.



ودق قلبها مع كل دقه من الاغنيه ..

انفتح الباب وشدت على يد فارس اكثر ..

ارتبكت من نظرات الناس لها وهي تمشي مع فارس ..

حس فارس بإرتباكها همس لها : لاتهتمين لحد .. انا معاك

ابتسمت سديم وبعدت عينها عن الناس ..

اهم شي انها عند فارس ..

لازم ماتعطي الناس هالاهتمام الزايد ..




.
.
.




قلبي يدعي ياغناتي ..

يحرسج ربي الوالي ..

اظهري يالله تعالي ..

بثوبج الأبيض يلالي ..



امج من حولج تدور ..

بالعنبر والعود والبخور ..

لأجلج يابدر البدور ..

ذكروا الله يالحظور ..


معرسنا ياولد الأصول ..

نلت حضك والسرور ..


لا اله الا الله ..

الف الصلاة على الرسول ..




.
.
.




وصلوا للكوشه ..

قربوا عماته وخالاته يباركوا لهم ..

حست براحه لبعضهم بأبتسامتهم ومباركتهم لها ..

وكم وحده من عماته حست بالنفور من ناحيتهم ..

باين من نظراتهم وكلامهم مو عاجبتهم ..

ماعطتهم اهتمام ..

واكتفت بالابتسامه لهم ..

شافت فارس عينه متعلقه على حرمه كبيره بالسن ..

مسك يدها وسحبها معاه ..

نزلوا من الكوشه وسلم على راس حرمه كبيره بالسن وضمته ..

لف على سديم وهو مبتسم : ياجده هذي سديم اللي جلستي كل يوم تبين تشوفينها ..

ناظرت بسديم وفردت يدينها المحنيه : مابغينا نشوفها هالعروس

سديم ابتسمت وقربت منها ..

ضمتها وهي تشم ريحة العود والبخور ..

ماهي كبيره مره ..

بس مشكله بمفاصلها تخليها ماتقدر تمشي ..

بعدت عنها شوي : والله من زمان ابي اشوف هاللي اخذت عقل حفيدي

ضحكت سديم بخجل وارتاحت لكلامها : هههههه

فارس : شرايك فيها ياجده – حرك حواجبه – مو عندي حق باللي سويته

ضحكت جدة فارس : هههههههه ونعم الاختيار .. يالله الله يهنيكم ارجعوا لمكانكم الكل جالس يناظركم .. تاركين كوشتكم وجايين عندي

فارس وهو يقرب سديم منه : هههههههه شسوي .. انتي نظرك ضعيف قلت لازم اوريك العروسه قدامك على طول .. حتى تشوفيها عدل

الجده : وانت ماتجوز عن حركاتك حتى بيوم عرسك وقدام الناس .. لو ماكنت تعبانه كان رحت المملكه وشفتها .. يالله تراك صرت فرجه ارجع مكانك

رجع فارس مع سديم للكوشه وهو يضحك ..

همس بأذن سديم : ههههههه الجده كانت مجننتني .. كل يووووم تسأل عنك وكيف شكلك تجننت مسكينه لانها ماحظرت الملكه

سديم : ههههه بس تجنن .. قلبها ابيض

فارس هز راسه .. : ايه

قربت منهم نوف : وانت مره ماخذ راحتك وكأنك بالبيت

فارس : ايش تبين انتي الحين ناطه لي

نوف : مدري عنك اشوفك تتمشى وداق حنك

فارس : يعني شايفه جدتك ماتقدر تمشي .. لازم اسلم عليها

نوف : ياخي اركد فشلتنا

فارس : اقول روحي عن وجهي بقوم خلاص

نوف ناظرته : خير توك جالس

فارس : ليه تبيني اجلس مثل ابو الهول هنا للصبح .. ترا ورانا سفر يالفالحه

سديم حاولت تكتم ضحكتها بس ماقدرت : هههههههه

فارس : يالله خلاص .. بنمشي

نوف : طيب


طلعت سديم مع فارس بعد ماسلمت على اهلها ..

ركبت السياره السودا المزينه ..

لف ثامر عليهم وهو يضحك : شوفي سدوم .. ترا مشعل مجمع اصحابه كلهم عشان يسوي لك زفه محترمه

سديم ضربت خدودها بيددها : ياويلي هالولد دوم مجنون

فارس ضحك : هههههههههه خليه هو كم مره بتنزفين

سديم : بس مو يجمع العالم كلهم

فارس اشر لثامر : اقول سوق بس سوق .. ماعليك من هذرة اختك خلنا ننبسط

ثامر : شايفني سواق عندك

فارس ضربه على راسه : سوق وانت ساكت وعلي على المسجل الله لا يهينك

ثامر وهو يغمز له : ليه عشان مااسمعكم .. لاتخاف بسكر اذني

فارس : ترا اخذ تاكسي اذا بتزودها

ثامر : لا خلاص بنسوق .. بس اليوم بنسكت عنكم لانكم عرسان


علا ثامر على صوت المسجل ..

ابتدت زفة السيارات ..

على صوت البواري ..



وصلوا للفندق ونزلت سديم مع فارس ..

ودخلوا لجناحهم ..

قرب ثامر من اخته وضمها : الف مبروك

سديم : الله يبارك فيك .. بس فيـ ..

ثامر عرفها ايش بتقول : سديم لاتفكرين بشي .. بكرا بتشوفيه

فارس : خلاص ماشبعت منها

ثامر بعد عن سديم وسلم على فارس وهو يضحك : ههههههه لاتخاف الحين بنطلع

فارس : ايه ترا تعبت من السلامات والتبريكات

ثامر : هههههههههه محد قال لك تصير عريس

فارس : ايه عشان استخف لو مااخذ اختك

ثامر : ههههههه يالله اخليكم الحين .. وهالله هالله بأختي .. مو بكرا اشوفها ناقصه يد ولا رجول

فارس : هههههههههه .. لاتستبعد هالشي


طلع ثامر من الجناح ..

ولف فارس على سديم وهو مبتسم ..

قرب منها وهو يحس انه بحلم ..

مسك يدينها البارده من التوتر ..

وحط عينه بعينه ..

النظرات كانت تحكي عن شوق وعذاب سنين مرت ..

لاول مره يجتمعون بمكان واحد وبروحهم ..

تنهد وكأنه يطلع كل همه وذكرياته بهالتنهيده ..

بلعت ريقها سديم وبعدت عينها عنه اللي بدت تتجمع فيها الدموع ..

قلبها يدق بقوه فضيعه ..

وكأن كل اللي صار مجرد حلم ..

رفع يده فارس يبعد خصله من شعرها عن عيها ويحطها ورا اذنها وهو يناظرها بحنيه ..

تكلم بهدوء : واخيرا اخذتك ياسديم

سديم رفعت عينها له ونزلت دموعها ..

تكلمت بصوت مبحوح : بس بعد ماتعذبت يافارس

رفع يدينه يمسح دموعها وضمها لصدره وكأنه يدخل روحه فيه وماوده يبعدها عنه لحظه ..

شهقت بالبكي وهي على صدره وشدت على ثوبه : سامحني على كل شي سويته

فارس : مسموجه يالغاليه .. اذا ماسامحت روحي اسامح مين اجل

اخذ نفس وكمل بهمس : راح اعوضك عن كل شي مضى



.
.
.

باليوم الثاني ..

واقفين بالمطار ..

بين زحمة المسافرين ..

وكل شخص يودع اهله ..

ناظرتهم برجا وهي تحاول فيهم للمره الاخيره وهي حاملته : مو ناويين تتراجعون عن كلامكم .. خلوه عندي كم شهر و بعدين تاخذوه

سديم وهي تناظر فارس : فارس مو راضي

فارس ابتسم وهو ياخذ فيصل من يد ام سديم ويبوسه : لا لازم هالحلو يكون معانا

ام سديم : لو تخلوه عندي يكون احسن حتى تاخذون راحتكم توكم عرسان جدد

فارس وهو يقرب سديم منه ويحوطها بيده على كتفها : ياخالتي انا راحتي من راحة سديم .. وحتى ماتضل معاي وتفكيرها وعقلها مع هالحلو

ام فارس : الله يهنيكم مع بعض

نادوا على الرحله ..

لف فارس على سديم : يالله هذي رحلتنا

ثامر عوج بوزه : يعني خلاص

فارس : ايه بسرقها منكم

سديم حست بالضيقه والغصه ..

قربت من امها وضمتها : راح توحشوني كثير

ام سديم شدتها اكثر : وانتي اكثر

سديم بلعت غصتها وتكلمت وهي مخنوقه : ابوي حاولت اكلمه واسلم عليه بس رفض يسمعني .. - نزلت دموعها – زعلان مني ومايبي يشوفني ولا حتى يسمع صوتي

ام سديم وهي تحبس دموعها : ماعليك فتره وتعدي

ثامر قرب منها : سدوم عن الدلع .. لاتسوين لنا فلم هني

سحبت نفسها من امها وضمت ثامر وكملت بكيها : راح توحشني

ثامر شد عليها اكثر وماوده يتركها : وانتي اكثر

لف على فارس : حطها بعيونك

فارس ابتسمواشر على عيونه : مايحتاج توصيه

بعد عنها ثامر ورفع يده يمسح دموع اخته وهو مبتسم وتكلم بضيق : يالله ناويه تلصقين فيني .. روحي مع زوجك

سديم بلعت ريقها ومشت مع فارس وقلبها مع اهلها ..

متضايقه انها بتسافر من غير مايرضى عنها ابوها ..

محملها ذنب كل شي وكأنها مسويه جريمه ..

حط فارس يده على كتفها وهو حاس فيها ..

لفت عليه ..

ناظرها بحنان وتكلم بلكنه مصريه : ماتخفيش انا حصير بابا وماما وكل حاجه بحياتك

ضحكت غصبا عنها على طريقة كلامه : هههههههههه

فارس : ايه كذا ورينا وبياض اسنانك






***************






بوسط الخضار ..

والطبيعه ..

يتمشوا بالحديقه من بعد ماوصلوا كندا ..

حتى يتعرفوا على المنطقه اكثر ..

مسك فارس يد فيصل الصغيره اللي مو راضي حد يمسكه وهو يمشي ..

عنده طاقه ووده يجري ..

فارس ناظره وهو يضحك : وين تركض وانت كل خطوتين وتطيح

سديم : ماراح تقدر تمسكه الحين .. اعرفه زين

فيصل فلت يده من فارس وهو يشوف كوره بيد واحد صغير يلعب فيها ..

وقف جنبه وهو يأشر عليها ويناظر سديم وفارس ..

قرب منه فارس يحمله وهو يبكي ويأشر على الكوره ..

ابو الولد اخذ الكوره من ولده وقرب من فارس : خليه ياخذها

فارس : لا هو عنده مايحتاج

ابو الولد : لاتردني – عطا الكوره لفيصل اللي بدا يسكت وهو ماسكها – حرام عليك اذا اخذتها منه وكسرت بخاطره

فارس ابتسم له : تسلم ..والله هالكوره تمشي بعروق الاولاد وهو يادوب توه مكمل سنه

ابو الولد ضحك : ههههههههه كلهم الاولاد كذا .. انت ساكن هنا ؟

فارس : ايه قريب من الحديقه

ابو الولد : وانا بعد .. بس اول مره اشوفك

فارس : تونا واصلين من كم اسبوع

ابو الولد ابتسم ومد يده : حياك .. معاك اخوك ابو سعود .. اذا احتجت اي شي احنا بالخدمه

فارس : الله يحيك .. وماتقصر

ابو سعود : الا بأيش اناديك

فارس ناظر فيصل اللي مندمج بألوان الكوره الصغيره وابتسم : ابو فيصل


سديم سمعت الكلمه وماصدقت اذنها ..

كيف يقول انه ولده وينسبه له ..

مو مجبور انه يتحمل هالمسؤليه وتحملها هو ..

كبر بعينها اكثر واكثر بكلمته ..

كان ودها تطير وتصرخ بأعلى صوتها وتقول هذا هو فارس احلامي .. !





**************





طلعت من المستشفى وهي بيدها ظرف صغير ..

مبتسمه وطايره من الفرح ..

تنتظر اللحظه اللي توصل فيها البيت وتعلمه ..

دخلت البيت ونزعت البالطو مع الحجاب اللي عليها وعلقتهم ..

وقفت متردده وهي تشوف نور الغرفه ..

ماهي عارفه كيف تفتح معاه الموضوع وتخبره ..

وبنفس الوقت خايفه من ردة فعله ..

دخلت الغرفه وهي شابكه يدينها ..

شافته متمدد على السرير وهو يقرا الكتاب بأندماج ..

راحت للجهه الثانيه وركبت على السرير ..

فتحت فمها حتى تتكلم ورجعت سكرته ..

صارت تطقطق بأصابعها بتوتر ..

تكلمت وقلبها يدق : بندر

بندر من غير مايشيل عينه عن الكتاب : هممم

جنان سكتت وماعرفت ايش تقول ..

بندر سكر الكتاب ولف عليها : سمي ايش كنتي بتقولين

جنان : سم الله عدوينك .. بس .. – سكتت ثواني وبعدين تكلمت وهي تلعب بخصل شعرها – بس حبيت اقول لك ان راح يجينا ضيف ..

سكتت لما ماشافته تكلم نزلت يدها من شعرها وشبكت يدينها ببعض وكملت : هو مو ضيف يعني ضيف .. لا هو راح يصير من العيله

بندر ناظرها وهو عاقد حواجبه : مين من اهلنا راح يجي .. ومتى ؟

جنان وهي تطلع صوره بالابيض والاسود .. وتحطها على كتابه اللي بيده : هذا .. وبالضبط راح يجي بعد 8 شهور واسبوعين

بندر ناظر بالصوره وهو مو مستوعب ..

ظل ثواني وهو يشوف صورة السونار ساكت لحد ماتترجمت عنده : يعني ايش

جنان : يعني بيجي من يقول لك بابا

بندر ناظرها وهو يحاول يستوعب كلامها : يعني انتي حامل

جنان وهي تحط يدها على بطنها وتهز راسها بالايجاب ..

بندر : جد ؟

جنان خافت من بروده انه مو متقبل الحمل : ايه

بندر ضحك بشكل هستيري وهو يضمها ..

ردة فعله وضحكه سبب لها صدمه ..

تناظره وهي مو مستوعبه ..

بندر رجع اخذ الصوره يناظرها وهو يضحك ..

جنان ناظرته وهي تضحك على ضحكه : ايش فيك

بندر وهو يضحك : هههههههههههه لا لاتخافين بس من الصدمه

جنان : مبسوط ؟

بندر : وكيف ماانبسط وانا اشوف هالكتكوت مدري الكتكوته بالصوره الا طاير من الفرحه طاير .. يالله قولي لي .. ايش نفسك فيه

جنان ناظرته : من الحين ؟

بندر : ايه

جنان وهي تضحك : ههههههه امممممممم ابي باربيكيو

بندر : خلاص احلى باربيكيو لعيونك





:



تجمعوا بالحديقه ..

بوسط المزح والضحك ..

وكل واحد بدا يكون له عيله خاصه فيه ..

دينا : شوفوا بس كيف الصدفه جمعتنا حتى هنا سوا

جنان : انتي بالذات لاتقولي صدفه

دينا : ليه ؟

جنان : لو قلتي سديم .. ايه من جد صدفه .. بس انتي الغياره اشتغلت فيك وقلدتيني

دينا عوجت بوزها : مالت عليك .. الشرهه على اللي ماتبي تحسسك بالغربه

سديم : ههههههههههه

بندر ووجهه محمد من الشوي ..

قرب من عندهم وهو يحط الشوي قدامهم : وهذا احلى باربيكيو لعيونكم

دينا : لاتقول لعيونا .. قول لعيون المحروسه

بندر : طيب عندك اعتراض

دينا لفت وجهها عنه ..

سديم وهي تضحك : اليوم الكل متفق عليك

باسل من بعيد وهو واقف عند الشوي : مين متفق على زوجتي

جنان : كملت جا زورو وبيدافع عنها

جلس باسل وهو ماسك فيصل : ايه مو عشانها فقيره وماعندها لسان تاكلون حقها

جنان ضحكت : دينا ماعندها لسان ههههههههههههه .. اشوف دنو وين لسانك

دينا طلعت طرف لسانها ودخلته ..

فارس جلس جنب باسل : عطني اياه ااكله

باسل : لا خليه عندي مبسوط معاه

بندر : يابخته هالفيصل .. الكل يتهاوش عشان يأكله

باسل : ايه الحين هو الصغير المدلل

جنان : بس بعد 9 شهور بيجي من يكسر راسه

سديم : ماعاش من يكسر راس ولدي

فارس : عاد فيصل بما انه اول واحد هنا باغربه .. فبتكون له معزه خاصه

باسل : ايه وانا اايد كلامك .. يعني انتوا يالاثنين لاتنغرون علينا

الكل : هههههههههههه

سديم فتحت شنطتها وطلعت منه كتاب ..

على غلافه صورة اثنين يتراقصوا مع بعض بألوان هاديه ..

ناظرتهم وهي مبتسمه : طيب ياجماعه

رفعت الكتاب قدامهم : شوفوا هذا الكتاب .. ابي كل واحد منكم يكتب بصفحه من نهايته الكتاب .. عن حياته ومشاعره من البدايه الى هاللحظه

جنان : ليه

سديم : حتى تكون ذكرا بينا على مر الازمان





.
.
.
.
.

بسم الله الرحمن الرحيم ..


بعض الذكريات مؤلمه ..

وبعضها كل دقيقه احب اتذكرها ..

بديت حياتي بكره ..

بحقد ..

كرهت اهلي ..

حبيت انتقم منهم بسبب تخريبهم لحياتي وبالذات هي ..

دينا ..

دينا اللي دخلت بحياتي بعبث ..

و قلبت كياني ..

وتملكت قلبي ..

وخذت عقلي ..

كنت اكرها ..

واكره دلعها ..

اشوفها البنت الدلوعه المايعه ..

زوجنا جدي الله يرحمه ..

وزاد كرهي وحقدي لها ..

حسيتها هي السبب بتخريب حياتي ومستقبلي اللي كنت مخطط له ..

كل يوم اشوفها فيه اكرها اكثر واكثر ونفسي اذبحها ..

بس بكونا تحت سقف واحد ..

واشوف معاناتها مع اخوها وكيف انها متعلقه بأمها ..

بديت اميل لها واشوف النواحي الايجابيه فيها ..

بديت احس بمشاعر غريبه من ناحيتها ..

اغار من اخوي لما يكلمها .. !

انفصالنا هيج مشاعري اكثر واكثر ..

صرت احبها بجنون ..

خفت بلحظه اني افقدها خصوصا بعد مافقدت الذاكره ورجعت لها ..

ماعرفت كيف تفكر فيني ..

وممكن انها نستني ..

لكن الحمد لله رجعت لي هي نفسها دينا اللي ماتغيرت ..

الحمد لله الحين عوضت دراستي ..

وحصلت على مستقبل افضل ..

احس اني انسان محظوظ من بعد ماكنت اشوف ان حظي سيء ..

اشكر جدي اللي زوجني اياها على انه بيغير مستقبلي ..

حظيت بحياة افضل بكثير من اللي كنت راسم له ..

دينا هي بنتي وطفلتي اللي ربيتها على يديني ..

وشفتها تكبر قدام عيني ..

بالأخير اقول لها ..

Je t’aime


باسل




******************






You're the one who saw me through through it all

You were my strength when I was weak

You were my voice when I couldn't speak

You were my eyes when I couldn't see

You saw the best there was in me

Lifted me up when I couldn't reach

You gave me faith 'coz you believed

I'm everything I am

Because you loved me




انا ماعرف اعبر بالعربي ..

ولكن راح احاول اكتب اللي داخلي ..



باسل هو عمري وحياتي وكل دنيتي ..

مااتخيل اني اعيش بدونه ..

احلى واحسن شي صار لي اني تزوجته ..

كنا نتبادل نفس الشعور بالكره ..

وكل واحد حاط الذنب على الثاني بتدمير حياته ..

لو كنا ندري ان هالشي صار بنيان لحياتنا مو تدمير ..

كان شلنا الحواجز والكره والحقد من اول يوم ..

وعشنا حياتنا وايامنا من اول يوم واحنا مع بعض وماضيعنا لحظاتنا بالكره والحقد والهواش ..

لكن الحمد لله اللي غير حالنا ..

واحمد ربي اللي رجع لي نعمة الذاكره ..

اللي كنت اموت كل يوم وانا اشوفه واشوف اهلي ومااذكر حد فيهم ..

اتمنى ان حياتنا تستمر مع بعض ..

وحبنا وسعادتنا ماتتغير ..

بالعكس تزيد ..

ومايفرقنا عن بعض غير الموت ..


دينا







*************





الى من علمتني طعم الحياه ..

الى من علمتني طعم السعاده ..

الى من هي جعلتني اصبر ..

الى من هي تحمل في احشائها جزءا مني ..

الى طفلتي وحبيبتي جنان ..


اعشقك واهواك .. بجنون ..

انتي مني وانا منك ..

سعادتي لاتوصف ..

فأنا بعد بضعة اشهر سوف يأتي من هو يناديني " بابا "

ومن من ؟

من هي روحي وحياتي " جنان "

فهي عشق الطفوله ..

لطالما كنت احلم بالارتباط بها ..

البعض كان يراني مغفل بتصرفاتي ..

لكن هذا بسبب انني لااريد ان ازعج او ان يزعل مني أي شخص كان ..

تصرفات جنان كانت تغيضني ..

كانت تمثل القوه ..

وعدم الانكسار ..

ولكنها بالحقيقه خائفه ..

وبداخلها الانكسار والضعف والخدش اللذي دمرها ..

بعد الزواج ..

اكتشفت كم نحن ظلمناها بتسميتها المتمرده .. وغيرها من الالقاب ..

انصدمت بالواقع ..

لم اتخيل بشاعة ماحصل ..

خوفها انني اتخلى عنها ..

والانكسار والضعف اللذي رأيته في عينيها ونظراتها ..

جعلني اتمسك بها اكثر وأكثر ..

ولو تخليت عنها ..

لن اكون بندر ذاته ..

فقبل ان تكون حبيبتي وزوجتي ..

فهي ابنة خالتي ..


الآن لايمكن لاحد ان يصدق .. هذه هي جنان ذاتها التمرده ..

فهي اصبحت شخصيه مختلفه تماما ..

احببت هدوئها رغم انني افتقد جنونها ..

فقد كانت هذه ميزتها ..

والجميع يصفها بالجنون ..


جنان ..

" انا احبك بكل الأحوال "



بندر





******************

عنيده ..

متمرده ..

جريئه ..

مغامره ..

لا مباليه ..

مغروره ..



هذا اللي كنت انا عليه قبل ..

كنت انسانه لامباليه ..

ماتهمني كلمة احد لي ..

اللي براسي انفذه ..

لكن !

كل هذا تلاشى بمجرد زواجي ..

انكشف الستار اللي طول عمري احاول اخفيه واتستر عليه ..

حاولت اتغلب على مشكلتي قد مااقدر ..

لكني ماقدرت ..

صارحت بندر وانا خايفه انه مايتقبل الحقيقه ..

خجلت من نفسي قدامه ..

رغم كل الحقيقه المره الا انه تمسك فيني ..

وقف معاي ..

وعمره ماسمعني كلمه تزعجني ..

او جبرني على شي انا ماارغب له ..

كل هذا يخليني احترمه واحبه غصبا عني ..

يمكن لو شخص غيره ماتحملني ..

تغيرت عن اول بكثير ..

وانا نفسي مستغربه من هذا التغيير ..

بندر اثر علي بهدوءه ..

وبأشياء كثيره بشخصيته ..

احاول اني ارضيه بأي طريقه ..

وما اخلي شي ناقصه ..

هو حياتي الحين ..

وابو النونو اللي جاي بالطريق ..

شعوري بكوني ام ..

مشاعر مختلطه وغريبه ..

مبسوطه وخايفه بنفس الوقت من تربيته ..

اخاف اني اهمله من غير قصد ..

او اني اتبع نفس طريقة اهلي بتربيتنا وانهم تركونا على المربيات ..

وماعلمونا الصح من الغلط ..

والحرام من الحلال ..

وصاربعقلنا مفهوم ..

ان كل علاقاتنا بأهلنا من عيال عم او خيلان حلال بأي حال من الاحوال ..

بحاول قد مااقدر اصحح الاخطاء اللي ربوني عليها اهلي ..

واربي عيالي بالطريقه الصحيحه ..

واصلح المفاهيم الخطاء اللي تربينا عليها ..

واتفرغ لهم ومااحرمهم من حناني ..

حتى مايصير لهم مثل الي صار لي !


رساله لابني او بنتي ..

" اتمنى انك تكون احسن مني .. وتوصل لأعلى المناصب ..

انتظرك بشوق ياروح ماما "


جنان





*************






أنا ودي يا حبيبي أوصلك

ولو يكون الزمن والناس ضدي

ألا ليت الأماني يا حبيبي تتحقق

والوصل يصبح بيدي

أحب الليل يذكرني بك حبيبي

أقضي الليل سهرانه لوحدي

أحب الشوق في عينك يناديك ويناديني

يبيك تحط بس يدك بيدي


.
.
.



تذكري هالاغنيه ..!

والله ايام ياسديم ..

للحين وهي تتردد بأذني ..

سنين مرت وعدت..

وكأن هالمواقف هي بالامس ..

اتذكر ياسديم هالاغنيه كنت دايم اسمعها وتجيني تعليقات من الشباب ..

بس محد كان يهمني دام هذا الشريط منك انتي ..

لكن هالاغنيه بالذات اللي بالالبوم انتي خصصتيها لي ..

للحين اسمعها واضحك على هذيك الايام ..

واتمنى انها ترجع ..

كان الهدوء والسلام ..

بعيد عن المشاكل ..

عن الحقد والكراهيه ..

كانت حياتنا لها طعم ثاني ..

كنت ابي اثبت للكل اني قدها واتزوجك ..

دخلت الطب لعيونك ..

وكنت مبسوط من نفسي وأقول انا قدها وقدود ..

بكون دكتور وابوك مايقدر يرفضني ..

لكن بعد ما وصلت لسنه ثانيه انصدمت بخبر زواجك ..!

كنت عارف انه اجباري ..

وحاولت قد مااقدر اخليك بعيده عنه حتى تنفصلين واقدر اتزوجك انا..

يمكن بتقولين كنت مجنون بتصرفاتي واناني ..

بس هذا كله لاني كنت متمسك فيك وعندي امل انك ترجعين لي ..

تمنيتك لوكنتي اكبر من العمر اللي كنتي فيه ..

حتى ماتكون حجه عند اهلي قبل زواجك انهم يخطبوك لي بحجة عمرك وانك صغيره ..

مرت السنين و الامل مانقطع عندي ..

لكن جاتني صدمه ثانيه واكبر لما عرفت انك استسلمتي بكل بساطه ..

كنت اسميها حرب ..

وانا خسرت هالحرب ..!

بالبدايه قلت يمكن انا اتوهم ..

لكني تأكدت خصوصا بعد الحمل ..

حسيت بالغيره والغيض منه ..

حاولت اعجل على البعثه ..

حتى ادرس التخصص وابعد عن المكان اللي انتي فيه ..

و مااثر عليك بحياتك ..

كل مره اشوفك بالصدفه ..

اعرفك من نظراتك ..

واعرف انك مانسيتي اللي كان بينا ..

وبالعكس كنت اقرا بعيونك بكل مره الشوق زايد ..

طلاقك رغم اني انقهرت من طريقته وبشاعته ..

الا اني كنت مبسوط ..

وقدرت ارجعك لي من جديد ..

رغم معارضة الاغلبيه ..

الحين احس اني بحلم ..

بعد هالسنين وهالمعاناه نرجع لبعض ..

ماالومك عن اي شي حصل بالماضي ..

لانك كنتي مجبوره مو مخيره ..


اتمنى اني اقدر اعوضك عن كل اللي صار لك ..

واكون لك الزوج والاب والاخ في غربتنا ..

ومااقصر عنك بشي ..

لا انتي ولا فيصل اللي اعتبره ابني انا ..

حبيبك ..

فارس ..






*****************

ايام ..

وشهور ..

وسنين مرت ..

جمعتنا صدفه غريبه ..

وصداقه رغم اختلافنا عن بعض ..

تجمعنا على الحلوه والمره ..

احبهم من كل قلبي ..



جنان ..

بنت تمليها الحيويه ..

تحب المغامره ..

مجنونه بتصرفاتها وكلامها ..

كانت فيها صفات كثيره ..

لكن كل هذا تغير فيها الحين بعد زواجها من بندر ..

بندر الانسان الهادي ..

رجال بمعنى الكلمه بنظري

تحمل وصبر على كل اللي واجهه ..

علاقتهم مع بعض هاديه ..

عكس اللي تخيلناه بوقت مراهقتنا لو تزوجت جنان بيتها كله ازعاح بسببها ..

احب نظرات الاحترام اللي يتبادلوها مع بعض ..

لكن كلنا نفتقد جنان الحيويه والمليانه بالجنون ..




دينا ..

البنت الدلوعه الغنوجه ..

عايشه مع باسل بغيبوبه من الحب ..




حياتهم لما كنت صغيره قبل ماادخل فيها لعالمهم ..

كنت احسدهم عليها ..

واقول يابختهم هالطبقه ..

لكن الحين اقول لمثل طبقة عيلتي احنا ياللي يابختنا ..

وهم ارأف لحالهم ..

تشتت اسري ..

الاب بأعماله ..

والام نفس الشي ..

ومايتجمعوا الا قله ويمكن بس على الوجبات ..

والعلاقات مابينهم رسميه ..

والاولاد يسووا كل شي يحلالهم ..

تطلع البنت وتدخل بدون حسيب او رقيب ..

مافي من ينصح ..

ويرشدهم ..

ويعلمهم الحلال من الحرام ..

كل شي مباح لهم ..

ومثل ماصارت جنان ضحيه لاهمال وعدم التوعيه ..

غيرها انصادوا بهالمصيده ..!

احمد ربي اني طلعت من هالطبقه ..

وطلعت من عيلة راشد ..


راشد وامل ..

لعز مانحل لحد هذا اليوم ..

اسباب زواجي وطلاقي الغامضه ..

مجهوله لحد الحين ..

ولا حتى ابي اعرفها بعد ماتزوجت فارس .. !





امي ..

رغم ضعفها ..

الا اني مشتاقه لطيبة قلبها وحنانها ..

مهما كان هي امي ..


والدي ..

اللي لحد الآن مو قادره افهمه ..

احس بالضيق بطلعتي من بيته وهو مو راضي عني ..

لكن اتمنى ان كل شي يتغير مع الايام ..

وادعي من ربي ان يحنن قلبه علي ..




ثامر ..

اخوي اللي اعتبره كبير رغم صغر سنه ..

اقدر اعتمد عليه ..

هو سندي بهالدنيا ..

افتقده كثير بهالغربه ..

اشتقت له حيل ..






فارس ..

كل الصفحات ماتوفي بالكلام عنك يااغلى البشر ..

احبك بشكل ماتتصوره ..

عدينا مرحلة الحب ووصلنا مرحلة العشق ..

اعشقك واعشق حتى انفاسك ..

لما اسمع كلمة احبك ..

كل شعره وكل خليه بجسمي ترتعش ..

هالكلمه وقعها على قلبي كبير ..

دموعي تنزل لاشعوريا بس اسمعها من لسانك ..

انا مو بس احبك الا اعشقك يافارس ..

كل الاغاني وكلمات الشعر ماتعبر عن حبي لك ..

الله يخليك لي يارب ولا يحرمني منك ..

عذبتك كثير ..

وحملتك مسؤلية ولد ماهو ولدك ..

ولد راشد اللي مازال لغز بالنسبه لي ..





اطوي الصفحه الأخيره من روايتي ..

واطوي معاها الماضي ..

بعذابه ..

بحلوه ومره ..

بكل شي كان يحمل فيه ..

وافتح صفحه جديده ..

اخط فيها اولى خطواتي مع حبيبي وروحي وعيوني اللي اشوف فيها ..

فارس ..


راح اغلق الروايه ..

وبركنها في مكتبة ذكرياتي ..

مين يدري ..

يمكن في يوم من الايام ارويها عن اجزاء لحكايه ماقبل النوم ..

لولدي فيصل ..