اللي رضعته و ربته من وهو مولود ،يعني تراه هو ولدها.. ثانياً نفسية الطفل ونفسية اختك اللي لازم نمهد لها الخبر.. اخاف قلبها ما يتحمل من الفرحه
جلس يفكر بما قالته.. حديثها صحيح ..كيف سيبدأون..
ابتسم وهو يتخيل وجود طفل يركض في هذا المنزل الذي يفتقد ضحكات الاطفال/اخيراً بيجينا ولد يغير حياة هالبيت، والله لاسوي له استقبال ما صار ولا بيصير الا لولد مضاوي
بابتسامه جانبيه واحساس غيره لا تستطيع ان تسيطر عليه بداخلها، يتصاعد صوت الـ "أنا" بداخلها فتشعر انه يجب ان يكون لها لوحدها فقط تود لو تسحبه من عالمه لعالمها، لولا رجاحة عقلها لفعلتها واستفردت به،لكنه يسمو في عينيها اكثر واكثر حينما ترى تعامله الجميل مع والدته واخته ذلك يزيد من حجم محبته بداخلها، تكلمت بنبره مازحه/اشوف فرحت اكثر من فرحتك بولدك!! ..شكلي بندم اني جمعتكم بفهد
التفت اليها بابتسامته الصامته، فجنون غيرتها لذيذ، ثم جلس على تلك الاريكه وهو يفكر بما حدث وكيف سيتصرف ، كل شيء حدث بسرعه وفجأه يظهر فهد..
اتجهت اليه وهي تجلس بجانبه وتمسك بيمينه لترفعها و تضعها على قلبها الذي يضطرب بجلوسها بجانبه، ونظرت الى عينيه وهي تهمس/وش تحس؟
لاحظ نبضاتها تتسارع مع اضطراب تنفسها وبريق عينيها، ضل يتأمل تصرفاتها الغريبه، وهو يعرف ما تريد/وش ذا؟
شعرت باحباط ولكن حاولت ان تجعله يتفاعل معها/انت قول وش ..
قرر مجاراتها وهو مستمتع/نبضات قلبتس سريعه!! .
ابتسمت ، بدأ يتفاعل/ايوه، وش تعني؟
اكمل وهو يمثل الخوف/هذا يعني ان السهر خطر عليتس ولازم اطلع اسهر برا.. واخليتس تنامين بدري لانتس حامل السهر مايصلح لتس
ابعدت يده عن مكان قلبها باحباط/تدري شلون ماالت، انا وش رماني و خلاني احبك اصلاً..
اكملت وهي تتجه الى سريرها لتنام/قال رومانسيه قال! ، عمرك ماتغير يابو سروال وفانيله. الرومانسيه بجهه وانت بجهه ثااانيه… تصبح على خير
انفجر ضاحكاً وهو يراها تفضفض بشكل مضحك، اتجه الى جهته من السرير و رفع طرف اللحاف ليستلقي و يتغطى به وينام/تصبحين على خير..
لم تعيره اهميه وهي تدير له ظهرها وتتمتم/باااارد
كتم ضحكته وهو يستمتع بردود فعلها تجاه تصرفاته التي يتعمدها، ضل دقيقتين ينظر للسقف ثم التفت اليها وهو يرى شعرها المنثور ، لمس طرفه بيده ، أرادها تلتفت إليه ليرى وجهها فتحدث بصوته الهامس/وش بنسمي بنتنا؟
ألتفتت وهي تستغرب سؤاله ونبرته/وش خلاك تظن انها بنت؟يمكن ولد
تحدث ببتسامه دافئه/من حملتي و انتي كل يوم تزيدين حلى..اكيد هاللي في بطنتس بنت
ذابت من اسلوب حديثه وهي تهمس بابتسامه/صدق؟!
مد يده وهو يمسك بيدها التي على وسادتها ويداعب اصابعها/عاد يا رب تطلع تشبهتس،عيونتس شعرتس ابتسامتتس..
باسلوب طفولي تتضح فيه غيرتها اللا إراديه/البنت تجذب ابوها ويحبها اكثر من أمها انا مابي بنت.. يارب يطلع ولد
استلقى و ابتسامته تتسع مازال يتفاجئ كل يوم بغيرتها المجنونه وضحك قليلاً/ماصدق تغارين من بنتتس؟!!
