لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


همس قلبي بعد كل هذا الحب الماضي لايعود يوما للكاتبة جلاديولاس

السلام عليكم هذي اول مرة انقل اي رواية هنا اتمنى انها تعجبكم مثل ما عجبتني و ما نقلتها الا و انا عارفة انها هترضي ذوقكم الراقي

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 23-07-08, 07:11 PM   1 links from elsewhere to this Post. Click to view. المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

المنتدى : القصص المكتمله
افتراضي همس قلبي بعد كل هذا الحب الماضي لايعود يوما للكاتبة جلاديولاس

 

السلام عليكم

هذي اول مرة انقل اي رواية هنا اتمنى انها تعجبكم مثل ما عجبتني و ما نقلتها الا و انا عارفة

انها هترضي ذوقكم الراقي و هي للكاتبة جلاديولاس

ردو علي مشان كملها هستنى ردودكم و اللي يفوت و ما يرد يا ويله يا سواد ليه هههههههههه

شرانية مو طيبة يلا هبتدي
بســــــم الله الرحمن الرحيم

المــــقــدمة

عن حبك رحلت..ولحبك وصلت..وهذي سوالف رحلتي ..سافرت .. في كل التراب سافرت .. لديار السحاب ..وهربت

من ليل اللقاء .. وسهر الغياب..كنتي بداية رحلتي وكنتي النهايه ....ودعتك وغصب علي خذتك معايه ..يا طول

هالرحله.. لو هالمسافه والزمن..يا قصر هالرحله .. سافرت من جرح الشجن..يا طولها .. يا قصرها..تصوري إني

نسيت..بس الأكيد إني بكيت لين الدموع تكدست .. أوراق..عن حبك رحلت..ولحبك وصلت..وهذي سوالف

رحلتي..

... : جووووووووووودي .... جووووووووودي .. عمري الله يخليك ابغى باسكن روبنز بلييييييييز

انا : ( اراويك ياقلبي مثل مالعوزتيني برفع لك ظغطك ,, هذا كله يدور بيني وبين نفسي) ساكت ..

: يعني ماترد .. جووودي قلبي ووالله نفسي فيها من زمان ...

( بدلع يذوووووب قلبه وابتسامه ناعمة من حبيبته وهذي الابتسامة هي اللي علقته فيها ) : قلبـــــي انته, حياتــــي انته

,عمــــري انته .أحبــــــــــــــــــــــك بالمـــــــــــــــــــــــــررررة ..

انا ( ياررربي هذي البنت بتذبحني هي تدري اني اموووووووت بدلعها وماااقاوم ابتسامتها ,, شسوي ) ..

... : قلبووو ممكن طلب صغنووون (( وهي تأشر على صبعها الصغير بدلع طفولي ..).

.... " شبيك لبيك حبيبيك بين يديك" طبعاا هذا كله ويانفسه ولا بالوواقع قال لها: نعم خير وشتبين ؟؟؟

طالعتني بإستغراب : قلبي ايش فيك زعلان مني ,, ضايقتك بشئ ,, متضايق من الشغل ,, عمري انـ ...

" ياحبيلك تحاتيني اموووت بشكلها وهي حايرة مثل الطفل اللي مب فاهم شئ آآآآآآآآآآآه بس بلعب عليها شووي" :

شوووفي

يابنت الناس ترى مب فاضي لك ولا لدلعك الماصخ وياليت تخفيفين منه ترااا تلوعين كبدي اففففففف .. هذا اللي

تعلمتيه صج ماعرفووو شلون يصنعونك ,,,,

.... ( ياويل حالي البنت شكلها بتصيح وجهها احمر من الاحراج نزلت راسها ووقفت ): على وين ان شاء الله صدعتي

راسي من الصبح ابي وابي والحين شتبين؟؟؟

( قالت وصوتها خانقته العبره): مـ ... مششكور ما.. .. ابغى شئ ..انسى . وجريت عالغرفة .

( ياويلي كنت ااسولف معها شكلي زودتها حبتين ) لحقتها بالغرفة ( وشفتها تصيح بدون صوت ,, حطيت يدي على كتفها

وشالت يدي بكل هدوء وماشيه بس مسكتها من يدها:عيوني,, ماردت علي وشعرها من كثافته وطوله ماشاء الله عليه

غطى ووجهها عيوني والله كنت اسولف معك يعني امزح ,وانتي زعووووله بسرعه تزعلين ,عمري والله احبك واحـ....

قاطعتني وصوتها كله صياح : ممكن تترك ايدي انا مو زعوله بس انت ماتحب دلعي لانه ماصخ ويلوع كبدتك وانا

اصدع راسك مو؟؟ بروح افارق واريحك مني ,,

لفيتها علي وشديتها لصدري وابتسمت بكل حب : عمري ياغلى وردة بحياتي تدرين اني اعشقك واهواك واموووووووت

بدلعك , واللي يذوبني ابتسامتك والله ثم والله اني كنت برفع ضغطك مثل مالعوزتيني يوم كنا ببيت اختي تذكرين

قلبي ماااحب اشوف دموعك وخميتها بقوووه وهي راسها بصدري خففت يدي من عليها بس هي شدت نفسها علي

وتمسكت فيني وقالت لي بهمس بإذني: لو تدري قد ايش اعشقك ..انت الهوا الي اتنفسه ..انت بلسم لجروحي..

انت الدواء لدائي ..انت نسمة حلوة تدغدغ كياني.. انت الروح.. انت القلب ..انت اجمل ماوهبني ربي

..احبــــــــك.. عشان خاطري

لا تمزح معايا بهالاسلوب كل شئ يهون حتى الظلم ..اصرخ علي اضربني لوتبغى الا اهلي هم دنيتي فلا تظلمني

فيهم..لاني عمري ماارااح ااسامحك

بعدتها عني شوي وانا عاقد حواجبي: قلبي اناقلت لك كنت امزح وياك , ليه تقولين لي هالكلام انا غلط على هليك

بيوم ؟؟

... :صدق عمرك ماغلط بس ببداية زواجنا اممم.. انت فاهمني..

.... : "فهمت وش تقصد سكت لاني فعلا غلط عليها بس الحين انا ندمان , ماقصدت "

قلت لها : للحين مانسيتي ,,للحين حاقدة علي ؟؟

حبيبي انا لو حاقدة عليك كان ماقعدت معك يوم بس حبي لك نساني كل شئ وبديت معك صفحة جديدة بس لا

سمح الله لو دارت الدنيا مادري ايش بيصير انا دايمااا عايشه بخوف

.... : خوووف ( بإستغراب.. ) ؟

... : ايووة اخاف تبعد عني ,, دابماا اادعي الله يجعل يومي قبل يومك..

قلت لها وانا معصب:اشششششششش سكتي ياتقولين خير ياتسكتين

قالت لي بدلع تخفف من عصبيتي : امووووووووووت بالعصبين

ضحكت من قلب: هههههههههههههههه وانا اموووووووووووووت بالمعجبين

ضحكت ضحكتها الناعمة بصوتها الرقيق : ههههههههههههه ههههه .

ومع طيف ذكرياتي كانت ابتسامة على شفاتي مسرع مااختفت هالابتسامة

ظلت كلمتها ترن باذني (كل شئ يهون حتى الظلم الا اهلي هم دنيتي فلا تظلمني فيهم ..)

ماحسيت بنفسي الا انا قدام البيت ..ايه بيتنا بيتنا اللي عشت فيه احلى ايامي ..

ترجلت من السيارة وانا اناظر شفتها بالبلكون تبتسم لي وترسلي بوسه بالهوا لا شعوريااا رفعت يدي وقبضت عليها بكفي

ورفعت قبضتي لشفاي وبوستها وانا مغمض ,, فتحت عيني وانا مبتسم ناظرت البلكون مالقيتها التفت حولي الا انا

بحديقة العمارة تركت لجسمي الحرية التامة ومشت اقدامي لحيث ماتريد وانا قدام الشقة اخذت نفس بيني وبين نفسي

اقول اكيد هي داخل اكيد بتسوي لي مفاجأه ادري فيها تحب تفاجأني ,, فتحت الباب وانا كلي امل اشووف وردتي

من زمن وانا ظمآآن وابي اطفأء ظمأي بعبيرهاا ,,

ظلام مب شايف ..شغلت اللايت كان الغبار هو اول ماستنشقته,,,

.... : البيت مهجور بغياب احبابه مافيه حياة بهجران سكانه ماله طعم بدونك وردتي..ماقدر اجلس احس بختنق ماقدر

اعيش بدونك هذا البيت بيتنا انا وانتي ليه تركتيني ليه ؟؟؟ اسأل وانا ادري بأني انا الغلطاااااااااااااان دوووووووووووم

انتي الحنونة ااااه ..اشوفك بكل ركن بالبيت هنا كنت تنتظريني ,, وهناك كنت تتخبين لا جيتي بتخرعيني هههه ,,

وهنا كنا نلعب اونو وكنت افوز عليكي ههههههه ,, هناك ....

وانا سارح بعالمي لاحظت شئ قطع لي أفكاري وذكرياتي

تحركت لباب االممرالمؤدي لصالون الضيوف فتحت الباب شغلت اللايت واللي شفته صدمني الارض كلها ورد بس

الورد كان جاف

ويابس وانا امشي الورد تحتي تكسر وتفتت مع كل وردة تفتتت احس روحي معها تفتت ,, رفعت بصري وشفت اللي

ماتوقعته ...

الارض كلها ورد وبالنص طاوله عليها شمعدانين والشمع له زمن ساح وانطفى وكرسين مقابل بعض , صحنين وملاعق

وشوك وكاسين , ,, صدمتي باللي شفته الجمت لساني ووقفت مذهول ,,

معقول معقول مب قادر افكر رجليني توديني وتجيبني وانا اناظر بكل شئ الى ان ...

شفت بصحن من الصحون ورقه حمراء مكتوب فيها احبك حياتي "ابتسمت من بين ذهولي"

واخذت الورقه واستنشقت ريحتها رغم الغبار اللي بالغرفه الا ان ريحتها ريحة الغالية ايه انا اشم ريحت الغلا

وكانت في اوراق غيرها بالملعقه ورقه وردية مكتوب فيها اهواااااااك

وبالشوكة وورقه زرقاء فيها اعشقك , وبالسكين وورقه صفراء اغاااااااار عليك

ههههههههههه ضحكت من قلبي ادري فيها غيووووورة واموووت بغيرتها ,, وورقه ملفوفه بالشمعدان مكتوب فيها (( هالمرة

ياقلبي مو راقصه معاااك .. امممم لا تزعل خلاص .. كسرت خاطري ..هههههه .. بأهديك شئ .. لالالا مو اغنيه بأهديك

حياتي,,,,

هالمرة اهديك حياتي بالفعل جوووودي حياتي كلها بين يديك من بعد الله سبحانه وتعالى وابي اعترف لك بكل شئ

,, شكلي حمستك صح ؟؟ .. اجل خلاص بلاش مو معطيتك هي <<<< بتسوي نذاااااله خخخخخخخخخخخخ

اسولف معك ايشبك لا تعصب ,, وهذي بوسه اممممممووووااااااااااااااه كله ولا زعلك( وهنا ابتسمت) ,,طيب قلبي انا

بدخل غرفتي واذا تبغى تشوفني بعد كل اللي عرفته بكون بنتظارك بالغرفة وراح انتظرك طول العمر . الهديه بتلاقيها

بصندوق بدولاب الصالون ليتك ماتستعجل وتتأنى,طيب قلبي ,, ادري فيك دايماا مستعجل ,, لا تنسى احبك وللابد

بنتظرك,, (( محبوبتك )).

