لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


غربه مشاعر ..

الجُزء الأولْ ؛ تشرق الشمس في كل صبآح لا أعلم لمآ تمر هذه الأيام ببطء شديد وأنا أراقبها بهدوء فقط ..! هدوء أنا

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-10-09, 10:06 AM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Aug 2009
العضوية: 148520
المشاركات: 659
الجنس أنثى
معدل التقييم: cloud2009 عضو بحاجه الى تحسين وضعه
نقاط التقييم: 25

االدولة
البلدSaudiArabia
 
مدونتي

 

الإتصالات
الحالة:
cloud2009 غير متواجد حالياً
وسائل الإتصال:

المنتدى : القصص المكتمله
Congrats غربه مشاعر ..

 



الجُزء الأولْ ؛




تشرق الشمس في كل صبآح
لا أعلم لمآ تمر هذه الأيام ببطء شديد
وأنا أراقبها بهدوء فقط ..!

هدوء أنا نفسي أستغربه ألهذه الدرجه وصلت حالتي من التبلد
تبلد مشــاعر كــامل هدووء تجـاه كل شي " كل شي "
كل من حولي يسألني عنه :

مابك "ميشــو"؟؟ >> أنـا لا أجد أجابه فكيف لي أن أجيبكم .!
حتـى أن عشقي "غـروبي" ودعتـه منذ زمـن لأبحث عن شي جديد
وأبدأ من جديد كل شي جميل في حياتي هجرته !
تمر أيـام وأيــام لم أنظر إليه لم أعد ألجأ عند كل غروب لذالك المكان
الهادئ أراقب الغروب بكل أهتمام أتحدث للشمس بكل مابي أودعها
برغم الألم الذي تخلفه ورائهـا إلا أني أعشق لحظه وداعها !
منذ ذالك اليــوم عزمت على توديعها بكل لحظاتها وبكل هدوووء

صارت لي هوايه أخــرى هوايـه أمارسها بكـل بروود قبل كل شروق
أفتح نافدتي قبل بزوغ كل صبـــاح ! ..
الهدوء يخيم على كل شي على المكان على الشوارع على " لــنـــدن "
بأكملها حتـى روحـي البـاليـه هدوور مزعج يغطي كل أنحائها !

ألمح الشمس تعانق أولى بقع الأرض وتداعب تلك السحابات بجانبها
بكـل ود لتحـاول أن تنشر أشعتها هنـا وهنــاك لتخبر الجميع أنها عادت ككل
صبــاح
عادت من جديد عادت لتنير دروب النــاس وتبدأ للجميع يوم جديد
صرت أكــره لحظـات عودتها بذالك الهدوء !

أحس بطعناتها لي كل صبــاح في سؤالها :أمــا زلتي هنــا ؟؟؟؟
لاحديث يدور بيني وبينها أبداً سوى كلمه أقولها لنفسي بكـل أسى
وأنا أقف نافذتي : يــوم جـديــد يا مشــاعل ؟

وهلم جـــرى ....

أمسك نفسي بكل قوه عن أحضــان المغيب ..
وأمشي بأقدامي وبكـل قوه لبرود الشروق ..

لأقتع نفسي فقط بأنـه يوم جديد ..


كــــــفــــــــى


كــفـــى


أشتقت إليهم وإليها
أشتقت إلى منظرها من هنــاك وهي تودعني
أشتقت لألم غروبي وماعدت قادره على تحمل جفائي له
أشتقت للحظات بوحي إليه
ونشوتي به
أشتقت لألـــوانـــه
أشتقت لروحي العامره بالحب له
ســأعـود إليه لست بحاااجه لأيام جديده
فيومي كأمس كالغد لم يتغير شيئاً أبــداً ..!

سأعود إليك غروبـــي بكل حب
سأعود لعشقي وأبوح لك بكل شي " كل شي "
الحزن الهم الجرح الأسى الشوق الفرح فقدان الأهل الحنـان الهدووء
العــاطفـه أمـي وأبــي وأخــوتــي الجميع مع بسمه حارة لاتعرف لها طريق
سأبوح " بكل شي "

اليــوم فقط ودعت ذالك الشروق المقيت
لألقى الحبيب
أنتظــــرنـــي مسـاءاً

فمشتاقة قــادمه لأحضـــانك ..


=======>




"b ميشووو مت من البـــرد حراام عليج بـنــدي الشبــاك* الله يأخذ عدوينج أنتي
ماتخليــن حد يرقد لا في الليل ولا في النهــار !"

مشاعل:ههههههه أنا أبي أعرف أنتي وشلوون تحسين تحكين وأنتي نايمـه !!
نوره تلتفت عنها وتتلحف باللحاف :سكريــه أحســن لج !
مشاعل:ههههه طيب يه مجرمه هالبنت ! >>سكرته وهي تضحك خذت من حكيها وكلامها
كثير
ماقصـرت يقـول من عاشر قومـاً أربعين يومـاً صار منهم وهي لها اللحين 6
شهــور وهي مرافقتها
في غرفه وحده أو سويت واحد >نقدر نقول عنه < ربي قدر عليهم أنهم يجتمعون في
الغربه وفي هالمكــان كانت تحمد ربها وتشكره أنها طرحها في بنت طيبه وقلبها
أبيض كانت هالبنت أسمها"نوره "من الأمـارات نفس حالة ميشو بالضبط
متواجـده في لندن للدراسه !

سكرت مشاعل الشباك والستاره وراحت لطاولتها اللي ما تدري وين رأسها من
كرياسها من الحوووسه والخرابيط والكتب والأوراق وأكواب وصور مرميه عليها في
كل مكــان أبتسمت كانت مطلعه الألبوم
أمـس في الليل تتحسسهم وتشم ريحة أهلها >>هههههههه إي أمس يالخبله أنتي للحين
ما نمتي !
نوره:الحمد الله والشكر أنا كل يوم أتأكد أنج وحده مينونه أحد يضحك بروحه !
مشاعل:والله ما جنني إلا أنتي وشلووون نايمه وتحسين بكل شي يصير ؟؟
التفتت عليها نوره :ميشـــو بلييييز أرحمي نفسج ونومي !
مشاعل بعبــره: صدقيني موب قادره نوره أول عيد أقضيه بعيييد عنهم تحملت
رمضــان موب في السعوديه بس شلووون
أتعيد وأنا بعيد أهلي أمي وأبوي جداني صديقاتي موب قادره موب قادره !

