لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-12-11, 08:33 AM   المشاركة رقم: 36
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

طبعا اللى ما تعرفونه انه مشاعل خذت جوال جواهر وطرشت مسج لكن لمن
طرشت المسج لجوالها عشان تاخذ الرقم وتشوف اشلون راح تخرب على جواهرسالفة زواجها من سلطان
بنفس اليوم جت رساله غريبه لجواهر لكن بعد ما قرت المسج ما اهتمت لانه الرقم اولا غريب وبعدين ما كان في بالها شي وطنشت المساله كلها .....كانت المسج وسائط بها صورة وردة وكلمه وحده " ممكن نتعرف "
لما رجعوا من المزرعه جتها رسالة غيرها وهالمره كانت " يالحلو ممكن نتعرف عاشق الحلوات" خذت الرقم وتخبرت عنه نوفا لكن قالت لها انها ما تعرفه وانها بس تطنشه لكن الرساله الثالثه جريئة كاتب فيها "ابي اسمع صوت الحلو" لانه صاحب المسج اتصل عليها بعد المسج على طول وهي ما ردت وقالت بتخبرفهد يشوف صاحبه ..بس نست هالشي لما جا ابوها يعلمها بخبر الملجه ....
باليوم الثاني الصباح لما صحت نزلت لتحت واخذت الفطور ويا الريم وجلست شوي معها يسولفون.
الريم: ها اشلون العروس اليوم
جواهر: ياربي تصدقين فكرت انى ما راح انام لكن على طول نمت الريم ليه يسوون الملجه وبعدين انا يعني ما اعرف سلطان زين وليه هو مستعجل
الريم: جواهر يعني ما تبين الملجه
جواهر: والله مابي ليه يغصبوني عليها
الريم: ماحد راح يغصبج وابوج امس كلمج صح ليه ما قلت لى هالكلام
جواهر: ماترك لى فرصه وشفته فرحان بهالشي
الريم: ليه انتى مو فرحانه
جواهر تنهدت بقوة: آآه مو القصد ... بس ابي فرصه يعني اشلون راح اتجهز بيومين
الريم: ولا يهمج بعد ساعه بتجي المصممه بتاخذ القياس وبتاخذين احلى فستان لو عدلوا فيه شوي يوم واحد يكفي على بكره العصر ان شاء الله يكون جاهز انتي بس لا تشيلين هم
جواهر: اى مصممه اللى تتعاملين وياها
الريم: لبنانيه ومره ذويقه ترى بس هالمصممه مو انا اللى جايبتها الا سلطان هو اللى بيرسلها لنا وراح تعجبك مجموعة الفساتين اللى عندها ولا يهمج انتي بس امرى واطلبي وبعدين سلطان اتصل الصباح وقال ابيها تاخذ احلى فستان ومو مهم القيمه
جواهر: يسلم ابوي ليه بيبتدي ياخذ دوره من الحين قبل ما نكون لبعض
الريم: يسلم ابوج بس تعرفين سلطان عنده ذوق بالمره حلو تصميم بيتهم وكل الاثاث والزينه ترى هو اللى مسويها ... وبعدين بيكون ريلج ما فيها شي عادى ههههههههههه
جواهر: بروح اتصل على ماما الحين عن اذنج ..راحت وجلست بصالة الجلوس واتصلت على امها
جواهر: هلا يمه اشلونج ولهت عليج والله How's every thing? Did you hear what will happen after 2 days?
امها: مبرووووك بس والله تفاجأنا وبعدين مو عارفه انتى ملجت اخوج بعد اسبوعين يعني في ربشه الحين
جواهر: ولهت عليج يعني بتجين لهنا
ماما: اكيد وراح اجيب بعد غاده وياي مع ابراهيم طبعا حسن ما يقدر يجي وابوج عنده سفره بكره ان شاء الله
جواهر: انا بكلمه ان شاء الله المهم احلى شي بشوفج هنا ماما جنبي
امها: تبين شي وانا جايه
جواهر: سلامتج ماما متى طايرتكم توصل .؟
امها: والله مدرى يمكن بالليل اظن .
جواهر: اوكي take care
امها: وانتي بعد مع السلامه
جواهر: مع السلامه

..........
اتصلت على نوفا ولقت جوالها مسكر قالت بتتصل عليها بعدين
في بيت سلطان
كانوا الكل متجمعين تركي وابوه وامه وهو ومحمد
امه: صراحه ما جهزنا شي للحين وليه مستعجلين ابي اعزم اللى اعرفهم
سلطان: يمه هي الا ملجه يعني بس ويا الاهل بالعرس تعزمين اللى تبينه
ابوه: المهم انت ما تجي الشغل اليوم وجهز كل شي
سلطان: ان شاء الله يبه بس انتوا لا تحاتوا كل شي برتبه وبيكون جاهز ان شاء الله باخذ معي فهد ماعنده شي الا محاضره وحده وبنخلص كل شي
امه: اووه نسيت علمتوا اختك ضحه المره الماضيه ازعلت ليش ماحد علمها بخطبتك والحين الملجه
زوجها: وش فيها تزعل ما تفرح لاخوها يعني
الام: لا بس تعرف تبي تكون موجوده وتبارك لكم ما تعرف من غريب
سلطان: ولا يهمج بدق عليها الحين ... يالله استاذن انا مع السلامه
محمد: خذني وياك بروح في دربك
وشوي وهذي نوفا نازله
نوفا: لوين رايحين لحظه ..؟
امها: اعوذ بالله منج من بنت الناس اول ما تنزل على الصباح تقول صباح الخير السلامه عليكم
نوفا: السلام عليكم صباح الخير .... وحبت راس ابوها وامها
نوفا: لوين رايحين بليز خذوني وياكم
محمد: مهبوله والله لوين ان شاء الله على الصباح
نوفا: بروح اشوف العروس ايه نسيت مبروووك عجبتني الحين وغمزت له
سلطان: ههههههههههههههه تو الناس الساعه 9 يعني يمكن اللى بتروحين عندها نايمه
نوفا: ولا يهمك اصحيها عادى ما فيها شي
سلطان: يالله عاد قلبي ويهج طسي بنروح بشغل مو فاضين حق التوصيلات
نوفا: فديتك سلطان يالله عاد حطني في بيت عمي وروح ما فيها شي
سلطان: اوكى يالله عاد اخلصي بسرعه والبسي عبايتج
نوفا بفرح: يااحلى اخو دقيقه وانا نازله لهنا ...وطلعت الدرج وهي تركض
ابوها:ههههههههههههه والله ياهل ما راح تكبر هالبنت
امها: تاعبتني مو مثل وضحه العاقل .....
زوجها: الله يكون بعون اللى بياخذها بتلعوزه معاها ههههههههههههه
امها: هو بالاول يجي وبعدين تلعوزه توها صغيره

............
راحت نوفا مع سلطان وبالسيارة رن جوالها
نوفا: هلا والله صباح الخير هلا بمرة اخوي الغالي
سلطان من سمع وعرف انها تكلم جواهر دق قلبه
جواهر: صباح النور زين والله صحيتي
نوفا: ههههههههههههه الحين تو الناس الساعه 9 ليه صاحيه من بدري
جواهر: لو كنتي مكاني ما راح يجيك نوم
نوفا: الله كل هذا مستعجله عشان تشوفين ريلج بسرعه وهي تطالع بسلطان
جواهر: انتي ويهج متسعجله الا مرعوبه نفسي اعرف ايش اللى غير رايه وخلاه يقدم موعد الملجه
نوفا:مو قادر يصبر عنج يام عيون خضرا
سلطان حاشرها الا تحط على السبيكر يبي يعرف ايش تقول ... حطته على السبيكر
جواهر: قولي له مركبه عدسات
نوفا:ههههههههههههههههه انزين وايش بعد
جواهر: ومركبه طقم اسنان وباروكة شعر بعد
سلطان هنا ما قدر ييود عمره ضحك
من سمعت صوت ضحكته سكتت
جواهر: نوفا من هذا اللى معاج
نوفا:ههههههههههههههه هذا ريلج تعرفين قال هون خلاص مابيها دام كلها تركيب بتركيب
جواهر: فديتج اسأليه ليه يبي الملجه بسرعه
بدون مقدمات عطته الجوال
سلطان: السلام عليكم اشلونج جواهر
جواهر سكتت شوي: الحمدلله بخير وانت اشلونك
سلطان: بسماع صوتج انا بخير ... نسيت ترى انا اتصلت على المصممه وخذي الفستان اللى يعجبج ولا تهتمين بالقيمه انزين
جواهر: ماله داعي تكلف على روحك وبعدين ابوي الله يسلمه مو مقصر
سلطان: انا طلبت من عمي انى انا اللى ادفع ما جبت لج اى هديه واتمنى ما ترديني بهالطلب
جواهر وهي تمد بوزها: انزين ان شاء الله
سلطان: أي شي تبينه قولي لا تستحين
جواهر بجرأه: ليه ما تخلى الملجه باجازة الصيف هذا طلبي
سلطان: مابي مزاجي ابي الحين
جواهر: ومزاجك هذا ما طلع الا الحين ليه ما قلت لنا عليه من قبل كنا استعدينا
سلطان وهو ماسك روحه لا يضحك: عادى ما فيها شي هي الا ملجه ان شاء الله قلت الحين وابيها ما فيها شي
جواهر: يا سلام وانا مالى رأي بهالموضوع
سلطان: الا رأيج الاول والاخير بس بعد الملجه ان شاء الله .... اووه نسيت لا اقول لج شي
جواهر: ايش .؟
سلطان: فديت الحلوين انا .... وعلى طول بند الجوال
جواهر فجت عيونها وساكته وسمعت صوت الحط اللى تبند بويهها على طول اما نوفا المصدومه على طول صاحت: احلىىىىىىىىى سلطان والله طلعت خطير ما كنت اعرف انك رومانسي لهالدرجه
سلطان : نوفا خلى الحكى الزايد الحين هذا احنا وصلنا بيت عمي طسي من قدامي
نوفا: ايه الحين اطس طيب يالله باي

.....................
طلعت جواهر لفوق جناحها ومن هناك اتصلت على العنود لقت تلفونها مسكر
جواهر( اوووف العنود امس كنتي تكلمين حبيب القلب والحين مقفله الجوال ياربي محتاجه لج والله )
شوي ودق الباب راحت وافتحت لقت قدامها نوفا
نوفا ضمتها: هلا والله بالغاليه واخيرا بتكونين زوجة اخوى
جواهر: تعالي وخلى هالكلام ايش اللى صحاج بدري ها علميني
نوفا: من زمان صحيت قلت الا لازم اشوف وانتي تختارين فستان الملجه وبالمره قال لى سلطان اختار انا بعد يعني فستان ببلاش ههههههههههههههه
جواهر: اها قولي كذا من اول
نوفا: والله لو تعرفين وش كثر سلطان اخوى فرحان وكل اللى بالبيت عندنا مع انه امى تبي وقت عشان تجهز لكل شي لكن سلطان قال بيتكفل بكل شي ما علينا الا نلبس ونحضر الملجه وبس
جواهر: ماما راح تجي اليوم هي واخوي بس بابا عنده سفره بكره ما يقدر يجي
نوفا: علمتي اختج
جواهر وهي تضرب كف ايدها بجبينها: اوووه تصدقين نسيت لكن الحين تو الناس يعني نايمين لما يكون الظهر بتصل عليها ان شاء الله

.......
العنود: جواهر يا الخايسه ليه سكرتي جوالك امس
جواهر: الحين ما تذكرتي ارسلت لك مسج مافيني انتظر ومتضايقه كنت
العنود: من ايش .؟
جواهر: ملجتي بعد بكره
العنود: ايييييييييييييييش احلفي بس
جواهر: والله
العنود: وليه ما علمتني ايش اللى طرى جديد حتى قدمتوا موعد الملجه
جواهر: مو مني الا منه تتذكرين اخر مره لما كنت اكلمج بالمزرعه
العنود: ايه
جواهر: مدرى والله كل اللى انا ابيه صار ابتدا يفرض على كل شي حتى فستان الملجه هو اللى مرسل المصممه للبيت هنا عشان اخذ لى فستان يعني بيقرر عني كل شي
العنود:ههههههههههههههههه مو هذا اللى قلتي ماله شخصيه ولا شي اشوف شخصيته ظهرت وما قدرتي عليها
جواهر: والله غايضني وقاهرني بالمره قلت له ليه مستعجل قال لى مزاجي والله لو ما ابوي عطاه كلمه ومابي افشله كنت عرفت ارد عليه
العنود:ههههههههههههههههههه الحين استانسي هذا بطل رواياتج شوفيه يعاند معاج بالاول وبعدين بتعترفون بحبكم لبعض
جواهر:هه ليته مثل الروايات ياربي العنود اشلون اخلص من هالمشكله الحين
العنود: جواهر عن الدلع الحين انتي موافقه عليه وما فرقت الحين او بكره خلاص وبعدين احسن تعرفون بعض
جواهر: ياخوفي تكون شخصيته غير اللى انا اعرفها والله
العنود:ههههههههههههههههه هذا اللى تبينه الحين تحملى اللى يجيج
جواهر: زين مشكوره ما قصرتي يالله باي
العنود: لحظه غناتي وين رايحه اوووه لهالدرجه مو طايقه حتى كلامى بعد
جواهر: لا بس ينادون على بروح اكيد المصممه جت
العنود: فديتج لا تنسين الصور ابي اشوفهم
جواهر: يا برودج
العنود:هههههههههه فديت المتضايقين انا يالله بخليج مع السلامه
جواهر: مع السلامه

................................
الجزء التاسع عشر

الفصل الاول


من الصباح جواهر ويا الريم ونوفا يختارون احلى شي وجواهر بكل مره تعارضهم يا هذا غالي يا هذا مكشوف يا هذا ماعجبني لونه
الريم: جواهر خلاص والله حيرتينا معاج اكثر الفساتين حلوه
المصممه: آنسة جواهر بدك شي مميز احكي لى عليه بلكي بشوف عندنا بالمحل فيه كمن قطعه راح يوصلوا اليوم بنقدر نشتغل فيهم لبكره بيكونوا على العصر جاهزين
جواهر: مدرى بس اوكي انا ابي شي بسيط وبنفس الوقت مو غالي
المصممه: ولو آنسه جواهر بدك شي ارخص صراحه هيدي اسعارنا واستاذ سلطان بيعرف هالشي
جواهر تضايقت من سمعت اسم سلطان ياربي وش دخله بعد في هالأشياء
نوفا: اقول جواهر يالله شو رايج نروح له المحل على المغرب ونشوف القطع الجديده
الريم: وليه تروحون
المصممه: انا بجهزهم وبجيبهم هووون ازا بدكم
الريم: ايه خلاص من بعد المغرب بس لا تتاخرين علينا اوكى
نوفا: اوكى انا ابي هذا الفستان البنفسجي حلو بالمره عجبني
المصممه : ولو تكرمي إزا بدك تقيسيه وبعدين نشوف شو ممكن نعدل فيه
الريم تهمس لجواهر: صراحه بيزعل منج ابوج ولو بعد عرف سلطان يعني كل هذول الفساتين الحلوه ولا عجبج شي منها
جواهر: وليه ما اخذتي انتي
الريم: معي كم فستان ما لبستهم يعني جدد اخذتهم اخر مره لما سافرنا باريس
جواهر: طيب بنشوف الفساتين الجديده وان ما لاقيت خلاص باخذ هذا الفستان التركواز يعني هو احلى شي بس والله غالي
الريم: وش همك انتي غالي ولا شو اللى تبينه بتاخذينه ..اقول جوليا لو سمحتى هالفستان التركواز نبيه عشان جواهر وبنشوف بعد الجديد اللى راح تجيبينهم المغرب اوكي
المصممه: اوكي ولا يهمكم بس

................

في ليدز وبالتحديد شقة عالية
عالية: هلا وعليكم السلام
فيصل: هلا وغلا بهالصوت
عالية: اشلون جبت الرقم
فيصل: اصلا لو انتي قلتي لى اياه ما كنت ادور عليه شو اخبارج مستانسه هناك
عالية: الحمدلله واشلون الاهل عساهم بخير
فيصل: كلهم طيبين تعرفين انا بجي لندن بكره
عالية: اها والله ليه
فيصل: ولهت عليج قلت اجي اشوفج
عاليه تبتسم : عادى كم شهر وراح ارد الديره
فيصل: هالكم شهر راح يذبحوني وانا انطرج
عالية: هههههههههههههه
فيصل: فديت هالضحكه والله
عالية: بس انا هالاسبوع ما راح اقدر اجي لندن وراى اختبارات وما اقدر والله انزل عند بنت عمي رجاوي
فيصل: ومن قال عادي انا اجي لعندج المهم اشوفج واسولف معاج وبعدين انا ريلج مالجين على بعض ما فيها شي
عالية: اوكى عادى هلا بس ها لا تقول ليه مشغوله عني
فيصل:هههههههه لا تشيلين هم المهم اشوفج وبس ( وين تروحين عني )
عالية: اوكى سلم على اهلك
فيصل: هههههههه يعني طرده
عالية: لا ما قصدي ع بالي بتسكر
فيصل: امزح وياج يالله لما اوصل ان شاء الله راح اتصل عليج
فيصل: نسيت اقل لج
عالية: ايش
فيصل: احبج موووووووت
عالية حمرت خدودها وسكتت
فيصل: يالله طيب قوليها وانتي شو
عالية: انا شو شو .؟
فيصل: ايوه انا احبج وانتي
عاليه بحيا: وانا بعد يالله باي
فيصل:ههههههههه مع السلامه
عالية تفكر مع انها ما شافته الا كم مره لكن بدت تحبه حتى لو ماقالها الا كم مره

......................
مبارك: اشلونج يمه اليوم وهو يحب راس امه
مبارد هذا ولد عم مساعد والده توفى بالحادث قبل 6 سنين وامه انشلت من هذاك اليوم
امه: الحمدلله انت اشلونك واشلون الدراسه وياك
مبارك: الحمدلله يمه تمام ماشي الحال ...الا وين روان ( اخته اول سنة جامعه تخصص ديكور داخلي )
امه: اكيد بغرفتها
مبارك: تعرفين يمه زوج اهل لبنى الله يرحمها طيبين مرره
امه: ايه سمعت لو ما القطيعه اللى صارت بسبة وفاة لبنى الله يرحمها
مبارك: لا ليش وش اللى صار
امه خبرته بالسالفة
مبارك: الحمدلله انهم رجعوا مع بعض مره ثانيه
امه: نسيت ما شفت اخوك وينه
مبارك: عبدالله اخذ زوجته لبيت اهلها وبيردون ان شاء الله للحين مو قادر اعرف ليه خليتيهم يروحون في بيت لحالهم
امه: ياولدي خلهم ياخذون راحتهم وهم ما جلسوا معي الا بعد الحادثه اللى صارت والله يرحمه والدك والحمدلله انت معاى وروان والشغالات موجودات لو ابغى شي بلقاه مو مقصرين على انتوا
مبارك: لما اعرس اول شرط بتشرطه على زوجتي انه نجلس معاج
امه:الله يسمع منك والله تفرحني انت اطلب ترى انا عيني على وحده
مبارك تفاجأ: يمه ارجوج لا تقولين الخطابه يابت صور بنات ماودىهالطريقه القديمه... اللى انا اختارها راح اختارها بنفسي وان شاء الله قريب( يفكر باللى شافها بالمزرعه حلوه بس مبين بعيونها الحزن ليه لازم يسأل عنها ويعرف منهي اكيد اخت محمد بتكون)

........
عبير بغرفتها على السرير وتتخيل وجه شخص قدامها( ياربي ليه افكر فيه وش عرفني من هذاك اصلا )
نزلت وراحت لعند امها وابوها
عبير: السلام عليكم اشلونك يبه يمه وحبت راسهم
الاب+الام: الحمدلله بخير
امها: هلا عبير الا وينها مهوووي ما نزلت على الغدا
عبير: ههههههه تلقينها على الجهاز
ابوها: اخر شي بكسر الجهاز على راسها اشوفها زودتها طول وقتها عليه
عبير: يبه تتسلى يعني وش تبيها تسوي ...بروح اشوفها وبنزلها معاى لهنا راحت وهي بالطريق سمعت امها تتكلم مع ابوها

امها: تعرف يابو سبف ام تركي بالمزرعه همست لي بشي
ابو سيف: ايش
الام: تبي تاخذ عبير لولدها محمد
الاب: والله هذي الساعه المباركه ما بلقى حد احسن من اولاد اخوى
الام: على الله بس محمد يوافق للحين هو ما يبي الزواج
الاب: طيب وليه قالت انها تبي عبير لابنها
الام: انا حسيت من كلامها وبس ونظراتها لها
الاب: اها لا تستعجلين الامور يمكن ما يصير شي
الام: قال الله ولا فالك والله بتجنن بي هالبنت لمتى يعني يرضيك حالها تظل على طول بهذا الشكل اللى صار صار وانتهى خلاص

عبير هنا توقف تنفسها وهي طالعه الدرج تسمع هالكلام
عبير بخاطرها( لا لا مابي اخذ احد مابيه مابيه لا تغصوبي عليه )...راحت لغرفة مها ولقتها على الجهاز
عبير: يا ربي لمتى بتظلين هنا ما نزلتى على الغدا
مها: مالى نفس اكلت سندويتش على الغدا بالجامعه ... لو تشوفين هذا بغريب الدار عليه ردود صراحه شخصيته حلوه تعجبني
عبير: وش محروم وش هالكلام الماصخ ياللى انزلى ولا بسكر الجهاز ترى عيب عليج طول الوقت على الجهاز مالك شغله الا هالمنتدى وخرابيطه امي وابوي يسالون عنج
مها: اوكى اوكى خلاص بسكر لحظه بكمل الرد عليه وبسكر وببدل ملابسي يالله نزلي وانا بتبعج والله
..............
سمع دق على باب الغرفة: ايوه دش
سعيد: اقول انت وينك يالله ما بتروح وياي عند راشد نبارك له بالعرس
طلال: الا بروح لحظه بسكر الجهاز اوكى ( طلال بن عمها هذا هو غريب الدار نفسه اللى بمنتدى مها )
طلال راح مع صاحبه سعيد للعرس وهو يفكر بصاحبة المنتدى عجبته شخصيتها وحاب لو يتعرف عليها اكثر لازم يجيب ايميلها بأي طريقه ...
سعيد: وين بالك مشغول
طلال:هههههههههه لا ولا شي وش مشغول فيه غير البنات اللى ماخذين عقلي
سعيد:ههههههههه والله ياخوفي عليك من هالبنات لا توقع نفسك بمشكله بعدين
طلال: ماخذيت منهم الا سوالف وشوفه وبس غيره الحمدلله ما تجاوزت حدودي ...بس والله لما اشوف وحده جميله احس روحي بتطلع وراها لازم اتبعها
سعيد:هههههههههههههه الله يساعدك على جي ما راح تعرس ابد لو كل مره بتشوف وحده حلوه تتبعها
طلال: وش نعرس عزاااااااابي للأبد احسن من وجع الراس
وصلوا العرس وسلموا على صاحبهم راشد وباركوا له .

.................

رجاوي: قولي والله احلفى انتي بس متى صار هالكلام واشلون ما تقولين ولا ما تبيني احضر يعني
جواهر بحزن: لا تزيدني رجوووي فديتج والله صار بسرعه ياليتج تجين والله
رجاوي: ياليت اقدر بكره معي تقديم بريسنتيشن يعني حتى لو جيت بعد بكره ما يمداني الحق شي ..... يالله لا تسوين فيني بالعرس بعد جذي والله اذبحج
جواهر:ههههههههههه فديتج انتى اول وحده وبعدين منووو بيرقص في عرسي غيرج
رجاوي: ايه ع بالي
جواهر: اقول ها شو اخبارك امس اتصلت لقيته مسكر كنت متصله بوقت متاخر
رجاوي استحت: اقول جواهر اممم يعني مو عارفه اشلون ابتدي
جواهر: قولي فديتج شووو
رجاوي: احمد
جواهر: احمد اخوي وش فيه
رجاوي بحياء: يبي يتزوجني
جواهر وهي تصيح: والله احلفى
رجاوي وهي تضحك:هههههههه والله
جواهر: احلى خبر سمعته ... بس غريبه مو هذا اللى ما كنتي طايقته وتتضايقين لما يقرب او يكلمج
رجاوي: اوووه هذا زمان
جواهر:هههههههههههههه ايه زمان يالله قولي لى كل شي بالتفصيل
رجاوي خبرتها بكل اللى صار معها
رجاوي بخوف: فكرج اهلى بيوافقون على هالشي
جواهر: لا
رجاوي: لالالالالا تقولين
جواهر: اكيد بيوافقون وبعدين من متى اهلى ما يتمنون سعادتنا
رجاوي: بس اخاف ماما ترفض يعني عشان ببتعد عنها ولا شي
جواهر: الا بتكون متطمنه انه احنا الخوات ويا بعض لا تحاتين انتي بس .... بتصل عليه الحين العيار زين اراويج فيه ما يتصل ولا يقول لي
رجاوي: فديته
جواهر:ايه الحين فديته طيب يالله باي بروح انام الحين صدع راسي من دوخة الفساتين اليوم
رجاوي: لا تنسين الصور مع حبيب القلب
جواهر: بالعرس ان شاء الله مو الحين
رجاوي: والله امعط شعرج لو ما صورتي اوكي يالله ديري بالج مع السلامه
جواهر: مع السلامه

 
 

 

عرض البوم صور اسطورة !   رد مع اقتباس
قديم 29-12-11, 08:35 AM   المشاركة رقم: 37
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

سلمان: اول ما تخلص الكورس بتخطبها يعني
احمد: اكيد ولا تبيها تفلت من ايدي
سلمان:ههههههههههه ليه طير بيطير
احمد: تصدق انى سعيد ومبسوط من هالشي ..بس فكرك بتوافق علي
سلمان: الف بنت تتمناك وسامه وجاه وش بعد تبي اكثر ومو من الشباب الباطلين يعني لابد لك صولات وجولات هنا كم مره معي
احمد:ههههههههه الله يرج ابليسك تتذكر البنات اللى حاولنا نرقمهم لا وبعدين يتغلون وبالاخير اتصلوا علينا وععع عليهم
سلمان:ههههههههههههه زين ربك ستر ما تمشكلنا فيهم شفت اخوانهم حشا مو باخوان الا فتوة هههههههه
احمد:هههههههههه احب رجاوي
سلما: زين درينا وش بعد
احمد: وبس
احمد+سلمان: هههههههههههههههههههههه
احمد: وش رايك نروح هالويك اند الى برايتون نشوف ونسلم على الربع واليوم اللى بعده نروح الى ليدز
سلمان فز قلبه من سمع طاري ليدز يعني بيشوف عاليه: اوكى تم
احمد: سمعت البنات بيروحون هناك عشان بنت عم رجاوي يعني فرصه (وغمز له بعينه) اشوف رجاوي من غير جو الدراسه
سلمان:ههههههههه طيب ولا يهمك

............................
ليال: يمه بروح بيت عمي تبين شي
امها: لا سلمي عليهم ..
ليال: الله يسلمج ...شوي وسمعت صوت هرن السياره
ليال: اوووه هذا مساعد يالله بااي
......
روان: هلا بالقاطعه وهي تسلم على بنت عمها
ليال: انا ولا انتى ها اشخبارج واشلون خالتي
روان: تعالى بنروح لعندها اعتقد انها صحيت الحين يالله
ليال وروان دخلوا غرفة ام عبدالله
ام عبدالله: هلا بنيتي هلا ليال قربي
ليال: اشلونج خاله وتحب على راسها اشلون صحتج
ام عبدالله: الحمدلله تمام ما نشكي باس د
وفجاه دق الباب ودخل مبارك الغرفه ..من شافته ليال تغشت على طول ونزلت راسها
مبارك: سمحوا لى ما كنت اعرف
امه: هلا مبارك ماحد غريب بنت عمك
مبارك: ادرى بها هههههههه اشلونج ليال واشلون عمي وخالتي
ليال: والله تمام
مبارك: وليه منقطعه عن زيارتنا هذي الفتره
ليال: شوفوا من يتكلم من اللى قاطع انت ولا انا انا بكل يومين ثلاث هنا
مبارك:هههههههههه يالله يمه انا بطلع شوي مع الربع الا صح ان شاء الله استانستوا بالمزرعه
ليال: ايه والله مزرعه حلوه والجو كان حلو وسوالف ليت روان جت معنا
ام عبدالله: والله عجزت اقول لها روحي ما فيها شي تقول وش عرفني فيهم وبعدين ما بروح واتركك بحالج
ليال: عادى والله ما فيها شي انتي جايه معنا وحتى انى قلت لنوفا انى بجيب بنت عمي روان قالت حياها الله وكانت فرحانه بهالشي
مبارك هنا قال اها اسمها نوفا: هذي اللى كانت واقفه قريب من البوابه لما دخلنا المزرعه
ليال فجت عيونها: نوفا ما اظن كانت قريب البوابه اول ما جيت كانت داخل البيت .. يمكن قصدك على وحده من بنات عمها اظن عبير يمكن لانها دشت متاخر وسلمت علينا اظن هي
مبارك: اها طيب يالله مع السلامه انا استاذن ما راح اتأخر
روان: تعالى بوريج الشيل اللى فصلتهم قريب عجبني الديزاين مالهم روعه
راحت ليال مع روان بنت عمها للغرفه وكانوا يسولفون
ليال: ليه مبارك يسأل عن بنت عم نوفا
روان: وش عرفني انا
ليال: لا يكون اعجب فيها ...بس هذي ارمله لا يقرب صوبها هذا اللى سمعته
روان: احلفى يعني زوجها مات
ليال: ايه اللى عرفته من نوفا بس حراام بعدها صغيره عمرها 22 سنه ودايما تلقينها هاديه يعني مو مثل مها اختها
روان: مسكينه الله يعوضها خير ان شاء الله
ليال: ان شاء الله

...........................

بدر: يبه ابي اقول لك شي
ابوه: ايش
بدر: قررت انى اتزوج ان شاء الله
ابوه: والله هذي الساعه المباركه ومنو تبي تزوجها ولا تبي امك تدور لك على وحده
بدر: لا يبه انا اللى ابيها موجوده
ابوه:هههههههههههههه اووه نسيت عيال هالزمن يجهزون كل شي وبعدين الاهل يعلمونهم
بدر: ههههههههه الله يطول لى بعمرك يبه ويخليك لنا ذخر ان شاء الله
ابوه: ومنهي هذي بنت عمك
بدر: من بنت عمي مو مخطوبه تقصد جواهر
ابوه: والله لو تبيها ما اظن اخوي بيرفضنا وليتك قلت لى من قبل
بدر: لا يبه جواهر اشوفها مثل اختي صح في مره حسيت انها ممكن تكون غير بالنسبه لى لكن لا انا ابي بنت خالتى وعد
ابوه: والنعم والله بنت اجاويد
بدر وهو فرحان: يعني موافق يبه
ابوه: اكيد موافق خلاص بكلم ابوها وان شاء الله هالاسبوع نروح نخطبها
بدر: والوالده
ابوه: ايش فيها امك
بدر: يعني تعرف لانه وضعهم عادى مو ناس هاي هاي على قولتها مدرى بس مابي الا ترضى عن زواجى
ابوه: لا تشيل بخاطرك بترضى بنت اختها هذي مهما كانت
طبعا الام عارضت بالبدايه عشان وضع العايله لكن بالاخير رضت وخطبوا وعد وحددوا الملكه والعرس بعد 5 شهور يعني في شهر 9 وقرر بدر انه يبتدي ببناء بيته يعني بعد سنه تكون ان شاء الله جاهزه لهم مؤقتا يجلسون عند اهلهم
........................................

يوم الملجة والكل مرتبش واللى تسوي الماكياج بعدها ما خلصت من جواهر
نوفا: ياربي اقول لينا متى تخلصين
لينا: شوي بس بخلص
نوفا: تصدقي طالعه قمر والله اخوي بيتخبل لما يشوفج
لينا وهي تبتسم من هالكلام
جواهر: خلينى اخلص يكفي التوتر اللى احس فيه تجين انتي بعد توتريني اكثر اقول قلبي ويهج الحين يالله
نوفا تخلى نفسها زعلانه: انزين بروح عنج برجع بعد شوي وتطلع لسانها
جواهر من شافتها كذا ضحكت
لينا: يخزي العين شو طالعه أمر
بعد نص ساعه تقريبا الكل كان بجناح جواهر الريم والبندري وبنات عمها اما ام سلطان والبقيه جالسين تحت ,, وشوي يدق الباب
عبدالعزيز: اقول البندري خلى جواهر توقع
من سمعت جواهر هالشي ارتجفت وتوترت زياده
وهي تهمس لنوفا: والله قلبي بيطلع حسي فيني
نوفا: يالله عاد وقعي ولا ما تعرفين جيبوا لها احسن حبر عشان تبصم
الكل:ههههههههههههههههههههههههه
جواهر ارتبكت واخذت القلم من البندري وكتبت اسمها اول ما خلصت وتسمع زغاريد الفرح من الريم وامها ونوفا وبنات عمها وباركوا لها
نزلت لتحت الصاله على انغام موسيقى كلاسيكية قالت لهم لو يحطون لها اغنيه ربشه ماهي مسؤوله لو قامت ترقص
الكل بارك لها وجا وقت لما بيجي سلطان وبيدخل ويلبسها الشبكه
جا معاه والده وابو عبدالعزيز واخوانها دخلوا وسلموا عليها وباركوا لها اعمامها
سلطان اول ما دخل كانت عيونه على جواهر وكيف راح يكون شكلها ما صدق عيونه هذي الحين صارت زوجتي ياربي يالله اقدر اسعدها وتسعدني معاها قرب منها وجلس بجنبها على الكوشه ومن بعدها رفع الطرحه وباس جبينها
جواهر من ابتعد عنها تنفست يالله شو يصير معاي وليه ارجف بهالطريقه .... شوي وجت نوفا وسلمت وباركت لها وباركت لسلطان اخوها ومعاها وضحه بعد وجت امه وسلمت عليهم وباركت لهم وجابت وياها الشبكه ولبسها اياها سلطان طقم الماس خفيف على شكل قلوب وبداخله زمرد اخضر لايق على عيونها اختاره وحجزه من يوم ما خطبها ..بعد ما الكل راح ما ظل الا امها معها وفهد وابراهيم بالمجلس وبعدين استاذنت
امها: يالله بخليكم
جواهر وهي تمسك ايد امها وتهمس لها بلغتها: لا تتركيني بروحي
ضحكت امها وردت عليها : اخوج معاج بعدين برجع
سلطان: اقول ابراهيم اظن بنتك تصيح روح الحق
ابراهيم:ههههههههههه ما سمعت والله الا اذون تسمع من ورا الجدران
فهد: يعني تبي تقول بعد هوونا احنا بعد ياخي خلين اويا اختنا ما شبعنا منها
سلطان: من يومك وانت ذكي وشاطر تفهمها على طول فهد وبعدين اختك ما باكلها لا تخافون
فهد+ ابراهيم:ههههههههههههههههههههههه
جواهر كل ما تسمعهم يتكلمون ويضحكون يزيد تورتها وارتباكها وبخاطرها لا تروح فهد خليك انت وابو خليل فدوه لا تخلوني بروحي معاه
ابراهيم وقف: يالله فهد خلنا نرحمه يالله نشوفك بعد شوي 5 دقايق هههههههه
سلطان: الله معاكم
من راحوا وهي تناظر بالارض وبس
سلطان: مبروك جواهر
جواهر وبصوت واطي: الله يبارك فيك
سلطان: ما كنت اظن انج بهالحلاه كلها طالعه قمرهم كلهم
جواهر هنا تلون وجهها وما عرفت ترد
سلطان: ليه بعيده تعالى قربي
لما ما شافها تحركت قرب جنبها سلطان على طول وقفت من الخوف
سلطان تفاجا بحركتها: جواهر لا تخافين اجلسي مكانج خلاص ما راح اقرب
جلست جواهر وهو ظل مكانه : اقول ان شا ءالله بس عجبتج الشبكه
جواهر: زينه
سلطان: طيب طالعيني شوي
جواهر رفعت عيونها شوي وبعدين نزلتهم
سلطان: يالله محلا هالعيون اقول جواهر بخلى نوفا تعطيج رقم جوالى اوكى ويعني صرت ريلج وخبرت عمي اني باخذ رقمج بعد
جواهر: اوكى
سلطان: بكلمج بالليل لا تنامين
جواهر طالعت فيه وهي مستغربه: يعني اظل سهرانه منتظره اتصال منك لا والله
سلطان من سمع كلامها وشاف حركتها وهي تقول هالكلام له ضحك من خاطره
جواهر بخاطرها (واي ضحكته تخبل ... بيجنن بي هذا ) ابتسمت ونزلت راسها حياء
سلطان: ههههههههه فديت هالابتسامه انا والله
وفجاه يدخل ابراهيم ومعه بنته وامه
سلطان : اوووف ما كملنا بعدين بالتلفون
سلطان وهو يبتسم: هلا والله بالنسيب ليه تاخرت علينا
ابراهيم: هههههههههه قول والله طيب كان تتصل على قبل وشوي ودخل عليهم فهد ..جابوا المصوره وتصوروا الجميع مع بعض ومن بعدها كل واحد راح لبيته طبعا بعد ما نوفا عطتها رقم سلطان وهي تضحك لما طلبت منها الرقم
جواهر: اذلفى تضحكين طيب بنشوف وقت لما تتزوجين
نوفا: ما راح انتظر حتى حد يعطيني رقمه الا باخذه منه لما نكون بروحنا
جواهر:هههههههههههههههه مجنونه وتسوينها

........................
باليوم اللى بعده سافرت جواهر مع والدها ايطاليا قبل وجلسوا هناك يومين ... امها وابراهيم طبعا رجعوا ثاني يوم من الملجه
فيصل جا الى لندن ومن هناك سافر الى ليدز بفس الوقت اللى سافرت فيها رجاوي مع البنات الى هناك بالويك اند
استقبلتهم عاليه بمحظة القطار وعلى طول راحوا بجولة في محلات المدينه ...بعدين توجهوا الى مطعم وتغدوا وطول يومهم سوالف وضحك وبالاخير راحوا للسينما ومن بعدها ودتهم للفندق اللى حجزوا فيه وكان بنفس مكان السينما من الجهة المقابله وباتت معهم هذاك اليوم لانه صاحبتها بعد راحت نزلت ويك اند لندن مع اختها وزوجها
كانت عالية تسولف مع رجاوي اللى خبرت بالاحداث الجديده
عالية: تحبينه رجاوي
رجاوي: تعرفين والله كل كرهي له اللى كنت احس فيه انقلب وصار حب وزاد بعد احسه كل دنيتي بس ما قدرت اقولها له وللحين ما كلمته ولا رديت عليه
عاليه: حرام عليج
رجاوي: يعني تبيني اقل له انا احبك جذي ببساطه لا خليه شوي يحتري عشان يعرف هو ماخذ مين رجوووووي
عاليه: الله عليج يعني تبين تلعوزينه شوي معاج
شوي ويرن تلفون عاليه
عاليه: هلا
فيصل: هلا والله بهالصوت اشلونج بعد عمري
عاليه : الحمدلله بخير ..الحمدلله على السلامه
فيصل: الله يسلمج انا هنا بليدز ابي اشوفج والله ولهان لشوفتج
عاليه باستغراب: بس تدرى الحين ما اقدر الساعه 7 متاخر الوقت ما اقدر اطلع بروحي
فيصل: انا معاج زوجج انتي بس قولي لى وين مكانج وانا اجي
عاليه بتردد: انا مع بنت عمي وصاحباتها بالفندق وقالت له اسم الفندق
فيصل: خلاص بشوف لى تاكسي وبحاول اجي فيه مطعم المكان نسولف شوي ونشرب لنا شاي او بارد
عاليه: اظن
فيصل: خلاص حبيبتي يالله بتسبح والبس واجي
عاليه: مع السلامه وسكرت من عنده
..................
بالصدفه وفي نفس الفندق كان احمد وسلمان حاجزين وصلوا بوقت متاخر واكنت غرفتهم بالطابق اللى تحت غرفة فيصل
جا فيصل وجلس مع عاليه بمطعم الفندق شربوا قهوه وجلسوا يسولفون شوي
فيصل: ها اشلون الدراسه
عاليه: الحمدلله تمام ماشي باقي لنا سنتين ونص نخلص ان شاء الله باخذ صيفي هالسنه عشان اخلص بسرعه
فيصل: تاخذين صيفي وانا
عاليه: وانت شووووو
فيصل: اهون عليج تتركيني ( راسج يابس متى بس )
عاليه: ههههههه ما تهون لكن ابي اخلص الدراسه عشان ما ارد لهنا مره ثانيه فهمت
فيصل: شو رايج نتمشى شوي
عاليه:ههههههههه تتمشى ما فيه مكان تتمشى فيه بالليل تعرف الكل الحين بالبارات الله يكفينا يعني كل المحلات مسكره الا المطاعم ممكن او السينما
فيصل: شو رايج نروح نشوف اخر عرض بالسينما
عاليه بتردد: قبل شوي رحت ويا البنات شفنا فلم بالسنيما هنا
فيصل: لا قولى لى بسينما غير نروح لها احسن يعني تغيير جو وبعدين ليه خايفه انا ريلج الحين
عاليه : لا مو خايفه اوكى بروح اعلم رجاوي وبرجع لك
فيصل: ليه رجاوي وليه امرج الحين انتى مو قايله لها انج معاى خلاص خليها ويمكن تكون مشغوله يالله عشان لا يروح علينا العرض واحسن نرد بدري لهنا ولا عندج مانع
عاليه: اوكى خلاص يالله
راحوا لمنطقه غير بالشارع الثاني وشافوا لهم العرض قبل الاخير على الساعه 10 بالليل وبعدين توجهه بالتاكسي للفندق
عاليه: ليه قلت له يروح للفندق عندك
فيصل: نسيت لا اجيب لك الهديه اللى جبتها لك وانا بكره ان شاء اللهمسافر الصباح بدري عندي شغل بخلصه بس دقايق وبرجع اوكي راح ينتظر التاكسي
عاليه: اوكى خلاص بنتظر هنا بالبهو
فيصل: على راحتج بس مو حلوه تنتظرين هنا وش رايج انتظري عند باب الغرفه وبطلع الهديه وانزل معاج
عاليه وعقلها مو عارف شعرت بخوف من كلامه: ما يحتاج
فيصل هنا عصب: يعني راح اكلج انا مو واثقه فينى وانا الحين مالج عليج خلاص يالله بنرجع الفندق تعالي
لما شافته عاليه معصب : لا خلاص يالله بطلع هي دقيقه وبننزل ونرجع الفندق
فيصل: اكيد
لما كانت طالعه معه بالمصعد سلمان كان داخل بهو الفندق وبالصدفه شافها واستغرب ايش جاب عاليه لهنا ومن هذا اللى معها
وقف شوي وشاف رقم الطابق اللى رايحين له وبلا شعور ضغط على نفس رقم الطابق شوي وما شاف احد راح لغرفته وهو يفكر
احمد: اشوفك تاخرت وين رحت
سلمان: اقول تدل عاليه بنت عم رجاوي
احمد: ايوه ايش فيها
سلمان: شفتها هنا بالفندق ويا واحد
احمد متفاجا من هالكلام: ايش وش تقول انت متاكد انها هي
سلمان: والله هي استغفر الله كنت اظنها بنت خلوقه ومؤدبه وطلعت من البنات اللى هم
احمدكان معصب اذا هذي بنت عم رجاوي بهذا الشكل
توصل رساله لاحمد من رجاوي وقتها شاف الرساله وعلى طول اتصل عليها
احمد: وش صار
رجاوي: عاليه للحين ما وصلت قالت اناه بتطلع شوي والله مشغول بالي عليها ومسكر جوالها مدرى ليه
احمد في خاطره اكيد بتسكر جوالها استغفر الله وش اقول لها الحين
احمد: عطيني رقم جوالها هي قالت لج وين رايحه
رجاوي: ايوه راحت تشوف ريلها جا من الكويت وللحين ما رجعت
احمد تفاجأ من سمع هالشي يعني عاليه متزوجه استغفر الله ظلمنا البنت احنا
احمد: زوجها ههههههههه عيل لا تشيلين هم بترجع ان شاء الله دامها مع زوجها ...... وحس بالراحه وهو يتكلم اما سلمان ما كان فاهم شي من اللى يصير
احمد بعد ما سكر الجوال: الله يسلمك اللى شفته ويا عاليه يكون زوجها
سلمان: ايش عاليه متزوجه مو معقوله بس ما يبين عليها وماحد خبرنا
احمد: استغفر الله ظلمنا البنت
ظل احمد يتصل على جوالها بس ما فيه رد ...بالاخير هون وشوي يجي اتصال من رجاوي: مشغول بالي والله احمد الله يخليك وش اسوي الحين
احمد: انا هنا ولا يهمك بنلقاها
رجاوي: وين هنا ليدز قصدك
احمد: ايه مع سلمان جينا قبل شوي بالقطار انتوا في أي مكان
رجاوي خبرته باسم الفندق
احمد: ولا يهمك بتلقينا هناك ومعنا عاليه ان شاء الله
رجاوي: شوووو معكم ليه انتوا عارفين مكانها
احمد: ايه عارفين لانه سلمان شافها مع زوجها هنا بالفندق يالله بكلمج بعدين يالله
رجاوي: اوكى طمني
راح سلمان مع احمد وسألوا الريسبشن عن حد من العرب غرفته في هذاك الطابق وعرفوا الاسم ورقم الغرفه وراحوا لهناك دق احمد على الباب وهو مستحي وش راح يقول للرجال بس لازم عشان رجاوي تطمن شكلها كان مره تعبان
دق مره ثانيه وبالاخير انفتح الباب وتفاجا باللى قدامه عاليه وهي شكلها مبهذل وبعيونها الخوف والرعب من شافت احمد وسلمان طاحت على الارض تبكي

الجزء التاسع عشر
الفصل الثاني

بليدز وبالتحديد بالفندق اللى كان فيه احمد وسلمان اول ما شافوا هذا المنظر تفاجأوا اما عالية فظلت تبكي وهي طايحه بالارض عند ريول سلمان وهي تشاهق وتتكلم بكلام
عالية : ما قصدت اموته ما قصدت هو السبب هو السبب وهي تصييح على طول احمد دش الغرفه الا ولقى رجل طايح على الارض وراسه مغرق بالدم وبجنبه زجاج مكسور فازة زهور طايحه على الارض سلمان نزل على الارض وحاول يهدي عاليه بصوته
اما سلمان على طول مسك عالية من كتوفها وقفها وهي تصيح
سلمان:خلاص عالية اهدي لا تخافي ما صار شي
عالية طالعت فيه وعيونها متروسه دموع : هو السبب هو السبب ما قدرت كان يبي ي ..... ورجعت تصيح وجسمها كله يتنافض من الرعب ما حس بروحه الا يضمها له كأنه يحميها من هالكون كله .... بعدها عنه بعد لحظات حس انه ملك الدنيا وقتها
سلمان طالع بعيون عاليه: لا تخافين انا معاج ما راح يصير لج أي شي وانا عايش
عالية وهي تسمع هالكلام حست باحساس غريب ( هذا والغريب يحميها من اقرب انسان لها زوجها آآآآه يا دنيا) .
سلمان جلس عالية على الكرسي وراح لاحمد اللى شافه يقيس نبض الرجل ويلمس راسه اللى كان الدم طالع منه
احمد: بعده حي ما فيه شي بس الظاهر الضربه جت براسه ينزف لازم نوديه المستشفى لا يموت
عالية واقفه تطالع فيهم وهي خايفه ومرعوبه: بيحبسوني ما سويت شي والله ما كنت اقصد
سلمان: اهدي عالية ما راح احد يأذيج بشي
وضم ايدها في ايديه وطالعها بنظرة حست معها انه فعلا قد هذي الكلمه وراح سكر الباب جاب بايده كاس مويه
سلمان: اشربي هذا اهدي
احمد: سلمان لازم نوديه المستشفى ضروري اخاف يروح من ايدينا وبعدين نتورط بهالشي
سلمان رد عليه بصوت عالي: لحظه اول شي نعرف شو صار ..ووجه كلامه لعاليه ..ايش صار تكلمى عاليه مين هذا .!
عالية بدت تنزل دموعها: هذا زوجي بس احنا مالجين وبس وقال لى بيجيب هديه وبس ما فكرت انه ممكن يسوي هذا الشي والله ما فكرت انه يمد ايده علي بالغصب ما تحملت وضربته باول شي قدرت امسكه بايدي ابي ابوي يجي مابي اكون بروحي
سلمان وهو معصب: النذل واهو اللى مسوي فيج هالشكل
عالية نزلت راسها اشلون راح ينظرون لها الحين لكن تستاهل ولا مفروض ما تطلع معاه للغرفه يالله كيف كان كلامه حلو وجميل ما ظنت ابدا انه راح ينقلب بلحظه وان كان زوجها بس مو بالغصب
سلمان: شوفي انتي قولي انه اغمى عليه اوكى وكانت الفازه على الطاولة هذا كلامج راح يصير اوكي
عالية: لو صحى بيبلغ عني بيحبسوني انت ما شفت اشلون الشر كان بعيونه وهو يهددني
سلمان: قولي هالكلام وما عليج اوكى واحنا معاج وان تكلم بكلمه انا اللى بتفاهم وياه يالله الحين بس المشكله ملابسج بهالشكل
عاليه توها تنتبه لملابسها شوي من كمها ممزق وعلى طول حطت ايدها عليه ونزلت بنظرها للارض حياء
احمد: انا بروح بجيب رجاوي وانت خلك وياها هني وعلى طول برجع لكم مسافة الطريق
احمد: الو رجاوي
رجاوي: ايوه احمد ها لقيتوا عالية
احمد: لو سمحتي اوكى جهزي روحك بتروحين معاي
رجاوي خافت من كلامه: لوين احمد .؟
احمد: لما اوصل اكلمج اوكى يالله انا جاي
خبرها بالسالفه
رجاوي: النذل الحقير يبي يغتصبها الله ياخذه اشلون راح يصير فيها الحين احمد
احمد: ما عليج ما راح يصير شي ان شاء الله.... انتي هدي بالج يالله تعالي ويانا بنروح المستشفى
الكل راحوا للمستشفى طبعا بعد ما طلبوا له الاسعاف وجت الشرطه بعد عشان تسأل عن اللى صار وكان فيه سين وجيم
احمد اتصل على والده اللى خبره بالسالفه ووعده انه ما يجيب سالفة لجواهر اما ابوه فعمل اتصالاته للسفارة عشان المشكلة اللى صارت وبلغه انه بيكون معاهم بالكثير بعد بكره وان شاء الله خير وبيتصل على المسؤولين اللى يعرفهم الحين .. نفس الشي سلمان اتصل على ابوه عشان يشوفون حل لهالمسأله
الشرطة طبعا ما صدقت كلام عالية وبدا التحقيق الا عالية تبات بالسجن عندهم سلمان معصب وقال لهم يخلونه هو بدالها يبات بالسجن وبعد ما كلموا اللى يعرفوهم واتصالات مع السفارة طلعت عالية بكفالة على اخر الليل وهي حالتها حاله لكن بشرط بدون ما تسافر من البلد ... اليومين اللى مروا كانوا اشبه بكابوس على عاليه ورجاوي طبعا رجاوي ما راحت كليتها وظلت مع عالية .. البنات رجعوا الجامعه بعد طبعا ما غيروا السالفه انه عاليه مريضه بالمستشفى وممنوع الزياره عنها ... وبالاخير قرروا انهم يخبرون اخو عالية بدر اللى على طول بنفس اليوم جا لندن واليوم الثاني ليدز
عالية اول ما شافت اخوها ركضت عليه وهي تصيح ضمها له وهو يهديها وجلس مع احمد وسلمان وخبروه باللى صار
فيصل بالمستشفى حالته حرجه وللحين ما صحى ....
راح يزوره بدر هو وسلمان واول ما شافه
بدر: تفوووه عليك والله لو ماهو بهالحاله كان وريته شغله
سلمان: اللى نبيه يصحى ويتنازل عشان القضيه يقفلونها وتقدر عاليه تكون حره
بدر: راح يصحى ويتنازل ولا بيشوف شي عد ما شافه يبي يعتدي على اختي بالغصب من اول قلبي مو مرتاح له وسمعت جم شغله عنه بس امي كانت مسيطره على ابوي الا تزوجه لكن زين عرفنا حقيقته شنهي..... كان يتكلم بغضب والله لو والدي يدري بالموضوع قلب الدنيا فوق تحت. تدرى اشلون انا لازم اتصل على والدي قلت لهم مسافر مصر عندي شغل وراجع ما يدرون اني هني .. لازم يعرف بالسالفة نكون وقتها خلصنا من هالمشكله لما يجي
سلمان: الشور شورك احسن بعد ..... آه اسمح لي بس اشلونها الاخت عاليه الحين ان شاء الله بخير ( من امس سلمان ما شاف عاليه لكن يعرف اخبارها من احمد اللى مرتين اتصل يتطمن عليهم )
طلعوا من المستشفى ومن هناك على الفندق لقوا احمد
بدر: والله مو بعارف شنو اقول ..اللى سويتوه مع اختى ومعنا جميل ما راح ننساه والله.
احمد: وش سوينا الله يهداك يعني هالموقف لو صار لاحد ما تعرفه بس من ديرتك اكيد بتسويه من غير ما حد يقول لك اشلون عاد الحين واحنا اهل ونعرف بعض.
بدر: اقول ما قصرتوا والله واحنا اشغلناكم عن دراستكم الحين انا هني وان شاء الله بعلم ابوي واكيد بيجي لكن انتوا روحوا كملوا دراستكم .
سلمان: لا اسمعك تقول هالكلام احنا مو رايحين الا اذا خلصت المشكله كلها والتفت على احمد... الا اذا انت تبي تروح خلاص روح انا بظل هني لين تخلص المشكله ان شاء الله ونتطمن عليكم
احمد: وش اروح رجلي على رجلك مو رايح لين تنتهي المشكلة
ابو عالية عرف بالسالفه بنفس اليوم وحجز وطبعا من غير ما يعلم زوجته او يقول لها شي
زوجته: ومن وين طلعت هالسفره المفاجئه بالاول بدر والحين انت انتوا خاشين عني شي قولوه الحين وفكوني
زوجها: الله يهداج اقول لج رفيقي تعبان مريض وبروح وياه تقولين لى حصل شي
زوجته: ما سمعنا بهالصاحب الا الحين والله لو ادرى بشي صار عقب هالكلام ما راح يصير خير
زوجها: جهزي لى شنطتي انتي بس وتعوذي من ابليس ما شي صاير
زوجته: اقول عالية كله مسكره جوالها ابي اتطمن عليها ليه ما تتصل انت برجاوي تشوفها
زوجها: يمكن مضيعه الرقم او جوالها انسرق ان شاء الله بعدين بتصل عليها
زوجته: لا الحين ابي اكلمها
زوجها: رجاوي بكامبريدج وبنتك بليدز يعني مو عند بعض
زوجته: طيب وان صار اتصل بس خلنى اتطمن وبس ولا بجيب رقمها وبتصل عليها
زوجهاك انزين جيبي رقمها واتصلي عليها عادى يالله فكيني ترى الطيارة بتفوتني
............ اتصل والد عاليه على ابنه بدر: اقول ترى امك تحاتي عاليه كله مسكر جوالها خلها تكلم من أي جوال اوكى وتطمنها لكن لا تجيب لها سالفة فهمت
بنفس يوم وصول ابو عاليه بالليل على مطار هيثرو بلندن صحى فيصل من الغيبوبة اللى هو فيها يومين
الدكتور : He the time by a wealth and health from the coma .But he needs a rest quantity day with it is a middle shaking by the brain from the hitting but what believed that it is with being affected on it at all
) هو الحين بخير وصحى من الغيبوبة .لكن يحتاج راحة كم يوم معه ارتجاج متوسط بالمخ من اثر الضربة لكن ما اعتقد انها بتأثر عليه ابدا(
بدر: Can we talk with him doctor? يعني نقدر نتكلم وياه
الدكتور: Ok but just for few minutes. It's better for one person to see him not all of you.
( اوكي دقايق لكن بس واحد منكم يزوره )
دش بدر عليه وقرب من السرير
بدر: الحمدلله على السلامه
فيصل فج عيونه وساكت
بدر: بقولها كلمه وحده ترى لو ما تتنازل عن القضية وتقول انك انت اللى غلطان وربي اللى بسماه ما نتركك لحالك ابد وبتشوف شي عد ما شفته وهذا كلامي لك ولا تفكر جاه اهلك ومالكم بتقدر توصل بها مكان لو انت بالمريخ بنوصلك ترى للحين ما تعاملت ويانا
فيصل كان يسمعه وما رد عليه ( هذا اللى انا جبته لنفسي الله ياخذها كانت بتموتني وزين انها تنحبس هني ...)
فيصل تكلم بصعوبة من تأثير المخدر : اختك طالق
بدر: فكه منك ومن ويهك يالنذل وبكره اشوف التنازل ولا والله يافيصل انا اللى بنحبس فيك واطلع فضايحك الاولى والتالي اللى خاشها عنا.قالي لى صاحبي فيك بس ما قدرت اصجه واكذب عيوني لكن الحين ابصم بالعشره كل اللى قاله عنك صج ميه بالميه
فيصل حس انه يهدده صج : يالله اطلع برا الله ياخذكم انت واختك
بدر: بكره الوعد وبتتنازل فهمت كلامي زيييييييييييييييين قالها له وهو يتوعده وبصوت كله غضب
فيصل: بتنازل مو خوف منك لكن مابي اشوف ويه واحد فيكم ..يالله بره
بدر طلع وهو معصب على الاخر ...لكن قال بيتنازل هذا اللى يبيه وبس.
سلمان: ها بدر
بدر: يالله نروح من هني احس انى مخنوق.
طلعوا من المستشفى واليوم الثاني وصل ابوه على قطار الظهر وانتهت المشكله بعد ما وقع فيصل على التنازل انه هو اللى كان غلطان.
..... انتهت مشكلة عالية ورجعوا الجميع الى لندن بنفس اليوم
عالية وابوها يضمه لصدره: خلاص عاليه انتهت المشكله حبيبتي وفكه منه النذل لو ندرى انه سواته جذي من اول ما زوجناه
رجاوي: الحمدلله افتكيتي منه وما صار بينكم شي خلاص عاليه حبيبتي
بدر: عاليه شنو رايج بنروح فرنسا كم يوم انا حجزت خلاص بكره طيارتنا ان شاء الله
ابوه: احسن تغيرين جو واحنا بعد رجاوي شنو رايج تجين ويانا فرنسا
رجاوي: امممم والله مدرى عمي بس اشوف المحاضرات اللى على بهالاسبوع انا غبت عنهم يومين
عمها: بنجيب لج عذر ولا يهمج بس انتي تعالي ويانا تستانسين بعد وتكونين ويا عاليه
بدر: يالله رجوووي وافقي اوكي
رجاوي: هههههههههه خلاص بالمره نشوف اخر موضه هناك نجيب كم بدله معانا
بدر: حشا ما صدقت البنيه
ابوه: بدر عيب عليك شنو هالكلام على بنت عمك
رجاوي:هههههههههه عادي عموووو بدر وادله زين يحب مرات يتغشمر
عاليه: مابي اروح مكان ابي ارد الكويت
تفاجأوا الكل بكلامها
ابوها: بنرد بعد ما نسافر يومين باريس بالاول يالله زهبوا اغراضكم
رجاوي: دراستك عاليه وين بتروحين
عاليه: ما بكمل مابي خلاص عافت نفسي كل شي
بدر: عاليه خلى عنج هالكلام وربي عجبتيني كان اخذتي شي غير المزهريه هههههههههههههه 7 غرز والله قوية
الكل : ههههههههههههههههههههههههههههههههههههه ... بس سكتوا لما شافو وجه عاليه تغير ولمحة حزن باين عليه
ابوها: يالله روحي ارتاحي انتي ورجاوي
راحوا البنات اما بدر جلس يسولف مع والده بدر: يبه الحين شنو راح نقول لامى والناس
ابوه: ما حصل نصيب وفكه اصلا هو ما يستانس يقول كلام غير جذي لانه هو اللى بيتضرر من هالشي وسمعته بعد وان صار كلمة الحق معنا وماحد له عندنا شي
بدر: وانت الصاج طيب امي
ابوه: يووووووووووه والله نسيت خلنى اتصل عليها واطمنها انه عاليه معها اجازة وشفتها ويمكن تجي معي .
بدر: بتعلمها باللى صار
ابوه: بقول لها انه فيصل طلقها مابيها تعرف من حد غريب لكن المشكله لا ما راح اعلمها الا لما نرجع الديره
بدر: احسن
ونزلوا لتحت بهو الفندق لقوا احمد وسلمان هناك ظلوا وياهم وتعشوا طبعا مع بعض واما البنات فطلبوا لهم عشا بغرفتهم ..طبعا ابو بدر كلم ابو فيصل وخبره بالموضوع كله وقرر يجي يشوف ابنه
بالغرفه رجاوي تحاول في عاليه انه تخرجها من الحاله اللى هي فيها
رجاوي: فديتج عالووووه يالله تعالي كلي وياي يالله
عاليه: مالى نفس رجاوي بروح احط راسي مصدعه بنام وراحت
ظلت رجاوي بروحها بالاخير اخذت لها سندويش وعصير والباقي تركته ..
باليوم الثاني بالمطار كان بدر ويا ابوه يخلصون اجراءات السفر وعاليه ويا رجاوي وسلمان واحمد
احمد : لو سمحتي رجاوي ممكن كلمه
وقفت رجاوي وتقدمت لعند احمد وقتها جا سلمان ووقف قريب من عاليه
سلمان: عاليه لو سمحتي ممكن كلمه واسف ادرى يمكن ما تتقبلين مني هالكلام
عاليه: تفضل
سلمان: ان شاء الله لما اخلص هالكورس انا بجي لديرتكم وبخطبك من الوالد ابيج على سنة الله ورسوله
عاليه تفاجأت ما قدرت ترد عليه سكتت من الكلام اللى اول مره تسمعه مع انه احساسها لما يكون موجود كان عادى لكن الحين تبدلت شوي حست براحه من يوم ما شفت موقفه وياها بالمشكله.
سلمان : لا تقولين شي الحين بليز خليها بوقتها ومو مهم عندي شو راح يكون جوابك بعدها المهم علمتج باللى في قلبي من اول يوم شفتج فيه وبس يالله ارخصي لى مع السلامه وديري بالج على روحج تراج وربي غاليه على واااايد مع السلامه
عاليه ما قدرت ترفع راسها من اللى سمعته: مع السلامه
واول ما راح رفعت راسها تطالع فيه ياليت الجرح اللى بقلبي يطيب كنت اقدر احس باللى انت تحس به ... معقوله الانسان اللى بديت احبه واهواه يطلع بهالصوره. ورجع تفكيرها لما خطبها وكيف يوم الملجه واشلون كان يقول لها الكلام الحلو دايما حتى انها بدت تميل وتحبه وبالاخير يطعنها بهالشكل .. دمعت عيونها وهي تتذكر وغطت ويهها بايديها وبدت تصيح

 
 

 

عرض البوم صور اسطورة !   رد مع اقتباس
قديم 29-12-11, 08:36 AM   المشاركة رقم: 38
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

بالليل قبل ما تنام اتصلت عليها العنود
العنود: فديت العرووووووووسه انا مبرووووووووووك
جواهر: ههههههه الله يبارك فيج ليتج وياي والله لو تشوفين حالتي اشلون ارجف بغيت اهرب وقتها جزيرة لحالي
العنود: لحالك ولا مع سلطان
جواهر: ياربي اسكتي عاد تطنزين يعني ما مريتي بهالحاله قبلي آآآه لو كنت معاى هنا جان انطردتي انتي بعد ويا اخواني هذا مرررره ما استحى ابد
العنود: احلىىىىى رومانسية مو هذا اللى تبينه
جواهر: شووو اللى ابيه يخلي خواني ليه يطردهم والله لو ما لساني مو قادر ينطق بكلمه كنت برد وبقوله خليهم احنا مستانسين فيهم
العنود:ههههههههههههه احلى لحظات ذكرتيني بضاحي
جواهر: ايه اشخباره
العنود: يسلم وايد مشتاقه له الحين اتصل وانا طوفته عشان خاطر العيون الخضرا بس بعرف اشلون ارضيه ههههههههههههه
جواهر: ههههههههههه اكيد الا صج اشلون ابو كرش راكان
العنود: الحمدلله يسلم الا اقول متى راح تردين الديره
جواهر: على نهاية الاسبوع بعد ما ارجع من بريطانيا
العنود: اها سلمي على رجووووي وعاليوووو اوكي
جواهر: ان شاء الله يوصل يالله الحين بخليج فديتج
العنود: ديري بالج ومبروووك مره ثانيه وسلمي على حبيب القلب هههههههههه
جواهر: ما بسلم يالله باي
العنود: هههههههههه انزين يمه منج تخرعين تالى الليل.. تصبحي على خير
جواهر: وانتي من اهله
بعد ما سكرت جتها رسالة مع نفس الرقم هذي ثالث مره ياربي انا لازم اشوف حل مع هذا يا ترى حد يسوي فيني مقلب ولا شوووو بس نوفا ما تعرف الرقم يمكن مهووي او عبير بسألهم .
اتصل سلطان ومخزنه رقمه على اسم الحبيب الغامض ههههههههه مدرى بس جا على بالها لين تعرفه زين وفجاه رد فكرها عند بدر تنهدت ليت بس ..... انتبهت انها ما ردت وعلى طول فتحت السماعه
سلطان: السلام عليكم
جواهر: وووعليكم السلام
سلطان: هلا بهالصوت اشلونج
جواهر : .....بخير وانت
سلطان: الحمدلله بخير بسماع صوتج وشوفتج ..جواهر
جواهر: هلا
سلطان: اليوم انا اسعد انسان انى اخذت اللى تمناه قلبي وانتي
جواهر بخاطرها يالله ايش هذا السؤال اكيد بيكون لكل وحده بيوم ملجتها فرحه حتى لو ما بينتها
سلطان: جواهر وين رحتي
جواهر: هني
سلطان: بكره ان شاء الله مسافرين أي وقت
جواهر: على 11 الصباح
سلطان: بروح وياكم المطار ...
جواهر: ماله داعي .؟
سلطان: اشلون ماله داعي ولا ما تبين تشوفيني يعني
جواهر: لا ما اقصد بس لا تكلف عمرك
سلطان: اكلف عمري للي يرخص له عمري
جواهر اسحت من كلامه وودها المكالمه تنتهي يالله
سلطان: اقول جواهر شو رايج لما ترجعين الكويت انا اللى اوصلج
جواهر: بس انا بروح من هناك على طول يمكن مو بعارفه اسأل ابوي
سلطان: اها طيب وان صار ورجعتوا قبل هنا اوصلك ابي اتعرف على عمي واهلك كلهم
جواهر: ان شاء الله
سلطان: اوكى بخليج الحين تنامين اكيد صحيتي بدري اليوم تصبحي على خير يالغالية
جواهر: وانت من اهله
سكرت وهي تحس بشعور غريب شوي وجتها مسج

" تسلم عيون بالمحبة خذتني
طال الزمان ولا تغير هواها
ياما بريحان العواطف كستني
واهدتني ازهار الفرح من رضاها
تستاهل التقدير ياهي رعتني
لكن انا وشلون بلحق جزاها "
<< ربي يخليج لي >>

ابتسمت هذي من سلطان مدرى تحس بشعور غريب ناحيته يمكن لانه صار خلاص زوجها
وشوي كانت بتقفل الجوال الا وجت رسالة من نفس الرقم الغريب وهالمره كاتب فيها <<مبرووك بس والله ما يستاهلج >> ردت عليه بدون ما تفكر << يستاهلني ويستاهل اكثر وانقلع >> قفلت الجوال على طول وراحت تنام .
هني عاد عصبت من الخاطر وقررت انها تخبر اخوها عن المسجات اللى تجيها دايما

****************

ليال: السلام عليكم اشلونج نوفا وشمسويه
نوفا: والله تماموووووووو انتي اشلونج اشلون الاهل
ليال: تمام ربي يسلمج وش قولج تيين لعندنا انتي ومها وعبير اخر الاسبوع بالمره ننبسط ويا بعض سوالف وبالمره اهو عيد ميلادي
نوفا: اها قولي كذا من الاول تبين هدايا ههههههههههههههه
ليال:ههههههههه يالدبه زين انى اكلمج وادعيج بس لا تيين هالاسبوع تيين اللى بعده اوكى
نوفا: ورانا ورانا الهديه بتكون احسن نجيبها هالاسبوع ونخلص
ليال:هههههههههههههههه هالله هالله بالهديه السنعه
نوفا:ههههههه ولا يهمج ما طلبتي شي بعلم بنات عمي وان شاء الله اعلمج متى راح نجي
ليال: زين يالله الحين اخليج وراى بحث انتي سلمتيه للمس ولا بعد
نوفا:خلصته من غير نفس كلام بيني وبينج خليت شغالتنا تساعدني فيه
ليال:يؤ يؤ والله فكرة بشوف بس وين شغالتنا احسها خبله يالله تعرف تطبخ وتخم الغبار وش راح تسوي تخترع لنا بعد بحوث ماظنتي
نوفا:ههههههههههههه يالله اوكى اخليج الحين امي تنادي بشوف اكيد خلووود ملعوز الدنيا يالله مع السلامه
نوفا: ايوه انا جايه وتنزل بسرعه
ام نوفا: نوفا اتصلي على بيت بو احمد شوفي خالد عندهم ذبحني للحين ما جا ما يعرف ما احبه يتأخر على المغرب
نوفا: وليه ما اتصلتي على جواله طيب
ام نوفا: كله مسكر يالله فكينا عن الحكي الزايد
نوفا:ان شاء الله طيب اوريك خلووودي اذيتنا والله بعلم عليه ابوي ... وراحت وهي تتحرطم بالكلام




جواهر سافرت باليوم الثاني مع والدها وطبعا سلطان راح وياهم بالمطار
سلطان: اقول جواهر راح توحشيني
جواهر: ما بغيب سنة
سلطان: ههههههههههه طيب ما راح اقولها الا لما تغيبين سنة
جواهر بدلع: يا سلام تبيني اغيب سنة زين والله عرفت شنو تفكر فيه
سلطان : الله يسامحج للحين ما تعرفين بايش افكر فيه ( آه لو تدرين باللى في قلبي ) ... انا بلحقكم بكره ان شاء الله
جواهر من الصدمه: اشلون تلحقنا
سلطان: ههههههههههه يعني ما تبين اجي وياكم مشكوووووووره بنت عمي ما عليج انبسطي بروحج بس اعرفي انه هذي المره الاخيره راح تكونين بروحج.
جواهر: لا والله طيب ولا يهمك راح انبسط وبروحي
سلطان: وربي احلى جواهر هههههههههههههههههه
شوي وتجيها رساله على جوالها وتفتحها وتلقاها من نفس الرقم مكتوب فيها
( أنا مالي سوى حبك تدلل يحفظك ربي حبيبي ..
يووووووووووووه ما أقصد !
نسيت أنك بعد عمري
نسيت أنك قمر هالكون وبحبك والله أنا مفتون
تبين الصراحة والوضوح وصمت يشغل البوح
أنت اللي على عمري تموووووون وأحبك وين ما تكون !!
سقرة سعيده ولو انك بشتاق لج موت )


جواهر عقدت حواجبها تفكر بهالمسجات يالله من هذا ....
سلطان: جواهر من اللى مرسلك الرسالة
جواهر: ها ولا شي
سلطان ما حب يضغط عليها بس حس انه هالمسج اكيد وراها شي
جواهر تفكر : ياترى اعلمه ولا لا اكيد بيسوي لي سالفة وبيقول لي من وين يعرفج هذا ومين صاحب هالرقم وبلاوي احسن اطنش وراح اعلم فهد لما ارجع ان شاء الله
شوي ويجي ابوها : يالله جواهر بنروح الحين
سلطان سلم على عمه: مع السلامه عمي تروحون وترجعون بالسلامه
عمه: الله يسلمك سلم على الوالد يالله مشينا جواهر
سافرت جواهر ويا والدها فرنسا واول ما وصلوا هناك بالصدفه اتصلت جواهر على رجاوي اختها اللى عرفت منها انه طايرتهم وصلت قبل ساعه باريس وعرفت اسم الفندق اللي ساكنين فيه لكن لما خبرت ابوها طبعا قال لها انهم خلاص حاجزين بالفندق لكن اكيد بيخليها تشوف اختها طول اليوم وتقدر تجي وقت النوم للفندق بعدين.
سلموا الرجال على بعض .......
جواهر وهي تسلم على رجاوي وتضمها لها: فديتج رجووووي والله اشتقت لك يالدبه
رجاوي وهي تضحك: لا والله خلى سلطان الحين يسمعج
جواهر: اووووف منج يالله عاد عطيتج ويه قلبيه بسلم على بنت عمي
وراحت تسلم على عاليه: فديتج عالوووه اشلونج وشخبارج وغمزت لها واشلون فصووووووولي هههههههههههههههههههههه
عاليه سكتت وشافتها جواهر بلحظه حزن: عالوووه شنو فيج ليه نظرة الحزن بعيونج
هني عاد عاليه ما قدرت تقاوم وجرت من قدامها وهي ماسكه ايدينها على ويهها وتصيح
جواهر متفاجئه من هالموقف وطالعت برجاوي اختها : شنو صار انا بايش غلطت ابي افهم شنو فيها عاليه رجووي تكلمي
رجاوي تلعثمت: ولا شي بس بس ...
جواهر: بس شنو خبريني مو معقوله عاليه اشصار معها ابي افهم
رجاوي: طيب تعالى جلسي انا بعلمج بكل شي بس انتبهي بليز لا عاد تكلمينها بالسالفه يكفي اللى صار معها نبيها تنسى شوي ..وخبرتها بعد ما خلصت
جواهر: كل هذا يصير وانا وين ليه ما علمتيني مو اختك انا
رجاوي: الله يهديج اشلون اعلمج احنا ما صدقنا انه افتكينا من السالفه الغبره بس تعرفين وقفه احمد اخوج ويانا (قالتها بهمس وهي تبتسم ) ورفيقه سلمان صراحه وقفه رجال ما ننساها لهم والله.
جواهر: الحمدلله انهم كانوا هناك وساعدوكم ...
وشوي رساله لجوال رجاوي ..طالعت بالجوال وابتسمت
جواهر: اها يعني من احمد
رجاوي: والله ما بينا أي شي بالتلفون لا تخافين بس يسأل عني وعن عاليه واخبارها من هذاك اليوم بكل يوم يرسل رسالتين مره الصباح ومره المسا وانا ارد عليه يعني من يومين وبس ما بيها تكون عادة لا تخافين
جواهر: ههههههههههه كل هذا تقرير ما طلبته والله لكن زين اعرف منج مو منه وغمزت لها لا تنسين بعدين علميني باللى صار وياج انتي بعد .... يالله خلينا نروح لعاليه الحين
جواهر: عالوووه فديتج فيني اروح برج ايفل فوق واطالع الدنيا يالله تعالي امشي ويانا وبعدين بابا عازمنا الجميع بمطعم قال عنه انه اكله مرررره حلو
عاليه: اوكى بس العشا مابيه برجع الفندق
جواهر بزعل: والله لو ما رحتي ويانا ما راح اروح هذا انا قلت انى بستانس وياكم وانبسط حرام عليج والله تخلين سلطان يقهرني
عاليه: اوووه نسيت جواهر مبروك وسلمت عليها ... قربت جواهر منها وضمتها اكثر
جواهر: الله يبارك فيج ويعوضج اخير منه ان شاء الله
عاليه ان شاء الله قالتها بحزن
رجاوي: يالله ترى ما بنتأخر بعدين شوبينج اوكى هذا انا قلت لكم
جواهر:ههههههههههههههه ومن اللى بيدفع ان شاء الله هالمره
رجاوي: الله يخلى بطاقات الائتمان يامكثرها وما اعتقد عموووووو سالم وعموووووو تركي بيخلوني ادفع شي ولا انتي شنو رايج
جواهر:هههههههههههههههههه وانا اشهد يالله بنات
تجهزوا وراحوا ويا ابوها وعمها لبرج ايفل طلعوا فوق التاور عند المطاعم مع انه عاليه كانت حزينه لكن انبسطت واستانست وكل تفكيرها كان عند سلمان تتذكر كلماته لما قالها ( لا تخافين انا معاج ما راح يصير لج أي شي وانا عايش )
جواهر: اللي واخذ عقلك ياحلوووو انت يا جميييييييييل
رجاوي:هههههههههههههه تصدقين جواهر سلمان هذا وااايد انسان محترم
جواهر: منو هذا سلمان بعد .؟؟؟؟ من وين طلع ؟
عاليه نزلت راسها بالارض تسمع كلامهم
رجاوي: والله جد هذا الله يسلمج من البحرين وعايش طول حياته هناك ورفيق احمد اخوج
جواهر: اها وشوي اخذتها للجانب الثاني من التاور اما عاليه ظلت مكانها تطالع وهي تتذكر سلمان ( وقفته معاى ما راح انساها ... لكن انا وين الحين ليه ياربي يصير كل هذا معي ) بدت الدموع تتجمع بعيونها وغصب عنها دمعه يتيمه لقت طريقها للنزل على خدها ولما جت بتمسحها جت عينها بعين واحد اجنبي كان يطالعها ويبتسم
نادت عليها جواهر فعلى طول انتبهت ولحقتهم
جواهر: عالوووه تعالي شوفي هذيك القلعه وااااااااايد حلوه اشرايج نروح نزورها بكره ان شاء لله وبالمره هناك مطعم قريب من المكان ومنتزه حلو داخل القلعه
عاليه: جيت لها مره تتذكرين كنا ويا بعض ما ودى
رجاوي: ولا انا بعد اشرايكم نروح منطقه ثانيه غير باريس ودي اروح الريف الفرنسي آآآآه ما احلاه
جواهر :هههههههههه هي انتي اصحى من الروايات اللى تقرينها ...بس حلو نغير منطقه بنعلم بابا وعمي ما اظن راح يرفضون ... وبعدين راح نقولهم عالوووه تبي تغير المكان وغمزت لها
عاليه ضحكت لاول مره بعد اللى صار: هههههههههههههه اها يعني صرت انا الشماعه اللى تعلقين عليها طيب جواهر ما عليج قولى اللى تبينه كم جواهر عندنا احنا
جواهر قربت وضمتها : فديت قلبج علوووه وربي ما يستاهلج اللى... وسكتت. يستاهلج احسن منه واغلى وان شاء الله بتلقينه وتقولين بنت عمي قالت
عاليه ردت وهي تفكر: الله كريم يالله تعالوا بننزل غريبه ما جوا معنا
رجاوي: جالسين تحت يناظرون البنات الحلوات ما عليج بعلم الريم عليه هههههههههههههههههههههههههههههههه
عاليه: من الريم
جواهر: الله يسلمج هذي زوجة ابوي وايد حبوبه وصغيره بعدها بالسن ومعها ولدين تؤأم الوليد ومحمد
عاليه: اها ربي يخليهم ... نفسي اشوفهم
رجاوي: اقول جواهر جبتي صور الملجه ولا لا
جواهر: غثتيني ع بالج هم وياي اشعرفني بلقاكم هنا اصلا وبعدين لسه ما طلعوا يدوب امس صارت الملجه واليوم احنا هنا
رجاوي:شوفي هذول وع عليهم وربي لا جمال ولا اخلاق طالعي اللى هناك
تلتفت جواهر ورجاوي المكان ويضحكون: ههههههههههههههههههههه فري فرييييي يايبه
رجاوي: امحق فريييي ههههههههه
عاليه تضايقت وودها ترجع: يالله بننزل تحت مشينا بنات
نزلوا لتحت وطلعوا من هناك على الاسواق القريبه في شارع الشانزليزيه طبعا جواهر ورجاوي ما قصروا شنط وتنانير وبلايز اخر موديل اما عاليه فما اخذت شي وطول الوقت متى نرجع خلصونا .. لكن جواهر اخذت لها شنطه اما رجاوي فاخذت لها جاكت طويل من الجلد الاسود ومن هناك راحوا للفندق الكل بدل ملابسه وبعدها بساعتين راحوا على المطعم يتعشون بالمطعم اللى كان يطل على النهر وحلوووو بالمره منظر يخبل.

***********

في الكويت
حسن: هلا جسووووم اشخبارك ابو احمد
جاسم: والله تمام انت اشلونك واشلون الديره والله ولهت عليها
حسن: والله تمام انت متى بترد يالقاطع ما ولهت علينا
جاسم: حشا يقول ولهت على عيونك الزرقا وشعرك الاشقر غشيم والله
حسن:ههههههههههههههههههههههه ايه صج كلامك الا اقول ما شفت لى وحده عيونها حمرا ولا شي
جاسم: حشا تبي بنت ولا ذيبه
حسن:ههههههههههههههههههههههههههههههههه الله يرجك هههههههههههههه المهم اشلون الدراسه ان شاء الله تمام
جاسم: الحمدلله ماشي حالها اقول حسن ما مريت على الاهل
حسن: الا قبل امس والله تعرف عمي ما اقدر اخليه بروحه اذا ابنه قاطعه وراح بلاد بره
جاسم ابتسم: ربي يخليك ادرى اخو واكثر من اخووو بعد
حسن: المهم ما نطول عليك انتبه لنفسك اوكى ولا تنسى تدور على بنت حلوه تجيبها وياك
جاسم: ههههههههههههههههه ولا يهمك ما طلبت شي يالله بحفظ الله
حسن: مع السلامه

سكر حسن ومن هناك اخذ سويك سيارته وراح على بيت عمه عبدالله
ابراهيم: هلا والله ابو علي اشلونك
سلم عليه حسن: الحمدلله بخير انت اشلونك ابو خليل اشلون غادووووه حبيبة قلبي زوجتي
ابراهيم: لا والله انا انجنيت اخليك تاخذ بنتي وتصير ريلها حامض على بوزك
حسن:هههههههههههههههه اصلا لو تبينى ماحد يقدر يمنعها بس وينها والله لها وحشه
ابراهيم: اكيد ويا الشغاله هالحزه تلاعبها لحظه بشوفها
يروح ويجي بعد شوي ومعاه غاده
حسن من شافها قدم ايدينه لها وهي على طول راحت وياه: فديت قلبج وروحج يا حياتي انتي مو قلت لك تحبني تهواني مالك عذر الحين
ابراهيم:ههههههههههههههههه ايه طيب طيب نشوف لما تكبر ان ما عافت هالويه
حسن:افاااااااااااا غادووووه انا مين
غاده: حتن بيبي
حسن: الله واكبر وربي قالتها سمعتها حبيبي
ابراهيم: ههههههههههههه وانا اقول ليه طايح عندنا بالساعات تسولفها وتدلعها عشان بس تسمع هالكلمه
حسن: حبيبي شو حسن جاب لج معاه ويطلع من جيبه حلاوه
اول ما شافتهم برقت عيونها من الفرحه : حوااااوه
حسن: فديتها ..يالله كلهم عشانك
ابراهيم: حسنووووه لا تخرب اسنان بنتي فهمت
حسن: ما عليك الله يخلى معجون الاسنان بالاسواق اكيد تدله ... الا وينها خالتى ما شفتها ابي اسلم عليها
ابراهيم: والله مع المعرس يجيبون شويه اغراض ما اظن بيتاخرون تعشا هني عندنا
حسن: لا والله ما اقدر بروح البيت الوالده بروحها تعرف بدر وابوي سافروا
ابراهيم: الا صج استغربت لما اتصل على بدر يقول لى احجز لى بسرعه في الطايره اللى رايحه لندن ولا تعلم احد ولا كلمنى من وقتها ومسكر جواله
حسن فج عيونه وتفاجأ: ايش يعني اهو ما راح ابد الى مصر
ابراهيم حس انه غلط لما قال لحسن: امممممم هو قالك راح مصر
حسن: وابوي راح بعده بساعات بنفس اليوم لندن عشان رفيقه لا المساله فيها شي انا بتصل الحين على الوالده تعطيني رقم ابوي لحظه .... وينادي على الخدامه تجي تاخذ غاده
ابراهيم: حسن شنو بايش تفكر
حسن: لحظه ..ايوه يمه اشلونج
حسن: لحظه ..ايوه يمه اشلونج
.........
حسن: طيب اعطيني رقم ابوي ابي اكلمه
.........
حسن: لا بس اكلمه عشان يجيب لى شي وياه من هناك تعرفين عشان ولد عمي حسن هديه عرسه
.........
طيب يالله ارسليه اوكى انا انتظر يالله مع السلامه
......
حسن: فيه شي اكيد صار شي كايد ولا ما يروحون لهناك على طول لحظه ..... ويتصل مره ثانيه على رقم عاليه اخته
حسن: ماكو تعذر ليه مسكره جوالها
ابراهيم: منووووو
حسن: عاليه اختي مسكره جوالها اكيد فيه شي صار معها اشلون اثنيناتهم يروحون مره وحده
ابراهيم: الحين انت لا تقعد تفكر بافكار بايخه ما صار الا كل خير ان شاء الله لما يوصلك الرقم اتصل وبتعرف كل شي
شوي ويجيه الرقم .......
اتصل على ابوه اللى طمنه انه ما فيهم شي بس عاليه تعبت شوي وكانت بالمستشفى والحين بخير وعطاه الجوال يكلمها وتطمن عليها وكلم اخوه بدر ولما تطمن انهم بخير خبر ولد عمه ابراهيم .

**************
عبير: مهووووي يالله عاد قلت لج خليني بروحي
مها: تعرفين احسج هاليومين متغيره من يوم ما رجعنا من المزرعه
عبير: ها وش يعني متغيره شمسويه
مها: مدرى لا يكون صار شي من وراى
عبير: اقول لج شي والله بااايخه ماعندك سالفه يالله خلينى اناااااااااام وراى دوام بكره
مها: يالله طيب خلاص نامي بروح افر بالمنتدى اشوف وش الجديد اللى فيه ( اشتقت لغريب الدار ومواضيعه لى فتره ما شفته بالمنتدى اكيد مشغول )
وهي تلف بالمنتدى وترد على المواضيع شافت دخول غريب الدار ارتاحت بشوفته وبدت تعلق على بعض المواضيع وشوي جتها رساله استغربت
فتحت الرساله الا وهذي هي من غريب الدار

السلام عليكم ورحمة الله وبركاته
السموحه منج اختى الكريمة ..بس حبيت اسجل اعجابي بشخصيتك القويه والاحترام المتبادل بين الجميع واللى تفرضينه على الكل بدون طلب
وانا جد سعيد اني اكون واحد من اعضاء هذا المنتدى وانه اقرا ما تكتبه اناملك الطيبه من مقالات رائعه
لكي كل التقدير والاحترام
غريب الدار

مها ابتسمت اها يعني معجب بشخصيتي ما عليك ...بعدين بيكون سوالف غير الاعجاب ما يعرف انه انا ما اكلم حد من المراقبين هنا ابد الا اذا ابي اوجه لهم رسائل عشان شي محدد بالمنتدى يالله وش لى فيه المهم انه عضو فعّال بالمنتدى ومواضيعه ومشاركاته حلوه وهذا اللى ابيه وانه بعد يجيب اعضاء يعرفهم للمنتدى بفكر مره برد عليه بس مو الحين من اولها لا يقول ما صدقت ابي القى رساله منه ..اخلص من تركيب الاستايل الجديد للمنتدى وبعدها ارد عليه
عبير جت بتنام الا وهذا اتصال لها من نوفا
نوفا: سلامووو عليكم يا بنت عمي اشلونج عساج طيبه مرتاحه
عبير: الحمدلله تمام بسماع صوتج كنت بنام
نوفا: انزين ليال عازمتنا هالاسبوع بالويك اند عيد ميلادها وبالمره وناسه بنات ويا بعض ها اشقلتي
عبير: مدرى والله بخبر مها بكره الحين ما فيني اقوم من الفراس وراى دوام يالله نوفا تصبحي على خير
نوفا: يوووه طيب طيب يالنوامه تصبحي على خير ولا تنسين اوكى عشان ارد عليها مع السلامه
عبير سكرت من عندها ونامت خبرت اختها مها اليوم الثاني اللى عجبتها الفكره وبالمره انها تغير من جو البيت خبروا الوالده
الوالده رفضت بالاول: ليه تروحون انتوا ما تعرفونهم ولا يقربون لكم شي وبعدين هذي اخت حرمة محمد الله يرحمها يعني من بعيد
مها: يممممه حرام البنت سوت تلفون تعزمنا يعني نرفض ونقول لها الوالدة رفضت ما تبينا نجي لعندكم وبعدين اهي راح تجي اكيد لعندنا
الوالدة: طيب طيب فكينا من حشرتك الحين انا بروح لعند خالتك وما بتأخر
مها سلمت على امها وضمتها: فديتك يمه سلمي على خالووووو

***************

في فرنسا اليوم الثاني راحوا الجميع الى ليون وانبسطوا هناك ورجعوا بقطار المساء لباريس اليوم الثاني راحت جواهر ويا ابوها الى لندن جلسوا يوم واحد شافوا فيه احمد واستانسوا ويا بعض
احمد: جواهر
جواهر: هلا
احمد: تصدقين احبج واااااايد
جواهر:ههههههههههههه طيب ومين بعد
احمد: واحب رجااااااااااااااااااوي فوق ما تتصورين وربي الحين مشتاقه لها ليتها معنا هنا
جواهر: ياعيني على الرومانسية ...بس احمد اقول هذي اختي لا تلعب عليها سمعت حرام عليك
احمد وبدا يعصب: ليش شايفه البنات يجون البيت يتشكون مني عند الوالد
جواهر: اسفه ما قصدي بس انتي اشتبي اخر شي
احمد: ابيها زوجة يعني ابيها ايش ..؟؟ نظر لاخته وحرك راسه اشتفكرين فيه انه انا من الشباب اللى ما عدهم سالفه يركضون ورا بنات الناس يخربونهم وبس
جواهر: انت غير طيب بتعلم ابوي ولا لا
احمد: بعلمه ان شاء الله بس مو الحين لما ارجع بالاجازه اخلي هالشي احسن لبعدين اشرايج
جواهر: طيب ولا بتعلم احد
احمد: يالسوسه اكيد انتي اللى قايله لفهد اخوي شي
جواهر:هههههههههههههه وربي ما قلت له شي ليش اهو سألك
احمد: ما فكني امس الا اقل له اش اللى فيني بالاخير من حشرته قلت له اانى احب وان شاء الله قريب لما ارجع بخبره بكل شي ..ونفس تفكيرج لا تلعب ببنات الناس ومن هالخرابيط
جواهر ابتسمت ومسكت ايد اخوها: فديت اخوي اللى بيكون زوج اختي واستفربت وفجت حلقها ..اشلون تجي ههههههههههههههههههههه؟؟
ضحك منها احمد وكملوا سوالف ويا بعض ...اليوم اللى بعده راحوا الى ايطاليا وبالصدفه في الجناح وهي تمشط شعرها وتجهز روحها بيطلعون يتمشون شوي في روما .. الا ابوها رن عليها بالانترفون يقول لها
ابوها: جواهر خلصتي
جواهر تركض بسرعه لعند الانتر فون وترد : انا هنا بابا بس دقايق اوكي
ابوها: اوكي اجهزي وتعالى لا تطولين عندي لج مفاجأه اوكى
جواهر: طيب يايه الحين.
وما انتظرت على طول كملت تسريحة شعرها وربطته بمشبك وحطت لها جلوز خفيف طالعت بتنورتها كانت لابسه تنوره جينز طويله مفتوحه من جانب واحد ولابسه معها بودي احمر علاقي وعليه جاكت ازرق اكمامه طويله بس ما لبسته تركته على الكنب وقالت بتشوف المفاجاه وبعدين بتكمل لبسها
فتحت الباب المشترك اللى بين عرفتها وغرفة ابوها .... ودشت المكان وهي تتكلم
جواهر: انا هنا بابا شنو المفا.......... وتطالع بعيون عسليه وساع وشعر كستنائي غامق ولابس تي شيرت قميص بيجي مخصص عند الاكمام وعلى جانب واحد بس ولابس بنطلون اسود طالع مرررررررررره كشخه
اول ما شافها وقف وابتسم: اشلونج جواهر
جواهر بعدها متصنمه مكانها ما عرفت اشلون سلطان هنا
ابوها: ها وش رايج بهالمفاجأه توه داش على الجناح
جواهر كانت فاجه حلقها وتوها عرفت انها كانت مو لابسه الجاكت ولا شي على شعرها وركضت على طول غرفتها وسكرت الباب وهي تتنهد بقوة شوي بعد ما هدت راحت ولبست الجاكت والبوت وحطت شيلة على راسها من غير ما تلفها ودشت مره ثانيه الغرفه
سلطان وهو يناظرها ومبتسم: ماشي الحمدلله على السلامه
ابوها:ههههههههههه وانا قلت مفاجاه حلوه مو مرعبه
جواهر تنزل راسها بالارض وهيمستحيه وحمرن خدودها اكثر: الحمدلله على السلامه
سلطان قرب منها وحبها على راسها: الله يسلمج انتي اشلونج ترى نوفا تسلم عليج واااااااااااايد مشتاقه لج وتقول لج لا تنسين هديتها من كل مكان
جواهر هني رفعت راسها وطالعت فيه : ههههههههههه طراره وتتشرط بعد لكن ولا يهمها الدبه اجيب لها احلى هدايا من كل مكان
ابوها: يالله خلصتي جواهر بنروح
جواهر: اوكى بجيب الشنطه بس
راحت غرفتها وتحجبت زين واخذت شنطتها والجوال وطلعت معاهم ..كانت الفسحه حلوه تفرجوا فيها على روما اول مره تجي ايطاليا دايما يروحون اسبانيا او بريطانيا وفرنسا ...... وبعد ما خلصوا الغدا جاء رجل متقدم بالسن تقريبا في حدود ال70 من عمره وتقدم من ابوها وناداه باسمه التفت ابوه اول ما شافه وقف وصافحه وسلم عليه وبعدها عرفه بابنته وبزوجها
الرجل يقول لسلطان: انت محظوظ انك اخذت وحده بهالجمال ..ومحظوظ اكثر انه هاللى قدامك يكون ابوها
سلطان رد عليه: انا محظوظ من قبل لانه عمي
سكت الرجل اما تركي فعجبه رد سلطان على الرجل..جواهر كانت تستمع لهم وهي تبتسم من بعدها سمعت ابوها يكلمها
ابوها: اقول جواهر الحين بعد ما خلصنا الغدا روحي ويا سلطان للسوق واشتري اللى تبينه بكره ان شاء الله بالليل طيارتنا بنرجع لازم اكون هناك عشان المشروع الجديد
جواهر : لا بس خلاص ما بي اذا ما بتروح وياي
ابوها: ما فيني يا بنتي والله لازم اشوف هالريال الحين واكلمه لانه مسافر بعد 3 ساعات وفرصه ولا كنت بروح له سفره ثانيه واجتمع فيه.. وزين لاقيته.
سلطان: ما عليك يا عمي روح وبوديها السوق ومن هناك نتعشى وبنرجع بعدين
ابوها: خلاص يالله اشوفكم على خير .. استاذن سلطان ومسك ايد جواهر وطلعوا من المطعم ومن هناك على السوق ...لفت بالمحلات وما كان يتكلمون وايد مره استوقفهم واحد بالشارع يبي يرسمها لانه عيونها اسرته طبعا سلطان ما وافق بالبدايه
جواهر بدلع: بليز سلطااااااان خله يرسمني ابي اشوف اشلون راح يرسمني اول مره احد يرسمني
سلطان بخاطره: انا اول من رسمك بقلبي وبعيني من يوم ما شفتك وبعده رسمك موجود عندي
جواهر: وين سرحت يالله بليز سلطان
سلطان: اوكى خلاص يالله بس لا يطول وكلم الرسام بعد تقريبا 20 دقيقه خلص الرسم وكانت الرسمه تهبل فعلا اجاد رسم عيونها . شكروه واعطاه سلطان فلوس بس رفض وقال هي هديه مني للحلوه اول ما سمع كلامه سلطان حس بالغيره ولزم عليه الا ياخذ الفلوس واخذها
كان سلطان طول الطريق ساكت لاول مره يحس بالغيره ... جواهر ما تكلمت لفوا بالمحلات واخذت لها هدايا لبنات عمها واخوانها ..وبالاخير جلسوا بمطعم ياخذون لهم عشا خفيف كانت جواهر تطالع الناس اللى حولها ومبسوطه
جواهر: بتظل ساكت وايد ليه ما تسولف ترى مللت بي
سلطان: مللت بك ولا بعدك تتذكرين كلمات الغزل من هذاك الرسام
جواهر: اوووه انت ليش كذا فكر ضيق هذا رسام ومو انا اول وحده توقف قدامه ياكثر المودلز اللى وقفوا بدون يعني انا وجه يمر عليهم بكل يوم الالاف منه
سلطان: اوكى خلصنا بايش تبينا نسولف
جواهر: اممم انت ليه خطبتني
سلطان: ردينا للسالفه خطبتك لانج بنت عمي وابيج وما راح القى احسن منج
جواهر بخاطرها دايما يقول ابيج ابيج ما يقول لى احبج ياربي وش اسوي فيه هذا ابد ما عنده رومانسيه الضايعه معاه
سلطان: بايش تفكرين
جواهر: ها ولا شي طيب
سلطان: وانتي ليه وافقتي
جواهر نفس رده: لانك ولد عمي وراح تصوني وتهتم فيني ولا راح القى احسن منك
سلطان بخاطره نفسي اسمع منها كلمه احبك يا سلطان يا ترى متى راح تحبني هالبنت اللى مجننتبي
جواهر: والحين من اللى جلس يفكر
سلطان: هههههههههه وحده بوحده حلال عليكم حرام علينا يعني .. وكان يلعب بالجوال اللى قدامها
جواهر: لا تلعب بجوالي تخربه ترى بتجيب لى غيره
سلطان: اجيب لك اخر نوع بعد ولا يهمك وبالصدفه وهو يكلمها فتح الرسائل الوارده وشاف اخر رساله بدت عيونه تزيغ من مين هذي الرساله
سلطان: من هذا اللى مرسل لك هالرساله
جواهر اخذت جوالها منه بسرعه: انت ليه تفتح رسائلي تبي احد يتلقف ويفتح جوالك
سلطان قدم لها جوالها وقال لها: خذيه وافتحيه لو تحبين ماعندي شي اخبيه
جواهر طالعت فيه بتكبر: وانا ما عندي شي اخبيه لكن مفروض تستاذن بالاول
سلطان: من اللى مرسل لك اخر رساله
جواهر تتذكر ايش اخر رساله الله هذي من اللى ما تعرفه المجهول يوووه ونست ما تمسحها من جوالها ..بارتباك شوي : من مين ما كان يكون
سلطان مسك ايدها وقرب منها: انا قلت من وين هالمسج اللى بجوالك
جواهر: فك ايدي آي عورتني قلت لك من مين ما كان يكون انا اشعرفني فيه
سلطان: لا باين ويقول لك سفرة سعيدة وبشتاق لك
جواهر: شوف تصدق ما تصدق انت حر انا قلت ما اعرفه وبس ويالله مالى نفس اكمل عشا بروح ووقفت على طول
سلطان مسك ايدها وجلسها مره ثانيه
سلطان: لما اقول انا متى نروح راح نروح فهمتي جلسي الحين وتعوذي من ابليس بتروحين تحبسين روحج بالغرفه طول الوقت ... واعرفي شي ترى انتى الحين زوجتي يعني سمعتك من سمعتي ... أي حركات كنتي تسوينها بديرتك عندنا غير واظن انتي شايفه حياتنا اشلون
جواهر طالعت فيه بنظرة غضب وتجمعت الدموع في عيونها يظن اني بنت سهله بهذا الكلام واني اكلم شباب طيب والله لاوريك يا سلطان وجت بترد عليه بس قالت احسن اسكت ومفروض انا اعلم حد من خواني على هذا اللى يطرش لى مسجات ما اتبهدل ويا هذا السلطان وانا اللى قلت عليه ما عنده كلمه يبي يفهمني انه يقدر يتحكم فيني ..بس بعيده عليه
سلطان وقت اللى راجعين فيه الفندق كله متلوم من نفسه اشلون قلت لها هالكلام
اول ما جت جواهر لغرفتها رمت الاكياس على الارض وجلست على السرير طلعت جوالها وجت على طول الرسائل الواردة وجت بتمسحها بس توقفت ..لا بخلي فهد يشوف لى الرقم ضروري لازم سكرت جوالها وجلست تصيح لين نامت صحت بعد ساعتين بدلت ملابسها وجلست تقرا شوي قرآن وبعدها رجعت تنام
سلطان بغرفته كان مررره معصب من هذا اللى يكلمها يا ترى اهي تعرف احد قبل اكيد حياتها هناك فري وما تتغشى اكيد بيكون عادى تتكلم مع احد قبل وتتعرف عليه وبعدين اهي حلوووه مو حلوه الا تذبح بعيونها آه يا جواهر لو تعرفين اشكثر انا اموت على التراب اللى تمشين عليه ...

سلطان او لما شاف جواهر تحت ببهو الفندق
سلطان: صباح الخير
جواهر: صباح النور
سلطان: بعده الحلو زعلان
ابوها: وانا اقول ليه متغيره سلطان بدينا من الحين تزعلها
سلطان: والله ما زعلتها وان كنت زعلتها ترى انا آسف وحقج على وهذا راسج ابوسه وتقدم وحب على راسها
ابوها: يالله روحوا تمشوا ولفوا بالمدينه شوي ما فيني على اللف والدوران كبرت وبنفس الوقت بخلص شغل معاي وبنتغدى وبنرتاح شوي ومن بعدها بنروح المطار
جواهر ما ردت ولا شي وتقدمت من الباب ..... اخذوا لهم تاكسي يلفون بالبلد وبعدين خذاها لمحل تحف وهدايا اخذت منه تذكارات

 
 

 

عرض البوم صور اسطورة !   رد مع اقتباس
قديم 29-12-11, 08:38 AM   المشاركة رقم: 39
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

الجزء التاسع عشر
الفصل الثالث


رجعوا على الرياض بالليل وكان في استقبالهم عبدالعزيز اخوها
اول ما وصلت البيت عند الباب وابوها دش قبل وقفها سلطان بالصاله تحت
سلطان: جواهر ادرى انه انتى ماخذه على خاطرج مني بدليل انه طول وقتك واتي ساكته ... ردي على لا تكونين ياهل بهالتصرفات
جواهر: عرفت الحين انك اخذت ياهل زين منك والياهل اعرف انها ما تسوي الحركات اللى تقول عنها
وشوي ويشوف فهد اللى وقف سياره وبيدش البيت
سلطان: الحين بخليج بتصل عليج بالليل اوكى
جواهر على طول راحت لعند اخوها وضمته لها دمعة وحيده نزلت من عينها اول ما شافها فهد مسحها بايده
فهد: ليه هالدموع فديتج جواهر فيج شي ..وطالع بسلطان وش فيها جواهر قلت لها شي
سلطان: الله جت على فهد وش قلت لها بدل ما تقول لنا الحمدلله على السلامه الحين وتسلم على
فهد استحى وسلم عليه : الحمدلله على السلامه ان شاء الله رحلتكم تمام
جواهر ردت هالمره: الحمدلله تمام كانت حلوووه لو ما انى اشتقت لكم وايد هاليومين من كذا تضايقت وما ارتحت وطالعت في سلطان ونزلت عيونها
فهد: فديت الغاليه انتي تعالي يالله دش داخل سلطان وين رايح يا رجال دش واشرب لك قهوه
سلطان: والله الاهل يحتروني بنكون على اتصال يالله القاكم على خير مع السلامه وقال كلمته الاخيره وهو يطالع بجواهر بس جواهر ما عطته وجهه وطالعت بالجهه الثانية
سلمت على الاهل اخوانها حشروها الا تطلع لهم الهدايا اللى جايبتها لهم بعد ما اخذوا هداياهم وجالسه بقسمها دش فهد لعندها بعد ما دق الباب وافتحت له
فهد ضمها وباسها على راسها
فهد: ها ان شاء الله انبسطتي بالرحله
جواهر: ايه وجلست تسولف له اشلون لقت اختها وبنت عمها واستانسوا بفرنسا وبعدها راحوا لندن يومين وجا لعندهم احمد اخوها
جواهر: ايه وان شاء الله بيكون فيه مفاجاه ثانيه بهالصيف احتريها انت بس
فهد: وشهي المفاجاه
جواهر: جانزين تبيني اعلمك وتكون مفاجاه ما يصير المهم احمد بيعلمك عليها بيوم اكيد
فهد: اها احمد لا يكون يبي يتزوج
جواهر: اممممممم مدرى اسأله
فهد: هههههههه طيب ما تعلميني بعرف بروحي .. ابي اسألك ليه متضايقه احس انه صار شي بينك وبين سلطان
جواهر: سلطان ليش هو قال لك شي
فهد: شفتي جوابج يعني فيه شي صار
شوي وتجي لها مسج على جوالها خافت لا يكون اللى يطرش لها بس كانت العنود تقول" الحمدلله على السلامه يا الخايسه ما تقولين بتردين الرياض جانزين على طول تيين لهنا بدل الترانزيت بكل مره "
جواهر :هههههههههه هذي العنود صاحبتي لحظه وطرشت لها مسج انها بتتصل عليها بعد نص ساعه
وجت بتسكر الجوال الا ومسج ثاني جا لقتها من المجهول
" الحمدلله على السلامه تو ما نورت الرياض يوم وصلتي .... اشتقت لج ياعمري"
جواهر: اوووووف مره ثانيه قالتها وهي معصبه بعلمك بالسالفه ......وبعد ما خبرته عطته جوالها وخلته يشوف المسجات وهذي اخر مسج الحين
فهد عصب: طيب انتي ليه من اول ما قلتي لي بالسالفه ليه تخلين سلطان يشوف هالمسجات قبل لا تعلمين احد عليها
جواهر: انا قلت لنوفا وبعدين اللى يرسل معناه انه يعرفني بس نوفا ما كانت تعرف هالرقم وقلت بعلمك وانشغلت بالملجه ومن بعدها السفر ونسيت والله
فهد هدا شوي : ولا يهمج اجيب صاحبه واراويه شغل الله
جواهر: مابي مشاكل
فهد يطالعها: انتي رديتي عليه ولا شي
جواهر: مره ارسل لما كان كاتب ما يستاهلج رديت عليه يستاهل اكثر وانقلع ومن بعدها ما ارسلت والله ونوفا تعرف بكل السالفه لانى اعلمها دايم
فهد: طيب ولا يهمج يالله الحين بخليج ومن بكره بجيب لك تلفون ورقم جديد احسن عنه وهذا الجوال هاتيه اوكى
عطته الجوال : فهد بتعلم سلطان ... بيهاوش نوفا لانها تعرف هالشي من قبل ولا تكلمت حرام بليز لا تعلمه
فهد: خليني اشوف هالمسأله وبعدين يصير خير
جواهر: ايه نسيت بكره ان شاء الله متى سفرتي للكويت وانت بتروح معاي.؟ مابي سلطان هو قال يبي يسافر معاى يوصلني . سكتت ونزلت راسها
فهد: اها فديت اللى يستحون... ولا يهمج وانا اللى بروح معاج الطياره على العصر الحين ارتاحي اوكي
جواهر: وانت من اهله


*****************


الهنوف: ههههههههههههه والله هالخطه اللى سويناها اكيد بتسبب مشاكل بينها وبين سلطان حتى لو ما افترقوا بس بيظل يشك فيها بالاخير
مشاعل: ياريت والله ... تعرفين كم احبه سلطان اموت فيه ومن جم سنه وانا متعلقه وبالاخير تجي هذي وتاخذه.... خطتج وايد حلوه ..وسكتت شوي
الهنوف: شعووووله وينج ليه ساكته
مشاعل: صراحه انا كذبت يالهنوف عليج هذا رقم اخوي مساعد بس انا اعطيته حنان تدلينها اللى كانت معانا بالدراسه
الهنوف تصيح: ايييييششششش انتي انجنيتي انتي عارفه منهي حنان اللى الشباب يتكلمون عنها اشلون حطيتي نفسج بهالموقف
مشاعل: اووه ما فيها شي قلت مجرد لعبه ولما اقولها بالمعلومات اهي على طول ترسل المسجات لها
الهنوف: وش راح تسوين ..انتي متأكده الحين حنان ما راح تقول عن اللى تعرفه ياخوفي احد من الشباب يدري باللى نسويه
مشاعل: لا تخوفيني كذا .... وبعدين لو قالوا لى هذا الرقم كان وياج بقولهم عطيته من قبل لصاحبتي وما ادرى عن وحده اسمها حنان ولا شي وهم بعد هي ما راح تقول شي لا تخافين
الهنوف: ياخوفي تنقلب علينا انا بروح الحين ... وخلي بالج من حنان هذي زين ياليت علمتيني من قبل عن السالفه يالله باي
مشاعل: لا تخافين ومع السلامه
سكرت مشاعل من عندها وهي تفكر وخايفه ... اها تذكرت كانت رنا صاحبتها واهي كانت ويا حنان وياهم بتشوف رقمها لو بعده معاها
اتصلت
مشاعل: السلام عليكم اشلونج رنا
رنا: هلا وعليكم السلام ...مين مشاعل
مشاعل: ايه مشاعل اشلونج رنا اشخبارج
رنا: زين تذكرتينا والله من زمان عنج وعن اخبارج ها بشري كملتي الجامعه
مشاعل: لا ماعندي نسبة وتعرفيني يالله نجحت بالثانويه وما فيني على الدراسه
رنا: والله هم الدراسه احنا الحين بالسنه الثانيه وتعبانيين
مشاعل: ما شاء الله في أي تخصص
رنا: رحت بروجرام ديزاين حلو ويناسبني بس هالمصطلحات المعقده بالجهاز شوي صعبه
مشاعل: الله يوفقج ..اشخبار الشله ن زمان عنهم
رنا: والله اللى تكمل وياي تعرفين هدى وسلوى التوأم يكملون بالطب
مشاعل: ههههههههه هذول مصريات جد ياكلون الكتب اكل اكيد مثل ما قالوا ومن بعد حنان وفدوى وأسماء
رنا: أسماء الله يسلمج اللى سمعته تزوجت وراحت ويا ريلها لبره يدرس هناك اما الباقي ما اعرف عنهم وحنان الله يهداها بس وربي مرات اتحسف على سنوات دراستنا
مشاعل: يعني صج اللى نسمعه
رنا: الله يستر عليها وعلينا
مشاعل: تكلمينها
رنا: مره كلمتها من سمعت اخبارها ومن بعدها ما حاولت ليه تسألين
مشاعل مرتبكة: لا ولا شي انزين الحين بخليج وان شاء الله نكون على اتصال يالله مع السلامه
رنا: مع السلامه
........
مشاعل تفكر بخوف اش اللى ورطت نفسي فيه احسن اتصل عليها واقول لها خلاص لا تسوي شي ولا ترسل أي مسجات احسن وابي البطاقه
يرن بالجهه الثانيه ولكن ماحد رد وشوي سمعت الو
......: الووووو
تفاجأت سمعت صوت رجال... مشاعل: السلام عليكم هذا جوال حنان
......: ايه جوالها نقولها هالصوت الحلو لمن.؟
مشاعل: ابي اكلمها وينها
......: شوي شوي علينا حنااااااااااان تعالي اتصال
..................
حنان: هلا شعووله اشخبارج ها كل شي تمام مثل ما تبين
مشاعل: الحمدلله بخير ابي اسألج احد عندج
حنان: لا تخافين هذا اللى ساعدنا بالسالفه خالد
مشاعل: ايش ايش اشتقولين انتي ساعدنا بايش
حنان: يعني على بالج انا بعرف ادز مسجات واخوفها كذا من بنت لبنت اكيد لازم نستعين بجانب رجولي لا تخافين ما علمنا احد
مشاعل: انا طلبت منج تساعديني بهالشي وما كنت اعرف انك بتعطين الرقم لرجال خلاص الحين قولي له خلاص ينسى السالفه وانتي بعد انسيها ومشكوره
حنان: هيه انتي ليه معصبه هذا يزاي بعد لانى سويت لج خدمه انتي طلبتيها والله ماحد ضربج على ايدج
مشاعل: صح وانا غلطانه من اول واسفه الحين بس خلاص ابي الرقم لو سمحتي يرد لي
حنان: اوكي نتقابل بنفس المكان بكره واعطيج اياه العصر بالمول
مشاعل: اوكى ومشكوره يالله باي
حنان: باي
حنان: اوووف ماصخه والله
خالد: اشبلاها
حنان: هذي اللى سوينا المقلب في بنت عمها مدرى بنت خالها
خالد: اها تصدقين مره اتصلت بس البنت ما ردت علي بس صج اللى سمعته منها انها بنت حلوه
حنان: ها اشوفج حولت لغيرنا ..تقولها بدلع
خالد: وانا اقدر الا اقول الحين اش تريد
حنان: تبي الرقم ...فكنا وهاته بعطيه اياها خلاص
خالد: بسوي اخر مسج للبنت
حنان: اوووه ما قالت لى رسلي الحين خلاص
خالد: مو انتى قلتي وترجيتيني اني اسوي لج هالخدمه خلاص بنسوي اخر مسج يالله حنوووون حبيبتي مسج وحده وبس
حنان: اوكى يالله ارسل الحين وفكنا
خالد كتب في اخر مسج لجواهر من غير ما يعرف انه الجوال صار لغيره " بغيت اعلمج بس ان ولد عمج مغصوب عليج وتبين تتأكدين من هالشي اسأليه "
خالد: هههههههههه بتكون ضربه لها بس يالله ننفع البنيه قبل ما نرد لها الرقم


.........


روان: ها اشلونج خالتي وشخبارك ان شاء الله تمام
ام ليال: الحمدلله بخير بنيتي اشلون الوالده
روان: تمام الله يسلمك
ام ليال: وكيف الجامعه وياكم انتي وليال
روان: ما عليها ماشيين فيها الحمدلله ..وينها ليال فوق بغرفتها
ام ليال: ايه تقول انها عازمه بنات اليوم
روان: وش مناسبته .؟؟؟
ام ليال: انتي ادرى ههههههههههه وينها هديتج لا ترجعك على اول كاب للبيت
روان:ههههههههههههه هاذي هي الهدية وطلعت كيس من ورا ظهرها ...بروح لعندها فوق اوكي وبعدين بنجي المطبخ نشوف وش اللى عازمتنا عليه
ام ليال: احسن تساعدون الشغاله مخبصه هناك مدرى وش تسوي
طلعت فوق روان عند ليال ( روان بنت حبوبه شعرها بني واصل لنص ظهرها متموج عيونها عسليه والحلو اللى فيها الغمازتين اللى بخدودها اول ما تبتسم وتضحك)
طقت الباب ودشت على طول: سنه حلوه يا جميل سنه حلوه يا لياااااااااااااال سنه حلوه يا جميل وقربت منها وسلمت عليها
ليال:ههههههههههه يسلمووووو اشلونج روانوووه واشلون خالتي اشخبارهم ... من جابك لهنا
روان: الله يسلمك بالاول اجلس وراحت فرت روحها على السرير وتركت الكيس هناك
جت ليال بتاخذه: وش جايبه لي
جت على طول وضربتها على ايدها: عييييييييب هذا بعدين تشوفينه وقت الحفله مو الحين فهمتي
ليال:ههههههههههههه طيب وش رايج نروح نشوف الشغاله وش مسويه للعشا وبعدين بتصل على اخوي مساعد اشوفه اللى وصيته عليهم بيجيبهم ولا لا
روان نزلت ويا ليال المطبخ لقوا الشغاله مسويه اصناف حلوه من الاكل ولكن الحلويات ما تعرف تسويهم عشان كذا وصت مساعد يجيب لها الحلويات بعد ساعه وهم جالسين بالغرفه احد طق الباب ودش على طول
مساعد: ليالوووه وتفاجأ بروان بنت عمه اول ما شافته نزلت راسها وعلى طول حطت الشيله على راسها ..مساعد نزل راسه هو بعد وسكر الباب شوي
مساعد: السموحه بنت العم اشلونك وشخبارك ان شاء الله تمام
روان: الحمدلله تمام واشلونها ليلى والاولاد عساهم بخير
مساعد: بخير الحمدلله خلى ليال تنزل لتحت جبت الاغراض
ليال: ان شاء الله ولا يهمك
اول ما طلعت ليال من الحمام : اقول ليال اخوج مساعد يقول لج انزلي تحت شوفي الاغراض
ليال: والله طيب وش رايج تجين وياي
روان: وانا كم بنت عم تتدلع عندي الا وحده ههههههههههههه حشا هذا يوم ميلادج اشلون عاد يوم عرسج وش راح تسوين
ليال: لا هذا عاد يوم غيييييييير بتشوفين انتي بس يالله ننزل وهم بالممر تجي ليلى زوجة مساعد بالشهر الثامن وياهم تسلم على روان
روان: ياربي متي راح تجيبين عريسي والله طولتي اشتقت اشوفه
ليلى:ههههههههههههههه الله يرج ابليسج الحين انتي منتظره عريسك من عندي لا حبيبتي ما ازوج ولدي عوانس اسفه شوفي لج غيره
روان وهي تمثل انها تبكي: يعني اشلون الحين بظل عانس على طول وبدل ما انزل رقم من العوانس الا ازيده حرام عليج والله اهي اهي اهي
ضحكوا الكل وكانوا يمشون بشويش على ليلى
الا وهذي رهف بنت مساعد عمرها الحين 12 سنه اما هناء عمرها 11 سنة وهناء نازلين الدرج وهم يركضون ووراهم اختهم الصغيرة هاله تركض وراهم
ليال: يوووه بشويش علينا
امهم: بنات عن الفوضى ترى ما فيني ويالله روحوا بدلوا ملابسكم هنيوووو بسرعه روحي ويا رهف
هنا: يمهههه خلينا نشوف اول شي وش جايب ابوي
رهف: ايه انا شفته منزل اغراض وااايد للمطبخ
هاله: ماما بابا جاب كيسه كبيره
امها: روحي حبيبتي ويا خواتج فوق بدلي ملابسك الحين عيد ميلاد عموووه ليال يالله بنسوي كيكه حلوه ونطفي الشموع
هاله: والله هيييييييييييييه هناء تعالي لبسيني فستان حلو الابيض ابيه
هناء: اوووف يالله تعالى رهف تعالي معانا ولا ما بروح لوحدي
رهف: انتي دوم كذا لازم اروح وياج بكل مكان ما تعرفين تعتمدين على روحج
هناء: اعرف ويالله تعالى معاى ولا بروح يا سلام تشوفين اللى جابه ابوي وانا لا
امهم: يالله لفوق ويا ويل وحده تنزل لتحت فهمتوا انا بطلع بعد شوي
رهف وهي تتقدم خواتها : اوووه منكن انتن بنات دلوعات وراحت قدامهم تبعوها خواتها
...قبل بداية الحفلة نادى عليها اخوها مساعد وراحت له المجلس
مساعد وهو يمد لها بالكيس : كل سنة وانتي طيبه وان شاء الله ازفج بيوم عرسج
خذت منه الكيس وفتحته قدامه جاب لها ساعه من داماس وعليها اسواره ملفوفه بسلاسل بها بعض الفصوص الالماس عليه احرف اسمها عجبتها مرررره قربت من مساعد : ربي يخليك لي ياخوي
مساعد باسها على راسها : كم اخت عندي الا وحده ... قالها بحزن وتذكر لبنى اخته الله يرحمه حست فيه اخته ليال بدت عيونها تدمع
مساعد: الله يرحمها واليوم عيد ميلادج يعني من غير دموع يالله روحي للبنات اكيد رابشين الدنيا ربشه ههههههههه
ليال: ان شاء الله وشكرا على كل شي سويته اليوم

.....................
كانت الحفله حلوه وجت نوفا ويا بنات عمها وتمنوا لليال سنه سعيده بعد تقطيع الكيك شافت الهدايا اللى وصلوا لها طبعا من عند امها جابت لها اسواره بايدها ومن عند ابوها لاب توب جديد غير اللى كان معها لانه وعدها بهالشي وليلى جابت لها جلابيه مطرزه اما نوفا جابت لها زجاجتين عطر اخر نوع ومن عند روان كتاب شعر وخواطر لانها تعرف بنت عمها تحب كتابه الخواطر والشعر ومها جابت لها مجموعه ميك اب من كلارنس اما عبير فكانت هديتها مختلفه
روان: بسرعه فتحيه يالله
عبير كانت تطالع فيهم وهي تبتسم اول ما شافت ليال القرآن ابتسمت
عبير: ما لقيت احلى من كلام الله بهاليوم واحترت صج
ليال حبت القرآن ومسكته بحضنها: اغلى واحلى هديه وربي وتسوى كل الهدايا تسلمين عبير ما قصرتي وباستها على خدها
بعد ربشه فتح الهدايا راحوا لغرفة ليال واما امها راحت ترتاح وبعد زوجة مساعد .. البنات الصغار استانسوا من الحفله واكلوا كيك وحلاوه اما هاله سيطرت على سلة الحلاوه اللى من باتشي
نوفا: اقول هالووه لو سمحتي ممكن حلاوه
هاله: كم تعطيني
نوفا:ههههههههه اوووه بزنس وومن من الحين طيب ولا يهمج بنعطيج ريال واحد ما غيره
هاله: هاتيه وينه
امها: عيب هاله يالله عطي نوفا والبنات حلاوه
هاله: بابا جابه لي
رهف: اوووه من اول ماما ماعطتنا شي كله ماسكه السله بحضنها ويالسه على الارض
هناء: سويتوا لها راس انتوا وراحت خطفت حلاوه من السله بسرعه وركضت
هاله وهي تصيح: ماما شوفي هنووووووووه
امها: انزين عطيهم الحين وبعدين بقول لأبوج يجيب لج حلاوه اكبر منه
هاله بفرح: والله
امها: ايه والله صج يالله الحين عطيهم الحلاوه
بعد هالربشه الكل طلع الى غرفة ليال وجلست البنات يسمعون اغاني ويرقصون عليها وهم يضحكون على بعض شوي وجت ليال وسكرت المسجل جلسوا البنات يسولفون شوي روان ارتاحت بالسوالف ويا عبير وهم بعد نفس الشي اما نوفا فكانت تسولف ليال ومها
رهف: عميمه ليال طلعي صوت التلفزيون شوي نشوف هالفلم
ليال: لا وين تشوفون الفلم الحين وقت النوم يالله حبايبي روحوا لغرفكم اوووه بتسهرون بعدين وياي ابوج لو يا وشافكم بعدكم سهرانيين بيزعل ما راح يعجبه
رهف: اوووه عمتي ليال خلينا شوي نجلس بنام من الحين بدري ما ورانا شي بكره
هناء: ايه عمتي خلينا
ليال: شوفي اختج خلاص مره عيونها مسكره بروح اوديها للغرفه وتعالوا امكم بتسأل عنكم خلاص الحين دور سوالف البنات الكبار لما تكبرون نخليكم ويانا يالله قدامي بسرعه
رهف وهنا تقدموها وهم زعلانيين وساكتين
روان: تصبحوا على خير بنااااااات ههههههه
هناء: وانتي من اهله وراحوا غرفهم ...... اما رهف ما ردت
عبير: عطشانه بعد هالرقص والسوالف بروح اجيب لى شي اشربه بروح ويا ليال احسن بالمره وتبعت ليال .....وصلت الممر وما لقت ليال يمكن بوحده من الغرف هذي تنتظرها ولا تنزل لتحت ......... بالاخير قررت تنزل لتحت ما راح تتوه بتعرف طريق المطبخ
اول ما وصلت المطبخ فتحت الثلاجه شافت عصير صبت لها وجلست تشرب وتطالع بالمطبخ ...بيتهم مو كبير مررره متوسط بس حلووووو وانيق
رجعت العصير للثلاجه وجت بتطلع الا وتصطدم في ثوب ابيض اهي على طول شهقت وتراجعت لورا ورفعت عيونها جت بعيون ( هذي العيون انا شفتها مكان وين ...مو معقوله ) كان يطالع فيها مبارك وهو ما فج عيونه من على وجهها هذي هي مره ثانيه هنا في بيت عمي يالله قديش اهي حلووووه ولا شعرها الطويل الاسود وعيونها الحزينة... ثواني وانتبهت عبير من صدمتها ومسكت على فمها لانها مو حاطه أي شي على راسها ولا توقعت احد هنا لف مبارك على جنب : اسف اسمحي لى كنت جاي ابجيب الشاي ما توقعت احد هنا وعلى طول سار بطريقه
ركضت عبير بالصاله الا وهذي ليال جايه المطبخ
ليال: لوين وليه تركضين
عبير مرتبكة: لا ولا شي بس شفت واحد بالمطبخ ياويلي شافني وانا كذا وراحت تصيح
ليال راحت وياها وطلعوا الغرفه شافوهم البنات وهي تصيح
مها: وش فيها عبير ليش تصيحين
ليال: تقول انها شافت احد وشافها وهي كذا
نوفا: وليه ما انتظرتي ليال عشان توديج
عبير: قلت بتتعبني على طول ما فكرتها بتطول نزلت
ليالك خلاص لا تصيحين وبعدين اللى شافج اكيد اخوي مساعد لا تخافين ما راح يعلم احد
روان:هههههههههههههه عادى اليوم شافني طق البا ودش الغرفه وانا ما اهتميت انى احط شيلتي بسرعه يعني عادي اخو ليال اخونا كلنا
ضحكوا الجميع
عبير: يعني معقوله بيكون اخوها بس هذا لا شكله صغير بعده تخبرهم ولا لا احسن تقول لهم ...هذا شلكه صغير اظن اخوج مساعد كبير
ليال: وش عرفك بشكل اخوي مساعد شفتيه من قبل
عبير: لا مدرى هو ولا غيره يالله المهم احنا طولنا هنا اقول نوفا يالله اتصلى محمد يجي ياخذنا
ليال اول ما سمعت اسم محمد فز قلبها شوي : لسه الوقت اسهروا ويانا اشوي
نوفا: الساعه قربت على ال12 احسن نروح وان شاء الله المره الجايه تكون عندي فهمتوا زين نجتمع بالاسبوع عند وحده مننا وش رايكم
وافقوا الكل وعجبتهم الفكره .. اتصلت على محمد اخوها وتفاجأت انه موجود بالبيت نزلوا البنات وسلموا عليهم ليال وروان ومن بعده جا مبارك اول ما شافته تغشت اهو سلم وتمنى لليال سنه حلوه واعطاها هديه: هذي الهديه لاذكى بنت بالجامعه كلها يوم ميلادها
ليال وهي تضحك : مشكووووور
مساعد: هههههههه يالله عن التطنز تصبحوا على خير انا بروح ارتاح وسلموا على خالتي مع السلامه
ليال: مع السلامه وتصبحوا على خير ... مبارك اخذ اخته روان للبيت
بالسياره
مبارك: ها ان شاء الله انبسطتوا بالحفله عيايز ويسووون حفلات
روان: اها زين رجعني وقول هالكلام لليال
مبارك:هههههههههههههههه يالله خذتها جد والله امزح روانووووه
روان: طيب وانت من متى عند عمامي
مبارك: جينا نسهر بالبيت ويا محمد ومساعد قلنا بالمره بدل ما تتصلون وانت وين وتطلعونا من سهرتنا احسن نسهر اليوم ويا بعض بالبيت جينا
روان: اها زين
مبارك وهو متردد: آآآآآه بغيت اسألك عن شي
روان: ايش
مبارك: وانا رايح المطبخ اليوم بجيب الشاي الا ولقيت لى هذاك الغزال اللى شفته اول مره
روان:ههههههههههههههههههههههه طلعت انت الله عليك من وين طلعت لها خليت البنت تصيح علينا
مبارك: ما قصدي اصيحها والله فديتها
روان: اها فديتها انت وش وراك علمنى
مبارك: روان من يوم المزرعه وانا قلبي متعلق فيها ..احاول انساها بس بدون فايده
روان: انت ما تعرف انها ارمله انا علمتك من قبل
مبارك: هذا اللى تاعبني انها عرفت احد قبلي بس وش اسوي ماخذه عقلي وتفكيري من هذاك اليوم
روان: اممم ياخوي اتمنى لك السعاده بس تقول امي واخوي بيوافقون انك تاخذ ارمله هي صح طيبه وحبوبه والله ودشت قلبي بعد بس اكيد امي بترفض انا اعرفها ما راح توافق عليها ابدا وما اظن عبدالله اخوي بيوافق.
مبارك: خير لهذاك الوقت .... المهم قالت عني شي
روان: وش قالت يعني خليتها تصيح لانك شفتها كذا
مبارك: صراحه حلوه ولا عيونها طريقتهم ما شاء الله عليها ما يحتاج عمليات تجميل اللى يسووونها
روان:هههههههههههههه اها يعني شفت زين طيب لو قلت لها
مبارك: قولي لها احلى عيون وربي شافهم ولا خشمها سيف والله
روان: بس بس ما خليت شي اقول مبارك حط لنا شي نسمعه من الحكي هذا
مبارك:هههههههههههههههه والله ما شفت زين على طول رحت لكن صج حلووووه


....................


مها داخل النت وترد على بعض المواضيع وشوي تذكرت رسالة غريب الدار قالت بترد عليها
وعليكم السلام اهلا بالاخر غريب الدار وشكرا على الرساله عذرا ما قدرت ارد بوقتها وانشغلت .... انت بعد من الشخصيات المحترمه واللى الكل يحب انه يشوفها دايما موجوده بالمنتدى ..اتمنى لك دوما التقدم والتوفيق ... دمت دوما للمنتدى شمعه مضيئة
لك خالص تحيتي وتقديري

شوي وتكتب مواضيع جتها رساله من غريب الدار
السلام عليكم ورحمة الله وبركاته
شكرا على الرد على الرساله وهذا يدل على احترامج للجميع ويشرفني انى اتعرف على اخت عزيزة والكل يحترمها .... وياريت نلقاج قريب على الجات نتمنى السموحه اختي وآسف على الازعاج هذي اخر رساله ارسلها والمعذره

غريب الدار

مها تضحك:ههههههههههه اها يبيني على الجات ما فينى حق المهاوشه والكلام الفاضي ومدرى ..... ولا ليش لا اجي متخفيه واراقب بس ليش لا مع انه الرحال قايم بدوره على اكمل وجه ومو مقصر بالشات هو والحنونه لكن ما يمنع بروح اليوم اشوف الشات وش فيه
دشت الشات باسمها المتخفي وراقبت الوضع لقت غريب الدار من ضمن الاسماء وشافته اشلون يمزح ويضحك مع الكل وشوي جت وحده تقول له
روعه: غريب اقول وينك هالفتره كلها ما تنشاف بالشات
غريب الدار: ظروف
روعه: وش هالكلمه ظروف ولا قول مليت منا
السيف: اقول انت وياها مصختوها عاد بسكم تفلسف ليه وليه
روعه: صج ملقووووووووووووف
غريب: يالاخو خلك بحالك لو سمحت
السيف: كيفي اجي واقول اللى انا ابيه
روعه: هيه انت شايف نفسك مدرى على شوووووو ...تبي بس البنات يركضون وراك ادل حركاتكم انا
السيف: والله انت قلت يركضون وراى هم احرار انت وش حارقك
انقطع الاتصال هنا عند مها
مها( اوووه هذا وقته ينقطع عني ) حاولت ترجع بس ما قدرت الظاهر انه الاشتراك خلص لازم بكره اشوف البطاقة ضروري
مبارك طلب من امه تخطب له عبير بس مثل ما قالت روان اخته امه رفضت
ام مبارك: شو تقول علينا الناس اول زواجه بارمله عندك بنت عمك ليال ليه ما تاخذها
مبارك: يمه تعرفين انه انا اشوف ليال مثل اختي وهي بعد يعني قفلي على هالسالفه
ام مبارك: وانت بعد قفل على سالفتك الماصخه ..... مصدعه الحين يالله خلنى بروحي ارتاح شوي
مبارك بخاطره( مصدعه ما تبين تسمعين ) طيب يا يمه تامرين انا بطلع بس السالفه راح افتحها وياج مره ثانيه وطلع وهو زعلان بالمره ...اخذ سيارته وراح يلف بالشوارع من غير هدف وهو يفكر ...

 
 

 

عرض البوم صور اسطورة !   رد مع اقتباس
قديم 29-12-11, 08:40 AM   المشاركة رقم: 40
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

بعد خروج مبارك جا عبدالله اخوه الكبير ( تتذكرونه اكيد هذا رائد بالجيش وعايش مع زوجته ساره في بيت لحالهم بعد الحادث اللى صار على والده والدته قرر يجي يعيش معاهم لكن لانه ساره ما عجبها وتبي بيت لحالها كلم مبارك امه انها تكلمه ويخليه ما يترك بيته ويقدر يزورهم في أي وقت )
عبدالله: السلام عليكم اشلونج يمه وسلم عليها ..اقول ليه اشوف مبارك زعلان حتى ما سلم علي صار شي
امه: ايه صار يبي يتزوج لى ارمله
عبداله: شووووووووو انجن هذا ولا اشلون يبي يتزوج يعلمنا بنلقى له وبعدين بنت عمه ليال اشفيها ليه ما ياخذها
امه: انا قلت بس يقول هذي مثل اختي مابيها
عبدالله: منهي هذي اللى قدرت تضحك عليه
امه: والله مدرى لها قرابه مع محمد زوج لبنى الله يرحمها
عبدالله: اها ما عليج انا بكلمه خليه على وان شاء الله ما يصير خاطرج الا طيب بس لا تزعلين روحج انتي فديتج يمه
ام مبارك: رواان روااااااااااااااان وينج ..... نورماااااااا نادي روان
راحت نورما تنادي روان
روان: ايوه يمه تبين شي... هلا اخوي وسلمت عليه ..اشلونها سارة واشلون العيال
عبدالله: الحمدلله بخير وبعافيه ..ما نشوفج تجين هالفتره عندنا ما اشتقتي للعيال
امه: ايه يمه جيبهم بكره لهنا والله مشتاقه لهم
عبدالله: ان شاء الله يمه ولا يهمج بكره نتغدى كلنا هنا
ام مبارك: زين .... روان شوفي ترى هذي البنت مابي تجيبين سيرتها هنا فهمتي
روان: عن ايش تتكلمين
ام مبارك: لا تستعطبين انتي بعد تدرين اتكلم عن هذي اللى يبي مبارك يتزوجها اشيقولون الناس عنا اول زواج له ما عرف ياخذ الا ارمله
روان: اها تقصدين عبير
ام مبارك: ايه عبير هذي
روان: بس يمه حرام والله بنت حبوبه وطيبه انتي ما شفتيها ابدا وبعدين مو ذنبها انها ترملت وهي بالسن
ام مبارك: مابي اشوفها ولا اعرفها فهمتي ولا عاد تملين راس اخوج فيها فهمتيني
عبدالله: وانتي موافقه انه اخوج ياخذ ارمله
روان: ما فيها شي الزواج مو بالاكراه
عبدالله: خلينا من هالكلام وليال بنت عمه وش فيها اشحكاية اختي ما اختي يبه بعد الزواج بيتغير عادى وبيحبها انا بكلم عمي ان شاء الله بكره وناخذ ليال لمبارك وصدقيني مو عارف مصلحته وين لكن بعدين اكيد بيقول الله يخلي اهلى اللى ما خلوني اسوي اللى براسي
روا: اشلون تخطبون له البنت وهو قالكم ما يبيها لا تحطونه في موقف مو زين وبعدين يرفضها
عبدالله: يفشلنا قدام عمي ما اظني
ام مبارك: انا بكلم اختي بكره ان شاء الله ... وانتي لا اسمعج الحين تتصلين في احد فهمتيني ويالله روحي ذاكري
روان: انزين بروح يالله على خير
عبدالله جلس ويا امه شوي وسوالف وبعدين دق لاخوه مبارك بس ما رد عليه لانه مخليه على الصامت وماحب انه يكلم احد في هالوقت



....................


فهد: ايوه هلا زياد اشخبارك اشسويت علمني
زياد: والله هذا اظن رقم .........
فهد: ايش انت متأكد من هالشي
زياد: ايه متأكد
فهد وهو مصدوم: طيب مشكور زياد ما قصرت والله
فهد اول ما عرف انه باسم مساعد زوج وضحه بنت عمه وهو مصدوم معقوله مساعد يسوي هالحركات ولمين لاخته .... بس انا ابعرف اشلون اقدر اوقفه عند حده

اتصل فهد على محمد ولد عمه ....
محمد: هلا فهد اشلونك بالله عاد هذا اتصال بالليل وش تبي خلصني ابي انام
فهد:هههههههههه طيب شوي شوي على انا ما قدرت انام الا لما اسمع صوتك
محمد: ايه طيب صدقتك يالله اخلص فيه شي
فهد: ابمرك الحين وباخذك
محمد: لحظه وين تمرني وتاخذني اقل لك بنام احد فيه شي عمي فيه شي حد من خواني قول لا توقف قلبي الحين
فهد: والله ما حد فيه شي بس ابيك بسالفة وماحد بيعرف يحلها الا انت انزين وماحد فيه شي لا تخاف اوكى ربع ساعه وانا عندك يالله مع السلامه ...شوي ويسمع صوت المسج عنده على جوا ل جواهر
تفاجأ وهو يشوف المسج اش اللى يصير معقوله هالكلام .؟؟؟؟

مر على محمد ولما كان بالسيارة ظل فهد ساكت ..
محمد: والحين انت مطلعني هالوقت عشان تظل ساكت وش اللى فيك
فهد: ابي اعرف شي واحد يا محمد
محمد: ايش .؟؟
فهد: صح الكلام انه سلطان مغصوب على اختي جواهر
محمد التفت له باستغراب: وش هالكلام اللى تقوله ..والله لهو مغصوب ولا شي من اللى قلك هالكلام
فهد: يعني صح مغصوب عليها
محمد: لا اله الا الله انت بالاول قول لي من اللى قلك هالكلام
طلع فهد الجوال وفتح الرسائل وعطاه اياه قرا محمد الرساله
فهد: لا تسكر اقرا بعد كل الرسايل من هالرقم ..
ابتدا محمد يفر المسج واحد ورا الثاني ......
محمد: وش هذا علمني مو فاهم شي
فهد: انا كنت جاي لك عشان هالمسجات تعرف هذا تلفون مين هذا تلفون اختي جواهر وهالمسجات توصل لها فتره ما عرفت من..؟ وتعرف اليوم انا اكتشفت ايش ؟
محمد: ايش؟
فهد: انه هالرقم رقم مساعد زوج اختك وضحه
محمد: اييييييشششششششششش؟ انت صاحي ؟
فهد: ايه علمني زياد ما غيره
محمد: من هذا زياد
فهد: واحد اعرفه بالاتصالات وخبرني عنه
محمد: مو معقوله مساعد لا ما صدج والله اشلون ..مو لهالحركات صح بالاول زمان ايام الشباب لكن لا لا مو معقوله يمكن عطاه حد ولا شي
فهد: قلت لك مسجل باسمه اشلون بيعطي احد رقمه
محمد: لحظه وطلع تلفونه وابتدا يضغظ بالازرار ..شوف هذا هو رقم مساعد اللى عندي *******0550
فهد: عادى يعني ما يقدر يطلع رقم ثاني
محمد: مو معقوله
فهد: اللى متضايق منه الحين انه سلطان هل هو مغصوب بالزواج على اختي
محمد: الله يهداك بس اشلون يكون مغصوب بالزواج عليها وانت شفته بيوم الملجه اشقد يبي يطير من الفرح والوناسه هذا شكل واحد مغصوب على الزواج
فهد: لا بس هالرساله اشقصدهم يهالرساله
محمد: شوف فهد مثل ما يبون يلعبون على اختك يبون بعد يلعبون في سلطان وباين انه اللى مسوي هالشي يبي يفرقهم عن بعض
فهد وهو معصب: وش دخلهم واختي ما اذت حد ليه يسووون فيها كذا ... وبعدين انا ما راح ارتاح الا لما اتكلم ويا مساعد هذا
محمد: فهد خلي السالفة علي فهمت وان شاء الله بعرف كل شي الحين انت اهدا وبكره بنعرف كل شي بس لا تقرب صوب مساعد عطني يوم وبعرف لك كل شي وبخبرك بس عطني الجوال احسن
فهد: خله لبكره احسن باخذ بطاقه لاختي وعشان تسيف الارقام بعدين بجي وبعطيك الجوال
فهد: اوكى خلاص .... بس ممكن اطلب طلب بعد
محمد: ادرى بتقول لى عن سلطان والله لو اعرف انه سلطان مغصوب على اختك انا اللى بقول له يتركها خلاص ارتحت ومثل ماهي اختك وغاليه هي بعد بنت عمي وغاليه
ظلوا يتمشون بالسياره ووصل محمد للبيت ومن بعدها رجع البيت وبغرفته ظل يفكر من هذا اللى له مصلحه يسوي كذا ؟؟؟؟ بعد الحيره والتفكير راح في النوم



...........


سلطان حاول يتصل على جواهر لكن ما ردت عليه صح اهو تاخر لكن ليش
ما ترد يمكن بعدها نايمه .... فهد حاط الجوال على الصامت وما انتبه لاتصال سلطان ...... جواهر نزلت لتحت فطرت ومن بعدها طلعت لفوق قسم فهد تشوفه دقت على باب القسم ما حد رد اكيد فهد نايم رجعت لقسمها وابتدت تطلع الاغراض وترتبهم في الشنط ..نادت على مارى شغالتها انها تجي وترتب وياها الشنط واهي بهالشكل تذكرت شي ايه لازم تخبر احد يطلع لهم المطار بتقول لابراهيم اخوها ايه نست العنود بالسالفه طلعت مره ثانيه من جناحها وراحت لعند فهد اول ما جت بتطق الباب وهذا انفتح وطلع فهد
فهد: صباح الخير
جواهر ابتسمت : صباح النور وسلمت عليه
فهد: ها لوين رايحه
جواهر: هذا انا صحيت بدري لما اغير مكان باول يوم لازم اكون جذي الا اقول فهد حبيبي وينه جوالي انا مسيفة بعض الارقام ابي اخذهم اوكى
فهد: على الطاوله فطرتي ولا بعدج
جواهر: الا فطرت بس بروح وياك افتح نفسك للاكل
فهد: فديتها الحلوه يالله
جواهر: دقيقه اجيب الجوال ...دخلت ولقت الجوال اول ما شافت المسد كول تقريبا 5 مكالمات من الحبيب الغامض سلطان اها يبي يراضيني ياترى اشلون حياتي المقبله معاك ...تنهدت وقالت لو بيتصل من جديد بترد الحين لا خله يحس شوي انه غلط بحقي
لحقت فهد ونزلوا مع بعض نقلت الارقام لذاكرة الهاتف وبس
جواهر: فهد متي بتيب لي البطاقه الجديدة
فهد: الحين ان شاء الله بروح اييبها رقم ملوكي ولا يهمج
جواهر: فديتك اخوي الا اقول ممكن اطلع معاك ابي اروح وياك نتمشى من زمان ما رحنا انا وانت مع بعض
فهد: ما طلبتي شي يالله جهزي روحك والبسي ونزلي بنتظرك
جواهر من الفرحه راحت وضمته وسلمت على راسه : طياره وبجي
فهد ابتسم وكمل الاكل الا بعد دقايق تذكر اخر مسج ( الله لا تشوف اخر مسج نسيت لا الغيها ) ..على طول طلع لقسم جواهر وطق الباب ودش على طول لانه الباب مفتوح
لقى جواهر بغرفتها مارى ترتب لها اغراضها بالغرفه اما هي فكانت جالسه على الكرسي وبايدها الجوال وتطالع فيه
فهد: اممم جواهر..كان خايف لا تقول له انها شافت المسج
جواهر طالعت فيه: اشتقت لاهلي والعنود والله وبدت الدموع بعيونها
فهد قرب منها وحس بالارتياح الحمدلله يعني ما شافت شي ضمها : اليوم مسافره يعني ما راح تشتاقين لنا
جواهر: بالعكس راح اشتاق لكم والله بس تعرف انت هذول اهلي
فهد: ادرى وربي يخليهم يالله عاد البسي بطلع لج البطاقه الجديده ومن هناك وين ما تبين تروحين بوديج اوكي
جواهر ابتسمت: اوكى
فهد: قبل لا انسى هاتي الجوال خزنتي الارقام
جواهر عطته الجوال لا بس لما تجيب البطاقه باخذ التلفون نقلت الارقام للتلفون ما يحتاج البطاقه بس انت ليه تبي التلفون خله هنا ما راح ناخذه
فهد: لا بس لو جا اتصال مثلا يكون معاى احسن ابي اعرف هذا اللى يرسل
جواهر: للحين ما عرفت ياخوي من اللى يرسل المسجات
فهد وهو يتهرب من الاجابه: صاحبي ما لقيته بتصل عليه اليوم وبشوف ان شاء الله ولا يهمج انتي انسي السالفه فهمتي وزين علمتيني
شوي ويشوف اسم الحبيب الغامض ورقم سلطان
فهد: ليه الحبيب الغامض
جواهر: بس جا ع بالى وقتها وسيفته بهالاسم
جواهر كانت تفكر بالمسج اللى شافتها ولا علمت عليها فهد واخذت الجوال من فهد وفكرها مو معاها
جواهر: اقول فهد بتصل على نوفا اشتقت لها عادى تجي ويانا
فهد: عادي انتي شوفيها لو وافقت اوكي بنروح لها
اتصلت جواهر على نوفا
نوفا: اممم الووووو ايوه
جواهر: صباح الخير يالكسوووله يالله نص ساعه وراح نجي لعندكم تجهزي انا وفهد جايين
نوفا: جواهر حرام عليج سهرانه امس خليني شوي انام وبعدين لوين بنروح
جواهر: يعني ما تبين تشوفيني انا برجع الكويت اليوم العصر
نوفا فجت عيونها على الاخر: ايش ايش ايش ...! ليه من قال
جواهر:ههههههههه انا اللى قلت يالله تجهزي اوكي بنروح ويا فهد شوي اشرايج قولي لخالتي ما راح ترفض اوكي وسلمي عليها
نوفا: اوكي خلاص يالله مع السلامه
جواهر: وافقت يالله بروح اتجهز اوكى



................

طلعت جواهر بالسياره
نوفا: السلام عليكم اشلونك فهد عساك طيب
فهد: الله يسلمج اشلونج نوفا
نوفا: تمام ياولد عمي
فهد: دووووووووووم ان شاء الله الا اقول ترى انا زعلان منج وايد
نوفا: ليه ..؟؟؟؟؟؟
فهد: من سالفة المسجات
جواهر: فهد نوفا ما لها ذنب
نوفا: اممم مدرى اشقول بس انا ماعرف عن صاحب الرقم
فهد: مفروض أي وحده تتعرض لهالموقف على طول تعلم احد من اهلها فهمتي مو تطنشون السالفة وتسكتون
نوفا: ليه هو صار شي غير المسجات
فهد طالع فيها بمرايا السيارة: ليه يعني لازم يصير اكثر من المسجات عشان الواحد يتكلم
نوفا: ما قصدت بسسس
جواهر: فهد فكنا من هالسالفة الله يخليك خلاص الجوال والبطاقه وياك اوكي والحين بتجيب لي بطاقه غير والحمدلله ما صار شي
فهد سكت ونوفا بعد سكتت
وصلوا لشركة الاتصالات واشترى البطاقه الجديده .....ومن هناك راحوا لمجمع الفيصليه لفوا بالمحلات وفهد قالهم يتصلون عليه لما يخلصون
لفوا جم محل ومن بعدها راحت وياها لكافييه وجلسوا يشربون لهم عصير
جواهر: بسألج نوفا عن شي بس تجاوبيني بصراحه
نوفا: اسألي ايش
جواهر: سلطان ما كان بيخطبني قبل صح كان طلال
نوفا تفاجأت من هالشي مع انها عرفت عن هالمسأله متأخر من طلال نفسه لما كان يتكلمون ويسولفون هو وضحه وامها وحس بغلطته لما قالهم وماحد علق بشي
جواهر: لا تسكتين يعني صح هالكلام اللى قلته سلطان مافكر يتزوجني الا لما احد قاله خذها بالغصب
نوفا: لا مو بالغصب لا تقولين كذا جواهر وتعرفين غلاتج عندنا كلنا وعند بعد سلطان
جواهر بتعصب شوي: شوفي غلاتي ما غلاتي عرفت عنها عند سلطان اللى ابيه وافهمه شي واحد اخوج ما فكر يتزوجني الا لما احد قاله صح ولا انا غلطانه واعتقد عمي غصبه
نوفا: جواهر ليه حد قالج هالكلام
جواهر: يعني صح
نوفا: اسمعيني انتي بس سلطان والله يحبج ما تشوفينه طالعي بويهه وانتي تعرفين
جواهر: طيب خلاص مابيج تجاوبين علي شي انا فهمت وخلاص ويالله نروح نلف بالمحلات شوي ووقفت وكملت طريقها لحقتها نوفا وهي ساكته وجواهر ما ردت للسالفه بعد ساعه تقريبا اخذهم فهد ولفوا شوي بالمدينه ومن بعدها رجعوا نوفا للبيت
دخلت جواهر معها بيت عمها سلمت على خالتها ومن بعدها رجعت على طول البيت ارتاحت لما ما شافت سلطان حست انها ما راح تقدر تصبر الا تسأله اذا هو تزوجها بالغصب.
...جواهر اخذت البطاقه الجديده ولقت معها جوال جديد اخذه لها
فهد: خذي هالتلفون ويا البطاقه ولو الموديل ما عجبك بغيره
جواهر: تسلم اخوي فديتك معاى جوالي بس ببدل البطاقه
فهد: لاخلاص انسي جوالك
جواهر: بس المسجات اللى فيه حرام
فهد: لا تخافين باخذه اليوم وبس وبعدين برجعه بتلقينه معاى لا تخافين ومسحت كل المسجات الا اللى من هذاك الرقم لا تخافين
جواهر: اوكي عطني البطاقه بس اسيف الارقام في التلفون الجديد
عطاها البطاقه وسيفت الارقام ورجعت الجوال والبطاقه له
....اتصلت علي امها وعلمتها بوقت الطيارة اما العنود فرحت لانها بتلاقيها بالليل ان شاء الله ورجاوي اتصلت عليها وعرفت انها وصلت لكامبريدج والحمدلله بدت دراستها عادى وعرفت انه عاليه رجعت اليوم على الكويت ....




..........................




احمد: انت بتطلع ولا بتظل بالبيت
سلمان: عندي بريسنتيشن بكره
احمد: اوكي تبي شي من بره بطلع حاس انى مخنوق شوي
سلمان باهتمام يطالع في احمد: عسى ما شر فيه شي احمد
احمد: لا ما فيني شي بس حبيت اتمشى شوي يالله باي
بشوارع كامبريدج احمد يدرو بالسياره ويفكر في رجاوي .... ليه مطنشه مسجاتي ليه ما ترد على
شوي وهو يمشي ويفكر يجيه اتصال
طلال: السلام عليكم
احمد: وعليكم السلام حيالله بهالصوت
طلال: يالخايس ولا تقول انه معاك ولد عم تسأل عنه وينك هالفتره مختفي مالك صوت ..لا يكون الحبيب ماخذ له جو يالله قر واعترف
احمد:هههههههههههههه ي احبك لهالسوالف
طلال:ونااااااااسه انت ما تدري وش كثر الوناسه اوووووف هذا اتصال من اليازيه ذبحتني خلاص بغير الرقم
احمد: هههههههههههههه لا وتقول بتاخذها انت والحين ذبحتك
طلال: شوف انا هالشي مالى فيه زواج لا يبه انا فري ماحد يمتلكني ..وبعدين اجيب الوجع لراسي ليش كلمتين ومسجين وطلعتين وبس غيرهم ما كو
احمد: والله اخاف بيوم تطيح طيحه
طلال:ههههههههههههه اسكت والله مطيحتني صاحبة المنتدى بس معك طلال والله لاجيبها اجيبها ههههههه لو تشوف الركاده والاحترام اللى يعطوني اياه بالمنتدى
احمد:هههههههههه عطني اسم الموقع خلنى ادز لهم رساله واحذر البنات منك
طلال: مينوووون عشان اعطيك لا والبنات اللى بالجات عذاااااااااب وانا اخوك
احمد: يالله بالعقل
طلال: ادعي انها بس تحن على اخوك الولهان وتحس فيني
احمد: وبعدين وش اخرتها معاك
طلال: ولا شي بس وقت وبنشوف غيرها
احمد: ههههههههههه ما منك فايده لين تتزوج
طلال: اعوذ بالله وش جاب طارى هالشي الحين مستانسين كنا ومبسوطين
احمد: هههههههههههههههه وينك الحين
طلال: انا رايح الحين عند الشباب سهره صباحي بكره اجازه وانت ؟
احمد: اتمشى بالطريق
طلال: فيك شي باين عليك مو مرتاح لا يكون البنات الشقر معذبينك اويلي عليهم ارسلهم لي لهنا
احمد: ههههههههههههه كل شي مزوح عندك وبس .. ليتك تحس باللى فيني
طلال: الله الله بديت اشك يالله قول منهي وهي حلووووه تعق الطير من السما مثل ما يقولون هنا ولا لا
احمد: اسكت الله يخليك اللى فيني كافيني والله انى ميت غيره ومعصب لى يومين ما اعرف عنها شي مسكر جوالها
احمد: يا عيني صار بينكم مسجات شوف وانا ولد عمك هذول البنات يتغلون عشان يخلونا نركض وراهم وبعدين يقولون شوف ترى ابوي بيزوجني يا تجي وتخطبني يا خلاص ما راح تشوفني ابد ولا تكلمني هذي خطتهم من البدايه القفص الذهبي
احمد: لا طلال هذي غير ما راح تصدج بس تعرف منهي هذي
طلال: مين
احمد: اخت جواهر اختي
طلال: ها اشلون تجي هاذي ما تجوز لك تكون اختك
احمد: احسن لى اسكر السماعه
طلال:هههههههههههههه امزح وربي يالله عاد وهذي وين شفتها وش عرفك باختها انت
احمد: قصه طويله لما اشوفك بالاجازه راح اعلمك اكيد الا صج متى بتخلص انت
طلال: والله على شهر 7 ما راح اجي الا بعد الصيفي مره وحده وبالمره بروح افر لي اسبوع زمان بره ويا الربع
احمد: انتبه وانا اخوك من البلاوي اللى نسمع عنهم
طلال: انا ولد عمك وحتى لو اني مغازلجي واحب البنات بس لا ما اروح اكثر من كذا
احمد: عيل الحين بخليك هذا انا وصلت قريب الشقه مع السلامه وان شاء الله اكلمك مره ثانيه
طلال: لا يا الشيخ لا تكلف على نفسك انا اللى اتصل عليك انت مشغول دايم وشركاتك واعمالك وحريمك واولادك ما يخلونك بحالك
احمد:هههههههههههههههههههههههههههه الله يرج ابليسك يالله على خير القاك
طلال: مع السلامه


............


وصل احمد الشقه اول ما فتح الباب سمع صوت المسج فتح الجوال الا وهذا من رجاوي تعلمه انهم راجعين بكره الصباح لندن الساعه 10 ومنها ان شاء الله راح ترجع على طول كامبريدج بعد الظهر ..... قلبه وده يطير بهالخبر وحس بالفرحه وعلى طول طرش لها مسج " توصلون بالسلامه ليتج خبرتيني من قبل كنت استقبلك بالمطار... ديري بالج يالغاليه "
اول ما استلمت الرد رجاوي ابتسمت
عاليه: ها يالله علميني شنو رده
رجاوي تعطيها الجوال : ها شوفي
عاليه: ياعيني على الرومانسية المهم الله يسعدج ويهنيج بس ديري بالج ترى ما الحين لسانهم ينقط عسل وبعدين ينقلب حالهم ..قالتها بحزن
رجاوي: يعني ماكو امل تغيرين رايج وتردين الدراسه بليز عالوووه فديتج عمي قال تعالى عندي الجامعه وغيري التخصص لو حابه هالشي
عاليه: خلاص ما ودي ما اقدر والله صدقيني بكل مره احاول انى انسى وبعدين خلاص باقي شهرين يعني ما راح اقدر الا على الكورس الجاي وان شاء الله وقتها تكون نفسيتي احسن
رجاوي: عاليه هذا كان ريلج اولا واخيرا اوكى يعني مالج عليج مو حرام اهو لو صار هالشي بس ادرى انه لازم يكون عرس قبلها انسي كل شي ومو مهم الحين بس ان شاء الله بعد اجازة الصيف بتيين وياي تبين ولا بالغصب بسحبج من شعرج
عاليه:هههههههههه لا والله خوش صرت غنمه وانا مدرى
رجاوي: احلى غنمه واحبها هههههههههه ضمتها وسلمت عليها



......................


وصلوا مطار هيثرو الساعه تقريبا 10 اما عاليه وابوها واخوها بدلوا الطياره اللى بتروح لبنان وكانت مفاجاه لعاليه بس ارتاحت انه ابوها واخوها يبون يطلعونها من اللى هي فيه جلسوا هناك يومين وبعدها رجعوا الكويت اما رجاوي طبعا رجعت على كامبريدج والدراسه ... تتذكر يوم استقبلها احمد سلمت على البنات وهنوها بالسلامه
احمد: احم احم الحمدلله على السلامه ونظر بعيونها وده يقول اكثر بس ماقدر سلمان معاه وهم بعده رندا وهلا
رجاوي تطالع فيه لاول مره من وصلت لما جت عيونها بعيونه سكتت كل الحروف وبدت لغة العيون وبس
رجاوي: الله يسلمك اشلونك احمد
احمد: الحمدلله تمام
سلمان وهو جاي صوبهم: يالله عاد خلصونا ورانا بحث نسويه رجاوي الحمدلله على السلامه الهذره بعدين بالشقه اوكي
رجاوي والبنات:هههههههههههههههههههههه
وصلوا البنات للشقه وهم رجعوا لشقتهم
رندا: تصدقين رجووووي ما شفناهم الا اليوم اسبوع غاطسين مدرى وين وانت عاليه ان شاء الله بخير
رجاوي: ايه الحمدلله طيبه بس تعبانه هالكورس ما راح تكمل بتكمل الكورس اللى بعده
هلا: وش صار معها اهي
رندا طالعت هلا بنظرة اما رجاوي عرفت انهم يبون يعرفون السالفه بس ما تقدر تقولهم شي: تزاعلت ويا ريلها ومن كذا اهى تعبانه وما ودها تكمل
هلا: اها عشان كذا حرام والله ما تستاهل


..........................ز


باليوم الثاني جا محمد لبيت اخته وسلم على البنات وشوي جا زوج اخته
مساعد: السلام عليكم هلا والله وغلا بالنسيب
محمد: وعليكم السلام هلا مساعد اشلونك ..........وسلم عليه
مساعد: الحمدلله وينك يا ريال ما حد يشوفك
محمد: والله بالشركه والشغل تدري اشخبار المدام وضحه سمعت انها راحت بره بس سلمت على البنات
مساعد: هههههههههه تمام راحت للسوق تشتري للبنات اغراض ناقصتهم.
محمد: اها يعني بطاقة التموين لهالشهر راحت ويا المدام
مشاعد:ههههههههههه خلها على الله الحمدلله الخير واايد وام عبدالله بس تأشر وتقول نييب لها كل شي لعندها
محمد: الله الله على الحب والرومانسية ... الا بسألك عن شي اممممم
مساعد: ايش
محمد: مدرى بس شوف هالمسج والرقم تعرفه؟؟؟
اخذ مساعد منه الجوال وشاف المسج والرقم جتني مسج من هالرقم ولما سألت عنه قالوا لي اسمك
مساعد باستغراب: اشلون رقمي
محمد وهو يطلع جواله وعطاه الرقم وخلاه يقرا اخر مسج
مساعد باستغراب: وش هذا من اللى مرسل هالمسج
محمد: يعني هذا مو رقمك مو باسمك
مساعد وهو يفكر هذا رقم قديييييم بس لحظه انا اعطيته لاختي مشاعل من سنه تقريبا ولا عاد اهتميت له
محمد تفاجأ: اختك مشاعل
مساعد: ابي تعلمني بالسالفه كلها وش حكاية هالمسجات
محمد هنيه علمه بالسالفه كلها من اول شي لنهايتها ... وكان يشوف مساعد اشلون بدا يعصب ويفكر
مساعد: لو بقول لك انى ما اعرف والله شي من هالمسجات
محمد: مصدقك والله وحتى انا بعد من اول شي ما ظنيت فيك ظن السوء
مساعد وقف وقام من المجلس وقال لمحمد: لحظه محمد لا تروح مكان اوكي برجع بعد شوي خذ راحتك البيت بيتك بخلي وضحه تجي ولا تعلمها عن أي شي فهمت
محمد: ان شاء الله بس لحظه ومسك ايده تكفى مساعد لا تسوي مشاكل ارجوك مانيب جاي عشان تتهاوش ويا احد من الاهل
مساعد: ولا يهمك انا بعرف لك هالسالفه
راح مساعد وعلى طول طق الباب وما انتظر ودش غرفة مشاعل ..كانت مشاعل جالسه تقرا مجلة الا وتشوف اخوها مساعد قدامها وقفت واهو ما عطاها فرصه على طول صفعها كف وبعدها مسكها من ايدها وجلسها على الكرسي بالقوه
مساعد: الحين تعلميني بسالفة المسجات اللى كنتي تطرشينها لجواهر من اولها ولا والله ثم والله لتشوفين شي عمرج ما شفتيه
مشاعل وهي خايفه ودموعها تنزل: اخوي عن ايش تتكلم
مساعد مره ثانيه جرها من شعرها وقرب وجهه منها وبصوت عالي ويصارخ فيها : هذا انا قلت لج تعلميني بالسالفه كلها ومن اولها فهمتي
مشاعل وهي تصيح: والله ما قصدي بس كنت العب ...... وبدت تخبره بكل شي وهو ساكت وماسك اعصابه
مشاعل: هذا اخر شي وما قصدت شي بس اعرف انها ما تحبه وسلطان ما يحبها اهله غصبوه عليها يتزوجها عرفت هذا من وضحه وبس
مساعد: سود الله ويهج سودتي ويهنا قدام الناس تلعبين على بنت الناس عشان تاخذين ريلها تفووووووه عليج ......من اليوم ورايح مافيه طلعه من البيت ابدا للهنوف ولا لوحده من رفيقاتج وهاتي عطيني رقم هذي الحنان انا بعرف اتصرف
مشاعل: هي قالت بتعطيني الرقم بس ما عرفت انها بعدها بترسل الا لما كنت انا اطلب منها
مساعد: عطيني رقم تلفونها وبس فهمتي
راحت وجابت له الرقم اما هو فاخذ جوالها : من اليوم ورايح مافيه جوال وان سمعت شي غير ولا حركات تلعبين فيها مره ثانيه والله ثم والله هالعقال اسطره تسطير على جسمك حتى ما يبقى مكان ما تركت فيه علامه
مشاعل ظلت تصيح بغرفتها لغايه ما نامت ..... اتصل مساعد على حنان واتفق انه ياخذ الرقم من عندها وهددها لو سوت شي ثاني بيعرف هو يتصرف باليوم الثاني استلم الرقم وانتهت المشكله بالنسبة لفهد اما جواهر فالمشكله بدت عندها لانها عرفت انه سلطان ما تزوجها برضاه وقررت انها تنفصل عنه مهما كان الثمن وبأي طريقه

 
 

 

عرض البوم صور اسطورة !   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة دانة الروح, ليلاس, الروح, القسم العام للقصص و الروايات, جواهر, جواهر كاملة, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:07 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية