كاتب الموضوع :
"ميسان"
المنتدى :
القصص المكتمله
الفصل الثامن عشر
صباح اليوم الثاني ..
باسل قام وهو كاره نفسه
ليه هالسفر مو عارف
تروش وجهز نفسه
طلع من غرفته عشان يشيك اذا دينا جلست ولا لا
طق الباب ومافتحت له
اكثر من مره حاول ومافي فايده
طلع جواله وهم ماترد : اففففف هذي شكلها غرقانه بالنوم او متعمده ماترد ولا تفتح الباب
نزل للرسبشن وطلب منهم يفتحوا الباب واثبت لهم انها زوجته بس هي ماتفتح
فتحوا الباب له ودخل
شافها نايمه : قلت انا هذي اكيد نايمه
جلس على السرير وحاول يصحيها : دينا
مسكها يهزها : دينا اصحي الطياره بتطير
خاف لما شافها ماتتحرك عينه طاحت على الكومدينه وشاف المضاد والحبوب مخلصه
رجع بسرعه لها يهزها وهي ماتتحرك : دينا !
مسك وجها يحاول يوعيها لقى جسمها حار : دينا اصحي
دينا فتحت عيونها ورجعت غمضتها ماتشوف شي
ولاهي قادره تركز
حملها بسرعه يوديها المستشفى
عند الباب تذكر انه مالبسها العبايه
رجع ولبسها عبايتها من غير مايسكرها
مو قادر يركز الاهم يوصلها للمستشفى بأسرع وقت ممكن
ركب سيارته وراح لاقرب مستشفى
دخل المستشفى وهو حاملها : بسرعه عندي حالة طوارئ
دخلوها بسرعه لغرفة الطوارئ
الدكتور راح لباسل : انت ايش تقرب لها ؟
باسل بتردد : انا .. ولد عمها
الدكتور : ايش فيها بالضبط ؟
باسل : مادري دخلت الغرفه ولقيتها كذا
الدكتور : هيه ايش اخذت البارح اكلت شي ؟
باسل : مادري عن شي بس لقيت ورقة حبوب مضاد مخلصه مافيها ولا حبه
الدكتور : معناته اذا كانت جد ماخذه حبوب كثير هذي محاولة انتحار
باسل : المهم هي كيف
الدكتور : الحين بنسوي لها التحاليل اللازمه وغسيل معده على طول
راح الدكتور عنه وجلس باسل على الكراسي
صار يهز رجله بتوتر
ماله خلق كل هالسوالف
دق على ابوه حتى يجي المستشفى ويخبر عمه ابو دينا
ابو باسل : هلا باسل انت وينك رحتوا المطار
باسل : هههه قلتي مطار ونعم المطار اللي انا فيه
ابو باسل استغرب : ايش فيك صاير شي
باسل : مو صاير شي بس احنا بالمستشفى
ابو باسل منصدم : مستشفى ! .. ليه ايش صاير فيكم ؟
باسل : دينا مدري شسالفتها
ابو باسل : أي مستشفى هذا
باسل : مستشفى الـ .....
قفل الخط وقفل جواله مره وحده
حتى يريح مخه من الاسئله الزايده
غمض عينه يبي يبعد أي تفكير من باله
بعد فتره ماهي طويله دخل ابوه بخوف ولهفه
يدور بعيونه على باسل
اول ماشافه راح له مسرع وبلهفه : باسل ايش اللي صاير
باسل فتح عينه وكان تقريبا ماخذ له غفوه : هم .. انت جيت ؟
ابو باسل : ايه ايش صاير لبنت عمك ايش سويت فيها ؟
باسل : يبه انا ماسويت لها شي ولا لمستها هذي بنتكم هنا واستلموها .. انا طالع باي
ابو باسل : باسل !
باسل طنش كلام ابوه وطلع من المستشفى ماله خلق شي
وبلحظات يحمد ربه على اللي صار
ريحه من السفر
.
.
.
.
.
ماسكه جوالها وتحاول تدق
بس مافي حد يرد
: غريبه ماترد
ليان ماسكه المجله وتقرا : ايش فيك
جنان : دنو ماترد
ليان : ههههههه وانتي ليه تبينها ترد خلاص البنت متزوجه خليها بحالها
جنان : لانك مو فاهمه شي ابد
ليان : طيب فهميني يالفاهمه
جنان ماسكه جوالها وتحاول : ماني مجبوره افهمك شي
ليان طنشتها ورجعت لمجلتها : بكيفك بس خلي البنت تاخذ راحتها
جنان ماردت على كلامها ولا عطتها اهميه
دقت على سديم
جنان : صباح الخير
سديم : صباح النور .. كيفك؟
جنان : كويسه
سديم : كيف دنو .. كلمتيها ؟
جنان : لا مخوفتني عليها ادق وماترد علي
سديم : يمكن نايمه
جنان : لا ماتوقع قلبي ناغزني حاسه ان صاير لها شي
سديم : لاتوسوسي .. وان شاء الله مافيها الا الخير
جنان : ان شاء الله
سديم : طيب عندك رقم باسل ؟
جنان : لا ماعندي
سديم : لو عندك كان دقيتي عليه وسألتيه عنها
جنان : لا مالي خلقه
سديم : طيب يعني ايش بتسوي
جنان : صح شلون نسيته مالي الا هو
سديم : مين
جنان : تركي اخوها
سديم : خلاص دقي عليه وطمنيني
جنان : اوكي
قفلت من سديم ودقت على تركي
تركي : هلا بالنور كله
جنان : هلا فيك
تركي : شعندها البرنسيسه متنازله وداقه علي
جنان : ههههههههه مالت عليك مو عشانك عشان دنو بس
تركي : اهااا .. انتي عرفتي .. من قال لك ؟
جنان استغربت : انا دريت ! ليه ايش صاير تركي
تركي ارتبك : لا مو صاير شي
جنان : تركي لاتلعب بأعصابي ايش فيها دينا
تركي : مافيها الا العافيه ايش فيك
جنان : لا صاير شي احكي
تركي : اممممم بالمستشفى دنو
جنان بصدمه : لييييه وبأي مستشفى ؟
تركي : مافيها الا العافيه بس تعرفين دنو تدلع علينا شوي
جنان : تركي تكلم وقول لي ايش فيها دنو
تركي بتردد : اخذت لها حبوب وحاولت تنتحر
جنان شهقت : ايييييش !
تركي : هذا اللي صار
جنان نزلت دموعها : وهي كيفها الحين ؟
تركي : لاتخافي عليها مافيها الا العافيه سوو لها غسيل معده والحين حاطين عليها مغذي مافيها شي
جنان : انا لازم اروح لها
.
.
.
.
.
بالمستشفى
جالسه على كراسي الانتظار
مسنده راسها : انا نفسي اعرف هي ليه سوت هذا كله
ابو عمار : يعني شايفه اللي يصير لها طبيعي .. اكيد بتفكر بهذا كله اذا كل شي اجباري مسويينه لها
ام عمار : بس ماتوصل لانتحار !
ابو عمار : انتي لاتتكلمي لها بشي خليها لين ماتسترد صحتها وبعدين نتكلم معاها
ام عمار نزلت دموعها : مابيها تروح مني
ابو عمار : اذا ماتبوها تعيش مع امها اكيد بتسوي هذا كله .. بس الاهم ابوي مايوصله خبر عن اللي صاير
ام عمار : خليها تروح لامها .. ولا اني انحرم من شوفتها طول عمري
ابو عمار : انتي هدي الحين ومافيها الا الخير ان شاء الله
ابو باسل : ادق عليه مايرد
ابو عمار : مين
ابو باسل : باسل فيه حد غيره
ابو عمار : ايش فيه الثاني
ابو باسل : مادري شاغل بالي عليه
ابو عمار : ماعليك مافيه الا الخير .. بس يمكن يبي يجلس بروحه شوي خليه على راحته
ابو باسل : المهم مالك .. اهم شي ابوي مايوصله خبر عن اللي صار
ابو عمار : وهذا اللي انا اقوله بعد
طلع الدكتور ..
ابو عمار : طمني كيف بنتي الحين
الدكتور : لا الحمد لله الحين كويسه صارت
ابو عمار : الحمد لله
الدكتور : الا وين ابن عمها اللي جابها
ابو باسل : طلع .. دينا فيها شي ؟
الدكتور : لا دينا الحين احسن حالتها .. بس كنت ابي اتكلم معاه لان واضح ان هو السبب اللي وصلها لهالحاله وخلاها تحاول تنتحر
ابو عمار : لا مو هو السبب احنا عارفين الحكايه بس الاهم دينا نبي نتطمن عليها
الدكتور : بنتكم مناعتها ضعيفه ماتتحمل أي شي .. انتبهوا عليها كويس هذا اللي اقدر اقوله
ابو عمار : انا عارف هالشي من صغرها ان مناعتها ضعيفه
الدكتور : الاهم انكم تداروا صحتها ... وانتبهوا لاتكتأب وتوصل لمرحلة الانتحار مثل هالمره .. هالمره انقذناها المره الجايه الله اعلم
ابو عمار : لاتخاف بنتي واكيد بنداريها
الدكتور : عن اذنكم
بهالوقت وصلت جنان
اول ماطاحت عينها على ام عمار راحت لها بسرعه : ماما طمنيني على دنو
ام عمار : مافيها شي صارت زينه
جنان : يعني اقدر اشوفها
ابو عمار : ايه اكيد تقدرين تشوفينها
*********
بعد مااسترجعت دينا صحتها طلعت من المستشفى
وجها مصفر لونه شاحب
وذبلانه
تركي : مالت عليك خوفتينا
دينا : هههههههه
جنان : ولا وتضحك بعد
دينا : عادي اسوي اكشن بالعيله
تركي : أي اكشن مع وجهك والرجال انحاش
دينا : مين اللي انحاش ؟
تركي : ههههههههه العريس
دينا : ليه هو وينه
جنان : هههههههههه ماندري يقول لك بعد ماوداك المستشفى محد يدري هو وينه
دينا : احسن بعد وياليت مايرد
جنان : هههههههههه لاتخافي بيطلع لك مثل الجني
دينا : افففف
تركي : لهالدرجه ماتبيه
دينا : اكرهه هالمغرور
جنان : ههههههههههه لاتخافين شعوركم متبادل
********
مختفي صار له كم يوم ماهو مبين
الكل مشغول باله عليه مو عارفين هو ايش صاير له
وليه مايرد على تلفوناتهم
بعد ماحس نفسه مستعد يرجع لاهله
رجع للبيت
اول مادخل شافه هشام : وينك انت خوفتنا عليك
باسل : فك عني مالي خلق شي
هشام : الكل انشغل باله عليك
باسل : هذاني رجعت مافيني شي
راح ودخل غرفته
هشام دق على ابوه : هلا يبه ترا باسل رجع
ابو باسل : متى رجع ؟
هشام : توه راجع
ابو باسل : ماقال لك هو كان وين
هشام : لا ماقال
ابو باسل : خلاص انا اخلص شغلي واجي اشوف سالفته
خلص شغله ابو باسل بسرعه وراح للبيت
دخل غرفة باسل شافه جالس على الكمبيوتر
ابو باسل : ممكن نتكلم شوي
باسل : اكيد يبه
ابو باسل : ابي افهم ليه اختفيت كم يوم .. شغلت بالنا عليك
باسل : كنت محتاج اجلس بروحي بدون أي ضغوط
ابو باسل : عالاقل كان عطيتنا خبر مو تشغل بالنا بهالطريقه
باسل : انا آسف يبه
ابو باسل : اهم شي الحين تقوم وجيب دينا هنا
باسل : هي طلعت من المستشفى ؟
ابو باسل : ايه وترا جدك مايدري عن شي يفكركم لسه مسافرين وان شافك وسألك ليه انت هنا قول له دينا تعبت من السفر ورجعنا
باسل بضيق : طيب .. أي اوامر ثانيه
ابو باسل : لا .. بس تحمل هي فتره وتعدي
راح باسل لبيت عمه مالك
دخل البيت وماله نفس شي
لقى وحده من الخدم
باسل : Excuse me ( لو سمحتي )
الخدامه : Yes sir ( نعم سيدي )
باسل : Where is Deena ? ( أين هي دينا ؟)
الخدامه : She is in her room with her friends ( انها بغرفتها مع صديقاتها )
باسل : Ok , tell her to come now ( قولي لها تأتي الآن )
الخدامه : Ok sir ( حاظر سيدي )
راحت الخدامه لدينا
طقت الباب ودخلت : Miss Deena .. Mr. Basel waiting you in the basement (آنسه دينا .. السيد باسل ينتظركِ في الاسفل )
دينا بإستغراب : Basel !
الخدامه : Yes
جنان : غريبه من وين طلع
دينا رفعت كتوفها : مدري علمي علمك
سديم : روحي شوفيه
دينا لفت على الخدامه : Ok , Thank you ( شكرا ً )
راحت الخدامه
دينا لفت على جنان وسديم بأستغراب : باسل ! هذا من وين طلع وايش جيبه
جنان : انزلي له وشوفي شسالفته وليش جاي
دينا : انا فكرته شرد راح لندن او شي من هالقبيل
سديم : هههههههه دنو بلا افلام وروحي للرجال شوفيه ايش يبي
دينا مو عاجبها الوضع : طيب
نزلت دينا وكأنها مغصوبه
كانت لابسه تنوره جينز قصيره
مع بدي احمر
باسل كان واقف ومندمج بجواله وكأنه يقرا مسج واصله
وقفت بعيد شوي تتأمل ملامحه
شاب طويل لونه برونزي ..
