لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 19-04-10, 07:33 AM   المشاركة رقم: 71
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

وهذااااااااااااااااا البــــــــــــــــــــــــــارت الأخيــــــــــــــــــــــــر



وسوووري على التأخيــــــــــــــــــــر




قراءة ممتعه للجميع





.. في اليوم الثاني ..
في بيت أبو مصعب (الساعة 11 ونص الصبح)
وخصوصا في غرفة هنادي ومصعب .. فتحت عيونها ولفت لجهته .. حست بخيبة أمل إنه مو موجود يمها ..
هنادي في نفسها "شكله الوضع ما تغير" ..
قامت خذت عبايتها إلي على الأرض لبستها علشان تسترها .. وراحت الحمام إنتوا والكرامة تاخذ لها شور .. بعد نص ساعة .. طلعت وهي تنشف شعرها ولافه الروب عليها .. توجهت للكبت و صارت تدور لها لبس ..

ما حست إلاا بيد تحاوطها وأنفاس تحرقها .. عند أذونها ..وصوت آسر ينسيها عالمها ويسفرها بـ عالم ما في أحد غيرها هي وهو
.. مصعب وهو يستنشق من عبيرها: صباح الورد
هنادي بخجل: صباح النور
مصعب وهو يلفها على جهته : إن شاء الله رقدتي عدل وله (وغمز لها*_^) ..
احمرت خدود هنادي من كلااامه ومصعب ما قدر يمسك نفسه: هههههههه فديت الخدود الحمر أنا يا نــاس
هنادي بدلع عفوي ممزوج بشوية خجل: مصــــعب
مصعب وهو يجربها منه أكثررر له : عيونه
.. في ذي اللحظة انطق الباب و وصلهم صوت أم مصعب من ورى الباب: هنـــادي ياليت تسبقيني على المطبخ وتساعديني .. زين
هنادي بربكه: إن شاء الله ..
وبعدها أختفى صوت أم مصعب ..
هنادي وهي تبتعد عنه وتتوجه للكبت وتطلع لهاا لبس .. تحاول ما تبين له ارتباكها وخجلها .. ابتسم مصعب على هروبها منه وتقدم منها وهمس في أذونها ..
مصعب: الحين أمي فكتج مني لأنها تبيج .. لكن الليله من راح يفكج مني .. همم ..
طبع بوسة على خدها وطلع من الغرفة تاركها ذايبة من الخجل والفرررح
----------------------------------------------------------------------
في غرفة مرام
كانت في سابع نومه .. راقده وهي مرتاحه .. بس صوت أمها خرب عليها نومتها .. أم مصعب: مرام .. مرام يمه قومي .. لااا نتأخر
مرام بكسل: ماما بلـــــــــيز أبي أناااام
أم مصعب: ما يصير الحين الساعة 11 .. لااازم تجهزين لااا تنسين العزيمه اليوم
مرام بصوت مليان نوم: ماما أنتوا روحوا وخلوني راقدة .. بليــز
أم مصعب وهي تسحب منها البرنوص (اللحاف يعني): لااا شلووون نروووح والعزيمة علشانج وعلشان أخوج وجاسم ونورة .. يلااا قووومي .. شتبين الناس تقول ..
مرام وهي تقوم وتتهفهف وفي قلبها "مصدقيـــن يعني إني أنا وجسوم معاريس .. أووف"

-----------------------------------------------------------------------

في بيت أبو سعد (الساعة 12 الظهر)

في الصالة .. كان أبو سعد وسعد و حمدان قاعدين ..

أبو سعد وهو يوجه كلامه لـ سعد: شخبار رغد للحين تعبانة .. لأني ما أشوفها ولااا أسمع حسها

سعد وهو يتنهد: والله هي للحين تعبانة و أنا وديتها أمس في الليل بيت أبوها .. وهي تعتذر بس والله هالحمل متعبها وااايد .. ومتعبني أنا معاها

أبو سعد: الله يعينك ويعينها ويقومها بـ السلااامة إن شاء الله

سعد وحمدان: إن شاء الله

أبو سعد وهو يبتسم:والله ذكرتني على أيام قبل أول ما تزوجت أمك وحملت فيك .. كانت واايد تتعب .. وطول النهار تقريباً راقدة .. وأتم أنا بروحي .. و لما يصير وقت رقادي .. قعدت هي من النوم .. وتسهرني معاها .. وأروح الشغل وأنا ميت نوم .. ههههه صج أيام .. بس الحمد الله لما حملت بـ هيام ريحتني .. كانت ما تتعب ولااا تنام وايد .. بس سلطان لما حملت فيه سوت العجايب هههههههه

.. في هاللحظة دخلت أم سعد الصالة وقعدت معاهم ..

أم سعد: جهزتوا وله للحين .. ترى ما بقى شي على وصول الجماعة

الكل: إي جاهزين

حمدان وهو يتربع على الكرسي : للحين محد شرف .. واايد تأخروا

أم سعد وهي تقعد: أكيد بيتأخرون مدام فيها معاريس .. كل منهم يبي يكشخ ويتعدل

سعد بضحكة: وسلطان بعد كأنه معرس للحين يجهز نفسه

أم سعد وهي تبتسم: إن شاء الله .. أصلااا اليوم أنا بفتح الموضوع مع أم مشاري عن جنان .. وبكرة و بروح حق أم عبد الرحمن وبخطب شوق

سعد وهو مستغرب: لااا يكون بتخطبين حق سلطان ثنتين

أم سعد وهي تضحك: هههههههه لااا

سعد: عيل!!

أم سعد: يعني منو .. حق سلطان وحمدان

سعد وهو يطالع بـ حمدان ويبتسم: والله .. مبروك مقدماً

حمدان وهو يبتسم: الله يبارك فيك

سعد: بصراحة أخت مرتي وين بتحصل واحد نفسك

حمدان وهو يبتسم: أكيـــــد .. بس مو .........

.. قاطعه في هاللحظة دخول سلطان الصالة .. و رن جرس البيت ..

-----------------------------------------------------------------------

في بيت أبو مشاري (في نفس الوقت)

الكل جاهز وهيام ومشاري وبنتهم طلعوا و توجهوا لبيت أبو سعد .. أما جنان و أم مشاري وأبو مشاري .. توهم بيركبون السيارة ..

أم مشاري وهي تسكر الباب: غريبة ما سمعت لـ جاسم حس .. لاا يكون للحين راقد

أبو مشاري بستغراب: ليش ما رحتي قعدتيه

أم مشاري: بلااا .. وشفته يقوم ..

جنان وهي حاطة يدها على خدها وتبتسم: شكله رجع ناام لأنه أكيد أمس سهران مع العروسه ..

أبو مشاري: جنونه يبا نزلي جوفيه ..واذا راقد قعديه

جنان وهي تفتح باب السيارة: إن شاء الله

.. راحت جنان داخل وعلى طول لـ غرفة جاسم .. طقت الباب .. بس ما سمعت رد .. صارت تفتح الباب بشويش .. طلت براسها شافت الأخ نايم إلااا في سابع نومه .. ابتسمت بخبث .. وراحت سكرت المكيف وفتحت الستارة و الدريشة (النافذة) ..

.. كان راقد ومرتاح راحه ما بعدها راحه .. خذاله كم من يوم ما رقد مرتاح .. بس في شي مخرب عليه .. و زاعجه .. فتح عيونه بشويش و على طول سكرها من النور إلي توجه لعيونه .. لف للجهه الثانية وهو منزعج من الصوت ..

.. كانت تطبل على الباب وتغني بصراخ .. جنان وهي مندمجة بتلحين: قوووووم قوووووم بسك نوووووم
قووووم قوووووم يا جسووووم
قوووووم قوووووم قووووم بسك نوم
قوووم قوووووم قوووووم ياااااا جسووووووووم
قووووووووووووووم بسك نوووووووم يااااااااا جسوووووووووووووم

.. ما حست إلااا والمخده في ويها .. جاسم بنرفزة: جــــــــــــب

جنان وهي تفرك خدها: يعلك إن شاء الله السعادة قول آميــــــــن .. قووووم بسك نووم .. لااا تتأخر على العزيمة

جاسم وهو يتهفهف: أووف إنزيــــــن قلبي ويهج الحين

جنان: أصلااا الحيـــن إحنى بنمشي .. بس لااا تتأخر

رجع جاسم وحط راسه على المخدة: يصير خير

جنان وهي ترجع على ورى وتبتسم .. و تصارخ: قووووووووووووووووووووووووووووم يااااااااااااااااااااااااااا جسوووووووووووووووووووووووووووووم بــــــــــــــســــــــــــــــــــــك نووووووووووووووووووووووووووم

.. فجأة قام جاسم وهو معصب ويتوجه لها .. هي من الخوف .. رفعت عبايتها ..

و ركضــــــــت بأقصى ما عندها لين ما وصلت للسيارة وهي تشاهق من التعب ..

وجسوم إستسلم وراح الحمام (إنتوا والكرامة) بس في قلبه متحلف في جنان لأنه عكرت مزاجه بصريخها

-----------------------------------------------------------------------

في بيت أبو سعد (الساعة 1 ونص الظهر)

الكل وصل ما عدا جاسم .. طبعا الحريم في الصالة .. والرياييل في المجلس الخارجي .. كانوا جميع المعزومين يصيرون للعائلة ..

طبعاً مرام كانت للحين في السيارة تضبط الميك آب لأنه ما مداها .. ونورة كانت نفس الحاله بس في الحمام (أنتوا والكرامة) .. بعد ما ضبطت مرام الميك آب .. نزلت وتوجهة لداخل بيت أبو سعد .. في دخلتها جافت نورة طالعه من الحمام ..

مرام وهي تبتسم: هلااا والله بـ زوجة أخوي

نورة وهي تضحك بخجل: هههههه هلااا بيج يا زوجة ولد عمتي

مرام وهي تضحك للحين مو متخيله إنه جسوم ريلها: ههههههههههههه

نورة: صايرة كشخة

مرام وهي تدور : أدري إنتي بعد كشخة صايرة

نورة وهي تتصنع الغرور: أدري

مرام: طيب بدخل أسلم

نورة: أنا بعد

توجهوا مرام ونورة للصاله علشان يسلمون على الحريم

-----------------------------------------------------------------------

.. في الصالة ..

أول ما دخلوا مرام و نورة الكل قام أيبب .. أم مشاري : ألف الصلااة والسلاام عليك يا حبيب الله محمد كلووولووووووووووووش

أما مرام ونورة ابتسموا وهم ميتين من الخجل .. قام الكل يسلم عليهم .. ويبارك لهم .. ويتمدح فيهم ^^

أم مشاري خلت مرام تقعد يمها .. وأم مصعب أستلمت نورة وخلتها هي الثانية بعد تقعد يمها

أم مصعب وهي تناظر بـ نورة وتبتسم: شـ الحلى شـ الزيـن ..

ابتسمت نورة وهي ميتة من الخجل والاحراج: تسلمين خالتي من ذوقج

أم مصعب وهي قاصدة تحرج نورة: يا بخته حمد فيج

تعالوا شوفوها .. ذابت من الخجل في ثيابها .. وخدودها حمرت أكثر .. كانت تحس الأكسجين إلي في الهواء كله إنسحب وما ظل غير ثاني أكسيد الكربون

.. أما مرام وله كأنها عروس .. قاعدة تسولف مع أم مشاري وتضحك ..

-----------------------------------------------------------------------

.. في مجلس الرياييل ..

دخل جاسم وسلم على الكل .. وحصل هو من نصيبه في التهنئات على زواجه ..

سلطان: وينك .. وااايد تأخرت

مشاري و هو يبتسم: كان نايم .. خبرك طول الليل وهو يكلم المدام

الكل: ههههههههههههه

جاسم وهو يلف عنهم بـ غرور: كيفي شحاركم

حمدان: مو حارنه شي .. بس ها هو حمد هو بعد معرس حاله من حالك .. بس ما سوى سواتك

جاسم وهو فاتح عيونه على وسعهم: حشى حشى شسويت أنا

حمدان: ولااا شي أمزح معاااك ههههههه

حمد: ههههه أقول جسوم .. تنذل فيه لما يعرس هو

حمدان وهو يبتسم: لااا أفاا يا حمود ليش تشوشه علي .. ما هقيتها منك

جاسم وهو يحرك حواجبه بـ خبث: أوكـــــي .. راح أراويـــك شغلك هين أنت بس ..

سلطان وهو يطالع بـ حمدان ويضحك: هههههههههه محد قال لك

قطع عليهم سوالفهم .. صوت أبو سعد : يلاااا حياكم الغدى جاهز

الكل قام وتغدى والسوالف والضحك الشباب كانت مسوية جو مو طبيعي

-----------------------------------------------------------------------

.. في الصالة ..

بعد الغدى .. رن تلفون نورة .. وكان المتصل "حمــد" .. ردت وهي مستحية .. لأنه الكل كان يناظر فيها

نورة: ألووو

حمد وهو برع المجلس: أحلــــــــى ألوووو

نورة توردت خدودها: ...................

حمد: تغديتي

نورة: إي .. وأنت

حمد: إي .. طيب ممكن تطلعين بره

نورة: وين

حمد: في الحوش .. وحشتيني

نورة: .... طيب بطلع الحين

حمد: ههههههه فديتج والله

نورة: باي

حمد: انتظرج باي

سكرت نورة من حمد .. وهي منحرجه لأنه الكل قاعد يطالع فيها .. استأذنت و طلعت للحوش

 
 

 

عرض البوم صور أسيرةبحرالأماني   رد مع اقتباس
قديم 19-04-10, 07:33 AM   المشاركة رقم: 72
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 



.. جافته واقف يطالعها ويبتسم .. قربت له .. نورة: السلااام

حمد وهو يمد يده وسلم عليها ويبوس خدها: وعليكم السلااام

نورة بخجل وهي تبتعد شوي عنه : ...............

حمد وهو يبتسم: شفيج

نورة وهي تهز راسها وبلاا شعور : لااا ولااا شي بس اليوم أنا قلبي بيوقف من الاحراج

حمد: سلااامة قلبج يا قلبي .. أفاا ليش

نورة توها مستوعبة بإلي قالته: هاا لااا ولااا شي

حمد: نويـــــرة قلبي .. تخشين علي

نورة: لااا بس .... أممم بصراحه أمك اليوم كله تحرجني بمدحها وكلاامها .. و نظرات الكل نفس الشي .. وأنت بعد ..

حمد وهو يضحك وبصوت عالي: هههههههههه فديت إلي يستحون أنا يا ناااااااااس

نورة: أشششش فضحتني .......

حمد: هههههه شاسوي لااا تلوميني من حبي لج ما أحس بنفسي

.. حاوط حمد يده على خصرها و قربها لين حظنه .. وطبع بوسة على خدها و بصوت هامس: مشتاق لــــــج

نورة وهي ذايبة بصوته: حمودي بعد شوي أخاف أحد أيي ويشوفنا

حمد: عادي .. زوجتي حلااالي

نورة وهي شوي وبتصيح من الاحراج: بلـــــيز حموودي

حمد: يا زينها حمودي منج

نورة:................

حمد حن عليها وهو يشوف حمرار خدودها: طيب بتركج بس مو خوف من إنه يشوفونا .. لااا بس الخوف من إني أتهور لأني بصراحة مو قادر أقاوم

نورة أحمرت أكثر و أول ما تركها حمد .. على طول دخلت داخل و حمد ما قدر يمسك نفسه : ههههههههههههههه

-----------------------------------------------------------------------

في قصر أبو نايف (الساعة 4 و نص العصر)

.. كانت قاعده في الصالة .. تطالع التلفزيون مع أم نايف إلي كانت متغيرة واايد عليها بـ المعاملة من بعد إلي صار مع ياسميـــن ..

رن التلفون مي .. ردت مي من غير ما تجوف الرقم .. مي : ألووو

....: ألوووو

استغربت مي من الصوت .. بعدت التلفون عن أذونها وطالعت بالرقم .. كان رقم غريب ..

مي بستغراب من الصوت الرجولي : من معااي

....: أفاا ما عرفتيني يا الحلوة

ما تدري ليش بس خافت .. مي: لااا والله ما عرفت .. من معااي

....: ههههه أممم ما راح أقول لج الحين .. أبيج تعرفين بنفسج

مي بحده: أقوول يا تتكلم وتقول منو .. يا قفل ولااا تدق مرة ثانية .. صج ناس فاضية

....: ههههههه أي والله فاضي شدراج

مي بملل: أقووول أقلب ويهك

على طول سكرت في ويهه التلفون وهي معصبة .. جافت أم نايف تطالع فيها بستغراب ..

مي و هي تتكلم بكل ثقة: وااحد تافه و فاضي ما عنده لااا شغله ولااا مشغله ..

هزت أم نايف راسها .. بعدم إكتراث: أهااا

حزت في نفس مي طريقة كلام أم نايف .. مي وهي تعدل قعدتها .. و جسمها صاير مواجه لـ أم نايف

مي بتردد: يـ.. يـماا

لفت أم نايف لـ مي وهي مستغربة: ..............

مي نزلت عيونها وصارت تلعب في أصابع يدها: أنا آســـــفة .. بلي صار .. أدري إني أنا السبب في طرد أبوي لـ ياسمين من ......... (وسكتت)

أم نايف :........................

مي ردت تكمل .. بعد ما جافت سكوت أم نايف كأنها تحثها على إنها تواصل : الله يشهد علي إني أحبكم وأعتبركم أم وأبو لي و أهلي إلي عمري ما شفتهم ولاا حسيت فيهم .. أنا عمري كله ما أتخيل حياتي من دونكم .. حتى أبوي أشكره لأنه هو السبب إلي خلااني أعيش وسطكم .. تكفين سامحيني .. وأنا والله عهد علي لااا أتصل بـ ياسمين وأعتذر منها .. وأكلم أبووي و خليه يسامحها .. أنا .......... (ما قدرت تكمل لأنه دخلت بنوبة من الصياح)

عورها قلبها .. وحنت عليها .. قامت وحظنتها وصارت تمسح على شعرها وتهديها ..

أم نايف: بس يا بنيتي .. أنا أدري إنه مالج ذنب .. وإنتي قلبج أبيض .. بس أنا أم و ياسمين بنتي .. و أنا مكسور خاطري عليها .. بس ما ألومج .. يمكن معاملتي لج بينت لج إني ألومج بس لااا أنا من حزني عليها .. عاملتج جذي .. بس مسحي دموعج .. ما أبيج تصيحين

مي وهي تمسح دموعها: الله يخليج لنا ولااا يحرمنا منج

أم نايف وهي تمسح على راسها وتبتسم: ما قول غير يا بخته ولدي فيج ..

أبتسمت مي بخجل :......................

أم نايف : ههههههه يا زينج وإنتي مستحية

.. كان نايف واقف ومبتسم : هاا خلصتوا الفلم

لفت أم نايف ومي عليه .. أم نايف : من متى أنت هني

نايف: من سكرت مي من التلفون

أم نايف وهي رافعه حاجب: ليش بـ الله واقف تتنصت علينا

نايف: ههههههه حشى علي يا الغالية .. بس شفت تقلبات من أكشن إلي دراما .. إلى رومانسة .. إلي فلم هندي .. فقعدت أتفرج .. يعني ما يتكرر هالفلم مرة ثانية ^^

-----------------------------------------------------------------------

في مكان ثاني بعيد عن البحريـــن ..

.. الإمارات .. في شركة الـ... (في نفس الوقت) ..

.. قاعد في مكتبه مع رجل أعمال .. يتناقشون في الصفقة المشتركة من بينهم ..

أبو عبيد: مثل مانت شايف ما نروم (ما نقدر) نحدر (ندخل) شريك ثاني معانا في الصفقة ..

أبو مي وهي يشيل النظارة من عيونه: بس راس المال لاازم يكون أكثر يعني .. إذا ما دخلنا شريك ثاني .. لاازم كل راس مالي أحطه في الصفقة

أبو عبيد وهو يبتسم بخبث: بس الصفقة مضمونة ومدروسة .. يعني ما فيها اي خوف .. ولااا تنسى أنا بعد بحط كل راس مالي .. أنت توكل على الله

أبو مي وهو يبتسم: خلاااص عيل توكلنا على الله

.. وقع أبو مي على أوراق الصفقة .. وأبو عبيد يبتسم بفرح و وقع هو الثاني بعد

-----------------------------------------------------------------------

في بيت أبو سعد (الساعة 7 ونص المغرب)

.. كان الكل المعازيم راحوا بعد العشى و ما ظل غير الأهل .. طبعا الكل من البنات والحريم والرياييل صاروا في الصالة ..

وطبعاً العرسان خلوهم يقعدون يم بعضهم .. كانت نورة مستحية وحمد طاير من الفرحه ولااا على باله ..

أما مرام وجاسم فكان الوضع عاادي .. حتى إنه البعض شك إنهم متزوجين .. بس خذوها حجه إنهم مستحين

.. طول القعدة سوالف وضحك .. سلطان وهو يبوس الجوري : فديتج طالعه على خالج إلي هو أنا

هيام و هي تاخذ الجوري عنه: بسم الله عليها .. تبي تضيع مستقبل بنتي

الكل: ههههههههههههههه

سلطان بغرور: وي أصلااا يحصل لج

حمدان بطناز: إي وين بتحصلين أكبر مغازلجي في البحرين

سلطان وهو يرمي عليه المخدة: حدك فضيحه

الكل: هههههههههههههههه

أبو سعد: هاا طلعت أكبر مغازلجي

سعد وهو يضحك ويطالع بجنان: ههههههههه فضحتوه مسكين الحين من إلي بتقبل فيه

جاسم: هههههههههه عاادي ياخذ خدامتنا ههههههههه

جنان وهي تاكل الفراولة: هههههههه مسكينة يا ماريا راح مستقبلج ههههههه

الكل: ههههههههههههههههههه

حمدان: هههههه يعني الحين أسمه سلطان لااازم ياخذ وحده اسمها ملكة .. و أيب ولد اسمه أمير وبنت أسمها أميرة هههههههههه

الكل: هههههههههههههههههه

حمد + نورة : حشـــــــى

 
 

 

عرض البوم صور أسيرةبحرالأماني   رد مع اقتباس
قديم 19-04-10, 07:35 AM   المشاركة رقم: 73
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 



طالعوا في بعض وضحكوا و طبعاً نورة استحت بس ما حبت تبين : ههههههههههههههههه

سلطان: عيل من زين أسمك حمدان .. أنا أبي أعرف شله هالأسم بذات يعني عمري كله ما سمعت بحريني أسمه حمدان .. طبعاً إلااا إذا كنت متجنس ههههههههههه

حمدان: متجنس بعينك .. وبعدين لااا تسألني أسأل أمي

الكل طالع بـ أم سعد .. لأنه فعلااا الكل ياله فضول يبي يعرف ليش سمته حمدان

أم سعد: والله أمي الله يرحمها كانت عندها صديقة اماراتية أسمها (ميثاء) .. كانت مثل الأخت لها .. ويوم أمي حملت فيحمدان .. كان ولد ميثاء متوفي في حادث كان عمره 14 سنة تقريباً .. و أمي نذرت جدام الكل إذا يابت صبي تسميه على أسمه .. و فعلااا يابت صبي و سمته بـ حمدان

الكل: الله يرحمها

.. أم مشاري : جنان يما قومي حطي الكيكه إلي سويتها

جنان: إن شاء الله

.. قامت جنان وراحت على طول المطبخ و قعدت تجهز الكيك والصحون وإلخ.....

.. في الصالة .. رن تلفونه وكانت رغد المتصلة .. استأذن من الكل وقام ..

سعد: هلااا والله بحبيبة قلبي .. وحشتيني .. هههههه لاا لااا الكل زين وسأل عنج .. والله القعدة ما تسوى من دونج .. اي اي .. ..... ..

.. طلعت من المطبخ وهي حاملة الصنية .. بس في شي وقفها

.. لما سمعت سعد يقول : اي توها اليوم أمي قايلة إنه سلطان وحمدان قرروا يتزوجون .. وتوقعي من حمدان بياخذ .. هههه لااا يا قلبي .. بياخذ أختج .. ههههههه اي اي علشان جي و.................

.. ما تدري ليش حست بحزن .. ونهارت قوتها .. كانت راح تطيح الصنية من يدها .. بس مسكت حمدان .. كانت أسرع ..

حمدان بستغراب وخوف: خيرر شكلج تعبانة

ناظرت فيه بـ حزن وهزت راسها .. جنان: لاا ما فيني شي

حمدان وهو يرفع حاجبة: طيب عطيني عنج

عطته جنان الصنية وعلى طول مشت بدون ما تعطيه أي فرصة حتى لو يقول كلمة

.. بعد ما الكل كل الكيك .. أذن العشاء .. والكل الشباب و الشياب طلعوا للمسجد ..

بس حمدان قبل لاا يطلع .. كلم أمه وقال لها ما تفاتح أم مشاري بـ موضوع جنان .. تنتظر لين ما تصير خطبة سلطان بعدين ..

وأم سعد خلته على راحته .. وما أعترضت .. بس قالت له .. بعد خطبت سلطان راح تفاتح أم مشاري .. بعدها الكل رجع لبيته

-----------------------------------------------------------------------

في بيت أبو عبد الرحمن (في نفس الوقت)

.. قاعدة تطالع في التلفزيون .. ومندمجة بالفلم .. بس قطع عليها اندماجها صوت أختها رغد .. وهي داخلة الصالة و مستانسة ..

غرور وهي رافعه حاجب: لااا صح ضحكينا معااج .. شفيج شاقة الحلج شق

رغد: هههههههه شفيج محترة .. كيفي فرحانه شلج دخل

غرور: عيل سكتي لأني أبي أطالع الفلم .. خربتي علي

رغد: هههههههه أساساً إذا عرفتي سر فرحتي بتنسيت الفلم

غرور واللقافة بدت تلعب: شنو شنو قوولي

رغد بنحاسة: لاااااااا

غرور بترجي: يلااااااااا بليــــــــــز

رغد: لااااااااااااااااا

غرور: أوووووووف بلاااا مذلة يلاااااااااا قوووووووووووووولي

رغد: سعد حبيبي بعد قلبي بعد فؤادي و رووحي وعشقي و ........

قاطعتها غرور قبل لااا تكمل: بس بس يرحم أمٍ يابتج بس .. حشى كأني قايلة لج تغزلي في ريلج

رغد: هههههههههههههه فديته والله

غرور: أوووف مللتيني تراج تحجي مثل الأواادم احسن لج

رغد وهي تتربع: اليوم سعودي قال لي إنه أخوه حمدان وسلطان بيتزوجون

غرور بطناز: لاااا صج ألف ألف مبروووك .. فرحتيني بصرااحه

.. مرة وحده قلبت .. بعصبية غرور: مالت مالت مالت .. على بالي عندج شي

رغد: ههههههه إنتي صبري ترى للحين ما كملت

غرور بملل: كملي أسمعج

رغد: تخيلي من بيخطبون

غرور وهي تساير رغد: منووو

رغد: جنان بنت عمتهم .. و شوق بنت عبد الرحمن إلي هي أختنا

غرور بعد أستوعاب: هااا

رغد ما قدرت تمسك ضحكتها: هههههههههههههه

..مرة وحده تنقز غرور من مكانها وهي تصارخ: ما أصدق مستحيــــــل

.. رغد وهي تبتسم: حمد الله والشكر

غرور : بروح أبشرها

رغد وهي تبي توقف غرور .. بس ما قدرت تقول وله كلمة .. لأنه غرور من زمان صاعده فوق لغرفة شوق

-----------------------------------------------------------------------

.. في غرفة شوق ..

.. دخلت غرور من غير ما تدق الباب .. غرور بفرح: شوق ما سمعتي آخر الأخبـ..... (و سكتت)

.. شوق على طول حطت يدها ورى ظهرها .. وباين عليها الربكة .. غرور ما أرتاحت على حركة أختها .. جربت منها و ألف فكرة تلعب في مخها

.. غرور بشك: شفيج ويهج قلب ألوان .. وشكلج متوهقة ومرتبكة .. وبعدين شنو إلي خاشته وراج

.. شوق : هاا .. أ..أ .. ولااا شي

غرور: ولاا شي هاا .. علي هالكلااام .. شنووو تحجي

شوق بستسلااام: ..... مفتون قلبي

غرور وهي ترفع حاجب: هاا ما سمعت زين شنوو

شوق: مفتــــون قـــــلبـــــي

غرور بعصبية: راويني إلي فاتي قلبج و مولعج .. أشوووف راويني الصورة .. خل نكتشفه

شوق بصدمه: أي صورة .. أنتي شتفكير .. شدخــــــل أساساً

غرور على نفس وضعها: عيل شنووووو

شوق وهي تطلع إلي في يدها: هذا ^^

.. غرور طالعت فيها بصدمه .. وفجأة: هههههههههههههههههههههههههههههههههههههههههههههههههه هههه

.. في ذي اللحظة دخلت رغد واستغربت من ضحك غرور الهستيري ..

رغد بغباء: بل لهدرجة الخبر مسوي عمايله

.. غرور وهي تضحك: هههه سمعتي النكتة اليديده هههههه

.. رغد: ههه لااا شنوووو !!!

غرور: تخيلي مرتبكة و ويها معتليه كل الألون .. و كان شكلها متوهقة .. ههههه قلت في شي بنت الذينة مسويته وخاشته عنه .. أسألها شنوو عندج .. تقول لي مفتون قلبي .. أقول لها من إلي فاتنج راويني صورته .. تخيلي بعد العناء راوتني .. تخيلي منووو مفتون قلبها

رغد بصدمة : لااا تقولين إلي بالي بالج

غرور: ههههههههههههههههههههه لااا انتي الثانية فكرج رااااح لبعيــــــــــــد

رغد بقلت صبر: عيل !!

غرور: تخيلي





7








7








7






7






7


كــــــــــــافـــــــــي سنكــــــــــــــــــر


رغد : هههههههههههههه مالت مالت على بالي شخص .. و آخر شي طلع كاكووو .. ماااالت

شوق وهي مبرطمة: شاسوي إذا كنت عاشقة السنكر وأخشه عنكم علشان ما تاكلونه عني مثل كل مرة

غرور وهي تغمز لهاا: لاااا هذا بس الحين باجر من يقولون لج من مفتون قلبج بتقولين حـ...

حطت رغد يدها على فم غرور علشان تسكت: أشششش بلااا كثرت كلااام يلااا خل نكمل الفلم

غرور: بس أ........

 
 

 

عرض البوم صور أسيرةبحرالأماني   رد مع اقتباس
قديم 19-04-10, 07:36 AM   المشاركة رقم: 74
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 



ردت رغد سدت فمها علشان ما تكمل: غرورووو يا حماارة أمشي جداامي

.. قربت لها أكثر وهمست .. رغد: سعودي قال لااا تخبرين أحد .. فخلي الوضع مثل ما هوو .. لااا تخليني أندم إني قلت لج

غرور هزت راسها انه أوكي ما راح تتكلم بما معناه

شوق: !!؟؟!!

طلعوا غرور و رغد منغرفة شوق وتاركينها .. مثل الأطرش في الزفـــــة

-----------------------------------------------------------------------

في بيت ابو مصعب (الساعة 10 ونص في الليل)

.. في غرفة مرام ..

.. كانت قاعدة مع هنادي .. تستجوبها عن حياتها مع مصعب

مرام بفرح: يعني خلااااااص حياتكم صارت سمنة على عسل .. كل شي صار مضبوط .. يعني مافيه مشاكل نفس قبل .. وكل واحد تقبل الثاني

.. هزت هنادي راسها بإيجاب: أي .. بس في شي مخليني أتردد

مرام بستغراب: شنووو

هنادي: أخاف إنه للحين يحب .. مهـــــــــا

مرام : يا الخبلة .. من صجج تغارين من وحده ميتــــة .. وبعدين سبق وقلت لج .. حتى لو يحبها .. إنتي زوجته وما رده بحبج

هنادي: مو هذا إلي مصبرني ومريحني

.. قطع عليهم دق الباب ودخول مصعب ..

مصعب: إنتوا ما شبعتوا من بعض حشى خذالكم ساعتين بالكثير وأنتوا مع بعض من ردينا وهذا انتوا سالفة ورى سالفة ..

هنادي: هههههههههه نفضفض إلي في قلبنا .. مو ذنبنا إذا كان مشحون

مرام وهي تهز راسها بتأكيد: إي فعلااا

مصعب وهو يسحب هنادي من يدها: تبين تفضفضين عندج أنا ريلج .. مو تفضفضين عند مرامووو .. (و وصار يطالع بمرام) .. وانتي اذا تبين تفضفضين عندج ريلج .. شدعوة عاد قبل لااا تتزوجينه كنتي تفضفضين له

مرام: ههههههههه أقوول خذ مرتك ويلااا برووو (برو يعني روح) أبي أناام بعد علشان أتعود بعد يومين راح انداوم في جامعه

هنادي : اي والله .. الله يعين

مصعب: أقوول هنووي مو كأنه عطيتج ويه يلااا جدامي

هنادي: هههه اوكي

.. طلعوا مصعب و هنادي من غرفة مرام .. وتوجهوا لغرفتهم إلي في الشقة ..

لحظة < (( ملاحظة: نسيت أقول لكم إنه خلصوا بناي الشقة إلي في بيت أبو مصعب .. وصارو يسكنون فيها))

-----------------------------------------------------------------------

في غرفة مصعب و هنادي

.. أول ما دخلوا على طول مصعب قفل الباب .. و حظن هنادي وهو يهمس في أذونها : أشتقت لج موووت

هنادي بخجل: وأنا أكثـ....

أنقطعت كلمتها وأنفاسها إختلطت مع أنفاسه .. عايشين حياة العشاق ........................ *_^

-----------------------------------------------------------------------

.. بعد شهــــر ..

ابتدا دوامات الجامعة .. وصارو أبطال روايتي يروحون كلهم للجامعه .. و مرام طول الشهر .. عايشة حياتها مع جسوم مثل قبل .. و صايرة أوقات أستراحتهم مع بعض ويقضونها مع بعض ..

أما نورة وحمد .. فطبعاً حمد تخرج و يشتغل سبق وذكرت .. و طول الوقت يتصل في نورة ويطلع معاها .. مافي أحلى منهم ثنائي روووعه ..

.. أما هنادي ومصعب .. كل شي يمشي حلوو من بينهم .. مصعب صار ما يقدر يستغني عن وحده أسمها هنادي .. بختصار "حبها" أو نقدر نقول "عشقها" .. و هنادي زاد حبها لـ مصعب إلي كل ماله يكبر يوم عن يوم .. وصايرة تحاول تقسم وقتها حق الجامعة وحق مصعب

.. أم سعد خطبت شوق حق سلطان .. وشوق وافقت .. وتحددت الملجة بحفل كبيـــــر .. لأنه سلطان ما يبي يسوي زواج إلااا لما يخلص ويكون نفسه بنفسه .. والملجة بعد إسبوع

.. جنان آخر سنة لها في الجامعة .. وحاطه كل جهدها علشان تنجح .. وطبعاً نفسيتها تعبت لما عرفت إنه شوق إنخطبت .. وهي على بالها الي خاطبها حمدان مو سلطان .. صايرة تتجاهله .. و تتجاهل إتصالاته .. وطرشت له مسج تقول له فيه "بليـــــــز حمدان عن الإحراج .. بس مو صح إلي قاعد يصير وياليت ما تتصل مرة ثانية لأني مو فاضية .. كفاية الدراسة مو ملحقه عليها"

.. أما عند حمدان .. كان مستغرب من تصرفات جنان المتغيرة .. حاول كذا مرة يكلمها ويعرف شفيها .. بس هي دووم تتحاشاه وما ترد عليه .. وإذا طرش لها مسج .. سفهت فيه (بمعنى طنشته)

.. سلطان قرر يترك المغاازل .. ويبتدي حياة جديدة مع شوق .. على إنه خايف من الحياة الجديدة المقدم عليها .. وكان في نفس اليوم إلي بروحون يتقدمون لها متردد .. بس لما صلى وستخار .. ارتااح

.. هيام ومشاري .. عصافيــــــــر الحب .. فرحانين بحياتهم إلي غمرتهم بحب وعشق أكثر لبعض .. بوجود الجوري .. ثمرة حبهم

.. سعد ورغد .. دخلت رغد شهرها .. وهي طول الوقت خايفة إنها تولد .. سعد . فرحان إنه في طفل ياي بالدرب .. و راح يصير أبو .. شعوور حلوو

.. مي إستسمحت من ياسمين إلي أفتشلت وحست بخطئها .. و هي استسمحت بعد .. و مي مرتاحة لأنه الكل حواليها صار يحبها ويعزها .. وكل يوم تدعي على أبوها بالخير بـ فضل زواجها من نايف ..

.. نايف .. صار ريال شهم و خلوق .. ترك كل شي سيء في حياته .. صار مخلص لـ مي .. و حبها تغلغل في قلبه مثل الطلقة في إختراقها للجدران ..

.. أبو نايف سامح بنته ياسمــــين علشان مي .. خصوصاً لما شاف إنها متحسفة ومفتشلة إنه مي إستسمحت منها وهي الغلطانة

أبو مي .. حاط كل جهوده .. وراس ماله .. في الصفقة .. وكل شي حالياً ماشي اوكي ..

-----------------------------------------------------------------------

قبل يوم ملجــــــــة .. شوق وسلطان ..

الكل فرحان ومتحمس .. ما عدا >جنــــــــان< إلي قاعده تدور أي عذر علشان ما تحضر الملجة .. بس للأسف ما قدرت لأنه أم مشاري أصرت عليها .. وقررت تروح ..

.. في بيت أبو مشاري .. وخصوصاً غرفة جنان ..

جنان وهي منسدحة على السرير وتكلم نفسها "أنا ليش متضايقة يبي يعرس خله يعرس شلي حارني .. أوووف والله أحس إني متضايقة حيل .. يعني ما لقى غير شوق .. طيب شفيها شوق بنت حلوة والكل يتمناها .. آآه شكلي متضايقة لأنه ما فكر فيني .. طيب ليش أبيه يفكر فيني .. هههه شفيج يا جنان شكلج ينيتي .. لااا ما ينيت بس ........ لااا بس ولا شي .. إنتي شكلج تحبينه وهو أبد مو داري عن هوى دارج"

.. (سكتت و للحظة أستوعبت) ..

" تحبيـــــــــــنه .. معقولة أنا أحب حمدانووو .. أكيد عيل ليش تضايقة لما عرفت إنه بيتزوج .. آآآه مالت على حظج يا جنون .. بتحظرين زواج إلي حبه قلبج"

-----------------------------------------------------------------------

في اليوم الثانـــــــــي .. يــــــــــــوم المــــلجــــــــــــــة ..

الكل محتاس .. والبنات كلهم رايحيـــن الصالون من الصبح .. أم مصعب وأم مشاري وأم سعد وأم خليل راحوا حق وحده تمكيجهم مثل كل مرة .. علشان يمديهم الوقت ..

بعد ما خلصوا البنات من الصالون رجعت كل وحده لبيتها .. طبعا إلي وصلهم خليل ^^ << هذا صاير سواق حقهم هع

-----------------------------------------------------------------------

في الفندق (الساعة 8 بعد صلااة العشاء)

 
 

 

عرض البوم صور أسيرةبحرالأماني   رد مع اقتباس
قديم 19-04-10, 07:37 AM   المشاركة رقم: 75
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 



كل العائلة وصلت وبعدها على الساعة 9 وصلوا كل المعزيم تقريبا ..

كانت الصالة صاخبة من صوت الدي جي والبنات رقص و وناسة

::راح أوصف لكم البنات::

شوق
vv

بما انها العروس فكانت الأحلى من بين كل البنات ..
كــــــــانت روووووعة وبقمة الأناقة والنعومة
كانت لااابسة فستان مخصر عليها من عند الصدر و واسع لين تحت .. من فوق فيه شيفون ومطرز ويلمع لمع من فوقه لين تحته و لونه لؤلؤي مايل للإصفرار .. من دون أكمام .. كان الميك آب شوي صاخب راسمه عيونها فراشة والشدو كان أسود وبني مع أصفر فاااتح والحمرة بنية تلمع وتسريحتها بمقة الروعة شعرها نصه مرفوع والباقي نازل على كتفها بشكل كيرلي

=====

نورة
vv

.. كانت لابسة فستان مخصر عليها من فوق لين تحت (السمكة) من فوق فيه ورود لين فتحت الصدر وبدون أكمام وكان لونه بيج ويلمع كان ميك آب شوي صاخب راسمه عيونها فراشة والشدو كان أسود وبني والحمرة بنية تلمع وتسريحتها بمقة الروعة شعرها كله مرفوع وفي خصل نازله منه وكيرلي

=====

جنان
77

كانت لابسة فستان لين تحت الركب لونه أسود وفي نقش بلون الرصاصي مخصر ويربط عند الرقبة والظهر طالع وحاطة ميك آب خفيف بس راسمة عيونها وحاطة شدو رصاصي وتدرجاته وحمرة وردية أما تسريحتها فكان شعرها كله على برد و ويفي وفي وردتين على برد بلون الأسود وطاالعة خيال .. رووعة شوية عليها

=====

هيام
77

كانت لابسة فستان طويل لونه عنابي مخصر من عند الصدر لين الخصر وتشكيلته مثل فستان (المغنية يارا في أغنيتها لو بص بعيني) وحاطة ميك آب صاخب دامجة لون البنفسجي مع الأزرق وراسمه عيونها وتسريحتها من جدام شبك ومنزلة قذلة ومن ورى ملموم ذيل حصان ولابسة مشبك شعر على لون فستانها ويلمع ..

وطبعا لبست الجوري إلي كبرانة شوي نفس فستانها وطااااالعه تجنن بمعنى الكلمة << فديتهاا يا ناااااااااس

=====

رغد
77

فستانها أحمر للحوامل لين تحت الركبة ومكسر وفي شريطة تحت الصدر لونها أسود و الميك آب لونه وردي و أزرق وراسمه عيونها أما شعرها فكان على طبيعته مفلول و ويفي وحاطة فيه اكسسوار حلو لونه أبيض

=====

غرور
77

لاابسة فستان وردي من جدام قصير لين تحت الركب ومن ورى طويل ذيل ومخصر عليها من عند الصدر لين الخصر وبارز جمال جسمها وفيه زركون على كل الفستان ومن دون أكمام والميك آب لونه وردي مع الأسود وراسمة عيونها وشعرها مسويته تسريحة كله ملموم وصاير كل شعرة على الثانية

=====

مرام
77

كانت لابسة فستان سماوي لين تحت الركبة مخصر عليها من عند الصدر لين الخصر فيه سريطة لونها أزرق على برد ومن عند الظهر طالع وكان الميك آب أزرق وتدرجاته وشعرها مفلول كيرلي
كانــــــت ناااعمة من قلب

=====

-----------------------------------------------------------------------

في مجلس الرياييل (في نفس الوقت)

قاعد وهو طاير من الفرح .. يبتسم وهو الود وده يطلع من المجلس ويقعد مع شوق ..

مشاري وهو يبتسم حق سلطان : أي شق الحلج خلاااص من قدك بتتزوج

سلطان وهو يبتسم: الفال حق حمدان

حمدان من قلب: آميـــــــن

.. حمد وهو يعلق : أقول الأخ شكلـــه ميت على العرس .. خلاااص قول حق الوالده خل تدور لك

سعد وهو يضحك: لااا خبرك عتيج من زمان هو مختار له .. بس ينتظر ملجة سلطان .. على قولته أبي يكون اليوم مخصص لي مو مشترك مع سلطان

حمدان وهو يأشر على سعد: أنت تسكت مو كفاية كنت بتخرب السالفة .. لما رحت وقلت حق مرتك إنه إلي بيخطب إختها أنا

الكل: ههههههههههههههههه

سعد وهو يضحك: هههههههه والله أنا فهمت جذي مو ذنبي

-----------------------------------------------------------------------

(في نفس الوقت)

في الصالة الكل مستانس الي يرقص والي يتصور والي قاعد يسولف وانوااع الازعااج من الاغاني ..

في الغرفة قاعدة مع أختها وتحس بالرتباك وتوتر يخالطة الفرح

غرور وهي تبتسم: شوق

شوق وهي تطالع أختها : هلااا

غرور وهي تمسك يد شوق: سلطانو رااح يتخبل عليج

ابتسمت شوق بخجل: تتوقعين

غرور وهي تغمز: الا متأكدة

شوق وهي تضم غرور: صج رفعتي معنوياتي بس إياني وياج تنادينه بسلطانوو مرة ثانية .. و عقبالــــج

غرور وهي تبعد شوق عنها: هههههههههه من الحين مشتغله دفاع ..و آميــــــــــن الله يسمع منج

شوق وهي تضحك بنعومة: هههههههه مستعيلة حدج

غرور وهي تتنهد: حدي هههههه

-----------------------------------------------------------------------

في الصالة عند الرياييل ..

الكل يبارك لـ سلطان والفرح والسعادة مو واسعة أبو سعد وأبو عبد الرحمن ..

أبو سعد وهو مستانس: ألف مبرووك يا ولدي

سلطان وهو شاق الحلج: الله يبارك فيك ويطول بعمرك

أبو عبد الرحمن و الفرحة مو واسعته: ألف مبروك والله يتمم عليكم بخير

الكل: آمين

أبوسعد وهو يكلم سعد: اتصل على امك وخبرها انه سلطان راح يدخل

سعد وهو يهز راسه : ان شاء الله يبا

-----------------------------------------------------------------------

في الصالة ..

كانت جنان قاعده مع البنات بس سرحانه وفكرها رايح بعيد ..

مرام وهي تسمع دبكة مصرية .. على طول فزت : جنوون قووومي خل نرقص

جنان وهي مالها خلق: ما أبي مالي نفس أرقص

الكل إستغرب منها لأنها بجد اليوم غريبة ..

هيام بمزح: أووه وين طالعه الشمس اليوم جنان مالها نفس ترقص غريبـــة خبري أول وحده تركب المسرح إنتي

جنان بملل تقوم: بس مو هالمرة .. عن إذنكم

.. قامت جنان من طاولة .. وطلعت بره عند باب القاعة تبي تشم شوية هوى لأنها تحس بكتمة

-----------------------------------------------------------------------

في مجلس الرياييل

.. سلطان وهو يساسر حمدان: طلبتك قول تم

حمدان وهو يبتسم: لو مو معرس جان ما بقول تم ..

سلطان : تسلم .. طيب أسمع روح سيارتي وأفتح البيت .. بجوف ظروف شيلهم وقطهم بأي مكان أهم شي بعيد عن سيارتي

حمدان بستغراب: ليـــش .. وشنو هالظروف

سلطان: أششش لااا ترفع صوتك .. أنا من ذكائي الزايد توني متذكرهم .. عاد أخاف شوق تشوفهم .. مو عدلة

حمدان وهو يقوم: خلاااص ولااا يهمك

سلطان: تسلم

.. طلع حمدان وراح لسيارة سلطان وطلع الظروف وقطعهم لأنه فيهم أرقام وصور .. وقطهم بالزبالة ..

وهو راجع جاف وحده منزله راسها وسانده جسمها على الجدار .. كأنها تعبانه .. ما يدري ليش اريوله خذته لين عندها ..

حمدان: عسى ما شر

أول ما سمعت صوته توقعت إنها تتوهم و إنها من كثر ما تفكر فيه تخيلت صوته .. رفعت راسها بلااا شعور .. وطاحت عيونها بعيونه

.. حمدان أول ما شاف عيونها .. سرح في بحرها .. أما جنان تفاجأة إنه طلع هو حقيقه مو تتوهم ..

جنان وهي تنزل راسها : ما شر

.. صحى من سرحانه من همسها ..

حمدان: عيل شلي مظهرج من القاعة

جنان بحزن "أنــــــــــت": بس حسيت بكتمة وطلعت

.. حمدان بمرح: أهااا .. صايرة حلوة اليوم يا أم عيون سودة

حست بفرح بمدحه لها و ابتسمت بس سرعان ما تلااشت ابتسامتها بعد ما سمعت باقي كلاامه ..

حمدان: بس أكيد العروسة أحلى

.. كان يبي يلطف الجو لأنه حسن إنه أحرجها فقال إلي قاله .. وهو ما يدري إنه زاد الحطب نار

.. جنان بقهر: محد طلب رايك .. عن إذنك

حمدان استغرب منها: لحظة جنون ..

جنان ما عطته فرصة وعلى طول دخلت

.. راحت وقعدت عند البنات .. سمعتهم يقولون بعد شوي بزفون



المعرس والعروس وتكدرت أكثر

-----------------------------------------------------------------------

في الصالة ..

توها مسكرة من سعد والابتسامة على شفاتها .. راحت للغرفة ولقت شوق وأم عبد الرحمن موجودة معاها ..

ام سعد وهي تبارك لـ شوق: ألف ألف مبرووك والله يسعدج مع ولدي

أم عبد الرحمن وهي تبتسم: آمين

أم سعد وهي تطالع شوق المنحرجة: ترى راح يدخل الحين

شوق وهي ترفع راسها :الحيـــن

أم سعد وهي تبتسم: اي يما الحين بيدخل

قطع عليهم صوت طق الباب .. أم عبد الرحمن : منو

من ورى الباب .. سلطان: أنا سلطان

أم عبد الرحمن : ادخل حياك

دخل سلطان وسلم على أمه و عمته وباركو له وبعدين طلعوا علشان يخلونهم بروحهم ..

منزله راسها ومستحية وفي نفس الوقت مستانسة إلااا طايرة من الفرح ..

تجدم لين عندها وهو فرحـــــــان مو مصدق إنه هالملاااك صارت حلاااله ..

سلطان : مبروك عليج أنا

شوق يالله ينسمع صوتها: الله يبارك فيك


سلطان وهو يقعد يمها و يحاوطها من خصرها: مو مصدق أنا بحلم ولـه حقيقه معقوله إنتي الحين زوجتي

شوق بخجل من لمسته : اي

سلطان صارت عنده رغبه يبوسها .. قربها من عنده أكثر وطبع بوسه دافية..

احمرت خدود شوق إلي ما توقعت إنه جريء ..
وصارت ترتجف من قربه لها ..

سلطان بصوت هامس عند اذونها: أحبـــــــج

شوق نزلت راسها وهي مستحية ومو عارفة شتقول وشتسوي
.. لكن في صوت قطع عليهم وهو دخول أم عبد الرحمن ...

أم عبد الرحمن وهي مستانسة لبنتها و سلطان : يلااا الحين وقت الزفة

قام سلطان وأم عبد الرحمن ساعدت شوق بفستانها ..

أم عبد الرحمن وهي تطلع من الغرفة: برووح اقول لهم انك راح تدخل الحين

طلعت أم عبد الرحمن وتاركة وراها شوق وهي منزله راسها ومستحية وسلطان الي كان فرحـــان وماسك يدها ..

اول مالمست يده حست برتباك وخجل ومازالت منزله راسها مو قادرة ترفعه وتطيح عيونها على عيونه ..

مشت معاه وهي تحس بفرح يخالطة التوتر من قربه ..

بس هو كان احسن من حالها ماسك يدها وهو فرحــان من قربها والأكثر من جذي انه راح ينزف معاها ويصور

----------------------------------------------------------------------

في الصاله كل الحريم والبنات لبسوا العبايه والشيله والي متنقبه تتنقبت ..

بعد دقايق انطفت الاضواء وفجأه اشتغلت الإضاءه على باب الصاله ونفتح الباب في دخول المعاريس قررت جنان تنسحب وتروح للحمام (إنتوا والكرامة)

.. بس أم مشاري مسكتها و عطتها الكام وقالت لها تصورهم .. وجنان إنقهرت و اول ما دخلوا المعاريس ابتدت الزفه ..

وسرعان ما تغيرت ملاامح جنان وهي مو مستوعبة وفي نفسها "شـ سالــــــــــفة"

نزلو من الدري على أغنية هب السعد

~~~~~~~~~~~

هب السعد هبايبه لرياحي
ويا شاريه لعباد وين صلاحي

ويا زينه ياعلج و السعد ذبالي
وهبوبي حيج من وليج يلعالي


هب السعد هبايبه لرياحي
ويا شاريه لعباد وين صلاحي

وشبهت الزينه و الصبا حين لين دنه
ولا القمر و اربعه واثناني

هب السعد هبايبه لرياحي
ويا شاريه لعباد وين صلاحي

يا مهرة (ن) عند الايواد
ربوها بيت (ن ) رفيع ومركز(ن) عالي
هب السعد هبايبه لرياحي
ويا شاريه لعباد وين صلاحي

حظي على اخوانج يا الزينه جمله
عوضتهم بالواحدين واحداني

هب السعد هبايبه لرياحي
ويا شاريه لعباد وين صلاحي

وشبه قرتها هوى لسهيل باجج
قطنن يديد الماهو الميزاني

~~~~~~~~~~~

وصلوا شوق وسلطان للكوشه الي كانت خيال حلوه بشكل وكانت ام العروس والمعرس يحذفون عليهم مشموم و ورد الياسمين

بعدها قامو يباركون لهم ويصورون معاهم و شوق تحس بحراج لأنه المصورة تطلب منها تمسك بسلطان وتخليه يحاوطها

((يعني تطلب منهم يسون حركات جريئة)) وسلطان عاجبه الوضع ..

بعدها دخل أبو سعد و أبو عبد الرحمن و عبد الرحمن ..

بعد ما تصورو مع المعرس والعروس ولبس سلطان شوق الشبكة إلي كانت روووعة

طلعوا أبو سعد وأبو عبد الرحمن وعبد الرحمن وراحوا صالة الرياييل ..

بعدها طلع سلطان وشوق وراحوا يتعشون في المطعم حاجزين لهم

-----------------------------------------------------------------------

الصوب الثاني ..

قاعدين البنات ضحك وسوالف وتعليقات على شكل شوق المستحية ..

إلااا هي للحين مو مستوعبة .. وكلها نص ساعة أستوعبت إنها فهمت الموضوع غلط ..

وفرحت إلااا طارت من الفرح و على طول قامت و سحبت معاها البنات للمسرح وصارت ترقص لين إنهد حيلها ..

وطبعاً البنات استغربوا بس فرحوا إنها ردت لطبيعتها

-----------------------------------------------------------------------

في مطعم الـ.... (الساعة 11 ونص)

من أول ما طلعوا من الفندق وسلطان يسولف معاها ويضحك علشان ينسيها الخجل ..

بس شوق كانت تبتسم بنعومه ممزوجة بالخجل ..

سلطان وهو ينزل من السيارة و يروح جهة بابها ويفتحه ..

ومد لها يده .. مدت له يده وهي خجلااانة حيل .. سلطان ذاب مع احمرار خدودها ..

سلطان: يسلم لي الخجووول أنا

شوق زادت خجل :...........................

سلطان وهو يحط يدها على قلبه: جوفي شلون قلبي يدق ترى عادي أخليج تركبين السيارة وأروح الفندق و بلاااا عرس و بلااا خرابيط

شوق تعالو دوروها .. كانت بقمة الإحراااج :.................

سلطان ما قدر ما يضحك على خجلها :هههههههههه

شوق إستحت أكثر:............................

سلطان و هو يشبك يده بيدها و دخلوا سلطان وشوق المطعم وكل واحد فرحــــــــان والفرحة مو سايعته


-----------------------------------------------------------------------

بعدها دخل حمد و نورة غرفة العروس وتصوروا مع بعض ..

وهنادي ومصعب نفس الشي .. ورغد غارت و بعد صورت مع سعد ..

أما هيام ومشاري طلعوا مع بعض وخلوا الجوري مع أم مشاري ..

.. بعد ما صور الكل .. دخلت أم مشاري وهي تبتسم وفي يدها الجوري: هاا صورتوا

سعد ورغد: أي

أم مشاري : الكل طلع مع مرته وصور ..

سعد: إي بس ترى جسوم و لدج ما صور ما يندرى من جافنا نتصور إنحاش .. شكله متزاعل مع مرام

أم مشاري: وه توهم معاريس أمداهم يتزاعلون بروح أجوفه

.. طلعت أم مشاري واتصلت على جسوم وقالت له ايي

.. ونادت على مرام و دخلت غرفة العروس ..

دخلت مرام وهي مستغربة شفيها عمتها .. توها بتسأل جافت جاسم داخل هو الثاني ..

جاسم استغرب: السلاام عليكم

مرام وأم مشاري: وعليكم السلااام

.. كانت مرام منزله راسها .. وتنتظر أم مشاري تتكلم .. وجاسم نفس الشي

.. أم مشاري: شفيكم متزاعلين

الأثنيــــن رفعوا راسهم: لاااا

طالعوا ببعض وضحكوا :ههههههههه

أم مشاري: عيل ليش ما تبون تصورون مع بعض

جاسم وهو يطالع بـ مرام .. ومرام تطالع بـ جاسم: من قال

أم مشاري وهي تهز راسها : خلاااص أوكي عيل بنادي لكم المصورة تصوركم وبعد ما تصورون طلعوا مع بعض مثل الكل .. وروحوا إستانسوا

.. طلعت أم مشاري تنادي المصورة ..

-----------------------------------------------------------------------

.. أما في الغرفة ..

جاسم وهو يبتسم: صايره حلوة اليوم

مرام توردت خدودها وصارت تلف بمرح على نفسها: أدري

جاسم: ههههههههه مشكلة الثقة

مرام وهي ترمش عيونها: أدري محتر مني

جاسم وهو يهز راسه: على شنووو يا حسره
مرام : هـــــــــــــــه في كل شي

.. قطع عليهم دخول المصورة .. وقفت المصورة وصارت تقول لهم الحركات ..

مرام وهي تقرب وتوقف يم جاسم .. وجاسم متدوده مو عارف شـ سوي ..

المصورة حق جاسمut your hand has a waist :
(من فضلك ضع يدك على الخصر)

جاسم وهو يحاوط يده على خصر مرام .. ومرام إرتبكت وقلبت ألوان ..

المصورة حق مرام: Lift your eyes and look in the eyes of your husband
(إرفعي ناظريكِ وانظري في عيون زوجك)

.. رفعت مرام عيونها وطاحت بعيون جاسم وهي متوترة ومستحية وتسب في داخلها المصورة ..

دام طول الوقت التوتر والخجل .. لين ما خلصوا تصوير وطلعوا مع بعض

-----------------------------------------------------------------------

بعد أسبوع .. في الجامعة الـ.... (الساعة 10 ونص الصبح)

.. في الكفتيريا ..

دخل وقعد ينتظر أخته لين ما تخلص محاضرتها .. وصار يطالع بإلي رايح و بإلي راد ..

 
 

 

عرض البوم صور أسيرةبحرالأماني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مفتون قلبي, رواية, واخيراً حبينا بعض للكاتبة مفتون قلبي, قصة واخيرا حبينا بعض
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:16 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية