احمد وهو بالفراش انا ليه مهتم فيهم بعدين شكلهم يعرفون يصرفون حالهم يعني ما يحتاج انى اكون دايم وياهم ..ما على منهم المهم دراستهم وبس ...باين على عاليه طيبه لكن ليه رجاوي تعاملني بهذاك الشكل مع انى اعتذرت منها لكن باين عليها مغروره وشايفه نفسها .... خلنى من هالتفكير وانام احسن راح في سابع نومه ما صحى الا على الساعه قريب ال8 ..
لندن بهالفتره من السنة تكون كئيبة مغيمه على طول وبرد وثلج ورياح .....
راح احمد من الصباح يتمشى بلندن ويشتري له كم غرض
طبعا البنات ما طلعوا من الفندق وكملوا نوم للظهر اما احمد فلما صحى على الساعه 10 مره ثانيه نزل لتحت وافطر وتمشى شوي قريب من الفندق برجوله واتصل على واحد من الربع
احمد: صباح الخير
سلمان: صباح النور من؟؟ ...احمد
احمد: ايه احمد
سلمان: الله يخليك احمد تعرف كم الساعه الحين ويك اند ليه مصحيني الحين
احمد: انا وصلت هنا لندن انت وينك
سلمان وهو يفج عيونه وينش من السرير: بذمتك وليه ما قلت لي عشان استقبلك
احمد: ياخوك جيت متأخر بالليل وكانوا معي الاهل قلت ماله داعي
سلمان: الاهل خير عسى ما شر
احمد: لا مافيه شي بس يدرسون هنا
سلمان: اها طيب وانت صاحي بدري ليه يعني شفت الجو يشجع الواحد يصحى عشانه
احمد:ههههههههههههههه والله برررررررررد يرد الروح لك
سلمان: لا مبين انك شارب لك شي
احمد:هههههههههههههه ايه كافي وفطائر كراوسون بالجبن
سلمان:ههههههههههههههه زين اوكى نتلاقي على الظهربصحى واشوف القطار القريب متى يروح انت نازل في أي فندق نفس المره الماضية ولا غيرته
احمد: لا مغيره هالمره في كارلتون اقول انا بشوف المحلات شوي اشتري لى كم غرض لما بتوصل المحطه علمنى القاك اوكى
سلمان: خلاص يالله على خير مع السلامه
سلمان هذا ربيع احمد من البحرين ولد طيب وحبوب وهو وحيد اهله من عايله محترمه وابوه سفير البحرين في بريطانيا ويدرس مع احمد في كامبريدج
وسكر من عنده خذ سيارة ايجار ولف شوي بالمحلات ورجع على الساعه 1 الفندق .......

********


بالرياض وتحديدا في مكتب سلطان بشركة الوالد
سلطان: ايوه يابوي تبي شي
ابوه: ايوه ممكن تجيب معاك ملف الشركة العالمية ... ولا تنسى اجتماعنا وياهم بعد العصر
راح سلطان بالملف لمكتب ابوه وتناقشوا بمشاركتهم مع الشركه ..راحوا تغدوا وبعدين على الساعه 4 رجعوا المكتب عشان الاجتماع وبعد الاجتماع راح سلطان ويا تركي اخوه لعند سيف ولد عمه اليوم عرسه ..وطبعا الاهل كلهم يتجهزون لهالمناسبة
نوفا: يمه انا بروح ويا وضحه للصالون بس ابي سلطان يجيب لنا ياخذنا بعدين
امها: شوفي قولي له الحين انا بروح ويا عمتج نشوف المعازيم ما راح اتأخر يكفي تأخرتوا على في وقت الملجه يالله مع السلامه
راحت نوفا ويا وضحا اختها وبنت خالها مشاعل للصالون تمكيجوا وعملوا تسريحاتهم ورجعوا البيت مع زوج وضحه اللى وصلهم البيت الجميع بدلوا ملابسهم وراحوا للعرس




*************


كان العرس رائع مسوينه في قاعة السلام ... رقصوا البنات على بعض الاغاني ونوفا طبعا وبنات عمها مها وعبير رقصوا في الحفل وكانوا يخبلون من الروعه نوفا كانت لابسه فستان عنابي ورافعه شعرها شنيون ...فتحة للفستان على جنب واصله لنصف الساق وفتحة العنق مرفوعه لفوق تبينها شوي طويله الفستان ما فيها تعقيدات بسيط على جسمها واكمامه صغيره تحت كتوفها بشوي اما مها لابسه فستان بيج علاقي عليه جاكت اخضر وباطرافه شك بيج ويا الاخضر وقصته فرنسية من تحت عليها طالع روعه ..وعبير لابسه جلابية من اليشمك كلها شك عبارة عن قطعتين اسود بالاحمر وعلى شعرها اللى صابغته احمر شوي من قدام طالعه تخبل
على الساعه 10 دخلت العروس على اغنيه قمر لعبدالمجيد عبدالله وكانوا حواليها خواتها وامها وجت ام سيف معهم ووصلوها لمكانها وجلسوا شوي يرقصون قدامها خواتها واهلها وعلى الساعه 11 دخل سيف ويا ابوه ..... كملوا العرس وعند الساعه 12 الكل بدا يروح اما المعاريس فراحوا لجناحهم الخاص وباتداو يصورون ويا الاهل بعدها طلعوا على الفندق وباليوم الثاني راح يسافرون شهر العسل الى ايطاليا ..



**********

نوفا بغرفتها بعد ما بدلت ملابسها وطلعت من الحمام جت بتسكر جوالها الا وتلقى 2 مسد كول ورساله فتحت اول شي الرساله يالدبه مشتاقه اكلمج لو صاحيه ردي مسج بتصل عليج
نوفا: فديتج جواهر وبعدها عرفت المسد كول منها ..طرشت لها مسج ودقيقه وتتصل عليها
جواهر: السلام عليكم ...ولهت عليج يالخايسه ياللى ما تتصلين
نوفا:هههههههههه وعليكم السلام هلا والله بناعم الصوت ..انا ولا انتى من رجعتي الكويت خلاص نسيتي انه اهلج موجودين هنا
جواهر: فديتكم والله لا ودوم انشد واسأل عن احوالكم .. اشلونج نوفا وش اخبارج عساج طيبه
نوفا: الحمدلله بخير تعرفي جايين اليوم من عرس ولد عمي سيف
جواهر: والله الف مبروك ها علميني شنو لبستي بالحفلة اكيد كنتي تخبلين
نوفا:ههههههههههههه ايه اصلا انا كنت ملكة جمال وانا مدرى
جواهر: تطنزين يعني والله حلوه وتخبلين يالله ابي اسمع سوالفج والله ولهت عليج وااااااااااايد لا تنسين شي
نوفا: اكيد ما راح انسى واول شي اخوى سلطان فديته
جواهر: يا ثقل دمج شنو جاب هالسيرة الحين انا ابي اعرف شنو سويتي بالعرس رقصتي ولا لا..؟
نوفا: شوي شوي علي لحظه بعلمج من البدايه ...هات يا سوالف
لهم اكثر من نص ساعه وهم يتكلمون
كان وقتها سلطان ماروسمع حس نوفا وهي تضحك
نوفا: ههههههههههه لا والله مو مصدقه احمد ...
سلطان الدم وقف بعروقه معقوله اختى تكلم حد من الشباب منو هذا ... ما تحمل يسمع المكالمه للأخر, وده لو يذبح هالشاب اللى يضحك على اخته ... وعلى طول فتح الباب من غير ما يدق عليه
نوفا: طالعت فيه باستغراب : ههههههههههه اقول هنا ناس حابه تسلم ... وعلى طول قربت التلفون بويهه.. هنا سلطان تفاجأ والغضب اللى كان يحس فيه تحول الى استغراب واندهاش
سلطان خذ الجوال من ايد نوفا
سلطان: الوووووو
جواهر ما ردت انحرجت: ........................
سلطان وهو يطالع بنوفا: ما تكلم قلنا الووووووووو ..وبدت اعصابه تفلت منه
جواهر: السلام عليكم مرحبا
سلطان: كن احد صب فوقه مويه بارده ... صوت جواهر هذا
سلطان: جواهر
جواهر: لبيه
سلطان: اشلونج جواهر واشلونج الاهل عساهم بخير
جواهر: الحمدلله يسلمون عليكم واشلون عمي وعمتي عساهم طيبين
سلطان: الحمدلله يسألون عنج
جواهر: ......
سلطان: جواهر
جواهر: لبيه
سلطان بدون ما يحس: لبى لج قلبي وعمري
جواهر من سمعت الكلام فرت التلفون على السرير مصدومه وما تكلمت ...اما نوفا فجت حلقها وبعدين ضحكت من خاطرها
نوفا:ههههههههههههههه الله الله كل هذا وانا هنا
سلطان طالع فيها : رايقه انتي اشوف يالله اقلبي ويهج تصبحي على خير
نوفا: وانت من اهله ...بس وين جواهر سكرت بويهها ليش ..؟
سلطان: ما سكرت بويه حد ... وهو يعطيها التلفون يالله كلميها...طلع من عندها وهو مبسوط بسماع صوت جواهر
بغرفته راح يشوف رسمة ويه جواهر... متى راح تكون بجنبي ..آه لو تحسين باللى صار من اول نظرة شفتج فيها ملكتي قلبي وروحي وعمري والله


*******


اما نوفا فاخذت الجوال
نوفا: جواهر ..جواهر..ماحد رد عليها
جواهر: هلا
نوفا: وين رحتي
نوفا: طيب اراويج يالكريهه جذي تحطيني بموقف محرج ويا اخوج
نوفا:ما اسمح لج اول شي هذا مو اخوي وبس هذا بعد خطيبج وريل المستقبل اوكى
جواهر: اقلبي ويهج عطيتج ويه انا الحين بهالسالفه يالله كملي لى سالفة العرس
نوفا: ليه كلكم تبوني اقلب ويهي ...بس على أي صفحه..؟
جواهر: يا دمج ههههههههههههه يالله كملي فديتج والله ولهانه
نوفا: طيب تعالي لو ولهانه صج ...تعرفي بعلمج على شي وش رايج تسوينها مفاجأه
جواهر: ايش
نوفا: يمكن بعد اسبوعين بنروح ويك اند للمزرعه الجديده اللى شروها ابوي واعمامي وش رايج لو تيين وتروحين معنا وترجعين السبت يعني ويك اند وبس
جواهر: يا سلام ودروسي
نوفا: اووه ما راح تغيبين الا يوم واحد استاذني قولي أي عذر المهم تعالي فديتج ارجوج
جواهر: والله مدرى صعبه اشلون أي على يومين وارجع
نوفا: ما فيها شي وبعدين مسافة قريبه يعني مو بامريكا عشان تقولين صعبه الا كم ساعه ورجعتي يالله عاد فكري اوكى
جواهر: اوكي ان شاء الله بشوف ظروفي
نوفا: يالله عيل ما راح اطول عليج اوكى سلمي ..تصبحي على خير وترى ها لا تقطعين
جواهر: ان شاء الله يالله مع السلامه
نوفا: مع السلامه
كل وحده راحت تنام اما جواهر فظلت تفكر بكلام سلطان يا ترى يحمل لى اى مشاعر بقلبه طيب ليه انا للحين مو قادره احس فيه ... ياربي ابي ارتاح والله



*******


نرجع للندن على الظهر جا سلمان للفندق وسلم على احمد وجلسوا شوي بالهول تبع الفندق
رجاوي اول ما صحت الظهر اخذت لها شاور سريع ولبست وهي ترجف
رجاوي: ارررررررررر شنو هالبرد اللى يقطع العظام ..انتي يا الدبه خلاص اصحي وتسحب الفراش من على عاليه
عاليه : حرام عليج رجووووي فكيني خلينى انام ليه صحيتي هالحزه بدري
رجاوي: شنو بدري طالعي الساعه وبعدين ابي اروح اشتري لى جم جاكت طويل على بلوفرات مافيني على هالبرد اللى يدش العظم يالله فزي وقومي بسرعه انا بنزل للهول تحت انتظرج ترى لا تتأخرين عشر دقايق بالكثير اوكي
...... كانت رجاوي لابسه بلوفر عنابي وطبعا تحته بودي مع تنوره جينز سودا وجاكت اسود قصير لخصرها واما حجابها فلونه عنابي فاتح شوي بدرجه من البلوفر حطت لها جلوس خفيف وكريم للنهار بويهها عشان هالبروده القارصه ونزلت لتحت الهول
جلست على احد الكراسي ومسكت لها وحده من المجلات تطالعها كان الفندق فيه حركه الناس اللى تدش او اللى طالعه منه وبعض الاجانب جالسين على بعض الكراسي القريبه منها وحواليها ... ولاحظت فيه اثنين شباب جالسين على جنب باين عليهم عرب لكن من وين ما تردي جلسوا يطالعون فيها طبعا كانت الوحيده المحجبه اللى حواليهم
شوي ما حست الا وواحد منهم تقدم
.... احم الاخت عربيه
رجاوي: ايه
الشاب بابتسامة: انا قلت كذا لما شفت الحجاب وشفت الويه اكيد من الخليج
رجاوي: ايوه الكويت
الشاب: هلا وغلا باهل الكويت كلهم انا نواف من السعوديه وجاي سياحه هني ومعاى اخوي
رجاوي: اها هلا فيك اخوي ... اوكى اخوى اسمح لي الاهل جوعن اذنك ..وتشوف من بعيد احمد ويا واحد على طول حطت المجلة ووقفت واتجهت له وتركت الشاب واقف بمكانه
احمد شافها وهي جايه صوبه وشاف الشاب اللى كان يكلمها حس بالغيره منه
رجاوي: السلام عليكم كيفك احمد وطالعت فيه وبعدين اتجهت نظراتها لا اراديا للشاب اللى شافته راح لاخوه وجلس جنبه
احمد: منو هذا اللى يكلمك تعرفيه
رجاوي: لا ما اعرفه
احمد: طيب وليه يكلمك
رجاوي طالعت فيه: وانت ايش دخلك يكلمني ولا لا ...بدا احمد يعصب ووقرب منه سلمان صاحبه لما شافه كذا
سلمان: عفوا احمد
احمد من شاف سلمان قريب منه : سلمان هذي رجاوي تدرس هني... هذا سلمان رفيقي من البحرين
سلمان: هلا رجاوي اشلونج
رجاوي: الحمدلله تمام وانت اشلونك.؟
سلمان: مع هالجو والله بردان هههههههههههههه
رجاوي: ابتسمت وعرفت انه يبي يغير الجو المشحون اللي صار بينه وبين رجاوي وشوي التفت احمد يطالع ورا رجاوي ..التفت رجاوي شافت بنت عمها عاليه جايه ولابسه بنطلون جينز ازرق ويا سويتر بيج مع جاكت طويل اسود وحجابها باللونين الاسود والبيج طالعه كشخه وحاطه بعد بس جلوز حفيف
عاليه لما وصلت لعندهم : مساء الخير مرحبا ..اشلونك احمد
احمد رد عليها بابتسامه: الحمدلله طيب وانتي اشلونج
عاليه: تمام ومستعده للشوبينج وهي تضحك ههههههههه
احمد: هذا رفيقي سلمان
عالية: هلا حياك اشلونك
سلمان: تمام الله يسلمج انتى اشخبارج ...
عاليه : الحمدلله تمام ..يالله رجوووي نبدا نروح السوق
احمد: نوصلكم بطريقنا
رجاوي: ما يحتاي بناخذ لنا تاكسي الفندق
سلمان: افااا اشله تاكسي سيارتي موجوده يالله
وتقدم احمد طالع برجاوي
عاليه: يالله رجاوي تاكسي ببلاش وابتسمت ومسكتها من ايدها وطلعت
مشوا الكل صوب المحلات التجاريه ووقفوا السيارة في باركينج قريب ومشوا برجولهم طبعا عاليه ورجاوي بدوا يلفون بالمحلات كان احمد ويا سلمان قريبين منهم لما يشوفونهم طلعوا من محل يطلعوا بعدهم لين ما تعبوا من الشوبينج وصارت الساعه اربع العصر تقريبا
سلمان: اقول احسن نروح نتغدى والله يعت وتعبان حشا حواطه بالسوق طول هالوقت ما يتعبون.؟
احمد: ههههههههه اوكي خلنا نشوف هذول خلصوا ولا بعدهم
سلمان: اقول احمد عذرا بس انت قلت الاهل هذول اهلك
احمد: وحده اخت اختي والثانيه بنت عمها
سلمان: اختك اللى ....
احمد: ايه رجاوي اختها وعاليه بنت عمها
سلمان: ما شاء الله عليهم بس شكلهم بنات محترمات
احمد: ايه
سلمان: الا صج بسألك منو هذا اللى كان يكلمها بالفندق حد من الاهل
احمد بعصبيه : وانا وش عرفني
سلمان: اوووووهو اشوف طيور الغيره بدت ترفرف على سماك
احمد: لا طيور ولا بجع يالله بروح اسألهم نتغدى وبعدين لو حبوا يكملون تسوق يكملون
راحوا وسألوهم
عاليه ابتسمت: زين والله اسفين ترى تعرفون شوبينج وبنات بينهم محبه متبادلة من زمان هههههه
راحوا مطعم الدار باجوا روود تغدوا هناك ومن بعدها كملوا شوبينج لغاية الساعه 7
سلمان: وش رايكم نروح سينما فيه فلم جديد اكشن توه نازل
عاليه بلا مقدمات: والله زين بنشوفه
رجاوي: انا ما فيني تعبت من الحواطه بروح ارتاح بالفندق
عاليه وبنظرة ترجي: رجووووي خلنا نروح نشوف الموفي بكره نرتاح
رجاوي وهي تطالع فيها: عالووووه بكره نجهز رواحنا عشان الدراسه ولا نسيتي وبعدين انتي ورانا سفرة بالقطار
عاليه: صج بس خلاص الدراسه تاخذنا تدرين فينا نادر ما ننزل الويك اند لندن
احمد: سلمان خذنا السينما نشوف الفلم احسن بدل الجلوس ساعات بالفندق من هالوقت
سلما: ها شو رايكم بنات .؟ وهو يطالع ورا بعاليه
عاليه نزلت نظرها : ياليت والله رجاوي يالله خلينا نروح نشوف الفلم اوكى
رجاوي: اوكى شورج
سلمان: بسمعكم اغنيه حلوه سمعتها من رفيقي اهداء لبعض الناس وهو يطالع لعالية ......عاليه قابلت نظراته وبعدها نزلت عيونها تحس بحرارة بويهها من نظراته يالله لا هذا انا مخطوبه ..
رجاوي من سمعته يقول اهداء لبعض الناس عرفت انه يهديها للى بيخطبها


حط لهم سلمان اغنيه ( حمد العامري )
...ليتني عرفتك باول العمر بدري
وشبعت عيني بالنظر من محياك
نادم على اللى راح من وقت عمري
اللى قضيته دون صوتك ونجواك
......
اشجيتني بمعانقة حب عذري
ليت الخيال اللى يلمك معي جاك
الوقت يتحكم بعذرك وعذري
والشوق اللى خذني بعشقك وداك
.......
امسي وتفكيري مع الشوق يسري
يسري الى جده متيم برؤياك
اشغلتني واشغلت قلبي وفكري
ولا اشوف فوق الكون غيرك ولا القاك



كان سلمان يغني ويا الاغنية ويطالع عالية من مرايه السيارة لانها كانت في الكرسي اللى وراه اما رجاوي فكانت بالكرسي اللى ورا احمد
حتى احمد سرح بتفكيره مع الاغنيه ويا رجاوي ....
ابتدت عاليه تصفق مع الاغنيه بهدوء عجبتها ودشت خاطرها
طالعتها رجاوي تبي تذبحها اما هي فضحكت وشوي حست رجاوي بهزة تلفونها ولا مع الاغنيه ما سمعت لانه سلمان كان كأنه في عالم ثاني مع الاغنيه اكيد يفكر في خطيبته ابتسمت من هالشي وطلعت تلفونها لقته الاهل متصلين
رجاوي: وعليكم السلام هلا والله فديت هالصوت يواهر الخليج
سمعها سلمان ووطى على صوت الاغنيه
جواهر: اووووه من هذا اللى حاط هالاغنيه الرهيبه
رجاوي: ماعندج سالفة انتي
جواهر:ههههههههههههه ولهت عليج يا لخايسه خليتني بروحي
رجاوي: اشلون بروحج ..وياج امي وابوي ايه فديتها غدووه اشلونها ولهت عليها والله
جواهر: فديتها لو تسمعين وهي تقولين واهر هههههههههههههه حذفت الجيم من الاسم شنو رايج فيه علمتها تقول اسمي
رجاوي: يالدبه والله لو ما علمتيها تقول اسمي ان اتواطى ببطنج لما ارجع الديره
جواهر:ههههههههههههه شو دخلني فيج لما تيين ساعتها تعلمينها اللى تبيه ..
رجاوي: طيب علميني اشلون ماما وبابا فديتهم والله شو اخبارهم؟؟
جواهر: الحمدلله تمام كاهي ماما قدامي بتكلمج اوكى
رجاوي: ماما فديت قلبج وروحج اشلونج الغاليه ولهت عليج والله
امها: الحمدلله بخير ..وشوي بدوا يتكلمون مع بعض بلغتهم شوي وتعطي السماعه عاليه
...سلمان قرب من احمد وبصوت واطي: أي لغه هذي يتكلمون فيها
احمد: بعدين اعلمك ....
رجاوي: ماما تبي تسلم عليج
عاليه: هلا وغلا خالتي اشلونج
ام ابراهيم: الحمدلله طيبه وانتي شو مسويه
عاليه: الحمدلله ...تعرفين خالوووه خمت السوق رجوووي ما خلت شي ما اشترته
رجاوي وهي تدزها بايدها
عاليه: ههههههههههههه لا وبعد ما تبينى اعلم
ام ابراهيم: والله شو نسوي رجوووي وعارفين سوالفها بالسوق المهم ديروا بالكم على رواحكم اوكى
عاليه : ان شاء الله خالتي ها كاهي رجووي معاج
رجاوي: فديتج ماما سلمي على بابا واااااااااايد وعلى ابراهيم وحسن اوكى ولا تنسين مرة اخوى الغاليه نورا لو كلمتيها
امها: ان شاء الله ديري بالج على روحج ودراستك وتدفي زين
رجاوي: ولا يهمج الغاليه ..ايه هذي جواهر ماسكتني تبيج لحظه
جواهر: رجوووي حبيبتي اشلون احمد من وصل ما كلمته شو اخباره
رجاوي بهدوء ترد: الحمدلله بخير لحظه وتقدم السماعه لاحمد... جواهر تبيك
جواهر: هلا احمد اشلونك عساك طيب
احمد: الحمدلله تمام وانتي اشلونج واشلون الاهل
جواهر: الحمدلله تمام ...انتوا وين اسمع ازعاج
احمد: رايحين السينما الحين
جواهر وهي زعلانه: ليتنى معاااااااااااااااكم
احمد: هههههههههههههه بس فيه ناس الظاهر انها ما تحب السينما
جواهر: رجاوي هههههههههههههههه تحب الشوبينج اكثر ههههههههه ما عليك بس لما تكون مع الفلم مندمجه ياويله اللى يكلمها او يقرب صوبها
لف احمد على رجاوي: اها طيب يالله بخليج هاج رجاوي
عطى التلفون رجاوي: طيب يواهر فديتج بخليج طولت عليكم
جواهر: اوكى ديري بالج على نفسج اوكى قبل عطني علوووه اسلم عليها بليز دقيقه
عاليه : هلا جواهر اشلونج يا الدبه
جواهر: دبه في عينج والله صار لكم وحشه متي بتييون
عاليه:هههههههههههههه قريب بس 4 اشهر لا تحاتين وايد
جواهر: طيب يالله بخليج انتبهي لنفسج اوكى وهالله هالله بالدراسه والعلامات الزينه
عاليه: ولا يهمج امتياز مع مرتبة الشرف يالله مع السلامه
جواهر: الله معاج ... مع السلامه



******


بعد السينما راحوا للفندق .... باليوم الثاني جا سلمان واخذهم لمحطة القطار ومن هناك الكل اخذ قطاره طبعا رجاوي ويا احمد لكامبريدج وراحوا بعد قطارعاليه بنص ساعه اما هم على طول اتجهوا بالقطار الى كامبريدج ...سلمان ودعهم الجميع وراح
رجاوي تبي تفتح سالفة بالقطار وقدامها احمد في الكرسي المقابل
رجاوي: سلمان خوش ولد محترم ما شاء الله عليه
احمد وهو يخزها بنظرته: ايه وايد محترم
رجاوي: تعرفه من زمان
احمد: ايه ليش
رجاوي: لا بس اسأل
احمد حس بالغيره من سؤال رجاوي على رفيقه سلمان
احمد: بس ترى راح يخطب عن قريب وحده من اهله وملجتهم باجازة الصيف
رجاوي: والله قالتها بتأسف ...ليت بعض الناس يكونون مثله ذوق
احمد شاف نظرتها ... بديتي تعجبين في الولد لكن ما راح تشوفينه انتي لي انا وبس وياويله اللى يقرب صوبك ( فج عيونه وانصدم وش هالتفكير اللى يا في باله .... )
رجاوي: اوكى عن اذنك شوي بقرا وطلعت كتاب من الشنطة اللى جنبها
احمد: طالع هذي ولا كأني موجود قدامها زين طيب انا اللى مفروض ما اعطيج ويه ... غمض عيونه
وصلوا لكامبريدج طبعا رجاوي وصلها احمد لشقتها قريب من الجامعه اما شقته كانت بعدها بشارع



***********


محمد كان يتمشى بسيارته ومر من الشارع اللى فيه اهل لبنى زوجته ..تنهد بقوة وما حس بروحه الا موقف سيارته قدام البيت
بالصدفه كانت سيارة وراه وقفت
شاف واحد نازل من السيارة
.....: السلام عليكم
محمد: وعليكم السلام
....: عفوا تبي شي الاخو.؟
محمد: بس كنت ابي اسلم على مساعد والاهل
....: حياك الله اخوي بس ما عرفتك ..من انت.؟
محمد: انا محمد بن فهد بن عبدالله..
مبارك: والنعم اخوي حياك اقلط
مبارك: انا مبارك ولد عم مساعد
محمد: حياك الله اخوي
محمد: الله يحيك ..دق الجرس الشاب
شوي وفج الباب مساعد اللى من شاف مبارك ولد عمه ويا مين ..مو معقوله محمد بعد هالسنوات كلها وش يابه لهنا
مبارك: السلام عليكم اشلونك مساعد
مساعد: هلا مبارك وسلم عليه حياك الله
محمد: السلام عليكم ..اشلونك مساعد
مساعد رد عليه بدون اهتمام: هلا محمد حياك عاش من شافك بعد كل هالسنين
محمد حس بالفشيله من كلامه ...
مبارك: الله بتخلينا واقفين على الباب
مساعد: اقلطوا حياكم الله
محمد تردد انه يخش حاس انه روح لبنى بعدها بالمكان



**********


يتذكر لما كان مره جاي عند اهلها بيرجعها البيت وهي فجت الباب
لبنى: اقلط حياك بعد هلي وناسي
محمد: احم احم ممكن لو سمحتي تنادين على زوجتي وحبيبة قلبي تقولين لها بنروح
لبنى: الله ما يستوي لازم تجي وتسلم على الاهل وبعدين بنروح
محمد: ومن قال انج انتى بتروحين
لبنى طالعت فيه: الله مو انت قلت الحين
محمد: انا قلت زوجتي حبيبتي انتي مين تطلعين..؟؟
لبنى: انا اطلع كلهم وبعد قلبك
محمد: فديت قلبي لانج انتي فيه.. ذبحتيني بكلامج الحلو يالله البسي عباتج بنروح
لبنى استحت من كلامه : طيب لوين
محمد: روحي انا بسلم على عمي وخالتي
لبنى: زين دقايق وبس
......
دخل محمد ويا مساعد ومبارك كان محمد كل ماله ساكت يسمع مبارك وهو يسولف مع ولد عمه اللى يرد عليه حس محمد انه فيه شي ليه مساعد شايل منه ليش انه ما قدر يتحمل يكون بنفس المكان وهاجر له كم سنه ..بس غصب عنه مو بايده
مبارك: انا استاذن الحين عن اذنكم
مساعد: بدري
مبارك: من عمرك بروح عند الربع يالله اشوفكم على خير وراح مبارك وترك مساعد ويا محمد
محمد: مساعد انا آسف
مساعد: آسف بعد كل هالسنين زين والله عرفت تجي وتعتذر
محمد فاجأه رد مساعد: مساعد انا اعتذر لانى ما قدرت اجي ولا مره هالصوب بس والله مو بايدي احس كأنه احد يقطع قلبي لما اوصل عند بداية شارعكم فارجع على طول
مساعد: حتى الاتصال ما كنت تقدر تتصل ولا تسأل
محمد: والله اتصلت كذا مره بس كله تلفونك مسكر مدرى ليه
مساعد: مو عذر وانت تدل رقم البيت اعتقد
محمد: وش فيك مساعد هذا وانا قلت بشوف مساعد بعد هالغيبه
مساعد: ما قصرت وهذا انت شفتني
محمد من سمع كلامه وقف على طول ما حب انه يطول بالكلام وياه
محمد: مدرى وش اللى مغيرك علي انا محمد مثل ما انا لكن انت تغيرت
مساعد: هه من سمعك صح مثل ما انت يكفي اللى جانا من صوبك
محمد لما سمع هالكلام رجع وجلس
محمد: وش جاك ... تبي تقول الحين اني انا السبب بموت ما قدر يقول اسمها بموتها الله يرحمها
مساعد: مو السبب بالعكس انت ريحتها واسعدتها لكن ما كنا نظن انه اهلك ما يعرفون شي عن سالفة العيال
محمد: وش دخلهم اهلي الحين
مساعد: ما سألت روحك ليه اهلك قاطعونا الفترة الماضية
محمد: اصلا من يومها ما يحبون يتكلمون عن لبنى الله يرحمها ولا عن شي .. لانهم يعرفون وش كثر كنت اتعب لما يمر طاري لبنى ...( آآآآه يا لبنى ذكراج ما غابت عن بالي والله العالم)
مساعد: ليه حتى ما اتصلت علينا ولا سألت طيب قول مساعد اللى اعرفه اسأل عنه
محمد: لما وصلت امريكا كملت دراستي ووالله حاولت اشغل روحي فيها ما حبيت انى اتصل بحد حتى الاهل هم اللى كانوا يتصلون ويدوب ارد عليهم وبس كل همي انى احاول انسى المي واحزاني بهالشي ..وغيرت رقم جوالي
مساعد: اها من كذا انا حاولت كذا مره اتصل بس يعطيني تعذر
محمد: انا ما جيت للبلد بعد السالفة سنتين كملت فيهم دراستي وطلبت من الوالد اني اشتغل وساعدني براس المال والحمدلله شركتي ماشي حالها
مساعد: ربنا يوفقك
محمد: بس تعرف والله اتصلت عليك مرتين يتعذر ومره انت ما رديت
مساعد: ما اذكر بس يجوز كنت مشغول ولما جيت لقيت لا يوجد رقم اكيد مكالمه دولية يعني ما راح اعرف الرقم اللى اتصل
محمد: وش صار ..؟
مساعد: بعد سنة من الموضوع اهلك عرفوا انه كانت لبنى مريضه بالصدفه لما كانت الوالده مع والدتك وخبرتها
بعدين بيوم لما جيت انا والوالد لعندكم جا ابوك وسمعنا كلام انه احنا ضحكنا عليك عشان تتزوج لبنى وانه عارفين انها بتموت وانه احنا السبب في ابتعادك عن اهلك وبيتك وانه كنا طمعانيين بالنسب ....شوف محمد صح احنا مو لدرجه غناكم لكن انت عارف حالنا الحمدلله عايشين احسن عيشه ومرتاحين لكن والله ما وافقنا على زواجك من لبنى الا عارفين انك انت فرحان بهالشي وانك سعيد وتبي اختى تكون لك زوجة مع العلم انه ما خبينا عليك حالتها
محمد كل هذا ساكت وهو يسمع الكلام: مدرى وش اقول لك والله يا مساعد انا غلطت صح وما حبيت اعلم اهلي لانى اعرف انهم ما راح يوافقون على زواجي بس هذي حياتي وانا اخترتها ماحد كان يدري باللى راح يصير ووالله العظيم ما اهتميت متى يصير لى او لها لكن ربك اراد وخذ امانته قبلي والعالم الله انى كنت سعيد ومبسوط لاخر درجه وعشت حياتي اللى كنت احلم فيها معها وانتوا ادرى بهالشي
سكت شوي محمد وبعدها كمل: لو اهلي اغلطوا عليكم فترى عندهم عذرهم كل الاهل كذا وهذا انا اعتذر لكم عن اللى صار وترى انتوا بتظلوا اهلي اللى مالى غنىعنهم وان شاء الله تظل علاقتنا مع بعض واكثر من الاول اللى راح فات ما نقدر نرجعه واحنا الحين عايشين
مساعد: تصدق محمد انا مو كل زعلي على اللى صار بس على انه خسرنا انسان شرواك والله ظني ابد ما خاب فيك وكنت اعرف وقلت لابوي انه اللى صار اكيد انت ما تدري فيه ولا راح ترضى فيه ابد
محمد: شوف ترى قول تم
مساعد: تم بس على ايش
محمد: طلبتك بكره غداكم عندنا الكل انت والاهل وابيك ما تردني انت قلت تم ترى
مساعد: بس محمد انت عرفت باللى صار اشلون تبينا بعد هالسنين
محمد: ما عليك وان شاء الله بيرجع كل شي مثل الاول .....
سلم عليه محمد وراح من عنده ...لاول مره حس محمد بالراحه انه قدر يواجه الالم لما يشوف احد من اهل لبنى

نرجع لسلطان اللى دايم الدوم لما يرجع غرفته يكون تفكيره في اول مره شافها فيه ... شاف بنات من قبل ويمكن مره اللى تعرف لانه ما عنده هالسوالف ولا يحبها لكن هذي غير اخذت عقله وقلبه بنظره من عيونها ... بديت اضعف من اسمع صوتها ليه انا كذا والكل يعرفني اني قوي وما تعجبني هالسوالف ..بس هذي غير اخذ رسمة وجهها اللى رسمه وابتدا يرسم من خياله بورقة ثانية جانب من وجهها


..........


جواهر كانت ويا امها يسولفون
جواهر: ايوه ماما تبين شي
امها: بغيت اعرف عن هذا ولد عمك سلطان يعني انتي وافقتي بس ما اشوف بعيونج الشوق والوله اللى اعرفهم في أي وحده تنخطب او جاها احد
جواهرانحرجت : يعني اشلون ماما
امها: انتى مغصوبه عليه
جواهر: لا
امها: طيب ليه مو فرحانه
جواهر هنا بدا الحزن يتجمع بعيونها ونزلت دموعها من غير ما تحس قربت منها امها وضمتها لها
امها: حبيبتي شوفي ولا مخلوق يقدر يغصبج على شي انتي ما تبيه فهمتي
جواهر ارتاحت بحضن امها ...بس امها رفعت راسها بايدينها
امها: فديتج ليه البكا طيب علميني قولي اللى بخاطرج ترى من يوم ما جيتي ما حبيت انى افتح وياج السالفة زين واتحرى شو اللى صار معاج هناك
جواهر: انا احب بدر بس مو معطيني ويه لا وبعد قالي مبروك
امها انصدمت: بدر ولد عمج سالم ما غيره
جواهر: من يوم وانا صغيره وانا متعلقه فيه دوم يهم فيني ولا فكرت اكون لحد غيره ..بدت تبكي لكن هو مو مهتم لو اهتم كان زعل وعصب وقال لي ليه وافقتي ويعني من هالكلام والله كنت في يومها بفسخ خطبتي بس هو ما اهتم ما اهتم وصاحت مره ثانيه بحضن امها
امها: شوفي جواهر ادرى انه بدر شخص ممتاز بس هذا ما يخليج تتعلقين فيه لهالدرجه انتي تدرين المرات اللى يجون فيها اشلون امه تعاملنا وما تحبكم تتقربون من اولادها لكن مع كذا ظليتوا اخوه واولاد عم والحين يت هالسالفة اللى صارت وعرفتي اهلج بعد ورحتي لعندهم لكن لو فعلا بدر يحبج كان علمج صح ولا انا غلطانه
جواهر: اشلون انساه وافقت صح لانه شفت كل اهلي واخواني موافقين عليه هم صح ما ضغطوا علي بس كن وقتها بابا يبيني اقرر قبل لا اسافر ومدرى ما حبيت انى افشل ابوي برفضي فوافقت وقلت يمكن لو عرف بدر راح يلمح لى واقدر وقتها افسخ الخطوبه
امها: اللى سويتيه مو صح
جواهر: ادرى بس هذا اللى كان بايدي وقتها والحين متورطه بهالشي
امها: انتى تعرفتي على ولد عمج عرفتي شي عن اسلوبه وحياته
جواهر: كله كلام وبس مرتين تقابلنا وكم مره رد بالجوال بس مدرى خايفه اشلون اربط حياتي بانسان ما اعرفه ولا احبه
امها: طيب ليه ما تسألين عنه من اخته مو تقولين انها بنت حبوبه وطيبه واعتقد انها ما راح تغشج بشي
جواهر: استحي اسالها اشلون يعني
امها: انتى بعدج تفكرين في بدر انه ممكن يجي ويتكلم
جواهر: مدرى من بعد ما بارك لي ولا اهتم والله انى انقهرت زود حسيت انى ولا شي بحياته
امها: طيب حاولي تتعرفي على ولد عمج يمكن مثل ما قلتي يكون الانسان اللى تمنيتيه وانتى ما تدرين
جواهر: تمنيت شخص وبس وسرح فكرها في بدر ..آه ماما بروح اشوف غدوووه وبرجع
امها: لا تغيرين السالفه غدووه ويا ابوها بغرفته لو ما يبيها بيجيبها لهنا
جواهر: طيب ماما بسأل عنه اممم ايه وبعد نوفا عزمتني اجي بعد اسبوع لهم يعني ويك اند اروح بيروحون للمزرعه كلهم عمامي والاهل
امها: زين والله فرصه يمكن وقتها تعرفين اسلوب حياتهم اشلون وتعرفي عن ولد عمج
جواهر وهي تنظر لامها: يعني اروح
امها: ايه روحي بالمره يمكن تلقين جواب لاسئلتك


...............




...صح اكيد الحين بتعرفون ليه انصدم محمد لما طلع من مجلس الرجال بالصدفه كانت ليال نازلة مع نوفا بالدرج هو انصدم لانه شاف قدامه لبنى مو معقوله لبنى قدامه وهي حيه ....
راح وهو مو قادر يستوعب اللى يصير قدامه .. بعد ما طلعوا الاهل من عندهم راح لعند نوفا بغرفتها .... طق الباب وشوي افتحت نوفا الباب له
نوفا: هلا محمد
محمد: ممكن اخش اسولف ويا اختي شوي
نوفا ابتسمت لاول مره محمد يحس فيها من بعد السنين اللى راحت : تفضل اخوى
دش محمد وجلس على الكرسي ونوفا جلست بجنبه
محمد: اشخبارج نوفا ..والله وكبرتي وصرتي عروس
نوفا:ههههههههههههه والله صج ما كنت ادري
محمد: بعده لسانج طويل اف بي آي
نوفا بزعل: ياربي يعني هاللقب ما راح تاخذونه مني
محمد:ههههههههههههههه افاااا والله انتي ماخذته عن جداره يالله هاتي اخر الاخبار اوكى
نوفا ابتسمت وفجت عيونها: اوكى اسمع بالاول بعد اسبوعين ان شاء الله بتكون عزومه بالمزرعه الجديده اللى شروها ابوي ويا اعمامي
محمد: والله زين خبر كويس
نوفا: يعني بنجلس هناك يومين بالويك ند والله راح تكون وناسه يعني كلنا احنا وعمامي والبنات احلى شي من زمان ما اجتمعنا
محمد: يعني من متى ؟
نوفا: من الصيف الماضي
محمد: ايه وقت طويل انتي ويهج من يسمعج يقول لج سنين ما شفتيهم
نوفا: ايه وبعلمك على شي بعد جواهر بنت عمي تركي يمكن تجي بعد معنا بس ها ترى هذا سيكرت لا تعلم فيه احد وخصوصا سلطان
محمد: ايه الحبيب الصامت
نوفا:ههههههههههههههههههههه والله لقيتها صج هاللقب يجي عليه تصدق يعني نادر ولا يكلمني ولا حتى يسألني عنها
محمد: يعني لازم يسألج عنها
نوفا: اكيد ما يبي يعرف اخبارها ..وترى انا اكلمها من وقت للثاني حتى لو هي مسافرة ..ايه ونسيت لا اقول لك ترى احمد ول عمى سافر ويا رجاوي اختها بريطانيا
محمد بإستغراب: سافر وياها اشلون يعني ما فهمت
نوفا: بنفس الطيارة يعني اشلون وتصدج طلعوا اثنيناتهم بنفس الجامعه
محمد: اها يا رويتر وش بعد اخر اخبارج
نوفا: اخر اخباري ولا شي يالله انت هات اخبارك صج خلاص ما راح تسافر ابن بطوطه
محمد:ههههههههههه لا خلاص ان شاء الله وبشتغل ويا عمي بعد بالشركه
نوفا: والله حلو بس حرام ليه ما تشتغل ويا ابوي
محمد: اصلا مجموعة شركات عمي فيها نسبة لنا يعني كني اشتغل ويا ابوي ما فرقت وبعدين ما شاء الله سلطان ويا اخوي تركي يشتغلون وياه اما عمي ماحد الا عبدالعزيز وبس وان شاء الله لما يتخرج فهد عن قريب ينضم لنا
نوفا: طيب اقول تعرف اخر خبر بعد
محمد: ها والله جد اف بي أي نعنبو دارج كل يومج سوالف عشان تعرفين الاخبار
نوفا: لا والله بس الناس يحبوني وينقلون الاخبار لي اسمع عاد واحد جا وخطب عبير هذا اللى انا سمعته
محمد: عبير بنت عمي نواف
نوفا: ايه انا عرفت من مها اختها اهي ما علمتني بس يعني مثل كل مره ما وافقت ابد ...مو عارفه يعني هذول اللى موقفين حياتهم بعد ما يموت لهم انسان عزيز ..ترى الحياه ماشيه والناس عايشه فيها يعني لا العايش مرتاح بعيشته كله ذكرى والم ولا الانسان الميت يريحونه في قبره من هذا الهم .. وسكتت لما شافت ويه اخوها محمد تغير ... وتنهد بقوة آآآه
نوفا: انا آسفه والله محمد ما قصدي انت ..اسفة.
محمد: لا عادى مفروض هالكلام اسمعه وافهمه من زمان .... الا صح ابي اسأل اشلونهم اهل ... لبنى الله يرحمها
نوفا: الحمدلله بخير وبعافيه والله ناس طيبين واخيرا الحين اقدر اكلم ليال على راحتي
محمد: ليال تقصدين اخت لبنى
نوفا: ايه اختها تصدج صورة طبق الاصل منها لما اكبرت وسكتت تناظر اخوها وردة فعله..... طبعا انا اشوفها من زمان حتى لما اهلي قاطعوهم
محمد: اها يعني اللى كانت وياج نازلة الدرج هي ليال
نوفا: ايه ليال ..اشلون شفتنا .وهي مستغربه .
محمد: كنت ابي اكلم الوالده وبالصدفه شفتكم وانصدمت
نوفا: يحق لك تعرف حتى امي لما شافتها انصدمت شوي على بالها لبنى الله يرحمها
محمد: الله يرحمها.
نوفا: تعرف انا كنت اتكلم وياها بالجوال ونتفق نشوف بعض في بيت احد من صاحباتنا ايام المقاطعه الرسمية
محمد من مسع كلامها ما قدر يمسك روحه فطس ضحك وضحكت وياه نوفا
نوفا:هههههههههههههههههه فديتك اخوي وقربت منه وباسته على خده
محمد ضمها وباسها على خدها انا اللى فديتج والحين اقول طسي يالله انا بروح انام
نوفا: الله لوين بدري
محمد: وراج دوام اعتقد
نوفا: اووه ادرى يعني لازم تذكرني
محمد وهو عند الباب: يالله تصبحي على خير وتعرفي اشتقت لكم الجميع
نوفا وهي تبتسم لاخوها: والله احنا اكثر اشتقنا لك
راح محمد لجناحه طبعا جناحه ما تغير ابدا كان يطلب منهم دايما انهم ما يلمسون فيه أي شي او يغيرونه .... الشي اللى تغير انه صورته ويا لبنى وصورتها بروحها انشالوا بدرج المكتبه الداحليه .... راح لهناك وطلع الصور يطالع بصورة لبنى ..ومر بخياله صورة ليال وهي نازلة من الدرج ..فجأه حرك راسه( اشلون يفكر في اخت زوجته اعوذ بالله ) رجع الصور محلها وراح نام



**************


مر الاسبوعين كل في مكانه جواهر في دراستها ولا زالت وبدت تتعلق فيها شوي غاده وخصوصا لما ترجع من المدرسه ما تخليها بروحها وبالاخير تجي امها تاخذها منها ... العنود صاحبتها طبعا تروح عندها او تجي لعندها البيت ...بدا ابراهيم اخوها يرتاح ويحس بالاستقرار واما حسن فتجهيزاته للعرس قريبه عشان بعد اسبوعين راح يكون العرس
طبعا جواهرجهزت لها فستان ولاختها رجاوي بعد قبل ما تسافر وبعد اسبوع راح تجيبهم من المحل .... حسن بعالم ثاني يجهز لسفره للخارج بشهر العسل وحجز له هو وزوجته وطبعا بعد الزواج طلب من اهله انهم يعيشون في بيت بروحهم واهله ما رفضوا لانه البيت جنبهم وقريب بيخلص يعني كم شهر وراح ينتقلون له ....

......................

احمد ورجاوي بعد في دراستهم يتقابلون دايما في البريك تايم واما بالويك اند تقابلوا مره وحده بس لما جا منصور يعطي خطيبته الدفتر كانت وقتها راجعه من السوبر ماركت ومعها اغراض الشقه ... وحس بالغيره لما شاف منصور يكلمها ويعذر عليها أي شي يبونه يتصلون عليه لانه معه سياره وممكن يوديهم .... وقتها احمد تمنى انه هالكلام هو اللى يقوله مو واحد غريب عنهم واللى قهره اكثر انه رجاوي تضحك وتتكلم وياه عادي اما هو فتعامله معامله غير وبدون أي اهتمام ........

****************


وصلت جواهر الرياض يوم الاربعاء الساعه 3 بعد الظهر ويا اخوها فهد واخذ لها والدها اجازة لمدة اسبوع طبعا وعدتها العنود تراجع معها الدروس اللى راح تفوتها .... اول ما وصلت للبيت بعد نص ساعه وتبدل ملابسها وخذت معها بعض الملابس عشان الويك اند راحت وياه للمزرعه ووصلوا لها على قبل المغرب تقريبا المزرعه تبعد عن الرياض ساعه.. اخذها فهد بالاول لفيللا الحريم اللى من شافوها فرحوا فيها خصوصا شهوده بنت اخوها عبدالعزيز انبسطوا لانها معهم بالمزرعه
اول ما طلعت لفوق بالغرفه ويا نوف اللى طبعا ما رضت تتنازل انها تنام مع احد لانها تعرف انه جواهر بتجي
نوفا: وحشتيني موت يالخايسه والله تصدقين لما جيت لهنا وعرفت انه انتى ما جيتي قلت خلاص ما راح تجي
جواهر: ولو نوفا بنت فهد تعزمني وانا ما اجي
نوفا: فداج نوفا وطوايفها مثل ما تقولون هههههههههههههههههههههه ضحكت معها جواهر وجوا بنات عمها مها وعبير وظلوا سوالف لهم ساعه
رن جوال جواهر: اوكي انا نازلة يالله مع السلامه
جواهر: انا بنزل لتحت ابوي واخوي عبدالعزيز بسلم عليهم وارجع لكم اوكى لا تروحون أي مكان بدوني
مها: اوكي اخلصي لو تبين تروحين ويانا للبركه
جواهر: ولا يهمكم بس ما علمتوني انه فيه بركة سباحه خساره كنت يبت المايوه مالي
عبير:هههههههههههههههههه لا من جدها البنت تحكي انه بتسبح بالمايوه يالله اخلصي عمي تحت ما تطولين
نزلت جواهر وسلمت على ابوها واخوها ..... جلست شوي معاهم ومع الريم والبندي وكانوا هناك طبعا ام سيف وام تركي
ام تركي: حيا الله بجواهر اشلون اهلج هناك
جواهر: كلهم يسلمون عليكم خالتي ..
ام سيف: خسارة والله كنت ابي اشوفك بعرس ولدي سيف
جواهر: والله يا خالتي كان عندي اختبارات قصيرة وصعبه اجي
ام سيف: مو مشكله المهم جيتي الحين بالجمعه معنا الكل
ابوها: ها جواهر اشلون الدراسه ..؟
جواهر: تمام ماشي حالها ان شاء الله بس نجيب نسبه اخر السنة
عبدالعزيز: اختى واللى عرفته نسبتك ما شاء الله زينه بالفصل الاول يعني راح تكون احسن بالفصل الثاني ..المهم شدي على حيلك شوي
جواهر: ان شاء الله
شهوده وهي تجر تنورة جواهر... عموووه ابي حواوه
جواهر وهي تضحك وتاذخها بحضنها: فديتج والله نسيت لا اعطيج باقي الحلاوه
البندري: ايه الحين عاد شافت عمتها بتجلس تدلع فيها بكل يوم حلاوه يبه نبي نشوف اسنانها تطلع مو تظل بلا سنون من اولها بعدين يوقف حالها ولا حد يعرس عليها
ضحكوا الجميع من كلامها
جواهر: فديتها بنت اخوي تامرني امر حتى لو تبين انقلب حلاوة لها انقلب ليش لا
الكل: ههههههههههههههههههههههههههههه
بعد صلاة المغرب راحوا البنات قريب المسبح يسولفون ويضحكون .. وقبل العشا جت وضحه ويا بناتها ومعها مشاعل اخت زوجها وبعدها بشوي جت عمتها الجازي وكانت جمعتهم حلوه



***************


اما بفيلا الرجال الكل متجمع ويسولف
عبدالعزيز : اقول محمد بمناسبة هالجمعه اقول وش رايك نلعب سوا اللعبه اللى نعرفها
محمد وهو يضحك منهم: يابوك ماقدر حرام تبي تمرضني انت لا واخر الليل بعد هذا بالاول زمان واحنا بعدنا مراهقين الحين راح هذاك الزمن
عبدالعزيز: عن نفسي شباب مدرى عنك ابن بطوطه لو شيبت بسفراتك
ضحك منهم فهد شوي ويرن جوال فهد
فهد: هلا والله طلول حياتي
طلال: جب وش طلول هذا بعد اصغر عيالك انا يا لخايس ليه ما رديت على مكالمتي
فهد: والله نسيت ههههههههههههههه رحت اجيب جواهر اختى من المطار ونسيت وبعدين هذا انت اتصلت ما تفرق انت ولا انا
طلال: ايه عشان بس تخسرني
فهد: هههههههههههههه ايه اصلا الفلوس انت بتدفعها من جيبك يالله عاد عن الحش
اقول وش اخبار الجو
طلال:ههههههههههههههه اسكت يافهد والله توهقت الحين تقول لى زواج مع انى بالاول قلت يعني تمشية السنه هذي وتدري ما اتوب لما اشوف جمال يمشي قدامي والله هذاك اليوم بالمول ان مرت بجنبي غزال ظبياني عقني من السما
فهد:ههههههههههه شوي شوي على ما فهمت على كلامك وش عقني ...؟
طلال: اقول برمسك بعدين يالله الغزال يتصل بااااي
فهد: ههههههههههه اوكى مع السلامه



**************

سلطان: اقول فهد معانا باللعبه اليوم
فهد: وش لعبته ليه خلاص انتوا اتفقتوا
سلطان: ايه اتفقنا خلاص اوكي
محمد: بس بنقدمها ما نبيها اخر الليل خلوها على الساعه 10 وش رايكم اوكي
عبدالعزيز: خلاص ماشي على الساعه 10

تعشوا الجميع الحريم بصالة الحريم في الفيلا مالهم طابقين عباره عن ست غرف نوم فوق نوف ويا جواهر بغرفة, ومها ويا عبير بغرفة, ووضحه ويا بناتها ومشاعل بغرفة, والبندري ويا اولادها ومعها الريم واولادها بغرفة,والجازي ويا بنتها الهنوف, وام سيف ويا ام تركي في غرفة طبعا بكل غرفة حمامها ..اما بالطابق الارضي فيه صالة للجلوس وغرفة اضافية ويا حمام , مجلس كبير ويا حمام واخر شي مطبخ تتصل هالفيللا بفيلا الرجال بممر وصالة بالوسط بينهم واما فيلا الرجال نفس الشي كان محمد ويا عبدالعزيز بغرفة وفهد ويا سلطان بغرفة الرجال كل واحد بغرفة وباقي غرفة ......

المزرعة فيها اسطبل للخيول ... وبجانب ثاني حوش غنم ..طبعا غير انه بها زراعة التمر وبعض الفواكه
المسبح في الطرف الثاني من فيلا الحريم مو متصل بالفيلا وهو عباره عن بركة سباحة كبيره ..طبعا المكان اللى فيه البركة مقفل مو مفتوح يعني اللى داخل يقدر يسبح براحته وفيه غرفتين لتبديل الملابس بكل وحده حمام... متصلة هالبركة بغرفة العاب فيها بلياردو وكم لعبه وفيه استراحه خارجيه مأثثه ب8كراسي خشبية من خشب الصاج مع 4 طاولات ثنتين حجم كبير وثنتين حجم صغير طبعا هالاستراحه متصلة بغرفة الالعاب من الجانب الثاني من المسبح ومكشوفه بس لها مظله



**************

خالد كان يناقر بنات وضحه كالعاده يبي يلعب معاهم وهم مو راضين بعدين اخذ اولاد عمه برها يلعبون بالكره شوي ويسمعون صراخ واحد من الاولاد بعد العشا
البندري: هذا مو صراخ محمد ليش يصايح راحت الريم تشوف وش صار معهم بره الا وتشوف محمد جاي وهو يبكي وماسك على ويهه
الريم: وش صار حمود علمنى
محمد: خالد الحمار وهو يصيح شاتني بالكوره بالقوة في ويهي شوفي
الريم: عيب لا تقول كذا عن ولد عمك ما يقصد
محمد: الا يقصد والله بردها له ما بخليه يلعب معنا مره ثانيه
الوليد جا وقرب منهم : اصلا انا قلت له من البدايه لعبة الكورة لعبة كبار يعني يتحمل أي شي يجيه
محمد: بنشوف لو تجيك مثل هذيك الضربة
الريم: خلاص بسنا هواش بتلعوبن زين ولا ادخلوا داخل احسن يالله تسبحوا وتنظفوا ما تطالعون اشكالكم
الوليد: اووه اصلا احنا جايين عشان ننبسط هنا حتى هنا بننحبس
الريم: وليدووو خلاص من حكي زايد يالله قدامي انت وياه تسبحوا فوق وبدلوا ملابسكن تبون تلعبون معاكم بلي ستيشن العبوا فيه مثل ما تبون اوكي


بهالوقت البنات راحوا للاستراحه القريبه من المسبح يجلسون هناك ..طبعا نوفا اتصلت على اخوها محمد وقالت له بتروح لهناك ويا البنات عشان ماحد فيهم يجي بس ساعه لكن محمد قالها معكم نص ساعه وتطلعون لانه الشباب يبون يروحون المكان نفسه
نوفا: يالله تعالوا خلونا نتفرج على المسبح قالوا كشخه مررررره وش رايكم
مشاعل: قولي بالمره نتسبح هذا اللى ناقصنا بعد
جواهر: ما فيها شي ليه حرام يعني نتسبح فيه
مشاعل: طيب تسبحوا انا بجلس هنا بالاستراحه ..الهنوف اجلسي معاي
الهنوف: خلينا نتفرج شوي وبعدين نرجع لهنا
مشت مشاعل معهم وهي كلش متأففه ومو عاجبها يروحون
راحوا اول شي غرفة الالعاب وطبعا كان المكان مضوي وعجبهم لعبت مها ويا عبير بالبلياردو شوي وهم يضحكون
عبير:هههههههههههههههه لا بطولة بناخذها انا وانتي على هاللعب
جواهر: هههههههههه صدق بطوله بالمقلوب طالعي اشلون تضرب الكوره يبه امسكي العصا زين
مها: والله حاله مدرى وش بلاهم بهالعصي يضربون فيها لو كنت منهم بضرب فيهم مثل التيل
الكل:هههههههههههههههههه
الهنوف: شوفو هذا الدرات حلو مو يالله نجرب
وراحت تضرب وكانت جواهر تمر قدامها عشان تشوف اللعبه اللى على الطوالة قريبه منها
نوفا: هيه انتي انتبهي مو تشوفين جواهر مرت قدامج
مشاعل: لا تخافين فيني عيوني ما راح تنصاب بشي
نوفا: يالله نطلع جواهر تعالي بنروح لبركة السباحه نشوفهم وش رايكم بنات يالله خلونا من هالالعاب نجي لهم بكره
راحوا لبركة السباحة وكانوا يسولفون وجلسوا ونزلوا رجولهم بالبركة
نوفا: الله باااااااااارد بس حلو ههههههههههههههه
جواهر:ههههههههههه بارد بارد
ظلوا جالسين يسولفون ما حسوا بالوقت هم ومها وعبير وكانوا معاهم الهنوف ومشاعل بس راحوا وجلسوا بالاستراحه بره
... وقفوا بيطلعون من المكان ما حسوا الا بخالد اللى جاي من وراهم حاط على ويهه قناع يخوف ويصرخ بصوت عالي
نوفا ما تحملت صرخت ومسكت جواهر اللى سمعت الصراخ وتفاجأت بالويه اللى قدامها تبي تمسك فيها زلقت رجلها واختل توازنها حاولت تتمسك بنوفا بس نوفا كانت ابعد منها من الخوف راحت بسرعه تركض ما حست بروحها الابداخل البركه .....
غاصت جواهر بالبركه حست ببرودة في اطرافها على طول وتشنجت رجلها تبي تطلع ما قدرت حاولت تقاوم وبالاخير قدرت وطلعت لفوق بس كانت رجلها مخذره تحسها ما تقدر تحملت الالم حاولت بس ما قدرت رجعت نزلت مره ثانيه لتحت .....
نوفا من شافت جواهر بهالشكل جلست تصيح وتبكي ومها تسكت فيها طلعت اما عبير على طول ركضت تبي تعلم احد الا وهذا بطريقها فهد ويا سلطان يركضون ما كلموها عرفت انهم عرفوا ..طبعا خالد ما قصر لما شاف جواهر طاحت بالبركه خاف من اللى صار وانها تغرق ما تكون تعرف تسبح لانه البركه عميقة باين من شكلها على طول راح للرجال من غير ماحد يكلمه
دخل عليهم فجأه وهو يصرخ
خالد: الحقوا جواهر طاحت بالبركه غرقت الحقوا عليها
الكل تفاجأ: وعلى طول قاموا الرجال اما سلطان وفهد تراكضوا على طول بسرعه من غير ما ينتظرونهم البنات كانوا بصوب
فهد من غير ما يفكر نط بالبركه سلطان ظل يطالع فيهم مو عارف
سلطان: هاتي شي من جوا بسرعه عشان تتلحف فيه
فهد طلع ماسك جواهر اللى كانت تتفسها بطي
فهد: تمسكي فيني
جواهر وهي تصيح من الالم اللى برجلها: مو قادره رجلي ما اقدر فهد الم فظيع مو قادره
فهد: قربنا يالله وقربت من الحافه اللى سلطان ساعدها بنفس الوقت وطلعها وبعدها طلع فهد وجلس جنبها ..بنفس الوقت وصل ابوها واعمامها يشوفون وش صار
جواهر كانت تتنفس بسرعه
جواهر وهي تصيح: رجلي مو قادره الم فظيع مو قادره احركها
ابوها: جواهر بنتي سلامات فيج شي
جواهر: انا بخيربس رجلي مره توجعني وبدت تصيح بشويش
فهد: هذا بس يمكن تشنج من برودة المويه ... المهم انتي الحين احسن وضمها بالمنشفه اللى جابتهم نوفا واخذ وحده مسكها وحمل اخته للبيت ..بالطريق لقاهم عبدالعزيز
عبدالعزيز: ها وش صار جواهر انتي بخير
جواهر وهي تصيح بشويش من الم رجلها ايه بخير
عبدالعزيز: ليه تصيحين طيب
فهد: ولا شي تشنج برجلها وبتكون بخير
ابو نوفا: وش جابكم لهنا ابي اعرف ... وهو معصب بالمره عندكم الغرف يامكثرها يعني ما يحلا لكم الا لما تطلعون بره البيت .. ان شفتكم مره ثانيه هنا بالليل اكسررجولكم فاهمه يانوفا
نوفا: يابوي والله مو مني
ابوها: جب ولا كلمه قدامي للبيت
نوفا سكتت وما ردت .... مها وعبير طبعا من شافوا فهد وسلطان تغشوا ورجعوا البيت بسرعه مع الهنوف ومشاعل عشان ما يتهزؤن من اهلهم ظلت معها نوفا بس
دخل فهد وهو حامل جواهر وطلع فيها لغرفتها الحريم تفاجأوا من اللى صار الريم طلعت معها والبندري بعد ...كانت تصيح من الالم
فهد: ساعدوها تبدل ملابسها لا تمرض ولو ما خف الوجع باخذك للدكتور المهم يبي لها تدفيه وبس ولا حد يلمس رجلها اوكى .. خالتي بتصل عليج بعدين اوكي
الريم ساعدتها تبدل ملابسها ومعها نوفا
جواهر: الالم فظيع مو قادره والله احرك رجلي لانى زلقت وحسيت رجلي التوت علي وانا اطيح بالبركه
نوفا تطالع فيها وفجأه: هههههههههههههههههههه لو تشوفين شكلج وانتي تفرين بالبركه بهلوانه صرتي
جواهر تبكي وتضحك بوقت واحد: انتي ويهج تضحكين كنت ابي اتمسك فيج هربتي
نوفا: خالد النذل خليني بس اعلم عليه ابوي بيشوف شغله معاه
بعد ما تطمنت الريم عليهم راحت لعند الحريم شوي ومن بعدها كل وحده راحت لغرفتها جتها مها وعبير يتطمنوا عليها والهنوف ومشاعل
مشاعل: سلامات
جواهر: الله يسلمج
مشاعل: هذا وانتي تبين تتسبحين بالبركه سوتي لنا فلم وانقاذ
الهنوف طالعتها : سلامات جواهر المهم جت سليمه
مها: والله قلبي وقف لما شفتج تطيحين خفت ما تعرفين تسبحين جد
عبير: طلعتي بس نزلتي مره ثانيه ليه
جواهر: الالم برجلي فظيع ماكنت اقدر احرك رجلي فما قدرت اسبح ونزلت مره ثانيه لوما فهد اخوي ربي يخليه
جواهر حاولت تنام لكن رجلها ظلت تألمها شوي ما تقدر تتحرك او تلف فيها قالت يمكن تكون بخير على الصباح بتحاول تنام فيها على كذا
نوفا: جواهر نمتي
جواهر: لا بعدها رجلي توجعني والله ماقدر احركها
نوفا قامت : بخبر سلطان يعلم اخوج يجي ياخذج للمستشفى وش رايج
جواهر: لا حرام ساعه لين نوصل لهنا وماكو مستشفيات الا بالرياض حرام ارجعه لهناك
نوفا: مو زين لا يكون فيها شي بعدين
جواهر: بتحمل خلاص يالله نامي تصبحين على خير انا بحاول انام
نوفا: اوكي وانتي من اهله
باخر الليل ما قدرت خلاص تتحمل الالم
جواهر: نوفا وهي تصيح
نوفا ارتعبت من صوت جواهر: ها وش صار جواهر
جواهر: مو قادره الله يليج دقي على فهد يجي ياخذني المستشفى والله مو قادره
نوفا: انزين لحظات
اتصلت نوفا على سلطان اخوها
سلطان: نوفا وش صار
نوفا: سلطان خلي فهد يجي جواهر مو قادره تنام من الوجع رجلها تعورها بالمره خليه يجي اذخها المستشفى ارجوك انا بروح معها
سلطان: وين تروحين لبسيها عبايتها وانا وفهد بناخذها يالله ولا حد يحس فيكم اوكي بس افتحي لنا الباب تحت اوكى
جا فهد وحمل جواهرلانها مو قادره تمشي وبشويش طلعوا ...بعد الاشعه ظهر عندها تمزق بسيط في كعب الرجل بس ما يخوف ربطوها وعطوها مسكن للالم ونصحوها تجي بعد فتره يفحصونها مره ثانيه ..رجعوا للمزرعه بعد الفجر بشوي وكل واحد راح لمكانه اما جواهر فعلى طول راحت بنومه من تاثير المسكن وحبوب النوم ....


الجزء الثامن عشر
الفصل الثاني

الصباح على الساعه 9 جت مها تصحي نوفا
مها: اقول يا النوامه اصحي يالله الساعه 9 يعني بنضيع هالصباح علينا
نوفا: اوووه مهوووي بليز خليني نايمه الفجر حرام عليج
مها: يالدبه سهرانه للفجر ويا جواهر ليه ما تقولون لي والله نمت بالغصب
نوفا: مالى بارض اقولج نايمه الفجر عشان جواهر تعبت من رجلها وودوها فيها المستشفى رجعوا الفجر والحين نايمه يالله لا تقومينها بليز والله فيني النوم
مها: طيب بس عشان تعبانه جواهر بس برد لج على 12 لو ما قمتي
....
الصباح في الصالة بفيلا الرجال
عبدالعزيز: السلام عليكم
ابوه وعمه نواف: وعليكم السلام هلا ولدي
عبدالعزيز: كيف اصبحت يابوي ..وانت يا عمي وقرب وسلم عليهم
نواف: بخير وبعافيه
ابوه: اشوفك صحيت من بدري
عبدالعزيز: حد يخلي هالجو الحلو وهالمكان الزين وينام ..من متى صحيتوا
عمه نواف: ههههه قول انتوا ما نمتوا من الفجر يابوك جلسنا احنا وعمامك وسوالف عن هذيك الايام
عبدالعزيز: شفتوا محمد ما لقيته لما صحيت وين راح
في هذيك اللحظه محمد دخل مع ابوه وتركي اخوه
الكل:السلام عليكم
الكل وهو يلتفت صوبهم: وعليكم السلام ..صباح النور هلا اقلطوا
فهد لاخوه تركي ونواف: ما شفتوا الخيول والله صج خيول عربيه مأصله لازم نسوي سباق بعدين
نواف: هههههههههههههههههههه السباق وين واحنا وين خلي السباق لعيالنا احسن
محمد: عمي لو انت شيبت ترى بعده ابوي وعمي شباب ما شاء الله عليهم
ابوه: ايه شباب وانا اشهد ولو بغيت نعرس بالرابعه نجيبها
الكل:هههههههههههههههههههه
اخوه تركي: بالاول يا بوي جيب الثانيه هذا ان قدرت تجيبها على الوالده
ابوه: والله الوالده تبغى راحتي ولو في هالشي راحتي ماظنتي بترفض.
عبدالعزيز: كله الا الوالده ربي يطول لنا في عمرها وعمرك يابوي بس خلاص كلكم شباب ما شاء الله عليكم لكن السباق بنخليها لنا احنا الشباب من زمان ما تسابقنا وش رايكم على العصر حول المزرعه
سلطان دخل بهاللحظه عليهم: السلام عليكم صباح الخير
الكل: وعليكم السلام
سلم على ابوه وعمامه
عمه تركي: وينه فهد ليه ما قومته
سلطان: بيصحى الحين يا عمي بس تأخرنا ما نمنا بسرعه
ابوه: الا صح سمعنا اصواتكم الفجر بعد ما صحيناكم
محمد يقطع كلامه : ابوي انا عزمت مساعد واهله لهنا
ابوه: والله يازين ما سويت كنت بعلمك تخليهم يجوا ينبسطوا معنا
نواف: ايه نسيت اعلمكم سيف يسلم عليكم اتصل الصباح علي
الكل: وشخباره
محمد: ها اشخباره المعرس
ابو سيف (نواف): والله تمام اليوم بيسافرون المانيا وبعدها فرنسا وبعد اسبوعين هم ان شاء الله هنا بينا
تركي( ابو عبدالعزيز): الله يسعدهم
الكل: آمين
تركي( ابو عبدالعزيز): عقبالك ان شاء الله محمد انت وسلطان ..؟
الكل صد صوب محمد: ان شاء الله ..الله كريم
ابوه من من سمع كلام محمد ورده على عمه ارتاح وبانت الفرحه بعيونه
فهد(ابو تركي): والله مناي هو بس يشاور ويقول ...تحمد ربها اللي بتاخذ محمد بن فهد
محمد: ههههههههه والنعم والله بس خلي البنت نعرفها بالاول وبعدين نروح نخطبها ( كان يفكر في ليال )
الكل:ههههههههههههههههههههههههههه

.....................


بفيلا الحريم الكل صحي طبعا ما عدا نوفا وجواهر .... الحريم افطروا اما البنات فراحوا بره يتمشون بالمزرعه ومعاهم الاولاد عند ما كانوا راجعين الكل تقدموا الاولاد ويا عبير ومشاعل والهنوف اما عبير كانت بعيده شوي منهم وتتمشى على راحتها قريب من بوابة المزرعه ...
دخلت سيارة بي ام للمزرعه استغربت عبيرمن اللى جاي لعندهم ياترى ..ظلت تطالع فيها وما انتبهت للسيارة اللى جت من وراها كانت مرسيدس وكان الشخص اللى يسوقها لابس نظارة شمسية اهي التفت من المفاجاه ونست تتغطى ..اللى بالسيارة طالع على يساره ( يالله مزرعه ووجه حسن ) ابتسم لا اراديا لها ..اهي على طول من شافته ابتسم مسكت شيلتها وتغطت وعلى طول ركض لفيلا الحريم ..هناك عرفت انه ليال واهلها جايين سلموا الجميع على بعض اما ليال طبعا راحت وياهم لفوق سوالف وضحك
ليال: وينها الدبه نوفا ما اشوفها
عبير: والله نايمه تقول انها تعبانه بس بروح اصحيها ولا يهج زودتها ترى
راحت وياها ليال وفتحوا الباب الا يشوفون نوفا تمشط شعرها من شافت ليال صرخت وراحت احضنتها وباستها
نوفا: وش هالمفاجاه الحلوه ليالوووه ما علمتيني انج بتجين لهنا
ليال: حبيت اسويها لج مفاجاه
نوفا: من علمكم بمكان المزرعه
ليال: محمد اخوج وقف لنا باول الشارع وتبعناه ..
شوي وطلعت جواهر من الحمام
ليال: من هذي
جواهر وهي تبتسم : جواهر
ليال: اها بنت عم نوفا
مها: ومها وعبير ولا نسيتينا احنا بعد
الكل:هههههههههههههههههه
تقدمت جواهر منهم وهي تعرج شوي بسبب الرباط اللى برجلها بس احسن شوي
ليال: عسى ما شر
جلسوا يخبرونها بالسالفه اللى صارت معها امس ...جواهر تحس نفسها احسن الكل نزل لتحت وهي قالت بتتصل باهلها وبتنزل لهم
طلعت عليها نوفا
نوفا: بعض الناس اتصلوا يسألون عنج
جواهر: مين ؟
نوفا: يا برودك... يعني منو بيكون
جواهر باستحياء: ههههههههههههههههه مدرى والله مع منو تتكلمين وطلعت لها لسانها
شوي رن جوال نوفا: وعليكم السلام
سلطان: ها علميني اشلونها تمشي زين على رجلها ولا لا
نوفا: اووووف منك انت وياها يالله هذي هي خذ وكلمها ورمت الجوال لجواهر وطلعت من الغرفه
جواهر تفاجأت بحركة نوفا سمعت الصوت ..: الووووو الوووووو
جواهر: السلام عليكم
سلطان: وعليكم السلام ... ها بشريني عنج جواهر اشلون رجلك الحين احسن
جواهر: الحمدلله احسن
سلطان: والله ... قالها بتلهف
جواهر: والله لا تحاتي انا بخير
سلطان: جواهر
جواهر: هلا آمر
سلطان: ما يآمر عليج احد بس المهم ديري بالج وانتبهي على رجلك ريحيها شوي هاليومين
جواهر: ان شاء الله ولا يهمك ..فيه شي ثاني
سلطان حس انها تبي تخلص المكالمه وحس بانزعاج: ولا شي الغاليه يالله بخليج واي شي تبينه ترى انا حاضرآمري
جواهر: تسلم ما تقصر ..طيب ارخص لي انا بروح لتحت
سلطان ما حب ينهي المكالمه : طيب الله معاج مع السلامه
جواهر: مع السلامه
جواهر: اوووف ما بغت تخلص هالمكالمه زين اراويج يالدبه نوفا ارجعها لج

نزلت تحت جواهر وسلمت على الجميع وتعرفت على ام ليال وزوجة اخوها وهنوها بسلامتها ..قربت وجلست عند نوفا وقرصتها بايدها وهي تحط لها الجوال
نوفا: آآآآي
جواهر وهي تهمس لها: تستاهلين
نوفا:ههههههههههههههه
عبير: على ايش تتهامسون
جواهر: ولا شي .....
الحريم كانوا يسولفون مع بعض واللى راحت تشوف الغدا وش صار معاه بالمطبخ مع الشغالات
اما البنات فجلسوا يشاهدون التلفزيون اللى بالصالة
الاولاد طبعا بره يلعبون بالكوره ومعهم مشعل اخو ليال وخالد اخو نوفا اللى من شافه ارتاح انه احد بنفس عمره وياه


........................


بفيلا الرجال الكل سوالف مع بعض ...طلع الشباب مع بعض ومعهم مبارك ولد عم مساعد ( مبارك هذا بسنة ثالثة كلية الطب وشخصيه جديده راح تعجبكم ان شاء الله )
بعد الغدا الرجال راحوا لغرفهم يرتاحون شوي اما الشباب فراحوا لغرفة الالعاب مشعل وخالد راحوا معاهم ....اللى يلعب بليارد واللى يلعب شطرنج قريب العصر توضوا وصلوا واللى راح عشان يشوفون سباق الخيول بين الشباب عبدالعزيز, سلطان, محمد, وفهد اما البقية قالوا بتفرجون عليهم
البنات على العصر طلعوا يتمشون بالمزرعه شوي
ومن سمعوا بسباق الخيول مع الشباب راحوا قريب منهم وكل وحده تغشت تبي تشوف السباق وش راح يصير فيه
نوفا: اقولكم من الحين سلطان هو الفائز
جواهر: يا سلام ومن قال اخوي فهد اكيد اللى راح يفوز
عبير: يمكن ولا واحد فيهم
ليال: الا اقول منهو هذا اللى عليه الكاب الازرق
نوفا: هذا محمد اخوي .... وقربت منها بهمس (تعرفي سالني عنك هذاك اليوم )
ليال فجت حلقها: ها وش تقولين انتي وش عرفه فيني .؟
نوفا: استغرب من الشبه الغريب اللى بينج وبين لبنى الله يرحمها قالتها بحزن
ليال: اها ..بس وين شافني انا ما شفته
نوفا: تتذكرين يوم العزومه بالبيت عندنا وكنا انا وانتي نازلين من غرفتي بنروح لعند الحريم هو كان داش البيت من مجلس الرجال و يبي امي بشي وبالصدفه شافنا ..بس
ليال: اها سكتت ليال تفكر ( ليه افكر هذا زوج اختي الله يرحمها وحرام انى افكر فيه )

........


بنفس المكان بطرف المزرعه راح الشباب يتسابقون على الخيول محمد وعبدالعزيز وفهد ومساعد بعد اما سلطان ما حب يشاركهم اخذ دفتره وراح يرسم المنظر اللى قدامه ومبارك كان واقف قريب منه وبعدها راح شوي يتفرج على بقية المزرعه
.......

بنفس الوقت كانت جواهر ويا مها وعبير جالسين ويا الاولاد وجاها تلفون
جواهر: هلا وغلا فديت هالصوت والله
العنود: هلا قلبي اشلونج جواهر وشخبارج يا القاطعه
جواهر:هههههههههه هي الا بس يوم ما كلمتج فيها
العنود: من امتى نعرف بعض حتى ولا مسج تدرين انه بالي ينشغل عليج وانتي بعد نفس الشي ولا ناسية توام روحي
جواهر:هههههههههههههههه ولا يهمج بس امس صار شي وما قدرت انى اكلمج
العنود بخوف: وش صار انتي بخير ياربي من تروحين لهناك تصير لك مشكله انتى ما تيوزين
جواهر وهي تبتعد وتسير بهدوء تعرج على رجلها وتكلمها خبرتها بالسالفه وما انتبهت انها كانت تسير باتجاه مكان غرفة الالعاب اللى فيها سلطان وقربت من مكان ما يرسم هو داخل الشرفة اما هي على الجانب وما انتبهت كانت على زاوية الشرفة وتتكلم بلا اهتمام
العنود: طيب وانتي الحين اشلونج
جواهر: والله تمام لا تحاتين تراى بخير هذا انا اكلمج وصوتي فديته وش حلاته
العنود: ايه ادرى
جواهر: انتبهي ترى لا تقولين شي لماما اوكى ولا أي احد حتى رجوووي انا بعلمها اوكى
العنود: ولا يهمج اشلون الجو
جواهر: وي ياربي حلووووووو بالمره ليتج معاى هنا بالمزرعه وايد حلو لا والمكان ما اروع منه والله ان شاء الله اعزمج بيوم هنا لما تيين
العنود: ان شاء الله ولا يهمج اكو شي تسالى فيه
جواهر: ايه العاب وبركة سباحه وخيول
العنود: بذدمتج وي على اول طياره انا عندج بكره
جواهر:هههههههههههههههه بكره راجعين خلاص يومين وبس ناس عليهم دوامات
العنود: واشلون الجو اللى هناك
جواهر: قلت لج حلو
العنود: يالصمخه ادرى حلو قصدي ولد عمج اشخباره
جواهر: تمام تصدقين اخاف والله انى ارتبط فيه احس انه ماله شخصيه ابد ... الحجر بينطق اما هو لا ..!
سلطان كان فرحان بسماع صوت جواهر لكن من سمع كلامها توقف عن الرسم ..,
العنود: ليه تقولين هالكلام انتى قلتي انه اوكى وكل المواصفات اللى تبينها فيه
جواهر: المشكله ما يعبر عن شي احسه انه مغصوب علي كنه اهله بس ما يبوني اطلع من العيله ما صدقوا انه انا ييت بينهم
العنود: يعني اشلون ابي افهم
جواهر: تدرين اخاف انى انا اللى امر وانهي اخر شي من كثر ما يقول تامرين اللى تبينه انا حاضر ياربي ابي اشوف شخصيته شوي
العنود:هههههههههههههه ايه ان شاء الله شو رايج تطلبين منه يكفخج احسن طراق وهو ياي صوبج وطراق وهو رايح
جواهربتأفف: اففففف انا ما قلت جذي بس قصدي ابي احس بغيرته ماكو غيره ابد احسه باااااااااااااااارد على الاخر يعني لو بتكلم عن احد عادى عنده المهم انى اكون مبسوطه وبس وفرحانه هذا اللى يبيه ..... مو اللى في بالى آآآه يا العنود ...ابي واحد شراة روايات احلام
العنود:ههههههههههههههههههههههههه بعدك على حلمك القديم تبين طويل القامه عريض المنكبين محول العينين هههههههههههههههههه
جواهر: هههههههههههههههه لا سليم ولا محول لقيناه ابي اكون مبسوطه وسعيده بس هذا السلطان مدرى طيب على الاخر ابي حد يحسسني بايش اقول بالغيره بالحب بكل شي
العنود: اوووووووووووه هههههههههههههههههههههههههههههه كل هذا الله يكون بعونه
جواهر: ايه اضحكي وربي لو بعنس واطلب منه نتزوج بعد عشر سنين بيقول عادي انتي تامرين امر
العنود:هههههههههههههه وش رايج تتزوجين مع اولادي هههههههههههههه
جواهر: هههههههههه زين والله يالعيوز انتي
كان من الجانب الثاني الهنوف ومشاعل جايين وبالصدفه اسمعوا كلام جواهر مشاعل باشارة من الهنوف سكتت وظلوا يتسمعون على كلام جواهر
العنود: فديتج انتي هههههههههههههههههه
جواهر: ياربي وش رايج اقوله يقرا روايات عبير يمكن يقدر يكون شخصيته ويكون واحد مثلهم
العنود:هههههههههههههههههه عليج سوالف
وابتعدت بهدوء وهي تتكلم وياها


..................


الهنوف ومشاعل ابتعدوا بعد لا تشوفهم جواهر وبسرعه كل وحده تتكلم ويا الثانيه
مشاعل: شايفة روحها لا وبعد تتكلم عنه..... مدرى على ايه مغروره
الهنوف: بس خطبها وهي تقولها بحقد واللى سمعته من نوفا انه بعد متعلق فيها
مشاعل: مصيره يعرف غلطه بيوم ويتخلى عنها
الهنوف: ما اظن ... كملوا طريقهم وراحوا لعند الحريم ...
اما سلطان فظل في مكانه مصدوم فكرها عني انى انسان بلا شخصيه ليه يا جواهر لانى حبيت ولانى احب ثرى الارض اللى تمشين عليها واحب انى اشوفك دايما مبسوطه وسعيده تقولين عني انى انسان بلا شخصية لا وخليتي الحجر ينطق احسن مني ... زين انا ااروايج سلطان منهو تبين واحد مسيطر وله كلمه ولا يهمك بتشوفين يا جواهر ..!
مشاعل جت في بالها فكره وراحت تخطط لتنفيذها ...شو هي يا ترى ..؟


...........


حسن باخر تحضيراته للزفاف
حسن: يمه ترى كل شي جاهز فديتج روحي لعند نوره اليوم شوفيها تبي شي محتاجين شي عندهم بالبيت
امه: مبروك ابو علي ولا يهمك بروح لها اصلا اليوم موعد فستان العرس يطلع
حسن وهو فرحان: عارف وانا اللى بوديكم له
امه:ههههههههههههههه عيل ليه تطلب مني اروح لها
حسن: بس قصدي تكونين وياهم هاليومين
امه: لا تحاتي كل شي بيكون اوكي وعلى نهاية الاسبوع القادم بتلقى عروستك وتحط ايدك بايدها
حسن: الله يسمع منج متى يجي هاليوم والله مستعيل مررررررررره
امه: هههههههههه يالله بروح اشوف غاده نومتها الشغالة ولا لا مدرى فديتها اليوم احسها مو طبيعيه
حسن: شو فيها
امه: مدرى كنها تتوجع شي لو ظلت على كذا بروح فيها الطبيب
كان زوجها وابراهيم داخلين عليهم الصالة بنفس الوقت
..: السلام عليكم
الكل: وعليكم السلام
ابراهيم: خير منو تعبان يمه فيك شي
امه: لا بخير الحمدلله بس غاده
ابراهيم بخوف: شو فيها وعلى طول راح طلع الدرج يركض
امه: يمه انتظر ما فيها شي بس صوتها ما وصله لانه طلع يركض
حسن تبعه على طول وامه وابوه
لقوا ابراهيم يمسح على راس بنته ويقيس حرارتها
ابراهيم يطالع بامه: ما فيها شي حرارتها عاديه خرعتيني يمه عليها والله
امه: انت خليتنى اكمل كلامى بس احسها مو مرتاحه ما اكلت الا شوي مدرى شو فيها قلت لو ظلت ما تاكل اكيد فيها شي بروح فيها الدكتور
ابراهيم: يعنا ما اكلت شي
امه: الا اكلت شوي
حسن: يمه تبينها تفطس يعني من الاكل بعدها صغيره
امه: انت شو فهمك بالعيال اصلا ما اكتل من الصباح اكيد جوعانه وعلى الظهر الحين مو معقوله ما تاكل الا شوي ويعني بكت فتره بعدين هدت شوي ولعبت
زوجها: انتبهي لها يمكن اذنها تعورها او وجع بطن من يدري
ابراهيم : انا بظل وياها اليوم ما راح اكمل شغل العصر ولا تحاتين يمه اوكى
حسن: يالله نتغدى جاي جوعااااااان
ابراهيم: انت ما تشبع ..بنشوفك بعد اسبوعين بتكون جوعان
حسن: اكيد جوعان ولا حد قالك بصوم عن الاكل لما اتزوج
ابراهيم: بنشوف هههههههههههههههههه يالله تقدم واحنا وراك
امه: اطلب وامر البنت اللى تبيها
ابراهيم:ههههههههههههه قصدي على الاكل مو الزواج


.......................



بعد الغدا الحريم جلسوا شوي وجا طق الباب عليهم ابو سيف
زوجته: اقلط حياك الله
تغطوا الحريم
زوجة تركي: هلا ابو سيف حياك الله
ابو سيف: حياج الله هلا ام وليد علومج بشري اشلون الاهل
الريم: الحمدلله بخير كلهم يسلمون
وضحه قربت من عمها وحبته على راسه وقربوا البنات منه يسلمون عليه
مسك ايد جواهر: هلا بنيتي ها بشريني عساج بخير واشلون رجلج الحين
جواهر : الحمدلله بخير يوم واقدر امشي عليها عادى
دش بهذيك اللحظه ابوها وعمها
الجازي: هلا والله باخواني وعزوتي وقربت وسلمت عليهم
سلموا وجلسوا شوي عندهم تقهوا وبعدين راحوا لمكانهم
اما البنات كانوا مع بعض في غرفة مها وعبير يسمعون لهم اغاني كانت نوفا ترقص هي والهنوف ويصفقون لهم اما مشاعل فكان تفكيرها باللى سمعته اشلون تنفذه وفجاه ابتسمت استاذنت وراحت منهم لتحت ... مرت صوب غرفة جواهر ونوفا دخلتها وهي تتلفت حولها اخذت الجوال وارسلت مسج وطلعت على طول بعد ما تأكدت انه وصلها التقرير ومسحتها وطلعت بسرعه راحت لتحت جلست وياهم شوي تفكر وتسولف مع الحريم


..........

ننتقل الى لندن ..... كانت رجاوي تكمل بحثها وتقرا قبل ما تروح تسلمه الدكتور وهي طالعه سمعت جرس الباب راحت رجاوي تفتحه وتفاجأت بمنصور اللى شافته قدام الباب
رجاوي: هلا اخوي منصور اشلونك
منصوروشكله كان تعبان بالمره: انا بخير الحمدلله بس ابيج بسالفة مو عارف اشلون اوصلها لروضة
رجاوي باهتمام: ها عسى خير شو صار
منصور: رندا لقيت عندها محاضرة وهلا هنا ولا لا
رجاوي: لا عندها محاضرة انا جيت لانى نسيت البحث وبرجع مره ثانيه للجامعه
منصور: عمي والد روضه جته ازمة قلبية وتوفي على طول الحين اخوى متصل على وانا لازم اروح اجهز روحي وبروح احجز لنا انا وياها عشان نرجع البلد
رجاوي شهقت من سمعت هالكلام: ها ..لا حول ولا قوة الا بالله
منصور: اقول رجاوي باوصلج بطريقي وهم بعد روضة بتخلص محاضرتها بعد نص ساعه بس اخاف حد يبلغها قبل لا انا اقولها عشان كذا ابيج اول ما تشوفينها طلعت من كلاسها تجيبنها للشقة وانا بكون موجود هنا عندكم وابلغها
رجاوي: ولا يهمك اخوي وعظم الله اجركم
منصور: انا بروح اتصل عشان الحجز بس الله يخليج لا تخلين احد يوصل لها الكلام قبلي
رجاوي: ولا يهمك اصلا روضة تقفل جوالها دايم لما تكون بالكلاس وانا بعطي الدكتور البحث ما وراى شي عادى بنتظرها
نزلت معاه لتحت وركبت بالكرسي اللى ورا .... وصلها للجامعه وبالصدفه كان احمد جاي ولما شاف رجاوي مع منصور عصب بالمررررره ... تبعها ومن غير ما يحس مسكها من ايدها
احمد: انتي ما تستحين اشلون تجين بالسيارة مع واحد مرتبط لا وبعد صاحبتج اللى تقولين عليها
رجاوي تفاجأت: هد ايدي شو انت تخربط ... شو شايفني عندك هيه ثمن كلامك عدل واعرف تكلم منو.؟ انت ترى مالك حكم علي
احمد مسكها مره ثانيه ولف صوبها: لى حكم عليج .... انتى اخت اختي
رجاوي نظرت له : لما تكون ولي امري ساعتها لك كلمه على من الحين ما بي اسمع ولا كلمه منك ولا ابد تفكر انك تقرب صوبي انت من طريق وانا من طريق ....وراحت من قدامه وعيونها متروسه دموع يالله هذا ايش يقصد انى بنت أي كلام اروح واضحك مع كل انسان ماعندي احترام لنفسي والله لو مانى محترمته ولانه اخو اختي ولا كنت بعرف ارد عليه ... راحت لما وصلت للكافييه
الجزء ال18
الفصل الثاني

اما احمد فمن سمع كلام رجاوي زعل وعصب اكثر ليش انه بدل ما يقدريخليها ترتاح له الا بعد المسافه فيما بينهم .. راح للكلاس ولقى سلمان جالس
سلمان: انت وينك احتريك قلت هذا بيطنش اليوم
احمد: ليتني طنشت والله .... قالها وهو حزين
سلمان: وش فيك احمد صار شي
احمد: لو تعرف باللى صار بس يمكن الغلط مني ... كان بيكمل لكن الدكتوره جت المحاضرة وسكتوا
بعد المحاضره علم احمد سلمان عن اللى صار
احمد: بس هي غلطانه اشلون تروح معاه بروحها
سلمان: وانت ايش دخلك فيها صح كلامها مالك حكم عليها وبعدين هم يعرفون بعض من زمان يعني من قبل لا تجي انت واكيد متعوده عليه
احمد: وان كان بس اهو مرتبط وبيتزوج اشلون تروح بروحها معاه واللى قاهرني انها ترتاح بكلامها وياه
سلمان وهو يغمز له: وانت وش حارق دامك ها علمنى لا يكون بديت تحبها
احمد: ومن متى انا قدرت ما احبها ايه احبها
سلمان: اوووف لهذي الدرجه
احمد: واكثر والله مو قادر اشلها من بالي دايم التفكير معها
سلمان: وليه مخبي علي طول هالفتره ولما اسألك اقل لك بايش تفكر تقول بالاهل وبالبلد
احمد:هههههههه يعني تبيني اقل لك احب
سلمان: بس هذي غير رجاوي لها شخصيتها تعرف هذاك اليوم سمعت بعض تعليقات الشباب الخليجين هنا
احمد وبدا يهتم: عن ايش يتكلمون
سلمان: يعني عن البنات وسوالفهم معاهم ..ذكروا هلا مره يعني مرات تطلع معاهم ممكن سينما او مطاعم بس ما اذكروا رجاوي تعرف واحد ذكرها اظن اسمه خالد
احمد: وش قال .؟؟
سلمان: يعني قال راسها يابس وعنيدة مع انها تحسها فري والدليل انها جت تدرس هنا لكن ابد غير الجامعه وبس ما تحب تختلط فيهم اكثر
احمد ارتاح من كلامه وحس انه فعلا غلطان لما تصرف وحكم عليها
سلمان: يعني شفت اشلون لو هي من هالنوع اللى انت قلت لها عليه يعني اكيد بيكون معارفها كثارهنا بس اللى اشوفها دايم معاهم منصور وخطيبته وبعض بنات تعرفهم مرتين او ثلاث شفتها تكلم جروب بس شلة بنات ويا شباب واكثر وقتها بالمكتبه يعني فعلا احسها لحالها بنت ولا كل البنات
سلمان: احمد دام انت تحبها علمها بهالشي وانتبه ترى كثر الغيرة يقتل الحب بين المحبين
احمد: وش اسوي يعني اغار لما اشوفها تكون مع حد غيري
سلمان: ليش لما انت بتاخذها بتعيشها بقفص يعني
احمد: لا من قال والله لاخليها اميره على كل اللى حولي
سلمان: خلاص انا صراحه اشوف انك تعلمها باللى في قلبك وانتظرجوابها ... لكن بالاول حاول انك تحسن من اسلوب تصرفك وياها يعني هالغيره اللى مالها حدود شيلها من راسك
احمد: بحاول والله .... بس اشلون اقدر اكلمها بعد ما اجرحتني بكلامها
سلمان: تستاهل اللى جاك اصلا لو انا بمكانها زين ما كفختك بعد
احمد وهو مبوز: يعني الحين كيف
سلمان وهو يوقف ويمسك ايد زميله احمد: تعال انت بس معنا الحين للكافييه ومو شرط تكلمها ولا حتى تسلم عليها اوكى وخلك عادى وطبيعي
احمد: اليوم بالذات ما اقدر
سلمان: اوكى بس سوي اللى قلت لك عليه احسن هالايام خلك بعيد شوي وحسن صورتك قدامها وبعدها تقدر تقولها اللى في قلبك ....شوف انا بروح الحين الكافييه بشوف طارق لو جاب المحاضره اللى ابيها باخذها منه وبعدين بنروح المطعم نلقاك هناك وش رايك
احمد: مالى نفس باخذ لى ساندويتش بالبيت يالله اشوفك بعدين مع السلامه
سلمان: مع السلامه

.......................


رجاوي من كثرماهي منقهره من اسلوب احد جلست لحالها في طرف الكافييه ودمعت عينها مره بالغصب ومسحت دموعها لنفسها( من يكون عشان دموعي تنزل ما عاش اللى يبكيني ) شوي بعد ربع ساعه شافت روضه اللى جايه صوبها
رجاوي والحزن باين بعيونها: هلا روضه خلصتي محاضرات
روضة: ايه وانتي
رجاوي: من زمان بس باقي هلا ورندا يمكن بعد ساعه وش رايج تجين معاى البيت اكيد بيلحقونا انا بسوي لهلا مسج على جوالها وبالطريق نجيب لنا غدا
روضة: خلاص صار ...بس بكلم منصور تعرفين مدرى احس شي ناغزني بقلبي
رجاوي تطالعها بحزن: تعالي يالله
روضة: الا صح ليه الحزن باين بعيونج رجاوي صار شي
رجاوي: ها ولا شي
روضة: انا اعرفج زين يالله رمسيني فيه احد مزعلج
رجاوي ما حبت تخبرها بشي : ولا شي مشتاقه لاهلى وبس
روضة ضمت رجاوي لها: فديتج يالله تعالى نروح



... بالشقه وصلت وبعدها بربع ساعه وصل منصور اللى علم روضة باللى صار كانت تصيح ورجاوي تضمها لصدرها وتصيح معاها
روضة وقفت فجاه: بروح اجهز اغراضي ..راحت وياها رجاوي ومن بعدها جوا رندا وهلا وعرفوا بالخبر وتموا مع روضة لين راحت مع منصور المطار وصلوهم البنات مع سلمان اللى اتصل على منصور وعرف بالخبر وبعدين الكل رجع
بالسيارة.. هلا: الا وين احمد سلمان
سلمان: الكسلان راح للبيت شوي مصدع
رجاوي بخاطرها( يعله ما يطلع منه )
هلا: اقول سلمان بتروحون مكان بالويك اند انتوا
سلمان: للحين ما قررنا وانتوا
هلا: والله يمكن نروح ليدز
سلمان من سمع ليدز تذكر عاليه وقلبه بدا يحن لها
سلمان: ماعرف بخطط احمد
هلا بدون ما تشاور على احد: وش رايكم تجون معنا ليدز تغيرون جو وبالمره نكون جروب سياحي حلو
رجاوي: مالى نفس للكشته بخلي عاليه تجي لهنا واصلا هي اتصلت على واكيد بتجي
سلمان: هالمنطقه هنا بعدنا ما اكتشفناها زين يمكن ما نروح مكان
وصلهم للبيت وراح لشقتهم


......


جت عاليه بالويك اند واستانست رجاوي بجيتها وخصوصا انها خففت عنها ... لما كانوا مع بعض علمتها باللى صار مع احمد وايش اللى ردت عليه فيه ..عاليه تاكدت انه احمد يحبها ويغير عليها وكل شي يدل على هالشي بس رجاوي مو مقتنعه
رجاوي: والله هالحب انا بغنى عنه لو كان بهالشكل مابيه ولا بيه يحبني خليه بطريق وانا بطريق ويا ويله لو قرب مني
عاليه: ههههههههههه هذي الحين انتي تقولينها لكن بنشوف يالله خلونا نطلع والله جايه ويك اند مو عشان اجلس
طلعوا البنات كلهم مع بعض يتمشون ...
رجعت عاليه جامعتها واللى وصلها لمحطة القطار هالمره سلمان ويا رجاوي وهلا ورندا
سلمان: بالسلامه اخت عاليه وهالله هالله بالدرب
عاليه: ان شاء الله وتسلم مشكور ما كان كلفت على حالك
سلمان: ولو مافيه كلافه بعدين نتمشى شويه وش ورانا احنا ... ابتسم لها ابتسامه حست معها عاليه بشي في قلبها طلعت القطار ولوحت لهم بايدها
في هالاسبوع كان احمد يحاول انه ما يتواجه مع رجاوي ولا شي ولما يشوفها من بعيد بالكافييه يرجع ويروح مكان ثاني ...هي مرات تشوفه لما يرجع بطريقه وتقول احسن لكن بنفس الوقت مدرى تحس انه فيه شي ناقصها حتى انها صارت عصبيه
كانت مرات تجلس مع سلمان والبنات او مع شلة جروب اللى تعرفهم مره كانت بتدش المكتبه وبالصدفه تواجهت ويا احمد اللى من شافها نزل راسه وراح بطريقه ولا حتى سلم عليها
انقهرت رجاوي من حركته ( يعني ولا حتى سلام هو ويهه ... بالطقاق ليه مهتمه فيه)
كانت اتصالاتها ويا اختها جواهر مستمره طبعا ولما تسالها عن احمد تقولها بخير وبس ما تكثر كلام



احمد: اشلونج واشلون الاهل عساهم بخير لكم وحشه وربي
جاه سلمان وشافه يتكلم
سلمان: من تكلم .؟
احمد وهو يمسك السماعه بايده: جواهر اختي لحظه
احمد: ها بعدج بالرياض
جواهر: ايه بعدني هالاسبوع معي اجازه وبعدين برجع البلد علمني اشلون الدراسه
احمد بتردد: اممم جواهر اقول
جواهر: ايش .؟
احمد:جواهر انا احب رجاوي اختك مو عارف انام ولا شي وهي صادتني انا غلطت معها لكن والله مو قصدي
جواهر وهي فاجه حلقها متفاجأه باللى تسمعه
احمد: جواهر انتي تسمعيني .؟
جواهر: ها ايه معاك
احمد: طيب علميني انا ابي اعتذر منها مو عارف وهي ما عطتني ويه والله احبها مو قادر حتى انى اشوف دراستي ابي كلمه منها تريحني ..قولي لها احمد يبيج برجع للكويت واخطبها لو تبي هالشي بس المهم ما تكون بعيده عني وهي قريبه مني ارجوج شوفي لى حل
جواهر: لحظه لحظه وش تقول انت فهمني من البدايه
احمد حكى لها اللى صار معاه من البدايه للنهايه
جواهر: ما عليك ولا يهمك ادرى برجاوي قلبها طيب ... وصدقني باين من معاملتها لك انها تحبك بس تكابر خلها على اوكى والله لجمعكم مع بعض ان شاء الله .... وااااااااااااااااو من يصدق اختى واخوى يتزوجون
احمد:ههههههههههههههههههههههههههه طالع هذي لو احد سمعج بيقول هذي مافيها مذهب ولا دين
جواهر: هههههههههههههههههههههه ما عليك يالله الحين خلنى اتصل عليها
احمد: فديتها والله
جواهر:هههههههههه من الحين تتفداها زين وانا وين رحت
جواهر: وانتي فديتج والله علميني باللى يصير معاج اوكى
جواهر: اوكى ولا يهمك يالله باي

........


رجاوي: هلا والله بهالصوت فديتج يواهر اشلونج وينج.
جواهر: وين بعد في بيت ابوي تعرفين عندي لج مفاجاه
رجاوي: ايش .؟
جواهر: يمكن بعد يومين اجي لعندك
رجاوي: قولي والله بذمتك انتى تتكلمين جد .؟
جواهر: ايه بروح ويا ابوي يمكن فرنسا وبعدين لعندكم ها اشرايج بالمفاجاه الحلوه
رجاوي: والله حلوه بس... تعالى انتي على امتحان اخر الاسبوع ياربي وش هالحاله بحاول ااجله شوي بخبر الدكتور وان شاء الله يرضى يوافق
جواهر: مو مشكله لا تخافين ما راح نطلع سوا الا بالويك اند اوكى يعني اليوم بعد باول الاسبوع عندكم
رجاوي: اوكي اترياج والله ولهت عليكم موووووووووووووت كلكم
جواهر: الا اقول اشخباره احمد اخوي
رجاوي: بخير
جواهر: تصدقين اتصل على هذاك اليوم وتعرفين وش قال
رجاوي: وش قال
جواهر: قال يبي يتزوج خلاص مو قادر يعيش بروحه
رجاوي من سمعت هالكلام انصدمت: ها انتى تتكلمين جد
جواهر:ههههههههههههه فكه منه مثل ما تقولين احسن يتزوج
رجاوي بحزن: منهي تعرفينها
جواهر وهي تبتسم: يمكن اعرفها لكن هو ما علمنى عليها للحين وش رايج تسالينه انتي يمكن يعلمج
رجاوي: ها ايش اساله برايه يتزوج ما يتزوج مالى دخل يالله جواهر انا بروح وراى بحث اكتبه
جواهر: اوكى يالله اكلمج مره ثانيه ديري بالج على روحج مع السلامه
رجاوي: مع السلامه
...من سكرت التلفون من جواهر دمعت عيونها .... فكه منه ياخذ اللى يبيه ما قدرت تمسك روحها اكثر وجلست تصيح
هلا دخلت عليها من سمعت صياحها
هلا: رجاوي حبيبتي شو فيج .؟
رجاوي: ماكو شي تركيني لحالى ابي اقعد بروحي
هلا: اشلون اتركج لحالج يالله علميني فيه شي صار علميني انا سمعتج تسولفين اول من كان يكلمج
رجاوي: جواهر
هلا: شو فيها جواهر شو قالت لج وخلاج تصيحين .؟
رجاوي : ماكو شي خلاص ورجعت تصيح ابي اكون لحالى بليز هلا ليف مي الوون
هلا: ما اروح من هنا الا وانتي قايله كل شي
رجاوي خبرتها وهي تصيح
هلا تطالعها باستغراب: طيب وانتي ليه تصيحين ..؟ مو هذا اللى تبينه .؟
رجاوي: مو عارفه خلاص يالله انتي عرفتي مو عارفه ليه اصيح .؟
هلا: هههههههههههههههههههههههههههههه
رجاوي: يابرودج يالله فارقي
هلا:هههههههههههههههههه وش افارق ما تشوفين حالج لا وتقول ما اواطنه بعيشه الله الا تحبينه وتموتين عليه بعد
رجاوي وهي مصدومه من هالكلام ...( صح تحبه لكن دايما تذكر نفسها وتنكر هالشي وتاكد لنفسها انه ما يعني لها أي شي بصوت عالي عشان لا تعرف شعورها الحقيقي .. بكلمه من هلا عرفت انه شعورها الحقيقي له محبه قويه بس تحاول تخفيها عن الكل وعنه وعن نفسها عشان ما تبين نفسها ضعيفه )
هلا: شوفي لو تحبينه صج حاولى تدافعين بقوه عن هالحب
رجاوي وهي تطالعها بحزن: بعد ايش خلاص ... راح يتزوج
..... شوي ويرن جوال رجاوي مره ثانيه
رجاوي: جواهر
جواهر: رجاوي نسيت اعلمج بس قبل شو فيج صوتج ليه كذا
رجاوي حست انها راح تبكي مره ثانيه: ولا شي جواهر شو نسيتي.؟
جواهر: بالاول علمينى شو فيج ليه تصيحين
رجاوي هالمره صاحت من جد : ماكو شي خلاص راح ماكو شي انا بسكر الحين مو قادره يالله وسكرت الجوال بويهها.

........

جواهر اتصلت على احمد
احمد: هلا بالغالية
جواهر: هههههههههههههههه لا تقول ما تحبك الا تموت فيك بعد
احمد من كثر فرحته صيح: ايييييييييششششششششششششش احلفى قولى والله
جواهر: والله خليتها تصيح الحين
احمد: ايش ليه تصيح فديتها
جواهر:ههههههههههههههههه من سمعتك انك بتتزوج على وحده غيرها
احمد: ايش وش هالكلام من قال بتزوج غيرها والله ما قلت لا يكون ابوي خطب لى حد وانا ماعدي علم
جواهر: ههههههههههه لا انا قلت لها هالكلام يعني كنت ابي اشوف ردة فعلها وهالشي اكد لى انها اكيد تحبك
احمد: انتي متاكده يعني سالتيها
جواهر: وش اسالها الا اقول وش رايك الحين دورك خلى حد من اصحابك يعزمك واعزمها بعد ولما تكون معكم خلى صاحبك يقول بمناسبة زواجك وبكذا تقدر تعرف ردة فعلها وش رايك
احمد عجبته الفكره : امووووواه يا احلى اخت بالدنيا فديتج والله يالله باي انا رايح

..........


بنفس اليوم في البيت جا سلطان مع ابوه ومعهم عمه نواف طبعا بعد ما كلمهم سلطان بشي
سلطان: عمي ابي اطلب منك شي وبحضور الكل اللى هنا ابوي وعمي
عمه: امر سلطان
سلطان: ما يامر عليك احد عمي بس انا ابي املج على جواهر وهي موجوده بينا بس ملجه والعرس ان شاء الله يكون بعد ما تخلص دراسه وما راح احرمها انها تكمل جامعتها ولا شي ابد اللى تبيه بسويه بس ابي املج
عمه تفاجا من طلبه: والله يا سلطان فاجاتني
سلطان: عمي مو ناقصني شي وانت تعرفني زين بس ابي املج ابي اعرف بنت عمي زين ..ولو سافرت مثلا هناك عند اهلها اقدر اشوفها واسلم عليها ....وصراحه ما كذب عليك خلاص مو قادر اصبر قالها ونزل راسه بالارض
ضحكوا منه
نواف:ههههههههههههههههه ياخوي خير البر عاجله ما فيها شي يملجون والعرس مثل ما قال لاحقين عليه ودام البنت موجوده هنا ما فيها شي
عمه: بس انا رايح بعد يومين وانتوا عارفين هالشي مسافر انا وياها
تفاجا سلطان بهالشي
سلطان: لوين عمي مسافرين
سلطان: والله قلت بنتي ابي اخذها شوي كم يوم فرنسا وبريطانيا يعني ما بنطول
محمد: عمي ها وش قولك
عبدالعزيز: سلطان فاجاتنا الجميع ما كنا نظن انك تبي هالشي
سلطان: كنت ابي من اول بس قلت مره ثانيه وبعدين هي الا ملجه ما فيها شي
ابوعبدالعزيز: خلاص تم بالمبارك الملجه بعد بكره وش رايك سلطان تسافر معنا مو قلت مستعجل
سلطان عجبته الفكره وابتسم: والله
محمد: ايه والله هههههههههههههههههه ضحكوا الكل منه
ابو عبدالعزيز: بس مدرى وش راح يقولون الحريم
نواف: يابوك لو الواحد ياخذ شور الحريم بكل مره كان ماحد كسب بهالدنيا شي
عبدالعزيز: هههههههههه صدجه عمي ما عليك جواهر بتوافق وهم بعد الحريم هم الا يبون طقطقه ولازم تعلمهم قبل عشان يستعدون خلاص وش رايك ابوي
ابو عبدالعزيز: خلاص انا قلت كلمتي

الجزء الثامن عشر

الفصل الثالث



بعد العشا والسهره الكل راح لبيته
كانت جواهر جالسه ويا الريم يشوفون التلفزيون ..طبعا اخوها عبدالعزيز انتقلوا لبيتهم الجديد اللى جنبهم .... شوي ودش عليهم ابوها
الريم: هلا ابو عبدالعزيز
جواهر: هلا يبه وراحت سلمت عليه وحبته على راسه
خذاها من ايدها وجلسها بجنبه
ابوها: الا وين الاولاد ما اشوفهم
الريم: تعشوا وناموا ..!
جواهر: وينه فهد
ابوها: راح ويا اولاد عمه الا بغيت اقول شي ترى... جواهر ودى افرح فيج ترى
جواهر بحياء: ربي يخليك لى يبه ان شاء الله بتفرح باخواني وبعدين انا بدري
ابوها: وش بدري ذي الا ابي اشوفج عروس قبلهم الكل
الريم: ان شاء الله ربنا يطول بعمرك ابو عبدالعزيز ...الا صج اشلونهم اخوانك ..غريبه ماهي العاده يجون لعندنا باول الاسبوع
رد عليهم : ولا شي جايين عشان جواهر
جواهر فجت عيونها : عشاني ليش ..؟
ابوها: سلطان طلب مني يبي تكون الملجه قريب وانا وافقت
الريم : ايش قريب ..متى يعني..؟
ابوعبدالعزيز: يعني بعد بكره ان شاء الله بتكون الملجه ولا يهمك انا كلمت الحين الوالد تفاجأ صح لكن ما عارض وان شاء الله بكره بتلقينهم هنا ولا يهمج
جواهر للحين ساكته مو عارفه وش تجاوب فيه: بس يبه ليه الحين .. ليه مستعجل
ابوها: هههههههههه مو قادر يصبر ويبي لما يسافر بشغل هناك عندكم انه يقدر يشوفك ويسلم عليك
جواهر: طيب عادي هو ولد عمي اقدر اكلمه عادى يعني لازم نملج ..قالتها بقهر
ابوها: انا عطيت الرجال كلمه تبين تفشليني جواهر..؟
جواهر: ما عاش من يفشلك يبه ... بعيونها حزن ما تصورت انه بتكون بهالسرعه ياربي ايش اللى صار .؟
ابوها: جواهر بنتي ماشي بالغصب وانتى موافقه من اول على ولد عمك ولو قلتي الحين مابيه والله ما راح اجبرج على شي ما تبينه لكن اعرف انج موافقه وقلت انه ما راح ترفضين هالشي ..ليه ما ودك تملجين قريب بالمره تقدرين تشوفينه براحتك وتتكلمين وياه صح كلامى ولا لا
جواهر: عدل يبه بس ..... خلاص يبه اللى تشوفه يعني ماكو سفره ابد
ابوها: ومن قال مافيه سفره ابد الا فيه ان شاء الله نملج وثاني يوم بنسافر انا وياج
جواهر بفرح: والله
ابوها: والله
الريم: الله يهداك الحين ربشتونا طيب عطونا فرصه على الاقل اسبوع نجهز رواحنا
جواهر: ايه والله واهلى ...
ابوها: انا قلت لك كلمتهم قبل شوي وبكره ان شاء الله الوالده مع واحد من اخوانج راح تجي هنا بس يمكن الوالد مرتبط بعمل بس ان شاء الله العرس ما راح يفوته اكيد
جواهر: اوكى انا بروح الحين يبه تصبح على خير تصبحي على خير الريم
الريم+ابوها: وانتي من اهله

........................
اول ما وصلوا البيت كانت نوفا سهرانه شوي وحد دق الباب عليها
راحت فتحت الباب لقته سلطان
نوفا: هلا سلطان حياك دش
سلطان: ليه ما نمتي للحين سمعت صوت الاستيريو قلت اكيد صايحه
نوفا:ههههههههههههههه مو جايني نوم قلت اسمع شوي وبعدين بنام ..وانت من وين جاي
سلطان: من عند الشباب رحنا سهرنا سوا ايه جيت اعلمج وانتي اول وحده تعرف يمكن حتى امى ما تعرف
نوفا: بايش ..؟
سلطان: الله كبرت اذونها اف بي آي شوي شوي علينا
نوفا: يالله اخلص قول والله انا اول وحده تعرف
سلطان:ههههههههههه يمكن الحين ابوي علمها المهم ملجتي على جواهر بعد بكره ان شاء الله
نوفا فجت عيونها: انت من جد تتكلم ولا حكي فاضي بس اخر الليل
سلطانك لا والله جد اليوم رحت انا وابوي وعمي وتكلمنا مع عمي قلت له خلاص نملج وانا مستعجل
نوفا: مبرووووووووك احلى شي لكن لا ما جهزت روحي ماعندي فستان جديد ياربي يبي لي على الاقل اسبوع عشان اجهز روحي
سلطان: طاع هذي هيه انتي مو العروس العروس بتجهز روحها بيوم انتي تبين يومين الله عليج ولا يهج بكره المصممه بتروح لهناك واختاري الفستان اللى يعجبج زين
نوفا: والله من قال واشلون
سلطان: ياكثر الحكي معاج الحين انا بروح بكره لو تروحين الصباح هناك بتلقينها على 10 واختاري أي فستان لكن ها احلى واغلى فستان لجواهر فهمتي
نوفا وهي تغمز له : احلى احلى وليه ما تجي بالمره تختار لها الفستان
سلطان: لو بتخلينى اختار والله ما عندي مانع
نوفا:هههههههههههههههههههههه والله طلعت شي يالله احلى خبر سمعته بعلم فيه وضحه اختى بتنقهر للمره الثانيه هههههههههههههههههههههههههههه
سلطان: ههههههههه عليج سوالف يالله انا بروح انام تصبحي على خير
نوفا: وانت من اهله

...........................

....بجناح جواهر اول شي اتصلت على نوفا
نوفا: هلا والله بزوجة اخوي مبرووووك والله فرحت
جواهر: اها يعني عرفتي
نوفا: ههههههههههه ايه عرفت وشي ينخش مني تو سلطان قال لى قبل شوي
جواهر: تعالى انتي ليه ما علمتيني انه سلطان يبي يملج وايش اللى غير رايه ابي اعرف .؟
نوفا: ليه ما سألتيه .؟
جواهر: راح اسأله ابي اعرف ليه هو مستعجل وبعدين اشلون ارتب واجهز روحي بيومين والله مشكله حطني فيها اخوج
نوفا:ههههههههههههههههه تستاهلين يا سلام واخيرا بتكونين مرة اخوي حلو والله يعني خلاص ماكو دراسه هناك
جواهر: ومن قال انا بروح لهناك دامه يبي كذا خله يستاهل
نوفا: حرام عليج والله سلطان حبوب وطيب
جواهر: ايه باين ولا مفروض انه يسألني
نوفا: واخيرا بيكون عرس عندنا من بعد لبنى الله يرحمها ما فرحنا
جواهر: نوفا والله وهقني اخوج حرام عليه وبعدين يخليها وقت الاجازه لا وقبل ما نسافر انا وابوي والله حرام ... مدرى ابي بس انام وانسى يمكن اكون احلم يالله تصبحي على خير
نوفا: وانت من اهله.

.......
بدلت ملابسها وراحت انسدحت على السرير
دقت على العنود لقته مشغول ...اوووف اكيد تكلم ضاحي سكرت جوالها بعد ما سوت لها مسج ونامت

نفس الوقت بلندن رجاوي ما راحت للمحاضره الاخيره ولما رجعت هلا ورندا حاولوا يغيرون من حالتها بس هي كلش متضايقه ومادوها تطلع ولا شي .... وحاولت معها هلا انها تجلس معهم هي ورندا اللى طبعا من سافرت روضة جت لعندهم
سلمان: يعني كيف فهمني
احمد: اوووف من اول وانا احاول افهمك يالله دق على هلا قول لها انك عازمهم بالعشا يالله عاد
سلمان: طيب ولو رجاوي ما طلعت معاهم
احمد: قول لها جيبيها عندي لكم مفاجاه واكيد بتعجبها هي
سلمان: امرى لله
اتصل على هلا وعلمها ...طبعا استانست هلا انها بتطلع
هلا: رجوووي حبيبتي يالله عاد يالله بنروح سوا والله قال لى سلمان مفاجاه بتعجبك اكيد
رجاوي: اشمعنى انا
هلا: شو عرفني يالله فديتج والله ابي اطلع شوي يوووه ضيق الكليه والمحاضرات ابي اتونس شوي بره
رندا: يالله رجوووي خلينا نطلع
رجاوي: اوكى بس بشرط ما نطول على طول بعد العشا نرجع اوكى
هلا وهي تبوس رجاوي على خدها: فديتج يالله قومي بسرعه بدلي ملابسج
....وصل سلمان اللى راحوا معاه لمطعم وطبعا بعد العشا قال لهم بالمفاجاه .....
سلمان: انا ملاحظ انه فيه تتش هاليومين بينج وبينه وعشان كذا قلت اكيد بتفرحين بسالفة زواجه .... شوي ويدش المطعم احمد اللى من شافته علقت عينها بعيونه .... جا لعندهم وهو يطالعها
احمد: السلام عليكم
سلمان: هلا بالعريس
احمد وهو مبتسم للجميع وما حب يطالع برجاوي اللى نزلت راسها على طول متأثره من هالشي
اول ما جلس قامت هي: مبروك واخذت شنطتها وعلى طول اطلعت من المحل وقفت هلا وتبعتها وهم بعد رندا
سلمان: اووووف كل هذا من خبر زواجك
احمد: ها قول يعني اشلون تحبني ولا لا ..؟
سلمان: اشلون بتحبك وانت بتتزوج ها علمني
احمد: ههههههههههههه يالله عاد شوف لنا صرفه انت ويا هذولاك البنات رندا وهلا ابي اكلم رجاوي بروحنا
سلمان: اوكى تبعهم وشوي جت معاه رندا وهلا اما احمد استاذن منهم وطلع من المطعم ..شوي يطالع يمين يسار لقى رجاوي جالسه على كرسي بره قريب من المطعم وحزينه نظراتها تطالع اللى بالشارع
قرب وجلس قريب منها
احمد: رجاوي انا آسف كنت ابي اقولها من زمان بس انتي ما عطيتني فرصه ... ارجوج قولي شي سبيني أي شي بس لا تسكتين اقولها مره ثانيه آسف
رجاوي ساكته وما قالت شي تطالع بس قدام
احمد: ادرى ما تطيقين تشوفين ويهي واوعدج انه هذي اخر مره راح تشوفيني فيها خلاص
رجاوي حبست انفاسها هذا ايش يقول اشلون اخرمره .....ولاول مره طالعته وبعيونها الدموع
احمد: رجاوي ما يستاهل أي احد انج تذرفين دموعج عليه
رجاوي( الا تستاهل والله ليتنيى اقدر اقولها ...بس ياخساره خلاص رحت لغيري ..)
رجاوي: اصلا ولو زعلت بعدين انسى ... انت صج بتتزوج
احمد: ايه بس ياليتها ترضى فيني على عيوبي
رجاوي تبتسم غصب عنها : مبروك ... يا حظها
احمد: الله يبارك فيج ..الا قولي يا حظي فيها ان شاء الله لو هي بتوافق علي بس
رجاوي ظلت ساكته
احمد: الا ما سألتيني عنها
رجاوي: عادى المهم انك سعيد ومستانس ربنا يسعدك ... وانا مالى دخل بهالموضوع
احمد: اصلا الرأي الاول والأخير لج اذا وافقتي انا بكون اسعد انسان على هالدنيا وان ما وافقتي ما راح شي يصير
رجاوي فجت عيونها .....
احمد: ها وش قلتي موافقه تتزوجيني ولا لا ..؟؟؟
رجاوي للحين مو مصدقه اللى يصير: انت قصدك .. اناااا اا!
احمد: ايه انتي اللى ابيها ... ادرى ما استاهل ولى حركات تعصب وتقهر بس وربي مو قادر اكل او ادرس ولا شي تفكيري كله معاج اشلون بس اخليج ترضين علي ... اقولها لج احبج واحب الارض اللى تمشين عليها ولو وافقتي راح اكون اسعد انسان واوعدج انى اقدر اسعدج طول عمري
رجاوي هنا حست بالخجل وحمرت خدودها ( ياربي ايش اللى قاعد يصير مو مصدقه )
رجاوي: انااا.....
احمد: مابيج تستعجلين خذي راحتج بالتفكير بس اعرفي شي واحد ...انى بظل احبج طول عمري حتى لو ما وافقتي, ولو مو طايقتني بعد اوعدج ما راح اعترض طريقج ابد .... وقام من مكانه وراح ما دش المطعم اما هي ظلت مكانها لين البقيه طلعوا من المطعم ..كانت بعالم ثاني اول ما وصلت للشقه راحت لغرفتها وعلى طول اتصلت على جواهر
لقت جوالها مسكر اووه هذا وقت تسكيره لكن لما طالعت بالساعه اووه متاخرعندهم عندنا بعده
ابتسمت شوي وتوصلها مسج على جوالها رقم غريب اول مره بس من قرت المسج عرفته وابتسمت

**&& لو تبي مني حياتي لك حياتي يا حياتي &&**
**&& لو تبي عمري تفضل بيع عمري واشتريه &&**
**&& لو تبي روحي وذاتي انت روحي وذاتي &&**
**&& آه يا حلم نسجته من خيال وارتجيه &&**
**&& لو تبي فكري حلالك اشغله حتى مماتي &&**
**&& لك انا كلي وظلي وش بعد اكثر تبيه &&**

*** احمد*** السموحه ..تصبحي على خير

تنهدت بقوه آآآه ياحبي لك وظلت تقرا المسج اكثر من مره واخر شي ضمت الجوال لصدرها ونامت ...


................