نوره ضاق صدرها عليها كل يوم على هالحاله لا ليلها ليل ولا نهارها نهار تسهر
الليل تناظر صورهم وترجع عند الشبــاك الفجــر للشروق وإن نامت ساعه ساعتين
في اليوم بالكثير !
وبــاقي وقتها في الجــامعه !
نوره قعدت على سريرها تناظرها وهي تمسح في دموعها وتجمع أوراقها وصورها ..
نوره:وبعديــن مارح تناميـــن ؟؟
مشاعل تهز رأسها لا ..
نوره:طيب إذا حلفت عليج تنامين بتنامين ؟؟
مشاعل رفعت رأسها لها وهي مبتسمه ..
أشرت لها نوره وهي تفتح لحافها : تعـــالي ..
راحت لها مشاعل وهي تركض وضمتها وصـــاحت صـــاحت صـــاحت طلعت كل اللي في
نفسها
كانت نوره أكبــر من مشاعل بكم سنه كانت لمشاعل بمثابه الدعم النفسي يمكن
تعوضها الحنان اللي
فاقدته ببعدها عن أهلها كانت حاسه فيها وفي اللي تمر فيه لأنها مجربته قبلها
أول ما وطت هالأرض
وهالبــلاد البعيــده ..!
صارت تقرى عليها آيــات قرآنيـــه هدت مشاعل شوي وهي تذكـر الله وكلام أمها
لا تنسين ربك وما رح ينساك لا تنسينه
ومارح ينساك ما رح ينساك ..
انسدحت نوره :يالله تعوذي من الشيطان ورقدي !
مشاعل:سوري رح أضايقك بروح لسريري !
نوره: أقولج رقدي لأصك رأسج بهالأبجـوره !
مشاعل: هههههه وأنتي مجرمه حتى وأنتي حبـــوبه ..
نوره تضحك :قلتيها يالدبــا حبــوبه ..
مشاعل:حرام عليكم والله معدنيب دبــا يكفي 13 كيلــو نحفتها من 3 شهور بس
وانا اللي افحط
ما أنقص كيلو في شهر ..!
نوره:هههههه يالله هذي فايده من الغربه ..
مشاعل :ما بي شي من وراها أبي أفتك منها بس !
نوره:يالله عاد رقدي تراج صايره راديو اليوم ..
مشاعل:لا إله إلا الله !
نوره تلف عنها:ماشاء الله يالدبــا مب ناضلتج !
مشاعل:ههههه عارفه ..

حطــت رأسها وكالعــاده ترجع لكــل شـــي وراها وتنسى هي وين وليه !
ترجع للجمعات للضحك للهبــــال لأمها لأهلها لبيتها لأبوها لأخوانها لجدتها
وريحة الريــاض
بس ما تدري شلووون غفت وما حست بكل شي يصيــــر لا هنـــا ولا هنـــاك !
وغاصت في نــوم عمييييق عمييييق عمييييق ...




=======>















بمكـــان يبعد آلاف آلاف آلاف الكيلــو مترات عن الغرفه الصغيــره ..
في "ريـــاضنـا " الحبيبـه ..

:مادقت بنتك ؟؟؟
أم محمد :إلادقت مادقت من أسبــوع ودقت أمس سلمت علي وعلى أبــوها في دقيقه
وسكـــرت ..
محمد:كنــه جايييز لها الوضــع فيذاك !
أم محمد: لا إله إلا الله ما خلصنا من هالموضوع محمد ترى رأسي صاكني وسكري
مرتفع الله يعافيك ترى طفشت من هالســالفه والله ..
محمد:بعذرك تطفشين منها شكلك رضيتي باللي قاعد يصير ..
أم محمد:وش رضيت وما رضيت أنت داري إن اللي يصير غصب عنــي وإلا برضاى أذب
بنتي
في ديـره لا أعرف أحد فيها ولا يعرفنــي !!
محمد:يعني معترفه بهالشي ؟؟
أم محمد:وييين مرتك عنك والله أنها ضافتك عن وجهي ؟؟
محمد:هههه أفا طفشتي من وجهي السموحه ضايقناك ياأم محمد مرتي عن أهلها بأخذها
بعد شوي
تأمرين على شــي يالغـــاليه ؟؟
أم محمد: سلامتـــك بس لا تزعـل من كلامي ترى والله اللي فيني مكفيني وأنا
أمك ..
محمد:وأنـا عاذرك سلمي على أبــوي إذا جـا ..
أم محمد:ورى ما تجي بعيالك تفطرون عندنا اليــوم ؟؟ >>يفطرون لأننا في
رمضــان !
محمد:والله ودي بس بشــوف إن شاء الله وبكلمكم ..
أم محمد:منـى ميب مخالفه بس أنت صمل ..
محمد:إن شاء الله بينا ألو
أم محمد:بحفظه ورعايته أنتبه لنفسك وعيـالك..
محمد:إن شاء الله وأنتي بعد لا تشقين بعمــرك ..
حب رأسها وطــلع ..

وقعدت بلحــالها من جديد زوجها اللي هــو أبو محمد لاهي في دوامه والجامعه
والمحاضرات والله
يعينــه ومحمد من أعرس يجي يتقهوى معها هالظهر وإلا يتغدى هو وعياله أو يتعشى
وعليها والبنات
النــاس في رمضــان ونوم في النهــار لين العصــر وسهر في الليل كالعــاده ..

شالت الصينية اللي كانت تلف فيها سمبوستها وراحت المطبخ عشــان تبدى في فطورها كان عندها
بدل الشغاله
ثنتين بس ولا وحـده منهم تلمس الطبخ وإلا الأكل أو تجيــه لازم هي تســوي كل
شي بنفسها بعيد
عنهم مايرفعون شي في أكلها وأكل عيالها وزوجها وحده ماسكه التنظيف والبيت
ونادراً ما يشوفونها
ووحده الحوسه اللي تصير في البيت وتشيل الأشياء اللي عقبهم أو تغسل مواعين
وكـذا ..

رفعــت على الراديو "إذاعة القرآن "وصارت تطبخ وهي تستغفر وتهلل وتكبــر ..

شي أســود غطــا على عيـــونها لدرجة أنها خافت وأرتاعت ..











=======>








....:حزري فزري من أنـــا ؟؟؟؟؟؟
أم محمد: وخر يدك !
....: طيييب من أنـــا ؟؟؟؟؟؟؟؟؟؟
أم محمد: بتفارق عن وجهي وإلا وشلون الزيت على النــار يامال الصلاح !
....:طيب قولي من أنا وش بيضرك والله أفكك ..!
أم محمد:لا إله إلا الله مشيعل فكــنــي لا أصكك بذا الملاس ..
مشعل :هههههه ها فكيتك وش بيضرك لو قلتي مشعل من أول !
أم محمد ترجع للي على النــار :ووش بيضرك لو تفارق عن وجهي برى المطبخ لاغرض
ولاحاجه !
مشعل :اللحين هذا جزاي بساعدك شي ماشيات أحسن من بناتك اللي خايسين رقاد ومد
يده بيأخذ
بطاطس مقلي !
صقعته أم محمد في يده :صـــــــايم !
مشعل :يمــه وشووله تذكريني كنـت نـــاسي ؟؟
أم محمد:أحلـــف بس يالله بــرى ..
مشعل :مادقت بنتس ؟؟
أم محمد:إلا تسلم عليكم !
مشعل تغير وجهه :الله يسلمها بنوم وإذا أذن العصــر قوموني طيب ؟؟
أم محمد:خلاص إن شاء الله نوم العــوافي وأنـا أمك مر أختك قومها تنزل تشيل
شي معي ؟
مشعل:طيب رغم أني عارف الأجــابه مسبقاً "عندكم شغالتين وتبوني أشيـل شي ؟؟"
أم محمد:ههههه الله يصلحهم ياربي جرب وشف
مشعل:أنتي تامرين مام ..
رقى الدرج وهو يغني ويطامر درجتين بدرجه ويدور بغتـــرته حاس أمن جابتها !
>>الحمد الله والشكــر أو ما وصل غرفتهآ تجهز للأعصـــار كالعاده ..!
دخل الغرفـــه ظلااااااااام وبررررررررررد جازت له النومه مشى بشويش عشااان
الخطه تمشي
عشره على عشره وصل لسريرها ..
مشعل:مهاااااااااااو هييييييييه يالله قومـــي !!
مها :والله منيب مكلمه أحد بس أبي جوال زي صديقاتي ماقلت أنا أبي شي !
مشعل أستغرب وش فيها ذا الخبله تحاكي نفسها إي جوال وإي أحد أبتسم بخبث وقرر
يجاريها
مشعل:وش تقولين ؟؟
مها تصد عنــه :أقول أنتوا موسوسين والله عادي جوال كل صديقاتي وبنات خالتي
عندهم وش معنى أنا !
مشعل :وأنتي وش تبين به ؟؟
مها :والله يمــه أمس لعبــــوا زييين حتى ياسر ماقصر بس ماوفقهم ربي خذوه
الأهلي الخايسيين بس والله المبـــاراة خايسه لعبهم زي وجيهم !
مشعل فطس عليها من الضحك ذا الخبله ميب صاحيه تقط خيط وخيط تربع على سريرها
>>هههه
أستانس الأخ ..
مشعل:وليييه مالعبـوا ؟؟؟
مها خشت في سالفه ثانيه :والله ربــي معطيني يمــه جايعه وأستحي أكل عندهم
شوفي صحني في الدولاب !
مشعل صنم والتفت للدولاب :وجـع وش تأكل ذا الدب !
فـتح الدولاب ولقى صينيه فيها صحن ملبقه في بقايا أندومـي وعلبة ببسي ..
مشعل:أيــا يالعجـــازه في الدولاب خااااايسه وأندومي بعد هييين أن مافضحتك
يامهيو منيب مشعل !
طلع وهو يخطط عليها المغرب يفشلها بس قبل ما يطلع صااارخ ..
مشعل:مهييييييييييييييو قووومي يالله أمي تبيك
مها :طيب أطلع بـــرى يالمزعج >>هههههه صبــاح الخيـــر توها تقوم !
طلع وراح لغرفته واستانس على البراد نسى أنه قايل لأمه تولع التكييف قبل
الظهر
:ياجعلي ماخلا منك يا اميمتي يالله فصخ الثــوب وذب نفسه وناااااااااااام ..!




=======>





"الله أكبــر الله أكبــــــر
الله أكبــر الله أكبـــــر
أشهد أن لا إله إلا الله وأن محمد رسول الله
أشهد أن لا إله إلا الله وأن محمد رسول الله
حي على الصلاه ..حي على الصلاه
حي على الفلاح ..حي على الفلاح
الله أكبــر الله أكبــــر
لا إله إلا الله ..

مسكت جوالها وتبسمت وهي تقفله >>كان جوالها يذن على موعد الأذان >>ياحبي
للأذان ولصوتـه
من زمــان عنه في ديرتي وفي مساجدي من زمـــان عن هالحس ..
كان أذان الظهر عندهم قامت تمغطت والتفت على نوره كانت ميته من النــوم متى
خلتها تنوم
أمس الضعيفه توضت وصلت وتسننت قرت جزئها اليومــي وهي تفكـــر في أهلها
اللحين بيذن عندهم العصــر
إذا منيب غلطــانه ....

>>ههههههههه لا والله منتيب غلطانــه في إعصــــار في بيتكم !




=======>




:هييييييييييه مشيعلووووووه قم جعلك القااااام قم وتفتح الستاير >ياختي ذا
الولد موب يستحي ينآم بـ صروال سنه الله يفشله مايعرف يلبس بجــامه قميص بيت
بس وش أقول ماعليه شرهه !
:قـــــــــــــــــــــــم
مشعل:وجـــــــــــــع أطلعي برى خليني أنووم أحسن لك مهيييييو !!
مها:أقووول قم تقووول أمي قم صل العصــــر لا تفوتك صلاة المسجد يالله
بسرعـــه !
مشعل:أقول لك أطلعــــي !
مها:مانيب لييين تقوووم ..
مشعل:إن ماطلعتي والله لأعلم عن الاندومي !!
مها أحمر وجهها :إي أندومي .. ؟؟؟
مشعل يتلحف :إندومي الدولاب الله يفشك يالله أطلعـــي !
مها: طيب إن شاء الله >>هههههههههه ياعيني على الأدب !


:يمــــه حرااام عليك ليييش عيالك كــذا والله مالقاها إلا مشيعل !
أم محمد:ليييه وش مسوين بتس عيــالي بعد ؟؟
مها:تخيلي مشعل شاف الأندومي اللي في الدولاب وبيفشلني اللحين عند أبوي
وأخواني وش أسوي
اللحين أنـــا ؟؟؟
أم محمد:إي أندومي وش دولابه ؟؟؟
مها:جعت الصبح واشتهيت أندومي صلحت لي وكليت وتعيجزت أنزلها حطيتها في
الدولاب وتأخذ
بطاطس وتأكل ..بس >> عــذر شــرعي <<
أم محمد:الله يفشلتس قولــي آميييييييييين أحد يحط أندومي في الدولاب بخايسها
يالخايسه الله يأخذ بليسك قولي آمييين ..
مها:مربط النــاس رمضان لاتقعدين تدعين عليه يمه ..!
أم محمد:أبد مزدي فيك والله لو يحطها في قناة الجزيزه ميب حسوفه !
مها:يمـــــــه ..
أم محمد:وصمــــــه ..
مها:شسويت ؟؟؟
أم محمد:روحي نزليه جعلك منيب قايله ؟؟.
مها:عندنا شغالتين وأنزل بعد ريييييييييييييييتا ؟؟
أم محمد:أقووولك قومـــي أنتي !!
مها:طييييب ..





=======>




:ههههههههههههههههههههههههه
نوره ألتفتت عليها وهي يالله تفتح عيونها :وش فيج تضحكين ؟؟؟
مشاعل:أتذكرت مهاااوي أشتقت لها ..
نوره:أختـــج ؟؟؟
مشاعل:هههه ايه أختـي الصغرى ومشكلتي الكبـــرى ..
نوره:ههههههه خوش لقب !!
مشاعل: وش بتفطريني اليوم ؟؟
نوره:توج متسحره يالدبـا مابعد صلينا الظهر تفكرين في الفطووور !
مشاعل:هههههه وإن لنفسك عليك حق ..
نوره:خلاص أجل صلحي لنا الفطور أنتي ..
مشاعل تسفط سجادتها :مصلحجيه هالبنت ..
نوره:خليه لاتشيلينها بصلي !
مشاعل تبتسم بفرح :الله يفتح عليك ..!
نوره :آآآآميييين أنتي بس أدعي لي ..
مشاعل:وربي أني أدعــي لك معي كل يوم الله يرجعك لأهلك سالمــه ..
نوره:وهذي الدعوه بس اللي تجي ببالج زين أدعي لي بالمعرس يمكن الله يوفقني ..
مشاعل:هههههه إنزين أنتي بس قومي صلي والله يرزقج باللي يرجعج الأمـــارات
سالمه غانمه >>
تلاحظين أني أتقنت اللهجه ؟؟؟
نوره:فديـــتج وأنتي تحجينها ..
مشاعل:الله يسلمج مييير !
نوره:ههههههههههههه ماتصلحين أبــد الله يسلمج وهاذي ميير ؟؟
مشاعل:هههههه وش أســوي نجديه وتحاول تتعلم أماراتي ..
نوره:فديت أهل نجـــد أنــا ..
مشاعل:وفديتك يالله قومي صلــــي بس !
نوره:ههههههه طيب يله ...





stop






=======>




( الشخصيات )

أو بالأحرى عائلتي الرئيسية ؛

أبو محمد : رجل خمسيني دكتــور في الجامـعه ربي معطيه من فضلـه عايش بخيــر
ونعمه
متعلم ويقدر التعليم يدرس له مده طويله في الجامعه من رجع من بــرآ والشهاده
معـه إلى الآن ,,
انســان فـري معطي الثقه لبناته بعد تربيتهم ومخليهم يتصرفون بالطريقه اللي
تعجبهم يمكن أثرت
عليه الغربه والدراسه برآ بس لازال متمسك ببعض العادات في داخله نظامي كل شي
في حياته
يحبه يمشي بالمليمتر ، اتكيت درجه أولى ^_^

أم محمد :أنســانه طيبه بكـل ما تحمله الكلمه من معنـــى تحترم زوجها وتقدره
تعتبره سندها في
الحياة وعضيدها بس عكسه تقريباً في التواضع والبساطه والروح الحلوه اللي
ورثتها من أهلها
من عز نجد وأهم ماعندها في هالدنيا عيالها وتشوفهم بخير وسعادة لهم من
العيــال 5 ..

:

محمد :البكر 29 سنه متزوج منـى وله ولد وزوجته حامل انسـان جـدي برغم الطيبه
اللي ورثها من
أمه بس يغلفها بغلاف الجديه والقسوه مدرس في مدرسه أبتدائيه متزوج من كم سنـه
وله ولد
في 4 سنـوات وسبق وقلت زوجته حامل زوجته "منـى" قمـه في الأدب والأخلاق
والثقافه
والدين كانت الزوجه اللي يتمناها كتبهم الله لبعض ووفقهم ..

مشعل : الولد الثاني عمره 26 شاب طمـوح يمكن هذي الميزه
الوحيـده اللي
تميـزه عن شبابنا هاليومين وإلا نسخـه طبق الأصــل متخرج من قسم حلو في
الجامعه ويشتغل شغله
حكوميـه ويسعــى بكل الطرق أنه يفتح له بزنز خــاص يستفيد منه من تخصصه واللي
درسه
وهنـا مربط الطمــوح يحب الخيـوول وينهبل عليها لدرجة أنــه يتابع سباااق
الخيل في القناة الأولى
كل جمعــه >>هههههه من الحب ويتمنى يملك أسطبل وإلا خيل واحـد وإلا حتى حمار
عااااادي
>> ههههههه على قولته حآلياً بحوزته البتراء فقط ^^ !

:

مشـاعل :هنــا مربط الفرس ههههه متأثره ! < بطلتي بنت عشرينيه (20 سنـه)
تقريباً
هــذي شــي ثــاني وفي عالم ثــاني كانت تأخذ أكثر صفات أبوها في كل شي تشبهه
مرره
والأقرب له متوسطه الطول بيضاء شعرها بني ناعم ماكان يتعدى أكتافها وجهها
طفولــي
مررره فيه براءه رهييبه تغطي على ملامحه وطموحه بعد
>>هههههه شكلها صفه متوارثه في العايله >
ومعانديه هذي الصفه اللي تميييزها عن الكــل "العنـــاد"
طبعاً هي الآن خارج المملكه في "بريطانيا" للدراسه يمكن تستغربون هالشي من
عايله محافظه زي عايله أبو محمد
بس صولات وجولات على هالدراسه رح نعرف كيف وصلت هنـاك بعدين ..

مها: 16 سنـه في عــز المراهقه رجـه وخبلــه و" ملقوووفه "درجـه أولى !
تدرس أولى ثانوي تأخذ من ملامح مشاعل إلا أنها تفتقر البراءه هههههه لا والله
أمزح بس تشبـه أمها كثييير
تعتبر نموذج من بنات السعوديه "اللون الحنطي والشعر الأسود مع الملــح
والجاذبيه اللي تحليها زياده وزياده
والروح الحلوه أكيييد" فديتهم كلهم ^^ عقدتها في الحيــاة تبي تطلع "جوال"
>>ههههه طموحه على قده
بس يقابلها الرفض القووي من أمها وإلا أبوها الأمر عنـده سيــــان خصوصاً
أنها أخر العنقود
بالتغــاضي عن الهنوف ..

الهنـوف :هذي حاله خـاصه ياعمـري أخر ما أنجبت أم محمد بعد محاولات 15 سنه
للإنجاب
وأحب عيالها لها عمرها يمكن اللحين سنه وثمانيه شهووور بس ما تمشي ولا تشوف
ولا تحس بأحد إلا بالسمع يعني
"معــاقه" موب لعيب خلقي أو شي لا بس خطـأ طبـي أثنـاء الولاده أنقطع عنها
الأكسجين وهالشي أثرعليها كثير
على خلايـا المخ عندها والمخيخ والتنفس صعب أصلاً لأن ريئتها ضعيفه وكل
التحاليل والاشاعات
والعمليات اللي ممكن يسونها رفضوا الأطبـاء يسونها بحجه أنها موب بحاجه لها
في هالوقت لأن أكثر خلايا المخ
عنها ميته يعني علاجها بيد ربي والدعــاء وام محمد موب مقصره تراجع بها ويضيق
صدرها عليها إذا شافتها تطااالع
وبس حتى الصياح ما تصيحه لو تموت من الجــوع كانت دعوتها الدايمه
"الله يخــتـار لها اللي فيه الخيـــر" الله يشفيها وكانت على الرغم من
الأعاقه إلا أن فيها جاذبيه رهيييييبه تخليك ما تشيل عينك منها وتتمنى تشوفها
بنت طبيعيه الله يفرح أمها فيها ياربي ..


هذي اللي أقدر أقوله لكم الشخصيات الرئيسيه أو اللي بتقوم عليها القصـه
والباااقين قبااايل ماشاء الله لا إله إلا الله
بس بخلي التعرف عليهم من خلال القصه يعني شوي شوي عشان ما تنقلب روسكم ^^ !

>>هههه ناويه عليكم الأخت !




إلى لقاءٍ قريّب . تحديد أيام تنزيل الأجزاء ستكون مهمتكم أنتم .
لكل من مر من هُنَـا

 
 

 

عرض البوم صور cloud2009   رد مع اقتباس

قديم 05-10-09, 10:09 AM   المشاركة رقم: 2
المعلومات
الكاتب:
اللقب:
عضو فخري
عاشقة ليلاس



البيانات
التسجيل: Jun 2006
العضوية: 7104
المشاركات: 53,467
الجنس أنثى
معدل التقييم: Eman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميعEman عضو مشهور للجميع
نقاط التقييم: 25417

االدولة
البلدUnited_States
 
مدونتي

 

الإتصالات
الحالة:
Eman غير متواجد حالياً
وسائل الإتصال:

كاتب الموضوع : cloud2009 المنتدى : القصص المكتمله
افتراضي

 

شكرا الك عزيزتي على القصة..
نقلت الموضوع لمنتدى قصص من وحي قلم الأعضاء..
حتى تأخذ حقها بالمشاهدة والتقييم والمتابعة من عشاق الروايات..
تحياتي الك عزيزتي وأهلا وسهلا فيكي بليلاس..
بالتوفيق ان شاء الله..

 
 

 

عرض البوم صور Eman   رد مع اقتباس
قديم 05-10-09, 01:08 PM   المشاركة رقم: 3
المعلومات
الكاتب:
اللقب:
مشرفة منتدى الحوار الجاد


البيانات
التسجيل: Apr 2008
العضوية: 70555
المشاركات: 6,345
الجنس أنثى
معدل التقييم: شبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسي
نقاط التقييم: 5004

االدولة
البلدSaudiArabia
 
مدونتي

 

الإتصالات
الحالة:
شبيهة القمر غير متواجد حالياً
وسائل الإتصال:

كاتب الموضوع : cloud2009 المنتدى : القصص المكتمله
افتراضي

 

السلام عليكم

حياك اختي انتي وقصتك ..(غربة مشااعر )

وباذن الله راح تشوفين التفاعل من الجميع ..

بانتظااار باقي الاجزاء ..>>علشان نعلق هههههه

ياليت يكون تنزيل الاجزاء متواااصل دون انقطاااع علشان

نضمن المتعه والحماااس ..

بانتظاارك ..

 
 

 

عرض البوم صور شبيهة القمر   رد مع اقتباس
قديم 20-04-11, 05:29 PM   المشاركة رقم: 4
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,330
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : cloud2009 المنتدى : القصص المكتمله
افتراضي

 

تنقل للقسم المناسب

 
 

 

عرض البوم صور بوح قلم   رد مع اقتباس
قديم 20-04-11, 05:42 PM   المشاركة رقم: 5
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,330
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : cloud2009 المنتدى : القصص المكتمله
افتراضي

 

نبدأ البآرت الثآني ’’







...









أعزي القلب في بعدك

...

وأقول أنبض على هونك

...

مصير الوقـــت يجمعنـــا

...

وأعبر له عن أشواقي

...















:خليــنا نطلع والله مالي خلق أدخل مطبخ وحووسه !

مشاعل :نوير كم مره قلت لك ما أحب أطلع الجامعه وبالطقــاق بعد ..!

نوره:وكم مره قلت لج لا تقولين لي نوير أنا أسمي نوره وبتدلعيني دلعي مثل الناس نونو ع الأقل !

مشاعل:هههههههه أحلفي بس نونو عندنا يعني بزر !

نوره :وشنوو بزر هآي ؟؟

مشاعل:ههههههه بزر يعين ياااهل "جاهل" >>يعني بزر هههههه احلفي بس !

نوره :ورب الكعبه ، الله يخليج لبزارينج اليايين خلينا نطلع ..

مشاعل:هههههههه آمين بس والله ما أحب اللهم أني صائمه ناقصه ذنوب أنا ؟؟

نوره:بكيفج أنا بقعد وأنتي عابلي كل شي بروحج ..

مشاعل:أطلب من ماك وأنتهت السااالفه ..

نوره:أنــا ما أحبــج !

مشاعل:ولا أنــا أحبــج !

نوره:لاتحجين حجيي !

مشاعل:حتى أنتي بعد لاتحجين حجيي !

نوره:يقول من عاشر قوماً أربعين يوماً صار منهم !

مشاعل:أدري ما عاشر قوماً أربعين يوماً صارمنهم !

:هههههههههههههههههه وضحكوا على أنفسهم الحمد الله والشكـــر..

نوره:والله أنج مينونه !

مشاعل:وأنتي أجن مني ..

نوره:خلاص أجل بطلب على حسابج وأنتي دفعي زييين ؟؟

مشاعل:زينين بس أنتي وش تبين ؟؟

نوره :أممممم خليني أفكـــر ..

مشاعل كش جلدها :اليوم موب كنه برد ؟؟

نوره :إلا يمده ما أدري شلون تخوزين توقفين عن الدريشه الصبــح ؟؟

مشاعل:خلاص تعودت صرت ما أحس !

نوره :سبحان مغير الأحوال أتذكرج أول ما وصلتي ما طبتي من الزكام أبد !

مشاعل:هههههههه إيه والله أيــام ..

نوره:ماكنج هي !

مشاعل :ليييه ؟؟

نوره:تغيرتي مررره !

مشاعل:أدري !





















//

















مشعل:يمـــه يالله تراني ميت من الجـــوع !

أم محمد:ياحر جوعك يآخي أنت صاااايم وجايع جايع تراك أزعجتني !

مها: إيه والله كلنا صايمين وماقلنا شي ..

مشعل يلتفت بسرعه :من اللي صااااايم ؟؟؟؟؟؟؟؟؟؟

مها: منهو اللي صايم !!! يمـه وين أبــوي ؟؟؟

مشعل : هههه عاش مصرف ..

أم محمد :جا من الجامعه ونام روحي قوميه ..

مها: إن شاء الله دقايق بس ..

أم محمد مستغربه :غريبه هالأدب ؟؟؟

مشعل:هههههههههههه حدتها الظروف ..

أم محمد:أسكت عنها عاد أنت ، لا تقعد تمسكها عليها وتفشلها خلها يوم ربـي معطيها !

مشعل :إيه والله خلها يوم ربي معطيها تأكل وإنا ننــاظر !!

أم محمد:أستح على وجهك !

مشعل:وين هنـوفي ما طلعتوها اليـوم ؟؟

أم محمد:تكحكح من الصبـح ياعمـري ما أبي أطلعها للبراد !

مشعل: أشتقت لها من يومين ما شفتها ؟

أم محمد: بلاك واصل والله وإلا ما يبعدك عنها إلا غرفتين على الأقل طل عليها وأنت ماشي ..

مشعل: إن شاء الله ..

أم محمد :اللحين وراك قاعد فيذا رح الصاله لين يذن واناديك !

مشعل : لا هنا الريحه حلووه ههههههههههه

أم محمد تبتسم :الحمد والشكر الله يهديك بس ..



















//















محمد: تصدقين نسيت أمي قايله تعالوا أفطروا عندنا وراحت عن بالي ..

عبودي >عبد الله >: ايه ليه ما رحنا لماما فوزيه ؟؟ والله هنآت فلــه !

منــى :بعــد تعرف فله والله ماخرب ولدي إلا مهيو هالعمـه خراااب !

عبودي :عمه مها خراااب أعلمها !

منى :عبيد أعقل وقآآسم أن قلت شي مافيه مـلاهي مع خالتي فاتن !

عبودي :لييييه ؟؟؟

محمد:ههههههههه بيقولها بيقولها ولدي وأعرفه موب مخليها في نفسه

منى :قرادتي متكلمه عنـده ! بابا عبوودي عييييب لا تقول لأحد خلااااص ؟؟

محمد:كل ذا خايفه منه ؟؟

منى :لا والله خوفي من أختك والله أن تخليني " خبـر الموسم "

محمد:هههههههههه مدري متى بتخلي هالخبال وتعقل ..

منى :خلها توسع صدرها مراهقه وميب أحسن من نويف شاقةٍ بأهلي ..

محمد:إي والله قلتيها مراهقــه !

عبودي :من المارهقه ؟؟؟؟

منى :أنــا أنــا المارهقه طيب !!

محمد:ياعيني على المارهقه ؟؟

منى :ههههههه أعجبك .. لو أنك معلمني بدري كان رحت عمتـي لها كم يوم وهي تدق علي

بس كل مره يصير عندي شي وإلا عند أهلي ..

محمد:خلااص نروح نتسحر عندهم اليـوم ..

منى :لا نتسحر وييين صعبــه ؟؟

محمد:عاااادي بدق على أمي كان ماعندها شي رحنـا ..

منى :وش أخبــار الهنـــوف ؟؟

محمد:والله أمي تقول اليـوم أنها تعبـــانه !!

منى :الله يختار لها اللي فيه الخير ..

محمد:إن شاء الله .. ما أذن ؟؟؟

منى :على وشك !! عبودي عطني الريموت أحط السعوديه بذا العازل ما نسمع شي ما ندري أذن وإلا لا

والله لو تطيح قنبله مادرينا عنها !

محمد:اللحين بذا العازل والله لو ما حطيته يا بنت راشد كان نبت في رأسك نخله !

منى :مدري خالتي تقول ماتسمعين الجيران ولا يسمعونك بس عزلنا عن العالم والله ..

جاب الريموت :ماما حطي مجد للأطفال !

منى :مطفيه اللحين ما تفتح إلا في الليل خلنا نحط السعوديه عشان نشوف الإذان إذن وإلا لا

عبودي :طيب خذي ..















//











نرجع لبيت أبو محمد وقت قبل الإذان بشوي هدووووء ههههههه حتى مشيعل من الجــوع فطس !

دخل أبو محمد طبعاً علاقة أبــو محمد بعياااله علاقة سطحيه إلا رسميه وشلونكم وش أخباركم وش أخبار

الدراسه هذا أهم شي وبسس حتى مها اللي ما خلت أحد في حاله مع أبوها رسميه تحب راسه وتجاوب على

الأسئله وانتهينــا !

كان الكل كذا ما عدا مشاعل اللي فقدها مررره يوم سافرت كانت هي الشخص الوحيد

اللي كانت عاديه معه تسولف وتضحك وتناشق وترفض الكل كان يستغرب هالشي بس يبررونه لأنها

تشبهه كثييير بس هذا الشي ما يكفي دوامه وعمله الخاص خذه من عيــاله وبيته ومن أهم شي في حيــاته

من زوجته صاروا رسميات بكل شي ..





أبو محمد :الســلام عليكم ..

الكل :وعليكم السلام والرحمه ..

أبو محمد:ماجا محمد ؟؟؟

أم محمد:لا قلت له وشكله يبي يفطر في بيته ..

أبو محمد : بسلامته ومشــاعل ما اتصلت ؟؟

أم محمد: لا ..

أبو محمد :اللهم أني أستودعتك هالبنت فاحفظها ياربـــي ..

:رد الكل آمييييين من قلبه اللي طالعه من قلبها كانها هي اللي داعيتها كانت أم محمد واللي يقولها من ورى ظهر

قلبه ويخفي إي شوق كان مشعل واللي فاقده الأخت والسند والشخص اللي تلجأ له في كل شي كانت مها

ياااما صاحت وصااحت ومانامت الليل يوم سفر مشاعل من 6 شهوور لدرجة أنها ما ودعتها ولا راحت مطار ولا شي

ما كلمتها أسبــوع زعلاااانه عليها أنها بتتركهم وتروح عنهم بس قااالوا آمين رضوا وإلا لا الدعوه كانت من أبو محمد !



















///













في "لندن " كانت الساعه 9 ومشاعل على لاب توبها كالعاده ونوره طالعه مع صديقاتها اللي تعرفهم هنـا ..



تنهدت بفرح وهي تشوفها أون لاين مابغت من زمان عنها الدبه !..







ندى على طول ارسلت لها مقطع صوت فقدتك أول ما فتحت مشاعل محادثه معها جاها الصوت ..





..فقدتك يا أعز النـاس ..فقدت الحب والطيبه ..أنا من لي في هالدنيـا ..سواك إن طالت الغيبه ..

أنا من لي بهالدنيا ..سواك أن طالت الغيبه ..رحلت ومن بقى وياي .. يحس بضحكتي وبكــاي ..



تأثـــرت مرررره أصلاً هي هالأيــام على جريف ودمعتها على خدها من سمعتها صارت تمسح في ذا الدموع

...



النك نيمات بتاعتهم عشان ما تلخبطون !



مشاعل :أشتقـــت لكــم وريحتــكم وجمعتكم أشتقت لكم والله..

ندى : َلَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..





مشاعل:أشتقـــت لكــم وريحتــكم وجمعتكم أشتقت لكم والله..

لييييش تسوين بي كــذا ؟؟؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

هههههههههه وش سويت ؟؟



مشاعل:أشتقـــت لكــم وريحتــكم وجمعتكم أشتقت لكم والله..

ما أدري شسويتي ؟؟ أنـا ما أحبك !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

ههههههه عشان فقدتك والله أني فاقدتك وفاقدتك وفاقدتك ومشتاقه لك وجمعتك وريحتك بعد



مشاعل:أشتقـــت لكــم وريحتــكم وجمعتكم أشتقت لكم والله ..

صدقيني أنا أكثـــر >>فيس حزين !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

ميشووو وش فيك ؟؟؟ من زمااااان عنك يالدبا وش أخبارك علووومك دارستك لندن الشقر الحمر هههههه



مشاعل:أشتقـــت لكــم وريحتــكم وجمعتكم أشتقت لكم والله..

ههههه وهذا اللي عاجبك الشقر الحمر والله لاملح ولاقبله أنا بخييير بس مشتاقه لكم وأنتي القاطعه والله موب أنا..



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

تدرين بحوستنا هالايــام وحنــا مشتاااقين لك أكثـــر يالغــــلا ..



مشاعل:أشتقـــت لكــم وريحتــكم وجمعتكم أشتقت لكم والله..

تشتاق لك العافيه وش أخبار البنــات كلهم بخييير تجتمعون وإلا لا ؟وين عيدكم فيه هالسنــه ؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

البنات كلهم بخير ويسلمون عليك سلام كثير بس هاااايتين في الاسواق هالايام تعرفين العيد مابقى عليه شي

ونجتمع نادراً رمضان وقته ضيــق والعيد كالعاده ببيت جداني قصدي خالي راشد !



مشاعل:أشتقـــت لكــم وريحتــكم وجمعتكم أشتقت لكم والله..

سلميني عليهم سلام كثيييييييييييييييييييير وبوسي لي كل وحده منهم في يوم العيد مني هههههههه



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

إن شاء الله مع أن رقبتي بتنكسر ههههههه بس ما يغلى عليك



مشاعل:أشتقـــت لكــم وريحتــكم وجمعتكم أشتقت لكم والله..

هههههه يالدبا وانتي ورى ما رحتي السوق ؟؟غريبه رابضه في البيت ؟؟..



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

تعرفيني أكره الأسواق برمضان متقضيه كل قشي في شعبان عشان أفتك من الدوره وأنتــي ؟؟

>>وأتذكرت أنها مارح تتعيد هنــا وضاق صدرها إنها سألتها !<<



مشاعل:أشتقـــت لكــم وريحتــكم وجمعتكم أشتقت لكم والله..

أنـا ههههههه ماشريت شي .. لييه ما تدرين أني ما نيب جايه للريـــاض ؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

إلا قالت لي خالتي فوزيه سوري على السؤال مشيعل ترى والله ماقصدت صدقيني العيد من دونك ما يسوى



مشاعل:أشتقـــت لكــم وريحتــكم وجمعتكم أشتقت لكم والله..

هههههه أدري تعلميني !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

شافت نفسها عاااد !



مشاعل:أشتقـــت لكــم وريحتــكم وجمعتكم أشتقت لكم والله..

ههههههه حرام عليك أنا أشوف نفسي على كل النـاس إلا عليك أنتي أنتي توأم روحي يالدبا مع أني

شرهانه عليك ما تدقين ولاشي حتى المسن ما أشوفك فيه إلا بالقطاره حتى غاده معد تدخل !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

غاده ب بيت خالي ماعد تجي أبد وإلا وقت النوم ووالله آســفه أنتي تعرفين وقتي في المسن تااالي الليل

ورصيدي مصفر هالايااام أمي مسويه حظر علينا كلنا ههههههه وننتظر فرج المكــافأه !





مشاعل:أشتقـــت لكــم وريحتــكم وجمعتكم أشتقت لكم والله..

الله يعينكم إلا تعاااالي وش ذا النك نيم !!!



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

هههه حلوووو صــح ؟؟؟ صادقه وموب أنا اللي صادقه قالها ربي قبلي

ولو كنت فظاً غليظ القلب لانفضوا من حولك !





مشاعل:أشتقـــت لكــم وريحتــكم وجمعتكم أشتقت لكم والله..

هههههه أنتي ووجهك قايلها لي واحد خليجي في الجامعه يتهزئ

ولو كنت فظاً غليط القلب لانفضوا من حولك

>>يدق الأخ ..



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

هههههه عليك لييه وش يبيك تدقين حنك معــه ؟؟



مشاعل:أشتقـــت لكــم وريحتــكم وجمعتكم أشتقت لكم والله..

هههه شكله ..



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

قولي مادرى عنك محمد ! تدرين أنا من قايلتها له ؟؟



مشاعل:أشتقـــت لكــم وريحتــكم وجمعتكم أشتقت لكم والله..

من قايلتها له الله يستر أنا صرت أخاف منك ..



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

أنطمي يالدبا قايلتها للي خبرك !





مشاعل:أشتقـــت لكــم وريحتــكم وجمعتكم أشتقت لكم والله..

مابعد تبتي للحين ؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

هههههههه لا والله كل يوم أحلف ويومي سنـه تدرين أنها تبيني أضيفها على المسن زعلت كمن يوم ورجعت !



مشاعل:أشتقـــت لكــم وريحتــكم وجمعتكم أشتقت لكم والله..

ياذا الرجعه تعلميني فيك بس أنتبهي يا ندى لاتلعبين بالنـار تحرق أصابعك !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

اللحين أنتي اللي تدرسين في بريطانيا تقولين لي هالكلام أنا ما سويت شي ترى !





مشاعل:أشتقـــت لكــم وريحتــكم وجمعتكم أشتقت لكم والله..

لاتقارنين حالتي بحالتك وإذا درست بلندن يعني خلاص اتخلى عن كل شي ديني عاداتي وتقاليدي ؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

تقريبــاً ..



مشاعل:أشتقـــت لكــم وريحتــكم وجمعتكم أشتقت لكم والله..

ندى أنتي عارفتني زييين أنا مو من هالنــوع !!



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

عارفه بس أصرارك على الدراسه برى تحتم عليك أشياء كثيره وتخليك عن كل شي يربطك هنـا

أنتي رضيتي بإشياااء كثيييره وأولها الأختلاط !





مشاعل:أشتقـــت لكــم وريحتــكم وجمعتكم أشتقت لكم والله ..

تصدقين أني كرهت هالدراسه وكرهت لندن والساعه اللي طبيتها فيها كرهت كل شي بس

أبي أوطى أرض الريــاض !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

ما ألومـــك !>>>وزادت الطيب بله مشاعل كانت خانقتها العبــره تبي تنهي هالمحادثه بإي شكل !



مشاعل:أشتقـــت لكــم وريحتــكم وجمعتكم أشتقت لكم والله..

ندوش حبيبتي زميلتي تبي الخط تأمرين على شي ؟؟



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

سلاااامت ألبك بس لا تقطعين خلينا نشووفك !!





مشاعل:أشتقـــت لكــم وريحتــكم وجمعتكم أشتقت لكم والله..

إن شاء الله حتى أنتي لا تقطعين !



ندى :ولَو كُنتَ فَظًّا غَلِيظَ القَلبِ لاَنفَضُّواْ مِن حَولِكَ ..

ههههههه ولا يهمك بسنتر لك هنـا ..



مشاعل: نشوف يالله مع السلامه ..

ندى :مع السلامه ..



سكرت وهي تمسح دموعها ليييش ما عاد أحد يفهمها حتى ندى اللي كان توأم روحها صارت ما تفهم شي فيها أبد

وتقااارن كل شي بسفرة بريطانيا معقوووله ياندى ما عدتي ندوش بنت خالتي ورفيقة دربي وإلا الامياااال والكيلو مترات

اللي بينــا أثرت علينا ممكـــن ليييش لا ؟ سكرت الاب توب خلاص نفسها عافته مسكت كتاب وطلعت حرتها بالمذاكره

عندها أمتحانات هالايام وتفرغ كل شي في المذاكره من ندمها لشوقها لأهلها وولها عليهم كل شي كل شي في هالمذاكره !

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبه عبث طفلة, رواية غربة مشاعر, شبكة ليلاس الثقافية, غربة مشاعر للكاتبة عبث طفلة, غربه مشاعر
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:52 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية