لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-12-11, 08:03 PM   المشاركة رقم: 16
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 




اضطر يسافر بدون مايقول لاهله ..جاه اتصال متأخر من اهل زوجته ويبونه يجي..على طول مسك خط الرياض الشرقيه..ولا وقف الا بالمستشفى..نزل بسرعه وسأل الاستقبال عنها قالوله بالدور الرابع..
شافه واتجهله بسرعه..
فهد:بشر طمني؟؟
جاسراخو ريم زوجة فهد)للحين تولد صارلها يوم كامل..
فهد:وهو معصب..وليش ماقلتولي؟؟
جاسر:هي وصتني مااقولك..تقول اذا ولدت هي تدق عليك وتبشرك...بعدين انا ماحسبتها بتتأخر لهالوقت..شوف الدكتور طلع..
فهد:بسرعه راح للدكتور..دكتور طمني عليها..
الدكتور:انت زوجها؟؟
فهد:ايه ..فيه شيء دكتور؟؟
الدكتور:بصراحه...حنا نبغاك توقع على العمليه..
جاسر وفهد:عمليه ؟؟؟؟؟؟وش عمليته..(كانو خايفين)
الدكتور:ولادتها تعسرت..ولا تنسى انها حامل بتوأم..الاول طبيعي وصحته زينه بس الثاني حالته خطره ويشكل خطوره على امه..روح مع الممرضه علشان توقع على الاوراق..
فهد:انا موافق سو اي شيء يادكتور بس اهم شيء ريم الله يخليك..
الدكتور:توكل على الله..ودخل غرفة العمليات وفهد راح يوقع..
----------------





الصباح



الساعه 6 الصبح جاه اتصال منها كانت تبكي..خاف عليها وراح لها..اول ماوصل خذاه للطوارئ..والحمدلله قدرو يسعفونه ..
سليمان:بشر يادكتور..
الدكتور:تطمن الوالد بخير..بس وقع على اوراق خروجه..
رجعو للبيت..كانت واقفه بالحوش تنتظرهم ويوم ادخلو على طول ضمت ابوها..
سليمان:شوي شوي عليه..
نها:وهي تبكي..يبه انت بخير..
ابو نها:يابنتي انا بخير تطمني..حياك ياولدي ..
دخلو داخل البيت وجلس بمجلس الرجال..وابو نها خذته نها لغرفته علشان يرتاح..ورجعت للمجلس...جلست قباله..
نها:مشكور ياسليمان..اسفه اذا ازعجتك..بس شسوي امي تعبانه ومااقدر اخلي ابوي يروح لحاله مع السواق ماتطمن..
سليمان:نها شهالكلام..وبعدين تعالي اجلسي جنبي ..كذا تحسسيني اني غريب لا تنسين اني زوجك..ويقطع كلامه اتصال..شاف الرقم وارتبك..
نها:فهمت عليه..بروح اجيبلك فطور..عن اذنك..
سليمان:دخل الجوال بجيبه بعد ماحطه على السايلنت ..لا انا بطلع..تأخرت على الشركه..اي شيء تحتاجينه دقي علي..
نها:لا والله..وش تبي الناس تقول عني؟؟؟تخلي قلبها يروح بدون فطور؟؟؟
سليمان:ودي بس تأخرت...
نها:انا بروح اجيب الفطور وانت بكيفك اذا تبي تزعلني روح..وراحت من غير ماتنتظر جوابه...
سليمان:جلس ...الشغل يولي...
دخلت المطبخ وقالت للشغاله تجهز الفطور بسرعه ودخلت غرفتها فكت الشباصه وخلت شعرها الاشقر يطيح على اكتافها ..اخذت القلوس وحطت على شفايفها ومسكت الكحل وخططت عيونها واخر شيء حطت البلاشر ..عدلت جلابيتها وبخت من عطرها الصيفي المنعش وكل هذا سوته بظرف دقيقتين..دخلت المطبخ واخذت الصينيه وودتها لسليمان..
نها:والابتسامه شاقه حلقها...خفت على زعلي؟؟؟وتحط الصينيه على الطاوله وتجلس جنبه..
سليمان:وهو مبسوط..اذا ماخفت على زعلك اجل على مين اخاف..
نها:فديييت اللي خايف على زعلي...مسكت التوست..الحين بسويلك سندوتش ماذقته بحياتك..
سليمان:كان يطالعها وهي تسوي السندوتش...عيونها متوسطه مو كبار ولا صغار لونهم رمادي..بس فيهم سحر غريب..وجهها بيضاوي ..بيضاء خشمها صغير..جسمها اقرب للسمنه ومو طويله مره..شعرها متوسط اقرب للقصر...فجأه جات صورة سلمى بباله...استغفر الله العظيم استغفر الله العظيم..
نها:تفضل حبيبي...
سليمان:تسلم ايدك..
نها:استغربت..كأنه ضايق خلقه...فيك شيء؟؟
سليمان:لا مافيني..
نها:سكتت ماتبي تضايقه...
بعد ماخلص الفطور..
نها:صحه..
سليمان:على قلبك..يالله تامرين على شيء
نها:سلامتك..وايه نسيت...لا تنساني
سليمان:فيه احد ينسى هالقمر..اذا صار شيء دقي علي..مع السلامه
نها:الله يحفظك ويخليك لي...

اول ماركب السياره..طلع الجوال وشاف سبع مكالمات لم يرد عليها ...اتصل عليها..
كانت جالسه على الكرسي اللي بجنب السرير وتهز رجلها بارتباك..رن جوالها وردت بسرعه..
سلمى: وبصوتها النوم ..سليمان وينك؟؟
سليمان:السلام عليكم..
سلمى:اشوووا انت بخير..
سليمان:هههه ايه تطمني بخير..بس طلعت بدري لان عندي شغل بخلصه بدري..
سلمى:ليش ماقومتني؟؟طلعت بدون فطور واشغلتني عليك..
سليمان:حقك علي...زعلانه(مايدري ليش حس بتأنيب الضمير)
سلمى:انا مو زعلانه انا خفت عليك..طيب لا تنسى تفطر ترى اهم شيء الفطور..علشان تركز بشغلك..
سليمان:انشاااء الله..حبيبتي تامرين على شيء..
سلمى:سلامتك يابعد قلبي..سكرت منه نزلت الجوال على الطاوله وراحت تكمل نومها..

------------------






قامو كلهم الساعه 8 ونص الصبح علشان يفطرون مع بعض..
ليلى:كانت لابسه جلابيه عودي وفيها نقش ناعم ذهبي..فكت شعرها الطويل وتبخرت حطت كحله بس..وطلعت للغرفه كان جالس على الكرسي يقرى ورده اليومي..
ليلى:جلست بجنبه بدون ماتتكلم..
ناصر:خلص الورد..ونزل القرآن على الطاوله..حبيبتي ننزل..
ليلى:ايه تأخرنا عليهم..
نزلو لهم وافطرو مع بعض وابو سليمان راح للشركه ..وناصر ماخذ اجازه..
جلسو بالمجلس العائلي..وقعدو يسولفون..
عبير:ليلى ترى الاسبوع الجاي بسوي لك عزيمه
ليلى:ليش؟؟
عبير:توك جايه من شهر العسل وماتبنا نسويلك عزيمه؟؟وش تبين الناس تقول عني ماتعرف بالاصوول؟؟
ناصر:هي انتي لا تنافخين..
عبير:ومتى نافخت؟؟ولا ماتبينا نتكلم مع المدام؟؟(كانت تقولها وهي تهز راسها)
ناصر:يكون احسن بعد.
ليلى:هههه خلاص شفيكم تهاوشتو علي..خلاص انسه عبير موافقه على العزيمه..
عبير:وهي تعطي نظرات لناصر..اصلا مو بكيفك غصبا عليك..
ناصر:عصب:عبييييييير احترمي نفسك..
عبير:امزح والله امزح حتى اسأل زوجتك..
ليلى:يوم شافت ناصر عصب..ناصر شفيك كانت تمزح..
ناصر:مزحها ثقيل..وطلع لغرفته
ليلى:عاجبك شوفيه زعل
عبير:يالخبله احسن علشان تروحين تراضينه..
ليلى:والله مالخبل الا انتي..وطلعت لغرفتها..
عبير: اطلع اكمل نومي ابرك..
-------------------






بالشرقيه..
فهد:يعني ايش؟؟
الدكتور:هي تعبت ..لا تنسى انها ولدت طبيعي وقيصري بنفس الوقت..وطبيعي مرح تتحمل..احنا نخليها اسبوع بالعنايه المركزه وانشاء تقوم بالسلامه..
فهد:بلع ريقه بصعوبه..يعني هي بحاله خطره..
الدكتور:ياخوي انشاءالله تقوملك بالسلامه..عن اذنك.
فهد:لحظه دكتور..ابي اشوفها..
الدكتور:اشفق عليه..خلاص مافي مانع..
لبس الكمام..ودخل عليها ..كان وجهها اصفر وسواد تحت عيونها كان باين عليها التعب..ماقدر يمنع دموعه يوم شاف حالتها..توقع كل شيء الا ان تكون بهالشكل..حاول يمسك ايدها بس ماقدر..تذكر خوفها من الولاده يوم كانت حامل تذكر وصيتها..وزادت دموعه..
ريم وهي تمسح على بطنها..
فهد:كان يلبس شماغه..حبيبتي مشينا..ماردت عليه شافها مع المرايه اللي عاكسه وجهها وشاف دموعها..راح لها وجلس جنبها..شفيك فيه شيء يعورك؟؟
ريم:وزادت دموعها..خايفه.
فهد:من ايش؟؟
ريم:من الولاده..مابي اولد..
فهد:مسك ايدها..حبيبتي لا تخافين ..انتي لاتفكرين بهالموضوع انسيه..وصار يمسح دموعها..
ريم:ركزت نظرها على عيونه..اذا مت انتبه لعيالي..وصيتي العيال وتزوج وحده رحومه واذا ...
فهد:اششش ولا كلمه زياده ان سمعتك تقولين هالكلام بزعل..محد بيربي العيال غيرك سامعه..ويالله البسي عباتك خلينا نروح للعشاء تأخرنا..

مسح دموعه..وحب جبهتها وهمس باذنها..الله يخليك لي يارب صدقيني بتعيشين وتربين العيال..وطلع..وحالته النفسيه صفر...
جاسراخو ريم)وشلونها؟؟
فهد:الله كريم..وماقدر يكمل خنقته العبره..
جاسر:انتظرني ابي ادخل عليها ونرجع مع بعض للبيت..انصدم لماشافها وماقدر يجلس ثانيه عندها..طلع وجلس على الكرسي وصار يبكي..كيف مايبكي وهي مثل بنته هو اللي رباها بعد ماتوفى ابوهم..تلطم بشماغه حتى يكتم اي صوت ممكن يطلع منه..
فهد:ماقدر بعد يكلمه او يواسيه هو محتاج بعد من يواسيه..جلس جنبه والصمت هو سيد الموقف..قطع الصمت صوت الجوال شاف الرقم وقطعه..الان بهالوقت بالذات مايبي يتكلم..
جاسر:تماسك اكثر..خلنا نمشي جلستنا مالها اي فايده..
فهد:مشكور يابو رائد تعبناك معنا انت روح البيت وارتاح شكلك تعبان..انا ماقدر اعتب خطوه وحدده برى المستشفى الا اذاكانت معي..
جاسر:ماقدر يقنعه ورجع للبيت هو فعلا محتاج الراحه..بتسألون عن امها او خواتها..امها كبيره بالسن ومريضه وجاسر هو الكبير ومتزوج وعنده عيال الله مارزقه ببنات وعياله وزوجته مسافرين يصيفون..وخوات مالها
فهد :راح لمصلى المسجد وصار يدعي ويصلي..وبعد مارتاحت نفسيته دق على امه..
ام فهد:فهد يمه وينك؟؟
فهد:بالشرقيه..
ام فهد:ريم ولدت؟؟
فهد:ايه..بس
ام فهد:بس ايش صارلهم شيء؟؟
فهد:ريم بالعنايه المركزه ادعيلها يمه..
ام فهد:اييييييش..بالعنايه وليش؟؟؟
فهد:يمه ريم كانت حامل بتوأم واحد طبيعي والثاني قيصري..
ام فهد:تناست ريم من الفرحه..والله..اللللف مبروك ياجعلهم مواليد السعاده هم عيال..؟؟
فهد:يممه الحين اقولك ريم بين الحياة والموت تقولين وش هم؟؟يكون بعلمك اصلا ماشفتهم ولا ابي اشوفهم الا اذا قامت بالسلامه..
ام فهد:وش هالكلام يافهد تعوذ من ابليس وعيالك مالهم ذنب يمه..قولي هم بنات ولا عيال؟؟
فهد:يمه انا خلقي ضايق دقي على المستشفى واسأليهم..مع السلامه..
ام فهد:اخوك مو صاحي..
ميساء:انتي بعد يمه الله يهديك تشوفينه خايف على ريم وبعد مالومه الله يقومها بالسلامه يارب..
ام فهد:اكيد بتدافعين عن اخوك...روحي جيبيلي التلفون خليني ادق على المستشفى اسألهم..
ميساء:انشاء الله يمه..
-----------------------






احتد النقاش وارتفعت الاصوات ...انتي طالق..
ام جاسم:ايش؟؟كانت مصدومه معقوله..
غدير:ماقدرت تتكلم الصدمه اكبر منها..اكبر من انها تستوعبها..
ابو جاسم:انتي طالق..
ام جاسم:تطلقني علشان وحده ماتسوى..
ابو جاسم:روحي شيلي قشك مالك قعده بهالبيت..واللي ماتسوى تسواك وتسوى طوايفك..
ام جاسم راحت على طول تجمع اغراضها ولحقتها غدير..
كانت تشيل وتحط بهالشنطه..
غدير:تحاول تمنع امها..يمه يممممه الله يخليك تعوذي من ابليس صدقيني مايقصد..
ام جاسم:انا دقيقه وحده مارح اجلس عنده..اجل انا يطلقني علشان بنت اخوه..
غدير:يمممممه اسمعيني بس..يمه لا تتركيني يمه وين بتروحين طيب؟؟بتروحين لخالي؟
ام جاسم:بيت ابوي الله يرحمه مفتوح لي..
غدير:وانا من يجلس معي؟؟مايكفي جاسم طلع برى البيت لمين بتتركيني انا وغاده؟؟
ام جاسم:روحي جهزي شنطتك وتعالي معي..واختك اتركيها مع ابوها خلي بنت عمها تنفعها..
غدير:طيب..راحت خذت كل الاغراض اللي تحتاجها وقفلت غرفتها ونزلت مع امها..ومن حسن حظها ان ابوها من العصبيه طلع..
غاده:على وين العزم؟؟اتوقع ان ابوي طلق امي ماطلقك انتي..تقولها وهي مبتسمه
ثواني وصار وجهها احمر من الكف القوي
ام جاسم:انا ماني متخيله اني حملتك 9 شهور ببطني انتي منين مخلوقه؟؟في بنت بهالدنيا تدافع مع بنت عمها وتظلم امها؟؟ليييش انا قصرت معك بشيء؟؟قولي انطقي..ياحسافة التربيه عليك بس..بس الله يمهل ولا يهمل..ومصيرك بترجعيلي ..امشي ياغدير..
نوره:واخيرا طلعتي..اففف فكه الحين البيت بينظف من هالنجاسات..
غدير:النجسه انتي يالحقووود ياام قلب اسود..بس قهر شلون يعني ماتحضرين زواج حبيبي جاسم؟؟خساره وطلعت هي وامها وتركوهم منقهرين..
بالسياره..
غدير:يمه لازم نقول لجاسم اخاف يروح للبيت او يدق على البيت..
ام جاسم: لا تخافين اول مانوصل للبيت ادق عليه..ووصلو لبيت جدهم الكبير...
ام جاسم اول مادخلت..صارت تبكي..الله يرحمك يايبه نفعتنا وانت حي ونفعتنا ميت..
غدير:الله يرحمه..دخلو الخدم الاغراض والبيت اصلا نظيف صحيح انه محد ساكنه بس الخدم موجدين فيه..اللي كانو موجودين بحياته
-----------





لابسه بجامتها ومنسدحه على السرير..الافكار توديها وتجيبها..وحالها متردي ماصارت تطلع لاحد حتى لبنت عمها..ولا ترد على احد..كل هذا صار بعد ماسمعت بالخبر..انسدحت على الجهه الثانيه ..لفت نظرها الجوال..ولمعت فكره ببالها..
ترددت بس لازم تتأكد..ضغطت على الرقم..طالعت بشاشة الجوال...جاري الاتصال...
نوال:الو
حسين:هلا...
نوال:كيفك؟؟
حسين:من معي؟؟
نوال:ماعرفت صوتي؟؟
حسين:لا والله ..
نوال:انا نوال..
حسين:نوااال!!!
نوال:هو سؤال واحد...انت صدق تبي تملك؟؟؟
حسين:انشاء الله...
نوال:ومبسووط؟؟؟
حسين:ايه..
نوال:واناااا؟؟؟
حسين:انتي تزوجتي وشفتي حياتك..
نوال:بس تطلقت علشانك..
حسين:لا تقولين علشاني..انتي تطلقتي لان زياد مايبيك..
نوال:من قال ؟؟زياد يموت فيني..خفضت نبرة صوتها..انا تطلقت علشانك..
حسين:نوال رجااء مابيك تتصلين علي مرره ثانيه..
نوال:اسفه..وسكرت السماعه بوجهه..رمت الجوال بقهر...هييين ياحسيييييين تشوووووف...
العين بالعين..والبادي اظلم..


-------------------






صار لها يومين وهي على هالحاله ماتطورت ولا تقدمت..وهو مافارق المستشفى يخاف تقوم وماتلقاه..دخل المصلى صلى ركعتين وبعدين صار يدعي قرى بداية سورة الحديد ونهاية الحشر وبعدين رفع يديه(اللهم اني اسألك باسمك المخزون المكنون الطاهر المقدس الحي القيوم الرحمن الرحيم ذي الجلال والاكرام ان تصلي على سيدن محمد وان تشفي زوجتي ريم وتقومها لي بالسلامه وتجعلها قرة عين لي ييييارب ياارحم الراحمين)..**منقول من مفاتيح الفرج لترويح القلوب وتفريج الكروب{


بعدين راح للكوفي الي بالمستشفى وطلب قهوه صارله يومين ماياكل ماله نفس عيشته القهوه..حتى نوم ماينام..بعد ماشرب القهوه وتمشى شوي بالحديقه يبي يغير جو شوي اتجه لقسمها..شاف الدكتور طالع من عندها..
فهد:بشر ..
الدكتور:وهو يبتسم ابشرك..تقدمت حالتها شوي ..فيه امل انشاءالله.
فهد:الله يبشرك بالخير..اقدر ادخل لها..
الدكتور:ايه مافي مانع بس بدون صوت رجاء..
دخل عليها وتطمن....هو صحيح مالاحظ اي تغير او تقدم بس الدكتور ابخص..يارب لك الحمد والشكر..طلع من عندها وشاف جاسر جاي..
جاسر:بشر ماقال الدكتور شيء..
فهد:ابشرك الحمدالله الدكتور يقول تقدمت حالتها..
جاسر:جلس على الكرسي ورفع ايديه اللهم لك الحمد والشكر اللهم لك الحمد والشكر يارب تقومها لنا يارب..
-------------





كان يلبس ثوبه..
ناصر:حبيبتي..شفيك ؟؟
ليلى:مادري..بروح اشبك المبخره..كانت رافعه شعرها ذيل حصان ولابسه برموده ابيض وبدي مشجر بألوان صيفيه..وروج فوشي مع بلاشر وردي وكحل..مسكت علبة العود وفتحتها وخذت قطعه وحطتها بالمبخره سحبت السلك واتجهت لناصر علشان تبخره..
ناصر:مشكوره يابعد قلبي..وبعد ماطيبته..بتطلعين مكان اليوم؟؟
ليلى:ليش انت بتتأخر؟؟
ناصر:يعني على اربع او خمس العصر..مافي وقت محدد..
ليلى:يعني بتغدى لحالي..وجلست على الكرسي..
ناصر:وش اسوي طيب...ماتبيني اداوم؟؟
ليلى:بصراحه ايه تو الناس على الدوام..
ناصر:حبيييبتي انا صارلي شهرين ماداومت وحنا الحين داخلين على صفقات قويه والمفروض اكون موجود..ويرفع وجهها بايده..يالله ابي اشوف ابتسامتك...
ليلى:ابتسمت له من قلب..طيب حاول انك ماتتأخر..
ناصر:من عيووووني وطلع..
ليلى:احسن شيء اروح ارتب دولابي الحايس وانظم شوي الجناح..بدل جلستي الفاضيه...صارلها ساعتين وهي تحوس بهالجناح..بعد ماخلصت اخذت حمام بارد تكشخت وتعدلت ولبست جلابيه حمرا فيها عروق خضراء بخرت شعرها وحطت قلوس توتي ..صلت صلاة الضحى وبعدين اطلعت لجناح عبير..دخلت جناحهاولقتها ثلللج كأنها بالقطب الشمالي..وعبير مو متلحفه زين..قومتها..
عبير:همممم
ليلى:عبير قوووووووومي بسك نوم
عبير:وشو شتبين..
ليلى:قومي تكلميني وانتي مغمضه عيونك..
عبير:وشتفيدك فيه عيوني..؟؟لا يكون هي اللي بتتكلم؟؟
ليلى:عبييييييير
عبير:اففففف ها قمت قمت شتبين؟؟كان شكلها تحفه..شعرها منكوش وعيونها متنفخه
ليلى:ههههههه
عبير:وووجع الحين مقومتني علشان تضحكين علي..وترجع تنام..
ليلى:اسفه يلا قومي طفشت لحالي..
عبير:وين رجلك؟؟
ليلى:راح للشركة..
عبير:احسسسسسسن خليك علشان مره ثانيه تروحين معه وتتركيني لحالي اسهر..خليه يجلس معك الحين..
ليلى:عبوووره تدرين ان ناصر ماينقدر عليه...يالله عازمتك على الغدى..
عبير:طيب طيب وتقوم ..شافت شكلها بالمرايه والتفتت لليلى..الحمدالله والشكر الحين تضحكين على شكلي..طيب شيء طبيعي الواحد اذا قام يكون شكله كذا..وراحت تاخذ شور وتغير لبسها..طلعت من غرفة الملابس ومالقتها لبست عبايتها ونزلت ..شافتها تتفرج على التلفزيون..
ليلى:على وين؟؟
عبير:مو تقولين عازمتني على الغداء؟؟
ليلى:عازمتك بالبيت مو برى بعدين حنا تونا الساعه 11 اي غدى بهالوقت؟؟
عبير:تعرفين تنكتين..روحي غيري لبسك بنروح نشتري شوية اغراض للعزيمه وبعدها بتغديني ورجلك فوق رقبتك..مو انا اللي ينلعب علي..
ليلى:طيب انتظريني دقايق..غيرت ولبست عبايتها اخذت شنطتها وقبل ماتنزل..دقت عليه..مارد..ارسلت مسج ونزلت..

------------------------


 
 

 

عرض البوم صور ♫ معزوفة حنين ♫   رد مع اقتباس
قديم 24-12-11, 08:03 PM   المشاركة رقم: 17
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 





بالشركه..
ابو سليمان:انا بسافر ويروح معي ناصر..
ناصر:واناموافق..
ابو فيصل:خلاص دام ناصر بيروح ليش تروح انت يابو سليمان؟؟
ابو سليمان:انت تدري انها صفقة العمر ولازم اكون موجود..
سليمان:على العموم بنهاية هالشهر تسافرون جهزو انفسكم..وبيسافر معكم المحامي والاستاذ طلال والاستاذ ركان..واكيد السكرتير..
وصارو يتناقشون بامور الشركه ..صلو الظهر ورجعو..دخل مكتبه ومسك جواله شاف مكالمه لم يرد عليها ومسج..فتحها..
حبيبي..اسفه ازعجتك دقيت ولا رديت شكلك مشغول
على العموم بطلع انا وعبير نشتري اغراض للعزيمه
وبعدين بنتغدى برى..باشتاقلك..
اشوفك العصر..
ابتسم..وارسلها مسج..


بعد ماشرو بعض الاغراض قررو يتغدون بزي نودل..جلسو على الطاوله..
ليلى:اااه ياظهري..كله منك ..
عبير:والله انتي اللي صايره عجوز...قولي شتبين؟؟
ليلى:انا ابي جمبري..بالسمسم وابي رز وابي شوربه وابي..
عبير:ولا كلمه انا اللي اطلب..
ليلى:اجل وشوله تسألين..
..طلبت وسكتت ليلى..عبير محد يقدر عليها تمشي اللي براسها..عنييده..
ليلى:فتحت شنطتها وشافت مسج فتحته..
غدى العوافي حبيبتي..
احببببببببك.
ابتسمت..
عبير:وش مناسبة الابتسامه؟؟
ليلى:سر..دق جوالها..هذا خالد..الوو
خالد:يالخاينه ياناكرة العشره ياللي مالك خاتمه يالل..
ليلى:بسم الله شفيك؟؟شصاير؟؟
خالد:شفيني ؟؟انتي وين الحين؟؟والا مالك وجه؟؟
ليلى:انا بزي نودل..وبعدين انت بالدوام شلون تبيني اعزمك؟؟
خالد: ادري انكم بزي نودل..اكيد الخايسه معك..
ليلى:ايه الخايسه معي..وعلى طول عبير سحبت الجوال..
عبير:والله الخايس وجهك يابو كرش يالعانس ..
ليلى:فضحتينا قصري صوتك..
خالد:لا انتي يبيلك قص لسان..
عبير:والله موووووووت من القهر الحين بناكل ونشبع وبعدها بنام وانت اكرف
خالد:طيب..وفجأه انفتح عليهم الساتر وكان خالد..ويكش عليها..حشى مو لسان..المطعم كله يسمع صوتك..(كان جاي يتغدى بالمطعم شاف سيارتهم بالباركنج..فقرر يتصل وينرفز عبير علشان يستدل بمكانهم لان عبير صوتها عاااااالي)
عبير:كش انت شلون دريت اننا هنا؟؟
خالد:العصفوره قالتلي زحفيلي بجلس..
عبير:زحفتله..ناد للقرسون خليه يزود الطلبات..انت دب ماتشبع وبصراحه انا جوعانه..
خالد:عناد مرح ازود وموتي جوع يالعصلا..
------------------




ببيت ابو جاسم..
جالسين بالصاله..
نوره:يابنت الحلال..مسكت الخداديه وحطتها ورى ظهرها...هي كلها طلعه مايسوي لك شيء وانتي بعد خليك ذكيه..
غاده:لا اخاف افرضي يكذب علي..
نوره:مو علشان تعرفين لازم تقابلينه..اسمعي نصيحتي واستغلي الوقت يمكن عمي يرجع امك ويروح علينا كل شيء..
غاده:خلاص بكره بطلع معاه بس تجين معي..
نوره:وهي تبتسم..ماعندي مانع..وسمعو صوت ابو جاسم..
ابو جاسم:السلام عليكم
نوره:وعليكم السلام ورحمة الله وبركاته..احطلك العشاء ياعمي
ابو جاسم:مالي نفس كولو انتو
نوره:قامت وحبت راسه..واذا قلتلك علشان خاطري..ترى مارح اتعشى او احط شيء بحلقي الا اذا اكلت..روح غير ملابسك وتلقى العشى والم
ابو جاسم:الله يحفظك يانوره..حنونه طالعه على ابوك الله يرحمه..
نوره:لمعت عيونها..الله يرحمه..
---------------------






كانو يشوون بالحديقه ومستانسين ويسولفون ويضحكون..
ابو سليمان:وش سويتي ياعبير
عبير:حط ببطنك يبه بطيخه صيفي..كل شيء اوكيه بس مو ناقص الا اني ادق واعزم
ابو سليمان:اتفقتي مع الحلويات والمطعم؟؟
عبير:كل شيء يبه تطمن..
خالد:كل هالزحمه علشان ليلوه وانا محد فكر بس مجرد تفكير يسويلي عشاء خفيف بمناسبة نقلي؟؟
ناصر:انت الحين تقارن نفسك بليلى حرم ناصر؟؟
خالد:والله والكوبه..
ناصر:وشووووووو وكان بيقوم
خالد:اقصد والنعم..
عبير:افا ياخالد طحت من عيني هذا وانت ضابط يعني قوي..تخاف من ناصر...راحت الرجااال..وصارت تصفق يد بيد..
خالد:الاعتراف بالحق فضيله..ناصر وفيصل ماينقدر عليهم..
ناصر:صار يستعرض عضلاته..
عبير:صدق انك مخفه...
ليلى:عن اذنكم..
ابو سليمان:شفيك ياليلى شكلك موطبيعي..
ليلى:لا بس راسي شوي يعورني..باخذ بنادول وارجع...
ناصر:قام معها ومسك ايدها..
خالد:وانت ليش رايح معها؟؟
ناصر:عطاه نظره سكتته..
وراحو لجناحهم.اول مادخلو
ناصر:بغير لبسي وانتي البسي عباتك..
ليلى: وهي تجلس على اول كنبه ..ليش؟؟
ناصر:انتي شكلك تعبانه امشي نروح للمستشفى..
ليلى:حبيبي مايحتاج باخذ بنادول واطيب..
ناصر:ليلى البسي عباتك وامشي..
ليلى:صدقني مافيني حيل خلها بكره واذا ماصرت زينه نروح للمستشفى..انا باخذ بنادول وبنام..قامت وراحت لغرفة الملابس غيرت لبسها ولبست بجامه اكلت بنادول ونامت..
في الحديقه..
خالد:شفيهم ذولي تأخرو؟؟
ابو سليمان:خلهم على راحتهم..سمو بالله وكولو
عبير:انا بقيت لهم..
ناصر:سمع اخر كلمه...مايحتاج ليلى نامت..واكل معهم
---------------






الشرقيه..
يعني ايش؟؟
الدكتور:مثل ماقلتلك يعني بتصير بالعنايه المتوسطه وكلها ايام وباذن الله تطلع..
فهد:بشوفها..
الدكتور:بتشوفها من القزاز لان الدخول ممنوع اليوم..
شافها وتطمن..طلع من المستشفى وراح للسوق يشتري له لبس لانه من العجله مااخذ شنطه معه..اشترى اللي يلزمه وراح للفندق اخذ سويت تحمم وحلق وضبط شكله..اليوم هو سعيد ومستانس..الحمدلله لك يارب..شاف السرير وماقدر يقاوم النوم ...صارله ايام مانام؟ وقبل ماينام ارسل مسج لميساء يبشرها..
ميساء:جاها المسج وفرحت علمت امها..
ام فهد:الله يبشرك بالخير..دقي عليه
ميساء:دقيت ومارد..يمه بروح للسوق اشتري للعزيمه
ام فهد:خلاص بعدالعصر بكره نروح..

---------------------






قامت الصبح بدري ...تسحبت من السرير بهدوء..شافت وجهها بالمرايه وخافت..
ليلى:بسم الله..شفيه وجهي اصفر...اكيد من قل الاكل..اخذ شور اتنشط.. وبعدين ابلع قبل مايقوم ناصر ويسويلي سالفه...مرت ساعة ..وجهها مازال اصفر ..ياربي ماخليت شيء ماشربته ومااكلته افف بطني امتلى..شسوي ياربي؟؟بحط مكياج واشوف..
بعد ماخلصت مكياج...كذا الحين اقدر اقوم ناصر..


على الفطور
ابو سليمان:شلونك اليوم يابنتي؟؟
ليلى:الحمدالله..
ناصر:متأكده ماتبيني اوديك للمستشفى..
ليلى:لا مايحتاج..انا زينه مافيني شيء..
ابو سليمان:عبير وينهي؟؟
ليلى:عجزت اقومها..شكلها سهرانه ..وتشرب الحليب..وتخلصه وترجع تشرب الكوب الرابع..
ابو سليمان: ابتسم..الحمدالله..انا قبل لاروح للشركه في عندي شغيلات اخلصها والقاك هناك..
ناصر:كان محرج من ابوه..انشاء الله...وبعد ماراح ابوه...ليلى شفيك؟؟كان قصده على الاكل
ليلى:ونزلت الكوب بعد ماخلصت..وبكل براءه..شفيني؟؟
ناصر:ابتسم لها..مافيك شيء بس انتبهي لنفسك تامرين على شيء..
ليلى:سلامتك..ولا تتأخر زي امس..
ناصر:من عيوني..
ليلى:تسلم عيونك..وتمشي معه لين وصلته الباب..انتبه لنفسك
ناصر:مع السلامه
ليلى :بحفظ الله..سكرت الباب..اه يازين النوم ورجعت نامت..
---------





بطريقه للدوام..
اتصل عليها..
سليمان:الوو
نها:هلا بهالصوت..كيفك؟؟
سليمان:مشتاق..
نها:اذا مشتاق ليه ماتمرني مسويتلك فطور يهبل
سليمان:لا بمرك على الغدى..شلون عمي وعمتي؟؟
نها:الحمدالله كلهم بخير ويسألون عنك؟؟
سليمان:بس هم اللي يسألون؟؟
نها:وقلبي يسأل..حبيبي وحشتني
سليمان:وانتي اكثر..حبيتي مع السلامه
نها:انتظرك على الغدى
سليمان:انشاء الله ...
سكرت منه وسرحت ..الى متى وانا عايشه هالعيشه..انا لقيت اصلا غيرها علشان ارفضها..بس سليمان مافي زيه لو تستمر حياتي بهالطريقه طول العمر انا موافقه..اهم شيء اكون معه..
ام نها:بيزورنا اليوم؟؟
نها:ايه ..بروح اجهز الغدى وبعدين اجهز نفسي..
ام نها:الا بيت ال...كأن فيه احد ساكنه
نها:يمه تلقينهم الخدم ..
ام نها:لا يابنيتي الخدم عمرهم ماولعو كل هالانوار..
نها:والله مادري..

 
 

 

عرض البوم صور ♫ معزوفة حنين ♫   رد مع اقتباس
قديم 24-12-11, 08:04 PM   المشاركة رقم: 18
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

الجزء السادس
(صدف....)




غدير:
قمت من النوم متأخر...اكيد امي راحت للدوام..شسوي الحين؟؟نزلت افطرت..قريت الجرايد..ياربي ملل...ومالي خلق نت..احسن شيء اطلع اتمشى بالسوق اصلا في اغراض ناقصتني..مسكت التلفون ودقيت على امي..
ام جاسم:صباح الخير يالكسلانه..
غدير:صباح النور..
ام جاسم:قولي شتبين بسرعه لاني مشغوله..
غدير:بروح للسوق بشتري لي اغراض..
ام جاسم :طيب بس انتبهي لنفسك..
غدير:لاتوصين حريص..مع السلامه..وبسرعه رحت غيرت ملابسي ..ولبست عبايتي.. اخذت شغاله ورحت للسوق..
وبعد مافرفرت واشتريت اغراض لازمتني..
مريت المطعم علشان أتغدى..
شفت سيارتهم..معقوله الزفتات يكونون هنا..اففف ..
غدير:قلت للسواق..روح مطعم ثاني ينعاف المطعم اللي هم فيه..
وقبل لايحرك شفتهم طالعين مع واحد بعدين سلمو على بعض
وركبو سيارتهم وهو راح لحاله..
نوره:شرايك فيه؟؟
غاده:ماادري انتي شرايك؟؟
نوره:وانا شدخلني انتي اللي بتتزوجينه..
غاده:مبدئيا زين..وتفك غطاها(ولا كأن السايق رجال)..يعني حسيته صادق..
بس كأنه تضايق يوم رفضت اطلع معه
نوره:وانتي الحين مو طالعه معه؟؟ شهالتناقض؟؟(كانت تقولها بنبره ساخره)
غاده:فيه فرق بين اطلع معه بمكان فيه عالم ومكان مافيه احد..
نورههزت راسها)ايه يعني انتي تبين العالم علشان تنفضحين..يابنت اطلعو بمكان مافيه احد علشام تنسترون..افهمي
غاده:رايك كذا؟؟
نوره:ايه..
غاده:خلاص موافقه
نوره:ابتسمت ابتسامة نصر..(خطوه تجر خطوه..وانتقام يجر انتقام..وبتشوفون ياعيال عمي)
-------------




المستشفى
مؤيد:يعني؟؟
فيصل:قلتلك امي عزمتها وقالت ارد خبر..وليومك هذا مادقت علينا..انا اقول نقولها مؤيد يبي يشوفك
مؤيد:لا لا اخاف يزل لسانها عند هالظالم وتروح فيها..خلاص متى ماجتكم اشوفها..مالي الا الصبر..اسف عطلتك عن شغلك..
فيصل:شوووي
مؤيد:طيب خلنا نشوفك..مع السلامه..
فيصل:الله يعينك..ويكمل شغله...
بعد عشر دقايق..
يسمع طق الباب
فيصل:تفضل
نسرين(الممرضه):اسفه على الازعاج..وتمدله الملف
فيصل:شكرا تقدرين تتفضلين الحين..
نسرين:بس انا ماعندي شغل
فيصل:نعم؟؟(مستغرب من وقاحتها)
نسرين:بجلس وماازعجك..
فيصل:طيب اتفضلي(واشر على الكرسي)
نسرين:ابتسمت..وجلست
فيصل:وش تشربين؟؟
نسرين:اي اي شيء(ماكانت مصدقه)
فيصل:عصير احسن..وبعد ثواني جاء العصير ونسرين شربته كله
لان اللي طالبه فيصل ولاول مره بحياته
فيصل:ابي اتكلم معك بموضوع خاص شوي ..ولمصلحتك
نسرين:انا كلي لك..
فيصل:اول انا كنت اشك... الحين انا متأكد ميه بالميه..نسرين انتي حالتك بدت تطور
انتي فعلا مريضه نفسيه..انا بحولك للدكتور عبدالله لانه هو متخصص ويفهم اكثر مني...
صدقيني هذا الشيء لمصلحتك..
نسرين:قامت من الكرسي وضربت الطاوله بايدها..انت حقير وواطي والمريض هو انت..
فيصلرجع الكرسي على ورى وحط رجل على رجل)عادي قولي اللي تبينه مقدر حالتك..
نسرين:وتعض على اسنانها من القهر..هين هين يافيصل الزفت ان ماوريتك
فيصل:هييي انتي تراك طولتيها كلمه زايده بوريك شغل الله..
يلا برى
نسرين:بدفعك الثمن غالي..وتصفق الباب
فيصل:افففففف فكه...ههههه اما شكلها تحفه..تستاهل الغثيثه ماينفع معها الا هالاسلوب..
-----------




في منزل ام جاسم..

رجعت من الدوام..لقتها بالصاله سرحانه..وقفت قدامها..
ام جاسم:الحلو بمين سرحان؟؟
غدير:يمه متى جيتي
ام جاسم:صارلي خمس دقايق..تغديتي؟؟
غدير:لا ماكن لي نفس..
ام جاسم:ليش؟؟
غدير:ماادري..
ام جاسم:قوليلهم يسولي عصير بروح ابدل ملابسي وراجعتلك..

غدير:

طلبت منهم يسوون عصير..وقعدت افكر ماادري اقول لامي باللي شفته ولا لاء؟؟
سمعت صوت..بعدين كل ماله يرتفع..
غدير:شسالفه؟؟طلعت لمصدر الصوت ولقيت رجال يتهاوش مع المزارع..
فرحت من قلب..واتجهت له.. وهي من وراه..
غدير:حيالله خالي..
التفت لها..وهو مستغرب..
غدير:عرفت انه مستغرب..صارلنا ايام هنا تعال معي علشان افهمك الموضوع..
دخل معها داخل البيت..
غدير:تفضل..خالي شفيك ساكت؟؟
الخال:حاس ان عندك مصيبه..صاير شيء؟؟
غدير:طيب اجلس علشان اقدر اقولك..
الخال:جلس...شفيه؟؟
غدير:شيء بسييييط جدا..انت تدري بالمشاكل اللي كانت بين امي وبنت عمي...
الخال:ادري..بس شعلاقة هالمشاكل بوجودكم هنا؟؟؟
غدير:والدي العزيز طلق امي الغاليه علشان بنت اخوه..وبس.
الخال:ايييش؟؟من متى وليش ماقلتولي؟؟انتم عاديني غريب؟؟
غدير:مو القصد بس انشغلنا من جد..خالي لا تزعل مو منزين الخبر علشان نبشرك فيه..خاااااالي لاتزعل..
دخل عليهم من غير ماينتبه لغدير..
ركان:يب....وطلع برى المجلس على طول..
الخال:مانتبه لولده المشكله ماخذه كل عقله..
غدير:بروح اجيب لك القهوه والبس طرحتي..وطلعت مع الباب الخلفي قلت للخدم يسوون قهوه وطلعت فوق لبست طرحتي ومريت على امي..
ام جاسم:متى جاء؟؟
غدير:قبل شوي..
ام جاسم:معه احد؟؟
غدير:معه ركان..
ام جاسم:
حسيت بقلبي يرجف..اخذت الشباصه وجمعت شعري.. ونزلت مع غدير..

حبت راس اخوها..
ابو ركان(الخال):طالعها بنظرة عتب..كل هذا يصيرلك ولا تقولين..
ام جاسم:اللي صار صار..وانا اسفه و..
الخال:قطع كلامها..لاتعتذرين...وقام
ام جاسم:على وين؟؟
الخال:يهمك..وطلع..
ام جاسم:جلست على الكنب..يعني انا ناقصه..
غدير:يمه بعد حنا غلطنا..وخالي مصيره بيرضى تعرفينه طيب..بس هو شرهان
ام جاسم:ادري اني غلطانه..بس كنت مقهوره من اللي سواه ابوك ولهيت ونسيت اقول لخالك..
غدير:نسيتي ولا تناسيتي؟؟
ام جاسم:مااادري ماااااادري...
غدير:يمه انتي بترجعين لابوي؟؟؟
ام جاسم:غدير لو تنطبق السماء على الارض مو راااجعتله..وطلعت لغرفتها متنرفزه...
غدير:وبقلبها..يعني اليوم مافي امل اقولها عن اللي شفته..
-----------------------------

 
 

 

عرض البوم صور ♫ معزوفة حنين ♫   رد مع اقتباس
قديم 24-12-11, 08:04 PM   المشاركة رقم: 19
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 




كانت طالعه معاه للعشى..
ياربي هذا وقته..راسي يعورني ودايخه مااقدر ارفع راسي زياده..بعدت الصحون
اللي قدامها ونزلت راسها..
ناصر:خاف عليها..ليلى فيكي شيء؟؟
ليلى:دااايخه
ناصر:شالها وراحو للمستشفى غصبا عليها..
ناصركانو ينتظرون التحاليل)..لو انك طايعتني ورايحين للمستشفى من زمان ماصار اللي صار..
ليلى:ناصر..
ناصر:عيونه
ليلى:ابي انام..
ناصر:الحين نرجع البيت بس ننتظر النتيجه..
ليلى:خلها بكره انا تعبانه..ابي انام..وجت الدكتوره
ناصر:طمنينا
الدكتوره:اتطمن اتطمن..المدام حامل..
ليلى:صحصحت..اي اي ايش؟؟
ناصر:متأكده اني حامل(من الفرحه صار يلخبط بالكلام)
الدكتور:هههه مالكم مش مسدأين..المدام حامل..بس فيه حاقه لازم تنتبهولها..
المدام في الشهر الاول ولازمها الراحه النفسيه..ولازم تنتبه على اكلها..علشان تحافظ على الجنين..انا حكتبلها مقويات...

طلعو من المستشفى ومرو الصيدليه ورجعو للبيت والصمت كان سيد الموقف..طلعو لغرفتهم غيرو ملابسهم ..ارتاحت على السرير..وهو جلس على الكنب وكلهم ساكتين..وبعد مده..
ناصر:انا بصير ابو..
ليلى:وتمسح على بطنها..وانا ام وتبتسم..
ناصر:جلس جنبها على السرير..وحط اذنه على بطنها..
ليلى:تسمع شيء؟؟
ناصر:لاء..يرفع راسه ويمسك ايدها..مبرووك علينا حبيبتي..
ليلى:الله يبارك فيك..مبسوط..
ناصر:الا طاير من الفرح..تدرين ليش؟؟
ليلى:ليش؟؟
ناصر:لانه منك...لانه في غير الحب بيجمعنا..
ليلى:قول امين
ناصر:اميييييييييين
ليلى:الله يبارك لنا بذريتنا ..حبيبي لحد يدري اني حامل..
ناصر:ليش؟؟
ليلى:امي تقول الوحده ماتعلم بحملها الا
اذا كانت بالشهر الثالث علشان يثبت الحمل..
ناصر:وانتي انتبهي بعد على اكلك ولا تعبين نفسك..الخدم مالهم حاجه
ليلى:انشاء الله..
------------------





ركبت السياره وسكرت الباب..
شيخه(اخت نوال الكبيره):والله ماصدقت يوم قلتيلي بمرك..
نوال:وليش انشاء الله..
شيخه:وشو اللي ليش؟؟انتي اقل شيء تسوينه انك ماتحضرين ملكتهم..مو هذا حسين اللي ازعجتينا فيه..
نوال:اذا ماحضرت بخليهم يتشمتون فيني..مالت عليه وعلى اهله الخايسين يحمدون ربهم اذا وافقت عليهم..اصلا هم من يناسبهم ..طلع ابوي معه حق يوم رفضهم..
شيخه:ليتك سامعه كلامنا قبل ماتتطلقين
نوال:شيخه رجاء لا تفتحين هالموضوع معي مره ثانيه اللي فيني مكفيني...المهم اي سوق نروح؟؟
شيخه:وش سوقه انتي الثانيه..بنروح للمصممه...عندها اشياء جاهزه وحلووه..
نوال:ابي فستان يهببل ابي اكون احلى وحده بالملكه..
شيخه:لا تخافين بتكونين احلى وحده حتى لو لبستي خيشه..انتي مشاءالله عليك حلووه..
نوال:ماجبتي شيء جديدههههه...
--------



في بيت ابو فيصل..

دخل غرفته وهو معصب..افف من هالخالد يوم بغيته مالقيته دايما طالع برى..
الحين امي شلون بتقتنع..لحووول شقولها؟؟اشوى ان ابوي نايم..
ولاصدق غسل شراعي..ادق على هالزفت احسن لي..دق مره مرتين ولارد..
اففف ادق على زياد مافي غيره..دق عليه ولا رد..
انا اليوم حظي زفت..لا يكون نسرين داعيه علي..
سمع طق الباب..فتح الباب..
فيصل:نعم؟؟وكان متضايق..
محمد:ياخي المفروض مايقبلون بالطب الا اللي يفتحون النفس..
مومثلك يالكئيب..
فيصل:بدت الفلسفه..(سند راسه على الباب)قول شعندك؟؟
محمد:ابي كتاب العادات العشر..
فيصل:ادخل لمكتبي ودوره مالي خلق ادور...محمد دخل المكتبه وفيصل طلع للبلكونه
وبعد ساعه
محمد:افف اخيرا لقيته..طلع وشاف فيصل بالبلكونه..راح له ووقف جنبه..
امي مو مقتنعه الا اذا قلتلها السبب الحقيقي..
فيصل:اتفاجأمن محمد..انت شتخربط شتقول؟؟
محمد:اقوووول امي مارح تقتنع انك ماتبي تتزوج ميساء الا اذا قلت السبب الحقيقي..
فيصل:عارف وداري..ماتشوفني مبتلش..
محمدبعد هالكلمه تأكد محمد ان في سر بين فيصل وميساء)شوف مو لازم تقول السبب الحقيقي بس قولها سبب انت مقتنع منه..
مثلا قول انها ماتناسبك..وهي بصراحه ماتناسبك دلوووعه مره ومايمزح معها..
فيصل:وانت شدراك؟؟
محمد:انا اللي ادري..وبعد انت خلك ذكي ..اجل في واحد يقول مايبي يتزوج علشان يصرف البنت..
فيصل:اجل شتبيني اقول؟؟
محمد:قول ابي اتزوج بس مو ميساء..اذا سألوك ليش قول ماتناسبني..اخطبولي غيرها
وتبي رايي اخطب عبير بنت عمي هي اللي تناسبك
فيصل:صاير خطابه..اقول ترى عطيتك وجه فارق عن ووجهي
محمد:مشكور ويجي منك اكثر..وطلع وترك فيصل يفكر بكلامه..
------------



الشرقيه


الضيقه..
الحال في غيبتك تصعب على الكافر..
لوقلتلي شلون؟؟اقول الله من الضيقه..
القلب مسكين عقبك يكسر الخاطر..
يارب وشلون شااالنه معاليقه..
ياكثر من قال لي اصبر يجي باكر..
ياعلهم للعما فرقاك ماطيقه..
اروح فدوة لخاطر شعرك الثاير
اللي سواده مثل حظي وتوفيقه..
هي ضيقة الصدر والا ضيقة الخاطر..
والله مدري ولكن ضيقه بضيقه..(منقول)



لبس الكمام ودخل..كان بداخله يدعي انها تفوق..مسك ايدها البارده وضغط عليها..
كأنه يبي ينبها انها موجوده..همس باذنها..
فهد:قومي لو ثانيه بس علشاني...حاولي حاولي..
مالقى اي تجاوب منها..صار يقرى عليها القران..
دخلت عليه الممرضه وطلبت منه الخروج..
شد على ايدها مره ثانيه..
فهد:لا تخليني ياريم..انا من غيرك ولاشيء..تحررت دمعه من عينه..
مسحها وحب جبهتها..بتكونين بخير بحول الله..بس انتي حاولي..
وطلع من العنايه... ولا انتبه لايدها اللي تحركت..


قابل الدكتور..
فهد:خير طمني؟؟
الدكتور:خير انشاء الله..بس حبيت اعطيك خبر انه مافي تجاوب لحالتها..
فهد:يعني ايش؟؟دكتور الله يخليك اذا فيه مكان ثاني تتعالج فيه انا مستعد..
الدكتور:لا لا مو لهالدرجه...بس انا اعطيك خبر لانه احتمال تطول بالعنايه..استجابتها جدا بطيئه..
فهد:يعني ؟؟
الدكتور:وكل امرك لله...عن اذنك..
جلس على الكرسي..موقادر يوقف..
حس ريقه ناشف ومو قادر يتكلم..انتبهت له الممرضه
خير اخوي فيك شيء..؟؟
فهد:اشرلها انه موقادر يتكلم..
الممرضه:نادت وحده معاها وشالوه لغرفة الكشف..
الدكتور:محتاج مغذي..انت مرهق جدا ومحتاج راحه
حطوله المغذي ونام..
------------------------



الرياض..
بعد الغداء..
في منزل ابو عهود..


طالعت شكلها بالمرايه..وابتسمت لنفسها..
عهود:هين يانصور تشوف وش بسوي فيك اليوم..
راحت لدولابها وصارت تدور لها لبس يناسب العزيمه
دق جوالها وردت..
عهود:الوو
عبير:عهود بدون نقاش تعالي الحين الحييين
عهود:ليش؟؟
عبير:الشغل وااااااااجد وادق على خالتي ماترد..
عهود:طيب طيب..خلاص ساعه واكون عندك..
عبير:سي يو..
عهود:رمت الجوال على السرير..نهايتك قربت يانصور..
تحممت واخذت اللي بتلبسه معها وكل اغراضها
حطتهم بكيس..خذت عبايتها ونزلت...
نادت الشغاله تحط اغراضها بالسياره..وراحت لامها
عهود:يمه ماتبين تروحين معي؟؟
ام مؤيد:لا روحي انتي وانا الحقك..ابنتظر ابوك يجي..
عهود:طيب براحتك..ركبت السياره وراحت لمحل حلويات ...
نزلت تختار الحلويات والفطاير ومعها الشغاله..


دخل المحل وطلب طلبيه باسم ابو سليمان..
ماكانت منتبهه له ولا للاسم..اخذت اللي تبيه وحاسبت وطلعت
كان جالس بالسياره والعمال(اللي يشتغلون بالمحل) يركبون الطلبيه..
انتبه لها يوم طلعت..لان الشغاله معها اربع صياني حلا..
خالد:شفي العالم اليوم محتفلين؟؟
بعد ماخلص ودفع الحساب حرك سيارته واتجه لبيت عمه..
وقف سيارته قريب من باب المطبخ..علشان ينزلون الاغراض بسرعه
ومشى للحديقه الخلفيه علشان يلعب مع ناصر وسديم..

 
 

 

عرض البوم صور ♫ معزوفة حنين ♫   رد مع اقتباس
قديم 24-12-11, 08:05 PM   المشاركة رقم: 20
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

بالصاله..
بعد السلام
عبير:كلفتي على عمرك..
عهود:لا كلافه ولا شيء..وين العروس؟؟
عبير:العروس مسكينه حابسها ناصر علشان ماتشتغل معنا..
جلست عهود:ناصر هنا؟؟
عبير:لا بالشركه..بس مقفل عليها وحالف بعد ومعطي شغالتها
المفتاح علشان توديلها الاكل بس..مدلعها وحنا كارفنا..
دخلت عليهم سلمى مبتسمه
سلمى:عاش من شافك يالقاطعه..وينك مختفيه؟؟
عهود:وهي تسلم عليها..والله دايما انتم في بالي..انتي شخبارك؟؟
سلمى:بخير لما شفتك..خالتي وينهي؟؟
عهود:ابوي ماجاء من الدوام جلست تنتظره..
عبير:انتي وياها خلاص يكفي هذره ورانا شغل..
عهود:غرفتك مفتوحه؟؟
عهود:ايه روحي حطي اغراضك وتعالي..
طلعت لغرفة عبير ومرت من عند جناح ناصر..
عهود:جعلك ماتتهنى ياناصر..ودخلت غرفة عبير
--------


بعد مالعبو واستانسو..
شال كل واحد بيد وهم يصارخون ويضحكون..
دخل على البنات بالمطبخ
سلمى:خالد انتبه لا يطيحون
خالد:يبي يرفع ضغط سلمى..يرفعهم فوق وينزلهم..كأنهم اثقال
سلمى:خالد الله يعافيك..نزلهم
عبير:اخس اخس اثرك قوي منت بسهل..اشوف ورني استعراض ثاني
سلمى:عبييييييير ترى بيصدقك الحين..وتلتفت لخالد..بليز نزلهم
خالد:بشرط..
سلمى:امر تدلل..
خالد:تحطيلي الحين صينيتين حلا
عبير:لا والله هذ الناقص..اقول ورنا مقفاك..
سلمى:اعطيك اللي تبي..نزلهم
خالد:حطيهم الحين قدام عيوني..وتشيلينهم تودينهم غرفتي علشان اضمن محد ياخذهم..
عبير:طرار وتشرط اقول روح بس..
سلمى:عبير بلا نذاله
عبير:يابنت الناس هذا شخص انتهازي وبعدين مو مسوي لعيالك شيء..
خالد:طيب خلا ص مو مسوي شيء بس اذا طاحو مع الدرج لا تلومون الا انفسكم وطلع من المطبخ وصقع بعهود
عهود:حطت طرحتها على وجهها..
خالد:اااسف مانتبهت..ونزل العيال
سلمى:ليتك جايه من زمان ياعهود..فكيتيني من الانتهازي وتاخذ عيالها..
خالد:هذي عهود بنت خالتي..كيفك وكيف خالتي
عهود:الحمدالله كلنا بخير..
خالد:خالتي فيه؟؟ابي اسلم عليها
عهود:بعد شوي بتجي..
خالد:ويلتفت لسلمى...انتي مصيرك بترجعيلي وطلع لغرفته يريح
عبير:دائما هالولد خسران...عهود شفيك نزلي غطاك خالد راح..
عهود:طيب وتنزل غطاها ويشتغلون...
---------------------------



في المستشفى ..
بالبريك..جالسين بالكافتريا..
زياد:لاوالله مستحي..لو العزيمه ببيتكم كان مافي مشكله ..مره ثانيه
فيصل:عاد انا مو ملزم تبي تجي حياك موجاي بكيفك
زياد:بل عليك ماصدقت انت وهالوجه..بجي انشاء الله
فيصل:ماشفت مؤيد؟؟
زياد:كأني لمحته بس مو متأكد..بس اللي متأكد منه ان السكنيه وراك..
فيصل:لا تقول..وراي وراي..هي من ايش مخلوقه ماينفع معها شيء
زياد:انت شسويت علشان ينفع معها؟؟
فيصل:بلاك ماتدري..هذاك اليوم جتني وقلتلها انك مريضه نفسيا
زياد:ههههه ..وش سوت
فيصل:بغت تذبحني..اقول قوم ندور مؤيد بدل جلستنا
زياد:قول انك خايف منها وبتنحاش
فيصل:هذا الناقص اخاف من مره..
زياد:ايه مصدقك..


هيا(ممرضه):شوفيهم قامو
نسرين:بكيفهم..وش تشربين؟؟
هيا:كوفي..
نسرين:لو سمحت...2 كوفي
هيا:شفيك؟؟
نسرين:مافيني شيء..قوليلي انتي شمسويه؟؟
هيا:ابد..امس جاني ولدي خلاه يقعد معي ساعه وخذاه..لو تشوفين اثار الضرب اللي بايده
حسبي الله عليها من مره..
نسرين:انتي المفروض ترفعين قضيه..وتصير الحضانه لك..
هيا:انطر يا...يماما على مابال يرفعون القضيه يمدي جروحه طابت ويمدي الولد يكبر ويعرس بعد..
نسرين:لهالدرجه؟؟
هيا:خليها على الله..
-----------------------------



في جناحها الفخم..
طلعت من الحمام(الله يكرمكم) وكانت لابسه روب ولافه شعرها
تمددت على السرير...
مسكت جوالها اللي كان جنبها..شافت 5 مكالمات وكلها من ناصر..
دقت عليه ..وعطاها مشغول..
ليلى:يمكن مشغول..غمضت عيونها..ورن تلفون الغرفه..
ردت..الووو
ناصر:يابعد قلبي ياراعية الالو..كيفك
ليلى:بخير ياجعلك بخير..
ناصر:عسى ماتعبتي اليوم؟؟
ليلى:ههه اي تعب الله يهداك وانت مقفل علي..
بس الله يستر من عبير..
ناصر:خليها تولي..هذا الناقص بعد..المهم تحسين بتعب؟؟
ليلى:كلوه تمام لا تشيل هم..والحين بتجي الكوفيره...
ناصر:زين..ايه صح..الجوال قفليه ترى يضر الحامل..
ليلى:مولهالدرجه..
ناصر:طيب خففي استعمالك له..استعملي التلفون..
ليلى:طيب متى تجي؟؟ترى مت من الزهق..
ناصر:دقايق وانا عندك..مشتهيه شيء؟؟
ليلى:لا..
ناصر:مع السلامه..
سكرت السماعه من هنا وسرحت بأفكارها..
ليلى:ااااه ياناصر علقت قلبي فيك ..دايما اقول ان الزوج مستحيل يحب زوجته لهالدرجه ..ماكنت اشوف هالشيء الا بالروايات...حتى سلمى وسليمان..صحيح يحبون بعض بس مو مثل حب ناصر لي...فديييته مافي احد زيه..
سمعت احد يطق الباب..
ليلى:ادخل..
دخلت الشغاله وبلغتها ان الكوفير جت..
ليلى:اوكيه خليها تدخل...

----------------

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة انشوده المطر, ليلاس, المطر, القسم العام, القسم العام للروايات, الكاتبة انشودة المطر, انشودة المطر, انشوده, انكساري, روايات, روايات مميزة, روايات انشودة المطر, روايات كاملة, رواية انكساري, رواية انكساري لانشودة المطر, رواية انكساري كاملة, روايه انكساري كاملة, روايه كاملة, قصص و روايات القسم العام, قصه كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:12 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية