كاتب الموضوع :
"ميسان"
المنتدى :
القصص المكتمله
الفصل الثالث عشر
الصداع مقطعه تقطيع
ويتلوى بغرفته بروحه مو عارف السبب
ليه هالصداع يجيه بشكل يومي
اخذ مفاتيح سيارته ومر على بيت صقر
مايدري كيف وصل له مع هالصداع
دق عليه : صقر انا قدام بيتكم اطلع لي بسرعه
صقر : ليه ايش عندك
عمار : انت اطلع وبعدين يصير خير
صقر : طيب دقايق واكون عندك
طلع صقر وركب السياره مع عمار : هاه ايش فيك
عمار ماسك راسه : عطني من الحبوب اللي عندك
صقر بابتسامه مايله : بس .. ماقدر هذي غاليه جيب فلوسك واجيبها لك
عمار بعصبيه : كيف يعني غاليه هي مسكن
صقر : لا هي مسكن بس من نوع ثاني
عمار : فهمني كيف من نوع ثاني وليه غاليه
صقر : لانها حبوب مخدره
عمار طلعت عيونه : مخدرات !
صقر : مو مخدرات مخدرات .. يعني تريح اعصابك وتخدرها بس
عمار ثارت أعصابه : ايش الفرق بينها وبين المخدرات نفس الشي .. ليه تعطيني اياها
صقر ببرود : هدي هدي .. مو زين لك كذا وبعدين عالاقل تنسيك كل شي حولك وتنسيك اختك وبلاويها
عمار مو قادر يتحمل اكثر الصداع بيذبحه
مسك راسه وغمض عينه بقوه وتكلم من بين اسنانه : الحين اعطيني الحبه
صقر : قلت لك غاليه وماعندي
عمار شد على اعصابه وضرب الدركسون بقوه : اقول لك محتاجها عطيني وراح احاسبك بعدين والك اللي تبيه .. بس خلصني من هالصداااااااااع
صقر طلع حبه اخذها عمار بسرعه
وبدا مفعولها وصار يهلوس : هههههههههههههههههههه يالله انقلع اشووووووووووف
صقر : هه انقلع الحين بس والله لاافلسك
نزل صقر من السياره وهو حالف الا يدمر عمار !
***********
جالسه تغير بالقنوات زهقانه وسرحانه
قرب منها : بأيش الحلو يفكر
نقزت وحطت ابدها على قلبها : بسم الله علي خوفتني
تركي : ههههههههههههه ماقدر على الرقيقه انا
دينا تضربه : وخر عني بس مو فاضيه لك
تركي : من قدك بتتزوجين الله لنا
دينا عوجت فمها : الله والزواج
تركي : اسمعي اليوم اتفقت مع باسل نتقابل بمكان عشان تتفاهمون على هالزواج .. ماينفع تتزوجون من غير أي تفاهم
دينا : ماابي اشوفه
تركي : عن العناد الزايد يادينا ... ترا مو لمصلحتك وهذا زواج
دينا : مابنتفاهم انا اكرهه وهو يكرهني .. وبنتهاوش
تركي : ههههههههههههه اما هالشي فأنا اشهد
دينا : عشان كذا مو ضروري نتقابل ونتفاهم
تركي : لا ضروري وانا تكلمت معاه واتفقنا
دينا لفت عليه استغربت : هو وافق ؟
تركي : ايه وافق ليه مستغربه
دينا : والله غريبه ايش اللي غيره
تركي : لان مو من مصلحته يرفض شي الحين
دينا : ليه ؟
تركي : جدي ماسك جوازه ولايقدر يتحرك يمين او يسار الا لما تتزوجون
دينا : اففففففف من هالجد اللي مابنخلص من سيطرته
تركي : هههههههههه خلي عنك هالكلام وبالليل جهزي نفسك عشان نطلع ونتقابل معاه
دينا : يصير خير
تركي : مو ...
قاطعه جوال دينا
دينا : هذي جنو بكلمها وبعدين اتفاهم معاك
تركي : طيب
دينا : هلا جنو
تركي : هههههههههه قولي لها يالجنيه وينك من زمان عنك
دينا : مالجني غيرك هههههههههه
جنان : هذا ايش يبي لازق نفسه
دينا : هههههههههه مدري عنه
تركي لزق بدينا : ايش تحشون فيه
دينا : يوووووه تركي وخر عني خليني اتكلم زي الناس
تركي : ماابي اوخر
دينا قامت بتروح غرفتها : افففففف منك قلق
تركي : وين رايحه
دينا ماردت عليه ودخلت غرفتها
: اففف يزهق بحنته
جنان : ههههههههههه ليه ايش مسوي لك
دينا : تخيلي القلق مواعد باسل نتجمع اليوم ونتفاهم
جنان : طيب حلو
دينا : حلو بعينك انتي الثانيه انا اقابل هالشين
جنان : هههههههههه عاد خاطري اشوفه من زمااااااااااان عنه من لما كنا صغار
دينا : شين ماانصحك تشوفيه
جنان : ههههههههه ليه
دينا : يلوع الكبد .. يجيب المرض
جنان : ماعلينا من شكله الاهم تروحين تقابليه
دينا : تبينا نتذابح !
جنان : لا بس هذا الشي لازم يصير
دينا : وليه لازم يصير
جنان : لازم تتقابلون وتحطون النقط على الحروف على قولتهم عشان لاتصير مشاكل بعد الزواج
دينا : يعني ضروري اروح ؟!
جنان : ايه ضروري .. وخلي عنك العناد الزايد وصيري هاديه .. اضبطي اعصابك وخلي عنك الانفعال الزايد
دينا : طيب
جنان : وخبريني ايش يصير معاك اذا رجعتي
***********
جالسه بغرفتها للحين ماتغير شي بالموضوع
مافي شي تقدم او تأخر
الوضع هوه نفسه ولا راح يتغير
تقلب بين صفحات كتبها ودفاترها وتكتب حرفها وحرفه
تذكرت كيف كانوا قبل مع بعض وكيف كان يقول لها احنا انخلقنا نكون لبعض
طلعت صندوق من الدولاب
فتحته وشافت الذكريات اوراق وهدايا ورسومات
رفعت رسمه عزيزه عليها كثير
ماهي رسمت رسام محترف
ولا فنان
بس كانت معبره
نزلت دمعه من عينها
مسحتها بسرعه
(( اوراق والوان كثيره قدامهم متنثره
مندمجين بالرسم
لابسه فستان اخضر قصير لين ركبتها
شعرها مفتوح ونازل على وجهها
جالسه على الارض ومندمجه بالرسم
قرب منها يبي يشوف رسمتها
خبت رسمتها على طول : لاااااااا فارس وخر ماتشوف الرسمه لين ماخلصها
فارس : هههههههههه طيب طيب خلاص بوخر
سديم : روح كمل رسمتك انت بعد يالله اشوف
فارس : يمه منك
رجعوا واندمجوا برسوماتهم
فارس : انا خلصت
سديم : وريني ايش رسمت ؟
فارس خباها : لاااا اول تخلصين واوريك رسمتي
سديم بلا مبالاه : طيب بكيفك
رجعت تكمل رسمتها
بعد فتره رفعت راسها وبعدت شعرها عن وجها : خلصت
فارس : يالله وريني
سديم : لا كل واحد يعطي الثاني رسمته وتظل عنده
فارس مد لها رسمته : ههههههههه طيب خذيها
سديم اخذت رسمته وعطته رسمتها
الرسمه طفوليه بطريقة التلوين والرسم
الرسمه كانت قارب وفيه بنت وولد بالبحر
وعلى طرف اللوحه جزيره وفيها قصر
سديم رمشت بعيونها ببرائه لفارس : حلووووووووه فارس بس ليه يعني هذا القصر بعيد وبالجزيره
فارس ببرائه : هذا قصرنا احنا اثنينا ومسويه بجزيره بعيده لان احنا لسه صغار ولما نكبر بنوصل له ))
ضمت الرسمه لصدرها وصارت تبكي : القصر يافارس للحين بعيد .. ومادري متى راح يصير قريب !
اشتاقت تسمع صوته وراحت تدق عليه ومارد
دخلت الرسمه بالصندوق تخاف راشد يجي بأي لحظه ويشوف الاغراض هذي
دخلته بالدولاب ورجعت على السرير بين ذكرياتها وتبكي
متى بس تتخلص من هالراشد اللي صاير مثل الكابوس بحياتها
**********
دينا تلبس عباتها حتى تطلع مع تركي للموعد
تركي : جهزتي دنو
دينا : ايه
تركي : يالله اجل مشينا
نزلوا تحت شافتهم امهم
ام عمار : وين طالعين
تركي : بس راح آخذ دينا لمشوار بسيط وراجعين
ام عمار : طيب انتبهوا على نفسكم
تركي : ان شاء الله يمه
طلعوا وركبوا السياره
وصلوا للمطعم اللي متفقين عليه
تركي يتلفت : شكله لسه ماوصل
دينا : والله شكله مايبي اصلا هالجلسه بس انت اللي مأذينا فيها
باسل من وراها : الا ابيها ليش ماابيها ..
دينا نقزت وانحرجت من الكلام اللي قالته
باسل : آسف على التأخير
تركي : لا ابد تونا واصلين مالنا الا دقيقتين
باسل : يالله اجل نجلس
راحوا لطاوله وجلست دينا جنب تركي مقابله باسل
طلبوا العشا وكان الجو متوتر
ظلوا فتره ساكتين
تركي : احسن شي بدون مقدمات وخرابيط عشان مايتضيع وقت .. احنا هنا عشان تتفقون
باسل ناظر تركي وبعد عنه جلس فتره يناظر دينا اللي كل شوي تناظر ساعتها
باسل : ماراح آخذ من وقتك شي .. بس مثل ماقال تركي بدون مقدمات نفتح الموضوع
دينا : يالله قول اللي عندك
توه باسل بيتكلم بس طلبهم للعشا وصل
تركي : ههههههههه على حظك ياباسل .. خلصوا الطلب بسرعه
باسل : ههههههههه اجل خلينا ناكل وبعدها نتفاهم
دينا تناظره ورافعه حاجبها مستغربه كيف كذا جالس معاها ويضحك بالعاده لازم يتهاوش ويقط عليها كلام
باسل يناظر دينا : ليه ماتاكلين مو انتي مستعجله عشان نتكلم وتقدرين تروحين
دينا متكتفه : مالي نفس آكل شي
باسل بداخله ( الله يعيني عليها والله شكلنا كل يوم هوشه )
تركي يأشر له : ههههههههه هيه يابو الشباب وين سرحت
باسل : بولا شي افكر بأيش راح يصير
دينا : طيب يالله قول ايش راح يصير
باسل : شوفي كل واحد يدري انه مايبي الثاني .. حلو ؟
دينا : حلو
باسل : وهالزواج مافي مفر منه .. جدي ماسك جوازي وماراح اقدر اروح او اكمل دراستي الا بهالزواج
دينا : طيب
باسل : يعني لازم نتزوج
دينا : نتزوج ايه بس نكون بالاسم انت مالك دخل فيني
باسل : ولا انتي لك دخل بتصرفاتي
دينا : بس اكون عند الماما ببيتها
باسل : انتي ناويه تورطينا مع جدي ؟
دينا : وليه نتورط
باسل : يعني تسوين نفسك ماتدرين ان سبب هالزواج هي امك
دينا : وجدي ماراح يدري ان كنت معاك بنفس البيت ولا عند الماما
باسل ارتفع صوته شوي : لا راح يدري وبيسوي لنا مصيبه
دينا بأنفعال : وانتوا ليه عاملين له كل هالاهميه
تركي قاطعهم : خفضوا اصواتكم احنا بمكان عام
باسل بين اسنانه وبصوت واطي : لان مستقبلي بيتدمر اذا ماسوينا اللي يبيه هو
دينا : وانت مو هامك الا هالمستقبل
باسل : اذا ماهمني مستقبلي اجل ايش يهمني
دينا تكتفت ولفت وجهها : اففففففف
باسل : شوفي بتكون الملكه الاسبوع الجاي فجهزي نفسك لاتعارضين ولاتسوين سوالف أي شي يقولوه وافقي عليه .. بس خلينا نمشي الموضوع وبعدين ننفصل
تركي : وبالمره تفتكين من هالعمار
دينا التفتت على تركي : عمار ! .. كيف نسينا عمار
باسل عقد حواجبه : على ايش نسيناه
دينا : محد يكرهني كثره هو ومافي حد يقدر يأثر على جدي غيره
تركي وباسل : طيب ؟!
دينا مكمله : ومن هذاك اليوم انا ماشفته زي الناس الا يوم – بلعت ريقها – لما جا سكران .. فأكيد هو اللي دخل سالفة زواجنا لجدو
باسل : وهو جدك هين يعني اكيد هو من نفسه جاب هالفكره
تركي : لا لحظه هو يوم الحفله كان واقف وبس يراقبكم كيف تتهاوشون
باسل بعد تفكير : انتوا بأيش جالسين تخرفون
دينا : مو تخريف مافي غيره هو اللي يقدر يأثر على جدي
تركي : جتني فكره
باسل : قول ايش هالفكره
تركي : الحين عقب مانطلع نروح له نقول له يأثر على جدي يشيل فكرة هالزواج من راسه وبكذا بنتأكد ان كان هو ولا لا
باسل : والله لو كان هو لاوريه نجوم الليل
دينا : مافي غيره حد يكرهني مثله اكيد هو اللي سوا هالسالفه
باسل : المهم لو ماكان هو وبيقدر يقنع جدي يشيل فكرة هالزواج من راسه كان بها .. وان كان هو من اليوم بروح اقول لابوي يسرعون التجهيزات عشان نخلص ونملك
دينا : هذا ان رضى يقنعه .. لانه يبي يفتك مني
تركي يمسح على ظهرها : دنو لاتخافين ماراح يصير لك شي من هالزواج
باسل بأستهزاء : لاتخافين انا ماعض مثل مابندخل بالمعروف بنطلع بالمعروف .. ويادار مادخلك شر
تركي : ههههههههههه والله احس ان احنا مثل الافلام
باسل : ههههههههه اترك عنك التريقه ووصل اختك وتعال لي عشان نشوف آخرة اخوك
تركي : طيب يالله قومي دنو
قامت دينا مع تركي ووصلها البيت
دخلت ومالها خلق شي
دقت على جنان على طول
جنان : هاه دنو بشري ايش صار
دينا نزلت دموعها بسرعه : يعني ايش صار ياجنو يمكن الملكه هالاسبوع نسويها
جنان : الحين ليه تبكين .. مو انتي كنتي موافقه على الموضوع
دينا : ايه بس كان عندي امل ان الموضوع يتغير شوي
جنان : دنو لاتخافين احنا معاك بس انتي قولي لي ايش صار معاكم
دينا : باسل حاط كل السبب مني وان انا بدمر مستقبله
جنان : شي طبيعي دنو معصب دراسته كلها بتروح عنه
دينا : طيب وانا ايش ذنبي .. انا ماابيه مثل ماهو مايبيني
جنان : طيب قولي لي ايش قلتوا لبعض ؟
.
.
.
.
.
تركي : شوف اقول لك من الحين ماراح يقنع جدي بشي .. لانه يبي يتخلص من دينا بأي طريقه ويبعدها عن امها
باسل : ماراح نخسر لو جربنا انت دق عليه شوفه وين
تركي : طيب
دق على عمار ومايرد
باسل : ايش؟.. مارد ؟
تركي : لا مارد
باسل متوتر : دق مره ثانيه جرب
تركي : ليه مو انت اللي تدق
باسل : انا بيني وبينه كهربا انت عارف هالشي .. هو تفكيره بجهه وانا تفكيري بجهه
تركي : هههههههه الظاهر انك مع الكل كذا
باسل : اقول دق عليه مره ثانيه وخلصنا
تركي : طيب اعصاب يابو الشباب
دق عليه مره ثانيه وبالموت رد
وطبعا ماكان عمار بوعيه
عمار: نعم
تركي : عمار انت وينك ؟
عمار : هههههههه ايش تبي مني انا مروق ومالي خلقك
تركي : موضوع ضروري ابيك فيه وينك ؟
عمار : مالي خلقك وخليني بمزاجي اخلص ايش تبي
تركي: ابيك تأثر على جدي بشي ضروري يوافق عليه ويشيله من باله
عمار : ايش هو هالشي الخطير اللي تبيني ااثر فيه على جدي
تركي : دينا ياعمار
باسل اشر لتركي يحطه على السبيكر يبي يسمع
عمار : ايش فيها هذي بعد
تركي : ابيك تقنع جدي يشيل من دماغه سالفة هالزواج
عمار : ههههههههههههههههههههههههههههههههه انت صاحي اخليه يشيل هالفكره من باله .. انا اساسا مبسووووووووووووووووووووووووووووط انها بتتزوج ونخلص منها ومن شرها .. ومن باسل اللي يكرها يالله مع السلامه بس
قفل الخط
تركي ناظر باسل : والله شكله مو بوعيه
باسل من بين اسنانه : والله شكل دينا صدقت انه هو ورا هالسالفه
تركي : لاتحط ببالك هالكلام احنا مو متأكدين
باسل بعصبيه : ماشفته كيييييف يتكلم مبسوووووووووط
تركي : ماعليك منه انت
باسل مرر ايده بشعره بتوتر : خلاص انا بروح لابوي اقول له يستعجلوا بالموضوع
تركي : لاتستعجل
باسل انفعل : وين مااستعجل تبي دراستي تضيع مني عشان تنبسطون
تركي : طيب بكيفك انا بروح البيت نعسان وابي انام وراي دوام والامتحانات قربت
باسل اشر له ومشى راح لبيتهم بيتكلم مع ابوه على الزواج خلاص مافي مفر
.
.
.
.
.
دينا : هذا اللي صار
جنان : ايه والله ليش راح عن بالنا عمار
دينا : مافي غيره هو اللي مسوي هالسالفه
جنان : وان ماكان هو فيه امل يغير دماغ جدك
دينا : هه تضحكين على مين ياجنو .. هذاعمااااار ياماما .. يبي يتخلص مني بسهوله تلاقيه الحين مبسووط لاني بتزوج باسل
جنان : انتظري تركي وشوفيه ايش بيقول لك
دينا : مافي شي بيتغير
جنان : بيتغير كل شي بس انتي شيلي هاليأس من راسك
دينا : جنو احس تركي جا يالله بروح له واشوفك بكرا
جنان : اوكي
قفلت دينا الخط وراحت لغرفة تركي
دخلت وسكرت وراها الباب : هاه قول لي ايش صار
تركي تمدد على السرير : ايش بيصير يعني ماتعرفين اخوك
دينا غرقة عيونها : هو ورا السالفه كنت داريه
تركي : مادري يادنو بس هو مبسوط على هالشي
دينا : ايه داريه عنه
تركته وراحت غرفتها تبكي
ماتبيه ومو عارفه ايش تسوي
حتى لو رفضت ماراح تستفيد شي .. لان رفضها مابيجيب نتيجه
**********
شاف رقمها اول ماصحى
دق عليها على طول من غير مايشوف الوقت
بعد كم رنه جا له الرد
سديم : الو
فارس : ياحلو هالصوت والله
سديم : هههههههههه شكلك كنت نايم .. باين من بحة هالصوت
فارس : ههههههههه أي والله جيت من الدوام دايخ وحطيت راسي ونمت ماحسيت بشي ابد
سديم : يالله شد حيلك بهالدراسه
فارس : وانتي بعد .. بس قولي لي كنتي تبين شي لما دقيتي
سديم : لا بس من زمان ماسمعت صوتك .. اشتقت لك
فارس : بعد عمري والله
سديم : فارس
فارس : ياعيون فارس
سديم : تذكر هذيك الرسمه اللي كل واحد رسمها للثاني
فارس : هههههههههه وكيف مااذكرها
سديم : يعني للحين محتفظ فيها
فارس : اكيد مايحتاج له كلام .. هذي منك كيف ماحتفظ فيها
سديم : تدري اليوم طلعتها وجلست اتذكر يوم رسمتها لي
فارس : ههههههههههههه
سديم : والله جد
فارس : ههههههههههههه عاد رسمي انا يموت ضحك
سديم : بعيني الرسمه حلوه .. ورسمة احلى فنان
فارس : انتي اللي عيونك حلوه والله
سديم : تذكر الرسمه يافارس ايش هي
فارس : ههههههههههه ليه تذكريني
سديم : لانها قدامي الرسمه الحين طلعتها
فارس غمض عينه يتذكر الرسمه : كانت قارب وفيها انا وانتي وجزيره بعيده فيها قصر
سديم : بس القصر للحين بعيد يافارس
فارس : راح يصير قريب بس الامواج تلاعبنا شوي
سديم : كيف يعني تلاعبنا ؟
فارس : يعني ساعه تودينا يمين وساعه شمال وساعه تبعدنا وساعه تقربنا
سديم : بس تعبت يافارس
فارس : ماعليه حبيبتي لازم نتحمل .. هذي ضريبة الحب
سديم : هالضرايب بتلاحقنا مابنخلص منها
فارس : هههههههه ماعليه كلها فتره وبتعدي وبنعيش براحه
*********
باسل دخل البيت وشاف ابوه وامه جالسين بالصاله
دخل وجلس : زين لقيتكم جالسين
ابو باسل : فيه شي صاير ياباسل
باسل : لا يبه بس حبيت اكلمكم بموضوع
ام باسل : خير باسل ايش فيه
باسل : لاتخافون بس على موضوع زواجي
ابو باسل : ايش فيه موضوع زواجك
باسل : ابيه بأسرع وقت
ام باسل : غريبه ايش اللي غير رايك
باسل : مابي دراستي تضيع علي بهالعناد
ابو باسل : وبنت عمك دينا
باسل : انا تفاهمت معاها على كل شي وخلوه الاسبوع الجاي الملكه
ام باسل : بهالسرعه مو لازم نجهز
باسل وهو يقوم : مادري بكيفكم بس شوفوا جدي واتفقوا معاه انا بروح انام مصدع راسي
باسل راح غرفته يبي يرتاح
ام باسل : مادري ايش بيجينا من ورا هالزواج
ابو باسل : لاتخافين هي فتره مؤقته بس وبتعدي .. الاهم يرجع هو لدراسته
.
.
.
.
.
واقفه من بعيد تتسمع الكلام
كانت بتدخل بس كلام باسل وقفها
انبسطت بداخلها فيه بنت بتشاركها بهالبيت وبتبعد عنها وحدتها
اول ماحست ان باسل بيقوم راحت تركض لغرفة هشام
دخلتها بدون ماتطق الباب
ريم : هشوووووووووم .. ابو الهش
هشام نقز : خير خير ايش عندك داخله من غير احم ولا دستور
ريم نقزت على سريره : عندي لك خبر طااااااااازه بمليون ريال
هشام : قولي شعندك .. مع اني عارف اخبارك قديمه
ريم : ههههههههههههه خبرك قديم هالخبر جدييييييييد توه الحين
هشام : يالله قولي ايش هالخبر
ريم بحماس : باسل بيتزوج دنووو
هشام بثقه : قديمه .. داري من زمان واصلا من قال لك بيتزوجون هو رافض وهي رافضه مستحيل يتزوجون بعض
ريم : ههههههههههه والله انت القديم ومغبر بعد .. انا توني سامعته يقول للبابا خلاص عجلوا بالزواج ويمكن تصير الملكه الاسبوع الجاي
هشام : ريموووه وخري عني وبلا نصب
ريم : والله جد هذا اللي سمعته
هشام مو قادر يستوعب : انتي متأكده ؟
ريم : متأكده زي مااشوفك الحين قدامي
هشام : كيييييييف يزوجوهااااا ايااااااااااه
ريم استغربت من ردت فعله : ايش فيك
هشام مارد عليها وراح لامه وابوه
: الحين كيف هذا باسل يتزوج دينا
ابو باسل مو فاهم شي : مافهمت عليك
هشام بأنفعال : باسل المفروض مايتزوج دينا هي ماتبيه وهو مايبيها ليه يتزوجون بعض
ابو باسل : انت ايش تقول ياهشام انت عارف جدك هو يبي هالشي
هشام : بس انا ابي دينا
ام باسل منصدمه : ايش تبي فيها هي بتصير زوجة اخوك
هشام : وانااا !
ابو باسل : انت ايش ؟ .. توك على الزواج اذا تخرجت يصير خير
هشام : بس دينا لي انا
ابو باسل : لاحول الله خلاص هشام البنت بتصير زوجة اخوك شيلها من راسك
هشام : كيف تبوني اشيلها من راسي .. عشان بس ماتكلمت ولا قلت اني ابيها خلاص لزقتوهم لبعض
تركهم ومشى
ام باسل : كنا بواحد وصرنا بأثنين !
.
.
.
.
.
.
راح لغرفة باسل بسرعه
وفتح الباب بقوه ..
باسل كان واقف يفتح ازرار قميصه شاف هشام داخل ومعصب : ايش فيك هشام معصب
هشام بعصبيه : ليه تتزوج دينا
باسل : انت تسوي نفسك ماتدري عن شي ولا تستهبل
هشام : لاتتزوجها
باسل : انت ايش جالس تخربط علي
هشام : اقول لك لاتتزوجها .. دينا لي انا مو لك انت
باسل : هههههههه عندك أي كلام روح وقوله لجدي .. هذا ان كانت عندك المقدره تتكلم عنده بشي
هشام : باسل انا ابيها ليه تاخذها مني
باسل : ايش تبي فيها وحده مخها فاضي
هشام : مالك دخل فيني وبأيش ابي
باسل : ههههههههههه ناس ماتبي تتزوج وناس تبي والله حاله
هشام مسك قميص باسل وشده : لاتتزوجهااا فااااهم
باسل سحب نفسه من هشام بالقوه : اذا تبيها روح كلم جدي وفكني من هالزواج .. واذا ماعندك لسان تروح تكلمه فيه خلاص اسكت وانتظر ليمن اطلقها وتتزوجها انت اذا تبيها
هشام عصب وترك باسل وراح لغرفته وسكر الباب بالقوه
: هذول كيف يفهمون ليتني متكلم من قبل .. كنت واثق انهم مابيتزوجون ايش اللي غير الموضوع
***********
اليوم الثاني ..
دينا وسديم جالسين مكتئبين كل وحده بهمها
جاتهم مرام وجنان متحمسين : بنااااااااااااااات جبنا لكم شي خطييييييييييييييير
سديم كالعاده ببرود : وايش هو هالشي
جنان ومرام ناظروا بعض
جنان : مرمر ايش فيهم كذا جالسين كأنهم بعزا
مرام : ابد مو حقين وناسه
دينا : ااففففففف وربي ترا مالي خلقكم
مرام : ههههههههههه روقي ياعروس شلتنا الجديده – لفت على سديم – خلاص انتي صرتي قديمه
سديم : ههههههههههه تكفييييييين عااااااااد
جنان : هههههههههه اقول انتوا ثنتينكم اتركوا عنكم هالنكد وتعالوا جبنا لكم شي ينسييييييييكم همومكم
سديم : هههههههه يالله ورونا ايش جبتوا لنا
مرام : اول قولوا لهالمبوزه تبتسم عشان تطلع الصوره احلى
البنات : ههههههههههههههههههههههههههه
مرام : هههههههههه ايه كذا اضحكي .. الحين نعلمكم ايش جبنا
سديم : يالله عاد قولوا ايش جبتوا
جنان تطلع من الكيس اللي بأيدها غرشه خضرا
سديم : ايش هذا ؟!
جنان : ههههههههه حوله بعد شسوي فيك
دينا : بييييييييييره
مرام : هههههههههههههههههههههه اييييييييييه
جنان : وبالتفاااااااااااااااااااااح
مرام : هههههههههههههه اليوم لازم نفلها
سديم : بس انا مااشربها وعمري ماذقتها
جنان : اليوم تجربينها
سديم : ماابي اجازف .. احسها وع
مرام : وع بعينك .. هذي – تقلد الاعلان وهي ماسكه الغرشه – بربيكان .. هذي حياتي !
البنات : هههههههههههههههههههههه
فتحوا البيره وصاروا يشربون منها ويستهبلون
سديم : ههههههههههههههه انا اشك هالبيره فيها شي
دينا : ههههههههههههههه لا لا احنا مو طبيعيين اليوم
وحده من البنات اللي معاهم بالفصل : بنات بسألكم شي
جنان : اسألي
البنت : ابي اتأكد هذي بيرة شعير ولا شي ثاني ههههههههههههه
البنات :هههههههههههههههههه
مرام : هههههههههههههههه يقولون شعير بس ماندري
البنت : هههههههههههههه والله اشك حالتكم مو طبيعيه كأنكم سكارا
البنات : ههههههههههههههههه
دينا : جد جد بنات .. لايكون مرمر لاعبه علينا وجايبه لنا شي ثاني معبيتهم فيها
مرام : هههههههههههههههههههه والله لاتشككوني بنفسي
جنان : هههههههههههه يالله بصحة عروسنا الجديده
سديم : ههههههههههههههه لا انا كذا تأكدت انه شي ثاني
دينا : بنات جد ابيكم بملكتي تكونون حولي معاي مالي خلق شي
مرام : ههههههههههه انتي انبسطي الحين واذا جا هذاك اليوم يصير خير
سديم : صحيح دنو ماقلت لك
دينا : ايش ؟
سديم : اخوي ثامر يسميك القطوه الشيرازيه ههههههههههه
دينا : ليه
سديم : مره كنت اسولف معاه .. الا قال يعني قطوه شيرازيه ومن هذاك اليوم مايسميك الا كذا .. حتى بجوالي حطيتك القطوه الشيرازيه ههههههههه
جنان : ههههههههه خلاص كلنا نغيرك الى القطوه الشيرازيه
دينا : وانتي الجنيه
جنان : ههههههه راضيه
مرام : هههههههههه الا قولي لي سديم ايش مسميه راشد بجوالك
سديم : بابا رشودي
البنات : ههههههههههههههه
جنان : ههههههههههه من جدك
سديم : ايه من جدي .. كبر ابوي لازم يصير بابا رشودي ههههههههههه
مرام : هههههههه مو صاحيه ابد
**********
الكل متجمع بالقصر الكبير
هاليوم بيكون سعيد على أي اثنين بس مو بمثل حالتهم
جالس بين اهله متوتر ويتمنى الارض تنشق وتبلعه ولا انه يوصل لهالمرحه
مو عارف كيف رضخ لجده ووافق على هالزواج
مافي مفر من التراجع
ويضحي على الاقل عشان دراسته وبعدين يتزوج اللي يبيها هو ويختارها عقله وقلبه
يحس نفسه مخنوق بين كلمات الموجودين والتبريكات
ينتظر اللحظه اللي يقدر يطلع فيها من هالمكان ويروح يشم هوا نظيف
هشام جالس جنبه ومعصب ويهز رجله بتوتر .. البنت اللي يبيها طارت من ايده
باسل بصوت واطي : خلاص ابو الهش وقف رجلك هذي وترتني بروحي موصله عندي
هشام : وربي مو عارف قدر اللي بتاخذها
باسل : اسكت واذا تبيها قول لهم يحولوها عليك وانا اشرد وافتك
هشام : ضحكتني ياخوي .. داري محد بيعطيني وجه ولا كان سويت هالشي من زمان
باسل : انا مو رافع ضغطي غير عماروه الزفت
هشام : ليه ؟
باسل : هو ورا هالسالفه كلها مافي غيره
هشام : ايش ؟!
.
.
.
.
.
بزاويه ثانيه بالمجلس
جالس ومبسوط هذا اللي كان يبيه وصار
ايش يبي اكثر من انه يدمرها ويدمر احلامها
يبتسم ابتسامة النصر وشوي ويقوم ويرقص
.
.
.
.
.
بداخل عند البنات فيهم المبسوط وفيهم الزعلان
الاجواء مختلفه ومتضاربه مع بعضها
منهم من متفائل بهالزواج وانهم بيعيشوا سعيدين وفيهم من متوقع فشلها
ومنهم المبسوطين بأول اثنين من العيله بيتزوجوا
بغرفه مو بعيده ..
جالسه ومالها خلق شي .. معصبه ومتنرفزه
تحس انه اتعس يوم بحياتها
حولها صاحباتها اللي جو عشانها
جنان : خلاص دنو روقي
دينا : وين اروق
مرام تستهبل : اقول دنو اقصد القطوه الشيرازيه على قولة ثامر بتسوون حفله
دينا عطتها نظره
مرام : ههههههههههههه خلاص اتوب
سديم : هههههههه مرمر توبي البنت مو رايقه لهبالك
مرام : شسوي الجو كئيب كأنه عزا مو فرح
دينا : اصلا هو كذا
جنان : طيب منتي طالعه عندهم
دينا : لااااا
مرام : طيب شوي شوي لاتاكلينا
مرام سمعت الاغاني معلين عليها بدل الميوزك نقزت : هههههههههه وناسه بروح .. اشتغل الحين الدي جي
جنان : ههههههههه روحي مالت عليك
ريم جت وجلست معاهم : هاه دنو تعالي طلعي
دينا : ماااالي خلق
يارا : يالله عاد دنو قومي مالك داعي جالسه هنا
جنان : حاولنا فيها ومارضت
يارا : يوووووووه دنووو يالله عاااااد
دينا : والله مالي خلق
ام عمار دخلت : هاه دينا حبيبتي منتي قايمه معاي
دينا : لا ماما مالي خلق
ام عمار : طيب قومي وجلسي معانا وعالاقل تجلسين مع البنات
دينا غرقة عيونها : طيب
جنان قربت منها ومسحت دموع دينا بأيدها : دنو مانبي هالدموع ايش فيك
دينا ضمت جنان وصارت تبكي
جنان : دنو ليه هالبكي الحين
ام عمار : مسحي دموعك حبيبتي ليه كل هذا
دينا : احس نفسي مخنوقه
سديم : خلاص دنو فكيها
دينا ناظرت بسديم يمكن تكون هي الوحيده اللي بتحس فيها : سدوم انتي حاسه فيني الحين اكيد .. انتي مريتي بنفس هالشي
سديم : داريه يادنو وحاسه بس قومي الحين وفليها
دينا : مو قادره
مرام جت لهم : دنووووو بلا دلع ترا عطيناك وجه يالله قومي بس لااجيك بالرشاش الحين
الكل : ههههههههههههه
مرام : والله بسك دلع لا الحين اروح لباسل واقول له يدخل عشان تعرفين ان الله حق
دينا : لا خلاص بقوم
الكل : ههههههههههههههه
ام عمار : كان من زمان هددتيها
مرام : كنت عاطيتها فرصه بس زهقتنا بهالدلع
دينا تناظر خوياتها : بس تنامون معاي اليوم
مرام : انا عادي بدق على امي وبقول لها بنام عندك
دينا : وانتي سديم
سديم : مادري .. ماقدر
جنان : يعني ايش عندك ماعندك شي
مرام : ايه والله الرجال ومشوتته وجالسه تقول ماقدر .. اقول اهجدي بس ونامي هنا
جنان : مرمر مو كأنك تعزمين على كيفك
مرام : عادي البيت بيتي – لفت على ام عمار – صح خالتو
ام عمار : ههههههههه صح بس يالله تعالوا
طلعوا وصاروا البنات يرقصون مبسوطين
.
.
.
.
.
ابو مالك جالس بهيبته بالمجلس بين الرجال : باسل تعال وانا ابوك شوي
باسل قام من مكانه وهو كاره نفسه قرب من جده ودنق : سم
ابو مالك : سم الله عدوينك .. روح اخذ خطيبتك واطلع معاها مطعم
باسل : بس ..
ابو مالك : لا تبسبس لي روح اخذها واطلع معاها
باسل غصبا عنه : طيب
مشى وهو مغصوب مو طايق نفسه
وده تصير مصيبه ولا انه يطلع معاها
راح لتركي
باسل : تركي
تركي : هلا بالعريس
باسل بين اسنانه : لاتقول عريس لاادفنك الحين هنا
تركي : هههههههه طيب طيب .. ايش تبي الحين آمر تدلل
باسل : دق على اختك وقول لها تطلع لي برا
تركي : ايش عندك لايكون بتذبحها
باسل : والله شكلي بذبحك انت
تركي : اجل شتبي فيها
باسل : جدك اوامره ولازم نطيعها
تركي : ليه ايش يقول
باسل يضخم صوته : روح خذ خطيبتك واطلع معاها مطعم
تركي : هههههههههههههه حلووووووووه
باسل يتلفت : اسكت فضحتنا .. المهم دق ولاتعاند وقول لها هذي اوامر جدها ولازم تنفذها ولا بيقوم علينا الحرب
تركي : ههههههههههههههه
باسل : يالله دق خلصنا
تركي دق عليها ماردت : ماترد بدق على جنان اكيد جنبها الحين
بعد كم رنه ردت
جنان : هلا تركي
تركي : هلا جنو .. دنو جنبك ؟
جنان : ايه
تركي : كيفها الحين
جنان : ماشي حالها
تركي : عطيني اياها شوي
جنان مدت الجوال لدينا : خذي تركي يبيك
اخذت الجوال ببرود وردت : الو
تركي : هلا دنو اسمعي اوامر من قائد الجيش
دينا عقدت حواجبها : أي جيش
تركي : قائد جيش عائلة الحالم
دينا : هههههههههههه الله يرجك وايش هالاوامر
تركي : انك تطلعين مع باسل الآن وفورا تروحون لمطعم واي مخالفه لهالاوامر تؤدي لعقوبتكم
دينا : ايش ؟ اطلع !
تركي : دينا داري انك ماتبين بس اطلعي ولاتكبرين الموضوع وباسل ينتظرك برا
دينا بغصه : طيب
قفلت الجوال ورمته بحضن جنان
جنان : ايش فيك دنو معصبه
دينا بصوت واطي : جدي يتحكم فينا من الحين بالطلعه والدخله
جنان : ليه ايش صاير
دينا غرقة عيونها : يبيني اطلع مع باسل نروح مطعم
جنان : دنو لاتعاندين اليوم بشي مرري هاليوم على خير
دينا : طيب
جنان : يالله قومي البسي عباتك
قاموا دينا وجنان
ام عمار : على وين بنات
دينا : بطلع مع باسل
ام عمار ابتسمت : انتبهوا على نفسكم
ام باسل : وقولي لباسل بلا سرعه زايده اعرفه زين مايحس لنفسه وهو يسوق
مرام كان ودها تموت من الضحك من شكل دينا
راحت تلبس عباتها : جنو مو تروحون جلسوا وخلي سديم تجلس هي شكلها منحرجه ومومتعوده بس حاولي فيها تجلس لاتطلع
جنان : طيب
مرام وسديم لحقوهم
مرام : ماوصيك مو تتذابحون
البنات : هههههههههه
سديم : ايه الحين شوي وبتاخذين الكعب فوق راسه
جنان : ههههههههههه والله شكلهم كل واحد بيرجع ومفلوع راسه
البنات : هههههههههههههههه
طلعت دينا ورجعوا البنات جلسوا
سديم كانت بتدق على السواق يجيها
جنان : تدقين على مين
سديم : على السواق يجيني
جنان : يعني تسوين نفسك ماسمعتي دينا
سديم : ماقدر انام
جنان : ماما هناء شوفيها تبي تروح بيتها
ام عمار : ليه ايش عندك بتروحين
جنان : ماعليك ماما ماعندها شي بالبيت بروحها – قربت من سديم بصوت واطي مايسمعه الا هي – واذا على فارس كلميه وانتي عندنا محد لك
سديم تقرص جنان : ههههههههههه انقلعي
ام عمار : سديم مو تروحين نامي هنا
سديم : بس خالتي ..
ام عمار : ماعندك شي عادي نامي عندنا
سديم : طيب
جنان تناقز : يس
الكل : ههههههههههههههههه
.
.
.
.
.
دينا طلعت ولقت باسل بسيارته جالس ينتظر زهقان ويتأفف
دخلت السياره ببرود من غير سلام ولا شي
|
27-08-08, 02:43 AM
جديد مواضيع قسم القصص المكتمله
العرض العادي