لما كان بلندن دايم يتشمس ويحب يصير بهاللون ..
ومناسبه اللون البرونزي
شعره كثيف
عيونه عسليه
خشمه فيه كسره خفيفه ماتبان كثير بس محليته
شفايفه صغار
فيه سكسوكه خفيفه
لما ابتسم بانت غميزته
شاب وسيم تحلم فيه أي بنت
بس هي تكرهه .. وماتطيق تشوفه
باسل رفع عينه عن الجوال وانتبه لها
ناظرها ببرود
ماتأثر عليه بشي لابلبسها ولا بدلعها
يحس ان دلعها مصطنع ومو طبيعي
ومن يشوفها يحب ينرفزها بكم كلمه
ناظرها من فوق لتحت : انتي ماعندك شي اسمه طويل ؟
دينا ناظرته وهي مستغربه : نعم !
باسل : اللي سمعتيه
دينا : وايش فيه لبسي مو عاجبك
باسل قرب منها مايفصل بينهم شي : لا ماشاء الله لبسك دايم مستر وطويل .. عمري ماشفتك بشي قصير
دينا تكتفت : داريه انك تقصد العكس بس هذا لبسي عاجبك كان بها مو عاجبك بكيفك
باسل : هذا مو لبس .. البسي قصير بس مو بهالطريقه
دينا : انا يعني مااخلص من عمار واحد .. تجي لي انت الثاني وتصير لي مثله .. اخلص ليش جاي ؟
باسل بجفاف : جهزي نفسك تجي البيت معاي
دينا : وليه اجي معاك
باسل : لحوول .. خلاص استوعبي الوضع الجديد ولازم تجين معاي مالي خلق سوالف جدي واوامره
دينا : بس انا ماقدر اجي معاك الحين
باسل : وليه ماتقدرين ؟
دينا : خوياتي عندي
باسل : ومتى يطلعون ؟
دينا : مدري
باسل : انا لازم آخذك اليوم لهناك
دينا : اففف طيب درينا .. لما يطلعون بدق عليك
باسل : اعصاب مو اصغر عيالك انا
دينا غرقت عيونها : ليتني مت وارتحت من هذا كله .. تعبت منكم
تركته وراحت غرفتها
دخلت الغرفه وسكرت الباب بقوه : غبي متخلف مايفهم
جنان : بسم الله عليك ايش فيك .. ايش صاير ؟
دينا : يعني مااخلص من عمار يطلع لي عمار ثاني
سديم جلست جنبها : ليه احكي لنا ايش كان يبي ؟
دينا : مناديني عشان ينرفزني بكم كلمه
جنان : ليه ايش قال ؟
دينا : الاخ مو عاجبه لبسي ويقول انتي ماعندك شي اسمه طويل
سديم : ههههههههه هذا يقول عكس اللي بداخله صدقيني
دينا : ماظن هذا مثل عمار
جنان : يعني بس هذا اللي يبيه
دينا : لا .. يبي ياخذني لبيتهم
جنان : متى ؟
دينا : الحين بس مابي
سديم : ايش قلتي له ؟
دينا : قلت له خوياتي عندي .. بس قام يقول ويخربط لازم آخذك عشان جدي مايسوي سوالف وماعرف ايش
جنان : ايه صادق دنو .. روحي بس حطي له حدود
دينا : مالي خلق
سديم : روحي ولاتسببين لنفسك مشاكل اكثر .. انا عن نفسي بروح بيتنا الحين .. انتي تجهزي ودقي عليه يجي ياخذك
دينا : بس خايفه
جنان تغمز لها : تبيني اجي معاك احميك ههههههههه
دينا : يالييييت والله تسوين فيني خير
سديم : ههههههههههه روحي اعتمدي على نفسك بس وصيري قويه مثلي
جنان : ههههههههه يالله اشوف دقي عليه
دينا : لا انا توني قايله له ماابي اجي معاك الحين .. كيف ادق عليه الحين واقول له غيرت رايي
سديم : انا عالعموم الحين طالعه .. وروحي معاه احسن لك عشان ماتسببين لنفسك مشاكل
جنان : ايه واذا رحتي هناك قولي له حدوده
دينا : طيب
بعد ماطلعوا جنان وسديم ..
جلست على الكرسي الفرو الموجود بزاويه من زوايا غرفتها
متردده تدق عليه ولا لا
ضغطت على نفسها ودقت
بعد اكثر من رنه رد عليها بملل : الو
دينا : انا جاهزه تقدر تجي تاخذني
باسل : انا مع تركي تحت انزلي اذا على قولتك جاهزه
دينا وهي تضغط على نفسها : طيب
لبست عباتها واخذت بقية الاغراض البسيطه اللي نستها
طلعت من غرفتها وراحت تسلم على امها
طقت الباب ودخلت
اول ماشافت ام عمار نزلت دموعها
ام عمار خافت لما شافت دموعها : دينا ايش فيك تبكين وليه لابسه عباتك
دينا ضمت ام عمار : باسل جاي ياخذني – ضمتها اقوا – بتوحشيني
ام عمار نزلت دموعها : دينا مسحي دموعك ماراح تروحين بعيد .. كل يوم بشوفك
دينا : بس انا ماابي اروح هناك
ام عمار : حبيبتي لازم تروحين .. هذي حال الدنيا
دق جوال دينا
ناظرت الشاشه وشافت انه باسل : ماما هذا باسل
ام عمار : يالله حبيبتي روحي معاه
دينا : بس بابا وين ؟
ام عمار : مو موجود طالع
دينا نزلت دموعها مره ثانيه : كان ودي اسلم عليه قبل ماروح
ام عمار مسكت وجه دينا تمسح دموعها بأيدها : حبيبتي انتي مو رايحه بعيد .. كلها خطوتين وانتي عندنا وهو بيت عمك مثل ابوك يعني
دينا مسحت دموعها ونزلت لباسل ومعاها ام عمار : انا جاهزه
باسل : يالله مشينا
تركي : يووه دنو بتروحين عنا مع مين انشب بعدين
دينا : مع خيالي
تركي ضم دينا : والله البيت من غيرك مايسوى شي
دينا نزلت دموعها : بتوحشني يادوب
تركي : ههههههههه وبتوحشيني انتي وجنان .. الحين الجنيه مابتطب بيتنا ابد
دينا ضربته على خفيف على صدره : وانت هذا اللي هامك جنو وبس
تركي : ههههههههه يالله روحي مع باسلوه
دينا : تبي الفكه مني يعني
ام عمار : ههههههههه وانت ماتتوب ماتخلي اختك بحالها
تركي : ايه عقبالنا نتزوج
دينا : اذا تبي الزواج بادلني لو تبي
تركي : لا مابي هههههههههه
ام عمار : ههههههههه تركي لاتشغل اختك وخلها تروح
طول هالوقت باسل واقف وهو ساكت
دينا تذكرت ان باسل للآن واقف لفت عليه : يالله نمشي
ام عمار ضمتها مره ثانيه : انتبهي على نفسك واذا احتجتي أي شي دقي علي
دينا : ان شاء الله ماما .. يالله باي
طلعت مع باسل وركبت سيارته البورش الحمرا
طول الطريق ساكتين مانطقوا ولا كلمه
وصلوا للبيت ونزلوا سوا
دخلت وهي ضايق خلقها
مالقوا حد موجود وحمدت ربها
باسل : يالله امشي معاي الجناح حقنا فوق
دينا مشت وراه من غير ولا كلمه
دخلوا جناحهم وهي ساكته
جناحهم فخم بالاثاث والديكور ..
غرفت النوم فوق بطابق صغير مفتوحه وتطل على تحت لمكان جلستهم وباقي الجناح
درج بسيط ينزل بشكل حلزوني ..
ستاير طويله باللون السكري تغطي الدرايش الطويله ..
باسل بعد ماجلس على الكنبه : شوفي يادينا .. صحيح الحين يجمعنا مكان واحد وسقف واحد بس لاانا لي شغل فيك ولا انتي لك شغل فيني .. كل واحد على كيفه وكل واحد ينام بجهه
دينا : ومن قال لك ان انا ابي العكس هذا اللي انا ابيه
باسل : داري من غير ماتقولين
دينا : طيب لمتى بنظل على هالحال
باسل : مدري .. لين مالله يفرجها
دينا : ومتى تنفرج على قولتك
باسل : يوووووه دينااا عليك اسئله مدري شتبي
دينا : وليه تنفخ كذا بوجهي
باسل وقف قدام وجهها : خلاص انا طفشت انتي شفيك كذا حنانه .. مو بس انتي اللي مظلومه بهالزواج اثنينا انظلمنا
دينا نزلت دموعها : ايه وتبي تظلمني اكثر لما تصير مثل عمار
باسل عقد حواجبه : ايش فيك اليوم انتي تكررين هالكلمه عمار وعمار
دينا : تتحكم باللبس ومو عاجبك شي .. وانت تقول محد يتدخل بالثاني .. خلاص خليني على كيفي اكره عمار واكره امثاله
باسل عينه بعيون دينا
شاف بعيونها لمعة حزن وانكسار غريبه
حس بضعف قدام عيونها الزرقاء البحريه
وده يمسح دموعها
غمض عيونه يبي يبعد هالافكار عن راسه
طلع بسرعه من الجناح مايبي يضعف قدامها اكثر
*********
دخلت بيتهم وتحس بضيقه مو طبيعيه
مو عارفه ليه هالضيقه ماهي مرتاحه
نزعت عباتها وجلست بالغرفه على كرسي هزاز
مسكت جوالها ولقت نفسها لا اراديا تدق على فارس
حاسه ان فيه شي
بينهم رابطه مو طبيعيه
واذا تضايق واحد فيهم يحس الثاني
هذا اللي كانت هي حاسه وعارفه ان فارس صاير له شي
رد عليها بعد فتره وكان صوته تعبان : هلا دومي
سديم خافت من نبرة صوته : فارس فيك شي
فارس : لا بس شويه تعبان
سديم : فارس انا اعرفك زين وحاسه في شي صاير
فارس : لا بس تعبان شوي
سديم : سلامتك الف سلامه .. بس من ايش تعبان
فارس : متضايق .. حاس بضغوط كثيره حولي
سديم : من ايش؟
فارس : اهلي والدراسه والحوسه كلها ضغوط بتجنني
سديم : مو انت دايم تقول لي تحملي كل الضغوط اللي تجيك عشان نرتاح بالنهايه
فارس : ايه قلت .. بس الحين انا متهاوش مع الوالد
سديم بصدمه : ليه ؟
فارس : يبوني انساك .. شلون انساك وانتي الهوا اللي اتنفسه .. انتي روحي .. كيف استغني عن روحي وربي اموت من دونك
سديم نزلت دموعها : فارس اذا انت تقول هالكلام اجل انا شقول
فارس : مسحي دموعك حبيبتي .. احنا الظاهر انكتب علينا نتعذب بس ماراح استسلم
سديم : اذا استسلمت لهالواقع انا ماقدر اعيش
فارس : بسم الله عليك حبيبتي .. بسوي كل اللي اقدر عليه عشان نتزوج ونروح لايطاليا ونمر على دريشة حبيبتي جولييت
سديم : هههههههههه
فارس : فديت هالضحكه والله
سديم : فارس لاتتركني
فارس : اترك الدنيا كلها واستغني عنها الا انتي مااستغني عنك
سديم : توعدني ماتتخلى عني
فارس : اوعدك يابعد هالدنيا كلها
*********
مشغله الاغاني على الآخر
متمدده على السرير وماسكه سلحفاتها
تحبها وتموت فيها
رجعتها للحوض حقها
ورجعت تمددت على السرير وهي تراقب سلحفاتها
كل ماتشوفها تتذكر بندر
حنون عليها حيل بس هي جافه معاه
ماتدري ايش تسوي
رن جوالها
رفعته على طول : الو
بندر : هلا نونتي شخبارك ؟
جنان : كويسه .. انت كيفك ؟
بندر : بخير دام حبيبتي بخير .. هاه قولي لي شنو تسوين
جنان : ابد اراقب السلحفاة هههههههههه
بندر : ههههههه اكيد تذكرتيني
جنان : ههههههههههه واجد تتحلم انت
بندر : طيب شرايك امرك متجمعين احنا الشباب والبنات بمخيم
جنان : آه يالخاينين ولاتقولون لي
بندر : ههههههههه ابد تونا طالعين هاه امرك؟
جنان : شوووووووووووووور
بندر : يالله تجهزي وانا جايك الحين بالطريق
جنان : طيب
تجهزت جنان ومر عليها بندر
وهي طالعه
شافها ماهر : على وين ياحلوه
جنان : بروح المخيم متجمعين الشباب
ماهر : ايييييييه صح توهم قايلين لي
جنان : يالله تعال
ماهر : اخلص شغلي واشوف اذا بجي ولا لا
جنان : اوكي .. بس بقول للماما اني بروح اطلع
ماهر : انتي روحي وانا بقول لها
جنان باست ماهر : واااااااي يازين هالخو والله هههههههههه
ماهر : هههههههههه روحي طلعي لاتتأخرين على روميو حقك
جنان : طيب
ركبت السياره وراحوا للمخيم سوا
الكل كان متجمع اجازه ويبون ينبسطون دخلت الخيمه : آه يالخاينين تتجمعون وماتقولون لي
طلال : هههههههههههههه والله ياجنو كذا طقت براسنا واتصلنا على بعض وجينا
جنان بوزت وجلست : ايه لو تبوني كان دقيتوا علي
بندر : يعني انا مااكفي
سارا : ههههههه روميو يكفي اتوقع
جنان : ههههههههه انتي مالك دخل
عدنان : الا اقول وين دينا
طلال : تزوجت وخلتني بروحي اهئ اهئ اهئ
لمياء : شوف هذا مصدق عمره
بندر : ايه والله بقوه
طلال : هههههههههه الحين مين بيعزف جيتار
جنان : ولا يهمك اذا تبيها الحين ادق عليها
الكل : لااااااااااااااااااااا
جنان : بسم الله ايش فيكم
طلال : ههههههههههه خلي البنت بحالها بس
جنان : ليه عادي
عدنان وهو ياخذ نفس من الشيشه : اقول خلي البنت مع زوجها
جنان تكش عليه : مالت عليك
بندر : لحظه بروح اجيب شي من السياره
جنان لفت على عدنان : عدنان ابي نفس
عدنان : طيري مناك ماتعرفين لها
جنان لزقت جنبه : يالله عدنان خليني اجرب
عدنان : اذا متي انا مالي دخل – بصوت عالي – شاهدين عليها ياجماعه تبي تشيش اذا ماتت انا اخلي مسؤليتي
الكل : شاهديييييييين
جنان راحت تاخذ نفس وهي متحمسه واول ماسحبت ماقدرت وقلب وجها الوان
وصارت تكح بشكل مو طبيعي
دخل بندر وتخرع من شكلها : ايش فيها
عدنان : هههههههههههههههه الاخت سوت فيها قويه وتقدر تاخذ لها من المعسل حقي وكحت وبس
جنان بعد مااخذت نفسها : وجع ان شاء الله كيف تتحملوها
بندر بعصبيه : وانا ابي افهم شلون انتي تجربيها مو زينه عليك
جنان : تحمست يوم شفتها عند عدنان وحبيت اجرب
بندر : حتى ولو انتي بنت ماتصلح لك
ميس تصفق : ايواااااااا ياعم ايش هالحب هذا والخوف
طلال : هههههههههههههههههه روميوووووووووو
بندر عطاهم نظره
سارا : هههههههههه لحد يكلمه الحين خلاص عصب الاخ
************
بصباح اليوم الثاني
صحت من نومها
لفت على جنبها مالقت حد نايم
قامت ببجامتها الشورت البرتقالي والبدي المخربط الوانه بالبرتقالي والسكري والازرق
ونزلت من الدرج
شافت باسل نايم على الاريكه
كسر خاطرها بالبدايه
بس بعدين قست قلبها وماهمها
راحت واخذت لها شور عالسريع عشان تنزل
من امس ماطلعت وشافت احد
حبست نفسها بالغرفه ومالها خلق تطلع تشوف حد من البيت
خلصت الشور ولبست روب الحمام وراحت غرفة الملابس
لبست لها بنطلون جينز وتيشير ازرق سماوي مكتوب عليه كلمات بالانجليزي
تركت شعرها بحيويته ولبست تاج تبعد الخصل عن وجهها
طلعت من جناحهم
ونزلت تحت
لقت زوجة عمها ام باسل جالسه وقدامها الفطور وتشرب قهوتها : السلام عليكم
ام باسل وعليكم السلام هلا والله حبيبتي نورتي البيت
دينا : منور بأهله .. كيفك خالتو
ام باسل : الحمد لله بخير .. انتي كيفك ؟
دينا : بخير
ام باسل : اجل وين باسل ؟
دينا : نايم
ابو باسل دخل عليهم وجلس : اوووه دينا هنا وانا اقول ليه البيت منور
دينا انحرجت وقامت باست راس عمها : منور فيك ياعمي
ابو باسل : وينك امس مابينتي
دينا : كنت ارتب اغراضي شوي واحتجت انام
ابو باسل : حي الله ببنتنا
دينا : الله يحييك ياعمي
بعد فتره ريم نزلت تركض : ايواااااااا واخيرا شرفتي
دينا : هههههههه شفيك
ريم تجلس جنب دينا : ايه من زمان وودي ببنت تعيش معاي بالبيت واخيرا لقيت لي وحده تعيش معاي
ام باسل : هههههههه شوي شوي على بنت عمك توها مااخذت نفسها
ريم : هههههههه بنت عمي وانا حره فيها
دينا : ههههههههههههه
ريم : وين باسل مو من عادته يطوف الفطور مثل ابو الهش
ام باسل : نايم
ريم تقوم من الطاوله : اجل بروح اصحيه
دينا ضاق صدرها .. لو دخلت ريم وشافته نايم على الاريكه ايش بيكون موقفهم
ريم راحت لجناح اخوها وفتحت الباب ..
وكان باسل توه مخلص شور وطالع وهو حاط الفوطه على كتفه ويجفف فيها شعره : هاه الحلوه ايش تبي
ريم : لا بس استغربت مانزلت للفطور وانت اول واحد تصحى
باسل : لا بس راحت علي نومه
ريم تغمز له : ايييييييييه قلت لي
باسل : شوف هذي .. اقول يالله مالي خلق حركات بزران وروحي نزلي الحين جاي
ريم طلعت وهي تضحك : هههههههههههه
نزل باسل وسلم عليهم وجلس
اكل الفطور من غير مايتكلم بولا كلمه
ريم خلصت فطورها وناظرت دينا لقتها سرحانه : اقول دنو خلصتي فطور ؟
دينا انتبهت لها : هم .. ايه
ريم : شرايك تجين معاي غرفتي
دينا : اوكي
راحوا دينا وريم
ام باسل : وينك امس مابينت ياباسل
باسل وعيونه على الطبق اللي قدامه : كنت طالع عند الشباب
ابو باسل : بس المفروض ماتتركها وهي اول يوم عندنا
باسل : هي ماهي غريبه عنا يايبه .. عارفتنا وعارفه البيت فليش هالرسميات
خلص فطوره وقام
باسل : يمه انا بطلع رحله اليوم مع الشباب
ام باسل : بس دينا توكم متزوجين
باسل : يمه لاتسوون نفسكم ماتدرون عن البير وغطاه احنا متزوجين شكليا قدام جدي وبس
ابو باسل : خليه على راحته
ام باسل مو عاجبها الوضع
ابو باسل : انا سامح لك تسوي كل شي بس دينا لاتضرها بشي .. البنت مالها ذنب
باسل : يصير خير يبه
.
.
.
.
.
بنفس المكان ..
حابس نفسه بالغرفه
ماله خلق يطلع
مايتحمل يشوفها معاه بنفس البيت بس ماهي ملكه
هي لواحد ثاني واقرب الناس له
ومايحق له الحين يفكر فيها
مايضمن اذا اخوه يقدر يطلقها ولا لا
مايبي يعلق نفسه على آمال واحلام وينصدم بعدين انها مستحيل تكون له
لازم يأقلم نفسه على الوضع الجديد
قام من السرير وهو متكيسل
بدل ملابسه وطلع
مر من عند غرفة ريم
سمع صوت ضحكتها الناعمه وحس بغصه
مايحق له يفكر فيها ولازم يبعدها عن عقله وتفكيره !
رفع ايده يطق الباب عشان يدخل
تردد ونزل يده ومشى عن الغرفه
لازم يقسي قلبه دامها صارت لاخوه
.
.
.
.
.
باسل راح لغرفته يجهز نفسه للرحله
مطلع له شنطه ويحط اغراضه اللي يحتاجها بهالكم يوم
دينا دخلت واستغربت منه وين رايح وهو يضبط اغراضه
طنشته وراحت جلست على الكنبه وشغلت التلفزيون
مايهمها وين يروح ووين يجي
الاهم يعطيها حريتها
لم اغراضه وطلع من غير مايسلم عليها ..
دينا تنفست وارتاحت
عالاقل بتاخذ راحتها بهاليومين من غير مايشاركها حد بالغرفه هاليومين
ماهي متعوده على هالوضع الجديد !
|
05-09-08, 07:31 PM
جديد مواضيع قسم القصص المكتمله
العرض العادي
