لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-07-10, 10:27 AM   المشاركة رقم: 126
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

الجزء الثالث والثلآثين والأخير ..
الشرقية ..
بـ شقة فيصل وشوق ..
شوق: اطلع من الغرفة ..
فيصل: بطلع .. مهو بخوف ولاضعف شخصية لآ عارف نفسي آصبر وآصبر وآصبر وتاليتها آجيب العيد ..
طلع من الغرفة وراح لـ ملآذه المجلس ..
قعدت يقلب بجواله وآرسل لها ..

حوٍسة مشآعرٍ
أحس بهآ و ٍأحسّبهآ !
شوٍق وٍ حنين وٍ جروٍح مآتفآرٍقني
رٍوٍحي تحبّك , ومع هذآ تعذّبهآ
خلآ آ آ ص
رح من حيآتي , لآتضآيقني
ترآي لآ قلت أخربهآ , أخرٍبهآ
لوٍ إن نآرٍ إبتعَآدك حيل تحرٍقني ..

.
.
.

بـ أبها ..
تركي : ماأبي أمي تلآحظ علينا شي ..
غلآ: أدري ..
تركي: عشان كذا ننام بغرفتي..
غلآ: الا هالشي نوم سوى لآ ..
تركي: لآ..
غلآ: هذي هي ..نوم سوى لآ .. جلسه سوى لآ .. ماببيناآي كلآم ..
تركي: غلآ..
غلآ: تركي روح نام .. اصرف لك ..تصبح على خير..
تركي : بشوف تاليتها معاك ..
غلآ: دبر نفسك .. اللي بيننا ورقة بس .. غيرها لآ..
تركي: نشوف غلآ ..
مشت عنه وهو راح لغرفته ..
.
.
.
الرياض ..
ببيت خالد وعهد..
نقل خالد سرير ولدهم الصغير لغرفتهم ..
خالد: كذا زين ..
عهد: يس ..
خالد يناظر ولده: تراك الحين عذال ..
عهد: هههههههههههههههه حرام عليك شوفة يضحك لك..
خالد:ياحبني له دلخ ..
عهد بخفيف على كتفه : خااااااااالد ..
نزل نادر وطالعها: يالبيه من زمااان عن خااااااااالد لبآ الدلع وآهله ..
عهد: يؤ خاااااااالد بطل ..
خالد: وين آبطل يرحم آمك اللي هي خالتي جابتك فتنه للقلوب الرهيفة وهبلتي فيني وجبتي راسي ..
عضت على شفايفها وهي ماسكه الضحكه ..
خالد: لبآ قلبك .. وعنونك..وكل كلك ..
.
.
.

اليوم الثاني ..

أبها ..
صحت غلآ وقامت تحضر الفطور لها ولعمتها وتركي ..
فطروا وعاد طلع تركي لابوه بالمستشفى ..لان أخوانه مابعد جاوا ..
نادت غلآ الشغاله تشيل الفطور ..
أم تركي: وين اللي يشتغلون عندك ؟
غلآ: عطاهم تركي اجازات ..
أم تركي: خير ماسوى ..
غلآ: ينرحمون غربة ..
أم تركي: صدقتي ..
غلآ: صح عمتي الليله ريوف بتجي ..
أم تركي: بالله ..
غلآ: ايه..
أم تركي: غريبة خلآها رجلها تجي .. ماله من أخذها شي..
غلآ: عاااتي هو بالحيل طيب الله يتمم عليهم ..
.
.
.
الظهر ..
دخل تركي للمطبخ وكان لآبس ثوب البيت ..
تركي: سلآم ..
غلآ: وعليكم السلآم .. متى جيت ؟
تركي: قبل شوي ..
غلآ: آخبار عمي ..
تركي : نقول انه طيب ان شاء الله ..
غلآ: الله يشفيه ومرضى المسلمين ..
تركي: روز اطلعي ..(الشغاله)
طلعت ..
لفت غلآ وناظرته: ليه ماتخليها تكمل تقطيع البصل بسوي الغدا الحين..
تركي: جيبي لي عصير ..
غلآ طالعته بنظره ..
تركي: غلآ حلقي جاف جيبي لي عصير ..
راحت أخذت لها كأس وصبت فيه عصير فرواله وعطته ..
قعد يشرب..
شرب شوي ونزله ..وقام لها ..
وقف وراها وطوقها بيدنه وانحننى عليها ..
غلآ: تركي بعد ..
تركي: لآ ..
غلآ: ترررركي شفيك أنت ..
تركي: ولاشي ..
تركي حمر وجهها وباحراج : لو دخلت عمتي وشافتنا تسذا ..
تركي :امي مع راما ماراح تجي ..
غلآ: يالله ..
تركي: يالله حنن قلبها علي ..
غلآ : الله يرحم والدينك بعد وربي احراج ..
تركي : عندك احراج وعندي قمه المتعه و والوناسة ..
غلآ حاولت تفك يده مسك يدينها وصارت تحت يدينها : ياربي..
تركي: ياربي والله أني أحب هالبنت ردها لي ردا جميلآ ..
غلآ: تركي ترى بسوي حركة تخليك تفك غصب عنك ..
تركي: يهون عليك .. عاد لو تدرين ترى يدي وكفتي تألمني عشان الخط اللي مسكته من الرياض لـ أبها ..
غلآ: الله يهديك .. طيب تطمن عليها بالمستشفى..
تركي: ان شاء الله ..
غلآ: بعد طيب..
تركي بعده على وضعه باسها على خدها:لآ ..
غلآ: بعععععععد..
تركي: لآ ..
غلآ: وبعدين ..
تركي: ولآقبلين ..
غلآ: تركي خل اسوي الغدا .. وبعدين نروح لـ عمتي وراما ..
تركي: لآمليت..
غلآ: ومتى طال عمرك بتمل ؟
تركي: مااعتقد قريب..
غلآ: كأنك تحب راما فكني آف ..
تركي ابتسم: قولي كأنك تحب أم راما وآفك ..
غلآ: يالله (تجارية) ..كأنك تحبني خلآص ..
باسها على خدها الثاني: ايو الله اني أحبك حب مايعلم به سوى مالك الملك ..
فكها بعد المحال ..
تركي: طيب بساعدك ..
غلآ مسكت يده وجلسته : اجلس وبس شاطر ياتركي..
تركي ابتسم .. :غلآ ..
غلآ: هلآ ..
تركي: الحين من جدك راح نصير كذا دايم ..!
غلآ لفت تناظره: تشك يعني ؟! ..ايه ياتركي خلآص ..
تركي رد قام ومسك يدها: تمزحين ؟
غلآ: تركي لو قعدت كل شوي تشغلني منيب مخلصه الغدا وبعدين على 2 بتروح لعمي خلني اخلص.. وعلى مااعتقد هالاشياء مهيب موضع نقاش مع هالظروف ..
تركي آخذ نفس وسكت ..
كملت غلآ تسوية الغدا ..
غلآ: تمشي معي لـ عمتي ..
تركي: مشينا ..
دخل تركي وغلآ ..
أم تركي: ياحبني لها ماغير تضحك ..
ضحكت غلآ: الله مشتغله توزيع ابتسامات ..مطبقه تبسمك في وجهه أخيك صدقة ..
شالها تركي ورفعها وهي تضحك بصوت مسموع ..
أم تركي: ترررررركي نزل البنت لاتروعها .. ويدك وراك منت بمهتم
نزلها تركي وحط خده على خد بنته اللي تحط يده الصغنونه على خد أبوها .. اللي مسك يدها الصغنونه وباسها .. بس غلآ لآحظت وجهه تركي تغير ..
غلآ: يدك تألمك صح ..
تركي يرص على اسنانه :لآ ..
شالت غلآ راما ..
أم تركي: الله يهديك ..
غلآ: جننتي ترى .. انصحيه ياعمه ينتبه شوي لنفسه ..
أم تركي: وهي صادقه مرتك .. حاسب يدك جرحها مبرى ..
ابتسم تركي وهو يناظر خوف أعز خلق الله على قلبه أمه وزوجته ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 10:27 AM   المشاركة رقم: 127
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
.
بالرياض ..
ببيت سلطان ..
سلطان: ليه زعلآنة ؟
مشاعل: سلطان آنت ممكن تزوج ؟
سلطان ابتسم: أحد عنده مثلك ويأخذ أو يفكر بغيرك ..
سكتت مشاعل ..
سلطان يحط شعرها على رقبته ويلفه : ليه هالكلآم ؟
مشاعل: آممم لان آمس كلهم يقولون أذأ ماجابت الوحده بيبي بالسنة الاولى احتمال يتزوج زوجها وهالكلآم قالته وحده من الحريم امس بالجلسة ..
حط أنفه على انفها ويدينه على خصرها: مشاعل أنتي بكل الدنيا .. أبيك أنتي أنتي وبس..
مشاعل: طيب خل نروح للمستشفى ..
سلطان: من عيوني نروح ونطمن قلبك .. وصحيح أبي طفل لاكن بيعدك عني وأنا تعودت على الحنان والدلع لي وحدي ماأبي غيري يشاركني فيها ..
ضحكت بخفيف .. وضحك معها :أهم شي ضحكتك تراها بالدنيا عندي..
.
.
.
أبها ..
وصل راكان وريوف لاأبها وتركي استقبلهم ..
وصلوا ريوف لبيت جدها وراكان وتركي راحوا للمستشفى ..
غلآ: لبآ قلبك وحشتييينييييي مووووت ..
ريوف: ياقلبي .. وربي آنتي أكثر..
شالت بنت خالها :يااااااااااااااااي تزنن مشالله ..
غلآ: خخخخخخ شوفي تضحك لك ..
ريوف باستها: يابعد حيي ..
انفجرت غلآ ضحك: حرررررركاااااااااات .. أخذنا لهجه آهل حايل ..
ريوف: ههههههه راكان دايم يقولها كل شوي عاد حفظتها .. المهم آخبارك ..
غلآ: تماااااام ..
ريوف: غريبة وين راحت جدتي ؟
غلآ: آمممم مدري بس أكيد كانت تسلم على راكان .. تعالي نروح لها..
ريوف شالت بنت خالها وقامت مع غلآ..
.
.
.
بالشرقية ..
شقة فيصل وشوق ..
دخل فيصل للغرفة :جهزي نفسك بنروح تنعشى عند أهلي ..
ناظرته ..
أخذ فيصل ثوبه وأغراضه وراح يأخذ له شاور ..
قامت شوق وجهزت نفسها .. وهي منحرجه حيل من أهله أول مرة تروح لهم .. لبست وخلصت وكان شكلها كيوت ..ماتكلفت بالميك آب حطت بلآشر خفيف وروج زهر عشان تكسر بهتان وجهها ..
دخل فيصل من غير مايناظر: جهزتي ..
شوق وهي تلبس عبايتها:ايه ..
رش عطر ودخل جواله والبوك بجيبه : مشينا ..
.
.
.
بسيارتهم ..
شوق خاطرها تقول له يوقف يجبون أي شي لاهله وأخير استجمعت شجاعتها : خل نجيب أي شي ..
فيصل يناظر الطريق: أن شاء الله ..
نزل وجاب من باتشي وحطها بالخلف ..
كان الجو بينهم يسوده الصمت .. غير عداد السرعة اللي صوته واضح..
دق جوال فيصل .. وقعد يكلم ويضحك ..
فيصل: بكرة بدوام ..لعيونكم .. خلآص ..ههههههههههه .. ايه ايه .. ياخي روح عني ..ههههههههه ..طيب .. تأمر ..سلآم ..
وقف عند بيت أهله ..ونزلوا ..
حاس فيصل بتوترها وجاب الباتشي وعطاها: أعتبري أهلي أهلك ..
ناظرته من ورى النقاب وتالي لفت وهي متوترة ..
مسك يدها وشد عليها بخفيف: لآتخافين .. أكسري لو مرة بحياتك حاجز الخوف ..
دخلوا ودخل فيصل للمجلس لان زوجه سعود موجودة ..
بالصاله كانت شوق وجهها الوان منحرجه ماهي متعوده تكون وحدها..
كسرت جو التوتر أم فيصل وجلست تسولف مع شوق اللي اخذت على الوضع شوي شوي ..
جابت نجود القهوة وصبت لعمتها وشوق وشوي بدخله نوف ..
.
.
.
أبها ..
ببيت أبو تركي ..
كان تركي يسولف مع بنت أخته ..
دخلت غلآ وعمتها وهم يسولفون ..
أم تركي: وين راكان ..
تركي ابتسم: بالمجلس ..
أمه:تركي ورى مخلي الولد وحده ..
تركي: يبي ريوف ولما شفتها لهيت بالسوالف..ريوف يبيك راكان ..
أخذت بنت خالها عشان يشوفها راكان وقامت ..وأم تركي طلعت ..
قام تركي وجلس جنب غلآ اللي كانت ماسكه الريموت ..مسك الريموت وجلس يطالعها ..
غلآ: تركي خل اشوف التلفزيون ..
تركي: أنا أولى..
غلآ رجعت راسها على الكنبة ..
سوى تركي نفس الحركة : شفيك ؟
غلآ: ولآشي..
تركي: شلون ولاشي..
غلآ: شكلك مروق ..
تركي بألم: لا والله منيب مروق والوالد بالعناية وحالته ماتسر..
عدلت غلآ جلسته وقلبها حن وهي تمسك يدين تركي: حنا مانملك له سوى الدعاء ..هذا الشي اللي راح ينفعه ان شاء الله ..لآتكدر بالك .. عشانك أنت وعشان عمتي وعشان حتى خواتك تركي هم يشوفون فيكم القوة والقدرة على التحمل ..
تركي يناظرها: صح أنا رجال بس صعب اشوف أبوي بهالحاله وهو بالنسبة لي رمز قوة ..
غلآ: هي الدنيا كذا .. لازم تصبر ..
تركي : الله يشفيه ..
غلآ: تركي هونها ..
كان متضايق ..
تركي: لا تضحكين ولاتستغربين بس ودي بحضن امي ..
طالعته غلآ شوي ..
تركي: صحيح رجال بس من زماااااااااااان عنه ..
رحمته وفكرت بنفسها يجيها هالشعور بعض الاحيان وخاطرها يضمها أحد تذكرت ياكثر ماضمها لصدره ودلعها وواسها .. كان تركي يناظر بيده ..قربته غلآ لحضنها وضمتها .. وهي تمسح على راسه اللي كان على صدرها : أنا أمك وأبوك وزوجتك وأختك وأخوك وكل غالي لك ..
تركي يناظرها: أنتي روحي وذاتي وكل شي لي ..
قعدت تمسح على شعره وهو سكت وهو بحضنها وساكت ..
أخذت تفكر بكل اللي مر بحياتهم والدمعه برموشها ..
دخلت أم تركي وغلآ كانت سرحانه وتركي غافي ..فزت غلآ وانحرجت مع عمتها وحس تركي .. اللي ابتسم لان حس باحراج غلآ من امه ورد انسدح على رجلها ..
تركي: يمة ريوف مع راكان ..
أمه مبتسمة على فزت غلآ وحركة ولدها: ايه ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 10:29 AM   المشاركة رقم: 128
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
بالمجلس..
راكان: بسم الله مشالله ..
ريوف: تزززززززنن .. راما اضحكي ..
شالها راكان وطالعته شوي وبكت ..ضحكت ريوف :تخاف ترى..
راكان:هههههههههه .. آآآآآغ ..
فطست ريوف ضحك على راكان وحركته..
راكان: ههههههه شوفي الحين بتسكت ..آآآآغ..
دمعت عيون ريوف شوي وسكتت راما..
راكان: شوفي سكتت..
ريوف: صح ..
راكان:أفا عليك أنا راكان ..
ريوف: خطير.. المهم بروح ..
راكان :لآ وين..اقعدي معي..
ريوف: خل خالي يجيك ..
راكان: اقعدي معي وبعدين راح تجلسين بـ أبها ..وأنا وحدي بـ حايل ..غبينه ياريوف ..
ريوف: حتى يتشافى جدي وتعال ..
ابتسم: أدري ..
راكان: تجلس راما ..
ريوف: مدري بس الظاهر غلآ تجلسها بحضنها ..
جلسها راكان وهي تضحك ..
راكان: مشالله عليها ..
ريوف: بجد يالب قلبها ..
دخل تركي ومعه القهوة ..
أخذتها ريوف من خالها وصبت له قهوة اللي قدم فنجانه لـ راكان : جعلك تسلم ..
وتالي عطت خالها فنجان قهوة ..
ريوف :عن أذنكم ..
شالت راما وطلعت ..
.
.
.
بالشرقية ..
الساعه 10 وشوي ..
طلعت نجود لغرفتها ونوف راحت لبيتها ..
وقدمت ام فيصل هدية عبارة عن طقم متعوده تقدمها هدية لكل زوجات آولادها لما يتزوجهن ..
شوق باست راس خالتها: تسلمين خالتي بس ماكان خاطري تكلفين على نفسك ..
أم فيصل: ماكلفت ولاشي .. وأنت الغالية مرت الغالي .. أنا بوصي فيصل بس حبيت أكلمك قبل انتبهي عليه واصبري .. تراه يحبك وهالشي واضح بعيونه لو ماحكى ..
شوق: ان شاء الله خالتي ..
وتالي جلست تسولف معاها شوي ..
دخل فيصل وجلس يسولف مع آمه .. وتالي استأذن ..
فيصل: مشينا شوق ..
شوق: آوك.. خالتي وين عبايتي ؟
أم فيصل : خل آجبيها لك..
شوق: لآ والله ماتقومين بس وين مكانها وبأخذها..
أم فيصل: بالصاله الداخلية ..
راحت شوق وعيون فيصل تتبعها ..
أم فيصل: آنتبه لزوجتك .. ولاتزعلها ..
فيصل: اشتكت شي؟
أمه: لآ .. لاكن بافيصل البنت يتيمة .. وخالها ماأعطاك أياها الا وهو عارف آنك تستاهلها .. لاتخذله .. وحطها بعيونك ..
فيصل :آن شاء الله .. ولاتخافين يمه تراها متمكنه بقلبي ..
ابتسمت آمه وجات شوق اللي كانت تلبس عابتها ..
شالت كيس الهدية وكان فخم ولفت انتباه فيصل وشنطتها ..
فيصل باس راسه امه: مع السلآمة يمه ..
سملت شوق على راس عمتها: تصبحين على خير..وتعالي للبيت عندنا ..
ابتسمت أم فيصل: من عيوني ..
.
.
.
بسيارة فيصل كان الجو مايختلف عن المغرب ساكتين ..
وصلوا لشقتهم .. ودخلت شوق للغرفة وفيصل دخل يأخذ ملآبس ..وكانت شوق تنزل عباتها ..فيصل يطالع بالكيس لافت انتباهه ..
أخذت ملآبسها ودخلت تغير ..
وفيصل تقدم بفضول وفتح الهدية وابتسم أكيد هدية من آمه لـ شوق .. تركها نفس مافتحها وطلع من الغرفة ..
طلعت شوق وشافت الهدية مفتوحه ابتسمت اكيد فيصل فتحها ..
وتالي راحت للصاله تشوف التلفزيون .. طلع فيصل من المجلس يبي يشرب موية ومطبخهم مفتوح وكان يسرق النظر لـ شوق ..وشوق نفس حالته ..
وكلن منهم يكابر ..!
راح جلس بالكنبة المقابلة للتلفزيون وجلس يشاهد معها .. وهي كانت تشوف فيلم .. نزلت الريموت وقامت ..
ناظرها فيصل: أبغى اعرف ليه تكرهيني تسذا ؟!
ناظرته بصدمة ..
فيصل وقف : مااعتقد سويت شي لك ياشوق .. ولاجاك مني غير كل الحب والتقدير والاجلآل ..
راح للمجلس ..
كانت شوق تناظره وتالي شافته راح ..
راحت للمجلس ..
شوق : مادخلت قلبي عشان تقول تسذا ..
كان فيصل منسدح : ليالي العيد تبان من عصاريها ..!
شوق: لاتقعد تحكم تسذا ..
جلس فيصل: لا يامدام ..طيب وش اللي سويتيه لي .. لقيت منك حب ؟ حنان ؟ دلع ؟ رومنسية ؟ آحترام ؟ تقدير ؟ موده؟ .. كلها ذي كوم وقرفك مني شي ثااااني .. انصدمت برده فعلك ..
شوق تطالعه وساكته ..
فيصل: خلآص ياشوق .. أنتي استغيلتي حبي الجنوني لك .. الحين بنام وراي بكرة دوام ..

وراي بكره دوام .. اسهرك ليش ؟
وإلى متى آوقف عشان تأخير ؟
شفني بعد فرقاك أطييييح ب شويش .. !
وآخاف تصدف طيحتي جيةالغير..
عطني أمل واحد يخليني آعيش.. !

شوق بكت وطلعت من المجلس ..
رمى فيصل نفسه على الكنبة وهو ضايق آكثر ..
طالع بجواله وكتب لها ..

بـ غرفة النوم ..
انهارات بكى .. قهر منها ومن نفسها حتى فيصل ماناظرها تحسه بد يمل تبي تكلمه بس خايفة ..
سمعت صوت رساله ماهتمت بالبداية بس تحدت نفسها وقامت ..فتحها..

ليت لي قلب على فرقا يقوى ..
كان ودعتك وعجلت الخطاوي ..
لكن اللي بالحشا لك شي آقوى ..
من رحيييل ماوراه إلا البلاوي..!

مسكت الجوال بقوة وبكت : يااااااربي ..

.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 10:29 AM   المشاركة رقم: 129
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
.

الرياض ..
بـ ببيت نايف ..
غرفه دانه ونايف ..
دانه : يؤ رافض ينام ..
نايف: ولد نااااااام ..
ضحك ولدهم وهو صار ينقلب ..
دانه:ههههههههههههههههههههههههه لبآ روحه ..
نايف: ولبآ راعي الغمازات ..

ماقد حسدت بحياتي غيييير غمازه
والله ياهي تتباهى حييييل بخدك ..
كن المشاعر معك يا بنت منحازه ..

دانه: هههههههههه نايف حبيبي نام نام
نايف: مافيني نوم ..
دانه ترتب على ظهر ولدها وتغني : نام نام ياحبيبي نام ..
حط ولدها خده على المفرش ويطالع امه ..
انحنت دانه وباسته : حبيبي هالولد ..حبيبببببببببي ..
نايف كان منسدح : الله لو آيش هالولد كلن معطيه وجهه ..
دانه تبوس ولدها وتدغدغه ويضحك : لبآ عنونه ميشو أذأ مادلعت ميشو مين أدلع .. آحبه يانايف آحبه ..
نايف: وأنا ..
خلت ولدها وقربت لنايف : أنت حوبي ..
نايف كان منسدح ويتغلى: ومشاري ..
دانه: بعد حوبي ..
نايف: لآ مااتفقنا تسذا ..
دانه: هههههه آجل ..
نايف: ولدتس حددي له كلمات .. وأنا غير ..
دانه: هههههههههههههههههههه .. مشكله اللي يغار من ولده ..
طرررررررررررررراااااااااااخ ..
دانه: يمممممممممة مشاري طاح ..
كان يبكي بكا يقطع القلب ..
شالته دانه وهي تسمي عليه .. ونايف حاول يشيه وهو دافن نفسه تحت عنق امه ويبكي ومتسمك فيها ..
دانه: حبيبي بسم الله عليك ..
انفتح الباب ..
وكان لون ام نايف مخطوف: شفيه مشاري ؟
دانه: طاااح ..
عصبت عليهم ام نايف: وليه ماتنتبهون عليهم ..؟
دانه: لهينا شوي وهو ينقلب وطاح ..
نايف: عااادي يكبر وينساها ..
شالته أم نايف: هاااتيك حبيب جدته هاااتيك ..
شالته وآخذت رضاعته : لهيتوا سوى ونسيتم ولدكم .. لاشبعتوا من بعض تعالوا خذو مشاري ..
شالته وطلعت ..
دانه تخصرت ..
ونايف يحك شعره ..
دانه: الحين شلون نأخذه .. مقدر آنام من دونه ..
نايف : الوالده معصبة ..
دانه: أنا خفت منها ..
نايف: ههههههه سيم سيم ..
جلست دانه على طرف السرير وتالي قامت
دانه: بروح أخذه ..
طلعت من غرفتها ..
بغرفه عمتها ..
دخلت دانه ونايف ..
أم نايف : خير جايين ؟
دانه: نبي مشاري ..
أم نايف: روحوا عني آجل يطيح من فوق السرير ولاأنتم دراين عنه ..
دانه: خلآص عمه توبة راح ننتبه له ثاني مرة ..
نايف: وعد يمة ..
لفت ام نايف وفيها الضحكه غصب على ولدها وزوجته ..
دانه: آخر مرة ..
بدى ولدهم ينام ..
أم نايف:خلوه الليله ينام عندي ..
سكتت دانه تخاف ترفض وتزعل عمتها ..وقلبها بولدها..
أم نايف: لاتخافين عليه ..
دانه: مش خايفة عمتي أصلن معك آمان أكثر مني وراح تهتمين فيه.. خلآص عااااتي..
راحت باسته وطلعت هي ونايف..
بغرفتهم ..
دانه: ياقلبه فقدته..
نايف: خلآص آجل بأخذ مكانه وبنام بحضنك ..
دانه: ناااااااايف ..
نايف: دانه عطيني وجه ..
دانه ابتسمت غصب: لآتزعل ..تعال نام ..
ابتسم ..
.
.
.
آخر الليل..
بـ آحدى القاعات الكبرى بالرياض..
كان عرس أخو مشاعل فارس .. طلعت من القاعه على 3 الفجر..
بـ ببيت سلطان..
دخلت مشاعل وسلطان وهم سوالف وضحك لان آهل سلطان راحوا للبيت عقب الزفة .. أما مشاعل تأخرت عشانه آخوها..
بغرفتهم ..
سلطان: بسم الله مشالله ولاحول لاقوة الا بالله..
انحرجت مشاعل..
سلطان قرب منها: ناوية تجيبن لي سكته ؟
مشاعل: بسم الله عليك..
سلطان: الله لآيضرك.. طالعه قمر يابنت الليله..
مشاعل سكتت..
سلطان: الله لايحرمني من آمي ودعواتها لي .. كانت دايم تدعي لي بوحده آخلآق وطيبه وجميله والحمدلله جا لي ماتمنيت..
مشاعل بحزن: والاهم وهو الضنا ..
سلطان: ماسبق وقلتس لتس؟
مشاعل :آممم..لآ..
سلطان: أنتي ضناي ..
ابتسمت ..
حط يده على خدها: وطفلتي ودلوعتي ..
مشاعل: وآنت روحي والبيبي حقي أنا وبس..
ضمها سلطان ..

إنسى كل الناس خليني احضنك
غمض عيونك وانسى بحضني نفسك
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس.. كل الناس.. خليني احضنكـ
هذي اول مرة احس كلي عشق
انطيني فرصه اتنفسك اخاف اختنق
وياك انت تأكدت اني قبلك ماعشت
وعلى كل لحظه بدونك ياحبيبي تندمت
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس.. كل الناس.. خليني احضنك ..

.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 10:29 AM   المشاركة رقم: 130
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
.

اليوم الثاني..
ببيت نايف..
صحت دانه وقامت بسرعة غسلت وفرشت اسنانها وطلعت تأخذ ولدها..
طلعت دانه وكان ولدها بحضن جدتها سلمت عليهم وشالت ولدها وباسته :حبيبي وحشتني..
جدته نايف لامه: وين نايف؟
دانه: باقي نايم..
جات أم نايف ..
دانه: صباحك سكر ..
ام نايف ابتسمت: آجل صباحك قهوة آنتي سكرها..
دانه: فديتك .. شكرآآآآ عمتي قد السماء أنك سبحتي هالدب..
أم نايف: فديته لاتشكريني ..
جدته لابوه تضحك: الظاهر أنتي وابوه ماتحبونه كثرنا..
باستها دانه بقوة.. وابتسمت لجدتها..
.
.
.
ببيت خالد ..
كانت عهد وولدها صاحين ..
عهد تكلم ولدها:نصحى بابا..
كان ولدها يأكل يده ..شالته وراحوا لـ خالد الغرفة..
حطت ولدها عن السرير عند راس خالد .. وهي جلست جنبه ..
عهد: خالد قوم ..
ولده كان يمسك شعر ابوه ..
عهد : ههههههههههههههه ..خالد قوم..
خالد :هآآآ..
عهد: قووووووم ماشبعت نوم الساعه 10 ..
خالد : عهد بنوم ..
عهد: قووووووووووم زهقت أنا ونادر قوم..
خالد: عهد .. نادر عيب لاتمسك شعري..
عهد:ههههههههههه آحسن خلك تقوم..
خالد جلس : عهدوه تشوفين باب الغرفة ..
عهد :يس..
خالد: أنتي وهالبثر برآ خلوني أنوم ..
عهد: هههههههههههه تطردنا..
خالد يعدل كشته ويشيل ولده :خذي ولدك واطلعوا..
عهد تطلع لسانها:ماااااالت ..
خالد ابتسم: عهد اطلعي آحسن خلوني انوم ..
شافت مخده صغنونه رمت خالد وطلعت هي وولدها..
ضحك خالد ورد نام ..
.
.
.
ببيت سلطان ..
دخل سلطان على الساعه عشرة وكان بيروح هو ومشاعل للمستشفى..
آخذ مشاعل وطلع ..
بالسيارة ..
مسك يدها البارده حيل بعز الصيف ..
سلطان: ميشو حبيبه قلبي بسك توتر.
مشاعل كانت ساكته ماقدرت تتكلم ..
احترم سلطان رغبتها بالسكوت وسكت ..
وصلوا للمستشفى وكان سلطان حاجز الموعد من قبل ودخلوا للدكتورة مباشرة ..
الدكتورة ابتسمت لما سمعت المشكله : طيب كم لكم متزوجين ..
سلطان : تقريبا سنة ..
الدكتورة : باقي بدري..
ابتسم سلطان .. ومشاعل كانت ساكته هي ماكانت تفكر تجيب بيبي بس لما طلبها سلطان صار هالموضوع شغلها الشاغل ..
الدكتورة : طيب تعالي معي للفحص السريري ..وراح تجي النتيجة الحين ..
قامت مشاعل ..
خلف الستارة ..
الدكتوره : ليه هالتوتر ياماما ..
وقعدت تسألها ومشاعل تجاوب ..
كان سلطان ينتظر وهو بدا يحس بتوتر .. دخلت النيرس وحطت ملف مشاعل وتحاليلها على المكتب وطلعت ..
الدكتورة : الحين تقدرين تقومين .. وراح أشوف النتيجه الحين هي على مكتبي ..
كانت الدكتورة مبتسمه ..
كانت مشاعل جالسه على السرير تعدل شيلتها والدمعه بعيونها ..
الدكتورة بابتسامه: كنت متأكده بس حبيت أشوف الفحوصات واتأكد ..
ناظرها سلطان بغموض ..
الدكتورة : مبروك يامشاعل آنتي حامل في 3 أسابيع ..
باح مكنونها وبكت ..
قام سلطان وهو مبتسم : لآلآ ليه هالدموع ؟
الدكتورة مبتسمه: مبروك ..
مشاعل كانت على سرير الفحص تعلقت برقبة سلطان وهي تبكي..
طلعت الدكتورة وخلتهم براحتهم ..
سلطان: عيوني ليه البكا..
مشاعل: خفت يكون فيني شي..
سلطان: لآبسم الله عليك..
هداها :بسك دلع راح تصرين أم ..
ابتسمت له..
سلطان : مبروك ..
مشاعل: الله يبارك فيك ..
عدلت شيلتها وهي تتحس بطنها وتبتسم ..
دخلت الدكتورة ..وقعدت تكلمهم ..
.
.
.
ببيتهم ..
بشر سلطان آمه وخواته ..
بغرفتهم ..
مشاعل:فرحان؟
سلطان حط يده على بطنها: الا طاير من الفرحة.. بصير أبو ..وأم ولدي حبيبه قلبي..
مشاعل :تدري من قلت لي أنك تبي طفل وتعوضة عن الحنان اللي فقدته صار هالموضوع شغلي الشاغل وهمي..
باس يدها: لبآ قلبك ليه شلتي هالهم ..
مشاعل:أنت روحي كيف ماتبي آحقق لك اللي تبية..
سلطان: الحين ارتاحي وريحي بالك..
مشاعل:ان شاء الله..
.
.
.

 
 

 

عرض البوم صور حفيدة الألباني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وحيده و أهلي كثيرين, ليلاس, الغلا مستور, القسم العام للقصص و الروايات, اصحابي, اهلي كثيرين, وحديث, وحشني, وحشني شوف أحابي و ربعي و الغلا مستور كاملة, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:31 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية