كاتب الموضوع :
مجروح مالي روح
المنتدى :
القصص المكتمله
دواك عندي و الأظلم دايم البادي !!
.
.
الساعه 8 الليل
في المزرعه
كانوا الشباب طالعين يتمشون في المزرعه ما عدا طلال اللي كان نايم
و حاولوا يقعدونه بس الأخ نومه ثقيل مرررره بعد كذا قام طلال من النوم و نزل للديوانيه يحوس على القنوات في التلفزيون
( طلال كان لابس بجاما حرير أسود مفتوح عند جهة الصدر بارز عضلات جسمه عيونه مثل عيون شوق أخته نعسانه
و كان يهتم بلوك شعره الأسود مسوي سبايكي بالجل بشرته حنطيه مايله للبرونز )
طفش من التلفزيون و راح للمطبخ يسوي له كابتشينو و هو يغني أغنية عمرو دياب
حبيبى يا نور العين يا ساكن خيالى
عاشق بقالى سنين ولا غيرك فى بالى
حبيبى يا نور العين يا ساكن خيالى
عاشق بقالى سنين ولا غيرك فى بالى
حبيبى حبيبى حبيبى يا نور العين
حبيبى حبيبى حبيبى يا نور العين
حبيبى حبيبى حبيبى يا نور العين
حبيبى حبيبى حبيبى يا نور العين
يا ساكن خيالى
أجمل عيون فى الكون أنا شفتها
الله عليك الله على سحرها
أجمل عيون فى الكون أنا شفتها
الله عليك الله على سحرها
عيونك معايا عيونك كفاية
عيونك معايا عيونك كفاية
حس إن في أحد دخل المطبخ و على طول طلع استغرب طلال من الموضوع و على طول طلع يشوف من ذا ؟؟
شافها بنت تسرع في الدرج و شاف إنها لابسه بجاما برمودا ورديه
خذ الكابتشينو من المطبخ و جلس على الأريكه كان يتابع مباراه أجنبيه على قناة A R T الرياضيه
و طلع شرط من تحت مكتوب فيه اليوم في الساعه 9 مساءاً مباراه بين الهلال و النصر
تحمس طلال
و مسك الجوال و اتصل على خالد ولد عمه
توت ... توت ... تيت
رد خالد : ألو
طلال : ألو هلا خالد وينك اللحين ؟
خالد : أنا مع الشباب نتمشى برا في المزرعه
طلال : أهااا المهم تعالوا بعد اشوي مباراة بين الهلال و النصر
خالد : أحلف
طلال : و الله تعالوا قبل ما يبدأ الشوط الأول
خالد : أوكي
طلال : يلا باي
خالد : باي
و دق جوال طلال
رد طلال : ألو
أفنان : أهلين طلال
طلال متسند على الاريكه : هلا نعم وش تبين ؟
أفنان : طلول أنا مع البنات طفشانيين ودنا المطعم
طلال : أنا مو فاضي لكم
أفنان : ليه ؟
طلال : اليوم مباراة الهلال و النصر
أفنان و هي متحمسه : أحلف
طلال : و الله
أفنان : ياااااي أجل أنا و البنات بنتابع البنات في الديوانيه
طلال : لا حنا الشباب بنتابع المباراه في الديوانيه
أفنان : ما في تلفزيون غير تلفزيون الديوانيه
طلال : طيب وش الحل ؟
أفنان بخبث : الحل بسيط
طلال : وش هو ؟
أفنان : أنتوا تابعوا المباراه و جلسوا قدام و حنا البنات وراكم عشان ناخذ راحتنا
طلال : فكره حلوه
( طبعاً طلال وافق عشان يبي يعرف مين صاحبة البرمودا الورديه من باب الفضول )
أفنان : أجل بننزل بعد أشوي
طلال : أوكي
وقف عشان يشوف شكله في المرايا في خاطره (لازم أعدل نفسي قدام الغاليه)
و دخلوا الشباب
تركي كان لابس بلوزه كات حمراء و بنطلون أسود جينز و كاب لونه أسود و أحمر و مبين طول شعره لوكه مرره كول
نايف لابس بنطلون جينز أزرق و بلوزه بيضاء مكتوب عليها كلام انجليزي بالأسود طالع جنان عليه
خالد و ناصر هو الوحيدين ما بين عيال عمهم لابسين الزي السعودي ثوب أبيض و شماغ أحمر طالعين رزه و كشخه
سعود لابس بنطلون بيج جينز و بلوزه بنيه مرسوم عليها بالبيج و كاب تعود على البدل بحكم دراسه في بريطانيا طالع شيك
سلطان لابس برمودا جينز جيشي و بلوزه كات عشبيه و كاب طالع كووووول
<< اللي يشوفني كأني شايفتهم خخخ
سعود قام يصفر : شباب شوفوا طلال بملابسه كأنه واحد داخل على زوجته في يوم الدخله
التفتوا عليه الشباب و قاموا يضحكون عليه : هههههههههههههههههههههههههههه
طلال : ها ها ها بايخه
ناصر : هههههه صاير شيي
تركي : خخخخ و أنت الصادق صاير نكته
طلال : أقول تلايطوا أحسن لكم
في ذاك الوقت نزلوا البنات بعباياتهم و كل الشباب مستغربين
أفنان : يؤؤ وش فيكم نبي نتابع المباراة معكم
سلطان جاته الفرصه : و الله الدنيا فوضى أنتي تتابعين المباراة معنا أنا أبي كل البنات بتابعون المباراه ما عدا أنتي
أفنان انصدمت من أسلوب سلطان
حنان استغربت من أخوها ما سوت أفنان شي غلط عشان يكلمها بهالأسلوب
شوق عصبت من أسلوب سلطان : سلطان ما في أحد يقدر يرفع صوته على أفنان بنت سلمان و أنا موجوده سامع
طلال : ..............................
كل الشباب مستغربين من رد شوق و خصوصاً تركي بس حاول يغير جو التوتر ما بين الجميع
و البنات كانوا مستغربين من رد سلطان على أفنان
حنان : يؤؤؤؤ سلطان ما له داعي تصارخ على أفنان ما سوت شي
منى : أي و الله
تركي : هههههههههههههههههههههه كنا معكم في برنامج صادوه و صدنا في هالحلقه أفنان و سلطان و شوشو
شوق منصدمه من السالفه و حست أنها غلطت على سلطان : أسفه ما كنت أدري إنه صادره
حنان : كل هالعفسه صادوه !!
وجدان و مها و ساره : ؟؟؟؟؟؟؟؟؟؟؟؟؟؟؟
هنادي : وش السالفه سلطان ؟
سلطان معصب : أوريك يا الدب ليه سويت هالحركه البايخه
و رجع لأفنان : سووووري ما كنت أقصد أصرخ عليك بس تركي قال أنك سارقه دفتر أشعاري
و هذا السبب عصبت عليك سامحيني
أفنان وهي مبتسمه : مسموح يا ولد العم
سلطان خق على كلامها و الشباب لاحظوا هالشي و ناصر يبي يحرج سلطان
ناصر : أفنان ترى سلطان يحببببببببببببببببببك
سلطان ناظر ناصر و هو يتوعد فيه و التفت يبي يشوف ردة فعل أفنان بس البنات كلهم صعدوا لفوق
سلطان معصب : ناصر ليه سويت هالحركه
و الله ما لها داعي أحرجت البنت و أحرجتني و أحرجت طلال اللي لين اللحين ساكت و ما علق على شي
طلال و أخيراً تكلم : شباب بقى نص ساعه على المباراه أبيكم كلكم في اتفاق مهم
و جلسوا كل الشباب جنب طلال اللي كان جالس على الأرض
طلال : شباب خلونا نساعد بعض
رد سلطان : كيف ؟
طلال : شوفوا أنا عارف إن كل واحد يحب وحده
و هدف كل واحد أنه يتزوج اللي يحبها على سنة الله و رسوله صح ؟
ناصر : أي صح
طلال : ما أبي يصير لنا مثل ما صار لتركي و شوق تركوا بعض بسبب الأهل و حنا ما وقفنا معهم
تركي و هو ضايق صدره : طلال لا تذكرني بهالشي
طلال و هو مبتسم : عندي احساس إنكم بترجعون لبعض
تركي : الله يسمع منك
و طبعاً الشباب اتفقوا على إن كل واحد يوقف مع الثاني عشان يحقق طموحه
&&&&
في المزرعه
عند البنات
في جناح أبو مشاري
أفنان كانت تبكي و شوق تهديها : أفنان كل هذا عشان ناصر قال لك إن سلطان بحبك ؟
أفنان و هي تبكي على السرير : طيب دامه يحبني ليه يصارخ علي
حنان : حبيبتي لا تضيقين صدرك أخوي يحبك بس مو عارف يعبر عن مشاعره
أفنان : هههههههههه
شوق : و أخيرا ً ضحكتي
أفنان : و حتى أنا أحبه بس لا تقولين له عشان يحس بالذنب
حنان و هي تغمز لها : و لا يهمك يا مرت أخوي
انقلب وجه أفنان أحمر من الحيا
هنادي ضحكت : ههههه يا عيني على اللي يستحون
أفنان منحرجه : بس خلاص
منى : و أنا أقول ليه دايم يسألني ..شخبار بنات عمي سلمان ؟.. شخبار أفنان ؟ ... في أي صف أفنان ؟
طلع أخونا يحب و حنا ما ندري
أفنان بحيا : ليه ما قلتي لي إنه يسأل عني ؟
منى : تصدقين ما عطيت الموضوع أهميه
مها ( توها جايه لهم ) : بنات شكل المباراة بدت
رغد تطالع الساعه : أي والله بدت المباراه
ساره : كله منك يا الدبه ( وتأشر على أفنان )
أفنان : خلاص لا تذبحوني تابعوا المباراه
منى : لا ما نبي نتابع المباراه نبي نشوف أشكال الشباب و هم متحمسين على المباراه وش شرايكم ؟
البنات : واااااااااو و الله أنك فللللللله
منى تغمر لهم : أعجبكم
أفنان : أبي أشوف شكل سلطان
البنات : هههههههههههههههه
وجدان ( و هي تنادي البنات بصوت واطي ) : شوفوا شكل طلال يجنن و هو بالعصابه
كل البنات يطلون على الشباب
أفنان : يااااااي فديتك يا طلال
وجدان : لا أنا أغار عليه
أفنان : هذا أخوي و لا نسيتي
وجدان : هههههههه بعلم سلطان
أفنان : لالالالا خلاص تبين أخوي خذيه
وجدان و هي سرحانه في خاطرها
(يا ليت يجي هاليوم يا أفنان و آخذ فيه طلال )
.......
الساعه 9 الليل
مباراة الهلال و النصر
سلطان : أكيد بيفوزون النصر
طلال : مالت عليك و على النصر فوقك
خالد : هييي هذا العالمي ما أرضى عليه
طلال و هو ماسك الوساده : أقول أسكت و لا بهاذي على وجهك
وجدان و هي تطل على طلال من الدرج في خاطرها : يا حلاتك و أنت معصب
شوق و هي تطالع وجدان : هيييي وجدانوووه كلتي أخوي بعيونك
وجدان انحرجت و انقلب وجهها أحمر
شوق و هي مبتسمه : الله لا يفرق بين الحبيب و حبيبته
تركي : هههههههههههه صدق أنك متعصب هلالياً أنا أشجع الهلال بس مو مثلك كذا
طلال : وش أسوي دمي أزرق
تركي : ههههه شكلك يضحك مع هالعصابه اللي على جبهتك ذكرتني بسعود ذيك المره بس زاد عليك أنه لابس بدله ياسر
سعود : خخخخ تحش فيني و أنا موجود
تركي يضحك : سووري أخ سعود
ناصر : يلا لين اللحين ما أحد سجل هدف حرقوا أعصابنا
خالد : أي و الله كل ما أنوي أصارخ أقول قوووول يمسكها الحارس و الله قهر
ناصر : ان شاء الله الهلال تفوز
خالد و سلطان معصبين : فال الله و لا فالك
ناصر : ههههههه وجع كلتوني
وجدان : ههههه والله الشباب شكلهم تحفففه دايم يتناجرون
شوق : ههههه أي و الله
جات لهم حنان
حنان : بنات وين الحريم ؟
أفنان : تحت في المجلس أو في الخيمه
حنان : أوكي أنا بنزل لهم ( لبست عبايتها و نزلت )
سعود : شباب علموني إذا أحد سدد هدف
الشباب : أووكي
سعود طلع و جلس على كرسي من الكراسي اللي مقابل المسبح
و دق بجواله و يكلم
ألو قلبي ... وين ماما ؟
سمعت حنان هالكلام و انصدمت سعود ولد عمي اللي أحبه متزوووووج !!!!!!
.........................
في الشرقيه
الساعه 12 الظهر
يوم الجمعه
جاسم : مساعد تعال خلنا نصلي الظهر عشان نروح ندفن صقر
مساعد كان ساكت مصدوم ما توقع إن صقر تكون نهايته كذا
مساعد : طيب
طلعوا عشان يصلون
و أرتفع صوت الأذان في كل مكان
الله أكبر .. الله أكبر
الله أكبر .. الله أكبر
أشهد أن لا إله إلا الله
أشهد أن لا إله إلا الله
أشهد أن محمد رسول الله
أشهد أن محمد رسول الله
حي على الصلاه
حي على الصلاه
حي على الفلاح
حي على الفلاح
الله أكبر .. الله أكبر
لا إله إلا الله
دخلوا مسجد خادم الحرمين الشرفين
و استمعوا للخطبه
صلوا صلاة الجمعه
و بعدها جلس مساعد يقرأ سورة الكهف و بعدها قعد يدعي
يا رب يا كريم اللهم إني أستغفرك و أتوب إليك
اغفر لي خطاياي يا رب العالمين
اللهم إني أسألك العفو و العافيه في الدنيا و الأخره
اللهم أغفر لصقر و أرحمه
و عافه و أعفو عنه
و أكرم نزله و وسع مدخله
و أغسله بالماء و الثلج و البرد
و نقه من الذنوب و الخطايا كما ينقى الثوب الأبيض من الدنس
و أرحم جميع المسلمين في كل مكان يا أكرم الأكرمين
اللهم أشفي وعد و صبرها و رد حاسة النطق لها
و أشفي جميع مرضى المسلمين بقدرتك يا قادر يا كريم
اللهم آمييين يا أرحم الراحمين
و صلوا صلاة الجنازه على صقر و طلعوا مع الرجال عشان يدفنونه
&&&&&
في القصر
أماني : لا حول و لا قوة إلا بالله
أم رائد : أي والله توه مكلمني رائد يقول إن صقر صديق مساعد توفى في حادث سياره
أماني : الله يصبر أهله
أم رائد : لا الولد أمه و أبوه ماتوا ما عنده أحد من أهله
أماني : أهااا الله يعين هالمساعد أكيد يعتبر بالنسبه له كل اهله
أم رائد : رائد بيروح لهم عشان يدفنونه
أماني : أهاا الله يرحم موتى المسلمين .. أمي أنا بروح لوعد
أم رائد : قنعيها تنزل حابسه نفسها في غرفتها
أماني : طيب بقول لها
و رقت فوق لوعد
دخلت غرفة وعد و شافتها نايمه و جنبها ورقه جاها فضول تبي تفتحها و تشوف وش فيها
فتحت الورقه و انصدمت بالكلام
مكتوب في الورقه
.
.
يا زعيم المجرمين
بنتقم منك لو أذبحك وأدخل السجن بسبتك أنا مستعده
دواك عندي و الأظلم دايم البادي و الله لا أوريك شي ما بعد شفته
وعد ( الخرساء )
.
.
أماني كانت مررره مصدومه : ؟؟؟؟؟؟؟
جلست أماني على السرير و هي تصحي وعد : وعد ... وعد
التفت عليها وعد : ..............................
أماني : تعالي نزلي معي تحت
وعد هزت براسها بكلمة لا
أماني : ايه حرام عليك حابسه نفسك كذا
وعد نزلت راسها بحزن مسكت الدفتر و كتبت لها : ما أبي أنزل أنا متضايقه أشوي
أماني : ليه متضايقه
كتبت لها وعد : نفسيتي تعبانه أشوي
أماني ضمت وعد : يا قلبي لا تتعبين نفسيتك صبري و ان شاء الله تكونين على أجر
وعد هزت راسها و كتبت : خلاص أنا بنزل معك
أماني بفرح : زين يلا أنا أنتظرك تحت
وعد أشرت لها بأوكي
و نزلوا تحت
........................
في شقة مساعد
الساعه 2 الظهر
جا له رائد : عظم الله أجرك
مساعد كان حاط الشماغ على كتفه و رافع أكمام الثوب وقف و رد عليه : أجرنا و أجرك
و راح رائد لجاسم اللي كان في المطبخ : جاسم
جاسم راح لرائد و سلم عليه : هلا رائد
رائد : هلا .. عظم الله أجرك
جاسم بحزن : أجرنا و أجرك
رائد : جاسم ما له داعي تسوي الأكل أنا بروح أجيب لكم غدا من المطعم
جاسم : لا تتعب نفسك يا رائد بناكل أي شي
رائد : شدعوه لا تعب و لا شي أنا بروح أجيب لكم شي و برجع
جاسم : الله يعافيك يا رائد ما قصرت
رائد ابتسم له : لا تنسى أنك صديق مساعد صديق الطفوله
ابتسم له جاسم و هو في خاطره أأه يا رائد لو تدري إن صديقك هو السبب في كل شي حصل لوعد كان ذبحته
رائد : يلا أنا بطلع و انت أجلس مع مساعد نفسيته تعبانه
جاسم : إن شاء الله
و طلع رائد من الشقه
راح جاسم لمساعد في الصاله
جاسم : مساعد وش فيك سرحان؟
مساعد التفت على جاسم بحزن : اااخ يا جاسم شكل دعوتهم استجابت مات أعز صديق عندي أنا السبب
جاسم : لا تقول كذا ربي كاتب له إنه يموت
مساعد : جاسم اجلس جنبي
جاسم جلس جنب مساعد : و هاذي جلسه
مساعد : أبي أخطب وعد
جاسم مصدوم : هيي من جدك أنت ؟؟
مساعد : أي من جدي
جاسم : طيب بس البنت تكرهك و أكيد بترفضك
مساعد : بقول لرائد أني ما أبي أشوفها إلا بعد الملكه
جاسم : أول مره أشوف واحد يحفر قبره بيده
مساعد : شدعوه البنت مو وحش بس بقول لك بصراحه أنا حبيتها و أحس بالذنب عشانها
جاسم : بس من جدك تاخذ خرساء
وقف مساعد معصب : يا جاسم ما لك خص فيني و ثاني حاجه البنت ما صارت خرساء الا بسببي
و مستعد أتحملها طول العمر عشان أرضي ضميري
جاسم : خلاص كيفك
مساعد: المهم خلنا نروح السجن عشان أطلع الوالد مشتاق له حييل من زماان ما شفته
جاسم : أوكي بعد الغدا نروح
مساعد : طيب
.....................
نهاية البارت الثامن
هل سعود متزوج و لا لاء ؟
وش ردة فعل حنان بعد ما درت بهالشي ؟
سلطان يحب أفنان و أفنان تحب سلطان هل بتدوم هالمحبه و لا بيحصل شي بيغير مسيرة حياتهم ؟
وجدان تحب طلال بس هل طلال يحبها هي و لا وحده ثانيه من بنات عمه ؟
تركي هل بيمل و بيخطب وحده ثانيه و بيترك شوق و لا بينتظرها ؟
شوق هل بتتطلق من ماجد و لا بتم معلقه طول حياتها ؟
ماجد وش اللي حصل له هناك ؟
عساف بيرجع لأهله في الرياض و لا بيتم طول عمره في الامارات ؟
نايف و طموح الطب هل بيحقق طموحه بأنه يكون دكتور مشهور و لا بيحصل له شي يعيقه عن طموحه ؟
مساعد هل بيخطب وعد و لا بيحصل له ظرف بيخليه يأجل الخطبه فتره ؟
وعد و حقدها على مساعد وش بتسوي له إذا عرفت أنه صديق أخوها ؟
أسئله كثيره بيكون جاوبها في البارتات الجايه و أبيكم تتوقعون أجاباتها ^_*
روايتنا زادت حماسها
انتظروني يالغلا في البارت التاسع
قراءه ممتعه ^_^
في بيت أهل شوق
الساعه 8 الليل
كانت شوق جالسه في غرفتها سرحانه تفكر بحياتها وش بيصير لي بعد كذا
ماجد ما رجع له شهر كامل و أبوي دايم يناظرني بنظرة شفقه
شكله ندمان على استعجاله في زواجي من ماجد
و فجأه قطع سرحانها صوت الباب
شوق : مين ؟
أفنان : أنا أفنان فتحي لي الباب
شوق وقفت و فتحت الباب لأفنان
أفنان ( و هي متوتره ) : لحقي علي
شوق ( مرتعبه ) : خير أرعبتيني وش فيك ؟
أفنان انقلب وجهها أحمر : سلطان مع عمي تحت
شوق خلقها مقفل معها : و بعدين
أفنان عصبت جلست على السرير
: أنتي ما تحسين سلطان مع عمي بروحهم جالسين مع الوالد و مشاري و طلال و شكل سلطان مرره مرتبك
شوق فرحت جلست جنب أفنان
: ههههه مبروووك يمكن جاي يخطبك
أفنان التفت على شوق : بس أنا خايفه
شوق : ليه ؟؟
أفنان : شكله مرتبك أخاف إنه مغصوب علي
شوق : ههههههههه و ربي إنك غبيه سلطان يحبك بجنون
أفنان ابتسمت : ريحتي قلبي كنت ميته من الخوف
شوق : هههه لا تخافين
أفنان : أوكي أنا مع رغد بنطل عليهم وش رايك تطلين معنا لأن الوالد دخلهم الصاله و سهل إن حنا نشوفهم
شوق : لا أنا يمكن أنام راسي يألمي
أفنان : أوكي أجل يلا تشااو
شوق : تشاااو
.......
في المستشفى
كانت جالسه على كراسي الانتظار متوتره المسؤول عنها
و سندها في هالحياه داخل في غرفة العناية الفائقه
نزلت راسها و قامت تبكي
جاها واحد يركض من بعيد : رند
رفعت راسها : نعم
مساعد و هو متوتر : شخبار جاسم وينه توهم داقين علي المستشفى ؟؟
رند و هي تبكي : ما أدري دخلوه الغرفه من فتره تأخروا عسى ما فيه شي
مساعد يهديها : لا أن شاء الله ما فيه شي لا تحاتينه
رند زاد بكاها : أنا السبب
مساعد مستغرب : ليه وش صار ؟
رند نزلت راسها و هي تبكي : و لا شي و لاشي
مساعد : طيب بوصلك البيت و أنا بجلس معه هنا
رند رفعت راسها : لااا أنا بجلس هنا معه
مساعد : أوكي كيفك أنا بروح للدكتور
رند : طيب
رند في نفسها ااااه يا ليتني ما قلت الكلام اللي قلته أنا السبب في اللي صار لجاسم
و الله حياتي ما تسوى بدونك يا ولد عمي
طلع الدكتور من الغرفه على طول وقفت رند : دكتور وش فيه ؟؟
الدكتور : تعرض لكسر في القفص الصدري و نزل منه دم كثير نحتاج لدم من نفس الفصيله حالاً
رند : دكتور تأكدوا من فصيلتي يمكن نفس الفصيله
الدكتور : أوكي بنادي لك النيرس
دخلت رند مع النيرس و طلع نفس فصيلة الدم
تعبت عليهم لأنهم خذوا منها كميه من الدم
النيرس : شربي سوائل عشان تعوضين الدم اللي فقدتيه
رند بتعب : إن شاء الله
طلعت من الغرفه و جلست على كراسي الإنتظار
جا لها مساعد : وش سووا معك ؟
رند بتعب : خذوا مني دم عشان جاسم
مساعد : تحسين بدوخه
رند : لا عادي اللحين تروح الدوخه
مساعد : خليني أوصلك البيت
رند : ما أبي بنتظر جاسم لما يطلع
مساعد : ما بيطلع اللحين لازم يرتاح
رند : بس أبي أتطمن عليه
مساعد : أوكي بس إذا تعبتي أو حسيتي بشي قولي لي
رند : أوكي
طلع الدكتور
راح له مساعد : دكتور شخباره اللحين ؟
الدكتور : اللحين هو الحمد لله بس ما بيقوم إلا بكره لأنه تعبان و يحتاج لراحه
مساعد : وش فيه بالضبط ؟
الدكتور : كسر في القفص الصدري يمكن لأنه صدم صدره بدركسون السياره بقوه
و الحمد لله قدرنا نسترجع الدم اللي فقده من الحادث
مساعد : الحمد لله مشكور دكتور
الدكتور : العفو
راح مساعد لرند
مساعد : رند
رند وقفت : وش قالوا عن جاسم ؟
مساعد : هو اللحين بخير بس ما بيقوم إلا بكره لأنه تعبان و يحتاج لراحه
رند : الحمد لله الله يبشرك بالخير
مساعد : خلينا نروح و بكره بجيبك هنا
رند : أوكي
و طلعوا من المستشفى
.............
في مطار الملك خالد
الساعه 9 الليل
نواف : الحمد لله إنتهى دوامي
فؤاد ( صديق نواف موظف في المطار ) : هههههه لهالدرجه مشتاق للبيت
نواف و هو مبتسم : لا أنا مشتاق لخطيبتي بسوي لها مفاجأه بكره بعزمها على الغدا في المطعم
فؤاد : أهااا قول كذا .. طيب بكره بتداوم ؟
نواف : بداوم الشفت مسائي
فؤاد و هو يناظر نواف بنظره حقد :
يعني أنا اللي بداوم الشفت صباحي .. قهر اللي حظه منكوس طول عمره منكوس
نواف : هههههههه الله يعينك
فؤاد : هيين مردوده ... أنا إذا خطبت بعدين لك مني ما بداوم و بخليك تداوم الشفت صباحي و مسائي غصباً عليك
نواف : هههههههههه عشان يطردونك من المطار مره وحده
فؤاد : لالالالا خلاص بداوم و لا طردة المطار بالموت لقيت وظيفه أصلاً
نواف : هههههه الله يعينا على هالوظيفه
فؤاد : الله كريم
.......
كانت خايفه بس فرحانه في نفس الوقت
تحس إن هالشي مغامره
خذت الايميل عن طريق البلوتوث يوم كانت في المجمع مع شوق أختها
كانت بتحذف الايميل بس خلته و توها فتحت الرساله
أنا يوسف و هذا ايميلي
……..@hotmail.com
فتحت اللوب توب حقها و جلست على السرير تأكدت أنها مقفله الباب خايفه إن أحد يدخل عليها
فتحت الماسنجر و ضافت هالايميل و كانت متوتره حييل
كان متصل بدا معها المحادثه
جوزيف : هلا و الله
رغوده أحلى بنوته : اهليين
جوزيف : أخبارك رغووده
رغوده أحلى بنوته : تمام
جوزيف : دوووم يالغلا
رغوده أحلى بنوته : تسلم
جوزيف : أنتي اللي رسلت لك بلوتوث في المجمع الأسبوع الماضي ؟
رغوده أحلى بنوته : ايه
جوزيف : ممكن نتعرف ؟؟
ارتبكت رغد
رغوده أحلى بنوته : ايه مين معي ؟
جوزيف : أنا أسمي يوسف الـ.......
من الرياض
متخرج من جامعة الملك فهد للبترول و المعادن بالدمام
عمري 27 سنه
و حالياً أنا موظف في شركة سابك للحديد بالجبيل
رغوده ارتبكت في نفسها واحد من عيال عمي متوظف في شركة سابك أكييد يعرفه
رغوده أحلى بنوته : أعذرني بحذف ايميلك
جوزيف : ليه ؟
رغوده أحلى بنوته : ما أقدر أتكلم معك
جوزيف : أوكي لا تتكلمين معي بس لا تحذفين إيميلي خليه كذكرى
رغوده أحلى بنوته : أوكي
جوزيف : قهرر أحس أنك نفس البنت اللي يتمناها قلبي ثقيله و اسمك حلو
رغوده أحلى بنوته : ^_^
جوزيف : فديت ابتسامتك الحلوه
رغوده أحلى بنوته: تسلم
جوزيف : تكلمي عن نفسك مو ضروري أسم العائله
رغوده أحلى بنوته : طيب
أنا أسمي رغد
أدرس في الثانوي عمري 17 سنه
جوزيف : العمر كله إن شاء الله
رغوده أحلى بنوته : تسلم
رغوده أحلى بنوته : يلا أنا أستأذن
جوزيف : ليه ؟؟
رغوده أحلى بنوته : مشغوله
جوزيف : أهااا طيب متى أشوفك ثانيه
رغوده أحلى بنوته : بكره بدخل في نفس الوقت
جوزيف : أهاا أوكي
رغوده أحلى بنوته : يلا مع السلامه
جوزيف : مع السلامه
رغد سرحت بعد ما سكرت اللوب توب أسلوبه مررره يجنن
و أحس أنه ثقيل بدخل بكره عشان أسولف معه
<< ما تدرين يا رغد وش بيصير معك بعدين ؟؟
.....
الساعه 11 الليل
في غرفة شوق
شوق طلعت من الحمام تنشف شعرها عند المرايا دق جوالها
رفعت شوق الجوال
شوق مستغربه : مين صاحب هالرقم الغريب
ردت شوق : ألوو
..............: ألو السلام عليكم
شوق : و عليكم السلام مين معي ؟
..................: أنتي مرت ماجد ولد صالح الـ..............
شوق و هي مستغربه : ايه أنا زوجته ليه في شي ؟
....................: أخت شوق أنا فاعل خير زوجك كان موجود عندنا و بصراحه كان في حاله الله لا يبلانا
شوق : طيب اللحين وينه
...................: رجع عندكم من يومين
شوق : أوكي ... اللحين مين أنت و أيش مصلحتك من هالكلام
................: أنا فاعل خير ,,,, و سكر السماعه
شوق : أجل ماجد أكيد موجود في الشقه خلاص أنا بروح له و بعرف منه كل شي
دقت على السواق
شوق : ألوو راموا جهز السياره تحت
راموا : أوكي مدام
و طلعت شوق من البيت
.
.
.
نهاية البارت التاسع
|
23-07-10, 03:36 AM
جديد مواضيع قسم القصص المكتمله
العرض العادي
