.
.
اليوم الثاني ..
بالرياض ..
ببيت تركي .. كلمت غلآ آخوها عبدالله وجا ..
غلآ: أبي أروح ..
عبدالله : أوكي ماعندك مشكله .. بس أخاف فيه صحفين وتركي مايرضى ..
غلآ: نروح الحين ..
عبدالله : مشينا ..
للبست عباتها : أم سيد انتبهي لـ راما هي نايمة الحين ..
أم سيد: حاضر..
ركبت مع آخوها وقلبها يدق وخايفة .. سمعت عبدالله يكلم آخو تركي ويأخذ منه رقم الغرفة ..
بالمستشفى ..
كانت غرفة الملآحظه وتركي كان نايم .. حاول عبدالله وخلاهم يدخلون لان ممنوع الزيارة ..
دخلت غلآ وراح عبدالله رجع الستارة الفاصلة بين تركي وزميله بنفس الغرفة ..
عبدالله بصوت واطي: نايم ..
لمعت عيون غلآ .. التعب باين ووجهه متغير ..
حس تركي بوجود آحد بالغرفة .. وصحى ..
عبدالله قرب وسلم عليه : الحمدلله على السلآمة ..
تركي بصوت واهن ومتغير: الله يسلمك .. غلآ ..
مدت له يدها : سلآمتك ..
تركي: الله يسلمك ..
استأذن عبدالله وتركهم ..
تركي: اجلسي هنا
آشر لها على طرف السرير ..جلست من غير ماتجادله :شخبارك .؟
تركي: شوفة عينك ..
مسك يدها وباسها : خاطري آقولك نزلي النقاب بس من هوس وخوف آن أحد يدخل ويشوف هالوجهه غيري بصبر ..
ابتسمت من ورى النقات ياغيرتك ياتركي ..
تركي: راما وحشتني حيل أخبارها..
غلآ: ماعليها بخير .. كانت نايمة ..
طالعت بأعلى الكتف كله أبيض باين من ورى القميص حق المستشفى: ماتعورك..
ابتسم: تراي رجال وعادي هذي ثاني أصابة ..
غلآ: وشو؟
تركي: سبق وجاتني أصابه بالفخذ ..
لمعت عيونها ..
تركي: الثالثه شكلها ثابتة ..
غلآ حطت يدها على شفايفه برقة: لآ تقول كذا الله يخليك لامك ولابوك والاهم لـ راما ..
تركي: وأنتي ..
سكتت ..
تركي : ها غلآ ماآهمك ..
غلآ : الحين بطلع ..
طلعت جوالها ودقت على أخوها ..
تركي : بتروحين ؟
غلآ: راما وحدها ونايمة لما تركتها..
سكت ..
دخل عبدالله وآخذ غلآ وطلع .. أما تركي ركن راسه للفراش ويفكير بـ غلآ تحبه صح وهالشي واضح بس تغيرت حيل ..!
.
.
.
بالشرقية ..
بـ شقة فيصل وشوق ..
صحى فيصل ورقبته عورته من الكنب ..
قام وشعره معفوس تحرك وقام من الكنبة ..طلع للصالة وشاف العشا نفس ماهو .. دخل للغرفة وكانت شوق تكلم غلآ ومنصدمة من خبر آصابة تركي ..
سكرت ولفت لـ فيصل ..
فيصل: ليه ماتعشيتي ؟
شوق: مالي نفس ..
فيصل: قرفانة مني عشان أنا جبت لك العشا شوفي في بالمطبخ قائمة مطاعم دقي وخل يبجون لك أكل ..
شوق طالعته: من قال قرفانة ؟ لاتقعد تقول كلآم ماله داعي ..
قرب لها فيصل : واللي صار امس .. هماك قرفتي مني عشان اللي صار بيننا ..!
لفت عنه ..
فيصل أخذ نفس وتعوذ من ابليس : المهم روحي أطلبي لك فطور بسرعة..
شوق: قلت لك مالي نفس وبعدين كلم غلآ تركي أصيب بـ عملية مداهمه..
فيصل : وشو ..
شوق: هذا اللي صار كلمها وهديها ..
طلع جواله وقعد يهدي غلآ ..: لاتبكين أنا الحين بحرك من هنا وجايك ..
غلآ: لاياعمري عبدالله ومو مقصر فديته ابد ..
فيصل: لامايصير..
غلآ قاطعته: فصول والله بجد عبود مش مقصر والليله راح ينام عندي بالبيت وتركي تو زرته وآن شاء الله أنه تمام ..
فيصل : متأكده ؟
غلآ: يس ..يله الحين اتركك بروح أشوف هالدبة مسوية لي قلق ..
ابتسم فيصل: طالعه على امها..
غلآ: حرام عليك ماكنت زيها ..
فيصل: هههههههههه تبين ننبش الماضي..
ضحكت غلآ ..
فيصل: يله أجل روحي لـ راما ..
سكر وطالع بـ شوق :أطلبي لك ..
ماردت عليه ..
راح أخذ له شاور وطلع من البيت ..
طالعت شوق بمكانه خالي ورد لها الخوف ..
رجع فيصل بعد صلآه العشا ..
دخل لغرفتهم يبدل .. ولقاها نايمة..
فيصل: شوق نايمة ..
مادرت عليه ..
راح جلس على طرف السرير ..:شوق .. شوق ..
قامت وهي متروعه ..
فيصل بحنان: بسم الله عليك لاتخافين ..
حنان بصوته ذبحها ودمعت عيونها ..
فيصل نترفز: الحين ليه تبكين ..؟هآآآآ .. شوق أذأ ماتبيني والله يابنت الناس ماتنجبر روح على روح .. علميني .. لاكن قبل قرارك تأكدي أني أحبك كثر وآكثر من نفسي ومن حب امك لك .. وبعدين مشتاق لك مشتاق..
قام وهو ضايق ..
شوق: طلقني ..
طالعها فيصل : تراي فيصل .. عرفتي منهو فيصل أو لآ ؟
رجع جلس ومسك يدينها بقوة: حبيبك وعمرك وقلبك وحياتك ..وكل شي لك .. قولي ثقة قولي غرور قولي جنون .. عارف أنك تحبيني بس صدمتك الى الان مأثرة فيصل .. طالعيني زين أنا فيصل فيصل ياشوق فيصل ..
مجبور انا اقسى عليك اليوم يالغالي

لاني تعبت وخـطـاك الـي مـتـعـبـنـي



اقسى ولكن صعب يـطري على بالي

انـي اهـجـرك واخـونـك لـو تـعـذبـني



لاني احـبك واحـبـك يـا بـعـد حـالـي

ولاني اموت وغـرامـك مـا يـجـنـبـني



شـفــتك وقـلـبي نغزني يومك قبالي

واثره غرامك في وسط القلب صوبني



من يومها صار قـلـبـي مولع وسالي

ناسي همومه وصاير فالفضاء يبني


يبني له بيتٍ على حــد السماء عالي

وبيت السعادة بنـى مـن لـبـنك ولبني



قلي احـبـك بـعـالـي صـوتـك ولالـي

ادري بحبك وابي اسمعـك جـاوبـنـي



لانـهـا (احـبك) اذا مـا جـت من غالي

تقـسى علـي وتـعذبـنـي وتـتـعـبـنـي

شوق : أنت وش تبي بوحده مطلقه ؟
فيصل: كيفي أبيك عندك اعتراض .. ولو فيه مهو بمهم .. وبعدين أنا مطلقة أسم بس وأخذتك وآنتي بنت يعني ماأحد لمسك غيري .. شوق بلآ جنون ودلع ..
طلع من الغرفة وتركها ..
بكت آكثر وانقهرت على حظها فيصل زعل ..
.
.

.
.
بعد أسبوع ..
ببيت خالد ..
دخل خالد لبيته .. وطلع لغرفته وكان تعبان ..
انسدح وهو يتذكر الحادث اللي صار له وهو ربعة .. غمض عيونه وحمد ربه على السلآمة ..
نام من التعب..
.
.
.
بالليل دخلت عهد وشغلت اللمبة شافته نايم وثوبة دم .. وعلى راسه لفه ..
صارخت من الخوف .. فز خالد :هآآآآآآآآ شفية؟صار شي ..
عهد قربت منه: شفيك؟
خالد رجع انسدح ومأخذ بخاطره على عهد وصدها له :ولاشي..
عهد : خالد وشو ولاشي .. رد علي ؟
ضم المخده وكمل نومة ..
عهد :خااااااااااااااااالد ..رد..
مارد..
عهد: خاااااااااااااااااااااااااااااااالد أوف رد ..
خالد: ماأبغى أرد أبغى أنام ..
ناظرته وطلعت من الغرفة جابت نادر وحطته عند خالد عشان يصحصح ..
ابتسم خالد وهو يشوف ولده :يعني راح يزعجني ..
عهد ابتسمت غصب: ايه.. قوم كلمني..
خالد جلس وحظ ولده بحضنة : هلآ سمي أمري لبيه مدام عهد قاسية القلب والطبع..
عهد : ليه ثوبك دم ؟ وليه راسه عليه لفه؟
خالد : صار حادث..
عهد : يمممممممممممة ..
قرب منه ولمست وجهه: أنت زين؟
ابتسم: أنتي ماتحبيني ليه تسألين عني؟
عهد: خاااااااااالد بلآ هبال..
خالد: أنا مهبول ..أجل بنام خذي ندوري وأطلعوا..
عهد: مش طالعين..
خالد: عهد وبعدين ؟ ارضي علي..
عهد: آآآآآآآآآآه منك ..
خالد: آآآآآآآآآآآآه منك .. قاسية.. أسفين والله ..
ابتسمت له..: قوم خذ لك شاور ووراح آحضر لك عشا..
خالد: جهزي ملآبسي..
عهد: تيب..
جهزت ملآبسه وطلعت تجهز العشا وعطت نادر الشغاله تنتبه عليه..
.
.
.
بـ حايل..
شقة راكان وريوف..
كانوا بنات أخوات وأخوان تركي عند ريوف راح ينامون عندها..
وجد: يؤ ماصارت خلها تجلس معنا كل شوي تناديها..
راكان: مشكله أنتي زوجتي وحر هههههههههه
انسدح وحط راسه بحضن ريوف اللي قعدت تسولف مع البنات وتلعب بشعره..
راكان: ريوف..
ريوف: هلآ..
راكان: أحبك..
ريوف: راكان بس..
راكان: بجد والله أحبك..
حمر وجهها..
ردت تسولف مع البنات..
راكان: ريوف..
ابتسمت: لبية..
راكان ابتسم: لبآ عنونك..
وجد: وه خقق..
رماها عمها بالمخده الصغيرة وقفعوا البنات ضحك..
راكان:ريوف..
ريوف جننها: سم..
راكان: سم الله عدوك.. بس أحبك..
ريوف : وأنا بعد..
راكان: وشو؟
ريوف:راااااااكان..
راكان: عيونه..
ريوف: خلآص ..
راكان: أحبك آخر مره..
ريوف: احبك ..
مسك يدها وباسها .. ريوف جننها وآحرجها مع البنات: بروح انومه وأرد لكم شوفوا المطبخ في ليزات وعصير..
وجد: آوتس..
قام معها وهي فيها الضحكه ..
بغرفتهم ..
انسدح وحطت ريوف يدها تحت راسه كأنه طفل تبي تنومة..
راكان: وين راح تنامين؟
ريوف: مع البنات ..
راكان: وأنا..
ريوف: بس الليله..
راكان:أوك..
ريوف: راكان حاسة بضيقة؟
جلس راكان وباهتمام: من وشو؟
ريوف: مدري بس شي كاتم أنفاسي..
ضمها :لاتخافين..أنا معك..
تمسكت فيه..
راكان: لآتخافين قلبي.. قريتي أذكار المساء
ريوف: ايه..
قومها معها وطلعوا للبنات عشان يبيها تفرفش..
وجد: مانمت..
راكان جلس وجلس ريوف بجنبة وحط يدينه على خصرها ..:ماجاني نوم..ريوف سوي كذا بنام هنا ..
تعدلت ريوف ونام وهو يمتدد ورجوله برآ الكنبة ..
وجد جاته ضحكه على شكل عمها ضحكت ريوف معها ..
كملوا سوالف وضحك وشافت ريوف راكان غرق بالنوم : بنات نااام ..
وجد: ياعمري لحظه لحظه تكفين ..
كان راس راكان بحضن ريوف وحاط كفها على عيونه عشان النور ..صورت وجد عمها وشكله بالجوال ..: ياآلبي شوفوا خقق ..
ريوف: تجنن ..
خذي جوالي وأرسليها ..
وجد: آوكيشن ..
صحه ريوف بهدوء: بيبي قوم عشان تنام بالغرفة ..
قام معها ..
بغرفته غطته ريوف ..وطلعت ..
.
.
.

.
.
بالرياض ..
اليوم الثاني ..
ببيت تركي..
دخل تركي للبيت وكانت غلآ بالصاله مع بنتها ..
تركي: السلآم عليكم ..
رفعت عيونها وهي تطالعه ..لبآ قلبه .. ناحف ..حتى الثوب وسع شوي عليه .. ويده ممسوكة بحذر..
تركي : أفا هذا استقبال ..
قامت ومعها راما .. مدت يدها وسلمت عليه بس تركي أحتواها بحضنة هي وبنتهم ..
تركي: وحشتوني ..
سكتت غلآ ..
شال تركي بنته وهو مبتسم على شفايفها اللي تقوست شكلها راح تبكي : أنا بابا ..
كانت تطالعه ..
تركي: خافت..
غلآ : هي خوافة ..
تركي ابتسم: ماأخذته من بعيد ..
رفعت غلآ حاجب : تقصدني..
تركي :هههههه
جلس وبنته بحضنة بس بكت ..
شالتها غلآ : بس راما ..
هدت لما شالتها أمها وتطالع أبوها وترد تبكي .. ضحكوا غلآ وتركي على بنتها ..
غلآ طالعته: الحمدلله على سلآمتك..
تركي: الله يسلمك ..
غلآ: أنت بخير الحمدلله ..
تركي نزل شماغه: أيه يالله لك الحمد ..
دق جوال غلآ ..وردت ..:هلآ ريوف .. وينك يالقاطعه ؟
ريوف : ياعمري انشغلت هنا كله حوسة أهل راكان جاو البارح وخبرك حوسة والبنات الحين معي .. والاسبوع اللي طاف كله عزايم ..
غلآ : يله عاذرتك .. المهم أنتي أخبارك..
ريوف: تمام الحمدلله .. آخبارك وخالي وراما ..
غلآ: الحمدلله بخير كلنا وخالك توه طالع من المستشفى..
ريوف: مستشفى؟ ليه ؟
غلآ: ماعندك خبر..
ريوف لمعت عيونها: لآ .. خالي فيه شي ..
غلآ: الحين هو تمام .. كلميه ..
كلمت ريوف خالها وأعتذرت له أنها ماكانت تدري ..
سكر تركي من ريوف ..
قامت غلآ ..
تركي: وين ؟
غلآ : بروح آخلص كم شغله ..
تركي: طيب هات راما..
غلآ: انتبه على يدك ..
عطته راما .. اللي رجعت تبكي وقعد يلآعبها الين هدت وبدت تضحك ..
.
.
.
ببيت خالد وعهد ..

كان خالد تعبان من راسه ..
عهد: طيب روح للمستشفى..
خالد: يعني شاللي راح يسوونه .. وبعدين اللي فيني منك .. !
طالعته : أنا شدخلني..
خالد وقف: يعني على بالك ماآحس صنم حجر لوح بليد صاده عني صده ملعونة والدين وذالتني مذله مافيه مثلها حشى الله لو ارتكبت شي حرام .. والله أنك خذتي حقك وزيادة وذليتي وكرهت كل شي بسببك ..
طلع من الصالة ومن البيت بكبرة ..
جلست عهد وتالي كلمت دانه عشان تجي لها ..

.
.
.
العصر..
دانه : عهد خلآص حرام عليك .. شوفي ..حتى تعب لو جاه صداع نصفي أو غيرها بسببك شراح تسوين ..سامحية ..هو يحبك ويموت فيك .. وهو غلط وأعتذر لك ..
عهد: بس كرامتي..
دانه: بلآ كرامة بلآ هم.. مافي هالكلآم بين الزوجين .. شوفي نايف بس قالي سالفه زواجه وقلبت عذره وحتى الكل انصدم غريبة سامحته .. بس فهمت نايف .. وآنتي افهمي خالد وهو فهمك وبعدين حرام عليك خلآص عاد ..
عهد : عذره غبي..
دانه: عهد هو رجال مهما كان ..
سكتت عهد ..
دانه: لما يجي بعد شوي استقبيله زي الناس وارجعوا مثل ماكنتم ..
عهد: لا لما يجي أوك ..
ضحكت دانه ..
.
.
.
بالليل..
ببيت خالد ..
دخل وراح لغرفة ولده وعهد ..
خالد: سلآم ..
عهد: وعليكم السلآم ..
باس ولده ..
عهد: لآتصحية ..
خالد: حتى ولدي راح تمنعيني عنه ..
سكتت ..
طلع خالد من الغرفة ..
سمعت صرخته طلعت بسرعة .. شافته ماسك أطراف راسه ..
مسكته وساعدته يدخل للغرفة وجلسته ..
جلست جنبه :شفية ..
خالد: راسي ..صداع ذبحني ..
عهد : خل أسوي لك تدليلك خفيف ..
وقفت وقعدت تسوي له ..
رجع راسه على الكنب واسترخى ..
.
.

.
.
بيت تركي وغلآ..

غلآ : تركي بليز ..
ناظرها تركي : غلآ أنتي اللي افهميني ..
غلآ: قلت لك مابينا كثر اللي مضى خلآص ..
تركي : لآميب خلآص ..
غلآ: بجد أبي أنام ..
تركي: مهيب حاله .. أكل ماناكل سوى .. نوم محرمه نفسك علي .. سوالف ممنوع.. صح غلطت بس ......
غلآ قاطعته: بس وشو ؟ أنا أتهمتني بعرضي .. ضربتني .. آهنتني .. حبستني بغرفة وبعز البرد لمده أسبوعين وعقبها دخلت بغيبوبة .. والاهم من ذا كله جا بكل قواة عين وتقول اللي ببطنك ضناي هالشي كفاية أني أطلب منك الطلآق.. بس راما أهم عندي ماأبيها تكبر وتتعقد ..
تركي شاف توترها وقاعده ترجف جلست وضمت نفسها وهي تتذكر ذيك الايام .. قرب منها ومسك يدها : آسف ..
غلآ: آسف آه بس .. بعد عني الله يخليك .. يامافهمتك وياما قلت لك مظلومه بس ماصدقت وكنت تقط كلآم غريب ..
تركي: افهمي شي واحد : أنا أغار عليك من نفسي وأنفاسي .. غلآ أنتي روحي أعشقك واللي صار انصدمت فيه وماتحملت..
غلآ: حتى لو كان .. اللي أبيه أن مالك بقلبي مكانة ..
تركي : لآ ..
غلآ: لو تتذكر اللي سويته ماراح تلومني .. خلآص تركي ..
تركي: بتركك .. تهدين بس ماني مطول لان الحين فوق الثلآث شهور من درينا بالسالفه ..
غلآ طالعته وسكتت ..
تركي : أنام هنا ..
غلآ: لآ ..
تركي : طيب لو تعبت ويدي جاها آلم شسوي ..
غلآ : نام وآنا بطلع برآ ..
تركي: ياكافي ..غلآ الليلة ..
غلآ : تركي ..
تركي: عيونه .. بنام هنا خلآص حطيتها براسي ..
صدت عنه وفيها الضحكه هالانسان راح يجننها ..
ابتسم تركي قدر يحنن قلبها ..
غلآ : تنام ولاتقرب ..
تركي: طيب..
غلآ : شاطر..
.
.
.
ببيت خالد ..
اليوم الثاني ..
صحى وهو يحس نفسه بدفأ وكان مغطي ومش على سريرة طالع وشاف عهد نايمة جنبه على السرير اللي بغرفة ولدهم ..
تحرك من السرير وقرب لعهد ..: عهدوه ..
صحت عهد ..
خالد حاط خده على خدها : صـباح الورد ياعـطــر.. تفتح في شذاه زهور
عهد: شخبارك الحين؟
خالد: تمام.. الحمدلله..
عهد: طيب من وشوهالصداع ..
تعدل خالد وحط راسه على أكتافها: عهد الدكتور يقول من الضغط والتفكير..
جلست عهد وهي تبعد شعرها: وشو هالضغوط عاد..؟
جلس خالد: تراي بشر.. وصدك مسوي لي هالمصايب..
نزلت راسها ..: أنا أحبك بس مصدومة..
خالد: الحين قربنا على السنة وأنتي بعدك على صدك الا تعدينا سنة ..! خلآص كافي ..
قام من السرير وطلع لغرفته..
ردت انسدحت وتالي قامت وهي تفكر ..
.
.
.
بـ حايل..
دخل راكان ولقى ريوف تبكي ..
راكان: ريوفه شفيك ..
ريوف: خالي كان مصاب وآنا آخر من يدري ..
راكان: أي واحد ؟
ريوف: خالي تركي هو الوحيد اللي يشتغل بالعسكرية ..
راكان: طيب هو الحين بخير..
ريوف: يس ..
راكان: طيب هذا المهم ..
ريوف: بس هذا خالي تركي قلبي وعمري وحياتي كلها .. يمر أسبوع كامل وأنا ماعندي خبر..
راكان بغيرة: كل هذا حب لـ خالك ..
طالعته ريوف ومسحت دموعها: راكان خالي تركي تؤمي وقلبي وكل شي.. أغليه أكثر من روحي..
راكان: اها ..
ريوف: شفيك ؟
راكان: لا ولاشي.. قام عشان يبدل الثوب توه جاي من شغله من أمس ..
طالعته شفيه تغير فجأه .. قامت سوت الفطور لهم ..
ردت ولقته منسدح ..
ريوف: راكان مضايقك شي..؟
راكان: لآ ..
ريوف ماارتاحت: راكان بجد شفيك ؟ أشغلت بالي..
راكان : الحين بس سؤال ؟
ريوف: لبيه ..
راكان: أذأ خالك تركي ماسك هالمكانة بحياتك أنا وش أطلع ..؟!
ريوف : عشان كذا زعلآن ..
راكان: جاوييني..
ريوف بتلقائية: أنت غير .. آنت زوجي وحبيبي وقلبي وروحي وكل شي .. راكان أنا معك بجد مرآ مرتاحه الحمدلله .. أنت قلبي .. وحبي لـ خالي لانه خالي وبعدين خالي مرآ داج وشبابي وفله ..
جلس راكان وهو مرتاح : آه أشو .. الحين تحبيني ..
شالت المخده ورمته ..: غيور ..
ضمها لحضنه وطاحوا من السرير سوآ ..
ريوف :ههههههههههههههههههههههههه ظهري
راكان ميت ضحك ..
ريوف: هههههههههههههههههههه تيب وخر
راكان: هههههههههههههههههههههههههههههه لبآ عنونك ..
.
.
.
ببيت تركي ..
تركي : غلآ جهزي أغراضك وأغراض راما ..
غلآ: ليه ؟
تركي وجهه متغير: أبوي بالمستشفى ..
سكتت غلآ وراحت تجهز أغراضها وأغراض بنتها .. سافروا بالسيارة لان تركي مالقى حجز ..
.
.
.

.
.
على صلآة المغرب ..
وصلوا تركي وغلآ وبنتهم لابها ..
نزل تركي غلآ وراما وتالي سلم على أمه وطلع لابوه المستشفى ..
.
.
.
بـ حايل ..
بـ شقة ريوف وراكان ..
ريوف تبكي وتلم أغراضها: مستحيل اقعد جدي بالعناية المركزة ..
راكان: أوك .. أوك .. راح نروح لابها بس مافي حجز الا بكرة .. ومن هنا لاأبها يمكن 2000 كيلو ..
ريوف جلست على السرير وقله حيله : وجدي ..
راكان جلس جنبها: وهو جدي وغالي علي مثل ماهو غالي عندك ..وبكرة نكون عندهم أن شاء الله ..
ريوف: أن شاء الله ..
.
.
.
الساعة ثمان ..
أبها ..
دخل تركي والدنيا ضايقة فيه أبوه بالعناية ..
غلآ: كيف عمي؟
تركي: حالته ماتسر بس ماأبي أمي تحس ..
غلآ: هونها الله يشفيه ..
تركي: أبوي ياغلآ كل الاجهزه عليه ..
غلآ: ياعمري الله يشفيه .. ياتركي مانملك له سوى الدعاء .. تعال نروح لعمتي وراما ..
تركي: راما معها..
غلآ: ايه .. بنتك قاعده توزع ابتسامات ..
ابتسم تركي غصب ..
مسكت يده وقومته معها ..
.
.
.
ببيت خالد ..
دخلت عهد غرفة نومهم ..
عهد: آخبارك ماجاك الصداع ..
خالد : الظاهر نومتنا آمس سوى طيرت أبو الصداع ..
ضحكت ..
قام خالد وشبك يدينه في يدينها : عهد ....
طالعته : هلآ..
خالد: هآ ..؟
تعلقت عيونها فيه ..
خالد: آسف ..
تعلقت برقبته : أنا أحبك عشان تسذا انصدمت منك ..
شالها خالد بحيث ماتلمس الارض رجولها وهي دافنها راسها تحت رقبته:آحبك وآعشقك وآموت فيك عشان هالشي صبرت وطال صبري .. آخير..
كانت بس مستكينه فيه عن أي شي.. وهو يسمع صوت بكاها ..
خالد بكى معها وحشته كثير كثير .. ضمها لصدره أكثر .. : الله لايحرمني منك ..
.
.
.
بالشرقية ..
بـ شقة فيصل وشوق..
شوق : لو عندك كرامة ورجال ماتقعد مع بنت ماتبيك ..
طالعها فيصل بحده ..: ماراح أمد يدي عليك لانك بنت .. لاكن تذكري أنتي اللي بعتي فيصل وهو شاريك ..
.
.
.