اقتربت منه وهي تريح رأسها على صدره العاري و تحتضنه بابتسامه/يقولون "البنت جارة أمها" يا حبيبي يحبها اكثر ويغليها اكثر وتدلع عليه، اكيد بغار
ابعدها عنه وهو يجلس ينظر لعينيها لحظه،وهو يتذكر لحظة اطلاقها النار بين قدميه و أول لقاء لهما بعد عقد الزواج/اللي يسمع كلامتس هاللحين مايقول انها قد صوبت بالسلاح علي!!
لمعت عينيها بابتسامه وهي تتذكر خوفها تلك الليله ولحاقه بها واطلاقها النار بين قدميه وتراه بعدما عاشرته وعرفته جيداً/من لا يعرفك يا ذيب ما يثمّنك .. قول امين عساها ماتعرفك وحده غيري.
..
،
.
،
.
،
.
لربما يغيرك موقف او تغيرك حادثه قد مررت بها أو رأيت احداً قد مر بها.. ولكن المهم ان تتغير للافضل لك بالمقام الاول..فإن كنت انت متسامحاً مع نفسك فأنت حتماً ستشعر بقيمة كل الأشياء الجميله التي بين يديك ولم تكن تراها سابقاً..
استيقظت باكراً بكمية سعاده تستشعرها مع انفاسها في شهيقها وزفيرها ... وقفت في مطبخها وهي تعد الفطور لها و لصقر وأمير اللذان استيقظا باكراً ويلعبان كرة القدم في باحة المنزل..
يغمرها شعور بالرضا منذ بزوغ هذا الصباح.. لم تعرف سبب ذلك الشعور الجميل، لكنه رائع فعلاً..
فاجأها وهو يداهمها و يطبع قبله على خدها/صباح الخير ياحلوة اللبن
التفتت اليه وهي تعطيه صحن الفطور/صباح النور ولو اني زعلانه منك
ضحك وهو يضع الصحن على الطاوله ويلتفت اليها/افاا يا ذالعلم وليه ام تميم زعلانه..
بنبرة عتب/مرت خالك سعد البارح دقت علي وتقول انك ارسلت ورقة نوير… ضاق صدري عليها
حاول الابتسام بهدوء ليشرح لها ما يريدها ان تفهمه/لا يضيق صدرتس يمه..هالطلاق عادل ولمصلحة نوير انا مابي اظلمها معي،بإمكاني اخليها على ذمتي واتزوج على كيفي لكن حرام علي مابي اخليها عندي حجر زاويه بالبيت وقلبي لاهي مع غيرها ..عساها تتزوج اللي يحطها على راسه واحسن مني بعد.. كذا احسن لي ولها..
وكأنها اقتنعت بحديثه، فعلاً هكذا افضل من ان تصبح نوير نسخه أخرى منها ، تنهدت بأسف على حاله الغير مستقر/وطلقت سلهام بعد! … يمه متى بشوفك مستقر وعندك عيال؟!
ابتسم و كأنه يذكرها بما فعلته يعرف تماماً انها لا تريد سلهام وساهمت في كراهيتها لهذا المنزل/هذا شي راجعلك يمه.. ارضي علي وبيوفقني الله
**اخذ الفطور وهو يقف و يهم بالخروج/تراني باخذ الفطور للحوش عند العيال يالحبيبه
ضلت جالسه تفكر فيما قاله لها (هذا شي راجعلك)..عرفت ما يقصد.. ستكون من الان مع مايريده ابنها. تريد ان تراه سعيداً من قلبه..، لن تفتعل المشاكل ..
قطع تفكيرها صوت هاتفها.. وردت بعد رؤية اسم "أم صالح" (يالله صباح خير)../هلا ام صالح… وشووو.. لاحول ولا قوّه الا بالله.. متى توفيت الله يرحمها كانت بخير قبل امس كنا عندها.. إنا لله وانا اليه راجعون… ان شاء الله بروح معتس بحط فطور عيالي و نروح لبناتها سوا..
اغلقت هاتفها وهي تكفكف دموعها على وفاة احدى الجارات المقربات، قد كانت بخير لم تعلم انها مريضه بالقلب الا منذ مده قصيره.. كانت تضحك كثيراً رغم انها تفتقد لأبنائها الذين ابعدتهم اعمالهم عنها.. هذه الدنيا صغيره جداً لا تحتمل ان نضيعها في امور تافهه، الاجتماع افضل من الفرقه..يجب ان تفعل جميلاً في المتبقي من عمرها..قررت أنها ستستغل كل عمل ترى فيه سعاده للجميع وستقدم عليه السعاده تكمن في المشاركه ، غداً سنرحل ونريد ان يُدعى لنا لا علينا.
.
،
.
،
.
،
نزلت من السياره قادمه بعد طول غياب.. دخلت وهي تبحث عن ساكني منزلها الذي عاشت معظم طفولتها به..هنا ألتقت بعائلتها الحقيقيه واخويها المشاغبين.. هنا ضحكت كثيراً..
حينما نكبر ونغترب عن بيتنا الأول يصبح حتى بكاء الطفوله له حنين خاص..
دخلت و لم تجد غير الهدوء وصوت مذيع القناه السعوديه يقدم موجز الأخبار قادم من ذلك المجلس..
ذهبت باتجاه الصوت لتجد ام حاكم تجلس هنالك وقد مال رأسها على جنب وهي تغرق في نومها وامامها دلّة قهوتها وفناجينها وكأنها كانت تنتظر أحداً..او قد زارها احد ثم ذهب..
غريبه اين ذهب الجميع؟!! ابتسمت وهي ترى وجهه أمها بالرضاعه.. تلك السيده كانت أماً حقيقيه لها..
جلست تحتسي من القهوه.. وتنتظرها تستفيق من نفسها عز عليها ان تزعجها..
لحظات لتستفيق، شعرت وكان هنالك احد.. فتحت عينيها لترى الفتاه التي تُشعرها بمعنى الحياه لترتسم ابتسامتها وهي تقف/عجاااايب يمه!! ياا مررحبا ومسهلا
وقفت لها وهي تحتضنها/لبى قلبتس يمه..
أحست بها تبكي فشعرت بالغصه وهي تحتضنها و شدت عليها/حبيبتي يمه ليه تبكين.. اخواني فيهم شي؟ وش صاير بغيابي وماعلمتوني!
حاولت التوقف عن البكاء والابتسام قدر المستطاع،فغياب ابناءها يجعلها تفتقدهم وتشعر بالوحده/لا يمه بس اشتقت لتس..
شعرت بها وهي تُجلّسها وتجلس بجانبها وتمسح دموعها/لا تبكين جعلني قبلتس.. دموعتس تحرق قلبي والله.
كفكفت دموعها وهي تتأمل وجهها بابتسامه/ارب معتس اجازه وبتطولين عندي
لم يكن معها سوا اسبوع لكن ستحاول اسعادها/معي اجازه كثر اللي تبين.. لا يضيق صدرتس..
تمتمت بسعاده/الحمدلله.. اجل وين حَمّود حبيب جدته
اخذت لها فنجان لتسكب لوالدتها/طلب من ابوه يوديه البحر يبي يسبح ولد عجايب.. قلت انا نزلوني عند امي وروحوا المكان اللي تبونه… الا وين توق مالها حس وحاكم وين دياره و وصايف
تنهدت/توق عند اهلها من زمان، يبون حاكم يطلقها والسالفه طالت .. اما اخوتس معاد يقعد، دايم مشغول..و وصايف تجيني اسبوعياً وتنام عندي ليلة السبت.. بعد زين من زوجها يخليها تنام عندي ليله.
لم يعجبها ما يحدث بين توق واخيها الذي طال عذابه/لاحوول ولا قوه الا بالله.. اخوي ماعنده سالفه بصراحه خلاص يطلقها اريح لراسه من مناشب ذالعرب.. السالفه بالحيل مصخت يمه..خلوا بنتهم لهم و..
قاطعتها بهدوء/البنت مالها ذنب ، انا اعرف توق يمه زوجه صالحه وتحب ولدي ومدللته ..لكن ماندري وش ظروف اهلها ..
تنهدت/هذي اشهد بها وانا ماسبيت توق هي ونعم البنت… بس اخوي تمرمط يمه.. ما يستاهل يسوون فيه كذا.. وانتي بعد افزعي له ترى انتي أمه،
ابتسمت/يا بنتي لو انه عايفها كان طلقها ..لكنه للحين يبيها ..ليه اتدخل؟ماهو بزر خليه يصلح اموره مع اهل زوجته وانا بدعي له ربي يكتب له الحظ الزين
فعلاً هذه السيده عظيمه وراقيه، لم تشتكي يوماً او تتذمر من زارها فهو غالٍ ومن غاب عنها دعت له بالتوفيق،لا تحب الحديث في احد، قبلت رأسها/ربي لا يخيب رجاتس في عيالتس يالغاليه..
.
19-11-15, 06:00 PM
رد: عشق بلا قيود للكاتبة شخصية خيالية
جديد مواضيع قسم القصص المكتمله
العرض العادي
