كاتب الموضوع :
ابو فارس
المنتدى :
القصص المكتمله
الجـزء >> 30 <<
وتين وإهي مو رآيقه كلش : آففف ..
الجوري تناظرها قالت : شـ فيك ؟؟
وتين : وربي مو قادرهـ اتحمل من غير وسن .. وبعدين ما اقدر أتحمل أسبوع ما اسمع صوتها ..
هنادي : يـ النصابه وين أسبوع .. قبل 4 أـيام إتصلت فيك ..
وتين : ماطولت .. جا لها الغثيث ..
الجوري : ههههههههههههههههههههههههه ..
وتين تنرفزت : اـنا أحر وإنتي تضحكين .. أكيد مو هامكم غياب وسن ..
الجوري : بـ العكس كلنا مفتقدينها .. لكن هذي الحياة .. يعني شـ نسوي .. !! نصيبها ويا راكان .. وإن شاء الله راح تزورنا .. يعني إنتي صغريها تصغر ..
وتين سكتت .. مهما تكلمت ما احد بيفهمها ..
بـ الحديقه .. الماسه وإهي تكمل .. : دخلوا علي البنات .. وحصلوني أبكي .. قالت غيوض .. الماسه شـ فيك ..؟؟ قلت يعني ماسمعتوا .. قالت العنود إنتي تبينه .. بس سُلطان حلف وسُلطان من غير حلف ينفذ كلامه فما بالك لما حلف .. قلت أـنا ماقلت آبيه .. بس صراخه علي وكلامه كان قوي .. العنود .. أـنا اقول الله يعين جوهرهـ أكيد دخل عليها معصب .. غيوض .. إي والله الله يعينها ..
العنود تسأل جوهرهـ : بـ الله عليك لما دخل كان معصب ..!
جوهرهـ : ههههههه .. أـنا سامعه كل صراخه وكنت بـ الغرفه ولما دخل واهو معصب عملت حالي ما ادري عن شيء وكنت ساكته .. لكن لما ناظرته ما أدري تبسمت غصب واهو تبسم ونسى السالفه ..
الحريم صارخوا ..
بدر : أكيد تبسمين بينسى السالفه ..
وسام : الله يخلف عليكم ياخواته .. الصراخ لكم وتوزيع الإبتسامات لـ جوهرهـ ..
ضحكوا عليه ..
غيوض : والله إننا شايلين همها هذاك اليوم ..
العنود : واثاري البنت غاطسه بـ العسل ..
الماسه : هههههههههههههههه .. { كملت } والبنات يحاولون فيني اسكت لكن مافي فايدهـ ..
حاتم : إيوا عاد إنتي ياعمه على الريحه ..
العنود : والله ماسكتت .. ولا قدرنا عليها ..
الماسه ضحكت وكملت : وتسألني غيوض منهو زوجك إللي بيجيبه لك .. قلت واـنا آبكي ما ادري .. المهم مرت ساعتين والبنات عندي وأـنا بس أبكي .. قالت العنود ..
العنود صارخت قالت : ويلك إذا بتقولين ..
الماسه : والله لـ أقول . . { كملت } العنود قالت .. أـخاف سُلطان ماهو راضي على ناصر يصير زوجي ولا يتكلم إلا ليلة الزواج ..
هنا الكل إنفجر ضحك ..
العنود : ياوسخه إنتي وياهم ..
خالد واهو يضحك قال واهو يغمز : أجل ناصر وليلة الزواج .. أثاريك ياعمه تفكيرك كله فيه ..
ضحكوا ..
العنود وإهي تضحك : لإني خفت وقتها ..
الماسه : إسمع دُرر غيوض ..
خالد : كملي فضايح عماتي ..
العنود تضحك .. وغيوض ضحكت ..
الماسه وإهي تضحك : تقول ما أتوقع رافض ناصر ... لإنو ناصر أخو صالح وإثنينهم أولاد عمنا ..
هنا الكل إنفجر ضحك ..
خالد : ههههههههههههههههههههههههههههههههههههههههه .. صراحه عماتي عليهم أفكار .. هههههههههههههههههههههههههههههههههههه
حاتم : هههههههههههههههههههههههههه .. أجل أخو صالح ..
حمد أول مرهـ يضحك من قلب بعد إللي صار له مع خلود من أـيام المزرعه : ههههههههههههههههههههه .. واولاد عمنا .. لا الدعوى شغل تفكير ..
بدر واهو يضحك : ياي على تفكير البنات ..
كلهم : ههههههههههههههههههههههههههههههههههههههههههههههه
الشباب دموعهم تنزل من الضحك .. الماسه تمسح دموعها ولا إهي قادرهـ تكمل ..
العنود وإهي كاتمه ضحكتها : إضحكوا .. شـ عليكم ..
غيوض تضحك : عاد هذا تفكيرنا شـ نسوي ..
تركي واهو يضحك : يُمه ههههههه .. هذا تفكير ههههههههههههههههههههههه
وسام يكمل : بزر .. يعني سوري على الكلمه ..
ضحكوا كلهم ..
الماسسه وإهي تاخذ نفس ودموعها تنزل وتمسح فيها قالت : المهم .. عدا اليوم على خير .. واليوم الثاني جا لي أبوي .. ولما شفت ابوي قلت خلاص سُلطان اليوم قاتلني ..
ضحكوا عليها ..
الماسه : ياحلوهـ لما جا لي قالي : يابوك الزواج قسمه ونصيب .. وأخوك سُلطان ماهو راضي وأـنا ما آبي أخسر أخوك عشان واحد ما أعرف عنه وسُلطان شككني فيه .. والله لما قالي ابوي كذا كأن هموم الدنيا إنزاحت عني .. وابوي قال لـ ابو عامر نفس الكلام .. ولدي سُلطان ماهو راضي وأـنا أثق فـ رآي ولدي ولا آبي أخسرهـ .. عامر وقتها حقد على سُلطان ..
تركي : سوري على المقاطعه لكن وين خوالي الباقين .. يعني من قلتي السالفه بس خالي سُلطان إللي بـ الصورهـ ..
الماسه : سعد الله يعافيه ماهمه لو أخذ منو .. وبـ صراحه عبدالله وسعد مايعرفون الناس كثر سُلطان .. { كملت } مر علي سُلطان بـ الليل وقال بكل هدوء .. حلو صار إللي آبيه .. وكل هذا لـ مصلحتك .. وطلع من عندي من قبل لا أقول شيء ..
تركي : والله ماعندهـ تفاهم ..
الماسه : سُلطان فهـ الأمور ما أحد يناقشه ..
بدر : فـ كل الأمور ..
الماسه ضحكت له وقالت تكمل : راح لـ ابوي وقال ترا بيجون لك خطاب بكرهـ
لـ الماسه وهذيل رياجيل وينشد فيهم الظهر .. يعني ماهو خسارهـ فيهم الماسه .. قال أبوي بكل طيبه .. يعني أزوجهم ..
هنا ضحكوا ..
خالد : ياقلبي .. جدي خذا موقف ..
جوهرهـ : لا مو كذا .. بس يخاف إنو مو مناسب لـ الماسه .. فـ حب ياخذ الشيء الأكيد من سُلطان ..
فيصل : إشتغل دفاع سُلطان ..
ضحكوا عليه ..
الماسه : لا والله سُلطان معاهـ حق وراح تعرفون ذا الحين .. { كملت سالفتها } رد سُلطان إيوا .. وصدقني كل إللي سويته لـ مصلحتها وهذا إن شاء الله ما راح تندمون عليه .. { كمل سُلطان بكل طيبه واهو يبوس راس أبوهـ } يُبه أـنا ما آبي خواتي يتزوجون اي واحد .. غيوض والعنود الحمدلله ربي رزقهم بـ عيال عمي وتأكد لو في عيال عمي فيهم اي شيء يعيبهم صدقني رديتهم من غير اي تفاهم .. وإن شاء الله الماسه ربي بيسعدها مع المتقدم لها ..
أبو سعد : يابوي الرجال مايعيبه إلا جيبه ..
سُلطان : لا .. عندي كل شيء غلط ممكن يعيب الرجال ..
بدر : كفوووو والله ..
حاتم : صادق أبوي كل شيء غلط في الرجال أكيد بيعيبه .. لإنو هذا زواج مو لعبه ..
الماسه : إيوا نفس كلام أبوك .. المهم مر علي سُلطان وقالي فهد بيتقدم لك بكرهـ وإذا شاورك أبوي ويلك لو ماوافقتي .. حركت راسي بـ الموافقه ..
العنود وإهي تضحك : ما شاء الله عليها تفسخ من واحد وتشبك فـ واحد ..
ضحكوا عليها ..
الماسه : تقدم فهد من عائله مالنا علاقه فيهم لكن عائله معروفه وتناسبنا يعني .. وافقنا وتزوجنا والحمدلله ومابعمري ندمت .. لكن إللي صار بعد كذا .. إنو عامر زاد كرهه لـ سُلطان .. وصار إلا يتجلس له بكل شيء .. لكن سُلطان كان أقوى منه .. وإللي عرفته إنهم سكروا على أمواله ..
حاتم : لا خبرك عتيق .. ذا الحين شغال الرجال لكن عليه رقابه ..
الماسه : ياخذ بليسه .. بعد وقت خبرني سُلطان إنو رفض عامر عشان طيشه وإنو كثير سفرات للخارج ويعرف عن سواليفه بـ الخارج وفلوسه مش مضبوطه ..
خالد : إلـى الأن ..
بدر : بكذا إنتهت السالفه ..؟؟
الماسه : لسا .. قبل كم شهر إتصل فـ فهد وكان يطلب إيد ريناد لـ ولدهـ الكبير ..
بدر بكل حقد : الحقير ..
ضحكوا علليه ..
حاتم واهو يضرب على كتفه : أبو الشباب تراها ماراحت له .. تراها لك ..
سكت بدر ..
العنود : قِطع ولا قلتي لنا ..
الماسه : ماحبيت أقول عشان مايوصل الخبر لـ سُلطان وتنفتح السالفه القديمه .. المهم .. قلت لـ فهد . . تجلس بنتي عندي تعنس ولا ازوجها لـ ولد لـ عامر .. الله يخلي لي سُلطان إللي بعدني عنه ..
{ سكتت شوي وقالت } بـ أقول شيء .. لكن أول آبي وعد من كل واحد إنو السالفه ماتوصل للرياجيل .. وآبي وعد ثاني منكم ولا أحد يسوي شيء ..
كلهم عرفوا إنو الموضوع كبير ومع كذا خذت من الكل وعدين ..
الماسه ماتدري كيف تقول : قبل شهر كان يجي لي إزعاجات على رقمي وكنت أستغرب منو هذا الرقم .. وكأنه يعرفني .. ويتكلم عن أشياء قديمه .. زواج وما أدري إيه .. هذا بس مسجات .. { الشباب عقدوا حواجبهم .. كملت } وقبل كم يوم ويتصل فيني .. قلت إلا أشوف نهايه للحقارهـ هذي ورديت قلت خير .. جاني صوت غريب وقال : نسيتي يـ الماسه ..
عصبت وقلت : من إنت وبـ اي حق تتكلم كذا ..!
قالي : أول تعطيني الأمان ..
قلت : عطيتك .. وإخلص علي ..
قالي وهذا إللي صدمني .. أـنا توقعت من هـ الشباب وبكلمتين يسكت : عامر
يـ الماسه عامر إللي ماحب غيرك .. إنتي مطلب الكل .. مستحيل أنساك .. شفت ربي ماكتب لنا نصيب وقلت أتقرب لك عن طريق ولدي لـ بنتك لكن { وكمل جملته بـ نبرهـ وقحه } كنتوا بايعين إلـى اليوم .. ليش يـ الماسه ..
الشباب والحريم مصدومين .. عدا حاتم إللي يعرف بـ السالفه ..
الماسه وإهي شوي وتصيح .. : والله خفت وماتوقعت بيوصل لـ رقمي وإنصدمت منه لما ذكر الإسم وكان ردي عليه تقفيله بـ وجهه ما أدري شـ كنت بـ اقول من قبل لكن ماقدرت أتكلم . .. خفت علاقتي ويا فهد .. خفت على بناتي .. ورجع دق ولا رديت .. ومسج " أـنا قريب من بيتكم وكل يوم لازم أشوفه " شوفوا سب الشباب وكلماته " الحقير ’ الواطي ’ الخسيس ’ ماهو رجال ’ والله لـ يشوف شغله " الماسه تكمل : ماقلت لـ فهد وخفت زود من لما قال قريب من بيتي نزلت تحت وقفلت البيبان كلها ومريت لـ غرفة كل وحدهـ من بناتي وحصلتهم جالسين كلهم بـ الصاله إللي فوق .. جلست معاهم شوي وكان الإزعاج مستمر .. شكوا البنات إنو فيني شيء وسألوا لكن ماعطيتهم اي خبر .. كان وقتها يتردد على تفكيري إنو مايخاف الله من كلام سُلطان وكل شيء عندهـ بـ الحرام .. خفت على ولدي وحيدي راشد .. ورحت اطل عليه مرهـ ثانيه وكان نايم .. رجعت للبنات ومندمجين بـ التي في .. رجعت لـ غرفتي .. ومسجاته شغاله .. ما أدري وقتها شـ اسوي آبي اصرخ اطلع إللي بـ خاطري من خوف لكن مو قادرهـ في شيء يمنعني .. هذاك اليوم فقدت أمان فهد وأبوي وامي وسُلطان من بعيد لـ بعيد .. عرفت إنو متأكد إنو سُلطان مسافر وإلا كان ماتجرأ يتصل وبيبقى على المسجات .. وفهد كان مسافر لـ جدهـ عشان زواج أخوهـ .. خفت أقفل موبايلي ويتصل فهد لإنو وقت إتصاله فـ الوقت هذا .. وقلت مستحيل أرد على فهد واـنا حالتي كذا .. يتصل ويحصله مفتوح ويدق ويعرف إني نايمه ولا يدق ويحصله مغلق ويقلق علي .. ليلتها وربي مانمت من المسجات إللي تجيني منه .. وأخر شيء إستقريت بـ الصاله وأـنا قبال الباب وانتظر بس يفتح الباب علينا .. خفت أتصل فـ أحد منكم وينشغل باله ويكبر السالفه .. إتصلت بـ الحارس وقلت في سيارهـ برا .. طل على الشارع وقال كثير سيارات .. كلامه كان بـ إذني يتردد وخصوصاً كنت آبي القرب منك بـ ولدي لـ بنتك .. بايعين وليش يـ الماسه .. كرهت إسمي وكرهت اليوم إللي مر علي فيه إسم عامر .. { كملت وإهي تبكي } أـنا ما بعمر شفته .. ما ادري اهو كيف شافني .. وأخر مسج منه كان اليوم وتهديد صريح .. إذا ماوصلنا لـ حل راح ينتقم مني ومن سُلطان فـ بناتي وإلا ولدي وكاتب أخر شيء " أتوقع بناتك وولدك الوحيد يستحقون إنك تضحين عشانهم " وغطت وجهها بـ إيدها تبكي ..
إنصدموا شنو هـ الوقاحه وتهديد صريح ..
جوهرهـ وإهي معصبه : سُلطان لازم يعرف عشان يتوقف عند حدهـ .. الناس ماهم لعبه .. خير يهدد ومن عطاهـ الحق يتصل فـ وحدهـ متزوجه .. !!
الحريم معصبات ..
الشباب إشتغلت الغيرهـ والنخوهـ عندهم .. وإللي زادهم بكا الماسه ..
حاتم قام وجلس بجنبها وجلس بـ جبنها من الجهه الثانيه حمد ..
حاتم : عمه أـنا انهيت الموضوع صدقيني .. ومستحيل يدق رقمك مرهـ ثانيه .. إلا مستحيل يفكر ..
الماسه وإهي تبكي : إنت ماتعرفه .. هذا مايهممه شيء .. أـنا خايفه على بناتي وراشد .. عادي أـنا مو مهم المهم بناتي وراشد ..
حاتم عصب : خير مو مهم .. إنتي الأساس .. والله العظيم مستحيل يتصل فيك .. عمه أـنا حلفت .. إنتي من جدك أتساهل فـ موضوع وحدهـ من لحمي ودمي .. وحدهـ شرفها من شرفي .. مستحيل ياعمه .. وإللي جا له يكفيه ..
الماسه وإهي باقي مغطيه عيونها بـ إيدها : شـ سويت له ..
حاتم : جا له نصيبه .. { ناظروهـ كلهم .. كمل } أجل يتعرض لـ شرفي واسكت له .. خلاص إللي كلاهـ قبل شوي من الشباب يكفيه العمر كله ... وينومه بـ المستشفى شهر قدام .. وإذا فيه خير يشتكي .. أـنا صرحت له من أـنا وعرف إنو غلط وفي أمه خير يشتكي وإلا يتكلم بـ كلمه ..
الماسه وإهي يزداد بكاها : ليش يابوي .. إنت كذا تخليه يحقد عليك ..
حاتم : قلعته .. وبعدين مستحيل يسويها .. يعرف من حاتم بن سُلطان ..
تركي بقهر : إلا قليل عليه .. ولسا ما جا له إللي ختامها مسك ..
حاتم ماسك إيد عمته ويقول : عمه لا تضيقين خلقك ..
حمد يبوس راسها وبكل حنان : يُمه خلاص . . دموعك لاتنزل خوف من واحد حقير مثل هذا ..
مسحت دموعها وقالت : ما ادري شـ راح يقول فهد إذا عرف ..!
حاتم : فهد متفهم ولا راح يقول شيء ..
العنود : لاتقولين له ...
جوهرهـ : لا .. قولي ليه عشان لا يجي وقت ويعرف من نفسه وساعتها يكبر الموضوع من جد ..
الماسه : لازم يعرف .. بس ما ادري عن هـ الواطي شـ ناوي عليه .. إذا بيتي مراقبه ..
الشباب يغلون من القهر وغيرتهم زادت ..
خاالد بـ عصبيه : إذا تبين نوصل السالفه لـ أبوي ثم كل واحد مننا ياخذ حقك منه ..
تركي بنفس العصبيه : هذا واحد ......... { كمل } أستغفر الله بس ..
سعود : ماله إلا إحنا .. والله مايبقى بخير ..
فارس : نطلع له ذا الحين ..!!
حاتم واهو يكتم غيضه : إللي جا له مني يكفيه ..
حمد : آي يكفيه .. !! هذا تكلم وخلص .. مايكفيه .. خله يتعلم أكثر ..
بدر وكل حقد الدنيا فيه : إذا طلع من كفخت حاتم دخل مرهـ ثانيه عشاني ..
تركي : كل واحد يسنعه .. أجل حريمنا لعبه عندهـ ..
حاتم : إلا شـ رآيكم فـ حريمهم ..!!
الشباب فكروا شوي قال فارس : تهقى تنفع ..!
حاتم : وحدهـ بـ وحدهـ والبادي أظلم .. ومثل ماجربنا إحنا خله يجرب اهو .. هذا إذا كان عندهـ نخوهـ ..
بدر : حلو .. بيتهم معروف ..
جوهرهـ : لا يابوي ..
حاتم : يُمه إحنا مو ضارينها .. بس درس له .. طقه بـ الراس وخفيفه ..
خالد : ما ادري كيف سالفة حريمهم ..!!
حاتم : يلا وعشان مايصير مشاكل ودعوى شرف وما ادري إيش .. تعرفون إحنا شباب وممكن يشتبه فينا إننا تعدينا الحدود .. راح ناخذ من عندهم وحدهـ صغنوونه يوم واحد وبس .. نلعب معاها ونفسحها يوم وخلاص نرجعها لما يصير إللي في بالنا ..
جوهرهـ : تحملوا إللي بيجي لكم من سُلطان إذا عرف ..
حاتم : الدعوى كبيرهـ .. دعوى شرف .. واهو إللي إبتدأ .. يعني ينكتم ..
وسسام : صراحه عليك خطط ..
حاتم واهو يضحك : شـ رآيكم يوم زواج بدر .. ناخذها ترقص مع البنات شوي ونرجعها بعد الزواج ومعاها رساله لـ أبوها ..
تركي عدل جلسته : أخاف يمسك هذا علينا ..!!
حاتم : لا تشيل هم .. وإذا على المسكه .. أـنا ماسك عليه وعلى أولادهـ بلااااااااااااوي .. وعندي كل شيء وبدليل .. وبعدين اهو يفكر مليون مرهـ قبل لا يسوي شيء لنا بعد إللي صار .. لإنو إعتذر قبل لا ينكفخ من الشباب .. وقال إنو إذا يرضيني يطلع من السعوديه كلها راح يطلع بس الخبر مايوصل لـ ابوي ..
صارخوا الشباب متحمسين ..
جوهرهـ : والله ماتسووونها .. حرام عليكم ..
حاتم : يُمه سواليف رد الشرف مافيها حرام ..
جوهرهـ : ترضى أحد يخطف أحد من بناتكم الصغار ..
خالد : يُمه السالفه بس كم ساعه وإحنا مو ضاريننها ..
جوههرهـ : أـنا حلفت عليكم وإللي ييبي يقطع حلفي يسوي الشيء هذا ..
سكتوا .. لإنهم مايقدرون يقطعون حلفها .. لكن إلا يدبرونها بـ طريقتهم .. ودرس ماينساهـ طول العمر ..
وسام يغير الجو : أثاري أبوي له خطط لـ بعيد ..!
ضحكت الماسه وعيونها حمر وخشمها وقالت : الله يخليه لي .. من جد مافهمت إلا لما خذيت فهد ..
حمد : طيب عمي فهد يعرف بسالفة خطوبتك من قبل ..
الماسه : سُلطان مخبرهـ بكل شيء .. واساساً اهو كان يبيني من قبل لكن هذا { ماحبت تنطق إسمه } تقدم قبله ..
بدر : والله ياخالي حتى من اهو صغير قوي ..
العنود : ماهو شيء .. اهو إللي كان له علينا كلمه أكثر من أبوي الله يعافيه لنا ..
خالد : طيب وجدتي شـ كان رآيها بـ إللي صار كله ..؟
غيوض : عاد أمي كانت على طووول ويا سُلطان ..
العنود : بس مع هذا كانت قسوة سُلطان علينا ولما يجي عند غيوض يلين شوي مو كثير .. لكن أفضل مننا ...
الماسه تقاطعها : حتى أمي وأبوي ..
بدر : شـ معنى ؟؟
غيوض : عشاني إختهم من الأبو فـ يدارون خاطري مداراهـ .. والله إني ماحسيت فـ فقدان أمي الله يرحمها مع حنان أمكم وربي كأنها أمي وأكثر .. { كملت وإهي تمسح دموعها } صحيح مالحقت على أمي الله يرحمها ... لكن مع هذا الحمد لله ربي عوضني خير .. خذا مني أمي وعطاني أم ثانيه وأبو وأخوان وزوج وذا الحين أولاد شـ كثرهم الحمدلله .. { تقصد أولادها واولاد أخوانها }
تبسموا لها بكل حُب وتقدير .. كانت بـ جنب حاتم لف وباس راسها وقال : عسى الله يخليك لنا ..
غيوض طيبة قلب بشكل ..قالت : ويخليكم لي كلكم ..
بدر وشوي ويصيح : يُمه أـنا ما أقدر أشوف دموعك .. يُمه أـنا حمار عند طيبة قلبك الكبيرهـ وقام وحضنها وإهي حضنته ونزلت دموعها على حُبها لـ أولادها .. تتمنى تشوفهم مرتاحين وسعيدين .. والحمدلله هذا إللي تشوفه ..
تركي واهو يكون طبيعي : بدووور يادوووب خلاااص .. شوي على أمي ..
أمه ضحكت من بين دموعها وقالت : خله ياعلني فداهـ وفدا ريحته ..
حاتم يستهبل : ترا من شهر ماتحمم ..
بدر واهو يضحك : كأنك شامني من جد ..
حاتم : وعععععععععععععععع ...
أمه طقته على كتفه وقالت : بلا عبط زايد ..
ضحكوا عليهم ..
خالد يكلم تركي : مالت عليك لو أـنا ولدها ومكانك كان أبوس إيدينها وإرجولها وقليل هذا ..
تركي واهو يناظر أمه بكل حنان الدنيا لـ أمه وبس قال بصوت حنون : غيوض وبس إللي تعرف شنو إللي داخل قلب تُركي لها ..
غيوض وإهي تدمع عيونها .. يكفي نبرته وكأنها ملكت الدنيا بـ إللي فيها : أبوي إنت وفتحت إيدينها له ..
قام يمشي لها وجلس بـ جبنها من الجهه الثانيه وخذا إيدها يبوسها وباس راسها وقال : إنتي الخير كله يـ الغاليه ..
أمه وإهي تمسح دموعها : حبيبي إنت .. الله لايحرمني منكم ..
تركي يبوس إيدها وإيدهـ الثانيه حاضنها من ورا : ولا منك يـا روح حبيبك ..
حاتم واهو يضحك : إنحرق كرتك يابدر ..
بدر : ههههههههههه .. أـنا اساساً متصدق له .. لإنو وحيد وإلا أـنا عندي من يضممني .. عسى الله يخليهم لي ..
خالد واهو يرفع إيدينه : وعسى الله يخلي لي جوريتي ..
ضحكوا عليه ..
وسام : ياليل من هـ الجوريه ..
خالد واهو يناظر وسام : يعني إنت ماتدعي هـ الدعاوي بينك وبين نفسك عشان روزان وغمز له ..
وسام حس بـ الإحراج ..
خالد : هههههههههههههههههههههههههههههههههههه
الشباب : ههههههههههههههههههههههههههه
حاتم واهو يضحك : ولـ أول مرهـ وسام يخجل .. فديت إللي يخجلون ..
خالد يزيد عليه : ياناسو عليهم ..
بدر : ما أقدر أـنا .. ترا وربي أنسدح خاق ..
كلهم : هههههههههههههههههههههههههههههههههههههههههههههه
وسام إنقهر منهم .. قال : بدر زواجك بعد كم يوم وشوف شنو بيصير لك ..
حاتم وخالد : ههههههههههههههههههههههههههههههه .. أحسن ..
بدر : لا وسام .. يرحم والدينك .. كلش ولا يوم زواجي .. اي شيء إلا يوم زواجي ..
حاتم يشوف بدر يترجى وسام قال : وسام منت ولد سُلطان إذا بتتراجع عن كلمتك ..
بدر يناظرهـ : يانذل ياحاتم .. تقول شيء عدل وإلا تسكت ..
حاتم لعانه فـ بدر : وسام .. أـفأ ... بس .. عشان ترجي تتراجع ...!!
خالد : ههههههههههههههههه .. وسام منت أخوي إذا سويتها وتراجعت ..
وسام : صدق مو ولد سُلطان إذا سويتها وتراجعت ..
بدر شوي ويموت : وسام .. الله يخلي لك روزان .. تُكفى .. أعرف نذالتك ... عاد ما آبيها بيوم العرس اي يوم غير هـ اليوم ..
حاتم يزيد وسام : إلا حلاته بـ وقتها يوم الزاوج .. وإذا إنت رجال ياوسام إبقى على كلمتك ..
وسام : رجال ونص .. وبتشوف ..
خالد : كفووو والله .. قبل شوي يضحكون عليك كأنك بنت وذا الحين راوهـ مراجلك ..
وسام : ماعليك .. أـنا قدها ونص ..
بدر : نذلين .. وسخين ...
حاتم وخالد : هههههههههههههههههههههههههههههههههههههههههههههه
حاتم واهو يضحك : مقدرين وضعك .. عشان كذا ما راح ناخذ على كلامك ..
بدر : والله ماشفت نفس نذالتكم ..
خالد واهو يضحك ويطق إيد حاتم : حبيبي بدر قول إللي تبي ..
بدر : وسام ترا اهم تكلموا معاي عليك ..
وسام : عارف ..
حاتم : عادي وسام حبيبي سو إللي تبي فيني .. علىى الأقل أـنا قد الشيء وإذا بتنطر لـ يوم زواجي عادي إنطر ..
خالد : كفووو .. { كلم بد } شفت الناس كيف تتكلم ولا همها ..
بدر : بلاكم ماتعرفون وساخت وسام ولا حطها إلا يوم زواجي ..
حاتم : لو أـنا مكانك تقبلتها بـ التحدي ..
خالد : مو اجلس اترجى فيه ..
حاتم : الله لايبلانا ..
خالد: من جد ..
بدر وصل حدهـ ..
الماسه تسال إللي جالسين : خلود جت ..؟؟
حمد وكأن قلبه إنعصر .. هذا وقته يايُمه .. !! إلا تذكريني .. طلعت موبايلها وإتصلت فيها وجا لها صوت خلود : هلا يُمه { واضح التعب فيه }
حمد يسمع صوتها بـ وضوح اهو جالس بـ جنب أمه .. وكل جرح فيه ينزف .. على الأقل حاول ينسى وكأنه نسى بسالفة أمه إللي طلعتها جديدهـ عن عامر .. لكن تجي وتجدد جروحه ونزفه ..
الماسه : هلا أمي .. جييتي ؟؟
خلود ليتني يُمه جلست قالت : إيوا يُمه ..
الماسه : تعبانه شيء حبيبتي ..؟؟
حمد ليت التعب فيني .. مستعد أشيل تعبها على تعبي .. لكن تحس وترجع لي .. ما آبي هـ البُعد .. عادي عندهـ إذا يعيش العذاب أضعاف .. عادي عندهـ ينجرح وينزف .. لكن إهي ماتبعد .. تبقى معاهـ بـ البيت .. يحس بوجودها حتى إذا مايشوفها .. المهم يتأكد إنها معاهـ بـ نفس البيت .. يبي يحس إنو عايش .. اهو كذا كأنه عايش من غير روح .. وبقى بـ أفكارهـ .. وعذابه إللي تجدد ..
خلود وإهي تداري دموعها .. آهـ ’’ يُمه ليتني أقدر اشكي لك وارمي نفسي بحضنك وآبكي ليما أمووت .. خلاص حياتي من غير حمد مستحيله .. صعب أعيش من غيرهـ وصعب أشكي الحال .. يُمه .. كل الناس خانوا
وش يقول إللي وفـا ..
يُمه زاد البرد وما لقى قلبي دفا
يُمه كل إللي أعرفه أن الكون
يُمه من بعدهـ طفا ..
الماسه : أمي خلود .. !!
خلود رجعت لـ أمها وقالت : يُمه .. بخير ..
الماسه ماحبت تناقشها قالت : خلاص إنتبهي لـ نفسك حبيبتي .. باي ..
خلود وإهي تداري دموعها بصوت مخنوق : باي .. وقفلت ..
خلود جت مع السايق عشان كذا تسأل عليها ..
أم فارس : شـ فيها خلود .؟
أم راشد : تعبانه شوي بس ..
ضغط على إيدهـ من إللي يسمعه .. حبيبته تعبانه .. إللي معذبته تعبانه .. إللي ذلته تعبانه .. يبي يصرخ يقول شـ تعبها ..؟؟؟؟؟ إهي تحس نفسي وإلا ماعندها إحساس كلش ..؟؟ تعبانه مثل تعبي وإلا لا ..؟؟ يبي يصرخ ويفهمهم ويطلع إللي بداخله مافي أحد مهموم ومتعذب نفسه .. يبي أحد يهتم فيه .. يشيل عنه بعض العذاب والهم إللي شايله .. يبي ينسى كل شيء صار مع خلود .. يتمنى يرتاح من حُبها إللي معذبه ليل نهار .. مستعد يستغني عن الدنيا كلها وتحس فيه إهي وبس .. يسوي المستحيل عشانها وبس .. يبي منها مجرد إحساس ..!
قطع عليه حزنه وعذابه إللي غطس فيه حاتم واهو يطقه بخفيف من ورا عمته الماسه .. صحى ولف يناظر حاتم .. حاتم كان ملاحظه من جابت عمته إسم خلود .. ووضحت له الصورهـ خلاص .. ناظر حمد لـ حاتم وسكر عيونه شوي وكأنه ييبي يرتاح .. حاتم ناظرهـ شـ قد هـ الولد يتعذب وساكت .. الأكيد العذاب من بعد زواجه لكن مايدري منو السبب فيه خلود وإلا حمد ..! ومع هذا أعجبه كثير .. مع إنو عايش العذاب والهم لكن ماتكلم لـ أحد عن حاله .. وهذا نفسه .. نفس حاتم .. ينعجب بـ الأشخاص إللي مثل كذا .. يشوف فيهم قوة التحمل .. وواهو إللي فعلاً يطلق عليه مسمى رجُل ..
تركي : عزام وفواز اليوم ما انشافوا ..!!
خالد : الأخوان كل واحد طالع مع زوجته ..
تركي : وطيب .. ليش مالحقت عليهم ؟؟؟
خالد : عاد اـنا مافي احد مثلي ..
ام سعود : هذا حلو منه إذا ياكلون بـ البيت .. !
ضحك خالد وقال : خليني أطلع زوجتي واغديها واعشيها برا .. كيفنا ..
أم سعود : شـ رآيك يعني تفتح مطعم رآقي .. يليق فيك بـ المستشفى إللي إهي فيه ..
فارس : آي مطعم إللي عند المستشفى .. هذيل غداهم وعشاهم بـ البحرين ..
خالد : يـ النصاب مو يومياً ..
أم سعود : وليش ماتمر وتاخذني معاك ..!
خالد : ولا يهمك .. السنه الجايه إن شاء الله ..
أم سعود : شوفوا النذل ..
بدر : من زمان واـنا أقول هـ الإثنين { ويأشر على حاتم وخالد } نذلين ..
حاتم وخالد فقعوا ضحك ..
حاتم : فـ قلبك إلـى الأن ..
خالد : بـ يحلم فيها ليل نهار ..
ضحكوا عليهم ..
بعد هـ السهرهـ ويا الحريم طلعوا الشباب للإستراحه وهناك أنواع القهر من سالفة عامر .. اهم صحيح إنقهروا عند الحريم .. لكن عارفين إنو الحريم بيمنعونهم عن إللي بيسوونه وفعلاً جوههرهـ حلفت عليهم ..
حاتم بعد ما أنتهى من سالفته إللي قالها للشباب .. صارخوا من الحماس ..
حاتم واهو حاقد وبقووهـ : شـ رآيكم ؟؟
بدر متحمس : قدااااااااام ..
وسام بـ نفس الحماس : معاك ..
تركي : وقليل فيه بعد ..
فيصل : ياخذ بليسك كيف جت لك الفكرهـ هذي ..!!
فارس : من جد شيطانيه .. لكن مع هذا رد إعتبار ..
حاتم : من القهر جتني .. المهم الكل معاي .. !!!
خالد : معاك .. خله يتسنع ..
سعود : أكيد معاك .. نبي نبرد حرتنا فـ الـ ........
حمد واهو متمدد على الأرض : حاتم بصراحه صار ينخاف منك ..
ضحك حاتم وقال : معاي وإلا لا ؟؟
حمد : أكيد هذا تعدأ على خواتي وأمي .. بس كيف جت لك ..!
حاتم : بصراحه .. أـنا كنت مفكر فيها قبل سالفة الخطف .. لكن قلت آبي أقول الأسهل عند الحريم .. ومثل ماشفتوا رفضوا .. أجل لو يسمعون هذي شـ رآح يسوون .. عشان كذا قلت بيننا أفضل ..وبعدين هذا الزفت تعدأ على حد من حدودنا ومو اي حد .. لا حد ومستحيل التهاون فيه .. وإللي بنسويه بـ يعلمه قدرهـ عدل وبيكون تحت تصرفنا على طوول .. إحنا ما راح نعدمه لكن كل ماحسينا إنو يبي يلعب بـ ذيله إستغلينا إللي عندنا عشان يتراجع أكثر ..
حمد : أبن أبوهـ إذا بينوي مرهـ ثانيه يلعب بـ ذيله ..
حاتم : شباب هـ الشيء بيننا .. وبـ الوقت القريب راح أقول لـ أبوي ..
إنصدموا ..
تركي : صاحي إنت !! ناوي تعدمنا ..!!
حاتم : ما راح يقول شيء .. صحيح بيعطينا كم محاضرهـ لكن من داخله مبسوط إننا ماسكتنا وخذينا حقنا ..
بدر : تعال .. منو إللي بينفذ هذا كله ..؟؟
حاتم : الله يعز الشباب الشغالين عندنا ..
وسام : اي شباب ..؟؟
حاتم : حُراس المزرعه .. على حارس الشاليه .. وإذا إحتجنا أكثر البيوت معبيه .. ولاتنسى أجسامهم تساعد إنو يخاف على طووول ..
بدر واهو يضحك : والله إذا شاف أشكالهم لـ يبلع العافيه على طوووول ..
ضحكوا كلهم ..
حاتم : التنفيذ ليما يطلع من المستشفى بـ سلام ..
حمد : مو كأنها بعيد ..!
حاتم : كيف ندخل للمستشفى ونسوي الشيء هذا .. إحنا نبي كلام منه .. زيادهـ على إللي بنسويه ..
بدر : هههههههههههههههههههههههههههههههه .. والله اتخيل شكله .. هههههههههه .. من جد ينخاف منك ياحاتم ..
ضحكوا ..
حاتم : هذا جزاهـ وجزا كل واحد بيسوي نفسه ..
مرت الأـيام والشباب كل يوم عن يوم يزداد حماسهم للي راح يصير لحقير عامر ..
قبل زواج بدر بـ يوم .. كان جالس فـ بيت أبوهـ وبـ الصاله ويفكر .. بكرهـ بـ إذن الله زواجه على ريناد إللي حبها .. دخل غرفة هنادي لإنو بابها مفتوح .. كانت جالسه على السرير .. شافته وقامت وقالت وإهي تتبسم .. هذا أخوها المُقرب .. راح تشتاق له كثير بعد زواجه .. لإنو راح يطلع فـ بيت بـ روحه .. ماتقدر تتخيل البيت من غيرهـ .. ماتنسى أـيامهم .. وشطانتهم سوا .. رقص هبال ركض لعب كل شيء سووهـ سوأ ولا كأنهم كبار .. قالت وإهي باقي متبسمه : شـ عليك بكرهـ إن شاء الله معرس .. بدر كأنه حاس بـ إللي دار فـ بالها من شوي .. تقدم لها وحضنها له .. وقال واهو حاضنها : أشتقت لك ياهبلا ..
ضحكت هنادي وإهي بحضنه وعيونها فيها دموع قالت : أـنا إللي بـ أشتاق لك كثييير ..
ضحك وقال : البيت قريب .. أي وقت تعالي .. بعدها عنه وناظرها وقال : إنتي إختي وصديقتي .. { كمل واهو يناظر فوق } ما أدري كيف أشرح لك .. لكن أحس إنك نسخه مني .. { ورسم أحلى إبتسامه على وجهه }
هنادي وإهي تمسح دموعها : هههههههه .. اهم شيء صديقتك ..
ضحك وقال : ترا ماتنفع الدموع عليك .. إتركيها للي عندهم إحساس ..
ضحكت وطقته وقالت : شكل ريناد مبهذلتك بهـ الإحساس ..
بدر مسك قلبه وقال : ريناد مبهذلتني بكل شيء .. أـنا إللي ما ادري كيف ياسر متحملك .. { رفع إيدهـ يعد على أصابيعه } مافي ذرابه .. مافي دلع .. مافي إسلوب .. مافي شيء ممكن يحسن صورتك عندهـ .. يعني الله يعينه .. يـ إنو مخدوع فيك ..
يـ إنو غبي ..
ناظرته وإهي متخصرهـ وقالت : لااااااااااااااااااااااااا والله ..
ضحك وطلع من عندها .. لحقت فيه .. واهو ماصدق خبر وركض بـ البيت من فوق لـ تحت .. ومن تحت للحديقه .. وهذا حالهم .. يبي يقضي أخر يوم له فـ بيت أبوهـ ضحك ويا إخته وصديقته ..
يوم زواج بدر وريناد .. بدر مو مصدق .. أخيراً بيتزوج .. وبعد شوي بينزف لها ..
عند وسن وراكان بـ إيطاليا ..
راكان : اليوم زواج بدر .. كأني اشوفه مايدري شـ يسوي ..!
ضحكت وسن وقالت : ياحياتي ربي يوفقهم ..
راكان بنص عين يناظرها : خير ..!! منو إللي ياحياتي ..
تبسمت وقالت : ريناد حبيبتي ..
راكان والكلام مو عاجبه : لا والله ..
وسن مسكت حاالها لا تضحك قالت : إي والله ..
راكان : وسن ..!!
وسن تبسمت وقالت : ياروحها ..
تنهد من قلب وقال : ياخذ بليسك كنت ناوي أكتمك ..
ضحكت .. وإتصل راكان فـ بدر ..
بدر واهو باقي يكلم راكان ويضحك : كيف العرس يـ أبو الشباب .؟؟
ضحك راكان وقال واهو يناظر وسن ويغمز لها : عسل فـ عسل .. جنتك بـ الدنيا .. وخصوصاً أـيامك الأولى ..
وسن وجهها الوآن وقامت من عندهـ وناظرها مصدوم .. ماتضمن حالها معاهـ حتى إذا يكلم .. ممكن يفشلها بشيء أكبر من كذا ..
بدر : هههههههههههههههههههههههههههههه .. هذا البلا .. أـيامك الاولى ..
راكان ضحك وقال واهو خاق يشوف وسن تتعدل قبال المرآيه : إي والله هي البلاوي المِتلتِله ..
بدر ضحك من قلب .. وسولفوا شوي وبعدين قفلووا ..
أم سعود تتكلم مع الماسه وريناد بـ غرفة العروس : وليش ماخذت إحتياطها من قبل ؟؟؟
دخلت جوهرهـ وعرفت السالفه قالت وإهي تناظر ريناد : حبيبتي عادي ماصار شيء ..
أم سعود شوي وتنهبل : اي ماصار شيء ؟؟؟
جوهرهـ : العنود .. إيوا ماصار شيء .. إهي مادرت وخلاص .. صار الشيء هذا .. يعني إلا تزودين عليها ..
أم سعود : إنتي كيف تفهمين .. ؟؟ بعد شوي زوجها بيدخل عليها ..
جوهرهـ : وإذا دخل ..!! ترا اهم مو ذيابه كل شيء بـ الغصب ومن أول يوم .. لا حبيبتي .. عنود الله يعافيك البنت مو ناقصه تزيدين عليها .. { ناظرت ريناد وقالت } حبيبتي عادي إللي صار لك .. وإذا صار فرصه تكلمي لـ بدر .. { حطت إيدها على خد ريناد وتكلمت وإهي تتبسم له } أوكي حبيبتي ..!
ريناد حركت راسها بـ الموافقه .. وطلعت جوهرهـ بعد ماخذت العنود معاها ..
عند بدر وريناد بـ الجناح الخاص فيهم بعد ما إنزفوا .. ريناد كانت جالسه وتناظر إيدينها إللي بـ حضنها .. جا لها بدر واهو مو مصدق .. أخيراً ريناد صارت له .. كان لابس كلش أبيض فـ أبيض إلا البشت كان أسود .. كان أسمراني شوي .. وجسمه ماهو نحيل ولا سمين طويل شوي .. ملامح وجهه حادهـ .. وحواجبه أسود ومرسومه ررسم .. وعامل سكسوكه وضابطه على شكله .. وشعرهـ لونه أسود وناعم وعلى طوول نفس باقي شباب عائلته مرفوع على ورا .. فيه كثيير من هنادي .. ومُختلف كُلياً عن تركي .. صحيح كل العائله إللي يشوفهم يقول فيهم شبه من بعض .. لكن كل واحد وله شكله .. جلس بـ جنبها ومسك إيدها وقال بكل رقه : آلف مبروك ..
ردت بحيا : يبارك فيك ..
مايدري شـ يقول ... كان مستعد لكل شيء .. لكن من شافها نسى .. شاف الملاك إللي قباله .. دلع ونعومه .. وشكلها يعطيه أكثر للباربي .. من النعومه إللي فيها .. وخصوصاً وإهي لابسه فستان أبيض ..
قام وقال : بـ أصلي وإنتي صلي ..
مشى لما شافها ماردت .. دخل وصلى وبدل ملابسه .. وطلع لها وكانت نفس ماتركها بقى واقف وقال بكل رقه : حبيبتي صليتي ..؟؟
ريناد حركت راسها بـ لا ..
بدر إستغرب : ليش حبيبتي ؟؟
ريناد شوي وتصيح قالت وإهي منزله راسها : م ... ما آصلي ..
إنصدم .. شنو حظه النحس .. وبـ اول ليله له ..
شافت الصدمه على وجههه ودمعة عيونها .. تمنت ماتنحط بـ مثل هـ الموقف .. الموقف بـ النسبه لها مُحرج بـ كثيييييييييييييييير ..
بدر حاول يكون طبيعي قال واهو يستهبل وطاق الإبتسامه ويطق كف بـ كف : ياوسسسسسخه ..
إهي سمعت كلمته وإنفجرت بكا .. وغطت وجهها بـ إيدينها ..
تبلش بدر وجلس يسب حاله بـ داخله .. غبي , تافه , سخيف .. داخل على البنت ياوسخه .. إهي شـ عرفها عن هبالك
جلس بـ جبنها ومسك إيدينها وبعدها عن وجهها وقال : آسف حبيبتي وربي ماكنت أقصد .. متعود على الهبلا هنادي وكلامي معاها كذا إذا صدتها بـ الصدفه .. أسف حُبي .. أعرف في فرق بينك وبين وجه النحس هنادي .. ترا وربي أـنا متعود كذا .. ماكنت أقصد إللي فهمتيه إنتي .. وحسبالي بـ اخفف الموقف لقيت نفسي ازيدهـ إحراج .. خلاص { ورفع إيدينها يبوسها }
ريناد متفشله مرهـ .. وخير هنادي الهبلا .. ماتستحي تسولف مع أخوها كذا .. جد ولد ماهي بنت .. سكتت شوي وقامت تبدل ملابسها .. ولا يعرف شـ يقول بعد إللي صارلها منه .. لكن كل شيء عند بدر وله حل وخصوصاً إذا كان شيء يخص ريناد .. وفعلاً ماحسسها بـ شيء مُحرج ..
بدر واهو حاضنها له واهم جالسين وبكل ذوبان واهو يبوس خدودها : أـحبك ..
ريناد متلونه خدودها غصب .. بيجننها هـ الولد ..
مو يعني ماتصلي خلاص تصير الليله سودا وإلا مو حلوهـ .. في أشياء أحلى بكثير .. وقلبوا اليله رومانسيه ~_^ ..
" وبعدين يعني .. مانتي ناويه تقفلين الموضوع ؟؟ "
رهف وإهي جالسه على الكرسي وقبال السرير إللي متمدد عليه سُلطان عشان ينام : لا .. ليما تحسسني إني عايشه ..
سُلطان واهو مطول باله : وإنتي كذا مانتي عايشه !!
رهف : لا .. آبي أعيش حياتي ... أـنا عمري 27 سنه ومحكورهـ بـ البيت .. خير إن شاء الله .. لو خدامه ممكن .. لكن أـنا زوجتك .. !
سُلطان : والله أـنا ماربطتك وقلت إنثبري بـ البيت .. أـنا قلت إذا كنتي ناويه تطلعين لـ مكان تستأذنين أول ..
رهف : إستئذنا وإستئذنا وإستئذنا .. وبعض صاحباتي ماترضى إني اطلع لهم ..
سُلطان : والله والصاحبات .. !! كل وحدهـ اردى من الثانيه .. يكفي إني أعرف من يكونون هـ الصاحبات .. وإللي يرتبط إسمه فـ إسمي يبتعد عن كل شيء غلط ..
رهف وإهي توقف : آفففففف .. هذي ماهي حاله .. إنت عايش حياتك مع زوجتك الأولى وأـنا هنا محكورهـ ..
قام من السرير قال واهو معصب : خير .. آففف لـ منو ..؟؟
إهي سمعته معصب قالت بكل خوف : لي .. لي اـنا ..
سُلطان : يابنت اقصري الشر ..
رهف وإهي معندهـ : ماني ساكته ليما تلاقي لي حل ..!
سُلطان : حسبالك أـنا فاضي عشان أقابلك .. يابنت ترا أـنا وراي شركات مو شركه وحدهـ .. إللي هنا وإللي بـ الخارج .. وكل هذا إللي مسؤول عنها أـنا .. وغير هذا البيوت إللي مسؤول عنها .. شـ أسوي بـ عمري أـنا .. !! شـلون تفهمين عشان أفهمك .. ! وإلا شـ رآيك أترك أوراقي وحلال الناس إللي أـنا ماسكه واقابلك .. !!؟؟ قولي شـ إللي يريحك ..!!
رهف وإهي تحط إيدها على خصرها : لا والله أـنا ما افهم ..!!؟ مايهمني شغلك .. المهم أـنا أعيش حياتي .. وهذا إنت تقول حلال الناس .. يعني تشغل نفسك عشان الناس ..!! وتطنش بيتك ..!
سُلطان وبكل عصبيه : الناس هذيل كلهم أهلي .. وقفلي الموضوع الزفت وخليني أـنام ..
ناظرته وسكتت وطلعت من الغرفه وإهي مقهورهـ ..
رجع لـ سريرهـ .. هذيي ناويه تذبحه بـ خنايقها .. مايدري كيف تفهم .. شـ إللي بلاهـ فيها .. !! حط راسه على المخدهـ واهو يشوف فرق كبيييييييييييييييييييير بينها وبين جوهرهـ .. فرق السماء عن الأرض .. ونام بعد مارفعت ضغطه ..
بعد زواج بدر وريناد بـ 7 أـيام وكانوا بـ شهر العسل .. كانت ريناد تكلم أمها وعند أمها كل خالاتها ...
العنود وإهي تتكلم بصوت عالي : إسأليها طهرت وإلا بعد ..؟؟
الحريم إنفقعوا ضحك .. ريناد تلونت خدودها .. ياربي من كلامهم ..
هنادي تصارخ على ريناد : فشلتينا الله يفشل إبليس ... أحد يصير له فـ ليلة زواجه نفسك ..
ريناد ماهي قادرهـ تكمل كلام مع أمها ..
هنادي : مالت على حظ أوخيييي ..
أم سعود بتزيد : إنتي شفتي كيف ..! ماتهنى المسكين ..
هنادي : ما أخذ وحدهـ سنعه ..
أم سعود : أبد .. الذرابه بـ جهه وإهي بـ جهه ..
ريناد وإهي مقهورهـ منهم : قولي لهم طهرت وخلصت ومالت عليكم .. وإللي فيها خير تتكلم ..
صارخوا الحريم لإنها فاتحه السبيكر ..
أم سعود وإهي تضحك : شـ صار بعد الطهارهـ هذي ؟ قولي ..
ريناد تلون وجهها كله قالت : موتي حرهـ ماصار شيء ..
هنادي تلكم خالتها العنود : ماعليك بس اليوم طهرت يعني مامداهم ..
الحريم : هههههههههههههههههه
أم سعود : ريناد أمي سلمي على بدر وقولي الهمه ياولد ..
ريناد : لا والله .. أساساً مايعرف إلـى الأن تبيني أقول كذا .. مستحيل .. شافت بدر دخل عليها قالت : يُمه أكلمك وقت ثاني ..
صارخوا الحريم والبنات ..
إرتبكت وتلونت كلها من صراخهم ومن نظرات بدر لها وقفلت على طوول ..
بدر واهو يجلس بـ جنبها على السرير واهو ذايب مرهـ من اللبس والكشخه إللي إهي فيها ولسا سامع كلامها مع خالاته قال واهو مسند راسها على صدرهـ ويمسح من على الكتف والإيد : حبيبي ..
شاف إنها ذايبه وخجلانه كمل : الجو هنا حلو .. ويساعد على اشياء كثير .. يعني يريح الواحد غصب .. { سكت شوي وكمل بكل رقه } متى خلصتي ؟؟
فهمت عليه وتلونت كلها ماقدرت تتكلم من الخجل ..
بدر واهو يتكلم بـ أسلوب حلو : حبيبي أـنا زوجك .. لاتبنين حواجز بيننا .. أـنا مُلك لك وإنتي مُلك لي .. إثنينا حلال لـ بعض .. عيوني إنتي .. لاتخجلين وقولي لي ..
ريناد تكلمت والخجل بيموتها : الـ ...... اليوم بس ..
بدر يتكلم معاها أكثر عشان يخفف توترها قال : حياتي إنتي .. باس رقبتها { وكمل } حياتنا ماشيه بـ إذن الله .. مافي شيء بيصير إلا بـ رضاك .. وفعلاً بـ محاولات بدر وكلامه ولمساته إللي تسحرها غصب رضت وبـ قناعه تامه ~_^
ولدت تهاني ولد والكل إنبسط لـ ابو فارس ولـ تهاني .. وإتفقوا على إسم " بسام " ..
عند راكان ووسن .. وسن شكت فـ وضع راكان يصير مرتين بـ اليوم وإلا 3 مرات إلا يطلع خمس دقايق ويرجع وريحة العطر أقوى من قبل لا يطلع وياكل له علك .. كانت جالسه ترفع شعرها بعد ماخذت شاور ولبست وضبطت حالها وذا الحين بس الشعر .. جا من وراها وحضنها وباس رقبتها بكل رقه .. قلبها من حركاته إللي مثل هذي ينبض أكثر .. لفت له .. ناظرها بكل حُب .. قالت وإهي تحاول تخفي توترها .. لإنها عارفه شنو نهاية هـ الوضع : ويـ .. وين كنت ؟؟
راكان واهو يناظرها وطلع من الغرفه قال : نزلت تحت شوي .. وهذاني جيت لك ..
وسن وإهي تشوفه يجلس على السرير : آمم .. ممكن سؤال ..!
راكان واهو يتمدد على ظهرهـ وإيدينه على ورا وإرجوله منزله بـ الأرض مو على السرير : إسألي ياروحي ..
وسن ماتدري كيف تسأل : آ ... تدخن ؟؟
سكت شوي وقام جالس واهو ياخذ نفس قال وبكل صراحه : بسببك إنتي ..
وسن عارفه هـ الشيء : إنت قلت من قبل عشان الظروف إللي نمر فيها .. صح ..!
رااكان : صح ..
وسن : أوكي .. ذا الحين متزوجين والحمدلله .. إلا إذا أـنا مقصرهـ فـ شيء !
رااكان قام ومسكها من خصرها وبـ نبرهـ حلوهـ : مستحيل يجي منك تقصير .. لكن عشاني كنت من أول ادخن .. وبعد ماتزوجنا الحمدلله .. بس صار مرتين
بـ اليوم ..
وسن سكتت ولفت عنه .. مهما كان ماتبي له الضرر والتدخين أكبر ضررر .. يعني اهو مايعرف ..
صار يعرفها حييل وكأنه عايش معاها عُمر مو شهر وبس .. مسكها من خصرها من ورا ولفها له .. ماناظرت فيه .. عيونها لـ اي مكان ثاني غيرهـ اهو ..
راكان يلف وجهها له قال : أـنا ما آحب أشوفك تتهربين من نظراتي .. الموت عندي أهون ..
ناظرته بقوهـ .. قالت : لا تقول كذا ..
راكان : عشان ماتناظرين بعيد عني وأـنا موجود عندك ..
وسن سكتت ..
كمل واهو يقرب جسمها له : إنتي حبيبتي ووعد مني وقت قصير واكون مبطله نهائياً ..
وسن سكتت ..
راكان واهو يناظر فيها وشبه حاضنها بـ خفيف : ماتبين تاخذين مني وعد ..؟؟
وسن : عشان لاتخلف فيه .. وأـنا من عادتي إللي يخلف بـ وعودهـ معاي يطيح من عيني وما اقدر أتقبله بعد كذا .. واـنا ما آبي ناخذ من بعض وعد على شيء الأكيد يضرك وبـ الأخير تخلف الوعد و ..... { سكتت ماتكلمت .. ماتبي تقول تطيح من عيني ... لإنو الموت أرحم لها من هـ الشيء .. تتحمل أي شيء إلا إنو راكان مايوفي بوعودهـ لها .. إهي تعرف نفسها مع الناس العاديين لما يخلفوون وعودهم مو عاد حُبها }
راكان فهم عليها وسكت شوي وتكلم بنبرة صدق : صدقيني كلها مسألة وقت واتركه .. بس آبي منك تساعديني على هـ الشيء .. آبي كل شيء بحياتي تشاركيني فيه إنتي وبس ..
ناظرته .. تموت فيه قليل .. قالت وقلبها ينبض بـ إسمه : إنت اهم شيء بـ حياتي .. وأـنا معاك على طوول ..
حضنها له أكثر وهمس بـ إذنها بعد ماباس رقبتها : وربي أعشقك .. ^_^
كان متمدد على سريرهـ ووالشوق معذبه .. يحن لها بـ شكل مو طبيعي .. ويحاول قد مايقدر يضغط على حاله ولا يمر على جناحها .. قام من غرفته ونزل تحت ودخل للمطبخ .. وشاف الخدامات .. إنتبهوا له ولفوا كلهم .. قال : جناح مدام خلود آبيه يترتب وكل شيء فيه ينشال .. أوكي ..
سألت المسؤوله فيهم : متى ؟؟
حمد بحزم : ذا الحين ..
قالت : بس مدام خلود موجود ..
ناظرها مصدوم .. وقف شوي .. خير !! شـ عندها فـ الجناح .. !! رقى واهو مو شايف طريقه .. ومن غير إستئذان فتح باب جناحها .. كانت جالسه على الكنبه ولامه حالها وتفكر .. إنفجعت من فتحت الباب بهـ القوهـ .. نزلت حالها من الكنبه .. واضح التعب عليها .. ووقفت .. اهو واقف عند الباب وإهي قباله عند الكنبه وإثنينهم يناظرون بعض .. حمد تمنى ماشافها .. ليت تعبك فيني .. ليتني أقدر أريحك بهـ الدنيا .. شـ إللي مسوي فيك كذا .. مو هذا إللي تبينه .. قلت لك روحي
لـ بيت أهلك وهذا شيء فوق تحملي .. وضغطت على حالي عشانك .. أتحمل التعب بس إنتي تطلعين من حياتي وتشوفين حياتك وتعيشين مبسوطه ..
خلود تتمنى تلمه .. تمنى حضنه بهـ اللحظه . . تناظرهـ تبي منه آي كلمه .. إفهمني .. آبيك تحس فيني .. وربي تعبت والتعب مل مني ..
حمد واهو يقسي قلبه : شـ رجعك ؟؟
خلود إنصدمت .. كل هذا ومايعرف إني ماطلعت .. كتمت غصتها لكن دمعة العيون .. قالت بصوت متقطع : ما .... ماطلعت من هنا ..
الصدمه كبيرهـ على حمد .. موجودهـ كل هـ الوقت ولا عرف عنها .. يـ الله .. مايبي يوضح لها أكثر قال : إللي اهو .. !!!
خلود نزلت دموعها .. تقطع قلبه وقتها .. يبي يحضنها .. يخفف عنها .. لكن هذا مو من صالحهم .. إذا سوا لها كذا وبعد ماتهدأ راح تعيفه وتقلعه نفس كل مرهـ قال واهو يكابر وبكل ثقه : مو هذا إللي تبينه من زمااااااااااان .. مو إنتي عايفتني .. خلاص .. إللي تبينه جا لك .. واـنا مسامحك .. مع كل حرف يطلع منه قلبه يتقطع مليون قطعه .. ينكسر من الداخل أكثر من الأول .. الهموم تزيد عليه ..
يشوفها كيف تغير وجهها بعد كلامه .. واضح إنو كان قوي عليها .. بس من جد هذا إللي تبينه ياخلود .. ريحة عطرها تزيد جروحه .. يبي يطلع من هـ الجناح وبسرعه .. تمنى صار له شيء قبل لا يدخل عندها ..
حركت راسها بـ معنى لا ..
حمد واهو يتكتف وكأنه يشيل هموم زيادهـ على إيدينه : ما شاء الله شنو إللي لا ..!!
خلود وإهي تبكي : إنـ .. إنت ماتفهم .. إنت ماتحس ..
حمد رفع صوته : أـنا ؟؟؟؟؟؟؟؟ ... { كمل بنبرة تعب وكأن صوته مخنوق } أخر من يتكلم عن الإحساس إنتي .. لو ما احس ماسويت لك إللي تبينه ..
خلود بكت زود . . مهما قالت ما راح يفهمها .. فهمها صار مستحيل .. ليش كلامها صار مو مفهوم .. للدرجه هذي صعب . ؟؟ وإلا الغلط منها .. !
حمد ممكن بـ آي لحظه يروح لها وياخذها بـ حضنه مهما سوت له .. مايهون عليه شكلها .. يكفي إنو متحمل العذاب عشانها .. وكل هذا وتقول ماتحس .. كيف الإحساس إللي تبيه ومستعد يخلقه فيه إذا مو موجود عندهـ .. قال واهو يناظرها بقوهـ عكس إللي داخله : إسمعي ..
سكرت عيونها وتركت دموعها تنزل .. كلمته قويه .. إسمعي وبكل قوهـ قالها وكأنها ولا شيء عندهـ { كمل } إذا على الأهل خايفه لا يحطون اللوم عليك .. لاتخافين .. لإني أـنا الغبي إللي رضيت بـ وحدهـ ماتبي .. بايعه .. عايفه .. المفروض من الأول { شدد } اـنا إللي اقول لك ما آبيييييييييك .. ماتعنين لي شيء .. وأـنا إللي بـ اقول إنو الغلط مني أـنا .. أول واحد يثبت للخلق إنو أغبى شخص بهـ الدنيا ..
بكت بقوهـ .. هذا يزيد عذابها .. إهي تتكلم عن شيء واهو عن شيء .. ليش مايلتقون بـ شيء .. صرخت وقالت من بين بكاها : إنت جاي تعذبني زود .. إطلع براااااااااااااااااااا ..
ناظرها وقال واهو متعود على كلامها وكرهها له : مو أول مرهـ .. واكرر واعيد .. أـنا غبي إللي رضيت فيك .. وكأنه يرد على طردتها بهـ الكلام .. وطلع من عندها .. جلست على الأرض وإهي تصيح .. وصياحها يوصل له واهو بـ جناحه ..
شـ يسوي فيها .. عذااااااااااااااااااابه زاد .. شـ إللي يفيد معاها .. البنت وماتبيه وقالها تروح لـ بيت أهلها وجلست .. تفاهم معاها وقالها إنو راح يتحمل كل شيء عند العائله ولا فااااااااد معاها .. زادت حالها .. مسك راسه .. آآآآآآآآآبي افهم شـ تبي ..؟؟ آآآآآآآآآآآآآآبي أرتاااااااااااااااح من هذا كله .. ضرب الجدار بـ اقوى قوهـ عندهـ .. آلمته يدي .. لكن تهون عند آلمه إللي داخله .. كل شيء يهون عند حزنه على خلود , عذابه بسبب خلود , همه من خلود ..
يعني من قل المصايب ؟!
صاب هذا الصدر " ضيق "
وإلا يعني من حلاة الحظ و [ علو المكانه !!
ذي حياتي من مضيق .. في مضيق .. في مضيق ,
ولو بحثت الصبر فيني , ما أجد لـ / الصبر خـانه !
عادتي .. لا ضقت أدور حضن وعيون الرفيق
مشكله ..!!
لا صار ضيقي " منه " و .. أحزانـي { عشـانه ’
ماهو قادر مايسمع صوت بكاها القوي .. مايبي يسمع شيء منها .. اهو ماحصل أجوبه للإسأله إللي عذبته من قبل .. تجي تزوووووود هذا كله .. تزيد عذابه .. تزيد حيرته .. يبي يحصل جواب حتى إذا جواب واحد يريحه .. المهم مايبقى بحيرته وعذابه وهمه هذا وكل فترهـ والثاني تزداد .. أساساً بـ مجرد التفكير فيها يزداد العذاب .. والأكيد بـ الثانيه يزداد وينزف أكثر من اول .. طلع من جناحه وطلع من البيت كله ..
جوهرهـ تكلم أمها بـ الموبايل : يُمه مو نفسه أول ..!!
أمها : حبيبتي يمكن عندهـ مشاكل بـ العمل .. إنتي تعرفين عمله ما شاء الله والله يزيدهـ أكثر وأكثر . . كل الدنيا على راسه ..
جوهرهـ : يُمه لو عندهـ مشاكل بـ العمل خبرني عنها .. لكن لا .. سُلطان في شيء ثاني ..
أمها تحاول تخفف عنها : أمي إنتي .. لا تشيلين هم .. وتأكدي إذا عندهـ شيء إنتي أول وحدهـ تعرفه ..
جوهرهـ : أـنا ما آبي أشوفه كذا واسكت ..
أمها : سألتيه ..؟؟
جوهرهـ : ما سألته لإني متأكدهـ إنو السالفه فيها رهف ..
أمها : منو رهف ؟؟
جوهرهـ : زوجته الثانيه يُمه ..!
أمها : إيوا .. ماكنت أعرف إسمها .. يمكن .. لكن لاتشيلين هم سُلطان .. الله يحفظه يعرف يعدل أمورهـ ..
جوهرهـ : إن شاء الله ..
طول الوقت بـ السيارهـ يتمشى بـ الخبر كلها .. مايدري وين يروح .. إختار رقم سي دي وإشتغل .. وكانت أغنية ..
أـنا وخلي كل دارٍ وطنى
قلبي وروحي كلها له هديه
لو التمني ينفع إللي تمنى
ماكان صرت اليوم نفسي شقيه
أشوف كلٍ مع حبيبه تهنى
وأـنا حبيب الروح صعبٍ عليه
قلبي بـ حُبك ياحبيبي تعنى
إرحمني ياعل أـيام عُمرك هنيه
إن كان سيد البيض بـ الوصل منىَ
خطيته ياكبرها من خطيه
تردد بـ مسمعه ..
أشوف كلٍ مع حبيبه تهنى
وأـنا حبيب الروح صعبٍ عليه
قلبي بـ حُبك ياحبيبي تعنى
إرحمني ياعل أـيام عُمرك هنيه
وكأن الأغنيه زادت عذابه وكأنه تعود على الإزدياد ولا صار يتعب من كثر التعب إللي فيه .. خلاص فوق التعب إللي فيه مافي تعب .. دق موبايله وطلعه من جيبه وكان تركي .. ولا رد .. ماهو رآيق كلش يروح للإستراحه .. فكر يطلع للبحرين .. لكن ناظر الوقت متأخر .. الساعه 10 بـ الليل .. وإذا بيطلع للبحرين هـ الحزهـ بينام هناك وبيسحب أسبوع واهو ماخذا إجازهـ .. ولا أحد يعرف عنه .. فكر يسويها ويختفي عن الكل .. يختفي لـ مكان ما احد يعرف وين اهو وإلا من فين جاي .. بكذا ممكن يرتاح شوي .. لكن العذاب إللي بيزيد عليه أهله .. اهو ماهو ناقص عذاب زيادهـ .. وويجي على أخر شييء يزيد همه هم .. تنهد من قلب وقال : خلود قلبي بحُبك تعنى .. إرحميييييييييينييييي .. رجع للإستراحه بعد ماحصل الشباب كلهم فيها عدا حاتم .. جلسوا سواليف ..
بعد ساعه دخل عليهم حاتم .. وقال : شباب موضوع عامر إنتهى ..
صاروخوا ..
فارس واهو يتبسم : فـ ذمتك !!
حاتم : والله .. خلاص .. كل شيء صار معاي ..
حمد إللي كأن تغيرت النفسيه شوي : كفوووووووو والله .. قول وفعل ياحاتم ..
حاتم تبسم له .. وقال : الله يسلمك ..
وسام : يلا طلع وراونا ..
حاتم ناظرهـ بـ نص عين قال : إحنا ماقلنا كذا ..
ياسر : ياسلام ..
حاتم : ياسلامين .. بُعدكم تشوفونها ..
حمد : صح .. خير نشوف .. إحنا متفقين إنو كل شيء مع حاتم ..
خالد : حاتم كل شيء سويته نفس إللي قلت عليه ..!!
حاتم : أـفأ عليك .. وإعتذار منه بعد إللي جا له مسجل مع الباقي ..
سعود : حلو ..
فيصل : بـ موبايلك ؟؟
حاتم : لا حبيبي خذيت موبايل جديد وسويت الكل فيه ..
تركي واهو يضحك : إنت كنت معاهم ؟
حاتم : أـنا المُشرف على هذا كله .. وعشان تتطمنون كل شيء صار بـ مزرعته ..
إنهبلوا الشباب ..
تركي : صادق ؟؟!!!
حاتم : والله بـ مزرعته ..
حمد : ياخذ بليسك وكيف ؟؟
حاتم : مافي شيء صعب علي .. خليته يدخلنا لـ مزرعته وبـ رضاهـ واهو عارف شـ رآح يصير له ..
خالد بصدمه : نعـــم !!
حاتم ضحك وقال : شـ فيكم ؟
فارس : قول غير هـ الكلام ..! قول فـ مزرعتنا ومن غير لا يعرف ونصدق ..
حاتم ضحك وقال : لا ياحلوين .. بـ مزرعته وبـ رضاهـ وعارف بـ إللي راح يصير له مني أـنا وإللي معاي ..
وسام طقها ضحك وقال : وينك يابدر تسمع ...
ضحكوا الشباب ..
وسام : وربي لو بدر يسمع راح يقول . . شكله من كثر حُبه لـ الماسه يتمنى حتى حُراسنا ..
ضحكوا عليه ..
حاتم : أكيد بيرضى لإنو كل شيء بـ إيدنا .. وبيوافق من كيفه أفضل من إنو يصير غصب عنه .. ولكن قبل بيننا إتفاق .. إذا تعدا على أحد من العائله حتى إذا صغير .. المقطع إللي عندي ينتشر وغير هذا بيجي له تسنيع مُحترم . . وافق غصب عليه .. واهو عارف مستحيل اسويها وانشر المقطع إللي عندي من غير لا اهو يغلط ..
خالد : صح .. اهم ماعليه سمعته ..
حاتم بـ إرتياح : الحمدلله .. ذا الحين أتحدا إذا يقدر يسوي شيء وإلا يفكر حتى .. هذا عامر وإفتكينا منه ..
وسام : هذا وجهي إذا حط عينه بـ عينك مرهـ ثانيه ..
ضحكوا الشباب ..
حاتم : مانتقابل كثير أساساً .. ولا آبيه يحط عينه بـ عيني .. خله فـ اشغاله بعيد عن عمتي ..
أبو خالد ورهف تكلمه بـ الموبايل قالت رهف : بس ليش ؟؟
أبو خالد : بس هـ العائله بيننا مشاكل وسمعتهم ماتعجبني وإنتي إللي عليك ماتروحين ..
رهف مو عاجبها كلش : لسا راجعه من شهر العسل .. ووعاملين حفله وبروح ..
أبو خالد بـ كل جديه : إسمعي .. والله لو تطلعين من باب البيت لهم .. إنسي إنك ترجعين للبيت .. طيب .. وهذا إللي عندي . . مع السلامه وقفل بـ وجهها واهو متأكد مستحيل تطلع ..
رمت الموبايل بـ اقوى شيء عندها وتكسر .. وبكت من القهر .. وربي لـ تندم إنت وعائلتك كلهم ..
نزل نظارته على الطاوله .. وتنهد .. هذي ماتفهم .. كان مشغول بـ اوراقه ليما أتصلت وحاست كل شغله .. مايقدر يركز ذا الحين .. فسخ غترته ورجع راسه
لـ ورا وسندهـ على الكرسي .. مو كافي متحمل كلامها .. كل يوم إلا خناقه معاها .. تذكر أخر مرهـ أمس لإنو كان يومها .. لما طلبت منه يومين لها ويوم لـ جوهرهـ .. حاول يفهم سبب هـ الطلب .. لكن إهي إلا ينفذ ونفخ عليها وسكتت غصب .. وذا الحين طالعه بـ سالفة صاحبتها هذي . . مايدري كيف يتخلص من صاحباتها إللي سمعتهم فـ الحضيض .. طق مافاد معاها .. خنايق مافادت .. إللي يجيب فايدهـ لما يعصب من جد وتهجد .. لكن بعد كذا تطلع موضوع أقوى من إللي قبله .. وترفع ضغطه زود .. مسح على جبينه وعيونه بـ إيدهـ ولبس غترته وطلع من الشركه كلها ..
كانت لسا مقفله من أبوها وجالسه على الكنبه وموبايلها بـ إيدها وسرحانه مرهـ وواضح عليها شوي حزن .. جلس بجنبها راكان وقال : شـ فيه الحلو سرحان ..؟؟
وسن ناظرته ولفت على طوول ماتبي يشوف إللي بـ عيوونها : ولا شيء حبيبي ..
راكان ناظرها وشك لما قامت وقال : مبسوطه معاي ؟؟
وسن وإهي تضبط عيونها وعاطيته ظهرها : هذا سؤال الله يهديك ..!
راكان وقف ومسكها من كتوفها وقال بكل رقه : شـ فيك ؟؟
وسن حطت إيدينها على إيدينه وقالت وإهي مو قادرهـ تضغط على حالها أكثر : مافيني غير حُبك ..
نزل إيدينه من كتوفها وحضنها له من ورا وشفايفه قريبه من إذنها وقال بصوت رآيق واهو عارف إنها ماتبي تتكلم : صحيح !!
تسارعت نبضات قلبها .. هذا مجننها قالت وإهي ذايبه : لما تكون بـ جنبي الدنيا ساعتها ماهي سايعتني من الإحساس إللي بداخلي لك ..
لفها له وصارت قبال وجهه .. ناظرته واهو يناظرها .. حضنته وحضنها اهو أكثر .. على فرق العُمر إللي بينهم إلا إنها عندهـ غير عن خلق الله كلهم .. إهي الوحيدهـ بـ دنيته .. ولا يبي شيء بعدها ..
أبو سعد دخل على تركي فـ مكتبه .. تركي كان غاطس بـ الأوراق ولما حس إنو الباب إنفتح .. منو إللي بيدخل عليه من غير إستئذان إلا أولاد عائلته رفع نظرهـ وشاف جدهـ .. قام من الصدمه وتقدم .. وقال : هـ .. هلا والله .. تو مانور المكتب ..
أبو سعد بعد ماباس تركي راسه مرتين وجلس قال : جيت أشوف عيالي شـ مسوين بـ شغلهم ..!
تركي ضحك وقال : الحمدلله جيت واـنا أشتغل وإلا كان صارت علوم ..
ضحك أبو سعد وقال : ماهي علوم وبس إلا عطوك ملفك ومع باب الشركه ..
ضحك تركي وقال : أجل الحمدلله ..
ضحك الجد وقال : وكيف الشغل معاكم ؟
تركي إستغرب بـ العادهـ هـ السؤال بس لـ خاله سُلطان قال : الحمدلله كل الأمور ماشيه مثل مانبي واكثر ..
أبو سعد : الحمدلله .. هذا كله من فضل الله ثم تفكير سُلطان ..
تركي : هذا شيء معروف .. خالي سُلطان اهو إللي مشغل الدنيا هذي كلها ..
ابو سعد : عسى الله يحفظه ..
تركي : آمين يارب ..
فواز واهو يكلم دارين بـ الموبايل : حُبي يلا صحصحي ..
دارين : همممممم ..
فواز : دارين لو جيت وحصلتك نايمه والله لـ أنام معاك ..
دارين تبسمت وقالت وصوتها فيه النوم : حياك حياتي ..
فواز كان لسا داش البيت ورقى فوق وبقى بـ الصاله يعطيها مهله .. يشوف إذا بتصحى وإلا ينفذ كلامه قال : دارين ..
دارين : تعال نام .. عادي .. والغدأ العصر ..
فواز : أـنا آبي اطلعك .. نطلع إحنا ونتمشى شوي وبعدين نتغدأ ..
دارين : حبيبي لا تحاول ..
فواز عارف إنها بس مجرد كلام .. وإلا إذا شافته ضاعت علومها قال : متأكدهـ ..
دارين شوي وتضحك قالت : أكيد ..
فواز : ما راح تصحين ..؟؟
دارين : لا وتعال نام ..
فواز : دقايق واتصل فيك .. جا لي أحد ..
دارين : اوكي حياتي باي .. وقفلت الموبايل ونزلته بـ جنبها وإهي تناظر فـ مكان حبيبها فاضي وتتبسم .. ماحست إلا فواز جالس معاها على السرير ..
دارين نطت على طوول وجلست وقالت : خلاص يلا بـ أدخل أخذ شاور ونطلع ..
فواز عارف إنها بتغير رآيها من تشوفه وبس قال واهو يناظرها بنص عين : مو النوم فيك ..!!
دارين وخدودها متلونه : لآآآآآآآآآ .. صحيت عشانك بس ..
فواز : حياتي إنتي { واهو يمسك إيدها ويمسح عليها قال بنبرهـ تعرف نهايتها عدل } بس أـنا ياروح فواز .. حاب النوم ذا الحين .. وبعد ماشفتك كذا { وناظر لبسها } والسرير عاجبني ..
دارين ناظرته قالت : إذا رجعنا من برا .. أخلي السرير يععجبك أكثر ..
فواز واهو يرجع ينومها : لآ ياروحي خليك كذا .. ماعجبتيني اكثر من هـ الوقت .. ناظرته .. عرفت إنو مستحيل يتراجع عن إللي بداخله وتبسمت له .. ~_^
كانت هنادي جالسه بـ الصاله إللي تحت وتكلم بـ التليفون وتين ..
هنادي: هههههههههههههههههههه .. والله مابقى إلا أـنا وإنتي متقابلات تقولين كأننا عجايز ..
وتين : ههههههههههههههههههههههههههه .. من جد أـنا وإنتي وهذي حالتنا كل يوم ..
هنادي : ههههههههههههههههههههههه { وكملت وإهي تغني بصوتها الحلو وإهي تمد
بـ الأغنيه } ياليــــــل خبرني عن أمر المعانــــات .. يــاليــل خبرني عن أمر المعـــانــات ..
وتين : هاها .. منو إللي جا لك ؟؟ { كل منو يعرف هنادي .. إذا غنت بداية أغنية المعانات .. هذا تنبيه منها إنو في أحد جا لها وإلا خرب عليها السالفه إللي تقولها .. }
هنادي تشوف تركي داخل واهو معصب حدهـ قالت : منو غيرهم ..!
وتين : أـها .. أجل قولي له .. { وغنت } صغير ومدلع ..
ضحكت هنادي : عشان رقبتي بـ جهه واـنا بـ المكان الثاني ..
ضحكت وتين وقالت : يلا قبل لا يسوي لك محاضرهـ .. باي ..
هنادي : بايات ..
سكرت ومر من عندها ولا كأنه شايف أحد قالت : السلام لله .. { رآيقه الإخت ولا عرفت عن مزاجه المقفل }
طنش ولا كأنه سامع شيء ورقى لـ جناحه .. خير .. جدي على كيفه الدعوى .. بس اهو ماعطاني اي إهتمام .. قلت لا وما آبي ومستحيل ولاهمه ..
جدهـ : هذا وإنت الكبير من عيالي وترفض .. هذا إللي حصلته منكم .. ولا واحد منكم حاط لي اي إهتمام وكأني كبرت وخرفت .. ولا أدري عن تصرفاتي وكل واحد منكم يتصرف على كيفه .. وهذا إنتم جالسين ولا تبون زواج ..
تركي شوي ويصيح : جدي مستحيل .. أكرهها وتكرهني ..
أبو سعد : المحبه ماتجي إلا بعد الزاوج .. ولا تسوي لي فيها تبي حُب من قبل الزواج .. ما ادري وين تشوفها وقلبك تعلق فيها وعشتوا قصه .. كل هذا مايمشي معاي .. شوف الناس كيف عايشه .. شوف إخوانك إللي تزوجوا قبلك .. كلهم من بنات عمهم ولا قالوا نفس كلامك ..
تركي مايدري شـ يسوي قال : بس إخواني كل واحد مختار من كيفه ويحبها .. المصيبه سالفتي اـنا وإهي .. يعني الكرهـ الشيء المشترك بيننا .. شلون ترضاها ياجدي ..!!
أبو سعد : جا لك كلامي ..
تركي : وافضل شيء إنها بـ تكرهني وأكيد بـ ترفض وساعتها والله مالكم تدخل فيني ..
أبو سعد : ماتقدر ترفض .. لإن ماعندنا بنات تقول لـ أهلها لا ..
تركي واصل حدهـ من العصبيه : جدي إلا هـ الشيء ..
أبو سعد : قلت لك .. الأربعاء الجاي خطوبتك .. ويوم الجمعه ملكتك .. وزواجك
بـ عيد الفطر ..
تركي : ما شاء الله ومحدد كل شيء بعد .. شوفوا .. إذا تزوجتها غصب تأكدوا إني بـ أطلقها ..
أبو سعد واهو يوقف : سوها إذا كنت رجال .. { تحدي صريح } أـنا قلت إللي عندي وجهز نفسك للأربعاء .. وطلع واهو تارك تركي مصدووووووووووووووم ..
قلب الموضوع بـ راسه .. مايدش كلش .. لو مختارين وحدهـ ثانيه ممكن يتقبل شوي .. لكن جدهـ إختار وخلص وحدد كل شيء ... مسك راسه .. كل لحظه والثانيه كرهه لها يزداد .. ليش مايقدرون كرهه لها .. المسأله ماهي لعبه وعلى كيف جدهـ ..! حسب .. اليوم الأثنين .. يعني باقي يومين .. كان سوا جدهـ إللي براسه وريح حاله بدل مايطولها يومين .. متأكد إنها بـ ترفض .. وهذا الشيء بيريحه .. لكن مايبي تفهم على كيفها .. إنو اهو ميت عليها وعشان كذا خطبها .. ياشماتتها فيه .. ياضحكها عليه .. جدهـ كيف يفكر . . اهو أخر شيء يكون مطنزهـ حق بزر تافه .. وفوق هذا تصرفاتها ماتعجبه .. كيف وجهه عند الكل .. يعرفون إنو على طوول ويااها خنايق وطقاق وكرهـ .. كيف بيناظرونه واهو يتقدم لها .. !! أكيد بيشوفونه ولا شيء .. كيف يفهمهم .. ويفهمها إهي فوق هذا كله .. عشان لاتصدق نفسها وجدها وتشوف حالها فوق حالها ذا الحين .. جدهـ قال بعد يومين .. يعني مجهز كل شيء .. واتحدأ أحد يرفض إذا جدهـ إللي متكلم .. فكر يدخل خاله سُلطان لإنو ضد إللي يتزوج غصب عليه .. وتراجع على أخر شيء .. كيف يدخل خاله .. أكيد بتصير مشكله كبيرهـ بين خاله وجدهـ .. واهو مايبي مشاكل لهم .. ضحك بـ طنازهـ .. خاله ماقدر على جدهـ وزوجه غصب .. لكن خاله وضعه غير .. جدهـ حلف عليه .. لكن تركي ماحلف .. يعني ممكن يقدر .. إستبعد الشيء هذا وقال .. اهو يتصرف من نفسه أفضل .. كرهـ العائله كلها .. بينتظر يومين وبيشوف إذا جدهـ ماتراجع سوا إللي فـ بااله ..
كان في بيته الجديد واليوم يوم جوهرهـ .. مسج لها إنو راح يتأخر شوي .. جلس ينتظر .. ليما الساعه 2 ونص .. ودخلت الأخت رهف ..
كان جالس بـ الصاله ولما شافته طاح قلبها والخوف واضح عليها .. هدوءوهـ واهو جالس يخوفها زود .. قام واقف قال بـ نبرهـ عاديه : وين كنتي ؟؟
رهف تلعثمت قالت : أـنا ؟؟
سُلطان يعيد بـ نفس النبرهـ : وين كنتي ؟؟
رهف خايفه قالت : ك .. كنت عند أهلي ..
سُلطان واهو يمشي لـ ناحية الدرج : ارجعي لهم ..
رهف إنصدمت قالت : عند أهلي ..
لف لها وقال بـ نفس الهدوء : طيب واـنا ماقلت إلا إرجعي لهم ..
رهف وإهي تترجى : سُلطان لا ..
سُلطان ناظرها كلها وقال بقوهـ : تذكرين شـ قلت لك لما إستئذنتيي عشان تروحين لـ حفلة صديقتك .. كنت حالف وقتها إذا طلعتي لهم ..
رهف تقاطعه : بـ .. بس اـنا عند أهلي ..
سُلطان بـ صرااخ خلاها غصب تنزل راسها : أـنا ماني غبي .. يكون بعلمك كل مكان تروحين له تجيني اخبارك ,, وهذا مو تجسس .. لكن المكان إللي رحتي له اليوم وصلني خبر من أحد من الموجودين معاك .. وطلعتي وأـنا حالف .. أـنا
بـ عمري كله ما احد كسر حلفي .. تجيني إنتي وتكسرينه .. مو مستعد اعيد واربي فيك من جديد .. وإللي مايسمع كلامي ماله مكان عندي .. طلعتي من وراي وأـنا حالف عليك ماتطلعين .. شلون أتقبلك بعد كذا .. روحي لـ بيت أهلك .. ولا تتوقعين بـ ارجعك .. لإن بكرهـ ورقة طلاقك واصلتك بـ إذن الله .. ناظرها وقال .. إنتي طالق ..
رقى لـ غرفتهم وخذا شماغه ونزل .. وطلع من البيت كله وإهي مصدومه .. خسرت كل شيء .. سُلطان طلقها .. ومنو إللي وصل له الخبر .. إنها رايحه للحفله .. منو !! .. فكرت .. منو من إللي جالسين معاها .. لا أكيد حاط تجسس بـ كل مكان ..
ماكان يبي يتزوج عشان مايظلم بنت الناس معاهـ وبـ الأخير يطلقها .. اهو يعرف حاله .. مع غير جوهرهـ مستحيل يعيش .. لو كل عذارا الدنيا يشيلونه على كفوفهم .. مستحيل يتقبل .. مايبي غير جوهرهـ .. كان متحملها 3 شهور .. يضغط على حاله غصب .. كيف كان ممكن أبوهـ يفهمه .. حلف عليه وإختارها أبوهـ .. وتزوجها غصب .. حتى لو كانت طيبه وتعاملها حلو مع الكل مايقدر يكمل معاها .. تسأل كيف أخوهـ عبدالله قادر يتحمل 3 زوجات ويعيش مع كل وحدهـ .. وكل وحدهـ لها غيرتها ودلعها إللي يكرهه بكل حرمه .. كرهته رهف فيه .. متأكد إنو القلب مايتحمل حُب اكثر من شخص .. مايتحمل حُب اكثر من زوجه .. !! دخل للبيته الأول .. بيته إللي من يشوفه يحس بـ الراحه غصب .. البيت هادي مرهـ .. رقى للدور الثاني واهو يمشي لـ جناحه مر على جناح وسن ناظرهـ ودعا لها بـ قلبه ودخل جناحه وكانت جوهرهـ جالسه تتابع لها فيلم .. قفلت التي في وقامت له .. تقدم لها وقال : أدري تأخرت ..
جوهرهـ : المهم إنك بخير ..
تبسم لها .. يلومونه لما مايقدر يعيش مع غيرها حتى إذا إهي موجودهـ على ذمته .. باس جبينها وقال : تأكدي أخر مرهـ أتأخر فيها عليك ..
تبسمت له .. وقالت : يلا ياحلو بدل ملابسك ونام لإنو الوقت تأخر وبكرهـ عندك دوام وإلا ناسي ..!!
ضحك وقال : إلا هـ الشيء .. فسخ شماغه وخذته منه دخل لـ غرفة التبديل ولبس ملابس النوم ورجع وجلس على السرير والنوم فيه : آبي أـنام .. { وكأنه يقول خلاص إرتحت من همي الوحيد }
قالت وإهي تناظرهـ وتقفل النور لإنو سُلطان مايحب ينام إلا بـ نور خفيف مرهـ .. ولا يوضح فيه شيء كثير : نوم العوافي عيوني ..
سُلطان تمدد على السرير تغطى شوي وقال : يعافيك ياروحي .. وراح فـ سابع نومه .. غطته عدل ونامت بـ جنبه ..
اليوم الثاني انهى أوراق طلاق رهف ووصلت لها الورقه .. وكان داز لها شيك
بـ مبلغ كبير .. ترضيه لها بعد الطلاق .. مايحب ياخذ من أحد ومايعطي أكثر من إللي أخذ .. خذت الشيك .. وشافت نفسها صغيرهـ عند كرم سُلطان .. مع إنها ماجابت له إلا الأذيه ورفع الضغط إلا إنو عطاها مبلغ تحلم فيه طول عمرها .. اهو مو ملزوم يدفع لها بعد مايطلقها لإنها ماطلبت كذا .. لكن يبي يريح حاله اكثر .. يبيها تعيش بعد ماطلقها بهـ المبلغ ولا تحتاج لـ أحد .. سكتت ولا تكلمت ولا سبت فيه .. بس إللي متأكدهـ منه إنها خسرت رجُل بـ معنى الكلمه ..
بعد ماتغدأ مع أولادهـ وزوجته .. رقى لـ غرفته بينام لـ وقت صلاة العصر وبعدها يطلع للشركه .. دخلت جوهرهـ بعدهـ بـ عشر دقايق للجناح وحصلته متمدد على السرير ومسكر عيونه .. توقعت نايم ... والسؤال إللي ذابحها .. اليوم لـ رهف ليش مطنش يومها .. ومع هذا ماسألته ... إذا ماتكلم من نفسه مستحيل تسأله .. شم ريحة عطرها .. وفتح عيونه شافها قبال المرآيه جالسه وتحط كريم على إيدينها وقال بكل هدوء : طلقت رهف ..
وقفت من شغلها وسكتت .. ماتوقعت .. صحيح تتمنى يكون لها بـ روحها .. بس مستحيل إهي تتجرأ وتطلب هـ الطلب .. مالها حق تطلب .. وشنو ذنب البنت إللي تزوجت وتطلقت ..
شاف سكوتها طول قال : حياتي معاها مامشت .. وأبوي الله يهديه هو إللي حدني على هـ الشيء ..
قامت وجلست على السرير وقباله على طول قالت : متى ؟
سُلطان : اليوم الصباح ..
سكتت ماتدري شـ تقول ..
فتح عيونه قال واهو يشوفها ماتكلمت : شـ فيك ؟؟
جوهرهـ ماتدري شـ تقول .. أكيد مرتاحه لإنو زوجها صار لها بروحها ... وزعلانه بـ نفس الوقت .. صعب على الوحدهـ تتطلق قالت بـ خوف : إنت وإلا إهي .؟؟ { ماتبيه يظلم أحد عشان لا يرجع له الظلم }
تكلم بعد ثواني : كنت حالف عليها ماتطلع لـ حفله وطلعت من وراي وصار إللي صار ..
تعرف سُلطان ماعندهـ تلاعب بهـ الأمور .. وتعرف مستحيل يأذيها ..
كمل : لا تخافين .. ماظلمتها .. { سكت شوي وكمل واهو يجلس بجنبها } عيشتي مع غيرك مستحيله .. وأبوي بيفهم هـ الكلام اليوم إن شاء الله ..
فهمت على نظراته قالت وإهي تتبسم وترجعه لـ مكان نومه : النوم يمدحونه ..
ضحك وقال : إذا معاك أكيد يمدحونه ..
ضحكت لـ ضحكته إللي طالعه من قلب ولـ أول مرهـ من وقت .. وتمددت بـ جبنه وإهي ماسكه إيدهـ قالت : تعرف إنك أفضل خلق الله بكل شيء .. مميز بكل شيء ..
ضحك واهو يضغط على إيدها قال : بس بنظرك .. وإلا نظر إللي مايعرفني عدل يقول غير هـ الكلام ..
بوزت .. وقالت : إذا بيعرفونك عدل راح يندمون على كل شيء ظنوهـ فيك
بـ شيء مو كويس ..
ضحك لـ تبويزتها وقال : أـنا ما اظلم أحد .. بس مشكلتي عصبيتي وإسمي إللي مخوف الناس .. وبعدين أـنا مايهمني غيرك إنتي ..
ضحكت وقالت : إسمك ماخوف الناس إلا من قوته ..
سُلطان : شـ اسوي فيهم .. !! أـنا إسمي ماتشتغل قوته إلا مع الناس إللي ماتفهم .. لكن اهم حسبالهم أـنا مع الكل كذا .. !
جوهرهـ وإهي تضحك : الحمدلله إني زوجتك وإلا كان طيرتني من ضمن هـ الناس إللي تشتغل عليهم بـ قوة إسمك ..
ضحك من قلب وقال : عاد شغلي عليك غيييييير وغمز لها .. وباس إيدها .. تبسمت له واهو من هـ اللحظه لها بروحها .. خلاص مافي أحد يشاركها فيه ..
يوم الأربعاء الصباح مسج أبو سعد لـ تركي يجهز حاله بعد العصر .. قرأ المسج وإنقهر زود .. اهو من يومين مايقدر ينام .. والسببب هـ الزفته ..
دق رقمها من رقم مكتبه لإنو يعرف ما راح ترد على رقم موبايله ردت : إيوا ..
جا لها صوت تركي إللي كارهـ من جد : إسمعي ..
وتين عقدت حواجبها وعدلت جلستها وقالت : خير ..؟؟ منو ؟؟
تركي : إللي يكرهك وإنتي تكرهينه ..
وضح لها الصوت قالت وإهي تناظر اظافييرها ولا كأن هامها شيء : آففف ..
شـ بغيت .. لو كنت عارفه مارديت .. بسرعه رجاءاً لإنو بدأ يضيق علي النفس من تخلفك وغثاثتك ..
ضحك بينه وبين نفسه .. هذي بدايتها .. وين جدهـ لايسمع المكالمه ويعرف شـ كثر يكرهون بعض ومستحيل يتقبلون .. قال بكل كبر والسالفه كابرهـ بـ راسه : إسمعي .. كلمتك مو حُب فيك .. لكن جدي الله يجزيهـ خير .. إتصل فيني يترجاني أتزوجك واستر عليك ويعني اربيك من جديد .. يبيني أكسب فيك اجر ....
قاطعته وإهي مصدومه : خيييييييييييييييييييييييييير !! والله لو تكون أخر شخص
بـ الدنيا .. وبعدين خير تستر علي .. شـ قالوا لك .. كل ليله مع واحد .. وشنو تكسب فيني أجر شايفيني عانس ..
زاد حقدهـ وقال : وقسم بـ الله العظيم .. ترفضين خطبتي اليوم العصر ليصير لك شغل تندمين عليه طول عمرك .. وصادق جدي .. بـ اخذك أربيك من جديد واستر عليك .. وأخذ أجر ..
عصبت .. قالت : فيك خير تقدم العصر ..
عصب زود وقال : جاي إن شاء الله العصر وقلت فـ امك خير إرفضي .. والله
لـ ادخل عليك لـ غرفتك وارتكب فيك جريمه وانزل ..
ضحكت وإهي تقهرهـ : قول لـ جدي إللي يبي له ستر إنت .. شكلك من إللي يصادقون بنات الليل ..
كلامها صدمه .. قال : قليلة ادب وحقيرهـ .. وشغلك عندي بس إرفضي وقفل
بـ وجهها ..
ناظرت موبايلها .. خير ... إذا فعلاً جاد يسويها ويشوف شنو بيجي العائله كلها .. موعلى كيفهم ..
كان ناوي إذا إتصل فيها يهددها عشان ماتوافق عليه .. لكن من سمع لسانها الطويل كبرت سالفته القديمه إنو يبي يربيها من جد وجديد وبهذي الطريقه ما احد يقدر يتكلم معاهـ ليش تعاملها كذا وليش تسوي لها كذا .. زوجته ولو يقلتها كيفه .. حقد عليها أكثر واهو يتذكر كلامها .. تشكك فيه .. !! " بس والله وراك ياوتين ليما تتعدلين .. وأـنا متحمس للزواج هذا أكثر من جدي ".. وسبحان الله كيف تغير رآيه ..
سعود واهو واقف قبال هديل : صحيح ؟؟
هديل بخجل : إيوا ..
سعود بيطير من الوناسه : متى عرفتي وكم صار ومنو قالك ؟؟
هديل ضحكت وقالت : شوي شوي ... متى عرفت .. أمس مو طلعنا للمستشفى وقلت لك عندي موعد عملت فحوصات وخبرتني الدكتورهـ بـ التليفون .. كم صار .. آمم .. لسا شهر ونص ..
شالها بين إيدينه ويدور فيها .. ضحكت وقالت : سعودي خلاااص ..
نزلها على السرير وتمدد بـ جنبها واهو يناظرها ويمسح على خدها : روح سعودي .. أحلى خبر سمعته .. مو قايل لا تشتغلين لإنو الشغل على الخدم .. ولا في شيء بيضرك كثر الدرج من تطلعين وتنزلين ..
هديل : صعب ما انزل ..
سعود : ماقلت لاتنزلين .. لكن مو على طول طالعه نازله .. إنزلي بـ النهار ولا تطلعين إلا بـ الليل ..
هديل ناظرته مصدومه شوي قالت : وإنت . ؟؟ تقدر يعني مانجلس بـ روحنا ..!
ضحك وقال واهو يبوس عيونها : إلا هـ الشيء ما اقدر عليه .. طيب خليك جالسه فوق ..
هديل : صعب ..!
سعود : ياربي .. خلاص أحط اصنصير من بيتنا لـ بيت أبوي ..
ضحكت وقالت : من جدك ..؟؟
سعود : أجل .. ! إحنا طلوعنا ودخولنا ماله دخل فـ بيت أبوي .. يعني بيتنا
بـ روحه .. فـ بربط من فوق لـ تحت بـ اصنصير ..
هديل ضحكت وقالت : لا خلاص .. بس أنزل العصر .. كذا أوكي ..!
سعود : كذا عدل .. وباس خدودها وقال : ياربي .. وربي أـحبك ..
ضحكت عليه وقالت : وأـنا أموت فيه ..
ناظرها وقال : تمموتيني فيني ؟؟
هديل : وقليل بعد ..
سعود : أوكي عطيني بوسه إذا من جد ..
ضحكت وعطته بوسه وخق من جد ~_^
يوم الأربعاء بعد المغرب .. إنتشر خبر خطوبة تركي لـ وتين .. والكل مصدوم .. ولا قادر يتقبل هـ الموضوع ..
أم سعود وإهي عند بنتها بـ الغرفه : أـنا قلت لك .. غير تركي مافي ..
وتين وإهي حاطه إيدها على خدها : لا اهو ولا غيرهـ ..
أم سعود تعبت من هـ البنت إللي راسها يابس قالت : والله ماتاخذين إلا اهو وهذاني حلفت ياوتين وملكتك يوم الجمعه يعني بعد بكرهـ وبكرهـ تروحين وتعملين الفحوصات ..
وتين نطت لـ أمها : لا يُمه تُكفين لا تحلفين ..
أم سعود وإهي تبعد إيدها عنها وتمشي وتتركها : حلفت وخلصت .. وفيك خير خليني أصوم 3 أـيام وطلعت من عندها وإهي متأكدهـ إنها بتتزوج تركي .. وفرحانه إنو أصغر ذريتها من نصيب تركي .. كانت تتمنى هـ الشيء ولا توقعت بـ يصير .. وسبحان الله جا اليوم إللي بيتحقق مناها .. متأكدهـ إنو تركي راح يحب وتين ووتين نفس الشيء .. لكن هذا يبي له صبر .. وإن شاء الله عندهم هـ الصبر ..
بـ الإستراحه ..
وسام : كان قلت من زمان إنك تحبها وريحت عمرك .. بدل كل يوم ماسك فيها خنايق ..
خالد : والله ياتركي ماتدخل المخ ..
حمد : من جد .. يعني مع إنها إختي لكن لو جاي لي احد وقايل إنو تركي راح يخطب وتين قلت إنقلع .. مستحيل يصير هـ الشيء ..
سعود : تركي متأكد من رآيك ؟
وسام : أـنا قايل هذا إسلوب الشباب الجديد فـ الحب ..
حمد : إيوا وكيف هذا الأسلوب ؟؟
وسام : طق وخناق وإنت واطي وإنت حقير وإنتي هايته وإنت متخلف { وكأنه يدق تركي بـ الكلام } لكن إللي بداخلهم غير هـ الشيء .. يمكن إنهم من ورانا عسل لكن قبالنا حرب ..
ضحكوا عليه ..
حمد واهو يتذكر قال : كان زين الخنايق والطق يكون إللي وراها حُب مثل ماتقول ..
فهموا إنو يحاتي إخته .. لكن اهو يتكلم عن حاله وحال خلود ..
ياسر : بتقوم حرب ..
فيصل : أحس إني أحلم ..
كلهم : ههههههههههههههههههههههههههههههههههههههههه
فواز واهو يمشي لهم : صحيح إللي سمعناهـ يـ العاشق الكذاب ..؟؟
ضحكوا عليه وقاموا يسلمون عليه ..
تركي إللي خاف منه صار .. فهموا السالفه مثل مايحبون إهم .. قال : ليش إن شاء الله ؟؟
فواز واهو يجلس : أبد الله يسلمك .. بس أذكر لي واحد كان يقول والله إذا طلعوا البنات معانا ما اطلع وخصوصاً الهايته وتين .. وهذا غير باقي الكلام .. { كمل بـ هبال } ترا عادي أكمل ..
ضحكوا عليه ..
تركي : لا حووول .. إيوا أحبها شـ عندكم ..!!
فواز : أبد الله يسلمك .. إللي يكون قد مشاعرهـ مايخبيها ورا كذب وخنايق ..
وسام : صح لسانك ..
فواز : خير قايل قصيدهـ ..
وسام : الله يسلمك حكمه ..
فواز : إيوا .. أجل صح بدنك ..
وسام واهو يضحك : وين بدر يجي ويسمع والله لـ يسويك حفله ..
ضحكوا كلهم ..
فارس : هذا حال إللي مايبي ولا أفكر ومستحيل .. الدور الجاي على بعض الناس وناظر حاتم ..
حاتم ناظرهـ وقال : لا تارك الزواج للي عندهم مشاعر ..
ضحكوا عليه ..
فواز واهو يضحك : يعني بـ تقنعني ماعندك مشاعر ..!!
حاتم ناظرهـ شوي وغنى بـ صوته والكل سكت يسمع . .
مستريح البال لا قيلٍ وقال
شاري الراحه ومالي بـ الهموم
الهوى ياناس لو هو بـ العدال
لو صفا لك يوم ماضنه يدوم
من يذوق الحب عرف طعم الليال
يشتكي منه ولا يقدر يلوم
والعمر لا راح مايرجع مُحال
لا ولا يرجع حتى فـ الحلوم
أـنا قلبي مايبي هم وسؤال
مايبي بايع ولا شاري يسوم
خلني مرتاح ياولد الحلال
عاشق الراحه عساها لي تدوم
ردهـ لهم كان بهـ الكلمات .. حمد واهو يداري همه : صدقت فـ كل كلمه غنيتها ..
فواز يناظر حاتم قال : ثواني وراجع لك { ناظر حمد قال } خير أبو الشباب ناسي إنك متزوج ؟؟!!!!!!!
حمد بكل هدوء : لآ ..
فواز : طيب .. شـمعنى كلامك ؟؟
حمد : صحيح صادق فـ كل كلمه ..
فيصل : ماعليك من هذا شكله من حزب حاتم ..
حاتم : شفيكم عليه .. من جد إللي يبي الراحه يبعد عن الحب وبلاويه ..
حمد : الله يديم لك راحة البال ..
حاتم : آجمعين يارب ..
وسام : صراحه أـنا أـشك فـ علاقة هـ الإثنين { ويأشر على حاتم وحمد }
ضحكوا ..
فواز : لحظه حاتم .. يعني أبد ماحبيت ولا راح تحب ..!
حاتم : الحمدلله ماحببيت .. لكن إذا بـ أحب .. هذا إذا .. وأكيد بعدين مو ذا الحين .. يعني ممكن أحب بعد الزواج .. تعرفوني صعب أحب .. فـ راح أحط حدود لـ كل شيء ..
فواز : تزوجتها .. شـ الفايدهـ تحط حدود وإنتم تجاوزتوا كل الحدود ..
ضحكوا عليه ..
حاتم : صحيح على كلامك تجاوزنا الحدود فـ بعض الأشياء وإنت فاهم علي .. لكن في حدود حق الحب .. عشان إذا صار شيء لا قدر الله ما أتعب واتعذب زود .. ما أدري كيف اشرح لكم ..
خالد : كمل أـنا فاهم عليك ..
حمد فـ خاطرهـ .. طول عمرك ياحاتم تحسب لـ كل شيء حساب .. ماتخطي خطوهـ إلا متأكد من إللي بيصير فيها .. وعشان كذا مرتاح من الحب إلـى الأن ..
فارس : لحظه شـ يكمل ..؟!! خلنا نناقش على الكلام الأول بعدين يكمل ..
فواز : تفكيرك تفكير عمل ..
حمد : وإنت الصادق تفكير واحد ذكي ماينغش بـ الحبب وعشانه تزوج يورط نفسه غصب ..
حاتم : لا حمد .. ترا الحب أوقات يجي غصب وساعتها الواحد مايعرف كيف يطلع منه حتى إذا مايحصل منه إلا العذاب ..
حمد بنظرة حزن كأنك ياحاتم تتكلم عني ..
فواز : إيوا .. هذا إللي نبيه .. يعني إنت مش ممكن تحب هـ الحب بعدين يـ إللي عاشق الراحه ؟؟
حاتم : قلت كل شيء ممكن يصير حدود .. صح الواحد إذا حب مايقدر يضبط حاله .. لكن أـنا عارف حالي .. ممكن أحط حدود لـ كل شيء ..
خالد : صح حاتم من النوع هذا ..
فواز : ياشيخ قول إنك مستحيل تحب تدخل العقل لكن تقول إنك تحط حدود هذا المستحيل ..!!!
حاتم : كيفك .. ما إقتنعت هذا شيء راجع لك .. بس أـنا متأكد من حالي ..
حمد بحسرهـ : وين قلبك بس !!
ناظروا مافهموا عليه ..
حاتم مشى الموضوع عادي وماهو غبي للدرجه هذي .. يعرف إللي يحب من إللي مايحب .. يعرف إللي متعذب من إللي عايش سعادهـ .. حتى إذا يخبي وماتكلم .. قال : ههههههههههه . . أحس لحست مخكم ..
تركي : صراحه مو لحست مخ إلا فقد ذاكرهـ ..
ضحكوا عليه ..
فواز : شباب تجيب الهم ..
حاتم يناظرهـ بنص عين : والله مابقى لكم إلا أـنا .. عادي قولوا إللي تبون .. ماتهموني ..
تركي بقهر : ماعليك منهم إللي تبيه سووهـ ..
حاتم : لاتوصي ..
فواز يشيل الكاب إللي على شعرهـ ومرر إيدهـ على شعرهـ .. وسام واهو يقرب له ويمرر إيدهـ على شعر عمه قال واهو يغمز : إعترف ليش شعرك مبلل ؟؟
ضحكوا الشباب ..
فواز ناظرهـ قال : من الرطوبه الله يسلمك ...
وسام : سبحان الله كأننا مو جالسين تحت تكييف مثلج فينا ..
ضحكوا ..
فواز : كريم ..
وسام : مبلل .. صار كريم ..!!
فواز : اي وقت اتسبح راح اكتب لك بـ دفتر وبنهاية كل اسبوع راح اجيب لك الدفتر عشان تشوف متى تحممت وتفهم إنت بـ كيفك ..
وسام : هاها .. أـنا مو غبي .. يمكن ماتتحم إلا نهاية الأسبوع لما يكون الدفتر عندي ولا ادري .. وتضحك علي ..
ناظرهـ فواز .. صحيح هذا مصدق حاله ..
ضحكوا الشباب عليهم ..
فواز : طيب إنت ليش تتحمم ؟؟
وسام : أـنا ماتزوجت عشان اكون محل شُبهه ..!
فواز : حتى وإذا ماتزووجت .. يعني تتحمم كذا من الباب للطاقه ..
وسام يقال إنو مصدوم .. حط إيدهـ على فمه وقال : يافشلتي .. إنت ماتستحي كلش ..
فواز : لا ياقلبي صدمتك ..
ضحكوا عليهم .. وقضوا الوقت ضحك وسواليف ..
أبو سعد واهو يسولف مع أبو خالد : أشوفك هنا كل يوم !! زوجتك الثانيه فيها شيء ؟؟
أبو خالد إللي نسى لايخبر أبوهـ من كثر الأعماال إللي على راسه قال : طلقتها ..
أبو سعد عصب : هذا واـنا إلللي مزوجك إياها ..!!
أبو خالد يحاول يفهم أبوهـ بـ نفس حلوهـ : يُبه الله يطول بـ عمرك .. إهي ماتصلح لي .. ولا صار نصيب .. ولا آبي غير جوهرهـ .. عيشتي مع غير جوهرهـ مستحيله .. يُبه تأكد من هـ الشيء .. يُبه والله من تزوجتها والمشاكل إللي تصير بيننا تشغلني عن الشغل .. وأـنا مو ناقص مشاكل فوق إللي عندي .. فـ الله يخليك لي إرحمني وخلني بس لـ زوجتي وأولادي وأخواني وخواتي ولك إنت وأمي وشغلي وبس . . زواج ثاني مستحيل .. يُبه إفهمني الله يحفظك ..
سكت ابو سعد .. على كثر ماهو شايلهم شيل يجي يزيدهـ هم ..
صارت الملكه يوم الجمعه وكانت مختصرهـ على العائله وبس .. العرسان إللي برا ماعرفوا عن شيء .. ولو يعرفون بينصدمون نفس الباقين .. لإنو هذي تعتبر معجزهـ عندهم .. كانت فـ بيت ناصر أبو سعود .. ومرتبين الصاله وموزعين كراسي وطاولات .. وحركات حلوهـ .. لكن كل شيء بسرعه بسرعه .. لإنو ماكان عندهم إلا يوم وبس ..
دخل تركي لـ وتين عشان لايشكون إنو مجبور من جدهـ على هـ الزواج وهدفه الوحيد يحطم وتين وبسسسسس .. ودخل معاهـ حمد وسعود وياسر وباقي عمان وتين وخوالها وجدها .. تناظرهـ واهو يمشي لها واهو يناظرها بكل قوهـ .. طويل عريض أبيض أكتافه كبيرهـ شوي .. ملامحه رجوليه مرهـ .. ناظرها .. كيف صغيرهـ عندهـ .. ملامحها صغيرهـ مرهـ .. بيضا طولها حلو .. عيونها كبيرهـ خشمها صغير وفمها صغير .. شعرها مالاحظ فيه شيء لإنها عامله تسريحه .. كانت لابسه فستان رمادي بـ أبيض وتشكيلته حلوهـ .. ماسك على جسمها كله .. وبدون اكمام .. وصدرها مفتوح شوي .. وظهرها مفتوح إلـى النص .. { لو عليها طلعت له ببجامة النوم لعانه فيه .. لكن أمها وراها }
تقدم لها واهو يناظرها بكل تكبر مد إيدهـ لها وصافحها وبس .. إهي حتى ماتبي تصافحه .. قال لها بصوت خفيف : شطورهـ سمعتي الكلام .. عشان أكسب الأجر من جد ..
إنقهرت ولاقدرت ترد لإنو أبوها وعمانها وخوالها وجدها سلموا عليها .. وبعدين إخوانها .. كل إللي دخلوا لها لابسين غتر ..
بعد ماطلعوا الرياجيل عدأ إخوانها وتركي ..
تركي يكلم إخوانها يقال إنو ميت عليها : متى نشوف نفسنا ..!!
حمد ضحك على حركته لما غمز وقال : مستعجل !! إنتظر ..
ياسر : يقولون بـ العجله الندامه ونصيحه يعني لاتستعجل ..
ضحك حمد من قلب ..
خلود تناظر حمد .. كيف يضحك من قلب ولا كأن هامه شيء .. عاطيها جنبه ولا يدري عنها .. شافت فيه تشابه من تركي .. عريض الكتوف طويل , أبيض ملامحه مرهـ قويه .. لف يناظر للحريم وشافها جالسه على طاوله معاها ثنتين لابسين عبايات ولثم نفسها لكن إهي راجعه بـ الكرسي ورا وكأنها وحيدهـ .. عذرهـ يناظر خالاته .. لكن المقصد من هذا يشوفها حتى إذا لابسه عبايه ولثمه .. بقى ينقل نظرهـ بين الكل .. ويتبسم لـ أمه إللي مبسوطه ولـ خالاته وجدته .. ورجع نظرهـ لها .. شافها تناظرهـ .. خاطرهـ تكون علاقتهم أفضل من كذا وقتها كان خذاها من بينهم ورقص معاها بينهم ولا همهم أحد .. رجع يناظر لـ تركي واخوانه .. نادت عليه جدته : حمد أبوي تعال ..
لف لها وقال واهو يسأل لإنو الصوت ماكان واضح له من صوت الأغاني : في أحد صوت لي ..؟؟ وكان نظرهـ على طاولة خلود .. وكأنه يبيها تجاوب ..
خلود ماهي قادرهـ تتكلم .. تحس حالها بـ تبكي .. ماتتحمل تشوفه بهـ الرجوله ولا ينصلح حالهم .. تموت عليه .. كل يوم والثاني يكبر حُبه فيها ..
أمل : إيوا حمد جدهـ تبيك ..
حمد مشى لها وكانت بـ الطاوله إللي ورا خلود .. وقف عندها لإنو مسلم عليها قبل شوي قال : آمريني يُمه ..!
جدته : مايامر عليك ظالم يابوي .. وينك ماتنشاف ..؟؟
حمد ضحك وقال : والله موجود ياجدهـ ..
جدته : هذا وإنت موجود أجل لو مو موجود شـ رآح تسوي ..!؟
ضحك وباس راسها .. ومسك بـ إيدهـ ظهر الكرسي إللي جالسه عليه خلود .. يبي يكون قريب منها أكثر من قُرب إيدهـ لـ ظهرها .. حست بـ إيدهـ قريبه من ظهرها وكأنها تتمنى هـ القُرب وأكثر .. ماتحركت من مكانها .. إستغرب اهو منها هـ الشيء .. وقال فـ خاطرهـ " ليت الناس حولنا كل مرهـ عشان أكون قريب منك مثل ذا الحين "
جدته وإهي تضحك : وإلا قول إن خلود منسيتك ..!
إنعصر قلبه وقال واهو يتصنع الضحكه : ومنو غيرها يايُمه بيشغلني ..
ضحكت وقالت : وأـنا اشوف البنت رايح جسمها اثاريه من حُبك ..
ضحك بصوت عالي وقال : صادقه يُمه الحب يتعب الواحد .. إسأليها إذا مو مصدقه ..
ضحكت وقالت وإهي تطل على خلود : امي خلود ...!
خلود لفت لها وظهرها لامس إيد حمد .. حمد بقى نفس ما اهو .. مستمتع بهـ الشيء .. ماحبت تبعد عشان لايفهم بـ كيفه نفس كل مرهـ .. قالت : هلا ..
جدتها وإهي تتبسم بوجهها : حُب حمد إللي ذابحك ..!
دمعت عيونها وحركت راسها بـ معنى إيوا ..
جدتها : ياقلبي عليك .. { وإهي تطق حمد } شوف حتى ماتقدر تعترف بـ الكلام ..
ضحك .. وين إحنا ياجدهـ وإنتي وين ..
مسح بـ اصابيعه على ظهرها .. إهي خلاص .. خاطرها تلف له وتقول ورببي أحبك حس فيني ..
جدته ضحكت وقالت : ابوي إجلس عندها ..
ضحك وقال : عشان تركي يقلعني ..
ناظروا تركي طلع مع وتين لـ غرفه بـ روحهم عشان يضبط التحدي .. وإخوانه طلعوا ولا بقى إلا اهو ..
حمد : جدهـ الله يعافيك الكل طلع ..!
جدته ضحكت وقالت : عادي ابوي .. إجلس هذا بيت أبوك والبنات خواتك وخلود زوجتك ..
خلود .. آهـ ’ ياجدهـ ليتك معانا بـ البيت ...
حمد : الله يعافيك البنات بياخذون راحتهم ..
جدته : ماتوقعتها منك يابوي ..
باس راسها ولف لـ خلود ومسك إيدها وتركها بـ إيدهـ عشان جدته .. لف لـ جدته وإيد خلود بـ إيدهـ : ترا الرقص مايحلى إلا إذا إبتديته إنتي يايُمه ..
جدته وإهي تضحك : آهـ ’ من كلامك .. خلاص أبتديه لكن إنت معاي ..
حمد إنهبل قال : جدهـ أـنا مو بنت ..
جدته : الكل يرقص مو البنات وبس .. وإنت تقول إنو الرقص مايحلى إلا إذا إبتديت أـنا .. وأـنا آبيك معاي ..
حمد واهو يضحك : خليك بـ مكانك ولا تتعبين حالك ياقلبي ..
ضحكت وقالت : عشاني قلت لك ترقص معاي ..
جت المربيه بـ ولد فارس وأمل شايلته .. لسا صاحي من النوم .. حمد خذاهـ منها وقال : ربي يسعدهـ .. وباسه .. وتركهـ معاهـ .. بعد ماترك إيد خلود تدور دفا إيدهـ ..
أمل وإهي واقفه بـ جبنه وكاشفه وكاشخه وواضح عليها الحمال قالت : يلا شد الهمه وجيب نونو لكم .. متشوقه أشوف منك ولد .. ما ادري أحس غير ..
قلبه يتقطع مع كل كلمه .. وخلود دموعها تنزل .. ماتدرون إنكم بهـ الكلام تعذبوني زود .. حمد تبسم لها وقال : الله كريم ’’
أمل : هذا سعود نونته بـ الطريق ..
حمد واهو عيونه على عبدالله ويسمع لـ أمل وتفكيرهـ فـ شيء ثاني : لا .. الحمدلله ..
أمل : ليش مادريت ؟؟
حمد : توني اعرف ..
أمل : شكله خاش عن الشباب كلهم ..
حمد ضحك لإنو أكيد الكل يعرف عدأ اهو لإنو باله مو معاهـ وأكيد سعود مخبرهـ ولا خذا باله من السالفه .. وقال : الله يهنيه ..
أمل وإهي بتاخذ عبدالله منه قال : لا تعب عليك .. كيف تشيلينه وإنتي شايله غيرهـ ..
أمل : ياحياتي إنت .. عادي ماهو ثقيل مرهـ ..
حمد : إنتي صاحيه .. إلا دووب .. شنو شغلة المرببيه .. ولا تاخذينه معاك إلا إذا إنتي جالسه ..
أمل ناظرته وقالت : ربي يسعدك ياحمد ..
عطى عبدالله لـ المربيه واهو متعلق فيه كثير .. كل شيء فـ ملكة وتين عذبه زود .. كلام جدته ’ وجود خلود ’ حركته مع خلود ’ شوفة عبدالله ولد فارس ’ وكلام إخته .. وينني ووين السعادهـ قال : الله يسهل عليك ..
تبسمت له .. هذا حمد المعروف .. صحيح غامض لكن حنانه أكبر من غموضه قالت : حتى بعد ماتزوجت ماتغيرت .. !
حمد فهم عليها وتبسم غصب وقال : مافيني خير إذا تغيرت عليكم .. باس راسها ومشى واهو شايل عذابه أكثر من أول .. ناظرته .. حنانه يعذبها .. ماتقدر تتحمل تشوف حنانه وإهتمامه للغير وإهي زوجته ولا شيء .. ناظرته ليما إختفى عن نظرها داخل .. متأكد إنها تناظرهـ .. وإللي متأكد منه أكثر إنها ما إهتمت ولا حست فيه .. قامت فاسخه عباتها ودورت على السي دي إللي تبيه ..
عند وتين وتركي .. بعد مادخلوا .. ناظرته وتين بكل قوهـ قالت : أكرهك .. ولا تحاول تقرب ..
ناظرها تركي من فوق لـ تحت قال : شعور متبادل وإذا بـ أقرب لك .. بـ أقرب لك وبكيفي ولا تقدرين تمنعيني إنتي متأكدهـ من هـ الشيء ..
ناظرته وإهي كارهته .. قالت : ماتعني لي شيء ..
تركي : حسبالك ميت عليك ..!
وتين : الله يجزيك خير على الأجر إللي بتاخذهـ فيني ..
ناظرها بقوهـ وقال : أكيد أجر وستر وتأديب .. هـ الثلاثه حطيهم فـ بالك ..
طنشته .. تكرهه .. ولسا قدامك الأـيام يـا تركي عشان تكرهني زود وتسوي إلللي آبيه أـنا .. جلس بكل برود على احد الكنبات وحط رجل على رجل وطلع موبايله يطق طق فيه وإهي مقهورهـ على الأخر .. أـنا واقفه واهو جالس .. لعانه فيه جلست قباله لكن بعيد شوي وحاطه رجل على رجل .. ناظرها بـ طرف عينه .. صحيح ماتستحي ..
حمد ماحصل نفسه إلا قبال غرفة تركي ووتين .. يبي ينسى حزنه وعذابه .. ناظر
شـ دخله يدخل عليهم ويحر عُمرهـ زود .. رجع من مكان ما جا بيطلع لـ قسم الرياجيل بعد كذا .. سمع صوت الأغاني مرتفعه .. جا له إتصال ورد واهو مستغرب ..
حصلت سي دي نوال الكويتيه وإختارت إغنية " إلا بـ أزعل "
رقصت بكل عذاب .. رقصت على كلمات الأغنيه وإهي متأكدهـ إنها تحكي إللي فيها .. رقصت وفستانها الخوخي إللي ماسك على جسمها إلى الخصر وبعدين يتوسع .. يتمايل معاها وشعرها على أكتافها العاريه يتحرك .. شكلها ولون بشرتها متناسب ويا الفستان ..
إلا بـ أزعل إذا بـ تروح عن عيني وترحل
إلا بـ أزعل وأتوهـ بـ عالمك وأمشي ولا أوصل
وتاخذ احلى ضحكه في حياتي
لا وتقول لي ما آبغاك تزعل
من إللي قال لك إني أبقدر
أـنا أقدر كل شيء فراق ما أقدر
تخليني مع الذكرى بروحي
تعيشني على ما احلاك يـ أول
دخل على هـ المقطع .. وإستغرب من إللي يشوفه .. خلود ترقص على هـ الأغنيه ... شـ إللي جبرها وعندها سي ديات لـ مطربات الأفراح كثير .. توقف عند
من إللي قال لك إني أبقدر
أـنا أقدر كل شيء فراق ما أقدر
!!!!!!!!! ليتك تقولين لي منو وتريحيني ! آهـ ’ منك ياخلود .. ناظرها كيف تتمايل بـ الرقص على الحزين .. وواضح دموع بـ عيونها متأثرهـ مع كلمات الأغنيه .. ليش واقف ؟؟ مايدري .. !! ليش يعذب حاله زود مايدري .. !! لازم ينهي كل هذا ويعرف شـ سالفتها بـ الضبط .. يـ إنها تتقبل حياته وتشيل فكرة إنها عايفته يـ إنها ترجع لـ بيت أهلها .. ! رجع لـ قسم الرياجيل واهو بـ داخله .. ليش يُمه إتصلتي فيني أشوف هـ العذاب كله .. !! حسبالك بـ اخذها بـ الأحضان وبـ أغير لها السي دي .. يُمه وضعنا غير عن كذا بكثييييييييييييييييييييييييير .. ليتني اقدر أقول لك .. دخل على الرياجيل وسمعهم يسولفون بـ طلاق خاله سُلطان .. اهو ناقص هم .. يبي سواليف غير .. يسولفون بـ العمل أرحم له من الزواج والحب وهـ الأشياء ..
ناظر إيدهـ وتفكيرهـ مو مع الرياجيل كلش .. إيدهـ من شوي بس كانت على ظهر خلود .. ليتك طولت هناك ياحمد .. من شوي بس كانت إيد خلود بـ إيدك .. قرب إيدهـ على خشمه وكأنه يشم خلود .. ريحة عطرها .. ليش تحرميني منك .. ؟!!! شـ إللي سويته عشان تعيفيني بـ الشكل هذا .. بقت إيدهـ مسكر فيها على خشمه وكأنه يبي يحفظ ريحة عطرها بـ عقلة الباطن .. لو مايطلع من هـ المكان وينسى إللي صار وإلا دخل على الحريم وخذاها بـ إيدها وإنفجر بينهم كلهم بكل شيء .. الواحد عندهـ قدرة تحمل .. لكن مو للدرجه هذي ..! وصل لـ مرحله ممكن إنو يمشي ويكلم نفسه فيها والكل يضحك عليه .. مايبي ينهار .. مايبي يتعذب زود .. مايبي همه يكبر .. مايبي يسمع شيء .. إللي يبيه خلود تحس فيه قبل لا يصير له شيء والكل يفقدهـ من جد ..
في وسـطي جــروح الدنيا ..
في قـلبــي شــــتات ..
في حيــاتي :
حـقيقه مُــره لاآأإزم أتذوقـــها كـــل صـباح } ~
كل مســـاء كل لـحظه ..
آهـ ’’ كل لحظه .. حتى والناس فرحانه ..!
|
02-05-12, 09:24 AM
العرض العادي