ركضت لغرفتنا وفتحت الباب بقوة شغلت اللايت لي زمن ماشفت عشنا اللي يلمنا وحنا بأحضان بعض ,,

السرير مثل ماهو مرتب و منثور عليه ورد جوري احمرحالها حال الورود الباقية جافه يابسه,, وبجامة حمراء ,,,

ابتسمت بمراراة على نفسي ,, ماقدرت اتحمل اكثر تركت الغرفة بدون ماالمس منها شئ واتجهت للصالون

وفتحت الدولاب , ولقيت الصندوق مسكته وانا ارتجف خاااايف من اللي بداخله بس كنت ماسكه بقوووة كأني ماسك

روحها ,, هي قالت حياتها بين يدي ,, شلت الصندوق وحطيته على الطاوله وقعدت على الكرسي وانا اسمي بسم الله

وبيد مرتجفة فتحت الصندوق ( وفتحت عيني بكبرهاا بصدمة من اللي بداخل الصندووق).....


ادري تبون التكملة بس هذي مجرد مقدمة و ذكريات للبطل

يلا بشوف تفاعل هكمل ما بشوف بزعل بس بكمل خخخخخخخخ

 
 

 

عرض البوم صور الطيبة   رد مع اقتباس

قديم 24-07-08, 11:40 AM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

ومن هنا تبدء القصة وتتوضح معالم ابطالنا ,, وهذي ماغير مقدمة بسيطة من اسطر معدودة,,

ابطال القصة من الخيال لكن شخصياتهم حقيقية امممممممم ماقدر اقول انها واقعية بحته , ولا

اقدر اقول انها خيالية بحته,, يقولون انهم حثالة المجتمع السعودي- مالهم اصل..

قصتي اوعدكم تكون غير .. ,, لانه قصة حب بين طرفين يختلفون تماما ,,

وشلون رغم الفوارق اللي بينهم بيجتمعون ؟؟ وشلون تكون الحياة اذا كان الحب انولد من قبل

لا يتشاوفون

قصة حب سعودية بتقولون شلوون قصة سعودية وفيها رومانسية بقولكم تابعو معي قصتي

وبتعرفون..

,,, قصتي ,,,

.. همس قلبي ;;; بعد كل هذا الحــــ الماضي لا يعود ــــب ..
,,هالله هالله بالردود,,

وسلامتكم ,,

************************

همس قلبي ;;; بعد كل هذا الحــــ الماضي لا يعود ــــب


الجزء الأول

الفصل الاول


((هلكني الصبر بغيابك طواني عالم النسيان... جفتني دنيتي بعدك تعال وشوف مأساتي))




ام فهد "تصارخ": اتصلي على اخوووك الحين بسرررررررررررعه ,

نجود"بارتباك وخوف": هاا انا اتصل ..

ام فهد "بعصبيه": لاااااا اناااااا,, اقول ذلفي عن وجهي هاتي الجواااال

فهد : هلا .

ام فهد : فهد الــــــــحق علي

فهد "بخوف": شفييك يمه؟؟

ام فهد "تصيح ": فهد ولدي الحق على ابوك تعبااااااان وطاح علينا

فهد "بارتباك ": زين يمه انا بالطريق لا تحاتين دقايق واكون عندكم .

فهد كان قريب من البيت . وصل بعد 7 دقايق, شال ابوه

بسرعه ودخله السيارة وامه مع ابوه بالمقعد اللي وراء,


ونجود جنب فهد .

وصلو المستشفى فهد جرى على المستشفى وكلم االرسيبشن على ابوه و ركضوا وراه بالسرير المتنقل وحملوه

وظلت ام فهد تصيح فهد يهدي فيها ,كل هذا ونجود هادئة .

فهد استغرب هدؤها لانه يدري فيها تموت بابوي حالتها مب

طبيعيه, قرب منها وحط ايده على كتفها لفت وجهها عينها

بعينه وبعيونها حزن والم تم يناظرها ..

ام فهد "من بين دموعها تصارخ بالم وقهر": ارتحتي الحين انتي

وبنت اختك ارتحتوا والله يانجود لو صار لرجلي شئ

ماتلومون اللي نفسكم ,, لانتي بنتي ولا انا امك,,

تفهمييييييييييين

نجود المسكينه" انصدمت من كلام امها اخر شئ توقعته ان امها

تحملها مسؤلية تعب ابوها ومن الصدمه ظلت ساكته

وتطالع امها بحزن ورحمه"

كل هذا و فهد مو فاهم شلي صار وتم يهدي امه وجلسها

بالاستراحه شوي الا الدكتور يخرج ويوقف فهد ومشى

صوب الدكتور.

فهد :دكتور بشر واللي يسلمك .

الدكتور:مين حضرتك؟

فهد "ببراءه" فهد

الدكتور:يابني ماسألتكش عن البطاقة الشخصيه بقولك تأرب ايه للمريض؟

فهد رافع حاجب"يستعبط الاخ": المريض ابوي , "بقلة

صبر"الحين ممكن تقول لي شفيه ابوي؟؟؟

الدكتور"بهدؤ":نتيجة لارتفاع السكر والضغط ادى الى جلطه

بالقلب بـ....

سمعوا شهقه خوف وكانت ام فهد :جـ.. جلط... لا لااا

فهد "راح لامه يسندها وهو حزين عالحال اللي هم فيه"

توجه لهم الدكتور وقال: ماتخفوش دلؤتي المريض بخير وعدى

مرحلة الخطر بس ياليت ماحدش يزعجوا..

قاطعته ام فهد :بشوفه ابي اطـ...

قاطعها قبل ماتكمل:خلوه يستريح لان الراحه اهم حاجة

محتاجلها..ممنوع الزياره .. الحمدلله على سلامته ..عن اذنكم..

قامت ام فهد تصيح وتقول: محمد ابي اشوفه هذا رجلي ابو عيالي بيحرموني منه.

فهد "الله يهديك يمه من اللي بيحرمك منه": استهدي بالله وادعي له الدكتور طمنا عليه يحتاج للراحه وانتي بعد ترتاحين.

ام فهد :ماارتاح الا اذا شفته ..تكفى يامحمد ابي اشوفه..

فهد : يمه عيني من الله خير برجعك البيت ترتاحين وباذن الله الصبح اجيبك زين

رفضت ام فهد بشدة بس محمد اصر عليها وبالاخير وافقت بشرط ان يجيبها من الصبح

فهد خذا امه واخته نجود ووداهم للبيت كان يفكر انه يكلم نجود ويشوف شفيها البنت.

راحت ام فهد غرفتها ونجود بعد وحمد خذا له شور ,وتلبس وراح غرفة نجود طق الباب محد رد عليه

ظل يطق الباب بس لا مجيب فتحه شوي شوي لقى الغرفة مظلمة شغل اللايت كانت نجود فوق السرير بعباتها استغرب

بس قال يمكن تعبانه جاي يغطيها الا يشوف اكتافها تتحرك حس

انها تصيح ,جلس على السرير و قرب من اذنها :نجود

جوود قلبي شفييك تصيحين؟؟

نجود: .........

فهد : افا عليك ماتعلمين اخوك حبيبك فهد ....... سكت ... زين

براحتك وقت اللي تبيني تدلين غرفتي... قام

فهد وهو عند باب الغرفة الا...

يسمعها تناديه بصوت مكتوم

لف عليها وهي مثل ماهي قرب منها وقعد على ركبه وقال لها

جود حبيبتي قولي لي حد ضايقك بشئ

قبل مايكمل قامت نجود ورمت نفسها عليه تبكي استغرب فهد

بس تم حاضنهاويمسد بحنان على شعرها وهي تبكي

بصوت مسموع الى ان هدت ..بعدها عنه

فهد : جوود شرايك تسوين لي نسكافة وننزل الحديقة..اومأت

براسها بإيجاب وسبقها فهد

فهد بالحديقة بعالمه عالم احلام ماتحقق. بينه وبين نفسه "

للحين مانسيتك ,,اشتقتلك,,اشتقت لرقتك لحسك,,شلونك ؟

شخبارك "بتنهيدة:آآآآآآآآآآآآآآآآه

نجود:سم الله عليك من الااااه..وعطته كوبه

فهد :تسلمين .... .......... بعد سكوت دام فترة .. امممممم

ماراح تعلمميني؟؟"كان ظهره عليها

ماحب يضغط عليها ....

نجود: فهد ... عرفت كل شئ.." فهد التفت عليها مستغرب من كلامها شلي عرفته؟؟؟"..

فهد :شلي عــ.....

قاطعته:وعلمتهم كلهم كلهم كلهم ..بصوتها الم.. فهد انا ما كنت ادري الصدق من الكذب مثلي مثلكم

نجود"وبسخريه":اقصد مثلي مثلهم انت مب مثلنا ..

فهد "واكبر علامة استفهام براسه": نجود شتقولين مثلك مثلهم مثلنا وش ذا لغز ؟؟

نجود "بجدية": انا خبرتهم بالحقيقة اللي انت حاولت تقنعهم بها وماسمعوا لك ..بس.. انا جبت لهم دليل ..

فهد كأنه بدء يستوعب شتقصد"ناظرها بدهشة":انتي تقصدين مــ....

قاطعته نجود" بهستيريا": أي أي قلت لهم ,اقصد وريتهم الادله اللي تثبت كلامي..

فهد "استوعب كل شئ":ابوي درى ..أومأت " نجود"براسها

بايجاب.. كمل فهد :درى وتعــ...

نجود: هو انصدم بس كان بعافيه,, اللي تعبه هو اخــوك .

فهد :تقصدين ...

نجود: ايه ,,اخوك لما عرف كان ممب فحواسه ابوي خاف عليه

بس اللي صار.. سكتت فترة مو قصيرة.. وكأنها ماتبي تذكر .

فهد : نجود قول لي كل اللي صار من البداية كيف عرفتي

وشلون قلتيلهم ومن وين لكِ دليل ؟؟ كل شئ.

نجود : محمد ماابي اذكر ..

قاطعها : نجود طلبتك لا ترديني ... سكتت بعدين استسلمت

وقالت: بقول لك كل شئ من البداية

واللي صار هــــــــــــــو ......

خخخخخخخخخخخ اااسفه قطعت عليكم بس شسوي لازم

انتقل لمكان ثاني ونشوف شصاااار مع ابطالناااا,, تذكرون

جودي , والحبيبةالمجهولة <<< لا مايذكرون اممم اجل خلاص

لاقريتوها قولولي عشان انزل الباقي <<<

شريررررررررررررررة هاهاهاهاههاهاهاههههههااااااي

امزح معكم هاي التكملة

وانا اسمي بسم الله وبيدمرتجفة فتحت الصندوق ( وفتحت عيني بكبرهاا بصدمة من اللي بداخل الصندووق))

عند فتحي للصندوق اصدر صوت جميل يطمن النفس

صوت الشيخ"علي الحذيفي" هي تدري اني احب صوته:

ياحبيلك.

كل اللي شفته ورود كثيرة يابسه "كانت يوم هالورود مافي

احلى منها وكانت الورود عشقها"ادخلت اصابعي وانا امررها

بالورد لمست شئ ثاني داخل فابعدت الورد وشفت دفتر كبير

خرجته بهدؤوقفلت الصندوق

"اكيد هذا اللي تقصده.. هنا حياتها ..وش ممكن يكون داخل..

وانا ابلع ريقي وفتحت الدفتر وكان كالتالي:

(حين تقرأ كلماتي.....فتلامس في قلبك جرحا رسمه الغد

الآتي..وتبحث عن الحب والوفاء....فلا تجده إلا في الدمع

الباكي...حينها.. دع الصمت يتكلم..!!!)

حـــــــــــــــــبي

كيف ابدء اسطر كلماتي ,,احترت اكتبها بقلمي ام بدمي لعلي

اكتبها بريقي ,,,,,,,,,,

استثنيت قلمي الاسود ..دليلاً على حزني ,,

وابعدت ريق شفتي ,,لانه مر بمرارة هجري,,

فقررت ان اكتب بدمي ..لون قلبي ,,وعلامة حبي ,,

فإن تلاشى دمي ومت قبل انتهاء سطوري ..

المس شفتاي باطراف اناملك ,,

وودعـــــني.. وداع المسافر بلا رجوع..

سأروي لك قصة حب شخص لم تراه عينني ..

حيث رائحة المطر ..

حيث اوراق الشجر ..

أولي وجهي نحو قرص الشمس وأنتفض ..

وفي روحي المأسورة الف حزن قاسي وجرح يصرخ بالأحلام

والألم ..

أيمم كفي بالرمال واصرخ :

حيث انت .... تـــوقـــــــــــــــــــــــف....


ماما أنا قلت لك زواج مو متزوجه لو ايش ...

قاطعتني ماما وقالت : يابنتي لا تقاطعيني و أنا أكلمك

إسمعيني للأخر و بعدين سووي اللي تبغيه هدي (هدي=هذي

اهل جدة ماينطقون الذال الا دال)

حياتك,, أنا وأبوكي ماراح نعيش لك طول العمر يا أمي البنت

مالها الا زوج يصونها ويكون لها سند في الدنيا وبعدين

انتي ليش تستعجلي هو لسى(باقي) ماشافك خليه يشوفك

وانتي كمان شوفيه ويصير خير واذا ما كان من نصيبك ومو

مكتوب لكِ خلاص محد غاصبك عليه وبعدين صلي ركعتين

إستخارة وادعي ربك يوفقك,, لمتى راح تبقي بدون زواج

كل اللي في سنك متزوجات انت عارفه كم عمرك؟ 22سنة تراكِ

كبرتي ,

جرحتني كلمتها ( وانا اقول في نفسي دحين عمري 22 سنة

يعني كبيرة والله حرااام اجل الصغيرة كم عمرها) وحسيت

الدمع بعيوني بس قاومتها وكملت تجرحني اللي يسمعها يقول

هذي جربانة الحمد لله والشكر راضيه بشكلي صحيح

اني مو جميله بس الحمد لله اني مملوحة ومقبوله على قولهم

وبصراحه شكلي عاجبني ولله الحمد(كانت حلووووة بس

تتواضع لنفسها لانها ماتحب الغرور خصوصاً بالجمال)

,كملت امها تقول: بعدين اشكري ربك مازال يجوكِ خطاب ولا

غيرك مو لاقي انتي مستكترة (حرف الثاء ينطقونها تاء)

علي افرح انتي لو تشوفي كل صاحباتي بناتهم اتزوجوا وانا

بنتي لا

: ( دحين هذا اللي هامها هه صحباتها).

تخيلي شعوري وهم يسألوني زينب ليش بنتك للان ماتزوجت ؟

كنت قبل كدا اقول لاجل الدراسة بس دحين(الحين)

ماعندك عذر ولاسبب أنا ادري انتي ليش عازفة عن الزواج

رفعت رأسي لاشعوريا وأنا أناظرها والغصة بحلقي مو قادرة

اتكلم,

وقالت لي ماما: يابنتي انا مو نونو أمص أصباعي بس أنا ساكته

بكيفي بس أحبب أقولك مو كل

شئ نبغاه يصير , تجري الرياح بمالاتشتهي السفن ,,فوقي

يابنتي من أحلامك,هذي حياة تعيشيها مرة بالعمر مو فيلم

هندي وانتي كبيرة كفاية تفهمي ايش اقصد ,بعدين عقلك في

رأسك تعرفي خلاصك...قامت ماما وتركتني وانا بحيرة

,حزن,ضياع,,لدرجة ان دموعي على خدودي من غير مااحس

اني ابكي ...

طول الليل وانا افكر حتى اني ماتعشيت معاهم , وكلهم ناموا

قمت توضيت وصليت ركعتين استخير الله فيها وبكيت من

قلبي بكيت على نفسي على عمري على االلي صار لي وطلبت

من ربي انه ييسر لي امري واذا كان لي خيرفيه ييسره

,وان كان شر و تعاسة يبعده, ويكفيناشره ,وبعدها حسيت

براااحه كبيرة ماتوقعتها بس الحمد لله طبقت سجادتي

وشرشف صلاتي وحطيت رأسي على المخدة ونمت .........

قمت من النوم وانا احس شعووور غريب هو سعادة ولا خوف

مادري,سميت بأسم الله واتعوذت من الشيطان الرجيم

بس الحلم اللي شفته ايش تفسيرة كنت خايفه بس مرتاحه

بنفس الوقت

"كيف تجي هذي مرتاحه وخايفه فاهمين شئ امممم ,, لا .. ولا

انا, المهم نكمل"

:ياربي أفسره ولا لا هم يقولو لو رؤيه حلوة اقولها لأحب واقرب

الناس عندي ولو مو حلوة مااقولها لأحد بس انا كنت

فرحانه بس أول ما قمت حسيت بخوووف ,,, افففففففف ياربي

يارحيم ارحمني والله مو فاهمة شئ بس احسن شئ

مااقوله لاحد واسكت ااايوه ماقوله هذا اللي كان يدور في نفسي

وبعد يومين من آخر مرة كلمت ماما فيها كنت احاول اتحاشاهم

ومااقعد معهم حتى اكل مالي نفس اكل ,و كل يوم

أستخير ربي واخيرااا قررت, وبذاك اليوم قلت لازم اكلم ماما

وانهي الموضوع فقمت صليت الصبح ونزلت شفت بابا

وماما صاحين ماشاء الله عليهم دايما كدا يقومو بدري

رفع بابا راسه وطالعني ابتسمت له بس مااردها لي عرفت ان

باله مشغول علي وبنفس الوقت زعلان مني فتقدمت منهم

وسلمت على راسه وايده وكمان سلمت على ماما بس ماما

طنشتني لما مديت ايدي اسلم عليها بس انا اخذت ايدها

غصبن عنها وبوستها وابتسمت لها كمان .. المهم تناولت معهم

الفطور بس كلهم مطنشيني يتكلمو لوحدهم حاولت

ادخل في نقاش معاهم بس ولا كأنه احد يكلمهم قلت بقلبي

( الله يهديكم هو الزواج بالغصب )

وبعدين بابا قام وراح العمل بابا كان تاجر عنده محلات أزياء يعني

ملابس زواجات واشياء كشخه كلها ماركات غير كذا

كان فاتح 3 مطاعم كلها بجدة (عروس البحر الاحمر) احم احم ...

من هنا بابا راح قامت ماما وراه وراحت المطبخ تكلم الشغالات

وتقولهم ايش يجهزو عشان (لاجل) تطبخ وكنت انتظرها

بالصاله واكلمها بس هي مشيت ولا كأنها شافتني ولحقتها

وهي بغرفتها

كنت ساكته وهي كانت فاتحه دولابها ترتب ..........

ساد صمت لدقايق وهي ولا عليها مني بالاخير قلت سمي بالله

وابدئي : ماما , "طبعا ماردت علي بصراحه حركتها ماتشجع

الواحد يتكلم بالاخير قلتلها اللي ابغاه على بلاطه": ماما انا

موافقة اللي تبغوووه سوووه ,وانا من يدكم هذي واشر على

يدي اليمين ليدكم هذي وانا ااشر على يدي الشمال

...كانت ساكته ومعطيتني ظهرها خاب ظني توقعتها

تنبسط ,وتزغرط بس بصراااحه ولا كأني قلت لها شئ .

بعدين قلت لها :ياماما ايش فيكي دحين لما وافقت وسويت اللي

تبغيه مطنشتني ولا كأني أكلمك ليش مو مبسوطه؟

سكتت شويه بعدين قالت لي : انا ماابغاكي تسوي اللي انا

ابغاه بالعكس انا ابغاكي انتي اللي تقرري ودارت ظهرها

وصار وجههامقابل وجهي وشفت شئ عمري ماتمنيت اني

اشوفه شفت ماما تبكي وبسبب مين؟ بسببي طبعا لا شعوريا

جريت لعندها وضميتها وبكيت معاها مادري ليش سويت كدا بس

ماهانت علي هذي امي على طول مسحت دموعها

وبصوت كله ثقة قلت :ماما والله احلف لك اني من نفسي قررت

بدون أي ضغوط وانا كمان استخرت من يوم كلمتيني

وانا كل يوم بالليل استخير وبصراحه ارتحت .

"وشكلها هدءت وصارت تدقق فيني "وقالت لي : متأكدة

قلت لهاوانا ابتسم: ايوة ورخيت (نزلت) رأسي يمكن حيا ويمكن

ماحبيت اخون نفسي واضعف

وشكلها ماما ضنته حيا وفرحت وضمتني ورجعت تبكي

قلتلها :ياماما حرااام عليكي لا تبكي.

قالت لي: هذي دموع الفرح وان شاء الله اشوفك ببيت زوجك

تطبخي وتكنسي

رفعت حواجبي وبصوت مرح :اها هذااللي همك دحين عرفت

انتي ليش بتزوجيني عشان اشتغل ها؟ قالت :ايوه ..

فتحت عيوني ببرأة وكنت مصدقه ,

فضحكت ماما وقالت انتي في بيت ابوكي ماتشتغلي بس ببيت

زوجك بتشتغلي غصبن عليكي.حاولت اسوووي معصبه

بس ماقدرت ضحكت انا وماما . تركتها ورحت اصحي اخواني

:هاني هاني افففف اوريك" وبصريخ" هاااااااااااااااااااااااااااااني

هاني:بسم الله الرحمن الرحيم ليش تصرخي ؟؟ مجنونه

فضحكت بقووووة

هههههههههههههههههههههههههههههههههههه ,

هاني: وربي انك هبله وانا كنت اضحك على شكله ومو قادرة

اسكت

هههههههههههههههه من جد كان شكله مفجوووع واللي

يضحك اكثر ان ياسر كمان صحي والثاني ياسر شكله يموووووت

ضحك هو وشعره مسكين كأنه اتكهرب وشعررره

منفوووووش..خخخخ

وقلتلهم: بكرااا تشتاقوا لي وتتمنوا اجي واصحيكم وماتلاقوني

جنبكم ,بعدين اذا فات الفوت ماينفع الصوت.

وتركتهم بدون مااسمع الرد وهما ماتركو سبه الا وقالوها

مسااااكين خليهم عشان ثاني مرررة من يوم اصحيهم يقومو ا

اما ماجد نور عيني وحبيبي أخذت ااطالع فيه وانا اقومه

بدلع :مجودي قلبي حببيبي قووم يالله حبيبي بعدين

ماااحبك يالله بابا,,مجودي اذا ماقمت ماعاد انام جنبك...

وماكملت كلامي الا هو قاعد وربي احبه حيل من هو عمره

سته شهور وهو كان لعبتي وولدي واخوي وحبيبي ويمكن زاد

حبي له بعد ما... قطعت تفكيري رواء اختي

وهي تقولي:تجي معايا نقطف ورد من الحوووش

قلت لها :يارواء ياقلبي مايقولو لها حوش يقولو لها حديقه.

قالت لي :طيب بس تجي ولا لاء

قلت لها :اذاماجيت ايش تسوووي .

قالت: ولاشئ,

ابتسمت لها وقلت: لو ماجيت مع أختي الوحيدة مع من اجي ابتسمت لي

وصلنا الحديقة وكانت حديقتنا مو كبيرة مررة لا كانت داير مدار

حول البيت وكانت فيه برحه كبيرة كلها ورد روز,

وزهور القرنفل, والجهنمية, والجوري ,والياسمسن. والنرجس

كمان,وزارعين حَبَكْ ودوش وشجرة ليمون وحبحب(

بطيخ) طبعا كان يوم خميس , بعد ماقطفت مع رواء الورد طلعنا

كل واحد غرفته بس جاء مو عد الغداء واكيد بابا على

وصول كنت خايفة ماما تقول لبابا على الغداء قراراي بس قلت لا

اكيد بتقوله بعد الغداء ويمكن بعد العصر يكون ارتاح

يالله, الله يعين دامني اخترت فالله يسهل,,

ونزلت وتغديت معاهم ومثل العاده ماجد و رواء يتناقروا ,

رواء: ماجد فااااااارق انا اخذته قبلك ,,

ماجد:روااااااااااااااااااااااااااااااااااااااااء حرااام عليكي انتي داااايما

تشربِ قبلي,,

رواااء: انا اخذته قبلك وبعدين انا اكبر منك " وبسخريه": ياالله

يالله ابعد لاعطيك كف محترم

وماجد يقول: انتي اقلبي وجهك انت وشكلك اللي رايح سبعه

في سته , طبعا هاني وياسر انفجروااا ضحك على رواء

وانا كنت كاتمة ضحكتي بالقوووة شوي وانفجر , والا بابا يصرخ

هذيك الصرخه

(بــــــــــــــــــــــــــــــــــــــــــــــــ ـــــــــــــــــــــــــــــــــــس....)

وربي حسيت البيت انرج (اهتز) وكلنا سكتنا ونزلنا رؤؤسنا واللي

يطالع


بالاكل وهو ساكت اللي يطالع في ايده وانا من الخوف الله

يكرمكم برووح الحمام وصارت غرفة الطعام هادئة ,,

بابا:انتم ماتستحوا على وجهكم رجال وبشنبات مايملئ عينكم,

وانت يارواء تقولي لماجد أكبر منك هاا اكبره منه بالسن

يمكن بس بالعقل, وربي انك قده( مثله ) هذا اذا ماكنت اصغر

منه..

رواء من الخوف ساكته, وانت ياماجد والله لو سمعتك تتكلم

عالاكل شوووف ايش راح يصير معاك وبالنسبة لكم انتم يااا

رجال طول بعرض والشنب خط على وجيهكم ماتستحوا بدال

ماتسكتوهم قاعدين تتمصخروا

جاء ياسر يتكلم سكته بابا بحركة من يده معناها ( أوووص): انت

ياابو الحريف بالذات لا

تتكلم اعوذ بالله ماصارت عيشه هذي الواحد جاي من الشغل

تعبان يبغى يأكل له لقمه ويرتاح الا انتم تتضاربوا .

انقهرت من اخواني مررررة رفعواضغط بابا حسبي الله عليهم

وانا عندي كل شئ تبغوه مني خذوه الا بابا وماما لا احد

يقول عنهم شئ او يسوي فيهم شئ وقفت وكلهم طالعوا فيني

"ورحت عند باباوبوست راسه ويده وجه وقفا" وقلت له :

امسحه في وجهي ياابو مشاعــل كله الا زعلك , رفع عينه بابا

وانا كنت مبتسمه له وكملت : يالله خلاص عاد مابغى اشوفك

ماد بوزك مترين

وابتسم لي وبعدها ضحك وكلنا ضحكنا معااه وقال: الله يهديكي

يابنتي ويريحيك مثل ماترحيني ببسمتك ,

مشاعل" هذي هي بطلتنا ":دوووووووم ياحلو وكملنا اكل بس

بهدؤ بدون ازعاج... خلصنا غداء وكل واحد راح لغرفته وانا

بطريقي لغرفتي

,ياسر : ورد. وانا نقزت من الفجعه لان الممر كان فاضي وقلت

له: بسم الله ايشبك فجعتني الله ياخذ ابليسك,,

بعدين طالعته بنص عين : خير ان شاء الله شايفه الحكايه فيها

ورد يالله اطربنا بطلباتك يااخ مصلحنجي ,,بصراحه

يأختي الغاليه ورد يااغلى ورده يـ...

قاطعته وانا رافعة حاجب بطريقة استهزاء: حبيبي ياسر ممكن

تقول من الأخير ايش تبغى؟؟ ترى حركات الفرش الناعمة

مو عليَّ ,

ياسر:اووف منك يعني ماقدر ادلعك وانتي اختي الكبيرة و اصلا

انتي مو وجه دلع .

فتحت عيوني الثنتين وقلت له:طيب اقللللللللب وجهك وشوف

من يسوووي لك اللي تبغاه .

ياسر:مشاعل ياحياتي امزح معاكي وانتي بسرعة تصدقي ,

مشاعل: ياسر ابعد عني مو فاضيه لك وهو ساد علي الطريق

ياسر:اختي بس طلب صغنووون وهويأشر عل ى اصباعه

الصغير ,

طالعت بأصباعه ورفعت عيني له :لو كان طلبك مثل اصباعك ذا

معناه مو مصغير مااالت عليك اصغر اصابيعك هو اكبر

من كل اصباع عندي .. يالله فااااارق .

ياسر" يحاول يضحك رغم انه مقهووور منها "اذا لك حاجة عند

ال... قول له ياسيدي.."": ههههههه ماشاءالله عليكي

يااختي صاير دمك خفيف صراحه كامله والكامل الله.

مشاعل : قصره ايش تبغى مني وبدون لف ودورااانهات ماعندك.

ياسر: مشاعل عمري ماطلبتك شئ الا وانتي تذليني يعني

واحد يوم بس وافقي بدون بهدله .

مشاعل:طيب خلاص حزنتني قول ايش عندك...

ياسر: امس وانا رايح الجامعة واحد غبي صدمني من وراء من

عنـ ...

قاطعته : ايييييييييييييش؟؟ قام حط (وضع) ايده على فمي

اووووص ايش فيكي تصرخي انااقولـ... ,,مشاعل:ياسر انت

غبي ماتشوووف , هدي مو اول مرة, كم مرة قلت لك بلا حركات

الصغار انت ماتستحي طول بعرض حتى انك اطول

واعرض مني وللان وانت تصدم سيارتك انا هذي المرة بقول لبابا ,

ياسر: مشاعل دحين بغيتك لي عون صرتي فرعون وهذا انا كنت

ابغاكي تتوسطي لي عندبابا يعطيني فلوس اصلحها ..

مشاعل: لا ياحبيبي اااااااااسفه مو كل مرة انا اقعد اراضي في

بابا وانت تكسر وتفقع وتصدم لا ياحلو احلم ,

ياسر:اهون عليكي وقاعد يسوي لي حركات انه مسكين

وضعيف وربي انه اقوى واخبث واحد فينا ,

مشاعل:انت ماتهون بس ايش اسوي هالمرة لازم تهون يالله

سي يو ,,

ولحقني لغرفتي , وهو يتوسلني وانه اخر مرة وانا اخوكي

الصغير وانتي اللوحيدة اللي تحبني وبتساعدني ومن هالكلام

مشاعل: طيب افكر ,

ياسر "والابتسامه شاقه وجهه شق " : انا عااارف انك

بتساعديني وباسني على راسي ومشي

مشاعل"باستغراب": دحين انا ماقلت طيب انا قلت افكر

قام غمز لي وقال: داام قلتي افكر معناه اكيييييييييد يالله سي

يو يااااحلى وررده .

وربي يقهر ماعليه من احد ..

وانا بغرفتي جلست على سريري وافكاري مشتته مادري

اروح اليوم مع بيت خالتي ولا لاء اخاف ماما تقولهم وعاد البنات

مايصدقوا يحرجوني بعدين فين اودي وجهي احسن

شئ اقول لماما اذا تبغاني اروح معاها ماتقولهم الا اذا جاء

شافني وصار نصيب يكون خير

ياسر :أقول هاني ,

هاني بدون نفس: ها ااا خير ,

ياسر: يالطيف منكم انت واختك عليكم كلام ماتشجعوا الواحد

يتكلم معاكم ,, ولا اختك مشاعل دمهاااااااااا ثقيل

وشايفه نفسها مادري على ايش, اذا عن الجمال في اللي

احلى منها مية مرة واذا على الشهادة ياكثر المتعلمات بالبيوت

,وتبغى

الصراحه انا احلى منها ومتعلم ..ولا هي تتذكر كيف سودت

بوجيهنا ..

قاطعه هاني:اولا انت ماتستحي تقول على اختك هالكلام قال

سودت بوجيهنا قال,,ماااقول غير مااالت عليك ,,ثانيا:

تقارن نفسك بأختك انت رجال وهي بنت مافي وجه مقارنه,

وثالثا:, انت لسى ( باقي)ماتخرجت ,

رابعااا: والاهم من هذا كله اختك مو مغروورة اختك واااثقه من

نفسها ومن غلاوتها عند امك وابوك بالاخص التاني

اللي هو ابوك وانت ماتملك نص غلاوتها عندهم ,,

ياسر : يعني انتم مصدقين اللي قالته لكم ,,من جد قدرت تلعب

على عقولكم..ااااه لاتذكرني وربي كأنهم جابوني من

الشارع , الا كل ماافتح فمي اتكلم ابوك يقول لي اووص كأن

عمري خمسة سنوات مو 20 سنة ..

هاني : ياسر فارقني ترى مو فاضيلك ولا فاضي لغيرتك ..

مشاعل"كل اللي انقال كان على مسمعي" مصدووومه ,

يلا بدي شوف و لو رد واحد ترى بزعل هههههههه
يلا مستنياكم

 
 

 

عرض البوم صور الطيبة   رد مع اقتباس
قديم 24-07-08, 11:48 AM   المشاركة رقم: 3
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,534
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

السلام عليكم ورحمة الله وبركاته
اشلونج الطيبة
عزيزتي اهنيك على اختيارك
قصة جميلة جدا لكاتبة لها اسلوبها المتميز
اختيار الشخصيات كان دقيق واسلوب السرد رائع
ولم تنسى الكاتبة اضافة نصح وارشاد ديني بين طيات صفحات قصتها
حقا امتعتني بأختيارك
وفقك الله عزيزتي

 
 

 

عرض البوم صور ارادة الحياة   رد مع اقتباس
قديم 24-07-08, 12:22 PM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

ارادة تسلمي على مرورك الجميل
و انا كتير بحب هالكاتبة

تسلمي قلبي

 
 

 

عرض البوم صور الطيبة   رد مع اقتباس
قديم 24-07-08, 06:55 PM   المشاركة رقم: 5
المعلومات
الكاتب:
اللقب:
عضو راقي


البيانات
التسجيل: Jul 2008
العضوية: 83871
المشاركات: 2,085
الجنس أنثى
معدل التقييم: بكل العمر عضو بحاجه الى تحسين وضعه
نقاط التقييم: 24

االدولة
البلدPalestine
 
مدونتي

 

الإتصالات
الحالة:
بكل العمر غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

شكراااااااااااااااااااااااااااااااااااااااااااااااااااااااا

 
 

 

عرض البوم صور بكل العمر   رد مع اقتباس
إضافة رد

مواقع النشر (المفضلة)

الكلمات الدلالية (Tags)
همس قلبي بعد كل هذا الحب الماضي لايعود يوما للكاتبة جلاديولاس, همس قلبي بعد كل هذا الحب الماضي لايعود يوما للكاتبة جلاديولاس.همس.قلبي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t85243.html
أرسلت بواسطة For Type التاريخ
Untitled document This thread Refback 15-10-10 03:37 PM


الساعة الآن 08:22 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية