لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-05-09, 01:47 PM   المشاركة رقم: 51
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



(( في بيت بوفهد ))..*


((مروا اسبوعين على موت عبير .. بس الحال كما هو عليه وكأن عبير ماتت امس ..اما جواد فكان في عالم ثااااني ماكان
يتكلم مع احد وحتى ليان ماكان يكلمها ابد ..ونادراً مايطلع من غرفته ..مع هذا مانزلت من عينه ولادمعه ..طول الوقت سرحان
الكل حاول يخليه يفرغ اللي بداخله من الحزن بس كل محاولاتهم بائت بالفشل)) ..*

محمد :جواد إلى متى وانت على هالحال ..ارحم حالك شوي ..تراك قطعت قلبي ..
جــــواد : ................
محمد: طيب شرايك نطلع ..؟؟
((جواد يناظر محمد باستغراب ))..*
محمد : لا تخاف ابوي موافق انك تطلع .. هااا شرايك ..نطلع ..؟؟
((هز راسه بمعنى الموافقه ))..*
محمد : خلاص ..جهز نفسك ترى بنروح البحر ..وجو البحر في الصباح جنان ..

(( بعد نصف ساعه كان محمد في السياره وينتظر جواد .. جواد نزل من الدرج وراح تجاه الباب الا يسمع صوت من وراه
كانت شوق من شوي جالسه من النوم ..كانت لابسه بيجامتها الورديه وكان شعرها منسدل على جنبيها على شكل ضفيرتين
وماسكه دبدوبها في ايدها اليسار ))..*
شوق : حالو ..ابغى مويا
جواد راح لها وحملها وراح للمطبخ وشربها مويا ..لما خلصت نزلها
وقال لها : يلا حبيبي روحي نامي ..وراح علشان
يطلع بس تفاجئ بشوق تمسك التيشيرت

شوق : حالو .. وين بتروح .. بروح معاك ..
جــــواد : بس انتي لازم تنامين الحين ..
شوق " والدمعه بعينها ": اروح معاك
جــــواد : حياتي مره ثانيه آخذك معي ..
شوق : لالا ..ابغي اروح معاك ..اروح لماما ..ابغي ماما
جــــواد : خلاص حبيبتي اسكتي وراح اجيب لك حاجه حلوه
شوق : لالالا ..ابغي ماما ..ابغي ماما ..

(( ام محمد سمعتها تبكي وجات لها))..*
ام محمد : شوق حبيبتي تعالي معاي ..
شوق " تعلقت بجواد اكثر": لالالا ..ابغى ماما
((ماقدر جواد يتحمل شوق تبكي))..*
جــــواد : خلاص خليها معي ..
ام محمد : راح تاخذها معك ..؟؟
جــــواد : ايوه ..غيري ملابسها وجهزيها ..يلا شوق روحي علشان تغيرين ملابسك ونروح سوا ,,
شوق "ناظرته بخوف": لا اذا رحت انا ..انت بتروح مثل ماما
ام محمد : خلاص تعال انت معها ..
((لما خلصوا طلعوا لمحمد في السياره))..*
محمد : ليه جبت شوق معك ..؟؟
جــــواد : تعلقت فيني وماحبيت اكسر بخاطرها ..
محمد : على خير ان شاء الله ..
ـــــــــــــــــــــــــــــــــــــــ

(( في بيت ليان ))..*

كانت سهرانه على الابتوب ..
ليـــان : ياربي والله ملل النت مافيه شي جديد ..والخاينه جود لها اسبوعين ماكلمتني .. اممم يمكن تبغاني اتصل عليها ..؟؟
لالا ما اعتقد ولا كان اتصلت هي ..آآآه ودي اكلمها ماتعودت اقطعها كذا ..مدري اتصل عليها ..؟؟ بس اخاف تكون مشغوله
ايوه اكييييييد مشغووله ولا كان كلمتني ...يووووه ياربي ايش اسوي ...

ــــــــــــــــــــــــــ


 
 

 

عرض البوم صور معشوقه بلا قلب   رد مع اقتباس
قديم 26-05-09, 01:49 PM   المشاركة رقم: 52
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 



((عند جواد ومحمد وصلوا للبحر ..نزلوا من السياره ))..*


شوق "بفـــرح": البـــحر ..البحـــر "وتمسك خوالها"
محمد : هههههه طيب طيب ..عرفنا ان هذا البحر ..
جــــواد : ههههه شوق شوفي"ويأشر على العصفور"
شوق "تناظر العصفور وتضحك وتمسك جواد": حالو ..حالو ..ابغى العصفوره ..امسكها لي "وتركض علشان تمسكه" ..

ـــــــــــــــــــــــــــ

((عند لــــــيان ))..*

ليـــان: اوووف ملل ..((ويدق جوالهــا ))..*

غـــلا : هلا ليووونه ..
ليـــان"بملل": شنو عندك متصله هالوقت
غــــلا: كش عليك .. وهذا انا قلت بونسك بعد ..
ليـــان: طيب آسفين ..شنو اللي راح يونسني ...تراني ملااااانه بالمررره
غـــلا: اممم راح نروح البحر ..
ليـــان"بفـــرح ": والـلـه !! متى ؟؟
غـــــلا: الحـــين ..
ليـــان: تنكتين انتي وخشتك ..
غـــــلا: وربي ..من شوي قلنا لأبوي وماتركناه الا لما وافق .. وقال لنا نقول لكم تجهزون ..
ليـــان: بس مافي حد يروح البحر في هذا الوقت ..
غــــلا : هذا المطلوب ياذكيه ..حنا نبغي نروح الحين علشان ناخذ راحتنا ..
ليـــان: ونآآآســـه ..اووكي انا رايحه اصحي اخواني واجهز الوالده ..
غـــــلا : اووك ..حنا نصف ساعه وحنا عندكم ..مع السلامـــه ..

((وراحت ليــان تصحي امهــا)).. *
ليـــان: يمه ..يمه ..
ام عبدالله : هلا يمه ..
ليـــان: صباح الورد يا آحلى ماما ..
ام عبدالله : صباح النور حبيبتي ..خير وش عندك جالسه بدري كذا ..
ليـــان: ابد ..بس غلا من شوي كلمتني وقالت خالي راح ياخذنا للبحر الحين ..
ام عبدالله : الحين !! ..خليه يأجلها للعصر ..
ليـــان: لالا يمه .. الجو الحين جنآآآآن ..وعلشان ناخذ راحتنا اكثر ..
ام عبدالله: خلاص ..انتوا راحوا ..انا ما ابغي اروح ..
ليـــان: لا ..مستحيل اخليك في البيت لوحدك ..يلا يمه علشان خاطري روحي معنا
ام عبدالله : بس انا راح اتعبكم معي .. واخرب وناستكم
ليـــان: يمه ..انتي اصل وناستنا ..والطلعه مارح تصير حلووه الا بوجودك ..يمه الله يخليك روحي معنا ..
ام عبدالله : الله يخليك لي ..
ليـــان: يلا آجل .. بروح اصحي اخواني وارجع اجهزك يالغاليه ..طيب ..
ام عبدالله : ان شاء الله حبيبتي ..

(( وتروح ليـــان تصحي اخوانها وترجع لأمها تجهزها.. .. وبعدها جا خالها وطلعوا للبحر ,, وجلست ليان مع غلا وحلا
وجلسوا يسولفون لما وصلوا البحر ونزلوا اغراضهم وليان ماتركت امها الا لما تأكدت انها مرتاحه وبعدين راحت
تتمشى عالبحر مع بنات خالها وكانوا مررره مبسوطين ..خصوصاً ان البحر مافيه حد ..فكانوا ماخذين راحتهم عالآخــر
ويلعبون ويضحكون وجاو لهم الشباب .... ))..*

عبدالله : كيفكم يابنات الخال ..
غلا وحلا ودلال : الحمــدلله بخير ,,وانت كيفك ..؟؟
عبدالله : الحمدلله ..مشتاقين لكم ..
غلا : مشتاق لنا ولا لـ ميمو ..حدد لو سمحت
عبدالله : هههههه كلكم واحد .. الا وينها مهااااوي ..
دلال: شوفها مسويه نفسها خجلآنه ..متخبيه ورا ليـــان ..
((مها تضرب دلال على راسها))..*
دلال : آآي يامجرررمه
عبدالله : كيفك مهاااوي ..ان شاء الله بخير
مها"بخــجل " : الحمدلله بخير .. وانت كيفك ..
عبدالله : انا بخــير دام اني شفتك ..
دلال: اقول انت وياها بدون غراميــات لو سمحتوا ..اقول مشعل شوفه يغازل اختك ..
مشعل : عآآآآآدي هذا زوج المستقبل ..
(( مها انحرجت بقووه ومسكت ايد لمى وقامت معها ))..*
حلا : شعوول ليه قلت كذا ..هذا هي انحرجت وقامت ..
مشعل: خخخخخ عادي انا ماقلت شي غلط .. هو زوجها بالمستقبل ..مو كذا يازوج اختي
عبدالله : الا كذا ونص ..يا اخو زوجتي في المستقبل
دلال : هههههههه ول طوووويله ..
ليـــان: ههههههه .. الا شخبارك مع حمد ياغلا ..
غلا "بخجل ": الحمدلله بخير ..
ليـــان: الا ..متى زواجكم .؟؟
غلا: قبل عيد الأضحى بأسبوع ان شاء الله ..
ليـــان: الله يتمم لكم على خير ..

((حمـــد :27 سنه خطيب غلا ,, وصديق مشـــعل..))..*

ـــــــــــــــــــــــــ

((في مكان ثاااني على شاطئ البحر كان جواد يلعب مع شوق ..ومحمد يناظرهم ))..*

شوق : حالو .. حالو ..ابغى اسبح في البحر ..
جــــواد : عنون خالوو انتي ..بس ماعندك ملابس علشان تسبحين ..
شوق : حاااالو ..ابغى اسبح "تأشر على ملابسها" هذي ملابس ..سوف ..سوف
((وتركض عنه وهو يلحقها وهم يضحكون ))..*

ــــــــــــــــــــــــ


 
 

 

عرض البوم صور معشوقه بلا قلب   رد مع اقتباس
قديم 26-05-09, 01:50 PM   المشاركة رقم: 53
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 

((عند ليان )) ..*

((كانوا يسولفون ... ومشعل كل شوي يتخانق مع دلال بس طبعاً عن مزح ... بعدها قاموا كلهم يتكشون ليان لفت أنتباهها البحر
البحر كان شكله مرررره جنااان مع ضوء الشمس قررت انها تجلس شوي ..وهي جالسة طاحت شيلتها على كتفها وصار الهوا
يلعب بشعرها كان شكلها رووعة .. كانت تطالع طيور النورس شلون تطير وتنزل للبحر .. تطالع الغيوم وكانت عايـــشة
في عالم ثاااني ..
في هاللحظة كان جواد وشوق يركظون بجنب المكان اللي فيه ليان)) ..*
جواد : شوق وقفي خلاص تعبـــــت ..
شوق : مابي مابي ابي اسبح ..
جواد انتبه لشخص جالس عالبحر وقرب منه لمن عرف انها بـــنت ..وقام يطالعها وعيونه مارمشت أبد
يطالع في جمالها ..في شعرها .." هــــذي ما أعتقد انها بشر هـــذي ملاك .. عمري ماشفت وحده بهالجمال ياللـــه شقد
حلوووه ..قـــلبه يدق بسرعه وكان يطالعها مو قاددر يشيل عيونه من عليها ..وكــان في عالم ثاني ~ ..
عـــالم ولا آحلـــى منه كـــان يحس انه يعرف هالبنت من قــــبل ..
شوق كانت تطالع خالها والبنت اللي عالبحر
شوق : حالو .. حااااالو
بس جواد ماكان يسمــع شي كان كل تفكيـــره في هالبنت ..مشت شوق لعند البنت ووقفت عندها وقامت تمسح على شعرها
بإيدها الصغيــــره ..
شووق "ببرائه " : شـــعرك طوويل وحلوو ..
ليـــان أنتبهت لها وابتسمت ..جواد شاف أبتسامتها وذاب فيــها أكثر وأكثر
لـــيان : أنتي آحـــلى ..شنو أسمك ياقمر ..؟؟
شوق : شـــوق ..أسمي شوق
ليـــان : ياربي تدنن هالكتكوته .. مع مين جايه ياقلبي ..؟؟
شوق " تأشر على جواد " : مع حالو ..
((ليان انتبهت للشخص اللي واقف يتأملها وان شيلتها طايحه ورفعتها على شعرها ..في هاللحظة آلتقت عيون جواد بعيونها
وجلس يتأملها أكـــثر وأكثــــر سحرته عيونها))..*
جواد حس على عمره وقال : شوق يلا عمري مشينا ..
وتجي له شوق ويمشون وصورتها مافارقت خياله ..
((ليـــان اللي من سمعت صوته وهي ذايبه تحس ان هالصوت سامعته من قبل ,, بس طردت هالفكرة من راسها وراحت لأهلها
ومحمد وجواد وشوق .. رجعوا للبــــيت ))..*
((وصلت ليــان لهم وشافت عبدالله جالس مع مها وبجنبهم لمــى ..جلست جنبهم وجا وراها مشـــعل ودلال وحلا وغلا ..
جلسوا يسولفون مع بعض وعبدالله لاهي مع مها ))..*
مشـــعل : شباب وصبايا المــــدارس ,, شنو شعوركم بما أن بــــكره آول يوم دراسه ..؟؟!!
عبدالله ومها ولمى ودلال وياسر : لاااااااا لاتذكرنااااا
ياسر : يارجال جبت لي أحباط ..
لمى : جاني هبوط في الضغط ..
مهـــا : جاني عـــسر هضم ..
عبدالله : بسم الله عليكي ان شاء الله لمى ولا انتي
((مها أنحرجت وسكتت)) ..*
لمى : لا واللــــه ان شاء الله انت ..
حـــلا :الحمدلله حنا بالكلـــيه اول اسبـــوع رآآآآحـــه ..
ليـــان : اي والله ..
دلال : بصـــراحه انا بكره مارح اروح المدرسه ..
مشـــعل : ليه عسى ماشر ؟؟!!
دلال : مدري بس ابغى أقلد ليـــان وحلا ,, إذا راحوا انا بروح ..
مشعـــل : اقول دلول بلا هرج وراح تروحين المدرسه غصباً عنك ..
دلال :اووف قدر ظروفي ياشيخ أنا آخر سنه جاني آحباااط ..
عبدالله : هذا لسى مابدئت السنه وجاكي أحباط وشلووون لو بدئت وش راح تقولين ..
((في هاللحظة يرن جوال غـــلا وكــان المتصل حمــــد وترد عليه ))..*
غـــلا : هــلآآآ
حمد :آهليــــن بحبي ..كيفك ..
غــلا "بخجل" :الحمدلله بخير ..وانت كيفك .؟؟
حمد : انا بخير دام اني سمعت صوتك ..
غــلا "وجهها احمرر " :دووم ان شاء الله ..
حمد :دامت انفاسك ,, ياروحي ..انتي وينك الحين ؟؟!!
غــلا : انا في البحر ..
حمد : وليه ماقلتي لي ..؟
غـــلا : مدري
(( وياخذ مشعل منها الجوال ))..*
مشعل : كيفك حميدان
حمـــد : ........
مشـــعل : حمد الووو
(( حمـــد أستوعب انه مشـــعل ))..*
حمـــد : الله ياخذك ..قطعت علي الجووو الرومانس ..
مشعـــل : خخخخخ ... كيفي أختي ..
حمد :اي اختك بس انا زوجهـــا ..
مشــعل : للحين هي مو في بيتك علشان تصير زوجتك
حمــد: المهم انها زوجتي سواء كانت في بيتي ولا لآ ..
مشـــعل : ههههههه طيب وشو تبغي الحين .؟؟
حمـــد : ابغي زوجتي ..
مشعـــل : زوجتك ماتت
حمد: ان شاء الله انت اللي تموت عطني اياها بسرررررعه
(( مشعل يعطي الجوال لــ (غلا ) وقامت عنهم علشان يصفى لها الجو ))..*
ليـــان : والله عليها حركآآآآت هالغلا ..
حـــلا : ال الله يخلف علينا حنا العوانس ..
ليـــان : اي والله وحده مخطوبه وتكلم حبيبها ووحده محجوزه "وتأشر على مها " ..
(( ويمر اليوم بفرح ووناسه وهو آخر يوم من الآجــــازة ))..*

ــــــــــــــــــــــــــــــــــــــ

أنتهى البــــــارت
انتظر ردودكم

 
 

 

عرض البوم صور معشوقه بلا قلب   رد مع اقتباس
قديم 26-05-09, 01:52 PM   المشاركة رقم: 54
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 

البارت الحادي عشر


((اما عند جواد ..))..*
((بعد مارجع من للبيـــت كااان طول الوقـــت سرحـــان في البنت اللي شافها فجأة ينفتح البـــاب ))..*
شوق : حالو
جـــواد : عيووونه ..
شوق : مي تقول في شبح يطـــلع ففي الليل وياكل الأطفال ... انا حآآآآيفه ..
جـــواد :مي قالت لك هالكلام ..ماعليكي منها ..تكذب عليك ..بعدين انتي شجاعه
شوق : يعني مافيه شبح
جـــواد : لا ياعمري مافيه ..
شوق : امممممم
جـــواد : ايش فيكي ؟؟
شووق : ابي العب
جـــواد :روحي لعبي مع نجود
شوق :نجود ماترضى تعطيني العابها ... تقول اني اكسرهم
جـــواد : طيب انا راح اشتري لك لعبه كبيييييره بعدين
شوق "بفرح ": كبييييييييييره كبر البيت
جـــواد : هههههههه ..كبر البيت
شوق " تناظر لابتوب جواد" :حالو ابي العب في هذا
جـــواد : حبيبي بس هذا مو لعبه
شوق : مابي ابي العب فيه ..
جـــواد " باستسلام " : طيــــب..
(( شغل لها الابتوب وحط لها على لعبه وخلاها تلعب وهو يطالعها وماحس بنفسه الا هوو في سااابع نووومه ))..*

ــــــــــــــــــــــــــــــ

((عند ليــــان ))..*
((وصـــلت البيت الساعه 8 في الليل كان ودها تكلم جود كثيييييير علشان كذا شغلت الابتوب .. بس كالعادة جود مو موجوده
بدأ الشـــك يدخل قلبها ..يمكن جود تركتني ؟؟ يمكن جود كانت تلعب علي .؟؟ والحين ملت مني ؟؟ بس لو انها تركتني
ليه عطتني رقمها ؟؟ اممم ممكن يكون مو رقمها ؟؟.. وقررت تطفي الابتوب الا تم تسجيل دخول مشـــكله ...انتظرت ان جود
هي اللي تبدأ في الكلام بس مافي امل .. ملت من الأنتظار وقررت تبدأ بالكلام)) ..*

آآآآآه :
جود وينـــك لك أسبوعين ماكلمتيني اهون عليكي ؟؟..
مشـــكله ...
.........................
آآآآآآآه :
جود ..انتي موجوده ؟؟ .... شكلك ماتبين تكلميني
مشـــكله ...
نيتبتهخيةنتءختءىثج=ممس
آآآآآآه :
جوووود ايش فيكي ؟؟
كمخكم الغةنخاعل سةت ةم خه ثىوككط
نيةىرؤخخ تميحك
ككءؤنةنؤىتثخ
(( كـــانت شوق تلعب في جهاز خالها وترسل لليان على كيفها وجواااد ناااايم في العسل مو حاس باللي تسويه شوق ,, ليان
عصبت وقررت تتصل على جود وتهزئها ..وفعلاً اتصلت وجواد انتبه ان جواله يرن ورد من دون مايشوف مين المتصل ))..*

جـــواد : الووو
ليــــان : اذا ماتبين تكلميني قولي لا تجلسين تلعبين علي
جـــواد : ميـــن معي ؟؟!!
ليـــــان "بصــدمه " : مو انتي جود ؟
" جواد استوعب الموضوع " : ليــــان ؟
ليـــــان : ايوه ليـــان .. ولا نسيتيني
جـــواد : هـــلا والله ليان بلاك معصبـــه ..؟؟
ليــــان " بعصبيه ": وتسألين بعد شفيني معصبه ... اولاً : لك اسبوعين ماكلمتيني ... ثانياً : صار لي ساعه اكلمك وانتي ماتردين
علي زين
جـــواد " باستغراب" : بس انا توني اكلمك
ليـــان : لآ ..؟؟ آجل مين اللي يكلمني عالمسنجر الحين ..؟؟
(( جواد تذكر شوق ولف عليها ولقاها عافسه جهازه ))..*
جـــواد : شوق شنو تسوين ..؟؟
شوق" وهي تبتسم ارق واعذب ابتسامه ": العب
(( ليان ماتدري ليه تذكرت البنت الصغيره اللي عالبحر ))..*
جـــواد : آسفه ليان بس بنت اختي كانت تلعب بلابتوبي
ليـــان " باستغراب " : كم عمرها بنت اختك ؟
جـــواد : عمرها 5 سنوات ..
ليــــان " زاد استغرابها" : وتخلينها تلعب بجهازك ؟؟ ماتخافين تخربه
جـــواد : حــــلآلهآ بدل الجهاز الواحد يفداها عشره
ليـــــان : آهاااا
جـــواد :طيب سكري وانا راح اكلمك عالمسنجر
ليــــان : اوك ... انتظرك
((سكر الجوال وراح لشوق وحملها وجلس يضحكها ))..*
جـــواد : يلا ياقلبي لازم تنامين الحين راح انادي لك دانه
شوق " وهي تتعلق فيه " : لا آخاااف
جـــواد : من شنو تخافين
شوق : من الشبح
جـــواد : بس مافيه اشباح
شوق : مابي
جـــواد : اجل انتي مو شجاعه ولا بطله
شوق : لا آنا شجاعه وبطله
جـــواد : طيب الشجاعه والبطله ماتخاف ..
شوق :بس مي تقول الشبح يخووف
جـــواد " وهو وده يقتل مي " : طيب اذا شفتي شي يخوف تعالي لي بسرررعه ... هااا شرايك
شوق "بتردد ": وانت تخوف الشبح وتضربه
جـــواد : ههههههه اوووكي راح اضربه ...الحين راح انادي لك دانه
(( وينادي دانه ويعطيها شوق ويجلس على الابتوب ))..*

 
 

 

عرض البوم صور معشوقه بلا قلب   رد مع اقتباس
قديم 26-05-09, 01:54 PM   المشاركة رقم: 55
المعلومات
الكاتب:
اللقب:

البيانات
التسجيل: Apr 2009
العضوية: 143540
المشاركات: 66
الجنس أنثى
معدل التقييم: معشوقه بلا قلب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
معشوقه بلا قلب غير متواجد حالياً
وسائل الإتصال:

كاتب الموضوع : cascada angel المنتدى : القصص المكتمله
افتراضي

 


آآآآه :
بدري كان تأخرتي بعد شوي ..شغلي المايك بسرعه عندي لك كلام كثيير
مشـــكله ....
طيب ..
ليـــان : انا بذبجك
جـــواد : ليـــــــــه
ليــــــان :ليه ..تسأليني ليه .. اسبوعين يالظالمه ماذكرتيني فيهم ابــــد ..
جـــواد : كان عندي ظروف ..
ليــــان : شنو هذي الظروف اللي بعدتك عني اسبوعين ... الا قولي مشغوله بالعيد ,, بصراحه هذا احلى عيد مر علي ..
عيال خالي ناموا عندنا ليله العيد ..وخالي اخذنا للرياض وانبسطنا كثييييير وجلسنا فيها 3 ايام تسوقنا ولعبنا ..واليوم رحنا
البحر ومارجعنا الا الساعه 8 قبل ما اكلمك بساعه .. شكلي اهرج لوحدي ..بلاك ساكته ..؟؟
ماقلتي لي شنو سويتي بالعيد ..وشلون استعداداتك للمدرسه ((جواد تذكر الحين انّ بكره يبدأ دوام المدارس ))..*

جـــواد : اممم ماسويت شي عااادي ..
ليـــان: شنوو عادي ..ماسافرتوا ..؟؟ ماطلعتوا ..؟؟
جــــواد "ببرود ": لآ
(( ليـــان خافت ان وضع جود مايسمح لها تسوي هالأشياء فحبت تغير الموضوع ))..*
ليـــان: اممم جود ..وديتي بنت اختك لآمها ..؟؟
جــواد "حس بضيقه ": لآ .. وديتها لآختها ..
ليـــان: كم عمرها اختها ..؟؟
جـــواد : 7 سنوات ..
ليـــان: بعدها صغيييره المفروض وديتيها لآمها ..
جــــواد: يووه خلاااص وديتها لآختها وخلاااص ..
ليـــان: طيب ليه عصبتي ..انا ماقلت شي
جــــواد : خلااااص غيري الموضوع ..
ليـــان: طيب بنت اختك هذي الكبيره ..؟؟
جــــواد " بعصبيــه " : شفيك انتي ماتفهمين قلت لك غيري الموضوع ..
ليـــان: طيب طيب ..هدي اعصابك ..لا يكون خايفه احسد اخـــتك ..
جـــواد "فقد اعصابه ": لآ ماتقدرين تحسدينها تدرين ليه ..لآنها ماتت "وبدأت دموعه تملي عيونه"
آآآه ..خلاااص عبير ماتت ومارح ترجع ..مارح نقدر نشوفها او نكلمها "وصار يبكي كأنه طفل"
آختي ماتت ..عبيييييييييير عبير ..
(( ليـــان انصدمت ماعرفت كيف تواسيها ..او شنو تقول لها ففضلت الصمت ..لما حست انها هدئت ..جواد حس براحه
نفسيه لما بكى ..وكأنه هم وانزاح عنه .. طول فتره العزا ماقدر ينزل دمعه وحده ..بس لما كلم ليان حس انّ بداخله
بركان وتفجر .. قرر جواد يكسر حاجز الصمت بينهم ..))..*

جـــواد: ليان آن آسفه اني فجرت فيكي مدري ايش صار لي ..
ليـــان: لالا انا اللي آسفه ماكنت ادري ..والله اني غبيه ..
جــــواد : ههههههههه .. من زمان انك غبيه توك تدرين ..
ليـــان: لآ والله ..ممم آنا اسفه جود
جــــواد : ولايهمك ..انسي الموضوع .. يلا عن آذنك ..
ليـــان: وين بتروحين بدري .. لآ يكون زعلتي مني
جــــواد : لآ .. مازعلت بس انا تعبانه شوي بروح انام
ليـــان: اممم راح تكلميني بكره ..؟؟
جـــواد : اممم .. بعد ما ارجع من المدرسه ان شاء الله ...
ليـــان: وعــــد ..؟؟
جــــواد : وعــــد ..يلا مع السلامه ..
ليـــان: الله يسلمك حبيبتي ..تصبحين على الف خيير ..
جـــواد: وانتي من آهل الخير غلاي ..

(( بعد ماسكر من ليان نام على السرير وجلس يفكرر .. مايدري كيف وصله التفكير في البنت اللي كانت جالسه
مثل الملاك على البحر وغلب عليه النوم ونآآآم ))..*

..||الساعه وحده ونصف بالليـــل ||..

((جلس جواد على صوت ضرب باب غرفته ..فز من سريره وانقبض قلبه ..راح يفتح الباب شاف وجود
ودانه وام فهد وعندها شوق)).. *

جـــواد : خير شصاير ..
ام فهد : شوق مو.......
جـــواد"ياخذ شوق من ام فهد " : بلاها شوق ..؟؟
جـــواد : شووق حبيبتي فيكي شي ..؟؟
شوق "تــبكي ": الشبـــح ...الشبح
جـــواد : الشبح ..؟؟
ام فهد : صحت من النوم وهي تبكي وتقول الشبح ..الشبح راح ياكلها .. حاولت اخليها تنام بس مهوب راضيه حتى دانه
مسكينه جلست من نومها .. وجلست جود علشان تنيمها جنبها هم موراضيه تنام ..تبغاك انت تقول انت اللي راح تمسك
الشبح ..
جـــواد "تذكر كلام شوق وتبسم" : خلاص روحوا ناموا وانا راح انيمها عندي ..
ام فهد : بس انت عندك مدرسه بكره ..
جـــواد : عادي مو مهم ..المهم شوق ..,يلا انتوا روحوا ناموا وشوق تنام عندي ..
((ويدخل غرفته ونوم شوق على السريروتعلقت فيه وجلسها ))..*
جـــواد : انا مو قلت لك انّ مافيه شبح
شوق: بس .... انا ....شفته ....بعيوني
جـــواد : وين شفتيه ..؟؟
شوق : شفته لماا كنت ناايمه ..
جـــواد : طيب ..انا جنبك الحين ..يلآ نامي واذا جا لك مره ثانيه خبريني علشان اضربه ..
شوق: اممم
جـــواد : ماتبيني اضرب الشبح ..؟؟
شوق: الا ..
جـــواد : طيب حبيبي يلا نامي ..
(( وتنام على السرير وهي ماسكه ايد جواد ..وينامون سوا))..*

ـــــــــــــــــــــــــــــــــــ

 
 

 

عرض البوم صور معشوقه بلا قلب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لقــــــاء, الســــراب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:27 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية