لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 25-12-11, 12:34 AM   المشاركة رقم: 66
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 




مو منتبهه لسواليفهم وضحكهم..تفكر باللي صار..
نوال:معقووله عاليه تكذب؟؟مستحيل..ياربي تصرفه مع غيوض وشكله لما اكلها..كل هالشيء يدل على انه حنون..غيوض وتعلقه فيه..ااخخ بس عليه وسامه على غرور يذبحون..
شموخ:وهي تلوح بيدها..هااااي وين وصلتي
نوال:ااااف خير شتبين؟؟؟
شموخ:ابد بس قاعده اسألك وانتي مطنشه..
نوال:عن ايش؟؟
شموخ:عمي ماقالك متى يجي؟؟؟
نوال:متى كلم اصلا..بس ليه تسألين
شموخ:مليت انا وامي متى ترجعين لزياد..حتى ابوي ماصار يفتح الموضوع ابدا
نوال:وزياد شرايه بالموضوع
شموخ:زياد واقع على شوشته...باين عليه الحب..والله وبدى يحبك زياد يانوال
نوال:ومن قالك ؟؟؟
شموخ:اخوي واعرفه..ميه بالميه يحبك..بس يتغلى عليك..
نوال:حقه يتغلى..مسكت عبايتها بيدها ..يالله تصبحين على خير..


********************


وصلها للبيت وقبل لاتنزل..
ليلى:ناصر قول لابوي يسامحني..
ناصر:اكيد بقوله..لولي لاتخافين مو راجعتلي الا برضاك..مارح اسمح احد يتدخل فينا..بس انتي اوعديني تفكرين..
ليلى:نااصر انساني..ونزلت..
ناصر:وهويشوفها تسكر الباب..انسى نفسي ولا انساك..وحرك السياره..


***********************



جالسين بالصاله..
مستانسين برجعة ليلى..كانو يدورن على ليلى والشغاله قالت لهم انها راحت مع ناصر..
دق فيصل على امه وقال انه بيدخل علشان يسلم على جدته..
ابوفيصل وابوسليمان والجده وخالد وسليمان ومحمد وسلمى وعبير وام فيصل..
دخل وبصوت جهوري ..
السلام عليكم..
الكل وعليكم السلام..
راح لجدته وسلم عليها وباركلها بدخلة رمضان..
الجده:وينك انت ماشوفك الا مره بالشهر
سليمان:جدتي البدر مايطلع الا مره..
فيصل:ابتسم لسليمان..يالاخو تراك مضيع سلمى هناك..
سلمى:هذا جزاه يمدحك..
خالد:تكلم المدافع..
فيصل:ليلى وينهي مااشوفها
سلمى:هذي هي..وأشرت على عبير
فيصل:لا..هذي عبير..
سلمى:وشدراك انها عبير وهي متغطيه..
فيصل:صار يسب سلمى بداخله..هذا وقتك ياكونان...ابتسم لها..لانها متغطيه يالذكيه..
سليمان:يالغبي انت ناسي اني موجود يعني اكيد ليلى بتتغطى..دورلك عذر ثاني..
ورجع يكمل نقاش مع ابوه وعمه بأمور الشغل..
فيصل:يمه منه قاط اذنه معنا..المهم وين ليلى؟؟
خالد:رجعت مع ناصر..مبرووك
فيصل:وش قلــــــــــــــــت؟؟؟؟؟؟
الكل سكت..
فيصل:ليــــلى وين؟؟؟
سليمان:فيصل اعصابك..قلنالك ليلى رجعت
فيصل:ومن قالكم ترجعونها..وينهي هي؟؟
خالد:ماندري طلعو..
فيصل:عصب وقام على خالد ومسكه مع ياقة ثوبه..قوووولي وينهي لاكسر وجهك..
سليمان:قام يفكهم..فيصل تعوذ من ابليس..
فيصل:سليمان ابعدددد..خوييلد انطق وينـــــــــــهي؟؟؟
ابوفيصل:فيــــــــــــــــصل..
فيصل:مارد على ابوه..لانه معصب وخايف يغلط..
ابوفيصل:فيـــــــــــصل اترك اخوك..
فيصل:رمى خالد بعيد..والتفت على ابوه..وينهي؟؟وين وداها؟؟
ابوفيصل:اختك رجعت بكيفها محد غصبها..هي خذت عبايتها وطلعت
فيصل:انتم مالكم شغل فيني جاوبوني وبس..ولاترى والله العظيم لاذبح ناصر وافتك من شره..
ابوفيصل:عصب..اعقل لااعقلك انا..بزران يوم تصارخ علينا..انت شعليك مره ورجلها بكيفهم تتدخل ليه
فيصل:طلع جواله ودق على ليلى..عصب اكثر لما شافه مقفول..صرخ عليهم..
ورب البيـــــــــــــت ان سوى فيها شيء لاخليكم تصلووون عليه بكره..والتفت على امه..هذي وصاتي ..ماقلتلك اذا صار شيء دقي علي..
ام فيصل:ياوليدي مادريت عنها الا قبل نص ساعه وسألت الشغاله وقالتلي انها هي اللي راحت معه
فيصل:مو على كيـــــــفها ترجعله..اكيد رجعتله علشان ابوي..انا عارفها..

ناصر: قاطعهم..ليلى بالبيت..مارجعتلي
فيصل:راح له..وصار قباله بالضبط...زم شفايفه...سويت لها شيء
ناصر:لا تخاف..بس هي طلبت مني اوصلها لانها متضايقه..واذا مو متأكد رح لبيتكم تأكد..
فيصل:بروح..وياويلك مني ان دريت انك مسويلها شيء..طلع
الجده:صدز الحتسي..مارجعتها
ناصر:صدز..وبصوته الجهوري...رجاااااء مابي اي احد يتدخل بينا..تقدم لعمه وحب راسه..عمي الله يخليك سامحها...تراها متضايقه انك مارضيت تبارك لها بهالشهر ولاراضي انك تكلمها..عمي طلبتك سامحها
ابوفيصل:مسامحها ياناصر..
ابوسليمان:استريح يابوفيصل..واشر للعيال يجلسون..
عبير روحي حطي السحور نبي نتسحر مع بعض..


**************************************

((سبحانك اللهم وبحمدك اشهد ان لا اله انت استغفرك اللهم واتوب اليك))


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 12:35 AM   المشاركة رقم: 67
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


لابس بجامته ومتمدد على السرير يحاول يهدي اعصابه..اللي صارله مو شويه..
مجرد التفكير ان ليلى رجعت غصب عنها توتره ..قام من سريره وصار يدور بالغرفه..
فيصل:زفر..الحين شيبي يقولون عني ..مرر يدينه على شعره بتوتر..ماعلي منهم اهم شيء ليلى ماصار فيها شيء..طيب وخالد؟؟اكيد زعل علي..
طلع من غرفته وراح لغرفة خالد..دق الباب بشويش..وفتح الباب..
قرب من السرير ..يبي يشوف ملامحه..اذا نام وهو زعلان يبي يبين..

فتح عيونه لماحس ان فيه احد يشاركه التنفس..
خالد:فيصل!!
فيصل:حك حاجبه..يعني مو نايم؟؟
خالد:عدل جلسته..خيـــر؟؟وش بغيت
فيصل:جلس جنبه..ابو الخلد زعلان مني..
خالد: ميل شفايفه ..شرايك؟؟
فيصل:ياربي منك..انت تدري بطبعي اذا عصبت ماشوف قدامي..وانت بصراحه قهرتني
خالد: انفعل..قهرتك بوشو؟؟
فيصل:مستانس ان ليلى رجعت..
خالد:ايه مستانس..انت لو تفكر فيها بعقلك تلقى ان ابوي معه حق..
فيصل:لاتدخلني بمتاهات ابوي..انا اللي يهمني صاحبة الشان..هي ماتبيه خلاص..
خالد:الظاهر حنا مارح نتفق..بس حتى ولو مو مبرر انك تمد يدك على وقدام الكل ..
فيصل:تبينا نتفق ابعد عن ليلى مالك دخل فيها..انا اتحمل مسؤليتها..ومدت يدي عليك انا اسف وحقك علي واذا تبيني اعتذر قدامهم ماعندي مانع..
خالد:.....
فيصل:عطى خالد كف على خفيف..يلا ارضى
خالد:ابتسم لاخوه..رضيت يالدب
فيصل:غطى وجه اخوه بالحاف..يلا ترى عطيتك وجه...وطلع..
خالد:الحين من عطى وجه للثاني..

***************************






رن جوالها بالنغمه الاعتياديه للارقام الغريبه..
تقلبت بفراشها..
نوال:افففف من هالغثيث؟؟ سكرت بوجهه وقفلت الجهاز..


***************************






من بعد صلاة الفجر وهي ماسكه القران..الحين وصلت للجزء الثالث..
سكرت القران..وانسدحت على سريرها..غمضت عيونها وجت صورته..
عبير:فتحت عيونها...يمه يخوف مثل ناصر..هذا شلون بعيش معاه؟؟الظاهر لو اقول صباح الخير عطاني كف..
لا لا مااتوقع..هذا ناصر مع ليلى مايقول ولا كلمه ورومنسي لابعد حد..يمكن فيصل مثله؟؟
انقلبت للجهه الثانيه...والله من الغباء اللي فيني..ناصر يحب ليلى بس فيصل مايحبني..
والله ان مد يده علي لاوريه الشغل ومااجلس معه دقيقه وحده..اصلا فكه منه..
واستسلمت للنوم


*******************








اول يوم رمضان...



العـــــــــــــــــــصر:

الوقت سريع ولازم كل شيء يكون جاهز..مابقى الا ساعه على الفطور..
الجده والعيال بيفطرون معهم..

ام فيصل:وشو هذا؟؟
ليلى:عصير من اختراعي..ان شاء الله يعجبكم..
ام فيصل:ماظنيت شكله مايهيء..والتهت مع الطباخات تساعدهم..
ليلى:دخلت الجيك بالثلاجه..وطلعت..
قابلها محمد..
محمد: وهو ماسك بطنه..خلص الفطور تراني فطست
ليلى:طالعته باستهزاء..الحين اذا خلص بتفطر..يعني هي موقفه على الفطور يالغبي؟؟؟ روح اقرى لك قران واذا اذن المغرب مالك الا تشوف الاكل قدامك..
محمد:رن جواله ورد..هلا ناصر....متى؟؟ خلاص ان شاءالله..لا انت قوله ابوخشم مادانيه..
ههههه...موخايف..خلاص..اشوفك على الفطور...طيب مع السلامه..سكر الجوال..
ليلى:شيبي ناصر؟؟
محمد:لا بس...ورفع حاجبه..انتي شعليك صدق الحريم ماينعطون وجه..وتركها..
ليلى:صرت على سنونها ومسكت اعصابها..اللهم اني صاااائم..


كان بيطلع برى يمشي قبل الفطور..انفتحت البوابه ودخلت سيارة بيت عمه..
ابتسم..وراح يستقبلهم..
وقفت السياره قريب من باب الحريم..
فتح الباب لجدته..
محمد:حيالله من جانا انورت واسفرت..
الجده:الله يحييك ..امسكني زين..ووقفت..وهي لازالت ماسكه يده..
عبير:نزلت من السياره..هلا محمد
محمد:التفت عليها..هلا عبوره..
ودخلو داخل..

همست بالله يستر..يوم شافت جدتها..
مسكت طرف جلابيتها بيد وراحت لها..
ليلى:وهي تحب راس جدتها..نورتي البيت..
الجده:وهي تقرص خدها..النور نورتس..الله يهديتس ويفتح على قلبتس..
ليلى:فهمت شتقصد جدتها..طنشت وراحت لعبير..هلا عبوره شفيك متغطيه؟؟مابه احد
محمد:هي انتي مو شايفتني؟؟
عبير:عناد بكشف يامحمد
محمد:كيفك خلي صيامك يخرب..اللهم انت الشاهد انا مالي دخل هي اللي تبي توريني وجهها
عبير:بس علشاني صايمه
محمد:يعني تدرين ان اللي تسوينه حرام..وساعد جدته تجلس..تامرين على شيء يالغاليه..
الجده:وين تبي تنهج؟؟(اين ستذهب)
محمد:بروح لمجلس الرجال الحين بيجون العيال..
الجده:خالد وينه..ماجاء؟؟
محمد:خالد راح للبقاله القريبه من هنا..تعرفين طبعه كود يشتري قبل الفطور حتى لوكان موجود..
الجده:الله يهديه..انهج ماعطلك
محمد:يلا سلام..وطلع
عبير:فتشت..الله يقلع بليسه هزمني
ليلى:اووعاد عبير لاترضى بالهزيمه..
الســـــــــــــلام عليكم..
عبير تغطت بسرعه..
كان بيطلع بالمصعد لانه تعبان..ولا انتبه ان فيه احد
ليلى:فيصل تعال سلم على جدتي...
فيصل:اسف مانتبهت..وتقدم لهم..حب راس جدته..يالله ان تحييها وش اخبارتس مع الصيام؟؟
الجده:والله ماغير الدوخه والرجفه..مااقوى اثور ياوليدي(اقوم)
فيصل:جلس جنبها وحط يده على ظهرها...الحين انا مو داق عليتس قبل الفجر وقايلتس لاتنسين تاخذين حبة السكر..
الجده:تسبدي اوجعتن ومابغيت ازيده بالحبه..
فيصل:ليه بعد علامه تسبدتس من متى توجعتس
الجده:والله له ثالث يوم وهي مو بالحيل
فيصل:مابتس الا العافيه ان شاء الله عقب الفطور اوديتس للمستشفى واشوف شقصة هالتسبد..
الجده:وا..(كانت بتحلف انها ماتروح)
فيصل:حط يده على فمها...والله انتس تروحين معي..خلاص حلفت قبلتس
الجده:الله يهديك...انا مااداني اطب المستشفيات
فيصل:خلاص تبين تقطعين حلفي بكيفتس
الجده:لاوالله مااقطعه..بس علم يوصلك ويتعداك نومتن فيه مانام
فيصل:ان شاء الله ماتحتاجين..والتفت على عبير..هلا عبير كيف حالك..
عبير:بخير الله يسلمك..
الجده:همست باذنه..ماراضيت خيك..(اخوك)
فيصل:الا راضيته..انا انفعلت غصب عني..
الجده:الله يهديك ويصلحك مادري ليه هالمعارض.. مابه شيء اذا رجعت لناصر والله ماتلقى احسن منه..
فيصل:حب راسها..الله يسلمتس ويخليتس لي انا مااقوى اغصبه على شي..هي عندتس اذا رضت انا راضي..
الجده:انت لو ماتقوي راسه هي بترضى..
فيصل:ههههه الحين انا اللي مقوي راسه...التفت..ليلى انا قايلتس لاترجعين لناصر..
ليلى:اللي كانت جالسه جنب عبير وتسولف معها...استغربت سؤال فيصل..ليه؟؟
فيصل:انتي ماعليتس بس جاوبي..
ليلى:لأ..
فيصل:مسك يد جدته..سمعتي انا مالي دخل..يـــاللا بروح اغير لبسي واتوضى قبل الفطور..
الجده:الله يسهل عليك...
مر من عندها وطلع..
عبير:وهي تفكر بالانسان المتقلب..مره حنون ومره عصبي..
ليلى:عبوره خلاص راح افتشي..
عبير:فتشت..اقول خالتي وينهي؟؟
ليلى:بالمطبخ..
الجده:قومي يابنيتي ساعدي خالتتس..
ليلى:لا خليها مرتاحه انا بقوم
الجده:لا انتي اجلسي ابيتس بسالفه..عبير قومي
عبير:ان شاء الله فصخت عبايتها وخلت الطرحه عليها وراحت للمطبخ..
ليلى:هلا جدتي شبغيتي
الجده:اقربي جاي(تعالي عندي)
ليلى:جلست جنب جدتها...سمي
الجده:يابنيتي انتي توتس صغيره وماتفهمين ..البنت مالها الا رجلها..
قاطعتها ..
ليلى:ورجلها طلقها..
الجده:لحوول قلنالتس غصب عليه..يابنيتي انتي شفتي الحريم امس واكيد سمعتي حتسيهن الماصخ(كلامهم)..
ليلى:تنهدت..سمعت
الجده:وزين انتس سمعتي..واللي ماحتسى امس بيحتسي باتسر..والكلام الشين ينتشر..وانتي عقب اللي صار محدن بيخطبتس
ليلى:من قال اني ابي العرس..خلاص عفته ..جربته وطاب الخاطر
الجده:اتركي عنتس هالكلام..المره مالها الا رجلها وعيالها..وابوتس مو دايمن لتس..واخوانتس ماتدرين عن حريمهم..الدنيا يابنيتي ماتامنينها..فكري بعقلتس..والولد شاريتس وميتن عليتس ..خوذي اللي يحبتس تسعدين..
ليلى:خذت اللي يحبني وشفتي بعيونتس وش جاني منه..جدتي الله يخليتس مابي احد يتكلم معي بهالموضوع خلوني على راحتي...


دخلت وايد على بطنها وايد على ظهرها..والشغاله معها صينيتين..
سلمى:السلام عليكم...ومشت بشويش لين وصلت جدتها وحبتها على راسها وجلست جنبها..
ليلى:ليه ماتسلمين
سلمى:شفتك امس..
عبير:جت من المطبخ...طيب حتى جدتي شفتيها امس..
الجده:اعوذ بالله من الشيطان الرجيم ..هالبنت انا مادري متى تعقل..اهجدي تراني جدتتس مو جارتتس..
سلمى:ايه ادبيها ياجدتي..
عبير:عادي اصلا متعوده عليها..
***************







في نفس المدينه لكن بمكان ثاني..وبغرفه ثانيه..
نست او تناست ان اللي تعمله من اكبر الكبائر..
نست او تناست انها بشهر فضيـــــــــــــل...نست ان هالزائر اللي فيه انزل القران مايجي الا مره بالسنه..
نست انها احتمال ماتلحق عليه السنه الجايه...
نست ان الصيام ركـــــــن من اركان الاسلام...


لابسه بيجامه بيضاء حرير..وبفمها سيجاره غير عن كل السجاير..تاخذها لعالم اخر ..
بعدتها عن فمها وهي تطلع نفس..حطتها بالطفايه..وانسدحت على السرير...وبدت تسوي مساج لراسها لعل وعسى يروح الصداع..دقايق وحست براحه..
سمعت الباب يندق..
غيوض:ميـــــن؟؟
عاليه:انا عاليه يلا قومي مابقى شيء على الفطور..دقيقه بالكثير ويذن..
غيوض:طيب الحين جايه..انقلبت للجهه الثانيه وكملت نومها..


***************






بعد مارجعو من صلاة المغرب..
جالسين مع بعض بطاوله وحده..
بكامل زينتهم..بدون مايقدرون حرمة هالشهر..بدون مايتخلون عن معاصيهم..اما كبرياء او
شيء متعودين عليه..بنت عمك ومرت اخوك مثل اختك...الغطاء شيء غير معترف فيه..

لابسه تنوره لنص الساق لونها احمر بتشجيرات متنوعه..مع تيشرت احمر ساده..وتاركه شعرها على طبيعته..
جالسه جنب شموخ..
نوال:همست وهي تشرب الشوربه..اقول شفيها مرت اخوك تقل مغصوبه على الجيه..
شموخ:ضربتها مع رجلها..بعدين بعدين..
عبد المجيد:يمه الله يخليك حطيلي سلطه..
نوف:هذي السلطه عندي..
عبدالمجيد:عطاها نظره..انا قلت لامي..ثانيا مابي اللي عندك..
نوف:على خبري تحب سلطة الجرجير..
زياد:يووه يانوف قديمه انتي..عبود صار يحب سلطة ..وطالع بامه تسعفه..
ام فراس:حركت شفايفها وقالت سيزر بس مافهم عليها
نوال:السيييزر..وقالتها بحركه مسرحيه علشان مايحسون على زياد انه توهق وكأنه ينتظرها تقولها..
نوف:تعبتي حالك..
نوال:لاتعب ولا شيء..
زياد:حرك شفايفه لنوال..مرسي بوكو
نوال:ابتسمت له..
فراس:اللي جالس يمين ابوه...اقول زياد ترى قلت لابوي عن المشروع..
شموخ:فراس شفيك حنا نفطر..
فراس:وانا قايل شيء يحوم الكبد لاسمح الله..
قامت بهدوء مثل حضورها بينهم..
ام شيخه:اللهم ادمها من نعمه..كثر الله خيركم..
الكل صحه وعافيه..
شموخ:همست لنوال..امك شفيها
نوال:ابوي بعد يومين بيجي..مادري شفيها عليه..كل مايجي تتأزم ..
شموخ:مغروره ولاعمي يهبل ومافي احسن من اخلاقه
نوال:مادري..
ابوفراس:زياد بعد الفطور تعال لمكتبي..وقام من السفره..
عبدالمجيد:وش مهبب يازيود ابوي شكله معصب
زياد:اخذ حبة سنبوسه..والله اللي معصب جالس جنبك..
نوف:افف..وقامت.
عبد المجيد:بعد ماراحت نوف..زياد شفيك عليها؟؟؟
زياد:يعني مو شايف اسلوبها معنا..ياخي ماتبينا خلها تضف وجهها مثل مرت اخوك الثانيه وتنقلع لاي مكان
فراس:الحين شدخل مرتي؟؟فاكتكم من شرها ورايحه توكل عيالها علشان مايحوسونكم بالاكل وهذا جزاها
نوال:فراس ترى ماله داعي تغطي عليها وحنا عارفين انها رايحه داخل لانها ماتحب تاكل معنا فلا تخلي العيال عذر..
فراس:وانتي اسكتي انا داري انك ماتحبينها..
زياد:هي اللي ماتحبها ونوال عمرها ماتعرضت لها..
عبدالمجيد:تكلم المدافع..زيود ترى موناقصين مشاكل
زياد:عاد ناقص ولا مو ناقص اللي بتقول نغزه بامي مو ساكت لها..
فراس:زياد شهالكلام ..متى هم تعرضو لامي؟؟؟وطالع بامه..يمه عمرها غلطت عليك؟؟
ام فراس:تعوذو من ابليس..قوم زياد روح لابوك شوفه شيبي
زياد:ان شاء الله...





في المجلس العائلي..
جالسه تفرك بالجوال تبي تلهي عمرها..
وبالجهه الثانيه من المجلس جالسين مع بعض..
نوف:افف قهرني
زهوه:طنشيه..اسمعي ترى خلاص انا موجايه عقب اليوم ..بعيد الفطر بجيهم..
نوف:من غير ماتقولين..بس هالعله اللي عندي من يقنعه
زهوه:اقول شفيها هذيك مكشره<<تقصد ام شيخه
نوف:الله يقلعها هي وبنتها الغثه..اصلا ماعمري شفتها مستانسه..
زهوه:غريبه هالادميه..لاتهش ولاتنش تجي ساكته وتروح ساكته..مع ان امي قد شافتها قبل عند وحده من صديقاتها وتقول انها تاخذ المجلس كله من سوالفها..
نوف:اقول شكله البلاء من هالبيت محد يدخله الا يضيق صدره..



***********************





بالمكتب..
واقف بعد ماحب راس ابوه اللي اقتنع اخيرا بكلامه..
ابوفراس:اجلس انا للحين ماكملت كلامي..
زياد:جلس على كرسي من الجلد الفاخر وحوافه خشب فيه نقوش زادته فخامه..حط يده على المكتب ..اسلم طال عمرك..
ابوفراس:انا بتفاهم مع عمك بطريقتي..بس اللي يهمني اذا البنت ماوافقت او ابوها رفض ..تتزوج نوال على طول..بدون نقاش..
زياد:ان شاء الله بيوافق علي..
ابوفراس:واذا وافق..بعد بتتزوج نوال..
زياد:يبه انا مابي اتزوج ثنتين...ونوال الله يرزقها
ابوفراس:شكلك مو ناوي تجيبها لبر..
زياد:اللي خاف من تغير لهجة ابوه...خلاص طال عمرك انا موافق..
ابوفراس:الزواج وخلصنا موضوعه..المشروع متى ناوي تبدا فيه؟؟
زياد:انتظر راي ولد عم فيصل..كانك تعرفه يبه اسمه سليمان عبد الرحمن ال...
ابوفراس:ونعم والله فيه..انا شفته اكثر من مره..رجال ذكي ومايفوته شيء..على صغر عمره الا انه يعتمد عليه..
خلاص اجل اذا وافق اعرف ان مشروعك ناجح ميه بالميه..بس ليه ماتدخل اخوك عبدالمجيد معكم..
زياد:والله ودي بس سليمان يوم رضى بالمشروع رفض يدخل شريك خامس..
ابوفراس:ان شاء الله تصير بينا مشاريع ثانيه..شركة راشد ال----(ابوفيصل) معروفه وناجحه..قطع نقاشهم صوت التلفون...
ابوفراس:الو
:مبارك عليك الشهر رمضان كريم الله يطولي بعمرك
ابوفراس:هللا هلا بام ايمان شلونك شخبارك واخبار ايمان وزوجك..
تماضر:كلللنا بخير الله يخليك لنا ..يبه امسك ايمان ازعجتني
ايمان:هلووو جدوو(عمرها خمس سنين)
ابوفراس:هلوو بعيون وروح جدو..شمسويه يابطله..لايكون ماصمتي
ايمان:نو مامي تقول لسا انا بيبي
زياد:اشر لابوه يبي يكلمها...
ابوفراس:حبيبتي كلمي خالوو...وعطاه السماعه
زياد:هلووو يالدبا سوري اقصد البطه
ايمان:خالووو ترى بزعل..ومدت بوزها
زياد:اكيد مديتي البوز...ميمي ..ميمي ترى بسكر ردي
ايمان:اش تبغى؟؟
زياد:امزح معك اصلا انتي احلى وحده بالعالم..
ايمان:استانست..اعرف
زياد:عطيني ماما...
ايمان:مامي خالو يبغاك...
تماضر:اهليييين بشيخ الشباب ...اهلين بالمعرس
زياد:بسم الله علي انتي تتجسسين علينا توه ابوي موافق شدراك يالسكنيه
تماضر:ياحليلك شموخ قالتلي قبل اسبوع..بعدين مافهمت شلون ابوي توه موافق وانت اللي رافض..
زياد:عرف ان اخته مو فاهمه السالفه...لااااا راح بالك لبعيد...خلاص دامك موفاهمه شيء اجل بخليها لك مفاجئه..
تماضر:يعني فيه عرس وفيه سالفه...بليييز زياد علمني والله مااقول لاحد
زياد:قلتلك مفاجئه..شخبار زوجك؟؟
تماضر:يوووه وانا داقه علشان ابشركم...باركولي نجح واخذ الدكتوراه
زياد:على البركه واخيرررا مابغى..اجل مانتم مطولين
تماضر: شهر شهرين بالكثير وراجعين..
زياد:ياني مشتاق لهالبطه بنتك..
تماضر:ههه ياحليلها ماتنام الا مع العروسه اللي منك
زياد:يابعد قلبي..
تماضر:طيب انا طولت عليكم..بشرهم لاتنسى
زياد:مو ناسي..مع السلامه..
(تماضر..اختهم الكبيره..بين فراس وزياد..متزوجه واحد من معارفهم..سافرو بره علشان يحضر الدكتوراه..
((تتذكرون يوم راح زياد وفيصل للسوق وشاف ميساء هناك..زياد كان رايح يشتري هديه لبنت اخته ايمان))

**********************


قبل صلاة التراويح..
لابسه عبايتها ..وامها واقفه مع ريم تكلمها..
ريم:لا ياخالتي انا بصلي هنا وبنام والله تعبانه..اعتذرولي منهم
ام فهد:خلاص براحتك..اذا احتجتي اي شيء دقي علي..
ميساء:يمه يالـلا مابقى شيء على الاقامه..
ام فهد:طيب طيب..لبست عبايتها وراحو للمسجد ومن بعدها بيروحون لبيت ام فيصل..



 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 12:35 AM   المشاركة رقم: 68
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

ماسكه يد جدتها وتمشي بشويش..تحس نفسها بتموت من هالمشيه..هي تحب تسرع..
عبير:ليلى..
ليلى:تمشي قدامهم مع ام فيصل وسلمى..هلا
عبير:تعالي امسكي يد جدتي ابي سلمى بسالفه..
الجده:تعالي تعالي ياليلى فكيني من هالمرجوجه ماتقوى تمشي بالهون كود عباته تطير(ماتقدر تمشي بهدوء)
عبير:ام راشد شفيها علي..
ام فيصل:ليلى روحي امسكي جدتك وانتي ياعبير تعالي
ليلى:ان شاء الله.. مسكت يد جدتها..
عبير:راحت جنب ام فيصل ..هلا خالتي..
ام فيصل:جهزتي للعرس..
عبير:سكتت ماتدري شتقول
ام فيصل:يعني ماجهزتي..ليه؟؟انتي ماتدرين انه بثاني العيد..يعني متى بيمديك..ادري حنا تأخرنا بالمهر بس المفروض تستغلين الوقت..
عبير:بصوت واطي..مادري..ماعرف كيف اشتري..خالتي<<تقصد ام مؤيد...تعبانه ..وسلمى ماتقدر تطول بالمشي..
ام فيصل:مسكت ايدها وضغطت عليها..افا ياعبير وانا وين رحت؟؟ولا ماتعتبريني مثل امك..الليله عقب صلاة التراويح بنروح السوق مفهوم..
عبير:اللي تشوفينه..
ام فيصل:وهي ترقى مع عبير درجات المسجد..لاتستحين مني..عبوره انتي مثل بنتي..وزوجة الغالي.
عبير:ابتسمت من تحت غطاها بألم..الله يرحمك يمه..

*************





كانت معصبه بقوه ..حالت هالبنت مو طبيعيه..
فيها شيء..
عاليه:شالت الحاف ورمته بالارض....اصحيييي وكلميني زين
غيوض:افففففف ..عدلت جلستها...خيررررر شتبين
عاليه:قومي غسلي وجهك وانقلعي افطري للحين صايمه ..
غيوض:ماني جوعانه
عاليه:وش دخل الجوع بالموضوع..هي السالفه غصبا عليك الله ماقال اذا جعتو افطرو قااااااال اذا اذن المغرب افطري لو بكاس مويه..فهمتتتتتي ولا اعيييد
غيوض:تناولت كاس مويه جنبها وشربة منه...نزلته على الكومندينه اللي جنبها...هاااا ارتحتي..
عاليه:انتي شفيك شاللي غيرك؟؟؟
غيوض:عاليه عندك غير هالسالفه قوليها ماعندك فاااارقي ابي انام..
عاليه:ايه عندي ..امك وابوك جايين بعد شوي..
غيوض:اكبر همي..في شيء ثاني؟؟
عاليه:حسبـــــــــــــي الله على سليطين اللي قلب حالك
غيوض:انفلتت اعصابها...لاتحسبـــــــــــــــين عليه انتي مالك دخل انا ماسمحلك هو شسوالك انتي شتبين شتبين..برررىىى بررررى
عاليه:ماردت عليها وطلعت..
شافت اخوها صالح توه راجع من المسجد..
نزلت لمستواه..ضمته..
عاليه:دعيتلي
صالح:لأ..
عاليه:بعدته..ليييش؟؟..انت ماصليت مارحت المسجد
صالح:لااا مارحت رحت لغرفه كبيييييره
عاليه:هههه ياقلبي هذا هو المسجد..اخخخ الشرهه مو عليك مالومك ماتعرف المسجد الشرهه على ابوك اللي ماعلمك..جايبكم تعلمون انفسكم..تعال حبيبي معاي..

**************






رجعو من صلاة التراويح مع بعض..
ابوسليمان وابو فيصل مع واحد من اصدقائهم يمشون مع بعض..
والعيال مع بعض..
فيصل:والله ودي بس فيني نوم..
سليمان:ياخي كلنا نداوم ومايجينا نوم
فيصلقل اعوذ برب الفلق)..حاسدني انت
خالد:وهو ماسك طرف ثوبه بيده..ورمى برجله حصاة اعترضت طريقه..يحسدك على الكسل يالسوداني..
فيصل:والله بنظري النوم راحه مو كسل ولكل انسان طاقه..اقول سليمان شصار على المشروع
سليمان:لا كل شيء اوكيه..موافق بس لي شروط..
فيصل:وش شروطه الله يهديك..ترى زياد خويي
سليمان:هذا بزنس والعلاقات الاجتماعيه ملغيه مالها وجود..اسمع ابيك تعطيني رقم اخوه فراس..ابي اجتمع معاه
فيصل:خلاص ارسلك رقمه..

خالد:يوم سمع سواليف سليمان وفيصل راح لناصر ومحمد اللي يمشون قدامهم ومعهم واحد من جيرانهم ويعرف ناصر زين..

ناصر:ابد مامن احد..كلهم تعرفهم..
طلالصديق ناصر وجارهم)..شوف اذا بيجي سلطان تراني مو جاي
ناصر:افا ياطلال انت تدري ان هالاشكال ماتطب الاستراحه..كرشه خالد قبل فتره..(طرده)
طلال:كفو عليك ياخالد والله انه يستاهل..
خالد:وش على بالك..انا ماداني اللي يمشي بطالي مااارحمه
محمد:بلع ريقه بصعوبه..



سمع كل كلام ابوه لعمه...اذا جاء ابو فهد هالاسبوع بيخطبون لخالد..او بيخطبونها من فهد..
طالع باخوه اللي يضحك مع طلال..ورجع لكلام ابوه مع عمه..




خالد:حط يده على كتف محمد..ها شقلت تجي معنا ..يارجال نبي نستانس واليوم المباراه قويه..ابوشنب بيجي
طلال:اذا ابو شنب بيجي خلاص ان شاء الله جاي..
وصلو لبيت ابو فيصل
خالد:حياك تقهوى
طلال:بعد بتتقهوون اقول امشو نبي نلعب من اول الليل علشان نرجع لبيوتنا بدري..تحسبنا عزابيه مثلك
ناصر:خلاص اجل امرك بعد خمس دقايق بروح اغير لبسي.. نطلع جميع احسن
طلال:حميدان تراك من الحين محجوز لفريقي
ناصر:مايبيله كلام انا متفق معه
محمد:ابشرو بالفوز اجل
خالد:لاتحلمون..دام ابو شنب وسليمان معي
طلال:نشوف...

**************


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 12:35 AM   المشاركة رقم: 69
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


بعد مارجعو من صلاة التراويح
..

مارمت عبايتها لانها بتطلع..
تكلمت بهدؤ..وهي تطالع ببنتها
ام شيخه:انا بروح لخالتك تبين تجين معي
نوال:وععع هذا الناقص اجيهم عقب الكلام اللي قالوه..
ام شيخه:اوكيه انا طالعه..لا تتأخرين بالسهره
نوال:ضحكت..ههه..سكتت فجأه وهي تشوف امها تطلع..وراح خيالها لبعيد..لو امها قايلتها صدق..من قلبها..
شموخ:لابسه بنطلون جنز فاتح مع بلوزه حرير اسود كم حاير وضيقه على جسمها..امشي معي للحديقه ابي اوريك اشياء على جهازي..
نوال:اوكيه...
طلعو للحديقه وجلسو جنب الشلالات الاصطناعيه..
فتحت جهازها تو شيبا..
نوال:شتبين توريني
شموخ:اصبررري...ثواني وفتحت ملف موجود عندها وطلعت الصور..شرااااايك
نوال:الحمدالله شهالصور؟؟كلهم ووووع<<كانت صور لبنات ووممثلات ومطربات..
شموخ:نوال يلا قولي من احلاهم
نوال:ليه؟؟
شموخ:ابي اسوي عملية تجميل..شرايك
نوال:ليه شينه ولا خشمك مكسور ووجهك متعفط
شموخ:قاطعتها..اششش هذا زياد جاي
نوال:التفتت على ورى وشافته جاي لهم وابتسامته الجذابه شاقه حلقه..رجعت تناظر شموخ..سكري جهازك بسرعه..
شموخ:ههه كل هذا غيره مو قبل شوي كلهم وعع
نوال:زمت شفايفها..شششموووخ
شموخ:سكرت الجهاز وهي كاتمه ضحكتها...
زياد:وصل عندهم..عسى ماقطعت سالفتكم..
نوال:لا ..اصلا ماكنا نسولف..حياك اجلس
زياد:ابي اجلس بس شموخ روحي جيبي لي مويه..
شموخ:دق على المطبخ يجيبون لك
زياد:شايفه فيه تلفون هنا
شموخ:من جوالك
زياد:ماجبته..شموخ يــلا قومي
شموخ:طيب..نزلت الجهاز وراحت
نوال:زياد عندك شيء بتقوله لي
زياد:عندي بشاره لك بس مؤقته
نوال:ايش؟؟
زياد:اقنعت ابوي يزوجني غيرك..


صدمـــــه..
جــــــرح..
إهانــــه..
طعنه في الصميـــــــم..
الم
الم
الم


بشــــــاره...هذي هي البشاره..

زياد:طالع فيها..استغرب صمتها وعيونها اللي تدور بكل مكان..فسره فرح..كمل وهو يبتسم..بس ابوي اشترط علي شرط..
نوال:اخيرا قدرت تطالع فيه..وهمست..ايش شرطه
زياد:يقول اذا ماوافقت البنت علي اتزوجك على طول..واذا وافقت اتزوجك عليها
نوال:انجرحت اكثر..(لهالدرجه انا حمل عليك يازياد)..قالت بصوت مسموع وماتدري شلون طلع..زياد انا مااقبل اصير الثانيه ساااااامع
زياد:ادري اصلا انا مابي اتزوج عليها وبعدين انتي مالك ذنب..انا مادري لمتى مصرين يعذبونا..نوال ادعي ان البنت توافق علي..اذا وافقت بتنحل كل مشاكلنا ..
نوال:منهي البنت
زياد:ااااه يانوال..قولي منهي اللي اشغلت قلبي وعقلي..
نوال:يعني شايفها؟؟؟
زياد:ابتسم..وللحين طيفها يمر قدامي..
نوال:ماتحملت..خلاص هي مهما كان تحس لها مشاعر لها قلب ..التفتت حولها وشافت شموخ جايه ومعها كوب مويه..انا برجع للبيت..
زياد:نوال اللي بينا سر..
نوال:ههههه..
زياد:شفيك تضحكين
نوال:مو غريبه اننا كنا اعداء وحنا متزوجين..والحين بعد الطلاق صارت بينا اسرار
زياد:نوال حنا من زمان اخواان وانا ماغيرت تعاملي معك بعد ماتزوجنا بس انتي اللي انقلبتي علي..شكلك خفتي اتزوجك صدق
نوال:همست..يمكن..عن اذنك..


******************





جالسه جنب بنت خالتها وسرحانه بكلام اخوها..
فيصل قبل لايطلع للاستراحه طلب من ليلى انها ماتقول اي شيء لميساء وتخلي الوضع طبيعي..
حست بأحد يهزها..
ليلى:نعم
ميساء:نعم الله عليك..اقول بمين تفكرين؟؟
ليلى:افكر بفستان لزواج فيصل..انتي لقيتي شيء
ميساء:قطبت حواجبها..انا موفاهمه..يعني هو بيتزوجني على عبير
ليلى:مادري..انتي بتوافقين
ميساء:ليلى هذا سؤال..اكيد ..وعبير تتركه اصلا هي تدري انه لي
ليلى:لا ماتدري عبير مالها شغل..ميساء لاتصيرين نذله
ميساء:من النذله انا ولا هي اللي اخذته
ليلى:خذته عقب ماتركتو بعض..اوووه ميساء سكري على الموضوع..اقول بكره بنروح لمحل عقل فقيه ونشتري جاهز منه..اخر عرض له كان مررره حلو
ميساء:ماابي..وابتسمت على فكره طرت على بالها...ابي اشتري فستان ابيض
ليلى:اقول امشي لجدتي وسلمى وخالتي نسولف معهم احسن
ميساء:وهذي عبير ماطرى على بالها السوق الا اليوم
ليلى:من الحين بدت الغيره..
وراحو للمجلس
************





بعد مرور يومين..



ارامل الفرح ..:
أصمت حين رحيل الليل
أعيش مع لحن المطـر
واهمس حين تقرع حبّاتها على نافذتي
في إعلانها عن وصوله


أرحل مع الأيام ... وتعاودني الذكرى ...
لترسمني أنفاسي المتلاحقة
هالات من ضباب
على ألواح الزجاج

ولوحات حزني ... تعلن الحداد ...
سطّرتها ريـشة فنّان ...
ذبلت فيها آخر دمعه


فتظهر كالفجرٌ الجديد
السابح ..
في كبد السماء !!
ترسم لوحة ... بلا ملامح
تشعل شموعها التي انطفأت
وتعلن بعد رحيلك
دهشةَ الألم ... والوفاء
حتى أغلق عليك باب الروح
وأكتفي ...
وسأغلق عنك
باب الروح
ولن
أرتوي

منتهى آمالي :
السفر في عينيك
والتنزه في عشب رموشك
باتجاه رئتيك

سبقتني أشواقي ...
ولكن ...!!! منقووووول...





مسحت دموعها باطراف اصابعها..
رمت صورته بالارض ودعستها برجلها...ليييييش لييييش..
نوال:بشاااااره يازيااد...تبشرني بحبك لعاليه ..وانـــــــــا انا مافكرت فيني...ماحسيــــت فيني..
يوم حبيتك واقتنعت فيك تتركني ليش؟؟ انا ليه حظي كيذا ليـــه ياربي ليه..انا استاهل انا اللي عرفتهم على بعض..والله كنت حاسه من نظراتها له لما نجيب طاريه..حتى هو احسه مهتم فيها..


رفعت يدينها تدعي..
ياااااارب زياد ماياخذ عااليه
يااااااارب عاليه ماتاخذ زياد..
ياااارب ياحي ياقيوم ياسميع ياعليم..
يارب ماياخذون بعض..
نزلت يدينها بسرعه وهي تشوف ابوها داخل وباين عليه ان معصب...
ابوشيخه:امك وينهي؟؟؟
نوال:مااادري...
ابوشيخه:انا اوريها ..ماتترك حركاتها..بس انا اللي بأدبها مايكفي اني صابر عليها علشانك انتي واختك..هين هين..وسكر الباب بقوه
نوال:ابتسمت بمراره وهي تمسح اخر دمعه..حتى ماكلف نفسه يسألني ليه تبكين...
رن جوالها بالنغمه الاعتياديه للارقام الغريبه..
نوال:افف من هالنشبه..ردت..الوو..الوووو..وجع وسكرت
رجع يدق مره ثانيه..
نوال:الظاهر يحسبوني فاضيه..ردت وهي معصبه..الوووووو...الووووو..سكرت ...رجع دق مره ثالثه
سكرت بوجهه ..احسن شيء اقفله وافتك..


*************






لا شكر على واجب..
قالتها وهي واقفه..جلست قريب منها مايفصل بينهم الا كنبتين..
عاليه:استانستي معاه..قالتها باستهزاء..
ام صالح:هههههه..هههههه....خذت نفس..وطالعت بعاليه بحده...عاليه انا موغبيه علشان ابوك يلعب علي..
عاليه:يعني تدرين انه يتمصلح علشان ورثك..ليه رحتي معاه..
ام صالح:مادري..تكلمت بألم..يمكن ابي اكذب على نفسي شوي واصبرها..ويمكن ابي احس اني انثى تنحب..يمكن ابي احس اني زوجه لها زوج يحبها ويخفف عنها..اسباب كثيره
عاليه:انا اتعذب لان مالي مكان اروح له..بس انتي ليه صابره ليه تتألمين وانتي مو ملزومه
ام صالح:لاني بحاجه له...ادري انه مايحبني وجالس معي بس كذا..بس اللي ماتعرفينه اني ماطيق اجلس ببيت اهلي دقيقه وحده وخصوصا بعد وفاة ابوي...خواتي كلهم سعيدات مع ازواجهم ومتهنين وحريم اخواني بعد..الا انا ومستحيل اخليهم يتشمتون فيني..
عاليه:على طاري اخوانك..سلطان فيه شيء بينه وبين غيوض..وحالتها صراحه مو عاجبتني
ام صالح:شتقصدين؟؟؟
عاليه:مااقصد شيء ...بس ياليت تنتبهين لهم
ام صالح:مو معناته اني شكرتك على اهتمامك بخوانك وسولفت معك يعني تتأمرين علي
دخل على هالجمله..
ابوصالح:بسرعه راح لعاليه ومسكه يوقفها..انتي تتأمرين
عاليه:يوه بتدخلني انا بعد بمسلسلك...بثواني حست انهاطايره بالهواء.. بلعت شيء..فيه طعم دم..اخخ اكيد سني طاح وبلعته..
رفعت راسها ويدها على خدها وشافته يمشي وهو حاط يده على كتف ام صالح ويمشون..ساعدت نفسها على الوقوف وحمدت ربها انه ضربها عقب الفطور ولاكان الحين بطل صيامها..
راحت للمغسله وغسلت وجهها وتمضمضت..
طلعت وهي تنشف وجهها..شافت غيوض بتطلع..لحقتها بسرعه وجرتها لناحيتها..
عاليه:على وين
غيوض:هههه ضحكت يوم شافت خد عاليه متورم..رجع العقرب..متى؟؟
عاليه:صارلهم يومين..ماتدرين
غيوض:قلتلك مو اكبر همي..بطلع لسلطان تجين معي
عاليه:هزت راسها ..هذا الناقص..غيوض انتبهي لنفسك
غيوض:اشرت بايدها..اوكيه اوكيه
طلعت ودخل صالح وبيده حلاو..
عاليه:صالح تعال هنا
صالح:تبين حلاو..ترى معي كثير
عاليه:لا مابي..ها دعيتلي اليوم..
صالح:ايوه طول الطريق وانا ادعي حتى لما رحت للغرفه كان فيه ناس واااجد مو مثل اول ماكان فيه الا نزار
عاليه:طيب حبيبي روح البس بجامتك ونام..
*****************






الساعه 11 ونص بالليل...
رجع من بريطانيا صارله يومين وبيقعد اسبوع وبيرجع..

اجتمعو عنده ابو فيصل وابو سليمان يتحمدون له بالسلامه...ودام انه مو مطول ..خير البر عاجله..
مسك اعصابه واغتصب ابتسامه وهو يطالع بفهد ولد خالته..
ابوسليمان:شقلت يابو فهد..
ابوفهد:انا ماعندي مانع بس بالاول لازم اخذ راي البنت..وخالد ماعليه كلام
ابوفيصل:وحنا شارين البنت..وشارين نسبكم يابوفهد..
سليمان همس باذن خالد..
سليمان:ماابي اتزووج مجنون انا...اشوفك غيرت كلامك
خالد:بدال ماتقول مبروك وزين انك اتخذت هالخطوه تقولي هالكلام
سليمان:والله الواحد يثبت على مبدأه ولا شرايك
خالد:لا حبيبي تارك المبادئ لك..
سليمان:اقول ليكون غرت من فيصل
خالد:ماغرت ولاشيء..
سليمان:والله ينخاف منك ياخويلد
خالد:اخخخ بس لوانك منثبر وجاي بدالك ناصر ابرك
سليمان:افا..يعني هذا جزاتي اللي قدرتك وتركت اشغالي علشانك..طيب ياخويلد نشوف من بيوقف معك بالعرس
خالد:حب خشم سليمان..فديت هالخشم والله انك ماقصرت..
******************








الصبـــــــاح:

جالسه بالكرسي قدام القاعه..تهاني اليوم غايبه تقول انها تعبانه..
طلعت ملزمتها تعطيها وحده طالبتها..
رن جوالها بنغمة الجرس..واستغربت ..ردت..
هلا ميساء
ميساء:الحين ابي افهم من اللي خطبني؟؟؟
ليلى:انا بالجامعه اذا رجعت افهمك
قاطعتها
ميساء:الحيـــــــــن الحين تقولين
ليلى:طيب اصبري...حطت شنطتها على كتفها وطلعت برى المبنى علشان ماحد يسمعها..
جلست على طاوله مافي احد حوالينها..
وش تبين تعرفين
ميساء:من اللي خطبني؟؟؟
ليلى:خالد..
ميساء:......

ليلى:ميساء انتي معي
ميساء:خالد!!!!...وفيصل؟؟؟انتي تمزحين معي
ليلى:ميساء خالد هو اللي خطبك وفيصل انسيه خلاص هو مايبي الا عبير
ميساء:انتي تقولين هالكلام مستحيــــل...انتي باذنك سمعتي يوم كلمك وقالك تسأليني..اكيد ماسمعني زين..ليلى قوليله اني موافقه عليه
ليلى:اخذت نفس..ميساء فيصل مايبيك...هو اللي قالي هالكلام...
ميساء:ههههههه تنكتين...ليلى ترانا صيام..الكذب حرام
ليلى:مااادري هو اللي قالي...ميساء اسمعي رايي وارفضي خالد علشان ماتتعذبون
ميساء:نتعذب..يعني معترفه انه يبيني...قوليلي شاللي غير رايه
ليلى:مااااادري
ميساء:ليلى ان ماقلتيلي والله والله والله لاخذ خالد
ليلى:ميسااااااء ماااااااااقدر..بعدين شلون تضحين بحياتك
ميساء:ماالك دخل...وسكرت
طالعت بالجوال..ورددت الله يهديك..
دخلته بالشنطه وحست ان واحد واقف فوق راسها..
ابتسمت لما رفعت راسها....هلا عهود
عهود:اهلين سلمت مع وجهها.. كيفك شخبارك مبارك عليك الشهر..
ليلى:علينا وعليك يتبارك..بودي اجلس معك بس عندي محاضره ..وراحت قبل لاتسمع رد عهود
عهود:لواني ساكته ومنطمه وماقلت لها عن سالفتي مع ناصر كان مادرت بس انا ملقوفه..هالسان هو اللي وداني بداهيه..




كانت تمشي الدرجات بسرعه خافت ان الدكتوره جات..
فجأه
ليلى:اخخخ..رفعت راسها..سوري
هيفاء:لابسه تيشرت وااااسع وطوييل لونه ابيض مع خطين على اكمامه اللي ثانيتها ..وشعرها البوي موقفته بالجيل..
ابتسمت لها ابتسامه وهي تغمز لها..حاضرين قالتها بصوت رخيم..
ليلى:طالعت بالبنت اللي بجنبها وباين عليها انها متضايقه..وطلعت لمحاضرتها
هيفاء:ااه يالبنت هذي...صدق انها انثى..
شموخ:حررت يدها اللي شابكتها مع هيفاء..حمد انا طالعه تأخرت على البيت..
هيفاء:يكون احسن..قالتها وهي تنزل الدرج بسرعه لانها متأكده ان شموخ بتلحقها..



***********

ضربت يدها الناعمه على الطاوله وماحست بالالم...الالم اللي بقلبها اكبر..
رددت بداخلها..ماتبيني همست..مايبيني..
طالعت شكلها بالمرايه ..
بكت..نزلت دموعها وسط ضحكها الغريب..
ههههههه
ههههههههه
ميساء:يضحك علي...بينتقم مني...يقولي شرايك فيني وانا الغبيه على نياتي صدقته..
انا بغبائي اعترفتله اني ابيه ومستعده اعيش معه..انا انا..
رمت نفسها على السرير...ليييه يافيصل لييييه تعلقني فيك مره ثانيه ليييه
جرحي للحين ماطاب ترجع تجرحني مرره ثانيه...ليه تكـــــذب علي ليه تخدعني..
وانت تحبني تسوي فيني كيذا...ليييييه..ليع عطيتني حبل الامل وانا كنت يائسه منه ثم ترجع تقطعه..
ليه ليه ليه..
والله حرررام حرررررام ..
دخلت ريم عليها يوم سمعت صوت صياحها..
وبدت تهديها..
ريم:ميساء خلاص والله مايستاهلك
ميساء:ضمت ريم..انا ابيييه..بس هو يلعب فيني ..انا الغبيه صدقته..تخيلي من حقارته قبل لايجي يخطبني خالد دق على ليلى وهي عندي وقالها تسألني اذا انا موافقه عليه ...شيقصددددد بهالحركه..ليييه ياريم فهميني
ريم:هذا حقير ماعليك منه..بقلعته هو واخوه..خلاص ماحنا موافقين
ميساء:وكأنها تذكرت شيء...طالعت بريم بعد مارفعت راسها عنها...عرررفت الحيين..
ريم:شعرفتي؟؟
ميساء:ليه سألني...هو اكيد درى ان خالد بيخطبني ..ومايبيه ياخذني علشان مايتعذب..لانه يحبني بس مايقدر ياخذني ولايقدر يستحمل ان اخوه ياخذني..قال ادق عليها علشان يتأكد اني ابيه ومااوافق على خالد..يبيني انا اتعذب وهو لا..
ريم:لا ماتوقع..
ميساء:لا هذا اللي صار اكيد..مايبيني اخذ خالد ...وهو علقني فيه وجرحني...بس والله لاردها لك يافيصل واقلب السحر على الساحر واالله لاحول حياتك لجحيم وادفعك الثمن غالي..انا تلعب بمشاعري..
ريم:ميساء شهالغباء..وش هالتفكير؟؟ اعقلي ولاتخلين الانفعال يأثر على قراراتك
ميساء:خلاص انا ماعادت تفرق معي علي وعلى اعدائي
ريم:انتي مجنونه
ميساء:رجعت تبكي..هو ماخلى فيني عقل..


*********************************





بعد الفطور..
كانت تتناقش مع امها..الى متى وهي مغروره وماتهتم بابوها ..متى بيعيشون مستقرين
الى متى وهم مشتتين تبي تحس بالعايله هي الحين محتاجتهم اكثر من اول..
ام شيخه:لاتتدخلين..واخذت الريموت وصارت تفرفر بالقنوات
نوال:ابوي عمره ماقصر معك يسافر بالاشهر علشان يعيشك بهالعيشه وانتي جاااااحده ومغروره وماتفكرين الا بنفسك
ام شيخه:يعني الحين انا اللي مقصره بحقه..
نوال:الكل يقول..تدرين انا اتمنى يتزوج عليك بس علشان يكسر غرورك
ام شيخه:يعني بتطلعين على مين مو على احد غريب..على ابوك..
نوال:ولي الفخر ..اول مايجي بقوله يتزوج عليك..
ام شيخه:تسوين فيني خير..
نوال:انتي ماتحسين ابدددا مايهمك ..مادري لمتى صابر عليك المفروض يطلقك بس مادري شاللي مصبره
ام شيخه:ههههههه روحي اسأليه..
دخل وسمع اخر نقاشهم..ابتسم لبنته وحضنها..
ام شيخه:طالعته باستحقار..وكملت تتفرج على التلفزيون
ابوشيخه:تدرين شاللي مصبرني يانوال...ويأشر على قلبه..احبها..
ام شيخه:التفتت عليه..احتررررم الفاظك ولاتنسى ان نوال هنا فماله داعي اسلوبك الرخيص
نوال:عصبت..وتسمين حبه لك اسلوب رخيص..وتقولين انك مو السبب بحياتنا..اجل مين؟؟؟ابوي اللي يدور راحتك..هو السبب
ابوشيخه:نوال عيب هذي امك..
نوال:ايييي ام وهي ماتفكر الا بنفسها وبمصلحتها..ماتفكر الا بجمالها ومهملتنا..
قاطعتها وهي تبعد يدين ابو شيخه عن طريقها اللي ماسكها يمنعها من نوال
ام شيخه:يكــــــــــــــــــــــفي
خلاااااااص مليييت تعبت منك ومن ابوك ومن الناس...
مو عاجبتك قوليله يطلللللقني ويفكني من شررره
ابو شيخه:اهدي اهدي
ام شيخه:مو هاااديه خلااااااص طفح الكيل ماعدت استحملك ولا استحمل نظراتهم لي وكأنننني انا المذنبه...راحت لنوال وجرتها مع يدها ودخلتها معها لجناحها دخلت غرفة الملابس ورمت نوال على الكرسي ..طلعت الشنطه اللي جاء فيها ابوها..وفتحتها ورمت كل الملابس اللي فيها..كانت منهاره..
ابو شيخه:دخل وهي ترمي بالاغراض وتفضحه..ماتحمل..راح هجم عليها وضربها..
ام شيخه:ابببععععععععد وخرررر ..اتركني يالحقير..تبيني انا اطلع مقصره وانت الملاك...
ابوشيخه:رماها على الارض وطلع..
ام شيخه:رمت على نوال قمصان النوم...تشميييين ريحة العطور النسائيه تشمين...
هذا هو ابوك اللي يغيب بالاشهر كل سفره يجي ويجيب معه هدايا..بس هدايا غير شكل..
يوريني خيانته قدام عيني...يحسبني مافتش اغراضه...كل يوم مع حرمه شكل...وانا ساكته ومنطمه وتلوموني اني خايفه على نفسي منه...
كل مره اسأل نفسي شنااااقصني ...يبي ولد..طيب يتزوج على الاقل اعرف من هي مااخاف على صحتي...ولااااا الحين صار يحب بنات بلده..وكل يوم سهره شكل..تدرين انه بجده من ثلاث شهور وعمك متستر عليه وساكت...قامت وراحت لنوال المصدومه وبدت تهزها..
مين الللي غلطـــــــــان مين اللي متحمل الثاااااااني..من اللي ساكته علشانكم ماتبي تشوه صورة الاب المثالللللي ميــــــــــن؟؟؟؟
ماتحملت انهيار امها وخافت على نفسها حررت نفسها من قبضة يدينها وهربت لغرفتها وقفلت على نفسها...
الموقف اكبر منها..تحس نفسها بكابوس...
امي مجروحه وتتألم طول المده وحنا نلومها
ابوي يسافر علشان الشغل ويطلع اكبر عربيد..
صرخت وهي تضغط على راااسها
لاااااااااا مااقدر استحمل ماااااااستحمل..

*********************


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 12:37 AM   المشاركة رقم: 70
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


لااا مابي ابي احضر زواج عبير..
ام مؤيد:يعني تبينا نأجله شهر..ياحبيتي مافيها شيء احضري زواجها من مانعك
عهود:عادي اطلع ثاني يوم من زواجي
ام مؤيد:عااادي
عهود:طيب اخاف نسافر
ام مؤيد:لا مو مسافرين انا اقوله...خلاص لاتغثين ابوك اللي فيه مكفيه
عهود:ابوي شفيه..
ام مؤيد:مافيه شيء..ليه
عهود:لاني كل ماسوي شيء قلتو اللي بابوي مكفيه...هو وش فيه؟؟؟
ام مؤيد:ماااافيه شيء وقومي عطيني التلفون خليني امر عبير انشغلت عنها خلينا نمرها قبل لانروح السوق..
عهود:سكتت خافت تسأل ومايعجبها الجواب..راحت تجيب التلفون
دخل الصاله ولقى امه جالسه ومو منتبهه لاحد..وعهود معها التلفون وتناظر الارض وهي تمشي
مؤيد:الســــــــــــلام عليكم
ام مؤيد:تهلل وجهها يوم شافته..وعليكم السلام والرحمه
عهود:هلا مؤيد..
راح لامه وباس راسها..
جلس جنبها..
مؤيد:عمي وينه
عهود:من بعد الفطور طلع ماقال وين
مؤيد:طيب شفيك مكشره؟؟
حطت التلفون على الطاوله اللي قبال امها وجلست جنب مؤيد..
عهود:مااافي شيء..اقول شرايك توديني السوق
مسكت التلفون ودقت على بيت ابو سليمان..
ام مؤيد:الوو
عبير:هلا بهالصوت
ام مؤيد:هلا ياقلبي كيفك مع الصيام
عبير:ههه خالتي تراني مو بزر
ام مؤيد:علشانك بتتزوجين تحسبين نفسك كبيره..مهما كبرتي بتظلين بنظري بزر..شخبار جدتك واخوانك
عبير:الحمدالله بخير..
ام مؤيد:اقول عبوره الحين بمرك علشان اجهزلك مع عهود مره وحده..
عبير:خلاص اجل بكلم خالتي ام فيصل لانها قالت بتمرني بعد شوي
ام مؤيد:ايه كلميها وجهزي نفسك...مع السلامه
سكرت السماعه..والتفتت على عيالها..
ام مؤيد:شفيكم
عهود:الدب فاضي ومايبي يودينا السوق..
ام مؤيد:لا بيودينا غصب عليه..حنا بنتأخر بالسوق وصعبه نرجع مع السواق..
مؤيد:وعبير متى عرسها؟؟
عهود:بثاني العيد
مؤيد:بعدك على طول..اجل مو حاضره العرس..
عهود:لابحضره امي تقول عادي..
ام مؤيد:عهود روحي البسي عباتك و جيبي عباتي معك...يـلا مافي وقت..

*******************







كانو مجتمعين على التوأم ..
ام فهد وريم يتناقشون عن فضائل هالشهر
وابوفهد لاهي مع احفاده..
وفهد جالس يطالع مكه على القناة الاولى..
بدى السديس بالدعاء..
الكل ترك اللي لاهي فيه ومدو يدينهم يأمون معه


اللهم اقسم لنا من خشيتك مايحول به بيننا وبين معااااصيــــك..
ومن طاعتك ماتبلغنا به جنتك..ومن اليقين ماتهون به علينا مصائب الدنيــا..
اللهممتعنا بأسماعنا وأبصارنا وقوتنا مأحييتنا واجعله الوارث منا واجعل ثأرنا على من ظلمنا
وانصرنا على من عادانا ولاتجعل مصيبــــــتنا في ديننااااااا...وتهدج صوت السديس هنا وبدى يبكي
ولاتجعل الدنيااكبر همنا ولا مبلغ علمنا ولا تسلط علينا من لايخافك ولا يرحمنا...
اللهم هون على اخوااننا في فلسطين والعراق وساااائر بلاد المسلمين

امييين
انتهى الدعاء وخلصو من صلاة التراويح..
ام فهد:اقول ابوفهد اذا حصلك روح اعتمر
ابوفهد:ودي بس مااقدر..انتم بتروحون
فهد:حجزت العشر الاواخر هناك ..
ابوفهد:الله يعظم اجركم ..
دخلت عليهم بقميصها الطويل السماوي.. وعيونها جامده..وجهها مافي اي تعبير..
ميساء:بابا..
التفتو عليها وانتبهو لها
ابوفهد:هلا ميوسه..واشر لها تجلس جنبه
ميساء:لا بس حبيت اقولك اني موافقه على خالد..
فهد:طالع بريم بعدين طالعها..موافقهّ!!!
ميساء:ايه موافقه..قالتها باصرار
ابوفهد:طيب تعالي جنبي وقوليها
ميساء:تعدت فهد وجلست جنب ابوها..
ام فهد:يابنتي فكري زين
ميساء:هذا قراري..يبه كلمهم وقولهم اني مواافقه
ابوفهد:هذي الساعه المباركه..مااطيب من فيصل الا خالد..
ميساء:اعتصرت قلبها هالكلمه..حتى هنا لاحقني..
فهد:ميساء متأكده
ميساء:لحوول يعني اعلنها لكم بالاخبار...وقامت وهي متنرفزه..
ابوفهد:فهد خلاص دق على ابو فيصل او خالد وقلهم عن موافقتها
فهد:يبه شفيك ادق عليهم وانت موجود..موزينه بحقهم
ابوفهد:انت تحب تكبر الامور عادي مافيها شيء
فهد:يبه حننا بالسعوديه ..اضحك على الشباب اللي يغيرون طبايعهم طلعت مثلهم
ابوفهد:ههههه شفيك محد يمزح معك..روح هات تلفوني وبالمره ادق على عمك اعلمه..
*********************









صعب السؤال...ليه نفترق!!
صعب السؤال..وين نلتقي
انتي الجنوب ..وانا الشمال
ومابيننا بحر ..ورمال
لكن نحب..والله نحب..وفوق الخيال..
صعب السؤال..
ياللي اجمل من كلامي عنك واقرب من سكوتي
اه ياطول المسافه بين احساسي وصوتي
ماهو غريب اني اسألك
وانتي انا..كيف اوصلك!!
لا مستحيل هذا الرحيل..
من يقطع الصمت الطويل ويدلني..






ماااابي اسمع شيء..ليلى الله يخليك سكري على الموضوع
ليلى:وهي تسكر باب غرفته وراها...لا مو ساكته حررررام عليك يافيصل تعذبها
فيصل:جلس على سريره...مو بس هي اللي تتعذب..انا بعد اتعذب على بالك سهل علي اشوفها تتزوج اخوي وكل يوم بشوفها معه وانا قلبي متعلق فيها...شتبيني اسوي؟؟؟عندك حلوووووول
ليلى:فيه مية طريقه..روح كلم خالد او على الاقل قول لميساء علشان ترفضه انت تدري انها بتوافق علشان تقهرك
فيصل:ماااقدر..تبيني احرم خالد منها...انا مستحيل اخذها عقب مادفعت المهر لعبير..وبعدين هي بتتزوج فتاخذ خالد احسن..وبعدين شفيه خالد؟؟
ليلى:انا ماقلت شيء بخالد..بس حراااااام انت بالطريقه هذي ماخسرت حياتك بس..انت قاعد تدفع اللي حوالينك الثمن..انت تظلم عبير وميساء وخالد قبل نفسك..
فيصل:عصب..وانا شعلي...محد يتعذب غيري ..انا اللي مضحي بنفسي علشانهم...مابي اظلم عبير واجرحها عقب مادفعت المهر..ومابي اخوي يتعذب وهو يشوفني اخذ اللي حبها...ليلى خالد كان مايبي يتزوج تدرين ليش؟؟؟علشان ميساء تبيني احرمه اياها..وميساء هي اللي جنت علي بغبائها ودفعتني الثمن قبل ماتدفعه هي..
ليلى:هذا الكلام بنظرك انت...انت بتجبر عبير تعيش مع واحد مايحبها ورافضها لان قلبه معلق بوحده ثانيه..وبتخلي خالد يموت ميه مره باليوم كل ماشاف ميساء تطالعك..وبتعذب ميساء بعد اللي قلبها متعلق فيك...انت بتحول حياتهم لجحيم...اوكيه ماتبي تاخذها بس لاتخليها تاخذ خالد حرررام عليك صدقني بتجني على خالد..خالد مصيره بيعرف ان ميساء مارح تحب غيرك..تخيل شعوره وزوجته اللي يحبها تحب اخووه وممكن بأي وقت يلتقون لانهم بيعيشون مع بعض..بيروح لشغله وقلبه وعقله هنا يفكر شممكن يصير بغيابه...فيصل
قاطعها
فيصل:خلاااااااااص مابي اسمع شيء...خالد كلمته وهو اللي جنا على عمره اناماغصبت احد..
ليلى:خالد مايعرف مصلحته
فيصل:مشكلته..انا نصحته وهو حر..وميساء الله يوفقها..واذا على السكن انا مستحيل اسكن مع خالد ببيت واحد..انا بسكن ببيتي
ليلى:بيتك كبير على عبير وانا متأكده انها بترفض
فيصل:مورافضه...ليلى الله يخليك خليني انام وقوميني قبل السحور علشان اتهجد
ليلى:طيب اخر طلب..اقول لميساء اللي صار
فيصل:ليلى انتي وعدتيني..
ليلى:كشرت..طيب...
طلعت وسكرت باب غرفته بعد ماطفت الانوار..
فيصل:ولع الاباجوره اللي بجنبه..جمع رجلينه وقربهم لصدره..وحط راسه على ركبه..
وصار يفكر بميساء..الحين بتقول عني نذل وحقير..بس والله ياميساء غصب عني..حاولت بس ماقدرت..
الله يوفقك بحياتك..وان شاء الله اللي بتاخذينه ينسيك فيصل..قالها بألم.





رجعو بعد ماوداهم لمطعم وتعشو وتسحرو بنفس الوقت..
نزلها لبيتها ومعها اكياس ساعدتها الشغاله تنزلهم...ماسمع صوتها ابدا..الا يوم قالت مع السلامه
نزل مع امه واخته للبيت ودخل غرفته ورمى نفسه على السرير..
مؤيد:صار يضحك على نفسه..والله شيء يضحك...انا بنفسي اوديها للسوق تتجهز للعريس..
تتجهز للي خذاها مني..ااااه ياعبير معقوله ماتدرين عني..وفيصل؟؟تحبينه..تبينه..عاجبك
زفر..وعدل جلسته..
الله يوفقها يارب ويهنيها معاه...فيصل يستاهلها..وانا الله يعوضني..

*************************





في مكان تجرد فيه الخوف من الله..في مكان بدل مايستغل شهر رمضان بالتوبه يستغله بالمعاصي..
وكأنه مخلد على الدنيا..في مكان الجبروت والطغيان والعصيان والانتقام يملأه..
في مكان تفوح منه روائح عفنه..قذاره...

اخذت عبايتها بسرعه وهي تحس بشعور غريب..
شيء خارج عن الفطره..فيه شيء غلط..بس مو مفهوم..
ركضت مع الدرج وكانت بتطيح مع اخر درجه..بس توازنت ..بسرعه طلعت برى القصر
وركبت السياره وتحركت لبيتها...

********************







في غرفة يملئها صوت القراءن يملئها كلام الله..
تحس بروحانيه وانت تدخله..باطمئنان...تحس فعلا انك مخلوق هنا لشي واحد ..لعبادة الله..
انك مهما كبرت فانت ولا شيء...
مسك يد جدته يساعدها على الوقوف..
الجده:اختك رجعت
ناصر:ايه رجعت من زمان..
الجده:اصفط السجاده ياوليدي
ناصر:جلس جدته على طرف السرير..اخذ السجاده وبحركه سريعه صفطها وحطها بمكانها المخصص..رجع لجدته ومسكها
الجده:وهي توقف..الله يوفقك ويجزاك بالخير..الله يهدي سرك ويريح بالك
ناصر:امين..الله يسمع منك
دق تلفون الغرفه
الجده:هذا اكيد فيصل..الله يسعده يارب يدق يتطمن اذا خذت علاجي..
ناصر:عاد هذا دكتور العايله..رفع السماعه لما وصل عند الكومندينه ورد..هلا
فيصل:هلا فيصل عطيت جدتي علاجها..قالها وهو يتثاوب..
ناصر:ايه عطيتها..
فيصل:زين يالله مع السلامه
ناصر:الله يسلمك...
طلعو من غرفة جدته وراحو يتسحرون
كانو جالسين على الارض ..ابو سليمان وعبير
جلّس جدته جنب ابوه وجلس هو جنب عبير..
الجده:سمو بالرحمن..مدت يدها وكلت..اقول عبير وش شريتي اليله
عبير:ابد شريت لي بدلتين فخمه..وشريت فستان العرس..
الجده:زين هذا اهم شيء..وماشريتي شيء ثاني
عبير:شريت خرابيط مكياج وعطور وملابس للطلعات..بس باقي الذهب... امي تقول بكره تمرني ونشتريه
الكل سكت عند كلمتها اللي طلعت منها عفويه..لا مو عفويه هذي زلة لسان هذا من كثر تفكيرها فيها..طلعت منها من غير قصد..
أمي..

بلع ابوسليمان اللقمه بصعوبه..
ابوسليمان:الحمدالله
ناصر:طالع بابوه اللي بان عليه الضيق..يبه ماكملت اكلك
ابوسليمان:لا شبعت..
عبير:يبه الحين هاللقمه شبعتك؟؟؟لايكون ماكل بمكان ثاني
ابوسليمان:فتح يدينه لها..تعالي
عبير:ابتسمت لابوها وطالعت بناصر تقهره..وضمته..بوكلك بيديني
ابوسليمان:فتح فمه يــلا..
ناصر:هههه الله يشفيك ياعبير تراه ابوك مو ولدك
عبير:ولدي مايجي نص ابوي..وتوكل ابوها بيدها وهي بحضنه..
ناصر:جدتي وكليني ترى غرت من ابوي
الجده:استح على وجهك رجال بشنبات تبيني اوكلك
ناصر:ياسلام وليه ابوي
ابوسليمان:انا وعبير لاحد يتدخل فينا..
وكملو سحورهم..

*******************************







بعد ماخلصو من السحور رجع لغرفته يقرا القران..
هو الحين بالجزء الخامس..
دخلت عليه وهي مصره على رايها ولازم تقنعه..
عدلت جلابيتها الخضراء الناعمه بتطريزاتها..وجلست جنبه..جمعت شعرها بكلبس..وانتظرته يخلص قرايه..
سكر القران بعد ماحط الخيط..والتفت عليها..بفمك كلام
ام مؤيد:ابو عهود انسى العمليه..
ابوعهود:انا ميت ميت
قطعت كلامه..
ام مؤيد:استغفر ربك الاعمار بيد الله..لا انا مستحيل اخليك تجازف..العمليه انساها خطورتها كبيره ونسبة نجاحها ضعيف..
انا ابيك تتعالج بس بشيء ثاني
ابوعهود:اذا الكيماوي انسي..الكيماوي عذاب بدون فايده
ام مؤيد:انا ابيك تتعالج بالقران..انا سمعت كثير تشافو من هالمرض بالقران..اكيد اللي فيك عين او حسد..ابوعهود طلبتك من بكره نبدا..علشان خاطري..
ابوعهود:بس اذا تأخرت على العمليه
قاطعته
ام مؤيد:عملييييه لألألأ..دمعت عيونها...علشان خااااطري اسمعني وطيعني
ابوعهود:مسح دموعها بصبعه...اللي تبينه بسويه..اهم شي ترضين عني
ام مؤيد:راضيه عنك الله يشفيك ويخليك لي ياااااارب...لاتفقد الامل خل ظنك بالله خير..
ابوعهود:بس انا مابيك تتعلقين بالامل وتتعذبين
امؤيد:انا ابي اتعلق ..الرسول صلى الله عليه وسلم يقول تفائلو بالخير تجدوه..وانا عندي احساس انك بتطيب
ابوعهود:مسح على راسها بحنان...الله يعينك ويصبرك..

****************************




 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة انشوده المطر, ليلاس, المطر, القسم العام, القسم العام للروايات, الكاتبة انشودة المطر, انشودة المطر, انشوده, انكساري, روايات, روايات مميزة, روايات انشودة المطر, روايات كاملة, رواية انكساري, رواية انكساري لانشودة المطر, رواية انكساري كاملة, روايه انكساري كاملة, روايه كاملة, قصص و روايات القسم العام, قصه كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:38 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية